TITUS
Vetus Testamentum graece iuxta LXX interpretes
Part No. 578
Previous part

Chapter: 9 
Verse: 1  Εἰς τὸ τέλος, ὑπὲρ τῶν κρυϕίων τοῦ υἱοῦ·
ψαλμὸς τῷ Δαυιδ.
Verse: 2  ᾽Εξομολογήσομαί σοι, κύριε, ἐν ὅλῃ καρδίᾳ μου,
διηγήσομαι πάντα τὰ ϑαυμάσιά σου·
Verse: 3  εὐϕρανϑήσομαι καὶ ἀγαλλιάσομαι ἐν σοί,
ψαλῶ τῷ ὀνόματί σου, ὕψιστε.
Verse: 4  ἐν τῷ ἀποστραϕῆναι τὸν ἐχϑρόν μου εἰς τὰ ὀπίσω
ἀσϑενήσουσιν καὶ ἀπολοῦνται ἀπὸ προσώπου σου,
Verse: 5  ὅτι ἐποίησας τὴν κρίσιν μου καὶ τὴν δίκην μου,
ἐκάϑισας ἐπὶ ϑρόνου, ὁ κρίνων δικαιοσύνην.
Verse: 6  ἐπετίμησας ἔϑνεσιν, καὶ ἀπώλετο ὁ ἀσεβής,
τὸ ὄνομα αὐτῶν ἐξήλειψας εἰς τὸν αἰῶνα καὶ εἰς τὸν αἰῶνα // τοῦ αἰῶνος·
Verse: 7  τοῦ ἐχϑροῦ ἐξέλιπον αἱ ῥομϕαῖαι εἰς τέλος, καὶ πόλεις καϑεῖλες,
ἀπώλετο τὸ μνημόσυνον αὐτῶν μετ' ἤχους.
Verse: 8  καὶ ὁ κύριος εἰς τὸν αἰῶνα μένει,
ἡτοίμασεν ἐν κρίσει τὸν ϑρόνον αὐτοῦ,
Verse: 9  καὶ αὐτὸς κρινεῖ τὴν οἰκουμένην ἐν δικαιοσύνῃ,
κρινεῖ λαοὺς ἐν εὐϑύτητι.
Verse: 10  καὶ ἐγένετο κύριος καταϕυγὴ τῷ πένητι,
βοηϑὸς ἐν εὐκαιρίαις ἐν ϑλίψει·
Verse: 11  καὶ ἐλπισάτωσαν ἐπὶ σὲ οἱ γινώσκοντες τὸ ὄνομά σου,
ὅτι οὐκ ἐγκατέλιπες τοὺς ἐκζητοῦντάς σε, κύριε.
Verse: 12  ψάλατε τῷ κυρίῳ τῷ κατοικοῦντι ἐν Σιων,
ἀναγγείλατε ἐν τοῖς ἔϑνεσιν τὰ ἐπιτηδεύματα αὐτοῦ,
Verse: 13  ὅτι ἐκζητῶν τὰ αἵματα αὐτῶν ἐμνήσϑη,
οὐκ ἐπελάϑετο τῆς κραυγῆς τῶν πενήτων.
Verse: 14  ἐλέησόν με, κύριε, ἰδὲ τὴν ταπείνωσίν μου ἐκ τῶν ἐχϑρῶν μου,
ὁ ὑψῶν με ἐκ τῶν πυλῶν τοῦ ϑανάτου,
Verse: 15  ὅπως ἂν ἐξαγγείλω πάσας τὰς αἰνέσεις σου
ἐν ταῖς πύλαις τῆς ϑυγατρὸς Σιων·
ἀγαλλιάσομαι ἐπὶ τῷ σωτηρίῳ σου.
Verse: 16  ἐνεπάγησαν ἔϑνη ἐν διαϕϑορᾷ, ᾗ ἐποίησαν,
ἐν παγίδι ταύτῃ, ᾗ ἔκρυψαν, συνελήμϕϑη ὁ ποὺς αὐτῶν·
Verse: 17  γινώσκεται κύριος κρίματα ποιῶν,
ἐν τοῖς ἔργοις τῶν χειρῶν αὐτοῦ συνελήμϕϑη ὁ ἁμαρτωλός.
ᾠδὴ διαψάλματος.
Verse: 18  ἀποστραϕήτωσαν οἱ ἁμαρτωλοὶ εἰς τὸν ᾅδην,
πάντα τὰ ἔϑνη τὰ ἐπιλανϑανόμενα τοῦ ϑεοῦ·
Verse: 19  ὅτι οὐκ εἰς τέλος ἐπιλησϑήσεται ὁ πτωχός,
ἡ ὑπομονὴ τῶν πενήτων οὐκ ἀπολεῖται εἰς τὸν αἰῶνα.
Verse: 20  ἀνάστηϑι, κύριε, μὴ κραταιούσϑω ἄνϑρωπος,
κριϑήτωσαν ἔϑνη ἐνώπιόν σου·
Verse: 21  κατάστησον, κύριε, νομοϑέτην ἐπ' αὐτούς,
γνώτωσαν ἔϑνη ὅτι ἄνϑρωποί εἰσιν.
