TITUS
Vetus Testamentum graece iuxta LXX interpretes
Part No. 657
Previous part

Chapter: 88 
Verse: 1  Συνέσεως Αιϑαν τῷ Ισραηλίτῃ.
Verse: 2  Τὰ ἐλέη σου, κύριε, εἰς τὸν αἰῶνα ᾄσομαι,
εἰς γενεὰν καὶ γενεὰν ἀπαγγελῶ τὴν ἀλήϑειάν σου ἐν τῷ // στόματί μου,
Verse: 3  ὅτι εἶπας Εἰς τὸν αἰῶνα ἔλεος οἰκοδομηϑήσεται·
ἐν τοῖς οὐρανοῖς ἑτοιμασϑήσεται ἡ ἀλήϑειά σου
Verse: 4  Διεϑέμην διαϑήκην τοῖς ἐκλεκτοῖς μου,
ὤμοσα Δαυιδ τῷ δούλῳ μου
Verse: 5  ῞Εως τοῦ αἰῶνος ἑτοιμάσω τὸ σπέρμα σου
καὶ οἰκοδομήσω εἰς γενεὰν καὶ γενεὰν τὸν ϑρόνον σου.
διάψαλμα.
Verse: 6  ἐξομολογήσονται οἱ οὐρανοὶ τὰ ϑαυμάσιά σου, κύριε,
καὶ τὴν ἀλήϑειάν σου ἐν ἐκκλησίᾳ ἁγίων.
Verse: 7  ὅτι τίς ἐν νεϕέλαις ἰσωϑήσεται τῷ κυρίῳ,
καὶ τίς ὁμοιωϑήσεται τῷ κυρίῳ ἐν υἱοῖς ϑεοῦ;
Verse: 8  ὁ ϑεὸς ἐνδοξαζόμενος ἐν βουλῇ ἁγίων,
μέγας καὶ ϕοβερὸς ἐπὶ πάντας τοὺς περικύκλῳ αὐτοῦ.
Verse: 9  κύριε ὁ ϑεὸς τῶν δυνάμεων, τίς ὅμοιός σοι;
δυνατὸς εἶ, κύριε, καὶ ἡ ἀλήϑειά σου κύκλῳ σου.
Verse: 10  σὺ δεσπόζεις τοῦ κράτους τῆς ϑαλάσσης,
τὸν δὲ σάλον τῶν κυμάτων αὐτῆς σὺ καταπραύνεις.
Verse: 11  σὺ ἐταπείνωσας ὡς τραυματίαν ὑπερήϕανον
καὶ ἐν τῷ βραχίονι τῆς δυνάμεώς σου διεσκόρπισας τοὺς // ἐχϑρούς σου.
Verse: 12  σοί εἰσιν οἱ οὐρανοί, καὶ σή ἐστιν ἡ γῆ·
τὴν οἰκουμένην καὶ τὸ πλήρωμα αὐτῆς σὺ ἐϑεμελίωσας.
Verse: 13  τὸν βορρᾶν καὶ ϑαλάσσας σὺ ἔκτισας,
Θαβωρ καὶ Ερμων ἐν τῷ ὀνόματί σου ἀγαλλιάσονται.
Verse: 14  σὸς ὁ βραχίων μετὰ δυναστείας·
κραταιωϑήτω ἡ χείρ σου, ὑψωϑήτω ἡ δεξιά σου.
Verse: 15  δικαιοσύνη καὶ κρίμα ἑτοιμασία τοῦ ϑρόνου σου,
ἔλεος καὶ ἀλήϑεια προπορεύσεται πρὸ προσώπου σου.
Verse: 16  μακάριος ὁ λαὸς ὁ γινώσκων ἀλαλαγμόν·
κύριε, ἐν τῷ ϕωτὶ τοῦ προσώπου σου πορεύσονται
Verse: 17  καὶ ἐν τῷ ὀνόματί σου ἀγαλλιάσονται ὅλην τὴν ἡμέραν
καὶ ἐν τῇ δικαιοσύνῃ σου ὑψωϑήσονται.
