TITUS
Book: Sl.Ig. 
The Igor Tale

СЛОВО О ПЪЛКУ ИГОРЕВѢ,
ИГОРЯ СЫНА СВЯТОСЛАВЛЯ,
ВЬНУКА ОЛЬГОВА

Critical edition


On the basis of the edition by
Roman Jakobson (1964)
prepared for the TITUS collection
by Sigurdur H. Pálsson,
Vienna 1994;
TITUS version by Jost Gippert,
Frankfurt a/M, 28.2.1998 / 21.6.1998 / 1.6.2000 / 31.8.2002 / 15.2.2004 / 13.11.2004



[For the sake of easy alignment, links to the diplomatic edition by Adrianova-Peretc were added. J.G.]



Chapter: 1 
Chapter 1 Link to igorsh


Paragraph: 1    Не лѣпо ли ны бѣщеть, братие, начяти старыми словесы трудьныхъ повѣстии о пълку Игоревѣ, Игоря Святославичя?

Paragraph: 2    Начяти же ся тои пѣсни по былинамъ сего врѣмене <веремене>, а не по замыщлению Бояню.

Paragraph: 3    Боянъ бо вѣщии, аще <аче> кому хотяше пѣснь творити, то растѣкашеть <рос-> ся мыслию по дрѣву <дереву>, сѣрымь вълкъмь по земли, сизымь орьлъмь подъ облакы <оболокы>.

Paragraph: 4    Помьняшеть бо - рече - пьрвыхъ врѣменъ <веременъ> усобицѣ, - тъгда пыщяшеть десять соколовъ <*соколъ> на стадо лебедии: которыѣ дотечяше, та прѣди <переди> пѣснь пояше.

Paragraph: 5    Боянъ же, братие, не десять соколовъ <*соколъ> на стадо лебедии пущяше, дъ своѣ вѣщѣѣ пьрсты на живыѣ струны въскладаше; оны же самы къняземъ славу рокотаху: старому Ярослабу, храброму <хороброму> Мьстиславу, иже зарѣза Редедю прѣдъ <передъ> пълкы Касожьскыми, красному Романови Святославичю.

Paragraph: 6    Почьнѣмъ же, братие, повѣсть сию, зане же болѣзнь къняземь о земли Руськои отъ стараго Владимѣра <Володи-> до нынѣшьняго Игоря, иже истягну умъ крѣпостию своею и поостри сьрдьця своего мужьствъмь.

Paragraph: 7    Напълнивъ ся ратьнаго духа, наведе своѣ храбрыѣ <хоробрыѣ> пълкы на землю Половьчьскую за землю Русьскую.



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.