TITUS
Biblia Iberica: Psalterium et Odae
Part No. 47
Previous part

Chapter: 47 
Verse: 2  Link to mcat Link to sept Link to armat   დიდ არს უფალი და ქებულ ფრიად ქალაქსა ღმრთისა ჩუენისასა და მთასა წმიდასა მისსა.

Verse: 3  Link to mcat Link to sept Link to armat   ძირ-მტკიცედ უხაროდენ ყოველსა ქუეყანასა; მთანი სიონისანი, გუერდნი ჩრდილოჲსანი, ქალაქი მეუფისა დიდისაჲ.

Verse: 4  Link to mcat Link to sept Link to armat   ღმერთი ტაძარსა წმიდასა მისსა განცხადებულ არს ჟამსა მას, რომელსაცა შეეწიოს მათ.

Verse: 5  Link to mcat Link to sept Link to armat   რამეთუ ესერა მეფენი ქუეყანისანი შეკრბეს და მოვიდეს ერთად.

Verse: 6  Link to mcat Link to sept Link to armat   მათ იხილეს ესრეთ, დაუკჳრდა, შეშინდეს და შეძრწუნდეს;

Verse: 7  Link to mcat Link to sept Link to armat   და ძრწოლმან შეიპყრნა იგინი; მუნ სალმობაჲ, ვითარცა შობადისაჲ.

Verse: 8  Link to mcat Link to sept Link to armat   ქარითა სასტიკითა შემუსრნეს ნავნი თარშისანი.

Verse: 9  Link to mcat Link to sept Link to armat   ვითარცა გუესმა, ეგრეცა ვიხილეთ ქალაქსა უფლისა ძალთა[ჲ]სა, ქალაქსა ღმრთისა ჩუენისასა; ღმერთმან დააფუძნა იგინი უკუნისამდე.

Verse: 10  Link to mcat Link to sept Link to armat   შევიწყნარეთ, ღმერთო, წყალობაჲ შენი შორის ერსა შენსა.

Verse: 11  Link to mcat Link to sept Link to armat   ვითარცა არს სახელი შენი, ღმერთო, ეგრეცა ქებაჲ შენი ყოველსა ქუეყანასა ზედა; სიმართლითა სავსე არს მარჯუენაჲ შენი.

Verse: 12  Link to mcat Link to sept Link to armat   იხარებდინ მთაჲ სიონი და იშუებდენ ასულნი იუდაჲსნი სამართალთა შენთაგან, უფალო.

Verse: 13  Link to mcat Link to sept Link to armat   მოადეგით სიონსა, მოიცევით იგი და მიუთხრობდით გოდლებსა მისსა.

Verse: 14  Link to mcat Link to sept Link to armat   დასხენით გულნი თქუენნი ძალსა შინა მისსა და განიყავთ გოდლები მისი, რაჲთა მითხრობად შეუძლოთ თქუენ ნათესავსა სხუასა.

Verse: 15  Link to mcat Link to sept Link to armat   რამეთუ ესე არს ღმერთი, ღმერთი ჩუენი უკუნისამდე და უკუნითი უკუნისამდე, და ამან დამმწყსნეს ჩუენ უკუნისამდე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.