διάψαλμα.
Verse: 22  ἵνα τί, κύριε, ἀϕέστηκας μακρόϑεν,
ὑπερορᾷς ἐν εὐκαιρίαις ἐν ϑλίψει;
Verse: 23  ἐν τῷ ὑπερηϕανεύεσϑαι τὸν ἀσεβῆ ἐμπυρίζεται ὁ πτωχός,
συλλαμβάνονται ἐν διαβουλίοις, οἷς διαλογίζονται.
Verse: 24  ὅτι ἐπαινεῖται ὁ ἁμαρτωλὸς ἐν ταῖς ἐπιϑυμίαις τῆς ψυχῆς // αὐτοῦ,
καὶ ὁ ἀδικῶν ἐνευλογεῖται·
Verse: 25  παρώξυνεν τὸν κύριον ὁ ἁμαρτωλός
Κατὰ τὸ πλῆϑος τῆς ὀργῆς αὐτοῦ οὐκ ἐκζητήσει·
οὐκ ἔστιν ὁ ϑεὸς ἐνώπιον αὐτοῦ.
Verse: 26  βεβηλοῦνται αἱ ὁδοὶ αὐτοῦ ἐν παντὶ καιρῷ,
ἀνταναιρεῖται τὰ κρίματά σου ἀπὸ προσώπου αὐτοῦ,
πάντων τῶν ἐχϑρῶν αὐτοῦ κατακυριεύσει·
Verse: 27  εἶπεν γὰρ ἐν καρδίᾳ αὐτοῦ Οὐ μὴ σαλευϑῶ,
ἀπὸ γενεᾶς εἰς γενεὰν ἄνευ κακοῦ.
Verse: 28  οὗ ἀρᾶς τὸ στόμα αὐτοῦ γέμει καὶ πικρίας καὶ δόλου,
ὑπὸ τὴν γλῶσσαν αὐτοῦ κόπος καὶ πόνος.
Verse: 29  ἐγκάϑηται ἐνέδρᾳ μετὰ πλουσίων
ἐν ἀποκρύϕοις ἀποκτεῖναι ἀϑῷον,
οἱ ὀϕϑαλμοὶ αὐτοῦ εἰς τὸν πένητα ἀποβλέπουσιν·
Verse: 30  ἐνεδρεύει ἐν ἀποκρύϕῳ ὡς λέων ἐν τῇ μάνδρᾳ αὐτοῦ,
ἐνεδρεύει τοῦ ἁρπάσαι πτωχόν,
ἁρπάσαι πτωχὸν ἐν τῷ ἑλκύσαι αὐτόν·
Verse: 31  ἐν τῇ παγίδι αὐτοῦ ταπεινώσει αὐτόν,
κύψει καὶ πεσεῖται ἐν τῷ αὐτὸν κατακυριεῦσαι τῶν πενήτων.
Verse: 32  εἶπεν γὰρ ἐν καρδίᾳ αὐτοῦ ᾽Επιλέλησται ὁ ϑεός,
ἀπέστρεψεν τὸ πρόσωπον αὐτοῦ τοῦ μὴ βλέπειν εἰς τέλος.
Verse: 33  ἀνάστηϑι, κύριε ὁ ϑεός, ὑψωϑήτω ἡ χείρ σου,
μὴ ἐπιλάϑῃ τῶν πενήτων·
Verse: 34  ἕνεκεν τίνος παρώξυνεν ὁ ἀσεβὴς τὸν ϑεόν;
εἶπεν γὰρ ἐν καρδίᾳ αὐτοῦ Οὐκ ἐκζητήσει.
Verse: 35  βλέπεις, ὅτι σὺ πόνον καὶ ϑυμὸν κατανοεῖς
τοῦ παραδοῦναι αὐτοὺς εἰς χεῖράς σου·
σοὶ οὖν ἐγκαταλέλειπται ὁ πτωχός,
ὀρϕανῷ σὺ ἦσϑα βοηϑῶν.
Verse: 36  σύντριψον τὸν βραχίονα τοῦ ἁμαρτωλοῦ καὶ πονηροῦ,
ζητηϑήσεται ἡ ἁμαρτία αὐτοῦ, καὶ οὐ μὴ εὑρεϑῇ δι' αὐτήν·
Verse: 37  βασιλεύσει κύριος εἰς τὸν αἰῶνα καὶ εἰς τὸν αἰῶνα τοῦ αἰῶνος,
ἀπολεῖσϑε, ἔϑνη, ἐκ τῆς γῆς αὐτοῦ.
Verse: 38  τὴν ἐπιϑυμίαν τῶν πενήτων εἰσήκουσεν κύριος,
τὴν ἑτοιμασίαν τῆς καρδίας αὐτῶν προσέσχεν τὸ οὖς σου
Verse: 39  κρῖναι ὀρϕανῷ καὶ ταπεινῷ,
ἵνα μὴ προσϑῇ ἔτι τοῦ μεγαλαυχεῖν ἄνϑρωπος ἐπὶ τῆς γῆς. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.