TITUS
Biblia Udica, Versio Nizhensis: Vetus Testamentum
Part No. 36
Previous part

Chapter: 36 

Verse: 1  Link to rat Metärluġen, barta Besalelen, Oholiaben saal bašaraġlu usṭoġon - Q̣ONƷ́UĠON me äšleynaḳ bašaraġ saal müdrikluġ tadi me amdarxon - Q̣ONƷ́UĠON ämirbi ḳinäḳ ə͑vel ganu biq̇sa burqeq̇aṭun".
   Metərluğen, barta Besalelen, Oholiaben saal başarağlu ust'oğon - Q'ONČUĞON me əşleynak' başarağ saal müdrikluğ tadi me amdarxon - Q'ONČUĞON əmirbi k'inək' ı̌vel ganu biq'sa burqeq'at'un".

Verse: 2  Link to rat Moiseyen Besalela, Oholiaba saal Q̣ONƷ́UĠON ičoġo müdrikluġ tadi, me äšlä üḳin bsun čureġala bütüm bašaraġlu amdarxo iz ṭo͑ġo͑le ḳalpi.
   Moiseyen Besalela, Oholiaba saal Q'ONČUĞON içoğo müdrikluğ tadi, me əşlə ük'in bsun çureğala bütüm başarağlu amdarxo iz t'ǒğǒle k'alpi.

Verse: 3  Link to rat Šoṭoġon ə͑vel ganu biq̇seynaḳ israilluġon ečeri bütüm payurxo Moiseyaxun exṭundi. Ama israilluġon häläl här savaxṭan mu͑q-mu͑q payurxoṭun ešṭay.
   Şot'oğon ı̌vel ganu biq'seynak' israilluğon eçeri bütüm payurxo Moiseyaxun ext'undi. Ama israilluğon hələl hər savaxt'an mǔq-mǔq payurxot'un eşt'ay.

Verse: 4  Link to rat Ṭe vädä ə͑vel ganu biq̇ala bašaraġlu usṭoġon ičoġoy äšlä efi
   T'e vədə ı̌vel ganu biq'ala başarağlu ust'oğon içoğoy əşlə efi

Verse: 5  Link to rat Moiseyi ṭo͑o͑x hari piṭun: "Azuḳen Q̣ONƷ́UĠON ämirbi äšurxoynaḳ lazəm bakalṭuxun gele šeye ešṭa".
   Moiseyi t'ǒǒx hari pit'un: "Azuk'en Q'ONČUĞON əmirbi əşurxoynak' lazım bakalt'uxun gele şeye eşt'a".

Verse: 6  Link to rat Moiseyenal ämirbi bayanbesedi ki, nä išq̇arxon nääl čupuxxon ə͑vel ganeynaḳ ene sal sa pay maq̇aṭun ečeri. Azuḳenal ene hiḳḳal tene ečeri,
   Moiseyenal əmirbi bayanbesedi ki, nə işq'arxon nəəl çupuxxon ı̌vel ganeynak' ene sal sa pay maq'at'un eçeri. Azuk'enal ene hik'k'al tene eçeri,

Verse: 7  Link to rat šoṭaynaḳ ki, me äšleynaḳ gireci šeyurxo lazəm bakalṭuxun avuzey.
   şot'aynak' ki, me əşleynak' gireśi şeyurxo lazım bakalt'uxun avuzey.



ω͑vel čadəra düzbsun
Ǐvel çadıra düzbsun



(Č̣eys. 26:1-37Link to udntv)
(C'eys. 26:1-37Link to udntv)


Verse: 8  Link to rat Metärluġen, bütüm bašaraġlu usṭoġon gireci göyin, mumuśaḳi, tünd ć̣oć̣a irängen ṭuriġon vic̣ dänä näziḳ kätani pärdäṭun ä͑ldi. Iz loxol isä angeli šikilen naxəšxoṭun düzbi.
   Metərluğen, bütüm başarağlu ust'oğon gireśi göyin, mumušak'i, tünd č'oč'a irəngen t'uriğon vis' dənə nəzik' kətani pərdət'un ə̌ldi. İz loxol isə angeli şikilen naxışxot'un düzbi.

