TITUS
Biblia Iberica: Psalterium et Odae
Part No. 117
Previous part

Chapter: 117 
Verse: 1  Link to mcat Link to sept Link to armat   აუარებდით უფალსა, რამეთუ კეთილ, რამეთუ უკუნისამდე არს წყალობაჲ მისი;

Verse: 2  Link to mcat Link to sept Link to armat   თქუნ სახლმან ისრაელისამან, (რამეთუ) კეთილ, რამეთუ უკუნისამდე არს წყალობაჲ მისი;

Verse: 3  Link to mcat Link to sept Link to armat   თქუნ სახლმან აჰრონისმან, რამეთუ კეთილ, რამეთუ უკუნისამდე არს წყალობაჲ მისი;

Verse: 4  Link to mcat Link to sept Link to armat   თქუედ მოშიშთა უფლისათა, რამეთუ კეთილ, რამეთუ უკუნისამდე არს წყალობაჲ მისი .

Verse: 5  Link to mcat Link to sept Link to armat   ჭირსა ჩემსა ვხადე უფალსა, ისმინა ჩემი და გამომიყვანა მე ფართოდ.

Verse: 6  Link to mcat Link to sept Link to armat   უფალი არს მწე ჩემდა, არა შემეშინოს; რაჲ მიყოს მე კაცმან?

Verse: 7  Link to mcat Link to sept Link to armat   უფალი შემეწიოს მე, და მე ვიხილო მტერთა ჩემთაჲ.

Verse: 8  Link to mcat Link to sept Link to armat   კეთილ არს სასოებაჲ უფლისაჲ, ვიდრე სასოებასა კაცთასა;

Verse: 9  Link to mcat Link to sept Link to armat   კეთილ არს სასოებაჲ უფლისაჲ ვიდრე სასოებასა მთავართასა.

Verse: 10  Link to mcat Link to sept Link to armat   ყოველი თესლები გარე-მომადგა მე, და სახელითა უფლისაჲთა ვერეოდე მათ.

Verse: 11  Link to mcat Link to sept Link to armat   მოდგომით მომადგეს მე და მომიცვეს მე, და სახელითა უფლისაჲთა ვერეოდე მათ,

Verse: 12  Link to mcat Link to sept Link to armat   მომადგეს მე ვითარცა ფუტკარნი და შეიწუნეს ვითარცა ეკალნი ცეცხლითა, და სახელითა უფლისაჲთა ვერეოდე მათ;

Verse: 13  Link to mcat Link to sept Link to armat   მივდრკი იძულებით დაცემად, და უფალმან ჴელი აღმიპყრა მე,

Verse: 14  Link to mcat Link to sept Link to armat   ძალი ჩემი და გალობაჲ ჩემი უფალი და არს იგი ჩემდა მაცხოვარ.

Verse: 15  Link to mcat Link to sept Link to armat   ჴმაჲ სიხარულისა და ცხორებისაჲ საყოფელსა მართალთასა. მარჯუენემან უფლისამან ქვნა ძალი,

Verse: 16  Link to mcat Link to sept Link to armat   მარჯუენემან უფლისამან ამამაღლა მე და მარჯუენემან უფლისამან ქმნა ძალი.

Verse: 17  Link to mcat Link to sept Link to armat   არა მოვკუდე, არამედ ვცხონდე და განვთქუნე მე საქმენი უფლისანი.

Verse: 18  Link to mcat Link to sept Link to armat   სწავლით განმსწავლა მე უფალმან, და სიკუდილსა არა მიმცა მე.

Verse: 19  Link to mcat Link to sept Link to armat   განმეხუენით მე, ბჭენო სიმართლისანო. შევიდე მას და აუარო უფალსა.

Verse: 20  Link to mcat Link to sept Link to armat   ესე არიან ბჭენი უფლისანი, და მართალნი შევლენან ამას.

Verse: 21  Link to mcat Link to sept Link to armat   აგიარო შენ, რამეთუ ისმინე ჩემი და იყავ ჩემდა მაცხოვარ.

Verse: 22  Link to mcat Link to sept Link to armat   ლოდი, რომელ შეურაცხ-ყვეს მაშენებელთა, იგი იქმნა თავ კიდეთა;

Verse: 23  Link to mcat Link to sept Link to armat   უფლისა მიერ იყო ესე, და არს საკჳრველ წინაშე თუალთა ჩუენთა.

Verse: 24  Link to mcat Link to sept Link to armat   ისე არს დღე, რომელ ქმნა უფალმან; ვიხარებდეთ და ვიშუებდეთ ამას შინა.

Verse: 25  Link to mcat Link to sept Link to armat   ჰე უფალო, მაცხოვნე მე, ჰე უფალო, წარმიმართე მე,

Verse: 26  Link to mcat Link to sept Link to armat   კურთხეულ არს მომავალი სახელითა უფლისაჲთა; გუაკურთხენინ ჩუენ სახლმან უფლისამან.

Verse: 27  Link to mcat Link to sept Link to armat   ღმერთი უფალი და გამოგჳჩნდა ჩუენ; განვმზადოთ დღესასწაუილ სიხარულისაჲ ჟამსა ყუავილისასა კიდედმდე საკურთხეველისა.

Verse: 28  Link to mcat Link to sept Link to armat   ღმერთი ჩემი ხარი შენ, აღგიარო შენ, უფალი; ღმერთი ჩუენი ხარი შენ, და აღამაღლო შენ; აღგიარო შენ, რამეთუ ისმინე ჩემი და იყავ ჩემდა მაცხოვარ.

Verse: 29  Link to mcat Link to sept Link to armat   აუარებდით უფალსა, რამეთუ კეთილ, რამეთუ უკუნისამდე არს წყალობაჲ მისი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.