TITUS
Biblia Iberica: Psalterium et Odae
Part No. 134
Previous part

Chapter: 134 
Verse: 1  Link to mcat Link to sept Link to armat   აქებდით სახელსა უფლისასა, აქებდით მონანი უფლისანი უფალსა,

Verse: 2  Link to mcat Link to sept Link to armat   რომელნი სდგათ სახლსა უფლისასა, ეზოთა სახლისა ღმრთისა ჩუენისათა.

Verse: 3  Link to mcat Link to sept Link to armat   აქებდით უფალსა, რამეთუ სახიერ არს უფალი, უგალობდით სახელსა მისსა, რამეთუ კეთილ;

Verse: 4  Link to mcat Link to sept Link to armat   რამეთუ იაკობი თჳსად გამოირჩია უფალმან და ისრაელი - საბრძანებელად თჳსა.

Verse: 5  Link to mcat Link to sept Link to armat   მე გულისხმა-ვყავ, რამეთუ დიდ არს უფალი და ღმერთი ჩუენი ყოველთა უდიდჱს კერპთა;

Verse: 6  Link to mcat Link to sept Link to armat   ყოველივე, რაჲცა უნდა უფალსა, და ქმნა ცათა შინა და ქუეყანასა ზედა, ზღუათა და ყოველთა უფსკრულთა;

Verse: 7  Link to mcat Link to sept Link to armat   აღმოიყვანნის ღრუბელნი კიდით ქუეყანისაჲთ და ელვანი წჳმად გარდააქცინის, რომელმან გამოიყვანნის ქარნი საუნჯეთაგან თჳსთა;

Verse: 8  Link to mcat Link to sept Link to armat   რომელმან დასცნა პირმშონი ეგჳპტისანი კაცითგან მიპირუტყუადმდე;

Verse: 9  Link to mcat Link to sept Link to armat   გამოავლინნის სასწაულნი მისნი და ნიშნი მისნი შორის შენსა, ეგჳპტე, ფარაოჲს ზედა და ყოველთა მონათა მისთა;

Verse: 10  Link to mcat Link to sept Link to armat   რომელმან დასცა თესლები მრავალი და მოწყჳდნა მეფენი ძლიერნი,

Verse: 11  Link to mcat Link to sept Link to armat   სეონ, მეფჱ ამორეველთაჲ, ოგ, მეფჱ ბასანისაჲ და ყოველნი მეფენი ქანანელთანი;

Verse: 12  Link to mcat Link to sept Link to armat   მისცა ქუეყანაჲ მათი სამკჳდრებელად, სამკჳდრებელად ისრაელსა, მონასა თჳსსა.

Verse: 13  Link to mcat Link to sept Link to armat   უფალო, სახელი შენი უკუნისამდე, უფალო, საჴსენებელი შენი თესლითი თესლადმდე.

Verse: 14  Link to mcat Link to sept Link to armat   რამეთუ განიკითხოს უფალმან ერი თჳსი და მონათა თჳსთა ნუგეშინის-სცეს.

Verse: 15  Link to mcat Link to sept Link to armat   კერპნი წარმართთანი ოქროჲსანი და ვეცხლისანი, ქმნულნი ჴელთა კაცთანი;

Verse: 16  Link to mcat Link to sept Link to armat   პირ ადგს და არა იტყჳან, თუალ ასხენ და არა ჰხედვენ,

Verse: 17  Link to mcat Link to sept Link to armat   ყურ ასხენ და არა ესმის, რამეთუ არა არს სულ პირსა მათსა.

Verse: 18  Link to mcat Link to sept Link to armat   ემსგავსნედ მათ მოქმედნი მათნი და ყოველნი, რომელნი ესვიდენ მათ.

Verse: 19  Link to mcat Link to sept Link to armat   სახლი ისრაელისაჲ აკურთხევდინ უფალსა, სახლი აჰრონისი აკურთხევდინ უფალსა,

Verse: 20  Link to mcat Link to sept Link to armat   სახლი ლევისი აკურთხევდინ უფალსა, მოშიშნი უფლისანი აკურთხევდით უფალსა.

Verse: 21  Link to mcat Link to sept Link to armat   კურთხეულ არს უფალი სიონით გამო, რომელი დამკჳდრებულ არს იერუსალემს.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.