Verse: 9  Link to rat Bütüm pärdoox sa boydaney: boxoyluġ saq̇o muġ ä͑m, gengluġ isä biṗ ä͑m. *
   Bütüm pərdoox sa boydaney: boxoyluğ saq'o muğ ə̌m, gengluğ isə bip' ə̌m. *

Verse: 10  Link to rat Pärdoġoy qoara sunaxun, ṭe soġo qoaral sunaxun e͑ṭunbi.
   Pərdoğoy qoara sunaxun, t'e soğo qoaral sunaxun ět'unbi.

Verse: 11  Link to rat Samǯi qo e͑beci pärdin börine bakala pärdin ṭo͑o͑x göyin irängen ṭurinen halq̇ooxṭun düzbi. Haṭetäräl ṭe soġo pärdin ṭo͑o͑xṭun halq̇oox düzbi.
   Samci qo ěbeśi pərdin börine bakala pərdin t'ǒǒx göyin irəngen t'urinen halq'ooxt'un düzbi. Hat'etərəl t'e soğo pərdin t'ǒǒxt'un halq'oox düzbi.

Verse: 12  Link to rat Samǯi e͑beci qo pärdin börine älli dänä ṭurin halq̇a, \ ṭe soġo e͑beci qo pärdin börineyal šoṭoġoxun düz eġala älli dänä ṭurin halq̇aṭun düzbi.
   Samci ěbeśi qo pərdin börine əlli dənə t'urin halq'a, \ t'e soğo ěbeśi qo pərdin börineyal şot'oğoxun düz eğala əlli dənə t'urin halq'at'un düzbi.

Verse: 13  Link to rat Oša q̇əzəlaxun älli dänä q̇armaġṭun düzbi. Ṭe q̇armaġxon e͑beci pärdoġo sunaxun ǯalaġṭunbi ki, ə͑vel čadər saq̇an baki.
   Oşa q'ızılaxun əlli dənə q'armağt'un düzbi. T'e q'armağxon ěbeśi pərdoğo sunaxun calağt'unbi ki, ı̌vel çadır saq'an baki.

Verse: 14  Link to rat ω͑vel čadəri looxun buṭkseynaḳ kečin xayaxun bakala ṭurinen sac̣c̣e dänä pärdäṭun ä͑ldi.
   Ǐvel çadıri looxun but'kseynak' keçin xayaxun bakala t'urinen sas's'e dənə pərdət'un ə̌ldi.

Verse: 15  Link to rat Sac̣c̣e pärdäl sa boydaney: boxoyluġ otuz ä͑m, gengluġ isä biṗ ä͑m. *
   Sas's'e pərdəl sa boydaney: boxoyluğ otuz ə̌m, gengluğ isə bip' ə̌m. *

Verse: 16  Link to rat Qo pärdinä ǯöy, u͑q pärdinäl ǯöyṭun e͑bi.
   Qo pərdinə cöy, ǔq pərdinəl cöyt'un ěbi.

Verse: 17  Link to rat Oša samǯi e͑beci pärdin dönbineyal, ṭe soġo e͑beci pärdin dönbineyal älli dänä ṭurin halq̇aṭun düzbi.
   Oşa samci ěbeśi pərdin dönbineyal, t'e soğo ěbeśi pərdin dönbineyal əlli dənə t'urin halq'at'un düzbi.

Verse: 18  Link to rat Čadər saq̇an baki pi, misäxun älli dänä q̇armaġ düzbi ṭe pärdoġo sunaxun ǯalaġṭunbi.
   Çadır saq'an baki pi, misəxun əlli dənə q'armağ düzbi t'e pərdoğo sunaxun calağt'unbi.

Verse: 19  Link to rat Čadəri looxun buṭkseynaḳ ć̣oć̣a iräng duġeci eġeli ṭolaxun saal q̇eräz näziḳ ṭolaxun pärdooxṭun düzbi.
   Çadıri looxun but'kseynak' č'oč'a irəng duğeśi eğeli t'olaxun saal q'erəz nəzik' t'olaxun pərdooxt'un düzbi.

