TITUS
Ammonius, In Aristotelem commentaria
Part No. 55

Chapter: 3  
Line: 14  განყოფილებისათჳს


Paragraph: 2  
Line: 15    ხოლო განყოფილებაჲ ზოგადად და განთჳსებულად და უგანთჳსებულესად
Line: 16    ითქუმოდედ*1, რამეთუ განყოფილებაჲ ვიდრემე უპირველესი არს სახისაჲ
Line: 17    და რომლისა მიზეზისა ძლით უპირველეს წარმოითქუა სახისათჳს, ეგერა
Line: 18    თქუმულ არს. ხოლო აწ განყო/ფილებისათჳს ჰყოფს სიტყუასა და თქუმულსა
Line: 19    მას კანონსა მჴუმეველი კუალად აღჰრაცხს1 დანიშნულობათა განყოფილებისათა.
Line: 20    ხოლო რაჲთა თქუმად გულვებადთა შეუდგეთ, ვთქუათ ესრეთ: "სხუაობაჲ
Line: 21    ანუ განშორებითი არს შემთხუევითისაებრი, რომელსა მოუგიეს განშორებაჲ
Line: 22    მათი, რომელთა არს სხუაობა2, ანუ განუშორებელი, ვითარ3 განეყოფვიან4
Line: 23    ვინმე ურთიერთას ვისითამე უკუე დგომითა, ხოლო სხჳსა ჯდომითა და
Line: 24    განეყოფვიან5 ამისებრ ურთიერთას. ესე სადმე განყოფილებაჲ ითქუმის განშორებადად,
Line: 25    რომელსა პორფირიოს უწესს ზობადად, ვინაჲთგან არა
Line: 26    გამოსაზღვრებითა მის ვისდადმე არს, არამედ ზიარად ყოველთად. და ესე
Line: 27    ვიდრემე არს განშორებადი და შემთხუევისებრი განყოფილებაჲ. ხოლო უკუეთუ
Line: 28    განუშორებელი არს განყოფილებაჲ, ანუ /თავით თჳსით არს, ესე იგი არს.
Line: 29    თანშემასრულებელობითი არს არსებასა ქუედმდებარისასა, ანუ შემთხუევითისაებრ,
Line: 30    ესე იგი არს, არარაჲთ სრულმყოფელი ყოფისა მიმართ საქმისაჲ. და
Line: 31    ესე ვიდრემე არს განუშორებელი დაშემთხუევისებრი, ვითარ-იგი არს ნერბისცხჳრობაჲ*2,
Line: 32    ნიშნოვნობაჲ, ჩხიობაჲ*3, რამეთუ განეყოფვიან6, ურთიერთას
Line: 33    ვიეთნიმე, რომელიმე ნიშოან-ყოფითა, ხოლო რომელიმე ნერბისცხჳრ. ესენი
Line: 34    შემთხუევითებ სადმე არიან, ვითარცა არმყოფნი შემასრულებელად არსებათა
Line: 35    ქუედმდებარეთასა (რამეთუ შესაძლებელ იყო სოკრატი არ-ყოფად ნიშნიან და
Line: 36    ეგრეთცა ყოფად სოკრატად). ხოლო განუშორებელებ (რამეთუ არ მოუგიეს
Page: 71 
Line: 1    განშორებაჲ ქუედმდებარისაჲ), რომელთა თჳსად სახელ-სდებს პორფირიოს,
Line: 2    ვითარმედ განჩინებითა მისი ვისიმე არს ნიშ/ნოვნობაჲ ხოლო, განუშორებელი
Line: 3    და არა შემთხუევისებრი, არამედ შემასრულებელი არსებისაჲ არს, ვითარ
Line: 4    სიტყჳერი, მოკუდავი, რამეთუ განვეყოფვით1 უსიტყუთა ცხოველთა, ვითარ-იგი
Line: 5    ჩუენ სიტყჳერ, ხოლო იგინი უსიტყუ. ამას უკუე განყოფილებასა უთჳსესად
Line: 6    უწოდა.

