TITUS
Biblia Udica, Versio Nizhensis: Vetus Testamentum
Part No. 111
Previous part

Chapter: 31 

31-ǯi ω͑vel mä͑ġ
31-ci Ǐvel mə̌ğ



Farḳalxoy kalaṭaynaḳ. Davidi ω͑vel mä͑ġ.
Fark'alxoy kalat'aynak'. Davidi Ǐvel mə̌ğ.


Verse: 1    Ay Q̣ONƷ́UX, zu Vaz bać̣an tarasṭa,
   Ay Q'ONČUX, zu Vaz bač'an tarast'a,
    Ćomä͑yin tez bakon zu.
    Ç̌omə̌yin tez bakon zu.
    Vi düzgünluġi ḳä baksuna aḳesṭa, čarḳesṭa za!
    Vi düzgünluği k'ə baksuna ak'est'a, çark'est'a za!

Verse: 2    Za ibaka, eki za kul boxoda.
   Za ibaka, eki za kul boxoda.
    Zaynaḳ sa q̇aya baki bez bać̣ane čurpa,
    Zaynak' sa q'aya baki bez bač'ane çurpa,
    Čarḳeseynaḳ bakala sa q̇ala baka zaynaḳ.
    Çark'eseynak' bakala sa q'ala baka zaynak'.

Verse: 3    Bez q̇alal, q̇ayal Hunnu,
   Bez q'alal, q'ayal Hunnu,
    Za düzgün bakala yaq̇en tašeri Vi Šu baksuna aḳesṭa!
    Za düzgün bakala yaq'en taşeri Vi Şu baksuna ak'est'a!

Verse: 4    Vaz bać̣an tarade,
   Vaz bač'an tarade,
    Zaynaḳ č̣äṗḳin laxeci täloġoxun ä͑xilba za.
    Zaynak' c'əp'k'in laxeśi təloğoxun ə̌xilba za.

Verse: 5    Bez urufa Vaz tapšurbsa, *
   Bez urufa Vaz tapşurbsa, *
    Za čarḳesṭa, ay Q̣ONƷ́UX, ay za eyexun nu č̣evḳala Buxaʒ́ux.
    Za çark'est'a, ay Q'ONČUX, ay za eyexun nu c'evk'ala Buxačux.

Verse: 6    Amc̣i šeymoġo, biniḳ buxaʒ́uġxo bul ḳoc̣balxo nifrätezbsa,
   Ams'i şeymoğo, binik' buxačuğxo bul k'os'balxo nifrətezbsa,
    Zu täk Q̣ONƷ́UĠOZ umudbaksa.
    Zu tək Q'ONČUĞOZ umudbaksa.

Verse: 7    Vi nu badalbakala čuresunene mu͑qsṭa za, ćoyane axśumsṭa bezi,
   Vi nu badalbakala çuresunene mǔqst'a za, ç̌oyane axšumst'a bezi,
    Šoṭo görä ki, bez äzyätän aḳi Hun,
    Şot'o görə ki, bez əzyətən ak'i Hun,
    Bez boš zaṗḳala därdän avabaki.
    Bez boş zap'k'ala dərdən avabaki.

Verse: 8    Za düšmäni kiyel ten tadi Hun,
   Za düşməni kiyel ten tadi Hun,
    Q̣ə͑ nu bakala galan ečeri za.
    Q'ı̌ nu bakala galan eçeri za.

Verse: 9    Koruġazu zu, ay Q̣ONƷ́UX, Vi zaynaḳ üḳ boḳospsuna aḳesṭi baġəšlayinša za.
   Koruğazu zu, ay Q'ONČUX, Vi zaynak' ük' bok'ospsuna ak'est'i bağışlayinşa za.
    Därdäxun bez piin išiġe mä͑yin bake, elmuxal tene mande zasṭa,
    Dərdəxun bez piin işiğe mə̌yin bake, elmuxal tene mande zast'a,
    Bädänäl q̇aribakene bezi.
    Bədənəl q'aribakene bezi.

Verse: 10    Bez ömüräz uksa därde boš,
   Bez ömürəz uksa dərde boş,
    Koruġxon bez usenxone haq̇sa.
    Koruğxon bez usenxone haq'sa.
    Bez taxsərxoy kiyexun elmuxe č̣eri bezi,
    Bez taxsırxoy kiyexun elmuxe c'eri bezi,
    U͑q̇enxonal za tene efsa.
    Ǔq'enxonal za tene efsa.

Verse: 11    Bez düšmänxo gele baksuna görä q̇onšiġonal za nifräṭṭunbsa,
   Bez düşmənxo gele baksuna görə q'onşiğonal za nifrət't'unbsa,
    Bez ə͑śaṭoġoy aḳala pul tene bu za,
    Bez ı̌šat'oğoy ak'ala pul tene bu za,
    Ičoġoy be͑ś č̣eġaṭan ṭiṭunsṭa zaxun.
    İçoğoy běš c'eğat'an t'it'unst'a zaxun.

Verse: 12    P̣uri taci amdar ḳinäḳ eyexun č̣erezu,
   P'uri taśi amdar k'inək' eyexun c'erezu,
    Xoxbaki sa q̇ä͑liḳ ḳinäḳzu zu.
    Xoxbaki sa q'ə̌lik' k'inək'zu zu.

