Page of ms. P: _ Page of ms. L: 531V და მოუჴდა ერთი მწიგნობართაგანი, ესმოდა რაჲ მათი, ვითარ-იგი გამოეძიებდეს მის თანა სიტყუასა, იცოდა, რამეთუ კეთილად მიუგო მათ, ჰკითხა მას მანცა, ვითარმედ რომელი არს პირველი მცნებაჲ?
ხოლო იესუ ჰრქუა მას: ყოვლისა პირველად Page of ms. L: 532R ესე არს: ისმინე, ისრაჱლ: უფალი ღმერთი შენი უფალი ერთ არს;
და შეიყუარო უფალი ღმერთი შენი ყოვლითა გულითა შენითა და ყოვლითა სულითა შენითა და ყოვლითა გონებითა შენითა [და ყოვლითა ძალითა შენითა]. ესე არს პირველი.
და მეორჱ, მსგავსი ამისი: შეიყუარო მოყუასი შენი, ვითარცა თავი თუისი; უფროის ამათსა სხუაჲ მცნებაჲ არა არს.
ჰრქუა მას მწიგნობარმან მან: კეთილად, მოძღუარ, ჭეშმარიტად სთქუ, რამეთუ ერთ არს ღმერთი, და არავინ არს სხუაჲ მისა გარეშე;
და შეყუარებად იგი ყოვლითა სულითა და ყოვლითა ძალითა, ყოვლითა გულისხმის-ყოფითა, და შეყუარებად მოყუასი, [ვითარცა თავი თუისი]; უფროის არს [ესე] ყოველთა მსხუერპლთა შესაწირავთა.
და იესუ იხილა, რამეთუ კეთილად მოუგო მან, და ჰრქუა: არა შორს ხარ სასუფეველსა ღმრთისასა. Page of ms. L: 531V და არავინ იკადრა კითხვად მისა.
მიუგო იესუ, ასწავებდა მათ და ჰრქუა ტაძარსა მას შინა: ვითარ უკუე იტყუიან მწიგნობარნი, რამეთუ: ქრისტე ძეჲ არს დავითისი?
თუით იგი დავით ხადის მას სულითა წმიდითა: ჰრქუა უფალმან უფალსა ჩემსა: დაჯედ მარჯუენით ჩემსა, ვიდრემდის დავსხნე მტერნი შენნი ქუეშე ფერჴთა შენთა.
თუით იგი დავით უფლით ხადის მას, ვითარ ძჱ მისი არს? და მრავალი ერი ისმენდა მისგან ტკბილად.
და ეტყოდა სწავლასა მას მისსა: ეკრძალენით მწიგნობართა მათგან, რომელთა ჰნებავს სამკაულითა სლვაჲ და მოკითხვაჲ უბანთა ზედა,
და ზემოჯდომაჲ კრებულსა შორის, Page of ms. L: 533R პირველ ინაჴითჯდომაჲ პურის ჭამასა;
რომელნი შესჭამენ სახლებსა ქურივთასა და მიზეზით განგრძნობილად ილოცვედ, რომელთა მიიღონ უმეტესი საშჯელი,
დადგა იესუ წინაშე ფასისსაცავსა მას და ხედვიდა, ვითარ-იგი ერი დასდებდა რვალსა ფასისსაცავსა მას. და მრავალთა მდიდართა დადვეს ფრიად.
და მოვიდა ქურივი ერთი გლახაკი და დასხნა ორნი წულილნი.
და მოუწოდა მიწაფეთა თჳსთა, ჰრქუა მათ: ამენ გეტყუი თქუენ, რამეთუ ქურივმან ამან უფროის ყოველთასა შემოწირა ფასისსაცავსა.
რამეთუ ყოველთა ამათ ნამეტნავისა მათისაგან შემოწირეს, ხოლო ამან Page of ms. L: 531V ნაკლულევანებისაგან თუისისა ყოველი, რაჲცა აქუნდა, შემოწირა საცხორებელად თავისა თუისისა.
