TITUS
Biblia Udica, Versio Nizhensis: Vetus Testamentum
Part No. 21
Previous part

Chapter: 21 

Verse: 1  Link to rat Hun šoṭoġoy be͑ś me ḳanunxo laxalanu:
   Hun şot'oğoy běš me k'anunxo laxalanu:



Äbraniġoxun bakala ḳulurxoy barada ḳanunxo
Əbraniğoxun bakala k'ulurxoy barada k'anunxo



(Ḳan. 15:12-18)
(K'an. 15:12-18)


Verse: 2  Link to rat Vä͑xun sunṭin äbrani ḳul haq̇ayin, ṭe ḳulen u͑q usen q̇ulluġbeq̇an, vu͑ġu͑mǯi usen isä iz aġan ṭe ḳulaxun tängä haq̇inuṭ šoṭo tärbeq̇an. *
   Və̌xun sunt'in əbrani k'ul haq'ayin, t'e k'ulen ǔq usen q'ulluğbeq'an, vǔğǔmci usen isə iz ağan t'e k'ulaxun təngə haq'inut' şot'o tərbeq'an. *

Verse: 3  Link to rat Ägär ṭe ḳul täke hareysa, barta täkäl taceq̇an. Ama ägär eġaṭan iz čuux buneysa, barta čuuxal šoṭoxun sagala azad bakeq̇an.
   Əgər t'e k'ul təke hareysa, barta təkəl taśeq'an. Ama əgər eğat'an iz çuux buneysa, barta çuuxal şot'oxun sagala azad bakeq'an.

Verse: 4  Link to rat Ägär ḳula iz aġane čuux tadesa, ošaal šoṭoġoy äyloxe bakesa, ṭe vädä čuuxal, äyloxal aġaye, ḳul isä täke azad baksa.
   Əgər k'ula iz ağane çuux tadesa, oşaal şot'oğoy əyloxe bakesa, t'e vədə çuuxal, əyloxal ağaye, k'ul isə təke azad baksa.

Verse: 5  Link to rat Ama ḳulen uḳayin: "Zu bezi aġa, bezi čuġo q̇a äyloġo čurezsa, šoṭaynaḳal azad baksun tez čuresa,"
   Ama k'ulen uk'ayin: "Zu bezi ağa, bezi çuğo q'a əyloğo çurezsa, şot'aynak'al azad baksun tez çuresa,"

Verse: 6  Link to rat ṭe vädä barta ḳule aġan šoṭo \ Buxaʒ́uġo bul ḳoc̣bala galaq̇an ečeri. Ḳula ćomo nääl ćomoy ṭo͑ġin daxṭaḳa ṭayaġbi iz u͑mu͑ġo bizen dešibeq̇an. Ṭe vädä me ḳul ömürluġ ṭe aġaye baksa. *
   t'e vədə barta k'ule ağan şot'o \ Buxačuğo bul k'os'bala galaq'an eçeri. K'ula ç̌omo nəəl ç̌omoy t'ǒğin daxt'ak'a t'ayağbi iz ǔmǔğo bizen deşibeq'an. T'e vədə me k'ul ömürluğ t'e ağaye baksa. *

Verse: 7  Link to rat Sa amdaren iz xuyärä ḳul ḳinäḳ toydayin, šo išq̇ar ḳulurxollariḳ maq̇an azadbaki.
   Sa amdaren iz xuyərə k'ul k'inək' toydayin, şo işq'ar k'ulurxollarik' maq'an azadbaki.

Verse: 8  Link to rat Ägär ṭe xuyär aġay xošel ṗä͑mǯi čuux ḳinäḳ nu eġayin, aġan ṭe xuyäri toya iz bavaxun exṭi šoṭo azadbeq̇an. Aġay ṭe xuyärä q̇äribä toysṭuna exṭiyär teno, šoṭaynaḳ ki, šoṭo fereṭedi.
   Əgər t'e xuyər ağay xoşel p'ə̌mci çuux k'inək' nu eğayin, ağan t'e xuyəri toya iz bavaxun ext'i şot'o azadbeq'an. Ağay t'e xuyərə q'əribə toyst'una ext'iyər teno, şot'aynak' ki, şot'o feret'edi.

