TITUS
Biblia Udica, Versio Nizhensis: Vetus Testamentum
Part No. 46
Previous part

Chapter: 6 

Iču Q̣ONƷ́UĠOYNAḲ näzir biṭaynaḳ bakala q̇aydoox
İçu Q'ONČUĞOYNAK' nəzir bit'aynak' bakala q'aydoox


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Israilluġo metär upa: "Ägär sa išq̇aren nääl sa čuġon iču Buxaʒ́uġo häsrbi, Šoṭaynaḳ sa näzir * baksunane äyit tasṭasa,
   "İsrailluğo metər upa: "Əgər sa işq'aren nəəl sa çuğon içu Buxačuğo həsrbi, Şot'aynak' sa nəzir * baksunane əyit tast'asa,

Verse: 3  Link to rat ṭe vädä barta me amdaren nä fi, nä q̇eräz finaġoybala u͑ġu͑n, nä fine oq̇oy, nääl q̇eräz oq̇oy iz źomo maq̇an duġi, lap ṭule xenal maq̇an u͑ġi. Šoṭin nä ṭula iču, nääl šoṭoxun düzbaki kišmišal nu ukalane. *
   t'e vədə barta me amdaren nə fi, nə q'erəz finağoybala ǔğǔn, nə fine oq'oy, nəəl q'erəz oq'oy iz ǰomo maq'an duği, lap t'ule xenal maq'an ǔği. Şot'in nə t'ula içu, nəəl şot'oxun düzbaki kişmişal nu ukalane. *

Verse: 4  Link to rat Ičoġo Q̣ONƷ́UĠO näzir bala vädine šoṭoġon č̣aṗen tadala me meyvin hiḳḳalaxun nu ukalaṭun. Mo lap ṭule c̣ana q̇a qo͑läl ayide.
   İçoğo Q'ONČUĞO nəzir bala vədine şot'oğon c'ap'en tadala me meyvin hik'k'alaxun nu ukalat'un. Mo lap t'ule s'ana q'a qǒləl ayide.

Verse: 5  Link to rat Ičoġo Q̣ONƷ́UĠOYNAḲ näzirbala vädä čarḳamin šoṭoġon ičoġoy popa nu ḳac̣ḳalaṭun. Me vädine šorox Q̣ONƷ́UĠOY baksunen ə͑velṭun hesabbaksa, barta ičoġoy popa boxoybeq̇aṭun.
   İçoğo Q'ONČUĞOYNAK' nəzirbala vədə çark'amin şot'oğon içoğoy popa nu k'as'k'alat'un. Me vədine şorox Q'ONČUĞOY baksunen ı̌velt'un hesabbaksa, barta içoğoy popa boxoybeq'at'un.

Verse: 6  Link to rat Me vädine šorox meyidäl maq̇aṭun ə͑śa biti.
   Me vədine şorox meyidəl maq'at'un ı̌ša biti.

Verse: 7  Link to rat Lap ičoġoy bava nääl nana, xunči nääl vičiyal biyayin, šoṭoġo görä ičoġoy ə͑vel baksuna aḳesṭala popa nu murdarlayinšalaṭun. Axəri me popen ičoġoy Buxaʒ́uġo häsr baksunane aḳesṭa.
   Lap içoğoy bava nəəl nana, xunçi nəəl viçiyal biyayin, şot'oğo görə içoğoy ı̌vel baksuna ak'est'ala popa nu murdarlayinşalat'un. Axıri me popen içoğoy Buxačuğo həsr baksunane ak'est'a.

Verse: 8  Link to rat Ičoġo Q̣ONƷ́UĠO näzirbala me vädä čarḳamin, šorox Q̣ONƷ́UĠOYE.
   İçoğo Q'ONČUĞO nəzirbala me vədə çark'amin, şorox Q'ONČUĞOYE.

Verse: 9  Link to rat Ägär me amdari ṭo͑ġo͑l soġo bürdän biyayin, metärluġenal šoṭay näzir baksuna aḳesṭala popa \ murdarlayinšayin, ṭe vädä barta šoṭin vu͑ġ ġinaxun oša iz popa tumexun q̇ačibesṭeq̇an. Me vu͑ġ ġi meyidä ə͑śa bisṭaxun oša ṗurum pak baksuni vaxṭe.
   Əgər me amdari t'ǒğǒl soğo bürdən biyayin, metərluğenal şot'ay nəzir baksuna ak'est'ala popa \ murdarlayinşayin, t'e vədə barta şot'in vǔğ ğinaxun oşa iz popa tumexun q'açibest'eq'an. Me vǔğ ği meyidə ı̌ša bist'axun oşa p'urum pak baksuni vaxt'e.

