ARMAZI
Author: Gior.Mon.
Georgius Monachus
Book: Chron.
Chronicon
On the basis of the edition by
Simon Q̣auxčišvili,
Xronoġrapi Giorgi Monazonisay /
S. Kauchčišvili,
Georgii Monachi Chronicon,
Ṭpilisi 1920
(Monumenṭa Georgica. Publicationes Universiṭaṭis Tphilisensis,
III: HISTORICA, No. 1)
(Ṭpilisis Universiṭeṭis Gamocema,
daibeč̣da sibrʒnis-meṭq̇velebis paḳulṭeṭis 1920 c̣lis tebervlis 11-is dadgenilebit
deḳani Ḳ. Ḳeḳeliʒe,
mdivani G. Axvlediani),
electronically prepared by Beka Topuria,
Frankfurt a/M / Tbilisi, 1999-2002;
ARMAZI version by J. Gippert,
Frankfurt a/M, 22.8.2010
Page: 3
Line: 1 ხრონოღრაფი
Line: 2 გიორგი მონაზონისაჲ
Chapter: 1
Line: 3 [წიგნი პირველი.]
Line: 4 [ადამის-თჳს.]
Line: 5 ........... მეორე ქვისა მტკიცისა, და დაწერნეს მათ ზედა პაპისა მათისა სეითისა
Line: 6 მიერ გარდაცემულნი ზეციერნი ყოველნივე, რამეთუ თქუეს ვითარმედ
Line: 7 "უკუეთუ წყლითა წარირღუნას სოფელი, ქვისა ესე სუეტი დაშთეს და მას ზედა
Line: 8 გამოჭრილნი ასონი; ხოლო [უკუეთუ] ცეცხლითა განიხრწნას, ალიზისა [იგი
Line: 9 დაშთეს] და მას ზედა გამოხატულნი". რომელიცა სუეტი შემდგომად წყლითრღუნისა
Line: 10 დაშთა მთასა ზედა სიდირონსა [და არს] ვიდრე აქამომდე, ვითარცა
Line: 11 დასწერს იო[სიპოს].
Line: 13 მერმე შემდგომად ამათსა გამოჩნდა [გმირი ვინმე] სახელით ნებროთ, ძე
Line: 14 ხუს ეთ[იოპელისა], ტომისაგან ქამისა, რომელმან აღაშენა ბაბილონი ქალაქი და
Line: 15 გამოაჩინა მონადირეობაჲ და მოგობაჲ და ეუხუცესა სპარსთა; და ასწავა მათ
Line: 16 ვარსკულავთ-მრიცხუველობაჲ და ვარსკულავთ-მზმნელობაჲ, და მოძრაობასა ცისა[სა]
Line: 17 .....აჲ ვითარებასა შობადთა შემთხუევისასა, რომელთაგან ისწავეს რაჲ
Line: 18 ელენთა შობათ-მეტყუელებაჲ....... მიმართ ვარსკულავთასა... ....ასა შობადთა,
Line: 19 ვითარ სახისაცა ჩუეულებათასა. და ესრეთ ვარსკულავთ-მრიცხუველობამან ვიდრე-მე
Line: 20 და ვარსკულავთ-მეტყუელებამან და შობათ-მეტყუელებამან სპარსთამან მიიხუნა
Line: 21 დასაბამი. რომელნიცა განღმრთობასა ნებროთისასა [და] ვარსკულავთა
Page: 4 Line: 1 შორის ზეცათა შინა ყოფასა მისსა იტყჳან, რომლისათჳს იტყჳს მოსე: "შეიქმნა
Line: 2 დასაბამი მეფობისა მისისა ბაბილონი და ხალანი ქუეყანასა სენარისასა, სადა/იგი
Line: 3 გამოვიდა ფილისტიმ."
Line: 5 ხოლო ტომისაგან სემისა და ასურისა _ რომლისაგან ასურასტანელნი, _ რომელმან
Line: 6 დაიპყრა ასურეთი და სპარსეთი და სხუანი კერძონი აღმოსავალისანი,
Line: 7 გამოჩნდა სხუაჲცა ვინმე კაცი, ნათესავით გმირი, სახელით კრონოს თანამოსახელეობისა-ებრ
Line: 8 ცთომილისა მის ვარსკულავისა. ხოლო იქმნა ესეცა ძლიერ ფრიად
Line: 9 და მრავალნი დაიმორჩილნა და ეუფლა და პირველად წარმოაჩინა მეფობაჲ და
Line: 10 მპყრობელობაჲ სხუათა კაცთაჲ და იქმნა დასაბამ მეფობისა ასურასტანელთაჲსა
Line: 11 ორმეოც და ათექუსმეტ წელ; და მოიმორჩილა ყოველი ქუეყანაჲ სპარსეთისაჲ
Line: 12 დამწყებელმან ასურეთით. ხოლო ესხნეს ძენი ორნი და ასული ერთი: და ერთსა
Line: 13 მას უწოდა დია სახელად ცთომილისა მის ვარსკულავისა, ხოლო მეორესა სახელ
Line: 14 სდვა ნინონ; ხოლო ასულსა ირა, რომელიცა მიიყვანა ცოლად პიკოს, რომელსა
Line: 15 ერქუა ზევსცა, დაჲ თჳსი ირა.
Line: 17 ხოლო შემდგომად კრონოჲსა მეფე იქმნა ნინოს, ძე მისი, ორმეოც და
Line: 18 ათორმეტ წელ, რომელმანცა დედაჲ თჳსი სემირამი მიიყვანა რაჲ ცოლად თჳსსა,
Line: 19 სჯულად მიიღეს სპარსთა მიყვანებაჲ დედისა და დათაჲ დიაჲს მიერ მითხოისათჳსცა
Line: 20 დისა თჳსისა ირაჲსსა. ხოლო ნინოს, მპყრობელ რაჲ ექმნა ასურასტანსა
Line: 21 და აღაშენა მას შინა ქალაქი დიდი ფრიად ადგილსა სამისა დღისა გზისასა,
Line: 22 რომელსა უწოდაცა სახელი სახელსა თჳსსა ზედა ნინევი, პირველად მეფე იქმნა
Line: 23 მას შინა; რომლისა ნათესავისაგან გამოჩნდა ზოროასტროს, სახელ-განთქუმული
Line: 24 იგი ვარსკულავთ-მრიცხუველი სპარსთაჲ, რომელსა ეგულებოდა რაჲ აღსრულებაჲ,
Line: 25 ილოცა ცისა მიმართ რათა განსალევნელ იქმნეს ცეცხლისა, და ჰრქუა სპარსთა:
Line: 26 "უკუეთუ დამწუას მე ცეცხლმან, დამწუართაგან ძუალთა ჩემთა მიიხუენით
Line: 27 და ჰმარხენით, და არა მოაკლდეს მეფობაჲ ქუეყანისაგან თქუენისა, ვიდრემდის
Line: 28 ჰმარხვიდეთ ძუალთა ჩემთა, და, ვითარცა ილოცა ორიონისა მიმართ, განილია
Line: 29 ცეცხლითა ჰაერისაჲთა და მიიხუნეს სპარსთა ავლ ქმნილნი იგი ძუალნი, რომელთა
Line: 30 ჰმარხვენ ვიდრე აქამომდე."
Line: 2 ხოლო შემდგომად ნინონისსა მეფე იქმნა ასურასტანს თურრას ვინმე სახელით,
Line: 3 წელიწადთა ოცდაათთა, რომელსა სახელ სდვესცა სახელად ცთომილისა
Line: 4 მის ვარსკულავისა არეა და რომლისა-თჳს ძეგლიცა აღჰმართეს პირველად ასურასტანელთა;
Line: 5 და ვიდრე მოაქამდე, ვითარცა ღმრთისა თაყუანისმცემელნი მისნი,
Line: 6 უწოდენ სპარსულად ვაალ, რომელ არს ღმერთი, ვინაჲცა არს არის ღმერთ
Line: 7 ბრძოლათა, რომელსა დანიელცა მოიჴსენებს, ვითარცა სპარსთა მიერ თაყუანისცემულსა
Line: 8 და მსახურებულსა.
Line: 10 ხოლო შემდგომად არესსა მეფე იქმნა ლამის ოც წელ და შემდგომად
Line: 11 ლამინისსა განმეფნა სარდანაპალოს დიდი ოც და ათხუთმეტ წელ და მოიკლა
Line: 12 სპარსთა მიერ, რომლისაცა მაქებელთა და მიმსგავსებულთა მისისა ჴორცთ-მოყუარებისა
Line: 13 და ნაყროვნებისა და გემოთ-მოყუარებისათა წარწერნეს საფლავსა მისსა
Line: 14 ზედა ვითარცა რეცა თჳთ მის მიერ წარწერილად პოვნილნი ესე ვითარნი
Line: 15 რაიმე ვითარმედ "ვჭამდი და ვსუემდი და ტრფიალებით და შუებით ვმოქალაქობდი
Line: 16 რომელნიცა მქონან აწ და სიმდიდრედ ჩემდა მიმიხუმან ყოველნი,
Line: 17 და რამეთუ აწ ნაცარ ქმნილვარ დიდისა ნინევისა მეფე". არამედ ტყუილით
Line: 18 სადმე დაწერეს ესე წარმწერელთა მათ მისთა, რამეთუ არა რაჲ აქუს აღსრულებულსა
Line: 19 მათგან, რომელთა იგი ჭამდა და სუმიდა, არამედ სულმყრალობითად
Line: 20 ხრწნილებად მიიწია ყოველი იგი: გარნა აქუს ხოლო უსჯულოჲსა
Line: 21 ცხორებისა სულმყრალობაჲ, რომელი სამარადისოდ ლმობილ ჰყოფს ვნებულსა
Line: 22 და საწყალობელსა სულსა მოჴსენებითა მათითა, რომელნი იგი უძღებებით და
Line: 23 უსჯულოებით ექმნენ უბადრუკსა მას.
Line: 25 ხოლო შემდგომად სარდანაპალლოჲსა მეფე იქმნა პერსევს, ძე პიკუჲსი, ესე
Line: 26 იგი არს დიოსისი, რომელმანცა ბრძოლა უყო და სძლო ლჳკაონელტა და ქალაქი
Line: 27 აღაშენა მუნ და ძეგლი თჳსი აღჰმართა და სახელ სდვა ქალაქსა მას იკონიაჲ
Line: 28 ხატისა მის გამო თჳსისა. ხოლო მოიმორჩილნა სხუანიცა სოფელნი და ისავრიას
Line: 29 და კილიკიას მოწევნ/ული გარდაჰჴდა ჰუნისაგან თჳსისა და დაასვო წინაჲ
Line: 30 კერძი ტერფისა თჳსისაჲ მიწასა, სადა იგი აღაშენაცა ქალაქი, და უწოდა მას
Line: 31 ტარსონი ფერჴისა გამო ტჳსისა, რამეტუ ტარსონად უწოდიან თითთა კერძოსა
Line: 32 ნაწილსა ტერფისასა. და წარემართა ასურასტანად და მოკლა სარდანაპალლოს და
Line: 33 დაიპყრა ასურასტანი და იმეფა მატ ზედა ორმეოც და ათსამეტ წელ რომელმანცა
Page: 6 Line: 1 სახელისა-ებრ თჳსისა სპარსად უწოდა მათ მომღებელმან ასურასტანელთაგან მეფობისამანცა
Line: 2 და სახელისამან; და ასწავა მათ საძაგელიცა მემსხუერპლეობაჲ და
Line: 3 მიდუსად სახელდებული მოგობაჲ, რომლისაგან მიდიად სახელ ედვა სოფელსა
Line: 4 მათსა მოსაწყინელისა მის-თჳს სწავლულებისა რომლისა-ზე ცეცხლი გარდამოჴდა
Line: 5 ზეცით სპარსეთს შინა. რომელი იხილა რაჲ, დაუკჳრდა და აღანთო ლამპარი
Line: 6 მუნით და აღაშენა ტაძარი და ცეცხლი იგი დადვა მას შინა და უწოდა ტაძარსა
Line: 7 მას ტაძარი უკუდავისა ცეცხლისაჲ. ხოლო დაადგინნა მუნ შინა კაცნი განკრძალულნი,
Line: 8 რათა ჰმსახურებდენ და დაუშრეტელად ჰმარხჳდენ მას, რომელთაცა
Line: 9 სახელ სდვა მოგუად. რომელიცა ჩუეულებაჲ ვიდრე მოაქამდე მრავლითა პატივითა
Line: 10 უპყრიეს სპარსთა და ცეცხლის მსახურ არიან მოცემისაებრ მეფისა მათისა
Line: 11 პერსევისა აწ უკუე პირველი ვიდრე-მე არს ასურასტანელთა, ესე იგი არს ბაბილოვნელთა,
Line: 12 მეფობაჲ, ხოლო მეორე სპარსთა თანა-მოსახელე ასურასტანელად
Line: 13 და ბაბილოვნელად სახელდებულთა მათ.
Line: 15 ხოლო შემდგომად პერსევისსა და მისსა შემდგომთა ჟამთა და მეფეთასა
Line: 16 მეფე იქმნა ეგჳპტეს პირველად/ ნათესავისა[გან ქა]მისა კაცი ვინმე მრავალღონე,
Line: 17 სახელით სოსტრი, ოც წელ, რომელმან ბრძოლა უყოცა ასურასტანელთა და
Line: 18 დაიმორჩილნა იგინი, და ქალდეველთა და სპარსთა ვიდრე ბაბილოვნამდე; ესრეთვე
Line: 19 ასიასაცა და ევროპსა და სკჳთიასა ბრძოლა უყო და დაიმორჩილნა იგინი.
Line: 20 რომლისა-ზე იყო ერმი სამდიდებული, კაცი მეგჳპტელი და განსაკჳრვებელი სიბრძნითა
Line: 21 წარმართთა შორის.
Line: 23 ხოლო შემდგომად სოსტრისა მეფე იქმნა ეგჳპტეს ფარაო, რომელსა ნარახოცა
Line: 24 ეწოდებოდა, ორმეოც და ათ წელ, რომლისაგან ყოველნი მეფენი ეგჳპტისანი
Line: 25 ფარაოდ სახელ ისხნეს. ხოლო პირველ მოჴსენებულთა მათ პიკოჲს,
Line: 26 ესე იგი არს დიოჲს, ჟამთა შინა გამო-ვინმე-ჩნდა კერძოთაგან დასავალისათა,
Line: 27 ტომისაგან იაფეთისა, სოფელსა შინა არგიელთასა, სახელით ინახოს, რომელიცა
Line: 28 პირველ მეფე იქმნა მას ქუეყანასა შინა, სადა იგი ქალაქიცა აღაშენა სახელსა
Line: 29 ზედა მთოვარისასა და უწოდა მას იოპოლი. ხოლო ლჳვიი, ასულმან დიოჲსმან,
Page: 7 Line: 1 შეყოფილმან სახელით პოსიდონის ვისმან-მე, შვნა ვილონ და ანკჳორა;
Line: 2 და ვილონ ვიდრე-მე წარვიდა ეგჳპტედ და მიიყვანა ცოლი, სახელით სიდა. და
Line: 3 შვა ძე და უწოდა მას ეგჳპტე, რომლისაგან ეგჳპტემან მიიღო სახელის დებაჲ
Line: 4 თჳსი, რომელი მეფე იქმნაცა მას შინა. ხოლო ანკჳორა მოიწია ფინიკედ და
Line: 5 მიიყვანა ცოლი სახელით ტჳრო და აღაშენა ქალაქი სახელად მისსა, რომელსა
Line: 6 შინა წარჰმართაცა მეფობაჲ. და შვნა ძენი სა/მნი და ასული ერთი, ფინიკია და
Line: 7 ასურ და კილიკა და ევროპი, რომელიცა ტავროს მეფემან კრიტელთამან წარიყვანა
Line: 8 ტყუედ და ქუეყანასა თჳსსა თრაკისს მიიყვანა და, ვინაჲთგან ქალწულ და
Line: 9 შუენიერ იყო, იპყრა იგი თავისა თჳსისა ცოლად და უწოდა კერძოთა მათ სახელისა-ებრ
Line: 10 მისისა ევროპია. ხოლო ეგულებოდა რაჲ სიკუდილი ანკჳორს, განაჩინა
Line: 11 ყოვლისავე მის მორჩილებასა მისსა ქუეშე მყოფისა ქუეყანისა სამად განყოფაჲ
Line: 12 სამთა ძეთა მისთა ზედა: და ფჳნიკა უკუე მიიღო ტჳროსი და საზღვარნი
Line: 13 მისნი და უწოდა მას ფჳნიკია; ხოლო ასურ ხუედრებულსა მისდა ქუეყანასა სახელ
Line: 14 სდვა ასურეთი, ეგრეთვე კილიკა სახელი თჳსი უწოდა ქუეყანასა ნაწილსა
Line: 15 თჳსსა, რომელ არს კილიკიაჲ ხოლო ჟამთა ფჳნიკის მეფობისათა იყო ირაკლი
Line: 16 ტჳროელი ფილოსოფოსი, რომელმან მოიპოვა საღებავი პორფირისაჲ: რამეთუ
Line: 17 იქცეოდა რაჲ ზღჳს კიდესა ტჳროჲსასა, იხილა სამწყემსოჲ ძაღლი, რომელი
Line: 18 ჭამდა კონქჳლად სახელდებულსა მას კოხლიოსა. ხოლო მწყემსმან ჰგონა, ვითარმედ
Line: 19 სისხლი დამოსდის ძაღლსა; ამის-თჳს მიიღო საწმისი მატყლისაჲ და მოჰჴოცა
Line: 20 შთამომავალი იგი პირისაგან მისისა, და, ვითარცა შეიღება მატყლი, გულის-ხმა
Line: 21 ყო ირაკლი, ვითარმედ არა სისხლი, არამედ საღებავი არს იგი, რომელიცა
Line: 22 დაუკჳრდა და, ვითარცა დიდი რაჲმე ნიჭი, მიართუა იგი მეფესა ფჳნიკს,
Line: 23 რომელსა უფროჲსღა [მისსა] დაუკჳრდა და ბრძანა კონქჳლისაგან შეღებვაჲ
Line: 24 მატყლისაჲ და ქმნად მის-თჳს შესამოსელი. და ესრეთ პირველ შეიმოსა რაჲ მან
Line: 25 პორფირი შესამოსელი, ყოველთა დაუკჳრდა უცხოჲსა მის შესამოსლისა სახე;
Line: 26 რომლისა-თჳს ბრძანებაჲ დადვა მეფემან ფინიქს, რათა არავინ მეფობისა მისისა
Line: 27 მიმდგომთაგანმან იკადროს შემოსაჲ მისი, არამედ მხოლოდ მან ოდენ და შემდგომთა
Line: 28 მისთა მეფეთა ფინიკიაჲსათა; რომლისა მიერ მეფედ იცნობებოდეს მჴედრობისაგან
Line: 29 და ყოვლისავე სიმრავლისა ფერითა ეგე ვითარისა მის შესამოსლისაჲთა.
Line: 30 რამეთუ პირველ არა უწყოდეს კაცთა ღებვაჲ სამოსელთა ფერებისაჲ, რომლისა-თჳს
Line: 31 არცა ადვილად გამოირჩეოდა მეფე მიმდგომთა თჳსთაგან.
Line: 2 ხოლო შემდგომად ჟამთა მათ და მეფეთა მეფე იქმნა ელლადას პელოფს
Line: 3 ვინმე ლჳდი, რომელმან აღაშენა მუნ ქალაქი და უწოდა მას სახელი პელოპონნისონ,
Line: 4 რომლისა მიერ პელოპონნისოდ იწოდებიან ელადელნი.
Line: 6 აწ უკუე მეფე იქმნა ასურასტანს კრონოს და ნინოს და სარდანაპალლოს და
Line: 7 შემდგომითი შემდგომად მათსა სხუანი ვიდრე მაროდაქისამდე და ნაბუქოდონოსორისსა
Line: 8 და შვილთა მისთა. ხოლო შემდგომად მათსა და დარიოსისა მეფე იქმნა
Line: 9 კჳროს სპარსი ოც და ათორმეტ წელ და მოიკლა სპარსეთს. რომლისა ზედა
Line: 10 აღდგა რაჲ კრისსოს, მეფე ლჳდთაჲ, დამორჩილებისა-თჳს მახლობელთა მისთა
Line: 11 სოფელთა და მშორობელთა სა/მთავროთა, მიუმცნო კჳროსს, რათა ანუ მიუტეოს
Line: 12 მას მეფობაჲ სპარსთაჲ, ანუ ბრძოლით შეემთხჳოს მას მიმავალსა ხოლო კჳროსს
Line: 13 ვითარცა ესმნეს ესე, ყოვლით-ურთ შეშინებულ და შეურვებულ იქმნა და
Line: 14 მოვლინებულთა ვიდრე-მე პასუხ უგო და წარავლინნა, ხოლო თჳთ ჰინდოეთსა
Line: 15 ქუეყნად განიზრახა სივლტოლაჲ. რომელი ესე ისწავა რაჲ ცოლმან მისმან ჰრქუა
Line: 16 მას: "რაჲსა ესრეთ შეურვებულ და უღონო ქმნილ ხარ და განუზრახველად გნებავს
Line: 17 ქმნაჲ ამისი." ხოლო მან ჰრქუა მას: "და რაჲ ვინ სხუა განმაზრახოს
Line: 18 ქმნად"; და მან მიუგო: "დარიოსის-ზე პირველისა ქმრისა ჩემისა იყო ვინმე
Line: 19 ებრაელი წინაჲსწარმეტყუელი, სახელით დანიელ, ნატყუენავისაგან ძეთა ისრაჱლისათაჲსა,
Line: 20 ძლიერი სიტყჳთა და საქმითა. რომელი დიდად პატიოსნად და განიზრახად
Line: 21 ფრიად გამოცდილად აქუნდა დარიოსს და რომელი აწ მოხუცებულებისა-თჳს
Line: 22 მისისა მისდად განკუთნვილსა ქუეყანასა შინა იქცევის თჳსაგან, რომლისა
Line: 23 უკუეთუ შენცა მსმენელ იქმნე განზრახვისა, კეთილად ჰყო". ხოლო კჳროსს ესმა
Line: 24 რაჲ ესე, მეყსეულად წარავლინნა წარჩინებულნი თჳსნი, რათა მრავლითა პატივითა
Line: 25 მოიყვანონ იგი მისსა. რამეთუ საყუარელ არს ჭირთა შინა მრავალთა უსასწრაფოესად
Line: 26 შერაცხაჲ ღონიერებისა დედათაჲსაჲ მამათაჲსასა და ღმრთისა მიმართისა
Line: 27 მილტოლვისა უსაკუთრესად და უმჴურვალესად შეხებაჲ ხოლო კრის/სოს
Line: 28 შემდგომად უკუმოქცევისა კჳროსის მიმართ მივლინებულთა მათ მისთაჲსა.
Line: 29 წარავლინნა კაცნი სარწმუნონი სამისნოდ, რათა იმისნოს პჳთიაჲსაგან, უკუეთუ
Line: 30 მძლე ექმნებისა კჳროსს სადა იგი შე-რაჲ-ვიდა მისანი და ილოცა, მიიღო გამოცხადებაჲ
Line: 31 პჳთიაჲსაგან ვითარმედ "კრისსოს, ალჳნს მდინარესა წიაღსრულმან,
Page: 9 Line: 1 მთავრობაჲ დიდი დაჰჴსნას." რომელი დაწერა ქარტასა ზედა და მისცა კრისსონის
Line: 2 მიერ მოვლინებულთა მათ. ხოლო საღმრთოჲ დანიელ, მოიწია რაჲ კჳროსისა,
Line: 3 ჰრქუა მას კჳროს: "მითხარ მე უფროჲსად ბრძენო, უკუეთუ მძლე ვექმნები
Line: 4 ლაღსა და ამპარტავანსა კრისსონს." ჰრქუა მას დანიელ: "მინდობილ იყავ,
Line: 5 ვითარმედ სძლევ კრისსონს და მიიყვანებ მას ტყუედ, რამეთუ შენთჳს თქუა
Line: 6 ესაია წინაჲსწარმეტყუელმან. "ესრეთ იტყჳს უფალი ცხებულსა კჳროსს, რომლისასა
Line: 7 უპყარ მარჯუენესა დამორჩილებად წინაშე მისსა ნათესავნი და ძალი
Line: 8 მეფეთაჲ განვაქარვო. მან აღაშენოს ქალაქი ჩემი და ტყუეობაჲ ერისა ჩემისაჲ
Line: 9 მოაქციოს, თქუა უფალმან საბაოთ." ხოლო კჳროსს ესმნეს რაჲ ესე,
Line: 10 დავარდა ფერჴთა-თანა დანიელისთა და თქუა: "ცხოველ არს უფალი ღმერთი
Line: 11 შენი. მე განუტევო ისრაჱლი ქუეყანით ჩემით, რათა ჰმსახურებდენ
Line: 12 ღმერთსა მათსა იერუსალჱმს შინა." და აღჭურვილმან წყობა ყო კრისსონის
Line: 13 მიმართ. ხოლო კრისსონს ვითარცა ესმა მიგებაჲ იგი სამისნოჲსა მის ხრიზმოსისაჲ,
Line: 14 მიიმართა კჳროსის მიმართ სიმრავლითა ძალისაჲთა და წია/ღმოჴდა
Line: 15 მდინარესა ალჳნსა და, შეემთხჳა რაჲ კჳროსს სიფიცხესა ზამთრისა დიდისასა,
Line: 16 იძლია: და ეგულებოდა სივლტოლაჲ ერისა-თანა თჳსისა, გარნა სავსებითა მდინარისა
Line: 17 მის წყალთაჲთა ვერ შეუძლო წიაღსლვაჲ. ამისა-თჳს ტყუედ წარქცეულ
Line: 18 იქმნა და დაეცა სიმრავლე ოთხასი ათასისა მბრძოლისაჲ, რომელთაგანნი დაშთომილნი
Line: 19 ტყუედ წარიყვანნა დარიოს. ხოლო კრისსონ შეკრული აღაბა ძელსა
Line: 20 და განქიქებული უჩუენა ყოველსა სიმრავლესა მჴედრებისა თჳსისასა. ამის შემდგომად
Line: 21 აღიყვანა სპარსეთად და მუნ სიკუდილსა მისცა იგი. და უცხოთა და
Line: 22 ზეშთა ძალისათა გულის-მთქუმელმან თავიცა თჳსი და თჳსნი წარწყმიდნა სიმრავლითა
Line: 23 უძღებებისაჲთა ხოლო ძენი ისრაჱლისანი ყოველნი მეყსეულად ზორობაბელის-თანა
Line: 24 განუტევნა აღსლვად იერუსალჱმად. და ესრეთ კჳროსის მიერ
Line: 25 დაიჴსნა მუფობაჲ ლჳდთაჲ მპყრობელ-ქმნილი ორას ოც და ათორმეტ წელ.
Line: 27 ხოლო შემდგომად კჳროსისა მეფე იქმნა დარიოს, ძე მისი, რომელსა
Line: 28 კამვისოსცა ეწოდებოდა, რვა წელ.
Line: 30 ხოლო შემდგომად კამვისოჲსა მეფე იქმნა არტაქსერქსი, მოჴსენედ სახელდებული,
Line: 31 ოც წელ, რომლისა-ზე იყო ვინმე იტალიას მპყრობელი სამთავროჲსა
Page: 10 Line: 1 ერთისაჲ, სახელით პალას, რომელმან აღაშენა სახლი ყოვლად დიდი, რომლისა
Line: 2 მსგავსი არა იპოებოდა გარემოსა მას სოფლებსა, და პალატად სახელ სდვა მას.
Line: 3 რომლისა გამო პალატად ეწოდების სა/მეფოსა სამკჳდრებელსა.
Line: 5 მერმე შემდგომად ამათსა მეფე იქმნა რომოს, მაშენებელი ჰრომისაჲ, და
Line: 6 რიმოს, ძმაჲ მისი. რომელთა განაახლეს და აღაშენეს პალატად წოდებული სამეფოჲსა
Line: 7 პალატისა სახლი და ტაძარი დიდი აღჰმართეს და სახელ სდვეს მას
Line: 8 კაპეტოლიონად ჰრომისა, რომელ არს ჰრომაულად თავი ქალაქისაჲ. ვინაჲცა
Line: 9 მეფობასა მათსა შინა ურთი-ერთას მტერობად მოვიდეს იგინი: და მოიკლა რომოჲს
Line: 10 მიერ რიმონ, და მეფობდა მარტოჲ რომოს და, ვითარცა განასრულნა
Line: 11 ზღუდენი და შეამკო ქალაქი და ტაძარი არეოჲსი აღაშენა და თუესა მარტისასა
Line: 12 სრულ ყო ენკენიობაჲ მისი და უწოდა თუესა მას მარტი, რომელსა პირველ
Line: 13 ტრიმონ ეწოდებოდა, რომელ არს არეოს. რომლისაცა დღესასწაულსა წლითი-წლად
Line: 14 აღმასრულებელნი ჰრომნი სახელ სდებენ დღესა დღესასწაულისასა მოქცევად
Line: 15 მარტისა. ხოლო აღაშენა ცხენთ-სარბიელიცა, რათა განწვალოს სიმრავლე
Line: 16 ერისა ჰრომაელთაჲსაჲ, რამეთუ შფოთებით ზედა-აღუდგებოდეს მას ჰრომნი
Line: 17 სიკუდილისა-თჳს ძმისა მისისა. და პირველად ჰრომეს შინა სრულ ყო მან ცხენთ-სარბიელი,
Line: 18 რომელ არს იპპოდრომი. და დღესასწაულად მზისა და ოთხთა ნივთთად
Line: 19 განაჩინა იგი: ქუეყანისა, ჰაერისა, ცეცხლისა და წყლისა, და უწოდა პირველსა
Line: 20 მას მწუანე და მეორესა თეთრი, მესამესა მწითური და მეოთხესა მჴიე. და
Line: 21 შეასწავა მათ, ვითარმედ ამისთჳს ბედ................................
Line: 23 ............. და გამოიკულია, თუ ვითარი არს შესახედავად და ცნა, ვითარმედ არა
Line: 24 გრძელ არს ჰასაკითა და კბილნი ასხენ დიდნი და მჩენნი გარეგნით ბაგეთასა;
Line: 25 და ვითარმედ ერთი თუალი ჩხიაჲ, ხოლო მეორე შავი არს მისი; და თავსა
Line: 26 შორის თჳსსა თჳსაგან შესწავებულად იპყრა ქმნულებაჲ ესე სახისა მისისაჲ. და
Line: 27 აჰა, შევიდა მისსა მიმართ მის მიერ მივლინებულთა მოციქულთა-თანა და ცნობილ
Line: 28 იქმნა მის მიერ ზემო-წარმოთქუმულთა მათ ნიშანთაგან, მეყსეულად შეიპყრა
Line: 29 იგი და ჰრქუა: "ალექსანდრე მეფეო, სოფელი დაიპყარ და დედაკაცისა მიერ
Page: 11 Line: 1 შეპყრობილ იქმენ."ხოლო მან ჰრქუა მას: "მრავალ ღონეობისა-თჳს და სიმარჯჳანობისა
Line: 2 ცნობისა შენისა უვნებელად დაგიცვა შენ და ძენი შენნი და სამეფოჲ
Line: 3 შენი, და შენ მოგიყვანო ცოლად ჩემდა.."რომელიცა წარმოიყვანა და ეგჳპტეს
Line: 4 მოწევნულმან დიდი ალექსანდრიაჲ სახელსა თჳსსა ზედა აღაშენა, ხოლო თჳთ
Line: 5 კუალად იქცა ბაბილოვნადვე, სადა მოცაკუდა წელიწადთა ოცდაათორმეტთაჲ.
Line: 6 რომელსა ათორმეტი ხოლო წელი წარმოევლო მეფობასა შინა, და რომლისანი
Line: 7 მრავალნი და ბევრეულნი/ არიან სხუანიცა მძლეობანი და წარმართებანი და მითხრობად
Line: 8 შეუძლებელნი მჴნე-კაცობანი, რომელნი მან აღასრულნა და ქმნნა. ამისთჳსცა
Line: 9 ფრთოსანსა ვეფხსა მიამსგავსა იგი წინაჲსწარმეტყუელმან, მყის სიმალით
Line: 10 ცეცხლის სახედ მოვ//////////////////////ლ არს, თუ ესმა ფილოსოფოსისა
Line: 11 ვისგანმე მეტყუელისა ვითარმედ "აღურიცხუველნი არიან სოფელნი".
Line: 12 რომელსა ზედა დიდად სულთ-ითქუნა და თქუა: "უკუეთუ აღურიცხუველთა სოფელთაგან
Line: 13 ვერცა ერთი ოდენ დავიპყარ მე.."ესოდედ დიდ გონება, დიდ სულითა
Line: 14 და მჴნე იყო, რომლისა-თჳსცა ყოვლით კერძო მიმოდაითქუმოდა და საკჳრველ
Line: 15 იქმნებოდა უფროჲსღა და სიწმიდის მოყუარებისა-თჳს მისისა და გულის-ხმის-ყოფისა
Line: 16 და ფრიადისა სიბრძნისა-თჳს და გონიერებისა. რამეთუ არისტოტელის
Line: 17 მოწაფე ქმნილმან ყოველივე სიტყჳერებითი კელოვნებაჲ მიერ კერძო
Line: 18 საზომისა დაისწავლა. ხოლო მჴნე და კადნიერ იყო ბრძოლათა შინა. რომელმან
Line: 19 იხილა ოდესმე თანამოსახელე ვინმე თჳსი ჭაბუკი მოშიშ ქმნილად ბრძოლასა
Line: 20 შინა და ჰრქუა: "ჭაბუკო. ანუ წესი შეიცვალე, ანუ სახელი". ხოლო სიწმიდის
Line: 21 მოყუარებაჲ თჳსი უგანცხადებულესად უჩუენა ყოველთა შემდგომად მძლეობისაცა:
Line: 22 რამეთუ, ტყუედ მოიყვანნა რაჲ ასულნი დარიოსისნი, განსაკჳრვებელისა
Line: 23 შუენიერებისა მქონებელნი, არცაღა თუ ხილვაჲ თავს იდვა მათი, არამედ
Line: 24 ფრიადად უმსჯავროებად საჯა, უკუეთუ სიქველით მძლენი, მამათანი
Line: 25 საწყალობელად იძლინენ დედათაგან. რომელიცა ვიდრე უშინაგნესად
Line: 26 ჰინდოეთამდე და გარემოჲს ყოვლისა ქუეყანისა დიდად მდი/[ნარისა] .............
Line: 27 ......../ სარწმუნოებისაჲთა. და ესე მეზობლობასა შინა მახლობელთა მათთა
Line: 28 ჰინდოთასა, რომელნი ყოველთავე ბოროტთა წარჴსნილობით მოქმედ არიან. და
Line: 29 რომელთა უშინაგანესნი-რე ნათესავნი კაცის-მჭამელ და უცხოთა მკლველ, უფროჲსღა
Line: 30 ძაღლთა-ებრ დამბძარველ არიან. კუალად შჯულ ქალდეველთა და
Page: 12 Line: 1 ბაბილოვნელა არს პირუტყულისა აღრევისა, მოსისხლეობისა და ყოვლისავე ღმრთისმოძაგებულისა
Line: 2 საქმისა ვითარცა სათნოებისა ქმნაჲ. მერმე კუალად შჯულ გილიელთა
Line: 3 არს მუშაკობაჲ და მაშენებელობაჲ დედათაჲ და ქმნაჲ საქმეთა სამამაკაცოთაჲ
Line: 4 ამას-თანა სლვაჲცა შემდგომად გულის-თქუმისა გულთა მათთაჲსაჲ
Line: 5 თჳნიერ ყოვლისავე მაყენებელობისა და აღშურვებისა ქმართაჲსა რომელნი იგი
Line: 6 მბრძოლცა არიან ძლიერ და კდემულებად შეურაცხია არა თუ უმჴეცეს იყვნენ
Line: 7 მჴეცთასა, და ჴელმწიფებენ და უფლებენ თჳსთა ქმართა ზედა. ხოლო ვრეტანიას
Line: 8 მრავალგზის მრავალნი მამანი ერთსა იცნობენ დედაკაცსა, და კუალად მრავალნი
Line: 9 დედანი ერთსა ეზრახებიან მამაკაცსა, და უშჯულოსა ამას საქმესა, ვითარცა
Line: 10 კეთილსა და მამულსა შჯულსა, უშურველად და დაუყენებელად სრულ ჰყოფენ.
Line: 11 ხოლო ამაზონელთა შორის მამაკაცი არა იპოების, არამედ ვითარცა პირუტყუნი
Line: 12 ცხოველნი ერთგზის წელიწადსა შინა შემოსლვასა არისასა საზღვართა თჳსთაგან
Line: 13 ჰვ/ლიან და მეზობელთა მათთა მამაკაცთა შეეყოფვიან, ვითარცა კრებად რადმე
Line: 14 და დღესასწაულობად დიდად შემრაცხელნი მის ჟამისანი. რომელთაგან მუცელქუმულ
Line: 15 რაჲ იქმნენ სახიდვე მათდა მიიქცევიან ყოველნი. ხოლო ჟამი რაჲ შობისაჲ
Line: 16 მოიწიოს, წულსა ვიდრემე წარსწყმედენ, ხოლო ქალსა აცხოვნებენ და
Line: 17 მოსწრაფებით აღჰზრდიან და განაპოხებენ.
Line: 18 ესრეთ უკუე შემდგომად სიკუდილისა ალექსანდრესისა მრავალ მთავრობად
Line: 19 განიყო მეფობაჲ მისი, და არინდეოს, ძმაჲ ალექსანდრჱსი, რომელსა ფილიპეცა
Line: 20 ეწოდებოდა, მაკედონიისა მპყრობელ იქმნა. ხოლო ანთიპატროს ევროპისა
Line: 21 მეფობაჲ დაიპყრა, ხოლო ეგჳპტისაჲ პტოლემეოს ლაღუსმან, და ფინიკიაჲ და
Line: 22 ასურეთი სელევკოს, ხოლო კილიკიაჲ ფილოტას, და ასიაჲ ანტიღონოს, [კ]არიაჲ
Line: 23 კასანდროს, ხოლო ელისპონტოჲ ლეონას; პაფლაღონიაჲ ევმენის, თრაკისი
Line: 24 ლჳსიმახოს. და არა მოაკლდა ურთი-ერთას ბრძოლაჲ ვიდრემდის მეფობამან
Line: 25 ჰრომთამან დაჰჴსნნა ადგილთ მპყრობელობითნი მთავრობანი.
Line: 26 აწ უკუე ამათისა ესრეთ და ესოდენ თქუმისა შემდგომად სათანადო-ყოფად
Line: 27 ვჰგონე ქმნაჲ კუალად ქცევასა სიტყჳსასა. და რათა კუალად ადამსვე თანა-დაწყებითა
Line: 28 თითოეულთა საჩინოთა კაცთა წელიწადნი ცხორებისანი შემოკლებულად წარმოვთქუნეთ
Line: 29 და შემდგომითი შემდგომად გამოჩინებულნი მთავარნი და მეფენი
Line: 30 ისრაჱლისანი სულ მცირედ მოვიჴსენნეთ. და ეგრეთ თჳსსავე წესსა ჟამთა-აღმწერელობითისა
Line: 31 საქმიერობისასა შევეერთნეთ, ხოლო აღრიცხუვაჲ ჟამთაჲ ნეტარისა
Page: 13 Line: 1 მოსჱს მსგავსად ვყოთ, რომელი იგი უპირველესადცა და უბრძნესად და
Line: 2 უჭეშმარიტესად ყოველთავე მათ ძუელთა წარმართთა ბრძენთა და აღმწერელთასა
Line: 3 სამართლად შეისწავების. რამეთუ მოსე იცნობების პირველად ბრძნად, ვითარცა
Line: 4 დასწერს ევპოლემოს, და პირველად ებრაელოა მიმცემელ ექმნების წერილისა.
Line: 5 რომელი იგი საღმრთომან აბრაჰამ მოიღო ქალდეველთაგან, რამეთუ ესრეთ
Line: 6 იტყჳს იოსიპოს ვითარმედ "პირველად აბრაჰამ ქადაგა დამბადებელად ღმერთი
Line: 7 და პირველ შთავიდა ეგჳპტეს და მრიცხუველო.ბითი და ვარსკულავთ-მეტყუელებითი
Line: 8 სიბრძნე ასწავა მეგჳპტელთა." რამეთუ პირველად ქალდეველთა
Line: 9 მოეპოვნეს ესენი, ხოლო ებრაელთაგან მიიღეს ფინიკელთა, რომელთაგან
Line: 10 კადმოს უკუე მოიხუნა ელლენთა მომართ; ხოლო ისიოდოს უშუენიერესად
Line: 11 შეაწყვნა და გულის-ხმიერად ელლენ ყვნა იგინი. ვინაჲცა კლიმი და აფრიკიანოს
Line: 12 და ტატიანე და წინადაცუეთილებისაგანნი იოსიპოს და იუსტოს ინახოჲს-ზე
Line: 13 იტყჳან ყოფასა დიდისა მოსჱსსა, რამეთუ თითოეულმან ამათგანმან
Line: 14 ძუელთა თხრობათაგან/ ყო ამისი გამოჩინებაჲ, ხოლო მრავალ სწავლულმან და
Line: 15 მრავალთა თხრობათა წარმომეტყუელმან ევსევიოს, ვითარცა უგამომეძიებელესისა
Line: 16 ჟამთა-აღწერისა მოქმედმან, ინახოჲს უკუე ჟამთა-საკჳრველი იაკობ პოვა გამოჩინებულად,
Line: 17 ხოლო მოსე კეკროპოჲსთა. რამეთუ ჟამთა-აღმწერელობითისა კანონისა
Line: 18 მჴუმეველმან თანად ურთი-ერთას შეატყუნა მასვე და ერთსა ჟამსა მძლავრ
Line: 19 ქმნილნი და შემოკრიბნა წელნი ქალდეველთა მეფობისანი, ლაკედემონელთა,
Line: 20 კორინთელთა, თეტტალოელთა და მაკედონელთაჲსანი, რომელსა ძუელად კიტიელთაჲ
Line: 21 ეწოდებოდა ლატინოელთა, ლატინოჲსაგან მეფისა მათისა, და იტალიელთა
Line: 22 მათ ზედა მთავარ ყოფილისა ვისმე მიერ სახელითა ამით სახელდებულთა, და
Line: 23 უკუანაჲსკნელ ჰრომაელად წოდებულთანი რომოჲსგან და რიმოჲს, აღმაშენებელთა
Line: 24 ჰრომისათა. ამათნი ჟამნი და წელნი ერთბამად შემოკრიბნა და თითოეულისა
Line: 25 ნათესავისა მეფეთა წელიწადნი ურთი-ერთას შეატყუნა და თანა-მოჟამედ დასხნა
Line: 26 წელნი ასურასტანელთა მეფისა, სემერამისნი წელიწადთა-თანა აბრაჰამისთა რამეთუ
Line: 27 სემირამის-ზე იცნობებოდა აბრაჰამ; ხოლო იაკობ ინახოჲს-ზე, ხოლო მოსე
Line: 28 კეკროპოჲს-ზე ორბუნებისა, რომელიცა პირველად მეფედ ატტი/კელთად შეისწავეს
Line: 29 ელენთა. ამისთჳს უმოხუცებულესად იპოების მოსე ძუელთა მათ ბრძენთა
Line: 30 წარმართთასა, ომიროჲსსა ვიტყჳ და ისიოდოჲსსა და ტროელთასა, ირაკლისსა
Line: 31 და მუსაჲსსა; მერმეცა ლიდიუჲსსა და ორფეოჲსსა და დიოსკუროჲსსა და ასკლიპიოჲსსა,
Page: 14 Line: 1 დიონჳსსა და ერმისსა, აპოლლონისსა და საწარმართოთა საიდუმლოთა
Line: 2 და მემსხუერპლეობათა და თჳთ მათ დიოჲს საქმეთასაცა. რომლისა-თჳსცა იპოებიან
Line: 3 ურჩეულესნი ვინმე მათ შორის მიმხუეჭელად აღწერილთაგან მისთა. რამეთუ ესე
Line: 4 ყოველნი შემდგომად კეკროპოჲსა გამოჩნდეს და რომლისასა ფრიად უუკუანაჲსკნელეს
Line: 5 იყვნეს ჟამთა ომიროს და ისიოდოს. ესრეთ ყოველთავე ბრძენთა მოძღურად
Line: 6 შეისწავების მოსე, ვითარცა გამოუთქუმელთა საქმეთა მომთხრობელი
Line: 7 და უსაღმრთოესი გამომეტყუელი ჭეშმარიტებისაჲ. რამეთუ მეგჳპტელთა სიბრძნისა
Line: 8 შეურაცხის-მეოფელმან უფროჲსად წარჩინებული აღმწერელობაჲ იჴუმია
Line: 9 სოფლისა ამის აგებულებისა-თჳს, ცხად არს, ვითარმედ ყოველთა ზედაჲსა და
Line: 10 ყოველთა დაბადებულთა სიბრძნით დამბადებელისა ღმრთისა მიერ მობერვილობითა
Line: 11 ჭეშმარიტებისაჲთა, რამეთუ თქუა: "დასაბამად ქმნა ღმერთმან ცაჲ და
Line: 12 ქუეყანაჲ." რომლისა წინააღმდგომსა ამათსა თქუმად მკადრებელნი მრავალნი
Line: 13 ელენთაგანნი სიღრმესა უმეცრებისა და უღმრთოებისასა დაინთქნეს, და ფრიადცა
Line: 14 სამართლად: რამეთუ კაცობრივისა გონებისა მიერ მოპოვნებულნი სჯულნი უძლურ
Line: 15 არიან და უგულისხმო, რომლისა-თჳს არცა ერთი ვინ მათგანი დაადგრა მტკიცესა
Line: 16 სიტყუასა ზედა, არამედ მარადის მეორე დამჴსნელ იყვის პირველისა;
Line: 17 გარნა არა რად სათანადო არს აწ ჩუენგან მხილებაჲ მათი, რამეთუ თჳთ კმა
Line: 18 არიან ურთი-ერთას მარღუად მოგონებათა თჳსთა. და რამეთუ უმეცრებითა ღმრთისაჲთა
Line: 19 შეპყრობილთა, სხუამან სხუაჲ რაჲმე და კუალად სხუამან სხუაჲ იოცნა
Line: 20 დასაბამად და მიზეზად არსთა ყოფისა და დგომისა და ძრვისა. და ნამდჳლვე
Line: 21 დედაზარდლისა ქსელთა მქსოველ იქმნნეს ეგე ვითართა მათ აღმწერელნი და
Line: 22 ეგოდენ უნდოთა დასაბამთა ცისა, ქუეყანისა და ზღჳსათა უგუნურებით წარმომეტყუელნი
Line: 23 რამეთუ ვერ მოიგონეს თქუმად, ვითარმედ "დასაბამად ქმნა ღმერთმან
Line: 24 ცაჲ და ქუეყანაჲ."
Line: 27 აწ უკუე ადამ ყოვლად ბრძნისა და საღმრთოჲსა წინაჲსწარმეტყუელისა
Line: 28 მოსჱს-ებრ იქმნა რაჲ წელთა ორას ოცდაათთაჲ შვა სეით; და შემდგომად ამისსა
Line: 29 ცხოვნდა შჳდას წელ და მოკუდა. და იქმნნეს ყოველნი წელნი ცხორებისა მისისანი
Line: 30 ცხრაას ოც და ათ წელიწად, რომლისა-თჳს ითქუმის პირველად დაფლვაჲ
Page: 15 Line: 1 მიწასა შინა, რომლისაგანცა მოღებულ იქმნა, და საფლავი მისი იქმნა ქუეყანასა
Line: 2 იერუსალჱმისასა მოცემისა-ებრ ებრაულისა მოთხრობისა, ვითარცა იტყჳს
Line: 3 იოსიპოს.
Line: 5 ხოლო სეით იქმნა რაჲ წელთა ორას და ხუთთაჲ. შვა ენოს; და ცხოვნდა
Line: 6 შემდგომად შობისა ენოსისსა შჳდას და შჳდ წელ და მოკუდა ცხორებული წელიწადთა
Line: 7 ცხრაას და ათორმეტთაჲ. რომლისა-თჳს თქუმულ არს, ვითარმედ "შევიდეს
Line: 8 ძენი ღმრთისანი ასულთა მიმართ კაცთასა", ესე იგი არს, კაინისგანთასა.
Line: 9 რამეთუ ღმრთად უწოდდეს სეითს კაცნი იგი მის ჟამისანი მოპოვნებისათჳს
Line: 10 წერილისა ებრაულისა და ვარსკულავთა სახელებისა; ამას თანა ფრიადისა
Line: 11 ღმრთის-მსახურებისა მისისა-თჳს დაკჳრვებულნი, ვითარ იგი ყოვლით კერძო წერილისა
Line: 12 ღმრთად იწოდებიან მართალნი და ღირნი. ვინაჲცა სამართლად სადმე
Line: 13 ძედ ღმრთისა ანუ ძედ ღმერთთა სჳმმახოსის თარგმანებისა-ებრ იწოდნეს ძენი
Line: 14 სეითისნი, ენოსისნი და ენოქისნი, რომელნიცა ლირწებისა მიმართ განმცემელობითა
Line: 15 თავთაჲთა ასულთა-თანა კაინისთა შევიდეს, რომელთაცა უსახურისა მის
Line: 16 ურთი-ერთასისა შეყოფისაგან იშვნეს გმირნი, ტომობისა-თჳს უკუე მართლისა
Line: 17 მის, ძლიერნი და დიდნი და, ნათესაობისა-თჳს ბილწისა და საძაგელისა კაინისა,
Line: 18 ბოროტნი და ძჳრნი.
Line: 20 ხოლო ენოს იქმნა რაჲ წელთა ას ოთხმეოცდაათთაჲ შვა კაინან; და ამის
Line: 21 შემდგომად ცხოვნდა შჳდას ათხუთმეტ წელ და მოკუდა, და იქმნეს ყოველნი
Line: 22 წელნი მისნი ცხრაას და ხუთ წელ.
Line: 24 ხოლო კაინან იქმნა რაჲ წელთა ას სამეოცდა/ათთაჲ შვა მალელეილ და ამის
Line: 25 შემდგომად ცხოვნდა წელთა შჳდას ორმეოცთა და მოკუდა ცხორებული ცხრაას
Line: 26 და სამ წელ.
Line: 28 ხოლო მალელეილ იქმნა რაჲ წელთა ას სამეოცდახუთთაჲ შვა იარედ; და
Line: 29 ამის შემდგომად ცხოვნდა შჳდას ორმეოც წელ და მოკუდა ცხორებული წელთა
Line: 30 რვაას ოთხმეოცდახუთთა.
Line: 2 ხოლო იარედ იქმნა რაჲ წელთა ას სამეოცდაორთაჲ შვა ენოქ; და მერმეცა
Line: 3 ცხოვნდა რვაას წელ და მოკუდა ცხორებული წელიწადთა ცხრაას
Line: 4 სამეოცაორთა.
Line: 6 ხოლო ენოქ იქმნა რაჲ წელიწადთა სამეოცდახუთთაჲ შვა მათუსალა; და
Line: 7 ამის შემდგომად ცხოვნდა ორას წელ და მიიცვალა ცხორებული ყოვლით-ურთ
Line: 8 სამას სამეოც და ხუთ წელ.
Line: 10 ხოლო მათუსალა იქმნა რაჲ წელთა ას სამეოცდაშჳდთა შვა ლამექ; და
Line: 11 ამის შემდგომად ცხოვნდა ცხრაას და ორ წელ და მოკუ̂ა ცხორებული ყოვლითურთ
Line: 12 ცხრაას სამეოც და ცხრა წელ.
Line: 14 ხოლო ლამექ იქმნა რაჲ წელთა ოთხმეოცდარვათაჲ შვა ნოე; და ამის შემდგომად
Line: 15 ცხოვნდა ხუთას სამეოც და ხუთ წელ და მოკუდა ცხორებული ყოვლით-ურთ
Line: 16 შჳდას ორმეოც და ათცხრამეტ წელ.
Line: 17 ორთა უკუე ლამექთა მოიჴსენებს წერილი, ერთსა კაინისგანსა და ერთსა ამას
Line: 18 მამასა ნოჱსსა. რამეთუ არა თუ კაინისგანისა მის ლამექისაგან იშვა ნოე, რომელმან
Line: 19 იგი მოკლნა კაცი და /ჭაბუკი, არამედ ჟამითა უუკუანაჲსკნელესისა თანამოსახელისა
Line: 20 მისისა და სეითისგან შთამომავალისა. რამეთუ იგი იტყოდა: "კაცი
Line: 21 მოვკალ წყლულებად ჩემდა და ჭაბუკი საგუემელად ჩემდა." და, ვითარცა
Line: 22 ორთა მკლველობათა აღმასრულებელი და ორთა ცოლთა მიმყვანებელი _ ელდაჲსი
Line: 23 და სელაჲსი _ თავსა თჳსსა ბრალეულ ჰყოფდა, ვითარცა სამეოც და შჳდ
Line: 24 გზის განპატიჟებისა ღირსსა რამეთუ არა განიწუართა დასჯითა მით საშინელითა
Line: 25 უპირატეს მისსა მკლველად გამოჩინებულისაჲთა. ამის-თჳს შეუნდობელ ჰყოფს
Line: 26 ცოდვასა თჳსსა და რამეთუ მართლისა ენოქის ძმანი მოსწყჳდნა, რომელმან იგი
Line: 27 სარწმუნოებით ილოცა, ამის-თჳს რათა არა იხილოს ეგე ვითარი იგი სიკუდილი,
Line: 28 რომლისაჲ შესმენილ იქმნა ლოცვაჲ და მიიცვალა. ხოლო იყო ენოქ მართლისა
Line: 29 სეითისგან, რომლისაგან იგი ქრისტედ ქრისტეცა ინათესავთ-მეტყუელების
Line: 30 ლუკაჲს მიერ ვიდრე სეითისამდე, ადამისა და ღმრთისა. ისწრაფდა უკუე თესლი
Line: 31 უღმრთოთაჲ აღჴოცად ნათესავსა მართალთასა, ვინაჲთგან საძაგელ ცოდვილთა
Line: 32 არს ღმრთის-მსახურებაჲ და რამეთუ ნათესავი და თესლი კაინისი ვიდრემე
Line: 33 დაიწყევა, ხოლო სეითისა იკურთხა. და არა ენება ღმერთსა, რათამცა
Page: 17 Line: 1 ნათესავი მართლისაჲ თესლსა-თანა უღმრთოჲსასა, არამედ აღჴოცაჲ ეგულვა უღმრთოებისაგანთაჲ
Line: 2 მათ, ვინაჲთგან უკუე თჳნიერ ნებისა ღმრთისა მიიყვანნეს მათგან
Line: 3 ცოლნი. განსაკრთომელად ნიშად იშვებოდეს მათგან გმირნი, რომელთა-თჳს
Line: 4 მოიწია წყლით-რღუნაჲ და ერთბამად აღჴოცნა ყოველნი და მხოლოჲ ნოჱ ოდენ
Line: 5 იპოვა მართლად ნათესავსა მას შინა, რომლისა-თჳსცა დაცვულ იქმნა.
Line: 7 ხოლო ნოე იქმნა რაჲ ხუთასი წლის შვა სემ, ქამ და იაფეთ. ხოლო შემდგომად
Line: 8 ასისა წლისა სამთა მათ ძეთა შობისა შევიდა იგი კიდობნად, იყო რაჲ
Line: 9 წლისა ექუსასისაჲ. და მოიწია წყლით-რღუნაჲ; და ექუსას და მეერთესა წელსა
Line: 10 ცხორებისა მისისასა გამოვიდა კიდობნისაგან. და შემდგომად წყლის-რღუნისა
Line: 11 ცხოვნდა სამას ორმეოც და ათ წელ და მოკუდა ცხორებული ყოვლით-ურთ ცხრაას
Line: 12 ორმეოც და ათ წელ. ხოლო წყლით-რღუნაჲ რაჲ მოიწეოდა ორმეოცთა დღეთა,
Line: 13 ყოველი ქუეყანაჲ დაიფარა ასოცისა დღისა ჟამთა, რამეთუ ყოველთავე მთათა
Line: 14 მაღალთა ათხუთმეტითა წყრთითა ზეშთა აღემატა წყალი. ვინაჲცა კიდობნისა
Line: 15 მის ნეშტნი დასამტკიცებელად მაშინ ქმნილისა მის იხილვებიან ვიდრე დღესამომდე
Line: 16 მთასა ზედა არარატისასა. საშუალ სომეხთა და პართთა სოფლებისა და
Line: 17 დიავინთა ქუეყანისა, ვინაჲთგან ძელთაგან ულპოლველთა, ესე იგი არს ნაძჳსათაჲსა,
Line: 18 შემზადებულ იყო. რამეთუ იტყჳს: "და თქუა უფალმან ღმერთმან: არა
Line: 19 დაადგრეს სული ჩემი კაცთა ამათ ზედა, რამეთუ არიან იგინი ჴორც; ხოლო იყვნენ
Line: 20 დღენი მათნი ას ოც წელ." და ზედა-დართავს წერილი ვითარმედ "ჰრქუა
Line: 21 ღმერთმან ნოეს: ჟამი ყოვლისა კაცისაჲ მოიწია წინაძე ჩემსა, რამეთუ აღივსო
Line: 22 ქუეყანაჲ უსამართლოებითა მათგან: და აჰა მე განვხრწნნე იგინი და ქუეყანაჲ."
Line: 23 გარნა დაღათუ ასოცთა წელიწადთა შინა შესაზღვრნა ჟამნი ცხორებისა მათისა
Line: 24 დღეთანი, არამედ იხილა რაჲ აღორძინებულად და განმრავლებულად ცოდვაჲ,
Line: 25 არღარა დროსცა აღსრულებასა მათსა, არამედ შეამოკლა პაემანი და მეასესა
Line: 26 წელსა ყოველთა ზედა მოჰჴადა წყლით-რღუნაჲ რომლისა-თჳსცა იტყჳს ვთარმედ
Line: 27 "ქმენ თავისა შენისა კიდობანი მოთხვილი ძელთაგან ულპოლველთა,
Line: 28 ბუდედ-ბუდედ ჰქმნა და მოჰკირო იგი კირითა შინაჲთ და გარეთ და ესრეთ
Line: 29 ჰქმნა კიდობანი სამას წყრთა სიგრძე მისი და ერგასის წყრთა სივრცე და ოც
Line: 30 და ათ წყრთა სიმაღლე. შემრეცად ჰქმნა და წყრთასა ზედა შეასრულო იგი
Line: 31 ზედა კერძო ხოლო კარი გუერდით კერძო მისსა და ორსართულად და სამსართულად
Line: 32 ჰქმნა იგი." გარნა წარმართთაგანთა ვიეთმე საეჭუელ მყოფელთა
Page: 18 Line: 1 ამის სიტყჳსათა თქუეს. ვითარმედ უღონო იყო დატევნად კიდობნისა მისგან,
Line: 2 ვინაჲთგან მხოლოდ სამასი ოდენ წყრთაჲ იყო სიდიდე მისი, ესოდენ მრავალ
Line: 3 სახესა და აღურიცხუველსა ნათესავსა ცხოველთასა. და ვერ აგრძნეს რეცა
Line: 4 ბრძენთა მათ უგულის-ხმოებით მსმენელთა უსწავლელობით გამომეძიებელთა
Line: 5 საღმრთოთა სიტყუათასა, ვითარმედ აღმწერელი წიგნისაჲ ამის ქუეყნის-მზომელ
Line: 6 იყო, რამეთუ თქუმულ არს ვითარმედ "განისწავლა მოსე ყოვლითა სიბრძნითა
Line: 7 მეგჳპტელთაჲთა." ამის-თჳს ქუეყნის-მზომელობითი წყრთაჲ თქუა, ესე იგი
Line: 8 არს მჴარი ერთი. რამეთუ ქუეყნის მზომელობისასა უპირატეს მეგჳპტელთაგან
Line: 9 იტყჳან მოპოვნებასა, რომელთაგან დაისწავეს ნათესავთა სხუათა. რომლისა-თჳსცა
Line: 10 ფრიად ცნობილად და ბრძნად იწოდნეს იგინი საკჳრველისა მის-თჳს ჴელოვნებისა
Line: 11 და სიბრძნისა. და ამას-თანა არს სხუაჲცა წამებაჲ კეთილად გამომაჩინებელი
Line: 12 წყლით-რღუნისათჳს, ვითარცა იტყჳს იოსიპოს, "რამეთუ ვიდრე აქამომდე
Line: 13 მთათა ზედა მაღალთა და ძნიად სავალთა ქუეყანისა და ზღჳსათა ნიშანნი იპოებიან
Line: 14 კოხლიოთა და ომიდთა და სხუათა ეგე ვითართანი მქადაგებელნი საძინელისა
Line: 15 მის და მსოფლიოჲსა ნავთ-დანთქმულებისანი.
Line: 17 ხოლო სემ შემდგომად ორისა წლისა მოწევნულისა მის წყლით-რღუნისა
Line: 18 იქმნა რაჲ წლისა ას და ორისაჲ შვა არფაქსად; და მერმე ცხოვნდაღა ხუთას
Line: 19 წელ და მოკუდა ცხორებული ყოვლით-ურთ ექუსას და ორ წელ.
Line: 21 ხოლო არფაქსად იქმნა რაჲ წელთა ას ოცდაათორმეტთაჲ შვა კაინან და
Line: 22 შემდგომად ამისსა ცხოვნდა ოთხას და სამ წელ და მოკუდა ცხორებული ყოვლით-ურთ
Line: 23 ხუთას ოც და ათრვამეტ წელ.
Line: 25 ხოლო კაინან იქმნა რაჲ წელიწადთა ას ოცდაათშჳდმეტთაჲ შვა სალა; და
Line: 26 ცხოვნდა შემდგომად ამისსა სამას ოც და ათ წელ და მოკუდა ცხორებული ყოვლით-ურთ
Line: 27 ოთხას სამეოც და შჳდ წელ.
Line: 29 ხოლო სალა იქმნა რაჲ წელიწადთა ას ოცდაათთაჲ შვა ებერ; და ცხოვნდა
Line: 30 შემდგომად ამისსა ოთხას და სამ წელ და მოკუდა ცხორებული ყოვლითურთ
Line: 31 ხუთას ოც და ათსამეტ წელ.
Line: 2 ებერ იქმნა რაჲ წლისა ას ოცდაათოთხმეტისაჲ შვნა იეკტან და ფალექ.
Line: 3 რომლისა-ზე ერთხმა იყო ნათესავი კაცთაჲ, ვითარცა იტყჳს იოსიპოს. ამის-თჳს
Line: 4 შეკრბეს ერთსა, ადგილსა სენარად სახელდებულსა და ვიდრე ცადმდე გოდლისა
Line: 5 აღშენებაჲ მოიგონეს. რომელთა საქმე უსრულად დაშთა, ვითარცა ამაოდ
Line: 6 ჴელმყოფელსა ოცნებასა ზეცად აღსლვისასა. ხოლო ნავით-მავალობაჲ უფსკრულთა
Line: 7 ზედა ნოჱს კიდობნისაგან ისწავეს კაცთა. ხოლო რომელთა იგი გოდლისა
Line: 8 და ქალაქისა შენებად ჴელ-ყვეს, მთავრად აქუნდეს კაცნი სამეოც და ათნი, რომელთასა
Line: 9 მხოლოდ ებერ ოდენ არა თანა-შეერთო პირუტყულსა მას განზრახვასა.
Line: 10 ამის-თჳსცა ყოველთავე მათ შეთქუმულთანი შეირინეს რაჲ ენანი, და სამეოც
Line: 11 და ათორმეტ ენად განიყვნეს რიცხჳსა-ებრ წინამძღუართა მათთაჲსა. მხოლოდ
Line: 12 იგი ოდენ არა დააკლო ღმერთმან პირველითგანისა მის მამულისა ხმისაგან,
Line: 13 რომლისა-თჳსცა ებრაელად სახელ ისხნეს პირველსა მას ენასა ზედა დაშთომილნი
Line: 14 ნათესავსა ზედა ებრაელ/თასა წოდებულისა მის სახელისა-ებრ. რომელნიცა
Line: 15 სახელმამულობით და სეხნაობით ებრაელად სახელდებულ იქმნნეს, ხოლო
Line: 16 რამეთუ ებრაული ენაჲ მოქალაქობდა ადამისითგან, ცხად არს და აბრაჰამის-განცა
Line: 17 და ნათესავთა მისთა, ხოლო უფროჲსღა მეორისა ადამისგან უფლისა იესუ
Line: 18 ქრისტჱსსა, ვითარ იგი სხუასა ყოველსავე პირველისა ადამისსა ეგრეთვე
Line: 19 ენასაცა მისსა მიმთუალველისა და ებრაულად მოუბნარისაგან, ვითარ იგი ვითარმედ
Line: 20 "ეფფათა, და ტალითა ყუმ, და ლიმა სავახთანი", და ესე ვითართაგან:
Line: 21 ამას-თანა ძუელთაცა სახელთაგან ბევრეულთა და აღურიცხუველთა. რამეთუ არა
Line: 22 რომლითა სხჳთა ენითა შესაძლებელ არს ძალისა-ებრ მათისა შემოხუმაჲ მათი,
Line: 23 ვითარ იგი ადამ და მსგავსნი მისნი ებრაულნი სახელნი არა ითარგმნებიან სხჳთა
Line: 24 რომლითამე ხმითა თჳნიერ ხოლო ებრაულისა. დაღათუ ვიეთნიმე უსწავლელობით
Line: 25 წინააღმდგომობენ და იტყჳან, ვითარმედ არა ებრაული, არამედ ასურული
Line: 26 არსო პირველი ენაჲ. რომელთა ისმინედ მთარგმანებელობაჲ უფროჲსად
Line: 27 ბრძისა და მრავალ სწავლულისა ორიგენისი განმარტებასა შინა მართლისა იობის
Line: 28 წიგნისასა, სადა იგი წერილ არს ვითარმედ "ესე ითარგმნა წიგნისაგან ასურებრისა",
Line: 29 რამეთუ იტყჳს ვითარმედ "ასურებრად ებრაულსა სიტყუასა უწესს,
Line: 30 ვინაჲთგან ასურეთი არს ჰურიასტანიცა და ასურცა სახელ სდებდეს ძუელნი
Line: 31 პალესტინელთა.
Line: 32 ესრეთ უკუე ორმეოც წელ აღშენებული გოდოლი უსრულად დაშთა შემდგომად
Line: 33 შერევნისა ენათაჲსა. ხოლო ღმერთმან ქარითა სშინელითა დაარღჳა
Page: 20 Line: 1 იგი, და არს შორის ასურეთისა და ბაბილოვნისა ჯერეთცა დამცველი ნეშტსა
Line: 2 რასმე ნაკუალევთა თჳსთასა.
Line: 4 ხოლო ფალეკ იქმნა რაჲ წლისა ას ოცდაათისაჲ შვა რაგავ; და მერმე
Line: 5 ცხოვნდაღა ორას და ცხრა წელ და მოკუდა ცხორებული ყოვლით-ურთ სამას
Line: 6 ოც და ათცხრამეტ წელ.
Line: 7 შეიქმნებიან უკუე ადამისითგან ვიდრე წყლით-რღუნამდე წელიწადნი ორათას
Line: 8 ორას სამეოცდაორნი. და წყლით-რღუნითგან ვიდრე შერევნადმდე ენათა და
Line: 9 სიკუდილად ფალეკისა, რომელ არს განყოფაჲ, წელიწადნი ხუთას ოც და ათექუსმეტნი.
Line: 10 და ამის შემდგომად იქმნების განყოფაჲ, ესე იგი არს განთესვაჲ
Line: 11 შვილთა ნოჱსთაჲ და მათგან შობილთაჲ მათ. რომლისა-თჳსცა მეროპეს იწოდნეს
Line: 12 განყოფილებისაგან ხმისა და განმყოფელობისაგან ქუეყანისა.
Line: 13 და სემ ვიდრე-მე შვნა ელამ და ასურ და არფაქსად და ლუდ: ხოლო ქამ
Line: 14 ხუს და მესრემ, და ფუდ, და ქანაან, ხოლო იაფეთ ღამერ, და მაგოგ, და თირა,
Line: 15 და იოჳან, და ელისა, და თომე, და მოსოხ, და მადაი, რომლისაგან შობილთა
Line: 16 მიდთა და დამპყრობელთა ბაბილოვნისათა მიდეთად უწოდეს სოფელსა
Line: 17 მას საკუთრებით და სახელმოდგამობით. ვინაჲცა შემდგომად შერევნისა და
Line: 18 გოდლისა მის დაჴსნისა მიუწოდეს სამთა ძეთა ნოჱსთა ყოველთავე მათგან შობილთა
Line: 19 ნათესავთა და მისცნეს მათ წერით-ადგილნი განყოფისა-ებრ, ვითარ იგი
Line: 20 თჳთ მოეღო მამისაგან თჳსისა ნოჱსსა, დამხუდარ იყო თითოეულისადა და თითოეულთა
Line: 21 ნათესავთა და ტომთა ადგილნი, და ნაწილნი, და სოფელნი, და ჭალაკნი,
Line: 22 და მდინარენი წინამდებარისა-ებრ განწესებისა. და დაიმკჳდრა პირველმან
Line: 23 შვილმან ნოჱსმან სემ სპარსეთითგან დაკტროჲთ ვიდრე ჰინდოეთადმდე და
Line: 24 რინოკურურად აღმოსავალით კერძო; ხოლო ქამ რინოკურურითგან ვიდრე ღადირთადმდე
Line: 25 სამხრით კერძო; და იაფეთ მიდეთითგან და ვიდრე ღადირთადმდე
Line: 26 ჩრდილოჲთ, კერძო. ხოლო წილხუდომილნი სოფელნი სემისნი უკუე არიან ესე:
Line: 27 სპარსეთი, ვაკტრანი, ჳრკანიაჲ, ბაბილონიაჲ, კორდნაჲ, ასურასტანი, შუამდინარჱ,
Line: 28 არაბიაჲ, პირველი ელჳმაჲ, ჰინდოეთისა არაბიაჲ, ევდემონიაჲ, კჳლისჳრიაჲ,
Line: 29 კოემაგინი და ფინიკიაჲ ყოველი, და მდინარე ევფრატი. ხოლო ქამისნი:
Line: 30 ეგჳპტე, ეთიოპიაჲ, მხედველი ჰინდოეთით კერძო; სხუაჲ ეთიოპიაჲ,
Line: 31 სადაჲთ გამოვალს მდინარე ეთიოპელთაჲ; მეწამული ზღუაჲ. მხედველი აღმოსავლით
Page: 21 Line: 1 კერძო; [თ]ივიაჲ, ლიბიაჲ განვრცომილი ვიდრე კჳრინედმდე, მარმარი,
Line: 2 მავრიტანიაჲ წინაშე ღადირთასა; ხოლო ჩრდილოჲთ კერძო ზღჳს მახლობელად
Line: 3 აქუს: კილიკიაჲ, პამფჳლიაჲ. პისიდიაჲ, მჳსიანი, ლჳკაონიაჲ, ფრჳგიაჲ, კამალიაჲ,
Line: 4 ლჳკიაჲ, კარიაჲ, ლჳდიაჲ, მჳსიაჲ სხუაჲ, ტროადიაჲ. ეოლიდანი, ბითჳნიაჲ,
Line: 5 პირველი ფრჳგჳაჲ და კუალად ჭალაკნი: სარდანიანი, კრიტე, კჳპრე,
Line: 6 და მდინარე გეონი, რომელსა ნილოსცა ეწოდების. ხოლო იაფეთისნი: მიდიაჲ,
Line: 7 ალვანიაჲ, სომხეთი მცირე და დიდი, კაპპადოკიაჲ, პაფლაღონიაჲ, გალატიაჲ,
Line: 8 კოლქისი, ბოსპორი, მესოტისი, დერბე, სარმატე, ტავრიანი, ვუტარნიაჲ, სკჳთიაჲ
Line: 9 თრაკი, მაკედონიაჲ, დალმატიაჲ, მოლოსი. თეტტალიაჲ, ლორკიაჲ,
Line: 10 ვიოტიაჲ, ეტოლიაჲ, ატტიკე, აქაიაჲ პელინისი, რომელ არს პელოპონისოჲ,
Line: 11 არკადიაჲ იპიროტისი, ილლჳრიაჲ, ლახნიტი, ადრიაკი, რომლისა გამო პელაღგონი
Line: 12 ადრიკისაჲ; ხოლო ჰქონან ჭალაკნიცა: ვრეტანიაჲ. სიკილიაჲ, ევვანი,
Line: 13 როდოჲ, ქიონი, ლეზვი, კჳთირანი, ზაკჳნთონი, კეფალინიაჲ, ითაკინი, კერკჳრაჲ
Line: 14 და კერძოჲ ასიაჲსაჲ, იონიად სახელდებული; და მდინარე ტიგრისი,
Line: 15 განმსაზღვრებელი შორის მიდეთისა და ბაბილოვნისა.
Line: 16 ესე რაჲ ესრეთ განიყვნეს და განინაწილნეს, იხილა ქანაან ძემან ქამისმან,
Line: 17 ლიბანით კერძი ქუეყანაჲ რამეთუ კეთილ იყო და ნაყოფიერ და ფრიადითა საზომითა
Line: 18 განყოფილ მისდა წილხუდომილისა ქუეყანისაგან, მძლავრებით მიიტაცა
Line: 19 იგი და სემისგანნი მკჳდრნი მისნი განასხნა; და ესრეთ ქანანეად სახელ იდვა
Line: 20 ყოველი ქუეყანაჲ აღთქუმისაჲ. ამის-თჳსცა მართალმან მსაჯულმან შემდგომად ჟამთა
Line: 21 სემისგანთა მათ ტომთა ისრაჱლისათა უკუნ სცა იგი ისოჲს მიერ ნავეანისა,
Line: 22 ვითარ იგი წინაჲსწარ აღუთქუა აბრაჰამს: "რამეთუ მართალ არს უფალი და სიმართლენი
Line: 23 შეიყუარნა."
Line: 25 ხოლო რაგავ იქმნა რაჲ წელთა ას ოც და ათორმეტთაჲ შვა სერუქ; და
Line: 26 ცხოვნდა მერმეცა ორას და შჳდ წელ და მოკუდა ყოვლით-ურთ ცხორებული სამას
Line: 27 ოც და ათცხრამეტ წელ.
Line: 29 ხოლო სერუქ იქმნა რაჲ წელთა ას ოცდაათთაჲ შვა ნაქორ, და შემდგომად
Line: 30 ამისსა ცხოვნდა ორას წელ და მოკუდა ცხორებული ყოვლით-ურთ სამას ოც
Line: 31 და ათ წელ, რომელმან დაიწყო პირველად საწარმართოთა სჯულთა, რათა ძუელ
Line: 32 სადმე ყოფილთა მბრძოლთა, ანუ მთავართა, ანუ მოქმედთა სიმჴნითისა რაჲსმე
Line: 33 სათნოებისა და მოჴსენებისა ღირსთა საქმეთასა ძეგლებითა კაცის სახეებითა
Page: 22 Line: 1 პატივ ეცემებოდის, ვითარცა კეთილისა რაჲსმე მოქმედთა, ხოლო შემდგომად გამოჩინებულნი
Line: 2 კაცნი უმეცარ იქმნნეს განზრახვასა პირველისა მის მამისა მათისასა,
Line: 3 ვითარმედ ვითარცა პირველთა მამათა და კეთილისა რაჲსმე საქმისა მომგონებელთა
Line: 4 პატივ სცემდა საჴსენებელსა მათსა, ამის-თჳს ვითარცა ღმერთთა ზეცისათა
Line: 5 პატივ სცემდეს და ჰმსახურებდეს მათ და არა ვითარცა კაცთა მოკუდავთა.
Line: 6 რომელთა განქიქებასა მსახურთაცა და სამსახურებელთასა ყოვლით-კერძო
Line: 7 საღმრთოჲსა წერილისა და ღმრთივ სულიერთა მამათა და მოძღუართა წიგნებისა
Line: 8 ვრცელად განფენილსა ვჰპოებთ. რამეთუ არა მარტივი ხოლო საცთური და კერპთმსახურებაჲ
Line: 9 იპყრეს, არცა, რომელთაგან იწყეს, მათ შინა დადგრომილ იქმნნეს,
Line: 10 არამედ რაოდენ წაღმართ ვიდოდეს, ეგოდენ წარემატებოდეს მოპოვნებასა შინა
Line: 11 უახლესთა მრჩობლ ეშმაკეულებათასა, ვითარცა ვერ მიმღებელნი განძღომისანი
Line: 12 ძუელ სადმე მოპოვნებულთა ბოროტთა მიერ, რამეთუ უმდაბლესთა რაჲ მოგონებათა
Line: 13 და გულის-სიტყუათა მიმართ შთავიდეს კაცნი ცასა, და მზესა, და მთოვარესა,
Line: 14 და ვარსკულავთა. პატივი და დიდებაჲ ღმრთისაჲ მიაჩემეს. მერმე კუალად
Line: 15 ბნელთა წყუდიადისა გულის-სიტყუათა მიმართ მიიცვალნეს და ეთერსა და
Line: 16 ჰაერსა ღმრთად სახელ სდვეს, ხოლო უძჳრესისა მიმართ წარმატებასა შინა ბოროტთასა,
Line: 17 ნივთთაცა და დასაბამთა გუამთა შემტკიცებისათა, მჴურვალსა, და
Line: 18 გრილსა. და ნოტიასა, და ჴმელსა არსებასა ღმრთად ჰმსახურებდეს. ხოლო უსაბასრობელესნი
Line: 19 უღმრთოებითა კაცთაცა რომელთამე ჯერეთ ცოცხალთა, ხოლო
Line: 20 რომელთამე მკუდართა ღმრთად უწოდდეს. და არა კაცთა მიმართ ხოლო და
Line: 21 ოთხფერჴთა და ქუეწარმავალთა ჴმელისათა და წყლისათა მიაწიეს სახელის-დებაჲ
Line: 22 ღმრთისაჲ, არამედ არცაღა თუ ყოვლად მყოფთა ანუ გამოჩინებულთა მიმართ
Line: 23 იგივე უღმრთოებისა გარდარეულებაჲ აჩუენეს. რამეთუ სიტყჳერნი პირუტყუთა
Line: 24 შეაყვნეს და უმსგავსონი ბუნებანი ერთობად მოიყვანნეს და ვითარცა ღმერთთა
Line: 25 ადიდებდეს; რომელ არიან მეგჳპტელთა მიერ პატივცემულნი იგი ძაღლის-თავნი
Line: 26 და გუელის-თავნი და ვირის-თავნი კაცნი, და ლიბიელთა იგი ვერძის თავი, და ზღაპართა
Line: 27 მიერ მოპოვნებულნი იგი ტყუილისნი წმასნანი, ვიტყჳ უკუე ხარჳვდთა და
Line: 28 იპიოკენტავროსთა. და მერმეცა უღრმესად უღმრთოებისა მთხრებლად შთაწევნულთა
Line: 29 ვიეთმე გემოთ-მოყუარებასაცა და გულის-თქუმასა ღმრთეებრ ჰმსახურეს და
Line: 30 აფროდიტად სახელ სდვეს და თაყუანის-სცეს. ამათ-თანა მთავართაცა თჳსთა და
Line: 31 მძლავრთა პატივისა-თჳს მთავრობისა და შიშისა-თჳს მძლავრებისა მათისა, ვითარცა
Line: 32 ღმერთთა, პატივ ცემდეს. ვითარ იგი ზევს კრიტს პატივ იცემების, და
Line: 33 არკადიას ერმი, და ჰინდოეთს დიონჳსოს, და ეგჳპტეს იზის და ოსი[რის],
Line: 34 და ჰრომთა მეფისა ანდრიანეს მონაჲ ანტინოოს. რამეთუ მიიწია რაჲ ანდრიანე
Page: 23 Line: 1 ეგჳპტედ და აღსრულებულად იხილა გემოვნებისა მისისა მსახური ანტინოოს,
Line: 2 ბრძანა სამსახურებელყოფაჲ მისი. რამეთუ შემდგომად სიკუდილისაცა სტრფიალებდავე
Line: 3 ჭაბუკსა გარდარეულებითა ბილწების მოყუარებისაჲთა. და რამეთუ წარმართთა
Line: 4 შორის ხმაგანსმენილნი იგი ღმერთნი ზევს და პოსიდონ, და აპოლლონ,
Line: 5 და იფესტოს, და ერმი, და დედალთაგანიცა. ირა, და დიმიტრა, და ათინა, და არტემიდი
Line: 6 სიბილწისა-თჳს გამორჩეულ იქმნნეს ღმერთ ყოფად. ამის-თჳსცა ესოდენთა ამათ
Line: 7 და ესე ვითართა კერპბორგნეულობისა მომპოვნებელობათა განმაქიქებელი საღმრთოჲ
Line: 8 წერილი ესრეთ ხმობს: "დასაბამ სიძვათა, მოგონებაჲ კერპთაჲ, ხოლო მოპოვნებაჲ
Line: 9 მათი ხრწნილება ცხორებისა." რამეთუ არცა იყო პირველითგან, არცა
Line: 10 უკუნისამდე იყოს. ხოლო ამპარტავანებაჲ კაცთაჲ შემოვიდა სოფლად; არამედ
Line: 11 შეძოკლებულად წარმოიჩინა აღსრულიცა მათი. რამეთუ უჟამოსა სიკუდილსა
Line: 12 ზედა შვილისასა შეურვებელმან მამამან ხატი გამოქანდაკა მისი და ოდესმე მკუდარსა
Line: 13 კაცსა, ვითარცა ცხოველსა პატივ სცა აწ; და განუჩინნა მსახურნი საიდუმლონი
Line: 14 და მსხუერპლნი. მერმე შემდგომად ჟამისა გარდასლვისა საღმრთოებითი
Line: 15 იგი წესი, ვითარცა სჯული, დამარხულ იქმნა და მძლავრთა იძულებითა იმსახურებოდეს
Line: 16 ქანდაკებულნი; და ესე იქმნა საბრკე ცხორებისა კაცთაჲსა, რამეთუ ანუ
Line: 17 განსაცდელისა, მძლავრებისა მონაქმნულთა კაცთა უზიარებელი სახელი ქვათა და
Line: 18 ძელთა უწოდეს. გარნა დაღათუ ესე ვითართა ამათ სახელმტყუვართა ღმერთთა
Line: 19 ქადაგნი და მისანნი და გამომეტყუელნი და აღმწერელნი განცხადებულად ღმრთად
Line: 20 სახელ სდებდეს, არამედ საქმეთაცა მათთა სამხილებელად უღმრთოებისა და სიბილწის
Line: 21 მოქმედისა მოქალაქობისა მათისა აღსწერდეს. რამეთუ დიოჲს ბილწებათა
Line: 22 და ლირწებათა და სხუათა მათ ღმერთთა მათთა-თჳს ეგე ვითართავე საქმეთა
Line: 23 წარმომეტყუელ არიან. რომელნი არა ხოლო ღმრთისა, არამედ პატიოსანთაცა
Line: 24 კაცთა-თჳს შეუტყუებელად ჩნან. რამეთუ დიოჲსგან მამათ-ბორგნეულობისა და
Line: 25 მრუშებისა, ხოლო აფროდიტისგას სიძვისა და რეაჲსგან უკუე უძღებებითისა
Line: 26 ბილწებისა, ხოლო არეოჲსგან მკლველობათა და დიონჳსოჲსგან მომთრვალეობათა
Line: 27 და სხუათაგან სხუათა რათმე ესე ვითართა საქმეთა დასაბამისა ქონებათა
Line: 28 იტყჳან. რომლითა განცხადებულად ჩანს გონების მქონებელთა-თჳს, ვითარმედ
Line: 29 უნებლიეთ წარმოთქუნეს ამათ ვნებულებისა და სიხენეშისა საქმენი მათნი რამეთუ
Line: 30 ვინაჲთგან უზიარებელი სახელი ღმრთისაჲ და პატივი მისი არა ღმერთთა, არამედ
Line: 31 მოკუდავთა კაცთა მიჩემებად ისწრაფეს, ამის მიზეზისა-თჳს იძულებულ იქმნნეს
Line: 32 ჭეშმარიტებისაგან წარმოთქუმად ვნებათა მათთა სამხილებელად არა ღმერთ. არამედ
Page: 24 Line: 1 ვნებულ კაცყოფისა მათისა, გარნა იტყჳან საცთურისა ამის დამონებულნი:
Line: 2 ამის-თჳს ღმრთად ვქადაგებთო მათ, რამეთუ საჴმარ იქმნნეს კაცთა-თჳს. და რამეთუ
Line: 3 ზევს დამბადებელობითისა ჴელოვნებისა ითქუმის მომპოვნებელად, ხოლო
Line: 4 პოსიდონ მენავეთ-მოძღურობითისა. ასკლიპიოს მკურნალობითისა, და აპოლლონ მუსიკობისა,
Line: 5 და ირა უკუე მოსილებისა, და ათინა მექსლეობისა, არტემიდი მონადირეობისა,
Line: 6 ხოლო დიმიტრა მუშაკობისა და სხუანი სხუათა რათმე. აწ უკუე უკუეთუ
Line: 7 მოპოვნებისა-თჳს ჴელოვნებათაჲსა სამართალ არს ღმრთად სახელის-დებაჲ
Line: 8 მათი, სათანადო არს, რათა სხუათაცა ჴელოვნებათა მომპოვნებელნი ესრეთვე იწოდებოდინ
Line: 9 რამეთუ წერილნი ფინიკელთა მოიპოვნეს, ხოლო გამომეტეუელებაჲ
Line: 10 იროიკოჲსაჲ ომიროს და სიტყჳს-მგებელობითი ვიდრე-მე ზინონ ელატმან; ხოლო
Line: 11 რიტორობაჲ კორაქს სჳრაკოსელმან და ნაყოფი ფუტკართაჲ არისტეოს;
Line: 12 ხოლო თესვაჲ იფქლისაჲ ტრიპტოლემოს და საბჭონი სჯულნი ლჳკურღოს სპარტიატმან
Line: 13 და სოლონ ათინელმან; ხოლო წერილისა შეწყობაჲ და რიცხუნი და
Line: 14 საზომნი და საწონნი პალამიდის მოიპოვნა, და სხუათა სხუანი რაჲმე ცხორებისა
Line: 15 კაცთაჲსა საჴმრად სათანადონი მოიგონნეს წამებისა-ებრ აღმწერელთა თხრობისათაჲსა.
Line: 16 არამედ კეთილად ცხად არს ამიერ უცნობელობაჲ მათი, რამეთუ არა
Line: 17 განხრწნადთა ხოლო კაცთა აჩემეს პატივი და დიდებაჲ ღმრთისაჲ, არამედ მფრინველთაცა
Line: 18 და ოთხფერჴთა და ქუეწარმავალთა თითოსახეობისა-ებრ ვნებათა და
Line: 19 ბორგნეულობათა მათთაჲსა. რომელთა-თჳს იტყჳს მოციქული: "ამაო იქმნნეს გულის-ზრახვათა
Line: 20 შინა მათთა, და დაუბნელდა უგულის-ხმოჲ გული მათი; მეტყუელნი
Line: 21 ბრძენყოფისანი განცოფნეს და შეცვალეს დიდებაჲ უხრწნელისა ღმრთისაჲ
Line: 22 მსგავსად ხატსა განხრწნადისა კაცისასა და მფრინველთა და ოთხფერჴთა და ქუეწარმავალთასა.
Line: 23 რომლისა-თჳს მისცნა იგინი ღმერთმან ვნებასა უპატიოებისასა."
Line: 24 ვინაჲცა ყოველთავე კერპბორგნეულთაჲ თჳთოსახე არს საცთური და სჯული,
Line: 25 და არა მათვე და ერთთა საქმეთა აჩემებენ მათვე და ერთთა, და ფრიად სამართლად
Line: 26 ჰყოფენ ამას, რამეთუ არა მცირედი სამხილებელი არს ესე უღმრთოებისა
Line: 27 მათისაჲ თითოეულთა ქალაქთა და სოფელთა შინა თითოეულობაჲ ღმერთთაცა
Line: 28 მათთაჲ და სხჳსაგან სხჳსა ღმრთისა დამჴსნელობაჲ, რათა ყოველთა მიერ დაიჴსნნენ
Line: 29 ყოველნი. და რამეთუ სხუათაგან ღმრთად მსახურებულნი რაჲვე სხუათა
Line: 30 მიერ ღმრთად სახელდებულთა მათ შესაწირავ და მსხუერპლ იქმნებიან, ვითარ
Line: 31 იგი მეგჳპტელ აპინს ჴარსა და მენდისიონს ვაცსა ღმრთად თაყუანის-სცემენ.
Line: 32 ხოლო სხუანი დიოჲს მსხუერპლ ჰყოფენ ამათ, კუალად ლიბიელნი ცხოვარსა
Line: 33 ღმრთად ჰმსახურებენ და ესე სხუათა მიერ მსხუერპლად მოყვანებული დაიკლვის;
Line: 34 და კუალად სხუანი სხუათა ესრეთვე. ხოლო სხუანი მდინარეთა და შროშანთა და
Page: 25 Line: 1 უფროჲსღა ყოველთასა მეგჳპტელნი პატივ სცემდეს წყალ და ღმრთად სახელ
Line: 2 სდებდეს. რომელთა შორის ესოდენ აღემატა კერპთ-მსახურებაჲ უმეტეს ყოველთა
Line: 3 წარმართთასა, ვიდრეღა არა ხოლო ჴართა და ვაცთა, და ძაღლთა და ციდამტკაველთა
Line: 4 ჰმსახურებდეს, არამედ ნიორსაცა და ხახუსა, და სხუათა ფრიად უნდოთა
Line: 5 მხალთა ღმრთად სახელ სდებდეს და თაყუანის-სცემდეს სიმდიდრითა უღმრთოებისაჲთა.
Line: 6 და წყალსა ვიდრე-მე ნილოსისა ჰმსახურებდეს, ვითარცა ქუეყანისა
Line: 7 მათისა მომრწყველსა; ხოლო ჴარსა ღმერთ ჰყოფდეს, ვითარცა მუშაკობისა საჭიროსა
Line: 8 საჴმარსა და საზრდელისა სარეწავსა, ხოლო ვაცსა და ცხოვართა მათ
Line: 9 მიერისა საჴმარებისა-თჳს, ხოლო სხუათა საძაგელებათა ძაღლთა და ციდამტკაველთა
Line: 10 და მცენარეთა და სხუასა უშუერებასა ცხოველთა და მხალთასა თაყუანისსცემდეს.
Line: 11 ამის-თჳს რამეთუ რეცა თუ მიზეზ ცხორებისა მათისა იქმნა საჴმარებაჲ
Line: 12 ამათი ჟამსა მას ფარაოჲს წარწყმედისასა. რამეთუ რაჟამს იგი მან დევნა
Line: 13 უყო ისრაჱლსა და დაინთქა, კაცად-კაცადი რაჲ სადაცა შექცეულ იყო და მის
Line: 14 ძლით ფარაოჲსდა არა შედგომილ იყო, და სიკუდილისაგან განერა იგიცა, ღმერთ-ყო
Line: 15 და თქუა: "ღმერთ ჩემდა იქმნა დღეს ესე, რომლისა მიერ ცხოვნებული
Line: 16 არა წარვწყმდი ფარაოჲს-თანა დაყენებულ განგებულებითა ამისითა." მერმეცა
Line: 17 იყვნეს მეგჳპტელთა შორის ზროხანი, რომელთა აქუნდეს ნიშანნი რაჲმე
Line: 18 ენასა ზედა და კუდსა, რომელთაგან იცნობებოდეს, ვითარმედ აპის არს. ესე
Line: 19 იგი არს ღმერთი; რომელთასა დღესასწაულსაცა აღასრულებდეს, ვითარცა ღმერთთასა
Line: 20 და წინადაუგებდეს ჴარსა სანოაგესა მრავალსა ბაგასა შინა ღმრთეებრ
Line: 21 შემსხმელნი მისნი. ეგრეთვე მენდისად სახელდებულსა მასცა ვაცსა, რომლისა
Line: 22 ტაძარიცა აღმართებულ იყო, ღმრთეებრ პატივ სცემდეს და ჰმსახურებდეს; და
Line: 23 ხჳთქთა და გუელთა და კუერნათა და თევზთა პატივის-მცემელნი პატივისა მიერ
Line: 24 პირუტყუთაჲსა უპატიოებასა მოუგებდეს თავთა. ამის-თჳსცა წინაჲსწარ განმაკრძალებელი
Line: 25 საღმრთოჲ სიტყუაჲ ესე ვითართა ამათ საცთურთაგან გამოჴსნილთა
Line: 26 ერთა ეტყოდა: "არა ჰქმნე თავისა თჳსისა კერპი, არცა ყოველივე მსგავსებაჲ,
Line: 27 რაოდენ არს ცათა შინა ზე და რაოდენი ქუეყანასა ზედა ქუე; და არა თაყუანის-სცე
Line: 28 მათ, არცა ჰმსახურო მათ." და. ვინაჲთგან განყოფილებაჲ არს შორის
Line: 29 კერპისა და მსგავსებისა, სამართლად თქუა: არა ჰქმნე თავისა თჳსისა კერპი,
Line: 30 არცა ყოველი მსგავსებაჲ. რამეთუ კერპსა ვიდრე-მე არცა ერთი გუამი აქუს
Line: 31 მდგომარეობითისა სიმტკიცისაჲ, ხოლო მსგავსებაჲ არს ვისსამე სახე და ხატოვნება;
Line: 32 ვინაჲცა ვინაჲთგან წარმართნი ზღაპრობით წმასნიდეს არამყოფთა სახეთა
Line: 33 ხატებსა, ტრიტონთა რათმე და სფინღოსთა და კენტავროსთასა, და მეგჳპტელნი
Page: 26 Line: 1 ძაღლის პირთა და ჴარის თავთასა კერპად უკუე უწოდს ყოფისა და საჩინოობისა
Line: 2 არმქონებელთა ხატებსა; ხოლო მსგავსებად _ მყოფთა და საჩინოთა სახეებსა,
Line: 3 ვითარ იგი მზისა და მთოვარისა და ვარსკულავთა, კაცთა და მჴეცთა
Line: 4 და ქუეწარმავალთა და მსგავსთა მათთასა. ხოლო ამათისა მბრძანებელი არა თაყუანის-ცემისაჲ,
Line: 5 არცა მსახურებისაჲ არა მარტივად განაკრძალებს ორკერძოვე,
Line: 6 არამედ ვინაჲთგან შეემთხუევის ვიეთმე თაყუანის-ცემაჲ ვიდრე-მე შიშისა-თჳს
Line: 7 კაცთაჲსა; გარნა არავე მსახურებაჲ სულითა ასწავებს ორისავე მის უღმრთოებასა
Line: 8 და ღმრთის წინააღმდგომობასა და ფრიად განგდებულობასა. ამის თჳს კუალად
Line: 9 რათა არა ვიეთ-მე ვითარცა ამათ შუენიერებისა მიმართ დაბადებულთაჲსა
Line: 10 მიხედვითა, არა ვითარცა საქმეთა ღმრთისათა არამედ ვითარცა ღმერთთა პატივ
Line: 11 სცენ და ზედა-დაჰრთავს ესრეთ, მეტყუელი წერილი: "და ნუ აღმხილველი თუალთაჲ
Line: 12 და მხილველი მზისა და მთოვარისა და ყოველთავე სამკაულთა ცისათაჲ
Line: 13 შესცთები თაყუანის-ცემად მათდა, რომელნი მიანიჭნა უფალმან ღმერთმან შენმან
Line: 14 ყოველთა წარმართთა." ხოლო მიანიჭნა არა რათა ღმერთ მათდა იყვნენ ესენი,
Line: 15 არამედ რათა მოქმედებისაგან და ხედვისა მათისა გულის-ხმა ყონ წარმართთა
Line: 16 უფალი და დამბადებელი ყოველთაჲ. რამეთუ სიდიდისაგან და სიკეთისა დაბადებულთაჲსა
Line: 17 თანა-შეტყუებით იხილვების დამბადებელი და "უხილავნი მისნი დაბადებითგან
Line: 18 სოფლისაჲთ ქმნილთა შინა გულის-ხმის-ყოფილად იხილვებიან და
Line: 19 "ცანი უთხრობენ დიდებასა ღმთისასა, ხოლო ქმნულსა ჴელთა მისთასა მიუთხრობს
Line: 20 სამყაროჲ." ვითარცა წერილ არს.
Line: 21 ვინაჲცა დამბადებელი ვიდრე-მე ღმერთი სრულ არს და ზეშთა სრულ და
Line: 22 უმოქენეო ყოველთავე სახეთა. ხოლო დაბადებულნი მიიხუნეს, თუ ვინ ვითარ
Line: 23 იგი ნუ უკუე და მზე თავით თჳსით მარტოდ ანუ მთოვარე, ქუეყანაჲ ანუ ჰაერი,
Line: 24 და მჴურვალი, და გრილი, და ჴმელი და ნოტიაჲ არსებაჲ, და განყვნეს
Line: 25 ურთი-ერთასისა შეზავებულებისაგან და თითოეული მოიღოს თავით თჳსით და
Line: 26 თჳსაგან განიხილოს, ჰპოებს უეჭუელად ვერცა ერთსა მათგანსა კმამყოფელად თავისა
Line: 27 თჳსისა და თჳთ სრულად, არამედ ურთი-ერთასისა საჴმარებისა მოქენედ და
Line: 28 ერთსა მეორისა შემწეობითა შემტკიცებულად. რამეთუ მზე ვიდრე-მე ყოვლისავე
Line: 29 ცისა-თანა თანად-მოიქცევის და არა ოდეს დაუტევებს განუნათლებელად
Line: 30 სიმრგულესა მისსა; ხოლო მთოვარე და ვარსკულავნი წამებენ მზისაგან მინიჭებასა
Line: 31 მათდა განათლებისასა. და ქუეყანაჲ კუალად ჩანს თჳნიერ წჳმათასა ვერ
Line: 32 გამომხუმელად ნაყოფთა, ხოლო წჳმანი თჳნიერ საჴმარებისა ღრუბელთაჲსა ვერ
Line: 33 გარდამოვლენ ქუეყანად გარნა ვერცაღა ღრუბელნი არიან თჳნიერ ჰაერისა. და
Page: 27 Line: 1 ჰაერი არა თავით თჳსით, არამედ ეთერისაგან უკუე შეიწუების, ხოლო მზისაგან
Line: 2 ელვარექმნილი განათლდების. მერმეცა წყარონი და მდინარენი თჳნიერ ქუეყანისა
Line: 3 ვერ სადა იყვნენ ოდესცა, ხოლო ქუეყანაჲ არა თავისაგან თჳსისა მქონებელი
Line: 4 არს დაფუძნებითისა სიმტკიცისაჲ, არამედ არსებასა ზედა წყალთასა დამყარებულ
Line: 5 არს ძალითა ყოვლისა მპყრობელისა სიტყჳსაჲთა. კუალად ზღუაჲ და
Line: 6 გარემოჲს ყოვლისა სოფლისა მომვლელი იგი დიდი ოკეანოსი ქარისა მიერ
Line: 7 აღიძრვის და მიითხევის, ვინაჲ კერძოცა მიჰბეროს იძულებამან ქართამან. ხოლო
Line: 8 ქარნი არა თავთა შორის თჳსთა. არამედ სიტყჳსა-ებრ მათ-თჳს ბუნებათ-მეტყუელთაჲსა
Line: 9 ჰაერისა მიმართ ქმნილისა მისგან შემწუველობისა ეთერისა სიცხითაჲსა
Line: 10 თჳთ მათ ჰაერსა შინა მიუღიეს მათ ყოფაჲ და მის მიერ ყოვლით-კერძო ქრიან.
Line: 11 აწ უკუე ოთხთა ვიდრე-მე ნივთთათჳს, რომელთაგან ბუნებაჲ ჴორციელთა
Line: 12 გუამთაჲ შემტკიცებულ არს, მჴურვალისა, ვიტყჳ, და ხმელისა, გრილისა და
Line: 13 ნოტიისა არსებისა, ვინ არა უწყის, ვითარმედ ურთი-ერთას რაჲ შეირინენ და
Line: 14 შეიყვნენ, აქუს მდგომარეობაჲ და მყოფობაჲ, ხოლო თჳსაგან რაჲ ურთიერთას
Line: 15 განიყვნენ და თავით თჳსით იხილვებოდის თითოეული, ურთი-ერთას
Line: 16 მბრძოლ და დამჴსნელ არიან, რამეთუ მჴურვალე გრილისა მიერ დაიჴსნების და
Line: 17 გრილი მჴურვალისა მიერ უჩინო იქმნების, და ნოტიაჲ ჴმელისა მიერ განჴმების.
Line: 18 ვინაჲცა ვითარ ღმერთ იყვნენ ესენი ურთი-ერთასისა შეწევნისა მოქენენი და
Line: 19 ურთი-ერთას დაუგებელად მბრძოლნი და სახელსა ღმრთობისასა ღირს იყვნენ;
Line: 20 ანუ კუალად ვითარ არა ჰხედვენ ღმერთმყოფელნი დაბადებულისანი მზისასა უკუე
Line: 21 ქუეშე კერძო ქუეყანისა დასლვასა და ნათლისა მისისა მის მიერ დაფარვასა, ხოლო
Line: 22 მთოვარისასა დღისი მზისაგან უნათლო ყოფასა უმცხინვარესობითა შარავანდედთა
Line: 23 მიფენისაჲთა და რამეთუ ნაყოფთა ქუეყანისათა მრავალგზის სეტყუაჲ
Line: 24 უჴმარ ჰყოფს, ხოლო ცეცხლსა სიმძაფრე წყლისაჲ დაშრეტს. რომელნი უკუე
Line: 25 თუმცა ღმერთ იყვნეს, უჴმდა რათამცა არა ურთი-ერთას სხუაჲ სხჳსაგან იძლეოდეს
Line: 26 და დაიფარვოდეს /////// ურთი-ერთას თანად-ყოფაჲ შუენოდა და საზოგადოსა
Line: 27 მოქმედებასა ერთობით სჯულმყოფელობაჲ. რომლისა-თჳსც განცხადებულად
Line: 28 ჩანს, ვითარმედ არცა მზე, არცა მთოვარე, არცა სხუაჲ რაჲმე დაბადებულთაგანი,
Line: 29 ხოლო უფროჲსღა არცა ქვათა და ოქროჲსა და სხუათა ნივთთაგან შემზადებულნი
Line: 30 ძეგლნი, არცა გამომეტყუელთა მიერ ზღაპრის-მეტყუელებულნი ზევს
Line: 31 და აპოლონ და სხუანი ჭეშმარიტებით არიან ღმერთ, ვითარცა სიტყუამან გამოაჩინა;
Line: 32 არამედ რომელნიმე მათგანნი ნაწილნი არიან დაბადებულისანი, ხოლო
Page: 28 Line: 1 რომელნიმე უსულონი ნივთნი და რომელნიმე მხოლოდ კაცად ოდენ მოკუდავად
Line: 2 მყოფნი ანუ ყოფილნი.
Line: 3 აწ უკუე უკუეთუ გამომეტყუელსა მიერ ღმრთად სახელდებულთაჲ მათ არა
Line: 4 ღმერთყოფაჲ ეგერა გამოჩინებულ იქმნა, საჭიროდ სათანადო არს ამათსა დაჴსნასა შინა
Line: 5 ჩუენ შორის ყოფაჲ ღმრთის-მსახურებისაჲ, და ჩუენ მიერ თაყუანის-ცემულისა
Line: 6 და ქადაგებულისა მის ხოლო მხოლოჲსა ღმერთ ჭეშმარიტ და ყოვლისა დაბადებულისა
Line: 7 დამბადებელყოფაჲ, რომელი სამებით თაყუანის-იცემების, და იდიდების,
Line: 8 რომელმან ყოველნი კაცნი საცთურისაგან კერპთაჲსა და პირუტყულისა უცნებისა
Line: 9 გამოიყვანნა და საღმრთოჲსა მიმართ ცნობისა მიიყვანნა. რომელი კუალად
Line: 10 იტყჳს: "არა იყვნენ შენდა ღმერთნი სხუანი თჳნიერ ჩემსა" და "ისმინე,
Line: 11 ისრაჱლ, უფალი ღმერთი შენი უფალი ერთ არს." და "უფალსა ღმერთსა შენსა
Line: 12 თაყუანი-სცე და მას მხოლოსა ჰმსახურებდე". ესე უკუე თჳსითა ძალითა და სიბრძნითა
Line: 13 მპყრობელი თანად-ყოვლისაჲ და დასაბამთაჲ ყოვლისავე გრძნობადისა
Line: 14 არსებისათა დამცველი, რომელ არიან მჴურვალე და გრილი, ჴმელი და ნოტიაჲ,
Line: 15 ერთად შეჰზავებს და შეერთებულად შენაწევრებად შესრულებულ ჰყოფს ამათ;
Line: 16 და არცა ცეცხლი ჰბრძავს გრილსა, არცა ნოტიაჲ წინაგანეწყობის ჴმელსა, არამედ
Line: 17 ვითარცა ძმა რაჲმე და მეგობარ არიან ურთი-ერთას და მყოფობისა გუამთაჲსა
Line: 18 დასაბამ არიან. და ესრეთ ყოველნივე დამორჩილებულნი მისნი რომელნიმე
Line: 19 ქუეყანასა ზედა ცხორებენ, ხოლო რომელნიმე ცათა შინა მყოფ არიან; ხოლო
Line: 20 ყოველივე ზღუაჲ და დიდი ოკეანოსი თჳსთასა ზღვართა აღძრვისა მათისათა
Line: 21 მქონებელ არიან, და ჴმელი ყოველივე მწუანვილოისდა ფურცლოჲს თითოსახეთა
Line: 22 და ყოვლით-კერძოთა მორჩთა.
Line: 23 ხოლო დაბადებისა-თჳს სოფლისა და ყოვლისავე აგებულისა მრავალთა მრავალსახედ
Line: 24 წარმოთქუეს, და, ვითარცა თჳთ უნდა თითოეულსა, ეგრეთცა განასაზღვრა
Line: 25 მის-თჳს. რამეთუ რომელნიმე თავით თჳსით და ვითარ დამთხუევით ქმნილებასა
Line: 26 იტყჳან ყოველთასა, რომელთაგანნი არიან ეპიკურელნი, და ყოველთა
Line: 27 ზედაჲსა მის განგებისა მათ-თჳს არაყოფასა ზღაპრის-მეტყუელებენ; ხოლო
Line: 28 რომელნიმე რომელთა შორის არს ხმაგანსმენილიცა ფილოსოფოსთა შორის
Line: 29 პლატონ, პირველვე წინამდებარისა და უშობელისა ნივთისაგან შემოქმედად
Line: 30 იტყჳან ღმერთსა ყოვლისა. და არა ესე ხოლო, არამედ უსამართლოებად
Page: 29 Line: 1 განდრეკილნი და უშჯულოებითა აღვსებულნი უძღებ იქმნნეს ცოდვისა მიმართ. რამეთუ
Line: 2 ქალაქი ქალაქსა ჰბრძოდა, და ნათესავი ნათესავსა ზედა აღდგებოდა, და განიყოფვოდა
Line: 3 ყოველი სოფელი ურთი-ერთას მბრძოლობად და მძლეობად უსჯულოებითა
Line: 4 და ქმნად უწესოთა შესაწუხებელად ღმრთისა და სიხარულად ეშმაკისა. რამეთუ
Line: 5 ესოდენ უღმრთო იქმნნეს, ვიდრეღა ეშმაკთაცა ჰმსახურებდეს, რამეთუ
Line: 6 ღმრთად სახელ სდებდეს და დაწყუედითა პირუტყუთა ცხოველთა და კაცთაჲთა
Line: 7 მსხუერპლებსა მოართუმიდეს მათ. რომლისა-თჳსცა გრძნებანი და მისნობანი და
Line: 8 მწამლველობანი ესწავებოდეს მათ მიერ; მერმე შობაჲცა მათი და მიზეზი ყოვლისავე
Line: 9 მოქალაქობისა მათისა და შემთხუევისა ბედსა და ვარსკულავთა მიეჩემებოდა
Line: 10 მათგან, რომელნი ვერარას უმეტეს ხილულთასა გულის-ხმა ჰყოფდეს.
Line: 11 და ყოვლით-ურთ ყოველივე უსჯულოებითა და უღმრთოებითა აღსავსე იყო, და
Line: 12 რამეთუ დელფისა და დოდონისა და ვიოტიაჲსა და ლჳკიისა და ლივჳისა და ეგჳპტისა და
Line: 13 კამირჳსა გრძნებათა და მისნობათა საოცრებანი მაშინ სადმე საკჳრველ იყვნეს
Line: 14 კაცთა მიერ. ხოლო აწ ვინაჲთგან ქრისტე ღმერთი ღმრთისა მამისა სიბრძნე
Line: 15 და ძალი იქადაგა, და/სცხრეს ესენი და საეშმაკოჲ საცთური მათი და არღარა
Line: 16 არს ამიერითგან მათ შორის მგრძნებავი და ძუელ სადმე ოცნებათა აჩუენებდეს
Line: 17 ეშმაკნი კაცთა, რამეთუ წინა-დაიპყრნიან წყარონი ანუ მდინარენი, ანუ ხენი ანუ
Line: 18 ქვანი, და ესრეთ გრძნებითა განაკჳრვნიან უცნობელნი, ხოლო აწ საღმრთოჲთა
Line: 19 გამოჩინებითა ღრმთისა სიტყჳსაჲთა უჩინო ქმნილ არს მათი საოცრებაჲ. და პირველ
Line: 20 სადმე გამომეტყუელთა მიერ ღმრთად სახელდებულთა მათ, დიაჲსსა და
Line: 21 კრონოჲსსა და აპოლონისსა და იროად წოდებულთა მათსა ღმერთყოფასა ჰგონებდეს
Line: 22 კაცნი და შესცდებოდეს თაყუანის-ცემად მათდა და სახის-მეტყუელებათაცა
Line: 23 რათმე მოიპოებდეს მათ-თჳს. ვითარ იგი პოსიდონს უწოდდეს წყლად, და
Line: 24 იფესტოსს ცეცხლად, და ირას ჰაერად, და დიმიტროს ქუეყანად და ნაყოფებად,
Line: 25 და დიას წჳმად; ხოლო აწ მათი უკუე მოკუდავ კაცყოფაჲ საცნაურ ქმნილ არს,
Line: 26 და მხოლოჲ ქრისტე ხოლო იცნობების კაცთა მიერ ღმრთად, ღმრთისა ჭეშმარიტისა
Line: 27 სიტყუად გუამოვნად და ღმრთად.
Line: 28 აწ უკუე გამომეტყუელნი იტყჳან, ვითარმედ ზევს ცუარ არს, კუალად
Line: 29 სხუანი მათგანნი იტყჳან, ვითარმედ მემრუშე არს და მამათ-ბორგნეულ და მამისმკლველ,
Line: 30 და სხუანი ამათსა არა უდარესთა ძჳრთა წარმოიტყჳან მის-თჳს: გარნა
Line: 31 არა ჭეშმარიტ არიანო, იტყჳან, არამედ არცაღა სად/მე ცუარყოფა მისი სარწმუნო
Line: 32 არს. რამეთუ უკუეთუ ამას მიითუალავ, მათიცა საჭიროდ გიღირს მითუალვაჲ,
Line: 33 და უკუეთუ მათ განჰყრი, ესეცა განაგდე მათ-თანა. ხოლო უკუეთუ დაუტევებ
Line: 34 გამომეტყუელთა, ვითარცა მრავლის-მეტყუელთა, და სახის-მეტყუელთა
Page: 30 Line: 1 მიმართ მიივლტი, იგი მოგაჴსენოთ შენ. რაჲ უკუე არს ზევს? მდუღარე არსებაჲო,
Line: 2 იტყჳან, და ზეშთა ჰაერისაჲ კერძოჲ, რომელსა ეთერად სახელ ედების
Line: 3 მდუღარებისაგან და მწუველობისა. აწ სადმე არა სიტყჳერობითი რაჲმე და განმრჩეველობითი,
Line: 4 არამედ უსიტყუელი არს. რამეთუ ვითარმედ ბუნებაჲ ჰაერისაჲ
Line: 5 პირუტყუ არს, ყოვლით კეძო ცხად არს. რამეთუ უკუეთუ ჰაერ არს ზევს, ხოლო
Line: 6 ჰაერი უსიტყუელ და უგრძნობელ, ამიერცა ზღაპრის-მეტყუელებაჲ იხილვების.
Line: 7 და რამეთუ ჰაერი არცა მამა ვისსა ქმნილ არს, არცა უშობიეს არსებაჲ
Line: 8 რაჲმე, ვითარ სახედ წარჰრევენ ზღაპრის-მეტყუელნი და ზღაპართ-მწმასნელნი,
Line: 9 უწოდდენ რაჲ მზესა აპოლონად და ძედ მისსა სახელ სდებდენ მას. რამეთუ
Line: 10 მზესა არცა გულის-მზრახვალობაჲ აქუს, არცა გულის-სიტყუაჲ და გონებაჲ, არამედ
Line: 11 ბუნებით საქმე მისსა არს აღმომავალობისა და გარემომვლელობისა უქცეველი
Line: 12 სჯული, რომელი იგი დასაბამითგან განუჩინა მას ღმერთმან. და კუალად
Line: 13 ვითარმედ არა ეთერისაჲ არს ცურევაჲ, არამედ ღრუბელთა / შემწყნარებელთა
Line: 14 წყლისათაჲ ანუ ზღჳთ, ანუ ზეგარდამო მქონებელთა ნოტიობისათაჲ, ანუ ზეშთა
Line: 15 ცათა მათ წყალთაგან, ვითარ იგი უტყუელი ჭეშმარეტებაჲ ჴმობს წინაჲსწარმეტყუელთა
Line: 16 მიერ. და ვითარცა სახედ აღმობრწყინდეს რაჲ მზე, წარიდევნების
Line: 17 ბნელი; ეგრეთვე საღმრთოჲსა გამოჩინებისა მოწევნითა განიჴადა კერპბორგნეულობისა
Line: 18 ბნელი, და პირველივე ბრძენთა სიტყუა-მარწმუნებლობაჲ სიცოფედ
Line: 19 და მომზრახობად განცხადებულად გამოჩინებულ იქმნა, ვითარცა წერილ
Line: 20 არს ეშმაკთა ვიდრემე დაკსნისა-თჳს ესრეთ: "და იყოს მას დღესა შინა, იტყჳს
Line: 21 უფალი საბაოთ, მოვსპო სახელი კერპთაჲ ქუეყანისაგან, და არღა იყოს მერმე
Line: 22 საჴსენებელი მათი", ხოლო ფილოსოფოსთა ცუდმეტყუელებისა-თჳს: "რომელმან
Line: 23 შეიპყრნი ბრძენნი სივერაგითა მათითა" და "უფალმან უწყნის გულის-ზრახვანი
Line: 24 ბრძენთანი რამეთუ არიან ამაო" და ძუელ სადმე კერპთ-მსახურებისადა შექცეულნი
Line: 25 იგი ელლენნი და წარმართნი ურთი-ერთას ბრძოლ იყვნეს. ვითარცა
Line: 26 ითქუა, და მძჳნვარე და მჴეცის-ბუნება იყვნეს თანამონათესავეთა მიმართ რამეთუ
Line: 27 არა შესაძლებელ იყო რაჲთ-ურთით არცა ქუეყანისა, არცა ზღჳსა უსაჭურველოდ
Line: 28 წარვლაჲ ანუ წიაღსლაჲ დაუგებელისა ნათესავთა ურთი-ერთას მბრძოლობისა-თჳს,
Line: 29 და სიმარტივით ითქუმოდედ, ვითარმედ ყოველი ცხორებაჲ და ქცევაჲ
Line: 30 მათი საჭურველითა იქმნებოდა, და მახჳლი იყო მათდა ნაცვალ კუერთხისა
Line: 31 და ყოვლისა შემწეთა საჴმარებისა. ხოლო აწ რაჟამს მშჳდობის მოქმედისა მომართ
Line: 32 მოძღურებისა ქრისტესისა მოიცვალნეს, მაშინ უეჭუელად მაშინ საკჳრველად
Line: 33 სიმშჳდედ შეიცვალნეს გულის-სიტყჳთა და მჴეცებრივობაჲ მოსისხლეობისაჲ
Line: 34 განაგდეს და არცა მერმეცა ბრძოლათა-თჳს განიზრახვენ, არამედ ეშმაკთა
Line: 35 მიმართ ბრძოლისა ყოფად საქმეთა მიერ სათნოებისათა და მრავალსახეთა ღონეთა
Page: 31 Line: 1 სიმარჯჳსათა მარადის გულს-მოდგინე არიან და განცხადებულად წინა-განეწყვებიან.
Line: 2 რომელთა-თჳს წერილ არს ვითარმედ "მაშინ დასჭრიდენ მახჳლებსა
Line: 3 მათსა საჴნისად და ლახურებსა მანგლად. და არა აღიღოს ნათესავმან ნათესავსა
Line: 4 ზედა მახჳილი" და შემდგომი და რომელთა-თჳს ესრეთ იტყჳს თეოდორიტეცა
Line: 5 ვითარმედ "ელლენთა ზედა-მიწევნით რაჲ წარიკითხნეს საწარმართონი ძუელნი
Line: 6 მოთხრობანი, მათგან გულის-ხმა ყვეს, ვითარმედ უწარჩინებულესნი ჴელოვნებათანი
Line: 7 და უმრავლესნი სიმარჯუეთანი ებრაელთაგან ისწავნეს ელლენთა". რამეთუ
Line: 8 მუშაკობისასა პირველად მეგჳპტელთა მიერ იტყჳან მოპოვნებასა, ხოლო ვარსკულავთ-მეტყუელებაჲ
Line: 9 და შობათ-მეტყუელებაჲ ქალდეველთა მოპოვნებულად ითქუმის,
Line: 10 ხოლო არაბთა და ფრიგჳელთა სიზმართა შეტყუებაჲ მოიპოვეს პირველად
Line: 11 და მსხუერპლითა მსახურებაჲ ღმერთთაჲ; ხოლო ვარსკულავთ-მრიცხველობისა
Line: 12 ბაბილოვნელნი ითქუმიან მომპოვნებელად ზოროასტროჲს მიერ, ხოლო
Line: 13 ქუეყნის-მზომელობად მეგჳპტელნი საზომთაგან ქუეყანისათა და განყოფილებისა
Line: 14 აგარაკთაჲსა განსწავლულნი პირველად და ესრეთ აღმწერელნი მისნი. სხუათა
Line: 15 მიმართ მიმწევნელ იქმნნეს მოპოვნებულისა მათისა; ხოლო მოგობაჲ და გრძნებაჲ
Line: 16 და მწამლველობაჲ მიდთა ვიდრე-მე და სპარსთა მოიპოვეს, ხოლო განიყოფებიან
Line: 17 ურთი-ერთასა: მოგობა არს ხდაჲ ეშმაჴთა რეცა კეთილის მოქმედთაჲ
Line: 18 კეთილისა მიმართ ვისისავე ჴელპყრობისა-თჳს, ვითარ იგი კეთილისა-თჳს იქმნეს
Line: 19 აპოლონ ტჳანელისა გამოცხადებანი, ვინაჲ ლოიტიადცა სახელ იდების, რომელ
Line: 20 არს გრძნებაჲ, ღოერონთაგან, რომელ არიან გურინვანი და გოდებანი ქმნილნი საფლავთა
Line: 21 ზედა; ხოლო მწამლველობა არს რაჟამს სასიკუდინედ შემზადებული რაჲმე
Line: 22 რეცა საყუარობელად ეჴუმიოს ვისმე პირით.
Line: 23 და წერილისასა ვიდრე-მე ფინიკელთაგან იტყჳან ელლენნი მოპოვნებასა
Line: 24 და ვითარმედ კადმოს შთამოიღო იგი პირველად ელლადას, ხოლო მკურნალობაჲ
Line: 25 მეგჳპტელთა დაიწყეს პირველად და ასკლიპიოს აღაორძინა ჴელოვნებაჲ იგი.
Line: 26 რომელთასა ებრაელნი ამათ ყოველთასა / უპირატესნი არიან. ესრეთ უკუე და
Line: 27 სულთა-თჳსცა განწვალებულთა თითოსახენი სჯულნი განაჩინნეს. რამეთუ რომელთამე
Line: 28 ხილულნი აგებულად, ხოლო რომელთამე აუგებელად და თაავით თჳსით
Line: 29 ქმნილად და რომელთამე სულიერობაჲ ყოვლისაჲ, ხოლო რომელთამე უსულობაჲ
Line: 30 ითქუეს. რამეთუ ანაქსაღორა და პითაღორა მიიწინეს რაჲ ეგჳპტედ და მუნ
Line: 31 მყოფთა მათ მეგვპტელთა და ებრაელთა ბრძენთა ეზრახნეს, არსთა ცნობისა
Line: 32 მეცნიერებასა განისწავლნეს, ხოლო უფროჲსღა [...............], ვითარცა ურთი-ერთასთა
Line: 33 შინა პლუტარხოს იტყჳს არა ესე ხოლო, არამედ ღმრთადცა მზესა
Page: 32 Line: 1 და მთოვარესა მეგჳპტელთა უწოდეს პირველად; რამეთუ მზესა სახელ სდვეს
Line: 2 ოსირი. ხოლო მთოვარესა ისინ. და ცეცხლსა უკუე ეფესტოს, და ქუეყანასა
Line: 3 დიმიტრა; ხოლო ნოტიასა არსებასა ოკეანოდ უწოდეს, და გულის-თქუმასა ვიდრე-მე
Line: 4 და ტრფიალებასა აფროდიტი, და არეა გულის-წყრომასა. და პარვასა
Line: 5 ერმი, და ცნობასა ათინა უწოდეს, და კუალად ჴელოვნებათაცა იფესტოდ იტყოდეს,
Line: 6 ვითარცა თანა-მოქმედად მჴუმეველთა ცეცხლისათა.
Line: 7 ესრეთ უკუე მეგჳპტელთა ვიდრე-მე და ფინიკიელთა სახელ სდვეს პირველად
Line: 8 ღმრთად და მათგან ისწავეს ელლენთა ღმერთყოფაჲ მზისა და მთოვარისა
Line: 9 და ვარსკულავთა, და ცისა და ქუეყანისა და სხუათა ნივთთა თაყუანის-ცემაჲ და
Line: 10 ვითარცა ღმერთთა მსახურებაჲ მათი ამათ-თანა კეთილისაცა რაჲსმე მოქმედთა,
Line: 11 ანუ ბრძოლასა შინა ახოან ქმნილთა ღმერთ ჰყოფდეს ელლენნი, ვითარ იგი
Line: 12 მჴნესა მას სახელგანთქუმულსა ირაკლის, და ასკლიპიოსს ჴელოვნებისა-თჳს მკურნალობისა.
Line: 13 ხოლო შემდგომად სიკუდილისა ღმრთად უწოდეს; და არა ხოლო
Line: 14 კეთილისა ოდენ რაჲსმე მოქმედთა, არამედ ბილწებისაცა და საძაგელთა საქმეთა
Line: 15 მამათაცა და დედათა პატივ სცემდეს და ღმრთად ჰმსახურებდეს. რომელთაგან
Line: 16 ისწავეს რაჲ ჰრომაელთა, შემდგომად სიკუდილისა ცხოველ ჰყოფდეს მეფეთა
Line: 17 მათთა, და არა სჯულიერად ხოლო მეფექმნილთა და სიმართლით მსაჯულ-ყოფილთა,
Line: 18 არამედ მძლავრებრივცა და უსამართლოებით და უსჯულოებით განმმგებელთა
Line: 19 მთავრობისათა. და რამეთუ ყოვლისავე ბილწებისა და უსჯულოებისა
Line: 20 სიბოროტეთა თავად-მიწევნილი ნერონ, და დომენტიანე, და კომოდ, და სხუანი
Line: 21 მოსისხლენი და მემრუშენი კაცნი მათ მიერ ღმრთად-სახელდებულთა მათ მწყობრსა-თანა
Line: 22 აღრაცხნეს. და არა ესენი ხოლო, არამედ ბოროტნი ეშმაკნიცა ღმრთად
Line: 23 აღიარნეს და მსხუერპლთა და შესაწირავთა მიერ ღმრთეებრსა მსახერებასა მოართუმიდეს,
Line: 24 რომელთა ჩუენ ვსძულობთ გან-რე-მზომობით ფრიად ჯეროვნად და
Line: 25 სამართლად, ვითარცა ღმრთის-მოძულებულთა და საუკუნოჲსა სატანჯველისა
Line: 26 მომატყუებელთა ჩუენდა.
Line: 27 ვინაჲთგან უკუე ეშმაკთა-თჳს მოვიჴსენე, სათანადოდ ვჰგონებ სიტყჳს-ყოფასა
Line: 28 საწყალობელთა კაცთა მიერ მსახურებელთა მათ-თჳსცა. რამეთუ მთავარსა
Line: 29 მათსა სატანად სახელ სდებენ საღმრთონი სიტყუანი, და განდგომილად ითარგმანების
Line: 30 სახელი ესე ხმისა-ებრ ებრაელთაჲსა; ხოლო სახელ ედების მას შემასმენელცა
Line: 31 ვითარცა ღმრთისა კაცთა მომართ ცილის-მწამებელსა და თჳთ მათ
Line: 32 კაცთა ურთი-ერთას ჴდომისა და ბრძოლისა მიზეზსა. ამათ-თჳს ჩუენ არა დასაბამითგანვე
Line: 33 ყოველთა ღმრთისა მიერ ბოროტად დაბადებულებასა ვიტყჳთ, არცა
Line: 34 უსახურებით ბოროტისა რაჲსმე ანაგებისა წილხუდომილებასა, არამედ ქცეულებითა
Page: 33 Line: 1 ნებისაჲთა უმჯობესისაგან უდარესისა მიმართ დაკუეთებასა თჳთჴელმწიფებით
Line: 2 და თჳთმფლობელობით; შემოქმედისა მიერ მინიჭებულისა მის მადლისა
Line: 3 არა კმამყოფელ, არამედ უმეტესისა გულის-მთქუმელ იქმნნეს და შეიწყნარეს
Line: 4 რაჲ ვნებაჲ ზუაობისაჲ. დაეცნეს პირველითგანვე მათდა მიცემულისა პატივისაგან.
Line: 5 ამისსა შემდგომად ბრძოლად კაცისა, ვითარცა საღმრთოჲთა ხატებითა,
Line: 6 პატივცემულისად აღბორგნეს და მისსა მიმართისა კუეთებისა დამწყებელ იქმნნეს;
Line: 7 ხოლო დამბადებელმან უფალმან ანგელოზთა ზედა-მდგომელობითა შეზღუდა
Line: 8 უკუე ნათესავი კაცთაჲ, რათა არა იძულებით და მძლავრებით უჩინოდ ზედამოსლვითა
Line: 9 შურისა მიერ მოძულებულთა მათ თჳსთა უწყალოებით განრრყუნიდეს
Line: 10 და ფლობილებით განჰხრწნიდეს ხოლო მოღუაწებითი ბრძოლაჲ არავე დააყენა,
Line: 11 რათა გამოჩნდეს ახოვანთა სიქველე და სახის დასაბამ იქმნენ შემდგომთა მათთა
Line: 12 მჴნეკაცობისა. ამის-თჳს იძულებითი რაჲ კუეთებაჲ მათი, ვითარცა მომსრველი
Line: 13 რაჲმე სენი, ანგელოზთა-მიერითა მცველობითა დააყენა. გულის-სიტყუათა ღუაწლსა
Line: 14 შეუნდო დაშთომად, რათა წარმმართებელნი მძლეობისანი ღირსად გჳრგჳნთად
Line: 15 გამოაჩინნეს; არა თუ მან განაჩინა იგი წინააღმდგომობით მბრძოლად ღმრთისა
Line: 16 მსახურთა, არამედ სათანადოჲსა მიმართ იჴუმია გესლი სიბოროტისა მისისა,
Line: 17 ვითარ იგი მკურნალნი იქედნეთა დასაჴსნელ ჰყოფენ ფიცხელთა სნეულებათა.
Line: 18 ვინაჲთგან უკუე მოციქულთა და ჩუენ ხმაბარბაროზად სახელ გუდებენ
Line: 19 ელლენნი, იყვნენ ვითარცა ჩუენ სკჳთელ ყოველნივე ელლენნიცა, რამეთუ ესე
Line: 20 განცხადებულად მასწავა ჩუენ პავლე, თქუა რაჲ ვითარმედ "უკუეთუ არა ვცნა ძალი
Line: 21 სიტყჳსაჲ, ვიყო მე მეტყუელისა მის ბარბაროზ, და რომელი იტყოდის
Line: 22 ჩემდა მომართ, ბარბაროზ". რამეთუ უეჭუელად, ვითარ იგი ელლენთა-თჳს ილლჳრიელნი
Line: 23 და პეონნი და სხუანი ბარბაროზყოფად საგონებელ არიან, ეგრეთვე
Line: 24 მათდა და მსგავსთა მათთადა რაოდენნი ელლადელთა და ელლენურისა სიტყუაჴელოვნებისა
Line: 25 და პირიანობისა სმენად ვერ შემძლებელ არიან, ბარბაროზად შერაცხილ
Line: 26 არიან ელლენნი, ხოლო ვითარმედ იგივე ძალი აქუს ყოველსა ენასა, რამეთუ
Line: 27 ერთ არს ყოველთა კაცთა ბუნებაჲ, - ამისსა მოძღუარ არს გამოცდილებაჲ.
Line: 28 ვინაჲთგან ბარბაროზთაცა შორის იპოვნებიან სიმარჯუენი და ჴელოვნებანი და
Line: 29 მბრძოლობითთა სიქველეთა აღმატებულნი ახოვნებანი, რამეთუ იყვის ოდესმე,
Line: 30 რომელ მრავალგზის უბრძნესნიცა ელლენთასა მოიპოვნიან მათ ღონენი და უმანქნესნი
Line: 31 სიჴელოვნენი, და ვითარმედ არიან ვინმე ელლენთა სწავლულებისა და
Line: 32 მრავალმეტყუელებისა მცირემეტყუელებითა მძლენი. ამას წამებენ სპარსნი და ძუელ
Line: 33 სადმე აღწერილნი წიგნნი, და ვინცა ვინ აწ მოციქულად მისრული, ანუ
Line: 34 ლაშქრობად შთასრული, ანუ ვაჭრობად მიწევნული მიეახლა და ეზრახა მათ და
Page: 34 Line: 1 კეთილად განიცადა მრავალღონიერებაჲ და გულის-ხმიერებაჲ მათი. რამეთუ სიმახჳლითგან
Line: 2 მგონებელობასა იტყჳან მათ-თჳს სიტყუათა თხზულებისა და ძმაცულებისა
Line: 3 და დაფარულებისასა და მცირეთა სიტყუათა მიერ მძლეობასა სიტყჳს-მგებელთასა;
Line: 4 ამას-თანა ფრიად ჴელოვნებით მომპოვნებელობასა გულის-ხმის-საყოფელისასა
Line: 5 მათ-თჳს დაამტკიცებენ და ადვილად დამჴსნელობასა სხუათა მიერ
Line: 6 მოპოვნებით შეთხზულისასა და იგავთა და არაკთა ყოვლად ბრძენთა მომგონებელობასა.
Line: 7 რომელნი არა სადა საფილოსოფოსოთა ანუ სარიტოროთა მიერ შუებულ
Line: 8 ქმნილ არიან სიტყუათა, არამედ მხოლოდ ბუნებაჲ ოდენ აქუს მოძღურად.
Line: 9 ხოლო ჰინდოთასა ფრიად უბრძნეს მათსა იტყჳან ყოფასა და უგულის-ხმიერეს.
Line: 10 და კუალად ჩუენშორისნიცა ესე და მეზობელნი ჩუენნი ნომადნი, ისმაიტელთა
Line: 11 ვიტყჳ, რომელნი უდაბნოს შინა მოქალაქე და არარაჲთ თანა-ზიარ არიან
Line: 12 ელლენურისა აღმწერელობისა გონიერობითა და გულის-ხმის-ყოფითა და გამოცდილებითა
Line: 13 შეიმკვებიან, და გონებაჲ და მრავალღონიერებაჲ მოუგიეს ფრიად რაჲმე
Line: 14 მახჳლი და შემძლებელი შეტყუებად ჭეშმარიტისა და მხილებად ტყუილისა
Line: 15 და განრჩევად უაღრესისა უდარესისაგან. ხოლო მეგჳპტელთა-თჳს ნამეტავ ვჰგონებ
Line: 16 თქუმასა. და რამეთუ თჳთ იგი პირველნიცა ფილოსოფოსთანი უმჯობეს ყოფასა
Line: 17 ამათსა იტყჳან უფროჲს ელლენთა შორის სახელოან ქმნილთასა, ხოლო
Line: 18 ჰრომაელთა შორის გამომეტყუელნიცა იპოებიან და აღმწერელნი და რიტორნი,
Line: 19 ვითარცა იტყჳან ამისცა და მის ენისა მეცნიერნი. და ვითარმედ უჴშირეს და
Line: 20 უძნიადეს ელლენურთასა არიან გულის-ზრახვანი მათნი და უმახჳლეს თანად და
Line: 21 უღრმესცა ცნობანი. და ამას რაჲ ვიტყჳ, არა თუ ელლადელთასა დავაკნინებ ენასა,
Line: 22 არცა წინააღმდგომთა მისთა მოვიპოებ სახეთა, არამედ ამას ზედა დიდმოქადულთა
Line: 23 მათსა შეკდემულ ვჰყოფ ზუაობასა და წარბმაღლობასა და სილაღესა;
Line: 24 და ვასწავებ არა აღჭურვად ენისა განბრწყინვებულსა ზედა ჭეშმარიტებასა, არცა
Line: 25 დაკჳრვებულ ყოფად სიტყუათა ზედა ელლენურითა ჴელოვნებითა თითოფერქმნილთა,
Line: 26 ხოლო ჭეშმარიტებისაგან განშიშულებულთა და რამეთუ ამიერ რომელთამე
Line: 27 განუკეთელად და განუყოფელად გუამებად სახელ სდვეს უვნებელობისა-თჳს, ანუ
Line: 28 ფრიადისა სიმცირისაგან განკუეთისა და განყოფისა მითუალვასა ვერ შემძლებელობისა-თჳს.
Line: 29 რამეთუ ესრეთ უწოდენ იგინი წულილთა მათ და მცირათა გუამთა.
Line: 30 რომელთა თავსა შორის თჳსსა ზე და ქუე მომღებელად იხილვების ნაშენებისა
Line: 31 შინაგანქმნილი შარავანდედი მზისაჲ. ხოლო რომელთამე ბედი და სუე იოცნეს.
Line: 32 და სუე ვიდრე-მე მაიძულებელად ძალად თქუეს. ხოლო ბედისა მიზეზად პლატონ
Line: 33 თქუა შემთხუევით ქმნილი საქმე, ანუ შესრულებული ბუნებასა ზედა, ანუ
Line: 34 წინა-აღრჩევისაჲ. და დიმოკრიტოს უკუე ესრეთ თქუა ამათ-თჳს ვითარმედ
Page: 35 Line: 1 "ღმრთისაგან ვიდრე-მე ყოველთა გუაქუს, ხოლო ბედისაგან და სჳსა და მცირეთა
Line: 2 მათ გუამთა ზე და ქუე მიმოტაცებულთაგან ჭირის გამო". რომელთაგან
Line: 3 არა ხოლო სიმდიდრე და სიგლახაკე, და სიმრთელე, და სნეულებაჲ, და მონებაჲ,
Line: 4 და თავის-უფლებაჲ, და მშჳდობისა და ბრძოლისა განმყოფელობაჲ, არამედ
Line: 5 სათნოებისაცა და სიბოროტისა მომცემელობაჲ თქუა და სხუათა სხჳსა რაჲსმე
Line: 6 მეოცნეთა მიმართ წინა-განეწყო. ამის-თჳს უმსგავსონი ესე და ურთი-ერთას შეუტყუებელნი
Line: 7 სჯულნი და ერთი მეორისა მბრძოლნი წესნი სამართლად დაიჴსნნეს
Line: 8 და უჩინო იქმნნეს, ვითარცა ტყუილით შეწმასნილნი, ვინაჲთგან ტყუილი
Line: 9 არა ხოლო ჭეშმარიტებისა, არამედ თჳთ თავისაცა თჳსისა მბრძოლ არს, ხოლო
Line: 10 ჭეშმარიტებასა მხოლოდ მოწამედ თავისა თჳსისა აქუს წინააღდგომობაჲ ტყუილისაჲ
Line: 11 ვინაჲცა რომელთამე თჳთმპყრობელობაჲ აქუს გონებისაჲ, და ფრიად
Line: 12 შემძლებელობაჲ, და ჴელმწიფებით უფალყოფაჲ მისი ვნებათა ზედა; ხოლო რომელთამე
Line: 13 სჳსა და იძულებათა მონად განაჩინეს იგი და ცისა მოქცევისა და ვარსკულავთა
Line: 14 სრბისა წესსა მიაჩემეს საქმეთაცა და მოქმედებათა მისთა სახისა ვითარებაჲ.
Line: 15 ხოლო პლატონ წინააღმდგომი ამათი მოძღურებაჲ წარმოაჩინა სულისა-თჳს,
Line: 16 თავის-უფლად რაჲ და დედოფლად ვნებათა თქუა იგი ყოფად. რომლისა
Line: 17 ცხადმყოფელად ესრეთ დასწერს სჯულთა შინა ვითარმედ "თჳთ ვიდრე-მე ძლევაჲ
Line: 18 თავისა თჳსისაჲ პირველი და რჩეული მძლეობაჲ არს ყოვლისა მძლისაჲ",
Line: 19 "ხოლო ძლეულებაჲ თჳთ თავისაგან თჳსისა უსახურ არს და ძჳრ". რამეთუ უწყით,
Line: 20 ვითარმედ ჩუენშორისნი ვნებანი, ვითარცა ძარღუნი რაჲმე ანუ საკრველნი
Line: 21 შინაგანმყოფნი, მომესხმიან და ზიდვით შემკრვენ ჩუენ წინააღმდგომობით მაიძულებელნი
Line: 22 წინააღმდგომთა საქმეთა ზედა, რამეთუ არა თუ განსაზღვრებით სხენან
Line: 23 სათნოებაჲ და სიბოროტე. ესრეთ უკუე ერთ და იგივე ყოფაჲ გულის-სიტყუათა
Line: 24 მმართებლისაჲ წარმოაჩინა ბრძენმან და ვითარმედ განზრახვასა სულისასა
Line: 25 მიანდო ღმერთმან უაღრესისა და უდარესისა სამარადისოდ ჴდომისა და ბრძოლისა
Line: 26 მქონებელთა განყოფაჲ; და რომელნიმე ამათნი, ხოლო რომელნიმე მათნი
Line: 27 მეოცნენი წინაუკმოთა სათნოყოფათა მქონებელ იყვნეს. რამეთუ არა თუ ჭეშმარიტებისა
Line: 28 სწავლასა გულის-მთქუმელ, არამედ ცუდად მზუაობრობისა და ამპარტავანებისა
Line: 29 ვნებითა ახალთა სჯულთა მოძღუარყოფისა სახელსა მოსურნე ექმნნეს. რომლისა-თჳსცა
Line: 30 ფრიადისა საცთურისა დამონებულად გამოჩნდეს, რაჟამს უკუანაჲს გამოჩინებული
Line: 31 ურცხჳნოებით დამარღუეველ ექმნან სათნოყოფილსა უმოხუცებელესთა
Line: 32 მათთასა. და რამეთუ უბადრუკი არისტოტელი ჯერეთ სიცოცლესავე პლატონისსა
Line: 33 ურცხჳნოებით წინააღმდგომ ექმნა მას, და აკადიმეაჲსაჲ იგი განაწყო ბრძოლაჲ,
Page: 36 Line: 1 და არცა მოძღურობასა პატივ სცა, არცა მრავალგანთქუმულობისაგან კაცისა
Line: 2 მის საქადულობათაჲსა შეკდემულ იქმნა, არამედ ამპარტავანებით და სილაღითა
Line: 3 აღუდგა მას არა უმჯობესთა მისთა, არამედ ფრიად უდარესთა მჴუმეველი სჯულთაჲ.
Line: 4 და რამეთუ სულისა-თჳს მან უკუე სამნაწილობაჲ და უკუდავობაჲ და საწუთოობაჲ
Line: 5 განაჩინა. და მან ვიდრე-მე ღმრთისა მიერ თქუა განმგებელობაჲ
Line: 6 ყოვლისაჲ; ხოლო ამან რაჲოდენ უძლო, განგებულებისაგან საღმრთოჲსა დაკლებულ
Line: 7 ყო ქუეყანაჲ. რამეთუ ვიდრე მთოვარისა და მისთანათამდე ხოლო შთამომავალად
Line: 8 თქუა უფლისა მიერისა განმგებელობისა ძალი, ხოლო სხუანი ყოველნივე
Line: 9 სუეთა და ბედთა და უნებლიეთთა იძულებათა დამორჩილებულად განასაზღვრნა
Line: 10 და თჳნიერ ნებისა მოქმედად განაჩინნა კაცნი მკლველობათა და მპარვობათა
Line: 11 და სიძვათა სახეთა ამათ უსჯულოებისათა. და სხუანი ფრიად მრავალნი
Line: 12 სიჩქურენი დასაჴსნელად მოძღურისა უღმრთოებით და კადნიერებით იძმაცუნა
Line: 13 საწყალობელმან.
Line: 14 ხოლო კუალად აღსასრულისა-თჳს და განჴსნისა სულთაჲსა იგივე უფროჲსად
Line: 15 ბრძენი პლატონ იტყჳს ფედონსა შინა ვითარმედ "უსრულად ვიდრე-მე და განუწმედელად
Line: 16 ჯოჯოხეთს მისრული მდებარე არს სიმყრალისა მღჳმესა შინა, ხოლო
Line: 17 განსრულებული და განწმედილი, მი-რაჲ-ვიდეს მუნ, უფლისა-თანა დაემკჳდრების".
Line: 18 რამეთუ სიმართლით უკუე და სიწმიდით განმვლელი სოფლისაჲ, რაჟამს
Line: 19 აღესრულოს, ჭალაკებად ნეტართად მიწევნული დაემკჳდრების ყოველსა შინა დღეკეთილობასა
Line: 20 შეუხებელად ძჳრთაგან; ხოლო უსამართლოებით და უღმრთოებით
Line: 21 სასჯელისა და დასჯისა საპყრობილედ მივალს, რომლისასა ტარტაროზ ყოფასაცა
Line: 22 იტყჳან. და ესრეთ მკუდართა ყოველთა განსჯისა ქმნაჲ ჯერ არს, რათა
Line: 23 მართლ იქმნეს სასჯელი მსაჯულისაჲ. ესრეთ უცილობელად ჰრწმენა პლატონს
Line: 24 ჯოჯოხეთს შინა ყოფაჲ სასჯელისაჲ და მიემთხჳა ეგჳპტეს შინა ებრაელთა ვიეთმე
Line: 25 და საწინაჲსწარმეტყუელოთა სიტყუათა მსმენელ იქმნა და მდინარე ცეცხლისაჲ
Line: 26 ისწავა, რომელი იხილა საკჳრველმან დანიელ და უფროჲსად საღმრთოჲსა
Line: 27 ესაიაჲს სიტყუათა ზიარ იქმნა, რომელთა შინა იტყჳს ცოდვილთა-თჳს ვითარმედ
Line: 28 "მატლი მათი არა დაესრულების და ცეცხლი არა დაშრტების". და "ვინ
Line: 29 მომითხრას ჩუენ საუკუნოჲ ადგილი?" ვინაჲცა პლატონ ელლენთა ყოველთა
Line: 30 უბრძნესი და უაღრესი და უმეტეს სახელგანთქუმული, ბრძენთა რაჲ მიმართ და
Line: 31 ცნობილთა ეგჳპტისათა მიიწია, ფრიადისა გამოცდილებისა და ზედა-მიწევნითისა
Line: 32 ბუნებათ-მეტყუელებისა მოსწავლემან, ვითარცა აღსწერენ ელლენნი, ისწავა ებრაელთაგანცა
Line: 33 ღმრთის-მეტყუელებაჲ, დაღათუ არა ცხადად და უცთომელად, ვითარცა
Line: 34 ისწავა, ეგრეთ გამოთქუა პირველივე წინა-დამპყრბელისა მის-თვის მწარისა
Line: 35 უღმრთოებისა და მძჳნვარისა საცდურისა. და რამეთუ მოსეანნიცა ფრიად
Page: 37 Line: 1 მრავალნი სახოან ყვნა და გარდათარგმნნა სიტყუანი მიფარულად-რე და იგავოანად
Line: 2 ქმნითა მოთხრობისაჲთა. ხოლო მე რათა შემოკლებულად ვთქუა მათ ყოველთა-თჳს:
Line: 3 მრავალ უკუე და მრავლით-კერძო არიან სიბოროტისა აღმრჩეველთა
Line: 4 უშუერებანი, და თითოფერ რაჲმე ისარნი გმობათანი, და მრავალფერ და თითოსახე
Line: 5 ტყუილი, ხოლო მარტივ მადლი ჭეშმარიტებისაჲ. და ესოდენითა საცთურითა
Line: 6 დანთქმულ იყო ძუელ სადმე სოფელი. გარნა ყოვლით-ურთ უჩინო ყო
Line: 7 ყოველი იგი ჩუენ მიერ თაყუანის-ცემულმან უფალმან. და სიტყუასა ეწამებიან
Line: 8 საქმენი, რამეთუ ქუეყანაჲცა და ზღუაჲ პირველისა უმეცრებისა და ბოროტად-მსახურებისაგან
Line: 9 გამოჴსნილ არიან: დაცხრომილ არს საცთური კერპთაჲ, უგულის-ხმოებისა
Line: 10 ბნელი განქარვებულ არს, და შარავანდედნი საღმრთოჲსა მეცნიერებისა
Line: 11 ნათელთანი სოფელსა განანათლებენ, და ელლენნი და ჰრომნი და ბარბაროზნი
Line: 12 ჯუარცუმულსა ქრისტესა ღმრთის-მეტყუელებენ და ნაცვალად მრავალთა
Line: 13 და სახელმტყუვართა მათ ღმერთთა მხოლოსა სამებასა ჰმსახურებენ, ტაძარნი ეშმაკთანი
Line: 14 მტუერად განქრეულ არიან, ბომონნი კერპთანი საფუძველით-ურთ აღფხურილ
Line: 15 არიან, ეკლესიანი დიდებით შუენიერნი ყოვლით-კერძო აღმართებულ
Line: 16 არიან, ქალაქთა შინა და სოფელთა, აგარაკთა შინა და დაბათა მოწამეთა და
Line: 17 ღირსთა საჴსენებელნი სრულ იქმნებიან, და ღმრთის-მსახურებისა მოღუაწეთა განწმედილნი
Line: 18 სამკჳდრებელნი მწუერვალებსა მთათასა წმიდა ჰყოფენ. ესე უკუე და
Line: 19 ესე ვითარნი არიან მაცხოვრისა ჩუენისა ღმრთივ-შუენიერთა საიდუმლოთა წარმართებანი,
Line: 20 რომლისა-თჳს ყოველნივე აწ გარეშეთა მათ ფილოსოფოსთა სიტყუამბრძოლობასა
Line: 21 დაუტევობენ და მეთევზურთა და მსოფლელთა სწავლასა
Line: 22 დაემორჩილებიან.
Line: 23 განვრცნა უკუე ძუელი იგი საცთური კერპთაჲ სერუქისითგან ვიდრე ჟამთამდე
Line: 24 თარრაჲს, აბრაჰამის მამისათა.
Line: 26 რამეთუ ნაქორ იქმნა რაჲ წელთა სამეოც და ათცხრამეტთაჲ შვა თარრა და
Line: 27 ცხოვნდა შემდგომად შობისა მისისა წელთა ას ოცდაორთა და მოკუდა ცხორებული
Line: 28 ყოვლით-ურთ ორას და რვა წელ.
Line: 30 ხოლო თარრა იქმნა რაჲ წლისა სამეოცდაათისაჲ შვა აბრაჰამ და ახორ და
Line: 31 არან, მამაჲ ლოთისი, რომელიცა მოკუდა უწინარეს მამისა თჳსისა თარრაჲსსა;
Line: 32 და ამის შემდგომად ცხოვნდა თარრა ას ოც და ათხუთმეტ წელ და მოკუდა
Page: 38 Line: 1 ცხორებული ყოვლით-ურთ წელთა ორას და ხუთთა. ხოლო იყო თარრა კერპთმქანდაკებელ
Line: 2 და ქვისაგან და ძელისა მწ-ხნაგებელ ღმერთთა და მსყიდველ. ვინაჲცა
Line: 3 გარდაჴდეს წელიწადნი დასაბამითგან ვიდრე ჟამთამდე თარრაჲსთა სამათას
Line: 4 სამას ოცდაათორმეტნი, და არცა ერთი ვინ სადა პირველყოფილთა კაცთაგანი იპოების
Line: 5 ძე მომკუდრად უწინარეს მამისა, არამედ მამანი მოკუდებოდეს პირველ შვილთასა
Line: 6 და ძეთა მონაცვალედ ნაქონებთა მათთა დაუტევობდეს. და ნუ ვინ წინა-ჰყოფს
Line: 7 აბელს, რამეთუ იგი არა თჳსითა სიკუდილითა მოკუდა, არამედ იძულებითითა თჳნიერ
Line: 8 ხოლო თარრას, ვითარცა მაშურვებელსა ღმრთისასა თჳსთა მათ ჴელით-ქმნულთა
Line: 9 მიერ მიეჴადა პატიჟი და იგიცა შურვებულ იქმნა შვილისა მიერ თჳსისა. რამეთუ
Line: 10 მოკუდა არამ ცეცხლსა მას შინა, რომელი აღაგზნა აბრაჰამ დასაწუველად კერპთა
Line: 11 მამისა თჳსისათა, შე-რაჲ-ვიდა მას შინა არამ გამოხუმად მათდა. რომლისათჳსცა
Line: 12 განკჳრვებით შეისწავა საღმრთომან წერილმან და თქუა ვითარმედ "მოკუდა
Line: 13 არამ წინაშე თარრაჲსსა მამისა თჳსისასა".
