TITUS
Vita Iohannis Zedazadnensis, Red. B
Part No. 41
Previous part

Paragraph: 58   Link to iozeda Link to iozedg
Line of edition: 1    ხოლო მრცხუენის ამისთჳს,
Line of edition: 2    რამეთუ მჴეცებრივსა ბუნებასა
Line of edition: 3    და უტყუსა ესმნეს სიტყუანი მისნი
Line of edition: 4    და აწ ნაშობნი და ნაშობის ნაშობნი
Line of edition: 5    აღასრულებენ ბრძანებასა
Line of edition: 6    წმიდისა მამისა იოვანესსა, ხოლო
Line of edition: 7    ჩუენ მჴეცთა და პირუტყუთა უბოროტეს
Line of edition: 8    გამოჩენილ ვართ, რამეთუ
Line of edition: 9    დღითი-დღე აღმოვიკიხავთ ყოფილთა
Line of edition: 10    მათ და მოცემულნი მცნებანი
Line of edition: 11    გუესმიან და ვნებად მოყუასთა
Line of edition: 12    ჩუენთა არა დავსცხრებით.
Line of edition: 13    განყენებულ ვართ ჴორცისა
Line of edition: 14    ჭამისაგან და ჴორცსა მოყუასთა
Line of edition: 15    ჩუენთასა ვცოხნით, მცნებაჲ მოგჳღებიეს,
Line of edition: 16    რაჲთა ვიყუარებდით
Line of edition: 17    ურთიერთას, ხოლო ჩუენ უდებ
Line of edition: 18    გჳქმნიეს ბრძანებაჲ იგი უფლისაჲ
Line of edition: 19    და უწყოდეთ, რამეთუ თანა-მდებ
Line of edition: 20    ვართ სასჯელისა.

Next part


This text is part of the TITUS edition of Vita Iohannis Zedazadnensis, Red. B.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.