TITUS
Lectionarium Hierosolymitanum georgice: Pericopae VT
Part No. 174
Previous part

Chapter: 24  
თავი 24


Verse: 2   Link to oskijer Link to sept   Page of ms. P: 372r   მე პირისაგან მაღლისა გამოვედ, და ვითარცა ნისლმან დავფარე ქუეყანაჲ.
Verse: 3   Link to oskijer Link to sept   
მე მაღალთა შინა დავემკჳრე, და საყდარი ჩემი სუეტსა ღრუბლისასა.
Verse: 4   Link to oskijer Link to sept   
სიმრგულჱ ცისაჲ მივიღე მარტომან და სიღრმესა უფსკრულთალსა ვიდოდე.
Verse: 5   Link to oskijer Link to sept   
ღელვათა ზღჳსათა ყოველსა ქუეყანასა და ყოველსა ზედა ერსა და ნათესავსა მოვიგე.
Verse: 6   Link to oskijer Link to sept   
ამისა შემდგომად განსასუენებელსა ვეძიებდ, ვისსა განვისუენო.
Verse: 7   Link to oskijer Link to sept   
მაშინ მამცნო მე დამბადებელმან ყოველთამან და რომელმან დამამტკიცა კარავსა ჩემსა და მრქუა მე:
Verse: 8   Link to oskijer Link to sept   
იაკობსა შორის დაემკჳდრე და ისრჱლსა შორის დაეშჱნე.
Verse: 9   Link to oskijer Link to sept   
უწინარჱს საუკუნეთა დამამტკიცა მე და ვიდრე საუკუნეთა არა მოვაკლდი.
Verse: 10   Link to oskijer Link to sept   
და საყოფელად ჰმსახურებდე და ესრჱ სიონს შინა დავემტკიცო.
Verse: 11   Link to oskijer Link to sept   
ქალაქსა წმიდასა ეგრევე დამაშჱნა და იერუსალჱმსა ჴელმწიფებაჲ ჩემი.
Verse: 12   Link to oskijer Link to sept   
და ძირნი დავიგნე ე...

Verse: 13   Link to oskijer Link to sept   
Page of ms. P: 158r   ვითარცა ნაძჳ ლიბანისაჲ აღმაღლდი და ვითარცა საროჲ მთათა ერმონისათა.
Verse: 14   Link to oskijer Link to mcat Link to sept   
ვითარცა ფინიკი ავმაღლდი ენგადიმს, და ვითარცა ნერგი ვარდისაჲ იერიქოს.
Verse: 15   Link to oskijer Link to mcat Link to sept   
ვითარცა ზეთისხილი შუენიერი ველსა ზედა, ავმაღლდი ვითარცა ძელქვაჲ.
Verse: 16   Link to oskijer Link to mcat Link to sept   
და ვითარცა კინამოჲ, ვითარცა ასფალათი სულნელთაჲ, და ვითარცა მურმან რჩეულმან მივჰფინე სულნელებაჲ;
Verse: 17   Link to oskijer Link to mcat Link to sept   
ვითარცა ქალბანაჲ და ფრჩხილი და გუნდრუკი, საკუმეველი კარავსა შინა,
Verse: 18   Link to oskijer Link to sept   
მე ვითარცა ბელეკონმან განვირთხენ შტონი ჩემნი და შტონი ჩემნი, შტონი დიდებისა და მადლისანი.
Verse: 19   Link to oskijer Link to mcat Link to sept   
მე ვითარცა ვენაჴმან აღმოვაცენე მადლი და ყუავილი ჩემი ნაყოფი დიდებისა და სიმდიდრისაჲ.
Verse: 20   Link to oskijer Link to mcat Link to sept   
მოვედით ჩემდა, რომელთა გსურის ჩემდა და ნაყოფთა ჩემთაგან აღივსენით.
Verse: 21   Link to oskijer Link to mcat Link to sept   
რამეთუ საჴსენებელი ჩემი უფროჲს თაფლისა ტკბილ არს და სამკჳდრებელი ჩემი უფროჲს თაფლისა გოლისა.
Verse: 22   Link to oskijer Link to mcat Link to sept   
რომელნი მჭამდენ, მერმე შიოდისვე; Page of ms. P: 158v   და რომელნი მსუმიდენ, მერმე სწყუროდისვე;
Verse: 23   Link to oskijer Link to sept   
რომელი მერჩდეს, არა ჰრცხუენოდის; და რომელნი იქადოდიან ჩემდა მომართ, არა ცოდონ.

Verse: 25   Link to oskijer Link to sept   
Page of ms. P: 365v   ესე ყოველი წესი ღმრთისა მაღლისაჲ არს მეცნიერებაჲ ჩუენ ზედა,
Verse: 26   Link to oskijer Link to sept   
რჩეული, რომელი ამცნო მოსჱ სამკჳდრებელად ერსა მას იაკობისსა.
Verse: 27   Link to oskijer Link to sept   
რომელმან პირსპირ აღავსო ვითარცა ფისონი სიბრძნჱ და ვითარცა დავღათი (?) დღეთა მათ ზამთრისათა.
Verse: 28   Link to oskijer Link to sept   
რომელმან აღავსის სიბრძნითა ვითარცა ეფრატი და გონიერებითა აღავსის ვითარცა იორდანე დღეთა მკისათა.
Verse: 29   Link to oskijer Link to sept   
რომელმან გამოაცხადის ვითარცა ნათელი სწავლულებაჲ და ვითარცა გეონი დღეთა მათ სთულებისათა.
Verse: 30   Link to oskijer Link to sept   
არა პირველთა მათ და დასაბამსა მეცნიერებისასა შეუძლონ შეწევნად, ვერცა უკუანაჲსკნელთა გამოიძიონ მისი;
Verse: 31   Link to oskijer Link to sept   
რამეთუ ზღჳსაგან განმრავლდა მეცნიერებაჲ მისი და ზრახვანი მისნი უფსკრულთაგან მრავალთა.
Verse: 32   Link to oskijer Link to sept   
და მე ვითარცა ჯურღმული ერთი მდინარისაგან და ვითარცა ნაკადული ერთი მქანრად დინ სამოთხედ მიმართ.
Verse: 33   Link to oskijer Link to sept   
ვთქუ: მოვრწყო მტილი ჩემი და დავათრვო ყუერბები ჩემი.
Verse: 34   Link to oskijer Link to sept   
ესერა მექმნა მე ნაკადული იგი მდინარე დიდ და მდინარჱ ესე ჩემი შემექმნა მე ზღუად.
Verse: 35   Link to oskijer Link to sept   
აწ აღვიმსთო და განვანათლო მო\ძღურებაჲ Page of ms. P: 366r   ესე ჩემი ვითარცა ცისკარი, რაჲთა ბრწყინვიდეს მიშორამდე.
Verse: 36   Link to oskijer Link to sept   
უფროჲს განვჰფინო მოძღურებაჲ ვითარცა წინაჲსწარმეტყუელებაჲ და განუყო იგი ნათესავსა უკუნისადმე.
Verse: 37   Link to oskijer Link to sept   
აიხილეთ, რამეთუ არა ჩუენთჳს ხოლო ვშუერ, არამედ ყოველთათჳს რომელნი ეძიებენ მას.



Next part



This text is part of the TITUS edition of Lectionarium Hierosolymitanum georgice: Pericopae VT.

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.