Line: 15 რამეთუ აბრაჰამ იქმნა რაჲ წლისა ათოთხმეტისაჲ და ღმრთის-მეცნიერებასა
Line: 16 ღირს იქმნა ასწავებდის მამასა თჳსსა და ეტყოდის. "რაჲსა-თჳს აცთუნებ
Line: 17 კაცთა სარგებლისა-თჳს ზღვევოანისა? არა არს სხუაჲ ღმერთი, გარნა ზეცათაჲ
Line: 18 იგი, რამეთუ ყოველი სოფელი დაჰბადა". ხოლო ესრეთ ითქუმის აბრაჰამ ღირსქმნულად
Line: 19 ღმრთისა მცნობელობასა, ჰხედვიდა უკუე ყოველთა კაცთა დაბადებულთა
Line: 20 მსახურებისა შექცეულად და თითოეულთა ღმერთთა ხილულთა არსებათა შორის
Line: 21 სახელის-მდებელად და თაყუანის-მცემელად, გულტკივნეული ვიდოდა ყოველსა
Line: 22 დღესა და ნამდჳლვე ჭეშმარიტისა ღმრთისა ძიებასა ჰყოფდა ღმრთის-მოყუარითა
Line: 23 გულის-სიტყჳთა, და ესრეთ მხედველი ცისაჲ ოდესმე განბრწყინვებულად და
Line: 24 ოდესმე დაბნელებულად იტყჳს თავსა შორის თჳსსა: "არა ესე არს ღმერთი".
Line: 25 ეგრეთვე მზესა და მთოვარესა: ერთსა მას რაჲ მიფარულად, ანუ თუ ნათელმოკლებულად,
Line: 26 ხოლო მეორესა გავსებულად და კუალად განლეულად რაჲ ჰხედვიდის,
Line: 27 თქჳს: "არცა ესენი არიან ღმერთ". მერმეცა ვარსკულავთა ძრვასა და
Line: 28 ქცევასა გამომკულეველი - და რამეთუ იყოცა ვარსკულავთმრიცხუველი წარჩინებული,
Line: 29 ვითარცა მამისა მიერ ზედა-მიწევნით განსწავლული სიბრძნესა ამის ჴელოვნებისასა, -
Line: 30 არცა ერთსა მათგანსა. არცა სხუათა რათმე ხილულთაგანსა
Line: 31 ჰპოებდა დამბადებელად ყოვლისა, რომლისა-თჳსცა ფრიად ურვეულ და მწუხარე
Line: 32 იყო. რომლისა სურვილი და გულის-თქუმაჲ იხილა რაჲ მან, რომელმან დაჰბადნა
Line: 33 მხოლოობით გულნი კაცთანი და ზედა-მხედველ არს ყოველთავე საქმეთა
Line: 34 ჩუენთა, და გამოუჩნდა მას, და ქუეყანად მიმართ აღთქუმისა მგზავრობისა
Page: 39 Line: 1 დადებაჲ უბრძანა და ჰრქუა: "გამოვედ ქუეყანისაგან შენისა და ნათესავისაგან შენისა
Line: 2 და სახლისაგან მამისა შენისა. და მოვედ ქუეყანასა, რომელიცა გიჩუენო
Line: 3 შენ". ხოლო მან მოიხუნა კერპნი მამისა თჳსისანი და რომელნიმე დამუსრნა და
Line: 4 რომელნიმე დაწუნა; და ესრეთ განეშორა ქუეყანისაგან ქალდეველთაჲსა მამისა-თანა
Line: 5 თჳსისა. და მოვიდა ქარანს, სადა იგი მოკუდა მამაჲ მისი. და გამოვიდა
Line: 6 კუალად მიერცა სიტყჳთა უფლისაჲთა და მოვიდა ცოლისა თჳსისა სარრაჲს და
Line: 7 ძმის-წულისა მისისა ლოთის-თანა და ყოვლისა საცხორებელისა მათისა განჩინებულად
Line: 8 ქუეყანად ქანაანისა; და დაემკჳდრა მუნ იძულებისა და ბრძოლისა მომგებელნი
Line: 9 ქანაანელთა მიმართ. და რომლისა-თჳს კლიმიცა ჰრომაელი უფროჲსად
Line: 10 ბრძენი და საკუთარი მოწაფე დიდისა პეტრჱსი ესრეთ იტყჳს:
Line: 11 ხოლო სიყმილი რაჲ მოიწია, დაუტევა აბრაჰამ ქუეყანაჲ ქანანელთაჲ და
Line: 12 შთავიდა ეგჳპტედ, რომელსა აბიმელექ მეფე მისტაცა სარრა ცოლი მისი,
Line: 13 არამედ ღმერთმან მყის განსწავლა იგი ჩუენებით და ფრიად განაკრთო და უქმებაჲ
Line: 14 ცნობისაჲ შეამთხჳა და "უკუნეც, ჰრქუა, კაცსა ცოლი მისი, რამეთუ
Line: 15 წინაჲსწარმეტყუელი არს და ილოცოს შენ-თჳს და სცხონდე; ხოლო უკუეთუ
Line: 16 არა უკუნ სცე, უწყოდე, ვითარმედ მოჰკუდე შენ და ყოველნივე შენნი". ხოლო
Line: 17 აბრაჰამ მიიყვანა ცოლი თჳსი შეუმწინკულებელად და ულოცა განკურნებაჲ გუემულებისა
Line: 18 მისგან და ღმრთივ-მოვლინებულისა წყლულებისა აბიმელექს და ყოველთა
Line: 19 სახლეულთა მისთა. რომლისა-თჳსცა მიერითგან მეფე, ვითარცა მართალსა
Line: 20 და მონასა ღმრთისასა, პატივ სცემდა მას და ისმენდა სიტყუათა მისთა, და
Line: 21 მოძღუარ კეთილად-მსახურებისა და მრავალგამოცდილებისა იქმნა იგი მეგჳპტელთა-თჳს.
Line: 22 რამეთუ პირველად აბრაჰამ ქადაგა დამბადებელად ღმერთი, ვითარცა
Line: 23 იტყჳს იოსიპოს, და პირველად შთასრულმან ეგჳპტედ ასწავა მეგჳტელთა მრიცხუველობითი
Line: 24 და ვარსკულავთა-მეჰამრეობითი ფილოსოფოსობაჲ; და ვითარცა
Line: 25 ამიერ ფრიად განთქუმულ და ყოვლად განთქუმულ იქმნა მათ შორის, ევედრა
Line: 26 მეფე, რათა განუმარტოს მათ ვარსკულავთ-მეტყუელებისა-თჳსცა და მოგობისა,
Line: 27 რომელთა ზედა ფრიად გამოცდილ არიან ქალდეველნი. ხოლო შემოკრბეს რაჲ
Line: 28 ვარსკულავთ-მეტყუელნი ყოველნი და მოგუნი მეფისა-თანა და აბრაჰამისსა და
Line: 29 წესისა-ებრ დასხდეს, და იქმნა დუმილი, თქუა აბრაჰამ: "სწავლის მნებავს თქუენ
Line: 30 ბრძენთაგან, უკუეთუ ძალ უც შობასა და მოგობასა ვნებაჲ ვისიმე, ანუ რგებაჲ
Line: 31 მადიდებლობისა-ებრ თქუენისა". რომლისა მიმართ მიუგო მეგჳპტელმან ვარსკულავთ-მეტყუელმან
Line: 32 და მოგუმან და თქუა: "დიდთა და საჭიროთა ძიებათა-თჳს
Page: 40 Line: 1 მიზეზ კეთილის ჩუენდა ქმნილ ხარ, ჵ მოძღუარო, და ამის-თჳს ღირს არს,
Line: 2 რათა არა რაჲ დავფაროთ შენგან საიდუმლოთა ჩუენთაგანი. ყოველნივე უკუე
Line: 3 კაცნი შობისა და სუეთა დამონებულად უწყნით. რამეთუ შეუძლებელ არს, ვითარმცა
Line: 4 მოიკლა ანუ აღესრულა კაცი თჳნიერ შობისა დღისა". ხოლო აბრაჰამ
Line: 5 თქუა: "ნამდჳლვე შეცთომილ იქმენ თქუმითა მაგისითა არა მეცნიერი, ვითარმედ
Line: 6 მსაჯულისა მეფისა-ზედა აღსდეგ, რომელსა ჴელმწიფებაჲ აქუს კაცთაჲ". მაშინ
Line: 7 მეფე განრისხნა და თქუა ვარსკულავთ-მეტყუელისა მის მიმართ. "აწ უკუე,
Line: 8 უკუეთუ მოუწოდო მსახურთაგანსა კაცსა ერთსა, რომლისა-თჳს განებჭოს ვისმე
Line: 9 თქუენგანსა და ეთქუას ჟამთა ცხორებისათა ქონებაჲ, ანუ არა ქონებაჲ, ხოლო
Line: 10 მე წინააღმდგომი ვქმნა მისდა მიმართ, არა განცხადებულად გემხილოსა მტყუვარყოფაჲ?
Line: 11 და რამეთუ, უკუეთუ ჰრქუა მას ჯერეთ ჟამთა ცხორებისათა ქონებაჲ,
Line: 12 მეყსეულად ვბრძანო მოკლვაჲ მისი; ხოლო უკუეთუ არღარა ქონებაჲ ნეშტთა
Line: 13 ჟამთაჲ სთქუა მის-თჳს, იგი ვიდრე-მე დასჯილებისაგან განუტევო; ხოლო შენ
Line: 14 მყის, ვითარცა ტყუილის-მეტყუელი, ცხორებისაგან მოგკუეთო, რათა სიკუდილმან
Line: 15 შენმან არწმუნოს ყოველთა, ვითარმედ არცა ერთი ჭეშმარიტებისა ზიარებაჲ
Line: 16 აქუს ვარსკულავთ-მეტყუელებისა და ცუდად-მზრახვალობისა ზღაპრობასა".
Line: 17 და ვითარცა ესენი წარმოთქუნა მეფემან, ძრწოლამან შეიპყრა მეგჳპტელი და
Line: 18 ქუეყანად დავარდა მოქენე მიმთხუევასა წყალობისასა იგიცა და თანა-ერთნებანიცა
Line: 19 მისნი. ხოლო აბრაჰამს ნიჭითა პატივ სცა მეფემან, ვითარცა მოძღუარსა, და
Line: 20 განცხადებულად მხილებულ მყოფელსა საცთურისასა და ტყუილის-მეტყუელთა
Line: 21 მათ-თჳს მვედრებელსა, რომელსა შეუნდო მერმეცა უმეტეს მბასრობელმან პირუტყულისა
Line: 22 მის იჭჳსა მათისამან, ვითარცა უძლურისა და ერის მაცთურისაგან.
Line: 23 და ბრძანა განზრახვითა აბრაჰამისითა მოყვანებაჲ ცეცხლითა დასაწუველად პირველვე
Line: 24 დასჯილთაგანისა ვისმე და რათა ყოველთა წინაშე იპოვოს შობაჲცა და
Line: 25 სიკუდილი მისი, რომელსა ზედა განბჭონ და თქუან ვარსკულავთ-მეტყუელთა
Line: 26 სახე სიკუდილისა მისისაჲ. მათ ფრიადითა შემოკრებითა გონებისაჲთა განბჭეს
Line: 27 და თქუეს ვითარმედ "ცეცხლითა განლეული მოკუდეს, რამეთუ ესრეთ წამებს
Line: 28 მის-თჳს და ცხადად ამისდა მიმართ მიიყვანებს მას ჟამი შობისა მისისაჲ, არამედ
Line: 29 არა აწვე, რამეთუ ჯერეთ ჰქონანღა ჟამნი ცხორებისანი და არღა მოსრულ
Line: 30 არს ჟამი სიკუდილისა მისისაჲ". მაშინ მეფემან თქუა: "მე დღეს შევცვალო
Line: 31 ცეცხლისა მიერ სიკუდილი მაგისი და წყლითა ვბრძანო წარწყმედაჲ მისი, რათა
Line: 32 საქმით წარმოგიდგინოთ თქუენ განცხადებულად, ვითარმედ შესაძლებელ არს
Line: 33 ქმნაჲ რაჲსმე თჳნიერ შობისა. და ესრეთ ფრიად კეთილად ემხილა მათსა ცხორებისა
Line: 34 ჟამთაჲსა ძალითსა წინა-მოსწავებასა და სიკუდილისა განჩინებასა. და
Line: 35 ვითარცა დადუმნეს ყოველნი, იწყო სიტყუად აბრაჰამ: "დიდო და ჭეშმარიტების
Page: 41 Line: 1 მოყუარეო მეფეო, ვინაჲთგან ფრიადისა ზრუნვისა მქონებელად გხედავ შენ
Line: 2 წინა-მდებარისა ამის საძიებელისა-თჳს, რათა ჰპოვო ჭეშმარიტი მიწდომაჲ მისი,
Line: 3 მე წარმოგითხრა შენ შემოკლებულად და ჭეშმარიტების მოყუარებით ყოველსა
Line: 4 შინა, ვითარცა ნამდჳლვე მონამან ჭეშმარიტებისამან". ხოლო მეფემან ვითარცა
Line: 5 თქუა ვითარმედ ".დიდად მხიარულ მყოფ მე ქმნითა მაგისითა", აბრაჰამმან მიუგო:
Line: 6 "არა ხოლო კაცნი, არამედ არცაღა პირუტყუნი ცხოველნი შობასა ქუეშე
Line: 7 არიან; და რამეთუ კაცთა ვიდრე-მე აქუს რაჲმე თავთა შორის თჳსთა თავისუფალი
Line: 8 და დაუმორჩილებელი შობისაჲ, რომელი იგი უმოხუცებულესცა არს
Line: 9 შობისა მათისა, რომელ არს გონებაჲ და თჳთმფლობელობაჲ. რომელი ღმრთისა
Line: 10 მიერ მომეცა ჩუენ და რომლითა უაღრეს ვართ პირუტყუთასა, და ჴელმწიფებაჲ
Line: 11 გუაქუს მოწყუედისა მათისაჲ; და კუალად ჩუენ ჴლმწიფებისა მათისა მქონებელთასა
Line: 12 უაღრეს ხარ შენ, ვითარცა მქონებელი ჴელმწიფებისა ჩუენისაჲ; და ვითარ
Line: 13 იგი ჩუენ სიტყჳერობითა უმჯობეს ვართ პირუტყუთა ცხოველთასა, ეგრეთვე
Line: 14 შენ ჩუენსა უმჯობეს ხარ, მეფე, სიტყჳთა მთავრობისაჲთა, რამეთუ გაქუს
Line: 15 ჴელმწიფებაჲ, ვითარცა სახედ შენსაცა უმჯობეს და უაღრეს არს მეფე, არა
Line: 16 კაცი ვინმე, არამედ ღმერთი უხილავი და შემოქმედი ყოველთაჲ, რომლისაგან
Line: 17 ჯერ არსცა თხოვაჲ უმჯობესისაჲ". მრავალნი უკუე და სხუანიცა ესე ვითარნი
Line: 18 წარმოთქუნა აბრაჰამ ვარსკულავთ-მეტყუელებისაგან მიმდრეკელნი მეფისა გონებისანი
Line: 19 და მრავალნი მეგჳპტელთაგანნი მოიზიდნა ღმრთის-მსახურებად და ცთომილი
Line: 20 მეცნიერებაჲ და სწავლულებაჲ მათი ვარსკულავთ-მრიცხუველობისა-თჳს
Line: 21 და ვარსკულავთ-მეტყუელებისა და მოგობისა განჰმართა მეტყუელმან ესრეთ:
Line: 22 "ფრიადი რაჲმე არს, ჵ კაცნო, განყოფილებაჲ ჭეშმარიტებისა და ჩუეულებისაჲ,
Line: 23 რამეთუ ჭეშმარიტებაჲ ვიდრე-მე საკუთრებით ძიებული უეჭუელად
Line: 24 იპოების, ხოლო ჩუეულებაჲ, - ვითარიცა მიღებულ იქმნეს, გინა
Line: 25 თუ ჭეშმარიტი, გინა თუ სიცრუითი, - განუნახველად თავისა მიერ თჳსისა
Line: 26 განძლიერდების; და არცა ჭეშმარიტ, არცა მტყუვარყოფისა მისისა მეცნიერი
Line: 27 მიმღებელი მისი შეუდგების მას. რამეთუ არა განმრჩეველობისა, არამედ მიმღებელობისა
Line: 28 დარწმუნებულ არს ეგე-ვითარისა მის ცნობაჲ, რომელსა მისგან
Line: 29 უცნაურისა მის უწინარესთა მისთა აღრჩევისადა მიუნდვიეს სასოებაჲ თჳსი. და
Line: 30 არა ადვილ არს განყენებაჲ მამულისაგან ჩუეულებისა, დაღათუ ფრიად სულელ
Line: 31 რაჲმე და საცინელ იყოს იგი. და რამეთუ წარმართნი რომელნიმე მრავალთა
Line: 32 ღმერთთა და ამათ ხენეშთა და ვნებულთასა იტყჳან ყოფასა, რათა, რაჟამს ეგე
Line: 33 ვითართავე საქმეთა ქმნაჲ ენებოს, არა ჰრცხუენოდის სახედ სიბოროტისა მოხუმითა
Line: 34 ზღაპრის-მეტყუელებულთა ღმერთთაჲთა. ხოლო რომელნიმე სუესა და
Line: 35 ბედსა ზღაპრობენ, რომლისა თჳნიერ არცა შემთხუევაჲ ანუ ქმნაჲ რაჲსაჲმე
Page: 42 Line: 1 შესაძლებელ არსო ვისგანცა; და ესე ვითარსა საცთურსა და უღმრთოებასა შთაცჳვიან.
Line: 2 რამეთუ, რაჟამს ჰგონოს ვინმე, ვითარმედ თჳნიერ შობის-დღისა, რომელ
Line: 3 არს სუე, არცა ერთსა ვის ქმნისა რაჲსმე, ანუ შემთხუევისა ჴელმწიფებაჲ
Line: 4 აქუს, მიერითგან, ვითარცა პირიტყჳ, ადვილად მივალს საქმედ ცოდვისა და,
Line: 5 ცოდოს რაჲ, არა ინანის მათ.-თჳს, რომელთა ზედა უღმრთო იქმნა პირუტყუელისა
Line: 6 სიტყჳს-გებისა მომგებელი, ვითარმედ შობის-დღისა მიერ იიძულების
Line: 7 ქმნად მათდა და ვითარმედ უღონო არს სხუა რასმე წარმართებაჲ, თჳნიერ რომლისა
Line: 8 მიმართ ეტლი შობისაჲ და სუჱ ჰმართებდენ კაცსა, რომლისა-თჳს არცაღა
Line: 9 ჰრცხუენის სირცხჳლისა საქმეთა ზედა, ხოლო სხუანი განუგებელსა და უღმრთოსა
Line: 10 ქცევასა იტყჳან ყოვლისასავე, ვითარმცა თავით თჳსით ყოფად მოსრულ
Line: 11 დაპყრობისა მქონებელ იყო ყოველი, არცა ერთისა ვის უფლისა და მეუფისა
Line: 12 მომგებელი, რომლისა-თჳს არა ადვილად, ანუ თუ ყოვლად რაჲთ-ურთით არა
Line: 13 შეიცვალებიან და უმჯობეს იქმნებიან ესე ვითართა ამათ მეოცნენი იგი". ამათ
Line: 14 უკუე ესე ვითართა სიტყუათა ზედა ფრიად განკჳრვებით აქო იგი მეფემან და
Line: 15 ყოველთავე სიკეთითა განსაკჳრვებელთა ნივთთაგან შეკრებულთა მრავალთა და
Line: 16 საჩინოთა ნიჭთაგან წინაშე ყოველთასა პატივ სცა მას და მოძღურებისა მის
Line: 17 სარგებელყოფაჲ აღიარა, და მონათა-თანა და მჴევალთა სახიდ თჳსსა მოქცევისა
Line: 18 მგულებელი წარგზავნა უმეტეს განკჳრვებულმან აღმატებულებისა-თჳს გულისხმის-ყოფისა
Line: 19 მისისა და სიბრძნისა და ღმრთის-მსახურებისა ყოველსა შინა
Line: 20 მის მიერ თარგმანებულთა სიტყუათასა.
Line: 22 ვინაჲცა შეიქმნებიან განყოფითგან შერევნისაჲთ ვიდრემდის მოვიდა აბრაჰამ
Line: 23 ბრძანებითა ღმრთისაჲთა ქალაქით შუამდინარისაჲთ ქარანით და სახლით
Line: 24 მამისა მისისაჲთ ქუეყანად ქანაანისა, რომელ არს პალესტინე, წელნი ექუსას და
Line: 25 ათექუსმეტნი. და იყო მაშინ წლისა სამეოც და ათხუთმეტისაჲ, ხოლო დაყო
Line: 26 ქუეყანასა ქანაანისასა წელიწადი ოც და ხუთი და შვა ისაკ, და ცსოვნდა შემდგომად
Line: 27 შობისა მისისა სამეოც და ათექუსმეტ წელ ცხორებული ყოვლით-ურთ ას
Line: 28 სამეოც და ათხუთმეტ წელ. რომელი კურთხევასაცა საღმრთოჲსა მელქისედეკის-მიერსა
Line: 29 ღირს იქმნა მო-რაჲ-ქცეულ იყო მოწყუედისაგან მეფეთაჲსა. რამეთუ
Line: 30 წერილ არს: "და მელქისედეკ მეფემან სალემისამან გამოართუა პურნი და ღჳნოჲ.
Line: 31 ხოლო იყო მღდელი ღმრთისა მაღლისაჲ და აკურთხა აბრაჰამ და თქუა: კურთხეულ
Line: 32 არს აბრაჰამ უფლისა მიერ, რომელმან ქმნა ცაჲ და ქუეეანაჲ; და
Line: 33 კურთხეულ არს ღმერთი მაღალი, რომელმან მოგცნა მტერნი შენნი ჴელსა ქუეშე
Line: 34 შენსა; და მისცა მას ათეული ყოველთაგან". რომლისა-თჳს იგი მოციქულმან
Page: 43 Line: 1 თქუა: "რამეთუ ესე მელქისედეკ მეფე სალემისაჲ მღდელი ღმრთისა მაღლისაჲ"
Line: 2 და შემდგომი, ვითარ იგი წარმოიტყჳს შემთხუევასა აბრაჰამისსა, კურთხევასა
Line: 3 მისსა, და ათეულისა მიღებასა. თარგმანებასა სახელისა მისისასა, და
Line: 4 ნათესავმოუჴსენებელობასა, და არცა დასაბამისა არცა დასასრულისა დღეთაჲსა
Line: 5 მქონებელობასა, და ძისა ღმრთისა მიმსგავსებულებასა, და სამარადისოდ მღდელად-გებულებასა
Line: 6 მისსა, და რაოდენსა რას სხუასა წარმოიტყჳს მის-თჳს, რომლისა
Line: 7 დასასრულთა იტყჳს ვითარმედ "თჳნიერ ყოვლისა ცილობისა უდარესი იგი
Line: 8 უაღრესისაგან იკურთხევის". ხოლო იყო კაცი იგი მართალი და ღმრთის-მსახური,
Line: 9 ნათესავით წარმართი, ტომისაგან სიდონისა, ძისა ეგჳპტესისა, მეფისა მეგჳპტელთაჲსა,
Line: 10 რომლისაგან ეგჳპტე ეწოდა სოფელსა მას. ვითარცა პირველ
Line: 11 მოვიჴსენეთ. სადაჲთიგი გამოვიდა სიდონ დამოვიდა ქუეყანად ქანაანისა, რომელსა
Line: 12 აწ პალესტინე სახელ ედების, რომელსა შინა დაემკჳდრა და აღაშენა ქალაქი
Line: 13 და უწოდა მას სახელი სიდონ სახელსა ზედა თჳსსა. და ესრეთ ნათესავისაგან
Line: 14 სიდონისა გამოვიდა მელქი, მამაჲ სედეკისი; ხოლო სედეკ იქმნა რაჲ მღდელ
Line: 15 და მეფე სახელ ედვა მელქისედეკ სახელმამულობით. რომელიცა იყო მღდელი
Line: 16 ღმრთისაჲ და მეფე ქანაანელთაჲ და აღაშენა ქალაქი მთასა ზედა სიონად სახელდებულსა
Line: 17 და უწოდა მას სალიმ, რომელ არს ქალაქი მშჳდობისაჲ რომელსა შინა
Line: 18 მეფობდა ას და ათსამეტ წელ და აღესრულა მართალი და ქალწული, ვითარცა
Line: 19 იტყჳს იოსიპოს, რომელსა თანა-ეწამებიან იოანე და კჳრილე საღმრთონი
Line: 20 ეპისკოპოსნი რამეთუ ესრეთ იტყჳს დიდი კჳრილე ვითარმედ: ნათესავმოუჴსენებელად
Line: 21 ითქუმის მელქისედეკ, რამეთუ ყოვლად არა იყო იგი თესლისაგან ებრაელთაჲსა,
Line: 22 არცა ნათესავთ-მეტყუელებულ იქმნა მოსჱს მიერ; ხოლო იყო ქანანელი
Line: 23 ნათესავით და თესლისა მისგან ხენეშისა აღმოცენებულ იყო, რომლისა ძლით
Line: 24 არცაღა ნათესავთ-მეტყუელებასა მიემთხჳა. რამეთუ არცა შესატყჳს იყო, რათამცა
Line: 25 თავად-სიმართლისა აღწევნული იგი ფსკერად სიბოროტისა შთასრულსა მას ნათესავსა-თანა
Line: 26 მოიჴსენებოდა. რომლისა-თჳსცა უმამო და უდედო არს იგი, ვინაჲთგან
Line: 27 არა ღირს არიან პირველნი მშობელნი მისნი, რათამცა ესე ვითარისა
Line: 28 მართლისა და წმიდისა კაცისა მშობელად იჴსენებოდეს. ხოლო, ვითარმედ ქანაანელი
Line: 29 იყო ნათესავით, კეთილად ცხად არს ადგილისაგან, და რომელთასა იგი
Line: 30 მპყრობელ იყო მეფობისა ქანაანელთაჲსა, და მახლობელობისაგან ბილწთა მათ
Line: 31 სოდომელთაჲსა, და სალიმისაგან, რომლისა იგი იყო მეფე, რომელ არს მრავალგანთქუმული
Line: 32 იერუსალჱმი, რომელსა არა მოაქუნდა მაშინ სრულებით თჳსი
Line: 33 სახელი იერუსალჱმად წოდებისაჲ, არამედ უკუანაჲსკნელ შემატებითა იერუჲსაჲთა
Line: 34 სალიმსა-თანა სახელ იდვა იერუსალემად, ერთად ვიდრე-მე მას შინა
Page: 44 Line: 1 მღდელობისა-თჳს მელქისედეკისისა და მეორედ მის შორის აღშენებისა-თჳს სახელგანთქუმულისა
Line: 2 მის ტაძრისა მიიღო სრულებაჲ სახელისა თჳსისაჲ. და კუალად
Line: 3 საღმრთოჲ მარკოზ მოწაფე ოქროპირისაჲ იტყჳს ვითარმედ: ვინაჲთგან
Line: 4 ნათესავთ-მეტყუელებასა არა მოიჴსენების. თუ ვის მამისა, ანუ რომლისა დედისაჲ
Line: 5 იყო, ანუ ოდეს მოკუდა, ამის-თჳს არცა დასაბამსა დღეთასა, არცა დასასრულსა
Line: 6 ცხორებისასა მქონებელად ითქუმის. რამეთუ არცა შესაძლებელ იყო ნათესავთ-მეტყუელებაჲ
Line: 7 წარმართთაგან შთამომავალისაჲ, ვითარცა სამკჳდრებელისა
Line: 8 მისისაგან ცხად ყო წერილმან და რომლისა-თჳს თქუა მოციქულმანცა ვითარმედ "ესე
Line: 9 მელქისედეკ პირველად უკუე თარგმანებული მეფედ სიმართლისა და მერმე მეფედ
Line: 10 სალიმისა, რომელ არს მეფე მშჳდობისაჲ". და რამეთუ აწ იერუსალჱმად სახალდებულსა
Line: 11 ამას იებოსელ ეწოდებოდა პირველ, რომლისაგან ვისწავებთ, ვითარმედ შჳდთა
Line: 12 მათ მოსპოლვილთა ნათესავთაგან პირველი იყო მელქისედეკ იებოსლელი,
Line: 13 ხოლო შემდგომად განჴდისა წარმართთაჲსა და დამკჳდრებისა ისრაჱლთაჲსა მღდელთა
Line: 14 განუწიაანა ებისა და მძჳნვარისა საცდურისა. და რამეთუ მოსეანნიცა ფრიად_________________________________________________________________ლა იგი ღმერთმან, რათა მუნ შესწირვიდენ მსხუერპლთა. რომლისა-თჳსცა
Line: 15 შემდგომად დაცადებისა ბრძოლათაგან სახელდებულ ყვეს ქალაქი იგი სალიმად,
Line: 16 რომელ არს მშჳდობაჲ. რამეთუ იერუსალჱმი მთად მშჳდობისა გამოითარგმნების,
Line: 17 რომლისა-თჳსცა მელქისედეკ მეფედ მშჳდობისა გამოითარგმნების, ვითარცა
Line: 18 უპირატეს მეფექმნილი მას შინა. ხოლო კუალად მეფე სიმართლისაჲ
Line: 19 თჳსისა ხელისა მისისა არს თარგმანება ენითა ქანაანელთაჲთა, რომელ არს მელიქ
Line: 20 სედეყ. ვინაჲცა აღმოიკითხვიდე რაჲ, ჵ ესე ვითარო, და, რაჟამს ჰპოვო
Line: 21 რაჲმე ზეშთა-კაცთაჲ წერილად მელქისედეკის-თჳს, მეყსეულად მოიჴსენე მოციქულისა
Line: 22 მიერ თქუმული იგი ვითარმედ "რომლისა-თჳს ესე თქუმულ არს სხჳსა
Line: 23 ნათესავისაგან იყო" და არა სადა შესცთე. ამის-თჳსცა ამაო იქმნნეს ყოვლად-ბოროტნი
Line: 24 იგი და სულმყრალნი მელქისედეკიანნი, რომელნი ბუნებით ღმერთყოფასა
Line: 25 მისსა ირწმუნებდეს და არა მოკუდავად კაცად იტყოდეს მას, რომლისათჳსცა
Line: 26 სამართლად დაიშჯებიან თუალუხუავისა სამსჯავროჲსაგან, ვითარცა კაცის
Line: 27 მსახურნი და დაბადებულისა დამბადებელისა წილ მსახურქმნილნი ფრიადისა მიერ
Line: 28 და უკუანაჲსკნელისა უგულის-ხმოებისა, უფროჲსღა პირუტყუებისა და ბოროტად-მსახურებისა.
Line: 29 რომელთა-თჳს მოციქული უკუე იტყოდა ვითარმედ "ამაო იქმნნეს
Line: 30 გულის-ზრახვითა მათითა, და დაუბნელდა უგულის-ხმოჲ გული მათი" და შემდგომსა,
Line: 31 და ვითარმედ "ჰმსახურებდეს დაბადებულსა ნაცვალად დამბადებელისა".
Line: 32 ხოლო სოლომონ ეგრეთვე თქუა ეგე ვითართა მათ-თჳს ვითარმედ "ამაო არიან
Line: 33 ყოველნი კაცნი ბუნებით, რომელთა აქუს უმეცრებაჲ ღმრთისაჲ" და ნაცარ არს
Line: 34 გული მათი და მიწისასა უუნდოეს სასოებაჲ მათი, რამეთუ უმეცარ ექმნნეს შემოქმედსა
Line: 35 მათსა, და მომბერველსა მათდა სულისა გონიერისასა, და შთამბერველსა
Page: 45 Line: 1 მათდა სამშჳნველისა ცხოველობითისასა". რომლისა ჟამთა აწჳმა ღმერთმან
Line: 2 ცეცხლი ხუთქალაქთა ზედა სოდომისა და გომორისათა და მოსპო ვიდრე-მე
Line: 3 მისგან ყოველი ნათესავი კაცთაჲ თჳნიერ ხოლო ლოთ, ძმის-წულისა აბრაჰამისისა,
Line: 4 და ორთა ასულთა მისთაჲსა. ხოლო განხრწნა ყოველი აღმდგომი მის
Line: 5 ქუეყანაჲ და მახლობელისა მის ზედა-მომვლელისა მისისა ზღჳსანი მკუდარ
Line: 6 ყვნა წყალნი.
Line: 7 ხოლო ლოთ შვნა ორთა ასულთა მისთაგან ორნი ძენი მოაბ და ამმონ,
Line: 8 რომელთაგან იქმნნეს მოაბელნი და ამანელნი. ხოლო აბრაჰამ შვა ისმაელ მეგჳპტელისა
Line: 9 მის მჴევლისა მისისა აგარისგან და ისააკ სარრაჲსგან, რომელთაგან
Line: 10 არიან ისმაიტელნი და ისრაიტელნი. ხოლო იშვა რაჲ ისმაელ, თქუა აბრაჰამ
Line: 11 ღმრთისა მიმართ: "ისმაელ ესე ცხონდინ წინაშე შენსა" და ჰრქუა უფალმან აბრაჰამს:
Line: 12 "ჰჵ, აჰა სარრა ცოლმან შენმან გიშვეს შენ ძე და უწოდი სახელი მისი
Line: 13 ისააკ, და დავამტკიცო აღთქუმაჲ ჩემი მის-თანა აღთქუმად საუკუნოდ და თესლისა
Line: 14 მისისა მის-თანა. ხოლო ისმაელის-თჳს აჰა ვისმინე შენი და ვაკურთხო
Line: 15 იგი, და აღვაორძინო იგი, და განვამრავლო იგი ფრიად; და ათორმეტნი ნათესავნი
Line: 16 შვნეს, და ვყო იგი ნათესავად დიდად. გარნა აღთქუმაჲ ჩემი დავამტკიცო
Line: 17 ისააკის მიმართ, რომელი გიშვეს შენ სარრა".
Line: 18 ამისსა შემდგომად კუალად იტყჳს წერილი ისმაელისაგან შობილთა-თჳს:
Line: 19 "პირმშოჲ ძე ისმაელისი ნაბეოთ, და მერმე კიდარ, და ნავეილ, და მასისან, და
Line: 20 მასმა, და იდუმა, და მასი, და ხოდად, და თემან, და იეღუ, და ნაფეს, და კედმა.
Line: 21 ესე არიან ძენი ისმაელისნი მთავარნი ათორმეტნი ნათესავთა მათთანი".
Line: 22 "ხოლო დაემკჳდრა ისმაელ ევილატითგას ვიდრე სურადმდე, რომელ არს პირისპირ
Line: 23 ეგჳპტესა, ვიდრე მოსლვადმდე ასურასტანელთა მიმართ, წინაშე პირსა ძმათა
Line: 24 მისთა ყოველთასა დაემკჳდრა".
Line: 25 ხოლო ისაკ შვნა ესავ და იაკობ რებეკაჲსგან; და იაკობს წარმპარველსა
Line: 26 კურთხევისასა ჰრქუა მამამან. "მოგეცინ შენ უფალმან ცუარისაგან ცისა დასი
Line: 27 პოხისაგან ქუეყანისა, და სიმრავლე იფქლისა და ღჳნისა, და გმონებდენ შენ ნათესავნი
Line: 28 და თაყუანის-გცემდენ შენ მთავარნი, და იყავ უფალ ძმისა შენისა, და
Line: 29 თაყუ გცემდე შენ ძენი მამისა შენისანი, მწყევარი შენი წყეულ და მაკურთხეველი
Line: 30 შენი კურთხეულ იყოს". და ესავის მიმართ თქუა: "აჰა სიპოხისაგან
Line: 31 ქუეყანისა იყოს დამკჳდრებაჲ შენი და ცუარისაგან ცისა ზეგარდამო, და მახჳლითა
Line: 32 შენითა სცხონდებოდი და ძმასა შენსა ჰმონებდე. ხოლო იყოს ოდესცა,
Line: 33 განსდგე და განაგდო უღელი მისი ქედისაგან შენისა, სცოდო ცოდვაჲ სასიკუდინე".
Line: 34 და იაკობის მიმართ ვიდრე-მე ითქუნეს კურთხევანი ესე. ხოლო სრულ
Page: 46 Line: 1 იქმნეს მისგან ჴორცითა შობადსა ქრისტესა ზედა. რამეთუ იაკობ, ვითარ იგი
Line: 2 ყოველთა უწყით, ბევრგზის თაყუანის-სცა ძმასა თჳსსა და ძრწოდა ზარისაგან
Line: 3 მისისა და, სიყმილითა განლეული, შთავიდა ეგვიპტედ. და სხუაჲ მრავალი ესე
Line: 4 ვითარი, ვითარ იგი კუალად ქანაანის-თჳს თქუმულნი ნოჱს მიერ შვილის-წულთა
Line: 5 მისთა გაბაონელთა ზედა განსრულდეს.
Line: 6 აწ უკუე ისმაელისაგან ვიდრე-მე აღმოსცენდეს ისმაიტელნი, რომელთა აწ
Line: 7 აგარიანად და სარკინოზად უწოდს ჩუეულებაჲ სიტყჳსაჲ; ხოლო ისაკისგან ესავ,
Line: 8 რომელსა ედომცა ეწოდებოდა, და იაკობ აღმოჰჴდეს. და ესავისგან ვიდრე-მე
Line: 9 იშვა ედომ, შვილი თანა-მოსახელე მამისაჲ, და ამალეკ, რომელთაგან იდუმიელნი
Line: 10 და ამალეკნი; ხოლო იაკობ ისრაჱლისგან იუდა, რომლისა მიერ იუდეანნი
Line: 11 ყოველნი სხუათაცა ძმათაგან შობილნი იწოდნეს იუდეანად, და ისრაიტელნი მამისა
Line: 12 მათისა იაკობ ისრაჱლისგან, ხოლო იუდეანნი უსაჩინოესისა ძმისა მათისა
Line: 13 იუდაჲსგან სეხნად მისსა სახელ ისხნეს. ხოლო საღმრთომან აბრაჰამ შვნა კუალად
Line: 14 ძენი ხუთნი უკუანაჲსკნელისა ცოლისა მისისა ქეტტურაჲსგან, რომელთა-განი
Line: 15 არს მადიამ, რომლისაგან მადიამელნი, და აფარ, რომლისაგან აფრიკელნი;
Line: 16 რამეთუ რომელსაცა დაემკჳდრა ვინ სოფელსა, იწოდა სოფელი თანა-მოსახელედ
Line: 17 მამისა სოფლებისა მის ნათესავთაჲსა, ვითარ იგი სოფელი ავსიტისაჲ
Line: 18 ესავისგან, სადაჲთ იგი აღმოეცენა სანატრელი და მრავალმოღუაწე
Line: 19 ყოვლად-განთქუმული იობ, რომელი შვილის-წული იყო განქიქებულისა მის ესავისი,
Line: 20 ვითარცა იტყჳს მას წერილი მეხუთედ აბრაჰამისგან, რამეთუ აბრაჰამ შვა
Line: 21 ისაკ, ხმობს, და ისაკ ესავ; ხოლო ესავ რაგოელ, და ზარა, და იობ, რომელსა
Line: 22 აბრაჰამისგან აქუნდა მონაცვალეობაჲ კეთილად-მსახურებისაჲ ესავის მიერ
Line: 23 შთამომავალი მისდა მომართ, და რათა შენ დაგიკჳრდეს ნაყოფი, რამეთუ მომრთუმელი
Line: 24 იგი ვიდრე-მე მისდა აბრაჰამის ტომობისაჲ მეძავ იყო და ბილწ, ხოლო ესე
Line: 25 ბრძენ და პატიოსან და ესრეთ სადმე მეტყუელ: "უკუეთუ შეუდგა თუალი ჩემი
Line: 26 დედაკაცსა უცხოსა" და ვითარმედ "აღთქუმაჲ აღუთქჳ თუალთა ჩემთა-თანა".
Line: 27 არამედ თჳსთაცა შვილთა-თჳს მსხუერპლთა შესწირვიდის დღითი-დღე მეტყუელი:
Line: 28 "ნუ სადა ბოროტი მოიგონესო ღმრთისა მიმართ". სამართლად უკუე თქუა მის-თჳს
Line: 29 წიგნმან: "და იყო კაცი იგი უბრალო, მართალ, ღმრთის-მსახურ". და შემდგომი. და
Line: 30 რამეთუ გარეშენი ფილოსოფოსნი, საზღვარსა რაჲ კაცისასა განაჩინებდენ, იტყჳან:
Line: 31 "კაცი არს ცხოველი სიტყჳერი მოკუდავი, გონებისა და ჴლოვნებათა შემწყნარებელობითი.
Line: 32 საღმრთოჲ წერილი არა ესრეთ, არამედ: კაცი არს უბრალოჲ,
Line: 33 მართალი, ღმრთის-მსახური, განყენებული ყოვლისაგან საქმისა ბოროტისა,
Line: 34 ვინაჲცა, რომელი ამათ მიერ არა იწამებოდის, იგი არცაღა კაც არს, არამედ
Page: 47 Line: 1 პირუტყუ. რამეთუ უკუეთუ აქუნდეს დანაცემი ბუნებისაჲ, ხოლო გინებულ ჰყოფდეს
Line: 2 მას სიბოროტითა აღრჩევისაჲთა, უეჭუელად ესმის წინაჲსწარმეტყუელისა
Line: 3 ესრეთ მეტყუელისაგან ვითარმედ "კაცი პატივსა შინა იყო და არა გულის-ხმა
Line: 4 ყო, ჰბაძვიდა იგი პირუტყუთა უგუნურთა და მიემსგავსა მათ" და ვითარ იგი
Line: 5 ზოგადისა-ებრ ჩუეულებისა, რაჟამს წარავლინებდეს ვინმე ძესა ანუ მონასა თჳსსა
Line: 6 საქმისა რაჲსა-თჳსმე, უბრძანებს და ეტყჳს: ვითარცა კაცმან ჴელ ყავ საქმისა,
Line: 7 და საზოგადოსა მას სახელსა საკჳრველება თჳსსა ჰყოფს, ესრეთ, რამეთუ, დაღათუ
Line: 8 ყოველნი კაცად ითქუმიან, მხოლოდ იგი ოდეს არს ჭეშმარიტ, რომელსა
Line: 9 დაეცვას ხატებაჲ და პირმშოჲსა სახისა შუენიერებაჲ არა უჩინო ექმნას. ამისთჳს
Line: 10 კაცად თქუა იგი, რათა ბუნებისაგან მიიღოს დასაბამი ქებათაჲ; ხოლო
Line: 11 თქუა ავსიტელთა სოფლისაგანად, რათა უღმრთოებისა აღმომაცენებელით სოფლით
Line: 12 აღმოსრული ღმრთის-მსახურებისა ნაყოფი წარმოაჩინოს. რომელი იხილა
Line: 13 რაჲ დასაბამმან ბოროტთამან მძჳნვარედ, იწყლა შურითა და გამოითხოვა ღმრთისაგან
Line: 14 განცდაჲ მართლისაჲ. და რამეთუ წმიდანი უკუე ანგელოზნი მსახურ არიან
Line: 15 კეთილთა კაცთა მაცხოვარებისა, - რამეთუ "ყოველნი არიანო" იტყჳს მოციქული
Line: 16 "მსახურებრივ ძალ, მოვლინებულ მსახურებად მგულებელთა-თჳს დამკჳდრებასა
Line: 17 ცხორებისასა", - ხოლო ბოროტნი ეშმაკნი ცოდვილთა მტანჯველობისა. რამეთუ
Line: 18 "მიავლინა მათდა" თქუმულ არს "გულის-წყრომაჲ რისხვისა მისისაჲ, გულის-წყრომაჲ
Line: 19 და რისხვაჲ და ჭირი მივლინებითა ანგელოზთა მიერ ბოროტთა".
Line: 20 ვინაჲცა ეშმაკთა დაღათუ უჩინო ყვეს საკუთრებაჲ თჳსი, არამედ უღელსავე
Line: 21 ქუეშე მონებისასა შეკრულ არიან და ბრძანებულ იქმნებიან საქმედ, ვითარცა
Line: 22 მტარვალნი რაჲმე ღმრთისა-მიერ და წმიდათა. და ამას ცხად ჰყოფს პავლე
Line: 23 ვიეთ-თჳსმე მეტტუელი ესრეთ: "რომელი მივსცენ ეშმაკსა, რათა განისწავლნენ
Line: 24 არა გმობად". ხოლო რათა არა ჰგონონ ეშმაკთა, ვითარმედ ჴელმწიფებით იქმან
Line: 25 ყოველსავე, იიძულებიან უნებლიეთცა ქმნად ბრძანებულთა მათდა საქმეთა. და
Line: 26 ანგელოზნი ვიდრე-მე მსახურად ცხორებისა მართალთაჲსა, ხოლო ეშმაკნი მტანჯველად
Line: 27 სიბოროტისა ცოდვილთაჲსა მიივლინებიან ღმრთისაგან. და რამეთუ რაჟმს
Line: 28 იგი დასამჴობელად აქაბისსა განაჩინებდა ღმერთი მეტყუელი ესრეთ: "ვინ
Line: 29 წარვიდეს და შეაცთუნოს აქაბ და დაეცეს? მიუგო სულმან ბოროტმან: აჰა მე",
Line: 30 რამეთუ უეჭუელად უწყოდა, ვითარმედ ესე ვითარისა-თჳს განჩინებულ არს იგი.
Line: 31 ხოლო მიივლინებიან მართალთაცა მიმართ, არა რათა იტანჯნენ, არამედ რათა
Line: 32 განიცადნენ, რამეთუ ვინაჲთგან წმიდათა ანგელოზთა მსახურგანმცდელობის-ყოფაჲ
Line: 33 არა ებრძანების, - არცა რას უბრძანებს ღმერთი შეუტყუებელსა საღმრთოჲსა
Line: 34 ანგელოზობისასა, - ამის-თჳს ეშმაკნი მიივლინებიან განმცდელად მათდა.
Line: 35 და ნუ გიკჳრს, უკუეთუ მართალთა მიმართ მიივლინებიან ეშმაკნი, რამეთუ აღყვანებულ
Line: 36 იქმნა ყოველთა მეუფე იორდანით უდაბნოდ გამოცდად ეშმაკისაგან,
Page: 48 Line: 1 ხოლო. მიივლინებიან არა თუ ბრძანებითა, არამედ მიშუებითა ღმრთისაჲთა. რამეთუ
Line: 2 სიტყუასა დასახავს წერილი, ვითარცა პირით-გამოსა, ვითარ იგი რაჟამს
Line: 3 იტყოდის: "ხოლო ცოდვილსა ჰრქუა ღმერთმან".
Line: 5 ხოლო ისაკ იქმნა რაჲ წლისა სამეოცისაჲ შვა იაკობ; და ამისსა შემდგომად
Line: 6 ცხონდა ას ოც წელ და მოკუდა ცხორებული ყოვლით-ურთ ას ოთხმეოც
Line: 7 წელ.
Line: 9 ხოლო იაკობ იქმნა რაჲ წლისა ოთხმეოცდახუთისაჲ შვა ლევი; და მერმე
Line: 10 ცხონდაღა სამეოც და ორ წელ და მოკუდა ეგჳპტეს შინა შემდგომად ათშჳდმეტისა
Line: 11 წლისა მუნ შთასლვისა მისისა ცხორებული ყოვლით-ურთ ას ორმეოც და
Line: 12 შჳდ წელ. რომელი იყო რაჲ წელთა სამეოც და ათხუთმეტთაჲ, ივლტოდა
Line: 13 ესავისაგან, ძმისა თჳსისასა, და მიიწია ქარანდ შუამდინარისა ლაბანის მიმართ
Line: 14 დედის-ძმისა თჳსისა, რომლისა მწყემს ცხოვართა ქმნილმან ოც წელ და ორთა
Line: 15 ასულთა მისთა, ლიაჲს და რაქელის, ცოლად თჳსსა მიმყვანებელმან ისხნა ათორმეტ
Line: 16 ძე და ერთ ასულ აზნაურთაგანცა და ხარჭთა, ვალაჲსა და ზელფაჲსა. რამეთუ
Line: 17 ლიაჲსგან შვნა რუბენ, სჳმეონ, ლევი, იუდა, იზაქარ და ზაბულონ და დინა;
Line: 18 ხოლო რაქელისგან იოსებ, და უკუანაჲსკნელ ბენიამენცა შემდგომად უკუმოქცევისა;
Line: 19 ხოლო ვალაჲსგან დან და ლეფთალიმ, და ზელფაჲსგან გად და ასერ. ხოლო
Line: 20 შემდგომად ოცისა წლისა ლტოვისა და მონებსა და შუამდინარით ქუეყანად
Line: 21 ქანაანისა უკუმოქცევისა და მისდა მიმართ ქმნილისა მის საღმრთოჲსა
Line: 22 რკინობისა და ისრაჱლად გარდასახელებისა, ჩუენებაჲ იხილა კუალად ბეთელს
Line: 23 შინა და ყოველნივე ათეულ ყვნა, რაოდენნი რაჲ მოეგნეს, და დასასრულსა
Line: 24 წარმოადგინნა შვილნი და აღრიცხუნა იგინი ბენიამენისითგან და იწყო უმრწემესითგან
Line: 25 და მოიწია ლევის მომართ, რომელიცა მეათედ პოვა და ღმრთის
Line: 26 შეწირა იგი ათეულ მყოფელმან შვილთა და ყოვლისა მონაგებისა თჳსისამან,
Line: 27 ვითარ ექადაცა ღმრთისა და ეთქუა მლტოლვარესა ვითარმედ "ყოველი რაოდენიცა
Line: 28 მომცე ათეული ათეულ ვყო შენდად მუნით". და მეყსეულად შეჰმოსა ლევის
Line: 29 სამოსელი სამღდელოჲ და მის მიერ შეწირნა მიერითგან მსხუერპლნი ბეთელს
Line: 30 შინა, ვინაჲცა შჯულიერთა ვიდრე-მე მსხუერპლთა და მსახურებათა სრულმყოფელნი
Line: 31 ლევიტელად იწოდებოდეს, ხოლო საღმრთოჲსა ამის ახლისა მადლისა
Page: 49 Line: 1 მღდელობის-მოქმედთა კლირიკოსად სახელ ედვა წერილისა მის-თჳს ვითარმედ
Line: 2 "არა იყოს ძეთა ლევისთა ნაწილი ისრაჱლსა შორის, რამეთუ უფალი კერძ მათდა
Line: 3 არს და ნაწილ".
Line: 4 ხოლო ისაკ და რებეკა შემდგომად აღმოსლვისა იაკობისისა შუამდინარით
Line: 5 მოუწოდეს იაკობს და ესავს ჰლოცვიდეს მათ-თანად და აფუცებდესცა, რათა
Line: 6 ურთი-ერთაა მშჳდობაჲ და მამობრივი სიყუარული მოიგონ. და ესე რაჲ ამცნეს,
Line: 7 აღესრულნეს. პირველად უკუე რებეკა, და შემდგომად არა მრავლისა ისაკ, რომელთა
Line: 8 იაკობს დაუტევეს პატივი პირმშოებისაჲ.
Line: 9 ამისსა შემდგომად განძჳნდა ესავ ამალეკის მიერ, ხარჭისგანისა ძისა თჳსისა,
Line: 10 იაკობის მიმართ, ძმისა მისისა, და შეკრიბნა ნათესავნი და ერნი და მიიმართა
Line: 11 ბრძოლად იაკობისა და ძეთა მისთა, ვითარცა იტყჳს იოსიპოს. ხოლო
Line: 12 მან დაჰჴნა ბჭენი ქალაქისანი, რომელსაცა შელტოლვილ იყო, და ზღუდით
Line: 13 შთამართ ევედრებოდა ესავს მოჴსენებად მცნებასა მშობელთასა. ხოლო იგი არა
Line: 14 მიითუალვიდა, არამედ უფროჲსღა აგინებდა და აყუედრებდა და სიკუდილსა
Line: 15 აქადებდა მას; მაშინ მოირთხა იაკობ მშჳლდი და დასცა ესავ მარჯუენისა ძუძუჲსა
Line: 16 წყლულებითა. რომელი მოკუდა რაჲ, განვიდეს ძენი იაკობისნი და კნინღა
Line: 17 და ყოველივე მოსწყჳდნეს მის-თანანი. და მაშინ აღესრულა წინაჲსწარმეტყუელებაჲ
Line: 18 ისაკისი, რომელი თქუა ესავის მიმართ ვითარმედ "უკუეთუ დააგდო უღელი
Line: 19 ძმისა შენისაჲ ქედისაგან შენისა, სცოდო ცოდვაჲ სიკუდილისაჲ".
Line: 21 ხოლო ლევი იქმნა რაჲ წლისა ორმეოცდახუთისაჲ შვა კაათ; და ამის
Line: 22 შემდგომად ცხონდა ოთხმეოც და ათ წელ და მოკუდა ცხორებული ყოვლითურთ
Line: 23 ას ოც და ათ წელ.
Line: 25 ხოლო კაათ სამეოცდარვისა წლისამან შვა ავრამ; და მერმე ცხონდაღა
Line: 26 სამეოც და ათ წელ და მოკუდა ცხორებული ყოვლით-.ურთ ას ოც და ათ წელ.
Line: 28 ხოლო ავრამ იქმნა რაჲ წლისა სამეოცდაათისაჲ შვნა აჰრონ და მოსე და
Line: 29 ცხონდა შემდგომად შობისა მათისა ორმეოც და ათშჳდმეტ წელ. ხოლო მეოთხმეოცესა
Line: 30 წელსა მოსჱს ცხორებისა დღეთასა გამოვიდეს ძენი ისრაჱლისანი ეგჳპტით,
Line: 31 სადა იგი მწირობდეს ორას და ათხუთმეტ წელ. ვინაჲცა ვითარ თქუა
Line: 32 ღმერთმან აბრაჰამის მიმართ: "თუ მწირ იყოს ნათესავი შენი ოთხას წელ". გარნა
Page: 50 Line: 1 თუ ცხად არს, ვითარმედ აღმოსლვითგან ქარანით შუამდინარისაჲთ ჯერ არს
Line: 2 აღრიცხუვაჲ წელთა ერისა მწირობისათა. რამეთუ არა ეგჳპტეს ხოლო იქმნა
Line: 3 "მწირობაჲ, არამედ ქუეყანასაცა ქანანელთასა, ვითარცა წამებს მოსე, იტყოდის
Line: 4 რაჲ ვითარმედ მწირობაჲ ძეთა ისრაჱლისათაჲ ქუეყანასა ქანაანისასა და ეგჳპტეს
Line: 5 იყო წელთა ოთხას ოცდაათთა". და არიან უკუე აღმოსლვითგან აბრაჰამისით
Line: 6 ქარანით შუამდინარისაჲთ ვიდრე შობამდე ისაკისსა წელიწადნი ოც და ხუთ,
Line: 7 ხოლო ისაკისნი ვიდრე იაკობისამდე სამეოც და იაკობისნი ვიდრე ლევისამდე
Line: 8 წელიწად ოთხმეოც და შჳდ, და ლევისნი ვიდრე კაათისამდე წელნი ორმეოც
Line: 9 და ხუთ, და კაათისნი ვიდრე აბრაჰამისამდე წელნი სამეოც და სამ, და აბრამისნი
Line: 10 მოსჱსამდე წელნი სამეოც და ათ, ხოლო მოსჱსნი ვიდრე გამოსლვამდე
Line: 11 წელიწადნი ოთხმეოც. და ესრეთ გამოვიდა ისრაჱლი ეგჳპტით მას-თანა მქონებელი
Line: 12 ძუალთა იოსებისთაჲ და დაყო უდაბნოს ზედა წელიწადი ორმეოცი. რამეთუ
Line: 13 თქემულ არს ვითარმედ "მეხუთე ნათესავი გამოვიდა ისრაჱლისაჲ ეგჳპტით,
Line: 14 და მიიხუნა მოსე ძუალნი იოსებისნი მის-თანა. რამეთუ ფიცით აფუცა იოსებ
Line: 15 ძეთა ისრაჱლისათა და ჰრქუა: მოხედვით მოგხედოს თქუენ უფალმან, და თანა-განიხუენით
Line: 16 ძუალნი ჩემნი ამიერ თქუენ-თანა". რომელი ათშჳდმეტისა წლისაჲ
Line: 17 იყო, რაჟამს იშურვა ძმათაგან და განისყიდა და ოცდაათისა წლისაჲ დადგინებულ
Line: 18 იქმნა მთავრად ეგჳპტისა, რომელსა შინა შვნა ორ ძე, ეფრემ და მანასე,
Line: 19 და მოკუდა წლისა ასდაათისაჲ.
Line: 20 ვინაჲთგან უკუე რაჟამს წარდგა მოსე წინაშე ფარაოჲსსა, იყო წლისა
Line: 21 ოთხმეოცისაჲ და დაყო სხუაჲ ორმეოცი წელი უდაბნოს, ცხად არს, ვითარმედ
Line: 22 მცირედთა ესე იგი არს ორმეოცთა დღეთა შინა იქმნნეს წყლულებანი ეგჳპტისანი,
Line: 23 რომელთა დღენი აღვრიცხუენით ორმეოცთ წელიწადთა-თანა უდაბნოჲსათა.
Line: 24 რამეთუ გამოწულილვით წარმკითხველთა ორმეოცთა დღეთა გარდასახვაჲ შევისწავეთ,
Line: 25 მიერ დღითგან, ვინაჲთგან ეზრახა ფარაოს ვიდრე მოსრვამდე პირმშოთა,
Line: 26 ოდეს იგი კრავიცა დაიკლა და ერი გამოვიდა ეგჳპტით. და პირველი ვიდრე-მე
Line: 27 დღე, რომელსა შინა ეუბნა ფარაოს. ხოლო მეორე შემდგომი მისი, რომელსა
Line: 28 შინა განივლინა ერი იგი შეკრებად გზისა და იგუემნეს მწიგნობარნი მათნი,
Line: 29 ვითარცა არა მოქმედნი საქმესა მის დღისასა. მესამე. ოდეს იგი ღაღადებაჲ
Line: 30 ძეთა ისრაჱლისათაჲ. იძულებულთაჲ შეკრებისა-თჳს გზისა მიიწია სასმენელთა ფარაოჲსთა.
Line: 31 მეოთხე, რაჟამს იგი ილოცა და ჰრქუა სიტყჳთა უფლისაჲთა ისრაჱლთა
Line: 32 ვითარმედ "განგიყვანებს თქუენ ღმერთი ეგჳპტით", და მათ არა მიითუალეს
Line: 33 ფრიადისაგან სულმოკლებისა. ხოლო მეხუთესა შევიდა წინაშე ფარაოჲსსა
Line: 34 და გუელად შეცვალა კუერთხი. და მეექუსესა წყალი სისხლად გარდააქცია. ამის
Page: 51 Line: 1 შემდგომად დრო სცა ვიდრემე ათსამეტედ დღემდე, და აღმოვიდა მყუარი. ხოლო
Line: 2 მეათოთხმეტესა მოსწყდეს მყუარნი. და მეათხუთმეტესა მუმლი მოიწია. მეათექუსმეტესა
Line: 3 დაქადებით ეზრახა ფარაოს ვითარმედ "ხვალე ყოფად არს ძაღლის-მწერი".
Line: 4 და მეათშჳდმეტესა მოვიდა ძაღლის-მწერი. მეათრვამეტესა მოისპო
Line: 5 ძაღლის-მწერი, რომელსა შინა ქადებულ იქმნა სიკუდილი პირუტყუთაჲ. და
Line: 6 მეათცხრამეტესა მოსწყდეს პირუტყუნი საცხოვარნი. ხოლო მეოცესა ფანქლნი
Line: 7 გამომტკულფოლვარენი ღუელფოოდეს. ოცდამეერთესა ხვალის-დღე მოწევნადისა
Line: 8 ეტყჳსა ქადებაჲ მიეთხრა. ოცდამეორესა მოიწია სეტყუაჲ. ოცდამესამესა მკალი
Line: 9 გამოვიდა, რომელსა შინა აღებულ იქმნაცა ლოცვისა მიერ. ოცდამეოთხესა ვიდრე
Line: 10 ოცდამეექუსედმდე სამთა დღეთა იქმნა ბნელი. და მიერითგან პირველი თთუჱ
Line: 11 დაწყებულ იქმნა, რომელსა ებრაელნი ნისანად, ხოლო ჩუენ მარტად სახელ
Line: 12 ვსდებთ, ვითარცა თქუა უფალმან: "თთუჱ ესე იყავნ დასაბამ თთუეთა თქუენთა,
Line: 13 და ეტყოდე ძეთა ისრაჱლისათა და არქუ ვითარმედ "ათსა ამის თთჳსასა მოიყვანედ
Line: 14 თითოეულმან ცხოვარი", რომელ არს ოცდამეათექუსმეტე დღე. მერმე
Line: 15 შემდგომად ოთხთა დღეთასა დაიკლა ცხოვარი, და სრულმყოფელნი პასექისანი
Line: 16 გამოვიდეს, ვიდრემდის მეორმეოცედ შეიქმნა, რომელსა შინა მოსწყდეს პირმშონი
Line: 17 ეგჳპტისანი შუვაღამეს ოდენ, ოდეს იგი ტჳრთვით-მქონებელნი უცომოთანი
Line: 18 გამოვიდეს ჴელპყრობითა და წინამძღურებითა მარადის-მოჴსენებულისა და ნიშებ-შემოსილისა
Line: 19 მოსჱსითა. და ესე თჳთ იგი არს დიდი და ღმრთივ-მზრახვალი
Line: 20 და ღმრთისა მეგობარი მოსე, რომლისა მიმართ თქუა ღმერთმან: "აჰა მე მიგეც
Line: 21 შენ ღმრთად ფარაოს, და ძმაჲ შენი აჰრონ იყოს წინაჲსწარმეტყუელ. ხოლო შენ
Line: 22 თქუენ ყოველნ, რაოდენნიცა გამცნნე შენ". ამან დასცნა მეგჳპტელნი ათთა
Line: 23 მათ წყლულებათა და ზღჳსა-მიერითა მოსრულებითა, და გამოიყვანნა ძენი ისრაჱლისანი
Line: 24 საჴუმილისაგან რკინისა სასწაულთა მიერ და ნიშთა განსაკრთომელთა,
Line: 25 და ჴელითა მტკიცითა, და მკლავითა მაღლითა, ვითარცა იტყჳს დავით ვითარმედ
Line: 26 "განმპებელსა ზღჳსა მეწამულისასა განყოფილებად, და განმყვანებელსა ისრაჱლისასა
Line: 27 შორის მისსა, და შთამთხევყლსა ფარაოჲსსა და ძალისა მისისასა
Line: 28 ზღუასა მეწამულსა". რამეთუ არა ერთი ხოლო გზაჲ იქმნა, ვითარცა იტყჳს
Line: 29 ღმრთივ-განბრძნობილი ოქროპირი, არამედ თითოეულისა ტომისა-თჳს წყალი
Line: 30 აზღუდნებოდა, რათა უმრავლეს იქმნნენ განსავალნი ერისანი და რათა არა საქმედ
Line: 31 ბუნებისა საგონებელ იქმნეს ესე, არამედ ღმრთისა ყოველთა ბუნებათა შემოქმედისა
Line: 32 და მმართებელისა ნიშად შერაცხილ იქმნეს, რომლისა-თჳსცა მცირესა შინა
Line: 33 ნაწილსა ჟამისასა წინა-უკმოჲ ბუნებისაჲ საქმე იქმნებოდა; და არა ერთად ხოლო
Line: 34 ნაწილად განიკუეთებოდა უფსკრული იმიერ და ამიერ ამაღლებულთა წყალთაჲ,
Page: 52 Line: 1 არამედ რიცხჳსა-ებრ ყოველთავე ტომთაჲსა. რამეთუ თითოეულთა სასწაულთა-თჳს
Line: 2 უფროჲსღა ესე იყო სასწრაფო ღმრთისა ვინაჲთგან ნივთთა მიერ იქმნებოდეს
Line: 3 საკჳრველებანი, რათა არა ბუნებითისა რაჲსმე წესისა ანუ შემთხუევისად
Line: 4 საგონებელ იქმნენ ქნნილნი იგი, არამედ ზეგარდამოჲსა განგებულებისა საკჳრველთ-მოქმედებად
Line: 5 მოსჱს მიერ ძეთა ზედა ისრაჱლისათა აღსრულებულად.
Line: 6 რომლისა მიერ უდაბნოსცა უძღოდა სუეტითა ცეცხლისა და ღრუბლისაჲთა, და
Line: 7 პურითა ზეცისაჲთა ზრდიდა, და მტერთა მათთა ამალეკთა განპყრობითა ჴელთაჲთა
Line: 8 სძლევდა. ამას ესმა ბრძანებაჲ უფლისა მისდა მიმართ მეტყუელისაჲ:
Line: 9 "აჰა მე წარმოვალ შენ-თანა სუეტითა ცეცხლისა და ღრუბლისაჲთა, რათა ესმას
Line: 10 ერსა ზრახვაჲ ჩემი შენდა მიმართ, და ჰრწმენეს უკუნისამდე".
Line: 11 "და მესამესა დღესა, იტყჳს, იქმნეს ხმანი და ელვანი და ღრუბელნი ალმუროანნი
Line: 12 მთასა ზედა სინასა და ხმაჲ საყჳრთაჲ ოხრიდა დიდად, და შეშინდა
Line: 13 ერი", "ხოლო მთაჲ ყოველი კუმოდა, რამეთუ გარდამოსრულ იყო ღმერთი მას
Line: 14 ზედა ცეცხლითა და აღვიდოდა კუამლი, ვითარცა კუამლი საჴუმილისაჲ, და ყოველი
Line: 15 ერი განჰკრთა ფრიად", "და ყოველი ერი დგა შორს: ესმოდეს ხმანი და
Line: 16 ყოველსა მთასა მკუმოლვარესა ჰხედვიდეს" და მიახლებად ვერ იკადრებდეს,
Line: 17 არამედ შორით თაყუანის-ცემად ხოლო იბრძანებოდეს. "და დაღათუ მჴეცი შეეხისო,
Line: 18 იტყჳს, ქვითა განიტჳნის", და საშინელ იყო სახილავი იგი. ხოლო შეძრწუნდა
Line: 19 ყოველი ერი და თქუეს მოსჱს მიმართ: "მეტყოდე შენ ჩუენ და ნუ იტყჳს
Line: 20 ჩუენდა მომართ ღმერთი: ნუ უკუე მოვკუდეთ". "და აღუწოდა უფალმან მოსეს
Line: 21 თხემსა ზედა მთისასა და აღ-რაჲ-ვიდა, დაფარა ღრუბელმან მთაჲ, და გარდამოჴდა
Line: 22 დიდებაჲ უფლისაჲ მთასა ზედა, და დაფარა იგი ღრუბელმან ექუს დღე.
Line: 23 ხოლო სახე დიდებისა უფლისაჲ, ვითარცა ცეცხლი, მოტყინარე თხემსა ზედა
Line: 24 მთისასა წინაშე ძეთა ისრაჱლისათა, და შორის ღრუბლისა შესრული მოსე
Line: 25 მთასა ზედა" "იყო მუნ ორმეოც დღე და ორმეოც ღამე წინაშე ღმრთისა მდგომარე:
Line: 26 პური არა ჭამადა წყალი არა სუა" და უალად სხუა ჟამ: "ღვიდა მოსე და
Line: 27 აჰრონ და სამეოცდაათნი მოხუცებულნი და იხილა ადგილი, სადა დგა ღმერთი,
Line: 28 და ქუშე კერძო ფერჴთა მისთა, ვითარცა ნაქმარი ქვისა საპფირონისაჲ და ვითარცა
Line: 29 სახე სამყაროჲსა ცისაჲ სიწმიდითა" და კუალად იტყჳს: "და ეტყოდა
Line: 30 ღმერთი მოსეს პირის-პირ, ვითარცა ვინ ზრახვიდის მეგობრისა თჳსისა მიმართ,
Line: 31 და ესრეთ წარივლინებოდა ბანაკად. და ჰრქუა მოსე უფალსა: უკუეთუ ვპოე მადლი
Line: 32 წინაშე შენსა, გამომიცხადე მე თავი შენი, რათა ცნობილ იქმნეს მპოვნელი
Line: 33 მადლისაჲ წინაშე შენსა და ვიდიდნეთ მე და ერი შენი" "და თქუა უფალმან
Line: 34 მოსჱს მიმართ: და ეგეცა სიტყუაჲ შენი, რომელი სთქუ, ვყო; რამეთუ ჰპოვე
Line: 35 მადლი წინაშე ჩემსა და გიცი შენ უფროჲს ყოველთა და მადლი გაქუს ჩემ მიერ";
Page: 53 Line: 1 "გარნა ვერ ძალ გიც ხილვად პირისა ჩემისა, რამეთუ არა არს კაცი, რომელმან
Line: 2 იხილოს პირი ჩემი და ცხონდეს; და აჰა ადგილი შემდგომად ჩემსა და დადეგ
Line: 3 კლდესა ზედა; და დაგბურო ჴელი ჩემი და მაშინ იხილო ზურგი ჩემი, ხოლო
Line: 4 პირი ჩემი არა გეჩუენოს შენ".
Line: 5 ამისსა შემდგომად ეგულებოდის რაჲ მიღებაჲ მეორისა სჯულისაჲ, კუალად
Line: 6 იტყჳს: "და აღვიდა მოსე მთასა სინასა. ვითარცა უბრძანა მას უფალმან. და
Line: 7 გარდამოვიდა უფალი ღრუბლითა", "და დადგა მუნ წინაშე მისსა ორმეოც დღე
Line: 8 და ორმეოც ღამე: პური არა ჭამა. და წყალი არა სუა, და დაწერნა ფიცართა
Line: 9 ზედა სიტყუანი აღთქუმისანი, ათნი იგი სიტყუანი". და მოხხუნა ფიცარნი და
Line: 10 გარდამოვიდა მთით დიდებულქმნილი. "და იხილა აჰრონ და ყოველთა ძეთა ისრაჱლისათა
Line: 11 პირი მოსჱსი, და იყო დიდებულ, და შეეშინა მიახლებად მისა". და
Line: 12 ფრიადცა სამართლად. რამეთუ ოთხმეოცი დღე ემარხა მდგომარესა წინაშე უფლისა
Line: 13 და ღმრთივ-წერილნი ფიცარნი შეეწყნარნეს და ღმრთივ-მოცემული მეორე სჯული
Line: 14 მოეღო და ესოდენ დიდებულ იყო პირი მისი ღმრთის-მხილველობისა მიერ,
Line: 15 ვიდრეღა ვერ შემძლებელ იყო მიხედვად ერი მიერ გამომკლთოლვარისა საღმრთოჲსა
Line: 16 დიდებისა და ჰაეროვნებისა და ამის-თჳს საბურველი იჴუმიის, რაჟამს მათდა მიერ
Line: 17 ზრახვიდის. რამეთუ ელვის სახენი და ფრიად მცხინვარენი შარავანდედნი ჰკრთებოდეს
Line: 18 და მართლ უკუნ აქცევდეს სახედველთა მისდა მიმართ მიმხედველთასა, ვითარცა
Line: 19 მზეებრი რაჲმე შარავანდედი თუალებსა სიმკჳრცხლით მხედველთა თჳსთასა,
Line: 20 რამეთუ შემდგომად ორმეოცთა რაჲ დღეთა გარდამოვიდა და ჴბოჲსა მის შექმნისა-თჳს
Line: 21 განრისხებულმან მეყსეულად ფიცარნი დამუსრნა, კუალად მთად აღისწრაფა
Line: 22 და ეგოდენნივე დღენი დაყვნა მუნ სიბრძნის-მოყუარექმნილმან წინაშე ღმრთისა
Line: 23 განყენებითა ყოვლისაგან საზრდელისა კაცობრივისა, ვითარ იგი პირველთა მათ
Line: 24 ორმეოცთა, და ესრეთ სხუათა ფიცართა მიმხუმელი ერისა მომართ გარდამოვიდა
Line: 25 ვინაჲცა რომლისა კაცობრივის გულის-სიტყჳსა სიმაღლესა ძალ უც საკჳრველებისა
Line: 26 ამის სახილველად წარმოდგინებაჲ? თუ ვითარ მიმომდინარემან
Line: 27 ბუნებამან ჴორცთამან ესოდენთა დღეთა დაუჴსნელად დაჰმარხა მოძრაობაჲ თჳსი
Line: 28 არა სადა აღმომვსებელმან დღითი-დღე მოკლებულისა და განჴუმეულისა ძალისამან?
Line: 29 არამედ აღჰჴსნის უღონოსა ამას და საკჳრველსა საქმესა საღმრთოჲ სიტყუაჲ
Line: 30 იტყოდის რაჲ: "არა პურითა ხოლო ცხოვნებასა კაცისასა, არამედ ყოვლითა სიტყჳთა
Line: 31 პირით ღმრთისაჲთ გამომავალითა" და რამეთუ ესე ამიერ ცხად არს,
Line: 32 ვითარმედ რაჲთ-ურთით ყოვლად არა რაჲ უჭამიეს ანგელოზსა ამას დღესა რომელსა
Line: 33 გარდამოვიდა მწრაფლ სიტყჳთა უფლისაჲთა, და ხვალისაგან კუალად
Line: 34 მთადვე აღვიდა, და ვითარცა მართლისა გულის-წყრომისა მჴუმეველმან მართალმან
Line: 35 ქვასა ზედა საპფირონსა თითითა ღმრთისაჲთა დაწერილნი საღმრთონი სიტყუანი
Page: 54 Line: 1 ვერ თავს-დებითა ღმრთის-მოძაგებულისა მის საქმისა და უსჯულოჲსა მოგონებისაჲთა
Line: 2 გულის-წყრომით შემუსრნა: ერთად უკუე, რამეთუ ყოვლით-ურთ
Line: 3 უსამართლო და შეუტყუებელყოფად და ფრიად ჯეროვნად საჯა ესე ვითარისა
Line: 4 ღმრთივ-ქმნულისა ქველის-მოქმედებისა მიმღებელყოფაჲ ღმრთისაგან განდგომილთა
Line: 5 მათ და ღმრთის-მოძულეთაჲ მათ; და მეორედ, რამეთუ უეჭუელად უწყოდა
Line: 6 სამართალი იგი მათ ზედა განრისხებაჲ ღმრთისაჲ და ამის-თჳს ბრძანა დაღათუ
Line: 7 არა ყოველთა, არამედ მუნ დამთხუეულთა მათ მეყსეულად წყუედაჲ. რამეთუ
Line: 8 ვითარმცა ესოდენისა და ესე ვითარისა მარხვისა და მოღუაწებისა წარმმართებელმან,
Line: 9 და მადლითა საღმრთოჲთა აღსავსექმნილმან, და მის-მიერითა შურითა
Line: 10 მოტყინარემანცა თანად და მოწიწებითაცა და ურვითა მოცვულმან, და ფრიად
Line: 11 განმწარებულმან და შეწუხებულმან, საშინელსა მას ზედა ღმრთის-განმარისხებელსა
Line: 12 ცოდვასა უმადლოთასა თავს იდვა საზრდელისა შეხებაჲ დღესა ერთსა,
Line: 13 სიმწარითა და გულის-წყრომითა აღვსებულმან და შემაიწრებელობითა ერისა
Line: 14 ძჳრის-მოქმედებისაჲთა აღშფოთებულმან, ვიდრემდის არა პირველად იოხოს
Line: 15 მათ-თჳს მერმეცა უმეტეს განვრცომილითა მარხვითა და ლმობიერებითა, რომლითა
Line: 16 ადვილად მოწყალემყოფელობაჲ ღმრთისაჲ უფროჲს სხჳსა ვისსამე კეთილად
Line: 17 უწყოდა მან. ხოლო ვითარმედ მხოლოდ ერთი ოდენ დღე გარდაჴდა
Line: 18 შორის მთით შთამოსლვისა და კუალად მუნვე აღსლვისა მისისა, რომელსა შინა
Line: 19 ფიცარნი შემუსრნა და ჴბოჲ იგი უჩინო ყო და სამათასნი იგი უსჯულონი და
Line: 20 ბილწნი და უსახურნი კაცნი მოსრნა, მნებებელმან მცირედრაჲ მე რისხვისა ღმრთისა
Line: 21 დაცხრობისა და ურწყულისა გულის-წყრომისა განზავებისამან, და მეყსეულად
Line: 22 ხვალისაგან კუალად მთადვე აღისწრაფა ღმრთისა მიმართ, რათა მოწყალე ყოს
Line: 23 მათ-თჳს. რამეთუ ისმინე წერილისაჲ, თუ რასა ხმობს განცხადებულად: "და იყო
Line: 24 შემდგომად ხვალისა, და მოსე თქუა ერისა მიმართ: თქუენ სცოდეთ ცოდვაჲ
Line: 25 დიდი, და აწ მე აღვიდე ღმრთისა მიმართ, რათა ლხინება ვყო ცოდვათა თქუენთა-თჳს".
Line: 26 ამის შემდგომად მყის ზედა-დაჰრთო ვითარმედ "მიიქცა მოსე ღმრთისა
Line: 27 მიმართ და ჰრქუა: გევედრები შენ, ცოდა ერმან ამან ცოდვაჲ დიდი და იქმნნეს
Line: 28 თავისა მათისა ღმერთნი; და აწ, უკუეთუ მიუტევებ ცოდვასა მათსა, მიუტევე;
Line: 29 ხოლო უკუეთუ არა, აღმჴოცე მე წიგნისაგან, რომელსა შთამწერე, და
Line: 30 თქუა უფალმან მოსჱს მიმართ: ვინცა ვინ ცოდა წინაშე ჩემსა, აღვჴცო იგი
Line: 31 წიგნისაგან, ჩემისა; ხოლო აწ გარდავედ და წარუძეღუ ერსა იმას ადგილისა
Line: 32 მიმართ, რომლისა იგი გარქუ შენ; და აჰა ანგელოზი ჩემი წინა-ვიდოდის წინაშე
Line: 33 პირსა შენსა. ხოლო რომელსაცა დღესა მოვიხილო, მოვაწიო მათ ზედა
Line: 34 ცოდვაჲ მათი. და გუემა უფალმან ერი იგი შექმნისა-თჳს ჴბოჲსა მის, რომელი
Line: 35 ქმნა აჰრონ". იხილე უკუე სიტკბოებაჲ და სასტიკებაჲ ღმრთისაჲ ქრისტეშემოსილისა-ებრ
Line: 36 და გულის-ხმა ყავ განცხადებულად, ვითარმედ ნამდჳლვე საშინელ
Page: 55 Line: 1 არს შევრდომაჲ ჴელთა ღმრთისა მაღლისათა. და უღონო განრომაჲ მათგან ცოდვილთა
Line: 2 და უნანელთაჲ თუალუხუაობისა-თჳს და მართლმსაჯულობისა საღმრთოთა
Line: 3 სასჯელთაჲსა, დაღათუ არა მეყსეულად მოაწევს ამას, ვითარცა მცირეთა სიტყუათა
Line: 4 მიერ განცხადებულად წარმოიჩინა. ხოლო, ვითარმედ სხუანიცა ორმეოცნი
Line: 5 თჳნიერ ყოვლისავე საზრდელითა მჴურვალებისა პირველთა-თანა შეერთებულად
Line: 6 გარდავლნა საღმრთომან ამან და ღმერთ-შემოსილქმნილმან კაცმან, ესე
Line: 7 ყოვლით-ურთ უცილობელ არს, და კეთილად-მჴნე იქმნა მას შინა ფრიადითა საკუთრებითა
Line: 8 და მახლობელობითა ღმრთისაჲთა, იგიცა მადლით ღმერთ და პირ
Line: 9 ღმრთისა ქმნილი და უაღრესსა კაცობრივისა ბუნებისასა მოთმინებასა და მოღუაწებასა
Line: 10 თავისა შორის თჳსისა გამომაჩინებელი, გინა თუ ჴორცთა შინა მქცევი,
Line: 11 გინა თუ გარეგან ჴორცთაჲსა, ღმერთმან მხოლომან უწყის, რომელმან ესე
Line: 12 ვითარად აჩუენა და უაღრეს ბუნებისა ადიდა იგი.
Line: 13 ამისსა შემდგომად კუალად იტყჳს: "ხოლო რაჟამს შევიდის მოსე კარავსა
Line: 14 წამებისასა, დგის ყოველი ერი მხედველი. რამეთუ ოდესცა შევიდის მოსე კარავად,
Line: 15 გარდამოჴდის სუეტი ღრუბლისაჲ და ღმერთი კარავსა ზედა. ხოლო
Line: 16 ერი ჰხედვიდის სუეტსა ღრუბლისასა და თაყუანის-სცემდა თითოეული კარვით
Line: 17 თჳსით". და ესრეთ, იტყოდის ღმერთი მოსჱს-თანა წინაშე ერისა. და ერი ვიდრე-მე
Line: 18 რისხვისაგან უფლისა მრავალგზის ლოცვით გამოიჴსნა ესეოდენ უაღსარჩეველესად
Line: 19 შემრაცხელმან თავისა თჳსისა მათისა ცხორებისამან, ვიდრეღა სრვასა
Line: 20 მას ღმრთისა-მიერსა დადგა წინაშე მისსა, ვითარცა იტყჳს დავით, და თქუა.
Line: 21 "უკუეთუ მიუტევობ ამათ ცოდვასა, მიუტევე, ხოლო უკუეთუ არა, აღმჴოცე მეცა
Line: 22 წიგნისაგან, რომელსა "შთამწერე". "რამეთუ თქუა მოსრვაჲ მათი, იტყჳს, არა თუმცა
Line: 23 მოსე რჩეული მისი დადგა სრვასა მას წინაშე მისსა არა მოსრვად მათდა". ხოლო რაოდენნი
Line: 24 ზედა-აღმდგომად გამოჩნდეს მისსა, რომელნიმე ცოცხლივ ქუეყანად დაინთქნეს,
Line: 25 ხოლო რომელნიმე საღმრთოჲსა ცეცხლისა განსალევნელ იქმნეს. რამეთუ თქუმულ
Line: 26 არს: "და იქმნნეს მომკუდარნი სრვასა მას შინა ათოთხმეტი ათას და შჳდას თჳნიერ
Line: 27 კორეს-თჳს მომკუდართა მათსა". და არა ესე ხოლო, არამედ მარიამსცა წინაჲსწარმეტყუელ
Line: 28 და დასა მისსა სასჯელი მიეჴადა მისდა მიმართისა დრტჳრვისაჲ,
Line: 29 "და იზრახესო, იტყჳს, მარიამ და აჰრონ დრტჳნვით მოსჱს-თჳს, რამეთუ ცოლი
Line: 30 ჰინდოჲ მიიყვანა, და თქუეს: ნუ მოსეს ხოლო ეტყოდაა ღმერთი? და ესმა
Line: 31 უფალსა; და კაცი მოსე მშჳდ იყო ფრიად უფროჲს ყოველთა კაცთა ქუეყანასა
Line: 32 ზედა". "და გარდამოჴდა უფალი სუეტითა ღრუბლისაჲთა კარავსა ზედა წამებისასა
Page: 56 Line: 1 და თქუა აჰრონის და მარიამის მიმართ: უკუეთუ იყოს თქუენდა წინაჲსწარმეტყუელი
Line: 2 უფლისაჲ, ჩუენებასა შინა განვეცხადო მას და ძილსა შინა ვეზრახო
Line: 3 მას; და არა ესრეთ მსახურისა ჩემისა მოსე ყოველსა ზედა სახლსა ჩემსა სარწმუნო
Line: 4 არს; პირითა პირისა მიმართ ვეზრახო მას სახითა და არა იგავითა. დიდებაჲ
Line: 5 ჩემი იხილა; და რაჲსა-თჳს არა შეიშინეთ ყუედრებად მსახურისა ჩემისა
Line: 6 მოსჱსსა? და რისხვაჲ გულის-წყრომისა უფლისაჲ მათ ზედა: და წარვიდეს. და
Line: 7 აჰა მარიამ განკეთროვნდა, ვითარცა თოვლი". არამედ ილოცა მოსე მის-თჳს და
Line: 8 განაყენა ერისაგან შჳდ დღე: და განიკურნა სიტყჳსა-ებრ უფლისა.
Line: 9 და ამის შემდგომად აღესრულა მარიამ. და არა იყო წყალი შესაკრებელსა
Line: 10 შორის, და უდრტჳნვიდა ერი მოსეს და აჰრონს და ხმობდა. ჰრქუა უფალმან
Line: 11 მოსეს: "მიიღე კუერთხი ესე და ეკლესია ყავთ კრებული შენ და აჰრონ, ძმამან
Line: 12 შენმან, და თქჳთ კლდისა მიმართ წინაშე მათსა, და მოსცეს მან წყალი. და
Line: 13 მიიღო მოსე წინაშე უფლისა კუერთხი, და ეკლესია ყვეს მოსე და აჰრონ კრებული
Line: 14 წინაშე კლდისა, და თქუა მათდა მიმართ. ისმინეთ ჩემი, ურწმუნონო,
Line: 15 ნუ კლდისა ამისგან აღმოგიცენოა თქუენ წყალი? და აღიპყრა მოსე ჴელი თჳსი
Line: 16 და სცა კლდესა კუერთხითა ორგზის, და გამოეცა წყალი ფრიადი; და სუა ერმან შესაკრებელმან
Line: 17 და საცხოვარმან მათმან და ჰრქუა უფალმან მოსეს და აჰრონს: რამეთუ
Line: 18 არა ირწმუნეთ წმიდაყოფაჲ ჩემი წინაშე ერისა, ამის-თჳს არა შეიყვანოთ
Line: 19 თქუენ შესაკრებელი ესე ქუეყანად, რომელი მივეც მათ" რომლისა-თჳსცა "შეეძინედ
Line: 20 აჰრონ ერსა თჳსსა და მოკუედინ იგი, რამეთუ არა შეხჳდეთ ქუეყანასა
Line: 21 მას, მით რამეთუ განმაძჳნეთ მე წყალსა ზედა ცილობისა და ერისა დრტჳნვისასა.
Line: 22 და აღიყვანა მოსე მთად აჰრონ, ძმაჲ თჳსი, ვითარცა უბრძანა უფალმან წინაშე
Line: 23 ყოვლისა შესაკრებელისა, და განსძარცუნა მას სამღდელონი შესამოსელნი და
Line: 24 შეჰმოსნა იგი ელეაზარს, ძესა მისსა; და მოკუდა აჰრონ თხემსა ზედა მთისასა
Line: 25 მეორმეოცესა წელსა ძეთა ისრაჱლისათა გამოსლვისასა ცხორებული ას ოც და
Line: 26 სამ წელ. და იხილა ყოველმან ერმან ვითარმედ განიჴსსა აჰრონ, და სტიროდეს
Line: 27 მას ოც და ათ დღე" და ამისა შემდგომად ჰრქუა უფალმან მოსეს: "აღვედ
Line: 28 მთასა ავავსა და იხილე ქუეყანაჲ, რომელსა მივსცემ ძეთა ისრაჱლისათა, და
Line: 29 აღესრულე მუნ, ვითარცა სახედ მოკუდა აჰრონ, ძმაჲ ძენი, მთასა ზედა, მით
Line: 30 რამეთუ ურწმუნო იქმნენით სიტყუასა ჩემსა წყალსა ზედა ცილობისასა კადის და
Line: 31 არა წმიდა მყავთ მე ერსა შორის, რამეთუ შორით იხილო ქუეყანაჲ და მუნ არა
Line: 32 შეხჳდე". ხოლო მოსე მრავლად და მრავალგზის რაჲ ევედრა ღმერთსა ამისთჳს
Line: 33 და ჰრქუა: "განვლო უკუე, ჵ მეუფეო უფალო, იორდანე, და ვიხილო კეთილი
Line: 34 იგი ქუეყანაჲ და მთაჲ წმიდაჲ და წინაკერძოჲ ლიბანისაჲ", და ჰრქუა
Page: 57 Line: 1 უფალმან: "კმა არს შენდა იხილე, ნუ კუალად მომიჴდები მე სიტყუად ამის-თჳს,
Line: 2 არამედ აღვედ თხემსა ზედა მთისასა და იხილე ზღჳთ-კერძო და ბღუარით და
Line: 3 სამჴრით და აღმოსავალით კეთილი იგი ქუეყანაჲ, რამეთუ თუალითა შენითა
Line: 4 იხილო იგი და მუნ არა შეხჳდე". და დასწერა ბრძანებითა უფლისაჲთა დიდი
Line: 5 გალობაჲ და ანდერძი და დაასხნა ჴელნი თჳსნი ისოს ზედა ნავესსა, რათა მონაცვალე
Line: 6 ექმნას მას, და ესრეთ აღვიდა მთასა ზედა ორიმსა, რომელ არს ნავავი
Line: 7 და უჩუენა მას უფალმან ყოველი ქუეყანაჲ აღთქუმისაჲ და ჰრქუა მას: "ესე
Line: 8 არს ქუეყანაჲ, რომლისა-თჳს ვეფუცე აბრაჰამს და ისაკს და იაკობს და ვარქუ:
Line: 9 ნათესავსა შენსა მივსცე ესე, გიჩუენე შენ თუალითა შენითა და მუნ არა შეხჳდე",
Line: 10 და აღესრულა მუნ მოსე სიტყჳთა უფლისაჲთა ცხორებული ას ოც წელ. და
Line: 11 დაჰფლა იგი ერმან და სტიროდეს მას ორმეოც დღე; და არავინ უწყის საფლავი
Line: 12 მისი. "ხოლო არღა აღდგა მერმეცა სხუაჲ წინაჲსწარმეტყუელი ისრაჱლსა
Line: 13 შორის, ვითარცა მოსე, რომელი განისაკუთრა უფალმან იგი პირითა პირისა მიმართ
Line: 14 ყოვლითა ნიშებითა და სასწაულებითა", არღარა ვინ უმეტეს ასოცისა წლისა
Line: 15 ცხონდა. და მეორმეოცესა ვიდრე-მე წელსა ძეთა ისრაჱლისათა გამოსლვისასა
Line: 16 ახალთთუესა, ვითარცა იტყჳს იოსიპოს, პირველისა თთჳსა ნისანისასა მოკუდა
Line: 17 მარიამ და დაეფლა მთასა ზედა. და ახალთთუესა მეხუთისა თთჳსასა, რომელ
Line: 18 არს ავ, მასვე წელიწადსა აღესრულა აჰრონ და დაეფლა მთასა ზედა. და ახალთთუესა
Line: 19 მეათისა თთჳსასა, ესე იგი არს ადარი, აღესრულა მთასა ზედა ვარიმსა
Line: 20 მასვე წელიწადსა, რომელსა ზედა დაეფლაცა, და დაფარა ადგილი იგი ღრუბელმან
Line: 21 ნათლის-სახემან მრუმემყოფელმან და განმწვალებელმან მხედველთა სახედველისამან,
Line: 22 რათა არა უწყოდინ საფლავი მისი უკუნისამდე.
Line: 23 საცნაურ უკუე იყავნ, ვითარმედ პირველი თთუჱ ნისანი იგი არს, რომელსა
Line: 24 ჩუენ მარტად უწოდთ და არა აპრილი, ვითარცა ვიეთმე ჰგონეს. და რამეთუ
Line: 25 პირველი თთუჱ არს ებრაელთა შორის ნისანი, ვითარ იგი თჳთ თარგმანებაჲცა
Line: 26 სახელისა მისისაჲ ცხად ჰყოფს, ებრაულად რაჲ ითქუმოდის ნისანი,
Line: 27 ესე იგი არს პირველი თთუჱ, რომელი ჩუენ მიერ მარტად სახელ იდების. და
Line: 28 მოწამე არს უფროჲსად ბრძენი იგი სჯულის-მოძღუარი იოსიპოს, რომელმან
Line: 29 ნისანსა პირველად თთუედ უწოდა, და ავსა მეხუთედ, და ადარსა მეათორმეტედ.
Line: 30 და კუალად მოწამე უფროჲსად სარწმუნო საღმრთოჲ წინაჲსწარმეტყუელი ზაქარია,
Line: 31 იტყოდის რაჲ მეცხრისა და მეათერთმეტისა თთჳსა-თჳს ვითარმედ "ოთხსა
Line: 32 მეცხრისა თთჳსასა, რომელ არს ხასლევი" და კუალად ვითარმედ "ათოთხმეტსა
Line: 33 მეათერთმეტისა თთჳსასა, რომელ არს სავატი". და ესრეთვე ჩუენ მიერ პირველად
Page: 58 Line: 1 თთუედ აღრიცხუვითა მარტისაჲთა მერვედ იპოების ოკდომბერი და მეათედ
Line: 2 დეკენბერი. და ეგრეთვე არეცა პირველდაბადებულისა მის თთჳსა მარტისაგან
Line: 3 დაიწყების, და ქუეყანაჲ აღმოაცენებს საღმრთოჲსა ბრძანებისა-ებრ მდელოსა
Line: 4 თივისასა; და ოთხნი ჟამნი წელიწდისანი სამეულობითა თთუეთაჲთა მქონებელ
Line: 5 არიან საზომსა აღრიცხუვისა მათისა, რომელ არიან არე და ზაფხული, სთუელი
Line: 6 და ზამთარი. არა ესე ხოლო, არამედ მრავალსწავლულიცა იგი და მოთხრობა-მრავალი
Line: 7 ევსევი საჟამოთა მათ და საწელიწდოთა კანონთა შინა იტყჳს ვითარმედ
Line: 8 "ჰურიათა ახალთთუედ წელიწდისა მათ მიერ ნისანად სახელდებული, ესე იგი
Line: 9 არს ოცდამეხუთე დღე მარტისაჲ, უპყრიეს სამარადისოდ, რომელ არს პირველ-შექმნელი
Line: 10 დღე, რომელსა შინა ყოვლისავე არაარსისაგან არსად მომყვანებელმან
Line: 11 ღმერთმან მასვე შინა სათნოყოფითა მამისაჲთა და თანა-მოქმედებითა სულისა
Line: 12 წმიდისაჲთა დაიმკჳდრა წმიდისა ქალწულისა შორის მასვე წელიწადსა და განკაცნა;
Line: 13 და მასვე შინა საფლავით აღდგა, და საკუთრად პასქად სახელდებული იგი
Line: 14 აღვსებაჲ იქმნა. ესევე უკუე ჩუენდაცა სჯულთა-ებრ ღმრთისა ეკლესიისათა დასაბამ
Line: 15 წელიწდისა არს სამარადისოდ. რომლითა წმიდააღვსებასა ვჰპოებთ კჳრიაკესა
Line: 16 დღესა მომავალად მეათოთხმეტესა მთოვარისასა, ცხად არს, ვითარმედ
Line: 17 თთჳსა ამის ნისანისასა, და არა ჰურიაებრ, არამედ მოციქულებრ ვდღესასწაულობთ
Line: 18 ბუნებითითა და ღმერთმონიჭებულითა ჴელოვნებითა.
Line: 19 ესრეთ უკუე იმოქალაქა საკჳრველმან ამან და საღმრთომან კაცმან, და განსაკრთომელთა
Line: 20 ნიშთა მოქმედად გამოჩნდა. და წინ-აღმდგომთა ბრძოლითა და
Line: 21 ფრიადითა ჭირითა და ურვითა განვლო საწუთროჲ ესე. და რამეთუ აღთქუმულისა
Line: 22 მის წმიდისა ქუეყანისაგან დაკლებისა-თჳს მგლოვარე და მწუხარე ეტყოდა
Line: 23 ძეთა ისრაჱლისათა: "უფალი ღმერთი განრისხნა თქუენ მიერ თქუმულთა-თჳს და
Line: 24 ფუცა, რათა არა განვვლო იორდანე ესე და შევიდე ქუეყანად, რომელი უფალმან
Line: 25 ღმერთმან მოგცეს შენ სამკჳდრებელად. რამეთუ მე მოვკუდე ქუეყანასა ამას
Line: 26 და არა განვვლო იორდანე, ხოლო თქუენ განვედით და დაიმკჳდრეთ კეთილი
Line: 27 ისი ქუეყანაჲ" რომლისამცა უკუე ქვისა გული არა შეემუსრა მაშინდელსა მას
Line: 28 მწუხარებასა მართლისასა? რომელიმცა ულმობელი და მოუდრეკელი სული არა-ტკივნეულ
Line: 29 ექმნა და თანა-ლმობად მოეყვანა ამათსა ცრემლით-მეტყუელებასა მისგან?
Line: 30 ვინმცა არა განეცჳბრა და შეეძრწუნა და ცრემლთა დამოდინებად და გოდებად
Line: 31 დაუპყრობელად აღეძრა? ნამდჳლვე მრავალ არიან ჭირნი მართალთანი რამეთუ
Line: 32 აჰა, სიჩჩოჲთგანვე მკჳრცხლად პოვნილი და საღმრთოჲთა მადლითა აღსავსე
Line: 33 ესოდენ ნიშებშემოსილი და ზეშთა-მართალთაჲ იგი პირველითგანვე ჰასაკით
Line: 34 დამწყებელ იქმნა მწუხარებად და ურვად და გულის-კლებად და მათვე ურვათა
Line: 35 შინა დაასრულა ცხორებაჲ. და რათა მეგჳპტურთა მათ მრავალთა და ბოროტთა
Page: 59 Line: 1 ჭირთა მისთა თანა-წარვჰკდეთ და მხოლოდ უდაბნოჲსანი ოდენ განვიცადნეთ,
Line: 2 სადა-იგი ვერღარა თავს-მდებელი უგუნურებასა და სილაღესა და მჴეცებრივობასა
Line: 3 მრავალგზის ქვისა დაკრებად მისსა განმზადებულისა ერისასა და
Line: 4 ფრიადისა ურვისა მიერ გულის-მთქუმელი დატევებასა წინამძღურობისასა სიკუდილისა
Line: 5 მოსურნე იყვის, ისმინე და გულის-ხმა ყავ შფოთმრავალი იგი და საშინელი
Line: 6 ურვაჲ სულისა მისისაჲ მცირედთა სიტყუათა მიერ წარმოჩენილი. რამეთუ
Line: 7 იტყჳს: "და დამძიმდა გულის-წყრომით მოსე ფრიად და თქუა უფლისა მიმართ:
Line: 8 რაჲსა-თჳს განამწარე მსახური შენი, და რად არა ვპოე მადლი წინაშე
Line: 9 შენსა აღმატებად მცირედ-რე ჩემდამო აღძრვასა ამის ერისასა და ქვისა დაკრებად
Line: 10 ჩემდა? რამეთუ ნუ უკუე მე მუცლად ვიღეა ყოველი ესე ერი? ანუ მე
Line: 11 ვშვენა ესენი? რამეთუ იტყჳ: აღიხუენ ეგენი წიაღთა შენთა, ვითარ ვინ აღიღის
Line: 12 ჩჩჳლი აკვნითა ქუეყანად, რომლისა-თჳს ვეფუცე მამათა მათთა. ვინაჲ ჩემდა
Line: 13 ჴორცი მიცემად ყოვლისა ამის ერისა, რამეთუ შემომტირან მე და იტყჳან: მეც
Line: 14 ჩუენ ჴორცი, რათა ვჭამოთ. ვერ ძალ მიც მე მარტოსა ტჳრთვაჲ ერისა
Line: 15 ამის, რამეთუ მძიმე არს ჩემდა სიტყუაჲ ესე. ხოლო უკუეთუ ესრეთ
Line: 16 ჰყოფ შენ, სიკუდილით მომაკუდინე მე, მიპოვნიეს თუ მადლი წინაშე
Line: 17 თუალთა შენთა, რათა არა ვიხილო განბოროტებაჲ ჩემი". რაჲმცა უკუე სხუაჲ
Line: 18 სიტყუათა ამათ უსალმობიერესი იპოებოდა, ანუ რაჲ უმძიმესი ესე ვითარისა ცხორებისასა?
Line: 19 და რამეთუ იგი ვიდრე-მე ქველის-მოქმედებისა მათისა მოღუაწე იყო
Line: 20 და წინამბრძოლ ცხორებისა მათისა. რამეთუ ვინაჲთგან მრავალგზის ჰრქუა მას
Line: 21 ღმერთმან: "მიტევე მე მოსრულებად ამათდა, და განრისხებულმან ერთგზის მოვსპოლნე
Line: 22 იგინი და გყო შენ ნათესავად დიდად, ხოლო იგი იოხდის და ეტყოდის:
Line: 23 უკუეთუ მიუტევობ ამას ცოდვასა, მიუტევე; უკუეთუ არა, აღმჴოცე მეცა
Line: 24 წიგნისაგან, რომელსა შინა შთამწერე". ხოლო იგინი მიმდებად და მძჳნვარებით
Line: 25 აღდგებოდეს მის ზედა, ვიდრემდის დასასრულადცა ჭირთად მიაწიეს, აღთქუმისაგან
Line: 26 დაკლებულ ყვეს. და ამისი ცხადმყოფელი კუალად მათდა მიმართ და უგანცხადებულესად-რე
Line: 27 განსაცდელისა თჳსისა წარმომეტყუელი იტყოდა: "და მე უფალი
Line: 28 განმიმწარნა თქუენ-თჳს, და უგულებელს მყო მე თქუენძლით, და არა ისმინა
Line: 29 ვედრებისა ჩემისაჲ; არამედ მრქუა. არცა შენ არა შეხჳდე მუნ". რომლისა-თჳს
Line: 30 იტყჳს დავით: "და განარისხეს იგი წყალთა ზედა ცილობისათა, და დაისაჯა მოსე
Line: 31 მათ-თჳს: რამეთუ განამწარეს სული მისი. და განაჩინა ბაგითა თჳსითა". რამეთუ
Line: 32 რაჟამს იგი სიკუდილისა-თჳს დისა შეწუხებულსა წყურილისაგან შეიწრებულნი
Line: 33 ზედა-დაესხმოდეს; მაშინ განძჳნებულსა ფრიადისა უზავობისა და თავჴედობისა
Line: 34 მათისა კაცობრივი რაჲმე შეემთხჳა. და ვითარცა მათ-თჳს განრისხებულმან,
Page: 60 Line: 1 იჭუნეული ხმაჲ აღმოუტევა და რაჲ იგი საღმრთოჲსა შურისა მიერ ჴბოჲს-მოქმედებასა
Line: 2 მათსა ზედა გარდარეულებითა გულკლებულობისაჲთა ყოვლად-მშჳდსა
Line: 3 მას შეემთხჳა. იგივე შეემთხჳა ცილობისაცა წყაროსა ზედა, რომლისა მიერ
Line: 4 განცდილად ჰხედვიდა რაჲ თავსა თჳსსა ფრიად მშჳდი დავითცა იტყოდა ესრეთ:
Line: 5 "ურვამან შემიპყრა მე ცოდვილთა დამტევებელთა სჯულისა შენისათამან", და "ვიხილენ
Line: 6 უგულის-მონი და დავდნებოდე, რამეთუ სიტყუანი შენნი არა დაიცვნეს".
Line: 7 რამეთუ უკუეთუმცა არა ფრიად დაებნელა და სიღრმედ მწუხარებისა დაენთქა
Line: 8 სული მისი შფოთსა მწარისა მის უღმრთოებისასა, არამცა ღმრთივ-დაწერილნი
Line: 9 იგი ფიცარნი ჴელთაგან ქუე დაეთხინეს და დაემუსრნეს, რომელთა შინა წერილ
Line: 10 იყვნეს ესენი: "ა̂: მე ვარ უფალი ღმერთი შენი, რომელმან გამოგიყვანე შენ
Line: 11 ქუეყ ეგჳპტით, სახლით მონებისაჲთ. არა იყვნენ შენდა ღმერთნი სხუანი
Line: 12 თჳნიერ ჩემსა. ბ̂: არა ჰქმნე თავისა თჳსისა კერპი და ყოველი მსგავსებაჲ,
Line: 13 რაოდენი ცათა შინა ზე, და რაოდენი ქუეყანასა ზედა ქუე, და რაოდენი წყალთა
Line: 14 შინა ქუეშე-კერძო ქუეყანისა. გ̂: არა მოიღო სახელი უფლისა ღმრთისა შენისაჲ
Line: 15 ამაოსა ზედა, დ̂: მოიჴსენე დღე შაბათისაჲ, წმიდა ყავ იგი ე̂: პატივ სცემდ
Line: 16 მამასა შენსა და დედასა შენსა, რათა კეთილ იყოს შენდა და იყო დღეგრძელ
Line: 17 ქუეყანასა ზედა. ვ̂: არა იმრუშო. ზ̂: არა იპარო. ჱ̂: არა კაც ჰკლა. თ̂: არა
Line: 18 ცილის-სწამო მოყუსისა შენისა ზედა მოწმობითა ცრუჲთა. ი̂: არა გული გითქუმოდეს
Line: 19 ცოლსა მოყუსისა, შენისასა, არცა აგარაკსა მისსა, არცა მონასა მისსა,
Line: 20 არცა მჴევალსა მისსა, არცა ჴარსა მისსა, არცა კაჰრაულსა მისსა, არცა რაოდენი
Line: 21 რაჲ იყოს მოყუსისა შენისაჲ".
Line: 22 ამათ-თანა ესეცა გულის-ხმა ყავ თუ ვითარითა ცეცხლითა აღაგზნა სული
Line: 23 მისი სიკუდილმან ძმისა მისისამან, და დაუშრეტელითა ალითა მოტყინარე ყო;
Line: 24 და, ვითარცა მძაფრი რაჲმე საჴუმილი, სამარადისოდ სწუვიდა მას. რამეთუ რაჲ
Line: 25 უღირდა მას შემთხუევად ბუნებითისაგან საკუთრებისა, და თჳსებისა და ძმებრივისა
Line: 26 ერთსულობისა. პირველად უკუე, რაჟამს მთად აღიყვანებდა მას მოსიკუდიდ მუნ
Line: 27 საღმრთოჲსა რისხვისა მიერ; ხოლო მეორედ. რაჟამს სამღდელთ-მთავროჲ შესამოსელი
Line: 28 განსძარცუა და ჰხედვიდა მას ფრიად გულტკივნული, და შეურვებული,
Line: 29 და ცრემლითა აღვსებული, და ტკივილითა სულისაჲთა მოცვული; ხოლო
Line: 30 მესამედ, მოულოდებელსა მას და ანაზდაითსა განყოფასა ურთი-ერთასსა, და
Line: 31 თავსა თჳსსა ძმებრივისა მის ტკბილისა უბნობისა და თანა-ქცევისა და მოყუსობისაგან
Line: 32 მარტო და ოჴერ ქმნილად რამეთუ უკუეთუ ერმან იგლოვა მის-თჳს
Line: 33 ოც და ათ დღე, ვითარმცა არა უმეტეს განსჭრიდა მას ტკივილი ნაწლევთა ბუნებითისა
Line: 34 თჳსობისათაჲ და მოუკლებელსა ურვასა შეამთხუევდა ვიდრე აღსასრულამდე
Page: 61 Line: 1 ცხორებისა მისისა მარადის განლეულსა და შემწუარსა ბუნებითისა მძლავრებისაგან.
Line: 2 და რომელი ესე ყოველთა უსაკჳრველეს და უსაწყალობელესცა არს,
Line: 3 რამეთუ სასურველი იგი ქუეყანაჲ, რომლისა-თჳს მრავალნი და საშინელნი შრომანი
Line: 4 და ჭირნი მოითმინნეს და თავს ესხნეს, შორით იხილა და უმეტეს იწყლა;
Line: 5 ხოლო შესლვაჲ ამას შინა არა შეენდო საკჳრველსა მას და ყოვლად-სათნოსა
Line: 6 მწყემსსა ურწმუნოებისა-თჳს და გულფიცხელობისა და უმადლოობისა სამწყსოთაჲსა.
Line: 7 სადა უკუე არიან თჳთ ნუ უკკუე და სათნონი მწყემსნი, ხოლო ერისა
Line: 8 ურჩისა და გულფიცხელისა და წინააღმდგომისა წინამძღუარნი და ქედფიცხელობისაგან
Line: 9 და ურწმენოებისა მათისა არცა ერთისა ზღვევისა თავთა თჳსთა-თჳს შემთხუევისა
Line: 10 მგონებელნი სიმრავლითა გამოუცდელობისა და უგულის-ხმოებისა ანუ
Line: 11 თუ უფროჲსღა სათქუმელ არს, ვითარმედ სრულიადისა დავიწყებისაჲთა: რამეთუ,
Line: 12 უკუეთუმცა სამარადისოდ იჴსენებდეს ყოვლად-განთქუმულსა ამას კაცსა, და
Line: 13 მას-თანა მართალსა მას მღდელთ-მთავარსა ელის და თუ ვითარ თითოეული მათი
Line: 14 მართალ და ღირს და უბიწოებით მოქალაქე და მწყემს კეთილ იყვნეს, არამედ
Line: 15 სამწყემსოთა უკეთურებისა-თჳს დაისაჯნეს იგინიცა, არამცა დადუმნეს გოდებისაგან
Line: 16 და სამართლითა ბჭობითა ანუმცა იქმნეს სხუათა წინამძღურობისაგან და
Line: 17 ანუმცა ფრიადითა შიშითა და ძრწოლითა უძღოდეს და სამარადისოდ ზრუნვიდეს
Line: 18 და ტკივილით ურვოდეს მათ ძლითისა-თჳს სიტყჳს-გებისა სამოციქულოჲსა-ებრ
Line: 19 ორთავე მათ მიმართ ესრეთ მეტყუელისა სწავლისა: "დაემორჩილენით წინამძღუართა
Line: 20 თქუენთა და ერჩდით, რამეთე იგინი იღჳძებენ სულთა თქუენთა-თჳს, ვითარცა
Line: 21 სიტყჳს-მიმცემელნი". ვინაჲცა უკუეთუ ესე ვითარნი და სათნოებითა ესოდენნი
Line: 22 წინამძღუარნი სამწსოთა-თჳს და სამთავროთა მათთა ესოდენთა ძჳრთა
Line: 23 ზღვეულებასა მიეცნეს, ვითარცა პირველ ვიტყოდეთ, ვინღა უმეტეს ამაოდ მოქადულობდეს
Line: 24 ოცნებისა რაჲსმე ანუ ამპარტავანებისაგან აღტაცებული, და დაუნთქმელად
Line: 25 განვლასა წინამძღურობათა უფსკრულისასა სილაღით თავსა თჳსსა უწამებდეს,
Line: 26 და ამაოდ მეტყუელებდეს უმეცრებითა ამისითა, ვითარმედ მრავალთა
Line: 27 მრავალგზის ზეშთა ძალისა მათისა ჴელ ყვეს რაჲ ცხოვნებაჲ ურჩთა ვიეთმე
Line: 28 და ძნიად მოსაქცეველთაჲ, თავნიცა თჳსნი დაანთქნეს მათ-თანა და, ჵ მე, უძჳრესცა
Line: 29 და უსაწყალობელეს მათსა გამოაჩინნეს. ამის-თჳს საღმრთოდ ბრძენი
Line: 30 ვინმე სულითა შემოსილთა კაცთაგანი იტყოდა, ვითარმედ სხუათა ვიდრე-მე
Line: 31 ცხოვნებაჲ არა ყოველთა, ხოლო თავსა თჳსსა უეჭუელად ყოველთა მიგუეჴადების.
Line: 32 ხოლო ქრისტეშემოსილი იგი და ესე ვითართა შინა სიტყჳთ და საქმით
Line: 33 ძლიერი წინაჲსწარგანაკრძალებს და ამცნებს მოწაფესა თჳსსა და ესრეთ ეტყჳს:
Line: 34 "ნუ ეზიარები სხჳსა ცოდვათა, თავი თჳსი უბიწოდ დაიცევ", მით რამეთუ "თითოეულმან
Line: 35 თავისა თჳსისა-თჳს სიტყუაჲ მისცეს ღმერთსა" და ფრიად ჯეროვნად
Page: 62 Line: 1 და ყოვლად-სიბრძნით თქუა ესე რამეთუ უწყოდა, ვითარმედ წინავე სადმე
Line: 2 ეწამა ესე წერილსა მეტყუელსა ესრეთ "ცხოვნებით იცხოვნენ თითოეულმან სული
Line: 3 თჳსი" და შემდგომი.
Line: 4 აწ უკუე ღირს არს ნამდჳლვე ჭეშმარიტებით ღირს ფრიადისა დაჴჳრვებისა,
Line: 5 უფროჲსღა განკრთომისა და განცჳბრებისა, თუ ვითარ ესოდენი და ესე
Line: 6 ვითარი წინაჲსწარმეტყუელი და სჯულის-მდებელი და ღმრთის-მხილველი და
Line: 7 ზეცისა-მესაიდუმლოე და მრავალთა დიდთა საღმრთოთა მადლთა ღირსქმნული და
Line: 8 თითოსახეთა ნიშთა აღმასრულებელი და ერსა-თანა ღმრთისასა თქუმულისა მისებრ
Line: 9 აღმრჩეველი ესოდენთა წელთა ძჳრის-ხილვისაჲ ვიდრეღა ქონებად საწუთოსა
Line: 10 საშუებელსა ცოდვისასა, მერმე შემდგომად მრავალთა მათ სტადიონთა და შრომათა
Line: 11 და ტკივილთა და ღუაწლთა და ოფლთა და განსაცდელთა და ჭირთა და
Line: 12 მცირედისა-თჳს ცოდვისა ჴუებულ იქმნა აღთქუმულისაგან სასოებისა ყოვლითა
Line: 13 საღმრთოჲთა სათნოებითა შემკული და სიტყჳთ და საქმით განბრწყინვებული
Line: 14 იგი, და ესოდენთა ჟამთა მოსალოდებელისა და მისახედავისა სურვილისაგან უცხოდ
Line: 15 და დაკლებულად გამოჩნდა. ეჰა საკჳრველებასა და საქმეთა-თჳს და სიტყუათა
Line: 16 წმიდათასა გამოწულილვით გამომცდელობასა და გამომაჴურვებელობასა ღმრთისასა.
Line: 17 ნამდჳლვე ჭეშმარიტად მცირედნი არიან ცხოვნებულნი, და მაიძულებელთაჲ
Line: 18 არს სასუფეველი ცათაჲ. და მაიძულებელნი მიიტაცებენ მას. ვინაჲთგან არა რას
Line: 19 სარგებელსა მოისთულებს მართალი პირველ სადმე წარმართებულისა სიმართლისა
Line: 20 და წინაჲსწარმოგებულისა ღმრთისა-მიმართისა საკუთრებისა და კადნიერებისაგან
Line: 21 არა თუ თანა-მოწამე და შემსგავსებული დასაბამისაჲ მოიგოს დასასრულიცა,
Line: 22 ვითარცა დიდმან ამან და საკჳრველების-ღირსმან მსახურმან ღმრთისამან
Line: 23 და უაღრესმან კაცთამან მართალმან განცხადებულად წარმოაჩინა. და, ვითარ ჰგავს,
Line: 24 სამართლად ამის-თჳს თქუა მართალმან მან მსაჯულმან წინაჲსწარმეტყუელისა
Line: 25 მიერ ვითარმედ "უკუეთუ მიაქციოს მართალმან სიმართლისაგან თჳსისა და ქმნეს
Line: 26 უსამართლოებაჲ, ყოველნი სიმართლენი მისნი, რომელ ქმნნა, არა მოვიჴსენნე,
Line: 27 ცოდვასა რაჲ შინა თჳსსა მოკუდეს", და "სიმართლემან მართლისამან ვერ განარინოს
Line: 28 იგი, რომელსაცა დღესა სცთეს". რამეთუ იხილე, ვითარ არცაღა ეგოდენთა
Line: 29 მათ წელთა შინა ქმნილთა მრავალთა და თითოსახეთა და სიტყჳსა უაღრესთა
Line: 30 წარმართებათა და კუალად ამისსა შემდგომად აღსრულებულთა ვედრებათა
Line: 31 და თხოვათა მოწყალე ყვეს ღმერთი, არცა პირველ გარდასრულმან ეგოდენმან
Line: 32 მან და ეგე ვითარმან დიდებამან და საკუთრებამან და მახლობელობამან საღმრთოჲსა
Line: 33 დიდად-შუენიერებისამან შეუძლო მიტევებაჲ ბრალისაჲ და შენდობისა
Line: 34 მიმართ მიდრეკაჲ სასჯელისა ღმრთისაჲ, ცხად არს, ვითარმედ სიდიდისა-თჳს
Page: 63 Line: 1 პატივისა მისისა სიტყჳსა-ებრ სოლომონისსა, ვითარ იგი ხმობს ვითარმედ "უსაკუთრესი
Line: 2 მსჯავრი აღმატებულთა შორის იქმნების" და "ძლიერთაჲ ძლიერი შეეხოს
Line: 3 გამოძიებაჲ". რომლისა მიერ მასწავებს ჩუენ, ვითარმედ სათნოებითა სრულთა
Line: 4 უნაკლულოებასა მიჰჴდის ღმერთი. ხოლო სხეათა კაცთა დიდდიდთა უსჯულოებათა-თჳს
Line: 5 სულგრძელ ექმნების და წმიდათა არა ადვილად მისცემს შენდობასა.
Line: 6 ვითარმედ იგი კუალადცა იტყჳს სოლომონ ვითარმედ "უძლური ვიდრე-მე
Line: 7 მახლობელ არს წყალობისა. ხოლო ძლიერნი ძლიერადცა ისაჯნენ" ხოლო უფალი
Line: 8 იტყჳს ვითარმედ "რომელსა მცირედი მისცა, მცირედიცა მიჰჴადონ მას;
Line: 9 ხოლო რომელსა ფრიადი მიეცა, ფრიადიცა იძიონ მისგან".
Line: 10 ამის-თჳს ჟამიერად ვჰგონებ მე აქა თქუმასა. "ჵ სიღრმე სიმდიდრისა და
Line: 11 სიბრძნისა და მეცნიერებისა ღმრთისა. ვითარ გამოუძიებელ სასჯელნი მისნი და
Line: 12 გამოუკულეველ არიან გზანი მისნი", და "საშინელ არს შევრდომაჲ ჴელთა ღმრთისა
Line: 13 ცხოველისათა" და "საშინელ პირი უფლისაჲ მოქმედთა ზედა ბოროტთასა".
Line: 14 რამეთუ "სიმრავლისა-ებრ წყალობისა მისისა მრავალ არს მხილებაჲცა მისი", და
Line: 15 "რამეთუ წყალობაჲ და რისხვაჲ მის მიერ არს, და ცოდვილთა ზედა დააცხრობს
Line: 16 გულის-წყრომასა თჳსსა" და "ამის-თჳს არცაღა ანგელოზთა ჰრიდა შეცოდებულთა",
Line: 17 ვითარცა წერილ არს. რაჲმე უკუე ვთქუათ ჩუენ ბევრეულთა ძჳრთა მიერ
Line: 18 აღსავსეთა ამათ და ესოდენ განშორებულთა სათნოებისაგან მისისა, რაოდენ ქუეყანაჲ
Line: 19 ცისაგან, და თითოეულსა დღესა და ჟამსა განმამწარებელთა ღმრთისათა
Line: 20 სიტყუათა მიერ და საქმეთა უსჯულოებისათა. ამის-თჳს ნუცა ერთი ვინ იქადის
Line: 21 სათნოებათა ქონებასა ანუ ჰგონებს წარმმართებელობასა მათსა, ანუ უზრუნველად
Line: 22 მწოლარე არს, ვითარმცა სათნოებათა მისთა ნაყოფნი აწვე ეგერა ჴელთა ზედა
Line: 23 მოაქუნდეს ანუ უეჭუელად და უცილობელად გჳრგვინი სიმართლისანი მიაქუნდეს;
Line: 24 არამედ უფროჲსღა ფრთხილ იყავნ და მდაბალ და აღუზუავებელ ვიდრე
Line: 25 დღედმდე უკუანაჲსკნელისა აღმიოფშჳნვისა და ვითარცა არცა ერთისა მცნებათა
Line: 26 ღმრთისათა დამცველისა რაცხდინ თავსა თჳსსა, დაღაცათუ ყოველთა სათნოებათა
Line: 27 სრულებაჲ მოეგოს, დაღათუ თჳთ მას თავსა კეთილთა სრულებისასა აღწევნულ
Line: 28 იყოს, რამეთუ უკუეთუ მეგობარი იგი ღმრთისაჲ და ღმრთის-მზრახვალი და ყოვლისა
Line: 29 სიქადული უფროჲსღა და უაღრესი, "რომლისა ღირსვე არა იყო სოფელი
Line: 30 ესე" თქუმულისა მის-ებრ, "რომლისა პირის-პირ ზრახვიდა ღმერთი, ვითარცა
Line: 31 ვინ ზრახავნ მეგობარსა თჳსსა", და რომელსა ეტყოდა ვითარმედ "გიცი შენ
Line: 32 უფროჲს ყოველთა", რომელსა თჳთ პირითა თჳსითა და არა გამოცხადებათა ანუ
Line: 33 სიზმართა ანუ ანგელოზისა ანუ სიზმართა მიერ ეზრახებოდა, ვითარმედ ესოდენთა
Line: 34 წარმართებათა სიმაღლისა და ესოდენისა სიბრძნის-მოყუარებისა და სიმკჳრცხლისა
Page: 64 Line: 1 მცირედ რაჲ უდებ იქნმა არღარა მიემთხჳა შენდობასა, ვითარ ჩუენ,
Line: 2 რომელთა არცაღა თუ კუალი ეგე ვითართა მათ სათნოებათა წარგჳვლიეს არა
Line: 3 სამარადისოდ მღჳძარე ვიყვნეთ და დაუცადებელად ვსტიროდით თავთა და მონად
Line: 4 უ[ჴმ]არსა შევჰრაცხდით, ვითარცა გუასწავებს უფალი: "რაჟამს ჰყოთ ყოველი
Line: 5 ბრძანებული თქუენდა, თქუთ ვითარმედ მონანი ვართ უჴმარნი; რომელი თანა-გუედვა
Line: 6 ყოფად, ვყავთ". რომლისა კეთილად-მეცნიერი ესაია უფლისა მიმართ
Line: 7 იტყოდა: "ყოველი სიმართლე ჩუენი. ვითარცა ძონძი წიდოვნისაჲ წინაშე შენსა".
Line: 8 ეგრეთვე საღმრთოჲ მგალობელი და ღმრთისა მამაჲ დავით "ვარქუ უფალსა,
Line: 9 ხმობდა, უფალი ჩემი ხარი შენ, რამეთუ კეთილთა ჩემთაგან არა გიჴმს".
Line: 10 და რომლისა-თჳს ასწავებდა და იტყოდა: "ჰმონეთ უფალსა შიშით და უგალობდეთ
Line: 11 მას ძრწოლით, ნუ სადა განრისხნეს უფალი და წარსწყმდეთ თქუენ გზისაგან
Line: 12 მართლისა, რაჟამს აღატყდეს მყის გულის-წყრომაჲ მისი". და კუალად
Line: 13 ღმრთის-მზრახვალი პავლე განგუაკრძალებს რაჲ იტყვს. "შიშით და ძრწოლით
Line: 14 ცხორებასა თქუენსა იქმოდეთ", და "რომელი ჰგონებდეს დგომასა, ეკრძალენ, ნუ
Line: 15 უკუე დაეცეს". და ერთბამად ორსა ამას წარმოაჩენს სიტყჳათა ამით, რათა არა
Line: 16 ესვიდეს ღირსებასა თჳსსა, დაღათუ ფრიად მართალ და წმიდა იყოს, არცა
Line: 17 უდებ ჰყოფდე მარადის მღჳძარედ-დგომასა და დამდაბლებასა, არამედ მოღუაწე
Line: 18 იყოს ყოვლისავე, ვიდრე დუმილადმდეცა, ვინაჲთგან უნდოთა სიტყუათა
Line: 19 და მოგონებათა-თჳსცა სიტყუაჲ მიგუეჴადების და სიტყუათა ჩუენთაგან განვმართლდებით
Line: 20 და დავისაჯებით, ვითარცა ცხად ჰყოფს იგავი მეზუერისა
Line: 21 და ფარისეველისაჲ, ვითარ თითოეული მათი დაფარულისა გულის-ზრახვისა და
Line: 22 თჳსაგან ქმნილისა მოგონებისა მიერ რომელიმე დაისაჯა, ხოლო რომელიმე
Line: 23 უფროჲს განმართლდა. ხოლო, ვითარმედ გულის-სიტყუათა და ბოროტთა მოგონებათა
Line: 24 სჯის უფალი, ისმინეთ, რასა იტყჳს ღმერთი ესაიას მიერ: "მე საქმეთა
Line: 25 და გულის-სიტყუათა მათთა მოვალ შეკრებად", და დავითის მიერ: "რაჲსა-თჳსმე
Line: 26 განარისხა უღმრთომან ღმერთი? რამეთუ თქუა გულსა შინა თჳსსა: არა გამოიძიონ",
Line: 27 რამეთუ ცხად არს, ვითარმედ ცოდვანი მისნი. ვინცა უეჭუელად თქუა
Line: 28 სადმე ჟამიერად მისსა მიმართ: "გამხილო და წარმოვადგინნე პირის-პირ შენსა
Line: 29 ცოდვანი შენნი".
Line: 30 ამათდა გულის-ხმის-ყოფად მოვიდეთ, ჵ საყუარელნო, და ბრძოლა მოვიგოთ
Line: 31 ნებისა მიმართ და აღსასრულისა ჩუენისა-თჳს გულს-მოდგინებით ვიღუაწოთ,
Line: 32 და ნუ დავაცადებთ საღმრთოჲსა მას და მარადის ჴსენებულისა კაცისა საქმეთა
Line: 33 გულის-ხმის-ყოფით განცდასა და მოჴსენებასა. და რამეთუ დიდი ბასილიცა
Line: 34 უფროჲსად განკჳრვებული საქმისა ამის-თჳს ესრეთ იტყჳს: "რაჟამს ვიხილო მოსე
Line: 35 დიდი იგი მსახური ღმრთისაჲ ესოდენისა და ესე ვითარისა პატივისა ღირსქმნილი
Page: 65 Line: 1 ღმრთისაგან და ესრეთ მრავალგზის წამებული მის მიერ, ვითარცა გუესმის.
Line: 2 "გიცი შენ უფროჲს ყოველსა, და ჰპოვე მადლი წინაშე ჩემსა", ესე რაჟამს ვიხილო
Line: 3 წყალსა ზედა ცილობისასა, არა რას სხჳსა-თჳს, არამედ ჰრქუა ერსა მდრტჳნავსა
Line: 4 ურწყულობისა-თჳს ვითარმედ "ნუ უკუე კლდისა ამისგან გამოგიცენოა
Line: 5 თქუენ წყალი?" მხოლოდ ამის-თჳს ოდენ მეყსეულად შემწყნარებელი საშინელებით
Line: 6 ქადებასა ქუეყანად აღთქუმისა არა შესლვისასა, რომელი ესე თავი იყო მაშინ
Line: 7 ჰურიათა და აღთქუმულთა კეთილთაჲ. რაჟამს უკუე ვიხილო ესე მვედრებელად
Line: 8 და არშენდობილად, რაჟამს ვიხილო არცა ერთისა მიტევებისა ესოდენთა
Line: 9 წარმატებათა ზედა მცირისა მის სიტყჳსა-თჳს ღირსქმნულად, უეჭუელად განვიცდი
Line: 10 საშინელებასა ღმრთისასა საღმრთოჲსა-ებრ მოციქულისა, უეჭუელად ვირწმუნებ
Line: 11 ჭეშმარიტყოფასა მის სიტყჳსასა ვითარმედ "უკუეთუ მართალი ძნიად
Line: 12 ცხონდეს, ცოდვილი და უღმრთოჲ სადაღა გამოჩნდენ?" რომლისა-თჳს დიდი ისიდორეცა
Line: 13 იტყჳს ვისსამე მიმართ ესრეთ: "არქუ შენდა მომართ სიტყჳს-მგებელსა
Line: 14 ჰურიასა და არა რაჲს მჴნისა. არცა განჭაბუკებულისა მეტყუელსა, არამედ ჩუკენთა
Line: 15 რათმე და საეჭუელთა წმასნათა ძაღლებრ მთხეველსა და მხმობელსა": ისო ნავესისა-თჳს
Line: 16 თქუმულ არსო: "თუ წინაჲსწარმეტყუელი აღგიდგინოს თქუენ ღმერთმან
Line: 17 ძმათაგან თქუენთა. ვითარცა მე", ვითარმედ ფრიად სცოდავ ვერ კეთილად-განმგონებელი,
Line: 18 არცა პირველთა სიტყუათაჲ, არცა უკუანაჲსკნელთაჲ, რამეთუ
Line: 19 იტყჳს: მისი ისმინოთო ყოველთა-ებრ, რომელთაცა გამცნებდეს თქუენ და
Line: 20 იყოს, ყოველმან სულმან, რომელმან არა ისმინოს მის წინაჲსწარმეტყუელისა,
Line: 21 მოისპოს ერისაგან ჩემისა. პირველად უკუეჱ რამეთუ შემდგომად ჴელთ-დასხმისა
Line: 22 მისისა წინაჲსწარმეტყუელ იქმნა ამათდა მოსე საღმრთოჲსა სულისა-მიერითა
Line: 23 აღძრვითა. ხოლო მეორედ, ვითარმედ უაღრეს მოსჱსსა იქმნა პატივითა ძე ნავესი,
Line: 24 და საჯეროდ უკუე ჩანს რეცა სიტყუაჲ ესე, არამედ ჭეშმარიტებად არა; ხოლო
Line: 25 უკუეთუ ფრიად უდარეს იყო მისსა, სიჩქურ არს მოგონებაჲ ეგე. და მესამედ,
Line: 26 ვითარმედ არა რაჲ შესძინა სჯულსა, არამედ წესთა-ებრ მისთა მოქალაქობდა.
Line: 27 მეოთხედ უჴმდა, უკუეთუმცა მის-თჳს ყოფილიყო სიტყუაჲ, თქუმაჲ არა ამისი:
Line: 28 "თუ აღგიდგინოს", არამედ ვითარმედ "აღგიდგინა". მეხუთედ ესრეთ ჯერ იყო
Line: 29 თქუმად: "ხოლო არს, ყოველმან სულმან, რომელმან არა ისმინოს ამის წინაჲსწარმეტყუელისაჲ";
Line: 30 გარნა თქუა რაჲ თუ მის წინაჲსწარმყტყუელისაჲ, უეჭუელად
Line: 31 დაადუმა ამისი. და მეექუსედ, ვითარ იოანეს მიმართ შემდგომად მრავალთა ნათესავთაჲსა
Line: 32 შობილისა მიავლინეს და ჰკითხეს, უკუეთუ შენ ხარო წინაჲსწარმეტყუელი
Line: 33 იგი. რომელთა მიმართ მან თქუა: "არა ვარ", რამეთუ წინაჲსწარმეტყუელი
Line: 34 ვიდრე-მე იყო, ხოლო წინაჲსწარმეტყუელი იგი არა იყო. ხოლო მეშჳდედ,
Line: 35 ვითარ საკჳრველებათა ქრისტჱსთა მხილველნი მოსლვასა მას მისსა იტყოდეს:
Line: 36 "ჭეშმარიტად ესე არს წინაჲსწარმეტყუელი იგი". იხილედ უკუე ცთომილებაჲ
Page: 66 Line: 1 თჳსი და ჭეშმარიტად წინამცნობელად და მეუფედ და დამბადებელად
Line: 2 ყოვლისა აღიარედ და თაყუანის-ეცინ მას.
Line: 4 ხოლო შემდგომად მოსჱსსა მონაცვალე მთავრობისა მის იქმნა ისო ნავესი
Line: 5 და წიაღმოჴდა იორდანესა და დაიპყრა ქუეყანაჲ აღთქუმისაჲ ოც და ათორმეტ
Line: 6 წელ. ჰბრძოდა უცხოთესლთა და განუწილა ქუეყანაჲ მათი ძეთა ისრაჱლისათა
Line: 7 და მოკუდა ცხორებული ას და ათ წელ. და მოსე უკუე დაამჴუა სიონ მეფე
Line: 8 აღმორეველთაჲ, და ოგ, მეფე ბასანისაჲ, რომელი დაშთომილ იყო გმირთაგან
Line: 9 დამკჳდრებული რაფაინს შინა ასტაროთისასა, ტომისაგანი რაფაინისი, რომლისა
Line: 10 ცხედარი რკინისაჲ სიგრძით იყო ცხრა წყრთა და სივრცით ოთხ წყრთა, და მოუღო ყოველი
Line: 11 ქუეყანაჲ მისი. ხოლო ისო ჴელთ-მსხმელმან ქანანელთამან და ფერეზელთამან
Line: 12 და გერგესეველთამან და ქეტელთამან და იეუსელთამან და ამორეველთამან და ეველთამან და
Line: 13 ყოველთა მეფეთა მათთა რიცხჳთ ოცდაათორმეტთამან ყოველი ქუეყანაჲ მათი მისცა,
Line: 14 ვითარცა ითქუა, ძეთა ისრაჱლისათა. "რამეთუ სივლტოლვასა მათსა, თქუმულ არს,
Line: 15 პირისაგან ძეთა ისრაჱლისათაჲსა უფალმანცა აწჳმა მათ ზედა სეტყუაი ქვისაჲ
Line: 16 ზეცით, და უმრავლეს იყვნეს ქვათა მიერ მოწყუედილნი, ვიდრეღა რომელნი
Line: 17 იგი მოსრნეს ძეთა ისრაჱლისათა მახჳლითა" მჴედართ-მთავრობითა ისო ნავეანისაჲთა.
Line: 18 ვინაჲცა დიდად და ნიშებმოქმედად და ყოვლად ღმრთის-მოყუარედ
Line: 19 გამოჩნდა ესეცა, ხოლო არავე უნაწილოდ თითოსახეთა მწუხარებათა და განსაცდელთაჲსა
Line: 20 დაშთა. რომლისა-თჳს იტყჳს ღმრთის-მზრახვალი ოქროპირი: გულის-ხმა
Line: 21 ყავო რაბამობაჲ მართლისა კაცისაჲ. რამეთუ თქუა ისო ნავესმან: "დადეგინ
Line: 22 მზე გაბაონსა ზედა და მთოვარე ჴევსა ელომისასა. და იქმნა ეგრეთ. და
Line: 23 დადგა მზე შორის ცისა ვიდრე განსრულებამდე დღისა ერთისა და არა იყო
Line: 24 დღე ესე ვითარი პირველ და არცა უკუანაჲს, რამეთუ თანა-მბრძოლ იყო ღმერთი
Line: 25 ისრაჱლთა". ესე მოსჱსსა მას უფროჲსად შერაცხილ არს, ვინაჲთგან არა
Line: 26 სწორ არს ზღჳსა და ცისა მნათობთა დამორჩილებაჲ, რამეთუ დიდ სადმე არს
Line: 27 იგი და ფრიადცა განსაკჳრვებელ, გარნა არავე სწორ ამისსა. და უკუეთუ აქა
Line: 28 ესე ვითართა საქმეთა ჰყოფენ წმიდანი, ვითარ არა უმეტესი აქუნდეს მუნ
Line: 29 ბრწყინვალებაჲ და კადნიერებაჲ? ესე უკუე დიდი და საკჳრველთ-მოქმედი კაცი
Line: 30 და მონაცვალე მოსჱსი თანა-მონაწილე მისსა იქმნა ყოველთავე ღუაწლთა მისთა.
Line: 31 ხოლო უკუეთე დაუშთა რაჲმე მათგანი სიჭაბუკისა-თჳს ჰასაკისა მისისა, შემდგომად
Line: 32 სიკუდილისა მოსჱსისა აღავსო ყოველივე დაკლებული. რამეთუ უმეტესთაცა
Line: 33 შრომათა მოქენე იქმნა იგი შემდგომად აღსრულებისა მისისა, რომელთასა
Line: 34 მე თანა-წარვჰჴდე თითოეულად წარმოთქუმასა, ვინაჲთგან ვრცელად მოგჳთხრობს
Page: 67
Line: 1 ჩუენ წიგნი მისი, მათ-თჳს რაოდენნი მან ქმნნა ბრძოლანი და ძლევანი და ქუეყანისა
Line: 2 მის აღთქუმისა წილხუდომანი და ერისა ისრაჱლთაჲსა თიოეულისა ტომისა
Line: 3 ნაწილსა თჳსსა ხუედრებანი და სხუანი ეგე ვითარნი წიაღვლით-ურთ იორდანისაჲთ
Line: 4 და იერიქოჲსა ზღუდეთა შჳდთა დღეთა და მღდელთა მიერ შჳდგზის
Line: 5 გარეშემოვლითა დაცემისაჲთ.
Line: 9 ხოლო შემდგომად ისოჲსა მსაჯულთა მიერ იჴსნიდა ღმერთი გარემოჲს
Line: 10 მისსა დამკჳდრებულთა მათ და დატევებულთა წარმმართთა მიერ ძჳრხილულსა
Line: 11 ერსა. რომელთა უპირატესი იუდა ვინმე სჯიდა ისრაჱლსა შჳდ წელ, რომელმან
Line: 12 ჴელთ იდვა ადონიბეზეკ, მეფე უცხოთესლთაჲ, და დაჰკუეთნა მწუერვალნი ჴელთა
Line: 13 და ფერჴთა მისთანი. ხოლო ადონიბეზეკ თქუა ესრეთ: "სამეოცდაათნი მეფენი
Line: 14 მწუერვალებსა ჴელთა და ფერჴთასა მოჭრილნი ძურებოდეს ტაბლასა ქუეშე ჩემსა.
Line: 15 რამეთუ, ვითარცა ვყავ, ეგრეთვე მომაგოცა უფალმან".
Line: 17 ხოლო შემდგომად იუდაჲსსა მსაჯულ იქმნა გოთონიელ ორმეოც და ათ
Line: 18 წელ და დასცა ხუსარათემ, მეფე ასურეთისაჲ, რომელი აჭირვებდა ერსა რვა წელ.
Line: 20 და შემდგომად გოთონიელისა სჯიდა ერსა ავოდ ორკერძოვე მარჯუენე
Line: 21 ოთხმეოც წელ და დასცა ეგლომცა, მეფე მოაბისაჲ, დანაკითა ორპირითა ძუალოანსა
Line: 22 სიგრძესა მქონებელითა, რომელი აჭირვებდა ისრაჱლსა ათრვამეტ წელ.
Line: 24 ხოლო შემდგომად აოდისსა მსაჯულ იქმნა სამაგარ შჳდ წელ, რომელმან
Line: 25 დასცა ერთსა დღესა შინა უცხოთესლთაგანი ერქუნითა საჴნველისაჲთა ათასი კაცი.
Line: 27 და შემდგომად სამაგარისა მსაჯულ იქმნა ბარაკ და მის-თანა დებორა წინაჲსწარმეტყუელი,
Line: 28 ცოლი აფიადოკისი, ორმეოც წელ, რომელმან ჰბრძო იოვაკიმს
Line: 29 და სისარას მაჭირვებელთა ისრაჱლისათა ოც წელ. ოდეს იგი იაილ, ცომან
Page: 68 Line: 1 ქაბერ კინეველისამან, მოკლა სისარა მანითა. რომლისა-ზე პრომითევს
Line: 2 და ორფევს თრაკი, უფროჲსად ბრძენნი იგი ელლენთანი, და ასკლიპიოს მკურნალი,
Line: 3 და ლჳკურღოს სპარტიატი და სჯულის-მდებელი ელლენთაჲ იცნობებოდეს.
Line: 5 ხოლო შემდგომად ბარაკისსა იქმნა მსაჯულ გედეონ ვინმე იერობოამცა
Line: 6 ორმეოც წელ, რომელმან მოსრა მადიამი სამასთა მიერ კაცთა, რომელთა წბეს
Line: 7 ენითა, და ორიბ, და ზიბ, და ზევეე, და სალმანა მთავარნი მათნი; რომელმან
Line: 8 გოდოლი ფანოელისი დააქცია და მთავარნი მათნი განლინა ცეცხლითა ეკალთა
Line: 9 შორის შჳდ წელ მაჭირვებელნი ისრაჱ̂ლისანი.
Line: 11 შემდგომად გედეონისა მსაჯულ იქმნა აბიბელექ, ძე მისი, სამ წელ, რომელმან
Line: 12 მოსრნა ძმანი თჳსნი აზნაურთაგანნი სამეოცდაათნი კაცნი ერთითა ქვითა,
Line: 13 რომელთაგან არა დაშთა სხუაჲ თჳნიერ იოათამ ხოლო უმრწემესი მათი მლტოლვარე.
Line: 14 რომელმან წარმოთქუაცა იგავი იგი წარ-რაჲ-ჰვლიდა აბიმელექ ერისა-თანა,
Line: 15 თუ ვითარ ხენი მეძიებელნი ცხებად ავისა მათისა მეფისა პირველად ზეთისხილსა
Line: 16 მოუჴდეს, და მერმე ლეღუსა, ამის შემდგომად ვენაჴსა, და რაჲ იგი
Line: 17 ჰრქუეს თითოეულსა მეფექმნისა-თჳს მათ ზედა, და თუ რაჲ სიტყუაჲ მისცა
Line: 18 თითოეულმან მათმან; და, დასასრულსა, ვითარ-იგი მასვე სიტყუასა ეტყოდეს
Line: 19 "ძეძუსა", რათა მეფე იქმნეს მათ ზედა ხოლო მან ჰრქუა. უკუეთუ ჭეშმარიტებით
Line: 20 გნებავს მეფედ ცხებაჲ ჩემი თქუენ ზედა, მოვედი შემოკერბით აჩრდილსა
Line: 21 ქუეშე ჩემსა, და უკუეთუ არა, გამოვიდეს ცეცხლი ჩემგან და შეჭამნეს ნაძუნი
Line: 22 ლიბანისანი. და აწ უკუეთუ ჭეშმარიტებით მეფე ჰყავთ აბიმელექ, ძე ხარჭისა
Line: 23 მამისა ჩემისაჲ, არა თუ გამოვიდეს ცეცხლი აბიმელექისგან და შეჭამნეს კაცნი
Line: 24 სიკიმელნი, და გამოვიდეს ცეცხლი სიკიმელთა კაცთაგან და შეჭამოს აბიმელექ".
Line: 25 და ესე რაჲ თქუა იოათამ, მყის იჴუმია სივლტოლაჲ. და შეავლინა ღმერთმან
Line: 26 სული ბოროტი შორის აბიმელექისსა და კაცთა მათ სიკიმელთა, და ორგულ
Line: 27 იქმნნეს კაცნი სიკიმელნი სახლსა აბიმელექისსა, რათა მოიწიოს უსამართლოებაჲ
Line: 28 და სისხლი ძეთა გედეონისთაჲ თავსა ზედა აბიმელექისსა. და რამეთუ აღ-რაჲ-ვიდა
Line: 29 ბრძოლად გოდლისა და მიეახლა კარსა გოდლისასა, შთამოუტევა დედაკაცმან
Line: 30 ნალეწი წისქჳლისაჲ თავსა ზედა მისსა და შემუსრა ქედი მისი. ხოლო
Page: 69 Line: 1 მან მყის ხმა ყო საჭურველის-მპყრობელისა მიმართ თჳსისა: "იჴადე მახჳლი
Line: 2 შენი და მომკალ მე. ნუ სადა თქუან, თუ დედაკაცმან მოკლა იგი". და ესრეთ
Line: 3 მოიკლა იგი ყრმისა მიერ თჳსისა. და მიაქცია ღმერთმან სიბოროტე მისი აბიმელექის
Line: 4 მიმართ, და ყოველი სიბოროტე კაცთა მათ სიკიმელთაჲ მათდა მიმართ,
Line: 5 და სიტყუაჲ და იგავი იოათამისი, ძისა იერობოამისი.
Line: 6 იტყჳს უკუჱ და მარადის-მოჴსენებული ოქროპირი, ვითარმედ მრავლისა რაჲს
Line: 7 მომასწავებელ არს სახელი იგავისაჲ. რამეთუ არს იგავი ზრახვაჲ და სახისშემოღებაჲ
Line: 8 და ყუედრებაჲ, ვითარ იგი რაჟამს იტყოდის დავით ვითარმედ
Line: 9 "დამსხენ ჩუენ იგავად წარმართთა შორის, თავის სახრელად ერთა შორის" და
Line: 10 კუალად არს იგავი მაგალითიანი სიტყუაჲ, რომელსა მრავალნი საძიებელად სახელ
Line: 11 სდებენ არა ცხადისა სიტყჳსა-ებრ საჩინოდ გულის-ხმის-საყოფელი, არამედ
Line: 12 შინაგან მქონებელი დაფარულისა ძალისაჲ, ვითარ იგი რაჟამს სამფსონ იტყოდა
Line: 13 ვითარმედ "გამოვიდა პირისა-გან ძლიერისა ტკბილი", ხოლო ითქუმის იგავად
Line: 14 მსგავსებაჲცა. "რამეთუ სხუაჲ იგავი დაუდგა მათო, თქუმულ არს, და თქუა:
Line: 15 მსგავს არს სასუფეველი ცათაჲ კაცსა, რომელმან დასთესა თესლი კეთილი აგარაკსა
Line: 16 თჳსსა". და კუალად იგავად ითქუმის სახის-მეტყუელებაჲ, ვითარ იგი არს:
Line: 17 "ძეო კაცისაო, არქუ მათ იგავი ესე: არწივი ფრთადიდი მაღლად-მფრინვალე",
Line: 18 ხოლო არწივად იტყოდა მეფესა. იგავად უკუე ითქუმის სახეცა და ხატი, ვითარ
Line: 19 იგი პავლე იტყჳს: "სარწმუნოებით შეწირა აბრაჰამ ისაკი გამოცდასა მას და
Line: 20 მხოლოდ შობილსა მას შესწირვიდა შემწყნარებელსა აღთქუმათასა", "რომლისა-თჳსცა
Line: 21 იგავით მიიყვანა იგი" ესე იგი არს სახესა შინა და ხატსა. და იგავი
Line: 22 არს სიტყუაჲ განმზავებელი გულის-ხმის-საყოფელებითა გრძნობადთა სიტყუათა
Line: 23 და წარმომადგინებელი სოფლიოთა მიერ და ხილულთა ზეშთა-სოფლისათა
Line: 24 და უხილავთა. ხოლო სხუაგვარი იგავი არს სიტყუაჲ აჩრდილოანი და მაგალითოანი
Line: 25 თქუმულისა მის-ებრ: "მივყო იგავსა ყური ჩემი", "აღვაღო საგალობელითა
Line: 26 იგავი ჩემი და ვიტყოდი იგავთა დასაბამისათა". ეგე ვითარივე იგავი არს ხედვაჲ
Line: 27 თანა-შეტყუებული ხედვისა და მეცნიერებისაჲ. მაგალითი არს სათითოეულოჲ-საგან
Line: 28 ყოვლით-ურთისა მიმართ აღსლვაჲ, ანუ გამოჩინებაჲ სარწმუნოქმნილი
Line: 29 კერძოობითისაჲ კერძოობითისა მიერ და მსგავსისა. ხოლო საკუთარი იგავი არს
Line: 30 სიტყუაჲ დაფარული, სხჳსა მიერ მოქენე განცხადებულისა შესწავებისაჲ.
Line: 31 ხოლო შემდგომად აბიმელექისსა მსაჯულ იქმნა თოლა ოც და სამ წელ. და
Line: 32 შემდგომად თოლაჲსსა მსაჯულ იქმნა იაირ ოც და ორ წელ. და შემდგომად იაირისსა
Page: 70 Line: 1 მსაჯულ იქმნა იეფთაე ექუს წელ; და დაამჴუნა ამანიტელნი და ფილისტიმელნი
Line: 2 მაჭირვებელნი ისრაჱლისანი ათრვამეტ წელ, ხოლო შემდგომად იეფთაესსა
Line: 3 მსაჯულ იქმნა აბესსა შჳდ წელ და შემდგომად აბესსაჲსა მსაჯულ იქმნა
Line: 4 ელომ ათ წელ. და შემდგომად ელომისსა მსაჯულ იქმნა ლავდონ რვა წელ
Line: 6 ხოლო შემდგომად ლავდონისსა სამფსონ ოც წელ სჯიდა ერსა. და დასცა
Line: 7 ფილისტიმი ყბითა ვირისაჲთა და კუერთხითა და ძელებითა და დაცემითა
Line: 8 სახლისაჲთა მაჭირვებელი ისრაჱლისაჲ ორმეოც წელ. რომლისა სხუანიცა მრავალნი
Line: 9 არიან საცნაურებანი ძალისანი, ვითარ იგი სიადვილით მრავალგზის განხეთქნა
Line: 10 მრავალსახენი საკრველნი და "ბჭენი ღაზელთა ქალაქისანი წყირთლებით-ურთ
Line: 11 და ქუდზღურბლით-ურთა თანა კოშკთა მათთა აღფხურნა, და აღხუნა ბეჭთა
Line: 12 ზედა თჳსთა და დასხნა თხემსა ზედა მთისასა, რომელ არს პირის-პირ ქალაქისა
Line: 13 მისა რომლისა-ზე ირაკლიცა ელლინთა შორის სახელგანთქუმული იცნობებოდა.