Verse: 20  Link to rat ω͑vel čadəreynaḳ yasämäni duruṭaxun tik čurḳala čärčüvoxṭun düzbi.
   Ǐvel çadıreynak' yasəməni durut'axun tik çurk'ala çərçüvoxt'un düzbi.

Verse: 21  Link to rat Här čärčüvin boxoyluġ vic̣ ä͑m, gengluġ isä sä͑nqə͑ ä͑mey. *
   Hər çərçüvin boxoyluğ vis' ə̌m, gengluğ isə sə̌nqı̌ ə̌mey. *

Verse: 22  Link to rat Šoṭoġoy här soġo sunaxun ġać ṗä͑ dänä duruṭaxuney. ω͑vel čadəri bütüm čärčüvoġo metärṭun düzbi.
   Şot'oğoy hər soğo sunaxun ğaç̌ p'ə̌ dənə durut'axuney. Ǐvel çadıri bütüm çərçüvoğo metərt'un düzbi.

Verse: 23  Link to rat ω͑vel čadəri güney täräfeynaḳ q̇a čärčüvä
   Ǐvel çadıri güney tərəfeynak' q'a çərçüvə

Verse: 24  Link to rat saal šoṭoġoy oq̇a laxseynaḳ gümüšäxun q̇ərx dänä laxala gaṭun düzbi. Här čärčüvin oq̇a ṗä͑ dänä \ laxala ga, ičoġoy duruṭin saya görä.
   saal şot'oğoy oq'a laxseynak' gümüşəxun q'ırx dənə laxala gat'un düzbi. Hər çərçüvin oq'a p'ə̌ dənə \ laxala ga, içoğoy durut'in saya görə.

Verse: 25  Link to rat ω͑vel čadəri q̇uzey täräfeynaḳal q̇a čärčüvä
   Ǐvel çadıri q'uzey tərəfeynak'al q'a çərçüvə

Verse: 26  Link to rat saal šoṭoġo osṭaarbseynaḳ gümüšäxun q̇ərx dänä laxala gaṭun düzbi. Här čärčüvin oq̇a ṗä͑ dänä laxala ga, ičoġoy duruṭin saya görä.
   saal şot'oğo ost'aarbseynak' gümüşəxun q'ırx dənə laxala gat'un düzbi. Hər çərçüvin oq'a p'ə̌ dənə laxala ga, içoğoy durut'in saya görə.

Verse: 27  Link to rat ω͑vel čadəri bać̣aneynaḳ, be͑ġ batḳalač täräfeynaḳ u͑q,
   Ǐvel çadıri bač'aneynak', běğ batk'alaç tərəfeynak' ǔq,

Verse: 28  Link to rat ə͑vel čadəri bać̣ani dönboġoynaḳ isä ṗä͑ čärčüväṭun düzbi.
   ı̌vel çadıri bač'ani dönboğoynak' isə p'ə̌ çərçüvət'un düzbi.

Verse: 29  Link to rat Morox oq̇axun čüt hari ala sa halq̇inene osṭaarbaksay. Här ṗä͑ dönbineynaḳal hametär čärčüvooxṭun düzbi.
   Morox oq'axun çüt hari ala sa halq'inene ost'aarbaksay. Hər p'ə̌ dönbineynak'al hametər çərçüvooxt'un düzbi.

Verse: 30  Link to rat Metär, me muġ čärčüvin oq̇a laxseynaḳ u͑qe͑c̣c̣e dänä gümüši laxala gaṭun düzbi - här čärčüvin oq̇a ṗä͑ dänä laxala ga.
   Metər, me muğ çərçüvin oq'a laxseynak' ǔqěs's'e dənə gümüşi laxala gat'un düzbi - hər çərçüvin oq'a p'ə̌ dənə laxala ga.

