Page of ms. P: 157V და რაჟამს მიახლნეს იერუსალჱმს, ბეთბაგედ და ბეთანიად, მთასა თანა ზეთისხილთასა, წარავლინნა იესუ ორნი მოწაფეთა მისთაგანნი.
და ჰრქუა მათ: წარვედით დაბასა მას, რომელ არს წინაშე თქუენსა, და შე-რაჲ-ხჳდოდით მას, ჰპოოთ კიცჳ დაბმული, რომელსა კაცი არა დაჯდომილ იყოს; აჰჴსენით იგი და მომგუარეთ ძე.
და უკუეთუ ვინმე გრქუას რაჲ თქუენ, არქუთ მას, ვითარმედ: უფალსა მაგისსა უჴმს ეგე, და მეყსეულად მოავლინოს აქა.
ხოლო იგინი წარვიდეს და პოვეს კიცჳ იგი დაბმული კართა თანა გარეშე შესავალსა მას და აჰჴსნეს იგი.
ხოლო მუნ მდგომარენი ვინმე ეტყოდეს მათ: რაჲსა ჰზამთ, ანუ რაჲსა აჰჴსნით კიცუსა მაგას?
Page of ms. P: 158R ხოლო მათ ჰრქუეს, ვითარცა-იგი უბრძანა მათ იესუ: დაუტევეს მათ.
და მოჰგუარეს კიცჳ იგი იესუს და დაასხეს მას სამოსელი, და დაჯდა მას ზედა.
და მრავალნი სამოსელსა მათსა დაუფენდეს გზასა ზედა.
და რომელნი წინა-უძღოდეს და რომელნი უკუანა შეუდგეს, ღაღადებდეს და იტყოდეს: ჵსანა მაღალთა შინა! კურთხეულ არს მომავალი სახელითა უფლისაჲთა!
კურთხეულ არს მეუფჱ, ძჱ დავითისი! მშჳდობაჲ ზეცათა შინა და დიდებაჲ მაღალთა ზედა!
Page of ms. P: _ Page of ms. S: 66R და შევიდა იერუსალჱმდ [იესუ] ტაძარსა მას და მიმოჰხედვიდა ყოველსა მას, რამეთუ მწუხრი იყო ჟამი იგი. და გამოვიდა ბეთანიად ათორმეტთა თანა,
Page of ms. S: _ Page of ms. L: 530V და მოვიდა იესუ იერუსალჱმდ Page of ms. L: 531R და შევიდა ტაძარსა მას და იწყო გამოსხმად განმსყიდელთა მიერ ტაძრით; და ტაბლები იგი მეკერმეთაჲ განუბნია და სასხდომელნი იგი მსყიდელთაჲ მათ ტრედისათაჲ დაუმჴუა.
და არა უტევებდა რაჲთა გან-ვინმე-იღოს ჭურჭელი მიერ ტაძრით.
და ასწავებდა და იტყოდა, რამეთუ: წერილ არს: სახლსა ჩემსა სახლ სალოცველ ეწოდოს ყოველთა მიერ წარმართთა, ხოლო თქუენ გიყოფიეს იგი ქუაბ ავაზაკთა.
და ესმა ესე მღდელთმოძღუართა მათ და მწიგნობართა და ეძიებდეს, ვითარმცა წარვიდეს იგინი და წარწყმიდეს; და ეშინოდა მისა, რამეთუ ყოველი ერი განკჳირვებულ იყო მოძღურებასა მისსა.
Page of ms. L: _ Page of ms. P: 349R ... ერსა მას ახარებდა ...
... და ტაძარსა შინა, ზედა-მიუჴდეს მღდელთ-მოძღუარნი იგი და მწიგნობარნი მოხუცებულითურთ,
ეტყოდეს მას და ჰრქუეს: მითხარ ჩუენ, რომლითა ჴელმწიფებითა ამას იქმ, ანუ ვინ მოგცა შენ ჴელმწიფებაჲ ესე?
მიუგო იესუ და ჰრქუა მათ: გკითხო თქუენ სიტყუაჲ და მითხართ მე:
ნათლის-ცემაჲ იოჰანესი ზეცით იყო ანუ კაცთაგან?
ხოლო იგინი შეიზრახნეს ურთიერთას და იტყოდეს: უკუეთუ ვთქუათ, ვითარმედ: ზეცით, გურქუას ჩუენ: და რაჲსათჳს არა გრწმენა მისი?
უკუეთუ ვთქუათ: კაცთაგან, ყოველმან ერმან ქვაჲ დამკრიბოს ჩუენ, რამეთუ სარწმუნო არს იოჰანე წინაწარმეტყუელად.
და მიუგეს და ჰრქუეს: არაჲ ვიცით, ვინაჲ იყო, და ჰრქუა მათ იესუ: არცა მე გითხრა თქუენ, რომლითა ჴელმწიფებითა ამას ვიქმ.