Verse: 9  Link to rat Ägär aġan šoṭo iz ġareynaḳ niśan tadayin, šoṭoxun iz xuyär ḳinäḳq̇an räfṭärbi.
   Əgər ağan şot'o iz ğareynak' nišan tadayin, şot'oxun iz xuyər k'inək'q'an rəft'ərbi.

Verse: 10  Link to rat Ägär ṭe amdaren saal čuux haq̇ayin, me ḳul-čuġoy ukuna, paltara saal izi čuux ḳinäḳ bakala haq̇q̇a maq̇an kambi.
   Əgər t'e amdaren saal çuux haq'ayin, me k'ul-çuğoy ukuna, paltara saal izi çuux k'inək' bakala haq'q'a maq'an kambi.

Verse: 11  Link to rat Ägär aġan ṭe čuġoy me xib haq̇q̇a tene tasṭasa, me čuux hiḳḳal ödäyinšinuṭ č̣eri taceq̇an.
   Əgər ağan t'e çuğoy me xib haq'q'a tene tast'asa, me çuux hik'k'al ödəyinşinut' c'eri taśeq'an.



Bisuna layiġ bakalorox
Bisuna layiğ bakalorox


Verse: 12  Link to rat Amdara duġi besṗalo biyalane. *
   Amdara duği besp'alo biyalane. *

Verse: 13  Link to rat Ama ṭe amdaren q̇äsṭen tene bespesa, me äšäl Buxaʒ́uġoy äšesa, ṭe vädä šo Zu täyinbi šähäreq̇an ṭiṭeri. *
   Ama t'e amdaren q'əst'en tene bespesa, me əşəl Buxačuğoy əşesa, t'e vədə şo Zu təyinbi şəhəreq'an t'it'eri. *

Verse: 14  Link to rat Ama sa amdaren q̇eräz amdara q̇äsṭen besṗayin, ṭe amdara lap Zaynaḳ q̇urban ečala ganuxunal exṭi besṗanan.
   Ama sa amdaren q'erəz amdara q'əst'en besp'ayin, t'e amdara lap Zaynak' q'urban eçala ganuxunal ext'i besp'anan.

Verse: 15  Link to rat Iz bava nääl nana kul alabala amdar biyalane.
   İz bava nəəl nana kul alabala amdar biyalane.

Verse: 16  Link to rat Amdara bašq̇i toydiyo biyalane. Bašq̇i amdara hälä toydinut biq̇eciyoval biyalane. *
   Amdara başq'i toydiyo biyalane. Başq'i amdara hələ toydinut biq'eśiyoval biyalane. *

Verse: 17  Link to rat Iz bava nääl nana tähḳirbala amdar biyalane. * \ Ṭə͑yä͑minṭu zädäläyinšalṭaynaḳ bakala ǯazoox
   İz bava nəəl nana təhk'irbala amdar biyalane. * \ T'ı̌yə̌mint'u zədələyinşalt'aynak' bakala cazoox

Verse: 18  Link to rat Ägär davabaṭan sunṭay źe͑nen nääl yumburuġen duġi amdar gane boš mandiyal bakayin, ama nu biyayin,
   Əgər davabat'an sunt'ay ǰěnen nəəl yumburuğen duği amdar gane boş mandiyal bakayin, ama nu biyayin,

Verse: 19  Link to rat oša isä hayzeri čombaġen tarapesal bakayin, šoṭo duġi amdar ǯazasuze mansṭa. Sayǯä iz duġi amdari gane boš basḳi vädin xarǯaq̇an zapi, q̇olaybakamin šoṭo be͑ġe͑q̇an.
   oşa isə hayzeri çombağen tarapesal bakayin, şot'o duği amdar cazasuze manst'a. Saycə iz duği amdari gane boş bask'i vədin xarcaq'an zapi, q'olaybakamin şot'o běğěq'an.

