TITUS
Vetus Testamentum graece iuxta LXX interpretes
Part No. 660
Previous part

Chapter: 91 
Verse: 1  Ψαλμὸς ᾠδῆς, εἰς τὴν ἡμέραν τοῦ σαββάτου.
Verse: 2  ᾽Αγαϑὸν τὸ ἐξομολογεῖσϑαι τῷ κυρίῳ
καὶ ψάλλειν τῷ ὀνόματί σου, ὕψιστε,
Verse: 3  τοῦ ἀναγγέλλειν τὸ πρωὶ τὸ ἔλεός σου
καὶ τὴν ἀλήϑειάν σου κατὰ νύκτα
Verse: 4  ἐν δεκαχόρδῳ ψαλτηρίῳ μετ' ᾠδῆς ἐν κιϑάρᾳ.
Verse: 5  ὅτι εὔϕρανάς με, κύριε, ἐν τῷ ποιήματί σου,
καὶ ἐν τοῖς ἔργοις τῶν χειρῶν σου ἀγαλλιάσομαι.
Verse: 6  ὡς ἐμεγαλύνϑη τὰ ἔργα σου, κύριε·
σϕόδρα ἐβαϑύνϑησαν οἱ διαλογισμοί σου.
Verse: 7  ἀνὴρ ἄϕρων οὐ γνώσεται,
καὶ ἀσύνετος οὐ συνήσει ταῦτα.
Verse: 8  ἐν τῷ ἀνατεῖλαι τοὺς ἁμαρτωλοὺς ὡς χόρτον
καὶ διέκυψαν πάντες οἱ ἐργαζόμενοι τὴν ἀνομίαν,
ὅπως ἂν ἐξολεϑρευϑῶσιν εἰς τὸν αἰῶνα τοῦ αἰῶνος.
Verse: 9  σὺ δὲ ὕψιστος εἰς τὸν αἰῶνα, κύριε·
Verse: 10  ὅτι ἰδοὺ οἱ ἐχϑροί σου ἀπολοῦνται,
καὶ διασκορπισϑήσονται πάντες οἱ ἐργαζόμενοι τὴν ἀνομίαν,
Verse: 11  καὶ ὑψωϑήσεται ὡς μονοκέρωτος τὸ κέρας μου
καὶ τὸ γῆράς μου ἐν ἐλαίῳ πίονι,
Verse: 12  καὶ ἐπεῖδεν ὁ ὀϕϑαλμός μου ἐν τοῖς ἐχϑροῖς μου,
καὶ ἐν τοῖς ἐπανιστανομένοις ἐπ' ἐμὲ πονηρευομένοις ἀκούσεται // τὸ οὖς μου.
Verse: 13  δίκαιος ὡς ϕοῖνιξ ἀνϑήσει,
ὡσεὶ κέδρος ἡ ἐν τῷ Λιβάνῳ πληϑυνϑήσεται.
Verse: 14  πεϕυτευμένοι ἐν τῷ οἴκῳ κυρίου
ἐν ταῖς αὐλαῖς τοῦ ϑεοῦ ἡμῶν ἐξανϑήσουσιν·
Verse: 15  ἔτι πληϑυνϑήσονται ἐν γήρει πίονι
καὶ εὐπαϑοῦντες ἔσονται
Verse: 16  τοῦ ἀναγγεῖλαι ὅτι εὐϑὴς κύριος ὁ ϑεός μου
καὶ οὐκ ἔστιν ἀδικία ἐν αὐτῷ. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.