Page of ms. P: _ Page of ms. L: 3R ამისთჳს ესრეთ იტყუის უფალი ღმერთი ისრაჱლისაჲ მწყემსთა ზედა ერისა ჩემისათა: თქუენ განაბნიენით ცხოარნი ჩემნი და განაშორენით იგინი, და უგულებელს-ჰყვენით იგინი. აჰა, ესერა, მე შური ვიძიო თქუენგან უკეთურებისაებრ სლვისა თქუენისა, _ იტყჳს უფალი.
და მე შევიწყალნე ნეშტნი ერისა ჩემისა ყოვლისაგან ქუეყანისა, სადაცა განვაბნიენ იგინი მუნ, დავადგინნე Page of ms. L: 3V [იგინი] საძოარსა ზედა მათსა, და აღორძნდენ და განმრავლდენ.
და აღუდგინნე მათ მწყემსნი, რომელნი ჰმწყსიდენ მათ; და არღარა ეშინოდის მერმე, არცა შეძრწუნდენ, _ იტყუის უფალი.
აჰა, ესერა, დღენი მოვლენან, _ იტყჳს უფალი, _ აღუდგინო დავითს აღმოსავალით [მართალი] და მეუფებდეს მართალი მეუფჱ, ცნას და ყოს განკითხვაჲ და სიმართლჱ ქუეყანასა ზედა.
დღეთა მისთა ცხონდეს იუდაჲ და ისრაჱლმან დაიმკუიდროს სასოებით.
