TITUS
Ammonius, In Aristotelem commentaria
Part No. 19

Subchapter: 7  
Line: 19  ხოლო ამისი ჰგავს ჴელთაშინა-ყოფაჲ
Line: 20  დანიშნულისაჲ


Paragraph: 1  
Line: 21       უცხადოობაჲ რაჲმე ქმნა ფილოსოფოსმან უპირველესად დანიშნულისა ნათესა/ვისა
Line: 22    მიმართ მისლვითა4 და არა დანიშნვითა5 მებრ მისითა, რამეთუ უჴმდა
Line: 23    განსაზღვრებაჲ6, თუ რომლისა დანიშნულისა ნათესავისათჳს იტყჳს. და რამეთუ
Line: 24    უპირველესისათჳს ჰყოფს სიტყუასა და არა უმახლობელესად ჩუენდა თქუმულისათჳს,
Line: 25    ცხად-ჰყოფენ მაგალითნი, რომელთა დასხამს, რამეთუ იტყჳს, ვითარმედ:
Line: 26    ამას დანიშნვასა ნათესავისასა ჰგავს ჴელთშინა-ყოფაჲ ჩუენი ჩუეულებისა
Line: 27    მიერ და უშესწავებულესობაჲ. ხოლო ჴელთშინად ჩუეულებასა იტყჳს დანიშნულისასა
Line: 28    ერთისაგან მრავალთასა ანუ მრავალთა მიმართსა სქესსა.
Line: 29    ხოლო უღონოებისა*1 ღირს არს7, თუ რაჲსათჳს ამისი თქუა ჴელთშინაობაჲ8
Line: 30    და არა ერთისაგან ერთისამიმართისა სქესისაჲ. იცის ბუნებამან, რამეთუ
Line: 31    ერთსა9 ერთისაგან ჰყოფს უპირატეს/და ესე უპირატეს უმეცნიეს ბუნებასა და
Line: 32    ეგრეთღა მრავალთა მრავალთაგან...*2
Line: 33    ვითარმედ*3 მეორე ვიდრემე დანიშნვაჲ ნათესავისაჲ, რომელი ჩუენდა
Line: 34    მომართ არს ვითარცა მეორე, ბუნებით უპირველეს არს (რამეთუ ირაკლისგან
Line: 35    ერთი იქმნების და ეგრეთ მრავალნი). ხოლო პირველი დანიშნული ბუნებით
Line: 36    არს მეორე და ბუნებით მეორე _ ჩუენდა პირველ. და საყოველთაოდ ბუნებით
Page: 43 
Line: 1    პირველნი საჩუენოდ უკუანაჲსკნელებ არიან, ხოლო ბუნებით მეორენი _ საჩუენოდ
Line: 2    პირველებ. ვითარ-იგი ბუნებით უპირველეს არს ნივთი და სახე, მერმეღა
Line: 3    ოთხნი ასონი, მერმე ჴორცნი და ძუალნი და სხუანი მსგავსკერძოთაგანნი,
Line: 4    ამის შემდგომად კაცი. და ბუნებაჲ უკუე ესრეთ უზენაესთაგან მეორეთა მომართ
Line: 5    მოიღებვის, ხოლო ჩუენ, ვითარცა აღცვალებით მოგზაურნი და დამართ
Line: 6    მიმხედველნი და უმახლობ/ელესთაგან უშორესთა მიმართ და უნივთიერესთაგან
Line: 7    უნივთოთა მიმართ მნებებელნი აღსლვისანი, პირველად კაცსა შევისწავებთ,

Line: 8    მერმე ვითარმედ თანადმდებარე არს ძუალთაგან და ჴორცთა, მერმე ვითარმედ
Line: 9    ესენი ოთხთაგან ასოთა, მერმე ვითარმედ ესენი ნივთისაგან და სახისა. ვინაჲცა
Line: 10    ბუნებით უპირველესნი მეცნიერებისა ჩუენისათჳს უუკუანაჲსკნელეს იქმნებიან
Line: 11    და ბუნებით უუკუანაჲსკნელესნი მეცნიერებისა ჩუენისათჳს უპირველესად.
Line: 12    და უცხადეს უკუე უპირველესი, ხოლო უცხადო არს მეორი.
Line: 13    ამისთჳს მათძლითსა მასწავლელობასა ესრეთ ჴელ-ყო ფილოსოფოსმან. (რამეთუ
Line: 14    უცხადოთაგან გჳღირს ჩუენ ქმნაჲ მასწავლელობისაჲ) და ვითარმედ ფილოსოფოსთამიერი
Line: 15    ნათესავი, რომლისათჳს არს სიტყუაჲ, ჰგავს თქუმულთა
Line: 16    ამათ ნათესავთა და მსგავსებაჲ რაჲმე აქუს ამათდა მიმართ.
Line: 17    /ხოლო ძიების*1 ღირს არს, თუ რომლისა მიზეზისათჳს სხუათაცა დანიშნვათა
Line: 18    ნათესავისათა ყოფასა შინა ესენი ოდენ აღრიცხუნა მან? ხოლო ვითარმედ
Line: 19    არიან სხუანიცა დანიშნვანი, ცხად-არს ამიერ, რამეთუ პლატონ ნათესავად
Line: 20    იტყოდა მყოფისა არსებასა, იგივეობასა, სხუაობასა, ძრვასა და დგომასა. ვინაჲცა
Line: 21    ესენი*2 [არა]1 აღრიცხუნა, ვინაჲთგან წინა-ედვა მას, ვითარცა წინაჲსწარ
Line: 22    დანიშნა, არისოტელის მიერ გონებულთათჳს აღმწერელობაჲ. ხოლო ჩანს თჳთ
Line: 23    იგი არისტოტელიცა ნათესავად მწოდებელად "ბუნებითსა" შინა თითოეულისა
Line: 24    ჴელოვნებისა წინამდებარისა ნივთისად, ვითარცა ხუროვნობითისა შორის ხეთად
Line: 25    და მკურნალობითისა შორის კაცობრივთა სხეულთად და ბუნებითთა ყოველთა
Line: 26    შორის პირველისა ნივთისად. გარნა არა წინა-უც პორფირის ბუნებითად
Line: 27    განხილვაჲ ამათთჳს, არამედ შესამსგავსად სიტყჳერებითისა მოფარდულობისა.





Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.