Verse: 31  Link to rat Yasämäni duruṭaxun pešṭuvanxoṭun düzbi: ə͑vel čadəri här ṭo͑ġeynaḳ qo pešṭuvan,
   Yasəməni durut'axun peşt'uvanxot'un düzbi: ı̌vel çadıri hər t'ǒğeynak' qo peşt'uvan,

Verse: 32  Link to rat be͑ġ batḳalač bakala bać̣ani täräfeynaḳal qo pešṭuvan.
   běğ batk'alaç bakala bač'ani tərəfeynak'al qo peşt'uvan.

Verse: 33  Link to rat Bə͑ġin pešṭuvana čadəri sa belxun ṭə͑yä͑mi bel ṭetärṭun laxi ki, čärčüvoġo sunaxun ġaćḳane.
   Bı̌ğin peşt'uvana çadıri sa belxun t'ı̌yə̌mi bel t'etərt'un laxi ki, çərçüvoğo sunaxun ğaç̌k'ane.

Verse: 34  Link to rat Čärčüvoġo q̇əzəlen buṭṭunḳi, q̇əzəlaxun pešṭuvanxo efala halq̇ooxal düzṭunbi. Oša pešṭuvanxo ičoġoval q̇əzəlen buṭṭunḳi.
   Çərçüvoğo q'ızılen but't'unk'i, q'ızılaxun peşt'uvanxo efala halq'ooxal düzt'unbi. Oşa peşt'uvanxo içoğoval q'ızılen but't'unk'i.

Verse: 35  Link to rat ω͑vel ganu än ə͑vel ganuxun ǯöybseynaḳ bakala pärdinä göyün, mumuśaḳi, tünd ć̣oć̣a irängen ṭuriġon q̇a näziḳ kätani ṭuriġonṭun ä͑ldi, iz loxol isä bašaraġlu usṭan angeli šikilxon naxəšxone düzbi.
   Ǐvel ganu ən ı̌vel ganuxun cöybseynak' bakala pərdinə göyün, mumušak'i, tünd č'oč'a irəngen t'uriğon q'a nəzik' kətani t'uriğont'un ə̌ldi, iz loxol isə başarağlu ust'an angeli şikilxon naxışxone düzbi.

Verse: 36  Link to rat Šoṭaynaḳ yasämäni duruṭaxun biṗ dänä sütün düzbi šoṭoġo q̇əzəlen buṭṭunḳi. Oša šoṭoġoynaḳ q̇əzəli \ q̇armaġxo saal šoṭoġoy oq̇a laxseynaḳ q̇äliben biṗ dänä gümüši laxala gaṭun düzbi.
   Şot'aynak' yasəməni durut'axun bip' dənə sütün düzbi şot'oğo q'ızılen but't'unk'i. Oşa şot'oğoynak' q'ızıli \ q'armağxo saal şot'oğoy oq'a laxseynak' q'əliben bip' dənə gümüşi laxala gat'un düzbi.

Verse: 37  Link to rat Čadəri baġala ganeynaḳ näziḳ kätani ṭuriġon pärdäṭun ä͑ldi, iz loxol isä göyin, mumuśaḳi, tünd ć̣oć̣a irängen bakala ṭuriġon e͑bunen naxəšxoṭun düzbi.
   Çadıri bağala ganeynak' nəzik' kətani t'uriğon pərdət'un ə̌ldi, iz loxol isə göyin, mumušak'i, tünd č'oč'a irəngen bakala t'uriğon ěbunen naxışxot'un düzbi.

Verse: 38  Link to rat Oša me pärdineynaḳ iz loxol q̇armaġxo bakala qo dänä sütün düzbi šoṭoġoy bulurxo q̇əzəlen buṭṭunḳi. Sütünxoy oq̇a laxseynaḳ isä misäxun bakala qo dänä laxala gaṭun düzbi.
   Oşa me pərdineynak' iz loxol q'armağxo bakala qo dənə sütün düzbi şot'oğoy bulurxo q'ızılen but't'unk'i. Sütünxoy oq'a laxseynak' isə misəxun bakala qo dənə laxala gat'un düzbi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.