Verse: 20  Link to rat Ägär sa amdaren iz išq̇ar nääl čuux ḳula ḳovalen duġi šoṭo besṗayin, ṭe amdaren iz ǯazina zaṗḳalane.
   Əgər sa amdaren iz işq'ar nəəl çuux k'ula k'ovalen duği şot'o besp'ayin, t'e amdaren iz cazina zap'k'alane.

Verse: 21  Link to rat Ama ägär išq̇ar nääl čuux ḳul hälä sa-ṗä͑ ġiyal nu biyayin, šoṭoġoy aġa ǯaza koftenesṭa, šoṭaynaḳ ki, ḳul iz aġay ämlake.
   Ama əgər işq'ar nəəl çuux k'ul hələ sa-p'ə̌ ğiyal nu biyayin, şot'oğoy ağa caza koftenest'a, şot'aynak' ki, k'ul iz ağay əmlake.

Verse: 22  Link to rat Išq̇arxon davabaṭan sa bə͑hi čuġo duġayṭun, šoṭinal äyel sakayin ama q̇eräz ziyan šoṭo nu lafṭayin, ṭe čuġoy išq̇ari täläben taxsərkär amdaren divanbalxon täyinbi toya ödäyinšalane.
   İşq'arxon davabat'an sa bı̌hi çuğo duğayt'un, şot'inal əyel sakayin ama q'erəz ziyan şot'o nu laft'ayin, t'e çuğoy işq'ari tələben taxsırkər amdaren divanbalxon təyinbi toya ödəyinşalane.

Verse: 23  Link to rat Ama ägär čuġo q̇eräzäl ziyan lafṭenesa, taxsərkär \ amdaren ṭe ziyana ödäyinšeq̇an: elmoġoy gala elmux,
   Ama əgər çuğo q'erəzəl ziyan laft'enesa, taxsırkər \ amdaren t'e ziyana ödəyinşeq'an: elmoğoy gala elmux,

Verse: 24  Link to rat piin gala pul, uluġoy gala ulux, kule gala kul, ture gala tur,
   piin gala pul, uluğoy gala ulux, kule gala kul, ture gala tur,

Verse: 25  Link to rat boḳuni gala boḳun, yarin gala yara, zädin gala zädä. *
   bok'uni gala bok'un, yarin gala yara, zədin gala zədə. *

Verse: 26  Link to rat Aġan išq̇ar nääl čuux ḳula duġi šoṭay pula ḳać̣ibayin, ṭe piin äväzä šoṭo tärbeq̇an.
   Ağan işq'ar nəəl çuux k'ula duği şot'ay pula k'ač'ibayin, t'e piin əvəzə şot'o tərbeq'an.

Verse: 27  Link to rat Ägär aġan išq̇ar nääl čuux ḳule uluġo xoxbayin, uluġoy äväzä šoṭo tärbeq̇an.
   Əgər ağan işq'ar nəəl çuux k'ule uluğo xoxbayin, uluğoy əvəzə şot'o tərbeq'an.



Heyvani gala iz q̇onʒ́uġoy ǯoġab tasṭun
Heyvani gala iz q'ončuğoy coğab tast'un


Verse: 28  Link to rat Öküzen išq̇ara nääl čuġo iz mu͑q̇inen duġi besṗayin, ṭe öküzä źe͑layinši besṗanan, šoṭay yeq̇al ma ukanan. Öküzi q̇onʒ́ux isä me gala günaxsuze.
   küzen işq'ara nəəl çuğo iz mǔq'inen duği besp'ayin, t'e öküzə ǰělayinşi besp'anan, şot'ay yeq'al ma ukanan. küzi q'ončux isə me gala günaxsuze.

