TITUS
Vetus Testamentum graece iuxta LXX interpretes
Part No. 680
Previous part

Chapter: 111 
Verse: 1  Αλληλουια.
Μακάριος ἀνὴρ ὁ ϕοβούμενος τὸν κύριον,
ἐν ταῖς ἐντολαῖς αὐτοῦ ϑελήσει σϕόδρα·
Verse: 2  δυνατὸν ἐν τῇ γῇ ἔσται τὸ σπέρμα αὐτοῦ,
γενεὰ εὐϑείων εὐλογηϑήσεται·
Verse: 3  δόξα καὶ πλοῦτος ἐν τῷ οἴκῳ αὐτοῦ,
καὶ ἡ δικαιοσύνη αὐτοῦ μένει εἰς τὸν αἰῶνα τοῦ αἰῶνος.
Verse: 4  ἐξανέτειλεν ἐν σκότει ϕῶς τοῖς εὐϑέσιν
ἐλεήμων καὶ οἰκτίρμων καὶ δίκαιος.
Verse: 5  χρηστὸς ἀνὴρ ὁ οἰκτίρων καὶ κιχρῶν,
οἰκονομήσει τοὺς λόγους αὐτοῦ ἐν κρίσει·
Verse: 6  ὅτι εἰς τὸν αἰῶνα οὐ σαλευϑήσεται,
εἰς μνημόσυνον αἰώνιον ἔσται δίκαιος.
Verse: 7  ἀπὸ ἀκοῆς πονηρᾶς οὐ ϕοβηϑήσεται·
ἑτοίμη ἡ καρδία αὐτοῦ ἐλπίζειν ἐπὶ κύριον.
Verse: 8  ἐστήρικται ἡ καρδία αὐτοῦ, οὐ μὴ ϕοβηϑῇ,
ἕως οὗ ἐπίδῃ ἐπὶ τοὺς ἐχϑροὺς αὐτοῦ
Verse: 9  ἐσκόρπισεν, ἔδωκεν τοῖς πένησιν·
ἡ δικαιοσύνη αὐτοῦ μένει εἰς τὸν αἰῶνα τοῦ αἰῶνος,
τὸ κέρας αὐτοῦ ὑψωϑήσεται ἐν δόξῃ.
Verse: 10  ἁμαρτωλὸς ὄψεται καὶ ὀργισϑήσεται,
τοὺς ὀδόντας αὐτοῦ βρύξει καὶ τακήσεται·
ἐπιϑυμία ἁμαρτωλῶν ἀπολεῖται. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.