TITUS
Vetus Testamentum graece iuxta LXX interpretes
Part No. 666
Previous part

Chapter: 97 
Verse: 1  Ψαλμὸς τῷ Δαυιδ.
῎Αισατε τῷ κυρίῳ ᾆσμα καινόν,
ὅτι ϑαυμαστὰ ἐποίησεν κύριος·
ἔσωσεν αὐτῷ ἡ δεξιὰ αὐτοῦ
καὶ ὁ βραχίων ὁ ἅγιος αὐτοῦ.
Verse: 2  ἐγνώρισεν κύριος τὸ σωτήριον αὐτοῦ,
ἐναντίον τῶν ἐϑνῶν ἀπεκάλυψεν τὴν δικαιοσύνην αὐτοῦ.
Verse: 3  ἐμνήσϑη τοῦ ἐλέους αὐτοῦ τῷ Ιακωβ
καὶ τῆς ἀληϑείας αὐτοῦ τῷ οἴκῳ Ισραηλ·
εἴδοσαν πάντα τὰ πέρατα τῆς γῆς τὸ σωτήριον τοῦ ϑεοῦ ἡμῶν.
Verse: 4  ἀλαλάξατε τῷ ϑεῷ, πᾶσα ἡ γῆ,
ᾄσατε καὶ ἀγαλλιᾶσϑε καὶ ψάλατε·
Verse: 5  ψάλατε τῷ κυρίῳ ἐν κιϑάρᾳ,
ἐν κιϑάρᾳ καὶ ϕωνῇ ψαλμοῦ·
Verse: 6  ἐν σάλπιγξιν ἐλαταῖς καὶ ϕωνῇ σάλπιγγος κερατίνης
ἀλαλάξατε ἐνώπιον τοῦ βασιλέως κυρίου.
Verse: 7  σαλευϑήτω ἡ ϑάλασσα καὶ τὸ πλήρωμα αὐτῆς,
ἡ οἰκουμένη καὶ οἱ κατοικοῦντες ἐν αὐτῇ·
Verse: 8  ποταμοὶ κροτήσουσιν χειρὶ ἐπὶ τὸ αὐτό,
τὰ ὄρη ἀγαλλιάσονται,
Verse: 9  ὅτι ἥκει κρῖναι τὴν γῆν·
κρινεῖ τὴν οἰκουμένην ἐν δικαιοσύνῃ
καὶ λαοὺς ἐν εὐϑύτητι.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.