TITUS
Biblia Iberica: Psalterium et Odae
Part No. 76
Previous part

Chapter: 76 
Verse: 2  Link to mcat Link to sept Link to armat   ჴმითა ჩემითა ღმრთისა მიმართ ღაღად-ვყავ, ჴმითა ჩემითა ღმრთისა მიმართ, და მომხედნა მე.

Verse: 3  Link to mcat Link to sept Link to armat   დღესა ჭირისა ჩემისასა ღმერთი გამოვიძიე, ჴელითა ჩემითა ღამე მის წინაშე, და არა ვსცეთ; წარეწირა ნუგეშინისცემაჲ სულსა ჩემსა.

Verse: 4  Link to mcat Link to sept Link to armat   მოვიჴსენე ღმერთი და ვიხარე; ვზრუნევდ და მოაკლდა სულსა ჩემსა.

Verse: 5  Link to mcat Link to sept Link to armat   მიეწიფნეს ჴუმილვასა თუალნი ჩემნი, შევძრწუნდი და არა ვიტყოდე.

Verse: 6  Link to mcat Link to sept Link to armat   ჰზრახევდ დღეთა მათ პირველთა და წელიწადნი საუკუნენი

Verse: 7  Link to mcat Link to sept Link to armat   მოვიჴსენენ, ჰზრახევდ: ღამე გულითა ჩემითა ვზრუნევდ, და გამოეძიებდა ჩემგან სული ჩემი.

Verse: 8  Link to mcat Link to sept Link to armat   ნუუკუე განმაგდოს მე უფალმან და არღარა შესძინოს სათნოებაჲ ჩემი?

Verse: 9  Link to mcat Link to sept Link to armat   ანუ სრულიად ნუ დააყენოს წყალობაჲ მისი ჩემგან და აღასრულოს სიტყუაჲ მისი თესლითი თესლამდე?

Verse: 10  Link to mcat Link to sept Link to armat   ანუ და-მე-ივიწყოსა შეწყნარებაჲ ჩემი და დააყენოს მოწყალებაჲ მისი რისხვითა მისითა?

Verse: 11  Link to mcat Link to sept Link to armat   და ვთქუ: აწღა მიწყიეს მე, რამეთუ ესე არს განახლებაჲ მარჯუენისაგან მაღლისა.

Verse: 12  Link to mcat Link to sept Link to armat   მოვიჴსენენ მე საქმენი ღმრთისანი, რამეთუ მოვიჴსენენ მე დასაბამითგან საკჳრველებანი შენნი.

Verse: 13  Link to mcat Link to sept Link to armat   ვიტყოდე ყოველთა მიმართ საქმეთა შენთა, დაბადებულსა ქმნულსა ჴელთა შენთასა ვზრახევდ.

Verse: 14  Link to mcat Link to sept Link to armat   ღმერთო, წმიდასა შინა არიან გზანი შენნი; ვინ არს ღმერთ დიდ, ვითარ ღმერთი ჩუენი?

Verse: 15  Link to mcat Link to sept Link to armat   შენ ხარ ღმერთი, რომელმან ჰყვი საკჳრველი, აუწყე ერსა შენსა ძალი შენი;

Verse: 16  Link to mcat Link to sept Link to armat   იჴსენ მკლავითა შენითა ერი შენი, ძენი იაკობისნი და იოსებისნი.

Verse: 17  Link to mcat Link to sept Link to armat   გიხილეს შენ წყალთა, ღმერთო, გიხილეს შენ წყალთა და შეეშინა, შეძრწუნდეს უფსკრულნი

Verse: 18  Link to mcat Link to sept Link to armat   დიდძალითა ქავილითა წყლისაჲთა. ჴმა-სცეს ღრუბელთა რამეთუ ისარნი შენნი ვლენან.

Verse: 19  Link to mcat Link to sept Link to armat   ჴმაჲ ქუხილისა შენისაჲ ურმის თუალსა, გამოჩნდეს ელვანი შენნი, სოფელმან იხილა და შეძრწუნდა ქუეყანაჲ.

Verse: 20  Link to mcat Link to sept Link to armat   ზღუასა ზედა არიან გზანი შენნი, ალაგნი შენნი წყალთა ზედა მრავალთა, და კუალნი შენნი არა საცნაურ არიან.

Verse: 21  Link to mcat Link to sept Link to armat   უძეღუ ვითარცა ცხოვარსა ერსა შენსა ჴელითა მოსესითა და აჰარონისითა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.