Verse: 10  Link to rat Muġumǯi ġine isä ə͑vel čadəri baġala gala hari be͑yinśa ṗä͑ giyär nääl ṗä͑ göyärčinq̇an tadi.
   Muğumci ğine isə ı̌vel çadıri bağala gala hari běyinša p'ə̌ giyər nəəl p'ə̌ göyərçinq'an tadi.

Verse: 11  Link to rat Be͑yinśen šoṭoġoy sunṭu günaxxo oc̣kseynaḳ bakala q̇urban ḳinäḳ, ṭe sunṭu isä boḳospsuni q̇urban ḳinäḳ śampeq̇an ki, šoṭoġoy ṗiyen me amdari meyidi ṭo͑ġo͑l ə͑śa bisṭuni murdarlayinšaksuna oc̣ḳi tašereq̇an. Haṭe ġi šoṭay pop ṗurum ə͑vel hesabbakale,
   Běyinšen şot'oğoy sunt'u günaxxo os'kseynak' bakala q'urban k'inək', t'e sunt'u isə bok'ospsuni q'urban k'inək' šampeq'an ki, şot'oğoy p'iyen me amdari meyidi t'ǒğǒl ı̌ša bist'uni murdarlayinşaksuna os'k'i taşereq'an. Hat'e ği şot'ay pop p'urum ı̌vel hesabbakale,

Verse: 12  Link to rat šoṭinal taxsəra oc̣ḳala q̇urban ḳinäḳ sa usenin ärkäy q̇uzi śampi iču ṗurum Q̣ONƷ́UĠO häsrbes bakale. Ama moṭoxun be͑ś iču näzir bi ġimxo hesabtenebakal, šoṭaynaḳ ki šoṭin iču murdarlayinšebi.
   şot'inal taxsıra os'k'ala q'urban k'inək' sa usenin ərkəy q'uzi šampi içu p'urum Q'ONČUĞO həsrbes bakale. Ama mot'oxun běš içu nəzir bi ğimxo hesabtenebakal, şot'aynak' ki şot'in içu murdarlayinşebi.

Verse: 13  Link to rat Amdari näzir baksuni vaxṭ čarḳaṭan, me q̇aydoġoq̇an ämälbi. Barta šoṭo ə͑vel čadəri baġala galaq̇aṭun ečeri.
   Amdari nəzir baksuni vaxt' çark'at'an, me q'aydoğoq'an əməlbi. Barta şot'o ı̌vel çadıri bağala galaq'at'un eçeri.

Verse: 14  Link to rat Barta šoṭin ṭiya Q̣ONƷ́UĠOYNAḲ boḳospsuni q̇urban ḳinäḳ salamat sa usenin ärkäy q̇uzi, günaxxo oc̣kseynaḳ bakala q̇urban ḳinäḳ salamat sa usenin diši q̇uzi saal serluġi q̇urban ḳinäḳ sa salamat q̇očq̇an ečeri.
   Barta şot'in t'iya Q'ONČUĞOYNAK' bok'ospsuni q'urban k'inək' salamat sa usenin ərkəy q'uzi, günaxxo os'kseynak' bakala q'urban k'inək' salamat sa usenin dişi q'uzi saal serluği q'urban k'inək' sa salamat q'oçq'an eçeri.

Verse: 15  Link to rat Zänbili boš xuri berxeci arumi xarinaxun zeytuni č̣äyinen śareci ä͑yinsuz ḳoḳalxo q̇a iz loxol č̣äyin lä͑ä͑mdi ḳoḳalxoval ečereq̇an. Taxəli payurxo q̇a cipseynaḳ bakala payurxo ešṭunal eyexun maq̇an č̣evḳi.
   Zənbili boş xuri berxeśi arumi xarinaxun zeytuni c'əyinen šareśi ə̌yinsuz k'ok'alxo q'a iz loxol c'əyin lə̌ə̌mdi k'ok'alxoval eçereq'an. Taxıli payurxo q'a śipseynak' bakala payurxo eşt'unal eyexun maq'an c'evk'i.

Verse: 16  Link to rat Be͑yinśen isä moṭoġo Q̣ONƷ́UĠOY be͑ś ečale, günaxxo oc̣kseynaḳ bakala q̇urbana q̇a boḳospsuni q̇urbanal śamḳale.
   Běyinšen isə mot'oğo Q'ONČUĞOY běš eçale, günaxxo os'kseynak' bakala q'urbana q'a bok'ospsuni q'urbanal šamk'ale.

Verse: 17  Link to rat Oša šoṭin serluġi q̇urbana śampi taxəli payaxun q̇a cipseynaḳ bakala payurxoxun sagala Q̣ONƷ́UĠOYNAḲ ečeri boḳosṗale. Šoṭin ä͑yinsuz ḳoḳalxo bakala zänbiläl Q̣ONƷ́UĠOYNAḲ pay ḳinäḳ ečale.
   Oşa şot'in serluği q'urbana šampi taxıli payaxun q'a śipseynak' bakala payurxoxun sagala Q'ONČUĞOYNAK' eçeri bok'osp'ale. Şot'in ə̌yinsuz k'ok'alxo bakala zənbiləl Q'ONČUĞOYNAK' pay k'inək' eçale.

