TITUS
Biblia Iberica: Psalterium et Odae
Part No. 89
Previous part

Chapter: 89 
Verse: 1  Link to mcat Link to sept Link to armat   უფალო, შესავედრებელ მეყავ ჩუენ თესლითი თესლამდე.

Verse: 2  Link to mcat Link to sept Link to armat   ვიდრე მთანი არღა დაბადებულ იყვნეს და შექმნულ ქუეყანაჲ და ყოველი სოფელი, საუკუნითგან და უკუნისამდე შენ ხარ.

Verse: 3  Link to mcat Link to sept Link to armat   ნუ მიაქცევ კაცთა სიმდაბლედ, სთქუ: მოიქეცით, ძენო კაცთანო.

Verse: 4  Link to mcat Link to sept Link to armat   რამეთუ ათასი წელი თუალთა წინაშე უფლისათა ვითარცა გუშინდელი ეგე, რომელ წარჴდა და ვითარცა საჴუმილავი ერთი ღამისაჲ.

Verse: 5  Link to mcat Link to sept Link to armat   წელნი მათნი შეურაცხებით იყვნენ, განთიად ვითარცა მწუანე აღმოსცენდენ,

Verse: 6  Link to mcat Link to sept Link to armat   განთიად ვითარცა მწუანე მხიარულ იყვნენ და ყუავოდიან, მწუხრი დაჭნენ და განჴმენ და დაცუივენ.

Verse: 7  Link to mcat Link to sept Link to armat   რამეთუ მომაკლდა ჩუენ რისხვითა შენითა და გულის წყრომითა შენითა შევძრწუნდით.

Verse: 8  Link to mcat Link to sept Link to armat   დავსხენით ბრალნი ჩუენნი წინაშე შენსა და ცხორებაჲ ჩუენი - ნათელსა პირისა შენისასა .

Verse: 9  Link to mcat Link to sept Link to armat   რამეთუ ყოველთა დღეთა ჩუენთა მომაკლდა ჩუენ და რისხვითა შენითა შევძრწუნდით; ჟამი წელთა ჩუენთაჲ დაუდგრომელ არს, ვითარცა ქსელი დედაზარდლისაჲ.

Verse: 10  Link to mcat Link to sept Link to armat   რიცხჳ დღეთა და წელიწადთა ჩუენთაჲ რაჲთურთით სამეოცდაათ წელ, უკუეთუ უმეტეს, ოთხმეოც წელ, და უმრავლესი მათგანი შრომით და სალმობით; რამეთუ მოვიდა ჩუენ ზედა სიმშჳდე, და ჩუენ განვისწავლენით.

Verse: 11  Link to mcat Link to sept Link to armat   ვინ-მე უკუე ცნას ძალი რისხვისა შენისაჲ, ანუ შიშითა შენითა გულის წყრომაჲ შენი ვინ არაცხოს?

Verse: 12  Link to mcat Link to sept Link to armat   მარჯუენე შენი ესრეთ აჩუენე, უფალო, მდაბალთა და გულითა სწავლულთა - სიბრძნჱ შენი.

Verse: 13  Link to mcat Link to sept Link to armat   მოიქეც, უფალო! ვიდრემდის? და ნუგეშინის-ეც მონათა შენთა.

Verse: 14  Link to mcat Link to sept Link to armat   აღვივსენით ჩუენ ცისკარსა წყარობითა შენითა, ვიხარებდეთ და ვიშუებდეთ ყოველთა დღეთა ცხორებისა ჩუენისათა

Verse: 15  Link to mcat Link to sept Link to armat   მათ დღეთა წილ, რომელთა დამამდაბლენ ჩუენ და წელთა მათ, რომელთა ვიხილეთ ჩუენ ჭირი.

Verse: 16  Link to mcat Link to sept Link to armat   მოგუხედენ მონათა შენთა, უფალო, და ქმნულსა ჴელთა შენთასა, წარუძეღუ ძეთა მათთა.

Verse: 17  Link to mcat Link to sept Link to armat   იყავნ ნათელი უფლისა ღმრთისა ჩუენისაჲ ჩუენ ზედა, საქმენი ჴელთა ჩუენთანი წარჰმართენ ჩუენ ზედა, უფალო, და ქმნული ჴელთა ჩუენთაჲ წარგჳმართე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.