Line: 14 კეთილად უკუე ასწავებს წინაჲსწარმეტყუელი და ამცნებს მეტყუელი:
Line: 15 "არა მინდობად მეგობართა". ვითარმედ თანა-ცხედრეულისა შენისაგან დაფარეო
Line: 16 თხრობად რაჲმე მისდა საიდუმლოჲ. რამეთუ, კითხულ იქმნა რჲ პირველისაგან
Line: 17 მეუღლისა თჳსისა მართალი ესე და მიუთხრა მას იგავი იგი, მწუხარებისა დიდისა
Line: 18 მიზეზ ექმნა მას. ეგრე მეორემანცა დალიდა სიტყჳთა საცთურისაჲთა შეაცთუნა
Line: 19 რაჲ მართალი, მოსაცხრომელ ყო იგი მტერთა მისთა, და აღთქუმისა
Line: 20 მიერ მუცლად-ღებული იგი და ისრაჱლისა მსაჯულად ოც წელ გამოჩინებული
Line: 21 და ძალითა ნებთა თჳსთაჲთა დამჴდელი ყბათა ლომისათაჲ და ერთითა ყბითა
Line: 22 ვირისაჲთა მომსრველი ათასისა მამაკაცისა და ყბისაგანვე მსუმელი წყლისაჲ და
Line: 23 უზომოებითა ძალისაჲთა მომფხურელ ბჭეთა დიდისა ქალაქისათა, ვითარცა ითქუა,
Line: 24 და რათა შემოკლებულად ვთქუა საშოჲთგანვე დედისაჲთ წმიდაქმნილი და ნაზარევლად
Line: 25 წოდებული და სულითა წმიდითა აღვსებული იგი, ჵ მე, მონადირებულ
Line: 26 იქმნა რაჲ დედაკაცისა მიერ არა ხოლო სიმდიდრე საღმრთოჲსა მაღლისაჲ
Line: 27 და სიმჴნე ეგოდენისა ძლიერებისაჲ წარწყმიდა, არამედ თუალნიცა აღმოეჴადნეს
Line: 28 და სამღერელ ყრმების, უცხოთესლთაჲსა ქმნილმან მათსა-თანა თჳსიცა საწყალობელად
Line: 29 უჩინო ყო ცხორებაჲ და მტერთა ვიდრე-მე საბასრობელად, ხოლო მოყუარეთა
Line: 30 საგოდებელად გამოაჩინა თავი თჳსი.
Line: 31 ხოლო შემდგომად სამფსონისსა იქმნა უმთავრობაჲ ორმეოც წელ, და კაცად-კაცადი
Line: 32 იქმოდა, რაჲცა რაჲ თჳთ ენება ძჳრი, ვინაჲცა წერილი მიზეზსა უსჯულოებისასა
Page: 71 Line: 1 წარმომაჩინებელი იტყჳს: "მათ დღეთა შინა არა იყო მეფე ისრაჱლსა
Line: 2 შორის, არამედ თითოეული სათნოსა თუალთა თჳსთასა ჰყოფდა". ესოდენთა ბოროტთა
Line: 3 მიზეზ არს უმთავრობაჲ. და რამეთუ ურთი-ერთას მბრძოლქმნილნი
Line: 4 ურთი-ერთასცა მსრველ იქმნებოდეს, და უფროჲსღა რაჟამს იგი ხარჭსა-თანა მის
Line: 5 მოგზაურისასა მეძავ იქმნნეს ტომნი ბენიამენისნი და გარდარეულებითა უძღებებისაჲთა
Line: 6 მოკლეს იგი, ათერთმეტნი ტომნი ტომსა ერთსა ებრძოლნეს.
Line: 7 არამედ ვინაჲთგან იგინი კერპთა მიმართ მეძავქმნილ იყვნეს, ერთისა ტომისა
Line: 8 მიერ იხლინეს ათერთმეტნი ტომნი ერთგზისცა და ორგზის. ამისა შემდგომად
Line: 9 მძლე ექმნნეს მას და სრულებით მოსპოლეს იგი, ვითარცა მოგჳთხრობს წიგნი
Line: 10 მსაჯულთაჲ და შემსგავსებული უსჯულოებისა მათისა მიეჴადა პატივი, და მიზეზისა
Line: 11 მიერ მომხდელნი ჟამსა საღმრთოჲსა სასჯელისასა ჯეროვნად განისწავლნეს
Line: 12 მთავრისა მისისა მიერ, ვითარ იგი თჳთ იტყჳს: "რაჟამს მივიღო ჟამი, მე
Line: 13 სიწრფოებაჲ ვსაჯო". ხოლო ჟამად იტყჳს სიმრავლისაგან ცოდვათასა შეკრებულსა
Line: 14 და აღრიცხულსა ღმრთისა მიერ და მოწოდებულსა ჟამსა შურის-ძიებისა და მიგებისასა,
Line: 15 ვითარცა წერილ არს გალობასა შინა მოსჱსსა: "არა აჰა ესე ყოველი
Line: 16 შეკრებულ არსა ჩემ მიერ და დაბეჭდილ საუნჯეთა შინა ჩემთა? და დღესა შურის-ძიებისასა
Line: 17 მივაგო, ჟამსა რომელსა შეუცთეს ფერჴი მათი, რამეთუ ახლოს
Line: 18 არს დღე წარწყმედისა მათისაჲ". ესრეთვე სახედ, რაჟამს დადგა მოსე სრვასა
Line: 19 მას მვედრებელად, რათა მოსრას უგულის-ხმოჲ და ცოდვის-მოყუარე ერი, მაშინ
Line: 20 უკუე მოწყალექმნილმან ჰრქუა მას: "ვიდოდე აწ, ესე იგი არს ჟამად უკუე ვედრებისა-თჳს
Line: 21 შენისა ვიდოდე, და უძღოდე ერსა მას". ხოლო რომელსაცა დღესა
Line: 22 მოვიხილო, მოვჰჴადო მათ ზედა ცოდვაჲ მათი" რომელი ესე ყოცა, რამეთუ
Line: 23 იტყჳს წერილი ვითარმედ "გუემა უფალმან ერი იგი ჴბოჲს-მოქმედებისა მისთჳს".
Line: 24 ვინაჲცა ნამდჳლვე უღონო არს და განულტოლველ განრომაჲ სასჯელისა-გან
Line: 25 ღმრთისა. დაღათუ არა ჴელის-ჴელ შეამთხუევს ამას ცოდვის-მოქმედთა, რამეთუ
Line: 26 სულგრძელებს, ვითარცა სახიერი და კაცთ-მოყუარე და მომლოდე შენანებისაჲ,
Line: 27 ანუ თუ უძჳრესისა მიერ წარმატებისა და განვრდომისა, ვითარცა მცირეთა
Line: 28 სიტყუათა მიერ განცხადებულად საცნაურ ქმნილ არს.
Line: 29 იტყჳს სადმე ესრეთ ყოვლად-ბრძენიცა კჳრილე ვითარმედ "აღრიცხჳან ყოვლისა
Line: 30 ქუეყანისა კაცთა ჟამად-ჟამადნი ცოდვანი, რომელნიცა აღწერნენ რაჲ ვიდრე
Line: 31 რომლისამე რაოდენობისამდე, მაშინ მოაწევს პატიჟთა გარდამავალთა ზედა
Line: 32 სჯულისათა სჯულის-მდებელი და უფალი. რამეთუ ჰგებს მუნამდე ბუნებითისა
Line: 33 კაცთ-მოყუარებისა, არს ოდესმე რომელი იტჳრთავსცა სიბოროტესაცა ცოდვის-მოქმედთასა
Line: 34 არა სრულებით მოწყინექმნილი, და რამეთუ თქუა აბრაჰამის მიმართ
Line: 35 ვითარმედ "არღარა აღსრულებულ არიან ცოდვანი აღმორეველთანი აქამომდე".
Page: 72 Line: 1 ხოლო ფარისეველთა გარდარეულად შემაწუხებელთა მიმართ იტყოდა: "და თქუენცა
Line: 2 აღავსეთ საწყაული მამათა თქუენთაჲ". ხოლო რაჟამს იხილოს ღმერთმან
Line: 3 კაცი უკუანაჲსკნელთა ბოროტთა შთავრდომილად და მიდრეკილად, აღიღებს მისგან
Line: 4 მადლსსა თჳსსა. რომლითა უმეტეს განფიცხნების კაცი იგი, ვითარცა ეშმაკისა
Line: 5 მიერ განლიგებული და არამქონებელი ღმრთისა თავსა შორის თჳსსა
Line: 6 თანა-მზრახველად, და უძჳრეს იქმნების ბოროტთა მიერ, და ეწევის მას რისხვაჲ.
Line: 7 და ესრეთ განჩინებაჲ რაჲ თუალუხუავისა და საღმრთოჲსა სასჯელისაჲ
Line: 8 განცხადებულად და სასტიკებით იხილვოს მას ზედა, "იხილონ წრფელთა და
Line: 9 იხარებდენ, და ყოველმან უსჯულოებამან დაიყოს პირი თჳსი". და ფრიადცა სამართლად:
Line: 10 "რამეთუ გულარძნილთა მიმართ გულარძნილთა გზათა მიავლენს ღმერთი";
Line: 11 და "არა უსამართლოდ დაერწყუმიან მფრინველთა მახენი", "რამეთუ ფერჴნი
Line: 12 მათნი სიბოროტისა მიმართ რბიან და მოსწრაფე არიან დათხევად სისხლისა".
Line: 13 რომლისა-თჳს იტყჳს მოციქული: "ანუ უმეცარ ხარ, ვითარმედ სიტკბოებაჲ
Line: 14 ღმრთისაჲ სინანულად მოგიყვანებს შენ? ხოლო სიფიცხისა-ებრ შენისა და შეუნანებელისა
Line: 15 გულისა იუნჯებ თავისა თჳსისა რისხვასა დღესა რისხვისა და მართლ-მსაჯულობისა
Line: 16 ღმრთისასა". "და რამეთუ ყოველნი საქმენი ღმრთისანი სიმართლით არიან", ვითარცა
Line: 17 წერილ არს. ხოლო იმარხვის უღმრთოჲ დღისა-თჳს ბოროტისა. ვინაჲცა მცოდველნი
Line: 18 და განმამწარებელნი წარმართებულ რაჲ იყვნენ მრავალგზის სულგრძელებითა
Line: 19 ღმრთისაჲთა და არა რაჲ შესაწუხებელი შეემთხუეოდის, არამედ უხუებასა
Line: 20 და ბედნიერებასა და დღეკეთილობასა და სიმრთელესა და შუებასა შინა იყვნენ
Line: 21 სამარადისოსა, ესრეთ იტყჳს უგუნურებით, ვითარმედ სთნავს და უხარის
Line: 22 ღმერთსა. და ამის-თჳს უფროჲსღა "განვამრავლნეთ ბოროტნი, რათა უმეტეს
Line: 23 მომიჴდენ კეთილნი. რათა სასჯელი მზა არს" და რომელთა-თჳს ხმობს დავით:
Line: 24 "შრომასა კაცთა-თანა არა არიან და კაცთა-ებრ არა იტანჯნენ, და ამის-თჳს შეიპყრნა
Line: 25 იგინი ამპარტავანებამან სრულიად, და შეიმოსეს უღმრთოებაჲ და სიცრუჱ.
Line: 26 და განიზრახეს და თქუეს უკეთურებაჲ და სიცრუესა სიმაღლედ ზრახვიდეს.
Line: 27 დადვეს ცათა შინა პირი მათი, და ენა მათი ეთრია ქუეყანასა ზედა, და თქუეს
Line: 28 ვითარმედ-მე აგრძნა ღმერთმან? ანუ არს მეცნიერებაჲ მაღლისა-თანა?" რომელთა
Line: 29 მზაკუვარებათა მათთა-თჳს დადვა ღმერთმან ბოროტი და დაამჴუნა იგინი ამაღლებასა
Line: 30 შინა. და იქმნნეს მოსაოჴრებელ მყის შინა. და წარწყმდეს უსჯულოებათა
Line: 31 მათთა-თჳს. ამის-თჳს "არქუთ უსჯულოთა: ნუ უსჯულოებთ, და, მცოდველნო,
Line: 32 ნუ აღიმაღლებთ რქასა და ნუ იტყჳთ ღმრთისა-თჳს სიცრუესა, რამეთუ
Line: 33 ღმერთი მსაჯულ არს". და "ნუ ეშურები წარმართებულსა გზასა შინა მისსა კაცსა
Page: 73 Line: 1 მოქმედსა უსჯულოებისასა", "რამეთუ, ვითარცა თივაჲ, მსთუად განჴმეს და, ვითარცა
Line: 2 მხალი მწუანვილისა, ადრე დამოცჳვეს". "რამეთუ მართალ არს უფალი და
Line: 3 სიმართლენი შეიყუარნა". გჳღირს უკუე ჩუენ, უკუეთუ ნამდჳლვე ერთგულნი და
Line: 4 საკუთარნი მონანი ვართ მწოდებელისა ჩუენისა მეუფისანი, რათა არა სასუფეველისა
Line: 5 მოლოდებითა, არცა სხუათა რათმე აღთქუმულთა კეთილთა სასოებითა ვიქმოდით
Line: 6 სათნოებათა, არამედ თჳთ მის მეფისა ჩუენისა ღმრთისა-თჳს ყოველსავე
Line: 7 დავითმენდეთ. გარნა არიან მრავალნი განვრდომილნი და ორგულნი, რომელნი
Line: 8 არცაღა სასყიდლისა-თჳს მოუჴდებიან სათნოებასა. და ღმრთისაგან ვიდრე-მე
Line: 9 სასუფეველისა აღმთქუმელობაჲ არა ესმის, ხოლო ეშმაკისგან გეჰენიისა მომატყუებელობაჲ
Line: 10 საყუარელ უჩნს. და რაჲმცა ბორგნეულობისა ამის უძჳრეს და
Line: 11 უუბადრუკეს იყო? და რად ვიტყჳ გეჰენიას? რამეთუ პირველ გეჰენიისაცა ტკივილნი
Line: 12 ჰქონან აქა და სირცხჳლნი და საცინელქმნანი და ბევრეულთა სიკუდილთა
Line: 13 და ტანჯვათა შემთხუევანი. გარნა ეგრეთცა მრავალ არიან მორჩილნი და მიმდგომნი
Line: 14 ეშმაკისა სიბოროტეთანი.
Line: 16 ხოლო შემდგომად მსაჯულთასა სჯიდა ერსა მღდელთ-მთავარი ელი ოც
Line: 17 წელ. გარნა უკეთურებისა-თჳს და უწესოებისა ძეთა მისთა, ოფნი და ფინეზისსა,
Line: 18 კუალად მოიწია საღმრთოჲ საშჯელი. რამეთუ იგინი სადმე ბრძოლასა შინა
Line: 19 საწყალობელად მოისრნეს, ხოლო ესე საღმრთოჲსა მსმენელ იქმნა ხმისა, მისსა
Line: 20 მიმართ ესრეთ მეტყუელისა: "ვთქუ: სახლისა შენისა სლვაჲ წინაშე ჩემსა ვიდრე
Line: 21 უკუნისამდე. ხოლო აწ არა ესრეთ, არამედ მადიდებელნი ჩემნი ვადიდნე, და შეურაცხის-მყოფელნი
Line: 22 ჩემნი შეურაცხ იქმნენ; და მოვსპო თესლი შენი საკურთხეველისაგან
Line: 23 ჩემისა". და კუალად: "აჰა მე შური ვიძიო სახლისაგან ელისსა უკუნისამდე
Line: 24 უსამართლოებისა-თჳს ძეთა მისთაჲსა, რამეთუ ძჳრის-მეტყუელ იყვნეს
Line: 25 ღმრთისა ძენი მისნი". ამათი პირველვე მსმენელი და მოწყუედისა ძეთა მისთაჲსა
Line: 26 წარღებით-ურთ კიდობნისაჲთ მხილველი დაეცა საინაჴისაგან პირუკუნქცევით
Line: 27 და შეიმუსრა ზურგი თჳსი და მოკუდა ოთხმეოცდაათისა წლისაჲ.
Line: 29 ხოლო შემდგომად ელისა შჯიდა ერსა სამოელ მღდელი და წინაჲსწასმეტყუელი
Line: 30 ოც და ათ წელ და ძენი მისნი, იოილ და აბია, რომელნი არა ვიდოდეს
Line: 31 გზისა-ებრ და სათნოებისა მისისა, არამედ წინა-უკმო სიმართლისა, შეკრბა უკუე
Line: 32 მისსა ერი არმათიმს და ეძიებდეს მეფესა ჩუეულებისა-ებრ წარმართთაჲსა. ხოლო
Page: 74 Line: 1 იგი შეწუხნა ფრიად, რომლისა მიმართ თქუა ღმერთმან: "ისმინე ხმაჲ ერისაჲ,
Line: 2 რამეთუ არა შენ შეურაცხ გყვეს, არამედ მე მეფეყოფად მათ ზედა". და
Line: 3 მისცა მათ საულ, ძე კისისი, ტომისაგან ბენიამენისსა, და სცხო მეფედ მათდა.
Line: 4 რომელი იყო კაცი სახიერი და კეთილი, დიდი ჰასაკითა მჴართაჲთგან ზედაჲთ
Line: 5 და უზეუმაღლეს ყოვლისა ქუეყანისა, კაცთაჲ. და იგი იქმნა დასაბამ მეფობისა
Line: 6 ისრაჱლთაჲსა.
Line: 9 ხოლო შემდგომად სამოელისსა მეფე იქმნა საულ ორმეოც წელ. რომელმან
Line: 10 იკადრა რაჲ პირველად უკუე კუმევაჲ ღმრთისაჲ და მერმე გარდაჰჴდა მცნებასა ღმრთისასა
Line: 11 ამალეკთა ზედა და აცხოვნა აგაგ მეფე მათი, ესმა წინაჲსწარმეტყუელისა-გან:
Line: 12 "ამაო იქმენ შენ, რამეთუ არა დაიმარხე მცნებაჲ ჩემი, რომელი გამცნო შენ
Line: 13 უფალმან, დამტკიცებულმცა იყო მეფობაჲ შენი უკუნისამდე ისრაჱლსა ზედა.
Line: 14 და აწ არა დამტკიცნეს მეფობაჲ შენი, არამედ იძიოს უფალმან კაცი გულისაებრი
Line: 15 მისისაჲ მთავრად ერისა თჳსისა.
Line: 17 და ამისსა შემდგომად სცხო დავითს სამოელ სიტყჳთა უფლისაჲთა და მერმე
Line: 18 დაბერდა და მოკუდა. ხოლო საულ შესძნა მერმეცა უმეტეს განრისხებად
Line: 19 უფლისა. რომლისა-თჳსცა სული უფლისაჲ განეშორა მისგან და აშთობდა მას
Line: 20 სული ბოროტი და რომლისა-თჳს დავით მიყვანებულ იქმნა მისსა ნუგეშინის-მცემელად
Line: 21 სენისა მის "და იყო, იტყჳს, მოუვიდის რაჲ საულს სული იგი ბოროტი,
Line: 22 მიიღის დავით ქნარი და გალობდის, და განეშორის მისგან სული ბოროტი".
Line: 23 არამედ დაამჴუაცა უცხოთესლი იგი გოლიათ, რომელი იყო ჰასაკითა
Line: 24 ოთხ წყრთა და მტკაველ სიგრძით და მოკლა იგი, და აღიღო ყუედრებაჲ მისი
Line: 25 ბანაკისაგან ღმრთისა. და ამის-თჳს სიძე ექმნა საულს და იშურა მის მიერ
Line: 26 მიზეზითა მძნობართა მათ მაქებელთაჲთა, და ივლტოდა პირისაგან მისისა, რაჟამს
Line: 27 იგი პურნიცა წინადადებისანი მიიხუნა და შეჭამნა ჴელისაგან მღდელთ-მთავრისა
Line: 28 აქიმელექისსა, რომლისა-თჳს განრისხებულმან საულ მოკლა აქიმელექ ჴელითა
Line: 29 დოიკ ასურისაჲთა და ყოველნი მის-თანა მღდელნი უფლისანი, კაცნი სამას
Line: 30 ორმეოცდაათნი. არა ხოლო ესე, არამედ ყოველი ქალაქი მღდელთა ნომანი
Line: 31 დასცა პირითა მახჳლისაჲთა, მამათაჲთგან ვიდრე დედათამდე და მწოართა ჩჩჳლთა
Page: 75 Line: 1 და ზუარაკთა და კაჰრაულთა და ცხოვართა; და არა დაშთა მათგანი არცა
Line: 2 ერთი თჳსიერ აბითარ ხოლო, ძე აქიმელექისა, რომელი მივლტოლვილ იქმნა
Line: 3 დავითის მიმართ. და ესე საულის მძჳნვარე მესისხლეობაჲ უძჳრეს იქმნა სხუათა ყოველთა
Line: 4 ცოდვათა მისთა რამეთუ ბრძანებულ იქმნა რაჲ ღმრთისა მიერ აღსპოლვად
Line: 5 ამალეკისა, არა აგაგ ხოლო განარინა, არამედ რაოდენიცა სთნდა მას მათგანი მოსაგებელად;
Line: 6 ხოლო გულის-წყრომამან რაჲ აღაბორგა, არა მღდელნი ოდენ მოსწყჳდნა,
Line: 7 არამედ ქალაქი კაცებით-ურთ განხრწნა. და დევნა უყო დავითსცა და
Line: 8 ერთგზის და ორგზისცა შთავარდა ჴელთა მის ნეტარისათა, რომელმან არა რაჲ
Line: 9 ბოროტი მიაგო ბოროტისა წილ მისისა, არამედ თქუა ყოვლად-მშჳდმან დავით
Line: 10 ყოვლად-მოძულისა საულის მიმართ: "რაჲსა თჳს ეძიებ. ჵ მეფე, მიღებასა სულისა
Line: 11 ჩუენისასა? საჯენ უფალმან შორის ჩემსა და შენსა და მისჯენ მე ჴელთაგან
Line: 12 შენთა. ხოლო ჴელი ჩემი არა არს შენ ზედა, ვითარცა ითქუმის ძუელსა შინა
Line: 13 იგავსა, ვითარმედ უსჯულოჲსაგან გამოვალს ცოდვაჲ". "და სახლი ვიდრემე
Line: 14 დავითისი ვიდოდა და განძლიერდებოდა ხოლო სახლი საულისი ვიდოდა და
Line: 15 მოუძლურდებოდა". ამისა შემდგომად აღმჴედრდეს უცხოთესლთა საულის ზედა;
Line: 16 ხოლო იგი მუცლის-მეზღაპრისა მიმართ მის, რომელი განჩინებისა მიმღებელი
Line: 17 გულს-მოდგინებით, მოუჴდა ბრძოლასა და ისრით განგუმერილმან "თქუა მესაჭურველისა
Line: 18 მიმართ თჳსისა. იჴად მახჳლი შენი და მიწერტე მე, ნუ სადა იმღერდენ
Line: 19 ჩემ ზედა წინადაუცუეთელნი ესე". ხოლო მას ვინაჲთგან ეშინოდა და არა
Line: 20 ერჩდა, მოიღო საულ მახჳლი თჳსი და დასცა მას ზედა, რომელსა ზედა მესაჭურველეცა
Line: 21 მისი. და დასცა რაჲ მას ზედა, მოიკლა იგიცა მახჳლისა მიერ მისისა.
Line: 22 და ესრეთ მოკუდა საულ ცოდვათა შინა მისთა. რომელნი ცოდნა წინაშე
Line: 23 უფლისა, რამეთუ არა დაიცვა სიყტყუაჲ უფლისაჲ და რამეთუ ჰკითხა მუცლით-მეზღაპრეთა
Line: 24 და არა ჰკითხა უფალსა, და აღებულ იქმნა მეფობაჲ ნათესავისაგან
Line: 25 მისისა და მიიცვალა ნათესავსა ზედა დავითისასა. აწ უკუე რაჲ მოუყიდა საულის
Line: 26 სიდიდემან და სიმაღლემან ჰასაკისა ჴორციელისამან? ანუ რაჲ ავნო დავითს
Line: 27 სიმცრომან და უნდოებამან სახისა გარეშისამან? რამეთუ ერთი იგი, ვითარცა
Line: 28 მუხაჲ რაჲმე, რტო ნაყოფსა სიმწარისასა საზრდელსა ღორთასა მომღებელ იყო;
Line: 29 ხოლო მეორე იგი, ვითარცა ვენაჴი კეთილად განსხლული და ნაყოფიერი, თითოსახეთა
Line: 30 სათნოებათა ღჳნოსა მახარებელსა გულთასა დამომადინებელ იყო. რამეთუ
Line: 31 სათნოებისა მოკლებასა იტყჳს სადმე დიდი ისიდორე, არა რად სარგებელ
Line: 32 არს უნაკლულო სრულებაჲ ჰასაკისაჲ. რომლისა-თჳსცა იტყოდა ღმერთი სამოელის
Line: 33 მიმართ: "ნუ მიჰხედავ სახესა უხუცესისასა იესეს ძისასა, ნუცა ანაგები სიდიდისა
Line: 34 მისისა დაგიკჳრდების; რამეთუ შეურაცხ ვყავ იგი. და რამეთუ არა ხედვისა-ებრ
Line: 35 კაცისა ჰხედავს ღმერთი: რამეთუ კაცი პირსა, ხოლო ღმერთი გულსა
Page: 76 Line: 1 ჰხედავს. ვინაჲცა არა საჴმარ არს სიმაღლესა ზედა ჴორცთა ჰასაკისასა განკჳრვებაჲ
Line: 2 და აღზუავებაჲ, არამედ მხოლოდ სათნოებისა ოდენ და მოქმედებითა
Line: 3 მცნებათაჲთა ღმრთისათა შემკობაჲ ცხორებისაჲ
Line: 4 ხოლო საულ რაჲ მოიკლა, დაუტევა დავით ანქუბ, მეფე უცხოთესლთა;
Line: 5 და მოსრული ჰურიასტანად თანა-მეტომეთა თჳსთა ისრაჱლთა მომართ მეფე
Line: 6 იქმნა სათნოყოფითა ღმრთისაჲთა. ვითარ უკუე დიდი ბასილიცა ზედა-წარწერილსა
Line: 7 შინა ოცდამეათსამეტისა ფსალმუნისასა აბიმელექედ სახელ სდებს ."რამეთუ
Line: 8 იტყჳს: "ფსალმუნი დავითისი, რაჟამს იცვალა პირი თჳსი წინაშე აბიმელექისა,
Line: 9 და განუტევა იგი", - ხოლო მოთხრობაჲ მეფეთა წიგნისაჲ ანქუბად უწოდს
Line: 10 მას. ესრეთ უკუე ვიტყჳთ, ვითარცა განსწავლულნი ჩუენდა მომართ მოწევნულისა
Line: 11 ესე ვითარისა რაჲსმე სიტყჳსა მიერ და მოცემისა, ვითარმედ მეფეთა
Line: 12 უცხოთესლთასა საზოგადოდ ვიდრე-მე სახელად აქუნდა აბიმელექ, ხოლო განთჳსებულად
Line: 13 თითოეულსა რაჲცა რაჲმე ეწოდებოდა. ვითარ იგი ჰრომაელთასაცა
Line: 14 ზედა სახილველსა მეფეებსა რამეთუ კესსარ ეწოდების საზოგადოდ და ავღუსტოს,
Line: 15 არამედ საკუთარნიცა თჳსნი მოვეუგიან თოთოეულსა სახელნი. ვითარმედ
Line: 16 იგი კუალად მეგჳპტელთა-თჳს ფარაოებაჲ გესმის საზოგადოდ სახელად. იოსების-ზეცა
Line: 17 და შემდგომად მოსჱს ოთხთა ნათესავთასა და სოლომონის-ზე, რომელმან
Line: 18 ასული ფარაოჲსი მიიყვანა ცოლად, და იერემიასა შინა, კუალად მეფე
Line: 19 ეგჳპტისა ფარაოდ სახელ იდების. ეგრეთვე აბიმელექ ჟამთაცა იყო აბრაჰამისთა,
Line: 20 და დღეთა ისაკისთა; და აწ ცხორებასა დავითისსა.
Line: 21 და ესრეთ შემდგომად საულისა მეფე იქმნა დავით ტომისაგან იუდაჲსა
Line: 22 ორმეოც წელ. რომელმან ქმნა ყოველივე ნებაჲ უფლისაჲ თქუმულისა მის-ებრ
Line: 23 ვითარმედ "ვპოე დავით, ძე იესესი, კაცი გულისა-ებრ ჩემისა". და "ზეთითა
Line: 24 წმიდითა ვცხე მას, რამეთუ ჴელი ჩემი შეეწიოს მას და მკლავმან ჩემმან განაძლიეროს
Line: 25 იგი" და რაოდენი რაჲ არს სხუაჲ ესე ვითარი. და ვითარმედ "გამოირჩია
Line: 26 მან დავით, მონა თჳსი, და შეიწყნარა იგი სამწყსოსაგან ცხოვართასა
Line: 27 მწყსად იაკობ მონისა თჳსისა და ისრაჱლ სამკჳდრებელისა თჳსისა. რომელიცა
Line: 28 ჴელოვნებითა საღმრთოჲთა და კეთილად მსახურებითა მწყსიდა მათ და უმანკოებითა
Line: 29 გულისაჲთა და გონიერებითა ჴელთა მისთაჲთა უძღოდა მათ". რომლისა-თჳსცა
Line: 30 ზედა-დაჰრთო წერილმან მეტყუელმან ესრეთ: "და მეფე იქმნა დავით
Line: 31 ისრაჱლსა ზედა და იყო მოქმედ მსჯავრისა და სიმართლისა". ამან დასცა
Line: 32 მოლხონ, მეფე ასურეთისა, "და მოჰჴადა თავსა მისსა გჳრგჳნი ოქროჲსაჲ დიდი,
Line: 33 მქონებელი ქვათა პატიოსანთა", და თჳთ დაიდგა იგი გჳრგჳნად დიდად შუენიერებისად
Line: 34 და სამკაულად სიკეთისად. რომლისა განმაცხადებელი ხმობს კუალად.
Line: 35 "უფალო, ძალითა შენითა იხარებდეს მეფე და მაცხოვარებითა შენითა იშუებდეს
Page: 77 Line: 1 ფრიად. გულის-თქუმაჲ გულისა მისისა მიეც მას და ნებაჲ ბაგეთა მისთა არა
Line: 2 დააკლე მას, რამეთუ მისწიფე იგი კურთხევასა სიტკბოებისასა, დაადგა თავსა
Line: 3 მისსა გჳრგჳნი ქვისაგან პატიოსნისა", "დიდ დიდებაჲ მისი მაცხოვარებითა შენითა,
Line: 4 დიდებაჲ და დიდად-შუენებაჲ დაადგა მას ზედა". და ესრეთ განძლიერდა რაჲ
Line: 5 ნეტარი იგი და მტკიცე იქმნა თანა-მბრძოლებითა უაღრესისათა, სრულ ყო ისაკისა
Line: 6 იგი იაკობის მიმართ თქუმული კურთხევაჲ, ვითარცა იტყჳს თეოდორიტე
Line: 7 ვითარმედ "იქმენ უფალ ძმისა შენისა". რამეთუ მძლე ექმნეს იდუმიას და მონად
Line: 8 მოიგნა ყოველნი იდუმიელნი ნათესავნი ესავისანი, და აღსასრულად მიაწია წინაჲსწარმეტყუელებაჲ
Line: 9 მგალობელმან ესრეთ: "იდუმიასა ზედა აღვკუართწნ ჴამლნი
Line: 10 ჩემნი. მე უცხოთესლნი დამემორჩილნეს". რამეთუ იდუმელთა პირველად - მამად
Line: 11 ხუდოდეს ესავ. რომლისაგან მოუგიეს სახელი ესე. რამეთუ ედომ ეწოდა უმეტეს
Line: 12 პირმშოებისა პატივის-მცემელსა ოსპნისასა. რომელნი არა სახელსა ხოლო,
Line: 13 არამედ ძჳრის-მოჴსენებასაცა პირველისა მამისა მათისასა მონაცვალე ექმნნეს. და
Line: 14 ვითარ იგი მას მოუმშჳდებელი აქუნდა იაკობის მიმართ გულის-წყრომაჲ, რომლისა
Line: 15 მიერ აღძრული მარადის ხმობდეს. "მოეახლნენ დღენი მამისა ჩემისანი,
Line: 16 მოვკლა ძმა ჩემი". ეგრეთვე ესენიცა სამარადისოდ ეშურებოდეს იაკობისგანთა
Line: 17 მათ და ბევრეულთა ძმაცუათა მოიპოებდეს მათ-თჳს, და, რაჟამს იგი მეგჳტურისა
Line: 18 მონებისაგან განთავისუფლებულნ, ქუეყანად მიმართ აღთქუმისა მოგზაურ
Line: 19 იყვნეს წინამძღურობითა და მმართებელობითა დიდისა მოსჱსითა, არა ხოლო
Line: 20 სიყუარულით არა შეიწყნარეს, არამედ არცაღა განვლად შეუნდეს ქუეყანით თჳსით,
Line: 21 და ესე მაშინ, რაჟამს საღმრთოჲ მოსე ვედრებით ჰლოცვიდა მათ და
Line: 22 აღუთქმიდა არა მოქცევასა მარჯულ გინა მარცხლ, არამედ გზისა სამეფოსა
Line: 23 წარვლასა და თჳთ მის წყლისაცა საჴმარებასა ფასითა მოსყიდასა. და ამის შემდგომადცა
Line: 24 მიმდემად აჩუენებდეს სიბოროტესა თჳსსა. ოდესმე მარტოებით ჴელმყოფელნი
Line: 25 ბრძოლად მათდა განწყობისანი, ხოლო ოდესმე მტერთა მათთა-თანა
Line: 26 მბრძოლ ქმნილნი გულს-მოდგინებით. და კუალად რაჟამს იგი ასურასტანელთა
Line: 27 მიერ იბრძოლებოდეს ისრაჱლნი, ბევრეულთა ძჳრთა მომპოვნებელ იქმნეს
Line: 28 მათ-თჳს არა თანა-შეწევნითა ხოლო მბრძოლთაჲთა, არამედ სადარნოთა-ცა
Line: 29 შინა მსხდომარეობითა და ლტოლვისა მეცადინთა მომნადირებელობითა,
Line: 30 და მათგანთა რომელთამე თჳთ მოწყუედითა, ხოლო რომელსამე ჴელსა
Line: 31 მტერთასა მიცემითა. რომელი ესე თჳთ მან საკჳრველმან დავით წინაჲსწარ
Line: 32 იხილა განცხადებულად და წინა-მოასწავა საწინაჲსწარმეტყუელოჲთა ხმითა,
Line: 33 რამეთუ თქუა რაჲ ტყუეობასა-თჳს პირითა ერისაჲთა ვითარმედ "მდინარეთა
Line: 34 ზედა ბაბილოვნისათა" და შემდგომი. იტყჳს დაშთომილისა-თჳსცა მბრძოლთა-მიერისა
Line: 35 განსაცდელისა: "მოიჴსენინ, უფალო, ძენი ედომისანი, დღე იერუსალჱმისაჲ,
Page: 78 Line: 1 მეტყუელნი: დაარღჳეთ ვიდრე საფუძველადმდე მისა" რომლისა-თჳს ხმობდა
Line: 2 ესაიაცა. "ხილვა, რომელი იხილა ძემან ამოსისმან ბაბილონსა ზედა". რომელთა
Line: 3 თანა-დაჰრთავს ძჳრთა, რომელნი შეემთხუეოდეს ერსა ტყუეობასა მას შინა და
Line: 4 იტყჳს: "და რომელნი შეკრებულ იყვნენ მახჳლითა, დაეცნენ; და შვილნი მათნი
Line: 5 განხეთქნენ წინაშე მათსა". ხოლო თუ ვიეთ ქმნენ ესენი, კუალად იგივე იტყჳს:
Line: 6 "აჰა მე აღვადგინნე თქუენ ზედა მიდნი, და შვილნი თქუენნი არა შეწყალებულ
Line: 7 იქმნნენ, არცა შვილთა თქუენთა ზედა არა ჰრიდონ თუალთა ჩუენთა, და
Line: 8 იყოს ბაბილოვნი შუენიერი და დიდებული მეფეთაგან ბაბილოვნელთასა, ვითარ
Line: 9 სახედ დააქცია უფალმან სოდომოჲ და გომორაჲ, იტყჳს უფალი" ესრეთვე საღმრთოჲ
Line: 10 იერემიაცა ვაების-მიცემის სახედ იტყჳს მის-თჳს: "ვითარ შეიმუსრა და
Line: 11 შეიფქვა ბაბილონი უფროჲს ყოვლისა ქუეყანისაჲ". აწ უკუე წინაჲსწარმეტყუელებაჲ
Line: 12 ესე მოოჴრებისა-თჳს იერუსალჱმისა არა პირველ მრავალ ნათესავთასა
Line: 13 იყო, ხოლო კუალად შემდგომად მრავალთა წელიწადთასა იპოებიან მიდნი ზედა-მარბეველად
Line: 14 ასურასტანელთა ამის-თჳს ნუგეშინის-საცემელად ტყეუექმნილისა
Line: 15 ერისა ტყუედ წარმყვანებელთა მათთა ბაბილოვნელთაგან ბოროტებისა, და შემდგომად
Line: 16 მრავლისა ჟამისა მათდა შემთხუევადისა შურის-გებისა, და დღესა მისაგებელისა
Line: 17 მათისასა წინაჲსწარმხედველი დავით, რომელსა შინა მადაჲსგანნი
Line: 18 მიდნი დამპყრობელ იქმნნეს ბაბილოვნისა და არცაღა ჩჩჳლთა მათთა მრიდებელ
Line: 19 ექმნნეს კეთილად სადამე გალობდა: "ნეტარ არს, რომელმან მიგაგოს მისაგებელი
Line: 20 შენი რომელ მომაგე ჩუენ. ნეტარ არს, რომელმან შეიპყრნეს და შეახეთქნეს ჩჩჳლნი
Line: 21 შენნი კლდეს" ამისა შემდგომად კუალად იტყჳს: "და ვიდოდა დავით მავალი და
Line: 22 განდიდებული, და უფალი ყოვლისა-მპყრობელი მის-თანა ხოლო ჰყვეს ძლიერნიცა
Line: 23 კაცნი ოც და ათშჳდმეტნი, ესე ვითარნი, ვიდრეღა მცირე მათი კმა ეყოფოდა
Line: 24 ათასთა, რომელთა სახელები არს ესე: სევოხა: ამან დასცა სეფ, რაფა
Line: 25 გმირისა შვილის-წული. ელეანან: ამან მოკლა კაცი ძლიერი ქეტელი, რომლისა
Line: 26 იყო ზროჲ ჰორლისაჲ, ვითარცა ლვილი მექსლეთაჲ. იონათან: ამან მოკლა კაცი
Line: 27 ძლიერი და ყოვლად-დიდი, რომელსა ექუსექუსი თითი ესხა ჴელთაცა და
Line: 28 ფერჴთა, ყოველივე ოც და ოთხი. ადინონ: ამან იჴადა მახჳლი თჳსი ოთხასთა
Line: 29 ზედა მჴედართა ბანაკსა შინა ერთსა. იესევადა: ამან იჴადა ჴრმალი თჳსი ჟამსა
Line: 30 მას ლაშქრობისა მათისასა. მარა: ამან ზედა-მოსლვასა უცხოთესლთასა, ენება
Line: 31 რაჲ მიტაცებაჲ კერძოსა აგარაკისასა, უვნებელად დაიცვა იგი. ელიაზარ: ესე
Line: 32 მდგომარე იყო ნაწილსა ზედა ქრთილისასა, რომლისა ზედა მიეტევნეს რაჲ
Line: 33 უცხოთესლნი და მის-თანაჲ ერი აოტეს, მხოლოჲ დაშთა შორის და უცხოთესლნი
Page: 79 Line: 1 ვიდრე-მე ლტოლვილ ყვნა: ხოლო ნაყოფი ქრთილისაჲ დაიცვა რამეთუ
Line: 2 ესოდენი სიმრავლე უცხოთესლთაჲ მოსრა, ვიდრემდის დამაშურალი ჴელი მისი
Line: 3 დაეწება მახჳლსა, და ერი მიიქცა შემდგომად მისსა ნატყუენაობად. ბანეა: ამან
Line: 4 მრავალნი ქმნნა საქმენი. რამეთუ დასცნა ძენი ისრაჱლისანი მოაბელმან. ხოლო
Line: 5 იგი შთავიდა დღესა თოვლისასა მღჳმედ და მოკლა ლომი; ხოლო მოაკუდინა
Line: 6 კაციცა მეგჳპტელი, რომელსა აქუნდა შჳდი მჴარი ჰოროლი. რამეთუ მისტაცა მისგან
Line: 7 ჰოროლი და მით მოაკუდინა იგი. აბესა, ძმაჲ იოაბისი: ამან მოსრა კაცი ექუსასი,
Line: 8 და იესბან, რომელსა ეგულვა მოკლვაჲ დავითისი ხოლო იყო იესბანი შვილის-წული
Line: 9 რაფაჲსი, რომლისა ჰოროლსა აქუნდა საწონი სამასისა სიკლისაჲ. ხოლო
Line: 10 რაჟამს რბოდის აბესა, იყვის, ვითარცა ქურციკი მთათა შინა ხოლო სამთა ძლიერთა
Line: 11 სხუათა მათ ნეშტთა ძლიერთაგან დავითისთაჲსა, მოდგომილ რაჲ იყვნეს უცხო-თესლნი
Line: 12 ბეთლემისადა და დავითის გულმან უთქუა სუმად წყალი ჯურღმულისაგან
Line: 13 ბეთლემისა, განაპნეს ბანაკნი უცხოთესლთანი, აღმოივსეს ჯურღმულისაგან წყალი
Line: 14 და მოართუეს დავითს. ხოლო მას დაუკჳრდა ძალი და სიქველე მათი და მოიღო
Line: 15 წყალი იგი, აღაფქურია წინაშე უფლისა და თქუა. "ლხინება ყავ ჩემდა, უფალო,
Line: 16 უკუეთუ სისხლი კაცთა დამდებელთა სულისა მათისათაჲ ვსუა". და ესრეთვე ნეშტნი
Line: 17 იგი სხუანი ძლიერნი იყვნეს წინადაუდგომელ და უბრძოლელ მტერთაგან
Line: 18 და საშინელ მათდა და მტჳრთველ ფარებისა და ჰორლების, დიდდიდებისა და სუბუქ
Line: 19 ფერჴითა, ვითარცა ქურციკნი მთათა ზედა; და აგებულებაჲ მათი ყოვლითურთ
Line: 20 განსაჳრვებელ; და პირნი მათნი, ვითარცა პირნი ლომთანი. ხოლო მბრძოლნი
Line: 21 საზოგადოჲსა ერისანი, რომელნი აქუნდეს დავითს, იყვნეს რიცხჳთ ორას
Line: 22 ოც და ათოთხმეტ ბევრ, ვითარცა აღირიცხუნეს იოაბის მიერ მჴედართ-მთავრისა,
Line: 23 ვითარ იგი წერილ არს ვითარმედ "იპოვნეს ისრაჱლსა შორის კაცნი აღმღებელნი
Line: 24 მახჳლისანი ათასჯერ ათასნი და ასიათასნი, ხოლო იუდასა შორის ოთხას ოთხმეოცი
Line: 25 ათასნი კაცნი აღმომჴდელნი მახჳლისანი. ხოლო ლევი და ბენიამენ არა
Line: 26 აღირიცხუნეს, რამეთუ დაუმძიმდა სიტყუაჲ მეფისაჲ იოაბს. და ბოროტად
Line: 27 გამოჩნდა საქმე იგი წინაშე ღმრთისა. და დაამჴუა მან გული დავითისი აღრიცხუვასა
Line: 28 მას ერისასა. და მიავლინა უფალმან წინაჲსწარმეტყუელი გად დავითის
Line: 29 მიმართ და ჰრქუა: "ამას იტყჳს უფალი: აღირჩიე ყოფად შენდა ანუ სამ წელ
Line: 30 სიყმილი ქუეყანასა შენსა, ანუ სამ თთუე სივლტოლაჲ შენი წინაშე მტერთა
Line: 31 შენთა, ანუ სამთა დღეთა სიკუდილი ქეყანასა შენსა". და თქუა დავით გადის
Line: 32 მიმართ: "იწრო არიან ფრიად ყოვლით-კერძო ჩემდა სამნივე ესე. გარნა ჴელთავე
Line: 33 ღმრთისათა შთავვარდე მე, რამეთუ მრავალ არიან წყალობანი მისნი, ხოლო
Line: 34 ჴელთა კაცთასა არა სადა შთავვარდე". და გამოირჩია დავით მოწევნაჲ სიკუდილისაჲ.
Line: 35 და იყვნეს დღენი ზაფხულისა მჴურვალებისანი, და მოავლინა უფალმან
Line: 36 სიკუდილი ისრაჱლსა შორის ცისკრითგან ვიდრე სამჴრადმდე, და მოსწყდა
Page: 80 Line: 1 ერისაგან სამეოც და ათი ათასი. და განირთხა ანგელოზმან ღმრთისამან ჴელი
Line: 2 თჳსი. იერუსალჱმისა მიმართ განხრწნად მისსა. და თქუა დავით ღმრთისა მიმართ,
Line: 3 იხილა რაჲ ანგელოზი მცემელად ერისა: "აჰა მე ვცოდე და მე ვარ
Line: 4 მწყემსი, რომელმან ვქმენ ბოროტი; ხოლო ამათ ცხოვართა რაჲ ყვეს? იყავნ
Line: 5 ჴელი შენი ჩემ ზედა, უფალო, და სახლსა ზედა მამისა ჩემისასა". და ლმობიერ
Line: 6 იქმნა უფალი და თქუა ანგელოზისა მიმართ. "იპყარ ჴელი შენი". და
Line: 7 აღაშენა მუნ საკურთხეველი დავით და შეწირნა მეყსეულად ყოვლად დასაწუველნი.
Line: 8 და შეისმინა მისი უფალმან და დასცხრა ზეგარდამოჲ იგი სრვაჲ ისრაჱლისაჲ"
Line: 9 ხოლო ამასცა იტყჳს კუალად თეოდორიტე, ვითარმედ არა უმიზეზოდ შეემთხჳა
Line: 10 ესე, არამედ თჳსისა უსჯულოებისა პატივი მიეჴადა ერსა, რამეთუ დაუტევეს
Line: 11 კეთილად-მსახური და საღმრთოჲ მეფე და მძლავრსა მას და მამის-მდევნელსა
Line: 12 ყრმასა თანა-მჴედრობდეს. ესრეთვე საულის-ზე მოწყუედისა-თჳს გაბაონელთაჲსა
Line: 13 შემდგომად სიკუდილისა მისისა განიწუართნეს სიყმილისა მიერ. რამეთუ ყოველმან
Line: 14 ერმან და ისო ნავესმან აღთქუმაჲ ყვეს გაბაონელთა მიმართ, ხოლო თანაეზიარა
Line: 15 ფიცსა მას მღდელთ-მთავარიცა ელეაზარ. ვინაჲცა უჴმდა შვილის-შვილთა
Line: 16 მათ ფუცებულთასა არა გარდასლვაჲ ფიცისაჲ, არამედ უფროჲსღა უსჯულო-ქმნილისა
Line: 17 მის მეფისაცა რწმუნებაჲ დაცვასა მათდა მიმართთა აღთქუმათასა, რომელთა
Line: 18 ზედა სრულ იქმნა პირველისა მამისა მათისა ქანაანის მიმართ ნოჱს
Line: 19 მიერ თქუმული იგი: "წყეულ იყავნ ქანაან ყრმაჲ, მონა იყოს ძმათა თჳსთა".
Line: 20 რომლისა-თჳს თქუა მათდა მიმართ ისო შემდგომად გამოცხადებისა სივერაგისა
Line: 21 მის მათისა: "და აწ წყეულ იყვნეთ. და არა მოაკლდეს თქეენგან მონაჲ, არცა
Line: 22 შეშის-მკოდელი და წყლის-მკრებელი ჩემდა და ღმრთისა ჩემისა". "და დაადგინნა
Line: 23 იგინი ისო მას დღესა შინა შეშის-მკოდელად და წყლის-მკრებელად ყოვლისავე
Line: 24 შესაკრებელისა და საკურთხეველისა ღმრთისა". ამის-თჳს იქმნნეს გაბაონელნი
Line: 25 შეშის-მკოდელ და წყლის-მკრებელ საკურთხეველისა ღმრთისა და ყოვლისა შესაკრებელისა
Line: 26 ვიდრე დღენდელად დღედმდე და ადგილისა, რომელიცა გამოირჩიოს
Line: 27 უფალმან. ვინაჲთგან უკუე ესე უგულებელს ყვეს, ამის-თჳს შემდგომად სიკუდილისა
Line: 28 მისისა მიითუალეს ამის-ძლითი განსწავლაჲ, ხოლო მასწავებს და ჩუენცა
Line: 29 სიტყუაჲ არა გარდასლვად ღმრთისა მიმართ ფიცით-დასხმულთა დასხმათა,
Line: 30 დაღათუ სხუათა-თჳს მიზეზ სარგებელისა იყოს გარდასვლაჲ იგი მაშინ
Line: 31 უკუე, ვინაჲთგან უმეცარ იყო დავით ღმრთისა მიერ მოვლენილისა მის
Line: 32 საეროჲსა წყლულებისა, ჰკითხა ღმერთსა და ისწავა, ვითარმედ უსამართლოჲსა
Line: 33 მის მოწყუედისა გაბაონელთაჲსა მიეჴადების სასჯელი, თჳთ იგინივე იჴუმინა
Line: 34 მსაჯულად და ჰრქუა მიმძლავრებულთა მათ: "რაჲ გიყო თქუენ და რაჲთა ლხინება
Page: 81 Line: 1 ვყო? და მათ თქუეს: არა არს ჩუენი ოქროჲ და ვეცხლი საულის-თანა და
Line: 2 სახლისა მისისა-თანა. და არა არს ჩუენდა მოკლვად კაცი ყოვლისაგან ისრჱლისა
Line: 3 თჳნიერ კაცი, რომელმან მდევნნა და მომასრულნა ჩუენ, და, ვითარცა ინება
Line: 4 მან მოსრვაჲ ჩუენი, უჩინო ვყოთ იგი არღარა ყოფად ყოველთა შინა საზღვართა
Line: 5 ისრაჱლისათა. და მომცენით ჩუენ კაცნი შჳდნი ძეთაგან მისთა და ლხინება
Line: 6 ვყოთ მათ ზედა უფლისა მიერ ბორცუსა ზედა საულისსა". ვინაჲცა ადგილსა
Line: 7 მას რომელსა შინა უშჯულოჲ იგი მკლველობაჲ სრულ იქმნა, მუნ მოსწყჳდნეს
Line: 8 მიცემულნი მათდა კაცნი, რომელნი იყვნეს საულისნი, ორნი ვიდრე-მე ხარჭისაგანნი
Line: 9 ძენი, ხოლო ხუთნი ძეთა მისთანი უკუანაჲსკნელ და ვითარცა სრულ
Line: 10 იქმნა შურის-ძიებაჲ ესე, მოწყალე იქმნა მეუფე, და ქუეყანამან ჩუეულებისაებრი
Line: 11 ნაყოფი გამოსცა. ხოლო განვისწავლებით ამიერ, ვითარმედ განყოფილებაჲ ნათესავისაჲ
Line: 12 არა უწყის ღმერთმან, არამედ სიმართლით უშჯის მიმძლავრებულთა,
Line: 13 დაღათუ უცხოთესლნი იყვნენ, თუცა თუ არა ჴელის-ჴელ მიჰჴდის პატიჟსა ამისთჳს
Line: 14 მაშინცა სულგრძელ ექმნა ორმეოც წელ და ეგრეთცა მიჰჴადა სასჯელი.
Line: 15 ხოლო აწ დავითის-ზე უმეტეს განვრცნების შესმენაჲ მათი, რამეთუ საულ განგდებული
Line: 16 და საღმრთოჲსა მადლისაგან განშიშულებული არა დაუტევეს, ხოლო
Line: 17 ბევრეულთა კეთილთა მომატყუებელი მათი და უცხოთესლთა სილაღისა დამამჴობელი
Line: 18 და ამალეკისა ვიდრე-მე მომასრულებელი, ხოლო იდუმელთა და მოაბელთა
Line: 19 და ამანიტელთა და ასურთა ჴელთ-მგდებელი და დამმონებელი და ხარკისა
Line: 20 მოღებად მაიძულებელი და საწინაჲსწარმეტყუელოჲსა მადლისა ღირსქმნული არა
Line: 21 ხოლო დაუტევეს, არამედ წინაცა განეწყვნეს და ზედა-აღდდგეს მბრძოლად და
Line: 22 თანა-მდგომ ექმნეს მკლველობის მოყუარესა და უსჯულო ძესა. ვინაჲცა მართალმან
Line: 23 მსაჯულმან პატიჟი მიჰჴადა მათ დავითის მიზეზისა-თჳს. ხოლო თჳთ მას
Line: 24 დავითს მბრძოლად-აღდგომითა ძისაჲთა კუალად მიუზღო საშჯელი კაცის-კლვისა
Line: 25 და მრუშებისაჲ საღმრთოჲსა წინაუწყებისა-ებრ. რამეთუ თქუა: "ამას იტყჳს
Line: 26 უფალი: აჰა აღვადგინნე ბოროტნი შენ ზედა სახლისაგან შენისა" და შემდგომი.
Line: 27 რამეთუ იდევნებოდა რაჲ საულისაგან საღმრთოჲ დავით ყოველივე ფილოსოფოსობაჲ
Line: 28 ცხორებისაჲ წარჰმართა, და წყობათა შინა ვიდრე-მე მყოფი და ზრუნვასა
Line: 29 ბრძოლათასა შექცეული გონებითა, საღმრთოთა სჯულთა-ებრ მოქალაქობდა;
Line: 30 ხოლო მცირედსა რაჲ ლხინებასა მიემთხჳა, უბრკუმა ბრკუმაჲ იგი ბოროტი.
Line: 31 "რამეთუ იყო, იტყჳს, ჟამსა მწუხრისასა, და აღდგა დავით საწოლისაგან თჳსისა
Line: 32 და ვიდოდა ერდოთა ზედა სახლისა მეფისათა; და იხილა ბანად დედაკაცი;
Line: 33 და დედაკაცი იგი შუენიერ იყო სახითა ფრიად". და ძლიერი რაჲმე და მძლავრებრივი
Line: 34 არს ბრძოლაჲ თავის-უფლებისა და შუებისა და მეფობისა და ჴელმწიფებისაჲ,
Line: 35 და ჴორცთა შუენიერებისა; და შემდგომად შუებითა განძღომისა გულის-სიტყუათა
Page: 82 Line: 1 კუეთებისაჲ, რომლისა-თჳს მრავალგზის არა მნებებელთაცა მიმართ
Line: 2 მივარდების ნაბერწყალი მისი, ვითარცა თანა-მბრძოლად შუებისა მიმყვანებელი
Line: 3 სიმჴნისაჲ. ხოლო ცხად არს, ვითარმედ ბუნებისაგან აქუნდა უმძლავრესი ბრძოლაჲ
Line: 4 ვნებასა გულის-თქუმისასა. რამეთუ არამცა მრავალნი ეჴუმინეს ცოლნი,
Line: 5 არათუმცა მაიძულებელად ჰქონებოდა ბუნებაჲ. ამის-თჳს [იტყჳს] დიდი ანასტასი
Line: 6 ღმრთის-ქალაქისაჲ: საცნაურ იყავნ, ვითარმედ მრავალ და თითოფერ არიან
Line: 7 მართლმსაჯულისა ღმრთისა-მიერთა მსჯავრთა და მისაგებელთა განყოფილებანი,
Line: 8 რმელთაჲ ეგულების ქმნაჲ ჴორციელთა ცოდვათა მიერ უფლებულთა და უძღებებითა
Line: 9 ვნებულთა გულის-თქუმათა დამონებულთა და სიბილწით შეგინებულთა
Line: 10 ზედა, რამეთუ არიან ადგილნიცა რაჲმე მჴურვალენი, რომელთა მოუგიეს
Line: 11 სიმჴურვალე ჰაერისაგან, ანუ თუ წყალთაგან და საზრდელთა უწესოთა შეყოფათა
Line: 12 მიმართ აღმძრველობაჲ გუამთაჲ, ვითარ იგი არს ეგჳპტე და ეთიოპიაჲ და იერიქოჲ,
Line: 13 მეზობელი გომორისაჲ და ქეყანანაჲ სპარსეთისაჲ. და კუალად არიან ნათესავნი
Line: 14 ადვილად მიდრეკადნი ბილწებისა გულის-თქუმათა მიმართ, რომელნი ანუ
Line: 15 ჩუეულებისა ანუ სხჳსა რაჲმე მიზეზისაგან უუძღებეს და უმწიკულევანეს არიან,
Line: 16 ვითარ იგი სპარსთა და ასურასტანელთასი. გარნა დაღათუ ესრეთვე საღმრთოდ
Line: 17 ცხორებისა აღმრჩეველიცა კაცი ესე ვითართა მიზეზთა-თჳს მიიზიდვის ცოდვისა
Line: 18 მიმართ, არამედ ჯერ არს იძულებაჲ ბენებისაჲ ყოვლითავე სახითა. რამეთუ
Line: 19 მაიძულებელთაჲ არს სასუფეველი ღმრთისაჲ და მაიძულებელნი მიიტაცებენ მას.
Line: 20 და "ჯერ არს ვიდრე სისხლთამდე წინადადგომაჲ ცოდვისა მიმართ ახოვნად",
Line: 21 რამეთუ არა ვინ გჳრგჳნოსან იქმნების არა თუ სჯულიერად იღვაწოს".
Line: 22 შთაიხედნაო, იტყჳს; ხოლო შთაიხედნა ვიდრე-მე სიმარტივით და არა
Line: 23 შემსჭუალვითა განმცდელობითა თუალთაჲთა, და იხილა რაჲ დედაკაცი რამეთუ
Line: 24 იბანებოდა, ვერ განერა ხედვასა მას, ვითარცა მოსასრველსა, არამედ შესთქრა
Line: 25 ჴორცსა ხედვისასა და შთანთქა სამჭედური ცოდვისაჲ. გარნა არავე ბოროტისა
Line: 26 ნებისაგან და ჩუეულებისა, არამედ განსაცდელისაგან, და თანა-აღტაცებულ იქმნა
Line: 27 ვნებისა და შეიწყნარა წყლულებაჲ. და სხჳსა ვნებისა უძჳრესისა რეცა იქმნა საკურნებელ
Line: 28 ამპარტავანებისა, ვითარცა თჳთ ცხად ჰყოფს, იტყოდის რაჲ: "ხოლო
Line: 29 ავმაღლდი რაჲ, დავმდაბლდი და შევსულბი"; და "მე ვთქუ განგებულებასა ჩემსა:
Line: 30 არა შევძრა უკუნისამდე". "ხოლო მიიქციე რაჲ პირი შენი ვიქმენ შეშფოთებულ".
Line: 31 "არამედ კეთილ ჩემდა, რამეთუ დამამდაბლე მე, რათა ვისწავნე მე სიმართლენი
Line: 32 შენნი". რამეთუ ცთომანი და ნაკლულოვანებანი განკრძალულთანი იქმნებიან მრავალგზის
Line: 33 უმჯობესისა-თჳს მიშუებითა ღმრთისაჲთა, და იყვის ოდესმე, რომელ
Line: 34 უბრკუმის საკურნებელად ამპარტავანებისა, ვითარ იყო პეტრჱს მიერ თქუმული
Line: 35 და მას ზედა ქმნილი იგი და შემოკლებულად ითქუმოდედ, ვითარმედ დაჴსნილობისა
Line: 36 და არა თუ ბოროტის ჩუეულებისაჲ იყო ცოდვაჲ იგი წინაჲსწარმეტყუელისაჲ,
Page: 83 Line: 1 რომელმანცა შენდობისა მიმთხუევასა ღირს ყო იგი. რამეთუ რომელნიმე
Line: 2 კაცთაგანნი ბოროტისა ანაგებისა და ჩუეულებისაგან ცოდვენ, ხოლო რომელნიმე
Line: 3 თანა-აღტაცებით და თჳნიერ აღრჩევისა, ვითარცა იტყჳს ბრძენი: "არს
Line: 4 შებრკოლებაჲ არა სულით-გამოჲცა. და ვინ უცოდველ არს?". რომლისა-თჳსცა
Line: 5 მძჳნვარეთა ტანჯვათა აქადებს მკურნალი სულთაჲ და შეამთხუევს მათ, რომელთა
Line: 6 იგი უბრწყინვალესად გამოაჩინეს საკჳრველისა მეფისა სიბრძნეთა საქადულობაჲ.
Line: 7 რამეთუ ღმრთივ-მოვლენილთა მათ წყლულებათა სენი იგი განაქარვეს და
Line: 8 პირველივე სიმრთელე განუახლეს. რამეთუ თითოსახენი იგი განსწავლანი, ვითარცა
Line: 9 ჴელოვანმან ვინმე მკურნალმან შეჰზავნა აღსაარებასა-თანა ბრალისასა.
Line: 10 რამეთუ თქუა რაჲ წინაჲსწარმეტყუელმან ვითარმედ "არა მოჰკუდე. ესეცა შესძინა:
Line: 11 გარნა განრისხებით განარისხე უფალი წინააღმდგომთა საქმეთა მიერ. და პირველად
Line: 12 უკუე ნამრუშავი იგი ყრმაჲ მოაკუდინა ღმერთმან" ამის შემდგომად ბრძოლად
Line: 13 მისსა აღდგომასა შვილისასა განმაცხადებელი იტყოდა: "და აწ არა აღირაცხნენ
Line: 14 მახჳლნი სახლისაგან შენისა". რომლისა-თჳს სამართლად იტყოდა იგი: "სწავლით
Line: 15 განმსწავლა მწ უფალმან, ხოლო სიკუდილსა არა მიმცა მე". ვინაჲცა რაჟამს იხილო
Line: 16 ცოდვილი ვინმე სიმდიდრესა დღეკეთილობასა და სიმრთელესა და არა რათ
Line: 17 ძჳრთა შემთხუევასა შინა, სულთ-ითქუენ, ცრემლნი დამოადინეს და სტიროდე
Line: 18 მას, ვითარცა ორძალად სატანჯველთა საუკუნეთა მიმხუმელსა მათსა რამეთუ,
Line: 19 ვითარცა მრავალთა ცოდვათა მიერ განფრდილნი და სინანულად არა მოსრულნი,
Line: 20 იუნჯებენ თავისა თჳსისად საუნჯესა რისხვისასა, ეგრეთვე შემდგომად ცოდვისმოქმედობისა
Line: 21 მომსთულებელნი დღეკეთილობისა და ბედნიერობისანი უმძჳნვარესსა
Line: 22 მიეცემიან საუკუნოდ ტანჯვასა. და ცხად არს, არა მერმეთაგან ხოლო, არამედ
Line: 23 აწინდელისაცა ცხორებისაგან სახე ამის საქმისაჲ. რამეთუ თჳთ მას დავითსცა
Line: 24 უსაშინელესობით ესაჯებოდა შემდგომად ცოდვისა მის, ვითარცა ფრიადისა
Line: 25 ფლობისა მიმღებელსა, და აყვედრებდა მას ნათანის მიერ ესრეთ: "მე გცხე შენ
Line: 26 მეფედ ისრაჱლსა ზედა და ჴელთაგან საულისსა განგარინე შენ, და მოგეც შენ
Line: 27 სახლი უფლისა შენისაჲ და სახლი ისრაჱლისაჲ და სახლი იუდაჲსი; და შენ
Line: 28 რად არა დაიცევ მცნებაჲ ჩემი? ხოლო მაშინ ესმას დღეკეთილობით წარმვლელთა
Line: 29 ცხორებასათა და არა დამცველთა მცნებისა უფლისათა. "ამინ, გეტყჳ, არა
Line: 30 გიცნა თქუენ". "წარვედით ცეცხლსა გარესკნელსა". და ესენი უკუე ესრეთ.
Line: 31 ესრეთ უკუე სანატრელმან დავით უწინარეს აღსრულებისა თჳსისა მოუწოდა
Line: 32 ძესა თჳსსა სალომონს და ჰრქუა მას: "შვილო ჩემო სალომონ, მე გულსა მაქუნდა
Line: 33 აღშენებად სახლი სახელად უფლისა ღმრთისა ჩემისა, და იყო სიტყუაჲ
Line: 34 უფლისაჲ ჩემდამო და თქუა: სისხლი მრავლად დასთხიე და ბრძოლანი დიდნი
Line: 35 ჰყვენ; არა მიშენო სახლი სახელისა ჩემისაჲ; აჰა ძე იშვების შენდა და განუსუენო
Page: 84 Line: 1 მას ყოველთაგან მტერთა მისთა მყოფთა გარემოჲს, რამეთუ სალომონ სახელი
Line: 2 მისი, და ამან მიშენოს სახლი სახელისა ჩემისაჲ. და აწ მჴნე იყავ და
Line: 3 განძლიერდი. და აჰა მე სიგლახაკისა-ებრ ჩემისა განვჰმზადე სახლისა-თჳს უფლისა
Line: 4 ოქროჲ ტალანტი ასი ათასი, და ვეცხლი ტალანტი ათასჯერ ათასი, და
Line: 5 რვალი და რკინაჲ, რომლისა არა არს რიცხჳ; და ამათ მიერ შესძინე აღშენებაჲ
Line: 6 სახლისა უფლისაჲ". ხოლო ტალანტი არს ლიტრაჲ ას ოც და ხუთ. "და დავით
Line: 7 მოხუცებულ იყო და სავსე დღითა და მეფე ყო ძე თჳსი სალომონ" და კუალად
Line: 8 თქუა მისსა მიმართ წინაშე ერისა: "აჰა განვჰმზადე სახლისა-თჳს ღმრთისა ჩემისა
Line: 9 ოქროჲ, ვერცხლი, რვალი, რკინაჲ, და ქვანი მრავალსასყიდლისანი და თითოფერნი.
Line: 10 და ყოველი ქვაჲ პატიოსანი, და ამათ-თანა მოგეც თჳნიერ მათსა, რომელნი
Line: 11 განვჰმზადენ სახლისა-თჳს წმიდისა, სამათასი ტალანტი ოქროჲ სუფირისაჲ
Line: 12 და შჳდათასი ტალანტი ვეცხლ, გამოცდილი ცურვებად ამათ მიერ ზღუდეთა ტაძრისათა.
Line: 13 ხოლო მთავართა ძეთა ისრაჱლისათა მისცეს საქმედ სახლისა უფლისა
Line: 14 ღმრთისა ოქროჲ ტალანტი შჳდათასი და ვეცხლი და ქვანი პატიოსანნი და
Line: 15 რვალი ურიცხჳ". და აკურთხა დავით ერი და განუტევა. და კუალად ჰრქუა ძესა
Line: 16 თჳსსა: "და აწ სალომონ, იცან ღმერთი მამათა შენთაჲ და ჰმსახურე მას სრულითა
Line: 17 გულითა და სულითა უზაკუველითა; რამეთუ გულთა ყოველთა გამოსცდის
Line: 18 ღმერთი და ყოველი მოგონებაჲ უწყის. და უკუეთუ იძიო იგი, გეპოების შენ;
Line: 19 და უკუეთუ დაუტევო იგი, სრულიად დაგიტევებს შენ". "და მისცა დავით სოლომონს,
Line: 20 ძესსა თჳსსა, ყოველივე ნიჭი ტაძრისაჲ და ქერობინთა ფრთეგანმარტებულთაჲ
Line: 21 და მაგრილობელთაჲ კიდობანსა ზედა აღთქუმისა უფლისასა". "ყოველივე
Line: 22 წერით ჴელითა უფლისაჲთა მისცა დავით სალომონს, ძესა თჳსსა, და
Line: 23 ჰრქუა: განძლიერდი და მჴნე იყავ, რამეთუ უფალი ღმერთი ჩემი შენ-თანა არს".
Line: 24 "და ამათსა შემდგომად აღესრულა დავით, სიბერესა შინა კეთილსა და სავსებასა
Line: 25 დღეთასა სიმდიდრესა და დიდებასა და კეთილად-მსახურებასა წლისა სამეოცდაათისაჲ
Line: 26 რამეთუ თქუმულ არს: "და იყო შემდგომად სიკუდილისა საულისსა, და მოვიდეს
Line: 27 კაცნი იუდაჲსნი ქებრონს და სცხეს მუნ დავითს მეფედ სახლსა ზედა იუდაჲსსა".
Line: 28 და კეთილად მოვიდეს ყოველნი მოხუცებულნი ისრაჱლისანი დავითისა
Line: 29 ქებრონს და სცხეს მას მეფედ ყოველსა ზედა ისრაჱლსა ხოლო იყო ოცდაათისა
Line: 30 წლისაჲ დავით, რაჟამს მეფე იქმნა იგი და იმეფა ორმეოცი წელი",
Line: 31 გარნა ცხებასა ვიდრე-მე სამეფოსა სამოელისგან ღირს იქმნა, ხოლო ერისა
Line: 32 სათნოყოფასა წიგნმან ჟამად-ჟამადად ცხებად სახელ სდვა. ხოლო მოკუდა რაჲ,
Line: 33 დაეფლა ქალაქსა იერუსალჱმს, საფლავსა შინა დიდსა, რომელი შეუმზადა ყოვლად-ბრძენმან
Line: 34 ძემან მისმან სალომონ მახლობელად სილოამისა ....... მქონებელი
Page: 85 Line: 1 სახისაჲ სიღრმესა შინა დაფარ[ულად] ჴელოვანქმნილი, რათა არა ჩნდეს შემსგავსებულად
Line: 2 სოლომონის სიბრძნისა და სიმდიდრისა: და მრავალნი ტალანტნი ოქროჲსასი
Line: 3 დაჰფლნა მამისა-თანა. ვითარცა იტყჳს იოსიპოს. და ვითარცა ცხად
Line: 4 არს და შემდგომთა საქმეთაგან. რამეთუ მღდელთ-მოძღუარმან ჳრკანოს მოოჴრებულებასა
Line: 5 ქალაქისასა აღაღო საფლავი იგი და სამათასი ტალანტი ოქროჲ აღმოიღო
Line: 6 მიერ. რომლისა შემდგომად ცნა ჰეროდე ჳრკანოჲს მიერ ქმნილი იგი
Line: 7 და საჴმარნი უკუე ვერ პოვნა, ხოლო სამკაულნი და ჭურჭელნი ოქროჲსანი ფრიად
Line: 8 მრავალნი მიიხუნა. ხოლო შეჰკადრა რაჲ უშინაგანესთა-რე ადგილთა მიმართ,
Line: 9 სადა იგი გუამნი დავითისი და სოლომონისი მდებარე იყვნეს, ცეცხლი გამოჴდა
Line: 10 მიერ და ორნი მსახურთა მისთაგანნი განხრწნნა.
Line: 12 ხოლო შემდგომად დავითისსა მეფე იქმნა სოლომონ, ძე მისი ორმეოც
Line: 13 წელ. რომელიცა ყოვლად-საკჳრველისა და ღმრთივ-მონიჭებულისა კაცთაჲსა სიბრძნისა
Line: 14 ნამდჳლვე საჴჳრველებით შემწყნარებელ იქმნა რაჲ, ოთხასდამეორმეოცესა
Line: 15 წელსა ძეთა ისრაჱლისათა ეგჳპტით გამოსლვისასა. მეოთხესა წელსა თჳისასა
Line: 16 მეფობისასა, პირველსა თთუესა ნისანსა შეკრიბნა მუშაკნი სამეოცდაათათასნი და
Line: 17 ქვის-მკოდელნი სამეოცდაათჯერ ათასნი მთასა ზედა ლიბანისასა და ზედა-მდგომელნი
Line: 18 სამათას ექუსასნი, და იწყო შენებად მთასა ზედა, რომელსა გამოუჩნდა
Line: 19 ღმერთი დავითს, მამასა მისსა, კალოსა ზედა ორნია იებოსელისასა, სადა იგი
Line: 20 პირველად აბრაჰამ აღაშენა საკურთხეველი და ქვათა მიერ განუკუეთელთა და უთლელთა,
Line: 21 ესე იგი არს ადამანტთა ყოვლად-დიდთა, დადვა საფუძველი მქონებელთა
Line: 22 საზომისა ათწყრთეულისათა სიზრქით-ურთ და აღაშენა ქალაქი და ტაძარი
Line: 23 უფლისაჲ შჳდეულსა შინა წელიწადთასა. რომელსა სიგრძე აქუნდა წყრთაჲ სამეოცი,
Line: 24 და სივრცე წყრთაჲ ოცი, და სიმაღლე წყრთაჲ ასოცი რამეთუ ორსართულ
Line: 25 იყო, ვითარცა იტყჳს იოსიპოს და ვითარ იგი ცხად ჰყოფს წიგნი ნეშტთაჲ,
Line: 26 ხოლო ნუმცა ვინ ჰგონებს წიგნისა ამის მეფეთა წიგნისა წინააღმდგომობასა,
Line: 27 ვინაჲთგან სიგრძე ტაძრისაჲ აქა ვიდრე-მე სამეოც წყრთად, ხოლო მუნ ორმეოცად
Line: 28 მოიჴსენების. რამეთუ ჰპოებ ორმეოცისა-თანა ოცსა სხუასა მუნ, ვიტყჳ
Line: 29 უკუე, დაბირად წოდებულსა მას, რომელ არს წმიდაჲ წმიდათაჲ. ესრეთვე მუნ
Line: 30 სიმაღლესა ოცდახუთსა წყრთასა, ხოლო აქა ასოცსა. ვინაჲცა ნიშნის-მიცემასა
Line: 31 შინა წინაჲსწარ წარმოაჩინა საღმრთომან დავით ძისა მიმართ თჳსისა მეტყუელმან
Line: 32 ესრეთ: "ქორედნიცა ჰქმნე" და კუალად თხრობაჲ მეფეთა წიგნისაჲ აუწყებს.
Line: 33 ვითარმედ არა ხოლო ორსართულნი, არამედ სამსართულნიცა ქორედნი აქუნდეს
Line: 34 ტაძარსა, რამეთუ "კიბოანი აღსავალი იყოო, იტყჳს, საშუვალისა მიმართ, ხოლო
Page: 86 Line: 1 საშუვალით მესამისა სართულისა მიმართ". უვრცელესი-რე იყო ზღუდე რამეთუ
Line: 2 მოქცევით-ქმნილნი აქუნდა ღულაჭნილი აღსავალი, და ოქროჲთ ცურვებულ ყო
Line: 3 ყოველი იგი ქორედი და ყოველი ზღუჱ, და ზღუდეთა-თჳს შექმნნა ალიზნი
Line: 4 ოქროჲსანი ხუთწრთეულნი და სამსჭუალნი ვეცხლისანი ძუძუჲს-სახენი, და დაამსჭუალა
Line: 5 თითოეულსა ალიზსა ოთხოთხი, და ქერობინი ყოველსა ზედა ზღუდესა
Line: 6 წახნაგებულ ყო, და შეამკო ქვათა მიერ პატიოსანთა, და ოქროჲთა სუფირისაჲთა
Line: 7 ოქროცურვებულ ყო, ვითარცა ითქუა, სახლიცა და ზღუდენი და სართულნი
Line: 8 და ბჭენი და სარკუმელნი, და კეცისა რვალისაჲთა შთასხმულითა დაკეცა
Line: 9 ესე. და განწვალა შინაგან ტაძრისა შუა მიცემად ადგილი მუნ კიდობანსა აღთქუმისა
Line: 10 უფლისასა წყრთაჲ ოცი და გარემოიკრძალა იგი კარებითა ოქროჲსაჲთა,
Line: 11 რომელსაცა წმიდა წმიდათა და დაბირ ეწოდებოდა. და ორნი ქერობინნი შეჰმზადნა
Line: 12 ძელთაგან ულპოლველთა ათწყრთეულნი სიდიდით და ხეთწყრთეულნი ფრთეებით
Line: 13 შეახლებულად ფრთე ფრთესა, და ორთავე ფრთენი მისწუთებოდეს თითოეულსა
Line: 14 კედელსა ტაძრისასა იმიერ და ამიერ და შეკრბებოდეს საშუალ, და
Line: 15 ფრთენი მათნი განმარტებულ იყვნეს სივრცესა ოცწყრთეულისა ადგილისასა. რომელნიცა
Line: 16 ოქროშეძერწულ ყვნა და ესრეთ აღჰმართნა ორკერძოვე, ხოლო საშუალ
Line: 17 უშინაგანესისა სახლისა დასაფარველად კიდობნისა. რომლისა პირის-პირ შექმნა
Line: 18 საკურთხეველი ოქროჲსაჲ შინაგან კრეტსაბმელისა, სადა იგი პურნი წინადაგებისანი
Line: 19 მდებარე იყვნეს. ხოლო კრეტსაბმელი შექმნა ჳაკინთისაგან და ძოწეულისა
Line: 20 და ბისონისა და პორფირისა და ქსოით დასახა მას ზედა ქერობინი. ხოლო
Line: 21 გარემოჲს ტაძრისა მრგულივ ექუსწყრთეულად მოაქმნა სხუაჲ ნაშე[ნე]ბი,
Line: 22 რომელსაცა მელათრთად უწოდა რათა იმჭირვიდესცა ნიშენებსა და რათა არავინ
Line: 23 თჳნიერ ლევიტელთასა შეეხებოდის კედელთა ტაძრისათა, რამეთუ მხოლოდ მღდელთა
Line: 24 ხოლო შესახებელ იყო პირველი წმიდად სახელდებული იგი ტაძარი, ხოლო
Line: 25 წმიდისა მიმართ წმიდათაჲსა არცაღა მათი შესლვაჲ განწესებულ იყო. არამედ
Line: 26 მხოლოდ მღდელთ-მოძღურისაჲ ოდენ ერთგზის წელიწადსა შინა. და ყოველივე
Line: 27 იგი ოქროჲთა შემოსილ იყო ორსართულნიცა და სამსართულნი და ზღუჱ და
Line: 28 ქერობინნი და კედელნი და კარნი, ვიდრემდის კნინღა და არა რაჲ სხუაჲ ნივთი
Line: 29 იხილებოდა შინაგან ტაძრისა. ხოლო ვითარმედ მარმარილოთაცა თითოფერობითა
Line: 30 განშუენებულ იყო ტაძარი, ცხად ჰყოფს კუალად მოთხრობაჲ, იტყოდის რაჲ
Line: 31 ვითარმედ ქვანი მრავალსასყიდლისანი და ფერად-ფერადნი და ყოველი ქვაჲ პატიოსანი
Line: 32 მრავლად. ხოლო ორნი სუეტნი შექმნნა რვალისანი ოცდაათხუმეტ წყრთეულნი
Line: 33 სიმაღლედ მქონებელნი სუეტის-თავთა ხუთწყრთეულთანი და ათწყრთეული
Line: 34 საბელი საზომ სიზრქისა მათისა თითოეულისა სუეტისა, და პეტლითა ოქროჲსაჲთა
Line: 35 სიზრქესა თითისასა მქონებელითა შემოსნა იგინი, და აღჰმართნა წინაშე
Page: 87 Line: 1 ტაძრისა, ერთი მარჯუენით და ერთი მარცხენით, და უწოდა სახელი: ერთსა
Line: 2 მას წარმართებაჲ. ხოლო მეორესა ძალი. ხოლო სუეტის-თავთა ზედა ქმნა გამოჭრით-ქმნილი
Line: 3 დაკიდებული ბადის სახე ოქროჲსაგან და ეჟუანი ოქროჲსაჲ ოთხასი
Line: 4 ორთავე ზედა ბადეთა. და ორნი ხენი ბროწეულისანი ბადეთა შორის, რომელნი
Line: 5 იყვნეს ზედა-კერძო სუეტთა. და ქმნა ბადე რვალისაჲ და ეჟუანი ოთხასი
Line: 6 რვალისაჲ დამოჰკიდა მას ზედა. და დადვა იგი მანქანათა ზედა მაღალთა, რომელნი
Line: 7 ოცით წყრთით უმაღლეს იყუნეს ტაძრისა, რათა ჰფარვიდეს ნაშენებსა და
Line: 8 აყენებდეს მფრინველთა გარდამფრინავალეთა და სკინტლისა მიერ ბიწიან მყოფელთა
Line: 9 ტყუელვაჲ ეჟუანთა ხმებისა სამარადისოდ მოძრავთა და მამწერობელთაჲ.
Line: 10 და შექმნა საკურთხეველი რვალისაჲ ოცი წყრთაჲ სიგრძით და ოცი წყრთაჲ
Line: 11 სივრცით და ათი წყრთაჲ სიმაღლედ. ეგრეთვე ზღუაჲცა შექმნა რვალისაჲ შთასხმით
Line: 12 მრგუალი და საფუძველნი მისნი მქონებელნი სიმაღლესა უკუე ხუთწყრთეულსა;
Line: 13 ხოლო გარემოჲს მრგულივ ოცდაათორმეტსა წყრთასა და სისქესა მტკალეულსა
Line: 14 დამტევნელი სამათასსა საწყევოსა, და შეუდგნა ქუეშე მისსა ზუარაკნი ათორმეტნი
Line: 15 შთასხმით შექმნილნი დიდნი, რათა იბანებოდინ მღდელნი მას შინა. და
Line: 16 შექმნა ხარისხი რვალისაჲ ხუთი წყრთაჲ სიგრძე და ხუთი წყრთაჲ სივრცე და
Line: 17 ხუთი წყრთაჲ სიმაღლე მისი და დადვა იგი შუა ეზოსა ტაძრისასა. და შექმნნა
Line: 18 ტაბლანი რვალისანი ათნი და საბანელნი ათნი და სასანთლენი ოქროჲსანი ათნი
Line: 19 დიდნი და დადგნა ხუთნი მარჯუენით კერძო ტაძრისა და ხუთნი მარცხენით
Line: 20 კერძო. მერმეცა შექმნა ფიალები ოქროჲსაჲ ასი და სხუთა ჭურჭელთა სიმრავლე
Line: 21 ფრიადი, რამეთუ არა მოაკლდა უხუებაჲ ოქროჲსაჲ.
Line: 22 და ვითარცა სრულ იქმნა ყოველი საქმე, შეიღეს მღდელთა კიდობანი აღთქუმისა
Line: 23 უფლისაჲ წმიდასა შინა წმიდათასა ქუეშე კერძო ფრთეთა ქერობინთასა და, იწყეს
Line: 24 რაჲ აღსარებად უფლისა საყჳრთა წინწილითა და ორღანოჲთა, აღივსო ღრუბლითა
Line: 25 სახლი უფლისაჲ და დიდებითა მრავლითა: და ვერ ეძლო მღდელთა დგომად
Line: 26 და მსახურებად პირისაგან ღრუბლისა. ხოლო მეფე სალომონ ღჴდა ხარისხსა
Line: 27 რვალისასა და თაყუანის-მცემელმან ღმრთისამან განიპყრნა ჴელნი ზეცად მიმართ
Line: 28 და თქუა: "უფალო ღმერთო ისრაჱლისაო, არა არს მსგავსი შენი ღმერთი
Line: 29 ცათა შინა და ქუეყანასა ზედა" და შემდგომი. და ვითარცა სრულ ყო ლოცვაჲ,
Line: 30 ცეცხლი გარდამოჴდა ზეცით და შეჭამნა ყოვლად-დასაწუველნი და მსხუერპლნი.
Line: 31 და დიდებამან უფლისამან აღავსო სახლი. და ყოველნი ძენი ისრაჱლისანი ჰხედვიდეს
Line: 32 ცეცხლსა. და დიდებაჲ უფლისაჲ იყო სახლსა მას ზედა. და დაეცნეს პირსა
Line: 33 ზედა ქუეყანად ქვაფენილისა შორის და თაყუანის-მცემელნი და მაქებელნი უფლისანი,
Line: 34 რამეთუ კეთილ რამეთუ უკუნისამდე არს წყალობაჲ მისი. და მაშინ სალომონ ყო
Line: 35 ენკენიობაჲ სახლისაჲ; და დაკლა ზუარაკი ოც და ორ ათასი, და ცხოვარი ასოცი
Page: 88 Line: 1 ათასი, და აღასრულა დღესასწაული დიდი. და ყოველი ისრაჱლი მის-თანა ტაძარსა
Line: 2 შინა ჭამდა და სუმიდა და იშუებდა წინაშე უფლისა შჳდ დღე. ხოლო მერვესა
Line: 3 დღესა აკურთხა ერი და განუტევა და შემდგომად ლოცვისა მისისა ერისა ...
Line: 4 თჳს და ტაძრისა გამოუჩნდა მას უფალი და ჰრქუა: "ვისმინე ხმაჲ ლოცვისა შენისაჲ
Line: 5 და წმიდა ვყავ სახლი ესე, რომელი აღაშენე ხილვაჲ სახელისა ჩემისა
Line: 6 მუნ უკუნისამდე. და იყვნენ თუალნი ჩემნი მუნ და გული ჩემი ყოველთა დღეთა,
Line: 7 და შენ უკუეთუ ხჳდოდი წინაშე ჩემსა, ვითარცა ვიდოდა მამაჲ შენი და
Line: 8 ვით ღირსებითა გულისაჲთა და სიმარტივითა ქმნად ყოველთა, რომელსი ვამცნენ
Line: 9 მას, და ბრძანებანი ჩემნი და მცნებანი ჩემნი დაიცვნე, აღვჰმართო საყდარი
Line: 10 მეფობისა შენისა ისრაჱლსა ზედა უკუნისამდე, ვითარცა ვეტყოდე მამასა შენსა
Line: 11 და ვარქუ: არა მოაკლდეს მამაკაცი წინამძღუარი ისრაჱლსა შორის. ხოლო უკუეთუ
Line: 12 მიქცევით მიიქცეთ თქუენ და ძენი თქუენნი ჩემგან და არ დაიცვნეთ მცნებანი
Line: 13 ჩემნი და ხჳდოდით, და ჰმონებდეთ ღმერთთა სხუათა და თაყუანის-სცემდეთ
Line: 14 მათ, აღვჴოცო ისრაჱლი ქუეყანისაგან, რომელი მივეც მას და სახელი ესე, რომელი
Line: 15 წმიდა ვყავ სახელითა ჩემითა, განვაგდო პირისაგან ჩემისა, და იყოს
Line: 16 ისრაჱლი განსაქარვებელ და მიმოდასათქუმელ ყოველთა შორის წარმართთა. და
Line: 17 სახლი ესე მაღალი და დიდი იყოს; ყოველი, რომელი წარჰვლიდეს მერ, განკჳრდეს
Line: 18 და ისტჳნნეს და თქუან, ვინაჲთგან დაუტევეს ღმერთი მათი და შეუდგეს
Line: 19 ღმერთთა უცხოთა. ამის-თჳს მოაწია უფალმან ბოროტი ესე.
Line: 20 და ტაძარი ვიდრე-მე საშუალ ქალაქისა დაამყარა სოლომონ, რომელი ჰმართებდა
Line: 21 სამხრით-კერძო და უკანაკერძოჲ მისი ბღუარით-კერძო, და ეზოჲთა
Line: 22 ქვისაჲთა მოზღუდა იგი. ხოლო ქალაქი დიდი და შუენიერი განასრულა, და თეთრითა
Line: 23 ქვითა ქვაფენილ ყო სრულებით, და ყო საზომი მისი მრგულივ გარემოჲს
Line: 24 ზღუდითი-ზღუდე ორმეოც სტადიონ, რომელ არს ექუსი მილი და ნახევარი,
Line: 25 და ძნიად გამოსაღებელ ყო იგი ყოვლით-კერძოვე. რამეთუ სამნი ზღუდენი
Line: 26 გარემოადგნა მას და ხანდაკთა მიერ მწყურნებთა მოიკრძალა, რომელთა
Line: 27 გარდამდინარეობისაგან ირწყვებოდეს სამოთხენი და მტილნი მისნი რამეთუ ადგილსა
Line: 28 საშუებელსა და განსაცხრომელსა მდებარე იყო ქალაქი იგი, რომლისა
Line: 29 შორის იყო წყაროჲ რაჲმე მრავალნაკადული და სამარადისოდ მომდინარე; მრავალნი
Line: 30 სხუანიცა იპოებოდეს მას შინა წყალნი სასუამნი და მოუკლებელნი.
Line: 31 ხოლო ბრწყინვალე იგი და სახელგანთქუმული ტაძარი ნამდჳლვე ჭეშმარიტებით
Line: 32 საკჳრველ და ყოვლით-ურთ დიდებულ და სოლომონის სიბრძნისა ქადაგ
Line: 33 ღირს რწმენებისა იყო, ხოლო განმაწესებელისა და თანა-შემწისა მისისა და ყოველთა
Line: 34 შემოქმედისა ღმრთისა. ვინაჲთგან არა ოდეს ყოფილ არს ესე ვითარი
Line: 35 ტაძარი სადავე ქუეყანასა ზედა. რომლისა-თჳსცა ჰურიანი ნაქმართ-სიდიდისა მის და
Page: 89 Line: 1 შუენიერებისა-თჳს მოქადულნი იტყოდეს: ტაძარი უფლისაჲ, ტაძარი უფლისაჲ,
Line: 2 ტაძარი უფლისაჲ. და რამეთუ განმწესებელმან მისმან ღმერთმან ფრიადითა წარსაგებელითა
Line: 3 უბრძანა შემზადებაჲ მისი, ვინაჲთგან უფროჲსღა ჴორციელთა ზედა მოხარულ
Line: 4 და მათ მიერ უადვილმოსაზიდველეს იყვნეს იგინი. რომელ სადა მხოლოდ შესლვაჲ
Line: 5 ოდენ და ხილვაჲ ნუგეშინის-ცემითა აღმავსებელ იყო. რამეთუ კიდით ქუეყასისაჲთ
Line: 6 მოვიდოდეს მუნ ხილვად მისსა და უფროჲსღა შემდგომთა ჟამთა. და
Line: 7 ამას ცხად ჰყოფს ლუკა, იტყოდის რაჲ წიგნსა შინა საქმეთასა ვითარმედ "იყვნეს
Line: 8 მუნ პართნი და მიდნი და ელამიტელნი და მკჳდრნი შუამდინარისა, ჰურიასტანისა
Line: 9 და კაპპადოკიისანი, პონტოჲსა და ასიისაა, ფრჳგიისა და პამფჳლიისა,
Line: 10 ეგჳპტისა და ადგილთა ლჳბიისათა კჳრინით-კერძონი". ესრეთ უკუე ყოვლით-კერძო
Line: 11 ქუეყანისაჲთ შემოკრბებოდეს მუნ და ფრიად რაჲმე განთქუმულ და ხმაგანსმენილ
Line: 12 იყო სახელი ტაძრისაჲ, დაღათუ მრავალგზის დაირღუა და კუალად
Line: 13 აღიშენა ვიდრე უკუანაჲსკნელისამდე მოოჴრებისა მისისა. და შემოკლებულად ითქუმოდედ:
Line: 14 რაოდენნი რაჲ სიბრძნემან სოლომონისმან შეჰმზადნა მუნ, ყოვლად-საღმრთომან
Line: 15 ეზეკიელ განცხადებულად იხილნა ყოველნი შემდგომად ქალაქისა
Line: 16 და ტაძრისა გარდაქცევისა და ერისა მის ბაბილონს ტყუედ შთაყვანებისა.
Line: 17 ამას-თანა საყდარიცა შექმნა მეფემან სალომონ პილოჲს ძუალისაჲ ."უდიდესთაგან
Line: 18 შუათა პილოჲსათა შემზადებული, მქონებელი ხარისხთა ექუსთაჲ და
Line: 19 მსგავსებასა ზუარაკთასა უკუანაკერძო მისსა ამიერ და იმიერ, და ათორმეტნი ლომნი
Line: 20 მდგომარენი ჴელთა-თანა და სხუანი ათორმეტნი ლომნი მდგომარენი ექუსთა მათ
Line: 21 ხარისხთა ზედა ორკერძოვე და ოქრომოსილ ყო იგი ოქროჲთა გამოცდილითა,
Line: 22 რომლისა მსგავსი არა ქმნილ არს არა რომლისა მეფობისა შორის. რომელსა ზედა
Line: 23 მჯდომარე მრავალსასყიდლისაჲთა და ბრწყინვალითა შესამოსლითა საკჳრველი
Line: 24 და ყოვლად-ბრძენი იგი კაცი საღმრთოჲსა სულისა მადლთა მიმთხრობელ
Line: 25 იყვის, რომლისა-თჳს იტყჳს უფალი ვითარმედ "არცაღა სოლომონ ყოველსა დიდებასა
Line: 26 თჳსსა შეიმოსა, ვითარცა ერთი ამათგანი", რათა გამოაჩინოს, ვითარმედ
Line: 27 უსაჩინოეს და უწარჩინებულეს იყო ყოველთა მეფეთასა მერმეცა სიმდიდრითა
Line: 28 და დიდებითა. ამისსა შემდგომად შექმნა ფარები ოქროჲსაჲ განჭედილები,
Line: 29 რიცხჳთ რვაასი, დიდდიდი: შუბი სამასი, და სხუაჲ საჭურველი ოქროჲსაჲ მრავალი
Line: 30 ფრიად; და საბანელნი ყოვლით-ურთ ოქროჲსანი; ხოლო ვერცხლი რაჲთ-ურთით
Line: 31 არა რად შესარაცხელ იყო დღეთა მისთა, რამეთუ ნავნი მისნი მოგზაურობდეს
Line: 32 თარშეთსა და მესამესა, წელიწადსა აღმოვიდიან მუნით და მოართჳან ოქროჲ უზომოჲ
Line: 33 და ვეცხლი და ქვანი წახნაგებულნი და შუანი პილოთანი და ციდამტკაველნი.
Page: 90 Line: 1 და დადვა სოლომონ იერუსალჱმს შინა ოქროჲ და ვეცხლი, ვითარცა
Line: 2 ქვაჲ, და ნაძუნი, ვითარცა ლეღუსულელნი, მრავლად ფრიად. რამეთუ ნაძუთა
Line: 3 მათსა ულპოლველყოფასა იტყჳს თეოდორიტე, ვითარცა სახედ კჳპაროზთასა,
Line: 4 და ფიჭუნი ძნიად განხრწსადნი და ყოვლად-თეთრნი და ჩუენ შორის იშჳთ
Line: 5 საპოვნელნი.
Line: 6 ხოლო დღითი-დღედისა სამხრობისა მისისა წარსაგებელი იყო სიმინდი გრივი
Line: 7 ოც და ათი, და ფქვილი დანაყილი გრივი სამეოცი, ზუარაკნი გამორჩეულნი
Line: 8 ათნი, და ზროხანი უსხნი ოცნი, და ცხოვარი ასი თჳნიერ ირემთა და ქურციკთა
Line: 9 და მფრინველთა რჩეულთა და სუქებულთაჲსა. და რამეთუ გრივი ვირე-მე
Line: 10 დაიტევდა მოდსა ოცდაათსა, ვიდრემდის შეიქმნების დღისა ერთისასა
Line: 11 წარსაგებელი პური სოლომონის ტაბლისაჲ ორათას შჳდასი მოდი; ხოლო რომელნი
Line: 12 მოართუმიდეს ამას ეგჳპტით თითოეულსა თთუესა მთავარნი იყვნეს ათორმეტ.
Line: 13 ხოლო სიმდიდრისა-თჳს ცნობისა და სიბრძნისა მისისა, რომელი მიიღო
Line: 14 ღმრთისაგან, ისმინე კუალად, რასა იტყჳს ღმერთი მისდა მიმართ: "აჰა
Line: 15 მიგეც შენ გული ცნობილი და ბრძენი, ვითარცა შენ არა ყოფილ არს უწინარეს
Line: 16 შენსა და შემდგომად შენსა არა აღდგეს მსგავსი შენი; და სიმდიდრე და საჴმარნი.
Line: 17 და დიდებაჲ მოგეც შენ, ვითარცა შენ არა ქმნილ არს უწინარეს შენსა
Line: 18 მეფეთა შორის და შემდგომად შენსა მსგავსი შენი არა გამოჩნდეს". და ამისი
Line: 19 ცხადად წარმომაჩინებელი ზედა-დაჰრთავს საღმრთოჲ წერილი და იტყჳს: "და მისცა
Line: 20 უფალმან სალომონს ცნობაჲ და სიბრძნე მრავალი ფრიად, და სივრცე გულისაჲ,
Line: 21 ვითარცა ქჳშაჲ ზღჳსაჲ; და განმრავლდა ცნობაჲ მისი უფროჲს ცნობისა
Line: 22 ყოველთავე უწინარესთა კაცთასა და უფროჲს ცნობილთა ეგჳპტისათასა".
Line: 23 ვინაჲცა ინება რაჲ წერილმან ჩუენებაჲ სიბრძნისა მისისაჲ. სამართლად მოიჴსენნა
Line: 24 ძუელ სადმე სიბრძნესა ზედა სახელგანთქუმულნი, და მეგჳპტელნი თქუნა,
Line: 25 ვითარცა უბრძნისად და უცნობილესად ყოველთად საგონებელნი. რამეთუ, ვითარცა
Line: 26 ელენნი იტყჳან, ფერეკჳდის ასური და პითაღორა სამიელი და ანაქსაღორა
Line: 27 კლაზომენიელი და პლატონ ათინელი ამათ მომართ მოიწინეს უჭეშმარიტესისა
Line: 28 ღმრთის-მეტყუელებისა სწავლასა მოსავნი მათგან. და მოსჱს-თჳს წარმომეტყუელი
Line: 29 საღმრთოჲ სიტყუაჲ იტყჳს ვითარმედ "განსწავლა ყოვლითა სიბრძნითა მეგჳპტელთაჲთა".
Line: 30 ესე ყოველნი, იტყჳს, და დაფარნა სოლომონ სიბრძნითა თჳსითა,
Line: 31 ვითარცა ღმრთისაგან შემწყნარებელმან ნიჭსა სიბრძნისასა, ამის-თჳს ზედა-დაჰრთო:
Line: 32 "და განბრძნდა უფროჲს ყოველთა კაცთა. და აღმოთქუნა იგავნი სამათასნი;
Line: 33 და იყვნეს ქებანი მისნი ხუთათას; და თქუა ხეთა-თჳს და ნაძუთაჲთგან
Page: 91 Line: 1 ლიბანისათაჲთ მიჯეჯლადმდე, რომელი აღმოსცენდების ზღუდესა ზედა; და თქუა
Line: 2 პირუტყუთა-თჳს და ქუეწარმავალთა და მფრინვალეთა-თჳს და თევზთა. ხოლო
Line: 3 ამათისა უჩინოქმნისა-თჳს მოთხრობათა შინა ფრიადი ევსევიოს ესრეთ იტყჳს
Line: 4 ვითარმედ "წიგნნი უკუე სოლომონისნი იგავთა და ქებათანი. რომელთა შინა
Line: 5 ნერგთა-თჳს და ყოველთა ცხოველთა ბუნებათ-მეტყუელებაჲ აღეწერა ჴმელისა
Line: 6 მფრინველთა და წყლისათა-თჳს, და კურნებანი ყოვლისავე ვნებისანი წარმოეჩინნეს,
Line: 7 სადაჲთ იგი მკურნალმე სიბრძნეთა ელლენთასა მიიხუნეს მიზეზნი სამკურნალოთა
Line: 8 აღწერისანი, დაფარნა ეზეკია მეფემან ვინაჲთგან კურნებასა სენთასა
Line: 9 მათგან მოთსთულებელი ერი უდებ ჰყოფდა ღმრთისაგან თხოვასა კურნებისასა".
Line: 10 და კუალად იოსიპოსცა მრავალთა მოიჴსენებს წერით-ნამუშაკევთა მისთა, ვიდრემდის
Line: 11 სახრვანიცა და ფუცებანი ეშმაკეულთა ზედა წარსათქუმელნი მოიგონნა,
Line: 12 რომელთა მჴუმეველად ვიხილეო, იტყჳს, ელეაზარ ჰურიაჲ უესპასეანჱს და ტიტჱს-ზე,
Line: 13 რამეთუ ბეჭედი დასდვა საყნოსელსა ვნებულისასა, რომლისა საბეჭდავსა
Line: 14 ზედა ეწერა სოლომონის მიერ მოგონებული იგი სახე საბეჭდავისაჲ და, იყნოსა
Line: 15 რაჲ ეშმაკმან, მყის განემზადა გამოსლვად.
Line: 16 და განდიდნა სოლომონ უფროჲს ყოველთა მეფეთა ქუეყანისათა სიმდიდრითა
Line: 17 და ცნობითა; და ყოველნი მეფენი ქუეყანისანი ეძიებდეს ხილვასა პირისა
Line: 18 მისისასა და სმენასა ხმისასა და მოვიდოდეს კაცად-კაცადი და მოაქუნდეს წლითი-წლად
Line: 19 ძღუენნი მათნი, ჭურჭელნი ოქროჲსანი და სამოსელნი და სულნელნი
Line: 20 და ცხენნი და კერძოვირნი, და იყვნეს მისნი ათას ოთხას ეტლნი; და ცხენნი
Line: 21 ჴდალნი მშობელნი ორმეოცნი ათასნი, და ცხენნი საეტლენი ათორმეტნი ათასნი
Line: 22 და იყო წინამძღუარ ყოველთა მეფეთა მდინარითგან ევფრატით ვიდრე ქუეყანად-მდე
Line: 23 უცხოთესლთასა და ვიდრე საზღვართამდე ეგჳპტისათა.
Line: 24 და დედოფალსა საბაჲსასა, რომელსა სიბილლად სახელ სდებენ ელლენდნი,
Line: 25 ესმა რაჲ სახელი მისი მოვიდა იერუსალჱმდ გამოცდად მისსა იგავითთა
Line: 26 სიტყუათა მიერ; და ჰყვეს აქლემნი აღტჳრთულნი სულნელითა ფრიადითა
Line: 27 და რჩეულითა და ოქროჲ მრავალტალანტეული, და თუალნი პატიოსანნი,
Line: 28 და ფრიადი სიმრავლე ერისაჲ. და ვითარცა შევიდა წინაშე მისსა და მიუთხრა
Line: 29 მას ყოველივე, რაოდენი რაჲ იყო გულსა მისსა. და მან ყოველივე აღუჴსნა
Line: 30 მას შეწყობითა სიტყუათაჲთა და ყოვლად-ტკბილითა თარგმანებითა, შესძინა
Line: 31 გამოცდად მისსა ამითცა. რამეთუ ქმნულკეთილნი ჭაბუკნი და ქალწულნი ქალნი
Line: 32 ერთსახითა შესამოსლითა და მითვე და ერთითა კუეცითა თმათაჲთა მოკაზმულნი
Line: 33 და განშუენებულნი წარმოუდგინნა და ითხოვა, რათა ყოს განრჩევაჲ თითოეულისა
Line: 34 ნათესავისაჲ. რამეთუ იყო დედოფალიცა იგი ყოვლად-განთქუმულ გულისხმიერებასა
Line: 35 და სიბრძნესა ზედა და ხმაგანსმენილ მრავალგამოცდილებასა ზედა.
Page: 92 Line: 1 ხოლო მეფემან ბრძანა დაბანაჲ პირთა მათთაჲ და თითოეულისა მათისა ბენებაჲ
Line: 2 ზედა-მიწევნით გამოიცნა. რამეთუ წულთა ვიდრე-მე შესახედავი მკჳრცხლ იყო
Line: 3 და სიმჴნით-მკრთომალე, ხოლო ქალთაჲ ჩჩჳლ და ნანარ. რომლისა-თჳსცა ყოვლით-ურთ
Line: 4 განკჳრდა დედოფალი და ამას-თანა განიცადა რაჲ ყოველივე გულის-ხმის-ყოფაჲ
Line: 5 მისი და მის მიერ აღშენებული იგი სახლი იხილა. და საყდარი
Line: 6 და შესამოსელი მისი და მსახურთა მისთაჲ, და ჭამადნი მისნი და ყოველი
Line: 7 რიგი სახლისა მისისაჲ, გარეგან თავისა თჳსისა ქმნილმან თქუა: "ჭეშმარიტ
Line: 8 იყო სიტყუაჲ, რომელი მესმა ქუეყანასა ჩემსა ამათ ყოველთა-თჳს, და ურწმუნო
Line: 9 ვიყავ. და აჰა არცაღათუ ნახევარი იყო, რომელი იგი მომეთხრა მე. რამეთუ
Line: 10 უმეტესი ვიხილე მათსა, რომელნი მესმნეს. ნეტარ არიან ცოლნი შენნი და
Line: 11 ყრმანი ესე, რომელნი დგანან წინაშე შენსა და ესმიან სიტყუანი სიბრძნისა შენისანი".
Line: 12 და მისცა მან მეფესა ოქროჲ ტალანტი ასოცი და სულნელებანი ფრიადნი
Line: 13 და ქვანი პატიოსანნი და ძირისაგან ბალასანისა ხეთაჲსა, რომლისა მიერ პალესტინელთა
Line: 14 დაისწავეს მუშაკობაჲ მისი. ვითარცა იტყჳს იოსიპოს. და ესრეთ
Line: 15 მიიქცა ქუეყანად თჳსსა უფროჲსად განკრთომით განკჳრვებული, რომლისა-თჳს
Line: 16 უფალიცა იტყოდა. "დედოფალი სამხრისაჲ მოვიდა კიდით ქუეყანისაჲთ სმენად
Line: 17 სიბრძნესა სოლომონისსა", რომლისა მიმართ, ზირაქ უცხადესად-რე იტყოდა: "სოლომონ
Line: 18 განჰბრძნდი სიჭაბუკით შენითგან და აღივსე, ვითარცა მდინარე, გულის-ხმის-ყოფითა,
Line: 19 ქუეყანაჲ დაფარა სიბრძნემან შენმან და აღავსო სახოვნებამან
Line: 20 იგავთამან ჭალაკთა მიმართ მშორობელთა და უცხოთა სოფელთა დაუტევე საჴსენებელი
Line: 21 შენი, და შეიყუარე მშჳდობაჲ შენი, ანუ დააცხრო ღმერთმან ბრძოლაჲ
Line: 22 გარემოჲსთაგან შენთა. ქებათა შინა და იგავთა და სახის-მეტყუელებათა და
Line: 23 თარგმ.ანებათა საკჳრველ იქმენ, და შეიკრიბე ოქროჲ, ვითარცა კალაჲ, და, ვითარცა
Line: 24 ბრპენი, განიმრავლე ვეცხლი არამედ განუხუენ წიაღნი შენნი დედათა,
Line: 25 უფლებულ იქმენ კორცთა შენთაგან. და შეამწინკულე დიდებაჲ შენი და შეაბილწე
Line: 26 თესლი შენი მოხდად რისხვისა ჩვილთა ზედა შენთა". და არა ესე ხოლო,
Line: 27 არამედ თჳთ თავით თჳსითცა სიმდიდრისა-თჳს და ყოვლისავე საქმისა თჳსისა-თჳს
Line: 28 იტყჳს იგი ესრეთ: "ხოლო მე მომცეს უფალმან მეცნიერებით თქუმად და
Line: 29 ღირსებით მოჴსენებად თქუმულთა, რამეთუ თჳთ იგი უფალი წინამძღუარცა არს
Line: 30 სიბრძნისა და განმმართებელ ბრძენთა. რამეთუ ჴელთა შინა მისთა ვართ ჩუენ
Line: 31 და სიტყუანი ჩუენნი. და რამეთუ მან მომცა მე ცნობაჲ არსთაჲ უტყუველი
Line: 32 ცნობად-შეწყობილებასა სოფლისასა და მოქმედებასა ნივთთასა, დასაბამსა და დასასრულსა
Line: 33 და საშოვლობასა წელიწდისასა, სახეთა მისთა ქცევასა და შეცვალებათა
Line: 34 ჟამისათა, მოქცევასა წელიწადთასა და განწესებასა ვარსკულავთასა, ბუნებასა ცხოველთასა
Page: 93 Line: 1 და გულის-წყრომასა მჴეცთასა, იძულებასა ქართასა და გულის-ზრახვათა კაცთასა,
Line: 2 თითოფერობასა ნერგთასა და ძალსა ძირთასა; რამეთუ რაოდენი არს დაფარული
Line: 3 და რაოდენი ცხადი, ყოველი ვცან; რამეთუ ყოველთა ამათ ჴელოვამან
Line: 4 მასწავა მე სიბრძნე" და "მე ჴელმწიფებით ვიქმენ მეფე ისრაჱლისა იერუსალჱმს
Line: 5 შინა. და მივეც გული ჩემი გამოძიებად და განხილვად სიბრძნით ყოველთავე
Line: 6 ქმნილთა-თჳს ცასა ქუეშე". და "აჰა მე განვდიდენ და შევსძინე სიბრძნე
Line: 7 ყოველთა ზედა, რომელნი იყვნეს უწინარეს ჩემსა იერუსალჱმს. და გულმან
Line: 8 ჩემმან იხილა მრავალი, სიბრძნე და მეცნიერებაჲ, და მივეც გული ჩემი
Line: 9 ცნობად სიბრძნისა და მეცნიერებისა. და ვცნენ იგავნი და ჴელოვნებაჲ".
Line: 10 და "განვადიდენ ქმნილნი ჩემნი, აღვიშენენ სახლნი და დავასხენ ჩემდად
Line: 11 ვენაჴნი და ვყვენ ჩემთჳს მტილნი და სამოთხენი და დავჰნერგენ მათ შინა ხენი
Line: 12 ყოვლად-ნაყოფიერნი. შევქმნენ ავაზანნი წყალთანი, რათა ირწყვებოდის მათ მიერ
Line: 13 მაღნარნი აღმომაცენებელნი ხეთანი. მოვიგენ მონანი და მჴევალნი, და სახლის
Line: 14 წულნი იქმნნეს ჩემდა მრავალ უფროჲს ყოველთა ყოფილთასა უწინარეს ჩემსა
Line: 15 იერუსალჱმს. და შევკრიბე ვეცხლიცა და ოქროჲ და სიმდიდრე მეფეთაჲ და
Line: 16 ყანათაჲ და განვაწყვენ მომღერნი და მომღერალებნი და საშუებელნი მისა ცისანი,
Line: 17 მწდენი და მწდენი და განვდიდენ და შევსძინე უფროჲს ყოველთა ყოფილთასა
Line: 18 პირველ ჩემსა იერუსალჱმს და სიბრძნე ჩემი განდგა ჩემგან. და ყოველი,
Line: 19 რომელი იძიეს თუალთა ჩემთა, არა დავაკლე მათგან და არა ჴუებულ
Line: 20 ვყავ გული ჩემი ყოვლისაგან სიხარულისა, და რამეთუ ფრიადითა მშჳდობითა და
Line: 21 სიმდიდრითა ფლობილებითა და მხიარულებითა განიშუა, არამედ უკუანაჲსკნელ
Line: 22 სიმწარედ ნავღლისა და მიზეზად ბილწებისა შეიქმნა გემოვნებაჲ და შუებაჲ მისი.
Line: 23 ვინაჲცა "მოვიძულეო, ხბობს, ყოველი ცხორებაჲ ჩემი და ყოველი შრომაჲ,
Line: 24 რამეთუ ყოველი ამაო". რამეთუ გარდარეულებისაგან შუებათაჲსა და ქცეულებისა,
Line: 25 ჵ მე, ბილწებისა შეგინებათა მიმართ მიდრკა მჴნე იგი. რომლისა წარმომაჩინებელი,
Line: 26 ვითარმედ დედათა მიერ შებრკუმა მას, თჳთ იგივე იტყჳს კუალად
Line: 27 ვითარმედ "ვპოე უმწარეს უფროჲს სიკუდილისა დედაკაცი, რომელ არს სანადიროჲ
Line: 28 და მახე გულისაჲ.
Line: 29 და მერმე იტყჳს საღმრთოჲ წერილი: "ხოლო მეფე სალომონ იყო დედათ-მოყუარე,
Line: 30 და იყვნეს მისსა აზნაურნი ცოლნი შჳდას და ხარჭნი სამას. და
Line: 31 მოიყვანნა ცოლნი მოაბელნი და ამანიტელნი, ასურნი დაიდუმიელნი, ქეტელნი და
Line: 32 აღმორეველნი ნათესავთაგან, რომელთა დაჰმოწმა ძეთა ისრაჱლისათა. იყო დღეთა
Line: 33 სიბერისა მისისათა, და არა იყო გული მისი უფლისა-თანა ღმრთისა მისისა,
Line: 34 ვითარცა გული დავითისი, მამისა მისისაჲ; და განდრიკეს უცხოთესლთა
Page: 94 Line: 1 ცოლთა გული მისი შედგომად ღმერთთა მათთაჲსა, და მაშინ უშენა სოლომონ
Line: 2 ტაძარი ქამოსს, კერპსა მოაბელთასა, და ასტარტის, საძაგელსა სიდონელთასა;
Line: 3 და ესრეთვე ყო ყოველთა მათ უცხოთესლთა ცოლთა თჳსთა-თჳს, რომელნი უკუმევდეს
Line: 4 და უზორვიდეს კერპთა მათთა. და ქმნა სოლომონ ბოროტი წინაშე
Line: 5 უფლისა და არა ვიდოდა შედგომად უფლისა. ვითარცა დავით მამაჲ მისი. და
Line: 6 განრისხნა უფალი სოლომონის ზედა, და განდრკა გული მისი უფლისაგან ღმრთისა
Line: 7 ისრაჱლისა გამოჩინებულისა მისდა ორგზის და მამცნებელისა, რათა არა
Line: 8 ვიდოდის რაჲთ-ურთით შედგომად ღმერთთა სხუათასა და თქუა უფალმან მისდა
Line: 9 მიმართ. ვინაჲთგან არა დაიმარხენ მცნებანი ჩემნი და ბრძანებანი, რომელნი გამცნენ
Line: 10 შენ, განხეთქით განვხეთქო მეფობაჲ შენი, და მივსცე იგი მონასა შენსა;
Line: 11 გარნა დღეთა შენთა არა ვყო ესე დავითის-თჳს, მონისა ჩემისა და მამისა შენისა,
Line: 12 და იერუსალჱმისა-თჳს ქალაქისა, რომელი გამოვირჩიე. და აღუდგინა უფალმან
Line: 13 სოლომონს სატანად ადერ იდუმიელთაჲ და ადრააქსარ მეფე სობაჲსაჲ; და იყვნეს
Line: 14 მჴდომ ისრაჱლისა ყოველთა დღეთა სოლომონისთა". და მოკუდა სოლომონ
Line: 15 წლისა სამეოცდაათსამეტისაჲ და დაეფლა მამისა თჳსისა-თანა რომლისა-ზე იყვნეს
Line: 16 ომირო და ისიოდოს ბრძენნი ელლენთანი. ესრეთ უკუე იტყჳს აქა თეოდორიტე,
Line: 17 ვითარმედ სოლომონის ზედა ქმნილისა მიერ განვისწავლენით, თუ
Line: 18 რაოდენ სარგებელ არს მშობელთა ღმრთის-მსახურებაჲ და რამეთუ სულგრძელ
Line: 19 იქმნების ბოროტის მოქმედსა კაცთ-მოყუარე მომჴსენებელი სათნოებასა პირველ-წარსრულთასა.
Line: 20 გარნა ეგრეთცა კერძოდ რაჲმე მოისთულნავე ნაყოფნი უღმრთოებისა
Line: 21 თესლთანი საღმრთოთა მსჯავრთაგან საშჯელ მიჴდილმან. რამეთუ, ვიდრემდის
Line: 22 ზეგარდამოსა წამისყოფასა ჰყვებოდა, მშჳდობით და მყუდროებით მოქალაქობდა.
Line: 23 და ყოველნივე მოეგნეს მრწემად, უფროჲსღა და ხარკის მომრთუმელად,
Line: 24 ხოლო ვინაჲთგან ოჴერ იქმნა მისგან, ადვილად შესამართებელ იქმნა
Line: 25 მჴდომთა. ნამდჳლვე საშინელ არს ჭეშმარიტებით შევრდომაჲ ჴელთა ღმრთსა
Line: 26 ცხოველისასა. რამეთუ ვითარცა წყალობაჲ მისი გამოუთქუმელ, ეგრეთვე ტანჯვაჲცა
Line: 27 მოუთმენელ არს. ხოლო ვითარმედ ჰმსახურა კერპთა და დაუტევა ნამდჳლვე ჭეშმარიტი
Line: 28 ღმერთი დავითის, მამისა თჳსისაჲ, ცხად არს მათგან, რომელნი იგი
Line: 29 აქია წინაჲსწარმეტყუელმან თქუნა იერობოამის მიმართ: ამას იტყჳს უფალი:
Line: 30 აჰა მე განვხეთქო მეფობაჲ ჴელისაგან სოლომონისსა და მიგცნე შენ ათნი სკიტრანი,
Line: 31 და ორნი სკიპტრანი მივსცნე მას დავითისათჳს, მონისა ჩემისა, და
Line: 32 იერუსალჱმ ქალაქისა ჩემისა, რომელი გამოვირჩიე ყოველთაგან ტომთა
Line: 33 ისრალჱლისათა, მიით რამეთუ დამიტევა მე და ჰმონა ასტარტის, საძაგელსა
Line: 34 სიდონელთასა, და ქამოს, კერპსა მოაბისასა, და მელქომს, მოსაწყინელსა ძეთა
Page: 95 Line: 1 ამმონისთასა". ხოლო ასტარტი ვიდრე-მე არს ელლენთა მიერ აფროდიტედ სახელდებული
Line: 2 იგი, რომელნი თანა-მოსახელეობითა ვარსკულავისაჲთა მთიებყოფასა
Line: 3 მისსა ზღაპრობენ. ხოლო ქამოს ღმერთი იყო ტჳროსელთაჲ. ხოლო მელხომ
Line: 4 მოსაწყინელი, კერპი იყო ესეცა: რამეთუ მოსაწყინელად და საძაგელებად
Line: 5 უწყის წოდებაჲ კერპთაჲ წმიდამან წერილმან, რომლითა ცხად ჰყოფს მოძაგებულობასა
Line: 6 და განყრილობასა.
Line: 7 გარნა სამართლად ვისმე უკჳრდეს, ვითარ იგი ყოვლად-საღმრთოჲსა მოსჱს-თჳს,
Line: 8 ეგრეთვე უფროჲსად ბრძნისა სოლომონის-თჳს, თუ ვითარ თითოეულმან
Line: 9 მათმან ძუელ სადმე ესოდენთა საღმრთოთა დიდებათა და გამოცხადებათა ღირსქმნულმან
Line: 10 უკუანაჲსკნელ ერთმან მან დამძიმებად და მოწყინებად აღძრა ღმერთი
Line: 11 და აღთქუმისაგან დაემჴუა. ხოლო მეორემან რისხვად და გულისწყრომად აღადგინა
Line: 12 იგი და წარჩინებულთა ნამუშაკევთა მისთა სასყიდლისაგან ზღვეულმან თანა-წარწყმიდა
Line: 13 სულიცა თჳსი. რამეთუ ეგოდენი იგი ღმრთისა მიმართ საკუთრებაჲ
Line: 14 და კადნიერებაჲ და ეგოდენნი და ეგე ვითარნი შრომანი და ოფლნი და საკჳრველისა
Line: 15 მოსჱს რიცხჳსა მძლენი ღუაწლნი წყალსა ზედა ცილობისასა ქმნილისა
Line: 16 მის ბრალისა-თჳს უგულებელს იქმნნეს, და ქუეყანად აღთქუმისა შესლვისაგან
Line: 17 მართლისა მის და თუალუხუავისა მსაჯულისა მიერ დაკლებულ იქმნა, ვითარცა
Line: 18 პირველ წარმოითქუა. და კუალად სადა სოლომონის-მიმართი იგი სიტკბოებაჲ
Line: 19 ღმრთისაჲ და ეგოდენი მადლი და სიბრძნე? და რაჲ სარგებელი ფრიადისა მის
Line: 20 მეცნიერებისა და გულის-ხმის-ყოფისაჲ, და პირველ გარდასრულისა მის სიფრთხილისა
Line: 21 გონიერებისა ღმრთის-მეტყუელებისა. და ბუნებათ-მეტყუელებისაჲ,
Line: 22 უკუანაისკნელ დედათ-ბორგნეულობისა მიერ კერპბორგნეულობად განვრდომილისა-თჳს?
Line: 23 ნამდჳლვე არა რას სარგებელსა მოისრულებს სულიერად დამწყებელი და
Line: 24 ჴორციელად სრულმეოფელი რაჲსაჲმე. რომლისა-თჳსცა წინაგანმაკრძალებელი
Line: 25 ჩუენი დიდი იოანე იტყჳს: "ეკრძალენით თავთა თქუენთა, რათა არა წარსწყმიდნეთ,
Line: 26 რომელნი გექმნნე, არამედ სავსებით მიიღოთ სასყიდელი". რამეთუ არა
Line: 27 რომელმან კეთილად უწყის და კეთილად ჴელ ყოს, იგი არს სრულ და სანატრელ;
Line: 28 არამედ რომელმან კეთილად განვლოს ცხორებაჲ. და სათნოდ ღმრთისა დაასრულოს
Line: 29 იგი. ვინაჲთგან "რომელმან დაითმინოს სრულიად, იგი ცხონდეს". ამიერ,
Line: 30 ვითარ ჰგავს, სამართლად განვისწავლებით არა მიცემად კაცისა საკუთრებითსა
Line: 31 ნეტარებასა პირველ აღსასრულისა მისისა უცნაურობისა-თჳს დასასრულისა
Line: 32 ჟამთაჲსა; და რამეთუ გარდამაქცეველთა გულარძნილებად მოიყვაეებს უფალი მოქმედთა-თანა
Line: 33 უსჯულოებისათა, ვინაჲთგან მრავალნი კეთილად და სთნოებით
Line: 34 მსრბოლნი და დიდდიდთა წარმართებათა-თჳს საკჳრველქმნილნი შეჰბრკოლდეს და
Page: 96 Line: 1 მეყსეულად დაეცნეს დაცემითა მწარითა და განსაკრთომელითა. რომელთაგანი
Line: 2 იყო მონაზონიცა იგი. რომლისა მიმართ დიდი ბასილი მისწერს და იტყჳს: "ვაჲ
Line: 3 მე, რაჲ მოვწერო ანუ რაჲ მოვიგონო ზღვევად შემრაცხელმან ცხორებისამან?
Line: 4 რამეთუ უკუეთუ ჴსენებად მოვიდე პირველისა მის ამაოქმნილისა ქცევისა შენისა,
Line: 5 რაჟამს იგი გარემომდინარე შენდა სიმდიდრე და ქუეყნიერი დიდებაჲ და სიმრავლენი
Line: 6 მლიქნელთანი და საწუთონი შუებანი შეურაცხ ჰყვენ; რაჟამს იგი გამოიძურცებოდე
Line: 7 საქებელისა მომართ შეცვალებისა ნაგევად შემრაცხელი სიმდიდრისაჲ,
Line: 8 სახლისა შემკობილებათა და სახლეულთა-თანა ზრახვისა უვარის-მყოფელი. და
Line: 9 ვითარცა ყოვლით-ურთ სხუა რამე და უცხოქმნილი მათ ყოველთაგან მიჰრბიოდე
Line: 10 იერუსალჱმდ, სადა იგი ერთბამად ვიქცეოდეთ შენ და მე; და ვჰნატრიდე მოღუაწებრივსა
Line: 11 შრომასა შენსა, ოდეს იგი მოქცევი შჳდეულისაჲ უჭმელად გარდაიჴადი
Line: 12 საღმრთოდ სიბრძნის-მოყუარებისა აღმრჩეველმან და კაცთა უბნობისაგან მლტოლვარემან;
Line: 13 ხოლო მარტოებისა და დაყუდებისა თანა-შემკველმან თავისა თჳსისამან სამოქალაქოთა
Line: 14 შფოთთაგან იჯმენ, და სიმქისითა ძაძისაჲთა მოსწყლენ ჴორცნი შენნი, და
Line: 15 მჭირსეობითა მორტყმულობისაჲთა რეცა შეჰფქევდ ძუალთა შენთა; ხოლო შეიწრებულობითა
Line: 16 საზრდელის დამტევნელთა ორღანოთაჲთა ზურგისადა აღქუმულ იყო შინაგანი
Line: 17 გარსი მუცლისაჲ: და ყოვლისავე ჴორცთა სიზრქისა და ცალიერებითა სრულებით
Line: 18 დაგეჭნო ყოველივე ძალი მუცლის-ქუეშეთა კერძოთაჲ და ყოველი სინოტიე
Line: 19 მათი სიმჴნით განგეჴმო: ხოლო სრულიადითა მოკლებითა საზრდელისაჲთა მუცელი
Line: 20 წიბოთადა თანა-შეგეჴმო, და, ვითარცა სართულითა რაჲთმე, აგრილობდი
Line: 21 ძუალებითა მკერდისაჲთა არეთა უპისათა და აღმკრძალველი ყოვლისავე გუამისაჲ
Line: 22 ღამეყოვლობითთა შინა ლოცვათა აღუვარებდი ღმერთსა, და წჳმითა ცრემლთაჲთა
Line: 23 ალტობდი იატაკსა მიწისასა. და რად მიჴმს თითოეულად წარმოთქუმაჲ?
Line: 24 მოიჴსენე, რაოდენთა წმიდათა პირნი ამბორის-ყოფით შეიტკბენ, რაოდენთა წმიდათა
Line: 25 გუამებსა გარემოეხჳე, რაოდენნი ჴელთა შენთა, ვითარცა უხრწნელთა რათმე,
Line: 26 სურვილით მოეხუეოდეს, რაოდენნი მონანი ღმრთისანი მუჴლთა შენთა შეუვრდებოდეს.
Line: 27 და რაჲ დასასრული ამათი? მემრუშეობისა ჰამბავთა უმკჳრცხლეს
Line: 28 ისართასა სრბაჲ მოსწყლავს გულთა ჩუენთა და სასმენელთა. სადა დავიტჳრთო მე
Line: 29 შენძლითთა თხრობათა მიერ მოწევნული ტკივილია́? სირცხჳლეულ ჰყავ სიქადული
Line: 30 უბიწოებისაჲ, შეაბილწე აღთქუმაჲ სიწმიდის-მოყუარებისაჲ, ვიქმნენით მტერთა
Line: 31 ვიდრე-მე სამღერელ, ხოლო მოყუარეთა საგოდებელ. ორად განჰკუეთე გულის-სიტყუაჲ
Line: 32 მონაზონთაჲ. რამეთუ უგანკრძალულესთა შიში და მოწიწებაჲ
Line: 33 შთაუთესე განსაკჳრვებელად აღჩენითა ეშმაკისა ძლიერებისაჲთა, ხოლო განუკრძალველთა
Line: 34 კარი ვნებულებისაჲ განუღე, და უქმ ჰყავ, რავდენ ძალ გედვა სიქადული
Page: 97 Line: 1 ქრისტჱსი ვითარმედ "ნუ გეშინინ: მე ვსძლე სოფელსა და მთავარსა მისსა".
Line: 2 განუზავე მამულსა ქუეყანასა შენსა სასუმელი გულის-კლებისაჲ. ნამდჳლვე საქმით
Line: 3 სრულქმნილად აჩუენე მეტყუელი იგი იგავი ვითარმედ "ირემი ღჳძლგანგუმერილ
Line: 4 იქმნა ისრითა". ხოლო კუალად სხუაგან საზოგადოჲსა სწავლისა წარმომეტყუელი
Line: 5 ესრეთ ვითამე იტყჳს: "გჳჴჴმს ჩუენ მრავლისა და თითოფერისა ზეცათა სიმდიდრისა
Line: 6 შეკრებაჲ, უკუეთუ არა გუნებავს, რათა სირცხჳლეულ ვიქმნნეთ ჟამსა
Line: 7 საქმეთა გამოცხადებისასა მიმღებელნი ესე ტალანტისანი, არცა გუესმას ხმაჲ
Line: 8 იგი ვითარმედ "მონაო ბოროტო და მედგარო", ხოლო შემდგომად შეკრებისა
Line: 9 სიმდიდრისა მის უცთომელობით განვლისა-თჳს საწუთროჲსა გჳღირს მოგებაჲ
Line: 10 მოსწრაფებისაჲ რამეთუ მრავალთა-მრავალი ესე ვითარი სიმდიდრე შეიკრიბეს
Line: 11 სიყრმითგან, ხოლო, ვითარცა განმშოკლებასა ცხორებისასა მიიწინეს აღდგომითა
Line: 12 მათ ზედა განსაცდელთაჲთა სულთა მიერ უკეთურებისათა, ვერ იტჳრთეს
Line: 13 სიმძიმე ზამთრისაჲ სივერაგითა აღმძრველისა მათთაჲთა და არა თანა-მკჳდრად
Line: 14 მქონებელობითა მმართებელისაჲთა. რომლისა-თჳსცა მათ ყოველთაგან საწყალობელად
Line: 15 იზღვნეს. და რომელთამე სარწმუნოებისა-ძლითა ნავდანთქმულებაჲ შეემთხჳა,
Line: 16 ხოლო სხუანი სიწმიდისაგან დაეცნეს, და რომელი იგი სიყრმითგან შეეკრიბა
Line: 17 ტჳრთი, ვითარცა ნიავქარისა რაჲსმე ბოროტისა გემოვნებისა კუეთებითა
Line: 18 წარწყმიდეს, და საწყალობელ სახილველ იქმნნეს. რამეთუ შემდგომად მარხვათა
Line: 19 ფრიადთა, შემდგომად ძჳრის-ხილვათა მიმყოვრებულთა, შემდგომად ცრემლთა
Line: 20 ურიცხუთა, შემდგომად კრძალულებით გარდავლისა ოცთა სამე ანუ ოცდაათა
Line: 21 წელიწადთაჲსა გამოუცდელობითა და დაჴსნილობითა სულისაჲთა მათ ყოველთა-გან
Line: 22 შიშუელ და ოჴერ იქმნნეს; და იგივე შეემთხჳა დიდვაჭრისა ვისმე მდიდრისაჲ,
Line: 23 რომელი სიმრავლესა ზედა აღნადგინებთასა ფრიად რაჲმე მოხარულ-ქმნილი
Line: 24 ადვილად თანაწარჴდის ღელვასა უფსკრულთა საშინელებისთა და ფლობით
Line: 25 მიჰყვანდის სიმდიდრითა საფასეთაჲთა აღტჳრთული ნავი, ხოლო, მახლობელად
Line: 26 რაჲ ნავთ-საყუდლისა მათისა მიიწიის, მუნ განტეხის იგი და მყის შიშულად
Line: 27 დაშთის მათ ყოველთაგან. რამეთუ უკუეთუ ესრეთ ბევრეულითა შრომითა
Line: 28 და ოფლითა მოგებულნი კეთილნი ერთითა კუეთებითა საეშმაკოთა ნიავქართაჲთა
Line: 29 წარწყმიდნეს, ვითარცა სასტიკთა რათმე გრიგალთა გემოვნებისა მიერ ცოდვათაჲსა
Line: 30 დანთქმულმან, მასცა შეუგავს თქუმად, ვითარცა სიღრმედ შთამაბნეველსა
Line: 31 სათნოებათა ნივთებისასა ვითარმედ "მოვედ სიღრმეთა ზღჳსათა, და მოქცევმან
Line: 32 დამნთქა მე". რომლისა-თჳს ესრეთვე სადმე იტყჳს პიროქრობრწყინვალეცა იგი
Line: 33 მოძღუართა შორის ვითარმედ "რაჟამს იხილნეს ეშმაკმან შეკრებულად მრავალნი
Line: 34 წარმართებანი, ვითარ მარხვაჲ, ლოცვაჲ, მოწყალებაჲ, ქალწულებაჲ, და სხუაჲ
Line: 35 ყოველი სათნოებაჲ, და აღსავსედ იხილოს ნავი ჩუენი მრავალსასყიდლობითა
Page: 98 Line: 1 კეთილად-მსახურებისა საფასეთაჲთა, მაშინ მოუჴდების და ყოვლით-კერძოთა
Line: 2 ღონეთა აღსძრავს, რათა ღირსა-თანა ნავთ-საყუდლისასა მისრული ნავი სიღრმედ
Line: 3 დაჴადოს, სიმდიდრენი წარწყმიდნეს და მომგებელი მათი ცუდმაშურალად და ზღვეულად
Line: 4 გამოანინოს, არცაღა ადვილად აღდგომისა შემძლებელი. რამეთუ შემდგომად
Line: 5 ესე ვითარისა მის დაცემისა ძლით შესაძლებელ იქმნების აღდგომაჲ, ვითარცა
Line: 6 "სიღრმისა მიმართ ბოროტთასა შთასლვასა უდებ მქმნელისაჲ". და პირველვე
Line: 7 სადმე დაცემულსა შემნდობელ ვექმნენით ყოველნი გამოუცდელობისა-თჳს მისისა,
Line: 8 ხოლო შემდგომად მრავალთა ღუაწლთაჲსა შებრკოლებული არა ადვილად ვინმე
Line: 9 ღირს ყვის მიტევებისა, ვითარცა უდებებისა და დაჴსნილობისა მიერ დანთქმული.
Line: 10 და არა ესე ხოლო არს ბოროტ, არამედ რამეთუ მრავალთა დაბრკოლებისა
Line: 11 და უდებქმნისა-თჳს მრავალგზის იგი დასასჯელ და უსიტყუელ იქმნების.
Line: 12 ვინაჲთგან უკუე ესე გუესმას და უწყით: დასასრულსა ნუ განჰხრწნი, ვითარცა
Line: 13 გუამცნებს დავით და იტჳს "დასასრულსა ნუ განჰხრწნი", "რამეთუ რაჟამს
Line: 14 მიაქციოსო, თქუმულ არს, მართალმან სიმართლისაგან თჳსისა და ქმნეს უსამართლოებისაჲ,
Line: 15 ყოველნი სიმართლენი მისნი, რომელ ქმნნა, არა მოიჴსენნენ, ცოდვასა
Line: 16 შინა რაჲ მისსა მოკუდა". და "სიმართლემან მართლისამან ვერ განარინოს
Line: 17 იგი, რომელსაცა დღესა შესცთეს". რომლისა კეთილად მეცნიერი მოციქული
Line: 18 იტყოდა: "და უკუეთუ ვინმე იღუწიდეს, არა გჳრგჳნოსან იქმნების, არა თუ სჯულიერად
Line: 19 იღუაწოს". ამის-თჳსცა დასაბამისასა მას მოსწრაფებასა და გულს-მოდგინებასა
Line: 20 შიშითა ღმრთისაჲთა და სარწმუნოებითა ვიდრე სიკუდილადმდე სათანადო
Line: 21 არს დამარხვაჲ, ვითარ იგი მოთმინებასაცა ჩუენებაჲ, რათა არა აღსასრულისა
Line: 22 ჟამსა წარვწყმიდოთ ყოველი. ნუმცა ვის სათნოებისა მუშაკსა ეუფლების
Line: 23 ჰრული უდებებისაჲ უცნაურებისათჳს შეცვალებისა. რამეთუ ვინ უმაღლეს იყო
Line: 24 დავითისსა? არამედ მცირედ რაჲ მიერულა, დაეცა. ვინ უსანატრელეს სოლომონისსა?
Line: 25 არამედ სიბერისა და აღსასრულისა ჟამსა დაკუეთებული წარწყმდა. ვინ
Line: 26 უწარჩინებულეს იყო იუდაჲსსა? არამედ განმცემელობისა ცოდვითა დაცემულმან
Line: 27 შიშთვილიბა. ვინ იყო უმოშუონეს პეტრჱსსა? არამედ მეყსეულად დაეცა დაცემითა
Line: 28 განსაკრთომელითა. რაოდენნი ესე ვითარნი შეცვალებანი ძუელადცა სადმე
Line: 29 ქმნილად და აწცა დღითი-დღე აღსრულებულად იპოებიან, ამის-თჳს ზემო და
Line: 30 ქუე წინაგჳწამებს და წინაჲსწარ განგუაკრძალებს და სიფრთხილედ და მღჳძარებად
Line: 31 აღგუადგენს საღმრთოჲ წერილი მეტყუელი ესრეთ: "რომელი ჰგონებდეს
Line: 32 დგომასა, ეკრძალენ: ნუ უკუე დაეცეს".
Line: 2 ხოლო შემდგომად სოლომონისსა მეფე იქმნა რობოამ, ძე მისი, ათშჳდმეტ
Line: 3 წელ, რომლისა-ზე ორად განიყო მეფობაჲ. რამეთუ დაუტევა რაჲ განზრახვაჲ
Line: 4 მოხუცებულთაჲ და განმზრახობისა-ებრ თანა-ზრდილთა წინაშემდგომელთა თჳსთა
Line: 5 ჭაბუკთაჲსა მზრახვალ იქმნა ერისა მიმართ სიფიცხით, განუდგა მას და წარვიდა
Line: 6 მისგან ისრაჱლი. და ორნი ვიდრე-მე ტომნი იუდაჲსი და ბენიამენისი დაშთეს
Line: 7 მის-თანა იერუსალჱმს, ხოლო სხუანი იგი ათნი წარვიდეს სამარიას, და მეფე
Line: 8 იქმნა მათ ზედა იერობოამ, მონაჲ სოლომონისი. და ამიერ ორთა მათ ნათესავთა
Line: 9 სახელ ედვა იუდად სიდიდისა-თჳს და სამეფოობისა იუდაის ნათესავისა;
Line: 10 ხოლო სხუათა მათ ათთა ისრაჱლად და ეფრემად ეწოდა, სიმრავლისა-თჳსცა და
Line: 11 იერობოამის-თჳს, პირველისა მეფისა მათისა. რომელი იყო ტომისაგან ეფრემისა,
Line: 12 ძისა იოსებისა და ქმნა რობოამ, ძემან სოლომონისმან, ბოროტი წინაშე უფლისა,
Line: 13 ვითარცა მამამან მისმან, და მოკუდა ცოდვათა შინა თჳსთა. რომლისა-ზე
Line: 14 სესაკიმ, მეფემან ეგჳპტისამან, ჴელთ იგდო იერუსალჱმი და წარიხუნა საჴმარნი
Line: 15 ტაძრისანი და სამეფოთა სახლთანი და ოქროჲსა იგი ჰორლები და ფარები, რომელთა
Line: 16 ნაცვალად შეიქმნნეს რვალისანი.
Line: 18 და შეძდგომად რობოამისსა მეფე იქმნა აბია, ძე მისი, და ქმნა ბოროტი
Line: 19 წინაშე უფლისა და მოკუდა წარმმართებელი მეფობისაჲ ექუს წელ რომელი ებრძოლა
Line: 20 იერობოამს და ათთა ტომთა ისრაჱლისათა და მოსწყჳდნა მათგანნი კაცნი
Line: 21 ძლიერნი დღესა ერთსა შინა საღმთოჲთა რისხვითა ხუთასჯერ ათასნი.
Line: 23 ხოლო შემდგომად აბიაჲსა მეფე იქმნა ასა, ძე მისი, და პირველად ქმნა
Line: 24 სიმართლე წინაშე უფლისა; და მერმე მცირედ ღმრთის-მსახურებისაგას უდებ-ქმნილი
Line: 25 სნეულ იქმნა ფერჴითა და ჴელოვნებისა მკურნალთაჲსა მჴუმეველი არა
Line: 26 შეუვრდა ღმერთსა და ესრეთ მოკუდა ათექუსმეტწელ მეფეყოფილი.
Line: 28 მერმე შემდგომად ასაჲსა მეფე იქმნა იოსაფატ, ძე მისი, და ქმნა სიმართლე
Line: 29 წინაშე უფლისა და მოკუდა ოც და ხუთ წელ დამპყრობელი მეფობისაჲ, რომელსა
Line: 30 აქაბის-მიმართისა მოწლეობისა-თჳს და გულითადობისა ჰრქუა წინაჲსწარმეტყუელმან
Line: 31 იიუ ანანისმან: "მეფე იოსაფატ! უკუეთუ ცოდვილსა შეეწევია
Line: 32 შენ? ანუ მოძაგებულსა უფლისაგან მოყუარე ექმნებია? ამის-თჳს მომცასრულ იყო
Line: 33 შენ ზედა რისხვაჲ უფლისაჲ, არათუმცა სიტყუანი კეთილნი პოვნად იყუნეს შენ
Page: 100 Line: 1 შორის; და რამეთუ აღიხუენ საძაგელნი ქუეყანისაგან იუდაჲსა და წარჰმართე
Line: 2 გული შენი გამოძიებად უფლისა". და სრულ იპოვა გული შენი უფლისა მიმართ.
Line: 3 ამის-თჳს გრიდა შენ უფალმან, "გარნა მოვეიშალნენვე ნაქმარნი შენნი და შეიმუსრნენ
Line: 4 ნავნი შენნი". ამიერ უკუე განვისწავლებით, ვითარმედ ძალ უც შემცირებაჲ
Line: 5 ცოდვათა-თჳს შემთხუეულთა ტანჯვათაჲ პირველ სადმე ქმნილთა წარმართებათა.
Line: 6 რამეთუ სიმართლისა იგი მსაჯული ამათ-თანა შეატყუებს მათ და ეგრეთ
Line: 7 გამოსცემს განჩინებასა. ვინაჲცა გჳღირს ამისთა მოსწავლე ქმნილთა სივლტოლაჲ
Line: 8 ღმრთის-მოძაგებულთა მეგობრობისაგანცა და თანა-ლმობისა. რამეთუ არცა
Line: 9 ერთი ზიარებაჲ არს ნათლისაჲ ბნელისა მიმართ, არცა სათნოებისაჲ სიბოროტისა
Line: 10 მიმართ, და არცა მპარავსა-თანა ჯერ არს სრბაჲ, არცა მეძავსა-თანა
Line: 11 დადებაჲ ნათილისაჲ რომლისა-თჳსცა იტყჳს: "არა მოძულენი შენნი მოვიძულენა
Line: 12 და მტერთა შენთა ზედა განვკფდი? სიძულილითა სრულითა მოვიძულენ
Line: 13 იგინი, მტერად შემექმნეს მე". და "უსჯულონი მოვიძულენ, და არა შემომეყო მე
Line: 14 დრკუჲ გული". და რამეთუ ცოდვიდეს რაჲ მონანიცა ღმრთისანი, ვითარცა კაცნი,
Line: 15 პირველქმნილთა სათნოებათა-თჳს მრავალგზის კაცთ-მოყუარებისა ღირს იქმნებიან,
Line: 16 ხოლო ცოდვათა მათთა-თჳს მონაგებთა და საქონელთა მათთა ზედა მოჰჴადონ
Line: 17 მისაგებელსა ზეგარდამოჲ მშჯავრი.
Line: 19 ხოლო შემდგომად იოსაფატისა გამეფდა იორამ, ძე მისი, და ქმნა ბოროტი
Line: 20 წინაძე უფლისა და ამას-თანა მოსრნა ექუსნი ძმანი თჳსნი და მოკუდა
Line: 21 თჳთცა რვა წელ მქონებელი მეფობისა.
Line: 23 შემდგომად იორამისა მეფე იქმნა ოქოზია, ძე მისი, და ქმნა ბოროტი
Line: 24 წინაშე უფლისა, და მოიკლა იუჲს მიერ წელიწადსა ერთსა დამპყრობელი
Line: 25 მეფობისაჲ.
Line: 27 ხოლო შემდგომად ოქოზიაჲსა მეფე იქმნა ღოთოლია, დედაჲ მისი. და
Line: 28 მოსრნა ყოველნი ძენი ოქოზიაჲსნი თჳნიერ ჩჩჳლისა ერთისა, რომელი საკჳრველებით
Line: 29 ვითამე განარინა ცოლმან იუდაე მღდელისამან, და ანაზდაით მეფედ
Line: 30 ქადაგებულ იქმნა დამალული იგი ყრმაჲ იოას იუდაე მღდელისა და ყოვლისა
Line: 31 ერისა მიერ. იყო რაჲ წლისა შჳდისაჲ. და ყოველმან უკუე ერმან განიხარა, და
Line: 32 ქალა]ი დამშჳდნა, ხოლო ღოთოლია მოკლეს სახლსა შინა მეფისასა ექუს წელ
Line: 33 მომგებელი მეფობისაჲ.
Line: 2 შემდგომად ღოთოლიაჲსა მეფე იქმნა იოას, ძე ოქოზიაჲსი, შჳდისა წლისაჲ;
Line: 3 და პირველად ქმნა სიმართლე წინაშე უფლისა. ამის შემდგომად მისდრკა
Line: 4 რაჲ მისგან, მოიკლა სახლსა თჳსსა წარმმართებელი მეფობისაჲ ორმეოც წელ.
Line: 5 რამეთუ, ვიდრემდის მოძღურებათაგან იუდაე მღდელისათა განათლდებოდა, რომელმან
Line: 6 ფრიადისა მის კეთილად-მსახურებისა მისისა-თჳს ას ოც და ათ წელ იმოქალაქა
Line: 7 საწუთოსა ამას შინა, კეთილად სადმე წარემართებოდა. ხოლო შემდგომად
Line: 8 სიკუდილისა საღმრთოჲსა მის მღდელისა უღმრთოებად მიდრეკილმან მოკლა
Line: 9 ზაქარია წინაჲსწარმეტყუელი და ძე მასწავლებელისა თჳსისა. რამეთუ იტყჳს:
Line: 10 "და სულმან უფლისამან შემოსა ზაქარია, ძე იუდაე მღდელისაჲ, და აღდგა წინაშე
Line: 11 პირსა ერისასა და თქუა: ამას იტყჳს უფალი: რად გარეგნით ხუალთ მცნებათა
Line: 12 უფლისათა? და არა კეთილად წარემართებით, რამეთუ დაუტევეთ უფალი
Line: 13 და დაგიტევებს თქუენ იგი. ამის-თჳს ზედა-დაესხნეს და ქვაჲ დაჰკრიბეს მას
Line: 14 ბრძანებითა იოას მეფისაჲთა ეზოსა შინა სახლისა უფლისასა, და არა მოიჴსენა
Line: 15 იოას წყალობაჲ, რომელი ქმნა იუდაე, მამამან ზაქარიაჲსმან მის ზედა, არამედ
Line: 16 მოკლა ძე მისი. რომელი მო-რაჲ-კუდებოდა, თქუა: "იხილენ უფალმან დასაჯენ".
Line: 17 "და ამის შემდგომად აღდგეს მის ზედა ყრმანი მისნი სისხლთა-თჳს ძისა იუდაე
Line: 18 მღდელისათა და მოკლეს იგი სახლსა შინა მისსა". რომლისა-ზე სიბილლა
Line: 19 კჳმიელი იცნობებოდა.
Line: 20 და კაცი ვინმე იყო ისრაჱლსა შორის მდიდარი და უწყალოჲ, რომელი
Line: 21 მოუჴდა მოძღუართაგანსა ვისმე და განღებად სცა სიბრძნე სოლომონისა და მეყსეულად
Line: 22 პოვა ვითარმედ "რომელი სწყალობდეს გლახაკსა, ღმერთსა ავასხებს".
Line: 23 რომლისა მიერ თავსა თჳსსა მოეგო და კეთილად ლმობილ იქმნა, წარვიდა და
Line: 24 განყიდა ყოველივე თჳსი და განუყო გლახაკთა და არა რაჲ დაიშთინა თჳსად
Line: 25 თჳნიერ ორთა ხოლო დრაჰკანთასა რომლისა-თჳსცა ყოვლად-დაგლახებულმან და
Line: 26 არცა ერთისა ვისგან შეწყალებულმან საღმრთოთა მშჯავრთა სიბრძნით გამომცდელობითა
Line: 27 უკუანაჲსკნელ სულმოკლე ქმნილმან ჰრქუა თავსა თჳსსა: "წარვიდე
Line: 28 იერუსალჱმდ და სასჯელი ვყო ღმრთისა-თანა ჩემისა, რამეთუ შემაცთუნა მე გაყოფად
Line: 29 მონაგებთა ჩემთა". ხოლო ვიდოდა რაჲ იგი, იხილნა კაცნი ორნი, ურთი-ერთას
Line: 30 მბრძოლნი, რომელთა ეპოვნა ქვაჲ პატიოსანი, და ჰრქუა მათ: "რად
Line: 31 იბრძვით ძმანო? მომეცით მე ეგე და მიიხუენით ორნი დრაჰკანნი". ხოლო
Line: 32 მათ სიხარულით მისცეს იგი, ვინაჲთგან არა უწყოდეს ფასისა უაღრესობაჲ ქვისაჲ
Line: 33 მის; და იგი შევიდა ქვით-ურთ იერუსალჱმს და მეყსეულად უჩუენა იგი
Line: 34 ოქრომჭედელსა. ხოლო მან იხილა რაჲ, აღდგა და თაყუანის-სცა და განკჳრვებული
Page: 102 Line: 1 ჰკითხვიდა: "სადა ჰპოეო მრავალსასყიდლისა ესე და საღმრთოჲ ქვაჲ?
