TITUS
Ammonius, In Aristotelem commentaria
Part No. 62

Subchapter: 8  
Line: 1  ხოლო შემქმნელნი სხჳსანი* სიტყუასა შინა
Line: 2  არსებისასა მოიხუმიან


Paragraph: 1  
Line: 3       ვითარმცა იტყოდა, ვითარმედ "სიტყუასა1 შინა", რომელი ცხად-ჰყოფდეს
Line: 4    ბუნებასა საქმისასა, ესე იგი არს, განსაზღვრებასა, რამეთუ განსაზღვრებანი
Line: 5    /ნათესავისაგან და შემამტკიცებელობითთა არიან განყოფილებათა, ესე იგი არს.
Line: 6    სახისმოქმედთა, რომელნი არ მიითუალვენ უფროჲსსა და უმცროჲსსა; რამეთუ
Line: 7    არა ითქუმის ვინმე უფროჲს მოკუდავად, არცა უფროჲს სიტყჳერად და უმცრო
Line: 8    სიტყჳერად, რამეთუ მცირენიცა2 ყრმანი მსგავსადვე სიტყჳირ არიან. ხოლო
Line: 9    დაიყენებიან ორღანოჲსა3 მიერ სიტყჳერებითთა შორის ქმნათა მიმართ. და
Line: 10    მარტივად ჯერ-არს ცოდნაჲ, ვითარმედ იგინი მიითუალვენ უფროჲსუმცროჲსობასა,
Line: 11    რაოდენნი მისვე ქუემდებარისათჳს შემტკიცნებოდინ წინააღმდგომად
Line: 12    მყოფნი, რომელნი შეირწყუმიანცა ურთიერთას, ვითარ-იგი თეთრი თეთრისა
Line: 13    უფროჲს, ითქუმის და უმცროჲს, ვითარ იგივე ქუემდებარე ოდესმე უკუე4
Line: 14    თეთრ იქმნების, ხოლო ოდესმე მელან და შეირწყუმიან5 ესენი ურთიერთას,
Line: 15    თეთრსა, /ვიტყჳ, და მმელნობსა6. და ოდესმე უკუე უწმიდესობაჲ, ხოლო
Line: 16    ოდესმე ზედშერეულებაჲ შეემთხუევის ქმნილად. ხოლო არსებათა ზედა არა
Line: 17    არს უფროჲსი და უმცროჲსი, ვითარ არარაჲ წინააღმდგომ არს არსებისა. არცა
Line: 18    სიტყჳერი და უსიტყჳ მისვე ქუემდებარისათჳს შემტკიცნებიან. ხოლო უკუეთუ
Line: 19    თქუას ვინმე, ვითარმედ: "ვითარ უკუე არისტოტელმან თქუა "კატიღორიათა"
Line: 20    შინა ხოლო: "არსებაჲ არს ყოვლად საკუთარი და პირველი უფროჲსად სათქუმელი".
Line: 21    რამეთუ აჰა, "უფროჲსიცა" თქუა, ვითარცა რაჲ უფროჲსუმცროჲსობასა
Line: 22    მიმთუალველისათჳს, ვი/ტყჳთ, ვითარმედ პირველად ვიდრემე, ვითარცა
Line: 23    ჩუენისა მეცნიერებისა მომართ ითქუმიან ესენი მისგან, რამეთუ "პირველად"
Line: 24    თქუა და "უფროჲსად" განუკუეთელი უფროჲს თანშეერთებულებისათჳს, ჩუენისა
Line: 25    და პირველ წარდგომისა, რამეთუ ამისგან ჟამ[ი]თა7 და ზედმიწევნულობითა
Line: 26    წარმატებულნი მივჰმართებთ /მეორისა ზედა _ სახისა მიმართ და ნათესავისა.
Line: 27    მერმე უკუეთუ შეუნდოსცა ვინ მათ შორის8 ყოფაჲ უფროჲსუმცროისობისაჲ,
Line: 28    არა სივრცეთა შორის იყოს, არამედ სიღრმეთა შორის, რამეთუ არცა კაცი
Line: 29    კაცისა უფროჲს კაც, ანუ უფროჲს სიტყჳერ არს, არცა ცხენი ჴარისა უფროჲს
Line: 30    ცხოველ, ანუ ამათსა კაცი, არამედ სიღრმისებრთა შორის, ვითარცა ვთქუ, შესაძლებელ
Line: 31    არს შორის სახილველობაჲ ამისი, რამეთუ უზენაესნი უდიდეს უქუენაესთასა,
Line: 32    რაოდენ მიიღებენცა უაღრესთაგან, ვითარ-იგი სიტყჳერი უფროჲს
Line: 33    არს გონებისა შორის. ხოლო უმცროჲს9 _ სულისა შორის; და უფროჲს'_ანგელოზთა
Line: 34    შორის, ხოლო უმცროჲს _ ზეციერთა სხეულთა შორის, ვითარ
Line: 35    იგინიცა სულიერ არიან და სიტყჳერ. მერმე უფროჲს მათ შორის, ვიდრემე
Line: 36    ჩუენ შორის და სხუებრცა. არსებაჲ უფროჲს არს ცხოვლი/სა10, ვიდრე კაცისა
Line: 37    შორის და უფრო ამის შორის, ვიდრე სოკრატის შორის, არამედ საშუალობითა
Line: 38    კაცისაჲთა ამასცა ზედდაენერგვის. წინა-ცხად11 უკუე, ვითარმედ პირველთა და
Line: 39    უსაშოვლოდ ვისთამე თანმქონებელთა მეორედ და საშუალობითა ვისითამე
Line: 40    თანმქონებელთასა უფროჲს თანა-აქუს. და კეთილად თქუმულ არს, ვითარმედ
Line: 41    სივრცისაებრნი არ შეიწყნარებენ უფროჲსუმცროჲსობასა.
Page: 75 





Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.