Verse: 18  ὅτι τὸ καύχημα τῆς δυνάμεως αὐτῶν εἶ σύ,
καὶ ἐν τῇ εὐδοκίᾳ σου ὑψωϑήσεται τὸ κέρας ἡμῶν.
Verse: 19  ὅτι τοῦ κυρίου ἡ ἀντίλημψις
καὶ τοῦ ἁγίου Ισραηλ βασιλέως ἡμῶν.
Verse: 20  τότε ἐλάλησας ἐν ὁράσει τοῖς ὁσίοις σου
καὶ εἶπας ᾽Εϑέμην βοήϑειαν ἐπὶ δυνατόν,
ὕψωσα ἐκλεκτὸν ἐκ τοῦ λαοῦ μου·
Verse: 21  εὗρον Δαυιδ τὸν δοῦλόν μου,
ἐν ἐλαίῳ ἁγίῳ μου ἔχρισα αὐτόν.
Verse: 22  ἡ γὰρ χείρ μου συναντιλήμψεται αὐτῷ,
καὶ ὁ βραχίων μου κατισχύσει αὐτόν·
Verse: 23  οὐκ ὠϕελήσει ἐχϑρὸς ἐν αὐτῷ,
καὶ υἱὸς ἀνομίας οὐ προσϑήσει τοῦ κακῶσαι αὐτόν·
Verse: 24  καὶ συγκόψω τοὺς ἐχϑροὺς αὐτοῦ ἀπὸ προσώπου αὐτοῦ
καὶ τοὺς μισοῦντας αὐτὸν τροπώσομαι.
Verse: 25  καὶ ἡ ἀλήϑειά μου καὶ τὸ ἔλεός μου μετ' αὐτοῦ,
καὶ ἐν τῷ ὀνόματί μου ὑψωϑήσεται τὸ κέρας αὐτοῦ·
Verse: 26  καὶ ϑήσομαι ἐν ϑαλάσσῃ χεῖρα αὐτοῦ
καὶ ἐν ποταμοῖς δεξιὰν αὐτοῦ.
Verse: 27  αὐτὸς ἐπικαλέσεταί με Πατήρ μου εἶ σύ,
ϑεός μου καὶ ἀντιλήμπτωρ τῆς σωτηρίας μου·
Verse: 28  κἀγὼ πρωτότοκον ϑήσομαι αὐτόν,
ὑψηλὸν παρὰ τοῖς βασιλεῦσιν τῆς γῆς.
Verse: 29  εἰς τὸν αἰῶνα ϕυλάξω αὐτῷ τὸ ἔλεός μου,
καὶ ἡ διαϑήκη μου πιστὴ αὐτῷ·
Verse: 30  καὶ ϑήσομαι εἰς τὸν αἰῶνα τοῦ αἰῶνος τὸ σπέρμα αὐτοῦ
καὶ τὸν ϑρόνον αὐτοῦ ὡς τὰς ἡμέρας τοῦ οὐρανοῦ.
Verse: 31  ἐὰν ἐγκαταλίπωσιν οἱ υἱοὶ αὐτοῦ τὸν νόμον μου
καὶ τοῖς κρίμασίν μου μὴ πορευϑῶσιν,
Verse: 32  ἐὰν τὰ δικαιώματά μου βεβηλώσουσιν
καὶ τὰς ἐντολάς μου μὴ ϕυλάξωσιν,
Verse: 33  ἐπισκέψομαι ἐν ῥάβδῳ τὰς ἀνομίας αὐτῶν
καὶ ἐν μάστιξιν τὰς ἁμαρτίας αὐτῶν,
Verse: 34  τὸ δὲ ἔλεός μου οὐ μὴ διασκεδάσω ἀπ' αὐτοῦ
οὐδὲ μὴ ἀδικήσω ἐν τῇ ἀληϑείᾳ μου
Verse: 35  οὐδὲ μὴ βεβηλώσω τὴν διαϑήκην μου
καὶ τὰ ἐκπορευόμενα διὰ τῶν χειλέων μου οὐ μὴ ἀϑετήσω.