Line: 2 რამეთუ სამი წელიწადი არს დღეს, ვისაჲთგან დაუწყნარებელად შფოთებს იერუსალჱმი
Line: 3 საკჳრველისა და სახელგანთქუმულისა ამის-თჳს ქვისა. არამედ წარვედ
Line: 4 და ეც ესე მღდელთ-მთავარსა და ფრიად განჰმდიდრდე". ხოლო იგი რაჲ
Line: 5 მივიდოდა, ანგელოზმან უფლისამან ჰრქუა მღდელთ-მთავარსა: "აჰა მოვალს შენდა
Line: 6 კაცი. რომელსა მოაქუს ხმაგანსმენილი იგი ქვაჲ, რომელი წარწყმდა ჩოტკეცისაგან
Line: 7 აჰრონ მღდელისა". მიიღე იგი და მიეც მას მის წილ ვეცხლი და ოქროჲ
Line: 8 ფრიადი, და თანად-ეცცა ნელიად ყურიმალსა და არქუ: ნუ ორგულებ გულსა შინა
Line: 9 შენსა, ნუცა ურწმუნო ხარ ღმრთისა შენისა წერილისა-თჳს ესრეთ მეტყუელისა
Line: 10 ვითარმედ "რომელი სწყალობდეს გლახაკსა, ღმერთსა ავასხებს". რამეთუ
Line: 11 აჰა ამასვე საუკუნესა მრავალწილად მიგიზღენ შენ, რომელნი იგი მავასხენ მე.
Line: 12 და უკუეთუ გრწმენეს, მიიღე მერმესაცა სიმდიდრე აღურიცხუველი. და მღდელთმთავარმან
Line: 13 ვიდრე-მე ყოველივე მისდა ბრძანებული თქუა და ქმნა კაცისა მის მიმართ;
Line: 14 ხოლო მას ესმა რაჲ, ძრწოლითა შეპყრობილ იქმნა და მუნვე ტაძარსა
Line: 15 შინა დამტევებელი მათ ყოველთაჲ გამოვიდა მიერ და ჰრწმენა უფლისა და ყოველთავე
Line: 16 საღმრთოთა წერილთა შინა ქადებულთა აღთქუმათაჲ.
Line: 18 ხოლო შემდგომად იოასისა მეფე იქმნა ამესია, ძე მისი, და ქმნა სიმართლე
Line: 19 წინაშე უფლისა და მოსრნა უკუე მკლველნი მამისა თჳსისანი, ხოლო შვილნი
Line: 20 მათნი არა მოსწყჳდნა წერილისა-თჳს, რომელი იტყჳს: "არა მოკუდენ მამანი
Line: 21 შვილთა-თჳს, არცა შვილნი მამათა-თჳს; არამედ თითოეული ცოდვათა შინა თჳსთა
Line: 22 მოკუდეს". და მოიკლა ბრძოლასა შინა ოც და ცხრა წელ მქონებელი მეფობისაჲ.
Line: 23 რომლისა-თჳს იტყჳს საღმრთოჲ სიტყუაჲ სამოციქულოთა შინა განწესებათა:
Line: 24 თითოეულმან თავისა თჳსისა-თჳს სიტყუაჲ მისცეს, და არა წარწყმიდოს
Line: 25 ღმერთმან მართალი უსამართლოჲსა-თანა, ვინაჲ არა სტანჯავს იგი, რომელსა
Line: 26 არა ეცოდოს, რამეთუ არცა ნოე წარრღუნა, არცა ლოთ დაწუა, არცა რააბ თანა-წარწყმიდა
Line: 27 სხუათა. ხოლო უკუეთუ გნებავს ცნობაჲ ჩუენ-ზე ქმნილისაჲცა
Line: 28 რაჲსაჲმე, არცაღა იგი დავფაროთ. იუდა ჩუენ შორის იყო და მიიღო წილი
Line: 29 მსახურებისაჲ, რომელი მივიღეთ ჩუენ, და სიმონ მოგუმან ქრისტჱსმიერი
Line: 30 ბეჭედი. არამედ თითოეული მათი არა წმიდად გამოჩნდა: და ერთმან მან
Page: 103 Line: 1 შიშთვილიბა, ხოლო მეორე, გარეგან ბუნებისა მფრინვალე, შეიმუსრა. და კიდობანსა
Line: 2 შინა ნოე და ძენი მისნი იყვნეს, არამედ ბოროტად იპოვა რაჲ ქამ,
Line: 3 მარტომან მიითუალა ტანჯვაჲ. ხოლო, უკუეთუ მამანი შვილთა-თჳს არა იტანჯებიან,
Line: 4 არცა შვილნი მამათა-თჳს, ცხად არს, ვითარმედ არცა ცოლნი ქმართა-თჳს,
Line: 5 არცა მრწემნი უფალთა-თჳს, არცა ნათესავნი ნათესავთა-თჳს, არცა მეგობარნი
Line: 6 მეგობართა-თჳს, არცა მართალნი მართალთა-თჳს, არამედ თითოეულსა საქმეთა
Line: 7 თჳსთა-თჳს მიეჴადოს სიტყუაჲ რამეთუ არცა ნოე სოფლისა-თჳს და
Line: 8 სოფლისა-თანა მოიშთო, არცა ლოთ სოდომელთა-თჳს ცეცხლითა დაიწუა, არცა
Line: 9 რააბ იერიქოელთა-თჳს მოიკლა, არცა ისრაჱლი მეგჳპტელთა-თჳს დაინთქა. რამეთუ
Line: 10 არა თანა-მკჳდრობაჲ დაშთის, არამედ ერთობაჲ განზრახვისა და ნებისაჲ.
Line: 11 ვინაჲცა არა ხოლო სხუაჲ სხჳსა-თჳს მოკუდების, არამედ "საბლითა ცოდვათა
Line: 12 თჳსთაჲთა თითოეული შეიკრვის"; და "აჰა კაცი და საქმენი მისნი წინაშე პირსა
Line: 13 მისსა"; და "სიმართლე მართლისაჲ მის ზედა იყოს, და უსჯულოებაჲ უსჯულოჲსაჲ
Line: 14 მის ზედა იყოს": და "თითოეული გზათა თქუენთა-ებრ გსაჯო, სახლო ისრაჱლისაო",
Line: 15 ეტყჳს უფალი ღმერთი. და "რად იტყჳთ თქუენ იგავსა ამას: "მამათა
Line: 16 ჭამეს კაწახი, და კბილნი შვილთანი მოჰლბეს"? ცხოველ ვარ მე, იტყჳს
Line: 17 ადონა უფალი: უკუეთუ იყოს თქუენ მიერ თქუმული ესე იგავი მერმეცა ისრაჱლსა
Line: 18 შორის. რამეთუ ყოველნი სულნი ჩემნი არიან, და, ვითარცა სახიდ სული
Line: 19 მამისაჲ, ეგრეთვე სული ძისაჲ ჩუენი არს. და სულმან, რომელმან ცოდოს,
Line: 20 იგივე მოკუდეს".
Line: 22 და შემდგომად ამესიაჲსა მეფე იქმნა ოზია და აზარიაცა, ძე მისი, და
Line: 23 ქმნა სიმართლე წინაშე უფლისა. და წარმართებასა ზედა აღზუავნა და ინება კუმევად
Line: 24 უფლისა ღმრთისა თჳთ თავით თჳსით. რომლისა ქმნაჲ მხოლოდ მღდელთა
Line: 25 ოდენ შეეტყუებოდა. და აკუმია რაჲ ტაძარსა შინა, მეყსეულად განკეთროვნდა
Line: 26 და ეგრეთ მოკუდა ორმეოც და ათორმეტ წელ დამპყრობელი მეფობისაჲ. რომლისა-თჳს
Line: 27 ოქროპირი იტყჳს: "ესრეთ უკუე ოზია განძლიერდა რაჲ, ვერღარა
Line: 28 უძლო დამჭირვაჲ სიდიდესა ძალისასა; არამედ, ვითარცა დაუპყრობელისა ჭამისაგან
Line: 29 შეიქმნების თელგმაჲ, და თელგმისაგან იშვების მჴურვალებაჲ ეგრეთვე
Line: 30 აქა საქმეთა გარდამატებულებისაგან ულმობელობაჲ შეიქმნა. რამეთუ რაჲ იგი
Line: 31 არს თელგმაჲ ჴორცთა-თჳს, იგივე ულმობელობაჲ სულისა-თჳს მერმე ულმობელობასა
Line: 32 გულის-თქუმაჲ შეუტყუებელთა საქმეთაჲ შეუდგა. და ესრეთ ამაღლდა
Line: 33 რაჲ გული მისი, და არცა შინაგან დაეტია. არცა დაშრტა ულმობელობაჲ, არამედ
Page: 104 Line: 1 გარეგამოჰკრთა და საქმედ ბოროტად განსრულებულმან ყოველივე სათნოებაჲ
Line: 2 მისი გახსრწნა. რამეთუ იტყჳს წერილი მის-თჳს: "და ვითარცა განძლიერდა
Line: 3 გული მისი განრყუნად, და ჰმძლავრა უფალსა, ღმერთსა თჳსსა. და შევიდა ტაძრად
Line: 4 უფლისა კუმევად საკურთხეველისა ზედა საკუმეველთაჲსა, ხოლო შევიდა შემდგომად
Line: 5 მისსა ზაქარიაცა მღდელთ-მთავარი და მის-თანა ოთხმეოცნი მღდელნი
Line: 6 უფლისანი მეტყუელნი ესრეთ: "არა შენი არს, ოზია, კუმევაჲ წინაშე ღმრთისა,
Line: 7 არამედ მღდელთა, ძეთა აჰრონისათა, განწმედილთაჲ მკუმეველად. გამოვედ
Line: 8 უკუე სიწმიდეთაჲთ, რამეთუ განდგომილ ხარ უფლისაგან, და არა არს შენდა
Line: 9 ესე დიდება უფლისა მიერ ღმრთისა ისრაჱლისასა". და, ვითარცა განრისხნა იგი
Line: 10 მღდელთა-თჳს. ეპყრნესღა სასაკუმევლენი ჴელითა, აღმოჴდა კეთრი შუბლსა მისსა
Line: 11 წინაშე მღდელთასა სახლსა შინა უფლისასა, და შთამოზიდეს იგი მიერ. და
Line: 12 რამეთუ თჳთცა ისწრაფდა განსლვად, რამეთუ ამხილა მას უფალმან და განკეთრებული
Line: 13 მჯდომარე იყო სახლსა შინა თჳსსა ვიდრე აღსრულებად მისსა რამეთუ
Line: 14 განყოფილ იყო იგი სახლისაგან უფლისა" რომლისა-ზე ძრვაჲ დიდი იქმნა მუნ,
Line: 15 და ნახეთქმან მთისა დიდისამან შთამოგორვებულმან წარვლო ველი ვაკე ორმეოცი
Line: 16 სტადიონი.
Line: 18 ხოლო შემდგომად ოზიაჲსა მეფე იქმნა იოათან, ძე მისი, და ქმნა სიმართლე
Line: 19 წინაშე უფლისა და მოკუდა ათექუსმეტ წელ დამპყრობელი მეფობისაჲ.
Line: 21 და შემდგომად იოათანისა მეფე იქმნა აქაზ, ძე მისი, და ქმნა ბოროტი
Line: 22 წინაშე უფლისა და მოკუდა მეფექმნილი ათექუსმეტ წელ. რომელი ებრძოლა-ცა
Line: 23 ფაკეს, მეფე ისრაჱლისასა, და მოსწყჳდნა დღესა ერთსა კაცნი მისნი ძლიერნი
Line: 24 რიცხჳთასი ათასნი, ხოლო ტყუე ყვნა დედანი და ყრმანი სამასჯერ ათასნი.
Line: 26 შემდგომად აქაზისა მეფე იქმნა ეზეკია, ძე მისი, და ქმნა სიმართლე წინაშე
Line: 27 უფლისა და მოკუდა წარმმართებელი მეფობისაჲ ოცდა ცხრა წელ. რომლისა-ზე
Line: 28 იყო მოსჱს მიერ შემზადებული იგი გუელი რვალისაჲ, რამეთუ მერეცა
Line: 29 უზორვიდესღა მას სხუათა მათ საძაგელებათა-თანა ძენი ისრაჱლისანი; ხოლო
Line: 30 უჩინო ყო იგი ეზეკია, ვითარ იგი წიგნნიცა სალომონისნი იგავთანი და
Line: 31 ქებათანი, რომელთა შინა ნერგთა და ყოველთა ცხოველთა ბუნებათ-მეტყუელებაჲ
Line: 32 აღწერილ იყო, ვითარცა მოვიჴსენეთ. და რომლისა ჟამთა რომოს და რიმოს
Page: 105 Line: 1 აღაშენეს ჰრომი და მეფე იქმნეს მუნ, და მეწამულად სახელდებული იგი სიბილლა
Line: 2 იცნობებოდა. და სალმანასარ, მეფემან ასურასტანელთამან, დაიპყრა სამარიაჲ,
Line: 3 სამეფოჲ ისრაჱლისაჲ. და ათნი იგი ტომნი მიმდგომნი მისნი ტყუედ წარიყვანნა.
Line: 4 და ეზეკიაჲს-ზევე აღმოვიდა სენაქირიმ, მონაცვალე სალმანასარისი, და
Line: 5 მრავლად რაჲ იმდიდრმეტყუელა უფლისა-თჳს და ერისა მისისა-თჳს, ლმობიერ
Line: 6 იქმნა რომელი იგი განაქარვებს ზრახვასა წარმართთასა, შეურაცხ ჰყოფს გულის-სიტყუათა
Line: 7 ერთასა და განზრახვათა მთავართასა და გულის-ხმის-მყოფელთა უკუნ
Line: 8 აქცევს, მართლ უკუნ, და განზრახვასა მათსა განაცოფებს. და მოავლინა ანგელოზი
Line: 9 თჳსი და მოსრა ბანაკისაგან ასურასტანელთაჲსა ათასეული ას ოთხმეოცდახუთი.
Line: 10 და ესრეთ სირცხჳლეული და მწუხარექმნილი კუალად იქცა რაჲ სენაქირიმ
Line: 11 ნინევად, სრვად იწყო სალმანასარის მიერ სამარიაჲთ წარყვანებულთა მათ
Line: 12 ტყუეთა ისრაჱლისათა. რომელსა მყის ეწია საღმრთოჲ სასჯელი, და შვილთა
Line: 13 თჳსთა მიერ მოიკლა იგი; და ესრეთ დასცხრა ტყუეთა მათ უმსჯავროჲ იგი
Line: 14 სრვაჲ მსჯავრითა სიმართლისაჲთა მიგებულისა სიკუდილისა მიერ. რომლისა
Line: 15 ტყუეობისაგან იყო ვინმე მოწყალე კაცი სახელით ტოვით, რომელსა ფრიადი
Line: 16 მოსწრაფებაჲ აქუნდა დაფლვისა-თჳს მომწყდართა მათ ჰურიათაჲსა. რომლისა
Line: 17 ძლით შესმენილ იქმნა მეფისა, ხოლო იგი ივლტოდა და დაწვა გარეგან ზღუდისა.
Line: 18 და ვითარ იგი მრავალგზის გჳხილავს თუალხილულობაჲ მძინარეთა ვიეთიმე,
Line: 19 ეგრეთვე მასცა მძინარესა განღებულად რაჲ აქუნდეს თუალნი, სირმან
Line: 20 შთაასკინტლა თუალთა მისთა და განუთეთრნა იგი და მოუღო ძალი მხედველობისაჲ.
Line: 21 ხოლო იყო ეგბატანს ქალი, ნათესავი მისი, რომელსა შჳდნი ქმარნი
Line: 22 შეერთნეს და შჳდნივე ეშმაკსა მოეწყჳდნეს უწინარეს ცნობისა მისისა; და შემდგომითი-შემდგომად,
Line: 23 ვითარ იგი ტოვით ილოცა მის-თჳს, და მოუვლინა მას
Line: 24 ღმერთმან შემწედ ანგელოზი რაფაელ. და ვითარ იგი ამცნო ძესა თჳსსა ტოვიას
Line: 25 არა მოყვანებად სხჳთ ვინაჲმე ცოლი თჳნიერ ტომისაგან და ნათესავისა
Line: 26 მისისა წესისა-ებრ სჯულისა, და ვითარ მისცა მას ჴელით-წერილი ათისა-თჳს
Line: 27 ტალანტისა ოქროჲსა, რომელი დაედვა მას მიდეთს, რათა მსწრაფლ წარვიდეს
Line: 28 და წარმოიღოს იგი. რომლისა-თჳს ყრმაჲ, ვითარცა უმეცარი გზისაჲ, ეძიებდა
Line: 29 რაჲ თანა-მოგზაურსა, პოვა განგებულებითა ღმრთისაჲთა ანგელოზი რაფაელ,
Line: 30 ვითარცა კაცი, მდგომარედ. რომელი გზისა მეცნიერებასა აღიარებდა და აზარიაობასა
Line: 31 სახელისა თჳსისა წამებდა. ესე მოიმიზდა და მიიყვანა თანა-მოგზაურად
Line: 32 თჳსსა ტოვია. და იგი მგზავრ მდინარესა შინა ტიგრისსა პოვნილისა მის თევზისა
Line: 33 შეპყრობაჲ და განპებაჲ და გულისა და ღჳძლისა და ნავღლისა მისისა
Line: 34 დამარხვაჲ უბრძანა ანგელოზმან ტოვიას, და ვითარმედ. გული და ღჳძლი
Page: 106 Line: 1 კუმეულ იქმნენ რაჲ, განჰჴდიან იგი ეშმაკთა, ხოლო ნავღელი განსწმედს სითეთრესა
Line: 2 თუალთასა. ამის შემდგომად ყრმამან უკუე შეირთო პირველჴსენებული იგი
Line: 3 ქალი ნათესავი თჳსი ცოლად განზრახვითა და თანა-მოქმედებითა ანგელოზისაჲთა
Line: 4 და საკუმეველთა მათ მიერ განდევნითა ეშმაკისაჲთა; ხოლო ანგელოზი თანად
Line: 5 და აზარია წარვიდა მიდეთს და მოიღო ათი იგი ტალანტი ოქროჲ და მოიქცა
Line: 6 ყრმისა-თანა და ცოლისა მისისა მამისა მიმართ ტოვითისა, რომლისა თუალთა
Line: 7 სცხო რაჲ ყრმამან ნავღელი იგი თევზისაჲ და მყის აღეხილნეს თუალნი
Line: 8 მისნი, გამოუცხადა მას ანგელოზმან თავი თჳსი, ვითარმედ არა კაცი არს, არამედ
Line: 9 ანგელოზი, და მოივლინა ღმრთისა მიერ შემწედ მათდა და ქალისა მის
Line: 10 სარრაჲსა კეთილად-მსახურებისა-თჳს მათისა, და თქუა მათ მიმართ: "საიდუმლოსა
Line: 11 მეფისასა დაფარვაჲ კეთილ არს, ხოლო საქმეთა ღმრთისათა დიდებით საგალობელყოფაჲ
Line: 12 უკეთეს არს".
Line: 13 ესრეთ უკუე იტეჳს საღმრთოჲ მამაჲ ოქროპირი ვითარმედ "ანგელოზთა
Line: 14 ქებაჲ სათანადო არს. და რამეთუ იგინი დაუდუმებელად რაჲ უგალობდენ შემოქმედსა,
Line: 15 ტკბილ და მოწყალე ჰყოფენ მას კაცთა-თჳს. ხოლო ანგელოზთა ვიტყჳ
Line: 16 თანა-მბრძოლთა ჩუენთა და თანა-მოღუაწეთა წყობასა შინა წინააღმდგომთა
Line: 17 ძალთასა, რომელთაგანი არს მთავარანგელოზი მოქაელ, მოსჱს ჴორცთა-თჳს
Line: 18 ვიდრე-მე ეშმაკისა მიერ მოსაქული, ხოლო თავის-უფლებისა-თჳს ერისა მთავრისა
Line: 19 მიმართ სპარსთაჲსა მოქადული. რამეთუ ბრძანებითა ღმრთისაჲთა ყოვლისავე
Line: 20 დაბადებულისა მიმართ განყოფილ არიან და ძლიერთა ნათესავთა მპყრობელ
Line: 21 ქმნილ არიან და რამეთუ რომელთაგანმე სპარსთა მმართებელობაჲ სათნო იყო.
Line: 22 ხოლო მიქაელს წინადაცუეთილებისაგანისა ერისა მცველობაჲ უბრძანა. ვინაჲცა
Line: 23 ორკერძოჲვე იგი რეცა მკსინვარე სიტყჳს-გებაჲ ანგელოზთაჲ არა ვნებულისა
Line: 24 რისხვისაებრი არს, არამედ საღმრთოჲსა რაჲსმე და გამოუთქუმელისა სიტვჳსა-ებრი.
Line: 25 რამეთუ ერთი იგი ჰურიათა მონებასა სპარსთასა აიძულებდა, ხოლო მეორე
Line: 26 იგი თავის-უფლებისა მიმართ ჴელპყრობილ ჰყოფდა, და მიმდემთა ვედრებათა
Line: 27 ღმრთისა მიმართ შესწირვიდა და იტყოდა: "უფალო, ყოვლისა მპყრობელო,
Line: 28 ვიდრემდის არა შეიწყალებ იერუსალჱმსა და ქალაქთა იუდაჲსთა, რომელნი უგულებელს
Line: 29 ჰყვენ სამეოცდაათსა ამას წელიწადსა"? რომელი დანიელცა იხილა მფრინველედ
Line: 30 ჩუენებასა შინა და "პირი მისი, ვითარცა ხილვაჲ ელვისაჲ"-ო, თქუა, "და
Line: 31 თუალნი მისნი, ვითარცა ლამპარნი ცეცხლისანი, და მკლავნი მისნი და წჳვნი,
Line: 32 ვითარცა ხილვაჲ რვალისა მოლესულისაჲ, და ხმაჲ სიტყუათა მისთა, ვითარცა
Line: 33 ხმაჲ ერისაჲ, რომელმან კაჰრაული წაღმართ სლვად არა უტევა და ბალამის
Line: 34 უწესოჲ მისნობაჲ ცუდ ყო. რომელმან მახჳლი იჴადა და სიმჴნით ბრძოლის-ყოფაჲ
Line: 35 მტერთა მიმართ ისო ნავესსა სახისა მიერ უბრძანა. რომელმან
Page: 107 Line: 1 ასოთხმეოც და ხუთი ათასი ასურასტანელთაჲ ერთსა ღამესა მოსრა და ძილსა
Line: 2 თანა შეჰყო სიკუდილი. რომელმან წინაჲსწარმეტყუელი ამბაკუმ სტადიონთა შინა
Line: 3 ჰაერისათა ავლინა. რათა შორის ლომთაჲსა სიბრძნის-მოყუარე წინაჲსწარმეტყული
Line: 4 გამოზარდოს. ესე უკუე და ესე ვითარნი დასამჴობელად მტერთა შეგუეწევიან,
Line: 5 ვითარ იგი ყო საკჳრველმან რაფაელ. რამეთუ ერთისა თევზისა
Line: 6 განპებითა ეშმაკეული ქალი განკურნა და მწუხარესა ბერსა მხედველობაჲ მზისაჲ
Line: 7 მოუგო აწ უკუე არა ფრიადისა პატივისა ღირს არიანა მცველნი იგი
Line: 8 ცხორებისა ჩუენისანი რამეთუ არა მცველად ხოლო ნათესავთა დაწესებულ
Line: 9 იქმნნეს ანგელოზნი თქუმულისა მის-ებრ ვითარმედ "რაჟამს განყვნა მაღალმან
Line: 10 ნათესავნი, ვითარ მიმოსთესნა ძენი ადამისნი, დაადგინნა საზღვარნი თესლთანი
Line: 11 რიცხჳსა-ებრ ანგელოზთა ღმრთისათა", არამედ თითოეულისაცა მორწმუნეთა
Line: 12 კაცთაგანისადა ანგელოზი განჩინებულ არს. რამეთუ მჴევალი იგი როდი
Line: 13 მიუთხრობდა რაჲ მოციქულთა ჰეროდჱს საპყრობილით განრომილისა პეტრჱს
Line: 14 კართა ზედა დგომასა, ურწმუნო იყვნეს და იტყოდეს ვითარმედ "ანგელოზი მისი
Line: 15 არს", რომლისა თანა მოწამედ ხმობს უფალიცა. "იხილეთ ნუ ვინმე შეურაცხ-ჰყოთ
Line: 16 ერთი მცირეთა ამათგანი, რამეთუ გეტყჳ თქუენ, ვითარმედ ანგელოზნი
Line: 17 მათნი მარადის ჰხედვენ პირსა მამისა ჩემისა ზეცათაჲსსა". და კუალად თითოეულისა
Line: 18 ეკლესიისა მცველად ანგელოზი დაუდგენიეს ქრისტესა, ვითარცა გამოცხადებასა
Line: 19 შინა იტყჳს იოანე: "არქუ ანგელოზსა ზმჳრნისასა: უწყი სიგლახაკე
Line: 20 შენი და ჭირი, არამედ მდიდარ ხარ". კეთილ სადმე არს ჩუენდა დაუნჯებაჲ ზეცათა
Line: 21 შინა გამოზრდითა გლახაკთაჲთა შეწყნარებითა უცხოთაჲთა და არა ოდეს
Line: 22 უდებყოფითა ღმრთისა შემაერთებელისა ლოცვისაჲთა. რომლისა მხედველნი ანგელოზნი
Line: 23 მართლისა მიმართ მსაჯულისა და სასყიდლის მიმცემელისა მეუფისა
Line: 24 აღაწევენ მათ, ვითარცა გესმის ვითარმედ "ლოცვანი შენნი და მოწყალებანი აღვიდეს
Line: 25 საჴსენებელად შენდა წინაშე ღმრთისა.
Line: 26 ამის-თჳს სამართლად პატივ ვსცემთ ქველის-მოქმედთა ჩუენთა ანგელოზთა,
Line: 27 ვითარცა ჩუენთჳს მვედრებელთა მეუფისათა. და რამეთუ მსახურებრივ ძალ
Line: 28 არიან იგინი საღმრთოჲსა-ებრ მოციქულისა მოვლინებულ მსახურად მგულებელთა-თჳს
Line: 29 ცხორების დამკჳდრებისათა; რომელნი ზეშთა მბრძოლცა და თანა-მბრძოლ
Line: 30 ჩუენდა არიან, ვითარ იგი გესმოდა საღმრთოჲსა დანიელისი, რაჟამს ანგელოზისა
Line: 31 მიმართ სპარსთაჲსა მთავარანგელოზისა მიქაელის სიტყჳს-გებასა თავის-უფლებისა-თჳს
Line: 32 ერისა წარმოიტყოდა. რამეთუ ერთი იგი მონებასა სპარსთასა აიძულებდა
Line: 33 ერსა, ხოლო მეორე განთავის-უფლებასა ისწრაფდა, ვითარცა ვთქუთ.
Line: 34 რომლისა-თთჳსცა მიქაელის კერძო მიდრკა ძლევაჲ, და ევფრატისა წიაღმვლელნი
Page: 108 Line: 1 ჰურიანი კუალად მამულადვე ქუეყანად მიიწინეს და ქალაქი და ტაძარი აღაშენეს
Line: 2 ამისდავე მსგავსად ხმობს დიდი ეპიფანეცა ვითარმედ "თითოეულისა ნათესავისა-თჳს
Line: 3 ანგელოზისა ზედა-მდგომელობასა იტყჳს წერილი. რამეთუ დანიელის მიმართ
Line: 4 მზრახვალმან ანგელოზმან მთავარი სპარსთაჲ თქუა და მთავარი ელლენთაჲ
Line: 5 და მიქაელ, მთავარი ჰურიათაჲ. რომლისა-თჳსცა იოანეცა ხმობს გამოცხადებასა
Line: 6 შინა: "განჴსნენ ოთხნი ანგელოზნი დადგინებულნი ევფრატსა ზედა", ცხად არს,
Line: 7 ვითარმედ აღმძრველნი წარმმართთანი ბრძოლად ვიდრე ჟამადმდე სულგრძელებისა
Line: 8 უფლისა, და ბრძანებს მათ მიერ შურის-ძიებისა ქმნასა წმიდათა მისთასა. რამეთუ
Line: 9 იპყრობვბიან ზედა-მდგომელად განჩინებულნი ანგელოზნი საღმრთოჲსა სულისა
Line: 10 მიერ, ვითარცა არა მქონებელნი ჟამსა ზედა-მისლვისასა, არღა სადა განჴსნილობისა-თჳს
Line: 11 მათისა, რათა პატიჟი მიჰჴადონ სხჳათა წარმართთა წმიდათა
Line: 12 ღმრთისათა გინებისა-თჳს, ხოლო განიჴსნებიან ესე ვითარნი იგი და ზედა-მიუვლენ
Line: 13 ქუეყანასა, ვითარცა იტყჳს იოანე და წინაჲსწარმეტყუელნი, და აღძრულნი
Line: 14 აღმძრველ ექმნებიან შურის-ძიებისა მიმართ წარმართთაჲსა".
Line: 15 და კუალად საღმრთოჲ ნიკიფორე კოსტანტინუპოლელ მამათ-მთავარი იტყჳს:
Line: 16 "უწყით და გურწამს ღმრთისა-მიმართთა დიდების-მეტყუელებათა ჩუენთა წმიდათა ანგელოზთა-მიერი
Line: 17 შემწირველობაჲ, ვინაჲთგან ნამდჳლვე ჭეშმარიტ არს მეტყუელიცა
Line: 18 და სიტყუაჲ ვითარმედ "ანგელოზნი მათნი მარადის ჰხედვენ პირსა მამისა ჩემისა
Line: 19 ზეცათაჲსსა". რაჲსა მოქმედნი ანუ რაჲსა მეტყუელნი, ანუ თუ უეჭუელად
Line: 20 რამეთუ თხოვათა ჩუენთა ყურთა უფლისა საბაოთისთა მიმაწევნელნი მოწყალე
Line: 21 ჰყოფენ მას და მლხინებელ ჩუენ მიერ ქმნილთა საქმეთა ზედა?" რომლისა-თჳს-ცა
Line: 22 ფრიად ჯეროვანითა სამართლითა პატივად მათდა ტაძართა აღვაშენებთ და
Line: 23 სულიერად მედღესასწაულენი დიდების-ვმეტყუელებთ ღმერთსა მადიდებელსა მათსა
Line: 24 და ყოველთა წმიდათასა, რომელთა თანად წესსა და დგომასა და საღმრთოჲსა
Line: 25 განათლებისა და მეცნიერებისა ზეშთა-აღმატებულებასა ქრისტეშემოსილისა მიერ
Line: 26 განსწავლული დიდი და სამოციქულოჲ დიონჳსიოს ესრეთ იტყჳს: "ყოველთავე
Line: 27 ზეცისა ძალთა ცხრად უწესს ღმრთის-მეტყუელებაჲ შემსგავსებულითა სახელის-დებათა
Line: 28 და სამად განჰყოფს სამობითითა შემკობილებითა და პირველყოფად უკუე
Line: 29 იტყჳს ღმრთისა გარემოჲსსა არსებასა სამარადისოდ და განუცემელად და უწინარეს
Line: 30 სხუათასა უსაშოვლოდ შეერთებულსა მის-მიერისა მომცემელობისასა. რამეთუ
Line: 31 უფროჲსად წმიდათა საყდართა და თუალმრავალთა და ფრთემრავალთა ქერობინად
Page: 109 Line: 1 ხმითა ებრაელთაჲთა და სერაფიმად სახელდებულთა ზეშთა ყოველთასა
Line: 2 მდებარითა მახლობელობითა გარემოჲს ღმრთისა დამყარებულად იტყჳს საღრთოთა
Line: 3 სიტყუათა მომცემელობისა საჩინოებაჲ. ვინაჲცა სამობითი ესე შემკობილებაჲ,
Line: 4 ვითარცა ერთი და თანა-მწყობრი და ნამდჳლვე პირველი მღდელთ-მთავრობაჲ
Line: 5 თქუა დიდმან მან წინამძღუარმან ჩუენმან, რომლისასა არა არს სხუაჲ
Line: 6 უღმრთის-სახეესი და პირველად და უსაშოვლოდ უსაკუთრესობით მიმღებელი
Line: 7 გამობრწყინვებასა ღმერთმთავრობისასა, ხოლომე ორედ მღდელთ-მთავრობად ჴელმწიფებათა
Line: 8 და უფლებათა და ძალთა შემასრულებელობასა უწოდა, და მესამედ
Line: 9 და უკუანაჲსკნელად ზეცისა მღდელთ-მთავრობად მთავრობათა და მთავარანგელოზთა
Line: 10 და ანგელოზთა შემკობილებასა" აწ უკუე, დაღათუ ესე ვითარნი არიან და
Line: 11 ესოდენისა დიდებისა საღმრთოჲსა მახლობელობისა მიერ ღირსქმნულ არიან არა
Line: 12 რაჲვე უწყიან ყოფადთაგანი უწინარეს საღმრთოთა გამოცხადებათა-მიერისა უწყებისა
Line: 13 ყოველთავე ბუნებათა წინაჲსწარმეცნიერისა და წინაჲსწარმეტყუელისა ღმრთისათა
Line: 14 და ესრეთ ვითამე ფრიად კეთილად მხმობელისათა "არა არს მაუწყებელი
Line: 15 თჳნიერ ჩემსა". და ამისი წარმომაჩინებელი მთავარანგელოზი იტყოდა: "უფალო
Line: 16 ყოვლისა მპერობელო, ვიდრემდის არა შეიწყალებ იერუსალჱმსა და ქალაქთა
Line: 17 იუდაჲსთა, რომელნი უგულებელს ჰყვენ?" რამეთუ, ვითარცა უმეცარი ოდესობასა
Line: 18 თავისუფლებისა ჟამთასა იტყოდა ამას. ხოლო უკუანაჲსკნელისა მის და აღსასრულისა
Line: 19 დღისა უმეცრებასა ანგელოზთასა ცხადად წარმომაჩინებელი უფალი
Line: 20 იტყოდა ვითარმედ "არცა ანგელოზთა უწყიან იგი". და კუალად არცაღა საღმთთოჲსა
Line: 21 მის ჴორციელისა განგებულებისა საიდუმლოჲ უწყოდეს. ვითარცა
Line: 22 ღმრთისა მხოლოჲსა შორის დაფარული, "რომლისა შორის არიან საუნჯენი
Line: 23 სიბრძნისანი და დაფარულნი მეცნიერებისანი". "რამეთუ ვინ ცნა გონებაჲ
Line: 24 უფლისაჲ, ანუ ვინ თანა-მზრახვალ ეყო მას? ხოლო შემდგომად საცხორებელისა
Line: 25 განკაცებისა "ეკლესიისა მიერ ეცნობა მთავრობათა და ჴელმწიფებათა
Line: 26 საღმრთოჲსა-ებრ მოციქულისა მრავალსახე იგი სიბრძნე ღმრთისა". რამეთუ მხოლოჲ
Line: 27 არს ბუნებით ბრძენ და წინამცნობელ და გონებისა კაცთაჲსა ზედა-მიწევნით
Line: 28 მეცნიერ, ვითარცა მცნობეღი გულთაჲ. "ხოლო მისსა არავინ მეცნიერ არს
Line: 29 თჳსიერ სული მისი". რომლისა-თჳს იტყჳს დავით: "შენ გულის-ხმა ყვენ ზრახვანი
Line: 30 ჩემნი შორით". რამეთუ შთაიჭჳრა რაჲ თავსა შორის თჳსსა მეტყუელმან
Line: 31 მქონებელმან ქრისტჱსმან პავლე მიუწდომელსა მას და განუზომელსა უფსკრულსა
Line: 32 უცნაურთა და გამოუთქუმელთა სასჯელთა და საიდუმლოთა ღმრთისათა, უმეტესითა
Line: 33 განცჳბრებითა და ფრიადითა მოწიწებითა მოცვულმან აღმოუტევა მარადის
Line: 34 საჴსენებელი იგი ხმაჲ და თქუა: ჵ სიღრმე სიმდიდრისა და სიბრძნისა და
Page: 110 Line: 1 მეცნიერებისა ღმრთისა! ვითარ გამოუძიებელ სასჯელი და გამოუკულეველ არიან
Line: 2 გზანი მისნი". და ნამდჳლვე სამართლად: გამოუთქუმელ და მიუთხრობელ არიან ყოვლისავე
Line: 3 დაბადებულისა ბუნებისაგან ყოველნივე განკითხვანი ღმრთისანი და თჳთ მის
Line: 4 მხოლოჲსა და ოდენ საცნაურ. და რად ვიტყჳ ღმრთისათა? "ვინაჲთგან არცა ვინ კაცისანი
Line: 5 უწყნის თჳნიერ სულმან კაცისამან". რამეთუ, უკუეთუ მხოლოჲ ღმერთი
Line: 6 არს მეცნიერი გულთაჲ და "მიმწევნელი ვიდრე განსაყოფელადმდე სულისა და სამშჳნველისა,
Line: 7 ნაწევართა და ტჳნთა. განმკითხველი გულის-ზრახვათა და მოგონებათაჲ",
Line: 8 კეთილად ცხად არს, ვითარმედ არცა გონებაჲ და მოგონებაჲ და დაფარული
Line: 9 გულის-ზრახვაჲ კაცისაჲ უწყის ანგელოზმან, არა თუ უცნაური საიდუმლოჲ
Line: 10 ღმრთისაჲ და არა გაცხადებულად მისგან და მის მიერ განგებულებით
Line: 11 საცნაურქმნილი უმჯობესისა-თჳს. რომლისა-თჳსცა უცნაურად აღასრულა განჴორციელებისა
Line: 12 საიდუმლოჲ და დაფარულად მრავალთა-გან. და რად ვიტყჳ თუ მრავალთაგან?
Line: 13 ვინაჲთგან არცაღა თჳთ ღმრთის-მშობელმან უწყოდა გამოუკულეველობაჲ
Line: 14 საიდუმლოჲსაჲ მის, და ეშმაკსაცა დაეფარვოდა იგი. რამეთუ დაღათუ
Line: 15 მის-ძლითნი წინაჲსწარმეტყუელებანი ასმიოდეს. გარნა სახესა ვითარებისა მისისასა
Line: 16 უმეცარ იყო. რამეთუ, უკუეთუმცა უწყოდა, არამცა შემდგომად ესოდენთა
Line: 17 ჟამთა ჰკითხვიდა მას ვითარმედ "უკუეთუ ძე ხარ ღმრთისა", და ერთგზის და
Line: 18 ორგზის და სამგზისცა ესე.
Line: 19 ხოლო მაროდახ, მონაცვალემან სენაქირისმან, მეფემან ბაბილოვნელთამან,
Line: 20 ხილა რაჲ კუალად ქცევაჲ იგი მზისაჲ სნეულებასა შინა ეზეკიაჲსსა, - რამეთუ
Line: 21 ყოველსა სოფელსა იქმნა კუალად ქცევაჲ იგი მზისაჲ. დაღათუ მიზეზსა უმეცარ
Line: 22 იყვნეს, რომლისა-თჳს იქმნა, ვინაჲცა მაშინ მეფემან ბაბილოვნელმან, ვითარცა
Line: 23 უპირატეს მისსა ყოფილისა მის მეფისა მოსრულებისაცა მსმენელმან და მზისა
Line: 24 შორის ქმნილისა მის საკჳრველებისა ღმრთის-მსახურებისა-თჳს ეზეკიაჲსა მხილველმან,
Line: 25 მოციქული, მშჳდობისაჲ და ძღუენნი მიუვლინნა მას. რამეთუ ათხუთმეტთა ხარისხთა
Line: 26 კუალად იქცა მზე, ხოლო ეზეკია მხიარულ იქმნა და განიშუა მოკითხვასა მას
Line: 27 ზედა და ძღუენთა. "და ესრეთ მოციქულთა მათ მოსრულთა მისცა ბაბილონით,
Line: 28 უჩვუენა ყოველი სახლი მისი და საუნჯენი, რამეთე დაუტევა იგი უფალმან გამოცდად
Line: 29 დაფარულთა გულისა მისისათა. რომელსა ჰრქუა ესაია სიტყჳთა უფლისაჲთა:
Line: 30 "რამეთუ უჩუენენ მათ ყოველნივე, აჰა დღენი მოვლენან, იტყჳს უფალი,
Line: 31 და მიიხუნენ სახლისა შენისანი ყოველნი. და რაოდენნი დაიუნჯნენ მამათა შენთა,
Line: 32 შთაიხუნენ ბაბილონად, და ძეთა შენთაგან წარიყვანნენ და ყვნენ საჭურისად
Line: 33 სახლსა შინა მეფისა ბაბილოვნელთაჲსასა". სათანადო უკუე არს აქა სიხარულისაცა
Line: 34 და მწუხარებისა ურთი-ერთას ჴდომაჲ და სიმჴნით და ჴელოვნებით ორთავე
Line: 35 ზედა-მოსლვისა თავის-დებაჲ და რამეთუ თჳთ მან ეზეკიაცა, რაჟამს იხილა
Page: 111 Line: 1 სპარსთა ზედა აღდგომილი ძლევაჲ და საკჳრველი მძლეობაჲ და ყოვლისა ძალისა
Line: 2 და სასოებისა კაცთაჲსა უაღრესი წარმართებაჲ, და ფრიად აღზუავნა სიხარულისა
Line: 3 მიერ და უაღრესი რაჲმე კაცთაჲ იოცნა, მაშინ სნეულებითა დავარდა,
Line: 4 და კრთომანი სულისა მისისანი აღჳრით-ყვანებასა ღირს იქმნნეს, რათა არა გარეგან
Line: 5 ჯეროვნისა სირბილად აიძულონ მას და მიზეზსა მძლეობისასა ამპარტავანებისაჲ
Line: 6 ენაცვალოს ბრძოლაჲ, რომელი მცირედ შემდგომად-რე შეემთხჳა.
Line: 7 რამეთუ მხიარულქმნილმან მოულოდებელისა-თჳს განმრთელებისა და მოციქულთა
Line: 8 მისლვისა ესოდენ, ვიდრე საუნჯეთაცა უფლისათა გარდარეულებითა სილაღისაჲთა
Line: 9 საანჯმნო ქმნადმდე, სამართლად მიითუალა მეტყუელი იგი შერისხვაჲ ვითარმედ
Line: 10 "არა მისაგებლისა-ებრ, რომელი მიაგო მას უფალმან, მიმგებელ იქმნა
Line: 11 ეზეკია უფალსა, არამედ ამაღლდა გული მისი", - დავიწყებითა მამისა მისისა
Line: 12 დავითის ესრეთ მეტყუელებასა: "უფალო, არა ამაღლდა გული ჩემი". ცხად არს
Line: 13 ვითარმედ პირველ სადმე. ხოლო უკუანაჲსკნელ "ამაღლებული დავმდაბლდი და
Line: 14 შევსულბი", არამედ "კეთილ ჩემდა, რამეთუ დამამდაბლე მე, რათა ვისწავლნე მე
Line: 15 სიმართლენი შენნი", - და მოიწია მის ზედა რისხვაჲ და იუდასა ზედა და იერუსალჱმსა
Line: 16 ზედა. და დამდაბლდა ეზეკია სიმაღლისაგან გულისა მისისა და მკჳდრნი იერუსალჱმისანი.
Line: 17 ესრეთ უკუე და სენაქირიმცა, ვინაჲთგან ზეშთა ძალისა კაცობრივისა მოქადულ
Line: 18 ექმნა ეზეკიას, ამის-თჳს ეცნობა უძლურებისა მისისა არარაობაჲ. რამეთუ
Line: 19 თჳსისა ძალისა და სიმტკიცისა მიერ მოსავმან იერუსალიჱმისა ჴელთ-გდებისამან
Line: 20 კნინღა და ყოველი მჴედრობაჲ თჳსი თჳნიერ ბრძოლისა და ჰომისა წარწყმიდა,
Line: 21 და დიდად კეთილად შეჰრაცხა, უკუეთუ ვითარ თჳთ მარტოჲ განერეს. რომელი
Line: 22 მი-რაჲ-იწია სახიდ მეფობისა თჳსისა, სიკუდილი მიითუალა კაცთაგან, რომელნი
Line: 23 მას მოეყვანნეს ცხოვრებად, რათა უძლურებაჲცა თჳსი შეიცნას და პატიჟის მიჴდასა
Line: 24 არა განერეს.
Line: 25 ესრეთვე ნაბუქოდონოსორცა, რაჟამს მიერ კერძო ბუნებისა კაცობრივისა
Line: 26 მოგონებად რადმე და ქმნად აღზუავნა, მაშინ კაცობრივისაგან ვიდრე-მე შეიცვალა
Line: 27 სახისა და პატივისა, ხოლო მხეცთა საზრდელისა და ქცევისა მობაძავ იქმნა.
Line: 28 ხოლო კუალად, რაჟამს შემსგავსებული მადიდებელობაჲ გულად მოიღო ღმრთისა-თჳს,
Line: 29 მაშინ თჳსივე დიდებაჲ მიიღო და კაცობრივისა ბ-ენებისა საზომი იცნა.
Line: 30 რამეთუ საზღვარი განსაცდელისაჲ შემეცნება იქმნა უაღრესისა. ვინაჲცა მჴედართ-მთავარი
Line: 31 თიოელთაჲ ეპიმინოდას, მძლე ექმნა რაჲ ლაკედემოსელთა და ძლევაჲ
Line: 32 დიდი აღადგინა მათ ზედა. ხვალისაგან მწუხარედ და მჭმუნვარედ ეჩუენა საკუთართა
Line: 33 და მიმდგომთა თჳსთა და მათ ჰკითხეს რაჲ, თუ ნუ უკუე შესაწუხებელი
Line: 34 რაჲმე შეემთხჳა, მიუგო "არა, არამედ გუშინ შევაცნობდ თავსა ჩემსა უმეტეს
Line: 35 საზომისა მეოცნეობასა მძლეობისასა. ამის-თჳს დღეს ვსტანჯავ უზომოებასა
Page: 112 Line: 1 სიხარულისა და ძლევისასა ნეფსით. ნუ უკუე ამის მიერ მწუხარებად და
Line: 2 ძლეულებად უნებლიად მივიწიო?" და რამეთუ, ყოველმან რომელმან აღიმაღლოს
Line: 3 თავი თჳსი, იგი დამდაბლდეს; და, რომელმან დაიმდაბლოს თავი თჳსი, იგი
Line: 4 ამაღლდეს.
Line: 6 ხოლო შემდგომად ეზიკიაჲსსა მეფე იქმნა მანასე, ძე მისი. და ქმნა ბოროტი
Line: 7 წინაშე უფლისა და მოკუდა მქონებელი მეფობისაჲ ორმეოც და ათხუთმეტ
Line: 8 წელ. რომელი უუსჯულოეს იყო უფროჲს ყოველთა უწინარესთა მისთა
Line: 9 მეფეთასა კერპთა-მიმართითაცა ბორგნეულობითა და სისხლთა დამთხეველობითა.
Line: 10 რომელმან დიდი ესაია განხერხა და იერუსალჱმი უბრალოთა სისხლთა მიერ
Line: 11 აღავსო და არა უდარეს აღმორეველთასა კერპთ-მსახურ იქმნა. მერმეცა სახლი
Line: 12 უფლისაჲ შეაგინა და ოთხპირი კერპი დიოჲსა აღჰმართა მას შინა; და იმისნვიდა
Line: 13 და იზმნიდა, და მწამლველობდა, და იბილწვოდა, და ყოველსა სახესა სიბოროტისასა
Line: 14 გარდარეულად მოქმედებდა. რომლისა-თჳსცა ღმრთისა-მიერითა რისხვითა
Line: 15 მაროდაქისგან, მეფისა ასურასტანელთაჲსა, შეპყრობილი და შეკრული ტყუედ
Line: 16 შთაყვანებულ იქმნა ნინევს. რომლისა-თჳს იტყჳს იოსიპოს, ვითარმედ შეიპყრა
Line: 17 იგი მეფემან ასურასტანელთამან და საკრველთა მიერ რვალისათა შეკრული
Line: 18 ტყუედ წარიყვანა. ხოლო მან ღირსად შეცოდებათა თჳსთა მოწევნაჲ სატანჯველისაჲ
Line: 19 გულის-ხმა ყო, და მჴურვალითა რაჲ სინანულითა ევედრა ღმერთსა, მეყსეულად
Line: 20 მოამდოვრა ღმერთმან მეფე და იერუსალჱმდვე წარავლინა იგი. რომელი
Line: 21 კუალად იქცა რაჲ მუნ, ყოველივე საკერპოჲ სართული დააქცია; ხოლო ტაძარი
Line: 22 ღმრთისაჲ განწმიდა და სჯული დაიცვა და კეთილად-მსახურებით მცხორებელ
Line: 23 იქმნა. ესრეთვე უკუე სამოციქულოთა შინა განწესებათა წერილ არს მის-თჳს
Line: 24 ვითარმედ "მანასე, ძემან ეზეკიაჲსმან, ქმნა ბოროტი წინაშე უფლისა უმეტეს
Line: 25 ყოველთა უწინარესთა მისთასა ვითარცა იტყჳს წერილი, რომლისა-თჳს მიავლინნა
Line: 26 მას ზედა უფალმან მთავარნი ძლიერებისა მეფისა ასურასტანელთაჲსანი და შემკრველთა
Line: 27 მისთა საკრველითა რვალისაჲთა შთაიყვანეს ბაბილონად და იყო შეკრულ და
Line: 28 შერკინულ ყოვლით-ურთ სახლსა შინა საპყრობილისასა, და მიეცემოდა მას ქატოჲსა-გან
Line: 29 პური მცირე და წყალი მცირედი ძმარსა-თანა წყვით მხოლოდ, რათა ცოცხალ
Line: 30 ოდენ იყოს იგი. მაშინ შეიწრებულმან ფრიად და შეურვებულმან იძია პირი
Line: 31 უფლისა ღმრთისაჲ და ილოცა მეტყუელმან: "უფალო, ყოვლისა მპყრობელო,
Line: 32 ღმერთო მამათა ჩუენთაო" და შემდგომი. და შეისმინა უფალმან ხმისა მისისაჲ,
Page: 113 Line: 1 და განჴსნნა საკრველნი მისნი, და მიაქცია იგი სამეფოდვე თჳსსა იერუსალჱმდ".
Line: 2 და მიერითგან მსახურქმნილი უფლისა ღმრთისა მხოლოჲსაჲ ყოვლითა გულითა
Line: 3 მისითა შეირაცხა მართლად. ჵ, კაცთ-მოყუარება ღრმთისა რამეთუ უძჳრესი
Line: 4 კერპთ-მსახურებისაჲ არა რაჲ იპოების ცოდვაჲ და რამეთუ ღმრთისა მიმართ
Line: 5 აღიწევის უსჯულოებაჲ გარნა გულითადითა და მჴურვალითა სინანულითა იგიცა
Line: 6 აღიხოცების. და რამეთუ ნამდჳლვე ღირს საკჳრველებისა არს კაცთ-მოყუარებაჲ
Line: 7 ღმრთისაჲ, თუ ვითარ ესოდენ და ესე ვითართა ცოდვათა ესოდენთა წელიწადთა
Line: 8 შინა მოქმედი ერთსა შინა წამსა ჟამისასა შენდობისა ღირს ყო. ხოლო,
Line: 9 ვითარმედ ყოველი სახე სიბოროტისაჲ წარმოვლო, ისმინე, თუ რასა იტყჳს
Line: 10 წერილი: "და აღაშეჱნნა მანასე მაღალნი, რომელნი დააქცინა ეზეკია, მამამან მისმან,
Line: 11 და აღჰმართა საკურთხეველი ბაალისი და ქმნა საძაგელი, ვითარცა ქმნა აქაბ,
Line: 12 მეფემან ისრაჱლისამან, და თაყუანის-სცა ყოველთა ძალთა ცისათა, და მოიგნა
Line: 13 მუცლით-მეზღაპრენი და მცნობელნი განამრავლნა, და იმისნვიდა და იზმნიდა"
Line: 14 და მჴედრობად უკუე ცათად იტყჳს მზესა და მთოვარესა და ვარსკულავთა, და
Line: 15 მისნობად სიტყუათა-მიერსა წინა უწყებასა; ხოლო ზმნად მფრინველთა ყურის-პყრობასა,
Line: 16 და მცნობელად იტყჳს ღჳძლითა ანუ ბეჭითა ცხოველისაჲთა ანუ
Line: 17 სხჳთა რაჲთმე ეგე ვითარითა მეოცნეთა საეშმაკოჲთა წინაჲსწარმეტყუელებისათა.
Line: 18 რომელთა-თჳს. თქუა ღმერთმან იერემიაჲს მიმართ ვითარმედ "ხილვითა ცრუჲთა
Line: 19 და მგრძნებაობითა ზმნათაჲთა და აღრჩევითა გულისა მათისაჲთა წინაჲსწარმეტყუელებენ
Line: 20 იგინი" რამეთუ წინაჲსწარმეტყუელებათაგანნი, ვითარცა იტყჳს დიდი
Line: 21 ოქროპირი, რომელიმე არს სულიერი და რომელიმე საეშმაკოჲ, - რამეთუ სახელ
Line: 22 იდებიან მათგანცა თანა-მოსახელეობით წინაჲსწარმეტყუელებანი, ხოლო საშუვალი
Line: 23 ამათი ბუნებითი რაჲმე არს ანუ ჴელოვნებითი, ხოლო სხუაჲ იგი საზოგადოჲ
Line: 24 და საეროჲ. აწ უკუე სულიერისა მის პირველად წმიდანი მქონებელ
Line: 25 არიან, ხოლო განგებულებით არა ეგე ვითარნიცა, ვითარ იგი ფარაო და ბალაამ
Line: 26 და ნაბუქოდონოსორ და კაიაფა. ხოლო საეშმაკოჲსა მხოლოდ მისნი ოდენ მსახურნი:
Line: 27 რამეთუ მის მიერ არს ფქვილით მგრძნებაობაჲ და ქრთილით მგრძნებაობაჲ
Line: 28 და კერძოჲთა ჭურისაჲთა გრძნების მოქმედობაჲ და მუხისა მიერ დოდონეაჲსა
Line: 29 ქმნილი ტაძრის მისნობაჲ. მერმეცა ასოებითა და სკინტლითა მფრინველთაჲთა,
Line: 30 კუალითა ფერჴთა კაცობრივითა და სხუათა ცხოველთაჲთა, და ვითარითავე
Line: 31 აღმოტეებითა ხმისაჲთა, რომელთავე ცხოველთა ანუ ნერგთა გინა უსულოთა
Line: 32 რათმე ნივთთაჲ ზმნობილი მისნობაჲ ანუ სახელებითა მკუდართა და ვარსკულავთა
Line: 33 და წყალთა და ბევრეულთა ეგე ვითარითაჲთა. ხოლო სიზმართა მიერ
Line: 34 მრავალგზის ჩუენცა რასმე ვიხილავთ განგებულებით, გარნა წინ მცნობელობაჲ
Page: 114 Line: 1 იგი მათი არა სათნოებისაგან არს, ვითარცა ჩუენი, არამედ ბოროტად ჴელოვნებისა
Line: 2 რაჲსაგანმე. და რამეთუ საღმრთოსა წინაუწყებასა აღჴსნაჲცა დაერთვის
Line: 3 და ფრიადითა სათანადოობითა მიეცემის სრულებაჲ; ხოლო იგინი შემთხუევითად
Line: 4 რომელთამე ზედა ჭეშმარიტებენცა, ხოლო უმეტესთა ზედა ტყუვიან. და ესე
Line: 5 ვითარი უკუე არს საღმრთოჲ და საეშმაკოჲ წინაჲსწარმეტყუელებაჲ. ხოლო ბუნებითი
Line: 6 არს პირუტყუთაჲ. რამეთუ მერცხალნი და მწერონი და ჯინჭველნი მოსლვასა
Line: 7 ზამთრისასა აგრძნობენ, ვითარ იგი ექინნიცა და ალკჳონნი ბუნებით მომგებელნი
Line: 8 ამისნი. ხოლო ჴელოვნებითი წინაჲსწარმეტყუელებაჲ არ მკურნალთა,
Line: 9 მენავეთ-მოძღუართა და მოჰაზრეთაჲ. რამეთუ ერთნი იგი სნეულებათა და დაჴსნათა
Line: 10 მათთა წინაჲსწარ იტყჳან; ხოლო მეორენი შეცვალებასა ჰაერთა და ქართასა,
Line: 11 და მესამენი გულის-ხმის-ყოფით მისწუთებიან მომავალთა საქმეთა. ხოლო
Line: 12 საზოგადოჲ და საეროჲ მეცნიერებაჲ ყოფადთაჲ არს, ვითარ იგი ვითარმედ
Line: 13 შემდგომად სამისა თთჳსა ზამთარი მოიწევის. რამეთუ ყოველთა აქუს ქცევისა
Line: 14 ჟამთაჲსა წინაჲსწარი ცნობაჲ. არა რაჲთ სადმე დიდ არს ეშმაკთა წინამცნობელობისა
Line: 15 რაჲსმე ქონებაჲ, ვინაჲთგან ჯინჭველთაცა აქუს იგი, და ვერაგნი კაცნი
Line: 16 მომავალთა საქმეთა წინა-მოჰაზრე არიან; გარნა არა უეჭუელად ანუ ყოვლისვე
Line: 17 მეცნიერებით, ვინაჲთგან ეშმაკმანცა წინაჲსწარმეტყუელა ცნობაჲ კეთილისა
Line: 18 და ბოროტისაჲ, და იქმნა. და კეთილად ბალამ წინაჲსწარ უთხრა ვითარმედ
Line: 19 "მეძავნი დადგინენ გზასა ზედა, და განცემულ იქმნეს ისრაჱლი". და იქმნა ეგრეთ.
Line: 20 რომელი ესე უფროჲსღა ჰაზრი არს ვიდრეღა წინაჲსწარმეტყეელებაჲ;
Line: 21 ამის-თჳს არა რას საკჳრველებასა მქონებელ არიან ესე ვითარნი
Line: 22 წინაჲსწარმეტყუელებანი.
Line: 24 შემდგომად მანასჱსსა მეფე იქმნა ამონ, ძე მისი, და ქმნა ბოროტი წინაშე
Line: 25 უფლისა და მოიკლა სახლსა შინა მისსა ორ წელ დამპყრობელი მეფობისაჲ.
Line: 26 სათანადო არს უკუე აქა განკჳრვებით უღონოებაჲ, თუ რაჲსა-თჳს ნაბუქოდონოსორ
Line: 27 უკუე და მანასე სწავლნა რაჲ ღმერთმან, მეფობასავე თჳსსა ზედა
Line: 28 კუალად აგნა; ხოლო ბალტასარ და ამონ მეფობასა-თანა ცხორებისაგანცა საშინელებით
Line: 29 და შეუნდობელად მასვე და ერთსა და ჟამსა შინა დააკლნა არამედ
Line: 30 ცხად არს, ვითარმედ მამულსა უღმრთოებასა და ბოროტის-მოქმედებასა ვიდრე-მე
Line: 31 ებაძვნეს არცა ერთისა სარგებლასა მომსთულებელნი განსწავლისაგან და გუემათა
Line: 32 მხილებისა მათისა, ხოლო სინანულსა და მოქცევასა მათსა რაჲთ-ურთით
Line: 33 არა ემსგავსნეს; ამის-თჳს სამართლად მართლმსაჯულმან ღმერთმან მათი უკუე
Page: 115 Line: 1 ტანჯვაჲ განზომილითა ჟამითა შესაღვრა, ხოლო ესენი არცა ერთისა შენდობისა
Line: 2 ღირს ყვნა. და კუალად სხუებრცა: ყოველივე ყოფადნი წინაჲსწარ უწყნის
Line: 3 ღმერთმან, და, ვითარცა აწვე ქმნილსა ჰხედავს თითოეულისა სახესა ქცევისასა
Line: 4 და გულის-ზრახვასა გონებისასა, და განიკითხავს გულთა და თირკუმელთა, და
Line: 5 გულის-ხმა ჰყოფს ყოველთა საქმეთა ჩუენთა; ამის-თჳს უეჭუელად მათი სადმე
Line: 6 წინაჲსწარ უწყოდა შემნანებელობაჲ და მით ეგრეთ განაგნა საქმენი მათნი, ხოლო
Line: 7 ამათსა წინაჲსწარ ჰხედვიდა ვიდრე აღსასრულამდინსა უღმრთოებასა და გულის-ფიცხელობისა
Line: 8 და უკუთურებისა აღორძინებასა, რომლისა-თჳსცა სიკუდილითა დაჰჴსნა
Line: 9 განბოროტებაჲ მათი რომლისა წარმომაჩინებელი საღმრთოჲ სიტყუაჲ ესრეთ
Line: 10 იტყჳს სამოციქულოთა შინა განწესებათა: უკუეთუ ვინმე საქმისა მიერ ცოდვიდეს
Line: 11 და განსცდიდეს ღმერთსა, ვითარცა არა გამომკულეველსა ბოროტთასა, ეგე
Line: 12 ვითარსა მას შენდობაჲ არა აქუს, დაღათუ იტყოდის თავსა შორის თჳსსა ვითარმედ
Line: 13 "უბჯობეს არს ჩემდა, რათა ვიდოდი ნებისაებრ უკეთურისა გულისა ჩემისა
Line: 14 და მერმე შევინანო" რამეთუ ესე ვითარი იყო ამონცა, ძე მანასჱსი, ვითარ
Line: 15 იგი წერილ არს მის-თჳს ვითარმედ "მოიგონა ამოს, ძემან მანასჱსმან, გულის-სიტყუაჲ
Line: 16 ბოროტი და თქუა: "მამამან ჩემმან ფრიად იუშჯულოა სიჭაბუკით
Line: 17 თჳსითგან და სიბერესა შეინანა და აწ მეცა ვიდოდი გულის-თქუმათაებრ სულისა
Line: 18 ჩემისათა და უკუანაჲსკნელ მოვიქცე უფლისა მომართ". და ესრეთ მოქმედი
Line: 19 ბოროტისაჲ წინაუე უფლისა მყის მოსპო იგი ღმერთმან. ესრეთ ნამდჳლვე
Line: 20 ჭეშმარიტ არს თქუმული იგი ვითარმედ "საშინელ არს შევრდომაჲ ჴელთა
Line: 21 ღმრთისა ცხოველისათა", რამეთუ ვინ განფიცხებულმან წინაშე უფლისა დაუთმო
Line: 22 მას?" იტყჳს სადმე წინაჲსწარმეტყუელნი და კუალად დავით ხმობს უგანხადებულესად-რე:
Line: 23 "დღეს თუ ხმისა ჩემისაჲ ისმინოთ, ნუ განიფიცხებთ გულთა თქუენთა,
Line: 24 ვითარცა განმწარებასა მას". ხოლო მოციქული იტყჳს: "ეკრძალენით, ძმანო,
Line: 25 ნუ სადა იყოს ვისმე თქუენგანსა-თანა გული ბოროტი ურწმუნოემისაჲ განდგომად
Line: 26 ღრთისაგან ცხოველისა, არამედ ჰლოცევდით თავთა თჳსთა თითოეულსა
Line: 27 დღესა ვიდრე ესე დღესღა ჰრქჳან, რათა არა გან-ვინმე-ფიცნეს თქუენგანი
Line: 28 საცთურითა ცოდვისაჲთა.
Line: 30 ხოლო შემდგომად ამონისა მეფე იქმნა იოსია, ძე მისი; იყო რვისა
Line: 31 წლისაჲ და ქმნა სიმართლე წინაშე უფლისა და მოკუდა ისრით განგუმერილი
Line: 32 ბრძოლასა შინა ოც და ათერთმეტ წელ წარმმართებელი მეფობისაჲ, რამეთუ
Line: 33 ნექაო, მეფემან მეგჳპტელთამან, განილაშქრა ასურასტანელთა ზედა, ხოლო იგი
Page: 116 Line: 1 შეწევნასა ასურასტანელთასა ისწრაფდა. რომლისა-თჳს იტყჳს ეზრა: "და თქუა
Line: 2 მეფემან ეგჳპტისამან იოსიაჲს მიმართ." რაჲ არს ჩემი და შენი, მეფეო იუდაჲსო?
Line: 3 არა შენდა მოვლინებულ ვარ ბრძოლის-ყოფად ღმრთისა მიერ, არამედ ევფრატსა
Line: 4 ზედა. და აწ ჩემ თანა არს უფალი, მიმრიდე და ნუ წინააღუდგები
Line: 5 უფალსა". და არა მიიქცა მისგან იოსია, არამედ ჴელ ყო ბრძოლად მისსა არა
Line: 6 მსმენელმან სიტყუასა იერემია წინაჲსწარმეტყუელისა, თქუმულსა პირისაგან უფლისა,
Line: 7 და განაწყო მისდა მიმართ ბრძოლაჲ ველსა ზედა თჳნიერ ნებისა ღმრთისა
Line: 8 და ისრით განგუმერილმან მბრძოლთა მიერ ჰრქუა ყრმათა თჳსთა: "განმიყვანეთ
Line: 9 მე, რამეთუ შემელმო ფრიად." და მეყსეულად მიქცევასა მისსა იერუსალჱმად
Line: 10 და ცხორებისაგან ცვალებასა იქმნა გოდებაჲ დიდი ყოველსა ჰურიასტანსა".
Line: 11 და უფროჲსღა იერემია იგოდება იოსიაჲს-თჳს. ვინაჲთგან უმართლეს
Line: 12 იყო და ყოველთა მისსა უწინარესთა მეფეთასა და სჯულსა უფლისასა აღმომკითხხველ
Line: 13 გულს-მოდგინებით; რომელსა ესმნეს რაჲ მუნ შინა წერილნი ბრძანებანი,
Line: 14 ფრიად ლმობილ იქმნა სულითა ხილვითა ეგოდენთა წელთა დათრგუნვილებისა
Line: 15 მისისაჲთა, და დამპებელმან სამოსლისა თჳსისამან და შიშითა აღსავსე ქმნილმან
Line: 16 მოავლინა ოლდაჲს მიმართ წინაჲსწარმეტყუელისა კითხვად, თუ რაჲ ჰნებავს
Line: 17 ყოფად უფალსა მის-თჳს და ყოვლისა ერისა-თჳს. ხოლო მან თქუა: "ამას
Line: 18 იტყჳს უფალი: ვინაჲთგან აღჩჩუა გული შენი და შეიკდიმე პირისაგან ჩემისა,
Line: 19 ვითარცა გესმა, რამეთუ ვთქუა ადგილსა ამას ზედა და მკჳდრთა მისთა ზედა
Line: 20 უჩინო ქმნილეოფაჲ და წყევაჲ, და განჰბძარე სამოსელი შენი და იტირე წინაშე
Line: 21 ჩემსა, აჰა შეგძინებ შენ მამათა შენთა-თანა მშჳდობით. და არა იხილნე
Line: 22 ყოველნი ბოროტნი, რომელთა მოვაწევ ადგილსა ამას ზედა". რომლისა-თჳსცა
Line: 23 შურითა საღმრთოჲთა აღძრულმან არა ხოლო კერპნი და სამსახურებელნი მათნი
Line: 24 ყოვლით-კერძო საფუძველითგან აღმოჰფხურნა, არამედ კერპთ-მსახურნიცა რომელნი
Line: 25 წუთღა ცოცხალ იყვნეს, მოსპოლნა; ხოლო რომელნი მრჩობლ სიკუდილითა
Line: 26 დასჯილ იყუნეს, საფლავთა შინა დაწუნა; ხოლო საფლავი კაცისა ღმრთისაჲ,
Line: 27 რომელმან წინაჲსწარმეტყუელნა საკურთხეველსა ზედა ბეთელისასა სიტყუანი
Line: 28 ესე: უვნებელად დაჰმარხა მერმეცა ცრუ წინაჲსწარმეტყუელნი, მუცლით-მეზღაპრენი
Line: 29 და ყოველნი საძაგელნი და მოსაწყინელნი იერუსალჱმით აღიხუნა, და
Line: 30 მოაქცია უფლისა მომართ ყოვლითა გულითა და ძალითა და ყოვლითა სულითა
Line: 31 მისითა შჯულისა-ებრ მოსჱსისა ვინაჲცა ეგე ვითარი პასექი ქმნა, რომლისა
Line: 32 მსგავსი არა ქმნილ არს ჟამთაჲთგან ისო ნავეანისა და სამოელისთა. რომელსა
Line: 33 შინა დაკლა ზროხაჲ ათორმეტი ათასი და ცხოვარი ოც და ათრვამეტი ათასი. და
Page: 117 Line: 1 "წარემართნეს"-ო იტყჳს, "საქმენი იოსიაჲსნი წინაშე უფლისა გულითა სავსითა კეთილად-მსახურებისა
Line: 2 მიერ", და რამეთუ მსგავსი მისი არა იქმნა უწინარეს მისსა,
Line: 3 და არცა აღდგა მსგავსი მისი. გარნა დასცხრა უფალი გულის-წყრომისაგან რისხვისა
Line: 4 მისასა, რომლითა განრისხნა იუდასა ზედა განრისხებათა მათ-თჳს, რომელთა
Line: 5 მიერ განარისხა იგი მანასე". რომლისა ჟამთა ბიზინტიაჲ ვიზოჲს მიერ,
Line: 6 მეფისა თრაკთაჲსა, აღიშენა, და სიბილლა სამონეელი იცნობებოდა.
Line: 8 შემდგომად იოსიაჲსა მეფე იქმნა იოაქაზ, ძე მისი, და ქმნა ბოროტი წინაშე
Line: 9 უფლისა; და შეპყრობილი ნექაოჲს მიერ, მეფისა მეგჳპტელთაჲსა, შთასრულ
Line: 10 იქმნა ეგჳპტეს, სადა იგი მოცაკუდა სამ თთუე ოდენ დამპყრობელი მეფობისაჲ
Line: 11 რომლისა ზე ისრაიტელნი ვითარცა იტყჳს იოსიპოს, დამპყრობელობისა-თჳს
Line: 12 იუდაჲს ტომისა და მემკჳდრეობისა ქალაქისა იერუსალჱმისა იგინი უკუე
Line: 13 იუდეანად იწოდნეს, ხოლო ქალაქი სიონად იუდეაჲსა; რომელსა ძუელ სადმე
Line: 14 იებოსელ სახელ ედებოდა, ვინაჲთგან იებოსელნი მკჳდრ იყვნეს ადგილსა მას;
Line: 15 ხოლო დავით იერუსალჱმად უწოდა შემთხუევითისაგან მომპოვნებელმან სახელისამან.
Line: 16 რამეთუ მთასა ზედა მაღალსა დაშენებულ არს, რომელსა შინა ეჩუენა
Line: 17 უფალი დავითს კალოსა ზედა ორნია იებოსელისასა სრვასა მას ერისასა პირუტყულისა
Line: 18 მის-თჳს აღრიცხუვისა. და მთასა ზედა ვიდრე-მე ებრაულითა სიტყჳთა
Line: 19 არ ეწოდების, ხოლო ქალაქსა სალიმ. ვინაჲცა დავით ახლისა ადგილისა
Line: 20 სამეფოდ შემმზადებელმან არსალიმ სახელ სდვა, რომელ არს მთაჲ მშჳდო.ბისაჲ,
Line: 21 ხოლო იერუსალიმად ელლენურისა მომართ თარგმანებით გარდმოღებითა იწოდების
Line: 22 და შუენებისა-თჳს ხმისა.
Line: 24 და შემდგომად იოაქაზისა მეფე იქმნა იოაკიმ თანად და ელიაკიმცა, ძმაჲ
Line: 25 მისი, და ქმნა ბოროტი წინაშე უფლისა; და მოვიდა ნაბუქოდონოსორ, მონაცვალე
Line: 26 მაროდაქისი, და მომაოჴრებელმან იუდაჲსმან მოხარჴე თჳსსა ყო იგი. ხოლო
Line: 27 მან დაივიწყა რაჲ აღთქუმაჲ მეხარკეობისაჲ, მოიწია ნაბუქოდონოსორ იერუსალჱმდ.
Line: 28 და იგი უკუე ჴელთ იგდო და მოაკუდინა, რამეთუ ზღუდით ქუე
Line: 29 შთამოკუეთებაჲ და მრავალჟამ დაუფლველად დატევებაჲ ბრძანა მისი, ათერთმეტ
Line: 30 წელ მეფობის მქონებელისაჲ. რომლისა-თჳს თქუა იერემია: ამას იტყჳს უფალი
Line: 31 იაკობის ზედა, ძისა იოაქაზისა, მეფისა იუდაჲსსა: ვაჲ კაცსა ამას ზედა; არა
Page: 118 Line: 1 ეტყებდენ მას: "ჵ ძმაო", არცა სტიროდინ მას: "ვაჲ მე, უფალო", და "ვაჲ
Line: 2 მე, ძმაო", არამედ დაფლვითა ვირისაჲთა დაეფლას და თანა-აღრიცხული შთამოიგდო
Line: 3 მიერ კერძო ბჭესა იერუსალჱმისასა". მაშინვე უკუე ტყუედ წარყვანებულ
Line: 4 იქმნა დანიელ და სამნი ყრმანი და სხუაჲ სიმრავლე ერისაჲ და კერძოჲ ჭურჭელთა
Line: 5 უფლისათაჲ ბაბილოვნად.
Line: 6 [იექონიაჲს-თჳს.]
Line: 7 ხოლო შემდგომად იოაკიმისსა მეფე იქმნა იექონია, ძე მისი, ბრძანებითა
Line: 8 ნაბუქოდონოსორისითა სამ თთუე; და ქმნა ბოროტი წინაშე უფლისა. და ხარკისა
Line: 9 მიცემად უდებ იქმნა, რომლისა-თჳს კუალად მოვიდა ნაბუქოდონოსორ ქალაქად
Line: 10 იერუსალჱმდ და მოიცვა იგი. რომლისა მიმართ განვიდა იექონია დედისა-თანა
Line: 11 და შვილთა და მთავართა თჳსთა, ხოლო წარჩინებულნი ნაბუქოდონოსორისნი
Line: 12 შევიდეს ქალაქად და გამოიხუნეს საუნჯენი უფლისანი და მეფისანი და ჭურჭელნი
Line: 13 ოქროჲსანი ყოველნი, რომელნი შექმნნა სოლომონ ტაძარსა შინა ღმრთისასა.
Line: 14 ხოლო სედეკიაჲს ნაცვალად იექონიაჲსსა განმაჩინებელმან წარსცა იექონია
Line: 15 ბაბილონს დადებაჲ და მთავარნი მისნი. რომლისა-თჳს კუალად იტყოდა
Line: 16 იერემია: "უპატიო იქმნა იექონია, ვითარცა ჭურჭელი, რომლისაჲ არა არნ საჴმარებაჲ
Line: 17 მისი, რამეთუ განგდებულ იქმნა და განიჴადა ქუეყანად, რომელი არა
Line: 18 უწყოდა. იტყჳს უფალი. ქუ-ყანაო, ქუეყანად, ისმინე სიტყუაჲ უფლისაჲ: და
Line: 19 დაწერე კაცი ესე და განმხილებულ ყავ მამაკაცი, ვითარმედ არა აღორძნდეს თესლისაგან
Line: 20 მისისა კაცი მჯდომარე საყდარსა დავითისსა, მერმეცა მთავარი იუდაჲს,
Line: 21 შორის".
Line: 23 ესრეთ უკუე შემდგომად იექონიაჲსა მეფე იქმნა სედეკია, მამის ძმაჲ მისი,
Line: 24 და ქმნა ბოროტი წინაშე უფლისა; და ხარკის მიცემისა-თჳს ეგრეთვე დაჴსნილად
Line: 25 გამოჩნდა რაჲ იგი მოვიდა კუალად ნაბუქოდონოსორ იერუსალჱმდ და
Line: 26 გარემოიცვა იგი ორ წელ. და წინაჲსწარმეტყუელა რაჲ იერემია გამოღებაჲ ქალაქისაჲ,
Line: 27 შეკრული შთაგდებულ იქმნა სედეკიაჲს მიერ მღჳმესა. ხოლო შემდგომად
Line: 28 განჴსნისა მისისა საკრველთაგან მოიხუნა კიდობანი და საკურთხეველი
Line: 29 და ტაბლაჲ და სასანთლე ტაძრით სიტყჳთა უფლისაჲთა, ეგულებოდა რაჲ ქალაქსა
Line: 30 სატყუეოყოფაჲ მტერთაჲ, და დაფარნა უცნაურსა ადგილსა, და არღარა
Line: 31 იპოვნეს მერმე. იტყჳს უკუე წიგნი მაკაბელთაჲ ვითარმედ "განვიდა იერემია გამოცხადებითა
Line: 32 ღმრთისაჲთა მთასა მას რომელსა აღვიდა მოსე, და იხილა სამკჳდრებელი
Page: 119 Line: 1 ღმრთისაჲ, და მოწევნულმან ადგილსა მას პოვა სახლი ქუაბის სახე,
Line: 2 სადა იგი შეიღო კიდობანი და საკურთხეველი საკუმეველთაჲ. და აღმოქმნა
Line: 3 კარი სახლისაჲ მის. რომელსა შეუდგეს ვიეთნიმე, რათამცა შეისწავეს გზაჲ ადგილისაჲ
Line: 4 მისი, გარნა ვერ უძლეს პოვნად. ხოლო აგრძნა რაჲ ესე იერემია,
Line: 5 მაბრალობელმან მათმან თქუა მათდა მიმართ: "უცნაურ იყოს ადგილი ესე, ვიდრემდის
Line: 6 შეკრიბოს ღმერთმან შესაკრებელი ერისაჲ", და წყალობაჲ იქმნეს. და
Line: 7 მაშინ უფალმან გამოაჩინნეს ესენი, და იხილვოს დიდებაჲ უფლისაჲ და ღრუბელი,
Line: 8 ვითარ იგი მოსჱს-ზე იხილვებოდა".
Line: 10 ხოლო ნაბუქოდონოსორ დაიპყრა რაჲ ქალაქი, მოწუა ყოველივე იგი ცეცხლითა
Line: 11 და ჴელთ-მგდებელმან სედეკიაჲსმან პირველად ცოლი და შვილნი მისნი
Line: 12 მოსწყჳდნა წინაშე თუალთა მისთა, ხოლო იგი დააბრმო და საკრველითა შეკრული
Line: 13 ტყუედ შთაიყვანა ბაბილონს სამ წელ მქონებელი მეფობისაჲ. რომლისა-თჳს
Line: 14 კუალად თქუა იერემია; "ესრეთ იტყჳს უფალი სედეკიას ზედა. აჰა მე მივსცემ
Line: 15 მას ჴელთა მეფისა ბაბილოვნისათა, და დაამჴუას იგი, და მოიღონ მას
Line: 16 ზედა წყევაჲ მეტყუელთა "გიყავნ შენ უფალმან, ვითარცა უყო სედეკიას და
Line: 17 აქაბს, რომელნი შესხრიკნა მეფემან ბაბილოვნისამან ცეცხლითა". მით რამეთუ
Line: 18 ყვეს უსჯულოებაჲ იერუსალჱმს შინა და იმრუშებდეს ცოლებსა მოქალაქეთა მათთასა
Line: 19 და სიტყუასა იზმნიდეს სახელითა ჩემითა, რომელი არა უბრძანე მათ,
Line: 20 თქუა უფალმან". ხოლო მესამესა წელსა ტყუეობისასა მოავლინა ნაბუქოდონოსორ
Line: 21 ნაბუზარდან, მზარაულთ-მთავარი თჳსი, იერუსალჱმდ, და სახლი ვიდრე-მე უფლისაჲ
Line: 22 და სახლი მეფისაჲ და სხუანი ყოველნი გარემოცვულნი სახლნი ქალაქისანი
Line: 23 მოწუნა, რაჟამს იგი დაეყო სახლსა ღმრთისასა პირველით აღშენებით მისითგან
Line: 24 წელიწადი ოთხას ორმეოც და ორი. ხოლო ორნი იგი დიდნი სუეტნი
Line: 25 რვალისანი და ზღუაჲ რვალისაჲ და ქუეშე კერძო მისსა ათორმეტნი ზუარაკნი
Line: 26 დასამყარებელნი მისნი და ყოველივე რვალი ტაძრისა ღმრთისაჲ შემუსრა და
Line: 27 შთაიღო ბაბილონად; ამათ-თანა სიავნიცა და სამსხუერპლონი და კეფანი და ფიალნი
Line: 28 ოქროჲსანი და ვეცხლისანი და რვალისანი. და არა იყო საწონი რვალისა ყოველთავე
Line: 29 ჭურჭელთაჲსაჲ, რომელნი წარხუნა მზარაულთ-მთავარმან. ხოლო დაშთომილთა მათ
Line: 30 ჰურიათა შორის უსაჩინოესნი მოჰგუარნა ნაბუქოდონოსორს, ხოლო მან რომელნიმე
Line: 31 მოსწყჳდნა და რომელნიმე მონად მისცნა მთავართა თჳსთა; და სედეკია
Line: 32 სიბრმითა დაშჯილი საწისქჳლოსა სახლსა შინა მკჳდრობითა განპატიჟა. და ესრეთ
Line: 33 იქმნა პირველი და სრულიადი მოოჴრებაჲ იერუსალჱმისაჲ არღა მერმეცა
Page: 120 Line: 1 მეფობითა მას ზედა იუედეანთაჲთა, არამედ ქალდეველთა მიერ დაპყრობითამისითა.
Line: 2 და რამეთუ სამგზის ნაბუქოდონოსორ წარტყუენა იერუსალჱმი, ვითარცა
Line: 3 ითქუა: პირველად უკუე იოაკიმის-ზე, და მეორედ იექონიაჲს-ზე; ხოლო მესამედ
Line: 4 კუალად მოვიდა სედეკიაჲს-ზე და ტაძარი დაწუა, და სედეკია დააბრმო, და ძენი მისნი
Line: 5 სხუათა მრავალთა-თანა მოსწყჳდნა, და ნეშტი სიმრავლე ტყუედ წარიქცია, რომელთა-თჳს
Line: 6 დიდი გრიგოლიცა მოიჴსენებს სადმე და იტყჳს ესრეთ: "რათა გუნდთა
Line: 7 მჴედრობისათა და სახლთა და ნავთა სიმრავლისა და მეუღლებათა და მოყუსობათა
Line: 8 მშჳდობისა მიერ ვიდრე-მე განურღუეველად დაცვულთა, ხოლო შფოთისა მიერ
Line: 9 დაჴსნილთა თანა წარვჰჴდე და ისრაჱლისა მიმართ მივაქციო სიტყუაჲ და შემთხუევანი
Line: 10 მათნი წარმოგითხრნე თქუენ, რაჲ იყო მიზეზი განსაცდელისა მათისა,
Line: 11 რათა ჩუენ განვისწავლნეთ არა მსგავსყოფად სხუათა ბოროტებისა. ანუ არა
Line: 12 ვიდრემდის მშჳდობაჲ აქუნდა ურთი-ერთას და ღმრთისა მიმართ ეგჳპტეს საჴუმილითა
Line: 13 რკინისაჲთა შემშთვარნი და საზოგადოჲსა ჭირისა მიერ შემოკრებულნი -
Line: 14 რამეთუ წამალ კეთილცა ოდესმე იქმნების საცხორებელად ჭირი, - ერად საზეპუროდ
Line: 15 ეწოდებოდა და ნაწილად უფლისა და სამეუფოდ მღდელობად და ნათესავად
Line: 16 წმიდად, და არა სახელთა მიერ ვიდრე-მე ესრეთ, ხოლო საქმეთა სხუებრ,
Line: 17 არამედ მჴედართ-მთავარნი ღმრთისა მიერ ყვანებულნი უძღოდეს, და სუეტი
Line: 18 ცეცხლისა და ღრუბლისაჲ წინამძღუარ მათდა იყო ღამე და დღე, და ზღუაჲ
Line: 19 უკუე მათ მლტოვარეთა ფრკივ-სავალად მისცემდა თავსა თჳსსა, ხოლო ცაჲ
Line: 20 მშიერთა მიჰმადლებდა საზრდელსა, ხოლო ბრძოლასა შინა განპყრობაჲ ჴელთაჲ
Line: 21 ნაცვალად ბევრეულთა მბრძოლთაჲსა ძალ ექმნებოდა მათ ლოცვისა მიერ აღმადგინებელი
Line: 22 ძლევისაჲ და გზამყოფელი ერისა ღმრთისაჲ; მდინარენი განიკუეთებოდეს
Line: 23 მიმსგავსებითა თანა-მონათესავისა ზღჳსაჲთა, და ნივთნი დადგებოდეს,
Line: 24 და ზღუდენი საყჳრთა მიერ დაეკუეთებოდეს. და რად საჴმარ არს თქუმაჲ მათ-თჳს
Line: 25 ქმნილთა მათ წყლულებათა ეგჳპტისათაჲ, და მთით-გამოთა მათ ხმათა ღმრთისათაჲ,
Line: 26 და მრჩობლისა შჯულის-დებისა რომელთაგანი ერთი იგი წიგნითა. ხოლო
Line: 27 მეორე სულითა მოეცემოდა, და სხუათაჲ, რაოდენთა მიერ პატივ იცემებოდეს
Line: 28 იგინი ძუელად უმეტეს ღირსებისა მათისა. ხოლო ვინაჲთგან სნეულებად
Line: 29 იწყეს ღმრთისა მიმართ და ურთი-ერთას აღბორგნეს და მრავალ ნაწილად განიყვნეს,
Line: 30 რაჲ იქმნა და რაჲ შეემთხჳა? რომელთა ჯეროვნად ჰგოდებს იერემია
Line: 31 უკურნებელთა მათ-თჳს ვნებათა მათთა და ტყუეობასა ზედა ბაბილოვნისასა იგლოვს:
Line: 32 და რამეთუ ნამდჳლვე იყოცა ღირს გოდებისა და ბევრეულთა ცრემლთა?
Line: 33 ზღუდეთა იგი დაცემულებაჲ, ქალაქისა მოოჴრებულებაჲ, სიწმიდეთა დამჴობილებაჲ,
Line: 34 საღმრთოთა ჭურჭელთა მიმოდატაცებულებაჲ, ჴელთა და ფერჴთა მიერ
Line: 35 არა წმიდათა ერთთა მათგან შეუხებელთა შემხებელობაჲ, ხოლო მეორეთგან შეუვალთა
Page: 121 Line: 1 ადგილთა სიგლისპით შემავალობაჲ, წინაჲსწარმეტყუელნი დადუმებულნი,
Line: 2 მღდელნი ტყუედ წარყვანებულნი, მოხუცებულნი არა შეწყალებულნი: ქალწულნი
Line: 3 გინებულნი, სიჭაბუკე დაკუეთებული, ცეცხლი უცხოჲ და მბრძოლი, მდინარენი
Line: 4 სისხლთანი ნაცვალად წმიდისა ცეცხლის, და სისხლისა, ნაზირეველნი მიმოდათრეულნი,
Line: 5 და რათა თჳთ მათ იერემიაჲს გოდებათაგანი რაჲმე ვთუა: "ძენი სიონისნი
Line: 6 პატიოსანნი და შემკობილნი ოქროჲთა", ჩჩჳლნი და გამოუცდელნი ბოროტთანი
Line: 7 უცხოსა გზასა მოგზაურობენ, და "გზანი სიონისანი იგლოენ არყოფისა-თჳს
Line: 8 მედღესასწაულეთაჲსა", და მცირედ უწინარესსა მისსა იტყჳს: "ჴელნი დედათა
Line: 9 მოწყალეთანი არა საზრდელისა მიცემად წადიერ არიან შვილთა განვრცომასა
Line: 10 შინა გარემოცვულებისასა, არამედ საზრდელად თჳსსა განშჭრიან მათ" და წამალ
Line: 11 სიყმილისა ჰყოფენ საყუარელთა მათ. ვითარ უკუე ძჳრ ესენი და დასასრულ
Line: 12 არიან ძჳრთა არა მათ-თჳს ხოლო, რომელთა შეემთხუეოდეს მაშინ, არამედ ამათ-თჳსცა.
Line: 13 რომელთა ესმიან აწ? და ესენი უკუე ესრეთ.
Line: 14 ხოლო იქმნებიან ერთბამად ყოველნი წელიწადნი იერუსალჱმს შინა მეფე-ქმნილთანი
Line: 15 დავითისითგან და ვიდრე სედეკიაჲსამდე ოთხას ოთხმეოც და ათრვამეტ,
Line: 16 ხოლო მეფენი რიცხჳთ ოც და ორ, ყოველნი ერთისა ნათესავისაგან დავითისისა.
Line: 17 რომელთა-ზე იყვნეს წინაჲსწარმეტყუელნი ესენი. საულის-ზე უკუე
Line: 18 დავით და სამუილ; დავითის-ზე გად, ნათან და ასაფატ; სოლომონის-ზე
Line: 19 და შემდგომთა მისთა აქია სილონიტელი, სამმეას ადდოსი; იოსაფატის-ზე და
Line: 20 შემდგომთა მისთა მიქეა, ელია, ელისე, აბდია, იიუ, ოზიილ, ელეაზარ და
Line: 21 აზარია; ხოლო ეზეკიჲს-ზე და შემდგომთა მისთა ოსიე, ამოს, ესაია და იონა;
Line: 22 ხოლო იოსიაჲს-ზე და შემდგომთა მისთა იერემია, სოფონია, ოლდა და ბარუქ;
Line: 23 ხოლო სედეკიაჲს-ზე კუალად იერემია და აბაკუმ. ხოლო შემდგომად ტყუეობისა
Line: 24 იესოჲს-ზე, მღდელისა იოსედეკისსა, წინაჲსწარმეტყუელებდეს ანგეა და ზაქარია,
Line: 25 უკუანაჲსკნელნი წინაჲსწარმეტყუელთანი რამეთუ დანიელ და მისთანანი
Line: 26 და ეზეკიელ ტყუეობასა მას ბაბილონს შინა წინაჲსწარმეტყუელებდეს.
Line: 30 შემდგომად უკუე განყოფისა ათორმეტთა სკიპტრაჲსაჲსა მეფე იქმნა იერობოამ,
Line: 31 ძე ნავატისი, ტომისაგან ეფრემისსა, მონაჲ სოლომონისი განდგომილი,
Page: 122 Line: 1 რომელმან განადგინა ისრაჱლი სამარიას შინა და ქმნა ბოროტი წინაშე უფლისა;
Line: 2 და დასცა იგი ღმერთმან და მოკუდა ცოდვათა შინა თჳსთა ორმეოც და ორ
Line: 3 წელ მქონებელი მეფობისაჲ. რამეთუ "შექმნნა ორნი დიაკეულნი ოქროჲსანი". "და
Line: 4 ერთი მათგანი დადგა ბეთელს შინა, ხოლო მეორე დანს". და თქუა ერისა მიმართ:
Line: 5 კმა არს თქუენდა აღსლვაჲ იერუსალჱმდ. აჰა ღმერთნი შენნი, ისრაჱლ,
Line: 6 რომელთა აღმოგიყვანეს შენ ქუეყანით ეგჳპტით". და შეაცთუნა ისრაჱლი უკუანაგან
Line: 7 უფლისა და მცოდველ ყვნა იგინი ცოდვასა დიდსა და ვიდოდეს ძენი ისრაჱლისანი
Line: 8 ყოველთა ცოდვათა იერობოამისთა და ჰმსახურებდეს და თაყუანის-სცემდეს ამაოთა,
Line: 9 ვიდრემდის განიშორნა იგინი უფალმან პირისაგან თჳსისა ასურასტანად.
Line: 11 ხოლო შემდგომად იერობოამისსა მეფე იქმნა ნავატ, ძე მისი. და ქმნა
Line: 12 ბოროტი წინაშე უფლისა; და მოიკლა ვაასაჲს მიერ ორ წელ დამპყრობელი
Line: 13 მეფობისაჲ.
Line: 15 და შემდგომად ნავატისა მეფე იქმნა ვაასა და ქმნა ბოროტი წინაშე უფლისა;
Line: 16 და მოიკლა ბრძოლასა შინა ოც და ოთხ წელ წარმმართბელი მეფობისაჲ.
Line: 18 ხოლო შემდგომად ვაასაჲსსა მეფე იქმნა ძე მისი ილა, და ქმნა ბოროტი წინაშე
Line: 19 უფლისა, და მოიკლა ზამბრის მიერ მეფეყოფილი ორ წელ.
Line: 21 და შემდგომად ილაჲსსა მეფე იქმნ, ზამბრი, და ქმნა ბოროტი წინაშე
Line: 22 უფლისა; და დაიწუა სახლსა შინა მეოტქმნილი ბრძოლათაგან მეფექმნილი ათორმეტ
Line: 23 წელ.
Line: 25 ხოლო შემდგომად ზამბრისა მეფე იქმნა აქაბ, ძე მისი და, ქმნა ბოროტი
Line: 26 წინაშე უფლისა; და მოიკლა და მოკუდ ცოდვათა შინა მისთა ოც და ორ
Line: 27 წელ მქონებელი მეფობისჲ. რამეთუ ცოლმან მისმან იაზაბელ მოკლა რაჲ ნაბოთე
Line: 28 და ესრეთ დაიპყრა ვენაჴი მისი, თქუა ელია წინაჲსწარმეტყუელმან მისსა
Line: 29 მიმართ: "ამას იტყჳს უფალი. რამეთუ მოჰკალ და დაიმკჳდრე აგარაკი მისი;
Line: 30 ადგილსა რომელსა წბეს ძაღლთა სისხლი ნაბოთჱსი, მუნ წბონ ძაღლთა სისხლი
Line: 31 შენი". "და იეზაბელ შეჭამონ ძაღლთა წინაშე პირველისა ზღუდისა" და მოვსპო
Line: 32 აქაბისი, რომელი აფსმიდეს კედელსა. ამან აქაბ აღაშენნა ქალაქნი დიდნი და
Page: 123 Line: 1 ძლიერნი და სახლნი პილოჲს ძუალისანი სამარიას შინა საკჳრველნი ფრიად. და
Line: 2 ამის შემდგომად ბრძოლა ყო ასურთა მიმართ, რომელთაგან მოსწყჳდა ერთსა
Line: 3 დღესა ათორმეტი ბევრი, რომელ არს ასოცი ათასი კაცი; და მეფე მათი. ძე
Line: 4 ადერისი, შეიპყრა, რომელიცა განუტევა რაჲ თჳნიერ ნებისა ღმრთისა, იმხილა
Line: 5 განცხადებულად მიქეაჲს მიერ წინაჲსწარმეტყუელისა, რომელმან ჰრქუა მას ესრეთ:
Line: 6 "ამას იტყჳს უფალი. განუტევე კაცი მოსასპოლავი ჴელისაგან შენისა.
Line: 7 სული შენი სულისა წილ მისისა, და ერი შენი ერისა წილ მისისა. ხოლო
Line: 8 მას ესე რაჲ ესმა, წარვიდა შეურვებული და დაჴსნილი ყოვლით-რუთ". და
Line: 9 მესამესა წელსა კუუალად განვიდა ბრძოლად კეთილის მოვიწყისა მის და უმადლოჲსა
Line: 10 მეფისა მიმართ ასურთაჲსა, რაჟამს იგი საღმრთოჲ მაქეა აყენებდა
Line: 11 მას, რომლისა-თჳს თქუა რისხვით გარემოჲს-მდგომთა მიმართ თჳსთა:
Line: 12 "შეიპყართ და შეაგდეთ ეგე სახლსა საპყრობილისასა და ჭამდეს პურსა სალმობისასა
Line: 13 და სუმიდეს წყალსა ჭირისასა, ვიდრემდის შემოვიქცე მშჳდობით და
Line: 14 თქუა მაქეა: უკუეთუ შემოიქცე მშჳდობით, არა იტყოდა უფალი ჩემ თანა". და
Line: 15 ვითარცა შევიდა ბრძოლასა და ისრით განგუმერილ იქმნა და მიიქცა ეტლით
Line: 16 და მოკუდა. და წბეს ძაღლთა მუნ ადგილსა მას სისხლი მისი სიტყჳსა მის-ებრ,
Line: 17 რომელი თქუა უფალმან ჴელითა ელია წინაჲსწარმეტუელისათა. რომლისა-თჳს
Line: 18 იტყჳს თეოდორიტე: ნამდჳლვე ღირს განკჳრვებისა არს, თუ რაჲსა-თჳს შურითა
Line: 19 მოტყიმარემან მან საღმრთომან წინაჲსწარმეტყუელმან და ეგოდენ განსაკრთომელთა
Line: 20 მათ ნიშთა მოქმედმან აქაბს ვიდრე-მე კადნიერებით და შეუძრწუნებელად
Line: 21 პირის-პირ ამხილა; ხოლო ცოლისა მისისა იეზაბელის ვერცა თუ ლიტონი
Line: 22 ქადებაჲ თავს იდვა. არამედ მლტოლვარე იქმნა გზასა ორმეოცისა დღისასა
Line: 23 გარნა თუ ცხად არს, ვითარმედ დაღათუ ეგე ვითარი იყო მარადის მოჴსენებული
Line: 24 იგი კაცთა-თჳს ქმნილთა შინა საკჳრველთ-მოქმედებათა, არამედ კაცივე იყო
Line: 25 არა უნაწილოჲ ბუნებითისაგან უძლურებისა და კუალად სხუებრცა საღმრთოჲსა
Line: 26 განგებულებისაჲ იყო შიში იგი მისი. რამეთუ, რათა არა სიდიდემან საკჳრველთმოქმედებისამან
Line: 27 აღაზუავოს ცნობაჲ, მადლად მიეცა ბუნებასა შემწყნარებელობაჲ
Line: 28 შიშისაჲ შესამეცნებლად კაცობრივისა უძლურებისა. ამის-თჳსცა განუცხადა მას
Line: 29 მეფემან, ვითარმედ შჳდათასნი მამაკაცნი დაშთომილ არიან თავის-უფლად უღმრთოებისაგან.
Line: 30 ამას-თანა ასწავა მას, ვითარმედ სიმშჳდით და სულგრძელებით
Line: 31 ჰმართებს ნათესავსა კაცთასა, და ვითარმედ ადვილ არს მისსა მეხის ტეხათა და
Line: 32 ელვათა მოვლენაჲ უღმრთოთა ზედა და განპებაჲ ქუეყანისა და საფლავად
Line: 33 თჳთაღმოკუეთილად მათ-თჳს გამოჩინებაჲ მისი და მაიძულებელისა მიერ ქარისა
Line: 34 განქრევაჲ მათ ყოველთაჲვე. რომლისა-თჳს იტყჳს. "და ქარი დიდი და ძლიერი,
Line: 35 დამარღუეველი მთათაჲ და შემმუსრველი კლდეთაჲ წინაშე უფლისა. და არა ქარსა
Page: 124 Line: 1 შინა უფალი. და შემდგომად ქარისა ძრვაჲ. და არა ძრვასა შინა უფალი. და
Line: 2 შემდგომად ძრვისა ცეცხლი. და არა ცეცხლსა შინა უფალი. და შემდგომად ცეცხლისა
Line: 3 ხმაჲ ნიავისა წულილისაჲ", და მუნ უფალი. რამეთუ ამათ მიერ აჩუენებდა,
Line: 4 ვითარმედ სულგრძელებაჲ და კაცთ-მოყუარებაჲ მხოლოდ საყუარელ არიან
Line: 5 ღმრთისა, ხოლო მართლმსაჯულობისასა რისხვასა სიბოროტე ურჩთაჲ მიიზიდავს
Line: 6 თავისა მიმართ.
Line: 7 რაჲსა-თჳს კუალად ყორნისა მიერ გამოიზარდებოდა იგი. ვინაჲთგან ენება
Line: 8 ღმერთსა. რათა მართლისა მის და მოშურნისა სამართლითი იგი ჰურიათა-ძლითი
Line: 9 განმწარებულებაჲ მოამშჳდოს, შვილის-მოძულისა მფრინველისა მიერ გამოზრდად
Line: 10 განმზადებულ ყო იგი, რომელი მშობელ ვიდრე-მე მართუეთა, ხოლო
Line: 11 არა მზრდელცა იქმნების მათდა რომლისა-თჳს დავითცა მოიჴსენებს განკჳრვებით;
Line: 12 "რომელი მისცემს საზრდელსა მათსა პირუტყუთა და მართუეთა ყორნისათა,
Line: 13 რომელნი ჰხადიან მას" რამეთუ ყოველთავე საღმრთოჲ განგებულებაჲ
Line: 14 ზრდისო, ხმობს, ხოლო უფროჲსღა მართუეთა ყორნისათა უდებქმნილთა მშობელთა
Line: 15 მიერ. რამეთუ მცირენი რაჲმე ცხოველნი გარემოჲს მათსა მფრინვალენი
Line: 16 საზრდელ მათდა იქმნებიან. რამეთუ კნინღა და ამას განაზრახებდა ღმერთი
Line: 17 ელიას სამართალსა მას ზედა ნაკლულევანებასა ერისასასა, რათა არა უმეტესი
Line: 18 განმწარებულებაჲ იჴუმიოს, არცა შვილთ-მოძულისა მის მფრინვლისა კაცთ-მოყუარებასა
Line: 19 და მსახურებასა შინა კაცთ-მოძულედ და ულმობელად გამოჩნდეს და
Line: 20 რამეთუ ესე ვიდრე-მე ეტყოდა. ჩემითა ბრძანებითა მზრდელ გიქმნა შენ, ხოლო
Line: 21 შენ ყოვლით-ურთისა განმწარებისად ქმნილმან შეურაცხ ჰყვენ სამართალნი
Line: 22 კაცთ-მოყუარებისანი.
Line: 24 ხოლო შემდგომად აქაბისსა მეფე იქმნა ოქოზია, ძე მისი, და ქმნა ბოროტი
Line: 25 წინაშე უფლისა, და გარდამოვარდა ქორედით სახლისა მისისაჲთ და
Line: 26 დასნეულდა და მოკუდა ორ წელ წარმმართებელი მეფობისაჲ.
Line: 28 და შემდგომად ოქოზიაჲსა მეფე იქმნა იორამ, ძმაჲ მისი, და ქმნა ბოროტი
Line: 29 წინაშე უფლისა; და მოიკლა იიუჲს მიერ მეფეყოფილი ათორძეტ წელ.
Line: 30 რომელმან დაიმორჩილა მასა, მეფე მოაბისაჲ, და მიიღებდა მისგან ხარკსა,
Line: 31 წლითი-წლად კრავსა ასი ათასსა რომლისა-ზე ამაღლდა დიდი ელია, და მოვიდა
Line: 32 ადერ, მეფე ასურეთისაჲ, და მოადგა სამარიასა, ოდეს იგი შეიქმნა სიყმილი
Line: 33 დიდი, ვიდრემდის ისყიდებოდა თავი ვირისაჲ ოცდაათის ვეცხლის. და იორამ
Line: 34 ვიდოდა ზღუდეთა ზედა, რომლისა მიმართ ხმა ყო დედაკაცმან ვინმე:
Page: 125 Line: 1 მაცხოვნე, უფალო მეფე. ხოლო მან მიუგო: ნუ გაცხოვნოს შენ უფალმან, ვინაჲ
Line: 2 გაცხოვნო შენ? ნუ კალოჲსაგან ანუ საწნეხლისა? და თქუა დედა-კაცმან: არა, მეფე.
Line: 3 არამედ დედაკაცმან ამან მრქუა მე: მოიყვანე ძე შენი, შევჭამოთ იგი დღეს,
Line: 4 და ძე ჩემი ხვალე. და შევაგბოთ იგი გუშინ და შევჭამეთ. და დღეს მან დამალა
Line: 5 ძე მისი. რომელი ესე ესმა რაჲ მეფესა მოიბძარნა სამოსელნი თჳსნი და იხილა
Line: 6 ერმას ძაძაჲ ჴორცთა მისთა ზედა შინაგან და მიუგო და თქუა: ესე მიყავნ
Line: 7 მე ღმერთმან და ესე შემძინენ, უკუეთუ ეგოს თავი ელისესი დღეს მის ზედა.
Line: 8 და წარავლინა სამმდგომი, რომელსა ზედა განსუენებულ იყო იგი და თქუა მისსა
Line: 9 მიმართ წინაჲსწარმეტყუელმან: "ამას იტყჳს უფალი: ხვალე ამას ჟამსა გრივი
Line: 10 სემინდოჲ სიკლად და ორი გრივი ქრთილი სიკლად, ბჭეთა ზედა სამარიაჲსათა.
Line: 11 და თქუა სამმდგომმა: დაღათუ საქანელნი განახუნენ უფალმან, არა იყოს ეგე.
Line: 12 ხოლო ელისე თქუა: აჰა იხილო თუალითა შენითა და მუნით არა შჭამო; და
Line: 13 კაცნი კეთროანნი ოთხნი ბჭეთა-თანა ქალაქისათა მსხდომარენი აღდგეს ბნელთა
Line: 14 და შევიდეს ბანაკსა ასურთასა. და აჰა არა იყო კაცი მუნ. რამეთუ უფალმან ასმინა
Line: 15 ბანაკსა ასურთასა ხმაჲ საჭურველთა და ცხენთა და ძალისა მრავლისაჲ. და
Line: 16 ივლტოდეს სიბნელესა ყოველნი დამტევებელნი ყოველთანივე, ხოლო კეთროანთა
Line: 17 მათ აუწყეს რაჲ ესე ქალაქსა, წარავლინა მეფემან ცნობად, უკუეთუ ჭეშმარიტ
Line: 18 არს სიტყუაჲ იგი. და დევნა უყვეს უკუანა მეფისა ასურთაჲსა ვიდრე
Line: 19 იორდანედმდე. და აჰა ყოველნი გზანი სავსე იყვნეს სამოსლებითა და ჭურჭლებითა,
Line: 20 რომელი დაებნია ასურთა მათ განკრთომასა მას მათსა და მი-რაჲ-იქცეს
Line: 21 წარვლინებულნი იგი, გამოვიდა ერი ქალაქისაჲ და დატაცა ბანაკი ასურეთისაჲ;
Line: 22 და იქმნა გრივი სემიდალი სიკლად ერთად და ორი გრივი ქრთილი
Line: 23 სიკლად სიტყჳსა-ებრ უფლისა. ხოლო მეფემან დაადგინა სამმდგომი იგი ბჭეთა
Line: 24 ზედა ქალაქისათა; და დათრგუნა იგი ერმან, და მოკუდა და არა ჭამა იფქლისა
Line: 25 მისგან სიტყჳსა-ებრ წინაჲსწარმეტყუელისა". ხოლო წინაჲსწარმეტყეელმან ელისე
Line: 26 წყალნიცა იერიქოჲსნი ლოცვითა განკურნნა; რამეთუ მწარე და ძლიო სასუამ
Line: 27 იყვნეს ბუნებით და შვილთ-მშობელობისა მიმართ მაყენებელ და სიკუდიდ შემოსილ
Line: 28 იყვის ოდეს-მე რომელ უმარჯუცა იყვნიან, სიმჴნისა მიმართ, რომელნი
Line: 29 კეთილსაჴმრად კაცთა და პირუტყუთა-თჳს გამოაჩინნა და უფროჲსღა კეთილნაყოფიერებით
Line: 30 მრავლისა და ცხორებისა მომატყუებელ ყვნა სოფლებისა მის.
Line: 31 რამეთუ ვიდრე მოაქამდე სიმდიდრითა დიდითა რწყავს ველთა და ზრდის სამოთხეთა
Line: 32 და ნათესავსა. ფინიკთასა თითოსახესა და თაფლმცენარესა, რომელთაგან
Line: 33 შეიწრებით და დაწნეხით წარმოეცემის ფრიადი თაფლი, რამეთუ ყოვლით-ურთ
Line: 34 თაფლმცენარე რაჲმე და სულნელთ-მომღებელ არს ქუეყანაჲ იგი
Line: 35 ნაყოფის გამომღებელ ყუავილებსა სულნელთასა, რომელსა იგი კჳპრონ უწოდიან
Page: 126 Line: 1 და მჳროვალლონ და ოპოვალსამონ. რომლისა ნაყოფი მცირე და გულის-სათქუმელ
Line: 2 არს კაცთა-თჳს და რაოდენ-მე მსგავს არს იგი სამოთხისა. რომლისა-თჳს
Line: 3 იტყჳს დიდი ანასტასი ღმრთის-ქალაქისაჲ ვითარმედ "იტყჳან ზედა-მიწე-ვნით
Line: 4 მომხილველნი და აღმწერელნი ყოვლისა სოფლისანი, ვითარმედ უაღმოსავლესი
Line: 5 ყოვლისა სოფლისაჲ და ვითარცა საკურთხეველი რაჲმე მისი არს სამოთხე,
Line: 6 რომლისა მახლობელ არიან სოფელნი უშინაგანესთა ჰინდოთანი. რომლისა-თჳსცა
Line: 7 კნინღა და ყოველნივე ნაყოფნი მის ქუეყანისანი სულკეთილ რაჲმე და
Line: 8 სულნელებითა აღსავსე არიან, რამეთუ ნავისა მიერ ქართაჲსა მორთუმულითა და
Line: 9 მიფენილითა მათდა სულნელებითა ნერგთაგან სამოთხისათა მიუდგებიან, ვითარცა
Line: 10 ურთი-ერთას მახლობელნი ფინიკნი შუამდგომელობითა ქართაჲთა მისცემენ
Line: 11 ურთი-ერთას ძალსა ნაყოფთა მშობელობისასა. ვინაჲცა ყოველივე სულნელებაჲ
Line: 12 და უფროჲსღა ჰინდურთა სულკეთილობათაჲ თჳნიერ ნოტიობისა რაჲსმე ზეთისა
Line: 13 ანუ სხჳსა ეგე ვითარისა შემზადებისა სიმრთელის-მოქმედ და უვნებელობით
Line: 14 მპყრობელ არს კაცობრივისა გუამისა ვითარ კუალად წინაუკმო ხრწნილების მოქმედ
Line: 15 და განმრყუნელ არს სულმყრალობაჲ. რომლისა-თჳსცა ფრიად გამოცდილი
Line: 16 ვინმე მკურნალობისა მოძღუართაგანი იტყჳს, ვითარმედ, უკუეთუ ვინმე ეწიოს
Line: 17 აღსრულებადსა პირველ ცნობასა და გონებასა გარდასლვისა, ძალ უც შემზადებისა
Line: 18 რაჲსმე მიერ სულნელთაჲსა ფრთხილყოფაჲ ჟამსა მას გონებისა და გულის-სიტვჳსა
Line: 19 მისისაჲ, რათა თჳთ თავით თჳსით განაგოს და განაწესოს ყოველთავე
Line: 20 თჳსთა-თჳს". რომლისაჲ ჩუენცა მოგჳღებიეს ამისი გამოცდილებაჲ და თჳთმხილველქმნილ
Line: 21 ვართ საქმისა ამის. ხოლო წამებენ სხუანიცა მრავალნი ვიდრე მოაქამდე
Line: 22 ამისისა ქმნისა მხილველნი ზედა-მიწევნით და გამოწულვილვით მეცნიერთაგან
Line: 23 ამის ჴელოვნებისათა.
Line: 25 შემდგომად უკუე იორამისა მეფე იქმნა იიუ, ძე ნამესიუჲსი და შესლვასა
Line: 26 მისსა ქაალაქად სამარიად შთაჭურიტნა იეზაბელ სარკუმლით გულვებით მოწერილმან.
Line: 27 ხოლო მეფემან უბრძანა საჭურისთა მისთა შთაგდებაჲ მისი. და ესრეთ
Line: 28 დაითრგუნა ცხენთა მიერ და შეიჭამა ძაღლთაგან. "ხოლო მოსწყჳდნა ძენიცა აქაბისნი
Line: 29 და ყოველნი დაშთომილნი მისნი სამარიასა სიტყჳსა-ებრ ელიაჲსა; და შეკრიბა
Line: 30 ყოველი სიმრავლე ერისაჲ და თქუა მათდა მიმართ მანქანებით: "აქაბ ჰმსახურა
Line: 31 ბაალს მცირედ. ხოლო იიუ ფრიად ჰმსახუროს მას, და აწ ყოველთა მოუწოდეთ
Line: 32 ჩემდა წინაჲსწარმეტყუელთა და მღდელთა ბაალისთა, რამეთუ ყოველი,
Line: 33 რომელიცა დააკლდეს, არა ცხოვნდეს". და, ვითარცა შეკრბეს ყოველნი, და საკერპოჲ
Line: 34 აღივსო ერითა, პირითა პირისამ იმართ, ჰრქუა მეფემან მსახურთა ბაალისათა
Line: 35 ზედამიწევნით გამოიძიეთ უკუეთუ არს ვინ თქუენ-თანა მსახური უფლისაჲ".
Page: 127 Line: 1 და, ვითარ არცა ერთი ვინ იპოვა, უბრძანა მსახურთა თჳსთა; და მოსრნეს
Line: 2 ყოველნი პირითა მახჳლისაჲთა. და ბაალ და ყოველნივე მისნი დაწუნა". გარნა
Line: 3 არავე დაიცვა სრულიად სლვად სჯულსა უფლისასა და მოიკლა ბრძოლასა შინა
Line: 4 მეფეყოფილი ოც და რვა წელ.
Line: 6 ხოლო შემდგომად იიუჲსა მეფე იქმნა იოქაზ, ძე მისი, და ქმნა ბოროტი
Line: 7 წინაშე უფლისა, და მოკუდა შჳდ წელ მქონებელი მეფობისაჲ.
Line: 9 და შემდგომად იოქაზისსა მეფე იქმნა იოას, ძე მისი, და ქმნა ბოროტი
Line: 10 წინაშე უფლისა; და მოკუდა მეფემქნილი ათორმეტ წელ რომლისა-ზე ელისე
Line: 11 აღესრულა, რომელმან უწინაჲსწარმეტყუელა იოასს ნიშნისა მიერ პირველი ძლევაჲ
Line: 12 ასურთაჲ, ვითარ იგი ხუთგზის ტყორცებაჲ ხუთთა ისართაჲ უბრძანა მას,
Line: 13 და შემდგომი. ხოლო აღესრულა რაჲ საკჳრველი ესე წინაჲსწარმეტყუელი და
Line: 14 დაეფლა საფლავსა შინა, მასვე უკუე საფლავსა სარტყელ მხოლოთა მოაბელთა
Line: 15 სხუაჲ მკუდარი დაჰფლეს; რომელი მიეახლა რაჲ ძუალთა სანატრელისა წინაჲსწარმეტყუელისათა,
Line: 16 აღდგა და განცოცხლდა.
Line: 18 შემდგომად იოასისა მეფე იქმნა იერობოამ, ძე მისი, და ქმნა ბოროტი
Line: 19 წინაშე უფლისა; და მოკუდა ოც და ათორმეტ წელ მქონებელი მეფობისაჲ.
Line: 21 და შემდგომად იერობოამისა მეფე იქმნა აზარია, ძე მისი; ქმნა ბოროტი
Line: 22 წინაშე უფლისა და მოიკლა სელუმის მიერ ექუს თთუე მომგებელი მეფობისაჲ.
Line: 24 შემდგომად აზარიაჲსსა მეფე იქმნა სელუმ და ქმნა ბოროტი წინაშე უფლისა;
Line: 25 და მოიკლა მანაიმის მიერ ერთ თთუე მქონებელი მეფობისაჲ.
Line: 27 ხოლო შემდგომად სელუმისსა მეფე იქმნა მანაიმ და ქმნა ბოროტი წინაშე
Line: 28 უფლისა და მოიკლა ფაკესიაჲს მიერ ათ წელ დამპყრობელი მეფობისაჲ.
Line: 30 და შემდგომად მანაიმისსა მეფე იქმნა ფაკესია, ძე მისი, და ქმნა ბოროტი
Line: 31 წინაშე უფლისა; და მოიკლა ფაკეჱს მიერ მეფეყოფილი ორ წელ.
Line: 2 ხოლო შემდგომად ფაკესიაჲსა მეფე იქმნა ფაკეე და ქმნა ბოროტი წინაშე
Line: 3 უფლისა; და მოიკლა ოსიჱს მიერ მეფეყოფილი ორ წელ ამიერ განვისწავლებით,
Line: 4 ვითარმედ ერთმან-ერთისა მიერ სტანჯავს ღმერთი ბოროტებით ცხორებულთა
Line: 5 კაცთა და უბოროტესისა ჴელთა მისცემს სატანჯველად ბოროტსა, ვითარცა
Line: 6 მტარვალად რადმე მჴუმეველი მათი.
Line: 8 ხოლო შემდგომად ფაკეჱსა მეფე იქმნა ოსიე ცხრა წელ. და ქმნა რაჲ
Line: 9 მანცა ბოროტი წინაშე უფლისა, მოვიდა სალმანასარ, მეფე ასურასტანისაჲ, სამარაიად
Line: 10 და უმკჳდრო ყო იგი ცოდვათა მათთა-თჳს დიდთა. და "რამეთუ შეექმნნეს
Line: 11 ორნი დიაკეულნი ოქროჲსანი და თაყუანის-სცემდეს და ჰმსახურებდეს მათ
Line: 12 და ბაალს, და განჰლევდეს ძეთა და ასულთა მათთა ცეცხლითა და იმისნვიდეს,
Line: 13 იზმნიდეს და მწამლველობდეს. ამის-თჳს განსთხინა იგინი უფალმან პირისაგან
Line: 14 თჳსისა და არა დაშთა მათგანი თჳნიერ ტომი ხოლო იუდაჲსი მარტოჲ. და
Line: 15 არცაღა იუდა დაიცვნა მცნებანი უფლისანი, არამედ ვიდოდეს ცოდვათა-ებრ ისრაჱლისათა.
Line: 16 და მისცნა იგინი უფალმან ჴელთა დამტაცებელთა მათთასა. და შთაყვანებულ
Line: 17 იქმნნეს ასურასტანად. და მიავლინნა მეფემან ასურასტანელთამან ნათესავნი
Line: 18 ოთხნი, კუდიიელნი და კუთიიელნი და სეფარუელნი და ანაღაველნი, და
Line: 19 დაემკჳდრნეს ქალაქთა შინა სამარიაჲსათა და მიუტევნა უფალმან მათ ზედა ლომნი,
Line: 20 რათა გაშჭრიდენ მათ და მიუთხრეს მეფესა ასურასტანელთასა ვითარმედ
Line: 21 "ნათესავნი, რომელნი დაამკჳდრენ ქალაქთა შინა სამარიაჲსათა არა მეცნიერიან
Line: 22 სამართალსა ღმრთისა მის ქუეყანისასა. ამის-თჳს მიუვლენიან მათდა ლომნი და
Line: 23 სრავს მათ". და თქუა მეფემან: "წარიყვანენით ვინ მუნ და ასწავენით მათ მშჯავრნი
Line: 24 ღმრთისანი". და წარავლინა ერთი მღდელთაგანი, რომელნი, წარეყვანნეს სამარიაჲთ,
Line: 25 რომელმან ასწავა მათ შიში უფლისაჲ. და ეშიშვოდეს უფალსა და
Line: 26 ღმერთთა მათთა ჰმსახურებდესვე და დაემკჳდრნეს მუნ ვიდრე მოდღენდელად
Line: 27 დღედმდე და ვითარცა აღმოვიდეს ტყუეობით ჰურიანიცა, ეშურებოდეს მათ,
Line: 28 ვითარცა უცხოთესლთა, და არა თანა-აღერეოდეს არამედ სომორისა მათისაგან
Line: 29 სამარიტელად ჰხადოდეს მათ, რომელნი მხოლოდ მოსჱსთა შეიწყნარებდეს
Line: 30 წიგნთა, ხოლო სხუათა წერილთა-თჳს არა რას ზრუნვიდეს და ამის-თჳს
Line: 31 ჰურიათა მიმართ სამარადისოდ ბრძოლის მოქმედნი მამად თჳსსა აბრაჰამს სახელ
Line: 32 სდებდეს, ვითარცა ქალდეველთა ქუეყანით აღმოცენებულსა, ვინაჲ იყვნეს იგინიცა.
Line: 33 და რომლისა-თჳს სამარიტელი იტყოდა უფლისა მიმართ "მამანი ჩუენნი
Line: 34 მთასა ამას თაყუანის-სცემდეს", რამეთუ სიტყჳთა ამით აბრაჰამს წარმოაჩენდა,
Line: 35 ვინაჲთგან მუნ შეწირა მას ძე თჳსი ყოვლად-დასაწუველად.
Page: 129 Line: 1 ხოლო მეფენი სამარიაჲსანი არიან რიცხჳთ ათრვამეტ იერობოამისგან და
Line: 2 ვიდრე ზემოჴსენებულისა მის ოსიჱსამდე, რომლისა-ზე დასცხრა მეფობაჲ და
Line: 3 მოოჴრდა სამარიაჲ და ასურასტანელნი დაემკჳდრნეს მუნ, ვითარცა ითქუა, რომელთაგან
Line: 4 სამარიტელნი და სადუკეველნი მწვალებელნი აღმოეცენნეს. და შეიქმნებიან
Line: 5 უკუე ყოველნივე წელიწადნი ყოველთა მათ მეფეთანი ორას ორმეოც და
Line: 6 ათსამეტ წლად. რომელნიცა არა ერთისა, არამედ თითოეულისა ტომისაგან იყო
Line: 7 თითოეული მათი. ხოლო ყოველთავე ბოროტი ქმნეს წინაშე უფლისა ცოდვისა-ებრ
Line: 8 იერობოამისსა.
Line: 11 ხოლო შემდგომად ზემოთქმულთა მათ მეფეთა ასურასტანისათა მეფე იქმნა
Line: 12 ნაბუქოდონოსორ ოც და ოთხ წელ, ვითარცა ითქუა, რომელმან იერუსალჱმიცა
Line: 13 დაიპყრა შჳდ წელ და ქალაქი დიდი ბაბილონი აღაშენა ალიზითა მცხვრითა
Line: 14 და თლილითა ქვითა, რომელთა სივრცე აქუნდის წყრთაჲ სამი. ხოლო სიგძე
Line: 15 წყრთაჲ ექუსი. და გარემოჲს ვიდრე-მე ქალაქისა სიდიდე საზომისაჲ ყო
Line: 16 სტადიონი ორმეოცი, რომელი შეიქმნების მილიონი ექუსი და ნახევარი, ხოლო
Line: 17 სიმაღლე ზღუდისაჲ წყრთაჲ ოთხმეოცი და სივრცე წყრთაჲ ოცდაათი.
Page: 130 Line: 1 და გოდოლნი აღჰმართნა ბჭეთა-თანა მისთა, რომელთა სიმაღლე თითოეულისა
Line: 2 მათისაჲ იყო წყრთაჲ ასი და სივრცე სამეოცი, და შექმნა ბჭენი მისნი რვალისანი
Line: 3 ორმეოცდაათისა წყრთისა სიგრძისა და ოცისა წყრთისა მქონებელნი სიმაღლისანი
Line: 4 შესავალად და განსავალად ერისა თჳსისა. ხოლო მახლობელად ქალაქისა
Line: 5 აღმოჰკუეთა მთხრებლი და შექმნა იგი ფლისკინად და აღაშენა და გარეშეზღუდა
Line: 6 ყოვლად საკჳრველებით. რომლისა გარემოჲსი საზომი იყო სტადიონი
Line: 7 ორმეოცი და სიღრმე მისი მჴარი ორმეოცივე.
Line: 8 ამას თანა შეჰმზადა სხუაჲცა საქმე განსაკჳრვებელი. რამეთუ აღჰმართნა ნაშენებნი
Line: 9 ქვათანი მაღალნი ფრიად და თითოსახენი ნაყოფიერნი ხენი დაჰნერგნა
Line: 10 ზედა კერძო მათსა ვიდრემდის მაღნაროანთა მთათა ემსგავსებოდეს იგინი,
Line: 11 და დაკიდებულად სამოთხედ სახელ სდვა მას, რომელსა ზედა ვიდოდის ცოლი
Line: 12 მისი და ყოველსა მას გარეშემოსა ქუეყანასა ჰხედვიდის და განსცხრებოდის არცა
Line: 13 ერთისა ვისგან ხილული თჳთ ესე არს ქალაქი იგი, რომელსა ზღუდეთა ზედა
Line: 14 მავალმან ფრიადითა რაჲთმე ზუაობითა და სილაღითა თქუა ესრეთ: "არა ესე
Line: 15 არსა ბაბილონი დიდი რომელი მე სახლად მეფობისა სიმტკიცითა ძალისა ჩემისაჲთა
Line: 16 პატივად დიდებისა ჩემისა აღვაშენე? და ვიდრეღა სიტყუაჲ ესე იყო
Line: 17 პირსა მისსა, ხმაჲ ისმა ზეცით-გარდამო: "შენ გეტყჳ, ნაბუქოდონოსორ: მეფობაჲ
Line: 18 შენი წარვიდა შენგან, და კაცთაგან განგდევნონ შენ, და მჴეცთა-თანა იყოს
Line: 19 მკჳდრობაჲ შენი და თივასა, ვითარცა ზროხასა, გაჭამებდენ შენ, და შჳდნი ჟამნი
Line: 20 იცვალნენ შენ ზედა, ვიდრემდის სცნა, ვითარმედ უფლებს მაღალი მეფობასა
Line: 21 ზედა კაცთასა და, ვისიცა ენებოს, მისცემს მას" და მასვე ჟამსა სრულ იქმნა სიტყუაჲ
Line: 22 იგი ნაბუქოდონოსორის ზედა: და კაცთაგან განიდევნა იგი და თივასა ვითარცა
Line: 23 ზროხაჲ ჭამდა და ცუარისაგან ცისა შეიღება გუამი მისი, ვიდრემდის
Line: 24 განდიდნეს თმანი მისნი, ვითარცა ლომისანი, და ფრჩხილნი მისნი, ვითარცა
Line: 25 მფრინველთანი.
Line: 26 ამის შემდგომად თჳთ იგი იტყჳს კუალად გებისა-თჳს თავისა თჳსისა ვითარმედ
Line: 27 "მას ჟამსა შინა საცნობელნი ჩემნი მოიქცეს ჩემდა და პატივსა მეფობისა
Line: 28 ჩემისასა მოვეგე; და სახე ჩემი მოიქცა ჩემდავე, და მძლავრნი ჩემნი და
Line: 29 დიდდიდნი ჩემნი მეძიებდეს მე, და მეფობასავე ზედა განვმტკიცენ, და უმეტესი
Line: 30 დიდებაჲ შემემატა მე. აწ უკუე მე, ნაბუქოდონოსორ, ვაქებ და უფროჲსად
Line: 31 ავამაღლებ და ვადიდებ მეუფესა ცათასა, რამეთუ ყოველნი საქმენი მისნი ჭეშმარიტ
Line: 32 და ალაგნი მისნი მსჯავრით არიან, და ყოველთა ამპარტავანებით მავალთა
Line: 33 დამდაბლებაჲ ძალ უც". ვინაჲცა ღმრთისა მიერ მიცემულსა მისდა სიმდიდრესა
Page: 131 Line: 1 და ძალსა და საჩინოებასა იერემიაჲს მიერ წარმომაჩინებელი საღმრთოჲ სიტყუაჲ
Line: 2 იტყჳს: "ამას იტყჳს უფალი: აჰა მივეც ყოველი ქუეყანაჲ ნაბუქოდონოსორს, მეფესა
Line: 3 ბაბილოვნისასა, მონებად მისსა, და მჴეცნი ველისანი სამუშაკოდ მისსა",
Line: 4 და "ნათესავმან და მეფობამან რომელთა არა მიუპყრან ქედი თჳსი უღელსა მისსა,
Line: 5 მახჳლითა და სიყმილითა მივიხილო მათ ზედა, ვიდრემდის მოაკლდენ ჴელითა
Line: 6 მისითა". და "მძჳნვარე არს და არა შეიწყალნეს ხმაჲ მისი, ვითარცა ზღუაჲ მღელვარე,
Line: 7 ცხენებითა მრავლითა და მჴედრებითა განეწყოს, ვითარცა ცეცხლი, ბრძოლად
Line: 8 შენდა, ასულო სიონისაო". და "ხმისაგან მიმართებისა მისისა და საჭურველთაგან
Line: 9 ფერჴთა მისთაჲსა და ძრვისაგან ჯაჭუჭურთა მისთაჲსა და ხმობისაგან ეტლის-თუალთა
Line: 10 მისთაჲსა არა მიიქცენ მამანი ძეთა მიმართ მათთა გამოჴსნად ჴელისაგან
Line: 11 მათისა" და შემდგომი.
Line: 12 და კუალად ეგრეთვე ეზეკიელის მიერ ხმობს ესრეთ ვითარმედ "აჰა მე მოვავლინო
Line: 13 შენ ზედა ნაბუქოდონოსორ, მეფე ბაბილოვნისაჲ. რომელ არს მეფე
Line: 14 მეფეთაჲ, ცხენებითა და ეტლებითა და შესაკრებელითა ერთა მრავალთაჲთა
Line: 15 ფრიად და გარემოგადგას შენ პატნეზი" და შემდგომნი. და კუალად ამას იტყჳს
Line: 16 ადონა უფალი: "აჰა მივსცემ ნაბუქოდონოსორს ქუეყანასა ეგჳპტისასა, და
Line: 17 წარასხას სიმრავლე მისი და წარტყუენოს ტყუჱ მისი და წარაღოს სიმდიდრე
Line: 18 მისი. მსახურებისა წილ, რომლისა მსახურ იქმნა ტჳროსს ზედა, მივეც მას ქუეყანჲ
Line: 19 ეგჳპტისაჲ". და წარვწყმიდო სიმრავლე "ეგჳპტისაჲ ჴელითა ნაბუქოდონოსორისითა",
Line: 20 და "მახჳლითა გმირთა მისთაჲთა დავამჴუა ძალი მათი. და ამის შემდგომად
Line: 21 გამოვიდენ მკჳდრნი ქალაქისანი და შეუდვან და აღატყინნენ საჭურველნი და ფარნი
Line: 22 და ხეშტნი და შუბნი და მშჳლდნი და ისარნი და კუერთხნი ჴელთანი და ლახუარნი,
Line: 23 დაწუვიდენ მათ ცეცხლითა შჳდ წელ, და არა მოიღებდენ შეშასა ველით,
Line: 24 არცა მოჰკაფდენ ხეთაგან, არამედ საჭურველთა წუვიდენ.
Line: 25 ამის-თჳს სამართლად სადმე იტყოდა მისსა მიმართ დანიელ: "შენ მეფე, მეფე
Line: 26 მეფეთა, რომელსა ღმერთმან ცათამან მეფობაჲ ძლიერი და მტკიცე და პატივცემული
Line: 27 მოგცა ყოველსა ადგილსა, სადაცა მკჳდრ არიან ძენი კაცთანი, მჴეცნი ველისანი
Line: 28 და მფრინველნი ცისანი მოგცნა ჴელსა შენსა. და დაგადგინა შენ უფლად
Line: 29 ყოველთა. და შენ ხარ თავი ოქროჲსა ხატისაჲ მის". და "ხე, რომელი იხილე
Line: 30 განდიდებულად, რომლისა სიმაღლე მიიწეოდა ცად და სივრცე მისი ყოველსა
Line: 31 ქუეყანასა, და ფურცელნი მისნი შუენიერ და ნაყოფი მისი მრავალ, და საზრდელი
Line: 32 ყოველთაჲ მის შორის და ქუეშე კერძო მისსა მკჳდრ იყვნეს მჴეცნი. და
Line: 33 რტოთა მისთა შორის განისუენებდეს, შენ ხარ მეფე, რამეთუ განსდიდენ და
Line: 34 უფროჲს განსძლიერდი. და სიმაღლე შენი მისწუთა ცადმდე და უფლებაჲ შენი
Line: 35 კიდეთა ქუეყანისათა".
Line: 2 ხოლო შემდგომად ნაბუქოდონოსორისსა მეფე იქმნა ულემაროდაქ, ძე მისი,
Line: 3 რომელსა ევილადცა ეწოდებოდა, ხუთ წელ. რომელმან იექონია განჴსნა საკრველთაგან
Line: 4 და ყო თანა-მსერებელ თჳსსა. რომლისა-თჳს მატიანე მეფეთაჲ და
Line: 5 საღმრთოჲ იერემია მოიჴსენებენ, რამეთუ ესრეთ იტყჳს საკჳრველი იერემია
Line: 6 ვითარმედ "იყო ოცდამეათშჳდმეტესა წელსა ტყუეობისა იოაკიმ, მეფისა იუდაჲსსა,
Line: 7 მეათესა თთუესა ოცდამეოთხისა თთჳსასა. მიიღო ევილად ულემაროდაქ,
Line: 8 მეფემან ბაბილოვნისამან, წელიწადსა რომელსა განმეფნა თავი იოაკიმ მეფისა
Line: 9 იუდაჲსი, და გამოიყვანა იგი სახლით, რომელსა შინა დაცვულ იყო; და
Line: 10 ეზრახა მას სიტკბოებით, და მისცა მას საჯდომი ზემო კერძო საყდრებისა მისთანათა
Line: 11 მეფეთაჲსა ბაბილონს შინა, და შეუცვალა მას სამოსელი პყრობილებისა
Line: 12 მისისაჲ; და ჭამდა მარადის პურსა წინაშე მისსა ყოველთა დღეთა, რომელთა
Line: 13 ცხონდა". ხოლო ესე იოაკიმ არს იექონია რამეთუ იოვაკიმ მამაჲ მისი, რომლისა-ზე
Line: 14 საღმრთოჲ დანიელ ტყუე იქმნა, ნაბუქოდონოსორის მიერ, მოიკლა
Line: 15 იერუსალჱმს, შთამოიგდო რაჲ ზღუდით.
Line: 17 შემდგომად უკუე ულემაროდაქისსა მეფე იქმნა ბილტასარ, ძმაჲ მისი, სამ
Line: 18 წელ. რომელმან შეაგინნა სამღდელონი ჭურჭელნი ღმრთისანი თანა-მოსუმურობასა
Line: 19 შინა, რომელნი შთაიხუნა მამამან ნაბუქოდონოსორ იერუსალჱმით. ამის-თჳს
Line: 20 მოიკლა საღმრთოჲთა რისხვითა, რამეთუ თქუა მაშინ მისსა მიმართ დანიელ
Line: 21 ვითარმედ "ღმერთმან მაღალმან მეფობაჲ და სიდიდე და დიდებაჲ მისცა ნაბუქოდონოსორს,
Line: 22 მამასა შენსა და სიდიდისაგან მისისა ყოველნი ერნი, ტომნი, და
Line: 23 ენანი ძრწოდეს და ეშინოდა პირისაგან მისისა. და რომელთაჲ ენება, მოსწყუედდა;
Line: 24 და რომელთაჲ ენება, აცოცხლებდა. და რაჟამს ამაღლდა გული მისი და სული
Line: 25 მისი განზრქნა ამპარტავანებად, დამჴობილ იქმნა საყდრით მეფობისა მისისაჲთ
Line: 26 და პატივი მისი მიეღო მისგან და განიდევნა კაცთაგან და მჴეცთა-თანა მიეცა
Line: 27 და ველურთა ვირთა-თანა სადგურიანობდა. და თივასა, ვითარცა ზროხასა, აჭამებდეს
Line: 28 მას. და ცუარისაგან ცისა გუამი მისი შეიღება, ვიდრემდის ცან ვითარმედ მეუფებს
Line: 29 მაღალი მეფობასა ზედა კაცთასა. და ვისიცა, ენებოს, მისცემს მას. და შენ უკუე,
Line: 30 ძემან მისმან ბალტასარ, არა დაიმდაბლე გული შენი; არამედ დიდებულნი შენნი
Line: 31 და ცოლნი შენნი და ხარჭნი შენნი ღჳნოსა ჰსუემდით ჭურჭლებითა წმიდითა.
Line: 32 ამის-თჳს მოივლინა უსაქციელოჲ ჴელი პირისაგან მისისა, და წერილი ესე დაწერა
Line: 33 ესრეთ: "მანი, თეკილ, ფარეს", ესე იგი არს: "მანი", ვითარმედ განზომა
Line: 34 ღმერთმან მეფობაჲ შენი და დაასრულა იგი, "თეკელ", აღიწონა სასწორითა და
Page: 133 Line: 1 იპოვა ნაკლულად; "ფარეს", განიყო მეფობაჲ შენი და მიეცა მიდთა და სპარსთა.
Line: 2 და მასვე ღამესა მოიკლა ბალტასარ ქალდეველი". და დარიოს მიიღო მეფობაჲ
Line: 3 და "ნუ ჰგონებო" ეტყჳს, ვითარმედ "თჳსისა ძალისა ჴუმევითა დაიმორჩილა მამამან
Line: 4 შენმან ყოველი სოფელი, არამედ ორღანოდ რადმე საღმრთოჲსა რისხვისა
Line: 5 ცოდვილთა კაცთა ზედა მოსაწევნლად ჴუმეულ იქმნა იგი". ამის-თჳს იტყჳს
Line: 6 ესაჲს მიერ. "ნუ იდიდოსა ცული თჳნიერ მკუეთელისა მის მიერ ანუ ამაღლდეს
Line: 7 ხერხი თჳნიერ მზიდველისა მისისა?" ეგრეთვე, უკუეთუ ვინმე აღიღოს კუერთხი
Line: 8 ანუ შეშაჲ, რამეთუ ვითარ იგი შეუძლებელ არსო, ხმობს, თავით თჳსით ცულისა
Line: 9 ანუ ხერხისა ანუ კუერთხისაგან ძრვაჲ? რამეთუ მაშინ მოქმედებს თითოეული
Line: 10 მათი, რაჟამს ვინმე ჴუმევით, ჴელთაჲთა ინებოს ძრვაჲ მათი ესრეთ უკუე
Line: 11 მეცა ბოროტთა კაცთა ზედა ვიჴუმევ უბოროტესთა მათთა.
Line: 12 ესე ვითარსავე რას იტყჳს იერემიაცა: "ესრეთ იტყჳს უფალი ღმერთი
Line: 13 ისრაჱლისაჲ: მე შევქმენ ქუეყანაჲ დიდითა ძალითა ჩემითა და მკლავითა მაღლითა
Line: 14 ჩემითა და მივსცე იგი, ვისიცა სთნდეს თუალთა ჩემთა. და აჰა მივეც
Line: 15 ყოველი ქუეყანაჲ ნაბუქოდოსოსორს, მეფესა ბაბილოვნელთასა, მონასა ჩემსა, რათა
Line: 16 ჰმონებდენ მას ყოველნი წარმართნი" და შემდგომნი. რომელი ამის მიერ რაჲ
Line: 17 უაღრესობასა კაცთასა მგოსებელ იქმნა და საღმრთონი მსჯავრნი და გამოუთქუმელი
Line: 18 მართლმსაჯულობაჲ და სულგრძელებაჲ შეურაცხ ყვნა, განიცადა მიერითგან და სახედ
Line: 19 დაიდვა საღმრთოჲსა რისხვისა თანა წარუვალობისა და თუალუხუაობისა.
Line: 20 დარიოსის-თჳს მიდისა.
Line: 21 მერმე შემდგომად ბალტასარისა მეფე იქმნა დარიოს მიდი, რომელსა იგი
Line: 22 ასტჳაგიცა და არტაქსერქსი ეწოდებოდა, ათშჳდმეტ წელ. რომელსა ესუა ცოლად
Line: 23 ესთერ მარდუქე გამორჩეულქმნულ კეთილობისა-თჳს მწყობრისაგან ქალთა ქალწულთა
Line: 24 ებრაელთაჲსა. რომელმან თჳსი ერისა ჰურიათაჲსა მოწყუედაჲ ძმაცულებითა
Line: 25 მჴედართ-მთავრისა ამანისითა შემზადებული დაჰჴსნა, და ძელი, რომელი
Line: 26 მარდუქჱს-თჳს განემზადა მას, მას ზედა დამოკიდებაჲ დაასაჯა. რომლითაცა
Line: 27 სრულ იქმნების ესრეთ მეტყუელი იგი წერილი ვითარმედ "ვინცა ვინ აღტყინოს
Line: 28 უკეთურებაჲ, წარწყმდეს იგი მის მიერ" და "ვინცა დაურწყუას მახე წინაშე
Line: 29 პირსა მოყუსისა, გარემოიბლარდნოს იგი ფერჴთა თჳსთა". და რომელმან
Line: 30 ქმნას ბოროტი, წარიგრაგნოს იგი მას შინა და ვერ აგრძნას, თუ ვინაჲ მოვიდა იგი"
Line: 31 და "რომელმან უთხაროს ჴნარცჳ მოყუასსა, თჳთ შთავარდეს მას". და რომელთა მიერ
Line: 32 ცოდვიდეს ვინმე, მათ მიერვე იტანჯოს", რამეთე თქუა ვინმე მაშინ წარჩინებულთაგანმან
Line: 33 ვითარმედ "აჰა ძელი აღჰმართა ამან მარდუქჱს-თჳს ერგასისი წყრთაჲ და თქუა
Line: 34 მეფემან: ჯუარს ეცჳნ ამან მუნ" და იქმნა ეგრეთ ბრძანებისა-ებრ არტაქსექსი მეფისა.
Page: 134 Line: 1 რომლისა-ზე დანიელცა იხილნა მთავარ ანგელოზისა გაბრიელის მიერ ხილვანი
Line: 2 და ჟამი ქრისტჱს მოსლვისაჲ გამოეცხადა. რომელსა, ვითარცა დიდსა და
Line: 3 პიტივცემულსა მეფისა მიერ შურად აღუდგეს სხუანი მთავარნი და მღჳმესა ლომთასა
Line: 4 შთაგდებულ იქმნა.
Line: 6 და კუალად შემდგომად დარიოსისა მეფე იქმნა კჳროს სპარსი ოც და ათორმეტ
Line: 7 წელ. რომელმან, მოკლა რაჲ დარიოს, დაიპყრა მეფობაჲ ყოვლისა ქუეყანისა
Line: 8 ქალდეველთა და ასურასტანელთა და სპარსთაჲსაჲ, პალესტინე და ყოველი
Line: 9 ასიაჲ და სამეფოჲ ლჳდთაჲ, მომკლველმან კრისსონისმან, ვითარცა ითქუა. რომლისა-ზე
Line: 10 მერმეცა უფროჲსად წარჩინებულ ყო დიდი დანიელ, რომელმან შემუსრა
Line: 11 რაჲ ბელ და ვეშაპი მოკლა, სამსახურებელნი იგი სპარსთანი, კუალად შთაგდებულ
Line: 12 იქმნა მღჳმესა ლომთასა და იყო მას შინა ექუს დღესა, და იგი იყვნეს
Line: 13 ლომნი შჳდნი და მიეცემოდეს, მათ დღითი დღე გუამნი ორნი და ცხოვარნი ორნი.
Line: 14 ხოლო მაშინ არა მიეცა არა რაჲ, რათა შეჭამონ დანიელ და იყო ამბაკუმ წინაჲსწარმეტყუელი
Line: 15 ჰურიასტანს, შეაგბო გბილვილი და დანეცუა პური ვარცლსა
Line: 16 შინა და მივიდოდა ველად მირთუმად მომკალთა. და თქუა ანგელოზმან უფლისამან
Line: 17 მისდა მიმართ: "მიართუ სამხარი ეგე დანიელს ბაბილონს მღჳმესა შინა ლომთასა".
Line: 18 ხოლო მან ჰრქუა: "უფალო, ბაბილონი არა მიხილავს და მღჳმე არა უწყი, თუ სადა
Line: 19 არს" მაშინ უპყრა ანგელოზმან თხემსა მისსა და აღიღო და დაადგინა იგი ბაბილონს
Line: 20 მღჳმესა ზედა და ხმა უყო ამბაკუმ და თქუა: "დანიელ, დანიელ, მიიღე
Line: 21 სამხარი რომელი მოგიძღუანა შენ უფალმან" და თქუა დანიელ: "მომიჴსენე მე,
Line: 22 ღმერთო, და არა დაუტევენ მეძიებელნი შენნი, უფალო", და აღდგა დანიელ და ჭამა.
Line: 23 ხოლო ანგელოზმან უფლისამან მყის კუალად აგო ამბაკუმ ადგილსავე თჳსსა.
Line: 24 ხოლო მეფე მეშჳდესა დღესა მო-რაჲ-ვიდა კარსა ზედა მღჳმისასა და ყოვლით-ურთ
Line: 25 უვნებლად ლომთაგან დაწვულებაჲ დანიელისი იხილა, ცხოვნებისა მისისა
Line: 26 მიზეზი ღმერთი ადიდა და დანიელ უკუე მეყსეულად მღჳმისაგან აღმოიყვანა
Line: 27 ხოლო წარწყმედისა მისისა მიზეზნი მუნქუესვე შთასთხინა მას შინა და მყის
Line: 28 შეიჭამნეს ლომთაგან მაშინვე წინაშე მისსა. რომლისა-ზე პირველსა წელსა მეფობისა
Line: 29 მისისა განტევებულ იქმნეს ჰურიანი, რამეთუ განტევებისა და იერუსალჱმად
Line: 30 მიქცევისა მათისა მის მიერ ქადაგებასა მათდა სრულ იქმნა სამეოც და ათი წელი
Line: 31 ტყუეობისა მათისაჲ საზღვრისა მის-ებრ საღმრთოჲსა. ხოლო ზორობაბელ
Line: 32 სალათიელისა და ისო, ძისა სედეკისა, იერუსალჱმად მოსლვასა და ბრძანებითა
Line: 33 და შემწეობითა კჳროსისითა ტაძრისა შენებისა დაწყებასა დაიყენებოდეს გარემოჲს
Line: 34 დამკჳდრებულთა მათ ნათესავთაგან, რომელნი შეისმენდეს მათ მეფისა მიმართ.
Line: 2 მერმე შემდგომად კჳროსისა მეფე იქმნა ძე მისი კამვისოს. რომელსა ნაბუქოდონოსორცა
Line: 3 სახელ სდებდეს, ათრვამეტ წელ ამას ვინაჲთგან ბრძოლაჲ
Line: 4 აქუ და არფაქსადის მიმართ, მეფისა მიდთაჲსა, თანა-მბრძოლებაჲ ითხოვა ყოველთა
Line: 5 ნათესავთაგან ვიდრე ეგჳპტედმდე ხოლო მათ რამეთუ არა მისცეს შეწევნაჲ,
Line: 6 არამედ უფროჲსღა წინააღმდგომობით სიტყუა უგეს, ბრძოლაჲ დადვა მათდა
Line: 7 მიმართ შემდგომად ძლევისა და დამდაბლებისა არფაქსადისსა და, ვითარცა
Line: 8 იქცა ძლევაშემოსილი წარავლინა მჴედართ-მთავარი თჳსი ოლოფერნი ძალითა
Line: 9 დიდითა მათ ზედა. და ყოველთა მათ ნათესავთა ეუფლა ოლოფერნი და კერპნი
Line: 10 მათნი დამუსრნა, და ესრეთ მოიწია ქალაქად ჰურიათად, რომელსა იგი ვეტჳლუანი
Line: 11 ეწოდებოდა, ასოცი ათასითა ჭურვილითა და ოლოფერნი ვიდრე-მე ბრძოლისა
Line: 12 მიმართ აღიჭურვოდა შინაგან ქალაქისა განმაგრებულებასა ძეთა ისრაჱლისათასა.
Line: 13 ხოლო სპასალარმან მისმან აქიორ განაზრახა მას, რათა არა ჰბრძოდის
Line: 14 ნათესავსა ებრაელთასა, ვინაჲთგან ღმერთი შემწე არს მათდა. ამას ზედა განრისხებულმან
Line: 15 ოლოფერნი წარავლინა იგი ქალაქად სიკუდილსა და აქადებდა მას უკუეთუ
Line: 16 მძლე ექმნას და გამოიღოს ქალაქი იგი და აქიორ უკუე იყო ქალაქსა შინა
Line: 17 ვეტჳლუსსა, ხოლო ოლოფერნი გარემოადგა ქალაქსა მას და დაიპყრნა და
Line: 18 მოუხუნა ყოველნივე წყალნი. და ვითარ დაიჴსნა წყურილითა ერი და გამოცემაჲ
Line: 19 ქალაქისაჲ ეგულებოდა, განიძარცუა იუდით სამოსელი ქურიობისაჲ, რამეთუ
Line: 20 მგლოვარე იყო ქმრისა-თჳს, და მარხვით გარდაიჴდიდა ყოველთა დღეთა, და
Line: 21 შეიმკო თავი თჳსი, ვითარცა სძალმან, და ფრიად მამხილებელი მთავართაჲ სულმოკლებისა-თჳს
Line: 22 მათისა და მამცნებელი მათი, რათა არა განსცენ ქალაქი ვიდრე
Line: 23 ხუთ დღედმდე, განვიდა ოლოფერნისსა; და შეწევნითა ღმრთისაჲთა და სიბრძნითა
Line: 24 თავისა თჳსისაჲთა შეაცთუნა იგი და წარჰკუეთა თავი მისი მესამესა დღესა
Line: 25 და ქალაქადვე მიიქცა ღამით და უჩუენა თავი ოლოფერნისი; და ჰურიათა ვიდრე-მე
Line: 26 დაუკჳრდა ფრიად და მადლობაჲ შეწირეს თანაშემწისა და განმაბრძნობელისა
Line: 27 მისისა ღმრთისა და გულს-მოდგინებაჲ მრავალი მიიღეს ხოლო სპასალარმან
Line: 28 აქიორ უფროჲსღა უმეტეს განცჳბრებულმან დიდსა მას ზედა ძლიერსა და მტკიცესა
Line: 29 შეწევნასა ღმრთისასა მეყსეულად წინა-დაცუეთითა ჰრწმენა უფალი ღმერთი
Line: 30 ისრაეჱლისაჲ.
Line: 31 და ესრეთ მიერიდგან ასურასტანელთა უკუე ცისკარს იხილეს რაჲ თავი
Line: 32 ოლოფერნისი მოკუეთილად მძჳნვარედ სირცხჳლეულქმნილნი ივლტოდეს; ხოლო
Line: 33 ძენი ისრაჱლისანი ყოვლით-კერძო სდევდეს და მეოტთა ეწეოდეს და მბრძოლთა
Line: 34 მუსრვიდეს და ტყუედ მოიყვანებდეს. და ყოველნივე ოლოფერნისნი მიანიჭნეს
Line: 35 იუდითს. ხოლო მან წარსრულმან იერუსალჱმდ ყოველნივე იგი შეწირნა უფლისა
Line: 36 ესრეთ სახიდ თჳსსა უკმოქცეული, და მისვე სათნოებისა მოღუაწებისა
Page: 136 Line: 1 შემტკბობელი აღესრულა ქურივი წელიწადთა ასოცდახუთთა. ხოლო პირველისა
Line: 2 ნაბუქოდონოსორის-ზე ვიეთმე ჰგონეს ქმნილობაჲ ამის საქმისაჲ, ვითარცა თანამოსახელეობისა
Line: 3 მიერ შეცთომილთა და ვერ გულის-ხმის-მყოფელთა ამისთა, ვითარმედ
Line: 4 შემდგომად ტყუეობისა იქმნა ესე, რამეთუ პირველი ნაბუქოდონოსორ
Line: 5 მათვე სადმე ტყუეობისა ჟამთა შინა აღესრულა.
