TITUS
Ammonius, In Aristotelem commentaria
Part No. 28

Subchapter: 16  
Line: 1  ხოლო ცხოველნი, ნათესავად მყო/ფ, კაცისა და
Line: 2  ცხენისა დაჴარისა შეისმინების, რომელნი განიყოფვიან
Line: 3  სახითაცა და არა რიცხჳთა მხოლოჲთა


Paragraph: 1  
Line: 4       შესწავებულ იყავნ, ვითარმედ სახითა განყოფილნი ურთიერთას რიცხჳთაცა
Line: 5    განიყოფვიან, ხოლო რიცხჳთა განყოფილნი არღა მერმე სახითაცა, რამეთუ
Line: 6    არ გარემოიქცევის სიტყუაჲ. ხოლო ცოდნაჲ საჴმარ-არს, ვითარმედ სამი არს
Line: 7    იგივეობაჲ: რამეთუ ანუ ნათესავითა იგივე არს, ვითარცა კაცი, ცხენი, ძაღლი,
Line: 8    ჴარი (რამეთუ ესენი ნათესავითა იგივე არიან, რამეთუ ყოველნი ცხოველნი
Line: 9    არიან; ხოლო სახითა იგივე არიან, ვითარცა თეონ და პლატონ და ალკივიადი
Line: 10    (რამეთუ ესენი იგივე და ერთ არიან სახითა); ხოლო რიცხჳთა იგივე არიან,
Line: 11    ვითარცა კაცი, მარდი; მახჳლი, დანაჲ. ვინაჲ უკუეთუ იგივეობაჲ1 სამ არს, საჭიროდ
Line: 12    სხუაობაჲცა სამვე არს; რამეთუ ანუ ნათესავითა რაჲთმე2 გა/ნიყოფვიან
Line: 13    და სხუა ურთიერთას არიან, ანუ სახითა, ანუ რიცხჳთა. ვითარ ნათესავ[ი]თა3
Line: 14    განიყოფვიან ურთიერთას, ვითარცა კაცი და თეთრი (რამეთუ კაცი
Line: 15    ვიდრემე ცხოველი არს, ხოლო თეთრი _ ვითარი), არამედ სახითაცა, (რამეთუ
Line: 16    სხუაჲ არს სახე კაცისაჲ და სხუაჲ _ თეთრისაჲ, რამეთუ კაცი არს სახე
Line: 17    ცხოვლისა ნათესავად მყოფისაჲ, ხოლო თეთრი სახე არს ვითარებისა და ფერისაჲ),
Line: 18    არამედ რიცხჳთაცა, რამეთუ გრძნობადი კაცი ვითარ სოკრატი სხუა
Line: 19    არს პლატონისგან.

Paragraph: 2  
Line: 20    ვინაჲ კეთილად სადმე ვთქუთ, ვითარმედ ნათესავითა განყოფილნი ურთიერთას
Line: 21    სახითაცა განიყოფვიან და რიცხჳთა, რამეთუ სახითა განყოფილნი განიყოფვიან
Line: 22    უეჭუელად რიცხჳთა, გარნა არ უეჭუელად ნათესავითაცა ვითარ იგი
Line: 23    კაცი და ცხენი, რამეთუ ესენი განიყოფვიან ურთიერთას სახითა (რამეთუ სხუაჲ
Line: 24    სახე არს კაცისაჲ /და სხუაჲ _ ცხენისაჲ), არამედ რიცხჳთაცა (რამეთუ სხუაჲ არს
Line: 25    ნივთი კაცისაჲ და სხუაჲ _ ცხენისაჲ), ხოლო არ განიყოფვიან ნათესავითა, რამეთუ
Line: 26    ორნივე ცხოველნი არიან. ხოლო რიცხჳთა განყოფილნი არცა უეჭუელად სახითა,
Line: 27    არცა ნათესავითა განიყოფვიან*1. ამისთჳს უკუე თქუა: "რომელნი განიყოფვიან
Line: 28    ურთიერთას სახითაცა და არა რიცხჳთა მხოლოჲთა", რაჲთა ცხად-იქმნეს, ვითარმედ4
Line: 29    ურთიერთას სახითა განყოფილნი რიცხჳთაცა განიყოფვიან
Line: 30    ურთიერთთას.



Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.