Verse: 13    Bitoṭay za böhṭan bosṭunaz ibaksa,
   Bitot'ay za böht'an bost'unaz ibaksa,
    Bez biṗ ṭo͑ġä͑l pisluġen haq̇layinšene.
    Bez bip' t'ǒğə̌l pisluğen haq'layinşene.
    Mone, bez äleyinä č̣eri äyitä sabeṭun,
    Mone, bez əleyinə c'eri əyitə sabet'un,
    Bez elmoġo haq̇seynaḳṭun giresa šorox.
    Bez elmoğo haq'seynak't'un giresa şorox.

Verse: 14    Ama zu Vaz umud, ay Q̣ONƷ́UX,
   Ama zu Vaz umud, ay Q'ONČUX,
    "Bez Buxaʒ́ux Hunnu" nexzu.
    "Bez Buxačux Hunnu" nexzu.

Verse: 15    Zaynaḳ boṭi ömür Vaxun asulune,
   Zaynak' bot'i ömür Vaxun asulune,
    Za bez düšmänxoy kiyexun,
    Za bez düşmənxoy kiyexun,
    Bez bać̣anexun bafṭiṭoġoy kiyexun čarḳesṭa.
    Bez bač'anexun baft'it'oğoy kiyexun çark'est'a.

Verse: 16    Ay Q̣ONƷ́UX, barta Vi üḳe basḳaz!
   Ay Q'ONČUX, barta Vi ük'e bask'az!
    Vi nu badalbakala čuresuna me Vi ḳulaxun kammaba, čarḳesṭa za!
    Vi nu badalbakala çuresuna me Vi k'ulaxun kammaba, çark'est'a za!

Verse: 17    Vaz ḳale, ay Q̣ONƷ́UX,
   Vaz k'ale, ay Q'ONČUX,
    Za ćomä͑yin ma ba!
    Za ç̌omə̌yin ma ba!
    Barta pisṭoġoy ćoyenq̇an oṭṗi,
    Barta pist'oğoy ç̌oyenq'an ot'p'i,
    Barta bisunen ičoġoy säsä boṭeq̇an!
    Barta bisunen içoğoy səsə bot'eq'an!

Verse: 18    Barta ṭiyä͑minṭoġoy loxol alaxun oq̇a be͑ġalṭay,
   Barta t'iyə̌mint'oğoy loxol alaxun oq'a běğalt'ay,
    Düzgünṭu nifrätṗi šoṭay loxol böhṭan bosalṭay muz lalq̇anbaki!
    Düzgünt'u nifrətp'i şot'ay loxol böht'an bosalt'ay muz lalq'anbaki!

Verse: 19    Vasṭa bakala šaaṭluġ sa neymäte!
   Vast'a bakala şaat'luğ sa neyməte!
    Va čalxalṭoġoynaḳ efi,
    Va çalxalt'oğoynak' efi,
    Va bać̣an taradiṭoġo pay ḳinäḳ tadaṭan bitoṭin aḳes bakala sa neymät!
    Va bač'an taradit'oğo pay k'inək' tadat'an bitot'in ak'es bakala sa neymət!

Verse: 20    Šoṭoġo Vi xožina efi pisṭoġoy niyätäxunen q̇orišbsa,
   Şot'oğo Vi xojina efi pist'oğoy niyətəxunen q'orişbsa,
    Vi bakala gala ečeri šär bakalṭoġoy źomo bafsṭaxunen čarḳesṭa.
    Vi bakala gala eçeri şər bakalt'oğoy ǰomo bafst'axunen çark'est'a.

Verse: 21    Q̣ONƷ́UĠO alxəšq̇an baki,
   Q'ONČUĞO alxışq'an baki,
    Zu düšmänxon iz härräminä biq̇esṭi šähäre mandi bakaṭan
    Zu düşmənxon iz hərrəminə biq'est'i şəhəre mandi bakat'an
    Šoṭin za Izi nu badalbakala čuresun ḳä baksunane aḳesṭi.
    Şot'in za İzi nu badalbakala çuresun k'ə baksunane ak'est'i.

Verse: 22    Välvälinä bafṭi "zaxun ćon taradi" nexzuy,
   Vəlvəlinə baft'i "zaxun ç̌on taradi" nexzuy,
    Ama bez xoyinśa ǯoġabsuz ten efi,
    Ama bez xoyinša coğabsuz ten efi,
    Za kulen boxodi Hun.
    Za kulen boxodi Hun.

Verse: 23    Ay Q̣ONƷ́UĠO čalxalorox, Šoṭo čurekinan!
   Ay Q'ONČUĞO çalxalorox, Şot'o çurekinan!
    Q̣ONƷ́UĠON Iz laxi yaq̇en taġalṭoġo q̇orišebon,
    Q'ONČUĞON İz laxi yaq'en tağalt'oğo q'orişebon,
    Ičoġoy źomon taġalṭoġo isä moṭay äväzä xirṭṭäyäl ciriḳe tadon.
    İçoğoy ǰomon tağalt'oğo isə mot'ay əvəzə xirt't'əyəl śirik'e tadon.

Verse: 24    Šoṭo göräl ef üḳä buz ḳinäḳ efanan,
   Şot'o görəl ef ük'ə buz k'inək' efanan,
    Osṭaar čurpanan, ay Q̣ONƷ́UĠO bać̣an taradiyorox bito!
    Ost'aar çurpanan, ay Q'ONČUĞO bač'an taradiyorox bito!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.