Line: 7 და კუალად შემდგომად კამვისოჲსა მეფე იქმნა სპერდიოს მოგჳ ორმეოც
Line: 8 და შჳდ წელ.
Line: 10 ხოლო შემდგომად სპერდიოჲსა მეფე იქმნა დარიოს ჳსტასპი ოც წელ,
Line: 11 რომლისა-ზე ზორობაბელ და ისოსედეკისმან ბრძანებითა მისითა განასრულეს
Line: 12 შენებაჲ ტაძრისაჲ პირველ უდებქმნილთა, ორმეოც წელ. ვინაჲცა ამის-თჳს იტყოდეს
Line: 13 ჰურიანი უფლისა მიმართ ვითარმედ "ორმეოცდაექუსსა წელსა აღეშენა ტაძარი
Line: 14 ესე, და შენ სამთა დღეთა აღადგინოა იგი?" რამეთუ კჳროს უკუე თავის-უფლებაჲ
Line: 15 მისცა ურიათა და შეუნდო აღშენებად ქალაქისა და ტაძრისა, ვითარცა
Line: 16 ითქუა. ხოლო სამარიტელთა მიერ დაყენებულ იქმნნეს ოც და ათ წელ,
Line: 17 და კუალად ცხრა წელ, და მეექუსესაღა წელსა დარიოზის მეფობისა განასრულეს
Line: 18 იგი. აწ უკუე სპარსეთით იერუსალჱმად აღმოსლვაჲ ძეთა ისრაჱლისათაჲ იქმნა
Line: 19 პირველად ბრძანებითა კჳრო სისითა, ხოლო ამის შემდგომად კუალად ბრძანებითა
Line: 20 დარიოზისითა და ჴელითა იოსედეკისითა და ზორობაბელისითა და ნემესი საჭურისისა
Line: 21 ჰურიისაჲთა. ხოლო მიზეზი აღმოსლვისაჲ ესე იყო.
Line: 22 სტრატიოტთა სამთა მცველთა მეფისათა, რომელთა შორის იყო ზორობაბელ,
Line: 23 ნაძლეობით აღთქუმა ყვეს, რათა რომელმანცა მათგანმან უმეტესისა
Line: 24 მძლეობისა მქონებელი სახე მოიპოვოს, ითხოვოს მეფისაგან, რაჲცა ენებოს;
Line: 25 და ვითარ იგი ერთისაგან მეფე ითქუა უმძლესად და სხჳსაგან ღჳნოჲ. ზორობაბელ
Line: 26 დედანი თქუნა მძლედ. რომელი ესე უჭეშმარიტეს იყო ორთასავე და, ვითარცა
Line: 27 ესე თქუა, და სძლო მონაძლეველთა მათ თჳსთა და ბრძანებაჲ მიიღო,
Line: 28 რათა ითხოვოს, რომელიცა ენებოს, ტყუეობისაგან განტევებაჲ თანა-მონათესავეთა
Line: 29 თჳსთაჲ; და აღშენებაჲ იერუსალჱმისაჲ ითხოვა, რომელი ესე იქმნაცა და მაშინ
Line: 30 განსრულდეს სრულიად ტყუეობისა და რისხვისა იგი სამეოცდაათნი წელიწადნი.
Line: 31 ხოლო მღდელთ-მთავარ და მწიგნობარ და მასწავლელ ერისა სჯულსა იყო ეზრა.
Line: 32 ვითარცა უგელისა-ხმიერესი ყოველთაჲ, რომელმან სამღდელოსიცა წიგნნი
Line: 33 განრყუნილნი მბრძოლთა მიერ კუალად განაახლნა. რამეთუ ვინაჲთგან ქალდეველთა
Line: 34 შემდგომად წარტყუენვისა იერუსალჱმისა დაწუნეს ყოველნივე იგი, მოჰბერა
Line: 35 ღმერთმან ამას და კუალად აღწერნა იგინი.
Page: 137
Line: 1 შეიქმნებიან უკუე პირველით შენებითგან ტაძრისაჲთ ვიდრე მეორედმდე
Line: 2 წელიწადნი ხუთას და ათერთმეტნი.
Line: 3 ხოლო გუარი და სახე მეორისა შენებისა ტაძრისა და ქალაქისაჲ იყო ესე
Line: 4 ვითარი: რამეთუ ქალაქი სამითა ზღუდითა მომტკიცებულ და ძნიად საბრძოლველ
Line: 5 იყო, ხოლო კოშკნი ზღუდისანი ოთხკედელნი მქონებელ იყვნეს სიგრძესა
Line: 6 და სივრცესა ორმეოცდაათისა წყრთისასა, და თითოეული ქვაჲ ნაშენებისა მათისაჲ
Line: 7 იყო ოც წყრთა, რომელთა ზედა იყუნეს სახლებნი და ქორებნი უფროჲსად
Line: 8 საჩინოებნი და შემწყნარებელნი წყალსა წჳმათასა ხოლო აქუნდეს სხუანიცა
Line: 9 კოშკნი რვაკედელნი ყოვლად განსაკჳრვებელნი სიდიდითა, რომელთა სიმაღლე
Line: 10 აქუნდა ორასი წყრთაჲ. საჩინოდ იხილვებოდა მუნით არაბიაჲ ჟამსა მზისა აღმოსლვისასა.
Line: 11 და საზომი ვიდრე-მე ქალაქისაჲ და გარემოვლილი მოზომაჲ მისი
Line: 12 კიდით-კიდედმდე იყო სტადიონი ერგასისი და სიმაღლე ზღუდეთაჲ წყრთაჲ
Line: 13 ორმეოცი, ხოლო ქვათა შენებულებისა მისისათა აქუნდა თითოეულსა ოცი წყრთაჲ
Line: 14 სიგრძე. და ათი ბრჭალი სივრცე; ეგრეთვე და სიზრქე და ესრეთ მოზავებულ
Line: 15 იყვნეს ქვანი ნაშენებისა მისისანი ურთი-ერთას, ვიდრეღა ერთსა კლდესა
Line: 16 ჰგვანდა იგი რაჲთ-ურთით არა სადა ჩენითა შენადგამისა რაჲსმე ნაწევრისაჲთა.
Line: 17 ხოლო ტაძარსა ბორცუსა რასმე ზედა მტკიცედ დამყარებულსა და ოთხთა
Line: 18 ეზოთა მიერ გარემოცვულსა აქუნდეს ქვანი შენებისა მისისანი თეთრნი დახუეწით
Line: 19 გარდაწმედილნი, რომელთა სიდიდე თითოეულისა ქვისაჲ იყო ორმეოცი
Line: 20 ბრჭალი. და საშუვალ ქალაქისა დამტკიცებულ იყო ტაძარი ათორმეტითა ხარისხითა
Line: 21 აღმატებული ქალაქისაგან, და პირის-პირი უკუე სიმაღლე მისი იყო წყრთაჲ
Line: 22 ასი, ხოლო უკუანა კერძოჲ ორმეოცი. რამეთუ შთამრეც იყო ერთი კერძი ქალაქისაჲ,
Line: 23 ხოლო სხუაჲ იგი აღმართ, მთით-კერძოჲ მისი. და პირველსა ბჭესა
Line: 24 ტაძრისასა სიმაღლე აქუნდა წყრთაჲ სამეოც და ათი და სივრე ოც და ექუსი
Line: 25 და კორინთულითა რვალითა დაბურვილ იყო. ვიდრეღა სძლევდა სიკეთითა ოქროჲთ-ცურვებუთა
Line: 26 და ვეცხლით-მოქნილთა ბჭეთა. და რამეთუ შინაგან აქუნდეს
Line: 27 ბჭენი, რომელთა სიდიდე იყო წყრთაჲ ორმეოცი ზრქელად განრჩუნვილნი ოქროჲთა
Line: 28 და ვეცხლითა, ვიდრემდის განაბრწყინვებდეს ყოველთავე გარემოჲსთა
Line: 29 ნაშენებთა და ოქრობრწყინვალედ აჩუენებდეს ქმნულებასა მათ ყოველთასა; და
Line: 30 პირველსა ვიდრე-მე სახლსა აქუნდა შინაგან თჳსსა ქორი მქონებელი სიმაღლესა
Line: 31 წყრთასა ოთხმეოცდაათსა და სიგრძესა ორმეოცდაათსა, ხოლო ბჭე სახლისაჲ,
Line: 32 ოქროჲთა მოქნილ და ზეშთა კერძო მისსა ვენაჴსა ოქროჲსასა მქონებელ იყო,
Line: 33 რომლისა შორის დამოკიდებულად იხილვებოდეს ტევანნი ოქროჲსანივე კაცოდენნი.
Line: 34 ხოლო შემდგომად შესლვისა ველსა შინა ტაძრისასა სხუაჲ იყო კუალად
Line: 35 უშინაგანესი სახლი, რომლისა სიმაღლე იყო სამეოც წყრთაჲ, ხოლო სივრცე
Line: 36 ოცი; რომელსა შინა სასანთლე და ტაბლაჲ და სასაკუმევლე მდგომარე იყვნეს.
Page: 138 Line: 1 ხოლო უშინაგანესსა კერძოსა სახლისასა, რომელსა ოცისა წყრთისა საზომი აქუნდა,
Line: 2 კრეტსაბმელისა მიერ განწვალებულ იყო გარეშისაგან სახლისა, მას შინა
Line: 3 რაჲთ-ურთით არა რაჲ მდებარე იყო, არამედ შეუვალ იყო და უხრწნელ, რომელსა
Line: 4 იგი წმიდა წმიდათა ეწოდებოდა. ხოლო ზედა კერძო და გარეგნით ტაძრისა
Line: 5 მის დიდად რადმე და უცხოდ საკჳრველებად იხილვებოდა ქმნულებჲ მისი. რამეთუ
Line: 6 ფიცარნი ოქროჲსანი ფრიად ზრქელნი და შუენიერად ფერცემულნი დამშჭუალულ
Line: 7 იყვნეს მზისა აღმოსავალით კერძო და ცეცხლის სახესა რასმე ელვასა განუტევებდეს
Line: 8 და სახედველებსა მხილველთასა გარეუკუნაქცევდეს, ვითარ იგი მცხინვარებაჲ
Line: 9 მზისაჲ თუალებსა მიმხედველთა თჳსთასა. რომლისა-თჳსცა მუნ მიმავალთა
Line: 10 უცხოთა, ვითარცა მთასა მაღალსა ზედა მდებარე თოვლი, აღუჩნდებოდა
Line: 11 შორით ტაძარი იგი ყოვლად თეთრთა მარმარილოთა მიერ შენებულებისა და ბორცუსა
Line: 12 ზედა მდგომარეობისა მისისა-თჳს ხოლო თხემსა ზედა თჳსსა აქუნდეს
Line: 13 აღმართებულნი და სიმახჳლით აღლესულნი ისრის სახენი ოქროჲსანი, რომელთა
Line: 14 სიგრძე თითოეულისაჲ იყო წყრთაჲ ორმეოცი და სივრცე ექუსი, რათა აყენებდენ
Line: 15 დასხდომასა ანუ თუ მახლობელად გარდაფრინვებასა მფრინველთასა და სკინტლვისა
Line: 16 მიერ შემწინკულებასა ტაძრისასა.
Line: 17 ხოლო გარემოჲსნი იგი ოთხნი ეზონი ტაძრისანი თჳსსა წესსა მქონებელ
Line: 18 იყო თითოეული განწესებათა-ებრ სჯულისათა. რამეთუ პირველსა უკუე და გარეგნითსა
Line: 19 შინა ერთბამად ყოველთავე და უცხოთესლთაცა შეენდობვოდა შესლვად,
Line: 20 და მეორესა შინა ჰურიანი ხოლო ფლობილ იქმნებოდეს შესლვად, და მესამესა
Line: 21 შინა სამღდელოჲსა ტომისაგანთა მამათა ხოლო, რომელნიცა წმიდა და უბიწო
Line: 22 იყვნიან და კუალად მეოთხესა შინა მხოლოდ მღდელთა ოდენ უბიწოთა. ხოლო
Line: 23 თჳთ მას ტაძარსა შინა უბიწოთა ხოლო მღდელთა სამღდელოჲთა შესამოსლითა
Line: 24 მოსილთა. ხოლო შეუვალთა შინა, სადა იგი იყო ბომონი და ტაბლაჲ და
Line: 25 სასაკუმევლე და დაუვსებელი სასანთლე, მხოლოდ მღდელთ-მთავარსა ოდენ
Line: 26 შეენდობვოდა შესლვად ერთგზის წელიწადსა შინა. ამის-თჳს სამართლად იტყოდა
Line: 27 წინაჲსწარმეტყუელი ვითარმედ "იყოს დიდებაჲ სახლისაჲ ამას უკუანაჲსკნელი
Line: 28 უაღრეს პირველისა იტყჳს უფალი". და რამეთუ მეორე ესე აღშენებაჲ ტაძრისაჲ
Line: 29 უბრწყინვალეს იქმნა პირველისა მის სიკეთითა და სიდიდითა და სხჳთა ყოვლითა.
Line: 30 და ესენი უკუე ესრეთ.
Line: 31 ხოლო შემდგომად ამისსა მეფემან დარიოს განილაშქრა თჳთოსახეთა ნათესავთა
Line: 32 ზედა და ასურეთი ყოველი და ფინიკე და ზღჳს კიდე წარტყუენა. ხოლო
Line: 33 მი-რაჲ-ვიდა იერუსალჱმსა ზედა, ღმრთივ-მოვლენილითა წყლულებითა იგუემა
Line: 34 იგი და ყოველი სიმრავლე მისთანათა ბევრეულთჲ; და ძლევაჲ დიდი მისცა ღმერთმან
Line: 35 მაშინდელთა მათ მკჳდრთა იერუსალჱმისათა თჳნიერ ბრძოლისა და საჭურველთა,
Page: 139 Line: 1 და სიმდიდრითა ნატყუენავთაჲთა აღავსნა მთავარნი ზორობაბელისნი,
Line: 2 რომლისა შემდგომად არღარა ვინ სხუაჲ იუდაჲს ტომით აღდგომილი, არამედ
Line: 3 მღდელთ-მთავარნი მთავრობდეს ერსაცა ზედა. რამეთუ შემდგომად ბაბილოვნით
Line: 4 აღმოსლვისა არღარა იყო მეფობაჲ, არამედ მღდელთ-მთავარნი სჯიდეს და უძღოდეს
Line: 5 და ჰმართებდეს და წინა-მბრძოლობდეს მათ-თჳს. რომლისა-თჳს იტყჳს
Line: 6 დიდი ბასილი ვითარმედ დაიჴსნა რაჲ იერუსალიჱმი ნაბუქოდონოსორის მიერ,
Line: 7 წარჴდა უკუე მეფობაჲ რამეთუ არღა იყუნეს მერმეცა მემამულეობითნი მონაცვალეობანი
Line: 8 მთავრობისანი, ვითარ იგი პირველ, არამედ უწინარეს ვიდრე-მე
Line: 9 ტყუეობისა შვილის-შვილნი დავითისნი მეფობდეს. ხოლო უკმოიქცეს რაჲ ტყუეობისაგან.
Line: 10 ზორობაბელის მიერ სალათიელისა ძღუანებულ იქმნებოდეს იგინი
Line: 11 მღდელობასა ზედა მიცვალებითა მიერითგან მთავრობისაჲთა აღრევისა-თჳს ურთი-ერთას
Line: 12 სამღდელოჲსა და სამეფოჲსა ტომისა. ვინაჲცა უფალი მეფეცა არს
Line: 13 და მღდელთ-მთავარი ღმრთისა-მიმართთა შინა. და არა მოაკლდა სამეფოჲ ტომი
Line: 14 ვიდრე მოსლვადმდე ქრისტჱსსა. ხოლო არღა მერმეცა დაჯდა საყდარსა
Line: 15 დავითისსა თესლი იექონიაჲსი. და რამეთუ საყდრად, ცხად არს, ვითარმედ
Line: 16 სამეფოჲ პატივი სახელ იდების და კუალად გაჴსოვდეს სადმე წიგნისაგან მეფეთაჲსა,
Line: 17 თუ ვითარ მოხარკე დავითისსა იყვნეს ყოველი ჰურიასტანი და სოფელი
Line: 18 იდუმიისაჲ და მოაბელი და ასურეთისა გარემონი სოფელნი და უშორესნიცა
Line: 19 ვიდრე შუვამდინარედმდე და მეორესა კერძსა ვიდრე მდინარედმდე ეგჳპტისა.
Line: 20 აწ უკუე, უკუეთუ არა ვინ გამოჩნდა შემდგომად მისსა ესოდენისა პატივისა
Line: 21 ღირსქმნულად, ვითარ არა ჭეშმარიტებდეს სიტყუაჲ იერემია წინაჲსწარმეტყუელისაჲ
Line: 22 ვითარმედ "უპატივო იქმნა იექონია, ვითარცა ჭურჭელი, რომელი
Line: 23 არა საჴმარ არნ. და ვითარმედ განგდებულ იქმნა იგი და თესლი მისი, და არღარა
Line: 24 აღდგეს თესლისაგან მისისა მჯდომარე საყდარსა დავითისსა მთავარი იუდასა
Line: 25 ზედა". რამეთუ არცა ერთი ვინ იხილვების მისგან შობილთაგანი პატივისა
Line: 26 ამის და მთავრობისა წილხუდომილად. არა ვიდრე-მე მოაკლდა ტომი იუდაჲსი,
Line: 27 ვიდრემდის მოვიდა რომლისადა იგი დამარხულ იყო. რომელი არცა იგი დაჯდა
Line: 28 ჴორციელსა ზედა საყდარსა, ვინაჲთგან მეფობაჲ ჰურიათაჲ ასკალონელისა ანტიპატროჲს
Line: 29 ჰეროდჱს და ძეთა მისთა მიმართ მიცვალებულ იყო, რომელთა იგი
Line: 30 ოთხად სამთავროდ განეყო ჰურიასტანი მთავრობასა პილატჱსსა, ხოლო საყოველთაოჲსსა
Line: 31 ფლობისა ჰრომთაჲსა მქონებელობასა ტიბერი კეისრისასა. არამედ
Line: 32 საყდრად დავითისსა, რომელსა ზედა დაჯდა უფალი, დაუჴსნელსა და საუკუნესა
Line: 33 მეფობასა იტყჳს, რამეთუ იგი არს მოლოდებაჲ წარმართთაჲ. და მეფე იქმნა
Line: 34 არა უმცირესსა ზედა ნაწილსა სოფლისასა, რამეთუ "იყოსო, იტყჳს, ძირი იესჱსი,
Line: 35 რომელი აღდგომად არს მთავრად წარმართთა და მისდამი წარმართნი ესვიდენ",
Line: 36 და ვითარმედ დაგამტკიცე შენ აღთქუმად ნათესავთა და ნათლად წარმართთა", და
Page: 140 Line: 1 დავდვა უკუნითი უკუნისამდე თესლი მისი და საყდარი მისი, ვითარცა დღენი
Line: 2 ცისანი.
Line: 3 ესრეთ უკუე მეფედ აღსარებულ იქმნა, დაღათუ არა მიიხუნა ჴორციელად
Line: 4 სამთავროდ სკიპტრანი ჰურიათანი და მეფე ყოვლისა ქუეყანისაჲ არს, ვითარცა
Line: 5 ღმერთი, და აზნაურებაჲ იაკობისა დამტკიცებულ არს, და თესლისა მისისა შორის
Line: 6 იკურთხევიან ყოველნი ტომნი ქუეყანისანი. და ყოველნი წარმართნი ჰნატრინა
Line: 7 ქრისტესა. ხოლო რათა უგანცხადებულესად-რე ითქუას, თუ ვითარ სამღდელოჲ
Line: 8 ტომი შეეყო სამეფოსა ტომსა, მოვედ და მცირედ განვავრცოთ სიტყუაჲ ესრეთ
Line: 9 იუდა უკუე შვნა ფარეზ და ზარა, და ფარეზ ესრომ, და ესრომ არამ,
Line: 10 და არამ ამინადაბ, და ამინადაბ ნაასონ, და ნაასონ სალმონ, და სალმონ ბოოზ,
Line: 11 და ბოოზ იობედ, და იობედ იესე, და იესე დავით მეფე. ვინაჲთგან უკუე ნაასონ
Line: 12 ძე იყო ამინადაბისი, რომლისა დაჲ ელისაბედ ცოლად მიიყვანა დიდმან
Line: 13 მღდელთ-მთავარმან აჰრონ, ძმამან მოსჱსმან, რომელი ლევიტელი იყო ნათესავით
Line: 14 ვითარცა ყოველთა შორის ცხად არს. და კუალად საკჳრველმან მღდელთ-მთავარმან
Line: 15 იუდა ელევიტელმან მიიყვანა ცოლად დაჲ ოქოზიაჲსი ტომისაგან
Line: 16 იუდაჲსსა ამის-თჳს, ვინაჲთგან სამეფოჲ ტომი სამღდელოსა-თანა შეერთებულად
Line: 17 იცნობების, ესრეთ სამართლად სადმე უფალი ჩუენი მარიამ ქალწულისა
Line: 18 და ჴორციელად დედისა მისისაგან ნათესავით მეტყუელებელი მეფედ და მღდელად
Line: 19 ღმრთისა-მიმართთა შინა, ვითარცა ვთქუთ, წარმოიჩინების კაცთა-თჳს და
Line: 20 წინა-მოსწავებით მეუფედ საუკუნოდ იქადაგების და მღდელად ჭეშმარიტად უკუე
Line: 21 წესსა ზედა მელქისედეკისსა აღიარების. რამეთუ მეფობაჲ მისი მეფობა საუკუნო
Line: 22 და განუხრწნელ, და ნათესავი მისი, ცხად არს, ვითარმედ მიუწდომელისა
Line: 23 და უსაზღვროჲსა და ზეშთა-არსებისა და დაუსაბამოჲსა ღმრთეებისა მისისაჲ,
Line: 24 მითხრობად შეუძლებელ არს.
Line: 26 და შემდგომად დარიოსისა მეფე იქმნა არტავან შჳდ თთუე.
Line: 28 ხოლო შემდგომად არტავანისა მეფე იქმნა არტაქსერქსი ჴელგრძელი ორმეოც
Line: 29 და ერთ წელ. რომლისა-ზე სოფოკლი და ირაკლიტოს და ანაქსაღორა და
Line: 30 პითაღორა და თუკჳდიდი და ევრიპიდი და იროდოტოს და ემპედოკლი და დიოგენი
Line: 31 და ზინონ და ფერეკჳდის და არისტარხოს და იპპოკრატის და პარმენის და
Line: 32 პლატონ და არისტოტელი და დიმოსთენი იცნობებოდეს; და სოკრატ, ვითარცა
Page: 141 Line: 1 ბიწიან მყოფელმან ელენურთა სჯულთამან, დაითმინა სიკკუდილი საპყრობილესა
Line: 2 შინა შესუმითა კონიონისაჲთა.
Line: 3 კუალად შემდგომად არტაქსერქსისა მეფე იქმნა არტაქსერქსი სხუაჲ და შემდგომითი-შემდგომნი
Line: 4 მეფენი, ვიდრე დარიოს არსამოჲსამდე, რომელიცა მოკლა
Line: 5 ალექსანდრე და მეფობაჲ სპარსთაჲ დაჰხსნა და ყოველი ქუეყანაჲ დაიპყრა
Line: 6 და ბაბილონს შინა აღესრულა. და ყრმათა მისთა განიყვეს მეფობაჲ მისი, ვითა
Line: 7 ვითარცა ზემო გჳთქუამს.
Line: 8 აწ უკუე მეფენი სპარსთანი ნაბუქოდონოსორისითგან და ძეთა მისთაჲთ
Line: 9 არიან ესე: დარიოს ასტჳაგის, რომელსა არტაქსერქსიცა ეწოდებოდა, იმეფა შჳდ
Line: 10 წელ, კჳროს ოც და ათორმეტ წელ; კამვსის ათრვამეტ წელ, პერდიოს მოგუმან
Line: 11 შჳდ თთუე; და ჳსტასპმან ოც წელ, ქსერქსი, ძემან მისმან, ოც და ხუთ
Line: 12 წელ; არტავანი შჳდ თთუე; არტაქსერქსი ჴელგრძელმან ორმეოც და ერთ წელ;
Line: 13 არტაქსერქსი მეორემან, ორ თთუე; სოღდოან შჳდ თთუე; დარიოს ტაცმან ათცხრამეტ
Line: 14 წელ; არტაქსერქსი, ძემან მისმან, ორმეოც წელ; არტაქსერქსი, რომელსა
Line: 15 ხოოსცა ეწოდებოდა, ოც წელ, არის, რომელსა ხუ სახელ ედებოდა,
Line: 16 ოთხ წელ, დარიოს არსამო ექუს წელ, რომლისა მომკლველმან ალექსანდრე,
Line: 17 ვითარცა ვთქუთ, დაჴსნა მეფობაჲ სპარსთაჲ მპყრობელქმნილი ყოვლით-ურთ
Line: 18 ორას ორმეოც წელი. და ესენი უკუე ესოდენ. ხოლო ჩუენ პირველთავე კუალთა
Line: 19 სიტყჳსათა აღთქუმისა-ებრ ჩუენისა შეუდგეთ.
Line: 20 ესრეთ უკუე ყრმათა და დიდებულთა ალექსანდრჱსთა განიყვეს რაჲ მეფობაჲ
Line: 21 მისი, ეგჳპტეს ზედა ვიდრე-მე პტოლემეოს ლაღჳ მეფე იქმნა და შემდგომითი
Line: 22 შემდგომად ათსამეტნი პტოლემეოსნი ვიდრე კლეოპატრამდე, ასულისა
Line: 23 დიონჳსიოჲსა. და ასიაჲ ყოველი ანტიღონოს დაიპყრა, ხოლო ასურეთი და
Line: 24 ბაბილონიაჲ და პალესტინე სელევკოს ნიკანორ. რომელმან ორნი ქალაქნი აღაშენნა:
Line: 25 ერთი კერძოსა კილიკიისასა და სხუაჲ იგი ასურეთს შინა, და პირველსა
Line: 26 მას სელევკიაჲ უწოდა და მეორესა ანტიოქიაჲ, ხოლო სხუასა მას მესამესა
Line: 27 ლაოდიკიაჲ სახელად თჳსსა და ძესა თჳსისა და ასულისა თჳსისა ლაოდიკისსა.
Line: 28 რომლისა-ზე როდელთა აღჰმართეს ჭალაკსა შინა მათსა ანდრიანტი რვალისაჲ
Line: 29 სახელსა ზედა მზისასა, რომელსა სიდიდისა-თჳს მისისა სახელ სდვეს კოლოსო,
Line: 30 რომლისა ძლით იგინიცა კოლასელად იწოდნეს.
Page: 142 Line: 1 პტოლემეოსს, მეფესა ეგჳპტისასა, და სივლტოლად მიდრიკა იგი; და
Line: 2 ქალაქნი ეგჳპტისანი და წარმოტყუევნა ყოველნივე. ხოლო წმიდისა
Line: 3 ყოვლითა მშჳდობითა დაწყნარებულებასა მღდელთ-მთავრისა მათისა იეროტის
Line: 4 მოძულებითა და კეთილად-მსახურებითა შემთხუევაჲ რაჲმე ეგე
Line: 5 კნინღა და ყოვლისა ქალაქისა მიერ იხილვებოდა სიმრავლესა ორმეოცთა
Line: 6 რამეთუ ჰაერსა შინა მორბედად ჩნდეს ცხენნი აღჭურვილნი, და ოქრითა
Line: 7 შესამოსლითა მოსილნი ცხენოსანნი, და ურთი-ერთას კუეთა
Line: 8 ბრძოლანი, და საჭურველთა ძრვანი, და ოქროჲსა სამკაულითა ბრწყვალებაჲ
Line: 9 ყოვლითავე სახითა მოსილებისაჲთა შეჭურვილნი; რომლისა-თჳსცა ვედრებად
Line: 10 ჰყოფდეს ყოველნი, რათა კეთილისა რაჲსმე ნიშ იყოს სახილავი იგი, რომელი მსახურსა
Line: 11 მან ანტიოხოზის ზედა მოსლვასა ცხად ჰყოფდა. რამეთუ უკუმოვლეო
Line: 12 მრავლითა და განმჴცებულითა სულითა გარდარეულებითა
Line: 13 და ამპარტავანებისაჲთა, გამოიღო ქალაქი სატყუეოდ მერმე უბრძანა
Line: 14 მონათა, რათა ურიდად ჭრიდენ ვიეთცა და ემთხუეოდის რომლისა-თჳსცა
Line: 15 სიმრავლე ათრვამეტისა ბევრისაჲ. ამის შემდგომად შეჰკადრა შესლვა
Line: 16 დედეთაცა შინა ფრიადითა ამპარტავნებისა მიერ განზრქომილითა სულითა და
Line: 17 აღჰმართა მუნ ბომონი და კერპი საძაგელი მოოჴრებისაჲ. და არა წმიდათა
Line: 18 მსხუერპლთა მიერ შეაგინა ტაძარი, და დიოს ოლჳმპიოჲსდად სახელ სდვა
Line: 19 ესრეთ ადგილსა მაღალსა დაჯდა და გუნდი მჴედრობისაჲ აღჭურვილი
Line: 20 დაადგინა და უბრძანა მტარვალთა, რათა თითოეულსა ებრაელთაგანსა ღორი
Line: 21 და კერპთ-ნაზორევისა გემოჲს-ხილვასა აიძულებდენ. ხოლო უკუეთუ არცა
Line: 22 ინებონ შეხებაჲ მისი, მძჳნვარედ მოესრულნენ იგინი.
Line: 23 და ვითარ იგი მრავალნი თანა-წარიტაცებოდეს, ელიაზარ ვინმე
Line: 24 მწიგნობართა დასისაჲ, კაცი მიმჴცოვნებული და ფრიად მოხუცებული
Line: 25 ჰაკითა, იიძულებოდა ჭამად ნაზორევისა. ხოლო იგი ღმრთის-მსახურებისა
Line: 26 წადილსა უფროჲს ვიდრეღა უღმრთოებით ცხორებასა აღირჩევდა, ამისთვის
Line: 27 მოუჴდებოდა გუემათა და ესრეთ მრავალსახეთა ტანჯვათა მიერ გუემული
Line: 28 ცხორებისაგან. და არა ხოლო ჭაბუკთა, არამედ მოხუცებულთაცა და
Line: 29 ჰასაკითა სიმჴნისა და კეთილად სახედ სათნოებისა დაუტევა სიკუდილი
Line: 30 რომლისა-თანა სხუანიცა ვინმე შჳდნი ძმანი დედისა-თანა მათისა
Line: 31 სატანჯველთა მიერ გუემულნი, გჳრგვჳნსა წამებისასა მიმღებელ იქმნეს
Line: 32 იტყჳს დიდი გრიგოლი ვითარმედ "ესრეთ სრულ ყო მღდელობაჲ
Line: 33 საღმრთომან ელიაზარ განსწავლულმან და მასწავლელმან ზეცისათამან.
Page: 143 Line: 1 გარეშეთა საპკურებელთა მიერ წმიდა ყო ისრაჱლი, არამედ თჳსთა მიერ სისხლთა;
Line: 2 და დასასრულისა საიდუმლოდ სრულ ყო აღსრულებაჲ თჳსი. ესრეთ ყრმათა თანა ჭაბუკთა
Line: 3 არა გემოვნებასა ჰმონეს, არამედ ვნებათა ეუფლნეს და ჴორცთაგან მწდელნი
Line: 4 უვნებელად ცხორებად მიიცვალნეს. ესრეთ განიშუა შვილმრავლობითა დედამან.
Line: 5 ესრეთ სიცოცხლესაცა შეიმკვებოდა, და წარსრული თანა-განისუენებდა და
Line: 6 რომელნი იგი შვნა, სამკაულად წარუდგინნა ღმერთსა. ხოლო განცჳბრდა ანტიოხოზცა
Line: 7 და განკჳრვებად შეცვალა ქადებაჲ რამეთუ მბრძოლთაცა განმკჳრვებელობაჲ
Line: 8 უწყის სათნოებამან კაცისამან, რაჟამს გულის წყრომასა დაწყნარებითა
Line: 9 თავით თჳსით განიცდებოდის საქმე, ვინაჲცა წარვიდა უქმად და უგულსავსებოდ.
Line: 10 ესრეთ უკუე ამათ მიერ სირცხჳლეულქმნილმან და უფროჲსად აღბორგებულმან
Line: 11 მძლავრმან ყოველნივე სამღდელონი ჭურჭელნი ოქროჲსა და ვეცხლისანი
Line: 12 აღიხუნა. და ყოვლისავე ქალაქისა ტყუემყოფელი და ფრიადთა სისხლთა დამთხეველი
Line: 13 და პირუტყუთა საცხოვართა საზრდელად ლაშქრისა მიმხუმელი და დიდად
Line: 14 მოქადული კუალად იქცა ანტიოქიად. რომელმან მრავალი გლოვაჲ დაუტევა
Line: 15 ძეთა ისრაჱლისათა.
Line: 16 და შემდგომად ორისა წლისა განილაშქრა რაჲ საპარსთა ზედა, წარავლინა
Line: 17 მთავარი ვინმე თჳსი ხარკისა მოჴდად ქალაქთა იერუსალჱმისათა. რომელი მიიწია
Line: 18 მუნ ძლიერებითა მრავლითა და სიტყუათა მიერ მშჳდობისათა ეზრახა ზაკუვით
Line: 19 მკჳდრთა იერუსალჱმისათა და, ვითარცა შევიდა მას შინა, დასცა იგი
Line: 20 წყლულებითა დიდითა ფრიად და დამარღუეველმან ზღუდეთა მისთამან ყოველივე
Line: 21 მისი მოაოჴრა და დაწუა და დააქცია. და ტაძარი უკუე შეგინებულთა და ბილწთა
Line: 22 მსხუერპლთა მიერ აღავსო, ხოლო წარმართად მიქცევისა და არა წმიდათა მსხუერპლთა
Line: 23 გემოჲს-ხილვისა არ თავს-მდებელნი ჰურიანი უწყალოჲთა სიკუდილითა დასაჯნა
Line: 24 და მრავალთა მამათა და დედათა და ყრმათა შემდგომად მრავალთა და
Line: 25 მძჳნვარეთა სატანჯველთაჲსა მომკლველი და სხუათა ტყუედ მიმყვანებელი წარვიდა
Line: 26 მიერ, და დაუტევა მუნ მთავარი ერთი, რაჲთა სტანჯვიდეს ჰურიათა.
Line: 27 ხოლო მატთია ვინმე მღდელი მამაჲ ხუთთა ძეთაჲ, რომელთაგანი იყო
Line: 28 იუდაცა მაკაბელი, შურითა კეთილითა აღივსო და მიიმართა მთავრისა მიმართ და
Line: 29 მოკლა იგი. და შეკრიბნა ყოველნივე გარემოჲსნი თჳსნი, და მიუჴდა და დააქცინა
Line: 30 არაწმიდანი ბომონნი და სამსახურებელნი ელენთანი და განდგომილნი და უვარისმყოფელნი
Line: 31 სჯულისანი მოსწყჳდნა. ხოლო ანტიოხოზ ძლეულად და დამდალბებულად
Line: 32 უკუმოქცეულმან სპარსეთით და ფრიადისა მწუხარებისა მიერ დასნეულებულმან,
Line: 33 ესრეთ თქუა წარჩინებულთა მიმართ თჳსთა: განყენებულ არს ძილი
Line: 34 თუალთა ჩემთაგან, და შეშფოთებულ ვარ ზრუნვასა მიერ, რამეთუ აწ მომეჴსენებიან
Line: 35 მე ბოროტნი, რომელნი ვყვენ იერუსალჱმსა შინა და ვსცნობ, ვითარმედ
Page: 144 Line: 1 მათ-თჳს მპოეს და მომიცეს მე ძჳრთა ამათ. და აჰა წარვწყმდები აწ ქუეყანასა
Line: 2 შინა უცხოსა". და უბრძანა ეტლთა-მფლობელსა თჳსსა, რათა მოუწყინებელად ცემითა
Line: 3 სრბად აიძულებდეს ეტლთა და მალიად ვიდოდის ანტიოქიად მიმყვანებელსა
Line: 4 გზასა. რამეთუ განცხადებულად აგრძნობდა ზეგარდამოჲთა მსჯავრითა დასჯილებასა
Line: 5 თჳსსა. ვინაჲთგან მოუთმენელი ტკივილი ნაწლევთაჲ და მწარე სალმობაჲ
Line: 6 შინაგანთა თჳსთაჲ საწყალობელად განსჭრიდა. ხოლო შეემთხჳა მას გარდამოვრდომაჲცა
Line: 7 ეტლთაგან და ძნიად სახილველითა დაკუეთებითა ვნებული ყოველთაგანვე
Line: 8 ასოთა გუამისათა ზღვეულ იქმნა ხოლო სენი ესოდენ განძლიერდა
Line: 9 მის შორის, ვიდრემდის მატლნი, ვითარცა მძორისა რაჲსაგანმე, აღმოფუოდეს,
Line: 10 და მძჳნვარეთა ტკივილთა შინა შთავარდა ყოველი გუამი მისი. და
Line: 11 სულ მყრალობისაგან უბადრუკთა მათ და საწყალობელთა ჴორცთა მისთაჲ დიდად
Line: 12 შესწყინდა ყოველსა გუნდსა მჴედრობისასა, და დიდად მოქადული იგი და
Line: 13 ყოველთავე ძჳრთა მოქმედი ესოდენ საძნაურითა ჭირითა უცხოსა შინა სოფელსა
Line: 14 საწყალობელად განიჴსნა ცხორებისაგან და აქა ვიდრე-მე სამართლად განიპატიჟა
Line: 15 უსამართლოჲ. ხოლო მო-რაჲ-კუდა საწყალობელად უფროჲსღა მუნ, იტანჯების
Line: 16 საუკუნოდ.
Line: 18 მერმე შემდგომად ანტიოხოზისა მეფე იქმნა ანტიოხოზ, ძე მისი, რომელსა
Line: 19 იგი ევპატირცა ეწოდებოდა, რომლისა-ზე იუდა მაკაბელმან, მძლე ექმნა
Line: 20 რაჲ მთავართა ანტიოხოზისთა, განილაშქრა მის ზედა ანტიოხოზ ცხენოსნითა
Line: 21 ოციათასითა და ქუეითა ასიათასითა და ეტლებითა სამასითა. და საბრძოლად მოკაზმულითა
Line: 22 პილოჲთა ორმეოცდაათხუმეტითა და განმყოფელმან პილოთამან რაზმთა
Line: 23 ზედა მიუდგინნა თითოეულსა პილოსა ათასნი კაცნი შეჭურვილნი ჯაჭჳთა
Line: 24 და რვალისა ჩაბალახითა და ცხენოსანი ხუთასი შემდგომად თითოეულისა
Line: 25 მჴეცისა და გოდლები შეშისაჲ თითოეულსა მჴეცსა ზედა და მოიჴელოვნა და თითოეული
Line: 26 მათგანისა ზედა დააწესა ოცდაათორმეტი აღჭურვილი ძლიერთაგანი
Line: 27 კაცი; ვიდრეღა მიეფინის რაჲ მათ ზედა შარავანდედი მზისაჲ და ოქროანნი
Line: 28 საჭურველნი და ეტლნი მათნი ნათლის სახე ყვნის, განბრწყინდიან მათგან მთანი
Line: 29 და, ვითარცა ლამპართა რათმე მიერ ცეცხლისათა, ჰაეროვნებით ელვარე იქმნიან.
Line: 30 ვინაჲცა ამიერ შეირყეოდეს ყოველნი მხილველნი და მსმენელნი სიმრავლისა
Line: 31 მის ხმათანი და საჭურველთა მათთა ტკეცებისანი. რამეთუ იყო ბანაკი დიდი
Line: 32 და ძლიერი ფრიად და ერი ურიცხჳ შერეული და აღჭურვილი, და, ვითარცა
Line: 33 შენივთდა ბრძოლაჲ, იხილნა ელეაზარ, ძმამან იუდაჲსმან, განძჳნებულად პილონი
Line: 34 და მათ ზედა მდგომარედ მშჳლდოსანნი ხოლო ერთი უმაღლესად სხუათად
Line: 35 და სამეფოჲთა საჭურველითა აღჭურვილად იხილა და მას ზედა მდგომარეობაჲ
Page: 145 Line: 1 ჰგონა მეფისაჲ. ამის-თჳს მყის მიეტევა მისსა მიმართ. და მრავალთა გარემოჲს
Line: 2 მისსა მდგომთა მომსრველი პილოსა ქუეშე შეიჭრა და ძლიერად უხეთქნა მუცელსა
Line: 3 მისსა და დააკუეთა მჴეცი. და მეყსეულად იგი და მის ზედა სახილველქმნილნი
Line: 4 ყოველნი დამუსრნა; რომლისა მხილველი იუდა და უძლიერესობასა ბრძოლისასა
Line: 5 მგრძნობელი იერუსალჱმდ შეივლტოდა, რომელსაცა დევნა უყო ანტიოხოზ
Line: 6 და გარემოიცვა ქალაქი. ამისსა შემდგომად მისცნა რაჲ ფიცით სიტყუანი მშჳდობისანი,
Line: 7 შინაგან ქალაქისა შეიწყნარა იგი იუდა. ხოლო მეფემან ფიციცა თჳსი
Line: 8 დათრგუნა და ზღუდე სრულიად მოარღჳა და მკჳდრნი მისნი ტყუეობას მისცნა,
Line: 9 და ესრეთ მიიქცა ანტიოქიად. რომლისა შემდგომად სამითა წლითა იუდა მაკაბელმა
Line: 10 მამულისა შჯულისა მიმართ სულმოკლებაჲ ვიეთიმე განამტკიცა. რომელსა,
Line: 11 ვითარცა მრავალთა ბრძოლათა და ძლევათა წარმმართებელსა და ყოვლისა
Line: 12 მის სოფლებისა მძლავრებისაგან ანტიოხოზისა გამომჴსნელსა და ტაძრისა ღმრთისა
Line: 13 განწმედითგან მაახლებელსა ყოველმან ერმან ჰურიათამან ჴელთ უდვა პატივი
Line: 14 მღდელთ-მთავრობისაჲ. რომლისა-ზე იისუ ზირაქისი ვითარცა ბრძენი და
Line: 15 მრავალსწავლული და სიბრძნესა პანარეტოსისა აღმწერელი ებრაელთა-თჳს იცნობებოდა
Line: 17 ხოლო საქმენი ჰრომთანი პირველ სადმე ჳპატოსთა მიერ განეგებვოდეს
Line: 18 სამას სამეოცდაოთხსა წელიწადსა, ვიდრე იულის კეისრისამდე უშობელისა; რამეთუ,
Line: 19 მოკუდა რაჲ დედაჲ მისი მეცხრესა თთუესა მიდგომილებისა თჳსისასა,
Line: 20 განუპეს მუცელი მისი და გამოუღეს იგი ვინა იგი ეწოდაცა კესარ და რომლისა
Line: 21 გამო კეისრად სახელ ისხნეს ყოველნი მეფენი ჰრომთანი, რომელ არს
Line: 22 გამონაკუეთი ენისა-ებრ და ხმისა ჰრომაელთაჲსა.
Line: 24 ხოლო შემდგომად ამათსა მეფე იქმნა იულიოს კეისარი, რომელმან იგი
Line: 25 პირველად და მარტოობით დაიპყრა საყდარი და სკიპტრაჲ მეფობისა ჰრომთაჲსაჲ
Line: 26 ფრიადითა სილაღითა და ამპარტავანებითა, რომლისა-თჳს დიკატორ ეწოდებოდა,
Line: 27 რომელ არს ერთმთავარი. ამან ათრვამეტ წელ მძჳრვარებით და მძლავრებით
Line: 28 მოიმორჩილნა ყოველნი და მოიკლა შესაკრებელისა შორის წარჩინებულთაჲსა.
Line: 29 რომელმან სჯულნიცა მისცნა ჰრომთა და ინდიქტიონნი და ნაკი მოიპოვნა
Line: 30 და თთუესა ზაფხულისასა იულისად სახელ სდვა, რომელსა პირველ კჳინტილიონ
Line: 31 ეწოდებოდა. რომლისა-ზე იყო იუდა გალილეველი, საქმესა შინა მოციქულთასა
Line: 32 მოჴსენებული, და ანტიპატროს, მამაჲ ჰუროდჱსი, მეფედ ჰურიასტანისა დაიდგინა,
Line: 2 და შემდგომად იულიოსისა მეფე იქმნა ავღუსტოს კეისარი, ძმის წული
Line: 3 მისი, ძე ოკტავიოჲსი სევასტოსი, ორმეოც და ათექუსმეტ წელ. რომლისა გამო
Line: 4 სევასტოსად და ავღუსტოსად იწოდნეს მეფენი ჰრომთანი და თთუე ავღუსსტოსი
Line: 5 დასახელებულ იქმნა ექსტილიონად სახელდებული პირველ. ამან აგჳსტოს
Line: 6 მეოთხესა წელსა მეფობისა მისისა ჴელთ იგდო კლეოპატრა და ყოველი
Line: 7 ეგჳპტე დაიმორჩილა და მეფობაჲ პტოლემიანთაჲ დაჰჴსნა ორას ოთხმეოც და
Line: 8 ათ წელ დამპყრობელი მეფობასა და ყოველსა სოფლსა ეუფლა და ადგილთ-მპყრობელობანი
Line: 9 წარმართთანი დაჰჴსნნა და ერთსამთავრო ყო ყოველი. ხოლო
Line: 10 მოსწყჳდნა მკლველნიცა მამისა ძმისა თჳსისა იულის კეისრისანი და აღაშენნა
Line: 11 ორნი ქალაქნი: ერთი პონტოს და სხუაჲ იგი არაბიას, და კუალად მესამე
Line: 12 ასურეთს. და ერთსა მას უწოდა ანკჳრაჲ შორის ორთა ზღუათა, პონტოსა და
Line: 13 ასიისათა მყოფობისა-თჳს, და მეორესა ბოსტრაჲ, სახელი მაშენებელისა მისისა
Line: 14 მჴედარ-მთავრისა ბოსტრჱსსა, ხოლო მესამესა უწოდა დიოპოლი.
Line: 15 ვინაჲცა ამიერ დაიწყებვის მეოთხე მეფობაჲ, რომელსა იგი დანიელ ხილვასა
Line: 16 შინა ოცდაოთხთა მჴეცთასა მეოთხედ მჴეცად უაღრესად სხუათად სახის-მოსწავებით
Line: 17 სახელ სდვა. რომლისა-ზე პირველთა მათ ოთხთა ნივთთა დამბადებელი
Line: 18 და ოთხთა კიდეთა სოფლისათა ამათ მიერ შემანივთებელი იესე ქრისტჱ
Line: 19 ცხორებისათჳს ჩუენისა განჴორციელდა. რომლისა-თჳსცა სამართლად დიდად მეფედ
Line: 20 და უსაცნაურესად ყოველთად და უძლიერესად გამოჩნდა კეისარი აგჳსტოს
Line: 21 და ყოველნივე კერძოობითნი მეფობანი მეფობასა თჳსსა დაუმორჩილნა ვინაჲთგან
Line: 22 დღეთა მისთა შობად იყო მეუფე და უფალი ღმერთი წინაჲსწარმეტყუელებისა-ებრ
Line: 23 ესაიაჲსისა, რომელი ხმობს: "და იყოს უკუანაჲსკნელთა დღეთა გამოჩინებულ
Line: 24 მთაჲ უფლისაჲ და სახლი ღმოთისაჲ თხემსა ზედა მთათასა. და ამაღლდეს
Line: 25 ზეშთა კერძო ბორცუათასა, და აღვიდოდიან მას ზედა ყოველნი წარმართნი, და
Line: 26 მოვიდოდიან ერნი მრავალნი და იტყოდინ: მოვედით, აღვიდეთ მთასა უფლისასა
Line: 27 სახლსა ღმრთისა იაკობისასა, და მითხრას ჩუენ გზაჲ თჳსი, და ვიდოდით მას
Line: 28 ზედა. რამეთუ სიონით გამოვიდეს შჯული, და სიტყუაჲ უფლისაჲ იერუსალჱმით
Line: 29 და სჯიდეს საშუვალ ერთა მრავალთა და ამხილოს ერსა მრავალსა. და დასჭრიდენ
Line: 30 მახჳლებსა მათსა საჴნისად და ლახურებსა მათსა მანგლად. და არა აღიღოს
Line: 31 ნათესავმან ნათესავსა ზედა მახჳლი, და არღა ისწავებდენ მერმე ბრძოლასა".
Line: 32 ხოლო ჰურიანი, ვითარცა იტყჳს თეოდორიტე ბაბილოვნით აღმოსლვისა-თჳს,
Line: 33 თქუმულად იტყჳან ამათ შეცთომილებით. და არა საკჳრველ არს. რამეთუ, ვითარცა
Line: 34 იგი სხუათა წინაჲსწარმეტყუელებათა შინა სცთებიან, ეგრეთვე და აქაცა. რამეთუ
Page: 147 Line: 1 რომელნი წარმართნი მახლობელადცა და მშორობელად დამკჳდრებულნი შემდგომად
Line: 2 ბაბილოვნით აღმოსლვისა მორბიოდეს ტაძრისა მომართ ჰურიათაჲსა და
Line: 3 შჯულსა მათსა შეიტკბობდეს, და მიერ გამომავალსა სიტყუასა შეიყუარებდეს. და
Line: 4 არა უფროჲსღა წინა აღუდგებოდეს და მბრძოლ ექმნებოდეს მათ. რამეთუ შემდგომად
Line: 5 ბაბილონით აღმოსლვისა გოგ და მაგოგ სიმრავლისა-თანა სხუათა წარმართთაჲსა
Line: 6 განილაშქრეს ჰურიათა ზედა. და სხუანიცა ყოველნი გარემოჲს მათსა
Line: 7 დამკჳდრებულნი მბრძოლ ექმნებოდეს მათ. ამიერ უკუე იდუმიელნი და მოაბელნი
Line: 8 და ამანიტელნი და იმიერ უცხოთესლნი და სამარიტელნი და კუალად შემდგომად
Line: 9 მცირედისა ხანისა მაკედონელთა-მიერნი გარემოადგეს მათ ძჳრნი, რომელთა
Line: 10 იგი წარმოიტყჳს წიგნი მაკაბელთაჲ. ხოლო აქა საწინაჲსწარმეტყუელოჲ სიტყუაჲ
Line: 11 უშფოთველსა მშჳდობასა უქადებს; და ვითარმედ შემდგომად საუფლოჲსა მოსლვისა
Line: 12 ყოფადსა მას ჟამსა მოასწავებს წინაჲსწარ, საქმენი წამებენ კუალად. რამეთუ უწინარეს
Line: 13 მეფობისა ჰრომთაჲსა ზედაჲს-ზედა იქმნებოდეს ურთი-ერთას ბრძოლად
Line: 14 აღდგომანი წარმართთანი, ვინაჲთგან თითოეულსა ნათესავსა თჳსი მეფობაჲ განყოფილი
Line: 15 სხუათა მეფობათაგან მოეგო ხოლო მთავრობასა რაჲ ჰრომთასა დაემორჩილნეს
Line: 16 ყოველნი მთავრობანი ქუეყანისანი და თითოეულისა ნათესავისა მეფობაჲ
Line: 17 მოსლვასა ქრისტჱსსა დაიჴსნა, უშფოთველმან მშჳდობამან აღავსო სოფელი,
Line: 18 ვინაჲთგან არღა აღდგებოდა მერმეცა ნათესავი ნათესავსა ზედა და კერძოობითთა
Line: 19 მეფობათა მიიტაცებდეს უუმძლესნი უუძლურესთა თჳსთასა. ამის-თჳს
Line: 20 უფროჲსღა ცხადად საცნაურ იქმნების აღსასრული წინაჲსწარმეტყულებისაჲ. "ანუ
Line: 21 არა ჰხედავთა სიმაღლესა ეკლესიისასა, და ყოველთა მისსა მიმართ დამდაბლებულებასა,
Line: 22 და პატივის-შემწირველობასა, და უმრავლესთაგან ვიდრე-მე ნებსით მონებისა
Line: 23 აღმსაარებელობასა და ერთგულებასა, ხოლო რომელთაგანმე უნებლიეთ
Line: 24 მსახურებასა, და ცუდად-მაცილობელობასა? არა ჰხედავთა მწუერვალებსა მთათასა,
Line: 25 ჵ ჰურიანო და წარმართნო, საძაგელობისაგან თქუენისა განთავის-უფლებულად და
Line: 26 საყოფელობითა მოღუაწეთაჲთა განშუენებულად და ყოველთავე მუნ შემდინარედ
Line: 27 და სიონს გამოჩინებულისა სიტყჳსა ღმრთის-მეტყუელებით მქადაგებელად და
Line: 28 მუნით გამოსრულისა სჯულისა აღმსაარებელად და ბრძოლათა უკუე დაცხრომილად
Line: 29 და სამუშაკოთა ჭურჭელთა საბრძოლელთა წილ ჴელად მიხულად?
Line: 30 "ანუ არა უწყითა, ვითარმედ ოდეს წინაჲსწარმეტყუელმან წინა მოასწავნა
Line: 31 ესენი, სხუაჲ უკუე მეფობდა იუდას ზედა იერუსალჱმს, და სხუაჲ ისრაჱლსა ზედა
Line: 32 სამარიას, და სხუაჲ იდუმელთა, და სხუაჲ მოაბელთა, და კუალად სხუაჲ ამანიტელთა,
Line: 33 და სხუაჲ არაბთა? და მადიემელნი და ამალეკნი ურთი-ერთასთა მთავართა
Page: 148 Line: 1 მისცემდეს ხარკთა, ხოლო გაზა და ასკალონი და აზოტი, მერმე სიდონიცა
Line: 2 და ტჳროსი და დამასკე სხუათა და სხუათა მთავართა მიერ განიგებვოდეს.
Line: 3 ხოლო უფლისა ჩუენისა იესუ ქრისტჱს ჴორციელსა შობასა მეყსეულად აგჳსტოს
Line: 4 კეისარმან დაიპყრნა ყოველნი და ადგილთ-მპყრობელობითთა მთავრობათა და
Line: 5 კერძოობითთა მეფობათა დამჴსნელობითა მთავრობათა ჴელმწიფებასა ჰრომთასა
Line: 6 დაუმორჩილნა ყოველნი". რომლისა წინაჲსწარმხედველი და წინამომასწავებელი
Line: 7 დავით გალობდა: "მოვედით და იხილენით საქმენი ღმრთისანი, რომელმან დასხნა
Line: 8 ნიშნი ქუეყანასა ზედა დამცადებელმან ბრძოლათამან ვიდრე კიდეთამდე ქუეყანისათა.
Line: 9 მშჳლდი შემუსროს და შეფქვას. საჭურველნი და ფარები დაწუას ცეცხლითა".
Line: 10 ჰე, ნამდჳლვე კეთილად დაიჴსნნეს ადგილთ-მთავრობანი და კერძოობითნი მეფობანი,
Line: 11 რომელთაგან არცა თუ მცირესა რასმე მშჳდობასა მოისთულებდეს კაცნი,
Line: 12 არამედ ყოველი ქალაქი და სოფელი საჭურველთა ქუეშე იყო, ვითარცა ანაზდაითსა
Line: 13 ზედა მოსლვასა მეზობელთა თჳსთასა მომლოდე. ხოლო უფლისა ჩუენისა
Line: 14 იესუ ქრისტჱს-თჳს კუალად იტყჳს დავით: "გამობრწყინდეს დღეთა მისთა
Line: 15 სიმართლე და სიმრავლე მშჳდობისაჲ". რამეთუ მეფობისაგან ჰრომთაჲსა, ვითარცა
Line: 16 მრავალგზის გჳთქუამს, კერძოობითთა მეფობათა და ბრძოლათა დამკსნელობასა
Line: 17 უშფოთველმან მშჳდობამან აღავსო სოფელი და სასმენელნი კაცთანი
Line: 18 განუმზადნა მქადაგებელთა ჭეშმარიტისა მშჳდობისათა. რამეთუ მიერითგან, ვითარცა
Line: 19 ერთსა სამეფოსა შინა, თავის-უფლებით რბიოდეს და საცხორებელთა
Line: 20 მოძღურებათა განუყოფდეს ყოვლისა სოფლისა ყოველთა კაცთა და თხრობისა-ებრ
Line: 21 უკუე ესრეთ სრულ იქმნა დაცადებაჲ ბრძოლათაჲ და შემდგომნი. ხოლო
Line: 22 სახის-მეტყუელებით თუ ვისმე ენებოს გულის-ხმის-ყოფაჲ, დაცადებულად
Line: 23 იხილვების ეკლესიისა ზედა აღდგომილი ბრძოლაჲ. რამეთუ იტყჳს: "შეშფოთნეს
Line: 24 წარმართნი, მისდრკეს მეფენი, მოსცა ხმაჲ თჳსი მაღალმან, შეიძრა ქუეყანაჲ".
Line: 25 რამეთუ შეწევნისა გამოჩინებასა ზურგი მიაქციეს მბრძოლთა, და ძუელ სადმე
Line: 26 წინააღმდგომთა მეფობათა მორჩილებით მოსდრიკნეს ქედნი და საცხორებელი
Line: 27 უღელი გულს-მოდგინედ შეიწყნარეს. რამეთუ ჭეშმარიტისა და საქმეთა-მიერისა
Line: 28 წამებისა და ყოვლით-კერძოთა საკჳრველთ-მოქმედებათა, ვითარცა ხმისა რაჲსმე მჴუმეველმან
Line: 29 ღმერთმან, სიმაღლე თჳსი წარმოაჩინა და შიშითა აღავსნა სულნი მათნი.
Line: 30 ხოლო ვინაჲთგან წინაჲსწარ ჰხედვიდა საწინაჲსწარმეტყუელოჲ სიტყუაჲ,
Line: 31 საღმრთოჲსა წერილისა გარდაქცეულად მთარგმანებელობასა და სიგლისპესა ჰურიათასა,
Line: 32 ვითარცა პირითა წინაჲსწარ მოსწავებულისაჲთა, თქუა მათდა მიმართ,
Line: 33 ვითარცა წინაგანმაკჳრვებელმან მათმან ესრეთ: "მოიცალეთ და გულის-ხმა ყავთ,
Line: 34 ვითარმედ მე ვარ ღმერთი". ცხად არს ვითარმედ მათი წარმმართებელი თქუენ
Line: 35 მიერ შეურაცხქმნილი და ავმაღლდე წარმართთა შორის, ავმაღლდე ქუეყანასა ზედა.
Page: 149 Line: 1 შესძინა ვითარმედ "უფალი ძალთაჲ ჩუენ თანა, ჴელისა მპყრობელ ჩუენდა
Line: 2 ღმერთი იაკობისი". გარნა არა ლიტონად ყო მოჴხენებაჲ იაკობისი, არამედ ვინაჲთგან
Line: 3 პირველად მან მოასწავა მოწოდებაჲ წარმართთაჲ სიტყჳთა მით ვითარმედ
Line: 4 "არა მოაკლდეს მთავარი იუდაჲსგან ვიდრემდის მოვიდეს, რომლისადა დამარხულ
Line: 5 არს, და იგი არს მოლოდებაჲ წარმმართთაჲ". ვინაჲცა მოქცევისა წარმართთაჲსა
Line: 6 წინაჲსწარმაუწყებელმან წინაჲსწარმეტყუელმან სამართლად ღმრთად
Line: 7 იაკობისა წინაჲსწარმაუწყებელისა ამათისა სახელ სდვა აქა წარმმართებელსა ამათსა.
Line: 8 ეგრეთვე კუალად დიდი მამაჲ ოქროპირი იტყჳს ვითარმედ "არა რაჲ უძჳრეს
Line: 9 იყო კაცობრივისა მჴეცობისასა უწინარეს ქრისტჱს მოსლვისა და ურთი-ერთას
Line: 10 მტერნი და მბრძოლნი კლვიდეს ყოველნი შვილთა თჳსთა, მამა-დედანი შვილთა
Line: 11 მიმართ თჳსთა ბორგდეს და კუალად შვილნი მამა-დედათა ზედა აღდგებოდეს.
Line: 12 არა რომელი მოქალაქობდა, არცა ბუნებითი, არცა დაწერილი შჯული; არამედ
Line: 13 შერეული იყო ყოველი. სახე სიბოროტისაჲ სამარადისოდ იქმნებოდა და სათნოებად
Line: 14 შერაცხილ იყო მიმდემნი ზედაჲს-ზედანი ბრძოლანი ქალაქითი-ქალაქად
Line: 15 და სოფლად და დაბად და სახლად იქმნებოდეს და სიმჴნედ და სიქადულად იქადაგებოდეს
Line: 16 და ძეთა და ასულთა მათთა მსხუერპლად ეშმაკთა მიყვანებასა და მისნობასა
Line: 17 და მწამლველობასა და კერპთ-მსახურებასა ღმრთის-მსახურებად ჰგონებდეს,
Line: 18 ხოლო უფლისა ჩუენისა მოსლვითა ყოველნი ესე უჩინო იქმნეს, ვითარცა
Line: 19 განცხადებულად მოძაგებულნი. და უშფოთველი მშჳდობაჲ და ყოვლად-განვრცომილი
Line: 20 სათნოებაჲ სოფელსა შინა მოქალაქობენ".
Line: 21 აწ უკუე ორმეოცდამეერთესა წელსა აგჳსტოსის მეფობისსა და შესაქმითგან
Line: 22 სოფლისაჲთ ხუთათას მეხუთასესა წელსა და წარმართთაგანისა ჰეროდჱს მეფედ
Line: 23 ჰურიასტანისა ქადაგებასა და უფლისა ჩუენისა ჴორციელსა შობასა სრულ იქმნა
Line: 24 სიტყუაჲ იგი ვითარმედ "არა მოაკლდეს მთავარი იუდაჲსგან, ვიდრემდის მოვიდეს,
Line: 25 რომლისადა დამარხულ არს" ქრისტე. რამეთუ, ვინაჲთგან თჳთ ჰეროდე
Line: 26 წარმართ იყო და წინადაიცჳთა და მეფე იქმნა ჰურიათა ეგრეთვე მღდელთ-მთავარიცა
Line: 27 დაადგინა სხჳსა ნათესავისა რომლისა-თჳს მეყსეულად დასცხრა სამამათმთავროჲსა
Line: 28 წინაჲსწარმეტყუელებისა-ებრ მთავრობაჲ იუდაჲსგანი ვიდრე მუნამდე
Line: 29 მქონებელი ფლობისაჲ. რამეთუ მღდელნი ჰმართებდეს საქმეთა, ვიდრემდის პომპიოს
Line: 30 მჴედართ-მთავარმან ჰრომთამან მძლავრ გამოიღო იერუსალჱმი და შეაგინნა
Line: 31 სიწმიდენი ვიდრე შეუვალთამდე ტაძრისათა შესლვითა, ხოლო მონაცვალეობითა
Line: 32 პირველთა მამათაჲთა ვიდრე მუნ ჟამადმდე მოწევნული თანად მეფობაჲ მღდელთ-მთავრობაჲ
Line: 33 დაჰჴსნა, რაჟამს არისტოტელე შეკრული წარავლინა ჰრომედ; და
Line: 34 ყოველი ნათესავი ჰურიათაჲ მოხარკე ყო ჰრომთა. და ესრეთ პირველად ჰეროდეს
Page: 150 Line: 1 უცხოთესლსა ჴელთ ედვა ნათესავი ჰურიათაჲ, ვითარცა ვთქუთ. რომლისა-ზე
Line: 2 დიდებულსა მას გამოჩინებასა მაცხოვრისასა სამართლად მოაკლდეს მღდელთ-მთავარნი
Line: 3 წინამძღუარნი ჰურიათანი საღმრთოჲსა მის-ებრ წინამოსწავებისა; და რამეთუ
Line: 4 მღდელთ-მთავარნიცა იუდაჲსგანნი იყვნეს დედულად, ვინაჲთგან დიდმან
Line: 5 აჰრონ ასული ამინადაბისი მიიყვანა ცოლად, და ამიერ ნათესავ იყვნეს ურთი-ერთას
Line: 6 იუდაჲს და ლევისგანნი და ამიერვე თჳს ეყვოდა აჰრონიტელი ელისაბედ
Line: 7 ღმრთის-მსობელსა მარიამს.
Line: 8 ესრეთ უკუე მოკლებასა ჰურიათაგან მღდელთ-მთავრობისასა უცხოთესლი
Line: 9 ჰეროდე მეფედ მათდა დაიდგინა, ვითარცა ითქუა. რომლისა იგი დღეთა
Line: 10 მოახლებასა სამეუფოჲსა შობისასა პირველთა მამათაგანი მონაცვალეობაჲ მღდელთ-მთავრობისაჲ
Line: 11 დაიჴსნა და დანიელის მიერ წინაჲსწარუწყებულმან წინამძღუარმან
Line: 12 სრულებაჲ გამოჩინებისაჲ მიითუალა, რამეთუ ცხებულნი იყვნეს წინამძღუარნი
Line: 13 ესე იგი არს მღდელთ-მთავარნი ვიდრე ჰეროდჱსადმდე დამწყებელნი უკუე
Line: 14 დარიოზის-ზე ქმნილით განახლებითგან ტაძრისაჲთ და დასრულებულნი ჳრკანოჲს-ზე
Line: 15 ოთხას ოთხმეოცდასამთა წელიწადთა, რაოდენთა მოასწავებს დანიელცა,
Line: 16 იტყოდის რაჲ ესრეთ ვითარმედ "ცნას და გულის-ხმა ყოს გამოსლვითგან სიტყჳსაჲო
Line: 17 და მიგებით და აღშენებით იერუსალჱმისაჲთ ვიდრე ქრისტჱსამდე წინამძღუარისა
Line: 18 შჳდეულნი შჳდ და მშჳდეულნი სამეოც და ორ". რამეთუ შჳდნი და სამეოცდა-ორნი
Line: 19 შჳდეულნი ოთხას ოთხმეოც და სამ წელიწდად სრულ იქმნებიან, რაოდენ
Line: 20 იყვნეს წელნი ცხებულთა წინამძღვართანი; რომელთა უუკუანაჲსკნელესი
Line: 21 ჳრკანოს ტყუე იქმნა რაჲ პართთა მიერ, ჰეროდე მიიღო მეფობაჲ შემდგომად
Line: 22 მათსა და მერმე ძეთა მისთა ვიდრე სრულიადისა მის ჰრომთა-მიერისა მოოკრებისამდე,
Line: 23 რამეთუ არღა მერმეცა მონაცვალეობით სამღდელთ-მთავროჲსა ნათესავისგან
Line: 24 ჰურიათაჲსა და ასსამონელთა ესე იგი არს მაკაბელთაგანნი მღდელობდეს
Line: 25 წინაშე ღმრთისა, ვითარცა იტყჳს იოსიპოს, არცა კუალად ცხორებითა სათნოჲთა
Line: 26 წარჩინებულნი სჯულისა-ებრ მოსჱსისა, არამედ უჩინონი ვინმე სხუაჟამ
Line: 27 ოდესმე სხუაჲ და სხუაჟამ სხუაჲ. და რომელნიმე წელიწდეულად, ხოლო რომელნიმე
Line: 28 უმცირესსა ხანსა მოიყიდდეს ჰრომთაგან პატივსა ამას. რომლისა-თჳს
Line: 29 დანიელცა წინაჲსწარმეტყუელებს და იტყჳს: "და შემდგომად შჳდთა და სამეოცდა
Line: 30 ორთა შჳდეულთა მოისპოს საცხებელი და სამართალი არა იყოს" და შემდგომთა.
Line: 31 ხოლო განჰყუნეს რაჲ სამეოცდაცხრანი შჳიდეულნი ესრეთ: შჳდნი უკუე შემდგომად
Line: 32 ტყუეობით უკუმოქცევისა ვიდრე აღშენებადმდე ტაძრისა, და სამეოცდაორნი
Line: 33 ვიდრე მოკლებამდე ცხებულთა წინამძღუართაჲსა. ხოლო ერთი შჳიდეული,
Line: 34 რომელსა შინა უფალმან ქადაგა ახალი აღთქუმაჲ. და რომლისა განზოგებასა
Line: 35 მოვიდა საცხორებელად ვნებად, და აღღებულ იქმნა შორის მოსჱს მიერ
Page: 151 Line: 1 მოცემული აღთქუმაჲ. და ამას უკუჱ ევსევი. ხოლო კუალად თეოდორიტე იტყჳს: და
Line: 2 განაძლიეროსო, ხმობს, აღთქუმაჲ მრავლათაჲ შჳდეულსა ერთსა და განზოგებასა შჳდეულისასა,
Line: 3 აღღებულ იქმნეს მსხუერპლი და შესაწირავი, და ტაძარსა შინა საძაგელი
Line: 4 მოოჴრებისაჲ, და დასასრული მიეცეს მოოჴრებასა. რამეთუ ამას შინა მოეცა
Line: 5 მორწმუნეთა ახალი აღთქუმაჲ და ყოვლითავე ძლიერებითა აღავსნა იგინი, ვინაჲთგან
Line: 6 განზოგებასა ამის შჳდეულისასა სჯულიერი მსხუერპლი მოისპო ჭეშმარიტისა
Line: 7 მსხუერპლისა შეწირვითა. და არა ხოლო მსხუერპლი იგი დასცხრესო,
Line: 8 არამედ საძაგელიცა მოოჴრებისაჲ ტაძარსა შინა მოეცეს, რამეთუ სასწაულად
Line: 9 მოოჴრებისა ხატთა რათმე უარქმნილთა სჯულისაგან მას შინა შეყვანებაჲ
Line: 10 განაჩინა, რომელი ესე ქმნა პილატე, რაჟამს, სამეფონი ხატნი შეიხუნა ღამით
Line: 11 ტაძრად გარეშე სჯულისა. რომლისა-თჳს თქუა უფალმან ვითარმედ "რაჟამს
Line: 12 იხილოთ საძაგელი მოოჴრებისაჲ, თქუმული დანიელ წინაასწარმეტყუელისა, უწყოდეთ,
Line: 13 ვითარმედ მოახლებულ არს მოოჴრებაჲ მისი". ხოლო ესე რაჲ თქუა სიმსწრაფლე
Line: 14 მათ ზედა მომავალისა მის საზოგადოჲსა მოსრულებისაჲ წარმოაჩინა.
Line: 15 და რათა არა ჰგონონ ჰურიათა, ვითარმედ კუალად დაპყრობად უცმათ ტაძარი
Line: 16 და ქალაქი და პირველი იგი შუენიერებაჲ, მეყსეულად შესძინა წინაჲსწარმეტყუელმან
Line: 17 ვითარმედ "ვიდრე აღსასრულამდე აღსასრული ჟამისაჲ მიეცეს
Line: 18 მოოჴრებასა ზედა". რამეთუ ვიდრე აღსასრულამდე სოფლისა, იტყჳს, მოოჴრებისა
Line: 19 აღსასრული ჰგიეს უცვალებელად აროდეს მიმთუალველი შეცვალებისაჲ რომელი
Line: 20 ესე განაცხადა, თქუა რაჲ ესრეთ: "რისხვისა მოსრულებისაჲთა და ვერღარა იყვნენ,
Line: 21 და გულის-ხმა ყონ, ვითარმედ ღმერთი მეუფებს იაკობსა ზედა და კიდეთა ქუეყანისთა",
Line: 22 რომელთა უფროჲსღა მაშინ გულის-ხმა ყონ, რაჟამს იხილონ სასწაული
Line: 23 ძისა კაცისაჲ ცათა შინა. და იხილონ იგი ტომად-ტომადთა მათთა და რომელსაცა
Line: 24 უგუმირეს.
Line: 25 საჴმარ უკუე არს ცნობად, ვითარმედ ებრაელნი სრბათა-ებრ მთოვარისათა
Line: 26 რიცხუვენ დღეთა წელიწდისა თთუეთასა და ერთმეტთა დღეთა დააშთენენ, რომელთა
Line: 27 ჩუენ ემვოლიმოსად უწოდთ. რამეთუ მოქცევი მთოვარისა სრბათაჲ ოცდაცხრათა
Line: 28 დღეთა და ექუსთა ჟამთა შინა სრულ იქმნების, რომელთა რიცხჳსა
Line: 29 შედგომილნი სამას ორმეოც და ათოთხმეტ ჰყოფენ დღეთა წელიწდისათა. აწ
Line: 30 უკუე, ვინაჲთგან ებრაელსა კაცსა ეზრახებოდა მთავარანგელოზი, წინაჲსწარმეტყუელსა
Line: 31 ვიტყჳთ დანიელს, და რიცხუსა წელიწადთასა ასწავებდა, უეჭუელად
Line: 32 ჩუეულებისაებრსა რიცხუსა უთხრობდა მას. და რამეთუ საჭიროდ სათანადო არს
Line: 33 ემვოლიმოსთაგან შეკრებულთა მათცა წელიწადთა დართვაჲ ზედა, რამეთუ ამათითა
Line: 34 ზედა-დართვითა იპოებიან ოთხას ოთხმეოცდასამნი წელიწადნი რიცხჳსა-ებრ
Page: 152 Line: 1 ებრაულისა, რომელსა შეჰკრებენ შჳდნი და სამეოცდაორნი შჳდეულნი.
Line: 2 ხოლო განყვნა იგინი არა ლიტონად, არამედ ვითარცა საქმეთა რათმე შეცვალებისა
Line: 3 წინაჲსწარმაუწყებელმან. აწ უკუე აღშენებითგან ვიდრე-მე იერუსალჱმისაჲთ,
Line: 4 რომელი იქმნა ნემესიოჲს და ეზრაჲს მიერ ვიდრე ჳრკანოჲს-მდე უკუანაჲსკნელისა
Line: 5 მღდელთ-მთავრისა ასსამონელთა ესე იგი არს მაკაბელთაგანისა. რომელი
Line: 6 მოკლა ჰეროდე, სამეოცდაორთა შჳდეულთა რიცხჳ სრულ იქმნების ხოლო სიკუდილი
Line: 7 მისითგან ვიდრე გამოჩინებადმდე მაცხოვრისა ჩუენისა და იორდანედ
Line: 8 ნათლის-ღებად მოსლვადმდე სხუანი იგი შჳდნი შჳდეულნი მიიღებენ სრულებასა.
Line: 9 რომელსაცა ჟამსა შინა შემდგომად სიკუდილისა ჳრკანოჲსა და ვიდრე გამოცხადებადმდე
Line: 10 მაცხოვრისა უსჯულონი მღდელთ-მთავარნი იქმნებოდეს მიერითგან, რომლისა
Line: 11 წარმომაჩინებელმან იოსიპოს თქუა ვითარმედ "ჴელთ ედვა რაჲ ჰრომთა მიერ
Line: 12 მეფობაჲ ჰურიათაჲ ჰეროდეს, არღარა ასსამონელთაგან, არამედ უჩინოთა ვიეთმე
Line: 13 და მხოლოდ ჰურიათაგან ოდენ გამორჩევასა მღდელ-მთავრისასა".
Line: 14 და შემდგომად სამეოცდაორთა შჳდეულთაო, იტყჳს წინაჲსწარმეტყუელი,
Line: 15 მოისპოს სამართალი და საცხებელი, ცხად არს, ვითარმედ შჳდთა შჳდეულთა
Line: 16 მოისპოს საცხებელი ესე იგი არს მღდელთ-მთავართა შორის ხილული იგი
Line: 17 ყვავილოვნებაჲ მადლისაჲ რამეთუ დაღათუ იცხებოდესვე, არამედ უსჯულოდ და
Line: 18 უწესოდ. და კუალად იტყჳს ვიდრე ქრისტჱსამდე წინამძღურისა შჳდეულნი შჳდ
Line: 19 და შჳდეულნი სამეოც და ორ. რამეთუ წინამძღუარსა და მაცხოვარსა ქრისტესა
Line: 20 ჳდწილქმნილნი შჳდეულნი შეუდგინნა, რათა ვისწავლოთ, ვითარმედ ვინებოთ რაჲ
Line: 21 ქრისტჱსგან დაწყებაჲ და აღმართაყვანებაჲ რიცხჳსაჲ, პირველად შჳდთა შჳდეულთა
Line: 22 ვჰპოებთ და ეგრეთღა სამეოცდაორთა. ამის შემდგომად იტყჳს ყოფადსა
Line: 23 მას მოოჴრებასა ქალაქისა და უსჯულოჲსა მღდელთ-მთავრობისასა მეტყუელი
Line: 24 ესრეთ ვითარმედ "ქალაქი და სიწმიდე განიხრწნენ წინამძღურისა თანა-მომავალისა",
Line: 25 რამეთუ წინა მძღურად უცხოთელსა მეფესა და უსჯულოსა წინა-მთავრობასა
Line: 26 იტყჳს.
Line: 27 ესრეთ უკუე საღმრთომანცა კჳრილე თქუა იერუსალჱემელმან, ვითარმედ
Line: 28 სიტყჳთა ამით მამათ-მთავარმან. "თუ არა მოაკლდეს მთავარი იუდაჲსგან და წინამძღუარი
Line: 29 წყვილთაგან მისთა, ვიდრემდის მოვიდეს რომლისაგან დამარხულ არს".
Line: 30 სასწაულად ქრისტჱს მოსლვისად მისცა დაცხრომაჲ ჰურიათა მთავრობისაჲ, რამეთუ,
Line: 31 უკუეთუ აწ არა ჰრომთა ქუეშე არიან, არა სადმე მოსრულ არს ქრისტე
Line: 32 უკუეთუ ჰქონან იუდაჲს და დავითის ტომისაგანნი მთავარნი, არა სადმე მოსრულ
Line: 33 არს. მოსალოდებელი რომელმან "გამოაბა ვენაჴსა კიცჳ მისი" სიტყჳსა-ებრ წინასწარმეტყუელისა
Line: 34 ზაქარიაჲსსა. აწ უკუე მოკლებასა იუდაიჲსგანთა მთავართასა უცხოთესლმან
Line: 35 ჰეროდე მიიღო მეფობაჲ. რამეთუ კუალად იტყჳს დანიელის მიმართ
Line: 36 მზრახვალი ანგელოზი ვითარმედ "სცნა და გულის-ხმა ჰყო გამოსლვისაგან სიტყჳსა
Page: 153 Line: 1 და მიგებისა და აღშენებისა იერუსალჱმისა ვიდრე ქრისტჱსამდე წინამძღურისა
Line: 2 ძჳრეულნი შჳდ და შჳდეულნი სამეოც და ორ". ხოლო შჳდნი და სამეოცდაორნი
Line: 3 შჳდეულნი წელთანი შეკრბებიან წელიწდად ოთხას ოთხმეოცდასამად. ვინაჲთგან
Line: 4 უკუე შემდგომად იერუსალჱმისა აღშენებისა ოთხას ოთხმეოცდასამნი წელიწადნი
Line: 5 გარდაჴდეს და მთავარნი მოაკლდეს, გამოჩდების უცხოთესლი მეფე ვინმე, რომლისა-ზე
Line: 6 იშვების ქრისტე. რამეთუ დარიოს მიდმან ბრძანა აღშენებაჲ ტაძრისაჲ
Line: 7 მეექუსესა თთუესა მეფობისა მისისა, ხოლო პირველსა წელსა ელენებრისა მის
Line: 8 სამეოცდაექუსისა ოლჳმპიადოჲსას. ხოლო ოლჳმპიადოდ ელენთა მიერ სახელ
Line: 9 ედების თითოეულსა მოქცევსა მეოთხისა წელიწდისასა აღსრულებული იგი საქმე
Line: 10 და სრბათაგან მზისათა თითოეულსა წელიწადსა დაშთომილი სამი ჟამი და მათ
Line: 11 მიერ მეოთხესა წელიწადსა სრულქმნილი დღე. რომელი რაჲ წელიწად სამთა
Line: 12 ჟამთა დამატებითა ათორმეტად ჟამად შეიქმნების მეოთხესა წელსა, რომელ არს
Line: 13 საზომი დღისა სრულისაჲ და სამას სამეოც და ექუს ჰყოფს დღეთა მას წელიწდისათა,
Line: 14 რომელსაცა ნაკად უწოდთ ჩუენ. ვინაჲცა მეფე იქმნების ჰეროდე ასოთხმეოცდამეექუსესა
Line: 15 ოლჳმპიადისა, მეოთხესა წელსა მისსა. და სამეოცდამეექუსეთგან
Line: 16 ვიდრე ასოთხმეოცდამეექუსედმდე იქმნებიან შორის ასოცნი ოლჳმპიადონი,
Line: 17 რომელ არიან წელნი ოთხას ოთხმეოცდასამნი. აწ უკუე სამეოცდაათნი შჳდეულნი
Line: 18 სრულ იქმნებიან ჟამთა შინა ქრისტჱსთა აღრიცხუვისა-ებრ ებრაელთაჲსა,
Line: 19 რამეთუ იგინი სრბათა-ებრ მთოვარისათა რაცხენ წელიწადსა, ვითარ იგი ზემო
Line: 20 მოვიჴსენეთ.
Line: 21 ხოლო უკუეთუ ეძიებ მიზეზსა ქრისტჱს მოსლვისასა, ისმინე, რამეთუ შემდგომად
Line: 22 სამოთხით გამოვრდომისა იცნა ადამ ევა, ცოლი თჳსი; და მეორე მონაცვალე
Line: 23 მათსა იქმნნეს კაინ და აბელ. და კაინ პირველად კაცის-მკლველად გამოჩნდა,
Line: 24 და უკუანაჲსკნელ წყლით-რღუნაჲ მოიწია ფრიადისა კაცთა უკეთურებისა-თჳს.
Line: 25 ცეცხლი ზეცით გარდამოჴდა სოდომელთა ზედა საქმეთა მათთა ბილწებისა-თჳს
Line: 26 შემდგომად ჟამთა გამოირჩია ღმერთმას ისრაჱლი, გარნა იგიცა გარდაიქცა და
Line: 27 უჴმარ იქმნა. მოივლინნეს შემდგომად მოსჱსა წინაჲსწარმეტყუელნი განკურნებად
Line: 28 მისსა, არამედ მკურნალნი მეტყებარად მიიხუნეს შეუცვალებელობითა ვნებისაჲთა
Line: 29 და უკურნებელობითა მისითა ვიდრემდის ხმობდეს იგინი ვითარმედ "წარწყმდა
Line: 30 განკრძალული ქუეყანით და წარმმართებელი კაცთა შორის არღარა არს". და "ყოველთავე
Line: 31 მიაქციეს ერთბამად და უჴმარ იქმნნეს. არა არს მოქმედ სიტკბოებისა
Line: 32 მიერთადმდე". და "წყევაჲ და პარვაჲ და მრუშებაჲ და სისხლვაჲ განფენილ არს ქუეყანასა
Line: 33 ზედა და სისხლსა სისხლსა ზედა დასძენენ". რამეთუ "ძეთა და ასულთა მათთა
Page: 154 Line: 1 მსხუერპლად დაუკლვიდეს ეშმაკთა", "იმისნვიდეს და მწამლველობდეს და იზმნიდეს",
Line: 2 და შემოკლებულად ითქუმოდედ: დიდ იყო წყლული კაცებისაჲ თავით-გან
Line: 3 ვიდრე ფერჴთამდე; და არა იყო სალბუნი დასადებელად, არცა ზეთი დასასხმელად
Line: 4 არცა, სახუეველი შესაკრველად.
Line: 5 ამის შემდგომად წინაჲსწარმეტყუელნი სალმობიერად მტირალნი და უღონოქმნილნი
Line: 6 იტყოდეს: "ვინ მოსცეს სიონით ცხორებაჲ ისრაჱლსა", და "უფალო,
Line: 7 მოდრიკენ ცანი და გარდამოჴედ", რამეთუ ზეშთა გარდაემატებიან ძალსა კურნებისა
Line: 8 ჩუენისასა წყლულებანი კაცებისანი წინაჲსწარმეტყუელნი შენნი მოსწყჳდდნეს,
Line: 9 და საკურთხეველნი შენნი დააქცინეს, და ჩუენ მიერ განუმართებელ არიან
Line: 10 სიბოროტენი ესე. ამის-თჳს ყოვლისა მოქენე არიან განმმართებელობისა და მაცხოვარებისა
Line: 11 ესრეთ უკუე მსმენელი ვედრებასა წინაჲსწარმეტყუელთა თჳსთასა
Line: 12 გარდამოჴდა, მეტყუელი "აჰა მოვალ და დავემკჳდრო შორის თქუენსა", და "ვიყო
Line: 13 მე ყოველთა ღმერთ და იგინი იყვნენ ჩემდა ერად, და არა ასწავებდეს თითოეული
Line: 14 მოყუასსა თჳსსა და თითოეული ძმასა თჳსსა: იცან უეფალი. რამეთუ ყოველთა
Line: 15 მიცოდიან მე მცირითგან მათით ვიდრე დიდადმდე, რამეთუ მლხინებელ ვეყო
Line: 16 ცოდვათა მათთა და უსამართლოებათა მათთა".
Line: 17 ხოლო ჰეროდეს ესხნეს სამნი თანა-მოსახლენი თჳსნი და ორსახელნი ძენი:
Line: 18 პირველად ჰეროდე ანტიპა, რომელმან, მოკლა წინამორბედი. და რომლისა-ზე
Line: 19 ჯუარს ეცუა უფალი, და ჰეროდე ფილიპე, პირველი ქმარი იროდიადაისი,
Line: 20 რომელსა ასულად ესუა მროკვალი იგი სალომი. და ჰეროდე აღრიპპა, რომელმან
Line: 21 მოკლა იაკობ ზებედესი. რომლისა მიმართ ხმა ყო რაჲ ერმან ვითარმედ
Line: 22 "ღმრთისა ხმაჲ არს ესე არა კაცისაჲ", მეყსეულად მიეჴადა მას სასჯელი,
Line: 23 რაჟამს იგი ანგელოზმან უფლისამან სცა უხილავად და აღჰკრთა საყდრისა-გან
Line: 24 რომელსა ზედა მჯდომარე იყო, რამეთუ მწარედ განიპო მუცელი მისი. ხოლო
Line: 25 საღმრთოჲ იაკობ, იხილა რაჲ წარმართებულად სასიკუდინესა გზასა შემასმენელმან
Line: 26 მისმან, შეუვრდა ფერჴთა მოციქულისათა და ეტყოდა: "შემინდვე, კაცო
Line: 27 ღმრთისაო, რამეთუ დიდად ვინანი მათ-თჳს, რომელნი ვცოდენ შენდამი".
Line: 28 ხოლო ნეტარმან მეყსეულად ამბორ უყო მას და ჰრქუა: "მშჳდობაჲ შენდა, შვილო,
Line: 29 მშჳდობაჲ შენდა, მშჳდობაჲ და მიტევებაჲ შეცოდებისაჲ". და მან მუნქუესვე
Line: 30 ხმითა დიდითა ქრისტეანედ აღიარა თავი თჳსი წინაშე ყოველთასა და ესრეთ
Line: 31 მის მიერ შესმენილთა მათ-თანა აღირაცხა და მათ-თანავე მიიღო გჳრგჳნი მოწამებისაჲ.
Line: 32 ხოლო საწყლობელმან ჰეროდე მცირეთა დღეთა შინა სრულიადსა
Line: 33 ხრწნილებასა მიცემულმან მყრალობისა მატლთაჲსა აღმომადუღებელმან საწყალობელად
Line: 34 დაუტევა ცხორებაჲ, ვითარ იგი ყოვლად უღმრთომან მამამანცა მისმან,
Line: 35 და რამეთუ მან ქრისტჱს მიმართ და თანა-მოჰასაკეთა მისთა ქმნილისა მის უშჯულოჲსა
Page: 155 Line: 1 ჴელყოფისა თჳსისა პატიჟსა მიმღებელმან უბადრუკებით მიითუალა აღსასრული,
Line: 2 ვითარ იტყჳს იოსიპოს: "სნეულებასა რაჲ შთავარდა გუამი მისი თითოსახეთა
Line: 3 ვნებათა გუემულებამან განყვეს იგი". რამეთუ მგზნებარებამან ჴურვებისამან და
Line: 4 მოუთმენელმან ქავილმან ყოვლისა გუამისამან და მიმდემმან ტკივილმან ბავასირად
Line: 5 სახელდებულისა მის სენისამან და ფერჴთა ტკივილისა მიერ შექმნილმან სულმყრალობამან
Line: 6 და შინაგანმან სალმობამან ნაწლევთამან და დალპოლვისა მათისა
Line: 7 მიერ შობილმან სიმრავლემან მატლთამან ამათ თანა შთობამანცა სულისამან და
Line: 8 ძნიად შემძლებელობამან აღმოფშჳნვისამან და განრღუეულებამან ერთბამად ყოველთავე
Line: 9 ასოთამან მოიცვეს იგი, ვიდრემდის ყოველთავე მხილველთა მიერ აღიარებოდა
Line: 10 ღმრთივ-მოვლენილობაჲ გუემულებისაჲ. ამათ უკუე და ესე ვითართა
Line: 11 სალმობათა შინა მრავალჟამ დადგრომილსა ესოდენ მოუთმენელი შეემთხუეოდა
Line: 12 ტკივილი ვიდრეღა თჳთმკლველყოფასა თავისა თჳსისასა შეჰკადრებდა, რამეთუ
Line: 13 ითხოა ერთბამად ვაშლი და დანაჲ, ვითარ რეცა სურვიელმან ამისმან, რათამცა
Line: 14 თჳსითა ჴელითა ჰმსახუროს წადიერებასა ჴუმევისა მისისასა. და ვითარცა მიიღო,
Line: 15 განირთხა ჴელი თჳთგამოკუეთად ყელისა თჳსისა; რომელი ესე ექმნამცა,
Line: 16 არა თუმცა ვისმე ეხილვა მსახურთაგანსა და შრომით გამოეფხურა მახჳლი ჴელთაგან
Line: 17 მისთა და ვითარ უმძაფრეს განძჳნდებოდა სენი და უსაწყალობელესსა
Line: 18 აქადებდა სიკუდილსა, მიუწოდა დასა თჳსსა სალომის და ქმარსა მისსა ალექსანდრეს.
Line: 19 და ამცნო მათ, რათა შთაიყვანნენ მთავარნი ჰურიათანი ასპარეზსა შინა,
Line: 20 და მო-რაჲ-კუდეს იგი, მყის ჴელითა სტრატიოტთაჲთა მოსრნენ იგინიცა, რათა
Line: 21 არა სიხარულისა, არამედ ტყებისა მომატყუებელ ექმნეს ჰურიათა დღე სიკუდილისა
Line: 22 მისისაჲ. და ესე რაჲ ესრეთ განაჩინა, და ფრიადითა სულმოკლებითა
Line: 23 შეშთობილ იქმნა; და შემდგომად მოუთმენელთა სალმობათა მძჳნვარედ გუემულმან
Line: 24 განუტევა სული, მეყსეულად სალომე ყოველივე იგი შეამთხჳა ჰურიათა,
Line: 25 რომლითა დიდი გოდებაჲ და გლოვაჲ შეუქმნა მათ. ხოლო თუ სხუანი რაოდენნი
Line: 26 და რაბამნი ძჳრნი რეცა წარმართებისა-თჳს მეფობისა თჳსისა მოიჴელოვნნა და
Line: 27 ქმნნა და ვითართა განსაცდელთა სიმრავლისა ზედასხმითა აღავსო მან სახლი
Line: 28 მკლველობასა თანა ცოლისა და შვილთა და სხუათა საყუარელთა თჳსთა და ნათესავთასა,
Line: 29 არცაღა თქუმაჲ საჴმარ არს მათი რომელთა მის-ძლითსა მატიანესა
Line: 30 შინა ვრცელად მოგჳთხრობს იოსიპოს.
Line: 32 ხოლო შემდგომად აგჳსტოსისა მეფე იქმნა ტიბერიოს, ძე მისი, ოც და სამ
Line: 33 წელ, რომელმან აღაშენა ჰურიასტანს ქალაქი მახლობელად მუნ მყოფისა მის ტბისა
Line: 34 და უწოდა მას სახელსა თჳსსა ზედა ტიბერიადაჲ. რომლისა-ზე იქმნა დიდი იგი
Line: 35 ძრვაჲ, და ვიდრე საფუძველამდე დაირღუეს ქალაქნი ათსამეტნი: ეფესოჲ, მაღნისიაჲ,
Line: 36 სარდე, მოსტინი, ლიღაინი, იეროკესარიაჲ, ფილადელფიაჲ, ტიმოლონი,
Page: 156 Line: 1 კჳმინი, მჳრინიაჲ. აპოლონიაჲ, დიანი, ჳრკანიაჲ. და მეათხუთმეტესა წელსა მეფობისა
Line: 2 მისისასა ნათელ იღო უფალმან ჩუენმან და ქადაგებასა სახარებისასა იწყო.
Line: 3 ხოლო მეათრვამეტესა წელსა მეფობისა მისისასა ჯუარს ეცუა და აღდგა ოცდახუთსა
Line: 4 ფამენოთისა თთჳსასა, რომელ არს პირველ დაბადებული იგი თთუჱ მარტი
Line: 5 ებრაელთა მიერ ნისანად სახელდებული, განცისკრებასა კჳრიაკისასა, რომელ არს
Line: 6 ერთი შაბათთაჲ პირველი და უპატიოსნესი დღეთაჲ დღე, რომლისა-თჳს თქუა
Line: 7 მოსე ვითარმედ "დასაბამსა ქმნა ღმერთმან ცაჲ და ქუეყანაჲ", და ესე არს წიგნი
Line: 8 შესაქმისა ცისა და ქუეყანისაჲ. დღესა, რომელსა შექმნნა იგინი ღმერთმან და რომლისა-თჳს
Line: 9 ხმობს დავით: "ესე არს დღე, რომელ ქმნა უფალმან ვიხარებდეთ და
Line: 10 ვიშუებდეთ ამას შინა". და არს უკუე საკუთარი აღვსებაჲ ოცდახუთსა მარტისასა,
Line: 11 ვითარცა ვთქუთ. რომლისა-თჳს იტყჳს სადმე დიდი ოქროპირი ესრეთ ვითარმედ:
Line: 12 უკეთუ მესამესა დღესა აღდგა უფალი, ვითარ იგი თჳთ იტყოდა, ვითარმედ
Line: 13 ჯერ არს ძისა კაცისა ფრიად ვნებად და შეურაცხყოფად და მოკლვად და მესამესა
Line: 14 დღესა აღდგომად, რაჲსა-თჳს მერვედ იწოდების აღდგომაჲ უფლისაჲ. და
Line: 15 მესამედ ვიდრე-მე სახელიდების, ვითარცა ვნებისაგან და ჰუარისა. ხოლო მერვედ,
Line: 16 ვითარცა დაბადებისაგან და აღდგომისა, ვინაჲცა ვინაჲთგან კჳრიაკესა აღდგა
Line: 17 ქრისტე, რომელსა შინა დასაბამი ხილულისა სოფლისაჲ წარმოიჩინა და სოფელსა
Line: 18 ზედა განფენილი ესე ნათელი შეიქმნა, მასვე შინა საცნაურიცა და ჭეშმარიტი
Line: 19 ნათელი ქრისტე საფლავისაგან აღმობრწყინდა, რომლისა მიერ, ვითარცა
Line: 20 საფლავისა და სიკუდილისაგან, აღდგა სოფელი. აწ უკუე კჳრიაკითგან კჳირიაკედმდე
Line: 21 მერვე დღე შეიქმნების და არს იგივე პირველიცა და მესამე და მერვე. პირველი
Line: 22 უკუე მას შინა დაწყებისა-თჳს დასაბამსა დაბადებისასა და დაწყებისა-თჳს
Line: 23 დღეთა შჳდეულისათაჲსა და მესამე ვნებისა-თჳს უფლისა, ხოლო მერვედ შესაქმისა-თჳს
Line: 24 სოფლისა.
Line: 25 არს უკუე და სხუაჲცა მიზეზი მერვისა და მესამისაჲ, თუ რაჲსა-თჳს აღდგომად
Line: 26 სახელ იდების თითოეული მათი. რამეთუ მერვესა დღესა შინა დასცხრა
Line: 27 ღმერთი ყოველთაგან საქმეთა თჳსთა და არს დაცხრომაჲ ბოლოჲ და აღსასრული
Line: 28 საქმეთა განსრულებულთაჲ. ხოლო ბოლოდ და განსუენებად ითქუმის აღსასრული
Line: 29 სოფლისაჲ, ოდეს იგი ეგულების ღმერთსა ცვალებაჲ სახესა ამის სოფლისასა,
Line: 30 ვინაჲცა ვინაჲთგან ცოდვითა აღსავსე იყო სოფელი და ექადებოდა მოსრულებაჲ
Line: 31 სოფელსა, ხოლო ქრისტე აღსასრულსა საუკუნოჲსა ამის საწუთოჲსასა
Line: 32 უჩინოყოფად ცოდვისა მოვიდა და ივნო და დაეფლა და აღდგა კჳრიაკესა
Line: 33 დღესა და, რომელსა შინა შესაქმედ სოფლისა იწყო, მასვე შინა აღდგა სოფლის
Line: 34 შემოქმედი და თანა აღადგინა სოფელი. და, რომელი იგი პირველი იყო დაბადებასა
Line: 35 შინა, მერვედ შეირაცხა განახლებასა შინა მეექუსესა დღესა ჯუარსა ზედა
Page: 157 Line: 1 დაემჭუალვის მეექუსესა შინა შექმნულისა-თჳს კაცისა. რამეთუ ამის-თჳს ჯუარს
Line: 2 ეცუა მეექუსესა დღესა, რათა ყოველთა ვისწავოთ, ვითარმედ მეექუსესა შინა
Line: 3 დამბადებელი კაცისაჲ თჳთ იგივე მეექუსესა შინა ჯუარს ეცუა კაცისა-თჳს. და
Line: 4 არა ხოლო დღესა, არამედ ჟამსაცა მეექუსესა ძელსა ზედა დამოკიდებულ იყო
Line: 5 ვინაჲთგან დასაბამი ცოდვისაჲ მეექუსესა ჟამსა იქმნა ძელისა მიერ, რაჟამს იგი
Line: 6 განჩინებაჲ სიკუდილისაჲ მიითუალა ადამ. რომლისა-თჳს ლახურით განგუმერილ
Line: 7 იქმნაცა და სისხლისა და წყლისა მდინარენი გარდამოუტევნა საწამებელად ღმრთის-მკლველთამან.
Line: 8 სისხლისაჲ უკუე. რათა, ჰურიათა ამხილოს, რომელნი იგი
Line: 9 იტყოდეს ვითარმედ "სისხლი მაგისი ჩუენ ზედა და შვილთა ჩუენთა ზედა". ხოლო
Line: 10 წყლისაჲ, რათა პილატე შეკდემულ ყოს, რამეთუ მოიღო წყალი და დაიბანნა ჴელნი
Line: 11 და ვითარცა უბრალომან უბრალოჲ და მართალი შოლტით გუემულ და ჯუარითა
Line: 12 დაშჯილ ყო.
Line: 13 ვინაჲთგან უკუე, ვითარცა მრავალ გზის გჳთქუამს, მერვე და აღდგომაჲ
Line: 14 მკუდართაჲ აღსასრულსა ქადაგებს სოფლისასა, რომლითა ცხად არს, ვითარმედ უეჭუელად
Line: 15 მაშინ იქმნების აღსასრული სოფლისაჲ, რაჟამს იგი ღმრთის-მსახურნი
Line: 16 და ღირსნი მოაკლდენ სოფლისაგან; და ამისსა მოწამე არს ქრისტე, იტყოდის რაჲ
Line: 17 ესრეთ ვითარმედ "მო-რაჲ-ვიდეს ძე კაცისაჲ, პოვოსმეა სარწმუნოებაჲ ქუეყანასა
Line: 18 ზედა?". და მოციქული იტყჳს: "უკუეთუ არა მოიწიოს პირველად ორგულებაჲ,
Line: 19 რაჟამს განუდგენ სარწმუნოებასა, რომელნი შეუდგან სულსა საცთურისასა და
Line: 20 მოძღურებათა საეშმაკოთა". და ჭეშმარიტებისგან ვიდრე-მე გარემიიქცინენ სასმენელნი,
Line: 21 ხოლო ზღაპრობათა მიერჩდენ" და, ვითარ იგი მენავეთ-მოძღვართა წარწყმედაჲ
Line: 22 მიზეზ იქმნების დაქცევისა ნავთაჲსა და მოკლებაჲ მწყემსთაჲ განბნევისა
Line: 23 და წარწყმედისა და უდებებაჲ მუშაკთაჲ ნაყოფთა შორის აღმოცენებისა თივათაჲსა,
Line: 24 ეგრეთვე მოკლებაჲ ღირსთაჲ და ჴსნა იქმნების სოფლისა. ხოლო ღირსება არს
Line: 25 ღმრთისა მიმართ ღირსებაჲ, და იგი არს ღირს, რომელმან სარწმენოებისა მიერ და
Line: 26 კეთილთა საქმეთა აღირსოს და შეწიროს თავი თჳსი ღმრთისა და იღირსოს და
Line: 27 შეიწიროს იგი ღმერთმან. რომლისა-თჳსცა დამტევებელსა ღმრთისასა და უარის-მყოფელსა
Line: 28 მისდა მიმართთა აღთქუმათასა ეტყოდა მოსე: "ნუ იტყჳ გულსა შინა
Line: 29 შენსა, ვითარმედ ღირსება მეყო მე განდგომითა უფლისაგან". აწ უკუე ვითარ იგი
Line: 30 განდგომილი უფლისაგან და ბოროტის-მოქმედი უღირსად სახელ იდების ეგრეთვე
Line: 31 სარწმუნოებისა და კეთილთა საქმეთა მიერ საკუთარქმნილი ღმრთისაჲ
Line: 32 ღირსად და მართლად იწოდების ჭეშმარიტებით. ვინაჲცა ძელია მიერ ვიდრე-მე
Line: 33 იქმნა სიკუდილი და კუალად ძელისა მიერ ცხონებაჲ. მეშჳდესა დღისა განისუენა
Line: 34 საქმეთაგან და მეშჳდესავე დღესა ჴორცითა იშაბათა საფლავსა შინა. მეშჳდე
Line: 35 დღე სრულებით დაყო მას შინა და მერვესა დღესა აღდგა და თანა აღადგინა
Page: 158 Line: 1 სოფელი. და ამის-თჳს არს კჳრიაკე, მესამეცა და მერვე. მესამე უკუე აღდგომისა-თჳს
Line: 2 უფლისა, ხოლო მერვე არა ხოლო უფლისა, არამედ სოფლისაცა
Line: 3 აღდგომისა-თჳს.
Line: 4 არამედ შენ ისმინე საყუარელო, საკჳრველი და დიდი საიდუმლოჲ და თუ
Line: 5 რაჲსა-თჳს მერვედ სახელ იდების საფლავით აღგომაჲ უფლისაჲ, რამეთუ შჳდგზის
Line: 6 ვჰპოებთ აღგომასა მკუდართასა საღმრთოსა წერილსა შინა, ხოლო შემდგომად
Line: 7 შჳდთა მათ მერვედ აღდგების უფალი მკუდრეთით რომელმან აღადგინნა
Line: 8 შჳდნიცა იგი და რამეთუ უწინარეს აღგომისა მისისა მხოლოდ შჳდთაჲ ოდენ
Line: 9 გუესწავების აღდგომაჲ. და პირველი უკუე ძუელსა შინა ქმნილი იგი სარეფთას
Line: 10 შინა ელიაჲს მიერ აღდგინებაჲ ძესა ქურივისა მის დედაკაცისასა. ხოლო მეორე
Line: 11 სომანიტელისა ძისაჲ, რომელი აღადგინა ელისე. და მესამე სტრატიოტისაჲ
Line: 12 მის, რომელი დაჰფლეს მახლობელად ელისესა; რომელიცა შეეხო რაჲ ძუალთა
Line: 13 წინაჲსწარმეტყუელისათა, ვითარცა შეხებული ცეცხლისაჲ განჰკრთა. ხოლო
Line: 14 მეოთხე ახალსა შინა ასულისა მის შესაკრებელის მთავრისაჲ მეხუთე ქურივისა
Line: 15 მის ძისაჲ. მეექუსე ლაზარჱსი. და მეშჳდე, რაჟამს იგი მრავალნი გუამნი შესუენებულთა
Line: 16 წმიდათანი აღდგეს. ხოლო მერვე თჳთ სამეუფოჲ აღდგომაჲ შემდგომად
Line: 17 საცხორებელისა ვნებისა, რომლისა-ზე ქმნილი იგი ძრვაჲ და სიბნელე
Line: 18 და სხუანი სასწაულნი მის ჟამისანი მრავალთა საწარმართოთა წიგნთა შინა
Line: 19 იპოებიან მოჴსენებულად. რომლსა ჟამისა-თჳს აღსწერს იოსიპოსცა ვითარმედ
Line: 20 "დღესა მეერგასესა პირველად ძრვაჲ რაჲმე და ბგერაჲ ესმოდა მღდელთა".
Line: 21 ამის შემდგომად ანაზდაითისა რაჲსმე ხმისა, ცხად არს ვითარმედ ანგელოზებრისა
Line: 22 უშინაგანესთა ადგილთაგან ტაძრისათა ესრეთ მეტყუელისა მსმენელ იქმნნეს:
Line: 23 "განვიდეთ ამიერ". და კუალად სხუასაცა უსაკჳრველესსა იტყჳს ასოთა შინა წერილისათა
Line: 24 პოვნილსა რასმე მოსწავებასა, რომელი იტყოდა ესრეთ, ვითარმედ მას
Line: 25 ჟამსა სოფლისაგან მათისა ეუფლოს ყოველსა სოფელსა კაცი ვინმე. რომლისაჲ
Line: 26 ვიდრე-მე უესპასიანჱს ზედა თქუა აღსრულებაჲ, გარნა ფრიად წინაუკუმოობით
Line: 27 შესცთა თარგმანებასა შინა ამისსა, რამეთუ არა ყოველსა სოფელსა ეუფლა იგი,
Line: 28 არამედ მხოლოდ ჰრომსა ოდენ, ვინაჲცა უფლისა ჩუენისა იესუ ქრისტჱს ზედა
Line: 29 დაგჳშთების აღსრულებულობაჲ მისი, რომლისა მიმართ ხმობს მამაჲ: "ითხოენ
Line: 30 ჩემგან და მიგცნე შენ წარმართნი სამკვჳდრებელად შენდა და დამყრობად შენდა
Line: 31 კიდენი ქუეყანისანი. რომლისა-თჳსცა ყოველსა ქუეყანასა განჴდა ხმაჲ საღმრთოთა
Line: 32 მოციქულთა მისთაჲ და კიდეთა სოფლისათა სიტყუანი მათნი, რომელნი ბრწყინვალითა
Line: 33 ხმითა ქადაგებდეს მისსა სამარადისოსა უფლებასა და საუკუნესა მეუფებასა.
Line: 34 და ვინაჲთგან ჟამსა ამას დაჰბადა ღმერთმან ყოველი დაბადებული, რომლისა
Line: 35 მოწამე არს ვიდრე დღესამომდე ჟამსა არისასა ქმნილი ესე განახლებაჲ
Line: 36 ნერგთა და ყოველთავე მცენარეთაჲ პირველისა მის-ებრ და საღმრთოჲსა განჩინებისა
Page: 159 Line: 1 და ყუავილოვანყოფაჲ სამოთხეთა და ველთაჲ. რომელმან ისრაჱლიცა
Line: 2 ამასვე ჟამსა განათავის-უფლა მეგჳპტურისა მონებისაგან, და მთავარ-ანგელოზმან
Line: 3 გაბრიელ ქალწულსა მარიამს ახარა. ამის-თჳს სამართლად უკუე და ქრისტემანცა
Line: 4 მასვე ჟამსა დაითმინა საცხორებელი ვნებაჲ. ესრეთ უკუე პილატე შემდგომად
Line: 5 ჯუარცუმისა ქრისტჱსისა ხატნი კეისრისანი აღჰმართნა ღამით ტაძარსა შინა.
Line: 6 რომელნიცა განთიად იხილნეს რაჲ ჰურიათა, ესოდენ აღშთოთნეს იგინი, ვიდრემდის
Line: 7 შეშინებულმან პილატე სხუაგან მიცვალნა იგი. და საუნჯისა სამღდელოჲსაჲ,
Line: 8 რომელსა იგი კორგანა ეწოდებოდა უკეთურებით განმხრწნელი მიზეზ
Line: 9 მკლველობათა მრავალთა და შერეულებათა იქმნა ჰურიათა-თჳს, რამეთუ მხედველმან
Line: 10 ზედა აღმდგომისა მათისამან სიმრავლე მჴედართაჲ მოიდგინა გარემოჲს საყდრისა
Line: 11 თჳსისა, რომელთა შინაგან უკუე საჭურველები, ხოლო გარეშე ლიტონები
Line: 12 ემოსა შესამოსლები. და, ვითარცა შფოთებით მიიმართეს მის ზედა ჰურიათა,
Line: 13 მიუტევნა მათ ზედა მჴედარნი, რომელნიცა ძელითა და ქვითა ძლიერად
Line: 14 სცემდე და რომლითა მძჳნვარე დასდვეს წყლულებაჲ. ხოლო მოაკუდინნესცა
Line: 15 ვინმე მათგანი, რაჟამს იგი მრავალნი ჰურიათაგანნი ურთი-ერთას ტენებით
Line: 16 დათრგუნივილნი წარწყმდებოდეს, რომელთა იგი რიცხჳ დიდად სიმრავლედ
Line: 17 აღვიდა და შეჰრია სისხლიცა ვიეთიმე მათგანთაჲ მსხუერპლთა თანა ესე ვითარითა
Line: 18 სახითა სჯულთა იუდა გალილეველისათა, რომელსა იგი ლუკა საქმესა შინა
Line: 19 მოციქულთასა მიიჴსენებს, შედგომილნი გალილეველნი ახალხმობისა რაჲსმე
Line: 20 და საცთურისა მოსწავლე იქმნნეს მისგან, ვითარცა იტყჳს იოსიპოს. რამეთუ
Line: 21 რეცა მიზეზითა ღმრთის-მსახურებისაჲთა ესრეთ იტყოდა იგი, ვითარმედ
Line: 22 არცაღა ვიდრე შაბათამდე ჯერ არს უფლით ხდაჲ ვისიმე, არცა პატივისა-თჳს და
Line: 23 არცა სიყუარულისა და მხოლოდ მხოლოჲსა ღმრთისა და ოდენ შესატყჳსისა დიდებისა
Line: 24 და პატივისა მიპყრობაჲ კაცთაჲ. რომლისა-თჳსცა მრავალთა მათგანთა
Line: 25 ვინაჲთგან არა იტყოდეს უფლად და მეუფედ კეისარსა, მრავალნი და თითოსახენი
Line: 26 შეემთხჳნეს გუემანი ამას თანა და ასწავებდესცა, რათა არას სხუასა მსხუერპლისა
Line: 27 თჳნიერ სჯულსა შინა მოსჱს მიერ განწესებულთა მათ ხოლო შესწირვიდენ
Line: 28 ღმრთისა. და ესრეთ ამიერ მაყენებელნი ერისანი მისაცემელთა მათგან, რომელნი
Line: 29 იგი საცხორებელად მსხუერპლად მეფისა და ნათესავისა-თჳს ჰრომთაჲსა შეიწირვოდეს
Line: 30 სამართლად განრისხებულმან ამათ ძლით გალილეველთა მიმართ პილატე
Line: 31 ბრძანა, რათა შეწირვასა შინა მათ, მიერ სჯულიერად საგონებელთა მსხუერპლთასა
Line: 32 მოისრნენ იგინი ვიდრემდის შეწირულთა მსხუერპლთა თანა აღერიოს
Line: 33 სისხლი შემწირველთა მათთაჲ.
Line: 34 ხოლო კეისარსა ტიბერიოსს სხუათა წარმართებათა თანა ესეცა მოეგო,
Line: 35 რამეთუ პატივსა მთავრობისასა წილხუდომილთა მის მიერ არა მსწრაფლ გარდაადგენდა
Page: 160 Line: 1 მთავრობისაგან, არამედ ანუ მრავალწელ ანუ ვიდრე აღსასრულამდე
Line: 2 ცხორებისა უტევებდა მათ ქონებასა მათდა რწმუნებულისასა მის მთავრობისასა. რომლისა
Line: 3 მიზეზი ეკითხა რაჲ ოდესმე მეგობართაგან თჳსთა, თქუა: "ბუნებით ანგაჰრების
Line: 4 მოყუარე არს მარადის ყოველივე მთავრობაჲ". და უკუეთუ მრავალჟამ მპყრობელ
Line: 5 იქმნეს, უმობრყჳლებულესად იჴუმევს იგი ანგაჰრებასა ხოლო უკუეთუ მცირედჟამ
Line: 6 უმკჳრცხლესობით შეეხების მტაცებელობითსა ვნებასა, ვითარცა არ
Line: 7 მეცნიერი ამისი, თუ ოდეს იქმნების მისდა ცვალებაჲ მთავრობისაჲ მის. ხოლო
Line: 8 უცხადესად-რე მიგითხრა თქუენ ესე მაგალითისა მიერ. წყლულებანი ზედა-ესხნეს
Line: 9 კაცსა ვისმე, და სიმრავლე მწერთაჲ ეხუეოდა წუთხსა მისსა. რომლისა მახლობელად
Line: 10 წარჰვლიდა ვინმე და ჰგონა, ვითარმედ ვერ ძალ უც მას განყენებაჲ
Line: 11 მწერთაჲ. ამის-თჳს მოუჴდა და დაუყენნა იგინი, ხოლო წყლულმან მან ჰრქუა მას:
Line: 12 "გლოცავ, დააცხრვე ფქურევაჲ მაგათი, რამეთუ უმეტეს მავნებ მე. და რამეთუ
Line: 13 განძღენ რაჲ ეგენი სისხლითა, არღარა ფრიად სატკივარსა შემამთხუევენ მე წერტასა.
Line: 14 ხოლო უკუეთუ წარიდეენებოდიან სიყმილითა შემშთვარნი კუალად უფროჲს
Line: 15 განაძჳნებენ ტკივილსა სალმობათა ჩემთასა, ვიდრემდის დაკლებულ მყოფენ
Line: 16 მე სრულიად ცხორებისაგან" ამის-თჳს მანცა მთავარნი მოხუეჭათა მიერ
Line: 17 განრყუნილად იხილნა რაჲ მავალნი, არა ზედაჲს-ზედა ჰყოფდა ცვალებასა მათსა.
Line: 18 რამეთუ ფრიად ზრუნვიდა სამართლის მოქმედობისა-თჳს და მარადის მისწერდა
Line: 19 მის-ქუეშეთა ქალაქთა მიმართ ესრეთ ვითარმედ "უკუეთუ რაჲმე მოვწერო წინა
Line: 20 აღმდგომი სჯულთაჲ მბრძანებელმან მისისა ქმნისამან, ნუ მორჩილ მექმნებით,
Line: 21 ვითარცა უმეცარსა სჯულთასა". რომლისა-თჳსცა პილატე, ვითარცა მეცნიერმან სიმართლის-მოყუარებისა
Line: 22 და ჭეშმარიტების-მოყუარებისა მისისამან, ყოველნი ნიშნი
Line: 23 ქრისტჱსნი და სჯულნი კეთილად-მსახურებისა მისისანი შემოკლებულად მიწერითა
Line: 24 განუცხადნა მას, ვითარცა აღსწერს ტერტჳლიანე ჴელოანი ჰრომაელებრთა
Line: 25 სჯულთაჲ, წარმოიტყოდის რაჲ ქრისტეანეთა-ძლითსა სიტყჳს-გებასა, და ვითარმედ
Line: 26 შემდგომად სიკუდილისა ცხორებადვე კუალად ეგო და აჰა ეგერა ღმრთად
Line: 27 აღსარებუ და რწმუნებებულ არს ყოველთა მიერ. რომელთა-თჳს უფროჲსად დაუკჳრდა
Line: 28 ტიბერიოსს და მიუთხრნა ყოველნივე იგი განმზრახობასა სჳნკლიტიკოსობისა
Line: 29 ყოვლისასა, რომელმანცა არა ინება რწმუნებაჲ ამათი, ვინაჲთგან ძუელი
Line: 30 სჯული მათი იტყოდა, რათა არა ვინ ღმერთ იქმნეს პირველად, არა თუ გამორჩევითა
Line: 31 დასჯითა მათითა ღირსად პატივისა და სამსახურებელობისა ამის
Line: 32 განჩინებულ იქმნეს მათ მიერ. ხოლო მან შჯული უკუე ესე შეიწყნარა, ხოლო
Line: 33 ბრძანა რათა არცა ერთი დახრწევაჲ იქმნებოდის ქადაგებისა ქრისტჱსისა, ამას-თანა
Line: 34 სიკუდილიცა აქადა მათ, რომელთა იკადრონ შესმენაჲ მის ქადაგებისაჲ.
Line: 35 ვინაჲცა ესრეთ მყის საღმრთოჲთა ძალითა ქრისტჱსითა წმიდამან ქადაგებამან
Page: 161
Page: 162 Line: 1 აღავსო თანად ყოველი სოფელი საცხორებელითა მოძღურებითა წმიდათა
Line: 2 მოციქულთაჲთა.
Line: 3 და რომლისა-თჳს იგი პირველვე სადმე ესმა რაჲ ავგაროზს ვისმე ადგილის
Line: 4 მთავარსა ედესისასა, რომელი მწარისა სენისა და მძჳნვარეთა სალმობათა მიერ
Line: 5 საწყალობელად განლეულ იყო და სახელი და საკჳრველებანი ქრისტჱსნი ეუწყნეს,
Line: 6 რომელი ერთხმობით მიმოდაითქუმოდეს ყოველთა მიერ მვედრებელ ქრისტესა
Line: 7 იქმნა იგიცა მეწიგნისა ვისმე თჳისისა მიერ და ითხოვა, რათა პოვოს მან
Line: 8 დახსნაჲ ტკივილთა სალმობისაჲთაჲ და მიუწერა წარმავლინებელმან იერუსალჱმდ
Line: 9 ანანიაჲს ვისმე მალემსრბოლისამან ესრეთ.
Line: 10 ავგაროზ ადგილის მთავარი იესუს მაცხოვარსა სახიერსა გამოჩინებულსა
Line: 11 იერუსალჱმს გახარებ. მესმა მე შენთჳს და კურნებათა შენთა, ვითარ თჳნიერ წამალთა
Line: 12 და თივათა იქმნებიან შენ მიერ. რამეთუ სიტყჳთ ხოლო ბრმათა აღხილვასა
Line: 13 და მკელობელთა სლვასა ჰყოფ და კეთროანთა განსწმედ და არა წმიდათა
Line: 14 სულთა განასხამ და გრძელითა სნეულებითა გუემულთა განჰკურნებ და მკუდართა
Line: 15 აღადგინებ. რომელნი მესმნეს რაჲ, გონებასა დავიდევ ორთაგანი ერთი: ანუ ვითარმედ
Line: 16 შენ ხარ, ღმერთი ზეცით გარდამოსრული, ანუ ძე ღმრთისაჲ მოქმედი
Line: 17 ამათი. ამის-თჳს აწ მოწერით გევედრები მოსლვად ჩემდამო და მომცველისა ჩემისა
Line: 18 ვნებისა განკურნებად, რამეთუ მესმა, ვითარმედ დრტჳნვენ შენთჳს ჰურიანი
Line: 19 და ჰნებავს ბოროტის-ყოფად შენდა. ხოლო არს ქალაქი მცირე, რომელი კმა
Line: 20 გუეყოს ორთავე. მაშინ უფალმან წარიკითსა რაჲ ესე, ნაცვლად მიუწერა
Line: 21 ესრეთ.
Line: 22 ნეტარ არს რომელსა ჰრწმენეს ჩემდამო, დაღათუ არა ვეხილვო მე. ხოლო
Line: 23 რომლისა-თჳს მოსწერე მოსლვისა ჩემისა შენდა და სათანადო არს აღსრულებაჲ
Line: 24 ყოველთაჲ, რომელთა-თჳს მოვივლინე აქა. და ამაღლებაჲ მომავლინებელისა მიმართ
Line: 25 ჩემისა და ესრეთ მოგივლინო შენ მოწაფეთაგანი ვინმე და განიკურნოს ვნებაჲ
Line: 26 შენი და ცხორებაჲ შენდა შენთანათა მიგმადლოს.
Line: 27 ესრეთ უკუე ავგაროზ მოისმინა რაჲ ეპისტოლე უფლისაჲ, უფროჲსღა
Line: 28 სურვილად და სარწმუნოებად უმეტესად აღეგზნა, რათა ხატსაღა თუ შინა იხილოს
Line: 29 ქრისტე, და წარავლინა მხატვარი, რათა საღმრთოჲსა მის მსგავსებისა
Line: 30 გამომსახველმან რაოდენცა მსწრაფლ მიიღოს იგი მისდა. ხოლო იგი რაჲ დაემჴობვოდა
Line: 31 საწადელისაგან გარდარეულებისა-თჳს მადლთა და ბრწყინვალებათა პირისა
Line: 32 მისისათაჲსა, თჳთ დამდებელმან ტილოჲსამან პირსა ზედა თჳსსა წარიჴოცა
Line: 33 მით მსგავსებაჲ თჳსი და წარსცა ტრფიალსა სასურველი თჳსი.
Line: 34 და კუალად ამისსა უპირატესცა მოჴსენებულ არს ვითარმედ "შობასა უფლისასა
Line: 35 ბეთლემს ჰურიასტანისასა მეფემან სპარსთამან გულის-ხმიერი ვინმე მხატვარი
Line: 36 წარავლინა, რომელმანცა შობილისა და მშობელისა ხატი დაწერა და მიართუა
Page: 163 Line: 1 მას". ხოლო, უკუეთუ არა აღწერილ არიან ყოველნი სახარებისა-მიერსა
Line: 2 თხრობასა შინა, არა ამის-თჳს ურწმუნოცა არიან. რამეთუ არცა სხუანი სასწაულნი,
Line: 3 რომელნი ქმნნა იესუ შეუწყნარებელ არიან რომელთაჲ ესოდენი არს სიმრავლე,
Line: 4 ვიდრემდის "ვერცაღა სოფელი ესე დაიტევს თითოეულად თუ აღიწერებოდიან",
Line: 5 ვითარცა იტყჳს ღმრთის-მეტყუელი იოვანე.
Line: 6 ესრეთ უკუე და ესე ვითარ რჩეულ რაჲ იყო სიჭაბუკესა შინა ტიბერიოს, და
Line: 7 სიბერედ მიწევნული ფილოსოფოსთა სიტყუათა და რიტორებრივთა და წარჩინებულთა
Line: 8 საქმეთა მიერ ყუავილოან იქმნებოდა მჴნე იგი უდარესისა ცნობისა უშუერებად
Line: 9 შეიცვალა ანაზდაით, ვიდრეღა ცნობა ვნებულებაჲ საგონებელ იყო მის-თჳს. და,
Line: 10 ვითარცა ეშმაკისა მიერ დევნილი ყოვლისავე არაწმიდებისა მოსისხლეობისა და
Line: 11 უკეთურებისა საქმეთა მიერ უფლებულ იქმნა. და არა ხოლო ბუნებითთა და ბუნების-გარეშეთა
Line: 12 შინა უძღებებით შეამწინკულა მან თავი თჳსი, არამედ ყოველსა
Line: 13 შინა უსამართლოებასაცა და მძლავრებასა და ესრეთ, გარდამჴდელი მთავრობისაჲ
Line: 14 და კეთილის-მოქმედობისაგან ბოროტის-მოქმედებად შეცვალებული, საშინელ
Line: 15 უკუე იყო მძჳნვარებითა, ხოლო საძაგელ ანგაჰრებითა და ბილწებისა გარდარეულებითა,
Line: 16 და ესრეთ ამათ შინა დაასრულა ცხორებაჲ არცა ერთითა რაჲთ რგებულმან
Line: 17 პისველგარდასრულისა მისგან სიმართლის-მოყუარებისა და ქველის მოქმედებისა
Line: 18 თჳსისა, არამედ უფროჲსღა ყოველთა მიერ მოძულებულმან დასასრულსა
Line: 19 განრყუნითა მის ყოვლისაჲთა. და საუკუნესა ტანჯვასა უკეთურებით მსგავსთა
Line: 20 თჳსთა უღმრთოთა თანა მიეცა, ვინაჲთგან "გარდამაქცეველთა გულარძნილებად
Line: 21 მოიყვანებს უფალი მოქმედთა თანა უსჯულოებისათა". ამის-თჳს სიმართლად მოციქული
Line: 22 ვიდრე-მე იტყოდა ვითარმედ "დამწყებელმან თქუენ შორის საქმისა კეთილისამან
Line: 23 განასრულენცა". ხოლო უფალი ხმობდა ვითარმედ "რომელმან დაითმინოს,
Line: 24 სრულიად, იგი ცხონდეს".
Line: 26 ხოლო შემდგომად ტიბერიოსისა მეფე იქმნა ძე მისი გაიოს ოთხ წელ.
Line: 27 რომელი პირველ სადმე ფრიად გულის-ხმიერებით განმგებელ იყო საქმეთა მეფობისათა
Line: 28 და ყოვლად-სიკეთით ჰმართებდა საბრძანებელთა თჳსთა. ხოლო მერმე
Line: 29 შემდგომად ორისა წლისა ჟამთაჲსა განკრთომილმან კაცობრივისა ბუნებისაგან
Line: 30 მსგავსად მამისა თჳსისა ღმრთად ქადაგა თავი თჳსი და ანდრიანტი თჳსი
Line: 31 წარსცა ყოველთა ქალაქთა აღმართებად იგი ქალაქთა შინა. რომლისა ქმნაჲ ბრძანა
Line: 32 სჯულიერსაცა შინა ტაძარსა იერუსალჱმისასა და ახლისა გაიოსდად განაჩინა
Line: 33 სახელისდებაჲ. და არა ჰურიათა ხოლო მძლავრ ექმნა, არამედ ყოველნივე ჰრომეს
Line: 34 შინა საჩინონი კაცნი მოსწყჳდნა და თჳთ მიიხუნა მონაგებნი მათნი. ამათ
Page: 164 Line: 1 თანა ლტოლვილთა მონათა ფლობილებაჲ სჯულდებულყო და შემასმენელყოფაჲ
Line: 2 უფალთა თჳსთაჲ უბრძანა, უკუეთუ შეაცნან თავთა თჳსთა შეცოდებულებაჲ
Line: 3 რაჲმე. ამიერ განსაცდელმან ბოროტმან მოიცვა ზოგად ყოველი სოფელი, რაჟამს
Line: 4 მონანი მძიმეთა ძჳრთა და ფიცხელთა ტანჯვათა შეამთხუევდეს უფალთა
Line: 5 მათთა, რამეთუ თითოეული მათი ნაცვლის მიგებად უფალთა თჳსთა ისწრაფდა,
Line: 6 მათ წილ რომელნი იგი პირველ სადმე წინაშეემთხუეოდეს მათ გუემანი და
Line: 7 წურთანი. არა ეს ხოლო, არამედ ბორგნეულებადცა უწესოდ გასდრეკილმან სამოსელი
Line: 8 სადედაბროჲ შეიმოსის და დათხზნილთა თმათა გარდამტევებული რეცა
Line: 9 დედაკაცობდის, და ყოვლისავე ბილწებისა მოქმედი საეშმაკოთა რათმე სრულებათა
Line: 10 მომპოვნებელ იყვის და უცხოა საიდუმლოთა აღასრულებდის. რომელმან
Line: 11 მოიყვანა ოდესმე ასული თჳსი და შთაუგდო იგი წიაღთა კერპისათა და ესრეთ
Line: 12 თქუა: "შენი ნაძობი არს ესე, და შენ ხარ მამაჲ მისი შჯულიერი". და რომელი ესე
Line: 13 იხილეს რაჲ ესრეთ ქმნილად გუნდთა მჴედრობისათა, ვერ თავს იდვეს. ამის-თჳს
Line: 14 განჭრეს იგი, იმოთხვიდა რაჲ აბანოსა შინა. რომლისა-ზე თევდა საქმესა შინა
Line: 15 მოციქულთასა მოჴსენებული მაცთურ ექმნა მრავალთა, რამეთუ აღუთქუა განპებაჲ
Line: 16 იორდანისაჲ და კმელად განვლებაჲ ერისაჲ, და, ვითარცა ემხილა ამაოებაჲ
Line: 17 ცუდად-მოქადულობისაჲ ვერ შემძლებელობითა საქმით სრულყოფისა მისისაჲთა,
Line: 18 მოიკლა იგი და მისთანანი ყოველნი. და გოდოლი დაეცა სილოამს ათრვამეტთა
Line: 19 კაცთა ზედა, და პირველმოწამე სტეფანე იწამა, და პავლეს ჰრწმენა, და ფილონ [და]
Line: 20 იოსიპოს ჰურიათაგანნი ბრძენნი იცნობებოდეს. რომელთაგანი იოსიპოს ჭეშმარიტების
Line: 21 მოყუარე იყო ამის-თჳს მოიჴსენებს იოვანეს წინამორბედსა და ქრისტეს.
Line: 22 და იოვანჱს-თჳს უკუე იტყჳს ესრეთ ვითარმედ "სამართლად მიეჴადა ღმრთისა მიერ
Line: 23 პატიჟი ჰეროდეს უღმრთოებისა-თჳს იოვანჱს-მიმართისა, რომელსა იგი ნათლის-მცემელ
Line: 24 ეწოდებოდა. რომელიცა მოკლა ჰეროდე, კაცი კეთილი და მოგებასა სათნოებისასა
Line: 25 მაწუეველი ჰურიათაჲ და რათა ურთი-ერთას სიმართლე და ღმრთისა მიმართ
Line: 26 კეთილად-მსახურებაჲ წარჰმართონ მჴუმეველთა ნათლის-ღებისათა". ხოლო ქრისსტჱს[-თჳს]
Line: 27 ესრეთ იტყჳს კუალად ვითარმედ "იქმნა კუალად ყრმთა მისთა იესუ,
Line: 28 კაცი ბრძენი, უკუეთუ კაცად ჯერ არს წოდებაჲ მისი. რამეთუ იყო მოქმედი საქმეთა
Line: 29 საკჳრველთაჲ და მოძღუარ კაცთაჲ, რომლისაჲ მრავალთა ჰურიათა და მრავალთა
Line: 30 წარმართთაცა ჰრწმენა. ესე უკუე იყო ქრისტე. და ესე სათნოყოფითა პირველთა
Line: 31 კაცთაჲთა ჩუენ მიერ ჯუარითა დაისაჯა პილატჱსგან, ხოლო არავე დასცხრეს
Line: 32 პირველ შემყუარებელნი მისნი რამეთუ ეჩუენა მათ შემდგომად სამთა
Line: 33 დღეთაჲსა კუალად ცხოველი, ვინაჲთგან საღმრთოთა წინაჲსწარმეტყუელთა ესე
Line: 34 და სხუანი ბევრეულნი საკჳრველებანი ეთქუნეს მის-თჳს, და რომლისა-მიმართი
Line: 35 სიყუარული აწცა არავე მოკლებულ არს ჯერეთ მისგამო სახელითა ამით სახელდებულთა
Page: 165 Line: 1 ქრისტეანეთაგან. უკუე ამათსა ესრეთ ჰურიათაგანისა აღმწერელისა მიერ
Line: 2 წარმოთქუმასა შინა. რომელიღა სახე შენდობისა ანუ სიტყჳს-გებისაჲ დაუშთების
Line: 3 უცნობელთა ჰურიათა".
Line: 4 ესრეთ უკუე იტყჳს საღმრთოჲ ოქროპირიცა ვითარმედ: ფრიად უაღრეს
Line: 5 ყოფასა ჰგონებდეს ქრისტჱსგან იოვანჱსსა, ვინაჲთგან იგი ვიდრე-მე უდაბნოთა
Line: 6 შინა აღზრდილ იყო ყოველთა ყრამთა თჳსთა და ძე იყო მღდელთ-მთავრისაჲ
Line: 7 და ეგე ვითარი ემოსა შესამოსელი და ნათლის-ღებად მიუწოდდა ყოველთა და
Line: 8 ბერწისაგან შობილ იყო, ხოლო ქრისტე უჩინოჲსა დედისაგან იყო, - რამეთუ
Line: 9 ქალწულებისა შობაჲ არღა საცნაურ იყო ყოველთა მიერ, - და სახლსა შინა აღზრდილ
Line: 10 იყო და ერსა შორის აღრეული ქცევაჲ მოეგო და საზოგადოჲ შესამოსელი
Line: 11 ემოსა. რომელთა-თჳს უდარესად მისსა საგონებელ იყო მათგან, რომელთა
Line: 12 არცა ერთი რაჲ უწყოდეს მაღალთა მათ საიდუმლოთაგანი. ამათ-თანა ჯერ იჩინაცა
Line: 13 ნათლის-ღებაჲ იოვანჱსგან, რომელი ესე უფროჲს დამამტკიცებელ იყო
Line: 14 იჭუნეულობისა მათისაჲ. ვინაჲცა გულის-ხმა ყავღა, თუ რაბამ საშინელ იყო
Line: 15 შემდგომად ოცდაათთა წელიწადთაჲსა უდაბნოჲთ შთამოსრული იგი. რომელსა
Line: 16 გრძელნი და ჴშირნი თმანი მოაქუნდეს უვარცხნელობისა თანა ერთბამად წუერნიცა
Line: 17 და თმანი, და თმითა აქლემისაჲთა მოსილ იყო არა რაჲს კაცობრივთაგანისა
Line: 18 მოქენე და რამეთუ ნამდჳლვე საკჳრველ და უფროჲსად დიდებულ იყო კაცობრივთა
Line: 19 შინა ჴორცთა ხილვაჲ ეგოდენისა მოთმინებისაჲ, რომელი უფროჲსღა
Line: 20 ჰურიათა მიმზიდველ ექმნებოდა, ვინაჲთგან მის შორის ჰხედვიდეს დიდსა
Line: 21 ელიას და ჴსენებისა მისისა მიმართ წარივლინებოდეს მაშინ ხილულთა მათ მიერ,
Line: 22 უფროჲსღა და უმეტესისა განკჳრვებისა მიმართ. რამეთუ იგი ქალაქთა და სახლთა
Line: 23 შინა იქცეოდის მრავალგზის და საზოგადოჲთა საზრდელითა იზარდებოდის.
Line: 24 ხოლო ამან უდაბნოჲ დაიმკჳდრა მიერვე სახუეველთაგან მისთაჲთ ყოველთავე
Line: 25 კაცობრივთა საჭმელთა და სასუმელთაგან განშორებულმან რომლისა-თჳს
Line: 26 იტყჳს უფალი: "მოვიდა იოვანე გზითა სიმართლისაჲთა: არცა ჭამდა, არცა სუმიდა"
Line: 27 და შემდგომსა.
Line: 29 შემდგომად უკუე გაიოჲსა მეფე იქმნა კლავდიოს ათსამეტ წელ, და მომსრველი
Line: 30 მკლველთა გაიოსისთაჲ წამლითა მოიკლა თჳსისა ცოლისა მიერ. რომლისა-ზე
Line: 31 იაკობ ზებედესი იწამა, და სიმონ მოგჳ წინაგანეწყობვოდა პეტრეს და
Line: 32 ძლიერებასა სიტყუათასა და საცთურსა მოგობისასა მჴუმეველი წინააღუდგებოდა
Line: 33 სიმჴნით მოციქულისა მიერ თქმულთა მათ ღმრთივ-სულიერთა სიტყუათა. ხოლო
Line: 34 კუალად სიმონს სიმტკიცით ეკუეთებოდა ჰრომაელი კლიმი, მოწაფე მოციქულისა
Page: 166 Line: 1 პეტჱსი, ვითარცა თავსა სწავლულებისა ელენურთა და ჰრომაულთა სიტყუათასა
Line: 2 მიწევნული. ხოლო იყო კლავდის-ზე წიგნსა შინა მოციქულთა საქმისასა
Line: 3 მოჴსენებულიცა იგი მეგჳპტელი ავაზაკი, რომელმან განიყვანნა სიკარიელნი უდაბნოდ,
Line: 4 რომელთა შეუდგა ფილიქს. ხოლო სიკარიელად უწოდდეს მათ მახჳლთაგან,
Line: 5 რომელნი ეტჳრთნიან. რამეთუ წულილთა რათმე მახჳლთა მქონებელნი და
Line: 6 სიკარიად სახელის-მდებელნი მათნი იდუმალ მოსწყლვიდეს დამთხუეულთა მათთა.
Line: 7 რომელთა ჟამთა შინა საშუალ თირაჲსა და თირასისა გამოჩნდა ჭალაკი სტადიონი
Line: 8 ოც და ათი, და სიყმილი იგი დიდი და მსოფლიოჲ იქმნა. და მარკოზ
Line: 9 მახარებელმან პირველად ეგჳპტეს შინა აღაშენა ეკლესიაჲ და მრავალნი მონასტერნი
Line: 10 შეჰმზადნა, რომელნი დაბნებად გინა პატიოსნებად იწოდებოდეს მაშინ.
Line: 11 რამეთუ ვიდრე აქამომდე მას სოფელსა შინა მყოფნი მონასტერნი ამან დაიწყნა
Line: 12 და აღაშენნა პირველად, ვითარ იგი ევსევი პამფილესი ცხად ჰყოფს, იტყოდეს
Line: 13 რაჲ ესრეთ:
Line: 14 მარკოზ უწყით პირველად ეგჳპტეს შინა აღმწერელად სახარებისა და ეკლესიისა
Line: 15 აღმმართებელად ალექსანდრიას შინა, ხოლო ესოდენი სიმრავლე შეკრბა
Line: 16 მას შინა მორწმუნექმნილთა მამათა და დედათა მიერ პირველითვე დაწყებით-გან
Line: 17 უაღრესისა და უსიბრძნის-მოყუარესისა მოღუაწებისა-თჳს, ვიდრეღა აღწერისა
Line: 18 ღირსად შერაცხილ იქმნა კეთილი ქცევაჲ და სათნოჲ ცხორებაჲ მათი და ყოველივე
Line: 19 წარჩინებულისა მოქალაქობისა მათისა რჩეულებაჲ მაღალი ფილონის მიერ
Line: 20 უფროჲსად ბრძნისა, რომელი იყო თჳთმხილველ და თჳთმსმენელ და მიმთხუეულ
Line: 21 თანა-ზრახვასა თავისა მოციქულთასა პეტრჱსსა ქალაქსა შინა ჰრომაელთასა. რამეთუ
Line: 22 სათნოდ შემრაცხელი ცხორებასა მოღუაწეთა ჩუენთასა განკჳრდების ფრიად
Line: 23 და საკჳრველ ჰყოფს მათგანთა სამოციქულოთა კაცთა ებრაელთაგან გამოჩინებულთა
Line: 24 ვიეთმე, ვითარ ჰგავს, და ესსეელთა მოღუაწებისა და ცხორებისაგან პირველითგანვე
Line: 25 კეთილად სასმენელქმნილისა, რომელთა სიმართლე წინაუკუმო იყო
Line: 26 სიმართლესა მწიგნობართა და ფარისეველთასა. რომელნი შვილის-შვილნი იყვნეს
Line: 27 იონადაბ მართლისა, ძისა რიქაბისანი. და რამეთუ მისგან შთამომავალთა უბრძანა
Line: 28 რაჲ იერემია სიტყჳთა უფლისაჲთა რეცა გამოცდით სუმაჲ ღჳნისაჲ, მიუგეს
Line: 29 მათ: "არა ვსუათ ღჳნოჲ. რამეთუ იონადაბ, ძემან რიქაბისმან, მამამან ჩუენმან,
Line: 30 მამცნო ჩუენ და თქუა: არა ჰსუათ ღჳნოჲ თქუენ და ძეთა თქუენთა ვიდრე უკუნისამდე
Line: 31 და სახლნი არა აღაშენნეთ და თესლი არა სთესოთ, და ვენაჴი არა იყოს
Line: 32 თქუენი, არამედ კარავთა შინა ჰმკჳდრობდეთ ყოველთა დღეთა თქუენთა, რათა
Line: 33 მრავალ დღე სცხონდეთ ქუეყანასა ზედა, რომელსაცა ზედა იქცევით. და ვისმინეთ
Line: 34 ხმისა მამისა ჩუენისა იონადაბისი დაცვად ყოველთა ამათ". რომლისა-თჳსცა "იტყჳს
Line: 35 უფალი: ვინაჲთგან ისმინეს ძეთა იონადაბისთა, ძისა რიქაბისთა, მცნებაჲ მამისა
Page: 167 Line: 1 მათისაჲ ქმნად მათდა რაოდენნი ამცნნა მათ, არა მოაკლდეს კაცი ძეთა რიქაბისთაჲ
Line: 2 დგომად წინაშე პირსა ჩემსა ყოველთა დღეთა ქუეყანისათა".
Line: 3 ამათ უკუე მართალთაგან შთამომავალთა ამათ და საკჳრველთა ესსელთა
Line: 4 უფროჲსღა შეძინებაჲ და აღორძინებაჲ და წარმატებაჲ ყვეს ყოვლად-საჴჳრველისა
Line: 5 და საქებელისა უპოვარებისა და ღმრთის-მოყუარისა და წმიდათ-შუენიერისა
Line: 6 სიფიცხლით-ცხორებისა და გარდამეტებულისა სიმართლისაჲ, ვითარ იგი შემდგომთა
Line: 7 სიტყუათა შინა ესერა უცხადესად-რე მოგაჴსენოთ მათ-თჳს:
Line: 8 ესსელნი, ვითარცა იტყჳს იოსიპოს, ჰურიანი უკუე არიან ნათესავით, ხოლო
Line: 9 მომგებელნი ურთი-ერთასისა სიყუარულისა და სხუათასა უაღრესისა კრძალულებისანი,
Line: 10 რომელნი გემოვნებასა ვიდრე-მე, ვითარცა სიბოროტესა. გარე-მიაქცევენ
Line: 11 და სდევნიან, ხოლო სიწმიდესა და უბიწოებასა და ვნებათა დაუმონებელობასა
Line: 12 სათნოებად ჰგონებენ. და ქორწინებაჲ უგულებელს-ქმნილად აქუს მათ,
Line: 13 ხოლო შვილთა უცხოთასა, ვიდრე იგი ჯერეთ ჭაბუკღა იყვნენ, მიიყვანებენ და
Line: 14 განსწავლიან და ნათესავად თჳსა შეჰრაცხენ და თავიეთ წესსა შინა განსწავლიან
Line: 15 და აღჰზრდიან, და სჯულიერსა უკუე და წმიდასა ქორწილსა და მისგანთა მონაცვალეთა
Line: 16 ნათესავისათა შეიწყნარებენ, ხოლო ბოროტთა და ღმრთის-მოძაგებულთა
Line: 17 შეყოფათა და უძღებებითთა ბილწებათა სრულიად განაგდებენ და გარემიაქცევენ.
Line: 18 ამას თანა შეურაცხ არს მათ მიერ სიმდიდრე და მრავალმონაგებობაჲ,
Line: 19 ხოლო უპოვარებასა, ვითარცა განუბნეველობისა და სათნოებისა მშობელსა, განითჳსებენ.
Line: 20 და უწინარეს ვიდრემე მზისა აღმოსლვისა რაჲთ-ურთით არა რას
Line: 21 იტყჳან უქმსა სიტყუასა, არამედ ლოცვათა დიდების-მეტყუელებათა ღმრთისა მიმართ
Line: 22 შუაღამითგან და ვიდრე განთენებადმდე კრძალულებით და პატიოსნებით
Line: 23 შესწირვენ. და ესრეთ, რომლისაცა ჴელოენებისა მიმართ სიმარჯუჱ აქუნდეს თითოეულსა,
Line: 24 უხუცესისა მიერ წარივლინების, და ვიდრე მეექუსედ ჟამადმდე მშრომელნი
Line: 25 გულს-მოდგინებით ფრიადითა სიფრთხილითა და თანა-წურთითა საღმრთოთა
Line: 26 სიტყუათაჲთა სამხრობად შემოკრბებიან კრძალულებითა და მყუდროებითა
Line: 27 მრავლითა. და მეპურე ვიდრე-მე წესიერად დაუგებს პურთა, ხოლო მზარაული
Line: 28 ერთითა ჭურჭლითა ყოვლადვე დაუდგამს ერთისაგან საჭმლისა, ხოლო უწინარეს
Line: 29 საზრდელისა წარიტყჳს ლოცვასა განწმედილი ვინმე მღდელი. რამეთუ
Line: 30 უწესოებად შეჰრაცხენ უწინარეს ლოცვისა გემოჲს-ხილვასა რაჲსასამე. და, ვითარცა
Line: 31 ისამხრონ, კუალად წარიტყჳს მღდელი ლოცვასა მათ ზედა, და ესრეთ
Line: 32 ყოვლისავე საქმისა დაწყებასაცა და დასრულებასა აქებენ ღმერთსა მოუკლებელად
Line: 33 და კუალად საქმესავე იწყებენ ვიდრე მწუხრადმდე. მერმე ისერონ რაჲ ჩუელებისაებრითა
Line: 34 დუმილითა და პატივის-შუენიერითა დაწყნარებითა, კუალად ეგრეთვე
Page: 168 Line: 1 ლოცვისა მიმართ შეკრბებიან, და ესრეთ კნინსა და სუბუქსა ძალსა იჴუმევენ,
Line: 2 რომელ არს მიზეზი სამარადისოჲსა სიფრთხილისაჲ და ზომიერი საზრდელი
Line: 3 მათი და სასუმელი უნდოჲ და უზრუნველი და ნაკლულევანებითი. რამეთუ
Line: 4 არცა ერთი სიმაძღრე და აღმოვსებაჲ მუცლისაჲ იხილვების მათ მიერ, არამედ
Line: 5 ნაკლულევანებაჲ და მცირედისა კმამყოფელობაჲ ფრიადი. ხოლო, რომელი შურობით
Line: 6 მოუჴდებოდის და ებაძვებოდის ცხორებასა მათსა, არა მყის გამოუცდელად
Line: 7 და წინაგანუმზადებელად შეიწყნარებენ მას, არამედ გარეგნით დააყოფენ
Line: 8 წელიწადსა ერთსა მისვე მათისა საზრდელისა და ქცევისა წინამყოფელნი მისნი
Line: 9 და ორღანოსა რასმე სამუშაკოსა და უნდოსა შესამოსელსა მისცემენ და ესრეთ
Line: 10 წინაგამოძრცჳლ ჰყოფენ საქმეთა და სიტყუათა შინა რჩეულთა. მერმე შემდგომად
Line: 11 წელიწდეულისა მის მოთმინებისა და ორთა სხუათა წელიწადთა წესი წუეულებისა
Line: 12 და ყოველსა შინა მორჩილებაჲ მისი გამოიცდების, და, ვითარცა ღირსად
Line: 13 და გამოცდილად გამოჩნდეს, ეგრეთღა თანა-მოდასედ კრებულისა მათისა
Line: 14 შეიწყნარებენ. და განსაკრთომელთა და საშინელთა ფიცთა მიჰჴდიან, პირველად
Line: 15 უკუე რათა ყოვლითა გულითა და სიწმიდითა სულისა ჴორცთაჲთა კეთილმსახურებით
Line: 16 ჰმონებდეს ღმერთსა, მერმე რათა ყოველთა კაცთა მიმართ სიმართლე და
Line: 17 თუალუხუაობაჲ დაიცვას და არცა თჳთ ავნებდეს რას ვისმე, არცა თანა-ეზიარებოდის
Line: 18 უსამართლოთა, არამედ ძალისაებრისა სიმართლისა-თჳს ზრუნვიდეს და
Line: 19 აიძულებდეს სამარადისოდ თავსა და გემოვნებითსა და ნამეტავსა და ნოტიასა
Line: 20 განეშორის ცხორებასა ვიდრე დღედმდე სიკუდილისა მისისა. ამათ-თანა შეაფიცებენ
Line: 21 კუალად, რათა რაჲთ-ურთით არა ვისგან სცნეს წმიდათ-შუენიერნი ესე
Line: 22 სჯულნი და საღმრთონი მოქმედებანი თჳნიერ ვითარ იგი მას მიიხუნა განკრძალულებით
Line: 23 და რათა იქმნას ყოვლისაგანვე წინაუკმოჲსა მადიდებლობისა და მსახურებისა
Line: 24 და მხოლოდ ამას ოდენ შეუდგეს საღმრთოსა სჯულსა და დაწყნარებასა.