Verse: 36  ἅπαξ ὤμοσα ἐν τῷ ἁγίῳ μου, εἰ τῷ Δαυιδ ψεύσομαι
Verse: 37  Τὸ σπέρμα αὐτοῦ εἰς τὸν αἰῶνα μενεῖ
καὶ ὁ ϑρόνος αὐτοῦ ὡς ὁ ἥλιος ἐναντίον μου
Verse: 38  καὶ ὡς ἡ σελήνη κατηρτισμένη εἰς τὸν αἰῶνα·
καὶ ὁ μάρτυς ἐν οὐρανῷ πιστός.
διάψαλμα.
Verse: 39  σὺ δὲ ἀπώσω καὶ ἐξουδένωσας,
ἀνεβάλου τὸν χριστόν σου·
Verse: 40  κατέστρεψας τὴν διαϑήκην τοῦ δούλου σου,
ἐβεβήλωσας εἰς τὴν γῆν τὸ ἁγίασμα αὐτοῦ.
Verse: 41  καϑεῖλες πάντας τοὺς ϕραγμοὺς αὐτοῦ,
ἔϑου τὰ ὀχυρώματα αὐτοῦ δειλίαν·
Verse: 42  διήρπασαν αὐτὸν πάντες οἱ διοδεύοντες ὁδόν,
ἐγενήϑη ὄνειδος τοῖς γείτοσιν αὐτοῦ.
Verse: 43  ὕψωσας τὴν δεξιὰν τῶν ἐχϑρῶν αὐτοῦ,
εὔϕρανας πάντας τοὺς ἐχϑροὺς αὐτοῦ·
Verse: 44  ἀπέστρεψας τὴν βοήϑειαν τῆς ῥομϕαίας αὐτοῦ
καὶ οὐκ ἀντελάβου αὐτοῦ ἐν τῷ πολέμῳ.
Verse: 45  κατέλυσας ἀπὸ καϑαρισμοῦ αὐτόν,
τὸν ϑρόνον αὐτοῦ εἰς τὴν γῆν κατέρραξας·
Verse: 46  ἐσμίκρυνας τὰς ἡμέρας τοῦ χρόνου αὐτοῦ,
κατέχεας αὐτοῦ αἰσχύνην.
διάψαλμα.
Verse: 47  ἕως πότε, κύριε, ἀποστρέψεις εἰς τέλος,
ἐκκαυϑήσεται ὡς πῦρ ἡ ὀργή σου;
Verse: 48  μνήσϑητι τίς μου ἡ ὑπόστασις·
μὴ γὰρ ματαίως ἔκτισας πάντας τοὺς υἱοὺς τῶν ἀνϑρώπων;
Verse: 49  τίς ἐστιν ἄνϑρωπος, ὃς ζήσεται καὶ οὐκ ὄψεται ϑάνατον,
ῥύσεται τὴν ψυχὴν αὐτοῦ ἐκ χειρὸς ᾅδου;
διάψαλμα.
Verse: 50  ποῦ εἰσιν τὰ ἐλέη σου τὰ ἀρχαῖα, κύριε,
ἃ ὤμοσας τῷ Δαυιδ ἐν τῇ ἀληϑείᾳ σου;
Verse: 51  μνήσϑητι, κύριε, τοῦ ὀνειδισμοῦ τῶν δούλων σου,
οὗ ὑπέσχον ἐν τῷ κόλπῳ μου, πολλῶν ἐϑνῶν,
Verse: 52  οὗ ὠνείδισαν οἱ ἐχϑροί σου, κύριε,
οὗ ὠνείδισαν τὸ ἀντάλλαγμα τοῦ χριστοῦ σου. //
Verse: 53  Εὐλογητὸς κύριος εἰς τὸν αἰῶνα.
γένοιτο γένοιτο.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.