TITUS
Lectionarium Hierosolymitanum georgice: Pericopae VT
Part No. 102
Previous part

Chapter: 5  
თავი 5


Verse: 1   Link to mcat Link to sept   Page of ms. P: 373V   და მოვიდეს ყოველნი ტომნი ისრაჱლისანი დავითისა ქებრონდ და ჰრქუეს მას: აჰა ესერა ჩუენ ძალნი შენნი და ჴორცნი შენნი ვართ.
Verse: 2   Link to mcat Link to sept   
და გუშინ და ძუღუან, ვიდრე იყო-ღა საულ მეფედ ჩუენ ზედა, შენვე იყავ განმყვანებელ და შემომყვანებელ ისრაჱლისა, და შენ გრქუა უფალმან, ვითარმედ: შენ დამწყსო ერი ჩემი ისრაჱლი, და შენ იყავ წინამძღუარ და მთავარ ისრაჱლისა.
Verse: 3   Link to mcat Link to sept   
და მოვიდეს მოხუცებულნი ისრაჱლისანი დავითისა ქებრონდ და აღუთქუა მეფემან დავით აღთქუმაჲ ქებრონს წინაშე უფლისა, და სცხეს მუნ დავითს მეფედ ყოველსა ისრაჱლსა ზედა.
Verse: 4   Link to mcat Link to sept   
ნაშობი იყო ოც და ათისა წლისაჲ დავით მეფობასა თჳსსა და ორმეოც წელ მეფობდა იუდასა ზედა.
Verse: 5   Link to mcat Link to sept   
და შჳდ წელ და ექუს თთუე მეფობდა იერუსალჱმს, და ოც და ცამეტსა წელსა ყოველსა ზედა იერუსალჱმსა და იუდასა.
Verse: 6   Link to mcat Link to sept   
წარვიდეს დავით მეფჱ და ყოველი ერი მის თანა იობოსელისა მის, რომელი-იგი დამკჳრებულ იყო ყოველსა მას ქუეყანასა. და ეუწყა დავითს, რამეთუ იტყოდეს იობოსელნი იგი, ვითარმედ არა მოვიდეს აქა დავით, რამეთუ ჴდომად აღუდგეს მას ბრმანი და მკელობელნი და იტყოდეს: ნუ მოვალნ აქა დავით.
Verse: 7   Link to mcat Link to sept   
და მიიწია დავით და დაიპყრა ციხის-ციხჱ იგი სიონისაჲ და თქუა: ესე არს ქალაქი დავითისი.
Verse: 8   Link to mcat Link to sept   
და უბრძანა დავით მას დღესა შინა და თქუა: ყოველმან, რომელმან დასცეს იაბოსელი იგი მახჳლითა, აიღენ ბრმათა მათ ზედა და მკელობელთა და მოსრნენ იგინი, რომელთა სძულდა სული დავითისი; რამეთუ ამის გამო თქჳან სიტყჳს ჯერად, ვითარმედ: ბრმანი და მკელობელნი ნუ შევლენედ ტაძრად უფლისა.
Verse: 9   Link to mcat Link to sept   
და დაემკჳდრა დავით ციხის-ციხესა მას და უწოდა მას ქალაქი დავითისი. და აღაშჱნა ქალაქი იგი გარემოჲს ბორცუსა მას და მას შინა აღიქმნა სახლი თჳსი.
Verse: 10   Link to mcat Link to sept   
და ვიდოდა დავით სრბით და განდიდნებოდა და უფალი ყოვლისა-მპყრობელი იყო მის თანა.



Next part



This text is part of the TITUS edition of Lectionarium Hierosolymitanum georgice: Pericopae VT.

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.