Line: 25 ხოლო ესოდენი არს სილიტონე და საკლულევანებაჲ საღმრთოთა მათ კაცთა
Line: 26 საზრდელისაჲ, ვიდრემდის ყოველსა შინა შჳდეულსა ერთგზის ხოლო მოქენე
Line: 27 იქმნებიან განჴუმევითისა დაცალიერებისა. და ესოდენ ფრიადსა აჩუენებენ მოღუაწებისა
Line: 28 მიერსა მოთმინებასა, ვიდრეღა მწუანვილისა რაჲსმე ჭამასა კმა იყოფენ
Line: 29 მრავალგზის. ამიერ უკუე სამართლად მრავალნი მათ შორის წინაჲსწარ
Line: 30 სცნობენ ყოფადთა საღმრთოჲსა მობერვისა და მადლისა და წინაჲსწარმეტყუელთა
Line: 31 და სხუათა ღმრთივ-სულიერთა სიტყუათა წურთისა და დაუცადებელისა ლოცვისა
Line: 32 მიერ განათლებულნი.
Line: 33 ამის უკუე ფილოსოფოსობისა წარჩინებულებით მოღუაწე იქმნა იოსიპოსცა
Line: 34 ბრძენი, რომელსა შინა უმეტეს წარმატებად მოსწრაფე იყო. რამეთუ ესმა ვისთჳსმე
Page: 169 Line: 1 მარტოებითსა ცხორებასა უდაბნოს აღმრჩეველისა და ამბად სახელდებულისა,
Line: 2 რომელი სამოსლად უკუე ქერქსა რასმე ანუ ფურცელსა იჴუმევდა ხეთასა,
Line: 3 ხოლო საზრდელად თჳთმცენარეთა ნაყოფთა ქუეყანისათა, და აღმატებულისა მის
Line: 4 მოღუაწებისა მისისა მოშურნექმნილი მივიდა მისსა და, სამნი რაჲ წელიწადნი
Line: 5 იფილოსოფოსნა მის-თანა, ქალაქადვე კუალად იქცა და ფარისეველთაჲთა მოქალაქობდა
Line: 6 იგი სიმართლითა.
Line: 7 აწ უკუე ფილონ, ვითარცა ეგერა ითქუა ებრაელთაგან გამოჩინებულთა
Line: 8 მოღუაწეთა ჩუენთა-თჳს, მოიჴსენებს განცხადებულად სიტყუასა მას შინა, რომლისა
Line: 9 წარწერილი არს ესე ვითარმედ "მხედველობითისა ცხორებისა-თჳს". რომელთაცა
Line: 10 ესრეთ სახელ სდვა ვითარმედ "თერაპევტე", რომლითა მკურნალობითი
Line: 11 მსახურებაჲ მოესწავების და მისვე სახისა და წესისა მქონებელთა დედათა თრაპევტიდად
Line: 12 უწოდა. და თერაპევტე ეწოდებისო, იტყჳს, ანუ სულებისა მათდა
Line: 13 მიმართ მიმავალთაჲსა სიბოროტისაგან ვნებათაჲსა მსგავსად მკურნალთა ჴელოანთაჲსა
Line: 14 გამოჴსნით განკურნებისა-თჳს, ანუ განწმედილისა უბიწოჲსა ღმრთსა-მიმართისა
Line: 15 სარწმუნოებისა და გულითადისა მსახურებისა-თჳს. ესე უკუე სახელი,
Line: 16 გინა თუ თჳთმოპოვნებით უწოდა, ანუ თუ პირველითგანვე ამით სახელითა იწოდებოდეს
Line: 17 ესრეთ მოქალაქენი და ესე ვითარისა ცხორებისა აღმრჩეველნი, არა
Line: 18 მაქუს დამტკიცებით თქუმად.
Line: 19 ამის შემდგომად იტყჳს, ვითარმედ პირველად უკუე მონაგებთა და ქონეთაგან
Line: 20 განეშორებოდეს დამწყებელნი სიბრძნის-მოყუარებისანი, მერმე ყოვლისავე
Line: 21 სოფლიოჲსა ზრუნვისაგან ჯმნილნი და გარეგან ზღუდესა ქალაქისასა განსრულნი
Line: 22 ყანობირთა შინა და მტილთა ანუ მთათა ჰყოფენ მკჳდრობასა და უმსგავსოთა
Line: 23 თანა აღრევისა ძჳრად და სავნებლად შემრაცხელნი საწინაჲსწარმეტყუელოსა ებაძვებიან
Line: 24 და იქმან ცხორებასა. ვინაჲცა მრავლით-კერძო სოფლისა განთესულ არს
Line: 25 ნათესავი ესე. რამეთუ უჴმდა სრულისა კეთილისა ზიარყოფაჲ ელლადელთაცა
Line: 26 და ბარბაროზთა ქუეყანასა, ხოლო ეგჳპტეს შინა განმრავლებაჲ და უფროჲსღა
Line: 27 სანახებთა ალექსანდრიისათა. და სამკჳდრებელ თითოეულსა დასისა მათისა
Line: 28 არს სავანე რაჲმე, რომელსა უწოდენ სემნიონად და მონასტერიონად, რომელსა
Line: 29 შინა მარტოქმნილნი პატიოსანისა ცხორებისა საიდუმლოთა აღასრულებენ
Line: 30 არცა ერთისა რაჲს ტრფიალნი, არცა სასუმელთა არცა საჭმელთა არცა
Line: 31 რათ სხუათანი, რაოდენნი საჴმრად ჴორცთა საჭირო არიან, არამედ სჯულთა
Line: 32 ხოლო და სიტყუებისა წინაჲსწარმეტყუელთაჲსა და სხუათა, რომელთა მიერ ჴელოვნებაჲ
Line: 33 და კეთილად-მსახურებაჲ თანად აღორძინდებიან და სრულ იქმნებიან.
Line: 34 და რამეთუ ცისკრითგან ვიდრე მწუხრადმდე ყოველი სივრცე დღისაჲ ერთსარბიელ
Page: 170 Line: 1 არს მოღუაწებისა მათისა. რამეთუ წიგნებისა წმიდათაჲსა გულს-მოდგინებით
Line: 2 მკითხველნი ფილოსოფოსობენ მამულსა სიბრძნის-მოყუარებასა. ხოლო
Line: 3 კრძალულებისა, ვითარცა საფუძველისა რაჲსამე პირველ წინადამდებელნი, აშენებენ
Line: 4 სხუათა სათნოებათა. რამეთუ საზრდელსა ანუ სასუმელსა არა ვინ მათგან
Line: 5 მიეახლების უწინარეს მზისა დასლვისა, ვინაჲთგან სიბრძნის-მოყუარებისასა
Line: 6 ვიდრე-მე ღირსად დღისა და ნათლლისად შჯიან ყოფასა, ხოლო ბნელისად ჴორცთა-თჳს
Line: 7 საჭიროთასა. ხოლო რომელნიმე მესამესა დღესა მოიჴსენებენ საზრდელსა,
Line: 8 რომელნიცა უმეტესითა სურვილითა მის ჴელოვნებისაჲთა აღტცებულ
Line: 9 არიან. და კუალად სხუანი ესრეთ იხარებენ და იშუებენ, ვითარცა სიბრძნისა
Line: 10 მიერ მინიჭებითა მათდა სჯულთა სიწმიდისაჲთა, სიმდიდრით და იეფობით გამოზრდილნი,
Line: 11 ვიდრეღა მეექუსესა ძლით სადმე შეეხებიან საჭიროსა საზრდელსა.
Line: 12 ხოლო საღმრთოთა სიტყუათა ძალისა განმარტებანი სახის-მეტყუელებით აღყვანებითითა
Line: 13 თარგმანებითა იქმნებიან მათ მიერ. რამეთუ ყოვლისავე სჯულის-დებისა
Line: 14 ცხოველისა რაჲმე მსგავსებაჲ ჰგონეს კაცთა მათ და ვითარმედ ჴორც
Line: 15 მისსა არს გარეშე მზრახვალობაჲ სიტყუათაჲ, ხოლო სულ ლექსთა შინა დაფარული
Line: 16 იგი უხილავი გონებაჲ.
Line: 17 ესრეთვე უკუე დედათაგანნიცა ვიეთმე მოშურნე არიან საღმრთოჲსა ამის
Line: 18 მოქალაქობისა და საქებელისა დაწყნარებისა, რომელთა შორის მრავალნი მოხუცებულ
Line: 19 არიან და ქალწულ, რომელთა უბიწოებაჲ არა მსგავს არს ელლენთა მიერ
Line: 20 მღდელაყბად წოდებულსა მათსა, ვითარმცა უნებლიეთ და საწუთოდ ქებისა-თჳს
Line: 21 იქმნებოდა კაცთაჲსა, არამედ ნეფსით და კეთილითა აღრჩევითა, ვითარცა მოსურნენი
Line: 22 ყოფადთა და საუკუნეთა კეთილთანი, წადიერებით მოუჴდებიან სათნოებასა.
Line: 23 ხოლო, ვითარმედ პირველთა ქადაგთა სახარებისათა და ზემოჲთგანვე მოციქულთა
Line: 24 მიერ მოცემულთა წესთა მეცნიერმან ფილონ აღწერნა, ესე ყოვლით-კერძო
Line: 25 ცხად არს. რომელი იგი ფრიად იყო სიტყჳთა და ვრცელ გონებითა და
Line: 26 მაღალ და განსაკჳრვებელ ხედვათა შინა საღმრთოჲსა წერილისათა და პირად-პირადსა
Line: 27 და თითოსახესა თარგმანებისა ღმრთივ-სულიერთა სიტყუათასა აღმწერელ
Line: 28 იქმნა.
Line: 29 და ესენი უკუე ევსევი საეკლესიოსა შინა წარმოთქუნა, ხოლო მარინოსის-მიმართთა
Line: 30 შინა კუალად იტყჳს იგივე, ვითარმედ ეკლესიაჲ ქრისტჱსი ორთა
Line: 31 ცხორებათა სახესა და წესსა შჯულის-მდებლობს: ერთსა ვიდრე აღმატებულსა
Line: 32 და საზოგადოჲსა და კაცობრივისა ცხორებისა მიერ კერძოსა, არცა ქორწინებისა,
Line: 33 არცა შვილთ-სხმისა, არცა მონაგებთა ქონებისა მიმთუალველსა, არამედ ყოვლად
Line: 34 ყოვლით-ურთ საზოგადოჲსა და ჩუეულებისაებრისა ქცევისა და ცხორებისა კაცთაჲსა
Line: 35 წინაუკუმოსა და მხოლოდ საღმრთოჲსა მსახურებისად განკუთნვილსა
Page: 171 Line: 1 გარდარეულითა ტრფიალებითა ზეცისათაჲთა. რამეთუ ცხორებისა ამის შემტკბობელთა-თჳს
Line: 2 მკუდრად შერაცხილ არს მოკუდავი ესე ცხორებაჲ და მხოლოდ ჴორცნი
Line: 3 ოდენ ჰქონან ქუეყანასა ზედა, ხოლო ცნობითა ზეცად აღუმაღლებიეს სული
Line: 4 და, ვითარცა სამყარონი რაჲმე ცათანი ზედამხედველ არიან ცხორებისა
Line: 5 კაცთაჲსა ყოვლისავე ნათესავისა წილ შეწირულნი ყოველთა შემოქმედისა ღმრთისადა,
Line: 6 რომელნი არა პირუტყუთა მსხუერპლთა და სისხლთა მიერ არცა ნაცართა
Line: 7 და კუმოლვათა მიერ, არამედ მართლმადიდებლობითთა სჯულთა ჭეშმარიტითა
Line: 8 კეთილად-მსახურებითა და განწმედილითა სურვილითა სულისაჲთა და სათნოებითთა
Line: 9 საქმეთა და სიტყუათა მიერ მოწყალმყოფელნი ღმრთისანი თავთა თჳსთა და თანა-მონათესავეთა-თჳს
Line: 10 სრულ ჰყოფენ საცნაურსა მღდელობასა. და სრული ვიდრე-მე
Line: 11 და პირველი ქრისტეანობითისა მოქალაქობისა წესი ესე არს და ესე ვითარი.
Line: 12 ხოლო მეორე და უდარესი და ამისსა უკაცობრივესი და ფრიად დაკლებული პირველსა
Line: 13 მას თანა შეტყუებისაგან არს, რომელი თანა-შთამომავალ არს ქორწინებითისა
Line: 14 მეუღლებისა და თავს-მდებელ მზრდელობისა შვილთაჲსა, და მაჴედრობისა
Line: 15 და ჴელოსნობისა და აგარაკთა და ვაჭრობათა და სხჳსა სამოქალაქოჲსა ჩუეულებისა
Line: 16 კეთილად და ღმრთის-მსახურებით მზრუნველობისა რწმუნებული, რომელთა-თჳს
Line: 17 ჟამნიცა მოღუაწებისა და მოწაფებისა და საღმრთოთა სიტყუათა მსმენელობისა
Line: 18 დღენი განჩინებულ არიან და მეორე ხარისხი კეთილად-მსახურებისაჲ
Line: 19 შემზადებულ არს, რომელი სათანადოსა მსახურებასა მიუზღავს სჯულსა ბუნებისასა
Line: 20 და წესსა სოფლიოჲსა ცხორებისასა.
Line: 21 ესრეთვე იტყჳს უფროჲსად საღმრთოჲ ათანასიცა: ორნი გზანი არიან
Line: 22 სოფელსა ამას შინა მოქალაქობათანი, ერთი იგი უკუე უმდაბლესი და ულიტონესი,
Line: 23 ქორწინებისასა ვიტყჳ, ხოლო მეორე ანგელოზებრი და სამოციქულოჲ
Line: 24 და უფროჲსად აღმატებული ქალწულებაჲ, რომელ არს მონაზონებრისა მოქალაქობისაჲ,
Line: 25 და უკუეთუ ვინმე სოფლიოჲ, ესე იგი არს ქორწინებულთა, ცხოვრებაჲ,
Line: 26 აღირჩიოს, ბრალობისაგან ვიდრე-მე თავის-უფალ არს, ხოლო ეგოდენთა მადლთა
Line: 27 ვერ მიიხუამსვე, ვინაჲთგან იგიცა გამოიღებს ნაყოფსა ოცდაათეულსა, ხოლო
Line: 28 უკუეთუ ვინმე უბიწოჲ და ზეშთა-სოფლისაჲ შეიტკბოს, დაღათუ სიფიცხისა
Line: 29 უფროჲსღა ძნიად წარსამართებელობისა მქონებელად ჩანს, არამედ აქუს შემდგომად
Line: 30 შჯულიერისა მოღუაწებისა და მოთმინებისა სიმრავლე მადლთაჲ საკჳრველი და
Line: 31 მისათხრობელი. რამეთუ სრული და სავსე ნაყოფი, ასსამოცეულსა ვიტყჳ, წმიდათ-შუენიერებით
Line: 32 და ბრწყინვალედ აღაყუავილა.
Line: 33 აწ უკუე, ვითარ იგი ძუელი შჯული ორთა ცხორებათა მიმართ განყოფილ
Line: 34 იყო ფარისევებრისა და მაღლისა და სოფლიოჲსა და უმდაბლესისა, ეგრეთვე
Line: 35 ქრისტეანეთაჲცა ესე ახალი მოქალაქობაჲ, რამეთუ განიყოფვის მონაზონებრივა
Page: 172 Line: 1 და საერის-კაცოდ ცხორებად ვინაჲცა ფარისეველნი, რომელნი განთჳსებულად
Line: 2 და განჩინებულად ითარგმანებიან, განჩინებისა და სხუათა ყოველთაგან
Line: 3 განთჳსებისა და განყოფისა-თჳს თავთა თჳსთაჲსა იწოდებიან ფარისეველად
Line: 4 სიწმიდითაცა და უცთომელობითა ცხორებისაჲთა და დაცვითა შჯულისა მცნებათაჲთა.
Line: 5 რომელთაცა ცხორებასა ჰბაძვიდეს მწიგნობარნიცა კრძალულებასა მათსა
Line: 6 და ქალწულებასა ორგზის მარხვასა შაბათსა შინა, ქსესტისა და პინაკისა და
Line: 7 სასუმლისა განწმედასა ათეულთა და დასაბამთა ნაყოფთასა, მიმდემთა ლოცვათა
Line: 8 და სხუათა ყოველთა, ხოლო უფროჲსად აღმატებულთა მათ, ცხად არს, ვითარმედ
Line: 9 საკჳრველთა ესსელთა, ვითარცა ფრიად უზეშთაესთა და ყოვლით-ურთ ზეშთა
Line: 10 ყოველთასა აღწევნულთა მოქალაქობა იყო ცხორებაჲ ფარისეველთაჲ, რომლისა
Line: 11 შემტკბობელი პავლე უფროჲს ვითამე განშუენდების მის მიერ, იტყოდის
Line: 12 რაჲ: "ისრაიტელი ვარ ტომისაგან ბენიამენისსა, ებრაელი ებრაელთაგან, სჯულისა-ებრ
Line: 13 ფარისეველი". რომლისა-თჳს უფალიცა ჩუენი, ვითარცა უსრულესისა
Line: 14 და ნამდჳლვე ანგელოზებრივისა ცხორებისა წინადამდებელი, ტრფილთა მიმართ
Line: 15 ზენაჲსა ჩინებისათა იტყოდა ვითარმედ "უკუეთუ არა აღემატოს სიმართლე
Line: 16 თქუენი უფროჲს მწიგნობართა და ფარისეველთა, ვერ შეხჳდეთ სასუფეველსა
Line: 17 ცათასა"
Line: 18 ამიერ უკუე ვითარ ჰგავს, სამოციქულოჲცა დიონჳსიოს, განმაშუქებელი
Line: 19 საღმრთოჲსა მონაზონთა დასისაჲ, მეტყუელად იპოების ესრეთ: ხოლო სრულ
Line: 20 ყოფადთა ყოველთათ უმაღლეს დასი მონაზონთა საღმრთოჲ შემკობილებაჲ არს.
Line: 21 და სხუასა რაოდენსა რას წარმოიტყჳს იგი ამის პირისა-თჳს თავთა შინა საეკლესიოჲსა
Line: 22 მღდელთ-მთავრობისა-თჳს თქუმულისა მის წიგნისა თჳსისათა, ვინაჲცა
Line: 23 მე მრავლისაგან მცირედნი მოვიხუენ და საჭიროდ დავაწესენ აქა, მათ-თჳს
Line: 24 რომელნი უღონოებდენ, თუ ოდეს და სადა და ვითარ დაწყებულ იქმნა მონაზონთა
Line: 25 წესი და მოღუაწებაჲ და დასი.
Line: 26 აწ ესე სადა არიან მონაზონ-ბრივისა მოქალაქობისა სხუათავე წესთა და
Line: 27 მოცემათა თანა სამოციქულოჲსა ეკლესიისათა ბოროტად და უღმრთოებით განმგდებელნი
Line: 28 და შეურაცხის-მყოფელნი, ხატთა-ბრძოლნი ახალნი ჰურიანი და მსგავსად
Line: 29 უსჯულოჲსა მის და ღმრთის-მოძაგებულისა მესაიდუმლოისა მათისა სკორის-მოსახელისა
Line: 30 მეფისა ახლად და აწღა დაწყებულად სახელის-მდებელნი ამისნი
Line: 31 გარდარეულებითა ბორგნეულებისა და უცნობელისა ამაოებისაჲთა ვერ გულისხმის-მყოფელნი
Line: 32 ვერცა რასა იგი იტყჳან, ვერცა ვიეთ-თჳს დაამტკიცებენ. ხოლო
Line: 33 ჩუენ მოძღურებისა წმიდათა მამათაჲსა შედგომილნი ადრეულადცა და ძუელად
Line: 34 ვირწმუნებთ მას ყოფად და არა საკჳრველ არს, უკუეთუ სამონაზონოჲსა
Line: 35 მოქალაქობისა-თჳს იტყჳან ამას, ვინაჲთგან ჴორციელსაცა განგებულებასა
Page: 173 Line: 1 უფლისა და ღმრთისა და მაცხოვრისა ჩუენისასა ჰგმობენ უარის-ყოფით.
Line: 2 ამის-თჳს ვედრებულ იქმნენ იგინი დაღათუ არა ყოვლად საღმრთოჲსა და
Line: 3 სამოციქულოჲსა დიონჳსისგან, არამედ მათ შორის დიდისაღა თუ ევსვისგან,
Line: 4 რომელი უმეტესითა განმკაცრებითა წარმოიტყჳს ოდეს და ვითარ და სადა
Line: 5 მოცემულობასა მისსა, და დასცხერიდ უსწავლელობითთა მათ პირუტყუებათა თჳსთაგან,
Line: 6 რამეთუ აჰა განცხადებულად დაამტკიცებს და ფილონს შემოიყვანებს ჭეშმარიტების
Line: 7 მოყუარედ და რწმუნებისა ღირსად-მოწამედ, ვითარმედ სამოციქულოჲ
Line: 8 არს დასი ესე და მოცემაჲ და განწეესებაჲ მისი ძეელი და ღმრთის-მოყუარე.
Line: 9 ხოლო ისიმნედ ძუელთა ამათ აღწერელთა თანა ყოვლად უბადრუკთა მათ
Line: 10 და ძუელთა უკეთურებითა სხუათაცა შემდგომთა მათთა საღმრთოთა მამათა თანა
Line: 11 ერთხმობაჲ და მითვე მათთა სიტყუათა წარმომთქუმელობაჲ მათ-თჳს, რათა ეგრეთღა
Line: 12 თუ შეუძლონ მცირედ რაჲმე მოქცევად ფრიადისა ბორგნეულობისა და გარდარეულისა
Line: 13 სიცოფისაგან. რამეთუ დიდმან ბასილი სოფლით განშორებისა და სამონაზნოჲსა
Line: 14 ცხორებისა სიტყჳს-მყოფელმან ესრეთ თქუა ვითარმედ: ამის-თჳს
Line: 15 კაცთ-მოყუარემან უფალმან, ვითარცა მოსურნემან ჩუენისა მაცხოვარებისამან ორთა
Line: 16 სახეთა მიმართ განყო წესი ცხორებისა კაცთაჲსაჲ, მეუღლებისა და ქალწულებისა,
Line: 17 რათა, რომელი ვერ შემძლებელ იყოს დათმენად ქალწულებისა და მოღუაწებისა,
Line: 18 შრომასა თანა მცხორებელყოფად ცოლისა მოვიდეს ამისი მეცნიერი,
Line: 19 ვითარმედ მიეჴადოს მას სიტყუაჲ სიწმიდისა და უბიწოებისაჲ და მეუღლებათა
Line: 20 და შვილთ-მზრდელობათა შინა სათნოყოფილთა წმიდათა მსგავსებისაჲ. ვითარი
Line: 21 იყო ძუელსა უკუე აღთქუმასა შინა აბრაამ, რომელმან ღმრთისა უფროჲს პატივის-ცემისა-თჳს
Line: 22 არა ჰრიდა მსხუერპლად მიყვანებასა მხოლოდ შობილისასა და
Line: 23 განღებულად აქუნდეს კარნი კარვისა თჳსისანი შემწყნარებელყოფად უცხოთა განმზადებულსა
Line: 24 არა ასმიოდა ვითარმედ "განყიდე მონაგები შენი და მიეც გლახაკთა",
Line: 25 და უმეტესნიცა ამისსა აჩუენნეს აბრაამ და იობ და სამყილ და დავით და
Line: 26 სხუათა მრავალთა. ხოლო ახალსა შინა აღთქუმათასა ვითარ იყო პეტრე და სხუანი
Line: 27 მოციქულთაგანნი. რამეთუ მიეჴადებიან ყოველსა ვის ნაყოფნი ღმრთისა და მოყუსისა
Line: 28 მიმართისა სიყუარულისანი და პატიჟნი მცნებათა ამთ ურჩებისანი. რამეთუ
Line: 29 უფალი იტყჳს ვითარმედ "რომელსა უყუარდეს მამაჲ ანუ დედაჲ უფროჲს ჩემსა,
Line: 30 არა არს ჩემდა ღირს", და "რომელმან არა მოიძულოს მამაჲ და დედაჲ თჳსი, და
Line: 31 ცოლი, და შვილნი, მერმე და სულიცა თჳსი, ვერ ძალუც მოწაფეყოფა ჩემდა".
Line: 32 ანუ ჰგონებ სადმეა შენ, ვითარმედ უქორწინებელთა-თჳს ხოლო დასხმულ არიან მცნენაბი
Line: 33 სახარებისანი? აჰა ცხად ქმნილ არს შენდა, ვითარმედ ყოველთა კაცთა მიგუეჴადების
Line: 34 სახარებისა-მიმართი მორჩილებაჲ მონაზონთაცა და ქორწინებულთა.
Line: 35 რამეთუ კმა ეყოფვის ქორწინებად მოსრულთა შენდობაჲ უძლურებისა და
Page: 174 Line: 1 დედალთა-მიმართისა გულის-თქუმისა და თანაყოფისაჲ. ხოლო სხუანი მცნებანი ყოველნი
Line: 2 სწორებით შჯულდებულ არიან ყოველთა-თჳს და არა დაუტევობენ გარდამავალსა
Line: 3 მათსა თჳნიერ პატიჟის-მიჴდისა. და რამეთუ მახარებელი მათი ქრისტჱ
Line: 4 სოფლისა შორის მყოფთა მიუთხრობდა ბრძანებათა მამისათა. ხოლო უკუეთუ
Line: 5 იქმნის სადმე თჳსაგან კითხვისა მოწაფეთაჲსა მიგებაჲ მის მიერ, უწამებდის
Line: 6 და ეტყოდის ვითარმედ "რომელსა ესე თქუენ გეტყჳ, ყოველთა ვეტყჳ". ამის-თჳს
Line: 7 ნუ ჰმიზეზობ შენ, ესე ვითარო, თანაერთჴორცობასა მეუღლისასა, ნუცა
Line: 8 ჰგონებ ჴელმწიფობისა ქონებასა სოფლიოთა გულის-თქუმათა ჴუმევისასა. რამეთუ
Line: 9 უფროჲსი შრომაჲ და დაცვაჲ გიჴმს შენ ცხორებისა მიმთხუევისა-თჳს, ვითარცა
Line: 10 საშუალ საფრჴეთა და მპყრობელობისა განდგომილთა ძალთაჲსა აღმრჩეველსა
Line: 11 მკჳდრობისასა და წინაშე თუალთა მქონებელსა მიზეზთა ცოდვისათასა და
Line: 12 გულის-თქუმისა მისისა მიმართ აღმძრველთა დღე და ღამე ყოველთავე საგრძნობელთა
Line: 13 შენთასა. უწყოდე უკუე, ვითარმედ ვერ წინაგანეწყო სიმჴნით ბრძოლასა
Line: 14 უკეთურისასა, ვერცა აღადგინო მას ზედა ძლევაჲ, არა თუ ტკივილითა
Line: 15 მრავლითა დაიცვნე შჯულნი სახარებისა ბრძანებათანი, და ესენი ვიდრე-მე შემოკლებულად
Line: 16 მეუღლებასა შინა უდებმყოფელთა მიმართ მცნებათა ქრისტჱსთა და
Line: 17 მარხვისათა წარმოთქუმულ არიან.
Line: 18 ხოლო შენ, ზეცათა მოქალაქობისა ტრფიალო და ანგელოზებრისა ქცევისა
Line: 19 მომსყიდელო და წმიდათა მოწაფეთა ქრისტჱსთა თანა-მოსაგრეყოფისა გულის-მთქუმელო,
Line: 20 გამოპირე თავი შენი მოთმინებისა მიმართ ჭირთაჲსა და სიმჴნით
Line: 21 მოუჴედ თანახდილობასა მონაზონთასა. აჰა უკუე საღმრთოჲცა ესე მოძღუარი
Line: 22 ორთა ცხორებათა მიმართ იტყჳს განმყოფელად ქრისტესა კაცობრივისა
Line: 23 მოქალაქობისად: ერთისა მის ვიდრე-მე საერის-კაცოჲსა და ქუეყნიერისა, ხოლო
Line: 24 მეორისა სამოციქულოჲსა და ზეციერისა. ვითარ იგი კუალად სხუაგანცა იტყჳს
Line: 25 ვითარმედ: ისწავეთ და განისწავლენით სამოციქულოსა ცხორებასა რომელ არს
Line: 26 შეკრძალვაჲ თუალთაჲ, დამჭირვაჲ ენისაჲ. აღკრძალვაჲ ჴორცთაჲ, სიმდაბლე
Line: 27 ცნობისაჲ, სიწმიდე გონებისაჲ, უჩინოყოფაჲ რისხვისაჲ. მძღურად წარქცეული
Line: 28 შესძინებდ, მიმძლავრებული ნუ ესაჯები, მოძულებული ჰჰყუარობდ, დევნული თავს
Line: 29 იდებდ, ჴუედნილი ჰლოცევდ, მკუდარ იქმენ ცოდვისაგან, თანა ჯუარს ეცუ ქრისტჱს-თანა,
Line: 30 ყოველი სიყუარული მიცვალე უფლისა მიმართ. არამედ მძიმე არიანა
Line: 31 ესენი რომელი კეთილთაგანი არს ადვილ? ვინ აღადგინა მოძილემან ძლევაჲ? ვინ
Line: 32 მშუებელი და დაჴსნილობით განმსუენე შეიმკო გჳრგჳნთა მიერ მოთმინებისათა? არა
Line: 33 ვის მიუღიეს ნიჭი ძლევისაჲ არა მორბედთაგანსა. ტკივილნი შობენ დიდებასა,
Page: 175 Line: 1 შრომანი არიან მომატყუებელნი გჳრგჳნთა. ვიტყეჳ უკუე მეცა, ვითარმედ მრავალთა
Line: 2 ჭირითა გჳჴმს ჩუენ შესლვაჲ სასუფეველსა ცათასა, არამედ მათ ვიდრე-მე
Line: 3 ჭირთა ნეტარებაჲ სასუფეველისა ცათაჲსაჲ მიელის, ხოლო შრომათა ცოდვისათა
Line: 4 გეჰენიისა იგი სატკივარი და მჭმუნვარე უშრეტი ცეცხლი ენაცვალების.
Line: 5 ამათდავე მოწამედ ხმობს სადმე ესრეთ საღმრთოდ-მზრახვალი ნილოცა:
Line: 6 ფილოსოფოსობაჲ მოიპოეს უკუე ელლენთა და ჰურიათაგანთა არა მცირედთა,
Line: 7 ხოლო ჭეშმარიტი სიბრძნე მხოლოდ ქრისტჱს მოწაფეთა ოდენ წარჰმართეს რამეთუ
Line: 8 პირველთა მათ ვითარცა თეატრონსა შინა მოკიცხართა უცხოჲ პირი ჩემებით
Line: 9 შეუმკიეს თავთა თჳსთა ცუდისა სახელისა ჭეშმარიტისა ფილოსოფოსობისაგან
Line: 10 დაკლებულისა-თჳს მოღუაწექმნილთა; რამეთუ ვიდრე ტრიონისამდე ხოლო
Line: 11 და წუერთა და კუერთხისა მჩუენებელნი ფილოსოფოსობისანი ჰფუფუნებდეს ჴორცთა,
Line: 12 და გულის-თქუმათა მათთა, ვითარცა მწარეთა რათმე დედოფალთა, ჰმსახურებდეს;
Line: 13 მონანი იგი მუცლისანი და მუცლის-ქუეშეთა გემოთა ვითარცა საქმეთა
Line: 14 ბუნებისათა შემწყნარებელნი, მრისხანებისა მორჩილნი და დიდებისა გულის-მთქუმელნი,
Line: 15 და ბრწყინვალეთა ტაბლათა მიმართ მიმოფეთებით მსგავსად ძაღლთაჲსა
Line: 16 მიმავალნი. რამეთუ არა უწყოდეს, ვითარმედ პირველ ყოვლისა თავის-უფალყოფაჲ
Line: 17 უჴმს ფილოსოფოსსა და ფრიად უმეტეს სივლტოლაჲ ვნებათა მონებისა,
Line: 18 ვიდრე ვეცხლით-სყიდულობისაგან. რამეთუ მონებამან კაცთამან ნუ უკუე და ვერა
Line: 19 რაჲმცა ავნო მართლისა ცხორებისა წარმმართებელსა, ხოლო ვნებათა ვითარცა
Line: 20 მეფეთა ვიეთგანმე მსახურად მჴუმეველობამან გემოთამან სირცხჳლი შემოიყვანა
Line: 21 და საცინელობაჲ მრავალი.
Line: 22 რამეთუ არიან ვიეთნიმე მათგანნი ყოვლითურთ შეურაცხის-მყოფელ საქმითისა
Line: 23 შრომისა, და სიტყჳერებითისა სიბრძნისასა ხოლო ჰგონებენ სათნოება-ყოფასა
Line: 24 განსაცხრომელთ-მომზარხნი ვინმე და მთარგმანებელნი გამოთქუმით
Line: 25 გამოჩინებად შეუძლებელთა საქმეთანი, ვითარ იგი არს სიდიდე ცისაჲ და
Line: 26 საზომი მზისაჲ და მოქმედებაჲ ვარსკულავთაჲ, რომელთასა აღსთქუმენ მეცნიერებასა.
Line: 27 არს ოდესმე რომელ ღმრთის-მეტყუელებადცა ჴელყოფენ, სადა იგი
Line: 28 ჭეშმარიტებაჲ უქმ და ზღვევოან არს ოცნებაჲ მიწდომითისა გამოთქუმისაჲ,
Line: 29 ფრიად უუშურეს ღორთასა მომგებელნი იგი მწჳრესა შინა მენწუბარისა ცხორებისანი.
Line: 30 ხოლო უკუეთუ იპოვნესცა ვიეთნიმე წარმმართებელ საქმითისა, უძჳრესად
Line: 31 პირველთასა გამოჩნდეს იგინი, რამეთუ ცუდთა დიდებათა და პატივთა მიჰყიდნეს
Line: 32 ჭირმრავალნი შრომანი. ვინაჲთგან არა რაჲს სხჳსა თჳნიერ მაჩუენებელობისა
Line: 33 ხოლო და დიდების-მოყუარებისა-თჳს მოიპოებდეს მრავალთა რათ უბადრუკნი
Page: 176 Line: 1 და სასყიდლისა უნდოჲსა და ამაოჲსა-თჳს ეგოდენთა მათ შრომათა ნაყოფსა
Line: 2 დააცუდებდეს. რამეთუ სამარადისოჲსა დუმილისა სჯულის-დებისა-ებრ პითაღორაჲსსა
Line: 3 და თივათა მიერ გამოზრდისა და ძონძითა ბალნისაჲთა დაბურვილობისა
Line: 4 და ჭურსა შინა მკჳდრობისა არცა ერთსა სასყიდელსა შემდგომად სიკუდილისა
Line: 5 მოლოდინებაჲ მიერ კერძო არს ყოვლისა უგულის-ხმოებისა დაჴსნასა თანა
Line: 6 ცხოვრებისასა დაჴსნითა სათნოებისა მისაგებელთაჲთა.
Line: 7 ხოლო ჰურიანი, რომელთა ესე ვითარი ცხორებაჲ შეიტკბეს, არიან უკუე
Line: 8 იონადაბის შვილის-წულნი იგი, რომელნი კარავთა შინა მკჳდრობენ სამარადისოდ
Line: 9 და ღჳნისა და ყოვლისავე გემოთ-მოყუარების-გან განყენებულ არიან, და
Line: 10 ცხორებაჲ მოუგია უნდოჲ და საჭიროჲ საჴმარი თანა-შეზომილი სათანადოობისაჲ.
Line: 11 და ფრიად ვიდრე-მე მოსწრაფე არიან წარმართებისა-თჳს საქმითისა მოღუაწებისა,
Line: 12 ეგრეთვე და მხედველობისაცა აღწევნულად იპოებიან საზომსა რამეთუ
Line: 13 ამიერ ეწოდების მათ ესსელ, ვინაჲთგან ამას ცხად ჰყოფს სახელი ესე. და
Line: 14 ესრეთ ყოვლით-ურთ წარმართებულად იხილვების მათ შორის საზღვარი ფილოსოფოსობისაჲ
Line: 15 გარნა რად სარგებელ არიან ღუაწლნი და ტკივნეული ცხორებაჲ
Line: 16 ღუაწლის-დამდებელისა ქრისტჱს მკლველთაჲ? რამეთუ ერთბამად შეემთხუევის
Line: 17 მათ სასყიდელსაცა ღუაწლთასა წარწყმედაჲ ვითარცა სასყიდელთ-განმყოფელისა
Line: 18 ქრისტჱს უარის-მყოფელთა და ჭეშმარიტისა ცხორებისა და ფილოსოფოსობისაგან
Line: 19 ჴუებულყოფაჲ. რამეთუ ფილოსოფოსობა არს წარმართებაჲ ჩუეულებათა და
Line: 20 წესთაჲ მადიდებლობისა თანა ჭეშმარიტითა მეცნიერებითა არსისაჲთა განმტკიცებულისა.
Line: 21 რომლისაგან სწორებით შესცთეს ჰურიანი და წარმართნი ვითარცა
Line: 22 ზეცით მოსრულისა სიბრძნისაგან დამაკლებელნი თავთანი და თჳნიერ ქრისტჱსა
Line: 23 ჴელმყოფელნი ფილოსოფოსობისანი, რომელნი იგი მარტოდ და მხოლოდ მან
Line: 24 ოდენ აჩუენა სიტყჳთ და საქმით საზღვარი სრულისა ფილოსოფოსობისაჲ. რამეთუ
Line: 25 პირველად ამან მხოლომან განკუეთა ცხორებისა ამის გზაჲ და აჩუენა მოქალაქობაჲ
Line: 26 წმიდაჲ და სამარადისოდ ზეშთა-მყოფელი სულისაჲ ვნებათა ჴორციელთაჲ,
Line: 27 ხოლო უკუანაჲსკნელ იგიცა შეურაცხ ყო, რაჟამს იგი საცხორებელად
Line: 28 კაცთა განგებული მის მიერ მიითუალა სიკუდილი, რათა ასწაოს ამათ მიერ, ვითარმედ
Line: 29 უჴმს მართლად აღმრჩეველსა ფილოსოფოსობისასა უვარის-ყოფაჲ ყოველთავე
Line: 30 გულის-სათქუმელთა საწუთროჲსათაჲ და სათნოებისა ტკივილთა მიერ
Line: 31 თჳთმპყრობელყოფაჲ ვნებათაჲ უგულებელს-ყოფითა ჴორცთაჲთა, ხოლო არცაღა
Line: 32 თჳთ მის სულისა პატიოსნად ქონებაჲ, არამედ მისიცა მოსწრაფებით დადებაჲ,
Line: 33 რაჟამს სათნოებისა წარმოჩინებისა-თჳს სათანადო იყოს წარწყმედაჲ მისი სიტყჳსა-ებრ
Line: 34 მისისა.
Line: 35 ვინაჲცა ესე ვითარისა ამის სახისა გულის-ხმის-ყოფით მიმღებელნი
Page: 177 Line: 1 მისგან საღმრთონი მოწაფენი და მოციქულნი მისნი საკუთრებით ემსგავსნეს ქცევასა
Line: 2 ამას: რამეთუ მყის წოდებასვე თანა დაუტევეს საწუთროჲ, ნათესავნი, და მამული,
Line: 3 და მონაგებნი, და ფიცხელსა მას და სატკივარსა ცხორებასა მუნქუესვე შეაყვნეს
Line: 4 თავნი ყოველთავე საძნაურთა მიმართ განცემითა მათითა; რამეთუ მოთმინე
Line: 5 იყვნეს დევნულებათა, ნაკლულევანებათა, ჭირვეულობათა, ძჳრხილულობათა
Line: 6 შიშულოებათა, გინებათა, ნერწყუვათა, თჳთ მათ საჭიროთაგანცა ჴუებულებასა,
Line: 7 ხოლო უკუანაჲსკნელ სიკუდილიცა შეურაცხ ყვეს ყოველსა შინა კეთილად მიმსგავსებითა
Line: 8 მოძღურისაჲთა და ხატსა წარჩინებელისა ცხორებისასა სოფელსა შინა დატევებითა.
Line: 9 არამედ მსგავსებასა ზედა ამის ხატისასა დასახვად ცხორებისა თჳსისა თანამდებთა
Line: 10 ყოველთა ქრისტეანეთა ანუ არა ინებეს ანუ ვერ შეუძლეს მიმსგავსებაჲ,
Line: 11 რამეთუ მცირედნი ვინმე ზეშთა ექმნნეს სოფლიოთა შფოთთა და თანა-წარჰჴდეს
Line: 12 სამოქალაქოთა ღელვათა და ამაოჲსა ამის საწუთროჲსა ზრუნვათა და სიყუარულსა,
Line: 13 და ესრეთ გარეგან ექმნნეს სოფლიოთა აღძრვათა, და მონაზონებრისა
Line: 14 ცხორებისა შეტკბობითა სამოციქულოჲსა სათნოებისა მსგავსებაჲ წარმოადგინეს,
Line: 15 და უპოვარებაჲ ვიდრე-მე მიმოუტაცებელობისა-თჳს გამოირჩიეს, ხოლო
Line: 16 სანოაგექმნილისა საზრდელისასა უნდოსა უფროჲს პატივ სცემდეს ვნებათა ზედააღდგომისა-თჳს,
Line: 17 და სამოსელთა ჩჩჳლთა და ნამეტნავთა საჴმრისათა ნაცვალად
Line: 18 ლიტონი და უშრომელად შემზადებული იჴუმიეს. და რამეთუ უფალმანცა
Line: 19 მდიდარსა მას საზომად სრულობისა საღმრთოჲსა მოქალაქობისად განსყიდაჲ მონაგებთაჲ
Line: 20 და მიცემაჲ გლახაკთაჲ და ესრეთ უზრუნველად და მიმოუტაცებელად
Line: 21 აღებითა ჯუარისაჲთა შედგომა მისი უბრძანა და არა მოქმედი ამისი უღირსად
Line: 22 თავისა თჳსისა საჯა, რამეთუ რომელმან არ ადაუტეოს, თქუა, მამაჲ თჳსი, და
Line: 23 დედაჲ თჳსი, ძმანი, ცოლი, შვილნი, აგარაკნ სახელისა ჩემისა-თჳს და აღიღოს
Line: 24 ჯუარი თჳსი და შემომიდგეს მე არა არს ჩემდა ღირსი. აწ უკუე ვნაჲთგან
Line: 25 არა არს სხჳთა სახითა პატივისა ამის და სრულობისა მიმთხუევაჲ. თჳნიერ
Line: 26 ვითარ იგი ზეშთა-სრულმან უფალმან განაჩინა, ფრიად პატივის-საცემელ და
Line: 27 საკჳრველ იქმენინ ჩუენდა ყოველთავე საწუთოთა და სოფლიოთა გემოთა და
Line: 28 სიყუარულთა მცნებისა-ებრ, უფლისა შეურაცხის-მყოფელნი და მომაზონებრივისა
Line: 29 მოქალაქობისა აღმრჩეველნი, რომელთა აწცა აღუვსიეს ყოველი სოფელი. და სავსე
Line: 30 არს მათგან ეგჳპტე და ლიბჳაჲ და ეთიოპიაჲ და ჰინდიაჲ მავრიტანიაჲ და
Line: 31 თებაიდაჲ. ამათ მიერ აღსავსე არს ასურეთი, და კილიკია, და გალიტიაჲ პონტოჲ,
Line: 32 შუამდინარჱ, და სპარსეთი ყოველი, და სომხითი; ამათ აღუვსიეს პალესტინე,
Line: 33 და არაბიაჲ, ჴჳპრე ასიაჲ და გარემოჲსნი ჭალაკნი და ყოველი ელლადაჲ,
Line: 34 ჰე თჳთ იგი დიდი ჰრომიცა და სპანიაჲ ვიდრე უკუანაჲსკნელთა დასასრულამდე
Page: 178 Line: 1 ქუეყანისათა აღსავსე არს მონასტერთა მიერ და ლავრათა და მას შინა
Line: 2 მოღუაწეთა. და ყოველი ქუეყანაჲ იკურთხევის და წმიდა იქმნების მწყობრითა და
Line: 3 ფსალმუნებითა მათითა.
Line: 4 მერმეცა შემდგომად ბრძენი და ღმრთის-მეტყუელებისა მოსახელე გრიგოლი,
Line: 5 შემამკობელი მათი, იტყჳს ვითარმედ: მგალობელნი და მადიდებელნი, მწურთელნი
Line: 6 სჯულსა უფლისასა ღამე და დღე, პირთა შინა მათთა მქონებელნი ამაღლებასა
Line: 7 ღმრთისასა, მდუმარენი ქადაგნი, გუალვეული და მომყმარი დაბაჲ,
Line: 8 ფერჴნი შიშველნი, შედგომილნი სამოციქულოთანი, არა რაჲს მკუდრისა მომღებელნი,
Line: 9 კუეცაჲ ზომიერი, სამოსელი მტანჯველი ზუაობისა, სარტყლისა შეუმკობელი
Line: 10 შემკობაჲ მცირედ სამოსლისა აღმომზიდველისა და მეტად არღარა აღმომკვრთელისა,
Line: 11 სლვა კეთილად-წესიერი, თუალი არა ცთომილი, ღიმილი წყნარი,
Line: 12 უფროჲსღა დაწყებაჲ ოდენ ღიმილისაჲ მწურთელი უწესოებასა სიცილისასა,
Line: 13 სიტყუაჲ მოძრავი სიტყჳერობით, დუმილი სიტყჳსასა უპატიოსნესი, ქებაჲ შეზავებული
Line: 14 მარილითაჲ არა პირმოთნებითა, არამედ უაღრესისა მიმართ მძღუანველობითა,
Line: 15 მხილებაჲ ქებისა უსასურველესი, საზომი მჭმუნვარებისა და მხიარულებისა
Line: 16 და ორთავე შეზავებაჲ და შერწყუმაჲ, და მერმეცა რომელნი ამათსა
Line: 17 უფროჲს და უმაღლეს არიან, სიგლახაკესა შინა სიმდიდრჱ, მსხემობასა შინა
Line: 18 მკჳდრობაჲ, უპატიოებასა შინა დიდებაჲ, უძლურებასა შინა ძალი, უქორწინებლობასა
Line: 19 შინა შვაკეთილობაჲ, ფრიად უაღრესი ჴორცთაგან მომავალისა საღმრთოდ-შობილთა
Line: 20 მათ, მშობელნი არა შუებითა, მდაბალნი უმაღლესობითა ცათაჲთა,
Line: 21 რომელთა არღარა აქეს სოფლისა და უზეშთაეს არიან სოფლისა, რომელნი
Line: 22 გარეგან ჴორცთა და ჴორცთა შინა არიან, რომელთა ნაწილ უფლისა არს, გლახაკნი
Line: 23 სასუფეველისა-თჳს და მეფე სიგლახაკისა მიერ. ესენი ჩუენ თანა მყოფნი ბრწყინვალე
Line: 24 ყოფენ მე, ჩემნი სიმდიდრენი, ჩემნი საშუებელნი, და წარსრულნი წესიერ
Line: 25 მყოფენ. ვინ უკუე არიანა ესე? სოფლით გამომკუეთელნი თავთა თჳსთანი, და
Line: 26 ღმრთისადა შემწირველნი ცხორებისანი, და შემტკბობელნი უდაბნოჲსანი ცხოველნი
Line: 27 საღმრთოდ უფროჲს ყოველთა ჴორცთა შინა მქონებელთა ქცევისათასა, ვიტყჳ
Line: 28 უკუე, ჩუენთა ამათ ნაზირეველთა, რომელთაგანნი რომელნი ყოვლად-მარტოებითისა
Line: 29 და შეურევნელისა მოღუაწენი ცხორებისანი, მხოლოდ თავთა ოდენ თჳსთა
Line: 30 ეზრახებიან და ღმერთსა; ხოლო რომელნიმე სიყუარულითა ხოლო თავს
Line: 31 იდებენ ურთი-ერთას ზიარებასა მეუდაბნოენი ერთბამად და კრებულისანი და მისნი
Line: 32 ოდენ მხოლოდ მეცნიერნი სოფლად რაოდენსა იცნობენ უდაბნოჲსასა, მკუდარქმნილნი
Line: 33 სხუათა ვიდრე-მე კაცთა-თჳს და საქმეთა, რაოდენი რაჲ შორის
Line: 34 დაიხრწნებიან საცთომელნი და მცთომნი და მბასრობელნი ჩუენნი მალიად მიქცევითა
Line: 35 შეცვალებითა, ურთი-ერთასნი იგი სამკაულნი და თანად შეტყუებითა
Line: 36 კეთილისაჲთა აღმლესველნი სათნოებისანი, და ამათ ვიდრე-მე გრიგოლი.
Page: 179 Line: 1 ხოლო საღმრთოჲ ოქროპირი თარგმანებასა შინა მათჱს სახარებისასა მეგჳპტელთა
Line: 2 მონაზონთა-თჳს იტყჳს: არა ეგოდენ ჰაეროან არსცა თითოფერებითა
Line: 3 ვარსკულავთა მწყობრისათა, ვითარ უდაბნოჲ ეგჳპტისაჲ ყოვლით-კერძო მჩუენებელი
Line: 4 ჩუენი კარვებისა მონაზონთაჲსა, რომელთა ცეცხლსა ქრისტჱსა შეწყნარებითა
Line: 5 მეყსეულად ზეცად მიმართ წარიმართეს, ვითარ სხუათა უმჴურვალესნი
Line: 6 კეთილად-მსახურებისა მიმართ სიბრძნის-მოყუარებისა უვნებელობითა უჴორცოთა
Line: 7 მათ ძალთა მიემსგავსნეს. და ვინცა ვინ მიიწია, უწყის, რომელსა ვიტყჳ; ხოლო,
Line: 8 უკუეთუ ვინმე არა მიწევნილ არს კარვებსა მას წმიდათასა, გულად მოიღონ
Line: 9 ვიდრე აქამომდე პირებითა ყოველთაჲთა მიმოდასათქუმელი იგი, რომელი
Line: 10 შემდგომად მოციქულთასა ეგჳპტემან აღმოაცენა. სანატრელი და დიდი ანტონი,
Line: 11 და თუ ვითართა საღმრთოთა ხედვათა ღირს იქმნა და ცხორებაჲ ღმრთივ-შუენიერი
Line: 12 და ანგელოზებრი წარმოაჩინა. და ესე ასწაოს ვინმე გულს-მოდგინედ
Line: 13 წარკითხვითა მისისა ცხორებისაჲთა, რომელსა შინა მრავალი იხილვების წინაჲსწარმეტყუელებაჲ.
Line: 14 რამეთუ არიოზის სენითა სნეულთა-თჳს წინამოასწავა და
Line: 15 წინაჲსწარ თქუა მისგან ყოფადი იგი სავნებელი, ღმრთისა მიერ ჩუენებითა მისდა
Line: 16 და წინაშე თუალთა მისთა დასახვითა ყოველთა მომავალთაჲთა. და რაოდენსა
Line: 17 რას სხუასა წარმოიტყჳს მუნ საღმრთოთა მათ კაცთა უცხოსა ცხორებისა და ანგელოზებრივისა
Line: 18 მოქალაქობისა-თჳს.
Line: 19 რამეთუ უჴმს ტრფიალთა კეთილად-მსახურებისათა არა ხოლო ღმრთის-მეტყუელებისა
Line: 20 და ბუნებათა-მეტყუელებისა მოსწავლეყოფაჲ, არამედ საქმითისა
Line: 21 სათნოებისა სჯულთა ზედა-მიწევნით შემეცნებაჲ. და რამეთუ მეცნიერებაჲ მოქენე
Line: 22 არს საქმითისა სიბრძნის-მოყუარებისა, ვითარ იგი საქმითი მეცნიერებისა.
Line: 23 ვითარცა უფალი იტყჳს ვითარმედ "რომელმან ყოს და ასწაოს, მას დიდ
Line: 24 ერქუას სასუფეველსა ცათასა". არა თქუა თუ "რომელმან ყოს" ხოლო, არამედ
Line: 25 "ასწაოსცა". რამეთუ, უკუეთუმცა კმა იყო სრულებისა მიმართ მხოლოდ
Line: 26 ქმნა ოდენ თჳნიერ სწავლისა ანუ სწავლა ოდენ თჳნიერ ქმნისა დიდ ყოფისა-თჳს,
Line: 27 არამცა ორნივე შეეოწლნეს და ეთქუა ვითარმედ "რომელმან ყოს და
Line: 28 ასწაოს". რომელი ესე ჯეროვნად წარჰმართა მან და სახის დასაბამ რჩეულ გუექმნა
Line: 29 ჩუენ ამათსა უცთობელობით მოქმედებასა შინა, ვითარ იგი მოწაფემან
Line: 30 და მახარებელმან მისმან მოგჳთხრა მის-თჳს განცხადებულად. რომელ მანცა
Line: 31 უკუე ესრეთ დასახოს და მორთმულ ყოს სული, არა ხოლო საღმრთოთა
Line: 32 სჯულთა მაგალითსა გარდასწერს, არამედ სჯულის-მდებელისაცა ცხოველ და სიტყჳერ
Line: 33 ხატ იქმნების ჭეშმარიტებით ამის-თჳს იტყჳს მოციქული უკუე: "იყვენითო
Line: 34 მსგავს ღმრთისა". ხოლო უფალი: "იყვენით მსგავს მამისა თქუენისა ზეცათაჲსა",
Line: 35 და "უკუეთუ არა ემატოს სიმართლე თქუენი უფროჲს მწიგნობართა და
Line: 36 ფარისეველთა, ვერ შეხჳდეთ სასუფეველსა ცათასა". ჯეროვნად სადმე პლატონცა
Page: 180 Line: 1 იჭჳთ საპოვნელებასა სრულებისასა წარმომაჩინებელი იტყოდა: "არა მგონეს მე
Line: 2 შემძლებელობაჲ კაცთა დღეკეთილ და ნეტარქმნისა თჳნიერ ხოლო მცირედთასა"
Line: 3 და "რამეთუ ლიტონნი ვიდრე-მე მრავალ, ხოლო სიბრძნის-მოყუარენი იჭჳთნი
Line: 4 და მცირედნი". და "რამეთუ კეთილსარწმუნოებაჲ და საქმე აღსრულებულისად უფროჲს
Line: 5 ყოველთა ბედთაჲსა". და კუალად სოკრატ, მოძღუარი მისი, ესრეთ იტყჳს
Line: 6 მისა მიმართ: "ვინაჲ უკუე მრავალთა სათნოყოფილისა გჳღირს ჩუენ რწმუნებაჲ
Line: 7 და შეშინებაჲ მისგან, ანუ ერთისგან, რომელ არს სამარადისო, მართალსაცა და
Line: 8 უსამართლოსა, რომელ არს ჭეშმარიტებაჲ". ვინაჲცა ფრიად რაჲმე ჰგვანან ესენი
Line: 9 ჩუენთა სამოციქულოთა და უფროჲსად სამღდელოთა სიტყუათა, რომელთა შორის
Line: 10 ხმობს ქრისტეშემოსილი ვითარმედ "საჭურველთა-თჳს სიმართლისათა მარჯუენეთა
Line: 11 და მარცხენეთა, დიდების-თჳს და უპატიოებისა, შეურაცხების-თჳს და
Line: 12 ქებისა, ვითარცა მაცთურნი და ჭეშმარიტნი, ვითარცა მოსიკუდიდნი და ესერი
Line: 13 ცხოველ ვართ, ვითარცა შეწუხებულნი და მარადის მოხარულნი, ვითარცა გლახაკნი
Line: 14 და მრავალთა განმამდიდრებელნი, ვითარცა არას მქონებელნი და ყოველთა
Line: 15 მქონებელნი".
Line: 16 აწ უკუე ესე ვითარი მოძღურებაჲ ყვეს სიმართლისა და ღმრთის-სათნოჲსა
Line: 17 მოქალაქობისა-თჳს ყოვლადმან სოკრატ და პლატონ, ნამდჳლვე საკჳრველი და
Line: 18 ღირსი ქებისა და შემსგავსებული სიტყჳერისა კაცთა ბუნებისა რამეთუ ჩუეულებათ-მწურთელობითნი
Line: 19 სწავლანი ბუნებამან ასწავლნა ყოველთა კაცთა. რამეთუ
Line: 20 დაჰბადა რაჲ ღმერთმან ნათესავი კაცთა, და დადვა ბუნებასა შინა კეთილთა და
Line: 21 წინააღმდგომთა განრჩევა, მან რომელი იგი სწავლის წარმართთა ასწავებს კაცთა
Line: 22 მეცნიერებასა. რომლისა-თჳსცა არა ხოლო სოკრატ და პლატონ და სხუათა
Line: 23 ვიეთმე წარმართთაგანთა მოიძულეს უსამართლო ცხოვრებაჲ, არამედ მრავალთა
Line: 24 ბარბაროზთაცა და რამეთუ ზეშთა-ჩრდილოელთა-თჳს სამკჳდრებელთაცა რათმე
Line: 25 უცხოთა იტყჳან და, ვითარმედ სიმართლისა მოღუაწე არიან, და მწუერვალებისა
Line: 26 ხოლო ხეთაჲსა და წყლისა მჴუმეველნი საზრდელად ჴორცისა ჭამისგან
Line: 27 განყენებულ არიან. და ვრახმანნი ფურცლითა დაიბურვენ გუამთა და უაღრეს ბუნებისა
Line: 28 იღწჳან. ხოლო ანასტასის სკჳთსი სიბრძნის-მოყუარებისა წარმმართებელად
Line: 29 იტყჳან და ვითარმედ ესე ოდენ განჴურვა იგი ტრფიალებამან სიბრძნის-მოყუარებისამან,
Line: 30 ვიდრემდის სახელოვან იქმნა იგი ფრიადისა მის მოღუაწებისა
Line: 31 და სიწმიდისა-თჳს. რამეთუ არა მღჳძარე ხოლო თავი და ვნებათა მიმართ
Line: 32 სულისათა დუმილითა და დაყუდებითა, არამედ მძინარესაცა მოაქუნდეს
Line: 33 ნიშნი კრძალულებისა და სიწმიდისანი. რამეთუ მარცხენითა ვიდრე-მე ჴელითა
Line: 34 საშვილენი ასონი, ხოლო მარჯუენითა ბაგენი ეპყრნიან, რომლითა წარმოაჩენდა,
Line: 35 ვითარმედ ფრიად უფროჲს არს ღუაწლი ენისა და უმეტესისა შეწევნისა მოქენე
Line: 36 არს შეკრძალვისა-თჳს.
Page: 181 Line: 1 და კუალად ქირონიონს ვისმე კენტავროსსა მოიჴსენებენ ჰელენნი და მოძღუარად
Line: 2 სიმართლისა და უბიწოებისა გამოჩინებულობასა მისსა იტყჳან, ვითარ იგი
Line: 3 წამებს ომიროს მართლად შესწავებლობასა ამის კენტავროსისა სიმრავლითა
Line: 4 მოთმინებისა და კრძალულებისა და ჴორცთა აღკრძალვისა და შესატყჳსისა მოღუაწებისათა
Line: 5 ხოლო კუალად პლატონ განცხადებელად ესრეთ მასწავლელი იტყჳს
Line: 6 "სათანადო არს ღწუაჲ ჴორცთა კეთილად მორთულყოფისა-თჳს სულისა, რომელსა
Line: 7 შინა არს ცხორებაჲ და მართლად ცხორებითა ქადაგებასა ჭეშმარიტებისასა მითხრობაჲ".
Line: 8 რომელი ესე საღმრთომანცა თქუა პავლე ვითარმედ "აღვიკრძალავ ჴორცთა
Line: 9 ჩემთა". ესე იგი არს ვითარმედ მოღუაწებისა და სიმტკიცით დგომისა მიმართ
Line: 10 ჴელოვნებით და გულის-ხმის-ყოფით წინა განვამზადებ უაღრესისა მოქმედებისა არა
Line: 11 თუ შეგინებულისა ბილწებათა მიმართ მართებით წინაგანგებულ ვყოფ მათ". ვითარ
Line: 12 იგი სწავლითა შინა სიტყუათა თჳსთა იტყჳს ესრეთ: "შეიმოსეთ უფალი იესუ
Line: 13 და ჴორცთა წინაგანგებასა ნუ ჰყოფთ გულის-სათქუმელ". არა თუ ზომიერი და
Line: 14 სათანადო ღწუაჲ ჴორცთა დააყენა, არამედ ბილწებისა დედაჲ ნაყროვნებაჲ რამეთუ
Line: 15 ზედა-დაჰრთო, ვითარმედ გულის-თქუმათად. ვინაჲთგან არა ეგოდენისა
Line: 16 ქცევისაჲ წარგება ჯერ არს მათ ზედა, ვიდრემდის ზედა-აღუდგენ სულსა, არამედ
Line: 17 რათა თანა-შემწედ და მსახურ ექმნენ მას წარჩინებულთა შინა ჴელოვნებათა.
Line: 18 ერთხმა არს უკუე ამათ თანა პლატონცა საჭიროდ სათანადოჲსა საჴმრისა
Line: 19 მინიჭებასა ჴორცთასა ფრიად ჯეროვნად განმაჩინებელი ჩუენი, რომელმან იგი
Line: 20 კუალად წარმოაჩინაცა და განაცხადა, თუ ვითარ დაიწყების და აღორძინდების
Line: 21 ბილწისა გულის-თქუმისა და უსახურისა ჩუეულებისა ვნებაჲ მეტყუელმან ესრეთ
Line: 22 ვითარმედ "დაიწყების პირველად ტრფიალებისა მიხედვაჲ, და აღაორძინებს სასოებაჲ
Line: 23 ვნებისაჲ, ზრდის ჴსენებაჲ, ხოლო სცავს ჩეეულებაჲ" რომლისა-თჳს და
Line: 24 სოკრატცა მიხედვისა და ამბორის-ყოფისა ქმნულკეთილთა პირთასა ვითარცა გესლიანთა
Line: 25 ღრიანკალთა და გუელთაგან ლტოლვასა ასწავებდა და განასაზღვრებდა.
Line: 26 ხოლო ალექსანდრჱს-თჳს, თჴ ვითარ არცა თუ ხილვაჲ თავს იდვა დარიოსის
Line: 27 ასულთა, ზემო ჴსენებულ არს. და კუალად მეფემან სპარსთამან კჳროს მისდად
Line: 28 გაჩნინებულისა ვისმე ქალისა შუენიერისა და სწორუპოვარისა სიკეთესა ქონებად
Line: 29 წამებულისა არცა ხილვაჲ მიითუალა, არამედ ზედაჲს-ზედა მხილველსაცა მისსა
Line: 30 და არა რაჲს ვნებისა შემთხუევად აღმსაარებელსა ჰრქუა ვითარმედ "ნუცა იტყჳ
Line: 31 მაგას და ნუცა იქმ". რამეთუ ცეცხლი ვიდრე-მე მახლობელთა ხოლო თჳსთა შესწუავს,
Line: 32 ხოლო ქმნილი კეთილი შესახედავ შორს მდგომარეთაცა. ვინაჲთგან მიხედვისაან
Line: 33 ტრფიალებაჲ იშვების, და ტრფიალებისგან ვნებული თანა-სათნოყოფაჲ
Line: 34 იქმნების, და თანა-სათნოყოფისგან საქმე სრულ იქმნების. ამის-თჳს ქრისტეცა
Line: 35 უძღებებით მსერებელსა სახედველთასა მემრუშედ ხდიდა არა საქმით ქმნისა
Line: 36 ხოლო, არამედ მოგონებისაცა წინაგანმაკრძალებელი. რომლისა შემსგავსებულად
Page: 182 Line: 1 ამბაკუმცა სადამე იტყოდა ესრეთ: "წმიდა ყავ თუალი შენი არა ხილვად
Line: 2 ბოროტთა" და შემდგომსა.
Line: 3 ხოლო მერმეცა ფილოსოფოსი სოკრატ ყოვლით-ურთ დაცვასა და განკრძალულყოფასა
Line: 4 უსახურისა აღძრვისასა ასწავებდა და იტყოდა ვითარმედ "არა
Line: 5 მშიერნი ფრიად ნუ ჭამენ და არა წყურიელნი გარდარეულად ნუ სუმენ". და კუალად
Line: 6 უფალი ჰნატრის ესე ვითართა, იტყოდის რაჲ: "ნეტარ იყვენით გლახაკნი,
Line: 7 რამეთუ თქუენი არს სასუფეველი ცათაჲ; ნეტარ ხართ მშიერნი და წყურიელნი
Line: 8 აწ, რამეთუ განძღეთ; და ნეტარ ხართ მტირალნი აწ, რამეთუ იცინოდით". აწ
Line: 9 ეკუე სადა არიან რომელნი შუებულსა და ფუფუნელსა და უპირველსა ცხორებასა
Line: 10 მისდევეს და ვითარცა ჴელმწიფებასა შინა თჳსსა მქონებელნი სოფლისანი წარჴსნილად
Line: 11 და გემოვნებით და სიცილით და ეწესოდ მზრახველობით და დაჴსნილობით
Line: 12 და ღმრთისა უშიშოებით სიმაძღრედ იჴუმევენ ყოველთავე. და შუებისა
Line: 13 ჟამ არს მათდა ყოველი ჟამი, რამეთუ წადილსა განასაზღვრებენ ჟამად და, დაღაცათუ
Line: 14 ცისკარს მოუჴდეს წადილი, მეყსეულად დაიგებენ ტაბლასა. რამეთუ არა
Line: 15 განაჩინებენ ამათსა ვიდრე ჭამასა, ხოლო იმათგან ჯმნასა, არამედ უკრძალველობით
Line: 16 იჴუმევენ დამთხუეულთა ყოველთა ვითარცა ტაბლის მსახურნი და მუცლის
Line: 17 მონანი. რომელთა ტაბლასა სამართლად ვინმე სახელ სდვა საკუთრებით საჯდომელად
Line: 18 უსჯულოთად და ბაგად პირუტყულად. რამეთუ არა თუმცა ფრიადისა პირუტყუებისა
Line: 19 და ულმობელობისა მიერ სიტყჳერობისგან ჴუებულქმნილ იყვნეს დავიწყებითა
Line: 20 მისითა, რომელი გამომკულეველი არს ყოველთავე საქმეთა ჩუენთა
Line: 21 და ვიდრე უნდოჲსა რაჲსმე სიტყჳსა და მოგონებისამდეცა პატიჟის მიმჴდელი,
Line: 22 არამცა ცუდთა შინა მოზრახვათა და ამაოთა სიცილთა და განცხრომათა და განკითხვათა
Line: 23 და იჭობათა მოყუსისათა მიიხუმიდეს ღმრთივ-მოცემულთა კეთილთა
Line: 24 არა მოჴსენებითა მეტყუელისა ქრისტჱსითა ვითარმედ "სიტყჳსა-თჳსცა ცუდისა
Line: 25 სიტყუაჲ მივსცეთ დღესა სასჯელისასა და ფრიად სიტყუათა ჩუენთა-თჳს უსახურთა
Line: 26 დავისაჯენით", და "პირისა შენისაგან გსაჯო, მონაო ბოროტო".
Line: 27 არამედ ამაო იქმნესცა ფრიად წინაუკმო უგულის-ხმოთა ერის-კაცთაგანნი
Line: 28 ვიეთნიმე, რომელნი საქცეველად მსმენელთა და მრწმუნებელთა იტყჳან ესრეთ,
Line: 29 ვითარმედ მხოლოდ მონაზონთადა ოდენ მიცემულ არს უმძიმესი და უაჭირველესი
Line: 30 უღელი, ხოლო ერის-კაცთადა უსუბუქესი და უადვილესი რამეთუ უხმდა
Line: 31 შეგონებად უგუნურთა, ვითარმედ ძუელიცა სჯული სწორებით სჯულდებულ იქმნა
Line: 32 ყოველთა ჰურიათა დიდთა და მცირეთა-თჳს, და გარდასლვაჲ მისი ყოვლად
Line: 33 ზღვეოან და მოსასრველ იყო, რომლისა-თჳსცა იტყჳს დავით: "წყეულ არიან
Line: 34 რომელთა გარდააქციეს მცნებათაგან შენთა, უფალო", და მადლისა ესე ეგრეთვე
Line: 35 სწორებით მოეცა მთავართა და მსოფლელთა, მდიდართა და გლახაკთა და მარტივად
Line: 36 ყოველთა მონაზონთა და ერის-კაცთა.
Page: 183
Line: 1 და რამეთუ იტყოდის რაჲ ესრეთ უფალი და ღმერთი ჩუენი ვითარმედ
Line: 2 "ნეტარ ხართ გლახაკნი სულითა, რამეთუ თქუენი არს სასუფეველი ცათაჲ; და
Line: 3 ნეტარ ხართ მშიერნი, რამეთუ განსძღეთ; და მტირალნი, რამეთუ იცინოდით".
Line: 4 და "ვაჲ თქუენდა, მდიდარნო, რამეთუ მიგიღებიეს ნუგეშინის-ცემაჲ თქუენი; და
Line: 5 ვაჲ, განმძღარნო, რამეთუ გშიოდის". და "უკუეთუ ვინმე მოვალს ჩემდა და არა
Line: 6 მოიძულოს მამაჲ თჳსი, და დედაჲ, და ცოლი, და შვილნი, და ძმანი, მერმე
Line: 7 სულიცა თჳსი, არა არს ჩემდა ღირს". და "ყოველმან რომელმან არა იჯმნას მონაგებთაგან
Line: 8 თჳსთა, ვერ ძალ უც მოწაფეყოფად ჩემდა". და "ისწრაფეთ შესლვად
Line: 9 იწროჲსა მისგან ბჭისა, რამეთუ ფართო არს ბჭე და ვრცელ გზა, მიმყვანებელი
Line: 10 წარსაწყმედელად, და მრავალნი არიან მავალნი მას ზედა, და იწრო გზა მიმყვანებელი
Line: 11 ცხორებად. და მცირედნი არიან მპოვნელნი მისნი". ვინაჲ ესე და მსგავსნი
Line: 12 ამათნი ყოველნი არა მონაზონთა მიმართ ითქუნეს, არამედ ერის-კაცთა მიმართ
Line: 13 და მსოფლელთა და ნივთიერისა და ქუეყნიერისა ცხორებისა შედგომილთა; ხოლო
Line: 14 უკუეთუ მხოლოდ მონაზონთა მიმართ ოდენ თქუმულ არიან, უსაწყალობელეს
Line: 15 სადმე ყოველთასა არიან ერის-კაცნი ვითარცა ესე ვითართა ნეტარებათა და
Line: 16 საღმრთოთა მცნებათაგან გავლებულნი. ხოლო უკუეთუ საზოგადო არს სჯული
Line: 17 და უღელი, კეთილად ცხად არს, ვითარმედ საზოგადო იყოს ნეტარებაცა და
Line: 18 ვაებაცა, დაღათუ წარმკითხველნი მათნი რაჲთ-ურთით ვერა_რას გულის-ხმა ყოფენ,
Line: 19 თუ არა არამცა უემიზეზოთა და ღმრთის-მოყუარეთა მონაზონთა დასჯიდეს
Line: 20 და განიკითხვიდეს წარსაწყმედელად უბადრუკისა სულისა და უწესოჲსა ენისა და
Line: 21 უცნობელისა ცნობისა მათისა.
Line: 23 ხოლო შემდგომად კლავდიისა მეფე იქმნა ძე მისი ნერონ ათორმეტ წელ.
Line: 24 რომლისა-ზე მოვიდა სიმონ მოგჳ ჰრომს და მრავალნი სასწაულნი ქმნნა მოგობითა
Line: 25 რაჲთმე და გრძნებითა და ღმრთად უწოდდა თავსა თჳსსა. ოდეს იგი მოციქულიცა
Line: 26 პეტრჱ მიიწია მაშინ ჰრომედ და, ვინაჲ ინება მისლვაჲ მოგჳსა მის
Line: 27 მიმართ, პოვა ძაღლი ყოვლად-დიდი, დაბმული ჯაჭჳთა ბჭეთა თანა, რომელი
Line: 28 დაება სიმონს, რათა აყენებდეს ყოველთა, რომელთაცა არა ენებოს მას მისსა
Line: 29 მიმართ შესლვაჲ. და ესე იყო პირველი საკჳრველებაჲ, რომელი განკრთობდა
Line: 30 შემავალთა მისა მიმართ. ხოლო პეტრე, იხილა რაჲ ძაღლისა მის ეგოდენი სიდიდე
Line: 31 და ველურებაჲ სახისაჲ და გულის-ხმა ყო, ვითათმედ მრავალნი მოუწყუედიან
Line: 32 ჴელმყოფელნი მუნ შესლვისანი, უწინარეს ბრძანებისა სიმონისა განჴსნა
Line: 33 იგი და ჰრქუა; "შევედ სიმონისა და არქუ მას კაცობრივითა ხმითა: პეტრეს,
Line: 34 მონასა ქრისტჱსსა, შენდა მომართ შემოსლვაჲ ჰნებავს". და ვითარ მყის სრბით
Line: 35 შევიდა ძაღლი იგი და თქუა ესრეთ, განცჳფრდეს სიმონისთანანი და იტყოდეს:
Page: 184 Line: 1 "ვინ არს პტრე და ვინა მისდა ესოდენი ძალი?" რომელთა მიმართ თქუა სიმონ:
Line: 2 "ესე ნუ უცხო გიჩნს თქუენ, რომელი მეცა ვყო აწ". და მიუწოდა ძაღლსა
Line: 3 მას და ეგრეთვე უბრძანა, რათა ჰრქუას კაცობრივითა ხმითა პეტრეს შესლვაჲ,
Line: 4 და, ვითარცა კუალად ქმნა ესე ძაღლმან. შევიდა პეტრჱ სიმონის მიმართ
Line: 5 და, ინება რაჲ სიმონ სწორყოფაჲ მისი საკჳრველთ-მოქმედებითა, სძლო პეტრე
Line: 6 კურნებათა აღსრულებითა, და მრავალთა ჰრწმენა და ნათელ იღეს. და იყო ჰრომეს
Line: 7 შინა შფოთი და შერევნა მრავალი პეტრჱს და სიმონის გზითა, რამეთუ
Line: 8 ურთი-ერთას წინააღმდგომობით ჰყოფდეს საკჳრველებათა. რომელი ესე ისწავა
Line: 9 რაჲ ეპარხოზმან აღრიპპა, მიუთხრა მეფესა ნერონს და ჰრქუა: "ორნი ვინმე
Line: 10 კაცნი წინააღმდგომად ერთმან-ერთისა საკჳრველმოქმედებენ ქალაქსა შინა, და ერთი
Line: 11 უკუე ქრისტედ იტყჳს თავსა თჳსსა, ხოლო მეორე ჯუარცუმულსა იესუს იტყჳს
Line: 12 ქრისტედ, რომლისა მოწაფედ აღიარებს თავსა თჳსსა". რომელთა ბრძანა
Line: 13 ნერონ მიყვანებაჲ წინაშე მისსა და ჰრქუა სიმონს: "შენ ხარა, რომელსა იტყჳან
Line: 14 ქრისტეს?" ხოლო მან თქუა. "მე ვარ". ეგრეთვე პეტრეს ჰკითხა, უკუეთუ
Line: 15 ნამდჳლვე ესე არს ქრისტე. "არა არს, ნუ იყოფინ", მიუგო პეტრე, "რამეთუ
Line: 16 მე მისი მოწაფე ვარ, ჯუარცუმულისა მის და აღდგომილისა და ზეცად აღმაღლებულისაჲ".
Line: 17 მაშინ ნერონ ვითარცა სიტყუამენიშნენი, მყის უპატიოდ განასხნაა
Line: 18 იგინი პირისაგან თჳსისა რომელნიცა ვიდოდეს ჰრომეს შინა და ჰყოფდეს ურთი-ერთას
Line: 19 წინააღმდგომთა საკჳრველებათა.
Line: 20 ერთსა უკუე დღეთაგანსა ბრძანა სიმონ, და მოჰგვარეს მას კუროჲ ყოვლად-დიდი,
Line: 21 რომლისა ყურთა შთასჩურჩნა რაჲ.მე, და მეყსეულად მოკუდა კურო.
Line: 22 ხოლო პეტრე ლოცვითა აღადგინა იგი. რომელი ესე იხილეს რაჲ ერთა, განკჳრდეს
Line: 23 და თქუეს: "უეჭუელად ცხოველყოფაჲ უდიდესი სასწაული არს უფროჲს
Line: 24 მოკუდინებისასა". ესრეთ უკუე და სხუანიცა სასწაულნი ქმნნეს წინაშე ერთმან-ერთისა
Line: 25 და განსჯულებითნი სიტყუანი ურთი-ერთას მჴდომობითნი თქუნეს არცა
Line: 26 ხოლო ჰრომეს შინა, არამედ ასურეთსაცა პირველად, რომელთაცა ჰრომაელი
Line: 27 კლიმი, ყოვლად ბრძენი მოწაფე პეტრჱსი და თანა-მავალი ჭეშმარიტების მოყუარებით
Line: 28 აღმწერელი, ესრეთ იტყჳს:
Line: 29 ნეტარი პეტრე მოციქული ასწავებდა რაჲ ერსა ერთისა და მხოლოჲსა
Line: 30 ყოველთა ზედაჲსა ღმრთისა ჭეშმარიტისა ღმრთის-მსახურებასა და თაყუანის-ცემასა,
Line: 31 გარეგან ერისა მდგომარემან სიმონ ღაღად ყო: "რომლისა ტყუილით-ცთუნებაჲ
Line: 32 გნებავს გარემოდგომილისა შენდა უსწავლელისა მაგის ერისაჲ რწმუნებითა
Line: 33 მათდა, ვითარმედ არცა არიან არცა საგონებელ ვინმე არიან ღმრთად, დაღათუ
Line: 34 ებრაელთაცა წიგნნი იტყჳან მრავალთა ღმერთთა ყოფასა, არამედ, რომლისა-თჳს
Line: 35 იგი შენ სთქუ ღმრთისა, მე გიჩუენო რაჲ მის-თჳს, ვითარმედ არა იგი არს
Line: 36 ყოველთა ზედა და ყოვლად-ძლიერი ღმერთი, ვინაჲთგან უმეცარ ყოფადთა და
Page: 185 Line: 1 უსრულ და მოქენე და არა სახიერ და მრავალთა ვნებათა მორჩილ არს იგი წერილისა-ებრ
Line: 2 თქუენისა, უეჭუელად სხუაჲ დაუშთეს წინამცნობელობაჲ, სისრულე,
Line: 3 უმოქენეობაჲ, სახიერებაჲ და ყოველთა ვნებათა განთავის-უფლებაჲ, ხოლო რომელი
Line: 4 იგი შენ სთქუ დამბადებელად და ზეშთა-ღმრთად, წინაუკმო არს იგი წინა-აღმდგომთა.
Line: 5 რამეთუ მუნქუესვე მსგავსებად მისსა დაბადებული ადამ ბრმად შეიქმნების
Line: 6 და მეცნიერებასა კეთილისა ანუ ბოროტისასა არ მქონებელი მცნებისა
Line: 7 გარდამავალად იპოების და სამოთხით განიჴადების და სიკუდილითა დაისჯების.
Line: 8 ეგრეთვე უკუე და შემოქმედიცა მისი, ვინაჲთგან არა ყოველთაგან ყოველთა
Line: 9 ჰხედავს, დაქცევასა მას სოდომთასა იტყჳს "გარდასლვით ვიხილოთ, [უკუეთუ]
Line: 10 ღაღადებისა-ებრ მათისა მომავალისა ჩემდა მომართ სრულ იქმნებიან. ხოლო უკუეთუ
Line: 11 არა, რათა ვცნა". უმეცრად აჩუენებს თავსა თჳსსა. და კუალად თქუმაჲ
Line: 12 ადამის-თჳს ვითარმედ "განვჴადოთ იგი, ნუ სადა განირთხას ჴელი თჳსი და შეეხოს
Line: 13 ხესა ცხორებისასა და ჭამოს და ცხონდეს უკუნისამდე" უმეცრებისა და შურისა
Line: 14 არს სასწაული, ვითარ იგი თქუმაჲ ამისი ვითარმედ "შეინანა ღმერთმან,
Line: 15 რამეთუ შექმნა კაცი" შენანებისა და ყოფად უმეცრებისა ნიჭი არს და ვითარმედ
Line: 16 "იყნოსა უფალმას სული სურნელებისაჲ" მოქენეობით არს გამომაჩიმებელ, ხოლო
Line: 17 გამოცდაჲ აბრაჰამისა და სხუათაჲ არა სახიერებისა არს საცნაურებაჲ, არამედ
Line: 18 ბოლოსა მოთმინებისასა არ მეცნიერისა ვისსამე.
Line: 19 ხოლო პეტრე თქუა სიმონის მიმართ: "უკუეთუ ბრმა დაიბადა ადამ, ვითარ
Line: 20 ეგე შენ იტყჳ, ვითარ, ამცნებდა რაჲ ღმერთი, უჩუენებდა და ეტყოდა
Line: 21 მას: "ხოლო ხისაგან ცნობადისა, კეთილისა და ბოროტისა, არა სჭამოთ?" და სიმონ
Line: 22 თქუა: "გონებაჲ მისი იყო ბრმა". და პეტრე: "ვითარ ბრმა იყო გონებითა,
Line: 23 რომელმან პირველ ხისა მის გემოჲს-ხილვისა შემსგავსებული თჳსი სახელი
Line: 24 დასდვა თჳთოეულსა? ხოლო ვითარმედ აღხილულად აქუნდეს სულისაცა და ჴორცთა
Line: 25 თუალნი და თუალიერ იყვნეს ორნივე ადამ და ევა, ცხად არს ამიერ: "რამეთუ,
Line: 26 იტყჳს, იხილა დედაკაცმან, რამეთუ კეთილ არს ჭამად ხე და სათნოდ
Line: 27 თუალთად ხილვა და შუენიერ განცდა, და მიმღებელმან ნაყოფისა მისისამან ჭამა
Line: 28 და სცა ქმარსა თჳსსა". აწ უკუე, უკუეთუ სიკეთესა ხისა და ნაყოფისასა მხილველთა
Line: 29 ჭამეს, ცხად არს ვითარმედ უწინარეს ჭამისაცა მისისა მეცნიერებაჲ აქუნდა
Line: 30 კეთილისა და ბოროტისა, ხოლო ხედვაჲ ფრიად სიმახჳლით განცდისა ყოველთასა
Line: 31 შემძლებელი. ვინაჲ არა ვითარცა შემდგომად ჭამისა და გარდასლვისა
Line: 32 აღმხილველთა-თჳს თუალთასა თქუმულ არს ვითარმედ "განეხუნეს თუალნი მათნი".
Line: 33 რამეთუ გულის-სიტყჳსაგან მიუგიეს თუალთა განმცდელობითი ძალი მათი,
Line: 34 რომელთა მიმართ ჰხედვიდეს, ამით რამეთუ თჳთ თავით თჳსით არა აქუს მას
Line: 35 გულის-ხმის-ყოფაჲ, რომლისა-თჳსცა მრავალ-გზის, რაჟამს სხჳსა რაჲსადამე
Line: 36 შექცეულ იყოს გონებაჲ, მსგავსად ბრმათასა თანა-წარჰჴდებით ყოვლად-მეცნიერსაცა
Page: 186 Line: 1 ვისმე, და, რაჟამს გუეკითხოს, ბრალობით შექცეულობასა გულის-სიტყჳსასა
Line: 2 წინა დავსდებთ მიზეზად თანა-წარჴდომისა მის. ეგრეთვე ადამცა და ევა
Line: 3 გრძნობითა გონებისაჲთა ხილვისა მიმართ აღიდგინეს. და რამეთუ ესე თუ "აღეხუნეს
Line: 4 თუალნი მათნი, და ცნეს, ვითარმედ შიშველ იყვნეს" გულის-სიტყჳსა შორის
Line: 5 ქმნილსა რასმე გამოცხადებასა ცხად ჰყოფს და არა აღხილვასა თუალთასა,
Line: 6 რომლისა-თჳსცა შემდგომად ცოდვისა გრძნობასა ცოდვისასა ესრეთ სახელ სდვა
Line: 7 წერილმან. რამეთუ მყის შემდგომად დაცემისა მის წერტად იწყო სჳნიდისმან.
Line: 8 და სიმონ თქუა: "უკუეთუ წინამცნობელობაჲ აქუნდა ადამს, რად არა ცნა
Line: 9 წინაჲსწარ მაცთურებაჲ გუელისა და დედაკაცისა?" და პეტრე: "უკუეთუ წინამცნობელობაჲ
Line: 10 არა აქუნდა, ვითარ შვილთა თჳსთა შემსგავსებულნი მათ მიერ
Line: 11 ყოფადთა საქმეთანი უწოდნა სახელნი მყის შობასვე მათსა?" რამეთუ პირმშოსა
Line: 12 თჳსსა კაენ სახელ სდვა, რომელი შურად გამოითარგმანების, რომელმან იგი შურობით
Line: 13 მოკლა ძმა თჳსი აბელ, რომელი გლოვად გამოითარგმნების: რამეთუ
Line: 14 პირველად სიკუდილსა მისსა ზედა იგლოეს მშობელთა მისთა. და უკუეთუ ადამს
Line: 15 ქმნილსა დაბადებულსა ღმრთისასა წინამცნობელობაჲ აქუნდა, ფრიად უფროჲსღა
Line: 16 დამბადებელსა მისსა ღმერთსა. ხოლო ვითარმედ ნამდჳლვე წინამცნობელ არს ღმერთი,
Line: 17 იტყჳს აბრაჰამის მიმართ: "მეცნიერებით უწყოდე, ვითარმედ მსხემ იყოს
Line: 18 თესლი შენი ქუეყანასა უცხოსა, და ჰმონებდენ მათ ოთხას წელ; ხოლო ნათესავი,
Line: 19 რომელსა ჰმონებდენ, ვსაჯო მე იგი. და ამისსა შემდგომად გამოვიდენ
Line: 20 აქა განმზადებელობითა მრავლითა. ხოლო შენ წარხჳდე მამათა შენთა მშჳდობითა
Line: 21 განზრდილი სიბერითა კეთილითა, და მეოთხე ნათესავი მოიქცეს აქა. რამეთუ
Line: 22 არღა აღსრულებულ არიან ცოდვანი აღმორეველთანი ვიდრე აწამომდე". ანუ
Line: 23 რაჲ არა მოსე და სხუანი წინაჲსწარმეტყუელნი ცოდვათა ასრაჱლისათა და ქრისტჱს
Line: 24 მიმართ სარწმუნოებასა მათსა წარმართთა მიმართ განთესვასა მისსა წინაჲსწარ
Line: 25 მოასწავებდესა? ხოლო უკუეთუ მოსე და სხუანი წინაჲსწარმეტყუელნი საღმრთოჲსა
Line: 26 მადლისა მიერ წინაჲსწარ სცნობდეს ყოფადთა, ვითარ თჳთ მან მათ შორის
Line: 27 მეტყუელმან ღმერთმან არა უწყნის მომავალნი?". ვინაჲცა განგებულებით თქუმულ
Line: 28 სადმე არს: "იგი თუ შევინანე", და ვითარმედ "გარდასლვით ვიხილო", და "გამოცდაჲცა
Line: 29 იგი აბაჰამისი", და "ყნოსაჲ", და სხუანი ეგე ვითარნი, რაოდენი რაჲ
Line: 30 თანა-შთამომავლობით ითქუმიან უძლურებისა-თჳს ჩუენისა. აწ უკუე, რამეთუ არა
Line: 31 წადიერ არს იგი მსხუერპლთა, წინაჲსწარმეტყუელისა დავითის მიერ ცხად ყოფს,
Line: 32 იტყოდის რაჲ: "ნუ ვჭამოა ჴორცი ზვარაკთა? ანუ სისხლი ვაცთა ვსუაა?" რომლისა-თჳსცა
Line: 33 უწინარეს ყოველთა საუკუნეთა მისგან შობილი და უკუანაჲსკნელთა
Line: 34 დღეთა ჩუენისა ცხორებისა-თჳს ქალწულისგან განჴორციელებული ამათ და ესე
Line: 35 ვითართა ვითარცა მთარგმნელი უმეცართა, ვითარმედ წინაჲსწარ უწყნის ღმერთმან
Line: 36 მამამან ყოველნი, ესრეთ იტყოდა ვითარმედ "უწყის მამამან თქუენმან ზეცათამან,
Page: 187 Line: 1 რაჲ გიხმს თქუენ ამათ ყოველთაგან პირველ თხოვადმდე მისსა". და
Line: 2 კუალად მათ, რომელნი ჰგონებდენ არა ყოველთა მხედველობასა მისსა, ეტყოდა
Line: 3 ვითარმედ "ლოცევდით ფარულად, და მამამან თქუენმან, რომელი ჰხედავს დაფარულთა,
Line: 4 მოგაგოს თქუენ ცხადად". ხოლო მეოცნეთა არა სხუაყოფისა მისისათა
Line: 5 შეკდებულ ჰყოფდა თქუმითა: "აწ უკუე უკუეთუ თქუენ უკეთურთა იცით მისაცემელთა
Line: 6 კეთილთა მიცემაჲ შვილთა თქუენთაჲ, რაოდენ უფროჲს მამამან თქუენ[მან]
Line: 7 ზეცათამან მისცნეს კეთილნი მთხოველთა თჳსთა." და რომელნი ჰგონებდენ მას,
Line: 8 ვითარმედ სწადის მსხუერპლთა-თჳს, გულსავსე ყვნა ვითარმედ "ღმერთსა წყალობაჲ
Line: 9 ჰნებავს და არა მსხუერპლნი". და უწყალოებისა და ულმობელობისა მის-თჳს
Line: 10 იჭუნეულთა მიმართ იტყოდა: "იქმნენით ტკბილ, ვითარცა მამაჲ თქუენი ზეცათაჲ".
Line: 11 ხოლო მრავალთა ღმერთთა ყოფისა მეოცნეთა-თჳს ხმობდა: "რათა გიცოდიან
Line: 12 შენ ჭეშმარიტი ღმერთი და რომელი მოავლინე იესუ ქრისტჱ" და "აღგიარებ
Line: 13 შენ, მამაო, უფალო ცისა და ქუეყანისაო". და მკითხველსსა თჳსსა მწიგნობარსა,
Line: 14 თუ რომელი არს მცნებაჲ პირველი, მიუგო: პირველი ყოველთა მცნებაჲ
Line: 15 არს: "ისმინე, ისრაჱლ, უფალი ღმერთი შენი უფალი ერთ არს".
Line: 16 ხოლო სიმონ აგრძნა რაჲ, ვითარმედ უცთომელობით შემოჰკრებს პეტრე
Line: 17 ღმრთისა-თჳს მიმოთესლსა სიტყუასა წერილთა შინა, არა ინება ქმნა გამოცდილებითისა
Line: 18 ძიებისა; ამის-თჳს წარვიდა ფრიად სირცხჳლეულქმნილი და ძლეული.
Line: 19 რამეთუ იყოცა უკეთური იგი მრავალგამოცდილი ვიდრე-მე საეშმაკოთა შინა მოქმედებათა,
Line: 20 ხოლო გამოუცდელ სულიერთა შინა მოძღურებათა. და ესე ოდენ
Line: 21 წურთილ იყო მოგობათა შინა და ძმაცულებათა და მრავალღონეობათა ეშმაკისათა,
Line: 22 ვიდრემდის კნინღა და არა ვინ სხუაჲ უპირატესთა მისთაგანი ეგოდენ ხმაგანსმენილ
Line: 23 იყო საეშმაკოთა მოგონებათა და ძჳრის-მოქმედებათა შინა. რამეთუ ანდრიანტთა
Line: 24 თავით თჳსით მძევალ ჰყოფდა და ცეცხლსა ზედა მგორვალე არა შეიწოდებოდა,
Line: 25 ჰაერად აღფრინდებოდა, ქვათა პურად შესცვალებდა, და ვეშაპად შეიქმნებოდა
Line: 26 და სხუათა ცხოველთა მსგავს შეიცვალებოდა, და ორპირად შეიქმნის, ოქროდ
Line: 27 გარდაიქცის, კართა დაჴშულთა და დაკლიტულთა განხუმიდა და საკრველთა
Line: 28 რკინისათა დაჴსნიდა, სერობასა შინა კერპნი თჳთოსახეთა ნივთთანი წარმოადგინის,
Line: 29 ჭურჭელთა სახელისათა თჳთმავალ ჰყოფდის მსახურებისა-თჳს მისისა უხილვობითა
Line: 30 მიმომხუმელთა მათთაჲთა, აჩრდილთა მრავალთა წინამავალ თჳსსა ჰყოფდა,
Line: 31 რომლისა-თჳსცა სულებად მკუდართად იტყოდა ყოფასა მათსა. ხოლო მრავალნი
Line: 32 გრძნეულობისა და მაცთურობისა მისისა მიახლებად წადიერნი თავსავე
Line: 33 თჳსსა დააგნა კუალად, მერმე მიზეზითა რეცა ხადილობისათა ჴარი დაკლა და
Line: 34 ასამხრა მათ, რომლითა თითოსახენი და ძნიად საკურნებელნი სენნი და ეშმაკეულებანი
Line: 35 შეუქმნნა. და სხუანი ესე ვითარნი მრავალნი ქმნნა მსახურთა თჳსთა ეშმაკთა მიერ.
Line: 36 ამიერ არა ხოლო თავისა თჳსისა სხუათა სახეთა მიმართ ცხოველთა კაცთასა, ვითარცა
Page: 188 Line: 1 ვთქუ, გარდასცვალებდა, არამედ, რომელთაცა ენების, ესრეთ უყოფდის.
Line: 2 რომლისა-თჳსცა, იძიებოდა რაჲ ოდესმე კეისრისა მიერ ვითარცა მაცთური, თჳთ
Line: 3 უკუე ლტოლვა იჴუმია, ხოლო სახე თჳსი შეჰმოსა ფავსტეს, მოწაფესა პეტრეჱსსა,
Line: 4 და ესრეთ უკუე მოციქული პეტრეჱს მიმართ იდევნებოდა ყოველთა
Line: 5 მიერ უსახურისა მის-თჳს სახისა, რომელი ემოსა მას.
Line: 6 მაშინ უკუე პეტრე მიხედნა მას და, ვითარცა იხილა იგი შეწუხებულად და
Line: 7 ცრემლითა შერეულად, ჰრქუა: "სიმონის მიერ მოგჳსა იქმნა, ფავსტე, შეცვალებაჲ
Line: 8 სახისა შენისა. რამეთუ კეისრისა მიერ ძიებული და შეშინებული ივლტოდა
Line: 9 თჳთ და სახე მისი შეგმოსა შენ, რათა მის წილ შწპყრობითა და სიკუდილითა
Line: 10 შენითა მწუხარებაჲ დიდი და ურვა მოგუატყუეს ჩუენ. არამედ ღმერთმან ერის-მაცთურისა
Line: 11 და ჭეშმარიტების მტრისა სიმონის სახისგან ჴსნილი პირველსავე
Line: 12 მსწრაფლ გაგენ შენ სახესა თჳსსა რომელი ესე იქმნაცა სიტყჳსა თანა, ვიდრეღა
Line: 13 იგი ვხედავდით ყოველნივე ჩუენ". ამათ უკუე და ესევითართა სახეთა თქუმასა
Line: 14 და ქმნასა ასურეთს შინა აღსწერს კლიმი, ვითარცა ვიტყოდით.
Line: 15 ხოლო ჰრომეს შინა შემდგომად გამოსხმისა მათისა პირისაგან ნერონისა,
Line: 16 ვითარ იგი ვთქუთ, ჰრქუა სიმონ მოგუმან მოციქულსა პეტრეს: "სთქუ, ვითარმედ
Line: 17 ქრისტე ღმერთი შენი ამაღლდა. აჰა, აწ მეცა ავმაღლდები". და ვითარცა იხილა
Line: 18 იგი პეტრე გძნებისა მიმართ ჰაერთა მიმართ აღსუბუქებულად შორის ქალაქისა
Line: 19 ჰრომისა, ილოცა, და მუნქუესვე შთამოეკუეთა და მოკუდა. ხოლო ადგილსა
Line: 20 მას, რომელმან შეიწყნარა საძაგელი და ყოვლად-ბილწი გუამი მისი,
Line: 21 უწოდა მიერითგან სიმონიან. და რომლისა-თჳს ესრეთ იტყჳს სამოციქულოთა
Line: 22 შინა განწესებათა დიდი მოციქული პეტრჱ: "ხოლო დასაბამი ახალთა წვალებათაჲ
Line: 23 იქმნა სიმონის მიერ მოგჳსა, როომელი იგი ასურეთსცა მრავალთა მოქმედ იქმნა
Line: 24 უწესოებათა და კუალად ჰრომსცა მიწევნულმან ფრიად ჰმძლავრა ეკლესიასა
Line: 25 გრძნებითა და საეშმაკოჲთა ძალითა და მოქმედებითა. რამეთუ კესარიას ვიდრე-მე
Line: 26 სტრატონისასა უბნობდი რაჲ მე პეტრე, გარდაქცევად სიტყჳსა ღმრთისა
Line: 27 იღუწიდა იგი, ჩემ თანა ყოფასა სულიერთა შვილთა ჩემთა ზაკქე, ოდესმე მეზუერე
Line: 28 ყოფილისა, და ბარნაბა და აკჳლაჲსსა, რომელი იყო ძმაჲ კლიმენტოს
Line: 29 ჰომისაჲ, ხოლო მოწაფე პავლჱსი, თანა-მოციქულისა ჩუენისა და თანა-შემწისაჲ
Line: 30 ქადაგებასა შინა სახარებისასა. და სამგზის სიტყუა უგე მას მათ-თანა საწინაჲსწარმეტყუელოთა-თჳს
Line: 31 სიტყუათა და ერთმთავრობისა-თჳს ღმრთისა, რომელსაცა
Line: 32 ვსძლე ძალითა უფლისა ჩემისა იესუ ქრისტჱსითა და სრულიადი უხმოობაჲ
Line: 33 დავასაჯე და იტალიად მიმართ მლტოლვარე ვყავ იგი. ხოლო მიიწია
Line: 34 რაჲ ჰრომეს, ვითარცა ვთქუ, ფრიად აღაშფოთა ეკლესიაჲ და მრავალნი
Line: 35 გარდააქცინა თავასა თჳსისა მიმართ მიქცევითა მათითა, ხოლო წარმართნი
Page: 189 Line: 1 განაკჳრვნა გრძნებისა ჴელოვნებითა და ეშმაკთა მოქმედებითა, ვიდრეღა განზოგებასა
Line: 2 ოდესმე დღისასა მიიწია თეატრონად და აღუთქუა ჰაერთა შორის ამაღლებაჲ.
Line: 3 და ვითარ ყოველნი განკჳრვებულ იყვნეს ამას ზედა, მე პეტრე თავსა
Line: 4 შორის ჩემსა ვილოცევდ. ხოლო იგი ეშმაკთა მიერ აღყვანებული აღტაცებით
Line: 5 ფრინვიდა ჰაერთა შინა და იტყოდა ზეცად ამაღლებასა და მიერ კეთილთა მონიჭებასა
Line: 6 ერისასა. და ვითარცა ღმრთეებრ აქადებდეს და შეასხმიდეს მას ერნი,
Line: 7 აღვიპყრენ სიმაღლედ ჴელნი და ვევედრე ღმერთსა, რათა ძალი ეშმაკთაჲ მოაუძლუროს
Line: 8 და უკეთური იგი გარდამოაგდოს. და ესრეთ მივხედენ და ვარქუ სიმონს,
Line: 9 უკუეთუ მოციქული იესუ ქრისტჱსი ვარ მე და არა მაცთური ვითარცა
Line: 10 შენ, სიმონ, უბრძანებ ბოროტთა ძალთა განტევებად ზეპყრობისა შენისა. ესე
Line: 11 რაჲ ვთქუ მე, მეყსეულად შთამოეხეთქა შჳვილითა მრავლითა და შეიმუსრა
Line: 12 იგი, ხოლო ერმან ხმა ყო: "ერთ არს ღმერთი, რომელსა პეტრე ქადაგებს".
Line: 13 და პირველად ესრეთ დაიჴსნა სიმონიანთა წვალებაჲ ჰრომეს შინა და სრულიად
Line: 14 დაშრტა". რომლისა-თჳსცა მაშინდელსა დღესა შაბათისასა საჩინოდ გარდაიჴდიან
Line: 15 ჰრომნი. რამეთუ შაბათი იყო, რომელსა შინა ილოცვენ და იმარხვენ
Line: 16 მორწმუნენი. ვინაჲთგან წესი იყო მაშინ, რათა ილოცვიდეს ეკლესიაჲ
Line: 17 მოძღუართა-თჳს, ღუწიდენ რაჲ იგინი ანუ იჭირვოდინ ვითარ იგი საქმეთა
Line: 18 შინა მოციქულთასა წერილ არს ვითარმედ "ლოცვაჲ გულმოდგინედ იქმნებოდა
Line: 19 ეკლესიისა მიერ პეტრჱს-თჳს". ვინაჲცა ვინაჲთგან მასვე დღესა ქრისტჱს
Line: 20 მძლეობისასა იქმნა დაცემაჲცა პირველისა ანტიქრისტჱსი სიმონისი,
Line: 21 ამის-თჳს ორთა ამათ წარჩინებულთა შაბათთა საჴსენებელისა აღმასრულებელნი
Line: 22 ჰრომნი იმარხვენ და შესაკრებელთა ბრწყინვალეთა ჰყოფენ ვიდრე აქამომდე,
Line: 23 ვითარცა უცვალებელად დამცველნი მაშინდელისა მის მოცემისანი და რამეთუ
Line: 24 სხუანიცა რომელნი ეკლესიანი თითოსახეთა იპყრობენ წესთა ვითარ იგი ვისწავებთ
Line: 25 საეკლესიოთა მოთხრობათაგან. რამეთუ სკჳთეთს ყოველთავე ქალაქთა
Line: 26 მხოლოდ ერთი ოდენ აქუს ეპისკოპოსი, ხოლო კჳპრეს და არაბეთს დაბათაცა
Line: 27 შინა არიან ეპსკოპოსნი, ვითარ იგი ადგილთა შინა ფრჳგიისათა ნავატიანოზთა
Line: 28 და მუნტანელთანი. და ეკლესიასა ვიდრე-მე ჰრომისასა მხოლოდ შჳდთა ხოლო
Line: 29 დიაკონთა ქონებაჲ უპყრიეს წესად, ხოლო სხუათა ყოველთა ეკლესიათა შინა
Line: 30 განუსაზღვრებელად არს ამათი რიცხჳ და კუალად ჰრომეს შინა ერთგზის ოდენ
Line: 31 წელიწად შინა ითქუმის ალლილუჲაჲ პირველსა დღესა წმიდასა პასექისასა,
Line: 32 და არავინ ასწავებს არ ოდეს ეკლესიასა შინა, არცა თჳთ იგი ეპისკოპოსი;
Line: 33 ხოლო ალექსანდრია, ასწავებს უკუე ეპისკოპოსი ეკლესასა შინა; ხოლო
Line: 34 წარიკითხვოდის რაჲ სახარებაჲ, არა აღდგების საყდრისაგან. და ორმეოცსა დღესა
Page: 190 Line: 1 მარხვათასა რომელნიმე ექუსსა შჳდეულსა იმარხვენ, რაოდენნი არიან ილლჳრიკიას
Line: 2 და ლიბჳას და ეგჳბტეს და ყოველი დასავალი და პალესტინე. ხოლო კონსტანტინეპოლელნი
Line: 3 და გარემოჲს ვიდრე ფინიკედმდე შჳდთა შჳდეულთა იმარხვენ
Line: 4 სხუანი კუალად სამთა ხოლო დღეთა ექუსთა შინა ანუ შჳდთა შჳდეულთა
Line: 5 განთესულად იმარხვენ. ხოლო სხუანი სამთა შჳდეულთა სრულებით უწინარეს აღვსებისა.
Line: 6 და კუალად რომელთამე ქალაქთა შინა ეგჳპტისათა სხუებრ აღასრულებენ
Line: 7 წესსა საიდუმლოთა ზიარებისასა. და ესენი ვიდრე-მე აღმწერელმან სოკრატ
Line: 8 მოგჳთხრნა, ვითარ შეეტყუების მაშინ სადმე ესრეთ დამარხულნი და აღსრულებულნი,
Line: 9 ხოლო აწ ფრიადი შეცვალებაჲ ქმნილ არს ადგილადგილ წარმოთქუმულთა
Line: 10 ამათ წესთაჲ.
Line: 11 ხოლო დიდმან მოციქულმან პეტრე დაყვნა მერმეცა ჰრომეს შინა ჟამნი
Line: 12 არა მრავალნი და აღაშენა ეკლესიაჲ და დაადგინა მუნ ეპისკოპოსად ლინოს
Line: 13 და თჳთ წარვიდა ეგჳპტედ და მიერ აღვიდა იერუსალჱმდ აღძრული საღმრთოჲთა
Line: 14 გამოცხადებითა, რათა მუნ დაემთხჳოს მიცვალებასა ყოვლად-წმიდისა
Line: 15 ღმრთის-მშობელისასა. და ეგრეთღა კუალად ქცეულმან ჰრომედ დაითმინა ჯუარისა-მიერი
Line: 16 იგი სიკუდილი ბრძანებითა ნერონისითა, რომელმან განსცა განჩინებაჲ
Line: 17 ჯუარცუმისა მისისაჲ მიზეზითა ორთა ცოლთა მისთაჲთა, რომელნი დაემოწაფნეს
Line: 18 წმიდასა მოციქულსა [და] სიწმიდით-მოქალაქობასა შეესაკუთრნეს. მაშინ
Line: 19 პეტრე ევედრა ჳპარხოზსა, რათა არა მართლიად ჯუარს ეცუას, ვითარცა უფალი.
Line: 20 ამის-თჳს თავდამოქცევით ჯუარს ეცუა, ვითარ იგი ვედრებით გამოითხოვა თჳთ
Line: 21 გარდარეულებითა სიმდაბლისაჲთა. ხოლო შემდგომად პეტრჱს აღსრულებისა,
Line: 22 ვითარცა იტყჳს ევსევი, პირველი უკუე სიტყჳს-გებაჲ მოციქულმან პავლე, აღყვანებულ
Line: 23 იქმნა რაჲ კრული ჰურიასტანით, სიტყუა უგო ნერონს და კუალად
Line: 24 მსახურებასავე ქადაგებისასა შეუდგა. ვინაჲცა, ვითარ ჰგავს, აქა დააცადა საღმრთომან
Line: 25 ლუკა საქმისა მოციქულთაჲსა აღმწერელობაჲ ვიდრე მუნ ჟამადმდე ოდენ
Line: 26 თანა-დახუდომილმან პავლჱს მიმოსლვათამან. რამეთუ არა მის-თანა იყო ჟამსაცა
Line: 27 წამებისა მისისასა, რომლისა-თჳს და თჳთ იგი საღმრთოჲ მოციქულიცა განცხადებულად
Line: 28 იტყჳს ამას ვითარმედ "არავინ თანა-დამიდგა მე პირველსა სიტყჳს-გებასა,
Line: 29 არამედ ყოველთა დამიტევეს. ნუ უკუე შეერაცხებინ მათ". ხოლო ტიმოთეჱს
Line: 30 მიმართ მეორე ეპისტოლე საკრველთა მიერ შეკრულმან მიწერა, რომელსა
Line: 31 შინა პირველსა მასცა ნერონის-მიმართსა სიტყჳს-გებასა თჳსსა ცხად ჰყოფს
Line: 32 და ლომად უწოდს მას მჴეცებრივობისა-თჳს და კაცთ-მოძულებისა უსახურისა
Line: 33 ცნობისა მისისა, და მახლობელობასა აღსრულებისა თჳსისა წარმოაჩენს ესრეთ
Line: 34 თქუმითა ვითარმედ "განვერი პირისაგან ლომისა, არამედ მიჴსნასცა მე უფალმან
Line: 35 ყოვლისაგან საქმისა ბოროტისა და მიმაწიოს სასუფეველსა თჳსსა ზეცათა
Page: 191 Line: 1 შინა". და კუალად ვითარმედ "მე ესერა შევიწირვი და ჟამი განჴსნისა ჩემისაჲ მოწევნულ
Line: 2 არს" და შემდგომი.
Line: 3 ესრეთ უკუე სიტყუა უგო რაჲ პირველსა სიტყჳს გებასა კუალად ქადაგებადვე
Line: 4 განვიდა. მერმე კუალად ჰრომედვე მიიწია, სადა იგი არწმუნა ხარჭსა ვისმე
Line: 5 ფრიად საყუარელსა ნერონისსა შეწყნარებაჲ სიტყუასა სარწმუნოებისასა, და დატევებასავე
Line: 6 თანა სჯულისასა დატევებად სცა შეყოფაჲცა იგი ბილწისა მეუღლებისაჲ.
Line: 7 რომლისა-თჳს განრისხებულმან ნერონ პირველად უკუე შეკრა და საპყრობილესა შეაყენა
Line: 8 და მერმე მახჳლისა მიერ გჳრგჳნი მოწამებისაჲ შეჰმოსა თთუესა ივნისსა ოცდაცხრასა,
Line: 9 რომელსა შინა ჯუარცუმაჲ დაეთმინა პეტრესცა, ვითარ იგი ძემანცა ღმრთისამან,
Line: 10 დიდმან იაკობ, უღმროთა ჰურიათაგან მიითუალა სიკუდილი. რომელი იგი
Line: 11 წმიდა იყო მუცლითგან დედისა თჳისაჲთ, ღჳნოჲ და თაფლუჭი არა სუა, არცა
Line: 12 რაჲ მშჳნვიერი ჭამა, არცა აბანოჲ იჴუმია; ხოლო მუჴლნი მისნი დავანებულ იყვნეს,
Line: 13 ვითარცა აქლემისანი, სამარადისოჲსა მისგან მუჴლდადგმით ღმრთისა თაყუანის-ცემისა,
Line: 14 ვინაჲცა გარდარეულისა მის-თჳს სიმართლისა და საკჳრველისა მოქალაქობისა
Line: 15 მისისა მართალ და ოვლია ეწოდებოდა, რომელი გამოითარგმანების
Line: 16 ზღუდედ ერისა და სამართლისა. და თუ ვითარ ფრთით ტაძრისაჲთ გარდამოგდებული
Line: 17 სამმურკნველოჲთა ძელითა მოიკლა ერისაგან ჰურიათაჲსა. რომელიცა
Line: 18 დაჰფლეს მახლობელად ტაძრისა და აღუმართეს მას ძეგლი. ხოლო შემდგომად
Line: 19 წამებისა მისისა მუნქუესვე ტყუეობასა მიეცა იერუსალჱმი რამეთუ ესრეთ იტყჳს
Line: 20 იოსიპოს, ვითარმედ ესე შეემთხჳნესო ჰურიათა შურის-ძიებისა-თჳს იაკობ მართლისა,
Line: 21 რომელი იყო ძმაჲ იესუჲსი, რომელსა იტყჳან ქრისტედ, ვინაჲთგან ყოვლად-მართალ
Line: 22 იყო იგი და მოიკლა ჰურიათა მიერ.
Line: 23 აწ უკუე ჰურიანი შემდგომად უფლისა ჩუენისა ზეცად ამაღლებისა უბრძოლველსა
Line: 24 მშჳდობასა შინა ეგნეს ორმეოც წელ, სულგრძელებითა ქრისტჱსითა უსჯულოებასა
Line: 25 ზედა და ღმრთის-მბრძოლებასა მათსა, რათა ძლიერი სინანული მოიგონ
Line: 26 ეგე ვითარისა მის შეცოდებისა მეცნიერებად მოსლვითა. რომლისა-თჳსცა საშინელთა
Line: 27 რათმე ნიშთა უჩუენებდა მათ წინაჲსწარმაუწყებელთა ყოფადისა მის მოსპოლვისათა.
Line: 28 რამეთუ დღესასწაულსა უცომოთასა მეცხრესა ჟამსა ღამისასა ესოდენი
Line: 29 ნათელი მიეფინა ტაძარსა და ბომონსა განგრძობისა ჟამისა ერთისასა, ვიდრეღა
Line: 30 აღმობრწყინვებაჲ დღისაჲ საგონებელ იყო. ხოლო შემდგომად ამისსა გამოჩნდა
Line: 31 ვარსკულავი ზეშთა-კერძო ქალაქისა მიმსგავსებული ლახურისაჲ. და სხუაჟამ
Line: 32 აღმოსავალით-კერძო ბჭჱ ქალაქისაჲ, რომელი იყო ნივთისაგან რვალისა განმაგრებული
Line: 33 მოქლონებითა რკინისაჲთა, რომელსა ოცდაათნი კაცნი ძლით განაღებდეს,
Line: 34 განნღებულად იხილვა მერვესა ჟამსა ღამისასა. ხოლო კუალად სხუასა ჟამსა
Line: 35 იხილვნეს უწინარეს მზის დასლვისა ვითარცა ეტლნი რაჲმე აღკაზმულნი და ლაშქარნი
Page: 192 Line: 1 აღჭურვილნი მსრბოლად ჰაერთა შინა და აღმნიშნველად ქალაქისა. ხოლო შემდგომად
Line: 2 ამათსა დღეთა შინა კარვობისა დღესასწაულობისათა, უწინარეს ოთხთა წელიწადთაჲსა,
Line: 3 ვიდრეღა დამშჳიდებულად აქუნდეს ყოვლით-კერძო ბრძოლანი და იეფობითა გარდაცემულ
Line: 4 იყო ქალაქი, კაცმან ვინმე, რომლისა სახელი იისუ, მოსრულმან დღესასწაულსა
Line: 5 მას იჩქითად ხმა ყო დღესასწაულისა შორის და თქუა: "სიკუდილი აღმოსავალით, სიკუდილი
Line: 6 დასავალით, სიკუდილი ოთხთაგან ქართა ცისათა, სიკუდილი იერუსალჱმსა ზედა
Line: 7 და ყოველსა ერსა". და ამას მრავალთა დღეთა და ღამეთა მიმოვლით ხმობდა
Line: 8 დაუცხრომელად ქალაქსა შინა, რომლისა-თჳს შეეწყინაცა ვიეთმე ერისა მისგანთა
Line: 9 და გუემანი დაასხნეს მას. რომელი მერმეცა უძლიერესად ხმობდა და თითოეულსა
Line: 10 ნაგუემსა ზედა ცრემლით იტყოდა: "ვაჲ, ვაჲ, ვაჲ იერუსალჱმსა". და კუალად
Line: 11 მასვე დღესასწაულსა სამსხეერპლოდ მოყვანებელმან ჴარმან საკჳრველებით შობა კრავი
Line: 12 საშუალ ოდენ ტაძრისა, რომლისასა ვჰგონებ, ვითარმედ უცხოჲსა მის შობისა მიერ
Line: 13 ვიდრე-მე ბუნებისა მიერ კერძოჲ იგი იძულებაჲ და ჭირი და ხმობაჲ ქალაქისაჲ
Line: 14 მოესწავებოდა, ხოლო კრავისა მიერ ტარიგისა ღმრთისა ქრისტჱს-მიმართი უარის-მყოფელობაჲ
Line: 15 ჰურიათაჲ წარმოიჩინებოდა, და მათ-თჳს შობადი იგი მოოჴრებაჲ
Line: 16 და მოსპოლვაჲ და უსახური მოსრულებაჲ იქადაგებოდა. ვინაჲცა ჰურიათა
Line: 17 განაგდეს რაჲ უღელი მორჩილებისა და მოხარკეობისა ჰრომთაჲსაჲ, წარავლინნა
Line: 18 ნერონ აქაიაჲთ ძე თჳსი უესპასიანე და ძე მისი ტიტე მჴედართ-მთავარნი ძალითა
Line: 19 დიდითა ფრიად იერუსალჱმსა ზედა. ხოლო დღეთა დღესასწაულისა პასექისათა
Line: 20 ჰურიასტანით იერუსალჱმდ მივიდეს ყოველნი და მხოლოსა დედაქალაქსა
Line: 21 ოდენ შინა შეწყდომილ იყვნეს ჰრომთა მიერ რაჟამს იგი გამოცხადებითა
Line: 22 საღმრთოჲთა პირველვე განსრულ იყვნეს ქალაქით ყოველნი მორწმუნენი ქრისტჱსნი,
Line: 23 და ვითარცა საპყრობილესა შინა დაშთომილ იყვეს უღმრთონი იგი და
Line: 24 ბილწნი ოჴრად მეგობართაგან და წმიდათა და საკუთართა ღმრთისათა მსგავსად
Line: 25 ძუელთა მათ ერთსახეთა თჳსთა სამზის დაწყეულთა სოდომელთაჲსა. და რამეთუ
Line: 26 ქალაქთათჳს ვიდრე-მე სოდომისათა მვედრებელი ღმრთისაჲ საღმრთოჲ
Line: 27 აბრაამ იტყოდა: "ნუ წარსწყმედ მართალსა უღმრთოჲსათა-თანა, და იყოს მართალი
Line: 28 ვითარცა უღმრთოჲ". რომლისა-თჳსცა აღუთქუა კაცთ-მოყუარემან ღმერთმან,
Line: 29 უუეთუ იპოვნენ სოდომს შინა ათნი მართალნი, დაჴსაჲ მათ ზედა მოწევნადისა
Line: 30 რისხვისაჲ. გარნა არა იპოვნეს, ამის-თჳს სრულიად წარსწყმდეს. ხოლო
Line: 31 იერუსალჱმისა-თჳს ევედრებოდა რაჲ საკჳრველი იერემია, კუალად თქუა მისსა
Line: 32 მიმართ ყოველთა ღმერთმან: "მოვლენით ყოველნი გზანი იერუსალჱმისანი და
Line: 33 იხილეთ და ცანთ და იძიეთ უბანთა შორის მისთა, და, უკუეთუ ჰპოვოთ კაცი
Line: 34 და იყოს მოქმედი მსჯავრისაჲ და მეძიებელი სარწმუნოებისაჲ, შევიწყალო ქალაქი",
Line: 35 იტყჳს უფალი. ამის-თჳს და აწცა სრულიადითა მოკლებითა წარმმართებელისაჲთა
Page: 193 Line: 1 მის-შორისთა კაცთაგან საღმრთოჲთა რისხვითა განიპატიჟა იგი, და
Line: 2 არა სხუასა რომელსამე ჟამსა, არამედ დღეთა დღესასწაულისათა. და ფრიადცა
Line: 3 სამართლად განეგო ესე. რამეთუ უღირდა მათ, რათა, დღეთა რომელთა შინა
Line: 4 სრულ ყვეს ქრისტჱს-მიმართი იგი უსჯულოებაჲ. მათვე დღეთა შინა მიეჴადოს
Line: 5 პატიჟი მკლველობისა მისისაჲ.
Line: 6 ხოლო ნერონ განძლიერებასა ოდენ ფლობისა თჳსისა უწესოთა საქმეთა მიმართ
Line: 7 მიდრკა და უცხოთა და შეუტყუებელთა მეფობრივისა პატივისათა მოიპოებდა
Line: 8 მოქმედებათა მეებნეობისა და მომღერალობისადა შექცეული და შორის თეატრონთაჲსა
Line: 9 შუებით მროკვალი რომელმან იგი ამათ ზედა და სხუათა ყოველთავე
Line: 10 სიხენეშისა მისისა საქმეთა ღმრთის-მბრძოლებისაცა საძაგელებაჲ შესძინა და
Line: 11 პირველად მდევრად საღმრთოჲსა სიტყჳსად გამოჩნდა რომლისა შემდგომად მიეთხრა
Line: 12 რაჲ მას რეცა განდგომილებაჲ რაჲმე მისდა მიმართ, უზომოჲსა ბორგნეულობისა
Line: 13 სიბოროტითა განმჴეცებულმან მოკლნა დედაჲ და დაჲ და ცოლი თჳსი და
Line: 14 სხუანი ბევრეულნი ტომობით მახლობელნი თჳსნი და რაოდენნიცა წარჩინებულ
Line: 15 იყვნეს ჰრომეს შინა, ვითარცა მოშიშმან მათისა განდგომილებისამან. და
Line: 16 ესრეთ გარდარეულისა ბორგნეულობისა მიერ პირუტყულქმნილი გარეგან ქალაქისა
Line: 17 განვიდა და მუნ თჳთ მოიკლა თავი თჳსი. ეგრეთვე და პილატეცა თითოსახეთა
Line: 18 განსაცდელთა შთავრდომილმან მოიკლა თავი, ვითარ ჰგავს, არა შორს მოწევნითა
Line: 19 მის ზედა საღმრთოჲსა სასჯელისაჲთა. რამეთუ აღმწერელნი წარმართთანი
Line: 20 წარმოიტყჳან ამათ, რომელთა იგი ჟამად-ჟამადნი მოთხრობანი მაშინ დამთხუეულთა
Line: 21 საქმეთანი აღწერნეს.
Line: 23 ხოლო შემდგომად ნერონისა მეფე იქმნა ღალვა შძჳდ თთუე.
Line: 25 და შემდგომად ღალვაჲსა მეფე იქმნა ლუკივიოს სამ თთუე და განცოფნა
Line: 26 და მოიკლა თავი.
Line: 28 და შემდგომად ლუკივიოჲსა მეფე იქმნა უიტელიოს ორ თთუე და მოიკლა
Line: 29 შორის ჰრომისა ერისა მიერ.
Line: 31 მერმე შემდგომად უიტელიონისსა მეფე იქმნა უესპასიანოს, ძე ნერონისი,
Page: 194 Line: 1 ცხრა წელ. რომელი ჰურიასტანს გჳრგჳნოსან იქმნა უნებლიეთ გუნდისაგან მჴედრობათაჲსა
Line: 2 და მიერ აღმოვიდა ჰრომედ, ხოლო ბრძოლაჲ ჰურიასტანისაჲ ჴელთ
Line: 3 უდვა ძესა თჳსსა ტიტეს. ხოლო მან აღაგნა გოდოლნი, რომელთაგანსა თითოეულ
Line: 4 ერგასისი წყრთაჲ აქუნდა სიმაღლე, და მრავალნი და თითოსახენი მან
Line: 5 ქანანი საბრძოლელნი გარემოაწყვნა და ყოვლით-კერძო ცემაჲ ზღუდისაჲ უბრძანა.
Line: 6 რომლისა-თჳსცა პირველისა ზღუდისაგან განასხნა ქვით მესროლნი და
Line: 7 სხჳთა სახითა მბრძოლნი ჰურიანი. და მეორისა ზღუდისა მიმართ მლტოლვარე
Line: 8 ყვნა, და კუალად ეგრეთვე, განისხნეს რაჲ მიერცა მესამით ზღუდით, იბრძოდეს
Line: 9 ძლიერად. და ვითარცა შენივთდა ბრძოლაჲ ფიცხელი, დაეცა ორკერძოჲსავე
Line: 10 განწყობილისაგან სიმრავლე აღურიცხუველი. ხოლო უბოროტესნი ჰურიათანი,
Line: 11 რომელთა იგი მეშფოთე ეწოდებოდა, მძჳნვარედ განჰრყუნიდეს ყოველსა ქალაქსა.
Line: 12 რამეთუ, სადაცა დაჴშული კარი იხილიან, შემუსრიან იგი და შინაგან მისსა
Line: 13 იქმნიან და მაშფოთებელითა იძულებითა ჴორჴთაგან აღმოუღიან პური და
Line: 14 ბერთა უკუე სტანჯვიდეს მიმღებელთა საზრდელისათა, ხოლო დედათა თმითა
Line: 15 მიმოდაითრევდეს და ჩჩჳლთა ქუეყანად დაახეთქებდეს, და ძჳრძჳრითა სახითა
Line: 16 სატანჯველთაჲთა აიძულებდეს შეწამებასა, უკუეთუ და ვისმე სადა ემალის
Line: 17 თჳსად მჭელი ერთი ფქვილი. ესოდენ მძჳნვარემან სიყმილმან მოიცვნა ყოველნი,
Line: 18 ვიდრემდის რომელნიმე სრულიად უმცხვარსა იჴუმევდეს საზრდელსა,
Line: 19 ხოლო სხუანი მცირედ მო-ოდენ-ათრობდეს ცეცხლსა ზედა ცომსა და
Line: 20 მუნქუესვე დაიტაცებდეს. ხოლო უგლახაკესნი-რე ნაგლეჯთა თივათა ცოხნიდეს.
Line: 21 და დედანი, ჰხედვიდიან რაჲ ჴელთა მათთა ზედა მოკლებულობასა ჩჩჳლთასა,
Line: 22 უდებ ჰოფდიან მათ გარდარეულობითა ჭირისა და იძულებისაჲთა. ხოლო
Line: 23 მოხუცებულნი და ჭაბუკნი და ყრმანი ვითარცა კერპნი რაჲმე ანუ აჩრდილნი წოწინებით
Line: 24 მიმომავალნი და სიყმილითა დამდარნი ქუეყანად დაეკუეთებოდეს, რომელთაცა
Line: 25 მეშფოთედ სახელდებულნი იგი რომელთამე მათგანთა დაჰზერგნიდეს
Line: 26 და მოაშთობდეს, ხოლო რომელთამე წუთღა კნინ ოდენ ცოცხალთა მახჳლითა
Line: 27 მოჰკლვიდეს. ხოლო ტიტე გარემოჲსთა ღელეთა შინა ველურთა მწუანვილითა
Line: 28 საზრდელად თჳსსა შემკრებელთა ჰურიათა შემპყრობელმან რომელნიმე მახლობელად
Line: 29 ზღუდისა დაჰკიდნა, ხოლო რომელთამე ჴელები დაჰკუეთა და ქალაქად
Line: 30 შეავლინნა. რათა ზარი განჰჴადოს მეშფოთეთა მათ ვინაჲცა ყოველი სახელი
Line: 31 ქალაქისაჲ შიმშილისაგან მომკუდართა მათ მძორებითა სიმყრალითა აღსავსე იყო,
Line: 32 რამეთუ მძჳნვარესა სიყმილსა მოესპოლა ქალაქი. რომლისა-თჳსცა მეშფოთენი
Line: 33 იგი ვერ თავს-დებითა სიმყრალისაჲთა ზღუდით გარდაჰყრიდეს მათ ჴევად
Line: 34 მიმართ მეფეთად, რომელთაგანნი მრავალნი ჯერეთ სულიერ იყვნიან.
Line: 35 ესრეთ უკუე მეშფოთეთა მათ მშჳნვარებითა სიყმილისაჲთა შეიწრებულთა
Page: 195 Line: 1 მთისა მიმართ ზეთის-ხილთაჲსა მიიმართეს ფარულად, რომელთაცა დევნა უყვეს
Line: 2 ჰრომთა და ლტოლვისა მიმართ მიდრიკნეს. მაშინ ცხენოსანთა ჰრომთაგანმან
Line: 3 ვინმე ყოვლად-გამოცდილმან, ვითარცა იხილნა ჰურიანი ურთი-ერთას ჭენებით
Line: 4 შთამავალნი ღელედ, იგურდივ წარარბია ცხენი და აღიტაცა ჭაბუკი ვინმე მლტოლვარეთა
Line: 5 მათგანი, ჰასაკოანი და მდგმოჲ აგებულებითა გუამისაჲთა და სრულიად
Line: 6 შეჭურვილი ყოვლითავე სახითა ჯაჭუჭურთა დასაცველთაცა და საბრძოლელთაჲთა;
Line: 7 რამეთუ სირბილსა შინა ცხენისასა და მკუეთრ გაქანებულობასა მეოტთასა შთადრკა
Line: 8 იგი ცხენისაგან თჳსისა, უპყრა წჳვსა ჭაბუკისასა და მყის დააყენა სრბისაგან.
Line: 9 და ესოდენსა სიმჴნესა და ძალსა მარჯუენისა და ყოვლისავე გუამისასა მჩუენებელმან
Line: 10 და ცხენოსნობითისა ჴელოვნებისა სათნოებასა წარმომაჩინებელმან ვითარ
Line: 11 საუნჯე რაჲმე დიდძალი მიუძღუანა კეისარსა ტყუჱ იგი. ხოლო ტიტე
Line: 12 ფრიად განკჳრვებულმან ძალსა ზედა და ახოვნებასა მის კაცისასა მას უკუე სიმრავლენი
Line: 13 ნივთანი მიაგნა, ხოლო შეპყრობილისაჲ მის სიკუდილი ბრძანა.
Line: 14 ესრეთ ჰრომთაგან ძლიერად გარემოცვულებასა ქალაქისასა სიყმილი უფროჲს
Line: 15 განჰხრწნიდა მკჳდრთა მისთა შინაგან. რომლისა-თჳსცა მამანი მამათა ზედა და
Line: 16 ნათესავნი ნათესავთა ზედა მახჳლითა მიუვიდოდეს და სახლთა მათთა შინაგან
Line: 17 იქმნებოდეს და ურთიერთასთა საზრდელთა უწყალოებით მიიტაცებდეს. და ცოლნი
Line: 18 ქმართაგან და მამანი შვილთაგან და, რომელი იგი უსაწყალობელეს არს,
Line: 19 დედანი ჩჩჳლთაგან თჳსთა მიიტაცებდეს და პირთა მათთაგან გამოუღებდეს საზრდელსა
Line: 20 და რაჲთ-ურთით არა ჰრიდებდეს სასურველთა მათ თჳსთა. და კუალად
Line: 21 სხუანი სიყმილითა განლიგებულნი ვითარცა ძაღლნი განცოფებულნი ეფეთებოდეს
Line: 22 და მსგავსად მთრვალთაჲსა აქა და იქი ეკუეთებოდეს, ვიდრე ნაწევართა და
Line: 23 ტჳნთამდე განწონილობითა სიყმილისაჲთა და იძულებითისა სიკუდილისა მიმართ
Line: 24 მიმყვანებელობითა სულისაჲთა. ხოლო სხუანი განგდებულთა ჭამადთა შეეხებოდეს,
Line: 25 რომელთასა არცა თუ არა წმიდანი პირუტყუნი თავს იდებენ შეხებასა. ხოლო,
Line: 26 დასასრულსა. სარტყელნი და საჴამრობელნი და ტყავები ბჭეთა და კართაჲ
Line: 27 მოსძარცუეს და ჭამეს. რომელთა თანა იყო დედაკაცი ვინმე სახელით მარიამ,
Line: 28 ნათესავითა და სიმდიდრითა წარჩინებული, სოფლებისაგან ქალაქად შელტოვილი,
Line: 29 რომლისა ყოველი საქონელი და საზრდელი დღითი-დღე სახიდ მისსა შესლვითა
Line: 30 და დატაცებითა მათითა მეშფოთეთა განელია. და მიერითგან საზრდელისაგან უღონოქმნილმან
Line: 31 და ძუძუჲს-მწუარისა ჩჩჳლისა წიაღთა შინა მქონებელმან დაკლა იგი და შეწუა
Line: 32 და ნახევარი უკუე შეჭამა, ხოლო ნახევარი დაჰმარხა სხჳსა სამხრობისად. ხოლო
Line: 33 მეშფოთენი ჩუეულებისა-ებრ დაესხნეს მას, და, ვითარცა აგრძნეს ჩეჩებაჲ რაჲმე,
Line: 34 სიკუიდილსა აქადებდეს მას, არა თუ აჩუენოს, რაჲ იგი დამალა მათგან.
Page: 196 Line: 1 ხოლო მან ნეშტი იგი ყრმისა უჩენა მათ და ჰრქუა: "ესე არს ჩემი ოდესმე
Line: 2 საყუარელი, ხოლო აწ ყოვლად-უბადრუკი შვილი: ჭამეთ თქუენცა, რამეთუ მეცა
Line: 3 მიჭამიეს მისგან. ხოლო უკუეთუ არა იხუმიოთ თქუენ, მევე დამიშთეს მეორისა
Line: 4 ჭამისად". ხოლო მათ მრავალ ჟამ იცეს პირითა მათითა და ესრეთ განვიდეს
Line: 5 სართულისა მისგან ზარგანჴდილნი და შეძრწუნებულნი. რამეთუ იხილეს
Line: 6 მუცლით დედისაჲთ კეთილად გამოსრული ჩჩჳლი კუალად მუცლისა მიერ უბადრუკებით
Line: 7 ქცეულად რომელი ესე ესმა რაჲ ყოველთა მკჳდრთა ქალაქისათა, მყის
Line: 8 სიკუდილსა ილოცვიდეს თავთასა. ესე უკუე და სხუანი ესე ვითარნი და ამისა
Line: 9 უძჳრესნიცა და მისათხრობელად და სასმენელად საძაგურნი საქმენი იქმნეს მაშინ
Line: 10 ქალაქსა შინა. ხოლო გამოდგომილობასა მას და ბრძოლასა შინა ალმური
Line: 11 რაჲმე წყუდიადი მეყსეულად დაეცა ჰურიათა ზედა, რომელი იგი ჰრომთაგან
Line: 12 მათდა მიმართ ტყორცებულთა რათვე კეთილად ჰმართებდა და მიაწევდა, ხოლო
Line: 13 ამათგან მათდა მიმართ მოვლენილთა იგურდივ გარეაღჰჴდიდა და მიაქცევდა. და
Line: 14 ვითარცა იხილეს ჰრომთა ალმურისა მისგან დაბნელებულად პირნი და სახედველნი
Line: 15 ჰურიათანი, ფარულად აღვიდეს მათდა მიმართ და ძლიერად დააკუეთნეს
Line: 16 იგი. ვინაჲცა მრავალთადა საცნაური იქმნა ამიერ ღმრთივ-მოვლონილობაჲ მის
Line: 17 წყლულებისა და ვითარმედ ღმრთისა-მიმართისა მის შემცოდებობისა-თჳს შეემთხუევის
Line: 18 მათ ესე.
Line: 19 და ესრეთ სამთა წელიწადთა შინა გამოიღო იერუსალჱმი ტიტე და ყოველნივე
Line: 20 დაწუნა და დააქცინა თჳთ მის ტაძრისა თანა წინაჲსწარმეტყუელისა-ებრ
Line: 21 უფლისა, ვითარ იგი, რაჟამს თქუეს მოწაფეთა ვითარმედ "ქვითა კეთილითა და
Line: 22 სხჳთა სამკაულითა განშუენებელ არს ტაძარი, მაცხოვარმან მიუგო ესე: ყოველნი,
Line: 23 რომელთა ჰხედავთ, მოვლენან დღენი, რომელთა შინა არა დაშთეს ქვა ქვასა
Line: 24 ზედა, რომელი არა დაირღუეს", ხოლო "რაჟამს იხილოთ იერუსალჱმი მოცვულად
Line: 25 მჴედრობისა მიერ, მაშინ ხმა ყავთ, ვითარმედ მოახლებულ არს მოოჴრებაჲ
Line: 26 მისი"; "არამედ ვაჲ მიდგომილთა, და რომელნი აწოებდენ მათ დღეთა
Line: 27 შინა. რამეთუ იყოს ჭირი დიდი და რისხვა ერისა ამის, და დაეცნენ პირითა მახჳლისაჲთა,
Line: 28 და წარიტყუენენ ყოველთა წარმართთა შორის, და იერუსალჱმი დათრგუნვილ
Line: 29 იყოს წარმართთა მიერ, ვიდრემდის აღესრულნენ ჟაძნი წარმართთანი"
Line: 30 და "იყოს ეგე ვითარი, რომლისა მსგავსი არა ქმნილ არს".
Line: 31 ვინაჲცა ესე ყოველი შეემთხჳა მტერთა თჳსისა ცხორებისათა ჰურიათა,
Line: 32 უფლებულთა ჰრომთაგან, უარის-მყოფელთა ყოველთა მეფისა ქრისტჱსთა, და
Line: 33 მეფობისა ჰრომთაჲსა უღმრთოებით მეფედ თჳსა აღმსარებელთა, რაჟამს იგი
Line: 34 ხმობდეს და იტყოდეს ვითარმედ "არა გჳვის ჩუენ მეფე, გარნა კეისარი". და
Line: 35 ვითარმედ "სისხლი ქრისტჱსი ჩუენ ზედა და შვილთა ჩუენთა ზედა". რომლისა-თჳსცა
Page: 197 Line: 1 ვიდრე აღსასრულადმდე ყოველთა წარმართთა შორის განთესულებაჲ და
Line: 2 უბადრუკებაჲ მოუგიეს შვილთა მათთა, და ვითარცა პარვითა მწლოვანი რაჲმე
Line: 3 სამარადისოთა გუემათა და წყლულებათა ქუეშე არიან ვერა_რათ სჯულიერისაგანისა
Line: 4 აღსრულებად. რამეთუ მოხარკედ თჳსსა მქონებელნი მათნი ჰრომნი არა
Line: 5 უტევებენ მათ სამართალთა-ებრ სჯულისა მათისაჲთა მოქალაქობად, ვინაჲთგან
Line: 6 ნებსით მიიზიდეს მათ მონებაჲ თქუმითა ესრეთ: "არა გჳვის ჩუენ მეფე, გარნა კეისარი".
Line: 7 და "უკუეთუ არა მოვკლათ ქრისტე, ყოველთა ჰრწმენეს მისი, და მოვიდენ ჰრომნი
Line: 8 და აღიღონ ჩუენი ადგილი და ნათესავიცა". ანუ თუ უნებლიეთ წინაჲსწარმეტყუელ
Line: 9 იქმნეს. და რამეთუ ჰრწმენა მისა მიმართ წარმართთა, და იგინი ჰრომთა
Line: 10 მიერ დაკლებულ იქმნეს ჴელმწიფებისაგან და სჯულიერისა მსახურებისა, ხოლო
Line: 11 დაყენებულ არიან შემწირველყოფისაგანცა და დამკლველობისა მსხუერპლთაჲსა
Line: 12 ძუელისა მის-ებრ ჩუეულებისა, და არა აქუს ჴელმწიფებაჲ, ოდესცა უნდეს, შეწირვისაჲ.
Line: 13 რომლისა-თჳსცა წყეულცა იყავნ, იტყჳს, ყოველი, რომელი არა დაადგრეს
Line: 14 ყოველთა წერილთა წიგნისა ამის სჯულისათა ქმნად მათდა". ხოლო შეუძლებელ
Line: 15 არს წარმართთა შორის განთესულთაგან ვითარმცა ყოველთავე სჯულისათა
Line: 16 აღასრულებდეს და ერთსა ადგილსა შინა გარეშეწერილსა მას მსახურებასა
Line: 17 სრულ ჰყოფდეს, ვითარ იგი სიტყჳთა უფლისაჲთა განაჩინა მოსე.
Line: 18 რაჲსა უკუე იტყჳთ ამათ მომართ, ჵ ჰურიანო? ანუ რაჲ არს მიზეზი
Line: 19 ესოდენთა და ესე ვითართა ძჳრთა გარემომცველთა თქუენთაჲ? ჯერეთ არავე
Line: 20 შეიგონეთა, ვითარმედ არა თანა-მონისა არამედ ღმრთისა სცოდეთ და ამის-თჳს
Line: 21 სამართლად შეგემთხუევიან ესენი და შეუნდობელად ისაჯებოდით? რამეთუ უეჭუელად
Line: 22 თჳთ მის ქველის-მოქმედისა და შემოქმედისა მიმართ მცოდველ და
Line: 23 უმადლო იქმნენით, ვითარ იგი თჳთ სადმე ხმობს ესაიაჲს მიმართ ვითარმედ
Line: 24 "ძენი ვშვენ და აღვამაღლენ, ხოლო მათ შეურაცხ მყვეს მე" და არაჲ უყო
Line: 25 სავენაჴესა ჩემსა და არა უყავ მას? ამით რამეთუ ველოდე, რათა ყოს ყურძენი,
Line: 26 და ყვნა ეკალნი", და "ველოდე. რათა ყოს მსჯავრი, და ყო უსჯულოებაჲ და არა
Line: 27 სიმართლე, არამედ ღაღადებაჲ". გარნა რომელთა ეკალთა იტყჳს და რომელსა
Line: 28 უსჯულოებასა და ღაღადებასა? ანუ თუ ცხად არს, რომელთა მიერ გჳრგჳნოსან
Line: 29 ყავთ იგი ჟამსა ვნებისა მისისასა უსჯულოებით მხმობელთა: "აღიღე, აღიღე და
Line: 30 ჯუარს აცუ ეგე". ვითარ იგი იერემიაჲს მიერ ღმრთის-მბრძოლისა და საძაგელისა
Line: 31 შესაკრებელისა თქუენისა-თჳს იტყჳს კუალად: "იქმნა სამკჳდრებელი ჩემი
Line: 32 ჩემდა ვითარცა ლომი მაღნარსა შინა, მოსცა ჩემ ზედა ხმაჲ თჳსი, და ამის-თჳს
Line: 33 მე მოვიძულე იგი". რომლისა მოქმედსა შესაკრებელსა სოლომონცა განაქიქებს
Line: 34 მეტყუელი: "გამოვედითთ, ასულნო სიონისანო, და იხილეთ მეფე სოლომონ
Line: 35 გჳრგჳნითა, რომლითა გჳრგჳნოსან ყო იგი დედამან მისმან დღესა სიძობისა
Page: 198 Line: 1 მისისასა და დღესა სიხარულისა გულისა მისისასა". დედად უკუე მისა უწესს ჴორციელად
Line: 2 შესაკრებელსა ჰურიათასა. რამეთუ ჴორცნი ჩემნი მათგანო, იტყჳს. ხოლო
Line: 3 დღე სიძობისა მისისა არს, რომელსა შინა წარმართთაგანი ვიდრემე ეკლესიასა
Line: 4 დააწინდა, ხოლო ცნობავნებულობით ამაოქმნილმან მან შესაკრებელმან
Line: 5 ეკალთაგან შეთხზნილი გჳრგჳნნი დაადგა თავსა მისსა და რეცა ვითარცა განმცხრომელი
Line: 6 და მბასრობელი ეტყოდა მას: "განიხარენ, მეუფეო ჰურიათაო!".
Line: 7 რომელთა მიმართ ესაია მკდემელობით იტყოდა: "ვის ზედა აღაღეთ პირი თქუენი,
Line: 8 და ვის ზედა განსძართ ენა თქუენი, შვილნო წარწყმედისანო და თესლნო
Line: 9 უსჯულოთანო?" რომლისა-თჳს თჳთ უფალმან მოსჱს მიერ წინაჲსწარმეტყუელისა
Line: 10 ესრეთ თქუა მათდა მიმართ: "ვაჲ მათდა, რამეთუ განდგეს ჩემგან; უბადრუკ
Line: 11 არიან, რამეთუ უღმრთო იქმნეს ჩემდამო" და "ბოოოტნი რაცხნეს ჩემ ზედა". და
Line: 12 "ამის-თჳს დაენთქა ისრაჱლ და არღარად იქმნა და იყოს ვითარცა ჭურჭელი
Line: 13 უჴმარი წარმართთა შორის". ეგრეთვე კუალად იერემიაჲს მიერცა: "გწვალენ შენ
Line: 14 განდგომილებამან შენმან, და სიბოროტემან შენმან გამხილონ შენ, და სცნა, ვითარმედ
Line: 15 მწარე არს შენდა დატევებაჲ ჩემი შენგან, და არა სათნო ვიყავ შენ
Line: 16 შორის" ხოლო საღმრთოჲ დავით მკსინვარედ განწარებული თქუენთჳს თქუენ
Line: 17 მიერ შეურაცხქმნილსა მიმართ წყევის სახედ იტყჳს: "დაუბნელდედ თუალნი მათნი
Line: 18 არა ხედვად, და ზურგი მათი მარადის შედრიკე. მიჰფინე მათ ზედა რისხვაჲ
Line: 19 შენი, და გულის-წყრომაჲ რისხვისა შენისაჲ ეწიენ მათ"; "და დასძინე უსჯულოებაჲ
Line: 20 უსჯულოებასა მათსა ზედა, და ნუ შევლენედ სიმართლესა შენსა. აღიჴოცნედ
Line: 21 წიგნისაგან ცხოველთაჲსა და მართალთა-თანა ნუ დაიწერებიედ" და "განაბნიენ
Line: 22 იგინი ძალითა შენითა და დაამჴუენ იგინი, მფარველო ჩემო უფალო, და
Line: 23 შეიპყრნედ იგინი ამპარტავნებითა მათითა რისხვითა მოსრულებისაჲთა და ვერღარა
Line: 24 იყვნედ და ცნედ, ვითარმედ ღმერთი მეუფებს იაკობსა ზედა და კიდეთა
Line: 25 ქუეყანისთა". და რამეთუ განითესნენ რაჲ ამის ძლით კიდეთა ქუეყანისათა უეჭუელად
Line: 26 ცნან, რამეთუ ღმერთი არს ქრისტე მამისა მათისა იაკობისი და უფფლებს
Line: 27 თანად ყოველთა ზედა და მიაგებს კაცად-კაცადსა საქმეთა მათთა-ებრ.
Line: 28 ესრეთვე უკუე ღმრთივ-ხმოანცა მოსჱ, წინაჲსწარმხედველი და განმაქიქებელი
Line: 29 უცნობელისა და უგულის-ხმოჲსა საძაგელებისა თქუენისაჲ იტყჳს: "შვილთა
Line: 30 ბილწთა, ნათესავმან დრკუმან და გულარძნილმან, ესე მიაგეს უფალსა!
Line: 31 ამან ერმან ცოფმან და არა ბრძენმან! არა ამან მამამან შენმან მოგიპოვა შენ,
Line: 32 შეგქმნა შენ და, დაგბადა შენ?" ამის-თჳს სამართლად იტყჳს ღმერთი: "ვთქუ:
Line: 33 განვსთესნე იგინი, და დავაცხრო კაცთაგან საჴსენებელი მათი", მერმეცა საკჳრველი
Line: 34 იერემია უმეტეს განმაცხადებელი, თუ ვინ არს, რომელსა ესე შეემთხჳვე
Line: 35 თქუენ მიერ, ხმობს მეტყუელი ესრეთ: "სული პირისა ჩუენისაჲ ქრისტე
Page: 199 Line: 1 უფალი შეიპყრა განხრწნილებათა შინა ჩუენთა, რომლისაჲ ვთქუთ: საგრილსა
Line: 2 ქუეშე მისსა ვცხონდეთ წარმართთა შორის". რომლისა მსგავსთა კუალად სოლომონცა
Line: 3 ვითარცა პირით-გამო ღმრთის-მბრძოლისა თქუენისაჲთ ხმობს სადმე ესრეთ:
Line: 4 "მოვინადიროთ მართალი, რამეთუ განმაძჳნებელ ჩუენდა არს და წინააღუდგების
Line: 5 საქმეთა ჩუენთა და მაყუედრებს ჩუენ ცოდვათა სჯულისათა და აღსთქუამს
Line: 6 ქონებასა მეცნიერებასა ღმრთისასა და ყრმად უფლისა თავსა თჳსსა სახელ
Line: 7 სდებს. იქმნა ჩუენდა მამხილებელ მოგონებათა ჩუენთა და მძიმე არს ჩუენდა
Line: 8 სახილავადცა, რამეთუ უმსგავსო სხუათა არს ცხორებაჲ მისი, და შეცვალებულ
Line: 9 ალაგნი მისნი გამოუცდელად შერაცხილ ვართ მისდა, და განშორებულ არს გზათა
Line: 10 ჩუენთა ვითრცა არა წმიდათაგან. ხოლო ჰნატრის აღსასრულსა წმიდათასა
Line: 11 და მაღლოის მამობასა ზედა ღმრთისასა ვიხილოთ, უკუეთუ ჭეშმარიტ არიან
Line: 12 სიტყუანი მისნი, და გამოვცადნეთ კუალნი მისნი. რამეთუ უკუეთუ მართალ არს
Line: 13 და ძე ღმრთისა შეეწიენ მას, დაიჴსენინ იგი ჴელისაგან მჴდომთა მისთაჲსა.
Line: 14 გინებითა და ტანჯვითა განვცადოთ იგი, რათა ვიცნათ უმანკოებაჲ მისი და განვიხილოთ
Line: 15 ძჳრუჴსენებელობაჲ მისი. სიკუდილითა უსახურითა დავსახოთ იგი და
Line: 16 ვიხილოთ, უკუეთუ იყოს მოხილვაჲ მისი სიტყუათაგან მისთა". რომელთა უგულის-ხმოებისა
Line: 17 და ცოფბორგნეულობისა უმეტეს განმაცხადებელმან შესძინა:
Line: 18 "ესე ჰგონეს და შესცთეს, რამეთუ დააბრძნა იგინი უკეთურებამან მათმან, და ვერ
Line: 19 აგრძნეს საიდუმლონი ღმრთისანი". რომელთა ყოვლად უფროჲსად საკჳრველი
Line: 20 ესაიაცა მსგავსად მეტყებართაჲსა ჰგოდებს მეტყუელებითა ესრეთ: "ვაჲ სულისა
Line: 21 მათისა, ამით რამეთუ განიზრახეს ზრახვაჲ ბოროტი თავით თჳსით მეტყუელთა:
Line: 22 შევკრათ მართალი, რამეთუ განმაძნელებელ ჩუენდა არს".
Line: 23 აწ უკუე აჰა ესერა განცხადებულად წარმოჩინებულ არს მიზეზი ღმრთისაგან
Line: 24 უცხოყოფისა და სრულიადისა დატევებისა და სამარადისოსა და დაუსრულებელსა
Line: 25 მოკლებულებასა და უბადრუკებასა შინა ყოფისა თქეენისაჲ, უკუეთუ
Line: 26 ოდენ გნებავს შეგონებაჲ, გესმოდის რაჲ და რამეთუ ბაბილონს ვიდრე-მე
Line: 27 ტყუეობისა თქუენისა განსაზღვრებყლი ჟამი თქუეს წინაჲსწარმეტყუელთა
Line: 28 და ამას-თანა აღმოსლვაჲცა და აღშენებაჲ ტაძრისაჲ წინამოასწავნეს.