Paragraph: 3  
Line: 7    განყოფილებისაჲ ვიდრემე რომელიმე ითქუმის ზოგადად, ხოლო რომელიმე
Line: 8    _ თჳსად და რომელიმე _ უთჳსესად. ზოგადად ვიდრემე _ შემთხუევისებრნი
Line: 9    და განშორებადნი და თნ́სად _ შემთხუევისებრნი განუშორებელნი. ხოლო
Line: 10    განუშორებელნი უკუე შემასრულებელადცა არსებასა ქუემდებარისასა და
Line: 11    თავით თჳსით მყოფნი უთჳსესად ითქუმიან. და პირველი სადმე განწვალებაჲ
Line: 12    განყოფილებათაჲ ესრეთ.

Paragraph: 4  
Line: 13    ხოლო კუალად ზედგანმწვალებელი მათი იტყჳს, ვითარმედ: "განყოფილებათაგანნი
Line: 14    რომელნიმე სხუებრობსა ჰყოფენ ქუემდება/რისასა2, ხოლო რომელნიმე
Line: 15    _ სხუაობასა. ზოგადად ვიდრემე და თჳსად სათქუმელი განყოფილებაჲ
Line: 16    _ სხუებრობასა (რამეთუ სხუებრობა არს დგომაჲ და ჯდომაჲ და
Line: 17    სხუებრ ნიშნოვანი და ნერბისცხჳრი), ხოლო უთჳსესნი _ სხუაობასა, რამეთუ
Line: 18    სხუა3 სიტყჳერი და სხუა4 _ უსიტყუელი, რამეთუ სხუებრი უკუე საქმისა
Line: 19    რომლისაებრმე ჰყოფს შეცვალებასა, ხოლო სხუაჲ უეჭუელად სხუასა შეიქმს.
Line: 20    რამეთუ სიტყჳერი სადმე ცხოველი სხუა, თჳნიერ უსიტყუელისა, ხოლო
Line: 21    მჯდომარე მდგომარისა არა სხუა, არამედ სხუებრ, [მსგავსად]5 ნერბისცხჳრი
Line: 22    _ ნიშნოვნისა. სამგუარად უკუე თქუმულობასა განყოფილებათასა რომელთასამე
Line: 23    უთჳსესად, უთჳსესთათჳს არს სიტყუაჲ ფილოსოფოსთაჲ, რამეთუ
Line: 24    თჳსნი და ზოგადნი განყოფილებისა მიმართ ნათესავთაჲსა არ ისაჴმრებიან6,
Line: 25    რამეთუ არავინ იტყჳს, ვითარმედ: ცხოველთაგანნი რომელნიმე სხენან /და რომელნიმე
Line: 26    დგანან (რამეთუ7 არა ყოველთა8 გარეშევიცავთ), არცა ვითარმედ:
Line: 27    რომელნიმე ნიშნიან და რომელნიმე ნერბისცხჳრ მსგავსადვე. ხოლო უკუეთუ
Line: 28    განწვალებისა მიმართ არსაჴმარ, არცა განსაზღვრებათა მიმართ. მხოლონი
Line: 29    სადმე უთჳსესნი იჴმარებიან.



Subchapter: 1  
Line: 30  და უთჳსესად ითქუმოდედ


Paragraph: 1  
Line: 31    ხოლო შეძინებითა ვითარმედ9: "ითქუმოდედ" დანიშნა მისვე სახელისაჲ
Line: 32    ამისიცა დადებულებაჲ, რამეთუ ჩუეულ იყვნეს ძუელნი ოდეს სახელსა რასმე
Line: 33    მოღებადთათჳს იჴუმევდიან თქუმასა, ვითარმედ "ითქუმოდედ", ხოლო ოდეს
Line: 34    სახელთა დაჰსხმიდენ მათი, ჩუეულ არიან, ვითარმედ "ეწოდებოდედ" თქუმად,
Line: 35    ვიდრე "ითქუმოდედ".





Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.