Verse: 18  Link to rat Moṭoxun oša iču Q̣ONƷ́UĠOYNAḲ näzir bi amdaren ə͑vel čadəri baġala gane be͑ś iz popa tumexun q̇ačibi šoṭo serluġi q̇urbani oq̇a boḳala aruġoq̇an boseri.
   Mot'oxun oşa içu Q'ONČUĞOYNAK' nəzir bi amdaren ı̌vel çadıri bağala gane běš iz popa tumexun q'açibi şot'o serluği q'urbani oq'a bok'ala aruğoq'an boseri.

Verse: 19  Link to rat Iču näzir bi amdaren iz popa q̇ačibiṭuxun oša, barta be͑yinśen ärkäy eġelin aṗesṗi be͑śin buda saal zänbiläxun č̣äyinen śareci ä͑yinsuz sa ḳoḳala q̇a č̣äyin lä͑ä͑mdi sa ḳoḳala exṭi moṭoġo bitova ṭe amdari kiyelq̇an tadi.
   İçu nəzir bi amdaren iz popa q'açibit'uxun oşa, barta běyinšen ərkəy eğelin ap'esp'i běšin buda saal zənbiləxun c'əyinen šareśi ə̌yinsuz sa k'ok'ala q'a c'əyin lə̌ə̌mdi sa k'ok'ala ext'i mot'oğo bitova t'e amdari kiyelq'an tadi.

Verse: 20  Link to rat Be͑yinśen moṭoġoy sa pay baksuna aḳesṭeynaḳ Q̣ONƷ́UĠOY be͑ś alabalane. Me ə͑vel payal Q̣ONƷ́UĠOY be͑ś alabaki q̇urbani döše yeq̇axun sagala be͑yinśi bakalane. Moṭoxun oša iču näzir bi amdaren fi u͑ġe͑s banekon.
   Běyinšen mot'oğoy sa pay baksuna ak'est'eynak' Q'ONČUĞOY běš alabalane. Me ı̌vel payal Q'ONČUĞOY běš alabaki q'urbani döşe yeq'axun sagala běyinši bakalane. Mot'oxun oşa içu nəzir bi amdaren fi ǔğěs banekon.

Verse: 21  Link to rat Metärluġen, iču näzir bi amdaren Q̣ONƷ́UĠOYNAḲ me payurxo ečalane. Ama izi imkan bakalṭin moṭoxun avuzinal ḳänesa ečes banekon. Barta iču Q̣ONƷ́UĠO näzir balṭin izi äyit tadiṭoġoy bitova ämäl beq̇an". *
   Metərluğen, içu nəzir bi amdaren Q'ONČUĞOYNAK' me payurxo eçalane. Ama izi imkan bakalt'in mot'oxun avuzinal k'ənesa eçes banekon. Barta içu Q'ONČUĞO nəzir balt'in izi əyit tadit'oğoy bitova əməl beq'an". *



Be͑yinśxoy xeyir-bäräkät tasṭeynaḳ uḳala äyitmux
Běyinšxoy xeyir-bərəkət tast'eynak' uk'ala əyitmux


Verse: 22  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 23  Link to rat "Aarona q̇a iz ġarmoġo metär upa: "Israilluġo me äyitmoġon xeyir-bäräkät tadalanan:
   "Aarona q'a iz ğarmoğo metər upa: "İsrailluğo me əyitmoğon xeyir-bərəkət tadalanan:

Verse: 24  Link to rat Q̣ONƷ́UĠON va xeyir-bäräkätq̇an tadi, va q̇orišeq̇an!
   Q'ONČUĞON va xeyir-bərəkətq'an tadi, va q'orişeq'an!

Verse: 25  Link to rat Hun Iz üḳe basḳavax, Šoṭinal vaynaḳ üḳ boḳosṗane!
   Hun İz ük'e bask'avax, Şot'inal vaynak' ük' bok'osp'ane!

Verse: 26  Link to rat Barta Šoṭin Iz ćoya vaxun maq̇an taradi, vaynaḳ hämišä serluġq̇an ečeri!
   Barta Şot'in İz ç̌oya vaxun maq'an taradi, vaynak' həmişə serluğq'an eçeri!

Verse: 27  Link to rat Aaronen q̇a iz ġarmoġon Bez c̣iya israilluġoynaḳ metär pi duġalṭun, Zuval šoṭoġoxun Bezi xeyir-bäräkätä kam tezbal".
   Aaronen q'a iz ğarmoğon Bez s'iya israilluğoynak' metər pi duğalt'un, Zuval şot'oğoxun Bezi xeyir-bərəkətə kam tezbal".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.