Line: 29 რამეთუ ისმინეთ იერემიაჲს სიტყუაჲ თქუენდა მიმართ: "ცოდვათა-თჳს,
Line: 30 რომელ სცოდენით წინაშე ღმრთისა, წარიყვანნეთ ბაბილონს ტყუედ ნაბუქოდონოსორის
Line: 31 მიერ, მეფისა ბაბილოვნისა. და შესრულნი ბაბილონს იყვნეთ მუნ
Line: 32 სამეოც და ათ წელ, ხოლო ამის შემდგომად გამოგიყვანნე თქუენ მიერ მშჳდობით,
Line: 33 იტყჳს უფალი". და კუალად ვითარმედ "ჰმსახურებდენ წარმართთა სამეოც
Line: 34 და ათ წელ, და განსრულებასა სამეოცდაათა წელიწადთთა კუალად ვაგო ისრაჱლი
Page: 200 Line: 1 ადგილსა თჳსსა, იტყჳს უფალი". და აღშენებისა-თჳს ტაძრისა ესაია თქუა: "ესრეთ
Line: 2 იტჳს უფალი ცხებულსა ჩემსა კჳროსს, რომლისასა უპყარ მარჯუენესა დამორჩილებად
Line: 3 წინაშე მისსა ნათესავთა". "მან აღაშენოს ქალაქი ჩემი, და ტყუეობაჲ
Line: 4 ერისა ჩემისაჲ მიაქციოს". რომლისა აღშენებისა-თჳს იტყჳს ანგეაცა: "მეორესა
Line: 5 წელსა დარიოსისსა იტყოდა უფალი ჩემდა მომართ და თქუა: იტყოდე ზორობაბელის
Line: 6 მიმართ და იისუ მღდელისა და სხუათა ყოველთა მიმართ ნეშტთა
Line: 7 ერისათა და თქუ: ვინ არს თქუენგანი, რომელმან იხილა სახლი ესე დიდებასა
Line: 8 შინა თჳსსა წინაპარსა? და ვითარ აწ ჰხედავთ მას ვითარცა არა მყოფსა წინაშე
Line: 9 თქუენსა და აწ განძლიერდით ზორობაბელ და იისუ და ყოველი ერი, და
Line: 10 აღაშენეთ სახლი, და სათნო ვიყო მას შინა. და იყოს დიდებაჲ სახლისაჲ ამის
Line: 11 უკუანაჲსკნელი უაღრეს პირველისა, იტყჳს უფალი". რამეთუ ვითარ იგი სოლომონ
Line: 12 პირველისა აღშენებისა მისისა იქმნა დამაფუძნებელ, ეგრეთვე ზორობაბელ
Line: 13 მეორისა და უკუანაჲსკნელისა. რამეთუ იტყჳს ზაქარია: "ჴელთა ზორობაბელისთა
Line: 14 დააფუძნეს სახლი ესე, და ჴელთავე მისთა განასრულონ იგი". რამეთუ უკუეთუმცა
Line: 15 ეგულებოდა კუალად აღდგინებაჲ მისი, ეთქუამცა წინაჲსწარმეტყუელსა ვითარმედ
Line: 16 "იყოს დიდებაჲ სახლისაჲ ამის უკუანაჲსკნელი უფროჲს წინაპარისა".
Line: 17 ხოლო თქუა რაჲ თუ უფროჲს პირველისა, უკუანაჲსკნელად და დასასრულისად
Line: 18 გამოაჩინა მეორე იგი შენებაჲ. რამეთუ, ვითარცა არა არს პირველისასა უპირველესი,
Line: 19 ეგრეთვე არცა უკუანაჲსკნელისასა უუკუანაჲსკნელესი. ვინაჲ უკუეთუმცა
Line: 20 ეთქუა მეორე უაღრეს პირველისა, სამართალ იყო მოლოდებაჲ მესამესაცა აღშენებისა;
Line: 21 ხოლო უკუეთუ მეორესა უკუანაჲსკნელად უწოდა განცხადებულად უკუანაჲსკნელი,
Line: 22 და დასასრულისა აღშენებაჲ ტაძრისაჲ წარმოაჩინა. და ამაოდ სცთებით,
Line: 23 ჵ ჰურიანო, შემდგომად ტიტეს და უესპასიანჱს-მიერისა დარღუევისა მომლოდენი
Line: 24 კუალად გებისა მისისანი.
Line: 25 არამედ ღმრთის-მგალობელი დავითცა უწინარეს ამათსა პირისაგან ტყუექმნულთაჲსა
Line: 26 ხმობს: "მდინარეთა ზედა ბაბილოვნისათა მუნ დავსხედით და ვტიროდეთ,
Line: 27 რაჟამს მომეჴსენა ჩუენ სიონი". და ვითარმედ "მუნ მკითხვიდეს ჩუენ
Line: 28 წარმტყუეველნი ჩუენნი სიტყუათა ქებათასა, და წარმყვანებელნი ჩუენნი გალობათა".
Line: 29 და კუალად სხუაგან ზედა-დაჰრთავს ქალაქისა-თჳს და იტყჳს: "მაშენებელმან
Line: 30 იერუსალიჱმისამან უფალმან განბნეულნი ისრაჱლისანი შეკრიბნეს". და კუალად
Line: 31 პირით-გამო ერისაჲთ იტყჳს: "მოქცევასა უფლისაგან ტყუესა ერისა მისისასა
Line: 32 იხარებდეს იაკობ და იშუებდეს ისრაჱლ". "აწ სადმე ფრიად სცთებით თქუენ
Line: 33 არ მეცნიერებითა წერილთაჲთა", არცა მათ შინა მდებარისა მის საიდუმლოჲსა
Line: 34 და ღმრთივ-სულიერისა მოძღურებისა და წინაჲსწაომეტყულებისაჲთა. ხოლო
Line: 35 უკუანაჲსკნელისა ამის ტყუეობისა-თჳს არცა ჟამი განასაზღვრა ღმერთმან,
Line: 36 არცა კუალად გებაჲ ცხად ყვეს წინაჲსწარმეტყუელთა, არამედ ტყუეობაჲ
Page: 201 Line: 1 ვიდრე-მე და დაცხრომაჲ მეფობისა თქუენისაჲ და მოოჴრებაჲ ქალაქისაჲ ყოველთა
Line: 2 წინაჲსწარმეტყუელთა წინამოასწავეს, ხოლო კუალად უკუმოქცევაჲ და
Line: 3 ქალაქისა აღმართებაჲ არცა ერთმან ვინ არა სადა, თჳნიერ ხოლო სრულიადისა
Line: 4 ამის განქარვებისა და მოსრულებისა თქუენისა და სამარადისოჲსა ტანჯვისა
Line: 5 და ყოველთა შორის წარმართთა განთესულებისა. რამეთუ იტყჳს მთავარანგელოზი
Line: 6 დანიელის მიმართ: "მოისპოს საცხებელი, და მშჯავრი არა იყოს, და ქალაქი
Line: 7 და წმიდაჲ განიხრწნნენ წინამძღურისა თანა მომავალისა, და განირყუნნენ
Line: 8 ვითარცა წყლით-რღუნისა მიერ, და მოისპოს მსხუერპლი და შესაწირავი, და
Line: 9 ტაძარსა შინა საძაგელი მოოჴრებისაჲ, დააღსასრულად მოეცეს". რამეთუ საცხებელისა
Line: 10 მიერ ვიდრე-მე მღდელობაჲ წარმოაჩინა, ხოლო მშჯავრისა მიერ მეფობისა
Line: 11 და სამოქალაქოჲსა დაწყნარებისა და სხუთა ყოველთა უჩინო-ყოფაჲ ქადაგა, ხოლო
Line: 12 წყლით-რღუნისა მიერ და განრყუნისა და აღსასრულისა აღუდგომელი დაცემაჲ
Line: 13 და სრულიადი მოსრულებაჲ განაცხადა.
Line: 14 აწ უკუე რაჟამს გესმოდის, ჵ ჰურიაო ბრმაო, აღსასრული, რასაღა სხუასა
Line: 15 მოელი მერმე. ხოლო, უკუეთუ იკითხვიდე რაჲ არა გულის-ხმა ჰყოფ, - ვითარ
Line: 16 იგი ნამდჳლვე ვერცა რას გულის-ხმა ჰყოფ უსახურისა მის კუალად ქცევისა შენისა-თჳს
Line: 17 და ამის-თჳს წინააღმდგომად ჭეშმარიტებისა მბრძოლი არა გულის-ხმა
Line: 18 ჰყოფ, - ისმინენ კუალად ხმანი წინაჲსწარმეტყუელთანი და დასცხერ უგულის-ხმოჲსა
Line: 19 მაგის მბრძოლობისაგან. რამეთუ ესრეთ იტყჳს წინაჲსწარმეტყუელი
Line: 20 ოსიე: "დავაცხრო მეფობაჲ სახლისა ისრაჱლისაჲ და შევმუსრო მშჳლდი ისრაჱლისაჲ,
Line: 21 და არღა შევსძინო მერმე შეწყალებად სახლსა ისრაჱლისასა, არამედ
Line: 22 წინაგანწყობით წინაგანვეწყო მათ, იტყჳს უფალი" და "მოვიძულენ იგინი უკეთურებისა-თჳს
Line: 23 საქმეთა მათთაჲსა და სახლით ჩემით განვჴადნე იგინი და არღარა
Line: 24 შევსძინო შეყუარებად მათდა, თქუა უფალმან, შესტკივდეს ეფრემს ძირნი
Line: 25 მისნი და განჴმა, და ნაყოფი არღარა გამოიღოს მერმე. განიშორნეს იგინი
Line: 26 ღმერთმან, რამეთუ არა ისმინეს მისი, და იყვნენ შეცთომილ წარმართთა შორის".
Line: 27 და მალაქია: "არა არს ნებაჲ ჩემი თქუენ შორის, იტყჳს უფალი, ყოვლისა
Line: 28 მპყრობელი, და მსხუერპლი არა შევწირო ჴელთაგან თქუენთა, ამით რამეთუ
Line: 29 აღმოსავალითგან მზისაჲთ ვიდრე დასავალადმდე სახელი ჩემი დიდებულ არს წარმართთა
Line: 30 შორის, და ყოველსა ადგილსა საკუმეველი მოერთუმის სახელსა ჩემსა
Line: 31 და მსხუერპლი წმიდაჲ, ამით რამეთუ დიდ არს სახელი ჩემი წარმართთა შორის,
Line: 32 იტყჳს უფალი, ყოვლისა მპყრობელი. ხოლო თქუენ შეამწინკულეთ იგი".
Line: 33 "ამის-თჳს მიგცნე თქუენ შეურაცხქმნილად და დამჴობილად ყოველთა წარმართთა
Line: 34 მიმართ არა დაცვისა-თჳს მცნებათა ჩემთაჲსა". რომლისა-თჳს იტყჳს იერემია:
Line: 35 "ამას იტყჳს უფალი, ყოვლისა მპყრობელი: აჰა ვფუცე სახელსა ჩემსა დიდსა,
Page: 202 Line: 1 უკუეთუ იყოს ამიერითგან სახელდებულ სახელი ჩემი ყველსა შინა პირსა
Line: 2 იუდაჲსსა". ხოლო უკუეთუ სახელისა მისისა მოღებაჲ თქუა იუდეანთაგან, კეთილად
Line: 3 ცხად არს, ვითარმედ სჯულისაცა და მსხუერპლთაჲ. ვინაჲცა ვითარმედ
Line: 4 არა პირველითგანვე საღმრთოჲთა ნებითა მოეცა მსხუერპლთა-ძლითი სჯულის-დებაჲ.
Line: 5 ამის შემდგოძად თქუა წინაჲსწარმეტყუელთა მიერ ესრეთ: "ვინ იძინა
Line: 6 ესენი ჴელთაგან შენთა?". და "ნუ აღთქუმანი და მსხუერპლნი მოსპობენა ცოდვათა
Line: 7 შენთა?". და "ნუ საკლველებსა და მსხუერპლებსა შემოსწირევდითა ჩემდა უდაბნოს
Line: 8 ზედა ორმეოც წელ?" და "რაჲსა-თჳს გუნდრუკსა საბაჲთ მომართუამ მე და
Line: 9 კინამომოსა ქუეყანით შორი?" რომლისა-თჳს იტყჳს: "მსხუერპლი და შესაწირავი
Line: 10 არა ინებე". და ნუ ყოვლად-დასაწუველნი მსხუერპლთა თანა ჰნებავთ ღმერთსა,
Line: 11 ანუ მორჩილებაჲ მისი და სასმენელი კეთილი უფროჲს მსხუერპლთა".
Line: 12 და "უკუეთუმცა გენება მსპუერპლი, მომცა მეცა". ამას თანა განმჴდელი დღესასწაულთაჲცა
Line: 13 ზედა-დაჰრთავს და იტყჳს "მოძულებით განვსთხიენ ჩემგან დღესასწაულნი
Line: 14 თქუენნი" და "განმაშორენ მე ხმანი საგალობელთა შენთანი და ფსალმუნებაჲ
Line: 15 ორღანოთა შენთაჲ არა ვისმინო" და "დღე დიდი არა მივითუალო". და
Line: 16 "მარხვაჲ და უქმობაჲ თქუენი სძულან სულსა ჩემსა" და "არა ეგე ვითარი მარხვაჲ
Line: 17 გამოვირჩიე". და "მოგცნე თქუენ ბრძანებანი არა კეთილნი, რომელთა თანა-მცხორებელ
Line: 18 იყვნეთ მათ თანა". "ვინაჲცა უეჭუელად გულფიცხელობისა თქუენისა
Line: 19 და არა თჳსისა სახიერებისა-ებრ მოგცნა თქუენ ბრძანებანი იგი, და შეცვალებაჲ
Line: 20 არღარა არს".
Line: 21 რამეთუ ვინაჲთგან ყოვლით-ურთ უცნობელ და ფრიად უმადლო იქმნა ძუელ
Line: 22 სადმე ისრაჱლი დაუტევა ნამდჳლვე არსი და ზეშთა-არსთაჲ ღმერთი შემოქმედი
Line: 23 და ქველის-მოქმედი მისი მრავლით-კერძო და მრავლით-სახით და სრულიად
Line: 24 განდგომილი ღმრთისაგან მაცხოვრისა თჳსისა მხუერპლად ეშმაკთა შესწირვიდა
Line: 25 ძეთა და ასულთა თჳსთა, და ჰმსახურებდა და თაყუანის-სცემდა დაბადებულსა ნაცვალად
Line: 26 დამბადებელისა მეტყუელი ქვისა და ძელისაჲ: "ღმერთი ჩემი ხარი შენ,
Line: 27 შენ გიშობიეს მე", და არა განჰკრთა უბადრუკი იგი და საწყალობელი უარის-ყოფასა
Line: 28 ზედა მშობელისა მისისა ღმრთისა ცხოველისა და ჭეშმარიტისა და დავიწყებასა
Line: 29 გამომზრდელისა მისისა ღმრთისასა. რომლისა-თჳსცა მიერითგან ვითარცა
Line: 30 უჴმარი და უსარგებლოჲ მოიწყინა იგი ღმერთმან და სრულიად გარემიექცა
Line: 31 მას ესრეთ თქუმითა დიდისა დავითის მიერ. "და არა ისმინა ერმან ჩემმან ხმისა
Line: 32 ჩემისაჲ, და ისრაჱლი მე მერჩდა, და განვავლინნე იგინი სლვად საქმეთა-ებრ
Line: 33 გულთა მათთაჲსა" ეგრეთვე კუალად იტყჳ ზაქარიაჲსცა მიერ: "და ვთქუ არღა
Line: 34 ვჰმწყსიდე მათ, არამედ მოკუდომადი მოკუედინ, და წარწყმედადი წარწყმდინ,
Page: 203 Line: 1 და დაშთომილნი შეშჭამდენ თითოეული ჴორცთა მოყუსისა თჳსისათა". და ესრეთ
Line: 2 საძაგელქმნილად და განხრწნილად და ყოვლით-ურთ მოძულებულად არა წმიდათა
Line: 3 და ბილწთა საქმეთა მიერ გამომაჩინებელი თავისაჲ ფრიად ჯეროვნად და ყოვლად
Line: 4 სამართლად დატევებულ და განგდებულ იქმნა სრულიად, ვითარცა კუალად
Line: 5 ხმობს საღმრთოჲ მალაქია: "დაეცა ისრაჱლი, და არღა მერმეცა შესძინოს აღდგომად".
Line: 6 ეგრეთვე ესაიაცა იტყჳს: "ვინმე გრიდოს შენ, ისრაჱლ, ანუ ვინ მიგაქციოს
Line: 7 მშჳდობისავე მიმართ შენისა, იტყჳს უფალი. უკუანა ხჳდოდე, და განვირთხა
Line: 8 ჴელი ჩემი და განგხრწნა შენ და განგთესო შენ და არღა მერმე გილხინო
Line: 9 შენ". და "აჰა მე მოვიღო და განგბძარნე თქუენ და ქალაქი, რომელ მოგეც
Line: 10 თქუენ, და მიგცნე თქუენ ყუედრებად საუკუნოდ და უპატივოებად საუკუნოდ,
Line: 11 რომელი არღარა იცვალოს".
Line: 12 ხოლო უკუანაჲსკნელისა ამის მოოჴრებისა და დასასრულისათა და საძინელთა
Line: 13 ძჳრთა თქუენთა წინამომასწავებელნი დიდი და ღმრთივ-მზრახვალი მოსე და
Line: 14 ღმრთივ ხმოანნი ეზეკიელ და იერემია ესრეთ იტყჳან განცხადებულად. რამეთუ
Line: 15 მოსე მეორესა სჯულსა შინა დასწერს: "და მოხადოს ღმერთმან შენ ზედა ნათესავი
Line: 16 კიდით ქუეყანისაჲთ შორით ვითარცა მიმართებაჲ არწივისაჲ, ნათესავი
Line: 17 შეუკდემელი პირითა, და შეგაიწროს შენ ყოველთა შინა ქალაქთა შენთა, ვიდრემდის
Line: 18 დაირღუენ ზღუდენი შენნი მაღალნი და ძლიერნი, რომელთა იგი შენ
Line: 19 მოსავ ხარ მათდა მიმართ. და შეჭამონ შვილის-შვილთა მუცლისა შენისათა
Line: 20 ჴორცი ძეთა და ასულთა შენთაჲ, არა დაშთომისა-თჳს თქუენდა და არა რას იწროებისა
Line: 21 მისგან და ჭირისა, რომლითაცა შეგაიწროს შენ მტერმან შენმან ყოველთა
Line: 22 შინა ქალაქთა შენთა. და ჩჩჳლმან თქუენ შორის და მოყმემან დედაკაცმან
Line: 23 გამოსრული წყვილთაგან მისთა და შვილი, რომელიცა შვას, შეჭამოს ფარულად
Line: 24 კლულევა ნებისა-თჳს ყოველთაგანი იწროებასა მას შინა და ჭირსა". და იყო მაგალით
Line: 25 და იგავ და მისათხრობელ ყოველთა შორის წარმართთა, რომელთაცა მიმართ
Line: 26 განგავლინოს შენ უფალმან მუნ. ვიდრემდის მოისრა შენ". და "დაშთომილ
Line: 27 იქმნე შემცირებული რიცხჳთა. მის წილ რომელ იყვენით ვითარცა ვარსკულავნი
Line: 28 ცისანი სიმრავლითა, და არა ისმინეთ ხმაჲ ღმრთისა თქუენისაჲ და იყოს, ვითარ
Line: 29 სახედ განიხარა უფალმან თქუენ ზედა კეთილის-ყოფად და განმრავლებად
Line: 30 თქუენდა, ეგრეთვე განიხაროს უფალმან თქუენ ზედა მოსრულებად თქუენდა, და
Line: 31 დაგაკლნეს კეთილისა მის ქუეყანისაგან, და განგთესოს შენ უფალმან ღმერთმან შენმან
Line: 32 ყოველთა მიმართ წარმართთა კიდითგან ქუეყანისაჲთ ვიდრე კიდედმდე ქუეყანისა. არამედ
Line: 33 წარმართთაცა მათ შორის არავე განგისუენოს შენ, არცა იქმნეს დამტკიცებაჲ კუალსა
Line: 34 ფერჴთა შენთასა და მოგცეს შენ უფალმან მუნ გული უხარული და თუალნი მოკლებულნი
Line: 35 და გული დამდნარი, და გეშინოდის დღე და ღამე, და იტყოდი განთიად შიშისაგან
Page: 204 Line: 1 გულისა შენისა: ვითარმე იქმნეს მწუხრი? და მწუხრსა იტყოდი: ვითარ-მე
Line: 2 იქმნეს განთიადი?" ხოლო ეზეკიელ იტყჳს: "ამას იტყჳს ადონაი უფალი:
Line: 3 აჰა მე შენ ზედა, იერუსალჱმ, და ვყო შორის შენსა მსჯავრი წინაშე ნათესავთა,
Line: 4 და ვქმნნე შენ შორის, რომელნი არა მიქმნიან, და არღარა ვქმნნე მსგავსნი
Line: 5 მათნი მერმეცა ყოველთავე საძაგელებათა შენთა-თჳს. ამის-თჳს მამათა შეჭამნენ
Line: 6 შვილნი მათნი შორის შენსა, და შვილთა შეჭამნენ მამანი მათნი, და ვქმნა შენ
Line: 7 თანა მშჯავრი და განვსთესნე ყოველნი დაშთომილნი შენნი ყოველთა მიმართ
Line: 8 ქართა, ამით რომელ შეაგინენ სიწმიდენი ჩემნი ყოვლითავე მოსაწყინელებითა
Line: 9 შენითა, მეცა განგიშორო შენ და არღარა შეგიწყალო შენ მერმე. მეოთხედი
Line: 10 შენი სიკუდილითა მოისპოს, და მეოთხედი შენი სიყმილითა განილიოს შორის
Line: 11 შენსა, და მეოთხედი შენი მახჳლითა დაეცნენ გარემოჲს შენსა, და მეოთხედი
Line: 12 შენი განვაბნიო ყოველთა მიმართ ქართა". და ბრძოლამან ვიდრე-მე და მახჳლმან
Line: 13 გარეთ, ხოლო შიმშილმან შინაჲთ და სიკუდილმან შინაჲთ მოგასრულოს, და
Line: 14 ველსა ზედა მყოფნი უკუე მახჳლმან მოსრნეს; ხოლო ქალაქსა შინა სიყმილმან
Line: 15 და სიკუდილმან მოსწყჳდნეს, ხოლო მათგან დაშთომილნი მოისპნენ. და
Line: 16 მოვიხუნე მათგან მახჳლითა და სიყმილითა და სიკუდილითა, რათა მისათხრობელ
Line: 17 იქმნნენ წარმართთა შორის ყოველნი უსჯულოებანი მათნი, და ცნან, ვითარმედ
Line: 18 მე ვარ უფალი, დამცემელი მათი".
Line: 19 ამის-თჳს იტყჳს ოქროპირი ვითარმედ "მოსწყუედს ყოველთა ერთბამად,
Line: 20 არამედ განაბნევს". რომლისა წარმომაჩინებელი საღმრთოჲ დავით იტყოდა მისა
Line: 21 მიმართ: "ნუ მოსწყუედ მათ, ესე იგი არს ყოველთა, არამედ განაბნიენ მათგანნი
Line: 22 ვინაჲვე ძალითა შენითა". ხოლო მეორედ მოსლვისა და გამოჩინებისა მისისა
Line: 23 და ფრიადისა უნუგეშინის-ცემოჲსა ჭირისა მათისა-თჳს ესრეთ იტყჳს ზაქარია:
Line: 24 "მაშინ მოვიდეს უფალი ღმერთი ჩუენი, და იყოს ტყებაჲ დიდი იერუსალჱმს
Line: 25 შინა". "რამეთუ იხილონ, რომლისა მიმართ უგუმირეს", ესე იგი არს, რომელთა
Line: 26 მიმართ განაწონნეს სამსჭუალნი. რამეთუ არა თქუა ვითარმედ "რომელსა უგუმირეს",
Line: 27 არამედ "რომლისა მიმართ უგუმირეს". ხოლო რაჲ არს ვითარმედ "რომლისა
Line: 28 მიმართ"? ანუ თუ ჯუარი იყო, რომლისა მიმართ უგუმირეს მას ზედა
Line: 29 დამსჭუალვითა სამსჭუალთაჲთა. რამეთუ უწინარეს საშინელისა მის მოსლვისა
Line: 30 უფლისა ვითარცა სამეფოჲ ნიში, რომელსა დროშად სახელ სდებს საზოგადოჲ
Line: 31 ჩეეულებაჲ, წინაუძღოდის მოსლვასა ქრისტჱსსა ანგელოზთაგან დიდებული და
Line: 32 პატივცემული. და გამოჩნდეს ჯუარი ქუეყანით დამფარველად ნათელსა მზისა
Line: 33 და მთოვარისასა, ვითარცა იტყჳს უფალი ვითარმედ "მაშინ გამოჩნდეს სასწაული
Line: 34 ძისა კაცისაჲ ცათა შინა". და, რათა აღესრულოს სიტყუაჲ ზაქარიაჲსი, განჭეშმარიტებულად
Page: 205 Line: 1 დადვა ქრისტემან მისი იგი ესრეთ მეტყუელი სიტყუაჲ თუ "მაშინ
Line: 2 იხილონ, რომლისა მიმართ უგუმირეს". თქუა რაჲ ვითარმედ "მაშინ იხილონ
Line: 3 სასწაული ძისა კაცისაჲ", ცხად არს, ვითარმედ ჯუარი.
Line: 4 ხოლო იერემია ესრეთ იტყჳს: "ამას იტყჳს უფალი, ღმერთი ისრაჱლისაჲ:
Line: 5 აჰა მე მოვაწინე ადგილსა ამას ზედა ძჳრნი, ვიდრემდის ყოველმან მსმენელმან
Line: 6 მათმან დაიყვნეს ორნივე ყურნი თჳსნი, ამის-თჳს რომელ დამიტევეს მე
Line: 7 და უცხო ყვეს ადგილი ესე". "და დავჴლა განზრახვაჲ იუდაჲსი და განზრახვაჲ
Line: 8 ისრაჱლისაჲ ადგილსა ამას შინა, და დავსცნე იგინი მახჳლითა წინაშე მტერთა
Line: 9 მათთა, და მივსცნე მკუდარნი მათნი საჭმელად მფრივნელთა ცისათა და მჴეცთა
Line: 10 ქუეყანისათა", "და დავაწესო ქალაქი ესე განსაქარვებელად და სასტჳნავად საუკუნოდ,
Line: 11 რათა ყოველნი თანაწარმავალნი მის მიერ განჰკრთენ და შეჭუვნენ და შეხარნენ
Line: 12 თავნი მათნი ყოველსა ზედა წყლულებასა მისსა. და ვითარცა ქარი და
Line: 13 სიცხე განვსთესნე იგინი პირის-პირ მტერთა მათთა, და უჩუენო მათ დღე წარწყმედისაჲ".
Line: 14 და "ჭამდენ ჴორცსა ძეთა და ასულთა მათთასა და თითოეული
Line: 15 ჴორცსა მოყუსისა თჳსისასა ჭამდეს გარემოცვულებასა მას და გარემოდგომილებასა,
Line: 16 რომელსა მოადგენ მათ მტერნი მათნი". "და შევმუსრო ერი ესე და ქალაქი
Line: 17 ესე, ვითარცა შეიმუსრის ჭურჭელი კეცისაჲ, რომლისაჲ არღარა შესაძლებელ
Line: 18 არნ განკურნებაჲ მერმე. ესრეთ უყო, თქუა უფალმან, ქალაქსა ამას და
Line: 19 მკჳდრთა მას შინა მოცემად ქალაქი ესე ვითარცა დაღონებული". "და მივსცნე
Line: 20 იგინი განსაბნეველად ყოველთა მეფობათა ქუეყანისათა, და იყვნენ საყუედრელად
Line: 21 და იგავად და საწყევარად და საძულელად ყოველსა ადგილსა, რომელსაცა განვჴადნე
Line: 22 იგინი მუნ".
Line: 23 აწ უკუე რაჲმცა საღმრთოთა ამათ სიტყუათასა უცხადეს ანუ უჭეშმარიტეს
Line: 24 იყო? ვინაჲცა იხილე, უგულის-ხმოო და პირუტყუქმნილო ჰურიაო უკუეთუ არა
Line: 25 დაუკლებელად აღსრულებულ არიანა ყოველნი ესე საღმრთოთა მათ თქუენდა
Line: 26 მიმართთა წინაჲსწარმეტყუელებათა და ქრისტჱს-მიერთაცა წინაუწყებათა და
Line: 27 წინაქადებათა-ებრ. რამეთუ იტყჳს იერუსალჱმისა და მას შინა ტაძრისა-თჳს ვითარმედ
Line: 28 "არა დაშთეს ქვაჲ ქვასა". ნუ უკთე დაშთაა არა სადა? და "აჰა დაუტევნეთ
Line: 29 სახლნი თქუენნი ოჴრად". არა ოჴერ იქმნნესა? და ფრიადცა. და "იყოს ჭირი
Line: 30 რომლისა მსგავსი არა ქმნილ არს". არა სადმე იქმნაა? წარიკითხე მატიანე
Line: 31 იოსიპოჲსი, კაცისა ჰურიისა და ჭეშმარიტებისა მოყუარისაჲ, და ვერცაღა თუ
Line: 32 აღმოფშჳნვად შეუძლო მხოლოდ სმენითა ოდენ მათითა, რომელნი შეემთხჳნეს
Line: 33 მაშინდელთა მათ უბადრუკთა ჰურიათა ქრისტჱს მიმართ ქმნილთა-თჳს უღმრთოებათა
Line: 34 მათთა. რამეთუ რათა არავინ ჰურიათაგანი ურწმუნო იქმნეს, არა სხჳსა
Line: 35 ნათესავისაჲ ვინმე, არამედ მისვე ნათესავისა და მისვე სარწმუნოებისაჲ, და მოშურნე
Page: 206 Line: 1 მამულისა წესისაჲ აღადგინა ჭეშმარიტებამან საწყალობელთა მათ და ძნიად
Line: 2 მისათხრობელთა შემთხუევათა გოდებად. რამეთუ ეგე ვითარი ღმრთივ-მოვლენილი
Line: 3 დაითმინეს მოსპოლვაჲ, რომლისა მსგავსი არა რომელსა ჟამსა შინა
Line: 4 ხილულ არს. ვინაჲთგან დაიბადა კაცი, და ფრიად სამართლად: რამეთუ ვიდრემდის
Line: 5 თანა მონათა მიმართ ცოდვიდეს, შენდობასა მიემთხუეოდეს, ხოლო რაჟამს
Line: 6 ზოგადისამე უფისა მიმართ განავრცეს ბიწი მცოდველობისაჲ შეუნდობელად იტანჯნეს.
Line: 7 ხოლო ვითარმედ ქრისტემან უყვნა მათ ესენი, ისმინე კუალად მისი იგავთა
Line: 8 მიერ მეტყუელებაჲ: "ხოლო რომელთა არა ჰნებავს მეფობაჲ ჩემი მათ ზედა, მომგუარენით
Line: 9 მე აქა და მოსწყჳდენით წინაშე ჩემსა". რომლისა-თჳსცა მათდა მიმართცა
Line: 10 იტყოდა: "მოგეღოსო თქუენგან სამეფოჲ ცათაჲ და მიეცეს ნათესავთა,
Line: 11 რომელნი ჰყოფდენ ნაყოფთა მისთა". და იერუსალჱმისა მიმართ უკუე იტყჳს:
Line: 12 "მოვლენედ შენ ზედა დღენი, და გარემოგადგინონ შენ მტერთა შენთა ლაშქარი
Line: 13 და გარემოგიცვან შენ და მოგიკრძალონ ყოვლით-კერძო და დააკუეთნენ შვილნი
Line: 14 შენნი შენ შორის". ხოლო ურწმუნოთა ჰურიათა მიმართ კუალად იტყჳს. "აჰა
Line: 15 დაუტევნეთ სახლნი თქუენნი ოჴრად". რომელი ესე საღმრთომან დანიელცა თქუა
Line: 16 წინამოსწავებით ვითარმედ "ქალაქი და წმიდაჲ განიხრწნენ წინამძღურისა თანა
Line: 17 მომავალისა", ესე იგი არს ყოველნივე პატიოსნებით საჩინონი საქმენი და პატივნი
Line: 18 ჰურიათანი დაჰჴსნნეს და უჩინო ყვნეს ღმერთმან და მამამან, არამედ ძემანცა
Line: 19 და ქრისტემან, რომელი ვითარცა მჴსნელი და მაცხოვარი მოლოდებაჲ არს
Line: 20 მათ მიერ. რამეთუ არა თქუა თუ "განიხრწნენ ტაძარი და ქალაქი წინამძღურისა-თანა",
Line: 21 ვითარ იგი პირუტყულად ჰგონეს ვიეთმე, არამედ განჰხრწნის მამაჲ ტაძარსა
Line: 22 და ქალაქსა თანა-მოქმედებითა, ცხად არს, ვითარმედ მათ მიერ შეურაცხქმნილისა
Line: 23 მის წინამძღურისაჲთა, რომლისა-თჳს იტყჳს იაკობ ბეთლემისა მიმართ
Line: 24 ვითარმედ "რომლისაგან გამოვიდეს წინამძღუარი" და შემდგომთა. რომელმან იგი
Line: 25 ესრეთ თქუა მოციქულთა მიმართ ვითარმედ "რაჟამს იხილოთ საძაგელი მოოჴრებისაჲ,
Line: 26 თქუმული დანიელ წინაჲსწარმეტყუელისაჲ, მდგომარე ადგილსა წმიდასა,
Line: 27 რომელი აღმოიკითხვიდეს, გულის-ხმა ჰყოფდინ" რომელი ესე იქმნაცა,
Line: 28 პირველად უკუე ჟამსა მოოჴრებისა და ტყუეობისასა, რაჟამს იგი ლაშქარი ჰრომთაჲ
Line: 29 შევიდა ტაძრად, - რომელნიცა საძაგელად და განყრილად შერაცხილ იყვნეს
Line: 30 სჯულისა მიერ. ამის-თჳს სამართლად საძაგელად მოოჴრებისად სახელდებულ იქმნნეს
Line: 31 წინაჲსწარ, - ამის შემდგომად ოდეს იგი ადრიანე მეფემან კერპი თჳსი
Line: 32 აღჰმართა მუნ და სრულიად მოაოჴრა ქალაქი. რომლისა ვითარცა უკუანაჲსკნელისა
Line: 33 ტყუეობისა უბადრუკთა ჰურიათაჲსა-თჳს იტყჳს ღმრთის-მეტყუელიცა იგი
Line: 34 ენაჲ, განაქიქებდეს რაჲ მძჳნვარესა მას მოოჴრებასა მათსა ქრისტჱს-მიმართთა
Line: 35 კადნიერებათა-თჳს. რამეთუ იტყჳს ვითარმედ "უკუანაჲსკნელისა უგულის-ხმოებისა
Page: 207 Line: 1 სიღრმედ შთავარდეს ჯუარისა მიერ, რომელი ღმრთისა და მაცხოვრის., ჩუენისა-თჳს
Line: 2 მოიპოვეს კაცთა-შორისისა ღმრთისა უმეცარქმნილთა მათ, და კუერთხი
Line: 3 რკინისაჲ შორითვე ქადებული მათდა თავთა თჳსთა ზედა მოიზიდეს; აწ მპყრობელსა
Line: 4 ამას მთავრობასა ვიტყჳ და მეფობასა და დასასრულისა მოწევნადი მათი
Line: 5 მოოჴრებაჲ და აწ მდებარე მათ ზედა უღელი მონებისაჲ, და ხმაგანსმენილი იგი
Line: 6 ჰრომთა-მიერი დამდაბლებაჲ და განთესულებაჲ, რომელი აწ შეჰმთხუვიეს და
Line: 7 რომელი შემთხუევად უც უმეტეს, - რამეთუ მრწამს მათ-ძლითთა წინაჲსწარმეტყუელებათაჲ, -
Line: 8 რამეთუ ვინ ჰგონებდეს ღირსებით გოდებათ-მწერლობისა მეცნიერთაგანი
Line: 9 და ვნებისა თანა შემატყუებელი სიტყუათაჲ? რომელთა წიგნთა დაიტივნენ
Line: 10 ესენი? ერთ ძეგლ განსაცდელისა მათისა არს ყოველი სოფელი, რომლისაცა
Line: 11 შორის განითესნეს, დამღლელობაჲ დაცხრომილი თჳთ მის იერუსალჱმისა
Line: 12 მხოლოდ ადგილთა ოდენ ძლით საცნობელი, რომელი ესდენ ოდენღა სავალ
Line: 13 არს მათდა. და ამას ოდენღა მიიღებენ ოდესმე მათდა ქონებულის დიდებისაგან,
Line: 14 რათა ჰხედვიდენ და ჰგოდებდენ მოოჴრებულებასა თჳსსა.
Line: 15 ხოლო იოსიპოს სამასსა ბევრსა მხოლოღ მამათასა ოდენ იტყჳს პირითა
Line: 16 მახჳლისა და სხუათა წყლულებათაჲთა დაცემულსა მაშინ, და რამეთუ იგიცა იერუსალჱმს
Line: 17 იყო მათ დღეთა შინა და მუნ დაემთხჳა მაშინდელსა მას ბრძოლასა.
Line: 18 რომელთაგანნი რომელნიმე სიყმილითა განიხრწნნეს, ხოლო რომელნიმე შეწყუდეულობასა
Line: 19 მას შინა ურთი-ერთას მკლველობითა განიჭრნეს; და რომელნიმე
Line: 20 ჰრომთასა მიერ მოისრნეს, ხოლო რომელნიმე განსალევნელ ცეცხლისა იქმმნეს,
Line: 21 ხოლო [რომელნიმე] სიმაღლითა ჰასაკთაჲთა და ჰაეროვნებითა ქმნულებისაჲთა
Line: 22 უაღრესნი სხუათაი თეატრონსა შინა მჴეცთა მიმართისა ბრძოლისა ყოფისა-თჳს
Line: 23 ჰრომედ წარცემულ იქმნნეს. ხოლო ნეშტი სიმრავლე ერისაჲ, რაოდენისა ათშჳდმეტისა
Line: 24 წლისასა უხუცეს იყვნეს, რომელნიმე ეგჳპტეს წარისხნეს საქმეთა-თჳს
Line: 25 საეგჳპტეოთა, ხოლო უმრავლესნი სხუათა ქალაქთა და სამთავროთა ზედა განიყვნეს,
Line: 26 რათა თეატრონთა შინა მჴეცთა და რკინათა მიერ განიხრწნეს. ხოლო უშინაგანეს
Line: 27 ათშჳდმეტისა წლისა მყოფნი ტყუედ წარსხმულნი დაისყიდნეს და მხოლოდ
Line: 28 ამათი ოდენ რიცხჳ აღვიდა ცხრად ბევრად მამაკაცად. და გაქცევისა-თჳს
Line: 29 ვიდრე-მე იერუსალჱმისა ესრეთ იტყჳს იგი.
Line: 30 ხოლო მოოჴრებაჲ ქალაქისა და ტაძრისაჲ იქმნა წინაჲსწარმეტყუელებისა-ებრ
Line: 31 დანიელისსა, რომელი უწინარეს ოთხას და რვისა წლისა წინაჲსწარმეტყუელა
Line: 32 მან. და ესრეთ უკუე იქმნა მესამე წარტყუენვჲ და სრულიადი მოოჴრებაჲ
Line: 33 იერუსალჱმისაჲ უესპასიანეს-ზე და ტიტესსა, მეორმეოცესა წელსა ამაღლებითგან
Line: 34 უფლისა ჩუენისაჲთ. რომელიცა საღმრთოჲ მამაჲ ოქროპირი უგამომეძიებელესობით-რე
Page: 208 Line: 1 განმხილველი ამხილებს მათ და იტყჳს: "ხოლო უკუეთუ სიტყუაჰბრძოლობ,
Line: 2 ჵ ჰურიაო, დასასრულისა-თჳს, გარდასრულითგან გულის-ხმა
Line: 3 ყავ და აწ მყოფთა. რამეთუ იხილეღა: შთახუედ ეგჳპტედ და დაჰყვენ მუნ წელიწადნი
Line: 4 ორასნი, არამედ კუალად გამოგიჴსნა შენ ღმერთმან მონებისა მისგან
Line: 5 მწარისა და ესე უღმრთოქმნილი და მცოდველი ცოდვისა საშინელისაჲ განთავის-უფლდი
Line: 6 ეგჳპტით და თაყუანის-ეც ჴბოსა, "დაუკლენ ძენი და ასულნი შენნი
Line: 7 ბეელფეგორს და ეშმაკთა", ტაძარი შეაგინე, ბუნებასა უმეცარ ექმენ, მთანი, ბორცუნი,
Line: 8 ნაპრალნი. წყარონი, მდინარენი, მტილნი, სამოთხენი საძაგელთა მსხუერპლთა
Line: 9 მიერ აღავსენ, წინაჲსწარმეტყუელნი მოსწყჳდენ, საკუთრთხეველნი დააქცეენ,
Line: 10 ყოველ სახესა სიბოროტისასა მოუჴედ, და ყოველი უღმრთოებაჲ გარდარეულად
Line: 11 აჩუენე და უკეთურებაჲ. გარნა ეგრეთცა სამეოცდაათთა წელთა მიცემული
Line: 12 ჴელთა ბაბილოვნელთასა კუალად პირველისავე თავის-უფლებისა მომართ
Line: 13 მოგაქცია და მამული და ტაძარი უკუმოგცნა და პირველნი მადლნი წინაჲსწარმეტყუელებისანი,
Line: 14 და კუალად წინაჲსწარმეტყუელნი და მადლი სულისა წმიდისაჲ.
Line: 15 ხოლო უფროჲსღა არცა თჳთ მას ჟამსა ტყუეობისასა დატევებულ იქმენ, არამედ
Line: 16 მუნცა ეზეკიელ და დანიელ, და ეგჳპტეს იერემია, და მერმეცა უწინარეს ამათსა
Line: 17 მოსე და აჰრონ უდაბნოს. ხოლო შემდგომად ამათსა კუალად პირველისავე მიმართ
Line: 18 აღიწიე უკეთურებისა და განიხრწენ და ელენებრისა მიმართ მისდერკ მოქალაქობასა
Line: 19 უღმრთოჲსა ანტიოხოზის-ზე. არამედ მაშინცა სამ წელ მიცემულთა
Line: 20 ანტიოხოზისდა ბრწყინვალენი ძლევანი აღადგინენით კუალად მაკაბელთა მიერ.
Line: 21 ხოლო აწ ესე ვითარი არა რაჲ, არამედ უფროჲსღა წინაუკმოჲ იხილვების ყოველი,
Line: 22 რომელიცა ფრიადისა დაკჳრვებისა ღირს არს, ვითარმედ სიბოროტისა
Line: 23 ვიდრე-მე სახენი დასცხრეს, ხოლო მტანჯველობისანი განვრცნეს და არცაღა სასოებაჲ
Line: 24 რაჲმე შეცვალებისაჲ დაუშთა. რამეთუ არა სამეოცდაათნი ხოლო წელიწადნი
Line: 25 გარდაჴდეს, არამედ ფრიად უმრავლესნი და არცა აჩრდილსა სასოებისასა
Line: 26 შესაძლებელ არს პოვნაჲ, და ესე არცა კერპთ-მსახურებასა შინა თქუენსა არცა
Line: 27 სხჳსა რაჲსმე ქმნასა რაოდენთა რათ პირველ მკადრებელ იყვენით. ხოლო რათა
Line: 28 უცხადესად-რე და უგანცხადებულესად ვთქუათ ამათ-თჳს, ზემოჲთგან დავიწყოთ,
Line: 29 კუალად:
Line: 30 სამთა მონებათა მძჳნვარეთა მეცნიერნი იუდეანნი, ხოლო არცა ერთი მათგანი
Line: 31 თჳნიერ წინაჲსწარისა უწყებისა მოაწია მათ ზედა საღმრთომან მსჯავრმან,
Line: 32 არამედ წინა აუწყნა მათ ადგილიცა და ჟამი და გუარი და შემთხუევაჲ და
Line: 33 კუალად უკმოქცევაჲ, და სხუანი ყოველნი ფრიადითა უცთომელობითა. და
Line: 34 მეგჳპტურისა ვიდრე-მე პირველისა-თჳს სიტყჳს-მყოფელმან მან ესრეთ თქუა
Page: 209 Line: 1 აბრაჰამის მიმართ: "ცებნით უწყოდე, ვითარმედ მხემ იყოს ნათესავი შენი ქუეყანასა
Line: 2 უცხოსა და დაიმონებდენ მათ და განაბოროტებდენ მათ ოთხას წელ. ხოლო
Line: 3 ნათესავი, რომელსაცა ჰმონებდენ, ვსაჯო მე, თქუა უფალმან". "ხოლო მეოთხე
Line: 4 ნათესავი გამოვიდეს აქა განმზადებულებითა მრავლითა". ხოლო მეორისა-თჳს იტყჳს
Line: 5 იერემია: "ესრეთ თქუა უფალმან: რაჟამს ეგულებოდის აღსრულებაჲ სამეოცდაათთა
Line: 6 წელთა ბაბილოვნისათა, მოვიხილო თქუენ ზედა და დავადგინნე თქუენ
Line: 7 ზედა კეთილნი სიტყუანი ჩემნი მოქცევად ადგილსავე ამის მომართ". "და მოვაქციო
Line: 8 ტყუეობაჲ თქუენი და შეგკრიბნე თქუენ ყოველთა ნათესავთაგან და ყოველთა
Line: 9 ადგილთა თქუენთაგან, სადა იგი განგთესენ თქუენ მუნ, იტყჳს უფალი, და
Line: 10 მიგაქცინე თქუენ ადგიდ, სადაჲთ იგი უმკჳდრო გყვენ თქუენ მუნით".
Line: 11 აწ უკუე ორნი ესე მონებანი მათნი შემოკლებულად წარმოთქუნა სიტყუამან,
Line: 12 თუ ვითარ წინაჲსწარმეტყუელებით მოიწინეს მათ ზედა, და არა უგრძნულად
Line: 13 არცა მოულოდებელად. ვინაჲცა აკლს მესამესა მოჴსენებაჲ, ეგრეთღა აწინდელისა
Line: 14 ამის და მეოთხისა-თჳს თქუმაჲ და განცხადებულად ჩუენებაჲ, ვითარმედ
Line: 15 არცა ერთსა წინაჲსწარმეტყუელსა უქადებიეს მათდა, თუ დაჴსნაჲ რაჲმე
Line: 16 ყოფად არს მომცველთა მათთა ძჳრთაჲ, არცა ყოვლად-შეცვალებაჲ რაჲთ-ურთით.
Line: 17 რომელი უკუე არს მესამე ანტიხოზის-ზე ეპიფანჱსსა ქმნილი იგი რამეთუ
Line: 18 ვინაჲთგან ალექსანდრე მაკედონელმან დარიოზ, მეფე სპარსთაჲ, დაჰჴსნა და თავსა
Line: 19 თჳსსა შეჰმოსა პატივი სამეფოჲსა მთავრო.ბისაჲ, რომლისა აღსრულებისა
Line: 20 შემდგომად ოთხნი მეფენი გამოჩნდეს სხუანი, ოთხად განმყოფელნი მისისა მეფობისანი.
Line: 21 ამის შემდგომად ერთისა ოთხთა ამათგანისაგან შობილმან ანტიოხოზ
Line: 22 ეპიფანე შემდგომ და მრავლისა ჟამისა ტაძარი ცეცხლითა დაწუა, წმიდანი წმიდათანი
Line: 23 მოაოჴრნა, მსხუერპლნი უჩინო ყვნა, ჰურიანი მოიმორჩილნა და ყოველი
Line: 24 მოქალაქობაჲ დაჰჴსნა. ხოლო ესე ყოველნი ფრიადითა გამოწულილვითა ვიდრე
Line: 25 ერთ დღემდეცა წინაჲსწარმეტყუელებულ არიან დანიელის მიერ და თუ ოდეს
Line: 26 იქმნნენ და ვითარ და ვისგან და ვითარითა სახითა და თუ სადა აღესრულოს
Line: 27 და რანი შეცვალებანი მიიხუნეს. რამეთუ ცხადად ისწაოთ ესე წარკითხვითა ხილვითა
Line: 28 მისისაჲთა, რომელი იგავისა მიერ მომითხრა ჩუენ წინაჲსწარმეტყელმან,
Line: 29 რაჟამს იგი ვერძად სახელ სდვა მეფესა სპარსთასა დარიოსს, ხოლო ვაცად
Line: 30 მეფესა ელენთასა ალექსანდრეს მაკედონელსა რომლისა შემდგომად ოთხთა რქათასა
Line: 31 იტყჳს აღდგომასა, რომელთა შორის უკუანაჲსკნელად რქად უწოდა ანტიოხოზს.
Line: 32 რამეთუ იტყჳს: "ვიხილე ჩუენებით, და აჰა ვერძი ერთი მდგომარე, და
Line: 33 რქანი მისნი მაღალ, და ერთი უმაღლეს იყო მეორისა, და უმაღლესი აღვიდოდა
Line: 34 უდარესთა ზედა. და ვიხილე ვერძი იგი მრქენელად ზღუად მიმართ, და
Line: 35 ჩრდილოდ, და სამხრად, და მჴეცნი ყოველნი ვერ დადგებოდეს წინაშე მისსა;
Page: 210 Line: 1 და არა იყო გამომჴსნელი ჴელთაგან მისგან და ყო ნებისა-ებრ თჳსისა და განდიდნა".
Line: 2 ძალსა იტყჳს სპარსთასა, რომელსა ყოველი ქუეყანაჲ დაეპყრა.
Line: 3 ამის შემდგომად ალექსანდრე მაკედონელისა-თჳს იტყჳს: "და აჰა ვაცი თხათაჲ
Line: 4 მოვიდოდა დასავალით პირსა ზედა ყოვლისა ქუეყანისსა და არა იყო შემხებელ
Line: 5 ქუეყანისა, და ვაცისა მის რქაჲ იხილვებოდა შორის თუალთა მისთა".
Line: 6 მერმე მეტყუელმან დარიოზის მიმართისა უუეთებისა და სიმტკიცით მძლეობისა
Line: 7 მისისამან თქუა ვითარმედ "მოვიდა ვაცი ვიდრე ვერძისამდე, რომელსა აქუნდეს
Line: 8 რქანი, და განველურნა, და დასცა ვერძი, და შემყსრნა ორნივე რქანი მისნი; და არა
Line: 9 იყო გამომჴსნელი ჴელისაგან მისისა". ამის შემდგომად წარმომეტყუელი ალექსანდრჱს
Line: 10 აღსრულებისა და ოთხთა მეფეთა მონაცვალეობისაჲ იტყჳს: "და განძლიერებასა
Line: 11 შინა მისსა შეიმუსრა რქაჲ დიდი, და აღმოვიდეს რქანი ოთხნი ქუეშე
Line: 12 კერძო მისსა ოთხთა მიმართ რქათა ცისათა" ამის შემდგომად ანტიოხოზის
Line: 13 მეფობისა-თჳს წარმომეტყუელი და გამომაჩინებელი, ვითარმედ ერთისა ოთხთა
Line: 14 მათგანისაგან ყოფად არს, იტყჳს: "და გამოვიდა ერთისაგან ძლიერისა და განდიდნა
Line: 15 მეტად სამხრად მიმართ და აღმოსავალად". და, რათა ცხად ყოს, ვითარმედ
Line: 16 დამჴსნელ ექმნების ჰურიაებრსა მოქალაქობასა; იტყჳს კუალად: "და აღიძრა
Line: 17 მის მიერ მსხუერპლი შეცოდებითა, და იქმნა და წარემართა მას. და წმიდაჲ
Line: 18 მოოჴრდეს, და მიეცეს მსხუერპლსა ზედა ცოდვაჲ" რამეთუ ბომონისა დამარღუველმან
Line: 19 და სიწმიდეთა დამთრგუნველმან კერპი აღჰმართა მას შინა და მსხუერპლთა
Line: 20 შესწირვიდა ეშმაკთა უსჯულოებით. "და დამჴობილ იქმნა ქუეყანად სიმართლე,
Line: 21 და ქმნა და წარემართა". მერმე კუალად მეორედ მომჴსენებელი მეფობასა
Line: 22 ანტიოხოზ ეპიფანჱსსა და ტყუეობასა და მოსპოლვასა და მოოჴრებასა ტაძრისასა
Line: 23 ზედა-დაჰრთავს ჟამსაცა. რამეთუ დამწყებელი ალექსანდრჱს მეფობითგან და დასასრულსაცა
Line: 24 წიგნისასა და საშუვალ მომხსენებელი, რაოდენთა რათ ჰყოფდეს პტოლემეოსნი
Line: 25 და სელევკოსნი კუეთებათა შინა ურთიერთასთა, და მჴედართ-მთავართა მათთა
Line: 26 მიერ ქმნილთა ზაკუვითთა ძმაცულებათა, ძლევათა, და ლაშქრობათა, ნავით-მბრძოლებათა,
Line: 27 ჴმელით-მბრძოლებათა, მერმე კუალად ანტიოხოზისვე მომართ მოიქცევის
Line: 28 და იტყჳს: "მკლავნი მისგან დადგენ, და შეიგინოს სიწმიდე, და შეიცვალოს
Line: 29 სამიმდემოჲ (ჩუეულებისაებრთა და დღითი-დღედთა იტყჳს მსხუერპლთა) და მისცენ
Line: 30 მის შორის საძაგელებაჲ და უსჯულოთა აღთქუმაჲ (ესე იგი არს უსჯულოქმნილთა
Line: 31 ჰურიათა), რაოდენნიცა შესცთენ უღმრთოებისა მათისა თანა მიყოლად, შეცთომად
Line: 32 მიიყვანებდენ თავთა თჳსთა თანა და შეცვალებდენ. და ერი მეცნიერი ღმრთისაჲ განძლიერდეს
Line: 33 (მაკაბელთა და იუდაჲს და სიმონის და იოანნჱს-ზე ქმნილთა მათ იტყჳს) და
Line: 34 გულის-ხმის-მყოფელთა ერისათა გულის-ხმა ყონ ფრიად და მოუძლურდენ
Page: 211 Line: 1 მახჳლითა და ალითა (დაწუვასა ქალაქისასა მოასწავებს კუალად) და მოუძლურებასა მათსა
Line: 2 შინა შეწევნულ იქმნენ შეწევნითა მცირითა (რათა წარმოაჩინოს, ვითარმედ
Line: 3 საშუალ ფრიადთა მათ ძჳრთა შეუძლონ აღმოფშჳნვად და ლხინებისა მიღებად
Line: 4 მომცველთაგან მათთა ჭირთა), და მრავალნი შეეძინნენ მათ ზედა შებრკოლებასა
Line: 5 მას შინა, და გულის-ხმის-მყოფელთაგანნიცა მოვეუძლურდენ (წარმოაჩინებს, ვითარმედ
Line: 6 მრავალნი მდგომარეთაგანნიცა დაეცნენ)". ამის შემდგომად იტყჳს მიზეზსა,
Line: 7 რომლისა-თჳს მიუშუა მათ ღმერთმან ესოდენთა ბოროტთა შინა შთავრდომად,
Line: 8 ვითარმე, გამოკურვებად შორის მათსა და გამორჩევად და განსპეტაკებად
Line: 9 ვიდრე აღსრულებამდე ჟამისა. რამეთუ ამათდა ქმნად შეუნდო ღმერთმან,
Line: 10 იტყჳს, რათა განწმიდნეს იგინი და გამოაჩინნეს მათ შორის გამოცდილნი.
Line: 11 მერმე მომთხრობელი ძალისა მისისაჲ იტყჳს: "და ქმნას ნებისა-ებრ თჳსისა და ამაღლდეს
Line: 12 და განდიდნეს". ამას თანა მგმობრისა ცნობისა მისისა წარმომაჩინებელმან
Line: 13 შესძინა ვითარმედ "ღმერთსა ზედა ღმერთთასა თქუნეს შეუმსგავსნი და წარემართოს
Line: 14 ვიდრე დასრულებამდე რისხვისა", რათა ცხად ყოს, ვითარმედ არა თჳსისა ცნობისა,
Line: 15 არამედ ჰურიათა-ძლითისა რისხვისა მიერ ღმრთისა განძლიერდებოდა იგი
Line: 16 ამათ შინა.
Line: 17 და ვითარ წარმოთქუნეს ყოველნი, რაოდენნი ძჳრნი უყვნა მან ეგჳპტესა,
Line: 18 პალესტინესა, და ქალაქ-სოფლებთა მათთა, კუალად წარმოიტყჳს შეცვალებისა-თჳს
Line: 19 საქმეთაჲსა, და ვითარმედ პატიჟი რაჲ მიეჴადოს ჰურიათა ამათ ყოველთა
Line: 20 მიერ, მისთულებად უც მათ შეწევნაჲ რაჲმე ჴელის-აპყრობად მათდა მივლინებით
Line: 21 ანგელოზისაჲთა. რამეთუ იტყჳს ვითარმედ "მას ჟამსა შინა აღდგეს დიდი
Line: 22 მთავარი მიქაელ, ზედა-მდგომელი ძეთა ზედა ერისა შენისათა; და იყოს ჟამი
Line: 23 ჭირისაჲ, რომლისა მსგავსი არა ყოფილ არს რაჲთგან შეიქმნა ნათესავი ქუეყანასა
Line: 24 ზედა და ვიდრე მას ჟამადმდე. და მას ჟამსა ცხოვნდეს ყოველი ერი, დაწერილი
Line: 25 წიგნსა შინა", ესე იგი არს ღირსნი ცხოვნებისანი. არამედ საძიებელი არღა
Line: 26 აღჴსნილ არს ჯერეთ. რაჲ უკუე არსა ესე? ვითარმედ ჟამიცა განასაზღვრა ძჳრთა
Line: 27 ამათ შინა ყოფისაჲ, ვითარ იგი მუნ ოთხასი წელი და შემდგომად მისსა სამეოცდაათი.
Line: 28 აწ უკუე ვიხილოთ აქაცა, თუ რომელსა ჟამსა განასაზღვრებს. გარნა
Line: 29 სადა საპოვნელ არს ესე? ცხად არს ვითარმედ შემდგომთა სიტყუათა შინა.
Line: 30 რამეთუ ვინაჲთგან მრავალნი და დიდნი ბოროტნი ესმნეს, დაწუვაჲ ქალაქისაჲ,
Line: 31 გარდაქცევაჲ სჯულისაჲ, ტყუეობაჲ ნათესავისაჲ, სურვიელ იქმნა ცნობად დასასრულისა
Line: 32 მათისა და უკუეთუ ყოფად არს რაჲმე შეცვალებაჲ განსაცდელთა ამათ
Line: 33 მოსაწევარისაჲ, ამის-თჳს ჰკითხვიდა და იტყოდა ესრეთ: "ფალო, რაჲ არს
Line: 34 დასასრული ამათი? და ჰრქუა: მოვედ, დანიელ, რამეთუ მოკრძალულნი და დაბეჭდულნი
Line: 35 არიან სიტყუანი ვიდრე დასასრულადმდე ჟამისა", რათა ასწაოს გამოუცხადებლობაჲ
Page: 212 Line: 1 თქუმულთაჲ მათ ამის შემდგომად წინამომასწავებელი ჟამისამან,
Line: 2 თუ რაოდენ ეგულების მათ ყოფაჲ ეგოდენთა მათ ძჳრთა შინა, და იტყჳს ვითარმედ
Line: 3 "ჟამითგან შეცვალებისაჲთ სამიმდემოჲსა". ხოლო სამიმდემოდ სახელ ედებოდა
Line: 4 დღითი-დღედსა მსხუერპლსა რამეთუ მიმდები ზედაჲს-ზედად და მიწყითად
Line: 5 იწოდების. ხოლო წესი იყო ჰურიათაჲ, რათა ცისკარსცა და მწუხრი და
Line: 6 ყოველთა დღეთა მსხუერპლითა ჰმსახურებდენ ღმერთსა, და ამის-თჳს მსხუერპლსა
Line: 7 მას სამიმდემო ეწოდებოდა. ვინაჲთგან მისლვითა თჳსითა ანტიოხოზ დაჰჴსნა
Line: 8 წესი იგი და შეცვალა, ამის-თჳს იტყჳს ანგელოზი ვითარმედ "ჟამითგან
Line: 9 შეცვალებისა სამიმდემოჲსათ", რომელ არს დაჴსნაჲ მსხუერპლისაჲ, "არიან დღენი
Line: 10 ათას ორას ოთხმეოცდაათნი", რომელ არს წელიწადი სამი და ნახევარი. მერმე
Line: 11 წარმომაჩინებელმან, ვითარმედ ძჳრთა ამათ დაჴსნაჲ და შეცვალებაჲ ყოფად
Line: 12 არს, შესძინა: "ნეტარ არს, რომელმან დაითმინოს და ეწიფოს დღეთა ათას სამას
Line: 13 ოცდაათხუთმეტთა", ათას ორას ოთხმეოცდაათთა ზედა-დაჰრთნა ორმეოცდახუთნი.
Line: 14 რამეთუ ვინაჲთგან თთუესა და ნახევარსა თთჳსასა შენივთდა განწმედილი
Line: 15 ძლევაჲ და ზედა-მდებარეთა ძჳრთაგან სრულიადი გამოჴსნაჲ, რამეთუ მეტყუელმან
Line: 16 ამისმან ვითარმედ "ნეტარ არს, რომელმან დაითმინოს და ეწიფოს დღეთა
Line: 17 ათას სამას ოცდაათხუტმეტთა" განთავისუფლებაჲ წარმოაჩინა. და არა მარტივად
Line: 18 თქუა თუ "რომელი ეწიფოს" რამეთუ ვინაჲთგან მრავალთა უღმრთოთაცა
Line: 19 იხილეს შეცვალებაჲ. იგი, არა მათ ჰნატრის, არამედ ჟამთა შინა ბოროტთასა
Line: 20 მოთმინექმნილთა მათ და არა განმცემელთა კეთილად-მსახურებისათა და მიმთხუეულთა
Line: 21 თავის-უფლებისათა. რაჲმცა სადა იქმნა უგანცხადებულეს ამისსა? ვინაჲცა
Line: 22 ამიერითგან იხილე საძიებელისა მის მიმართ მისლვაჲ და აწინდელი ესე
Line: 23 ტყუეობაჲ, და მონებაჲ, რომლისა ძლით აღვიძრენით ყოველნი ესე.
Line: 24 აწ უკუე ვითარმედ სამნი წინაჲსწარ მოესწავნეს ტყუეობანი, პირველი ვიდრე-მე
Line: 25 ოთხას წელ, და მეორე სამეოც და ათ წელ, ხოლო მესამე სამ წელ და
Line: 26 ნახევარ, რაოდენ შემძლებელ ვიქმნენით, კმასაყოფელად გამოჩინებულ იქმსა
Line: 27 ჩუენ მიერ. ამის-თჳს მოვედ და აწინდელისა ამის-თჳს ვიტყოდით აწ. რამეთუ
Line: 28 ვითარმედ უკუანასკნელისა ამის და დასასრულისა ტყუეობისა-თჳს წინა-მოასწავა
Line: 29 წინაჲსწარმეტყუელმან ამან, თჳთ იგი ზიარი სარწმუნოებისა მათისაჲ იოსიპოს
Line: 30 შემოვიყვანოთ მოწამედ. რამეთუ წარმოთქუა რაჲ ანტიოხოზის-ზე ქმნილისა მის
Line: 31 ტყუეობისა-თჳს და მოწამედ მოიყვანა წინაჲსწარმეტყუელი, ზედა-დაჰრთავს ამის-თჳს
Line: 32 და იტყჳს: ამითვე უკუე სახითა და მთავრობისა-თჳსცა ჰრომთაჲსა დაწერა
Line: 33 დანიელცა, და ვითარმედ მათ მიერ მოოჴრდეს იერუსალჱმი, და დაირღუეს ტაძარი.
Line: 34 ხოლო შენ განიხილე ჩემდად ჭეშმარიტების მოყუარებაჲ კაცისაჲ მის,
Line: 35 რამეთუ, დაღათუ ჰურიაჲ იყო, არა ჰბაძვიდა ჰურიაებრივსა ტყუილსა და ბრძოდა
Page: 213 Line: 1 ტაძრისაჲ დაწერა დანიელ, არაღა შესძინა, თუ ყოფად არსო ოდესმე დასასრული
Line: 2 ოჴრებისა და ტყუეობისაჲ. ვინაჲთგან არცა წინაჲსწარმეტყუელისა მიერ
Line: 3 პოვა შეძინებუად ესე ვითარი რაჲმე.
Line: 4 ხოლო თუ სადა იტყჳს დანიელ, ვითარმედ მოოჴრდეს ტაძარი, ისმინე.
Line: 5 რამეთუ ვინაჲთგან ლოცვაჲ იგი ძაძითა და ნაცრითა სრულ ყო, მოვიდა მისსა
Line: 6 გაბრიელ და ჰრქუა: "სამეოცდაათნი შჳდეულნი შემოკრბეს ერსა შენსა და ქალაქსა
Line: 7 შენსა ზედა წმიდასა". აჰა აქაცა ჟამი თქუმულ არს, არა ტყუეობისაჲ, არამედ
Line: 8 თუ რაოდენისა ჟამისა შემდგომად მოწევნად იყო ტყუეობაჲ. ამის შემდგომად
Line: 9 კუალად იტყჳს უფრორე ზედა-მიწევნით: "და სცნა და გულის-ხმა ჰყო: გამოსლვისაგან
Line: 10 სიტყჳსა მიგებისა და აღშენებისა იერუსალჱმისა ვიდრე ქრისტესამდე
Line: 11 წინამძღურისა შჳდეულნი შჳდ და შჳდეულნი სამეოც და ორ". ვინაჲცა გულისხმის-ყოფით
Line: 12 ისმინე აქა, რამეთუ ამას შინა არს ყოველი საძიებელი შჳდნი უკუე
Line: 13 და სამეოცდაორნი შჳდეულნი ოთხას ოთხმეოცდასამნი წელიწადნი არიან. რამეთუ
Line: 14 არა დღეთა არცა თთუეთა, არამედ წელიწადთა შჳდეულთა იტყჳს აქა.
Line: 15 ხოლო კჳროსისაგან ვდრე ანტიოხოზ ეპიფანედმდე შეიქმნებიან წელიწადნი
Line: 16 სამას ოთხმეოცდაათხუთმეტნი. ამის შემდგომად რათა გუასწავოს ჩუენ,
Line: 17 თუ ვინაჲ ჯერ არს დაწყებაჲ აღრიცხუვისაჲ, და ვითარმედ არა დღითგან
Line: 18 აღმოსლვისაჲთ, არამედ გამოსლვითგან სიტყჳსაჲთ მიგებით და აღშენებით
Line: 19 იერუსალჱმისაჲთ. რომელი არა კჳრიოსის-ზე აღეშენა, არამედ არტაქერქსი
Line: 20 ჴელგრძლისა. რამეთუ შემდგომად კჳროსისა კამვჳსის, ამის შემდგომად მოგუნი,
Line: 21 და შემდგომად მათსა დარიოს ჳსტასპი, რომლისა შემდგომად ქსერქსი
Line: 22 დარიოსისი და არტავან. და ეგრეთღა არტაქსერქსი ჴელგრძელი მეფე იქმნა სპარსთა
Line: 23 ზედა. ხოლო მეოცესა წელსა მეფობისა მისისასა აღმოვიდა ნეემიე და აღაშენა
Line: 24 ქალაქი, რომელი ზედა-მიწევნით მომითხრა ჩუენ ეზდრა. ვინაჲცა უკუეთუ
Line: 25 ამიერ ვიწყოთ რიცხუვად ოთხას ოთხმეოცთა წელთა, უეჭუელად მივიწინეთ მოოჴრებასა
Line: 26 ზედა მისსა, ვითარ იგი კუალად წამებს იოსიპოს, იტყოდის რაჲ:
Line: 27 ხოლო ქალაქისა ტაძრისა მოოჴრებაჲ იქმნა წინაჲსწარმეტყუელებისა-ებრ დანიელისსა.
Line: 28 რომელი ითქუა უწინარეს ოთხას და რვათა წელიწადთაჲსა. ამის-თჳს
Line: 29 იტყჳს ვითარმედ "აღეშენნენ უბანნი და გარემოჲს-ზღუდე". ხოლო ვინაჲთგან
Line: 30 აღეშენოს და თჳსივე მიიღოს სახე, მიერითგან აღრიცხუვანი სამეოცდაათნი შჳდეულნი.
Line: 31 ხოლო რათა უცხადესად-რე წარმოაჩინოს, ვითარმედ არღარა ყოფად
Line: 32 არს დასასრული მომცველთა მათთა ძჳრთაჲ, ესრეთ იტყჳს: "და შემდგომად სამეოცდაათთა
Line: 33 შჳდეულთაჲსა მოისპოს საცხებელი, და მსჯავრი არა იყოს მას შინა,
Line: 34 და ქალაქი და წმიდაჲ განიხრწნენ წინამძღურისა თანა მოომავალისა და განირყუნენ
Page: 214 Line: 1 ვითარცა წყლით-რღუნისა მიერ და ვიდრე დასასრულამდე ბრძოლისა შეკუეთებითისა
Line: 2 უჩინოქმნულებათაჲსა". და კუალად ტყუეობისა ამის მეტეუელი ხმობს:
Line: 3 "მოისპოს მსხუერპლი და შესაწირავი, და ტაძარსა შინა საძაგელი მოოჴრებისაჲ
Line: 4 დასასრულად მოეცეს მოოჴრებისად". ხოლო საძაგელად მოოჴრებისად იტყჳს ანდრიანტსა
Line: 5 მას, რომელი ადრიანე მეფემან აღჰმართა ტაძარსა შინა, რომელმან ქალაქიცა
Line: 6 დაარღჳა სრულებით. რამეთუ შემდგომად უესპასიანჱს და ტიტეს-მიერისა
Line: 7 მოოჴრებისა ადრიანჱს-ზე მეფისა შეკრბეს ჰურიანი და პირველისავე მოქალაქობისა
Line: 8 მიმართ ისწრაფდეს აღსლვასა ამაონი ღმრთის-მბრძოლითა ცნობითა და არა
Line: 9 მსმენელითა საწინაჲსწარმეტყუელოჲსა ხმისა, ესრეთ მეტყუელისაჲთა ვითარმედ
Line: 10 "რომელნი ღმერთმან წმიდამან განაჩინნა, ვინ განაქარვნეს? და ჴელი მისი მაღალი
Line: 11 ვინ მიაქციოს?" რამეთუ შფოთებად იწყეს რაჲ კუალად, სრულიადსა მოოჴრებასა
Line: 12 მისცნეს მათ თავნი. და რამეთუ ჴელთ-მსხმელმან მათმან მეფემან ქალაქიცა
Line: 13 ყოველი დააქცია და ყოველნივე კუალნი საცნაურებისა მისისანი უჩინო ყვნა,
Line: 14 რათა არღა რაჲ ადგილი მიზეზად ურცხჳნოებისა დაუშთეს მათ, ხოლო აღჰმართა
Line: 15 მუნ ანდრიანტი თჳსი. მერმე გულის-ხმა ყო, ვითარმედ შემდგომად ჟამთა დაცემად
Line: 16 ოდესმე არს ანდრიანტი იგი, ამის-თჳს უმეტესისა წყლვისა და უკურნებელად
Line: 17 ლმობილყოფისა მათისა-თჳს და სამხილებელად და საძლეველად ურცხჳნოჲსა
Line: 18 მის კადნიერებისა მათისად სახელი თჳსი დასდვა ნეშტთა მათ ქალაქისათა.
Line: 19 რამეთუ ვინაჲთგან ელიოს ეწოდებოდა ადრიანეს, ეგრეთვე ქალაქისაჲცა სჯულდებულ
Line: 20 ყო სახელის-დებაჲ, რომლისა-თჳსცა ვიდრე აქამომდე ელია ეწოდების
Line: 21 სეხნად დამპყრობელისა და დამარღუეველისა მას თჳსისა რომლისა-თჳსცა ქრისტე,
Line: 22 შემდგომად ანტიოხოზ ეპიფანჱსსა გამოჩინებული, მომასწავებელი ყოფადისა
Line: 23 მის ტყუეობისაჲ და მჩუენებელი, ვითარმედ ამის-თჳს თქუა წინაჲსწარვე
Line: 24 დანიელ, ესრეთ იტყჳს: "რაჟამს იხილოთ საძაგელი მოოჴრებისაჲ, რომელი თქუა
Line: 25 დანიელ წინაჲსწარმეტყუელმან, მდგომარე ადგილსა წმიდასა, მკითხველი გულის-ხმა
Line: 26 ჰყოფდინ". რამეთუ ვინაჲთგან ყოველი კერპი და ყოველი მსგავსებაჲ
Line: 27 კაცთაჲ საძაგელად იწოდებოღა ჰურიათა მიერ, სახის შემოღებით წარმოაჩინა
Line: 28 ანდრიანტი იგი; ამას თანა, თუ ოდეს ანუ ვის მიერ იქმნეს ტყუეობაჲ იგი,
Line: 29 წინა მოასწავა ამით. ხოლო ვითარმედ ჰრომთა-თჳს თქუმულ არიან ესენი, მოწამე
Line: 30 არს იოსიპოს.
Line: 31 ვინაჲცა რომელიღა ადგილი სიტყჳს-გებისაჲ დაუშთების მათ, რაჟამს სხუათა
Line: 32 ვიდრემე ტყუეობათა განსაზღვრებულსა ჟამსა შინა იხილვებოდინ მეტყუელად
Line: 33 წინაჲსწარმეტყუელნი, ხოლო ამის-თჳს არცა ერთსა ჟამსა განაჩინებდენ, არამედ
Page: 215 Line: 1 წინააღმდგომსაცა იტყოდინ, ვითარმედ ვიდრე აღსასრულამდე იყოს მოოჴრებაჲ?
Line: 2 აწ უკუე, ვითარმედ სრულიად ეგულებოდა განვრცომაჲ პატიჟსა აწინდელისა ამის
Line: 3 მონებისასა და დაუსრულებელყოფაჲ, და ვითარმედ წინაჲსწარ თქუეს და არა დაიდუმეს
Line: 4 ესე წინაჲსწარმეტყუელთა, კმასაყოფელად გამოვაჩინეთ. და ვითარმედ თითოეულისა
Line: 5 მათისა ჟამისაცა და ადგილისა საღმრთოთა წერილთა მიერ წინაჲსწარქადაგებულებაჲ
Line: 6 წარმოვაჩინეთ. ხოლო აწინდელისაჲ ამის არა ვის წინაჲსწარმეტყუელთაგანსა
Line: 7 განუსაზღვრებიეს ჟამი, არამედ ვითარმედ მოიწიოს და მოოჴრდენ
Line: 8 ყოველნი და შეიცვალოს მოქალაქობაჲ და თუ რაოდენთა ჟამთა შემდგომად ბაბილოვნით
Line: 9 აღმოსლვისა იქმნას, წინაჲსწარ თქუა დანიელ. ხოლო ვითარმედ
Line: 10 დასასრული მიიღონ და და-ოდესმე-სცხრენ ბოროტნი ესე არცა მას უთქუამს, არცა-ვის
Line: 11 სხუასა წინაჲსწარმეტყუელსა, არამედ უფროჲსღა წინააღმდგომი თქუა მან,
Line: 12 ვითარცა პირველ ვიტყოდეთ, ვითარმედ ვიდრე აღსასრულამდე ჰგუემდეს მათ
Line: 13 უბადრუკებაჲ ესე. და ფრიადცა სამართლად. რამეთუ თანა-მოწამე არს თქუმულთა
Line: 14 მათ შორის გარ[და]სლვაჲ ესოდენთა ჟამთაჲ და არცა კუალსა არცა წინაბჭესა
Line: 15 რასმე განსაცდელთა მათთა დაჴსნისა და უმჯობესად შეცვალებისა გამოჩინებაჲ,
Line: 16 და ესე მრავალგზის ჴელყოფასა შინა მათგან ტაძრისა აღმართებისასა ადრიანჱს-ზე
Line: 17 და კონსტანტინჱს და ივლიანჱსსა, და ყოვლადვე დაყენებულებასა
Line: 18 პირველად უკუე გუნდისამიერ მჴედართაჲსა, ხოლო უკუანაჲს განდგომილისა-ზე
Line: 19 ცეცხლისა გამოსლვითა საფუძველთაგან და დაცადებითა უსჯულოჲსა მის და უჟამოჲსა
Line: 20 ურცხჳნოებისა მათისაჲთა.
Line: 21 ვინაჲცა გუეტყოდედ ჩუენ აწ, თუ რაჲსა-თჳს ეგჳპტეს ვიდრე ესოდენთა
Line: 22 ჟამთა ძჳრხილულნი მიემთხჳნეს წყალობასა, და ბაბილონს წარყვანებულნი
Line: 23 კუალად ადგილსავე თჳსთა მოიქცეს, და ანტიოხოზის მიერ ესოდენითა ჭირითა
Line: 24 განცდილნი კუალად პირველსავე წესსა და პატივსავე თჳსსა მოეგნეს; ხოლო აწ
Line: 25 არა რაჲ ესე ვითარი ქმნილ არს, არამედ მრავლისა ასეულისა წელთაჲსა გარდასლვასა
Line: 26 შინა მუნითგან არცაღა აჩრდილსა რასმე ეგე ვითართა შეცვალებათასა ვიხილავთ
Line: 27 გამოჩინებულად, ვითარნი იხილვებოდეს პირველ. ხოლო უკუეთუ ცოდვათა
Line: 28 მათთა წინაჰყოფდენ და იტყოდენ ვითარმედ "ვინაჲთგან ვცოდავთ ღმრთისა
Line: 29 მიმართ, ამის-თჳს არღარა მოვიღებთ სოფელსა თჳსსა", კუალადცა სამართლად
Line: 30 მიუგოთ მათ ესრეთ: ცოდვათა თქუენთა-თჳს იქცევითა, ჵ ჰურიანო, ესოდენთა
Line: 31 ჟამთა კიდე იერუსალჱმისაგან? და რაჲ უცხოჲ და საკჳრველი იხილვების აწ?
Line: 32 რომელმან უკუე მხოლოდ აწ ოდენ სცხორებთა ცოდვათა შინა, ხოლო დასაბამსა
Line: 33 სიმართლესა და წარმართებათა შინა. არა ზემოჲთგანვეა და პირველითგან ბევრეულთა
Line: 34 უსჯულოებათა შინა განხრწნილ იქმნენით? არა, შემდგომად ზღჳსა განპებისა,
Line: 35 და კლდეთა განხეთქისა, და ეგოდენთა მათ სასწაულთა ქმნისა ჴბოს,
Page: 216 Line: 1 თაყუანის-ეცითა უდაბნოსა ზედა? არა ქვისა დაკრებითა და სხჳთა ბევრეულითა
Line: 2 სახითა სიკუდილსა მოსჱსსა ჴელ ჰყოფდითა მრავალ-გზის და ღმერთსა განარისხებდით
Line: 3 გმობითა? არა ბელფეგორს უზორეთა? არა ძენი და ასულნი თქუენნი
Line: 4 დაუკლენითა ეშმაკთა და უცხოთა ღმერთთა ჰმსახურებდით? არა ყოველი სახე
Line: 5 ცოდვისა და უკეთურებისაჲ წარმოაჩინეთა? ვითარ არა გარემოგექცა მაშინ ღმერთი
Line: 6 თქუენგა, არამედ შემდგომად შვილთ-მკლველობისა, შემდგომად კერპთ-მსახურებისა.
Line: 7 შემდგომად მრავლისა უგუნურებისა წინაჲსწარმეტყუელთაჲცა სათნო
Line: 8 იჩინა თქუენ შორის ყოფაჲ, და საკჳრველებათა მოქმედებდა საშინელთა და განსაკრთომელთა?
Line: 9 რაჲსა-თჳს უკუე ძუელად ვიდრე-მე უღმრთოქმნილნი და ბევრეულთა
Line: 10 ძჳრთა მოქმედნი ესოდენსა სიტკბოებასა და ქველის-მოქმედებასა და ჴელის-აპყრობასა
Line: 11 მიემთხუეოდეთ ღმრთისაგა, ხოლო აწ არცა კერპთ-მსახურად
Line: 12 არცა შვილთა მკლველად გამოჩინებულნი საწყალობელსა ტყუეობასა და უბადრუკებასა
Line: 13 შინა იქცევით? რამეთუ ნუ უკუე სხუაჲ ღმერთი იყოა მაშინ და სხუაჲ
Line: 14 აწ. არა იგივე არსა, რომელი მაშინ განაგებდა მათ და ამათ მოქმედებს აწ? და
Line: 15 რამეთუ, ოდეს უდიდეს იყვნეს ცოდვანი თქუენნი, მრავალი იყოს დიდებაჲ თქუენი
Line: 16 უფლისა მიერ, ხოლო რაჟამს უდარესად სცოდავთ აწ, სრულიად გარემიგექცა
Line: 17 თქუენ და უპატივოებასა მიგცნა უკუანაჲსკნელსა? არამედ დაღათუ თქუენ სდუმნეთ,
Line: 18 ქვანი ღაღადებენ. რამეთუ ვინაჲთგან მეუფესა ზედა აღიჭურენით ჴელნი,
Line: 19 ამის-თჳს არღარა არს განმართებაჲ თქუენი არცა მშჳდობაჲ არცა სიტყჳს-გებაჲ.
Line: 20 რამეთუ მაშინ მონათა მიმართ იყვნეს კადრებანი, ხოლო აწ განცხადებულად დაჰფარენით
Line: 21 ყოველნივე იგი ძნელნი საზოგადოჲსა მეუფისა ქრისტჱს-მიმართითა
Line: 22 უღმრთოებითა, რომლისა-თჳს უძჳრესადცა იშჯებით. და არცა ეგრეთ განეყენებით
Line: 23 მამულისა სიცოფისა და ბორგნეულობისაგან შეცთომილად და უსჯულოდ სახელის-დებითა
Line: 24 მათითა. ვინაჲცა უკუეთუ მაცთური იყო ქრისტე, ვითარცა იტყჳთ,
Line: 25 და უშჯულოჲ, მადლიერყოფაჲ უფროჲს გიღირდა თქუენ სიკუდილისა-თჳს მისისა.
Line: 26 რამეთუ უკუეთუ ფინეზ ერთისა ვისმე სჯულის-გარდამავალისა მოკლვითა ყოვლისავე
Line: 27 ნათესავისა ზედა მოწევნული რისხვაჲ დააცხრო, - "რამეთუ დადგა ფინეზ
Line: 28 და ლხინება ყო და დააყენა სრვაჲ, და შეერაცხა მას სიმართლე", - ფრიად
Line: 29 უფროჲს თქუენ ზედა შესატყჳს იყო ამისი ქმნაჲ, უკუეთუ უსჯულოჲ იყო თქუენ
Line: 30 მიერ ჯუარცუმული იგი.
Line: 31 და ვინაჲ ცხად არსო, იტყჳან, უკუეთუ სრულიად დამიტევნა ჩუენ ღმერთმან?
Line: 32 თჳთ მათ საქმეთა ხმამაღლად ღაღადებითა და საყჳრისასა უბრწყინვალესთა
Line: 33 ხმათა განტევებითა დაქცევითა ქალაქისაჲთა, მოოჴრებითა ტაძრისაჲთა და სხჳთა
Line: 34 ყოვლითავე ესე ვითარითა. არამედ კაცთა მოაწინესო ესე ჩუენ ზედა, იტყჳან,
Line: 35 და არა ღმერთმან. უკუეთუმცა კაცთა, და არა რისხვისა ღმრთისა საქმენი
Page: 217 Line: 1 იყუნის ესე, უჴმდა ვიდრე მოოჴრებადმდე ხოლო დადგომაჲ და წაღმართ არღა
Line: 2 წარმატებაჲ ძნელბედობისა თქუენისა საქმეთა. გარნა იყავნ სიტყჳსა-ებრ თქუენისა,
Line: 3 ვირმედ კაცთა დააქცინეს ზღუდენი და დაარღჳეს ქალაქი და გარდააციეს
Line: 4 ბომონი ნუ წინაჲსწარმეტყულნი კაცთავე დაადუმნესა? ნუ მადლი სულისაჲ
Line: 5 და სხუანი ყოველნი პატიოსნებანი თქუენნი მათ დაჰჴსნნესა, ვითარ იგი
Line: 6 სალხინებელით გამოსლვაჲ ხმისაჲ, საცხებელსა ზედა ქმნილი იგი მოქმედებაჲ,
Line: 7 ქვით-გამო მღდელისაჲთ უწყებული იგი გამოცხადებაჲ? და რამეთუ ჰურიაებრივსა
Line: 8 მოქალაქობასა არა ქუენაჲთ აქუნდეს ყოველნივე დასაბამნი, არამედ უმრავლესნი
Line: 9 და უპატიოსნესნი ზეგარდამო. ვითარ რასა ვიტყჳ, შეუნდო რაჲ შეწირვაჲ
Line: 10 მსხუერპლთაჲ, ბომონი ვიდრე-მე და შეშაჲ და მახჳლი და მღდელი ქუენაჲთ
Line: 11 იყვნეს, ხოლო ცეცხლსა, რომელსა შორის შეუვალთა მათ შინა შესლვად
Line: 12 და მსხუერპლთა განლევად ეგულებოდა, ზენაჲთ აქუნდა დასაბამი რამეთუ
Line: 13 არა კაცმან შეიღო ტაძრად ცეცხლი, არამედ ზენაჲთ გარდამოსრულმან ალმან
Line: 14 აღასრულა მსხუერპლი კუალად, რაჟამს ჯერ იყვის უწყებაჲ რაჲსაჲმე, საშუვალ
Line: 15 ქერობინთაჲსა სალხინებელით-გამო ხმაჲ რაჲმე გამოვიდოდა და წინაჲსწარმაუწყებელ
Line: 16 იქმნებოდა ყოფადთა, ეგრეთვე ქვათა მათ მიერ, რომელნი იყვნეს მკერდსა
Line: 17 ზედა მღდელთ-მთავრისასა, მომავალთა საქმეთა ვითარებისა შეტყუებაჲ იხილვებოდა.
Line: 18 და კუალად, რაჟამს შეხებაჲ ვისიმე ჯერ იყვის, ზედა-იქცეოდის მაღლა
Line: 19 სულისაჲ, და რეცა ჰკრთებოდის ზეთი იგი ცხებისაჲ. და წინაჲსწარმეტყუელნი
Line: 20 ჰმსახურებდიან საქმეთა მათ, და მრავალგზის ნათელმან და ღრუბელმან
Line: 21 აღავსნის შეუვალნი ტაძრისანი. აწ უკუე, რათა არა ურცხჳნოებდით არცა კაცთა-მიერად
Line: 22 ჰგონებდეთ მოოჴრებასა ამას, არა ქალაქისა ხოლო დაცემაჲ და ტაძრისა
Line: 23 მოოჴრებაჲ შეუნდო, არამედ საქმეთა მათცა, რომელთა ზეცით აქუნდეს დასაბამნი,
Line: 24 სრულიადი განქარვებაჲ ქმნა. ვინაჲცა რაჲსა-თჳს არა გქონან აწ წინაჲსწარმეტყუელნი
Line: 25 არცა სხუანი იგი საღმრთონი ნიჭნი? არა კეთილად ცხად არსა
Line: 26 ვითარმედ გარემიქცევითა ღმრთისაჲთა თქუენგან? და ვინაჲ ცხად არსო, იტყჳან?
Line: 27 რამეთუ პირველ ამათსა თითოსახეთა უღმრთოებათა და ცოდვათა შინა განფრდილნი
Line: 28 მიემთხუეოდეთ მათ ყოველთა. ხოლო აწ შემდგომად ჯუარცუმისა უმართლესისა-რე
Line: 29 ცხორებისა მქონებელად საგონებელნი უმძიმესსა მზიდველ ხართ
Line: 30 უღელსა პატიჟისასა და არცა ერთსა რას ღირსქმნულ ხართ პირველ თქუენდა
Line: 31 ქონებულთა მადლთაგანსა არცა ღირსყოფად ხართ, ვითარცა საღმრთონი წინაუწყებანი
Line: 32 განცხადებულად მოასწავებენ.
Line: 33 ხოლო უკუეთუ გვნებავს, - სხუანიცა წინაჲსწარმეტყუელნი ამისნი, ვითარნედ
Line: 34 თქუენთა ვიდრე-მე საქმეთა დასასრული მიუღიეს; ხოლო ჩუენნი ყუავიან,
Line: 35 და ყოვლით-კერძო სოფლისაჲ განფენილ არს ქადაგებაჲ; და სხჳსა მსხუერპლსა
Page: 218 Line: 1 შემოსრულ არს წესი, დაჴსნითა თქუენისა მის და ძუელისაჲთა რამეთუ
Line: 2 არცა ესაიას შემოვიყვანებ მოწამედ არცა იერემიას არცა სხუათა უწინარესთა
Line: 3 ტყუეობისათა, რათა არა სთქუათ, ვითარმედ ძჳრნი იგი, რომელთა იტყოდეს,
Line: 4 ტყუეობასა შინა გარდაჴდეს, არამედ მალაქიას შემდგომად ბაბილოვნით აღმოსლვისა
Line: 5 და ქალაქისა და ტაძრისა კუალად გებისა საქმეთა თქუენთა-თჳს განცხადებულად
Line: 6 წინაჲსწარმეტყუელქმნილსა. რამეთუ ვინაჲთგან აღმოვიდეს და ქალაქი
Line: 7 მიიღეს და ტაძარი აღაშენეს და მსხუერპლთა წესისა-ებრ სრულ ჰყოფდეს, ყოფადისა
Line: 8 ამის სრულიადისა და უკუანაჲსკნელისა მოოჴრებისა და მსხუერპლთა უჩინოყოფისა
Line: 9 წინაჲსწარმომასწავებელი იტყჳს: "უკუეთუ მოვიღო მსხუერპლი ჴელთა
Line: 10 ქუენთაგან, იტყჳს უფალი ყოვლისა მპყრობელი. რამეთუ აღმოსავალითგან მზისაჲთ
Line: 11 ვიდრე დასავალადმდე სახლი ჩემი დიდებულ არს წარმართთა შორის, და
Line: 12 ყოველსა ადგილსა საკუმეველი მოერთუმის სახელსა ჩემსა და მსხუერპლი წმიდაჲ,
Line: 13 ხოლო თქუენ შეაგინებთ მას". ოდეს უკუე სრულ იქმნეს ესენი, ჵ ჰურიანო,
Line: 14 და ოდეს მიერთუა ღმერთსა ყოველსა ადგილსა საკუმეველი და მსხუერპლი
Line: 15 წმიდაჲ? არა გაქუს თქუმად, თუ სხუასა ჟამსა, არამედ ამას შემდგომად ქრისტჱს
Line: 16 განკაცებისა, ვინაჲცა, უკუეთუ არა ამის ჟამისა არცა ჩემთა მსხუერპლთა, არამედ
Line: 17 ჰურიაებრივისა-თჳს წინაჲსწარმეტყუელებს, უსჯულოება არს წინაჲსწარმეტყუელებაჲ
Line: 18 ესე. რამეთუ უკუეთუ მოსე ბრძანებს, რათა არა რომელსა სხუასა ადგილსა:
Line: 19 შეიწირვოდის მსხუერპლი თჳნიერ მის ადგილისა, რომელიცა გამოირჩიოს
Line: 20 უფალმან ღმერთმან, და ერთსა ადგილსა შინა იერუსალჱმისასა გარეშემოსწერს
Line: 21 შეწირვასა მსხუერპლთასა. ხოლო წინაჲსწარმეტყუელი იტყჳს ვითარმედ "ყოველსა
Line: 22 ადგილსა ყოფად არს შეწირვაჲ საკუმეველისა და წმიდისა მსხუერპლისაჲ".
Line: 23 წინააღუდგების და ჰბრძავს მოსეს. გარნა ნუ იყოფინ. რამეთუ სხჳსა მსხუერპლისა-თჳს
Line: 24 თქუა მან და სხჳსა-თჳს ამან. ისმინეთ სოფონიაჲსიცა, რომელი
Line: 25 თანა-ერთხმა არს მალაქიაჲსა და მხმობელ მათვე სიტყუათა მისთა ვითარმედ
Line: 26 გამოჩნდეს უფალი ყოველთა ზედა წარმართთა და მოსრნეს ყოველნი ღმერთნი
Line: 27 წარმართთანი და თაყუანის-სცემდენ მას თითოეული ადგილით თჳსით". რომელი
Line: 28 ესე არა ესრეთ განჩინებულ იყო, არამედ ერთსა ადგილსა განესაზღვრა მოსეს
Line: 29 მსახურებაჲ საღმრთოჲ.
Line: 30 აწ უკუე რაჟამს გესმოდის წინახმობაჲ და წინაჲსწარმოსწავებაჲ წინაჲსწარმეტყუელთაგან,
Line: 31 ვითარმედ არა მერმეცა ერთსა ქალაქსა არცა ერთსა ადგილსა იძულებოდინ
Line: 32 კაცნი შეკრებად ყოვლით-კერძო, არამედ სახლსა შინა თჳსსა მჯდომარე
Line: 33 თითოეული გულითად ჰმსახურებდეს და აღაშენებდეს ღმერთსა, რომელიღა
Line: 34 გაქუს თქუმად ჟამი სხუაჲ და არა აწინდელი ესე, რომელსა შინა ჩუენნი ვიდრე-მე
Line: 35 ელვარედ ნათობენ ყოველსა შინა სოფელსა, ხოლო თქუენნი დაშრეტილ
Page: 219 Line: 1 არიან, და წყუდიადშემოსილნი მიმოხვალთ შორის ყოვლისა სოფლისა. ხოლო
Line: 2 კუალად ვითარმედ არცა დასაბამსა ენება მოცემაჲ თქუენი ესე ვითართა მსხუერპლთაჲ,
Line: 3 ისმინეთ, რასა იტყჳს ესაია: "რაჲ ჩემდა სიმრავლე მსხუერპლთა თქუენთაჲ,
Line: 4 იტყჳს უფალი, და ვინ იძინა ესე ჴელთაგან თქუენთა?". რამეთუ უკუეთუმცა
Line: 5 პირველითგანვე მეძიებელ ქმნილ იყო ამათ, უწინარეს სჯულისაცამცა
Line: 6 განბრწყინვებულნი ყოველნი ამის მოქალაქობისა მომართ მოიყვანეს და ვითარ
Line: 7 განაწესნაო ესენი, იკითხვენ? ცხად არს ვითარმედ თანა-შთამოსლვითა უძლურებისა
Line: 8 თქუენისაჲთა. და ვითარ იგი მკურნალმან იხილის რაჲ ფრიადითა მჴურვალებითა
Line: 9 შეპყრობილი კაცი, რომელსა გარდარეული და დაუპყრობელი გულისთქუმაჲ
Line: 10 აქუნდის გრილისა სასუმლისაჲ და სიკუდილსა თავისსა აღსთქუმიდის,
Line: 11 არა თუ მიიღოს იგი, მნებებელობითა დაცადებასა უმეტესისა ბოროტისასა უმცირესი
Line: 12 მისცის მას დასაჴსნელად ყოველთა უძჳრესისა მის იძულებითისა სიკუდილისა,
Line: 13 ეგრეთვე ყო ღმერთმანცა რამეთუ ვინაჲთგან იხილნა, რამეთუ ბორგდეს,
Line: 14 იშთვებოდეს, გულის-მთქუმელ იყვნეს, მსხუერპლთა განმზადებულ იყვნეს,
Line: 15 არა თუ მიიხუნენ იგინი, თჳთ წოდებით მისლვად კერპთა მიმართ, უფროჲსღა
Line: 16 არა ხოლო განმზადებულ, არამედ აწვე ეგერა შედგომილ მათდა. ამის-თჳს განუწესნა
Line: 17 მსხუერპლნი. და ვითარმედ ესე არს მიზეზი, ცხად არს ამიერ. რამეთუ
Line: 18 შემდგომად საძაგელისა მის დღესასწაულისა, რომელი აღასრულეს ეშმაკთად,
Line: 19 რაჟამს იგი შეჰმზადეს ჴბოჲ, მაშინ განუწესნა მსხუერპლნი კნინღა და
Line: 20 მეტყუელმან ესრეთ: "ჰბორგთა გსურისა მსხუერპლვად. ჰეღათუ ჩემდამო მემსხუერპლეობდით".
Line: 21 გარნა დაღათუ ესე განაწესა არა ვიდრე დასასრულამდე უტევნა
Line: 22 მსხუერპლნი, არამედ ყოვლად ბრძნითა ჴელოვნებითა კუალად აღიხუნა იგინი.
Line: 23 და ვითარ იგი მუნ მკურნალმან მან უტევის აღსრულებად გულის-თქუმაჲ
Line: 24 სნეულისაჲ მის. ამის შემდგომად ფიალი რაჲმე უჩუენის და უბრძანის, რათა
Line: 25 მხოლოდ მით ოდენ იჴუმევდე გრილსა სასუმელსა. და ვითარცა ირწმუნის ესე
Line: 26 სნეულმან, იდუმალითა რაჲთმე სიმარჯჳთა დასცის და შემუსრის ფიალი იგი,
Line: 27 რათა ფარულად და უგრძნულად მისგან თავის-უფალ ყოს იგი გულის-თქუმისაგას,
Line: 28 ეგრეთვე ქმნა ღმერთმანცა. მსხუერპლთა შეწირვაჲ უკუე განუწესა, ხოლო არცა ერთსა
Line: 29 ადგილსა სოფლისასა უტევა აღსრულებაჲ მათი, გარნა ხოლო ადგილთა
Line: 30 შინა იერუსალჱმისათა რომლისა-თჳსცა იტყჳს დავით: "შენ გშუენის გალობაჲ,
Line: 31 ღმერთო, სიონს და შენ მიგეცეს აღთქუმაჲ იერუსალჱმს". მერმე ვინაჲთგან ჟამ
Line: 32 რავდენმე მსხუერპლის შემწირველ იქმნეს, დაჰჴსნა და დაარღჳა ქალაქი. და ვითარ
Line: 33 იგი მან მკურნალმან შემუსრვითა ჭურჭლისაჲთა, ეგრეთვე ღმერთმან დარღუევითა
Line: 34 და აღფხურითა ქალაქისაჲთა უნებლიეთ განაყენნა იგინი მის საქმისა-გან.
Page: 220 Line: 1 რამეთუ ვინაჲთგან, უკუეთუმცა ცხადად ეთქუა მათდა განყენებაჲ, არა ადვილად
Line: 2 დაემორჩილებოდეს მას. ამის-თჳს იძულებითა ადგილისაჲთა ფარულად
Line: 3 განაყენნა იგინი მათ საქმითა მიმართისა უწესოებისაგან. ვინაჲცა იყავნ მკურნალ
Line: 4 ვიდრე ღმერთი, და ფიალ ქალაქი, ხოლო სნეულ უსახური ერი ჰურიათაჲ,
Line: 5 ხოლო გრილსასუმელ მსხუერპლთა-თჳსი განწესებაჲ და ჴელმწიფებაჲ. რამეთუ
Line: 6 უკუეთუ არა ამას წინაგანასაზღვრებდა, რაჲსა-თჳს ერთსა ადგილსა შინა გარეშეწერა
Line: 7 ეგე ვითარი იგი მსხუერპლის შემწირველობაჲ მან, რომელი ყოველგან არს და
Line: 8 ყოველთა აღავსებს? ანუ რად მსახურებისა უკუე მსხუერპლთა, და მსხუერპლთამან
Line: 9 ადგილსა, და ადგილისამან ჟამსა, ხოლო ჟამისამან ერთსა ქალაქსა შინა შემაწყუდეველმან
Line: 10 კუალად იგიცა დავეაქცია ქალაქი? და უსაკჳრველესი ესე, რამეთუ
Line: 11 ყოველი ვიდრე-მე სოფელი სავალ არს ჰურიათა-თჳს, სადა იგი უჯერო არს მსხუერპლის
Line: 12 შემწირველობაჲ, და მხოლოდ იერესალჱმი ოდენ, რომელსა შინა ბრძანებულ
Line: 13 იყო მემსხუერპლეობაჲ უვალ არს და ოჴერ მათგან. რომელთა-თჳს სამოციქულოთაცა
Line: 14 განწესებთა შინა ხმობს საღმრთოჲ სიტყუაჲ ვითარმედ "ეგერა
Line: 15 უწინარეს ჴორციელისა განგებულებისაცა განცხადებულად იჯმნიდა ღმერთი
Line: 16 მსხუერპლისაგან ჰურიათაჲსა, რომელნი, მრავალგზის მცოდველ რაჲ იქმნიან
Line: 17 მისსა მიმართ, მსხუერპლთა და არა სინანულისა მიერ ჰგონიან მოწყალეყოფაჲ
Line: 18 მისი. რამეთუ იტყჳს წინაჲსწარმეტყუელთა მიერ: "რაჲსა-თჳს მომართუემთ მე
Line: 19 გუნდრუკსა საბაჲთ და კინამომოსა ქუეყასით შორით? ყოვლად-დასაწუველნი თქუენნი
Line: 20 არა მისათუალავნი არიან, და მსხუერპლნი თქუენნი ვერ დამატკბობენ მე". და "შეკრიბენით
Line: 21 ყოვლად-დასაწუველნი თქუენნი მსხუერპლთა თქუენთა თანა და ჭამეთ ჴორცი,
Line: 22 რამეთუ არა გამცენ თქუენ, რაჟამს გამოგიყვანებდი თქუენ ქუეყანით ეგჳპტით
Line: 23 მსხუერპლთა-თჳს და ყოვლად-დასაწუველთა. და "რად ჩემდა სიმრავლე მსხუერპლთა
Line: 24 თქუენთაჲ? სავსე ვარ ყოვლად-დასაწუველთა ვერძთაგან და ცმელისა კრავთაჲსა
Line: 25 და სისხლისა ზუარაკთა და კაცთაჲსა, არა მნებავს არცა მოხჳდეთ ჩუენებად
Line: 26 ჩემდა. რამეთუ ვინ გამოიძინა ესენი ჴელთაგან თქუენთა დათრგუნვად ეზოჲსა
Line: 27 ჩემისა? არღა შესძინოთ მერმე. უკუეთუ მომართუათ მე სიმინდოჲ, ამაო.
Line: 28 საკუმეველი საძაგელ არს ჩემდა, ახალთთუენი თქუენნი და შაბათნი და დღე დიდი
Line: 29 არა თავს ვიდვა, მარხვაჲ და უქმებაჲ და დღესასწაულნი თქუენნი სძულან სულსა
Line: 30 ჩემსა. იქმნენით ჩემდა სიმაძღრედ". და "განმაშორენ ჩემგან ხმანი საგალობელთა
Line: 31 შენთანი, და ფსალმონი ორღანოთა შენთაჲ არა ვისმინო". და "არა შევწირავ
Line: 32 სახლისა შენისაგან ზუარაკთა და არცა არვისა შენისაგან ვაცთა". "რამეთუ
Line: 33 ჩემი არს სოფელი და სავსებაჲ მისი. ნე ვჭამოა ჴორცი ზუარაკთაჲ ანუ სისხლი
Line: 34 ვაცთაჲ ვსუაა ამსხუერპლე ღმერთსა მსხუერპლი ქებისაჲ", და "მსხუერპლ
Line: 35 ღმრთისა არს სული შემუსრვილი". და ერთაბამად ყოველსა შინა წერილ[სა] სწორებით
Page: 221 Line: 1 განიშორებს და განსთხევს მსხუერპლთა გარდარეულად მცოდველობისა-თჳს
Line: 2 და გულფიცხელობისა და მისდა მიმართ ურწმუნოებისა მათისა. "მხუერპლი უღმრთოთაჲ
Line: 3 საძაგელ არს უფლისა". და რამეთუ უსჯულოდ შემოსწირვენ მათ. და
Line: 4 "მსხუერპლნი მათნი ვითარცა პური გლოათა მათთაჲ და ყოველნი მჭამელნი
Line: 5 მათნი შეიგინნენ" რომლისა-თვის საღმრთოჲ სამოელცა ეტყოდა საულს ვითარმედ
Line: 6 "სასმენელი კეთილი უფროჲს არს მსხუერპლთა, და მსმენელობაჲ უფროჲს
Line: 7 ცმელისა ვერძთაჲსა". აწ უკუე უკუეთუ პირველ მოსლვისა მისისა უფროჲს
Line: 8 მსხუერპლთასა გულსა წმიდასა და სულსა შემუსრვილსა ეძიებდა, ფრიად უფროჲსად
Line: 9 მო-რაჲ-ვიდა და აცხრვნა სისხლნი და მსხუერპლნი არცა ძუელად მოქენემან
Line: 10 მათმან, ვითარცა ითქუა, არამედ მიმშუებელმან ხოლო ქმნისა მათისამან,
Line: 11 უკუეთუ ოდენ მართლითა გონებითა შეიწიროდინ რომლისა-თჳსცა ეტყჳს: უკუეთუ
Line: 12 მსხუერპლთა დაკლვად გსურის, მე უკუე არა მოქენე ვარ მათდა, არამედ
Line: 13 დაკლენ. ხოლო რაჟამს დამვიწყებელ იქმნნეს მისსა და ნაცვლად ღმრთისა ღმრთად
Line: 14 სახელ სდვეს ჴბოსა და მის ზედა წარწერეს მიზეზი ეგჳპტით გამოსლვისაჲ
Line: 15 მეტყუელთა: "ესე არიან ღმერთნი შენნი, ისრაჱლ, რომელთა გამოგიყვანეს შენ
Line: 16 ქუეყანით ეგჳპტით, და უვარ ყვეს ღმერთი, რომელმან მოსჱს მიერ მოიხილა
Line: 17 მათ ზედა ჭირსა შინა მათსა, და ჴელისა და კუერთხისა მისისა მიერ ქმნნა
Line: 18 სასწაულნი, და ათთა წყლულებათა მიერ დასცა ეგჳპტე. ზღუაჲ მეწამული განყოფილებად
Line: 19 განაპო, და განიყვანნა იგინი საშუვალ წყლისა ვითარცა ხმელისა, და
Line: 20 მტერნი მათნი დაათქნა, მერრანისა მწარენი წყალნი დაატკბნა, კლდისაგან
Line: 21 განკუეთელისა წყალი სიმდიდრით აღმოაცენა, სუეტითა ღრუბლისაჲთა და
Line: 22 სუეტითა ცეცხლისაჲთა უგრილობდა მათ გარდარეულსა სიცხესა შინა და უნათობდა
Line: 23 და უძღოდა, რომელთა არა უწყოდეს, თუ სადა ვიდოდეს; მანანაჲ
Line: 24 ზეცით უწჳმა მათ და ჴორცით ზღჳთ მწყერმარჴილისა მიერ მოსცა, მთასა
Line: 25 ზედა სჯული დაუდვა, და საღმრთოჲსა და ქუხილშემოსილისა ხმისა სმენასა
Line: 26 ღირს ყვნა: ჟამისთა უვარის-მყოფელთა თქუეს აჰრონის მიმართ: მიქმნენ ჩუენ
Line: 27 ღმერთნი, რომელნი წინამიძღოდიან ჩუენ. და შექმნეს გამოდნობილი ჴბოჲ
Line: 28 და მსხუერპლი შეწირეს კერპისა. ამიერითგან განრისხნა ყოვლად-სულგრძელი
Line: 29 უფალი უმადლოებისა-თჳს მათისა და შეკრნა, იგინი საკრველითა განუჴსნელითა
Line: 30 სიმძიმითა ტჳრთისაჲთა და სიფიცხითა უღლისაჲთა და არღა მერმეცა ესრეთ
Line: 31 ჰრქუა ვითარმედ "ხოლო უკუეთუ ჰქმნა, ვითარ იგი უწინარეს ჴბოჲს-მოქმედებისა
Line: 32 თქუა არამედ ქმენო საკურთხეველი და მსხუერპლთა შესწირავდი სამარადისოდ
Line: 33 ვინაჲთგან მოვიწყე ხარ და უმადლო, რათა მიმდემად გაჴსოვდე მე რამეთუ
Line: 34 ვინაჲთგან ბოროტად იჴუმიეს ჴელმწიფებაჲ უბადრუკთა მათ და უცნობელთა,
Line: 35 საჭიროდ განუწესა მიერითაგან მოხუმაჲ მსხუერპლთაჲ და ზოგთა რათმე
Page: 222 Line: 1 ჭამადთაგან განყენებაჲ, და ცხოველთა წმიდათა და არა წმიდათა განყოფილებაჲ
Line: 2 განუჩინა, დაღათუ წმიდა არიან ყოველნი ცხოველნი, - რამეთუ ყოველი რაოდენი
Line: 3 ქმნა ღმერთმა კეთილ ფრიად. მერმეცა განყენებულებანი განუჩინნა, და განწმედანი,
Line: 4 და ნათლის-ღებანი, და კურნებანი, და ბიწთ-განყრანი, და თჳთოსახენი
Line: 5 უქმებანი, რომელთა გარდამავალისა-თჳს ტანჯვანი განასაზღვრნა, რათა შეიწრებულნი
Line: 6 და უღლისა მის მიერ შეშთობილნი მრავალღმრთებისა საცთურსა განეყვნენ.
Line: 7 აწ უკუე გულფიცხელობისა სადმე მათისა-თჳს ესრეთ შეკრნა იგინი,
Line: 8 რათა მსხუერპლთა მიერ და უქმებისა და განწმედისა და სხუათა ეგე ვითართა
Line: 9 დამარხვისა და ქმნისა ჴსენებად მოვიდოდინ ღმრთისა, რომელმან ესე განუწესნა
Line: 10 და სჯულად დაუდვა მათ.
Line: 11 ხოლო იგინი უკეთურებითა ნებისაჲთა და უცნებელობითა ცნობისაჲთა არა
Line: 12 დაუტევობდეს ზემოჲთგან ვიდრე აქამომდეცა დავიწყებასა ღმრთისასა და ნაცვალად
Line: 13 დამბადებელისა თაყუანის-ცემასა დაბადებულისასა, არამედ ოდეს ჴბოსა მოქმედებდეს,
Line: 14 ვითარცა ითქუა, ხოლო ოდესმე ბეელფეგორს თაყუანის-სცემდეს, სხუა
Line: 15 ჟამ სადმე ბაალს და თამუზს და ასტარტის სიდონისსა და მოლქომს და ქამოსს
Line: 16 და ოდესმე მზესა და მთოვარესა და ვარსკულავთა, რომელნი მნათობად და არა
Line: 17 თაყუანის-საცემელად კაცთად დაჰბადნა ღმერთმან. ხოლო ოდესმე პირუტყუთა
Line: 18 ცხოველთა, ვითარ იყო მეგჳპტელთა იგი ჴარი აპინ და მენდისიონ ვაცი, და
Line: 19 ღმერთთა ოქროჲსა და ვეცხლისათა, ვითარ იგი ჰურიასტანს შინა. ამისი ცხადად
Line: 20 ქადაგებელი მათი ღმერთი იტყოდა წინაჲსწარმეტყუელისა მიერ: "ნუ უკუე
Line: 21 მცირე არსა ესე სახლისა იუდაჲსსა ქმნაჲ საძაგელებათაჲ ამათ, რომელნი
Line: 22 ქმნნეს. რამეთუ აღავსეს ქუეყანაჲ უსჯულოებითა განრისხებად ჩემდა. რომლისა-თჳსცა
Line: 23 სამართლად სადმე აღიჴოცნეს და მოისრნეს, ვითარცა ღმრთისა განმარისხებელნი
Line: 24 და წმიდისა მის ქუეყანისა შემამწინკულებელნი პირველითგან და
Line: 25 ვიდრე უკუანაჲსკნელისა ამის და დასასრულისა უესპასიანჱს და ტიტჱს-მიერისა
Line: 26 მოოჴრებისამდე. და რამეთუ მრავალგზის გამოღებელ იქმნა და მოოჴრდა მრავალთა
Line: 27 მიერ, იტყჳს თევდორიტე, და კუალად პირველისავე მიმართ კუალად
Line: 28 აგის იგი ღმერთმან პატივისა და სახისა. არამედ აწ არღარა. რამეთუ პირველად
Line: 29 უკუე თეღლათ ფალასარ ტყუე ყო, უფროჲსი ნაწილი ათთა ტომთაჲ. ხოლო
Line: 30 მეორედ სალმანასარ სამარიაჲ და გარემოჲსნი მისნი ტყუეობასა მისცნა ქალაქნი.
Line: 31 მესამედ სენაქირიმ სხუანი ვიდრე-მე ყოველნივე გამოიხუნა ქალაქნი ჰურიათანი
Line: 32 და მრავალნი წარიყვანნა ტყუენი. ხოლო მიჰმართა რაჲ იერუსალჱმსა ამპარტავანებით
Line: 33 და უღმრთოებით, სამართლად მიიღო მან გმობათა მისაგებელი, რაჟამს ღმრთივ-მოვლენილითა
Line: 34 წყლულებითა წარმწყმედელი მჴედრობისაჲ სირცხჳლით.
Page: 223
Line: 1 ხოლო შემდგომად ამისსა ნაბუქოდონოსორ მესამესა წელსა მეფობისა იოვაკიმ
Line: 2 ძისა იოსიაჲსსა ძალითა მრავლითა ჰურიასტანად მიიწია და ფრიადნი ტალანტნი
Line: 3 ოქროჲსა და ვეცხლისანი აღიხუნა და სამეფოჲსა ნათესავისაგან ტყუენი
Line: 4 მრავალნი და კერძოჲ სამღდელოთა ჭურჭელთაჲ და წარვიდა ხარკისა დამდებელი
Line: 5 ერისა ზედა. და შემდგომად მცირედისა ჟამისა იოაკიმ უკუე აღთქუმაჲ იგი
Line: 6 უარ ყო, ხოლო ნაბუქოდონოსორ მეათერთმეტსა წელსა ამისისა მეფობისასა,
Line: 7 ხოლო მერვესა თჳსისა მთავრობისასა კუალად განილაშქრა იერუსალჱმისათა ზედა
Line: 8 და იოვაკიმის მოკლვაჲ და ზღუდით ქუეშთამოგდებაჲ ბრძანა და მრავალ ჟამ
Line: 9 დაუფლველად დატევებაჲ. რომლისა-თჳს იტყჳს იერემია ვითარმედ "ამათ იტყჳს
Line: 10 უფალი იოაკიმს ზედა ძესა იოსიაჲსსა, მეფესა იუდაჲსსა: ვაებაჲ კაცსა ამას
Line: 11 ზედა, არა ეტყებდენ მას: ჵ ძმაო! არცა სტიროდინ მას: "ვაჲ, უფალო, და
Line: 12 და ვაჲმე, ძმაო!". არამედ დაფლვითა ვირისაჲთა დაეფლას და თანა-მეჰამრე
Line: 13 განიგდოს მიერ კერძო ქალაქისა იერუსალჱმისა" ხოლო წარჩინებულნი ყოველნი
Line: 14 ტყუედ წარიყვანნა და დაშთომილთა მათ ზედა მეფედ ჴელთ-დასხმულ ყო იექონია,
Line: 15 ძე ელიაკიმისი, და წარვიდა ბაბილონად. ამის შემდგომად ისწავა რაჲ მისიცა
Line: 16 განდგომილებაჲ, შემდგომად სამისა თთჳსა კუალად უკუმოიქცა და იგი შეკრა
Line: 17 და სხუათა მრავალთა თანა ტყუედ წარიყვანა და ნაცვალად მისსა დაადგინა
Line: 18 მეფედ ნეშტთა მათ სედეკია, მამისა ძმაჲ მისი. და ღმრთისა-მიმართითა ფიცითა
Line: 19 შეკრა იგი არა განდგომილებისა-თჳს. არამედ ამისგანცა დამთრგუნველობასა
Line: 20 ფიცისასა, და არცა ხარკთა მიმცემელობისა მნებებელობასა არცა ერთგულებისა
Line: 21 დამცველობისა, არამედ მეგჳპტელთა მიმართ მილტოლვასა კუალად მოიწია იგი და
Line: 22 სედეკია ვიდრე-მე შეიპყრა და დააბრმო და ქალაქი მოსაოჴრებელად დადვა და სამეფონი
Line: 23 და საღმრთოჲ ტაძარი და ყოველი სახლები მოწუა, ხოლო სიყმილისა
Line: 24 და ბრძოლისა დანაშთომნი ყოველნი ტყუედ წარიყვანნა და ნეშტნი ჭურჭელნი
Line: 25 ტაძრისა უფლისანი.
Line: 26 ვინაჲცა სიმრავლისა განსაცდელისა მათთაჲსა წარმომეტყუელი ესრეთ სადმე
Line: 27 ხმობს საკჳრველი იოველ ვითარმედ "ნეშტნი მგრაგნელისანი შეჭამნეს მკალმან,
Line: 28 და ნეშტნი მკლისანი შეჭამნეს ბუზუმან, და ნეშტნი ბუზჳსანი შეჭამნეს
Line: 29 გესლმან". და რამეთუ ესენი სახის შემოღებით ასურასტანელთა და ბაბილოვნელთა
Line: 30 მიმართ გულის-ხმა იყოფებიან, მგრაგნელად უკუე თეღლათ ფ[ა]ლასარის სახელის-დებითა,
Line: 31 და მკლად სალმანასარისითა, ბუზუად სენაქირიმისითა, და გესლად
Line: 32 ნაბუქოდონოსორისითა, რამეთუ უკუანაჲსკნელ განილაშქრა და ჰურიასტანი სრულად
Line: 33 აღმოსპოლა და სიკუდილისაგან განრომილნი ტყუედ მიიყვანნა, ვითარცა ითქუა.
Line: 34 აწ უკუე მრავალგზის შეჰმთხუევიეს ჰურიასტანსა მოოჴრებაჲ, ვითარცა
Page: 224 Line: 1 იტყჳს კუალად დიდი კჳრილე, ასურასტანელთაგანცა და მეგჳპტელთა. ასურთა
Line: 2 და მოაბელთა, იდუმიელთა და ფილისტიმად წოდებულთა მათ, რომელ არიან
Line: 3 პალესტინელნი. გარნა არა სრულიად განიწიროს, არამედ იყვის ოდესმე, რომელ
Line: 4 მოცვული განსაცდელთაგან კუალად გამოიჴსნის განმსწავლელმან და მაცხოვნებელმან
Line: 5 ღმერთმან. ხოლო აწ შემდგომად საუფლოჲსა ჯუარცუმისა გამოუჴსნელად
Line: 6 ტყუე იქმნა და გამოუჩინებელად წარწყმდა სრულიად.
Line: 7 ხოლო ვითარ იგი ასურასტანელთა მეფობაჲ ბაბილოვნელთა მიერ დაიჴსნა
Line: 8 და ბაბილოვნელთაჲ სპარსთა მიერ, და სპარსთაჲ მაკედონელთა მიერ, და მაკედონელთაჲ
Line: 9 ჰრომთა მიერ; ეგრეთვე ჰრომთაჲ ანტიქრისტჱს მიერ დაიჴსნეს და
Line: 10 ანტიქრისტჱსი მაცხოვრისა ქრისტჱს მიერ განიხრწნეს. და რამეთუ ოთხთა
Line: 11 ქართა მიერ ოთხთა დიდთა მეფობასა მოასწავებს საღმრთოჲ ზაქარია: ქალდეველთა
Line: 12 და სპარსთა, მაკედონელთა და ჰრომთასა. ხოლო ორად მთად ორთა ნაწილთა
Line: 13 სოფლისათა. რამეთუ ორად განიკუეთების იგი: ასიად, ვიტყჳ, და ევროპად.
Line: 14 და რახსნი ვიდრე-მე ცხენნი მოსისხლეთა ქალდეველთა მოასწავებენ. ხოლო
Line: 15 შავნი სპარსთა და მიდთა მიერ ბაბილოვნელთა ზედა მოწევნელსა მას სიკუდილსა.
Line: 16 და თეთრნი სიცხადესა მაკედონელსა დიდებისასა, რამეთუ არა სხუათა მეფობათა
Line: 17 მსგავს იყო იგი. ხოლო სინიბნი და ჭრელნი ძლიერებასა და სიმტკიცესა
Line: 18 ჰრომთა მეფობისასა წარაჩენენ, ხოლო ვინაჲთგან მოლაშქრე იყვნეს ბაბილოვნელთა
Line: 19 ზედა მიდნი და სპარსნი, ამის მიზეზისა-თჳს მავალად და განმსუენებელად
Line: 20 გულის-წყრომისა უფლისად იწოდებიან რამეთუ ვინაჲთგან ულმობელ იქმნნეს
Line: 21 იგინი ერისა მიმართ ღმრთისა, ამის-თჳს მიეცნეს ჴელთა კჳროზ სპარსისათა.
Line: 22 ხოლო თეთრთა ცხენთა, ესე იგი არს მაკედონელთა, უკუანა შავთასა
Line: 23 სლვაჲ, რომელ არიან სპარსნი, მოასწავებდა, ვითარმედ ჴელთ-გდებად უც მაკედონელთა
Line: 24 მეფობაჲ სპარსთაჲ ხოლო სინიბთა სამხრად მომართ მომავალობაჲ
Line: 25 ცხად ჰყოფდა, ვითარმედ ეგულების ჰრომთა განმჴედრებაჲ იერუსალჱმსა ზედა.
Line: 26 ვინაჲთგან სამხრით-კერძო მდებარე არს ქალაქი იგი. ხოლო მბრძანებელობაჲ
Line: 27 მათი მოვლად ქუეყანისა ასწავებს, ვითარმედ ღმრთისა მიერ წარემართების ყოველი
Line: 28 მეფობაჲ.
Line: 29 შეიქმნებიან უკუე ადამისითგან ვიდრე უკუანაჲსკნელად მოოჴრებადმდე იერუსალჱმისა
Line: 30 წელიწადნი ხუთათას სამეოცდაათხუთმეტნი, ხოლო პირველით აღშენებითგან
Line: 31 სოლომონის მიერ ტაძრისა და ქალაქისაჲთ ათას ოთხმეოცდარვანი, ხოლო
Line: 32 მეორით აღშენებითგან ხუთს ოთხმეოცდაათხუთმეტნი, და ანტიოხოზის-მიერით
Line: 33 ტყუეობითგან ორას ორმეოცდარვანი, ხოლო ამაღლებითგან უფლისაჲთ ორმეოცდაორნი.
Line: 34 ვინაჲცა მრავალსწავლული ევსევი საჟამოთა მათ კანონთა შინა ასტიოხოზთა-თჳს
Line: 35 სელევკოსთა და პტოლემეოსთა და შემდგომად ტყუეობით აღმოსლვისა
Line: 36 წინამძღუარქმნილთა მღდელთ-მთავართა-თჳს შემოკლებულად წარმომეტყუელი
Page: 225 Line: 1 ესრეთ იტყჳს ვითარმედ "ალექსანდრე მეფემან მაკედონელთამან მეექუსესა წელსა
Line: 2 მეფობისა თჳსისასა ჴელთ იგდო დარიოს არსამო და დაჰჴსნა მეფობაჲ სპარსთაჲ,
Line: 3 ძლიერებით მპყრობელქმნილი დარიოსისითგან ვიდრე კჳროსისამდე წელთა ორას
Line: 4 ოცდაათთა. ხოლო მეფობაჲ მაკედონელთაჲ კრანაუჲსითგან და ვიდრე ალექსანდრჱსამდე
Line: 5 განვრცნა წელთა ხუთას ათრვამეტთა; და იგი რაჲ მოკუდა ბაბილოვნს
Line: 6 შინა, მონაცვალე ექმნნეს მთავრობასა მისსა მაკედონიას უკუე ფილიპპე და
Line: 7 ასიას ანტიღონე, ეგჳპტეს პტოლემეოს ლაღჳ, ხოლო ასურეთს სელევკოს. და
Line: 8 ასურეთს ვიდრე-მე გამეფებულნი შემდგომად ალექსანდრჱსსა არიან ესე: სელევკოს
Line: 9 ნიკანორ, ანტიოხოზ წოდებული მაცხოვრად, ანტიოხოზ ნატაცი, სელევკოს
Line: 10 კალინიკე, ალექსანდრე, ანტიოხოზ, სელევკოს მამის-მოყუარე, ანტიოხოზ
Line: 11 ეპიფანე, რომელმან ონია მღდელთ-მთავარი ჰურიათაჲ დააცხრო მღდელობისაგან,
Line: 12 ჴელ ყო რაჲ ყოვლისავე ნათესავისა მათისა მამულისა სჯულისაგან გარდაქცევაჲ,
Line: 13 და ტაძარი უკუე შეაგინა და ოლჳმპიონად ტაძრად უწოდა მას, ხოლო ნათესავსა
Line: 14 ზედა ფიცხელნი საგუემელნი მოაწინა და აიძულა მათ ელენობაჲ. რომლისა-ზე
Line: 15 იწამნეს ღირსნი მაკაბელნი, და ვითარ სამ წელ ოჴრებასა შინა იყო ტაძარი, იუდა
Line: 16 მაკაბელად სახელდებულად განწმიდა უღმრთოთაგან და განაახლა ქუეყანაჲ მათი.
Line: 17 ამის შემდგომად მეფე იქმნა ანტიოხოზ კეთილმამაჲ, დიმიტრი სელევკოს,
Line: 18 ალექსანდრე ვალასი დიმიტრი ნიკატორ, ანტიოხოზ ტრჳფონ, პტოლემეოს,
Line: 19 ანტიოხოზ სიდელი, დიმიტრი, ანტიოხოზ ცხჳრკავი, ანტიოხოზ კჳზიკოელი,
Line: 20 სელევკოს ცხჳრკავისაჲ, რომლისა-ზე ჰრომთა მიერ გამოღებულ იქმნა ანტიოქიაჲ,
Line: 21 და ფლობაჲ ასურეთისაჲ დაიჴსნა განვრცომილი წელთა ს̂ნ.
Line: 22 ხოლო მეფექმნილი ეგჳპტეს ალექსანდრჱსითგან არიან ესე: პტოლემეოს
Line: 23 ლაღჳ, რომლისა-ზე მენანდროს მოშაჰირე იცნობებოდა და თეოფრასტოს ფილოსოფოსი;
Line: 24 პტოლემეოს ძმათ-მოყუარე, რომლისა-ზე სამეოცდაათთა ბრძენთა ებრაელთასა
Line: 25 თარგმნეს შჯული; პტოლემეოს ქველის-მოქმედი, რომლისა-ზე სიბრძნესა
Line: 26 პანარეტოსისა აღმწერელი ებრაელთა-თჳს იისუ ზირაქისი იცნობებოდა;
Line: 27 პტოლემეოს მამის-მოყუარე, რომლისა-ზე ტყუედ შთაყვანებულსა ეგჳპტედ ერსა
Line: 28 ებრაელთასა ესე ვითარი რაჲმე შეემთხუეოდა, რამეთუ უბრძანა ჳპატოსთა თჳსთა
Line: 29 მომზადებაჲ ხუთასთა პილოთაჲ და სუმევაჲ მათდა ღჳნისა შემურვილისაჲ,
Line: 30 რათა ესრეთ დამთრვალნი მოსრვიდეს ჰურიათა. ხოლო მათ ილოცეს რაჲ ღმრთისა
Line: 31 მიმართ, სიმრავლემან პილოთამან ერისა და მჴედრობისა მისისა მიმართ მიიმართა,
Line: 32 რომელთა მიერ ფრიადნი სიმრავლენი ერთანი განიხრწნნეს, და ესრეთ საკჳრველებით
Line: 33 განრომილნი ჰურიანი უვნებელად განტევებულ იქმნნეს სოფლად თჳსსა
Line: 34 მმადლობელნი ქველის-მოქმედისა ღმრთისანი. ამის შემდგომად მეფე იქმნა
Line: 35 პტოლემეოს ეპიფანე, პტოლემეოს დედის-მოყუარე, პტოლემეოს ქველის-მოქმედი,
Page: 226 Line: 1 პტოლემეოს მაცხოვარი, პტოლემეოს ალექსანდრე, პტოლემეოს ძმაჲ მისი,
Line: 2 პტოლემეოს დიონჳსი, კლეოპატრა, ასული მისი, რომელი მოკლა აგჳსტოს
Line: 3 მეათოთხმეტესა წელსა მეფობისა თჳსისასა და დაიპყრა ეგჳპტე დამჴსნელმან
Line: 4 მეფობასა პტოლემიანთასა, მპყრობელქმნილსა ორას ოთხმეოც და ათ წელ.
Line: 5 ხოლო შემდგომად ბაბილოვსით აღმოსლვისა წინამძღუარქმნილნი მღდელთ-მოძღუარნი
Line: 6 არიან ესე: იისუ, ძე იოსედეკისი, თანად ზორობაბელით-ურთ, იაკიმ
Line: 7 ძე იისუჲსი, ელიასიბოს იაკიმისი, იუდაე იოსიოჲსი, იოანნე იუდაესი, იადდუს,
Line: 8 რომლისა-ზე ალექსანდრე იერუსალჱმს შინა თაყუანის-სცა ღმერთსა და ალექსანდრიაჲ
Line: 9 აღაშენა, იონია იადდუჲსი, ელიაზარ, იონია, სიმონ იონაას, სიმონ,
Line: 10 იოანნე ირკანოს. არისტოვულე, რომელმან პირველ შეიმოსა სამკაული სამეფოჲ
Line: 11 სამღდელთმთავროსა თანა, იოანე ალექსანდრე, ერთბამად მეფეცა და მღდელთ-მთავარი.
Line: 12 რამეთუ კჳროსისითგან ვიდრე ამისდადმდე ცხებულნი წინამძღუარნი
Line: 13 შთამოვიდოდეს წელთა ოთხას ოთხმეოცდასამთა, რომელ არიან წელიწადნი სამეოცდაცხრათა
Line: 14 შჳდეულთანი, ვითარცა თქუა დანიელ ვითარმედ "სცნა და გულის-ხმა
Line: 15 ჰყო გამოსლვითგან სიტყჳსაჲთ მიგებაჲ და აღშენებაჲ იერუსალჱმისაჲ ვიდრე
Line: 16 ქრისტჱსამდე წინამძღურისა შჳდეულნი შჳდ და შჳდეულნი სამეოც და ორ"
Line: 18 ხოლო შემგომად უესპასიანჱსსა მეფე იქმნა ძე მისი ტიტე სამ წელ.
Line: 19 რომელმან ჟამსა ზაფხულისასა დღეყოველ ვლო რაჲ გზაჲ და სისხლი სტყულა
Line: 20 ცხჳრთა შემწუარსა სიცხითა მზისა შარავანდედთაჲთა და ყოვლად სულმოკლე იქმნა,
Line: 21 წუთღა სულიერობასავე შინა თჳსსა დაიდვა იგი საფლავსა დომეტიანჱს მიერ
Line: 22 ძმისა თჳსისა წუევითა ყოლისა ტიტესისაჲთა, ვინაჲცა ყოვლად-საკჳრველი
Line: 23 ესე ტიტე ერთბამად ფილოსოფოსცა და ენამჭევრ და რჩეულმბრძოლ და ფრიად
Line: 24 მდაბალ იყო ცნობითა და ფრიადითა კეთილის-მოქმედებითა და სიწმიდის-მოყუარებითა
Line: 25 და სიმართლითა და ცნობითა შემკობილმან ცხადად უჩუენა ყოველთა
Line: 26 კაცთ-მოყუარებაჲ თანა-ლმობისა თჳსისაჲ წარტყუენვასა მას იერუსალჱმისასა.
Line: 27 რამეთუ ფრიად იგლოა მაშინ ღმრთივ-მოძაგებულთა ჰურიათა-თჳს, და უფროჲს-ღა
Line: 28 საღმრთოჲსა ტაძრისა დაწუვასა ზედა ტიროდა და ღმერთსა ევედრებოდა
Line: 29 მიმთხუევისა-თჳს შენდობისა და წყალობისა, და ვითარმედ არა მისითა აღრჩევითა,
Line: 30 არამედ მათითა ღმრთის-განმარისხებელითა უკეთურებითა იქმნებიან იგინი
Line: 31 რომლისა-თჳსცა შემდგომად წარტყუენვისა და გამოღებისა ძლევაშემოსილად და
Line: 32 მძლედ მქადაგებელთა მისთა დადუმებაჲ ჴბოჲსაგან უბრძანა, და ვითარმედ არა
Line: 33 მას, არამედ ღმრთივ-მოვლენილსა რისხვასა და საღმრთოსა მსჯავრსა უქმნიან
Line: 34 ესე და ჴელთა მათთა მიუცეემიან საწყალობელნი იგი ამიერ უკუე სათნოებისათჳს
Page: 227 Line: 1 მისისა და სიმდაბლისა ყოვლად-განსათქუმელ და ყოვლად-სათნო და სატრფიალო ქმნილმან
Line: 2 დაუტევა ცხორებაჲ. ხოლო ესოდენითა გლოითა აღივსო სიკუდილსა მისსა
Line: 3 ზედა ჰრომი, ვიდრემდის ჟამთა მრავლთა მომჴსენებელნი მისნი და გულად მომხუმელნი
Line: 4 სათნოებათა მისთანი საეროდცა და სახლთაცა შინა ტიროდეს ვითარცა თჳსთა
Line: 5 ვნებათა ზედა კაცად-კაცადი მგლოარე. რომლისა-ზე დასავლეთს თხემი ვეზვიონისა
Line: 6 მთისაჲ განიპო და ცეცხლი აღმოაცენა ესოდენი, ვიდრემდის გარემოჲსი
Line: 7 ქუეყანაჲ ქალაქებისა თანა დაწუა, რომლისა მხილველთა ელენთა და ფრიად განცჳბრებულთა
Line: 8 იკითხეს სარწმუნოთა ვიეთმე ქრისტეანეთაგან ვითარმედ "ვითარ და
Line: 9 ვინაჲ გამოვიდა ცეცხლი საფუძველთაგან ქუეყანისათა". ხოლო მათ თქუეს ვითარმედ
Line: 10 ეშმაკისა და ანგელოზთა მისთა და ყოველთა ცოდვილთა და უღმრთოთა
Line: 11 კაცთა-თჳს განმზადებულისა მის გეჰენიისაგან აღმოეცენა საწურთელად და
Line: 12 განსასწავლელად ცოდვის-მოქმედთა სულთად". და ცხად არს მათგანცა, რომელნი
Line: 13 იგი ხმაგანსმენილმან მან მოძღუარმან თქუენმან პლატონ აღწერნა ფედონსა
Line: 14 შინა განსლვისა და აღსასრულისა-თჳს სულთაჲსა. ვითარმედ ბოროტად ცხორებულთა
Line: 15 სულნი იტანჯებიან კოკჳტოსა შინა და ცეცხლისა-მიერსა შემწუველობასა
Line: 16 და ტარტაროზს მწარესა შინა, რომელნი ესე არიან სიღრმეთა შინა ქუეყანისათა.
Line: 17 და ესენი ეკუე მათ მის ჟამისა მათ ელენთა მკითხველთა მათთა მიმართ
Line: 18 თქუეს. ხოლო საღმრთოჲ პატრიკოს ეპისკოპოსი პრუსისაჲ მსაჯულისა ანთჳპატისა
Line: 19 მიმართ, რომელმან ერსა ზედა ჰკითხა მას თუ "ვინაჲ აღმოეცენებიან
Line: 20 თჳთ თავით თდსით ცხელნი იგი წყალნი", ესრეთ იტყჳს: არა რაჲსაგან არსებად
Line: 21 მოიყვანა ღმერთმნ არსებაჲ ცეცხლისა და წყლისაჲ, და ცეცხლისაგან უკუე ნათელი
Line: 22 და მზე და სხუანი ვარსკულავნი შეჰმზადნა სიტყჳთა და დღისა და ღამისა მფლობელყოფაჲ
Line: 23 უბრძანა მათ რამეთუ ეგოდენი არს ძალი მისი, რაოდენი არს ნებბაჲცა.
Line: 24 ხოლო წყლისაგან სამყაროჲ ცასა შეაყინა და ქუეყანაჲ წყალთა ზედა
Line: 25 დააფუძნა და შექმნნა მათ-შინანი ყოველნი წინაჲსწარმცნობელობითითა მოქმედებითა,
Line: 26 რათა მის მიერ დაბადებადი იგი კაცი არა რათ საჭიროთა და საჴმრად
Line: 27 სათანადოთაგან თჳსთა ნაკლულევან იყოს, მო-რაჲ-ვიდეს ყოფად. რომელთა შორის
Line: 28 კუალად ორნი ადგილნი სამარადისოდ მყოფნი განჰმზადნა და ერთი ვიდრე-მე ნათელითა
Line: 29 განბრწყინვებულად დაუსრულებელთა კეთილთა მიერ აღვსებულად გამოაჩინა,
Line: 30 ხოლო მეორე იგი ბნელისა და საუკუნოდ მტანჯველისა ცეცხლისა სამკჳდრებელად
Line: 31 შექმნა, რათა კეთილად სათნოყოფილნი უკუე მისთა და საცდურითა ეშმაკისაჲთა
Line: 32 არა შეცთომილთა ნათელით-შემოსილთა კეთილთა ადგილი დაიპყრან
Line: 33 შემდგომად მკუდრეთით აღდგომის და საუკუნოდ მყოფობდენ მის-თანა. ხოლო
Line: 34 შეურაცხის მყოფელთა მისთა და საზოგადოჲსა მტერისადა შედგომილთა
Page: 228 Line: 1 წყუდიადშემოსილთა მათ სატანჯველთა ადგილი საუკუნოდ დაიმკჳდრონ მის-თანა, ხოლო
Line: 2 განყვნა ურთი-ერთას ცეცხლი და წყალი, ვითარ იგი ნათელი და ბნელი,
Line: 3 და განსთესნა იგინი ყოვლისავე დაბადებულისა თჳსისა შორის, და არს წყალი
Line: 4 ზედაკერძო სამყაროჲსა და ცეცხლი ქუეშეკერძო სამყაროჲსა, რომელ არს ეთერი,
Line: 5 და არს წყალი და ცეცხლი ქუეშეკერძო ქუეყანისა. და ზედაკერძოჲ ვიდრე-მე
Line: 6 ქუეყანისაჲ წყალი, შეკრებული შესაკრებელსა ერთსა, ზღუად იწოდა, ხოლო
Line: 7 ქუეშეკერძო ქუეყანისა დაშთომილი უფსკრულად სახელ იდვა, რომელთაგან
Line: 8 ვითარცა სიფონნი რაჲმე საცხორებელად ჩუენდა და ყოვლისა ცხოველისად აღმოეცენებიან
Line: 9 წყარონი, სადაჲთ იგი წყალნიცა აბანოთანი აღმოდიან. და მშორობელ
Line: 10 უკუე ქუენაჲსა მის ცეცხლისანი უგრილესად აღმოდიან განგებულებითა
Line: 11 ღმრთისაჲთა, ხოლო მახლობელობითა ღმრთისაჲთა განჴურვებულნი ფრიად მდუღარედ
Line: 12 აღმოეცენებიან; ხოლო, რაოდენნი არა ფრიად მახლობელ არიან ცეცხლისა,
Line: 13 ნელტფილად აღმოფოფინებენ რომელთამე ადგილთა. და ქუეშეკერძოჲ
Line: 14 ვიდრე-მე ქუეყანისაჲ ცეცხლი სატანჯელად ეშმაკისა და ცოდვილთა კაცთა განმზადებულ
Line: 15 არს; და კუალად ქუენაჲ იგი წყალი ვითარცა ყოვლად-გრილი და ნივთად
Line: 16 მყინვრისად შეყინებული, რომელსა ტარტაროზ სახელ ედების, სატანჯველთა
Line: 17 არს ეგრეთვე იგიცა მცნებათა ღმრთისათა შეურაცხის-მყოფელთა კაცთაჲ.
Line: 18 ხოლო ვითარმედ ცეცხლი არს ქუეშეკერძო ქუეყანისა, გარწმუნენ შენ სიკილიას
Line: 19 და ლუკიას განცხადებულად აღმომგზებარემან მან და სხუათაცა მრავალთა ადგილთა
Line: 20 შინა ეგრეთვე მსგავსად ხილულმან ცეცხლმან, ნაწილმან საშინელისა მის
Line: 21 გეჰენიისამან, რომლითა დაიწუებიან ყოველნი მოქმედნი საქმეთა ცეცხლისათანი.
Line: 22 რომლისა-თჳს იტყჳს დიდი მოსე პირით-გამო ღმრთისაჲთ ვითარმედ "ცეცხლი
Line: 23 აღატყდეს გულის-წყრომისაგან ჩემისა, შთასწუვიდეს ვიდრე ჯოჯოხეთადმდე ქუესკნელად,
Line: 24 შეჭამოს ქუეყანაჲ და ნაყოფნი მისნი, შეწუნეს საფუძველნი მთათანი".
Line: 25 ეგრეთვე ესაიაცა განცხადებულითა მოსწავებითა ცოდვილთა-თჳს ყოფადისა მის
Line: 26 და განმზადებულისა უშრეტისა ცეცხლისა სატანჯველსა წარმომაჩინებელი იტყოდა:
Line: 27 "ვინ მიგითხრას თქუენ, ვითარმედ ცეცხლი სწუავს, და ვინ გაუწყოს
Line: 28 თქუენ ადგილი საუკუნოჲ?". "ვიდოდეთ ნათლითა ცეცხლისა თქუენისაჲთა და
Line: 29 ალითა, რომელი აღაგზენით". "და გამოვიდენ და იხილნენ ძუალნი კაცთა გარდამავალთანი
Line: 30 ჩემდამო, იტყჳს უფალი. რამეთუ მატლი მათი არ დაესრულების, და
Line: 31 ცეცხლი მათი არა დაშრტების, და იყვნენ სახილველ ყოვლისა ჴორციელისა".
Line: 32 ხოლო საღმრთოჲ ოქროპირი იტყჳს: იხილე კუალად საკჳრველი სხუაჲ
Line: 33 წინააღმდგომთა ბუნებათა ურთი-ერთას ზოგად-მყოფობაჲ. რამეთუ არცა რაჲ
Line: 34 ელვისასა უმჴურვალეს და უცეცხლეს არს, არცა წყლისასა უგრილეს, გარნა ეგრეთცა
Line: 35 შეიყოფვიანვე და არა შეირევიან არცა შეიზავებიან, არამედ თჳსთა საზღვართა
Page: 229 Line: 1 სცავს თითოეული მათი, ცეცხლი წყლისა შორის და წყალი ცეცხლისა
Line: 2 შორის. და არცა იგი განაჴმობს ამას, არცა ესე დაშრეტს მას, დაღათუ მზეებრისა
Line: 3 ცეცხლისასა უმახჳლეს და უნათლეს და უმკუეთელეს არს ელვაჲ. და მოწამე
Line: 4 არიან სახედველნი სამარადისოდ განათლებულნი ბზეებრთა შარავანდედთა
Line: 5 მიერ. ხოლო გამოკლთოლვისა მისისა ვერცა თუ მცირედ თავს-მდებელნი. და
Line: 6 მზე ვიდრე-მე დღეყოველ მოჰვლის ცასა, ხოლო იგი ერთსა წამსა შინა ჟამისასა
Line: 7 ერთბამად ყოველსა სოფელსა, ვითარცა წამებს ქრისტე, იტყოდის რაჲ: "ვითარცა
Line: 8 ელვაჲ აღმოსავალით ვალს და ჩანს ვიდრე დასავალამდე". ამის შემდგომად
Line: 9 იტყჳს: რომელი გამოიყვანებს ქართა საუნჯეთაგან მისთა. კუალად სხუაჲ
Line: 10 ბუნებაჲ არა მცირედისა საკმარებისა მომნიჭებელი ჩუენდა, არამედ ესოდენისაჲ,
Line: 11 ვიდრემდის შემასრულებელ რათმე იქმნების იგი ცხორებისა ჩუენისა და
Line: 12 შემწე მოზარდობისა და განსუენებისა გუამთაჲსა. რამეთუ ესე საქმე ქართაჲ არს
Line: 13 მანიავობელთა და მიმომაბნეველთა ჰაერისათაჲ, რათა არა აღუძრველად მყოფობითა
Line: 14 მისითა განიხრწნეს შუებულყოფაჲ ნაყოფთაჲ და ზრდაჲ გუამთაჲ. რაჲ
Line: 15 ვინ თქუას მეზღუეურობითსა ჴელოვნებასა შინა საჴმარებისა მისისა-თჳს? არამედ
Line: 16 ამათ ყოველთა თანა წარჰჴდა წინაჲსწარმეტყუელი და მსმენელსა დაუტევა
Line: 17 განხილვაჲ მათი და მხოლოდ სიადვილე ოდენ დაბადებისა მათისაჲ
Line: 18 მოიჴსენა. რამეთუ თქუა რაჲ ვითარმედ "საუნჯეთაგან მისთა", არა ესე ცხად ყო
Line: 19 თუ საუნჯენი რაჲმე არიან ქართანი, არამედ სიადვილე მბრძანებელისა და შემმზადებელისაჲ.
Line: 20 რამეთუ, ვითარცა რომელსა საუნჯეთა შინა რაჲმე აქუნდეს,
Line: 21 ფლობილებით გამოიხუამს და კუალად შეიხუამს მათ, ოდესცა ენებოს, ეგრეთვე
Line: 22 დამბადებელმან ყოველთამან ადვილად შექმნნა ყოველნი და ბუნებაჲ მისცა მათ.
Line: 23 იხილეა, რაოდენი განყოფილებაჲ არს ჰაერთაცა შორის, ვითარ იგი წყლისაცა
Line: 24 შორის ფრიადნი ცვალებანი ბუნებათანი იხილვებიან და რამეთუ წყალთაჲ რომელიმე
Line: 25 არს წყაროებითი და რომელიმე ზღობითი. რომელიმე ჰაერობითი, ხოლო
Line: 26 რომელიმე ღრუბელთა შინა, რომელიმე ქუეშეთ-ცისა, ხოლო რომელიმე
Line: 27 ზედაკერძო მათსა, ხოლო რომელიმე ქუეშეთ-ქუეყანისა, რომლისაგან ცხელნიცა
Line: 28 იგი წყალნი თითოსახეთა ადგილთა შინა აღმოდიან ქუეყანის-ქუესისა მის ცეცხლისა
Line: 29 მიერ-განჴურვებულნი საკჳრველებით.
Line: 30 და ცეცხლისაჲ რომელიმე არს მზისა შორის, ხოლო რომელიმე სხუათა
Line: 31 მნათობთა და ელვათა შორის, და რომელიმე ჰაერთა შორის და რომელიმე შეშისაგან
Line: 32 და სანთელთა ჩუენ შორისი ესე, ხოლო სხუაჲ ქუეყანისაგან, - და რამეთუ
Line: 33 არ მრავალთაგან ესე ვითარად ქუეყანით აღმომდინარე ვითარცა წყარონი
Line: 34 წყალთანი, - რომელიმე ქვათა ურთი-ერთას კუეთებულთა, სხუაჲ შეშათა ერმან-ერთისა
Line: 35 დრესილთა შორის, რომელიმე მეხის-ტეხათა შორის ეთერისაგან, ხოლო
Page: 230 Line: 1 რომელიმე წყალთაგან და ბრწყინვალეთა ბროლთა გამომკლთოლვარე არს.
Line: 2 ეგრეთვე კუალად ჰაერისაცა შორის რომელიმე არს უზრქესი და ხრწნილების-მოქმედი
Line: 3 და თითოსახეთა სნეულებათა და ჭირვეულობათა მიზეზი, ხოლო რომელიმე
Line: 4 უწულილესი და გუამთა კეთილად შეზავებელებისა და სიმრთელისა მომატყუებელი,
Line: 5 ხოლო რომელიმე უზენაესი და უმჴურვალესი. ვითარ იგი ქართაჲცა
Line: 6 მრავალი არს განყოფილებაჲ. რამეთუ რომელიმე უწულილესი არს და
Line: 7 რომელიმე უზრქესი, რომელიმე უგრილესი და რომელიმე უჴმელესი, რომელიმე
Line: 8 უნედლესი და რომელიმე უმჴურვალესი. რომლისა-თჳსცა წინაჲსწარმეტყუელმან,
Line: 9 განიცადა რაჲ უფსკრული ამათ და ესე ვითართა მიერისა ქველის-მოქმედებისაჲ,
Line: 10 რომელთა მიერ სიბრძნე და ძალი ღმრთისაჲ საცნაურ იქმნების, და იხილა
Line: 11 განუზომელი უფსკრული საღმრთოჲსა დიდმოქმედებისაჲ, განცჳბრებულმან
Line: 12 ხმა ყო: "ვითარ განდიდნეს საქმენი შენნი, უფალო. ყოველივე სიბრძნით ჰქმენ
Line: 13 და სიბრძნითა აღავსენ სულიერნიცა და უსულონი".
Line: 15 ესრეთ უკუე შემდგომად ტიტჱსსა მეფე იქმნა ძმაჲ მისი დომეტიანე ათხუთმეტ
Line: 16 წელ და მოიკლა ტაძარსა შინა ჰრომისასა განზრახვითა ცოლისა მისისაჲთა.