Verse: 29  Link to rat Ama ägär heyvan süfṭinäxunal duġala heyvane bakesa, iz q̇onʒ́uġon isä moṭo ava-ava šoṭay be͑śinä͑mä tene haq̇esa, heyvanenal išq̇ara nääl čuġo duġi besṗenesa, ṭe heyvana źe͑layinši besṗanan, šoṭay q̇onʒ́uxal biyalane.
   Ama əgər heyvan süft'inəxunal duğala heyvane bakesa, iz q'ončuğon isə mot'o ava-ava şot'ay běšinə̌mə tene haq'esa, heyvanenal işq'ara nəəl çuğo duği besp'enesa, t'e heyvana ǰělayinşi besp'anan, şot'ay q'ončuxal biyalane.

Verse: 30  Link to rat Ama ägär heyvani q̇onʒ́uġoxun tängä čureġayṭun, iz elmoġoy gala ṭe tänginä ödäyinši čarḳes banekon.
   Ama əgər heyvani q'ončuğoxun təngə çureğayt'un, iz elmoğoy gala t'e tənginə ödəyinşi çark'es banekon.

Verse: 31  Link to rat Ġara nääl xuyärä mu͑q̇ä͑läyinšala heyvani axəral hametärq̇an baki.
   Ğara nəəl xuyərə mǔq'ə̌ləyinşala heyvani axıral hametərq'an baki.

Verse: 32  Link to rat Ägär heyvanen išq̇ar nääl čuux ḳula mu͑q̇ä͑läyinšayin, heyvani q̇onʒ́uġon ḳule aġa otuz šeḳel * gümüšq̇an tadi, heyvana isä źe͑layinši \ besṗanan.
   Əgər heyvanen işq'ar nəəl çuux k'ula mǔq'ə̌ləyinşayin, heyvani q'ončuğon k'ule ağa otuz şek'el * gümüşq'an tadi, heyvana isə ǰělayinşi \ besp'anan.

Verse: 33  Link to rat Sa amdaren kura ḳaśṗesṭiṭuxun oša nääl šoṭay looxun qayṗiṭuxun oša nu buṭḳayin, ṭeṭiyal sa öküz nääl sa elem bafṭayin,
   Sa amdaren kura k'ašp'est'it'uxun oşa nəəl şot'ay looxun qayp'it'uxun oşa nu but'k'ayin, t'et'iyal sa öküz nəəl sa elem baft'ayin,

Verse: 34  Link to rat kure q̇onʒ́uġon zärälä ödäyinšeq̇an, heyvani toya iz q̇onʒ́uġo tadeq̇an, murdarbaki heyvan isä ṭe amdaraq̇an mandi.
   kure q'ončuğon zərələ ödəyinşeq'an, heyvani toya iz q'ončuğo tadeq'an, murdarbaki heyvan isə t'e amdaraq'an mandi.

Verse: 35  Link to rat Ägär sa amdari öküzen ṭə͑yä͑minṭay öküzä duġi besṗayin, dirisṭ mandi heyvana toydi iz tänginä, ṭə͑yä͑minṭay isä yeq̇a bə͑yexun ǯöybeq̇aṭun.
   Əgər sa amdari öküzen t'ı̌yə̌mint'ay öküzə duği besp'ayin, dirist' mandi heyvana toydi iz tənginə, t'ı̌yə̌mint'ay isə yeq'a bı̌yexun cöybeq'at'un.

Verse: 36  Link to rat Ama ägär ṭe öküz süfṭinäxunal duġala öküze bakesa, šoṭay q̇onʒ́uġonal moṭo ava-ava šoṭay be͑śinä͑mä tene haq̇esa, barta ṭe öküzi gala q̇eräz sa öküz tadi zärälä ödäyinšeq̇an. Murdarbaki heyvan isä iču mandalane.
   Ama əgər t'e öküz süft'inəxunal duğala öküze bakesa, şot'ay q'ončuğonal mot'o ava-ava şot'ay běšinə̌mə tene haq'esa, barta t'e öküzi gala q'erəz sa öküz tadi zərələ ödəyinşeq'an. Murdarbaki heyvan isə içu mandalane.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.