Line: 17 და ესრეთ მონაცვალეობასა ძმისასა მიმღებელი არა მამულსა და ძმებრივსა
Line: 18 ებაძვა მოქალაქობასა, არამედ ტიბერიოჲს და ნერონის ბილწებითა და
Line: 19 ყოველთავე სიხენეშისა საქმეთა მოქმედებითა მესისხლეობათა თანა და არაწმიდებათა
Line: 20 ბუნებითთაცა და გარეშეთა ბუნებისათა აღსავსექმნილმან დასასრულსა
Line: 21 ღმრთად ქადაგა უღმრთომან თავი თჳსი. რომლისა-თჳსცა ამათ მიერ საძაგელ
Line: 22 და მოსაწყინელ ყოველთა ქმნილმან სამართლად მიიღო მისაგებელი თჳსისა
Line: 23 ბოროტად ბორგნეულობისაჲ და უბადრუკებით განიჴსნა ბილწისა ცხორებისაგან,
Line: 24 ვითარცა ითქუა. რომლისა-ზე ტიმოთე მოციქული და ონისიმე
Line: 25 იწამნეს, და იოვანე მახარებელი პატმოს ჭალაკსა ექსორია იქმნა, და აპოლლონიოს
Line: 26 ტჳანელი იცნობებოდა, რომელი მიმოვიდოდა და ყოველგან ჰყოფდა
Line: 27 ქალაქთა შინა და სოფელთა საეშმაკოთა ტილისმთა. რამეთუ მო-რაჲ-ვიდა
Line: 28 ჰრომით ბიზინტიას და ვედრებულ იქმნა ერისა მიერ, ქმნნა მუნ იგინი
Line: 29 და იოტნა სიმრავლენი გუელთა და ღრიაკალთანი ქალაქისაგან, რათა არა
Line: 30 ევნებოდის მათგან კაცთა, და ბორგნეულობაჲ ცხენთაჲ აღჳრსხმულ ყო შემოსლვასა
Line: 31 შინა მთავართასა. ეგრეთვე ანტიოქიასცა მიწევნულმან და ვედრებულმან
Line: 32 მკჳდრთა მისთაგან იგივე ყო. რამეთუ ღრიაკალთა და მუმლთა მიერ იმძლავრებოდეს
Line: 33 ანტიოქელნი, რომლისა-თჳსცა შექმნა ღრიაკალი რვალისაჲ და დაჰფლა
Page: 231 Line: 1 იგი მიწასა შინა და მცირენი სუეტნი აღჰმართნა მას ზედა და უბრძანა ერთა
Line: 2 ტჳრთვაჲ ლერწმებისაჲ და ქალაქსა შინა მიმოსლვაჲ და ძრვაჲ ლერწამთაჲ და
Line: 3 ხმობაჲ: "უმუმლო არს ქალაქი, უმუმლო არს ქალაქი". და ესრეთ უჩინო იქმნნეს
Line: 4 ქალაქით მუმლნი და ღრიაკალნი. ხოლო ვედრებულ იქმნა რაჲ ზედაჲს-ზედათა
Line: 5 მდებარეთა მათ ძრვათა მისთა-თჳს, სულთ-ითქუნა და დაწერნა ფიცართა
Line: 6 ზედა ესენი: "ვაჲ შენდა, უბადრუკო ქალაქო, რამეთუ ძრვათა შენთა
Line: 7 მიერ მრავალთა დაწუვათა მიერ დაიჴსნა. ხოლო გტიროდის შენ ორენტიცა
Line: 8 ზღჳს-პირისათაჲ. რომლისა-თჳს დიდი ანასტასი ღმრთის-ქალაქისაჲ მოიჴსენებს
Line: 9 და იტყჳს, ვითარმედ აპოლლონიოსისნი რომელთამე ადგილთა შინა
Line: 10 მდგომარენი ტილისმნი მოქმედებენ ვიდრე მოაქამდე, რომელნიმე გარემისაქცეველად
Line: 11 ოთხფერჴთა ცხოველთა და მფრინველთა, რომელთა ძალ უც მავნებელყოფაჲ
Line: 12 კაცთაჲ, და რომელნიმე დაუპყრობელისა ქონებისა მდინარეთაჲსა დასაპყრობელად
Line: 13 და სხუანი სხუათა რათმე ხრწნილებათა და სავნებელისა კაცთაჲსა გარემისაქცეველად
Line: 14 მდგომარე არიან. და რამეთუ არა ხოლო ცხორებასა მისსა ესე და
Line: 15 ესე ვითარნი ქმნნეს მის მიერ ეშმაკთა, არამედ შემდგომად სიკუდილისაცა მისისა
Line: 16 საფლავსა მისსა ზედა სასწაულთა რათმე სრულ ჰყოფდეს სახელითა მისითა
Line: 17 საცთურად საწყალობელთა კაცთა, რომელნი ადვილად წარიპარვიან ეშმაკისაგან
Line: 18 ესე ვითართა სივერაგეთა მიერ. რაჲღა ვინ თქუას კატამანეთონის მოგობითთა
Line: 19 საქმეთა-თჳს? რომელი ესე ვითარად თავად გმობისა საცთურად მიიწია. ვიდრეღა
Line: 20 მარადის უჴდებოდის განცხადებულად აპოლლონიოსს ვითარცა ვერ ზედა-მიწევნით
Line: 21 მეცნიერსა მათისა მის ჴელოვნებითისა გამოცდილებისასა. რამეთუ უჴმს
Line: 22 მასო, იტყოდის, ჩემებრ სიტყჳთ ხოლო ქმნაჲ, რაჲცა ენებოს, და არა ზორვითთა
Line: 23 წოდებათა მიერ სრულყოფაჲ მის მიერ ქმნილთაჲ. ხოლო ესე ყოველნი
Line: 24 მიშუებითა ღმრთისაჲთა და მოქმედებითა იქმნებიან ეშმაკისაჲთა, რათა ესე ვითართა
Line: 25 ამათ საქმეთა მიერ მიუდრეკელობაჲ სარწმუნოებისა ჩეენისაჲ გამოიცადოს,
Line: 26 უკუეთუ მტკიცედ და შეურყეველად ჰგია უფლისა თანა და ვერ დაიჴსნების
Line: 27 მტერისა მიერ ოცნებითთა და საეშმაკოთა საქმეთა მოქმედებითა. რომელთა
Line: 28 იგი ჰყოფენ მონანი და მსახურნი უკეთურებისანი.
Line: 29 არა ესე ხოლო, არამედ სახელითაცა უფლისაჲთა წინაჲსწარმეტყუელებდეს
Line: 30 ვიეთნიმე, ვითარცა ბალაამ და საულ და კაიაფა, და კუალად ეშმაკთა განასხმიდეს, ვითარ
Line: 31 იგი იუდა და სკევაჲს ძენი. ვინაჲცა მრავალგზის უღირსთაცა მიერ მოქმედებს
Line: 32 მადლი, რათა სხუათა ქველის-მოქმედ ექმნეს. და რამეთუ ბალაამ ორკერძოვე
Page: 232 Line: 1 უცხო იყო ცხორებისაგანცა სათნოჲსა და სარწმუნოებისა, გარნა ეგრეთცა მოქმედ
Line: 2 იქმნა მის მიერ მადლი სხუათა განგებულებისა-თჳს. და ფარაო ესე ვითარივე
Line: 3 იყო, არამედ მასცა წინაჲსწარ უჩუენნა მომავალნი საქმენი. და ნაბუქოდონოსორ
Line: 4 ყოვლად-უსჯულო იყო, არამედ კუალად მასცა შემდგომად მრავალთა ნათესავთასა
Line: 5 აღსრულებადნი საქმენი გამოუცხადნა. რომლითა ცხად არს, ვითარმედ
Line: 6 მრავალნი წინააღმდგომნი მართლისა ქრისტეანეთა სარწმუნოებისანი ნიშთა აღასრულებენ
Line: 7 სხჳთა რაჲთმე ჴელოვნებითა საცთურად კეთილის-გამოუცდელთა კაცთა.
Line: 8 ვითარი იყო სიმონ მოგჳ და მენანდროს შემდგომად მისსა და სხუანი ეგე
Line: 9 ვითარნი, რომელთა მიერ არა ჯერ არს შეცდომაჲ არცა მოზრახვისა ამაოჲსა
Line: 10 დაჯერება, არამედ გამოცდაჲ თქუმულთა ჭეშმარიტებისაჲ.
Line: 12 მერმე შემდგომად დომენტიანჱსა მეფე იქმნა ნერუა ერთ წელ. რომელმან
Line: 13 აღმოუწოდა ღმრთის-მეტყყელსა იოვანეს ექსორიობისაგან ჭალაკთაჲსა და განუტევა
Line: 14 იგი დამკჳდრებად ეფესოს შინა. და რამეთუ მხოლოდ იგი ოდენღა დაშთომილ
Line: 15 იყო სოფელსა ამას ათორმეტთა მოწაფეთაგან და აღმწერელმან სახარებისა
Line: 16 თჳსისამან მშჳდობით განისუენა. რომლისა-თჳს მატიანემრავალი ევსევი იტყჳს
Line: 17 საეკლესიოსა მას შინა მატიანესა თჳსსა: თომას ვიდრე-მე პართეთი ჰხუდა,
Line: 18 ხოლო იოანეს ასიაჲ, რომელთა შორის მომგებელი ქცევისაჲ აღესრულა ეფესოს
Line: 19 შინა. და კუალად ვითარმედ იოვანე უკუე მახარებელი ეფესოს შინა ასიისასა
Line: 20 აღესრულა და დაეფლა მუნ მყოფთა მორწმუნეთა მიერ. ეგრეთვე ფილიპეცა
Line: 21 შჳდთა დიაკონთაგანი იერაპოლის შინა აღესრულა და დაეფლა ასულთა თჳსთა
Line: 22 თანა. რომელთა-თჳს პოლიკრატისცა ეფესოჲსა მსხემობისა ებისკოპოსი, მიუწერდის
Line: 23 რაჲ იუკტორის, ეპისკოპოსსა ჰრომისასა, ესრეთ იტყჳს: და რამეთუ დიდნი
Line: 24 ნივთნი მძინარე არიან ასიას, რომელნი აღდგენ უკუანაჲსკნელსა დღესა მოსლვისა
Line: 25 ღმრთისასა, იოვანე მკერდსა ქრისტჱსსა მიყრდნობილი, რომელიცა
Line: 26 პეტალშემოსილი და მოძღურად მას შინა ჩინებული მძინარე არს მუნ, და ფილიპე
Line: 27 შჳდთა დიაკონთაგანი იერაპოლის მდებარე არს, ესე არს, რომელმან საჭურისსა
Line: 28 ნათელ სცა და სიმონ კათაკუმეველ ყო.
Line: 29 არა ესე ხოლო, არამედ საღმრთოჲ იპპოლიტეცა ჰრომი ქადაგებისა და
Line: 30 აღსრულებისა-თჳს მოციქულთაჲსა წარმომეტყუელი იტყჳს: იოვანე, ძმაჲ იაკობისი,
Line: 31 ქადაგებდა რაჲ ასიას შინა სიტყუასა, ექსორია იქმნა პატმოს ჭალაკს
Line: 32 დომენტიანჱს მიერ, მეფისა ჰრომთაჲსა, მიერ კუალად ეფესოდვე აღმწერელი და გარიობით
Line: 33 განტევებითა ნერუაჲს მიერ და სახარებისა თჳსისა აღმწერელი და გამოცხადებისა
Page: 233 Line: 1 მხილველი აღესრულა მუნ; რომლისანი იძივნეს რაჲ, არა იპოვნეს
Line: 2 ნაწილნი. ხოლო დიდისა გრიგოლის ძმასა კესარიოსს ჰკითხა რაჲ ამის-თჳს სეკრეტონსა
Line: 3 შინა კოსტანტინუპოლისასა, ესრეთ მიუგო და ჰრქუა, ვითარმედ თჳთ
Line: 4 იოვანე დასასრულსა სახარებისა თჳსისა[სა] განაცხადა ესე რაჲ და თქუა: "იესუ ჰრქუა
Line: 5 მას, ცხად არს ვითათარმედ პეტრეს: შემომიდეგ მე. ხოლო მიიქცა პეტრე და
Line: 6 იხილა მოწაფე, რომელი უყუარდა იესუს, შედგომილად და თქუა: "უფალო, ხოლო
Line: 7 ესე რაჲ? და ჰრქუა მას იესუ: უკუეთუ მაგისი მნებავს დადგრომაჲ, ვიდრემდე
Line: 8 მოვიდე რაჲ შენდა? და განჴდა სიტყუაჲ ესე ძმათა შორის, და ჰგონეს,
Line: 9 ვითარმედ მოწაფე იგი არა მოკუდების და არა ჰრქუა მას თუ "არა მოკუდეს", არამედ
Line: 10 "უკუეთუ მაგისი მნებავს დადგრომაჲ, ვიდრემდე მოვიდე რაჲ შენდა?". რამეთუ
Line: 11 ვინაჲთგან თევზობასა შინა დამტევებელმან მათმან მხოლოდ პეტრეს ოდენ უბრძანა
Line: 12 შედგომაჲ თჳსი, ხოლო მან იოვანესცა მათ თანა სლვისა წადიერმან ჰრქუა:
Line: 13 "უფალო, ხოლო ამან რაჲ?". რომლისაჲ ბრძანა იესუ დადგრომაჲ ნადირობასა
Line: 14 მას შინა და ჰრქუა: უკუეთუ მაგისი მნებავს დადგრომაჲ აქა" და ნადირობაშემოქცეული
Line: 15 მოვიდე კუალად აქავე, რაჲ შენდა? რომლისა-თჳსცა რჩეულად განმმართებელმან
Line: 16 ცთომილისა მის იჭჳსა მათისამან კეთილად თქუა ვითარმედ "არა ჰრქუა
Line: 17 მას თუ არა მოკუდების" და რამეთუ მრავალგზის მრავალთა ზედა სცთებოდეს
Line: 18 კითხვათა და მიგებათა ქრისტჱსთა, ვიდრე ესმოდის უგულის-ხმოობაჲ და სიმძიმე
Line: 19 გულითა, ვიდრემდის მოვიდა მათ ზედა სული წმიდაჲ და ასწავა მათ და
Line: 20 წარუძღუა ყოველსა ჭეშმარიტებასა სიტყჳსა-ებრ უფლისა. ხოლო უკუეთუ ვინმე
Line: 21 მჴდომობით და ცუნდრუკებით მიმგებელი საღმრთოთა ამათ ხმათაჲ და რეცა გარეწართა
Line: 22 რათმე წამებათა შემომკრებელი იტყოდის ქადაგად ქრისტჱს მეორედ
Line: 23 მოსლვისა ჴორცითა ცოცხლად დატევებასა მისსა ენუქის და ელიაჲს თანა, ისმინედ
Line: 24 ვითარმედ თჳთ იგი იოვანე გამოცხადებასა შინა თჳსსა პირით-გამო უფლისაჲთ
Line: 25 მხოლოდ მათ ორთასა ოდენ, რომელ არიან ენუქ და ელია, იტყჳს მოსლვასა
Line: 26 მაშინ მეტყუელი ესრეთ: "და მივსცნე ორნი მოწამენი ჩემნი, და წინაჲსწარმეტყუელებდენ
Line: 27 დღეთა ათას ორას სამეოცთა შემოსილნი ძაძითა. ესე არიან
Line: 28 ორნი ზეთის-ხილნი და ორნი სასანთლენი წინაშე უფლისა ყოვლისა ქუეყანისა
Line: 29 მდგომარენი. და ვისცა ვის ენებოს მძლავრებაჲ მათი, ცეცხლი გამოვიდეს პირისაგან
Line: 30 უფლისა და შეჭამნეს მტერნი მათნი". და რაჟამს დაასრულონ წამებაჲ
Line: 31 მათი, აღმოვიდეს მჴეცი უფსკრულით ბრძოლის-ყოფად მათ თანა და სძლოს და
Line: 32 მოსწყჳდნეს იგინი, და მძორნი მათნი უბანთა ზედა დიდისა ქალაქისათა იყვნენ
Line: 33 სამთა დღეთა, სადა იგი უფალი მათი ჯუარს ეცუა. ვინაჲცა ამაოდ სადმე წარჰრევენ
Line: 34 რომელნი იგი იტყჳან ჯერეთცა ცოცხალთა თანა ჴორცითა ყოფასა მისსა
Page: 234 Line: 1 და "ვერ გულის-ხმა ჰყოფენ არცა რათა იგი იტყჳან არცა ვიეთ-თჳს
Line: 2 დაამტკიცებენ".
Line: 4 შემდგომად ნერუაჲსა მეფე იქმნა ტრაიანე ცხრა წელ და წყლით მანკიერ
Line: 5 იქმნა და მოკუდა რომლისა სახიერებაჲ და უკეთურების მოძულებაჲ და სიმართლის
Line: 6 მოყუარებაჲ ესოდენ იყო, ვიდრეღა განაშიშულა ოდესმე მახჳლი წინაშე
Line: 7 წარჩინებულთა და მისცა იგი ჳპატოზსა და ჰრქუა "მიიღე მახჳლი ესე, და უკუეთუ
Line: 8 კეთილად ვმეფობდე, შესაწევნელად ჩემდა, ხოლო უკუეთუ არა, დასამჴობელად
Line: 9 იჴუმიე, რომლისა-ზე სჳმეონ კლეოპაჲსი და იგნატი ღმერთ-შემოსილი
Line: 10 იწამნეს.
Line: 11 ი̂ე ხოლო შემდგომად ტრაიანჱსა მეფე იქმნა ანდრიანე, რომელსა ელიაცა
Line: 12 ეწოდებოდა, სიძე მისი ოც და ოთხ წელ, და წყლით მანკიერ იქმნა იგიცა
Line: 13 და მოკუდა. რომლისა-ზე განდგომილებასა ჰურიათასა და ტაძრისა და ქალაქისა
Line: 14 იერუსალჱმისა აღშენებისა ჴელმყოფელობასა განრისხნა მათ ზედა ფრიად. და
Line: 15 ვითარცა ბრძოლა იქმნა შორის, მოიკლა ერთსა დღესა შინა მათგანი კაცი ორმეოც
Line: 16 და ათრვამეტი ბევრი, და ძუელნი ვიდრე-მე ნეშტნი ტაძრისა და ქალაქისანი
Line: 17 უჩინო ყვნა, ხოლო აღაშენა ახალი იერუსალჱმი, რომელსაცა ელია უწოდა სეხნად
Line: 18 სახელისა თჳსისა და კერპი თჳსი აღჰმართა ტაძარსა შინა და ელენთა უბრძანა
Line: 19 დამკჳდრებაჲ ქალაქისაჲ ხოლო აღაშენა ქალაქიცა კჳზიკოს და ქალაქი თრაკეთს
Line: 20 და სახელ სდვა მას ანდრიასოპოლი. რომლისა-ზე კერდონ და უალენტინო
Line: 21 და მარკიონ და მუნტანი და სატორნილოს და კარპოკრატის წვალებათ-მთავარნი
Line: 22 და აკჳლა იცნობებოდეს.
Line: 23 ი̂ვ. მერმე შემდგომად ანდრიანჱსსა მეფე იქმნა ანტონინოს ოც და ორ
Line: 24 წელ. რომლისა-ზე პოლჳკარპოს, მოწაფე იოვანე მახარებელისაჲ, და იუსტინოს
Line: 25 ფილოსოფოსი და დიონჳსი ეპისკოპოსი კორინთისაჲ იწამნეს, და ტატიანე და
Line: 26 ვარდისანი წვალების-მთავარნი და პრისკილლა და მაქსიმილლა ცრუწინაჲსწარმეტყუელ
Line: 27 დედანი ფრჳგით კერძოთა ადგილთა შინა იცნობებოდეს.
Line: 28 ი̂ზ შემდგომად ანტონინჱსა მეფე იქმნა ძე მისი მარკოზ ათერთმეტ
Line: 29 წელ. რომლისა-ზე ცეცხლი ზეცით დასავალით აღმოსავალად მიმართ იხილვა.
Line: 30 ი̂ჱ. ხოლო შემდგომად მარკოზისსა მეფე იქმნა ძე მისი ვიროს რვა წელ
Line: 31 და მოიკლა პროკენსონს შინა.
Line: 32 ი̂თ მერმე შემდგომად ვიროჲსსა მეფე იქმნა კომოდ ძმაჲ მისი ათორმეტ
Line: 33 წელ და გარდარეულებითა სისხლისა და ნავღლისაჲთა იჩქითად მოკუდა.
Line: 34 რომლისა-ზე თეოდოტოს უპირატეს დამწყებელი პავლე სამუსატელისა და ნისტორის
Line: 35 წვალებისაჲ და თეოდოტიონ იცნობებოდეს.
Page: 235
Line: 1 კ̂. კუალად შემდგომად კომოდისსა მეფე იქმნა პერტინაქს ორ თთუე და
Line: 2 მოიკლა მჴედართა მიერ გამომავალი პალატით თთუესა მარტისასა.
Line: 3 კ̂ა. ხოლო შემდგომად პერტინაკისსა მეფე იქმნა დადიოს ოთხ თთუე
Line: 4 და მოიკლა კუვიკულარისა მიერ წყაროსა ზედა პალატისასა შთა-რაჲ-ჰხედვიდა
Line: 5 თევზთა.
Line: 6 კ̂ბ. ესრეთ შემდგომად დადისა მეფე იქმნა სევიროს ათრვამეტ წელ. რომელი
Line: 7 მძლე ექმნა რაჲ ბრძოლასა ვრეტანიულსა ზღჳთ ზღუადმდე შეზღუდა ჭალაკი
Line: 8 სტადიონსა ათასსა. რომლისა-ზე ლეონიდოს, ეპისკოპოსი და მამაჲ ორიგენისი,
Line: 9 იწამა, და კლიმი სტრომატელი და სჳმმახოს და ორიგენი იცნობებოდეს. რომელმანცა
Line: 10 ორიგენი ალექსანდრიაჲთ აღმოცენებულმან ფრიადი მოსწრაფებჲ მოიგო
Line: 11 საღმრთოთა სიტყუათა მიმართ, რომლითა არა ხოლო მორწმუნეთა მომატყუებელ
Line: 12 ექმნა სარგებელისა დიდისა, არამედ მწვალებელთაცა არა მცირედისა.
Line: 13 რამეთუ მისგან მიიხუმიდეს მართალთა შჯულთა სარწმუნოებისათა და მოშურნედ
Line: 14 ჭეშმარიტებისა გამოჩნდებოდეს. რომელთა შორის ეფროჲსად საჩინო იყო ამვროსიოს,
Line: 15 კაცი შესწავებული და სიტყჳს-მოყუარე, რომელიცა მეცნიერ იქმნა რაჲ
Line: 16 სურვილით კაცისა მის, განეყენა უალენტინოჲს და მარკიონის წვალებასა კმასაყოფელად
Line: 17 მიმღებელი გამოცდილებასა საღმრთოჲსა მის სწავლისა მისისა. მრავალნი
Line: 18 უკუე და გარეშეთაცა ფილოსოფოსთაგანნი მოვიდოდეს მისსა და ფრიადსა
Line: 19 სარგებელსა მოისთულებდეს მისგან თჳთ მათთა სწავლულებათა შინა. რამეთუ
Line: 20 დიდად შერაცხილ იყო მათგანცა ვითარცა განმკარგველი ქუეყნის-მზომელობითისა
Line: 21 და მრიცხუველობითისა ფილოსოფოსობისა და სხუათა სწავლულებათაჲ.
Line: 22 რომლისა-თჳს არა მცირედნი წამებენ ელლენთა ფილოსოფოსთაგანნი
Line: 23 წიგნთა შინა თჳსთა ვითარცა მოძღურისა მომჴსენებელნი მისნი. და რამეთუ
Line: 24 სიყრმითგანვე ფრიად გულის-ხმიერ და მრავალგამომეძიებელ იყო იგი,
Line: 25 რომელი ჰასააკისა შინა სიყრმისასა იკითხვიდის რაჲ გონებასა საღმრთოჲსა წერილისასა
Line: 26 ანუ თჳსსა გაგონებულსა წინა ჰყოფდის, მრავალგზის ჰრისხვიდის მამაჲ
Line: 27 ვითარცა ზეშთა ჰასაკისა თჳსისა საქმეთა გამომეძიებელსა. ხოლო ღამე მძინარესა
Line: 28 ზედა მოადგის მას და მცერდსა მისსა ვითარცა საღმრთოჲსა სულისა სავანედ
Line: 29 განმწმედელსა ამბორს უყოფდის და თავსა თჳსსა შვილკეთილობისა-თჳს
Line: 30 ჰნატრიდის. ხოლო უბიწოებისა და სიწმიდისა ესოდენისა მოღუაწე იყო მიერ
Line: 31 სიჭაბუკითგანვე ჰასაკისაჲთ, ვიდრეღა ოთხთა ფოლთა კმა იყოფდა დღითი-დღე
Line: 32 მხოლოდ გამოსაზრდელად ოდენ, და ამას მრავალრიცხუეულთა შინა ჰყოფდა
Line: 33 წელიწადთა, და იატაკსა ზედა მიწისასა და ჭილსა მწოლარე და მცირედსა ჟამსა
Line: 34 ღამისასა განმსუენებელი უმრავლესსა ნაწილსა მისსა საღმრთოთა სიტყუათა
Page: 236 Line: 1 წურთასა შინა წარაგებდის. და ამათ შინა მიმყოვრებულად დადგრომილმან და
Line: 2 მარხვითა და მღჳძარებითა და შიშულოებითა შემაიწრებელმან თავისა თჳსისამან
Line: 3 ესოდენ დამწყსო მკრთომალეობაჲ ჴორცთაჲ, ვიდრემდის ყოვლით-ურთ განბიცებულად
Line: 4 იხილვებოდა იგი. რამეთუ ღჳნისა და ზეთისა და სხუათა ეგე ვითართაგან
Line: 5 განყენებითა ფრიადი დაითმინა მოუძლურებაჲ გარეშისა კაცისაჲ. ვინაჲცა
Line: 6 ამიერ ფრიადითა ხმაგანსმენილობითა სახელოანქმნილმან, ვითარცა სიტყჳთ და
Line: 7 საქმით განბრწყინვებულმან, მრავალთა ელლენთა არწმუნა მოძულებაჲ მამულისა
Line: 8 მის კერპბორგნეულობისაჲ და გჳრგჳნსა მოწამეთასა მიმღებელყოფად განმზადებულ
Line: 9 ყვნა.
Line: 10 ესრეთ უკუე ყოვლით-კერძო რაჲ ჰამბავი მისი მიმორბიოდა და მრავალთა
Line: 11 მრავლით-კერძო მისსა მომართ შემომდინარე ჰყოფდა, არა ხოლო ელენთა
Line: 12 ფილოსოფოსთა და სიტყჳერთა მწვალებელთა კეთილად-მსახურებისა მომართ
Line: 13 მოიზიდვიდა, არამედ თჳთ ქრისტეანეთაცა უმეტესისა გულს-მოდგინებისა შემატებითა
Line: 14 განამტკიცებდა. რომელსა ევედრა ფრიად ზემოჴსენებული იგი ამბროსიოს
Line: 15 და იძულებით წარიყვანა იგი კესარიას და მალემწერალნი უკუე მოუმზადნა მას
Line: 16 შჳდნი, ხოლო კეთილად-მწერალნი უმრავლესნი, და საღმოთოთა წერილთა თარგმანებაჲ
Line: 17 არწმუნა. და იგი ვიდრე-მე სათანადოსა საჴმარ სცემდა, ხოლო ესე მოცალექმნილი
Line: 18 გარდასცემდა მალემწერალთა, და წიგნთ-მწერალნი კუალად გარდასწერდეს
Line: 19 გარდაცემულსა მას დედათა ვიეთმე თანა-მეცნიერთა მწერლობითისა ჴელოვნებისათა,
Line: 20 და ყოველი საღმრთოჲ წერილი თარგმნა ათრვამეტ წელ. ხოლო ითქუმის, ვითარმედ
Line: 21 ექუსათასი წიგნი აღწერა. რამეთუ ესოდენი შური აქუნდა ამბროსიოს[ს] თარგმანებასა
Line: 22 ზედა საღმრთოჲსა წერილისასა, ვიდრეღა ფრიადისა მის მისწრაფების,
Line: 23 მისისა აღმსაარებელი ორიგენი ესრეთ მისწერს ვისსამე მიმართ ვითარმედ "ღირსი
Line: 24 და ღმრთისად განმკეთნველი თავისაჲ ამბროსიოს ფრიად მოგიკითხავს შენ,
Line: 25 რომელმან ტკივილთ-მოყუარედ და საღმრთოთა სიტყუათა-თჳს მარადის წყურიელად
Line: 26 საგონებელობაჲ ჩემი მხილებულ ყო თჳსითა წმიდათა სწავლათა ტრფიალებისა-თჳს
Line: 27 ტკივილთ-მოყუარებითა, რომლითა ესოდენ წარმჴდა მე, ვიდრემდის
Line: 28 უღონო ყო ჩემგან თანაშესწორებაჲ მოსწრაფებისაჲ". რამეთუ არცა სერობაჲ არს
Line: 29 მისი თჳნიერ ურთი-ერთას თანაშეტყუების-ყოფისა და შეწამებისა წიგნთაჲსა
Line: 30 არცა შემდგომად სერობისა მიმოვლითი განსუენებაჲ გუამისაჲ, არამედ ამათ
Line: 31 ჟამთა შინა სიტყჳს-მოყუარებად და ურთი-ერთას შეწამებად გარდანაწერთა ვიიძულებით,
Line: 32 არცა ყოველი ღამე განსუენებისა-თჳს გუამისა მომეცემის ჩუენ საძილად
Line: 33 ფრიადსა ნაწილსა ღამისასა წარმგებელთა მიმწუხრი სიტყჳს-მოყუარებასა
Line: 34 შინა. ხოლო მოწევნასა დღისასა ვიწყებთ კუალად ვიდრე მეცხრედმდე, არს ოდესმე,
Line: 35 რომელ მეათედცა ჟამად. რამეთუ ყოველნი მნებებელნი შრომის მოყუარებით
Page: 237 Line: 1 წურთისა და გამოძიებისანი ამათ ჟამთა წარაგებენ გულს-მოდგინებით კითხვასა
Line: 2 და გამოწულილვით ძიებასა შინა საღმრთოთა სიტყუათასა.
Line: 3 ვინაჲცა ყოვლისა საღმრთოჲსა წერილისა თარგმანებისა შემდგომად მოკუდა
Line: 4 წელიწდისა სამეოცდაცხრისაჲ. რომლისა-თჳს დიდი ეპიფანე იტყჳს პანარიათა
Line: 5 შინა, ვითარმედ ამბროსი ვიდრე-მე საზრდელისა მისისა და მალემწერალთაჲსა
Line: 6 ქარტათა და სხუათა წარსაგებელთა მათთა მზრუნველ იყო, ხოლო ორიგენი
Line: 7 მღჳძარებათა შინა და მოქალაქობასა კნინღა და უჴორცოობასა და ფრიადსა
Line: 8 მოცალებასა საღმრთოჲსა წერილისა გამოძიებასა შინა გულს-მოდგინებით მოღუაწე
Line: 9 იყო. და ყოველივე ექუსკეცად სახელდებულთა მათ წიგნთა მუშაკობაჲ
Line: 10 შრომით მოისაქმა კაცმან მან რამეთუ არა ხოლო ოთხნი იგი საჩინონი თარგმანებანი
Line: 11 შეკრიბნა ერთად, არამედ მეხუთეცა და მეექუსე შემდგომთა ჟამთა პოვნილნი
Line: 12 იერიქოს ჭურსა რასმე შინა ერთად უკუე შეკრიბნა ყოველნი. ხოლო განყვნა
Line: 13 და ურთი-ერთას დამართებით დასხნა ერთმან-ერთისა მათ თანა. დადებით-ურთ
Line: 14 ებრაულისაჲთ და ექუსკეცად სახელდებულთა მათ შენაწევრებაჲ ფრიად
Line: 15 ჴელოვნებით და გულის-ხმიერებით და მრავალგამოცდილებით შეჰმზადა. არამედ
Line: 16 არა ვიდრე აღსასრულამდე დაუშრეტელად დაშთა საკჳრველისა სიბრძნისა მისისა
Line: 17 საქადულობაჲ. რამეთუ შეემთხჳა მას მრავალგამოცდილებისა მინდობითა დაცემაჲ
Line: 18 განსაკრთომელი, ამას თანა შებრკოლებისაცა და წარწყმედისა მიზეზ ექმნა მრავალთა.
Line: 19 რამეთუ ინება რაჲ, რათა არა რაჲ დაუტევოს უთარგმნელად საღმრთოსა წერილსა
Line: 20 შინა, ბრალი ცოდვისაჲ მოატყუა თავსა თჳსსა და სასიკუდინენი სიტყუანი დასხნა
Line: 21 განმარტებად წერილისა. რამეთუ მათგან მიიხუნა მიზეზნი არიოზ და შემდგომითი-შემდგომად
Line: 22 უმსგავსოთა და სხუათა ყოველთა. რამეთუ ესრეთ იკადრა და
Line: 23 თქუა დაწყებასავე, ვითარმედ მხოლოდ-შობილსა ძესა ხილვაჲ მამისაჲ ვერ ძალ
Line: 24 უც, ვერცა სულსა წმიდასა ძისაჲ, ვერცა ანგელოზთა სულისაჲ, ვერცა ანგელოზთა
Line: 25 ანგელოზთაჲ, და არსებისაგან მამისა არა არს ძე, არამედ დაბადებული
Page: 238 Line: 1 და მადლით ძედ სახელდებული, ხოლო კაცობრივი სული პირველვე იყო ჴორცთასა
Line: 2 და შემდგომითი-შემდგომად სხუანი გმობანი მისნი. მრავალი უკუე მოღუაწებაჲ
Line: 3 აჩუენა თითოეულისა წიგნისა-თჳს, და რაოდენნი რაჲ სწავლის სახედ წარმოთქუმულ
Line: 4 და ცხოველთა და პირუტყუთა ბუნებათ-მეტყუელებისა მომთხრობელ
Line: 5 არიან მისნი შორის შემოღებითა მრავალგზის სახარულევანთა მოთხრობათა და
Line: 6 უწყებათაჲთა ანუ თარგმანებანი წერილისანი განმარტებითნი გინა სახის-მეტყუელებითნი
Line: 7 და აღყვანებითნი, რომელთა შინა არა რაჲ იპოებოდის სარწმუნოებითთა
Line: 8 სჯულთა-თჳს, იგინი მისათუალველ არიან, ხოლო რაოდენნი, რაჲ სარწმუნოებისათჳს
Line: 9 აღწერნა და გარდამოსცნა, ყოვლითა გმობითა და ფრიადითა უშუერებითა აღსავსედ
Line: 10 იპოებიან. ხოლო ესე ვითარად მადიდებლობდა იგი მოღუაწებრივისაცა
Line: 11 ცხორებისა-თჳს, ვიდრეღა გუამისა ჴორცთაჲსა გარდარეულისა მარხვისა და ფრიადისა
Line: 12 ხილულობისა მიერ სრულიად უჴმარყოფასა იტყჳან მის-თჳს. ამას თანა შემთხუევასაცა
Line: 13 რასმე საშვილისა ასოჲსასა რომელნიმე ვითარმედ ძარღჳ რაჲმე შეიკუეთა,
Line: 14 რათა არა აშფოთებდეს მას გემოვნებაჲ, ხოლო სხუათა წამლისა დადებაჲ და მის
Line: 15 მერ უქმოფაჲ თქუეს ასოთაჲ სრულიადითა განჴმობითა მათითა, ხოლო
Line: 16 სხუანი სხუასა იტყჳან მის-თჳს მიზეზად ეგე ვითარისა მის შემთხუევისა. და
Line: 17 მრავლისა რაჲს ითქუმის შემთხუეულად და ვნებულად ქრისტჱს-თჳს კაცი
Line: 18 იგი, რამეთუ ფრიად სიტყჳრ იყო და აღზრდილ ეკლესიასა შინა ღრთისასა.
Line: 19 რომელიცა შურითა შესმენელ იქმნა მის ჟამისა მთავართა მიმართ ჴელმწიფებისათა,
Line: 20 რომელთაგან საძაგელისა რაჲსმე გულის-სიტყჳსა მოპოვნებასა იტყჳან
Line: 21 მის-თჳს. რამეთუ ჰინდოჲ ვინმე მოჰმზადეს სიბილწით მაგინებელყოფად ჴორცთა
Line: 22 მისთა. ხოლო მან ვერ თავს-დებითა ეგოდენ საძაგელისა მის შეგინებისაჲთა
Line: 23 აღუთქუა გებაჲ. და ვინაჲთგან ესე აღიარა, აღუვსეს გუნდრუკითა ჴელი და ცეცხლსა
Line: 24 ზედა ბომონისასა დაასხმიეს, და ესრეთ მსაჯულთა მიერ წამებისაგან განტევებულ
Line: 25 იქმნა და ეკლესიასა გამოეკუეთა რომელმანცა ალექსანდრიაჲ დაუტევა
Line: 26 ყუედრებისა-თჳს და ჰურიასტანდ მიიწია, სადა იგი აღ-რაჲ-ვიდა იერუსალჱმდ
Line: 27 ვითარცა ბრძენი თარგმანი და სიტყჳერი, საკურთხეველით გამოაწჳე მას სწავლის-ყოფად
Line: 28 ეკლესიასა შინა, - რამეთუ ხუცესი ყოფილ იყო პირველ, - და ვითარცა-ფრიად
Line: 29 იიძულა მღდელთა მიერ, აღდგა და მხოლოდ ესე ოდენ სიტყუაჲ
Line: 30 თქუა: "ხოლო ცოდვილსა ჰრქუა ღმერთმან: რაჲსა-თჳს მიუთხრობ სამართალთა
Line: 31 ჩემთა და აღიღებ აღთქუმასა ჩემსა პირითა შენითა" და შეყო წიგნი და დაჯდა
Line: 32 ტირილითა და ცრემლითა, რომლისა თანა ტიროდეს ყოველნი მუნ დამთხუეულნი.
Line: 33 არიან უკუე და სხუანიცა მრავალნი მის-თჳს თქუმულნი და უწყებულნი სიმრავლისა-თჳს
Line: 34 მეცნიერებისა და წიგნთა აღმწერელობისა და შემწყობელობისა მისისა,
Line: 35 რომლისა-თჳსცა შემწყობელად სახელ ედვა შეწყობისა-თჳს და შემზადებისასა
Page: 239 Line: 1 მრავალთა წიგნთაჲსა, არა სმენითა, ვითარ ჰგავს ბრძნისა სოლომონის ესრეთ
Line: 2 მეტყუელისაჲთა ვითარმედ "შვილო, განეკრძალე ქმნად მრავალთა წიგნთა".
Line: 3 და "ნუ ისწრაფი პირითა შენითა, და გული შენი ნუ იმსთობს გამოღებად სიტყჳსა
Line: 4 პირისაგან ღმრთისა, რამეთუ ღმერთი ცათა შინა არს, და შენ ქუეყანასა
Line: 5 ზედა ქუე. ამის-თჳს იყვნედ სიტყუანნი შენნი მცირე". "რამეთუ სიტყუანი მრავალნი
Line: 6 განმამრავლებელ არიან ამაოებისა". და "ნე იქმნები მართალ ფრიად, რამეთუ
Line: 7 არს მართალი წარწყმედილი სიმართლესა შინა მისსა, და ნუ ჰბრძნობ მეტად,
Line: 8 ნუ სადა უღმრთო იქმნე". ამათ უკუე საღმრთოთა სწავლათა უდებმყოფელმან
Line: 9 და გარეწარად შემრაცხელმან არცაღა ქრისტეშემოსილისსა მიჰხედნა აღმწერელობათა
Line: 10 შინა ყოვლად-ბრძენსა გულის-ხმის-ყოფასა. რომელი იგი დაღათუ
Line: 11 ფრიად ღონიერ და ყოვლად-ჴელოან იყო შემზადებასა შინა, ვითარ სახეთავე
Line: 12 სიტყუათა და გულის-ხმის-ყოფათასა არა უმრავლესნი მცირეთა ებისტოლეთასა
Line: 13 მისცნა სიტყუანი აღწერასა, რომელსა იგი ბევრეულთა მიუწდომელთაჲ ძალ ედვა
Line: 14 თარგმანებაჲ და თქუმაჲ, ვითარცა სამ ცამდე აღწევნულსა და სამოთხედ მიტაცებულსა
Line: 15 და გამოუთქუმელთა სიტყუათა სმენისა ღირსქმნულსა მუნ. და კუალად
Line: 16 არცა სხუათა მეგობართა ქრისტჱსთა, რომელ იყვნეს ათორმეტნი მოციქულნი
Line: 17 და სამეოცდაათნი მოწაფენი, და სხუანი მათ თანა ბევრნი არა უნაწილონი სიტყჳერობისაგან
Line: 18 აღწერად ჴელ ყვეს ჴორციელსა მოქალაქობასა და კაცთა შორის
Line: 19 ქცევას, ქრისტჱსსა, არამედ მათ ყოველთაგან მხოლოდ მატთე ოდენ და იოვანე
Line: 20 დაგჳტევეს ჩუენ მოსაჴსენებელი ამისი, რომელთა საჭიროობამან საქმისამან აიძულა
Line: 21 აღმწერელობად, ვითარ იგი უკუანაჲსკნელ მარკოზსცა და ლუკას. რომლისა-თჳს
Line: 22 იტყჳს დიდი მაქსიმე ვითარმედ აღწერილი სიტყუაჲ ანუ თჳთ თავისა
Line: 23 თჳსისა მოსაჴსენებელად აღიწერების ანუ სარგებელად სხუათა ანუ ორისა-თჳსვე ამის
Line: 24 ანუ სავნებელად ვიეთამე ანუ საჩუენებელად ანუ საჭიროყოფისა-თჳს აღწერისა
Line: 25 მისისა.
Line: 26 კ̂გ. ხოლო შემდგომად სევიროზისსა მეფე იქმნა ანტონინე და გეტას,
Line: 27 ძმაჲ მისი, ორ თთუე. რომელმან მოკლა ძმაჲ თჳსი და მარტომან დაიპყრა მეფობაჲ
Line: 28 ექუს წელ და მოიკლა თჳსთა მიერ.
Line: 29 კ̂დ. მერმე შემდგომად ანტონინჱსა მეფე იქმნა ანტონინე კარაკალლი ოც
Line: 30 და ექუს წელ და მოიკლა ბრძოლასა შინა. რომლისა-ზე იყო ღალლინოსცა მკურნალი
Line: 31 კ̂ე. და შემდგომად ანტონინჱსსა მეფე იქმნა მაკრინოს ოთხ წელ და
Line: 32 მოიკლა ანტონინჱს მიერ.
Line: 33 კ̂ვ. მერმე შემდგომად მაკრინოჲსსა მეფე იქმნა ანტონინე ღალვას ოთხ
Line: 34 წელ და მოიკლა ალექსანდრჱს მიერ.
Page: 240
Line: 1 კ̂ზ. შემდგომად ანტონინჱსსა მეფე იქმნა ალექსანდრე, ძე მამეაჲსი,
Line: 2 ათსამეტ წელ და მოიკლა მამეაჲს თანა დედისა თჳსისა ზედააღდგომითა მაქსიმინე
Line: 3 მჴედართ-მთავრისაჲთა. რომლისა-ზე ნარკისოს ეპისკოპოსმან იერუსალჱმისამან,
Line: 4 მო-რაჲ-აკლდა ოდესმე ნათლვასა შინა ზეთი ცხებისაჲ, წყლისა შთასხმაჲ
Line: 5 უბრძანა ტაკუ.ჴსა შინა საზეთესა და თჳთ ილოცა მას ზედა და ზეთად შეცვალა
Line: 6 წყალი.
Line: 7 კ̂ც. კუალად შემდგომად ალექსანდრჱსსა მეფე იქმნა მაქსიმინე სამ წელ
Line: 8 და მოიკლა ლაშქრისა მიერ თჳსისა. რომლისა-ზე ლავრენტი და კჳპრიანე
Line: 9 იწამნეს.
Line: 10 კ̂თ. ხოლო შემდგომად მაქსიმინოჲსსა მეფე იქმნა ვალვინოს ორ თთუე
Line: 11 და მოიკლა ბრძოლასა შინა.
Line: 12 ლ̂. და შემდგომად ვალვინოჲსსა მეფე იქმნა პუპლიანოს ორ თთუე და
Line: 13 მოიკლა ბრძოლასა შინა.
Line: 14 ლ̂ა. ამის შემდგომად მეფე იქმნა იუნორ სამ თთუე, რომელმან პირველ
Line: 15 შექმნა კანდიდატნი და პროტიკტორნი და მწყობრისია სხოლარიორთაჲსა განმაწესებელმან
Line: 16 უწოდა მას იუნორ სახელისა-ებრ თჳსისა.
Line: 17 ლ̂ბ. კუალად შემდგომად იუნორისსა მეფე იქმნა გორდიანე, ძე მისი. ოთხ
Line: 18 წელ, რომელსა ბრძოლასა შინა წარექცა ცხენი და შეუმუსრნა სხჳლბარკალნი და
Line: 19 მოკუდა.
Line: 20 ლ̂გ. შემდგომად უკუე გორდიანჱსსა მეფე იქმნა უნიორ, ძე მისი, ორ
Line: 21 წელ და წყლით მანკიერ იქმნა და მოკუდა. რომლისა-ზე საბელიოს წვალების-მთავარი
Line: 22 იცნობებოდა. და ჰურიაჲ ვინმე თანამოგზაური ქრისტეანეთაჲ ასურეთისა
Line: 23 სადმე ძნელთა და ურწყულთა ადგილთა შინა სენითა მწარითა შეპყრობილ
Line: 24 იქმნა, ვიდრემდის რაჲთ-ურთით, ვერღარა ეძლო ძრვაჲ, განიზრახეს უკუე თანამოგზაურთა
Line: 25 მათ მისთა ქრისტეანეთა შემდგომად მრავალთა ცრემლთასა მუნ
Line: 26 სადმე დაგდებაჲ მისი ვითარცა მოშიშთა, ვითარმედ ნუ სადა იგინიცა მას თანავე
Line: 27 მოაკლდენ ურწყულობითა და უდაბნოობითა ადგილისაჲთა. რომელნი ვითარცა
Line: 28 იხილნა ჰურიამან, რამეთუ ეგულებოდა წარსლვაჲ იწყო ტირილით სიტყუად
Line: 29 მათდა მიმართ: "გაფუცებ თქუენ შემოქმედსა ცათა და ქუეყანისასა და გარდამოსრულსა
Line: 30 მაცხოვრებისა-თჳს კაცთაჲსა, რომელსა ეგულების განსჯაჲ ცხოველთა
Line: 31 და მკუდართაჲ. ნუ მიტევებით მე სიკუდიდ ჰურიაობასა შინა, არამედ ნათელ
Line: 32 მეცით მე და ეგრე წარვედით". ხოლო მათ ჰრქუეს: "არა სამართალ არს
Line: 33 ჩუენდა მაგისი ქმნაჲ, ვინაჲთგან ერის-კაცნი ვართ და ჴელთ-დასხმაჲ არა მოგჳღებიეს.
Line: 34 არამედ არცა წყალი არს აქა, ვითარ ესე თჳთ შენცა უწყი".
Line: 35 ხოლო იგი უფროჲსღა მათვე ფიცთა ზედა დადგრომილ იყო და აიძულებდა
Page: 241 Line: 1 მათ, სასჯელთა მიმართ ღმრთისა მიახედვებდა. ესრეთ მრავლითა რაჲ უღონოებითა
Line: 2 მოცვულ იყვნეს, თქუა ერთმან მათგანმან სხუათა მათ მიმართ: "აღადგინეთ
Line: 3 ეგე და განძარცუეთ". და ვითარ მრავლითა ჭირითა აღჰმართეს იგი და
Line: 4 განძარცუეს ქჳშითა აღივსნა მან ჴელნი და დაასხა თავსა ზედა ჰურიისასა და
Line: 5 თქუა სამგზის: "ნათელს იღებს თეოდორე სახელისა მიმართ მამისა და ძისა და
Line: 6 სულისა წმიდისა". ხოლო სხუანი იგი მიუგებდეს თითოეულსა სახელსა ზედა
Line: 7 ვითარმედ "ამინ".
Line: 8 და მეყსეულად ესოდენი ძალი მიიღო, ვიდრემდის ფრიადითა გულს-მოდგინებითა
Line: 9 და სიმრთელითა გუამისაჲთა ვიდოდა მათ თანა
Line: 10 და ვითარცა მოვიდეს იგი ალექსანდრიას და მიუთხრეს ესე მთავარეპისკოპოსსა
Line: 11 დიონჳსიოსს, და განაკჳრვეს იგი, რომელმან მყის ყოველი მოყუსობაჲ ეკლესიისაჲ
Line: 12 შეკრიბა და გამოსაძიებელად დაუშვა მათ, უკეეთუ შეერაცხამეა ჰურიასა
Line: 13 გარდასხმაჲ იგი ქვიშისაჲ ნათლის-ღებად, ანუ არა. და რომელნიმე იტყოდეს
Line: 14 ვითარმედ "შეერაცხა" და მოწამე იყოფოდეს და ანაზდაითსა მას განკურნებასა
Line: 15 მისსა ხოლო რომელნიმე არა მიითუალვიდეს, ვინაჲთგან არა ეგე ვითარი არს
Line: 16 წესი საეკლესიოჲსა ნათლვისაჲ, და უფროჲსღა რამეთუ უფალი იტყჳს ნიკოდემოსის
Line: 17 მიმართ ვითარმედ "არა თუ ვინმე იშვეს წყლისაგან და სულისა, ვერ შევიდეს
Line: 18 სასუფეველსა ცათასა". და ვითარ ესე და სხუანი ესე ვითარნი ითქუმოდეს,
Line: 19 სთნდა წმიდასა დიონჳსიოს ნათლის-ცემაჲ მისი და წარავლინა იგი იორდანესა
Line: 20 მდინარესა და ნათელ სცა. ხოლო პირველ ქჳშითა ნათლის-მცემელი იგი მისი
Line: 21 ვინაჲთგან ღირს იყო, დიაკონად ჴელთ-დასხმულ ყო.
Line: 22 სამართლად უკუე დიდი გრიგოლიცა აღმრიცხუველი ნათელთაჲ იტყჳს ვითარმედ
Line: 23 "ნათელ სცა მოსე, არამედ წყლითა და პირველ ამისსა ღრუბელთა და
Line: 24 ზღჳთა. ნათელ სცა იოვანეცა არღა ებრაელებრ, რამეთუ არა წყლითა ხოლო,
Line: 25 არამედ სინანულითაცა. ნათელ სცემს იესუცა, არამედ სულითა. ესე არს სრულებაჲ.
Line: 26 ვიცი მეოთხეცა ნათლის-ღებაჲ სისხლითა წამებისაჲთა, ვიცი მერმე მეხუთეცა
Line: 27 ცრემლითა". აწ უკუე ფრიად სადმე მართლითა მსჯავრითა არა მიითუალეს
Line: 28 მაშინ ნათლის-ღებაჲ იგი. რამეთუ რომლითა ხუთთა ამათგანითა ნათელღებულ
Line: 29 იქმნა, რათამცა ვითარმცა საღმრთოჲ და მტკიცე შერაცხილ იქმნა?
Line: 30 ვინაჲცა სადა არიან, რომელნი ერის-კაცთა ვიეთმე და დედათა მიერ იტყჳან
Line: 31 ნათლის-ცემასა ოდენსმე ჭირის მაგიერ უღონოებითა მღდელისაჲთა და საღმრთოდ
Line: 32 და სრულად ნათლის-ღებად შერაცხასა მისსა იღუწიან, უფროჲსღა ნიშთმეტყუელებენ
Line: 33 და ჰგმობენ მრავლისა თავჴედობისა და უგულისხმოებისაგან, არცაღა
Line: 34 საღმრთოჲსა მის წმიდათა მოციქულთა მოძღურებისა და მცნებისა ესრეთ
Line: 35 მეტყუელისა მსმენელნი: ერის-კაცსა ვიდრე-მე ქმნად სამღდელოჲსა რაჲსმე არა
Line: 36 .............
Page: 242 Line: 1 კურთხევაჲ მცირე გინა დიდი. რამეთუ არა თავით თჳსით ვინმე მიიღებნ პატივსა,
Line: 2 არამედ რომელი იგი ჩინებულ არნ ღმრთისა მიერ და რამეთუ ჴელთა
Line: 3 დასხმითა ეპისკოპოსისაჲთა მიეცემიან ესე ვითარნი დიდებანი. ხოლო რომლისადა
Line: 4 არა ჴელთ-დებულ იყოს ესე. არამედ აღიტაცოს და მიიმძლავროს იგი თავისა
Line: 5 თჳსისად, ცოდვაჲ და პატიჟი საულისი და ოზიაჲსი განისაკუთროს. არა
Line: 6 ესე ხოლო, არამედ არცაღა სხუათა მოყუასთა ეკლესიისათა უბრძანებთ ნათლისცემად,
Line: 7 ვითარ იგი არიან დიაკონნი, კერძო-დიაკონნი, წიგნის-მკითხველნი, მგალობელნი
Line: 8 და მსახურნი. თჳნიერ მხოლოდ ეპისკოპოსთა ოდენ და მღდელთა,
Line: 9 მსახურებითა მათდა დიაკონთაჲთა ხოლო მკადრებელთა ამისთა კორეტთა მიეჴადოს
Line: 10 პატიჟი. ამას თანა არცა ხუცესთა ჴეელთ-დასხმად დიაკონთა ანუ დედათ-დიაკონთა
Line: 11 ანუ წიგნის-მკითხველთა ანუ მსახურთა ანუ მეკარეთა, არამედ მხოლოდ
Line: 12 ეპისკოპოსთა ოდენ. რამეთუ ესე არს წესი სჯულიერი საეკლესიოჲ და
Line: 13 სათნოჲ ღმრთისა შენაწევრებულებაჲ და დაწყნარებულებაჲ, ვინაჲცა ცუდად მომზრახობენ
Line: 14 ანუ თუ უჭეშმარიტესობით სათქუმელ არს, ვითარმედ ღმრთის-მბრძოლობენ
Line: 15 რომელნი, მადლთა და მოქმედებათა მღდელობისათა ერის-კაცთა და დედათა
Line: 16 მიაჩემებენ დასაქცეველად მსმენელთა და მრწმუნებელთა ცუდად-მომზრახობისა
Line: 17 და წარრევისა მათისათა, რათა რაჲთ-ურთით არცა თუ ესე იციან თუ რაჲ
Line: 18 არს მღდელი ანუ რაჲ განყოფილებაჲ ერის-კაცისა და მღდელისაჲ.
Line: 19 ლ̂დ. მერმე შემდგომად უნიორისსა მეფე იქმნა მარკოზ სამ წელ.
Line: 20 ლ̂ე. ხოლო შემდგომად მარკოზისსა მეფე იქმნა იუსტილლიანოს ორ
Line: 21 წელ, და ჴელგახნსნილსა წარექცა სისხლი მძინარესა, და სულმოკლე იქმნა და
Line: 22 მოკუდა.
Line: 23 ლ̂ვ. კუალად შემდგომად იუსტილლიანოჲსსა მეფე იქმნა ფილიპპე ექუს
Line: 24 წელ და აღაშენა ქალაქი ევროპს და სახელ სდვა მას ფილიპოპოლი და თჳთ მოიკლა
Line: 25 პალატსა შინა.
Line: 26 ლ̂ზ. და შემდგომად ფილიპპჱსსა მეფე იქმნა უალენტიანოს ერთ წელ და
Line: 27 მოიკლა ერისა მიერ თჳსისა. რომლისა ჟამთა ყოველსა ზედა სოფელსა საშინელისა
Line: 28 რისხვისა მოვლენითა ღმრთისაგან მძჳნვარე სენი სიყმილისაჲ განჰხრწნიდა
Line: 29 და აღჰჴოცა ნათესავსა კაცთასა. რამეთუ ქუეყანით და ზღჳთ ორთქლნი რაჲმე.
Line: 30 აღმოვიდოდეს და მათ თანა ქარნი და ნიავნი მდინარეთა და ტბათაგან აღმოქროდეს,
Line: 31 ვიდრემდის წუთხად მკუდართად საგონებელ იყვნეს ცუარნი წჳმისანი. რომელთა
Line: 32 მიერ მწარე სიყმილი და მძიმე და უკურნებელი სენი მოიწია ნათესავსა
Line: 33 ზედა კაცთასა, ვიდრეღა აღურიცხუველ და მიუწდომელ იყო სიმრავლე მომწყდართა
Line: 34 კაცთაჲ. და გოდებანი და ვაებანი იქმნებოდეს ყოვლით-კერძო სიმრავლითა
Line: 35 მეტყებართაჲთა არა რაჲთ უდარესნი სიკუდილსა ზედა პირმშოთასა ქმნილისა
Page: 243 Line: 1 მის მეგჳპტურისა გოდებისანი. რამეთუ აქაცა არა იყო სახლი, რომელსა
Line: 2 შინა არა იდვა მკუდარი, და ბარბაროზთა ვიდრე-მე და უსახურთა კაცთაგანნი სიკუდილისა
Line: 3 და სნეულებისა რეცა გარდადებისა მოშიშნი დაუფლველად ანუ თუ ნახევარმომკუდარად
Line: 4 დაუტეობდეს და განაგდებდეს კაცთა, არა ნათესავთა, არა მეგობართა,
Line: 5 არცა სხუათა რათ უმახლობელესთა მრიდებელნი, დაღათუ ვერცა იგინი
Line: 6 განერებოდეს რისხვასა და სიკუდილისაგან. ხოლო სიმრავლენი ღმრთის-მოშიშთანი
Line: 7 უკრძალველობით მსახურებასა შინა სნეულთასა და მიძღებელობასა სნეულებათა
Line: 8 მათთასა მათ თანა განიჴსნებოდეს ცხორებისაგან, ხოლო სხუანი სხუათა
Line: 9 კურნებასა მიჰძადლებდეს და სნეულებისაგან სიმრთელედ მოაქცევდეს ხოლო სიკუდილსა
Line: 10 მათსა თჳთ თავთა თჳსთა მიმართ მიიზიდვიდეს და მიიტაცებდეს.
Line: 11 ლ̂ჱ. ესრეთ შემდგომად უალერიანჱსსა მეფე იქმნა ღალოს, ძე მისი,
Line: 12 ერთ თთუე და მოიკლა მძინარე ცოლისა მიერ თჳსისა.
Line: 13 ლ̂თ. შემდგომად ღალოჲსა მეფე იქმნა დეკეოზ ერთ წელ და მოიკლა
Line: 14 ბრძოლასა შინა. რომელმან ბრძანებაჲ დადვა ჰრომს შინა, რათა ქრისტეანენი
Line: 15 დედანი ვერ დაიბურვიდენ თავსა, რამეთუ აზმნობდა, ვითარმედ საგონებელისა
Line: 16 მის სირცხჳლისა-თჳს კერპთ-მსახურებად მიიზიდნეს იგინი. ხოლო იგინი უფროჲსღა
Line: 17 გულს-მოდგინებით იქცეოდეს თავდაუბურველნი ვითარცა დიდებად შემრაცხელნი
Line: 18 ქრისტჱს-თჳს შემთხუეულისა მის კაცთა-მიერისა უპატივოებისანი.
Line: 19 რომლისა-თჳსცა ვიდრე აქამომდე განკრძალულნი უკუე ქრისტეანენი დედანი თავდაუბურველად
Line: 20 იქცევიან, ხოლო ჰურიანი და ურწმუნონი დაიბურვენ. რომლისა-ზე
Line: 21 ბაბილა ანტიოქიისაჲ და ფლაბიანე ჰრომისაჲ და ალექსანდრე იერუსალჱმისაჲ
Line: 22 და დიონჳსი ალექსანდრიისაჲ მთავარეპისკოპოსნი იწამნეს, და ნავატ ეკლესიასა
Line: 23 განეყო, და ელკესეოს წვალების-მთავარი იცნობებოდა.
Line: 24 მ̂. ხოლო შემდგომად დეკეოზისსა მეფე იქმნა ემელიანოს ერთ წელ და
Line: 25 მოიკლა პალატსა შინა.
Line: 26 მ̂ა. და შემდგომად ემელიანჱსსა მეფე იქმნა ღალლიანოს სამ წელ და
Line: 27 მოიკლა ბრძოლასა შინა. რომლისა-ზე არტემონ და სჳნეპო წვალების-მთავარნი
Line: 28 იცნობებოდეს, და გრიგოლი საკჳრველთ-მოქმედი და მოწაფე ორიგენისი
Line: 29 ბრწყინვიდა.
Line: 30 მ̂ბ. შემდგომად ღალლიანოჲსა მეფე იქმნა კლავდიოს ორ წელ.
Line: 31 მ̂გ. მერმე შემდგომად კლავდისსა მეფე იქმნა კჳნტილლიანოს შჳდ დღე.
Line: 32 მ̂დ. კუალად შემდგომად კჳნტილლიანჱსსა მეფე იქმნა ავრილლიანე ხუთ
Line: 33 წელ და მოიკლა კუვიკულარისა მიერ რომლისა-ზე საძაგელი და სამგზის დაწყეული
Line: 34 მანინ აღმოეცენა ქრისტედ და სულად წმიდად ეშმაკეულობით დამსახველი თავისა
Line: 35 თჳსისაჲ. რომლისა-თჳსცა ათორმეტთა მოწაფეთა რეცა ქრისტჱს-ებრ შემმომრჩეველი
Page: 244 Line: 1 სპარსეთით საბერძნეთისა ქუეყანად შენდობითა ღმრთისაჲთა გარდმოიხრწნა
Line: 2 ესე უკუე ბოროტად ბორგნეული მანინ, რომელსა სკჳთიანოსცა ეწოდებოდა,
Line: 3 ვრახმანი იყო ნათესავით, ხოლო მოძღურად აქუნდა ვუდდანტოს, ტერევნითად
Line: 4 სახელდებული პირველ, რომელი განისწავლა რაჲ სხჳსა ვისმე სკჳთანჱს-მიერ
Line: 5 სჯულითა ელენისა ემპედოკლეოჲსი შეიყუარა წვალებაჲ. ორთა დასაბამთა
Line: 6 ურთი-ერთას წინააღმდგომთა მეტყუელისაჲ. ხოლო ვითარცა შევიდა
Line: 7 სპარსეთს ქალწულისაგან შობილად და მთათა შინა აღზრდილად იტყოდა თავსა
Line: 8 თჳსსა. და აღმწერელმან ოთხთა წიგნთამან ერთსა უკუე სახელ სდვა საიდუმლოთაჲ
Line: 9 და მეორესა სახარებაჲ, მესამესა საუნჯეთაჲ, ხოლო მეოთხესა თავთაჲ.
Line: 10 და ვუდდას ვიდრე-მე, რომელსა ტერევინთოსცა ეწოდებოდა, არაწმიდისა სულისა
Line: 11 მიერ განჭრილი და შემუსრვილი წარწყმდა. ხოლო დედაკაცმან ვინმე, რომლისა
Line: 12 თანა იხრწნებოდა და ხრწნიდა, საჴმარნი და წიგნნი მისნი დაიმკჳდრნა,
Line: 13 რომელმან იყიდა ყრმაჲ შჳდისა წლისაჲ სახელით კუბრიკ, რომელსა ასწავა [რაჲ]
Line: 14 წიგნი და განათავისუფლა, დამკჳდრებად ყოველთავე მონაგებთა თჳსთა დაუტევა.
Line: 15 ხოლო მან, ვითარცა მიიხუნა წიგნნი ვუდდაჲსნი და საჴმარნი, მიმოვიდოდა
Line: 16 სპარსეთს შინა, მანინად სახელმდებელი თავისა თჳსისაჲ და ვუდდაჲს საცთურისა
Line: 17 თანა მოწაფე ქმნილი, და წიგნთა მათ თჳსად აღწერილად იტყოდა. რომელსა
Line: 18 მეფემან სპარსთამან ცოცხალსა ტყავი განჰჴადა, ვითარცა მიზეზსა ძისა მისისა
Line: 19 სიკუდილისასა: რამეთუ სნეულ რაჲ იყო ძე მეფისაჲ, მრავალი მოღუაწებაჲ მკურნალთა
Line: 20 მიერ სიმრთელედ კუალად-გებისა მისისა-თჳს წარეგებვოდა, თჳნიერ კურნებისა
Line: 21 აღდგინებაჲ ყრმისაჲ უქადა მანინ, და ესრეთ განაყენნა რაჲ მკურნალნი
Line: 22 მისგან, მოკლა ყრმაჲ უღუაწობითა და ნიშთ მეტყუელებითა თჳსითა. ამის-თჳს
Line: 23 სამართლად ღირსი სასყიდელი საკჳრველთ-მოქმედებისა თჳსისაჲ მიიღო, ტყავისა
Line: 24 განჴდასა ვიტყჳ ყოვლად-უბადრუკისა მის გუამისა მისისასა.
Line: 25 ესე უკუე ყოვლად ბილწი მანინ განმგდებელი ძუელისა აღთქუმისა და ყოვლისავე
Line: 26 აგებულისაჲ და შესაქმესა კაცისასა არა სახიერისა ვისმე ღმრთისაგან
Line: 27 ქმნილად მეტყუელი, ვინაჲთგან ხრწნილებასა და ცვალებასა შინა არს, ახალსა
Line: 28 რეცა სახიერისა ვისმე ღმრთისა მიერად იტყოდა, და ოცნებით და საგონებელობით
Line: 29 ქმნილად გამოჩინებასა ქრისტჱსსა ზღაპრობდა. ამას თანა მთხრებლთა
Line: 30 რათმე შინა შთასლვით ნამდჳლვე ღამისა და ბნელისა საიდუმლოთა მემსხუერპლეობათა
Line: 31 ძმაცუვიდა, და უსჯულონი მოიპოვნა შეყოფანი და უთქუმელთ-მოქმედებანი
Line: 32 და ბედი და გუამითი-გუამად ცვალებაჲ სულთაჲ, და სხუანი მრავალნი
Line: 33 მოყეფნა და ქმნნა და ასწავნა, რამეთუ ელენურთა მათ ბოროტთა და ამაოთა სჯულთა
Line: 34 განმტკიცებასა ისწრაფდა ღმრთის მოძულე იგი და ღმრთისაგან მოძაგებული.
Page: 245 Line: 1 რომლისა-თჳს იტყჳს თეოდერეცა ხუცესი რაითელთა ეკლესიისაჲ, ვითარმედ მანინ
Line: 2 ღმრთის წინააღმდგომისა ბნელისა მომპოვნებელი უფროჲს ჴელმწიფისა მიერ,
Line: 3 ბნელისა კუალად დაბადებული, ლიტონითა ოცნებითა და ცუდითა სახითა ჴორცთა
Line: 4 კაცობრივთაჲთა გამოჩინებასა ქრისტჱსსა ძმაცუვიდა, რომლისა-თჳსცა საგონებელობით
Line: 5 მოქმედად და შემთხუეულად იტყოდა მას ყოველთავე, რაოდენნი რაჲ
Line: 6 ქმნნა და შეემთხჳნეს ჩუენებრ, და არცა ერთისა მათგანისა საქმით და ჭეშმარიტებით
Line: 7 ქმნულებასა წარჰრევდა, არამედ მხოლოდ საგონებელობით ოდენ და ცთუნებით
Line: 8 თანა წარმტაცებელად საგონებელ იყო კაცთა, რომელთა შორის იქცეოდა. ამის-თჳს
Line: 9 ორთა ბუნებათა თქუმად უფლისა ზედა იქმნიდა. არამედ მხოლოდ ერთსა
Line: 10 ოდენ იტყოდა ღმრთეების.
Line: 11 კუალად პავლე ვინმე ჟამითა თანაზიარი ამის მანესტოსისი, ნათესავით
Line: 12 უკუე სამუსატელი, ხოლო ანტიოქიისა დიდისა საყდრის-მპყრობელი, ლიტონად
Line: 13 კაცად ჰგმობდა უფალსა, და ვითარმედ ვითარცა ერთისა წინაჲსწარმეტყუელთაგანისა
Line: 14 შორის ეგრეთვე მის შორის იქმნაო დამკჳდრებაჲ სიტყჳსა ღმრთისაჲ.
Line: 15 რომლისა-თჳს ორთაცა ბუნებათა ურთი-ერთას განყოფილებისა მქონებელთა და
Line: 16 რაჲთ-ურთით არა რაჲს ზიარებისა ქრისტჱს შორის მომგებელთა, ვითარცა
Line: 17 სხუაყოფითა თჳთ მის ქრისტჱსითა და სხუა მის შორის დამკჳდრებულისა
Line: 18 ღმრთისა და სიტყჳსაჲთა. ვინაჲცა ესე არიან პირველ აღმოცენებულნი ერთისა
Line: 19 ბუნებისა და ორთა ბოროტად და უკეთურებით ქრისტეს ზედა მეტყუელნი,
Line: 20 ერთი იგი უარის-ყოფითა კაცებისაჲთა, ხოლო მეორე ღმრთეებისაჲთა.
Line: 21 ხოლო შემდგომთა ჟამთა გამოჩნდა აპოლინარი ვინმე ზედამდგომელი ასურეთისა
Line: 22 და ლაოდიკიისაჲ და სხჳსა ამაომზრახვალობისა მომპოვნებელ იქმნა.
Line: 23 რამეთუ არიანოზნი ყოვლით-ურთ უსულოდ იტყოდეს ჴორცთა უფლისათა, ხოლო
Line: 24 მან თქუა, ვითარმედ ჴორცნი ვიდრე-მე ცხოვლობითითა სულითა სულიერნი
Line: 25 მიიხუნა ღმერთმან, ხოლო გონებაჲ ჩუენი არა მიიღო. რამეთუ არცა მოქენე
Line: 26 იყვნესო, იტყოდა, კაცობრივისა გონებისა ჴორცნი იგი, რომელნი იმთავრებოდეს
Line: 27 მათდა შეერთებულისა სიტყჳსა მიერ ღმრთისა, და არცა დაეტეოდაო მათ
Line: 28 შორის სხუაჲ საცნაური ძალი თჳნიერ ხოლო საღმრთოჲსა. ვინაჲცა ამის განმჩინებელი
Line: 29 ერთყოფასა წარმოაჩენდა სიტყჳსა და ჴორცთა ბუნებისასა ვითარმცა
Line: 30 ჴორცნი უსრულ იყვნეს კაცყოფისა მიმართ და ამის-თჳს არა ღირს იყუნეს ბუნებად
Line: 31 სახელის-დებასა. რომლისა შემდგომად აღმოეცენა თეოდორე ვინმე ქალაქისა
Line: 32 მომფსუესტელთაჲსა წინამძღურობასა წილხუდომილი, და წინაუკმო აპოლინარისსა
Line: 33 არა მცირედთა გმობათა კადნიერითა სულითა და უშიშითა გულითა
Line: 34 წარმოსთხევდა მეუფისა ქრისტჱს-თჳს, და კაცად ერთად ჩუენებრად და საზოგადოდ
Line: 35 უწოდდა და წარმატებისა მიერ მიღებითა მადლისა ღმრთისასა ღმრთად
Page: 246 Line: 1 სახელდებულებასა მისსა იტყოდა, და ვითარმედ იორდანეს ნათლის-ღებითა ღირს
Line: 2 იქმნაო ნიჭსა სულისა წმიდისასა პირველად სახელისა მიმართ მამისა და ძისა და
Line: 3 სულისა წმიდისა ნათლის-ღებითა. და ვითარმედ ღმერთმან სიტყუამან გარდამეტებულისა-თჳს
Line: 4 სათნოებისა მისისა სათნოყოფით მის შორის დამკჳდრებითა
Line: 5 მისცა მას საღმრთოჲ პატივი და თაყუანის-საცემელობაჲ, უკუანაჲსკნელ შემდგომად
Line: 6 განსრულებისა ესე და სხუანი მრავალნი ესე ვითარნი იძმაცუნა. და ორნი
Line: 7 ბუნებანი თჳსაგან განსაზღვრებულნი მხოლოდ თჳსებითა რაჲთმე ოდენ ურთიერთას
Line: 8 საკუთარქმნილნი მე[უ]ფესა ქრისტესა ზედა სჯულდებულ ყვნა, კუალად
Line: 9 ესე მეორე ნერგი ერთისა ბუნებისა და ორთა ბუნებათა ქრისტჱს შორის არა
Line: 10 მართლისა სიტყჳსა-ებრ აღმსაარებელი.
Line: 11 მერმე შემდგომად ამათსა გამოჩნდა ნესტორ ვინმე სახელით გერმანიკიაჲთ
Line: 12 ასურეთისაჲთ საყდრის-მპყრობელი კოსტანტინუპოლისაჲ. რომელმან მსგავსად
Line: 13 პავლე სამუსატელისა და თეოდორე მომფსუესტელისა იჴუმია ქრისტესა ზედა
Line: 14 სახელი ორთა ბუნებათაჲ, ვითარცა მისვე მათისა ბოროტისა ძირისაგან აღმოცენებულმან.
Line: 15 რამეთუ ძე უკუე იყო კილიკიელისაჲ, ხოლო შვილის-წული სამოსატელისაჲ.
Line: 16 და ამის-თჳს წმიდისა ქალწულისა მიმართ დაუგებელი ბრძოლაჲ
Line: 17 მოიგო უარის-ყოფითა უფლისა თჳსისაჲთა და შეურაცხის-ყოფითა თჳსისა დედოფლისაჲთა
Line: 18 უმადლომან მან და შეუკდემელმან მონამან. ამან უკუე საძაგელმან
Line: 19 ნესტორ, ვითარცა მესამე ზედამდგომელ ქმნილმან ჰურიაებრივისა ამის წვალებისამან,
Line: 20 სხუაყოფაჲ განთჳსებულად ქრისტჱსი და სხუაობაჲ სიტყჳსა ღმრთისაჲ
Line: 21 სჯულდებულ ყო.
Line: 22 ხოლო მანინის და აპოლინარის წინაუკმოჲსა ნაწილისა მესამე იქმნა კუალად
Line: 23 ევტუქი ვინმე, წინამძღუარი მონასტრისაჲ კოსტანტინუპოლეს, რომელი
Line: 24 არა თავს-დებითა აღსარებასა ამისსა, ვითარმედ თანაარსნი ჩუენნი და ზიარნი
Line: 25 ჩუენისა ბუსებისანი ჴორცნი მიიხუნა უფალმან, უარ ჰყოფდა ცხოველად დაცვასა
Line: 26 ქრისტჱს შორის ორთა ბუნებათასა შემდგომად შეზავებისა და შეერთებისა მათისა.
Line: 27 არა ამას ხოლო, არამედ მენიშეობითსაცა რასმე სიჩქურესა წმასნიდა და
Line: 28 ზეცით გარდამოსრულად იტყოდა ჴორცთა უფლისათა და, ვითარმედ ვითარცა
Line: 29 სოლინარი განვლო სიტყუამან ღმერთმან ქალწული ზეცით შემმოსელმან ჴორცთამან,
Line: 30 რათა საგონებლობით შობილად საეჭუელ იქმნეს დედაკაცისაგან ვითარცა
Line: 31 არა შობილი. ესრეთ უკუე მანიქეველებრივითა ამით სიტყჳთა და ფრიად
Line: 32 უმეტეს მისსა მაოცნებელობითითა ერთსა ბუნებასა ქრისტჱსსა აღიარებდა ესეცა
Line: 33 გარდაქცეულითა გულის-სიტყჳთა.
Line: 34 ამის შემდგომად სევეროს ვინმე სახელით მიიტაცა რაჲ საყდარი ანტიოქიისაჲ,
Line: 35 იგივე მანინისი და აპოლინარისი და ევტჳქისი, განაახლა წვალებაჲ და,
Page: 247 Line: 1 რაოდენ ძალ ედვა, აღაშფოთა მყუდროებაჲ ეკლესიისაჲ. და ვითარ განიდევნა
Line: 2 ანტიოქიაჲთ ვითარცა მიზეზი შფოთთა და დაუწყნარებელობათაჲ სისუბუქესა ზედა
Line: 3 ალექსანდრიელთასა მსგავსად გრიგლისა რაჲსმე და ალმურისა მიეფინა, სადა
Line: 4 იგი სხუაჲცა გრიგალი წინააღმდგომად მისსა და ერისა მბერველობითა შეჰრევდა
Line: 5 და აშფოთებდა ყოველთა. რამეთუ უჴდებოდა მას ივლიანე ვინმე სახელით,
Line: 6 ალიკარნასიისა უკუე ასაელთაჲსა ეპისკოპოსი, ხოლო წვალებისა ევტჳქიანთაჲსა
Line: 7 გულს-მოდგინე წინამბრძოლი რამეთუ სევეროზ ერთსა ბუნებასა იტყოდა
Line: 8 ქრისტჱსსა და მიითუალვიდა ქრისტჱს უორის განყოფილებასა, ხოლო
Line: 9 ივლიანე ერთსა ვიდრე-მე იტყოდა ბუნებასა, იგიცა მსგავსად სევეროზისსა, გარნა
Line: 10 უარ ჰყოფდა განყოფილებასა, რომლისა-თჳსცა ყოვლისა შფოთისა და ღელვისა
Line: 11 მიზეზ იქმნნეს უკეთურნი ნამდჳლვე "არ მეცნიერებითა თქუმულისა მის-ებრ არცა
Line: 12 რასა იტყჳან არცა ვიეთ-თჳს დაამტკიცებენ". რომელნი ჩუენდა მომართ რაჲ
Line: 13 იბრძოლებოდინ მაგალითსა კაცისასა წინა მიყოფენ ჩუენ და სულისაგან ჴორცთა
Line: 14 შეზავებულებასა მისსა წინადასდებენ სახედ საღმრთოჲსა შეერთებისა და იტყჳან,
Line: 15 ვითარმედ აწ სადმე სამთაჲ სათანადო არსო აღსაარებაჲ ბუნებათაჲ. არამედ უწყოდედ
Line: 16 უსწავლელთა მათ და უგულისსმოთა ვითარმედ ჩუენ ორთა ბუნებათა არა
Line: 17 თუ ღმრთისა და კორცთასა ვიტყჳთ, არცა კუალად ღმრთისა და სულისათა,
Line: 18 არამედ ღმრთისა და კაცისათა. რამეთუ არცა საკუთრებითად ბუნებად კაცისად
Line: 19 ითქუმის ბუნებაჲ კერძოთა ამათგანისა რომლისაჲმე. რამეთუ კერძოებ კაცისა
Line: 20 არიან სული და ჴორცნი, ხოლო კერძო კერძოთა მათ-ძლითნი განყოფილებანი
Line: 21 და კერძოგანყოფილებანი. და კერძოებ ვიდრე-მე ქრისტჱსსა ურთი-ერთას შეურევნელნი
Line: 22 ღმრთეებაჲ და კაცებაჲ, ხოლო სული და ჴორცნი არა კერძო ქრისტჱსსა,
Line: 23 არამედ კერძოებ კერძოჲსა. და რამეთუ კერძონი უკუე კაცობრივთა კერძოთანი
Line: 24 არიან სულისანი ვიდრე-მე ვითარმედ არსებაჲ სიტყჳერი და რომელობაჲ
Line: 25 უჴორცოჲ, რომლისაჲ რომელიმე უკუე მთავრებრივი არს, რომელიმე გულის-წყრომითი
Line: 26 და რომელიმე გულის-თქუმითი; და ამათი რომელიმე მომგონებელობითი
Line: 27 და გასნმგონებელობითი, მეჴსიერობითი და განმზრახრახველობითი, და
Line: 28 რომელიმე წადიერობითი და მიმზიდველობითი, ხოლო რომელიმე მიმგებელობითი,
Line: 29 და კუალად მრავალთა სხუათა მიმართ კერძოდ განიყოფებიან ესენი. ხოლო
Line: 30 თანა წარვჰჴდეთ აწ გამოძიებასა ამისსა თუ ვითარ სახედ ვითარცა კერძონი
Line: 31 არიან ესე სულისა შორის ანუ ვითარცა ძალნი. ხოლო კუალად ჴორცთა განყოფილებაჲ
Line: 32 იქმნების მსგავსების კერძო, და მერმე მათი თავისა მიმართ და ჴელთა
Line: 33 და ფერჴთა, და ამათი ძუალთა მიმართ და ძარღუთა, და კუალად მათი ოთხთა
Line: 34 რომელობათა მიმართ. ხოლო ამათი ნივთისა და სახისა მიმართ ვინაჲ სხუასაცა
Line: 35 მრავალსა ფილოსოფოსობენ ყრმანი მკურნალთანი ბუნებითთა ძალთა-თჳს, რომელთაგანსა
Page: 248 Line: 1 რომელსამე მიმზიდველობითად და რომელსამე შთამზიდველობითად,
Line: 2 სხუასა მცვალებლობითად, და სხუასა მიმგებელობითად სახელ სდებენ. და მრავალსა
Line: 3 რას გრძნობისა-თჳს და ოცნებისა დამმჭირველისა-თჳს ცხოველისა ცხოვლობითისა
Line: 4 და ორღანოობითისა სულისა წარმოიტყჳან. რამეთუ სხუაჲ არს გარეშე
Line: 5 სიტყჳერისა სულისა, ვითარცა იტყჳან.
Line: 6 აწ უკუე ვითარ იგი კმა არს წარმოჩინებისა-თჳს ამის ყოვლისა თქუმაჲ
Line: 7 ჴორცთა ანუ სხეულეანსა გუამსა კაცისასა, და კუალად კმა არს თქუმაჲ სიტყჳერისა
Line: 8 სულისაჲ წარმოსაჩინებელად მათდა, რომელთა მიმართ განიყოფვის იგი.
Line: 9 ეგრეთვე კმა არს თქუმაჲ კაცსა ანუ ბუნებასა კაცისა წარმოდგინებისა-თჳს და
Line: 10 გამოჩინებისა მათისა, რომელთაგან შეკრებულ არს და რომელთა შინა იცნობებისცა.
Line: 11 ხოლო იგინი არა რათა სრულად კაცად გამოაჩინონ, არამედ რათა ცილისმწამებელ
Line: 12 ექმნენ უფალსა და უცხო ყონ იგი ჩუენისა ბუნებისაგან და ანუ არა
Line: 13 მიმღებელად თქუან დასაბამსა თბისა ჩუენისასა ანუ არა ცხოველად დამცველად
Line: 14 მისსა, რომელი მიიღო ჩუენგან. ამათ უკუე და ესე ვითართა მომპოვნებელნი
Line: 15 და მძმაცუავნი მაგალითსაცა ზედა კაცისასა ყოვლად-განუვლელთა და განულტოლველთა
Line: 16 შთაცჳვიან იგი ლავირინთთა.
Line: 17 მ̂ე. ესრეთ უკუე შემდგომად ავრილლიანჱსსა მეფე იქმნა ტაკიტოს ექუს
Line: 18 თთუე და მოიკლა ფლორიანჱს მიერ.
Line: 19 მ̂ვ. და შემდგომად ტაკიტოჲსა მეფე იქმნა ფლორიანე ორ თთუე და
Line: 20 მოიკლა პროვოჲს მიერ.
Line: 21 მ̂ზ. შემდგომად ფლორიანჱსსა მეფე იქმნა პროვოს ექუს წელ და მოიკლა
Line: 22 კარინოჲს მიერ.
Line: 23 მ̂ჱ. მერმე შემდგომად პროვოჲსსა მეფე იქმნა კაროს ერთ წელ და მოიკლა
Line: 24 კარინოჲს მიერ.
Line: 25 მ̂თ. ხოლო შემდგომად კაროჲსა მეფე იქმნა კარინოს, ძე მისი, ორ წელ
Line: 26 და მოიკლა ნომერიანჱს მიერ.
Line: 27 ნ̂. შემდგომად კარინოჲსსა მეფე იქმნა ნომერიანოს, ძმაჲ მისი, ერთ წელ
Line: 28 რომელმან ბრძოლა უყო სპარსთა და შეპყრობილ იქმნა მათ მიერ, და ტყავი
Line: 29 განეჴადა ცოცხალსა.
Line: 30 ნ̂ა. დიოკლიტიანჱსა და მაქსიმიანჱს მეფობისა-თჳს.
Line: 31 და ესრეთ შემდგომად ნომერიანჱსსა მეფე იქმნნეს დიოკლიტიანე და მაქსიმიანე,
Line: 32 სიძე მისი, ერთბამად ოც და ორ წელ. რომელთა-ზე დევნულებაჲ საშინელი და
Line: 33 მძჳნვარე აღიძრა ქრისტიანეთა ზედა, რამეთუ ბრძანებაჲ წარსცეს ქალაქად-ქალაქად
Page: 249 Line: 1 და სოფლად ეკლესიათა ვიდრე-მე ქრისტეანეთა დაქცევისა და საღმრთოთა
Line: 2 წერილთა მათთა დაწუვისაჲ. ხოლო ქრისტიასენი რომელნიცა იპოებოდინ,
Line: 3 რათა ეძულებოდის ზორვაჲ ეშმაკთაჲ. რომლისა-თჳსცა მრავალთა დაიდგეს მაშინ
Line: 4 გჳრგჳნი მოღუაწებისაჲ. რომელთაგანნი არიან პეტრე ალექსანდრიისაჲ და
Line: 5 ანთიმოს ნიკომიდიისაჲ და პროკოპი და გიორგი სახელდიდნი მოწამენი. და რომელთა-ზე
Line: 6 სავვატიოს ვინმე ათოოხმეტიანთა წვალებისა შემნივთებელი იცნობებოდა.
Line: 7 და დედაკაცმან ვინმე სიმდიდრითა და გულის-ხმის-ყოფითა და შუენიერებითა
Line: 8 ჴორცთაჲთა სახელგანთქუმულმან ორთა ასულთა ქალწულთა თანა შემდგომად
Line: 9 მრავალთა ლტოლვათაჲსა შეპყრობილმან შიშითა განხრწნასა ქალწულობისა
Line: 10 მათისასა ღელვათა შინა მდინარისათა შთასთხინეს თავნი მათნი, რომელთა-თჳს
Line: 11 საძიებელ არს, უკუეთუ შეირაცხნეს მოწამეთა თანა.
Line: 12 და კუალად სხუაჲ ვინმე დედაკაცი ყოვლად საღმრთოჲ და ყოვლისა ცხორებისა
Line: 13 თჳსისა ქალწულობით გარდამჴდელი შეპყრობილ იქმნა, რომელი უფროჲსად
Line: 14 შუენიერ იყო სახითა, და ვითარ მრავლითა მანქანებითა მძლავრთაჲთ იძულებული
Line: 15 ზორვად არა იძლია, ბრძანეს რათა მიეცეს იგი სტრატიოტსა ვისმე ბილწისა
Line: 16 შეყოფისა-თჳს. და ვითარ არცა ეგრეთ ირწმუნა გებაჲ, წარკუეთაჲ თავისაჲ დაასაჯეს
Line: 17 მას. ხოლო ამას რაჲ უღონოებასა შინა იყო იგი, ევედრა დიდსა ანთიმოსს
Line: 18 ნიკომიდიელსა, რომელი ჯერეთ არღა სრულქმნილ იყო წამებითა, რათა
Line: 19 განაზრახოს მას თუ რომელი გამოირჩიოს ხოლო მან, რამეთუ ნამდჳლვე ბრძენ
Line: 20 იყო კაცი იგი და სარწმუნო, განმგე სიტყუათა საშჯელსა შინა, ჰრქუა: "კეთილ
Line: 21 უკუე არს, ჵ, შვილო, და ღმრთივ-შუენიერ წარმართებაჲ უბიწოებისაჲ, ხოლო
Line: 22 უფროჲს არს მცნებაჲ სარწმუნოებისაჲ, რომელ იგი საფუძველ არს კეთილთა
Line: 23 ღმრთის-მსახურებისათაჲ ვინაჲცა შენ ნუ უფროჲს პატივ სცემ უდარესთა უაღრესთასა,
Line: 24 რამეთუ ვითარ იგი განსაცდელთა მიერ მოცვულისა-თჳს უაღსარჩეველეს
Line: 25 არს უფროჲს გუამისასა წარწყმედაჲ შესამოსელთაჲ, ეგრეთვე უმჯობეს
Line: 26 არს ჭირთა შინა მყოფისა-თჳს შეუმწინკულებელად დაცვითა სარწმუნოებასა სულისასა
Line: 27 განცემაჲ ჴორცთაჲ, ვითარ სახეთავე გინებათა მიმართ, ვიდრეღა წარწყმედაჲ
Line: 28 აზნაურებასა სულისასა". და მას ესე რაჲ ესმნეს, წარვიდა ორთავე კეთილთა
Line: 29 მიტაცებისა სურვიელი. რომლისა-თჳსცა საღმრთომან მადლმან უღონოებასა
Line: 30 შინა კეთილთა ღონეთა მოპოვნებისა ღონიერმან ყოვლად-ბრძნითა რაჲმე
Line: 31 მოგონებითა დაუცვა მაშინცა სიწმიდე თჳსი ქალსა მას. რამეთუ ვითარცა ერთსა
Line: 32 სახლსა შეეწყუდინეს, მიუგო სტრატიოტსა და ჰრქუა: "ნუ_რა_რას უშუერსა იქმ
Line: 33 ჩემ თანა, კაცო, და მე მიგანიჭო სასყიდელი ღირსი ქველის-მოქმედებისაჲ.
Line: 34 რამეთუ მიგცე შენ წამალი მომატყუებელი უკუდავებისაჲ, რომელი იცხო რაჲ
Line: 35 ყოველსა გუამსა, მოუწყლველ იყო ბრძოლათა შინა. და უკუეთუ გნებავს აწვე
Page: 250 Line: 1 გამოცდაჲ მისი, მიბრძანე რათა შევჰზავო". ხოლო მან მრავლითა სიხარულითა
Line: 2 უბრძანა რაჲ ამისი ქმნაჲ, მოიღო ნეტარმან მან ცჳლი და ზეთი და აჰრინა იგინი
Line: 3 და მრავალჟამ ზილნა ჴელითა და მოიცხო ქედსა თჳსსა და ჰრქუა მას "მეც,
Line: 4 რაოდენ ძალ გიც, და იხილო მოქმედებაჲ საცხებელისაჲ ამის. რამეთუ ვერცა
Line: 5 მწყლა ვერცა მომაკუდინო მე". და მან სიმაღლედ აღიპყრა მახჳლი და უხეთქნა
Line: 6 მას. და მყის წარჰკუეთა პატიოსანი თავი მისი. და ესრეთ მძლექმნილმან ბოროტად
Line: 7 ბორგნეულთა მათ სივერაგისამან მრჩობლნი გჳრგჳნნი დაიდგნა მოწამებისაჲცა
Line: 8 და უბიწოებისაჲ.
Line: 9 ეგრეთვე კუალად სხუაჲ ვინმე ქმნულკეთილი ქალი შემტკბობელი ქალწულებისაჲ
Line: 10 შეისმინა, ვითარცა მაგინებელი მეფეთა და კერპთაჲ. რომელი შეპყრობილ
Line: 11 იქმნა და იგუემა, და, ვითარ არა მორჩილ ექმნა უღმრთოებასა მათსა, მისცეს
Line: 12 იგი სამეძვოდ და ამცნეს უხუცესსა მეძავთასა მითუალვაჲ მისი და მიღებაჲ
Line: 13 მის-ძლით რაჲ დღე სამისა დრაჰკნისაჲ. ხოლო იგი მოსწრაფე იქმნა ამისსა
Line: 14 ქმნად, ვითარცა გულის-მთქუმელი ოქროჲსა განმრავლებისაჲ. რომელი ესე აგრძნეს
Line: 15 რაჲ დედათ-ბორგნეულთა, მირბიოდეს საფარდულად უსჯულოებისად, ამისსა
Line: 16 მიმართ მიისწრაფდეს და ვეცხლსა თჳსსა უშურველად განსცემდეს, რომელთა იგი
Line: 17 ევედრებოდა და იტყოდა ვითარმედ "წყლულებაჲ რაჲმე მაქუს სულმყრალი დაფარულთა
Line: 18 შინა ასოთა, და მეშინის, ნუ უკუე თქუენცა გარდმოქცე სენისა მისგან.
Line: 19 არამედ მგებდით მცირედთა დღეთა, ვიდრემდის სიმრთელესა მივემთხჳო,
Line: 20 და მიერითგან ჴელმწიფებაჲ გაქუნდეს ჩემ-ზედა სამარადისოდ". ესრეთ უკუე
Line: 21 ესე ვითართა სიტყუათა მიერ გარემიმაქცეველი მათი ვედრებით მოქენე ექმნა
Line: 22 ღმერთსა, რათა იჴსნას ეგე ვითარისა მის ბილწებისაგან და შეუმწინკულებელად
Line: 23 დაუცვას სიწმიდე ქალწულებისა მისისაჲ. რომლისაჲ შეისმინა ღმერთმან: რამეთუ
Line: 24 დღესა ერთსა მოვიდა ჭაბუკი ვინმე საჩინოჲ სიმდიდრითა და ღმრთის-მოშიში
Line: 25 გულის-სიტყჳთა უხუცესისა მომართ მეძავთაჲსა მწუხრი მყოარ და მისცნა
Line: 26 მას ხუთნი დრაჰკანნი და ჰრქუა: "მომეც მე ქალი ესე ვიდრე განთიადამდე".
Line: 27 და შესრულმან ფარულსა ადგილსა ჰრქუა მას: "აღდეგ და ვიდოდე მშჳდობით".
Line: 28 და შეჰმოსა მას შესამოსელი თჳსი და დაუბურა თავი და ესრეთ განავლინა
Line: 29 იგი მიერ ყოვლად განუხრწნელად და რაჲთ-ურთით შეუმწინკულებელად. ხოლო
Line: 30 ვითარცა დღე მოიწია და საქმე ესე განცხადნა, განიბჭო მოკლვაჲ ჭაბუკისაჲ მის.
Line: 31 რომელი სრულ იქმნაცა საქმით და აღსერულა საუფლოჲ იგი სიტყუაჲ ვითარმედ
Line: 32 "ამისსა უფროჲსი სიყუარული არა ვის აქუს, რაჲთა და-ვინმე-დვას სული თჳსი
Line: 33 მეგობართა თჳსთა-თჳს".
Line: 34 ამათ თანა მოიჴსენების მონაზონიცა იგიი რომელმან კბილითა გარდაიკუეთა
Page: 251 Line: 1 ენაჲ და სისხლით-ურთ შეამსხურია იგი პირსა ბილწებად აღმაზრზენელისა
Line: 2 მისისა მეძვისასა და თავსა თჳსსა ვიდრე-მე სიმრავლე სალმობათა და ტკივილთაჲ
Line: 3 გემოთა წილ. ხოლო მას ფრიადნი სირცხჳლი და უსახურობაჲ მოუგო, ნაკადულისა
Line: 4 მიერ სისხლთაჲსა უშუერყოფითა შესახედავისა მისისაჲთა. რომელი
Line: 5 ესმა რაჲ ელენთა, დაუკჳრდა მონაზონისა მის სიწმიდის-მოყუარებისა
Line: 6 გულს-მოდგინებაჲ.
Line: 7 და ვითარცა იძლინეს ბოროტთა ბოროტად მსახურნი იგი მძლავრნი დიოკლიტიანე
Line: 8 და მაქსიმიანე სიმრავლითა მოწყუედილთაჲთა, ბრძანებაჲ დადვეს, რათა
Line: 9 რომელნიცა იპოებოდინ ქრისტიანენი, მარჯუენე თუალი აღმოეჴდებოდის, არა
Line: 10 ხოლო ტკივილისა-თჳს ოდენ, არამედ შეურაცხებისა-თჳსცა და შესწავებულებისა-თჳს
Line: 11 მოქალაქობისაგან ჰრომაელთაჲსა უცხოობისა მათისა. რომელთა მრისხანედ
Line: 12 ეწია საღმრთოჲ საშჯელი და სამართლად აღჰფხურნა იგინი ცხორებისაგან და
Line: 13 ერთი ვიდრე-მე მოიკლა განმზრახობისა მიერ სჳნკლიტიკოსთაჲსა, ხოლო მეორემან
Line: 14 შიშთვილიბა.
Line: 15 ნ̂ბ. ხოლო შემდგომად დიოკლიტიანჱსსა და მაქსიმიანჱსსა მეფე იქმნნეს
Line: 16 ჰრომთა ზედა მასვე და ერთსა ჟამსა კოსტანტიოს და სევიროს და მაქსიმინოს და
Line: 17 მაქსენტი. და კოსტანტიოს უკუე და კოსტანტინოს, ძემან მისმან, ღალლიაჲ და
Line: 18 ვრეტანიაჲ დაიპყრეს ხოლო სევიროს და მაქსენტი ჰრომი. და მაქსიმინოს
Line: 19 აღმოსავალი, რომელსა, ვითარცა მრავალთა საძაგელებათა და უწესოებათა განუძღომელად
Line: 20 მოქმედსა, ამათ თანა დევნულებისა მწარისა ყოველსა შინა აღმოსავალსა
Line: 21 ქრისტეანეთა-თჳს აღმძრველსა, რომლისა-ზე მრავალნი კეთილად მსახურთაგანნი
Line: 22 იწამნეს, სამართლად მიეჴადნეს პატიჟნი ღირსნი კადრებათანი ვითარცა
Line: 23 საუკუნოდ შემთხუვადისა მისდა ტანჯვისა წინაშესავალნი რაჲმე და წინდნი.
Line: 24 რამეთუ მძჳნვარითა სნეულებითა მოცვულსა ძლიერნი სალმობანი და ტკივილნი
Line: 25 დამჴსელნი ყოვლისავე გუამისანი შეექმნებოდეს. და შინაგანნი ვიდრე-მე
Line: 26 შინაგანმგზებარისა მის მჴურვალებისა სიმძაფრითა საწყალობელად განეხრწნებოდეს,
Line: 27 ხოლო გარეშე გუამი ყოველი სახედ ცჳლისა დადნებოდა. და ამათ თანა
Line: 28 სახედველნი წარწყმდეს, და სენსა სიბრმისასა შთავარდა ყოვლად-მედგარი. და გარდარეულებითა
Line: 29 მგზებარეობისა მოტყინარებათაჲთა ძუალნი დადნეს და შეჰჴმეს ჴორცთავე
Line: 30 თანა, ვიდრემდის უჩინო იქმნა მისგან შესახედავი კაცობრივისა სახისაჲ. ვინაჲცა
Line: 31 ამიერ საწყალობელად განხრწნილი და უბადრუკებით განრყუნილი და დალპოლვილი
Line: 32 ესოდენსა სულ მყრალობასა განუტევებდა, ვიდრემდის არა რაჲთ განეყოფვოდა
Page: 252 Line: 1 საფლავსა შინა დაჴსნილთა მკუდართა. ხოლო მან ამათ შინა კნინ ოდენ რაჲმე
Line: 2 ცოცხალმან სულთ-ითქუნა და სიკუდილსა ჰხადა, და ვითარცა აღსასრულად მიახლებაჲ
Line: 3 თჳსი აგრძნა მედგარმან ესე ვითარი რაჲმე თქუა. ჵ მე, საწყალობელსა და
Line: 4 ღირსსა გოდებათასა, თუ ვითარი ქრისტეანეთა მიმართ კადრებულთა უღმრთოებათაჲ
Line: 5 ღირსი მიმაქუს მისაგებელი" და ამათი ფრიადითა სალმობათა და ტკივილითა
Line: 6 სულისაჲთა მეტყუელი მოკუდა. რომლისა-ზე გარდარეულითა სიბოროტეთა
Line: 7 მისთა-თჳს მძჳნვარე სიყმილი და სიკუდილი ეუფლა ქუეყანასა მას, რომლისა
Line: 8 მპყრობელ იყო იგი, და თითოსახენი სენნი და სნეულებანი განჰხრწნიდეს საწყალობელთა
Line: 9 კაცთა. და ამათ თანა სომეხთა-მიერი ბრძოლაჲ ზედააღუდგა მძლავრსა,
Line: 10 და ესე ყოველნი ერთბამად მასვე და ერთსა ჟამსა შეემთხჳნეს მას, და მის-ქუეშესა
Line: 11 სოფელსა სამხილებელად ღმრთისა-მიმართისა მის ქედმაღლობისა მისისა.
Line: 12 და რამეთუ კერპთა-თჳს წარგებელისა მის მოსწრაფებისა მისისა და ჩუენდა
Line: 13 მომართ ქმნილისა-თჳს უღმრთოებისა სიყმილნი და სიკუდილნი და ბრძოლანი
Line: 14 ერთბამად მოიწინეს მის ზედა. და საწყალობელისა მის დაქცევისა თჳსისა წინაშესავალნი
Line: 15 მიიხუნა მან, და იგი ვიდრე-მე მისთანაჲთა მჴედრობისა თანა ბრძოლითა
Line: 16 სომეხთაჲთა დამჴობილ იქმნა, ხოლო სხუათა მათ მის-ქუეშისა ქალაქ-სოფლებისათა
Line: 17 მკჳდრთა ერთბამად სიყმილი და სიკუდილი უბადრუკებით განხრწნიდა.
Line: 18 და ბევრნი უკუე იყვნეს ქალაქად-ქალაქად მომწყდარნი. ხოლო უმრავლესნი
Line: 19 სოფლად-სოფლად და დაბნებად. უფროჲსღა სათქუმელ არს, ვითარმედ
Line: 20 კნინღა და ყოველნივე ნაკლულევანებითა საზრდელისაჲთა და მომსრველობითა
Line: 21 სნეულებისაჲთა სიკუდილსა მიეცემოდეს რამეთუ რომელნიმე თივათა პირუტყუთ-სახედ
Line: 22 ჭამითა მოსწყდებოდეს, ხოლო რომელნიმე განბიცებულნი ვითარცა
Line: 23 კერპნი რაჲმე მკუდარნი აქა და იქი რყევით მიმოკუეთებულნი და შებრკოლებულნი
Line: 24 დაცჳოდეს ფოლოცთა ზედა. ვინაჲცა მკუდართა და შიშუელთა გუამთა მრავალდღე
Line: 25 დაუფლველად მივრდომილებაჲ საწყალობელსა და სალმობიერსა ხილვასა
Line: 26 მიჰმადლებდა მხილველთა, ხოლო რომელნიმე შესაჭმელ იქმნებოდეს ძაღლთა.
Line: 27 და კუალად არა უდარეს ამისსა სასიკუდინე სენი ოჴერ ჰყოფდა ყოველ
Line: 28 სახლსა ესე ვითარებ უკუე იყვნეს მაქსიმინოჲს უგუნურისა ქედმაღლობისა მისაგებელნი
Line: 29 და ესე ვითარ მისი ყოვლად-მწარე აღსასრული. რამეთუ ძეგლსა შინა
Line: 30 აღწერით დასახნა ესე, ვითარმედ უკუეთუ ნათესავი ქრისტეანეთაჲ აღიჴოცოს,
Line: 31 რომელთა კეთილთა უნაკლულოებითა გარდაცემულ იქმნე მოქალაქობაჲ ჰრომაელთაჲ.
Line: 32 რომლისა-თჳსცა სიყმილი და სიკუდილი და უწჳმროებაჲ და ყოველი,
Line: 33 რაოდენი რაჲ არს თქუმად შესაძლებელი ძჳრი, მაშინდელთა მათ კაცთა ეუფლა,
Line: 34 ვითარცა ითქუა.
Page: 253 Line: 1 ხოლო კოსტანტი, რომელსა იგი ეწოდებოდა მწუანე მდელოჲს ფერობისა-თჳს
Line: 2 ფერსა პირსა მისისა, დაუტევა რაჲ სიკუდილითა ცხორებაჲ. ძე მისი კონსტანტინე
Line: 3 მონაცვალე ექმნა მთავრობისა. რომლისა სიძვისაგან შობილობასა მეტყუელნი
Line: 4 იმხილებიან განცხადებულად თითოსახეთა აღმწერელთა მიერ ვითარცა
Line: 5 სიტყუამტყუვარნი და ამაოცნობანი. ეგრეთვე მსგავსად, ვითარცა მოკუდა სევიროს,
Line: 6 ლიკინიოს სიძე კოსტანტინჱსი შემოვიდა ნაცვლად. ხოლო კოსტანტინეს
Line: 7 შემდგომად სიკუდილისა მამისა მისისა შეემთხჳა სენი რაჲმე, ვიდრემდის ვერცა
Line: 8 მოგუთა წინაჲსწარმცნობელობამან, ვერცა ჴელოვნებამან მკურნალთამან და შეზავებამან
Line: 9 წამალთამან უძლო განკურნებად მისსა, რომლისა მიმართ მივიდეს მსახურნი
Line: 10 კერპთანი და ჰრქუეს ვითარმედ "უკუეთუ აღავსო ავაზანი უხრწნელთა ყრმათა
Line: 11 სისხლითა და ცხელსა მას პეროობასა შინა სისხლისასა შთასწვე და იბანო, განკურნებად
Line: 12 ხარ გუემულებისა მაგისგან". ამის-თჳსცა შეკრბებოდა ყოვლისავე მის
Line: 13 სამთავროჲსაგან სიმრავლე ყრმათაჲ ბრძანებითა სამეფოჲთა. და დღესა ერთსა
Line: 14 გარესლვასა მეფისასა შეემთხჳნეს მას ყოველნი იგი დედანი მშობელნი მათ ყრმათანი
Line: 15 თმაგანჴსნილნი და ძუძუგანშიშულებულნი ფრიადისა თანა გოდებისა და
Line: 16 ცრემლთა. რომელთა-თჳს იკითხა მეფემან და, ვითარცა ისწავა, ვითარმედ დედანი
Line: 17 არიან მოსიკუდიდ განჩინებულთა ყრმათანი, ცრემლნი გარდამოსთხინა და
Line: 18 თქუა: "უფროჲსღა კეთილ არს ჩემდა, რათა მოვკუდე ცხორებისა-თჳს უბრალოთა
Line: 19 მათ ყრმათაჲსა, ვიდრეღა მოწყუედითა მათითა უსახურისა და კაცთ-მოძულისა
Line: 20 ცხორებისა აღრჩევაჲ და ამიერ მომავალისა სიმრთელისამიმთხუევაჲ". და ესენი
Line: 21 რაჲ თქუნა წარჩინებულთა მიმართ, თჳთ შევიდა პალატად და არა ხოლო
Line: 22 შვილთა მათთა უკუნცემაჲ ბრძანა დედებისაჲ მის, არამედ საჴედრებისაცა და
Line: 23 საგზლისა უხუებით მიცემაჲ მათი განაჩინა, მიიქცეოდინ რაჲ სახიდ თჳსა.
Line: 24 და ვითარცა ესე იქმნა, მას ღამესა ჩუენებაჲ იხლა მეფემან, რომელსა
Line: 25 შინა წარმოუდგეს მას მოციქულნი ქრისტჱსნი და ჰრქუეს: "ჩვენ ვართ მოციქულნი
Line: 26 ქრისტჱსნი, პეტრე და პავლე, და მოვლინებულ ვართ ღმრთისა მიერ
Line: 27 განკურნებისა შენისა-თჳს და ცხორებისა ყრმათა მათ მიმართ ქმნილისა-თჳს მოწყალებისა
Line: 28 და თანალმობისა შენისა. წარივლინე უკუე და მოუწოდე მთით სერაპიოჲთ
Line: 29 სილვესტროსს, და გიჩუენოს შენ ნამდჳლვე საღმრთოჲ და საცხორებელი
Line: 30 წყაროჲ, რომელსა შინა განბანითა არა ხოლო ჴორციელი სიმრთელე
Line: 31 მიიღო, არამედ უფროჲსღა სულიერი". და ვითარცა. განთენა, მიავლინა ნეტარისა
Line: 32 სილვესტროჲსა და ფრიადითა პატივითა მოიყვანა იგი პალატად. და აღდგა
Line: 33 მეფე და თაყუანის-სცა მას და ჰრქუა: "კეთილად მოხუედ, სილვესტრე".
Line: 34 და ეპისკოპოსმან მიუგო: "მშჳდობაჲ უფლისაჲ მიერ და მაცხოვრებაჲ მიგემადლენინ
Page: 254 Line: 1 შენ". და მეფემან ჰრქუა: "გევედრები უწყებად ჩემდა, უკუეთუ გქონან
Line: 2 ვინ ღმერთნი პეტრედ და პავლედ სახელდებულნი". და ეპისკოპოსმან თქუა:
Line: 3 "ჩუენ ერთი ღმერთი გუაქუს, შემოქმედი ცათა და ქუეყანისაჲ, რომლისა სარწმუნონი
Line: 4 მონანი არიან პეტრე და პავლე". ხოლო მეფემან ჰრქუა: "ძალ გიცა,
Line: 5 ჵ ეპისკოპოს, გამოსახვისა რაჲსამე მიერ ჩუენებაჲ ჩემდა სახეთა მათთაჲ. რათა
Line: 6 ვცნა უცხადესად-რე, უკუეთუ იგინი არიან მოვლინებულნი ჩემდა ღმრთისა
Line: 7 მიერ?" და მეყსეულად უბრძანა ეპისკოპოსმან დიაკონსა თჳსსა მოხუმაჲ ფიცარსა
Line: 8 ზედა დასახულთა მსგავსებათა მათთაჲ რომელნი ვითარცა იხილნა მეფემან,
Line: 9 ხმა ყო ხმითა დიდითა: "ესე არიან ჭეშმარიტად, რომელნი სიზმრივ წარმომიდგეს
Line: 10 მე და მიბრძანეს მოწოდებაჲ შენი, ჵ სილვესტრე. და აწ მიჩუნე
Line: 11 მე წყაროჲცა რომელი თქუეს, რომლისა მიერ სულით და ჴორცით ვცხონდე".
Line: 12 და მუნქუესვე ბრძანა ებისკოპოსმან შემზადებაჲ ემბაზსა წლისასა და ნათელ სცა
Line: 13 მეფესა. და მყის აღმოვითა ემბაზისაგან განმრთელებული და წყალსა შინა დამტევებელი
Line: 14 ნაგუემთა ჴორცთასა ვითარცა ქეცთა რათმე თევზისათაჲ. რომელი
Line: 15 ვითარცა იხილეს განმზრახობამან სჳნკლიტიკოსთამან და სიმრავლემან ერისამან
Line: 16 მიმღებელად სრულიადისა სიმრთელისა, ღაღად ყვეს და თქუეს "ერთ არს
Line: 17 ღმერთი ქრისტეანეთაჲ, დიდი და საშინელი. და ამიერითგან ყოველთა გურწამს
Line: 18 მისა მიმართ და ნათელ ვიღებთ რამეთუ ვიხილენით დღეს დიდნი საკჳრველებანი".
Line: 19 რომელთა მიმართ მეფემან თქუა: "კაცობრივნი ვიდრე-მე საქმენი იძულებით
Line: 20 იქმნებიან. ხოლო საღმრთონი თჳთაღრჩევით. ვინაჲცა ღმერთი კეთილითა აღრჩევითა
Line: 21 და გულითადითა სიყუარულითა ირწმუნების. ამის-თჳს არა იძულებისა,
Line: 22 არამედ თავის-უფლისა ბჭობისა მიერ გამომრჩეველთაჲ გუნებავს ქრისტეანეყოფაჲ,
Line: 23 რომელთა იგი თჳთ ენებოს, და არა კაცობრივითა შიშითა მოყვანებაჲ
Line: 24 ღმრთის-მსახურებად". და ვითარცა ესმა ესე ყოველთა, სურვილად მის სარწმუნოებისა
Line: 25 და სიყუარულად მისსა აღეტყინნეს, უფროჲსღა რამეთუ სთნდა მეფისაცა
Line: 26 და სარწმუნოებისა სიმშჳდე და მყუდროებაჲ. და მუნქუესვე დედამან მისმან
Line: 27 ელენი ნათელი იღო და ნათესავთა და მეგობართა მისთა.
Line: 28 ამისსა შემდგომად ესმნეს მაქსენტის მიერ ქმნილნი ჰრომეს შინა უწესონი და
Line: 29 ძჳრნი საქმენი, რომელთა ძლით სავედრებელისა ჰრომთაჲსა მიმთუალველმან განილაშქრა
Line: 30 მას ზედა, და ნიში რაჲ ჯუარისაჲ ნათლის სახე ცათა შინა იხილა, რომელსა
Line: 31 ზედა წერილ იყო ვითარმედ "ამით სძლო", მეყსეულად ოქროჲთ-შენაწევრებულთა
Line: 32 მიერ სახოვან ყო იგი ქვათა და შუბსა ზედა აღმართებულისაჲ ბრძანა წინა წარძღუანვაჲ
Line: 33 ლაშქრისა თჳსისაჲ, რომლითა სძლო მაქსენტის მდინარესა რასმე
Line: 34 ზედა და ეგრეთ შევიდა და დაიპყრა ჰრომი, ხოლო მაქსენტი მდინარესა შთაიშთო
Line: 35 გაქცეული, რომლისა-თჳს მატიანემრავალი ევსევიცა იტყჳს. და რომლისა
Page: 255 Line: 1 ზედა სრულ იქმნა განცხადებულად ვითარმედ "ეტლები ფარაოჲსი და ყოველი
Line: 2 ძალი მისი შთასთხია ზღუასა. რჩეული მჴედრები სამმდგომთაჲ მათ დაანთქა ზღუასა
Line: 3 მეწამულსა. ღრმამან დაფარნა იგინი". რამეთუ ეგრეთვე მაქსენტი და ჭურვილნი
Line: 4 მისნი და სპარაზენნი დაჴდეს სიღრმედ ვითარცა ლოდი, რაჟმს იგი ღმრთისა-მიერსა
Line: 5 მას ძალსა კოსტანტინჱსსა ზურგი მიაქცია მეოტმან მდინარესა ზედა,
Line: 6 რომელი მან დაბურა და განკიდა და წარსაწყმედელად თავისა თჳსისა უკეთურებით
Line: 7 მოიჴელოვნა და მთხრებლი, რომელი თხარა, შთავარდა და მიექცა სალმობაჲ
Line: 8 მისი თავსა მისსა და სიცრუვე მისი თხემსა მისსა ზედა დაუჴდა. და ესრეთ
Line: 9 იგი ვიდრე-მე და მისთანანი დაჴდეს ვითარცა ბრპენნი წყალთა მათ შინა ფრიადთა.
Line: 10 ხოლო საღმრთომან კოსტანტინე ადიდა ღმერთი საქმეთა მათ ზედა და
Line: 11 ესრეთ ძლევა შემოსილმან მიიმართა ჰრომედ, რომლისა მიგებებად განვიდეს მყის
Line: 12 ყოველი სიმრავლე ერისა ჰრომაელთაჲსაჲ დედებისა თანა და ყრმებისა ბრწყინვალითა
Line: 13 პირითა და სახარულევანითა თუალითა და სულითა მიჰხედვიდეს მას და
Line: 14 შეიწყნარებდეს მას, ვითარცა მჴსნელსა და მაცხოვარსა და ქველის მოქმედსა და
Line: 15 საქებელთა და სახარულევანთა ხმათა მიერ მადლობით მოიკითხვიდეს. ხოლო მან
Line: 16 ვითარცა თანა ნერგად თჳსსა მომგებელმან ღმრთისა მიმართისა კეთილად-მსახურებისამან
Line: 17 და რაჲთურთით არა აღტაცებულმან არცა ზუაობით შერყეულმან ხმობასა
Line: 18 მას ზედა ქებათასა საღმრთოსა შეწევნასა მიაჩემა მიზეზი ძლევათა წარმართებისაჲ.
Line: 19 და ესრეთ ღმრთის მოძულენი ვიდრე-მე წარწყმდეს და უჩინო იქმნნეს და
Line: 20 მცირედჟამ მომგებელნი მთავრობისანი საუკუნოჲსა დავიწყებისა მთხრებლად ყოვლით
Line: 21 სახლით და სახლეულით-ურთ შთაჴდეს და მიეცნეს. რომელთა-თჳს სიტუაჲ
Line: 22 იტყჳს კუალად ვითარმედ "მახჳლი იჴადეს ცოდვილთა და გარდააცუეს მშჳლდსა
Line: 23 მათსა დაცემად გლახაკისა და დავრდომილისა და მოკლვად წრფელთა გულითა.
Line: 24 არამედ მახჳლი მათი განეწონა გულსა მათსა და მშჳლდი მათი შეიმუსრა"
Line: 25 ხოლო ეკლესიისა მიმართ კეთილად-მსახურთაჲსა კუალად იტყჳს საღმრთოჲ
Line: 26 სიტყუაჲ ვითარმედ "ნუ გეშინინ რამეთუ კდემულ იქმენ, ნუცა გრცხუენინ რამეთუ
Line: 27 ყუედრებულ იქმენ, რამეთუ სირცხჳლი შენი უკუნისამდე დაივიწყოს, და ყუედრებაჲ
Line: 28 ქურივობისა შენისაჲ არღა მოიჴსენოს" და შემდგომთა.
Line: 3 ხოლო შემდგომად მაქსენტისსა მეფე იქმნა კოსტანტინე დიდი, რომელმან
Line: 4 მეყსეულად ბრძანებანი განსცნა ყოვლით-კერძო, რათა ექსორიობათა შინა მყოფნი
Line: 5 ქრისტეანენი ადგილთავე თჳსთა პატივით კუალად ეგნენ და ტაძარნი უკუე კერპთანი
Line: 6 დაირღუენ. ხოლო ეკლესიანი ქრისტჱსნი აღეშენნენ ამათ თანა დასხნა
Line: 7 სჯულნიცა საყოველთაონი რათა ტაძარნი კერპთანი მღდელთა ქრისტჱსთა მიეცნენ
Line: 8 და რათა მხოლოდ ქრისტეანენი ოდენ მთავრობდენ და მოლაშქრეობდენ, და
Line: 9 ოთხშაბათსა და პარასკევსა ყოველნი იმარხვიდენ და კჳრიაკესა უქმობდენ და პატივ
Line: 10 სცემდენ, მათ უკუე ვნებისა-თჳს, ხოლო ამას აღდგომისა-თჳს უფლისა, და
Line: 11 ჰურიასა მონასა არა მოიყიდდეს არცა სჯულისაებრთა მსხუერპლთა შესწირვიდენ,
Line: 12 და ჯუარითა არღარა ვინ დაისჯებოდის პატივისა-თჳს ჯუარისა, და რათა დრაჰკანსა
Line: 13 მისსა და ხატსა ჯუარი თანადაისახვოდის მარადის. ხოლო ცოლად ესუა მაქსიმინა
Line: 14 ასული დიოკლიტიანჱსი, რომლისაგან შვნა სამნი ძენი, კოსტანტინე და კოსტა
Line: 15 და კოსტანტიოს, ხოლო ძმანი დალმატი და კონსტანტიოს, რომელთა ესხნეს
Line: 16 ძენი, დალმატიოსს უკუე სხუაჲ დალმატიოს, ხოლო კონსტანტიოსს ღალოს
Line: 17 და იულიანე.
Line: 18 ხოლო კაპეტოლსა შინა ჰრომისასა მთხრებლსა რასმე შთასავალსა შინა
Line: 19 მქონებელსა სამას სამეოცდახუთისა ხარისხისასა მკჳდრ იყო ვეშაპი რაჲმე ყოვლად
Line: 20 დიდი, რომელი იგი მრავალგზის მთხრებლისა მისგან ანაზდაით აღმოჭჳრობითა
Line: 21 და მობერვითა მძჳნვარედ განჰრყუნიდა მყოფთა ქალაქისათა და უფროჲსღა
Line: 22 ყრმათა. რომლისა-თჳს ევედრნეს ელენთაგანნი ვიეთნიმე საღმრთოსა სილვესტროსს
Line: 23 და ჰრქუეს: "შთავედ, ჵ ეპისკოპოს, მჴეცისა მიმართ და ყავ სახელითა
Line: 24 ღმრთისა შენისაჲთა, რათა დაეცადოს მის-მიერი ხრწნილებაჲ კაცთაჲ წელიწადსა
Line: 25 ერთსა, და გურწმენეს ყოველთა და ნათელ ვიღოთ". ხოლო სილვესტროს შთავიდა
Line: 26 მუნ და პოვა სენაკი მცირე, რომელსა აქუნდეს ბჭენი რვალისანი, რომელსა
Line: 27 შინა მკჳდრ იყო ვეშაპი, და, ვითარცა დაჰჴშნა იგი სახელითა ქრისტჱსითა,
Line: 28 არღა გამოვიდა ვეშაპი იგი მიერ. ესრეთ ორნი რაჲ წელნი გარდაჴდეს, ყოველნივე
Line: 29 იგი, რომელნი პირველ მსხუერპლითა ჰმსახურებდეს ვეშაპსა, და სხუანი
Line: 30 მრავალნი მოუჴდეს საღმრთოსა სილვეიტროსს და ნათელ იღეს.
Line: 31 ხოლო საღმრთომან კოსტანტინე შეკრიბნა ჰურიანი მღდელნი და მწიგნობარნი
Line: 32 კაცნი ასოცნი, რათა სიტყჳს-გება ყონ სილვესტროსის თანა გამოცხადებისა-თჳს
Line: 33 სრულიადისა ჭეშმარიტებისა და დაჴსნისა-თჳს ჰურიაებრივისა ურცხჳნოებისა
Page: 257 Line: 1 და მომზრახობისა სადა იგი შემოკრბა კნინღა და ყოველი ქალაქი
Line: 2 წინაშე სამეფოჲსა სამსჯავროჲსა სმენად სიტყჳს-გებასა ორკერძოთავე მწყობრთასა
Line: 3 სარწმუნოებისა-თჳს ქრისტჱსისა. და ჰურიათა ვიდრე-მე იწყეს სილვესტროჲს
Line: 4 მიმართ სიტყუად ესრეთ: "რომელმან წერილმან მოასწავა წინაჲსწარ ძისა-თჳს
Line: 5 მარიამისა, და რომელმან წინაჲსწარმეტყუელმან ვითარცა ღმერთი წინაჲსწარ
Line: 6 ქადაგა მარიამისგან შობილი იგი?" ხოლო სილვესტროს მიუგო და ჰრქუა:
Line: 7 "ნამდჳლვე სცთებით ჭეშმარიტებით არმაცნიერებითა წერილისაჲთა არცა მათ
Line: 8 შინა მდებარისა საიდუმლოჲსა მოძღურებისაჲთა. რამეთუ ვის-თჳს თქუა დიდმან
Line: 9 ესაია ესრეთ "აჰა ქალწულმან მუცლად იღოს და შვეს ძე და უწოდიან სახელი
Line: 10 მისი ემმანუილ", რომელ არს ჩუენ თანა ღმერთი? და "პირველ ვიდრე ცნობადმდე
Line: 11 ყრმისა ხდასა მამისა ანუ დედისასა წარმოიღოს ძალი დამასკისაჲ და ნატყუენავი
Line: 12 სამარიაჲსაჲ წინაშე მეფეთა ასურასტანისათა". ხოლო ღმრთ სამხილველი
Line: 13 მოსე: "აღმოჰჴდესო ვარსკულავი იაკობისგან და კაცი ისრაჱლისაგან და მოსრნეს
Line: 14 მთავარნი მოაბისანი". და "გამოვიდეს კაცი თესლისაგან მისისა და ეუფლოს ნათესავთა
Line: 15 მრავალთა". აწ უკუე, რამეთუ ვითარცა კაცი გამოჩინებად არს, ამათ მიერ
Line: 16 წინამოესწავების; ხოლო რამეთუ უფალი არს ყოველთაჲ ჴაცად გამოჩინებული
Line: 17 იგი, წინაჲსწარ მოასწავებენ კუალად მეტყუელნი ესრეთ: "აჰა უფალი დაჯდეს
Line: 18 ღრუბელსა ზედა სულ მცირესა და მოვიდეს ეგჳპტედ, და შეიძრნედ ჴელით-ქმნილნი
Line: 19 ეგჳპტისანი". და "აჰა ღმერთი ჩუენი მოვიდეს და მაცხოვნნეს ჩუენ. და მაშინ
Line: 20 განეხუნენ თუალნი ბრმათანი და ყურნი ყრუთანი აღეხუნენ, და ვლდებოდის ვითარცა
Line: 21 ირემი მკელობელი. და ცხად იყოს ენაჲ ბრგჳნვილი". ვინაჲცა წინაჲსწარმეტყუელებაჲ
Line: 22 ვიდრე-მე მოსლვასა ღმრთისასა ქადაგებს წინაჲსწარ, ხოლო სასწაულნი ჟამსაცა
Line: 23 მოსლვისასა საცნაურ ჰყოფენ რამეთუ მაშინ აღესრულნეს ესენი რომელნი არა
Line: 24 ოდეს ქმნილ არიან სხჳსა ვისგანმე უწინარეს ამისსა ისრაჱლსა შორის. ხოლო
Line: 25 ვნებისა მისისა-თჳს კუალად იტყჳს: "კაცი წყლულებასა შინა იყო და იცის თავსდებაჲ
Line: 26 გუემისაჲ, უპატივო იქმნა და არა შეჰრაცხა. ამან ცოდვანი ჩუენნი იტჳრთნა
Line: 27 და ჩუენთჳს ელმოდა. და ჩუენ შევჰრაცხეთ იგი ყოფად სალმობასა შინა
Line: 28 და წყლულებასა და განბოროტებასა. ხოლო იგი იწყლა ცოდვათა ჩუენთა-თჳს და
Line: 29 იგუემა უსჯულოებათა ჩუენთა-თჳს. სწავლაჲ მშჳდობისა ჩუენისაჲ მის მიერ,
Line: 30 წყლულებითა მისითა ჩუენ განვიკურნენით". და "რამეთუ აღებულ არს ქუეყანით
Line: 31 ცხორებაჲ მისი, ხოლო ნათესავი მისი ვინმე მიუთხრას". და მოსე "ხედვიდეთ,
Line: 32 იტყჳს, ცხორებასა თქუენსა დამოკიდებულსა წინაშე თუალთა თქუენთა და არა
Line: 33 გრწმენეს". და დავით პირისაგან ქრისტჱსისა იტყჳს: "განჴურიტნეს ჴელნი ჩემნი
Line: 34 და ფერჴნი ჩემნი". და "განიყვნეს სამოსელნი ჩემნი" და შემდგომსა. ხოლო
Line: 35 ვითარმედ სასოებაჲ იყო წარმართთაჲ, იაკობ უკუე წინაჲსწარ თქუა: "არა მოაკლდეს
Page: 258 Line: 1 მთავარი იუდაჲსგან არცა წინამძღუარი წყვილთაგან მისთა, ვიდრემდის
Line: 2 მოვიდეს, რომლისადა დამარხულ არს, და იგი არს სასოებაჲ წარმართთაჲ". და
Line: 3 კუალად ესაია: "და იყოს ძირი იესჱსი, რომელი აღდგომად არს მთავრად წარმართთა,
Line: 4 და მას წარმართნი ესვიდენ". და ესე ვიდრე-მე მცირედნი ითქუნეს გამოსაჩინებელად
Line: 5 ქმნილთა მათ. ხოლო ყოველი წერილი სავსე არს მხილებითა ურწმუნოებისა
Line: 6 თქუენისაჲთა. რამეთუ ვის ოდესცა საღმრთოთა წერილთა შინა მოჴსენებულთა
Line: 7 წმიდათა წინაჲსწარმეტყუელთა და მართალთაგანსა მხოლოჲსა ქალწულისა
Line: 8 ოდენ მიუღიეს შემტკიცებაჲ ჴორცთაჲ? ანუ ვისსა შობასა წინამსრბოლქმნილ
Line: 9 არს ვარსკულავი ზეცათა შინა და შობილი იგი უუწყებია ყოვლისა სოფლისადა?
Line: 10 კუალად რომელი მეფეთაგანი უწინარეს შემძლებელობასა ხდად სახელსა
Line: 11 მამისა ანუ დედისასა მეფე იქმნა და ძლევაჲ აღადგინა მტერთა ზედა? ანუ რომელი
Line: 12 აღდგა ესე ვითარი მეფე ისრაჱლსა შორის, რომლისა მიმართმცა დაედვა ყოველი
Line: 13 სასოებაჲ წარმართთა, და არამცა ყოვლით-კერძო წინააღდგომილ იყვნეს მისდა?
Line: 14 რამეთუ ვიდრემდის ეგო ისრაჱლი, ბრძოლაჲ დაუგებელი მოეგო მისსა მიმართ,
Line: 15 და სამარადისოდ მბრძოლ იყვნეს ისრაჱლისა, რამეთუ ასურასტანელნი
Line: 16 აჭირვებდეს, მეგჳპტელნი სდევნიდეს, ბაბილოვნელნი სტყუენვიდეს და ასურნი
Line: 17 ზედააღუდგებოდეს. ანუ არა დავით უკუე ასურთა და მოაბელთა ჰბრძოდა და
Line: 18 იბრძოლებოდა, ხოლო იოსია მახლობელთა მიერ იბრძოლებოდა, ამათ თანა ეზეკიაცა
Line: 19 მოშიშ იყო ამპარტავანებისაგან სენაქირიმისსა? და ისოს ვიდრე-მე აღმორეველი
Line: 20 წინააღუდგებოდა, ხოლო მოსეს ამალეკი წინაგანეწყვებოდა, და, ვითარმედ
Line: 21 ყოვლით-ურთ მოუმშჳდებელ იყო ისრაჱლისა მიმართ მოუმდოვრებელობაჲ
Line: 22 წარმართთაჲ, ვიდრე აქამომდე მოწამე არიან საქმენი.
Line: 23 და მწიგნობართა მიუგეს და ჰრქუეს: "არა უვარ ვჰყოფთ, ვითარმედ ეგე
Line: 24 ყოველნი წერილ არიან, ხოლო მოვედით ჯერეთ არღა სადა მოსრულსა სიტყუასა
Line: 25 ღმერთსა". ხოლო სილვესტროს ჰრქუა: "და ვითარ არა გესმა დანიელისი
Line: 26 განცხადებულად წარმომეტყუელისა და ჟამსა შობისასა და საცხორებელისა ქრისტჱს
Line: 27 მოსლვისასა წარმომაჩინებელისაჲ? რამეთუ ესრეთ თქუა მისსა მიმართ
Line: 28 მზრახვალმან ანგელოზმან ვითარმედ "სამეოცდაათნი შჳდეულნი სრულ იქმნნენ
Line: 29 ერსა შენსა ზედა და ქალაქსა წმიდასა დასრულებად ცოდვისა და ლხინებად უსამართლოებისა
Line: 30 და დაბეჭდვად ცოდვასა და აღჴოცად უსამართლოებასა და მოწოდებად
Line: 31 სიმართლესა საუკუნესა და დაბეჭდვად ხილვასა და ცხებად წმიდათა წმიდათასა.
Line: 32 და სცნა და გულის-ხმა ჰყო: გამოსლვითგან სიტყჳსაჲთ მიგებად და
Line: 33 აღშენებად იერუსალჱმისა ვიდრე ქრისტჱსამდე წინამძღურისა შჳდეულნი შჳდ
Line: 34 და შჳდეულნი სამეოც და ორ". და სხუათა მიმართ ვიდრე-მე ნუ უკუე და ჰმიზეზობდეთ
Line: 35 და ყოფადთა ჟამთა შინა იტყოდეთ აღსრულებადობასა წერილთასა.
Page: 259 Line: 1 ხოლო ამათდა მიმართ რაჲ ძალ გიც თქუმად ანუ რაჲთ-ურთით აღებადცა პირისა?
Line: 2 სადა ესე ცხებაჲცა იქადაგების და ცხებული იგი არა კაცად, არამედ
Line: 3 წმიდად წმიდათად აღიარების. და ვიდრე მოსლვად მისდამდე იერუსალჱმი
Line: 4 ჰგიეს, ხოლო მიერითგან ყოველი წინაჲსწარმეტყეელებაჲ და ხილვაჲ დასცხრების
Line: 5 ისრაჱლისა შორის, ცხებულ უკუე იქმნნეს ძუელად დავით და სოლომონ
Line: 6 და ეზეკია. არამედ იერუსალჱმი და ადგილი ეგნეს, და წინაჲსწარმეტყუელნი
Line: 7 წინაჲსწარმეტყუელებდეს, და კუალად ცხებულნი იგი წმიდად კაცად და არა წმიდად
Line: 8 წმიდათად იცნობებოდეს. ხოლო ოდეს დასცხრა წინაჲსწარმეტყუელებაჲ
Line: 9 და ხილვაჲ იერუსალჱმით, თჳნიერ აწ, ოდეს წინაჲსწარმეყუელებული და წმიდაჲ
Line: 10 წმიდათაჲ ქრისტე მოვიდა? ვინაჲცა ნამდჳლვე დიდი და ცხადი სასწაული
Line: 11 არს მოსლვისა და გამოჩინებისა მისისაჲ, არღა მერმეცა გებულად დგომაჲ იერუსალჱმისაჲ,
Line: 12 არცა აღდგომაჲ წინაჲსწარმეტყუელისაჲ, არცა ხილვისა გამოცხადებაჲ
Line: 13 მათდა. და სამართლად იქმნა ესე. რამეთუ ვინაჲთგან მოვიდა უწყებული
Line: 14 და მოსწავებული, რა და რა საჴმარ იყო მყოფობაჲ მაუწყებელთა და მომასწავებელ?
Line: 15 რამეთუ ამის-თჳს წინაჲსწარმეტყუელებდეს, ვიდრემდის მოვიდა წინაჲსწარმეტყუელებული
Line: 16 და დამჴსნელი ყოველთა შეცოდებისაჲ. რომელი უკუე წინამძღუარი
Line: 17 გამოვიდა ბეთლემით და იერუსალჱმსა მწყსიდა, რომლისა გამოსლვაჲ
Line: 18 დასაბამითგან დღეთა საუკუნეთა და პირველ მზისა ჰგიეს სახელი, და
Line: 19 მიუთხრობელ არს ნათესავი, ვითარცა წერილ არს? და წმიდათა ყოველთაჲ მოთხრობილად
Line: 20 უწყით ნათესავი და დამწყებელთა იერუსალჱმისათასა მეცნიერ ვართ
Line: 21 შობასაცა და სიკუდილსა მათსა.
Line: 22 ესრეთ უკუე სიტყუა უგებდეს რაჲ ურთი-ერთას მყოვარჟამ და ფრიადითა
Line: 23 ზედა-მიწევნით დამტკიცებითა მეტყუელებდა და გამოაჩენდა სილვესტროს
Line: 24 საღმრთოთა წერილთაგან ქრისტჱს-თჳს და დიდად იძლეოდეს ჰურიანი, თქუა
Line: 25 ვინმე ერთმან მათგანმან სახელით ზამბრი სხუათა მათ ჰურიათა მიმართ: "უკუეთუ
Line: 26 სილვესტროჲს სიტყუათა ყურს უპყრობთ, საჭირო არს მამულთა სჯულთა
Line: 27 დატევებაჲ და ამაოჲსა ამის კაცისა შედგომაჲ, რომელი მამათა ჩუენთა ჯუარს
Line: 28 აცუეს. არამედ ისმინედ ჩემი მეფემან. და მოყვანებულ იქმენიდ კუროჲ ველური
Line: 29 რათა ვაჩუენო მე დღეს წინააშე მისსა ძალი სახელისა ღმრთისა ჩემისაჲ რამეთუ
Line: 30 არა სიტყუათა, არამედ საქმეთა მიერ მნებავს ჩუენებაჲ ჭეშმარიტებისაჲ". მაშინ
Line: 31 სილვესტროსცა ევედრა მეფესა მოყვანებად ეგე ვითარისა მის კუროჲსა და
Line: 32 ჰკითხა ზამბრის თუ რაჲსა-თჳს ითხოვს მოყვანებასა მისსა. ხოლო მან ჰრქუა:
Line: 33 "ვინაჲთგან სახელსა ღმრთისა ჩუენისსა ვერა_რაჲ აგებული ბუნებაჲ მოისმენს
Line: 34 ცოცხლივ, მნებავს, რათა ცხადად წარმოვაჩინო კუროჲსა მიერ ძალი მისი".
Line: 35 რომლისა მიმართ სილვესტროს თქუა: "და შენ რომლითა სახითა დაისწავე
Page: 260 Line: 1 სახელი იგი? სმენით ვისგანმე ანუ წარკითხვითა?" ხოლო მან თქუა: "ვერცა
Line: 2 ქარტასა ვერცა ხესა ვერცა ქვასა ძალ უც დატევნაჲ მის სახელისაჲ ხოლო
Line: 3 მე ვიმარხე და ლაკნასა შინა შთავასხ წყალი და მუნ დავისწავე ესე".
Line: 4 და ვითარცა ამას იტყოდა იგი, აჰა მოვიდა კუროჲცა მრავალთა კაცთა მიერ
Line: 5 ზიდვით მოყვანებული, რომელი ყოვლად-ველურ რაჲმე და დიდ იყო ფრიად.
Line: 6 და ზამბრი სილაღით ჰრქუა სილვესტროსს: "აწ უკუე სიტყუათა შენთა მიერ
Line: 7 და მიზეზმან მრავალ-მეტყუელებისა შენისამან ესერა დასასრული მიიღეს
Line: 8 ვინაჲცა უკუეთუ მოსავ ხარ სახელისა მიმართ ღმრთისა შენისა, შთაუთხარ
Line: 9 იგი სასმენელსა კუროჲსასა და ყოვლისა მპყრობელად აღსარებულ იქმნეს იგი.
Line: 10 ხოლო უკუეთუ არა, მე ვყო ესე, და ყოველი სარწმუნოებასა ჩემსა შეეძინნენ".
Line: 11 ხოლო ჰურიათა და სხუათა ერთა აწჳეს ზამბრის თქუმაჲ სახელისაჲ
Line: 12 მის სასმენელთა მიმართ კუროჲსათა. რომელი ესე იწმნა რაჲ, მყის დაიზახნა
Line: 13 დიდნი კურომან და თუალნი წარმოსცჳვნეს და მოკუდა. მაშინ უკუე მხიარულებით
Line: 14 ჰკრთებოდეს რაჲ და სილაღით იქადოდეს სილვესტროსს ზედა ჰურიანი,
Line: 15 ხოლო ქრისტეანენი ფრიად მწუხარე იყვნეს, ევედრა მეფესა სილვესტროს, რათა
Line: 16 ბრძანოს დადუმებაჲ ერისაჲ. და ვითარცა ესე იქმნა და ადგილსა მაღალსა აღვიდა
Line: 17 სილვესტროს, ხმითა დიდითა თქუა: "ისმინეთ ჩემი, წარჩინებულნო და ყოველნო
Line: 18 ქრისტეანენო, რომელთა დაგიკჳრდა აწ სიკუდილი მის კუროჲსაჲ მე
Line: 19 მეუფესა ჩემსა ქრისტესა, რომელი გახარე თქუენ, ბრმათა აღმხილველად ვიცნობ,
Line: 20 ყრუთა მასმენელად, უტყუთა აღმატყუებელად და მკუდართა აღმადგინებელად
Line: 21 სახელითა მისითა. ვინაჲცა ამიერ ცხად არს ყოველთა-თჳს, ვითარმედ
Line: 22 ეშმაკისაჲ არს სახელი იგი მომკლველი კუროჲსაჲ, რომელსა ვერ ძალ უც აღდგინებაჲ".
Line: 23 ესმა რაჲ ესე ზამბრის დაიპო სამოსელი თჳსი და თქუა მეფისა
Line: 24 მიმართ: "მე, მეფეო, სახელითა ყოვლისა მპყრობელისაჲთა მოვაკუდინე კუროჲ,
Line: 25 და ესე მგმობარი სიტყუათა ოდენ მოჰზოპავს, რომლისა-თჳსცა სამართალ არს,
Line: 26 რათა არცაღა მეტყუელებისა ადგილი მიეცეს მას" ხოლო სილვესტროს თქუა:
Line: 27 "ისმინე, ჵ ჰურიაო, შენთა წერილთა და მათგანვე პირდახშულ იქმენ კუალად.
Line: 28 წერილ არს ვითარმედ "უფალი მოაკუდინებს და აცხოვნებს", და "მე მოვაკუდინი
Line: 29 და ვაცხოვნი". აწ უკუე შთაუთხარ კუალად იგივე სახელი სასმენელთა კუროჲსათა,
Line: 30 და, უკუეთუ ცხონდეს, ვირწმუნოთ ყოველთა სახელისა მის აღსაარებაჲ.
Line: 31 ხოლო უკუეთე არა, მე მეუფესა ჩემსა ქრისტესა ვხადო და აღვადგინო იგი".
Line: 32 და ზამბრი თქუა: "თავმან მეფისამან, უკუეთუ ეგე ჰყო, ყოველთა ჰურიათა დაუტეოთ
Line: 33 სჯული და სარწმუნოებასა ქრისტჱსსა შევეძინნეთ". მაშინ სილვესტროს
Line: 34 განიპყრნა ზეცად ჴელნი და ცრემლით ილოცა მჴურვალედ, მერმე მივიდა კუროჲსა
Line: 35 მიმართ და ხმითა მაღლითა თქუა: "მე სახელსა შენსა, მეუფეო ქრისტე,
Line: 36 სასმენელად ყოველთა ვხადი ღაღდებით, რათა ისწაოს ყოველმან ამან ერმან,
Page: 261 Line: 1 ვითარმედ ეშმაკისა უკუე სახელმან მოაკუდინა კუროჲ, ხოლო წმიდისა და საცნაურისა
Line: 2 სახელისა შენისა წოდებამან განაცხოველა იგი". და მიეახლა კუროსა და
Line: 3 ჰრქუა ღაღადებითა: "სახელითა იესუ ქრისტჱსითა, რომელი ჯუარს აცუეს უსჯულოთა
Line: 4 ჰურიათა, აღდეგ და დადეგ განკრძალულებით", და მყის კურომან შეძრა
Line: 5 ყოველი გუამი თჳსი და აღდგა ხოლო სილვესტროს განჴსნა იგი საკრველთაგან
Line: 6 და ჰრქუა: "წარვედ, ვინაჲ მოხუედ, და ნუ_რა_რას ვის ავნებ გზასა ზედა"
Line: 7 რომლისა საკჳრველებისა სიდიდე იხილეს რაჲ ჰურიათა, დაუკჳრდა ფრიად
Line: 8 და განცჳბრდეს და მეყსეულად შეუვრდეს ყოველნი ფერჴთა საღმრთოჲსა სილვესტროსისთა
Line: 9 და ითხოვდეს მისგან წმიდასა ნათლის-ღებასა. და იქმნა სიხარული
Line: 10 დიდი მეფისა და ყოვლისა ერისაჲ. და განგრძობასა ორისა ჟამისსა ხმობდეს:
Line: 11 "ნამდჳლვე დიდ არს ღმერთი ქრისტეანეთაჲ და სარწმუნოებაჲ მათი".
Line: 12 ამისსა შემდგომად ინება დიდმან კოსტანტინე აღშენებად სახელსა თჳსსა
Line: 13 ზედა ქალაქი კერძოთა დასავალისათა, რომელსაცა ჩუენებით უბრძანა ღმერთმან,
Line: 14 რათა ბიზინტიას აღაშენოს და მეათორმეტესა წელსა მეფობისა მისისასა კონსტა
Line: 15 და კონსტანტინე, ძენი მისნი შექმნნა კეისრად ჰრომეს შინა, და დალმატი
Line: 16 ძმის-წული თჳსი ვრეტანიას, და დაუტევნა მათ კერძონი დასავალისანი და თჳთ
Line: 17 მოვიდა ბიზინტიად ელენის-თანა დედისა თჳსისა და ძისა კოსტანტინჱსსა და
Line: 18 ლიკიონიზ დისი ძისა თჳსისა და განაახლა პირველ ვიზოის მიერ მეფისა თრაკთაჲსა
Line: 19 აღშენებული ზღუდე ქალაქისაჲ და შესძინა სიდიდე ხანისაჲ და უწოდა
Line: 20 კოსტანტინუპოლი ხოლო ვითარცა იხილა, რამეთუ მცირედ იყვნეს მკჳდრნი
Line: 21 ქალაქისანი სიდიდისა მიმართ მისისა, ჰრომითცა და სხუათა ადგილთაგან გამომრჩეველმან
Line: 22 ღირსთა სიტყჳსათამან მკჳდრთა მიერ აღავსო ქალაქი და სახლნი
Line: 23 დიდნი აღუშენნა და მისცნა, და მათ მიერ განავრცელა ქალაქი თჳსი. ხოლო აღაშენა
Line: 24 პალატიცა და ცხენთ-სარბიელიც და ორნი დიდნი ბურვილნი ფოლოცნი და
Line: 25 ფორი, სადა იგი სუეტი მარტოქვაჲ და ყოვლად-პორფირი აღჰმართა, რომელი
Line: 26 ჰრომით მოიღო, განსაკჳრვებელი ფრიად-ფრიად. და დადგა მას ზედა ანდრიანტი,
Line: 27 რომელი მოიღო მზის-ქალაქით ფრჳგიისაჲთ და რომელსა აქუნდეს თავსა
Line: 28 ზედა მისსა შარავანდედნი შჳდნი. ხოლო სუეტი სამ წელ ოდენ მოიღო ზღჳთ
Line: 29 გარდარეულებისა-თჳს სიდიდისა და სიმძიმისა მისისა. ხოლო ზღჳს კიდით
Line: 30 ვიდრე ფორადმდე წელიწადსა ერთსა მიიღო, რაჟამს იგი თჳთ მეფე ზედაჲ[ს]-ზედა
Line: 31 მიიწეოდის მუნ და ურიცხუსა ოქროსა განუყოფდის ერსა. ამის შემდგომად
Line: 32 დამსხმელმან საფუძველად ათორმეტთა გოდორთამან, რომელნი იგი ქრისტემან
Line: 33 აკურთხნა, და პატიოსნისა ძელისამან და წმიდათა ნაწილებისამან სიმტკიცედ
Line: 34 დამცველად აღჰმართა იგი მრავლითა მანქანებითა და ჴელოვნებითა და სიბრძნითა
Page: 262 Line: 1 და ძალითა ფრიადითა საკჳრველმან მან კაცმან ყოვლად-საკჳრველი იგი
Line: 2 და მარტოქვაჲ სუეტი. ხოლო შესცთეს ვიეთნიმე მსოფლელთა და უსწავლელთა,
Line: 3 ანუ თუ უფროჲსღა სათქუმელ არს ვითარმედ უპირუტყუესთაგანნი თქუმად
Line: 4 ვითარმედ არა მარტოჲ ქვაჲ არს იგი სარტყელთა მათ მიერ რვალისათა და
Line: 5 მრავალთა ღუედთა სპილენძისათა, რომელნი იგი შესამკობელად და განსაშუენებელად
Line: 6 გარემორტყმულ არიან მისდა. და ამას თანა აღაშენნა ტაძარნი წმიდათა
Line: 7 მოციქულთაჲ და წმიდისა ირინისი და წმიდისა მოკისი და წმიდისა მთავარანგელოზისა
Line: 8 მიქაელისი ანაპლოს.
Line: 9 ამის შემდგომად განაჩინნა კეისარნი: კოსტანტიოს, ძე თჳსი, კოსტანტინუპოლის
Line: 10 და ლიკინიოს, დისი ძე თჳსი, ნიკომიდიას ბითჳნიისასა, ხოლო თჳთ
Line: 11 განილაშქრა სპარსთა ზედა, რომელთა მიერ ვედრებულ იქმნა, და ხარკისა დამდებელი
Line: 12 მათ ზედა უკმოიქცა მიერ. და ისწავა რაჲ, ვითარმედ ლიკინიოსს ტანჯვით
Line: 13 მოუწყუედინ ქრისტეანენი ნიკომიდიას შინა, განრისხნა მის ზედა ფრიად. რომელთა
Line: 14 შორის ვითარცა შენივთდა ბრძოლაჲ, ცოცხლივ შეპყრობილ იქმნა ლიკინიოს
Line: 15 ხრჳსოპოლის, და თესალონიკეს გარეშესაზღვრებულ იქმნა იგი. ხოლო
Line: 16 ვითარცა კუალად განჭაბუკნებოდა იგი და საჭურველთა შეეხებოდა, ბრძანებითა
Line: 17 კოსტანტინჱსითა მოიკლა.
Line: 18 ხოლო სანატრელი ელინი წარვიდა იერუსალჱმდ ძიებად პატიოსნისა ჯუარისა
Line: 19 და ამისმან მპოვნელმან აღაშენნა ეკლესიანი საკჳრველნი, დაარღჳა ტაძარი
Line: 20 აფროდიტისი, რომელი აღაშენა უღმრთოთა საუფლოსა ზედა საფლავსა, და უკმოიქცა
Line: 21 მიერ. და მრავალი საცხორებელი მცნებაჲ ამცნო ძესა თჳსსა ქრისტჱს-მიმართის
Line: 22 სარწმუნოებისა-თჳს და აღესრულა წელიწადთა ოთხმეოცთაჲ, რომელიცა
Line: 23 დაჰფლა ძემან მისმან ტაძარსა შინა წმიდათა მოციქულთასა კოსტანტინუპოლის.
Line: 24 ესრეთ უკუე ყოვლითავე სათნოებითა შემკულ იყო ნეტარი იგი დედაკაცი,
Line: 25 ხოლო აქუნდა ქრისტჱს-მიმსგავსებულიცა სიმდაბლე ყოველთა კაცთა მიმართ,
Line: 26 ხოლო უფროჲს ყოველთასა პატიოსნისა მიმართ სახისა მონაზოსთაჲსა.
Line: 27 რამეთუ მრავალგზის შეკრებდის მათ და მიუწოდის სამხრობად და თჳთ თავით
Line: 28 თჳსით თჳსითა ჴელითა ჰმსახურებდის ყოველსავე საჴმარსა მათისა სერობისასა
Line: 29 და წყალსა უსხმიდის ჴელთა და საქმესა მრწემისასა სრულ ჰყოფდის. ესრეთვე
Line: 30 უკუე განეწუართა მარადის ჴსენებულიცა იგი ძე მისი ქონებად აღუზუავებელისა
Line: 31 სიმდაბლისა, სათნოებისა და უნაკლულოჲსა ცხორებისა მიგებად, შიშით
Line: 32 და ძრწოლით მონებად ღმრთისა წერილთაჲსა მის-ებრ განჩინებისა. რომლისა
Line: 33 მცნებათა დამარხვითა მან მდიდრად მოისთულნა ნაყოფნი საღმრთოთა ასეულთანი.
Line: 34 რამეთუ ამის ნეტარისა მეფისა-ზე უშინაგანესნი ჰინდონი და ქართველნი
Line: 35 მოეჴდეს საღმრთოსა ნათლის-ღებასა, და სომეხთა სრულიად ჰრწმენა ტირიდატის
Page: 263 Line: 1 თანა მეფისა მათისა ღუაწლმრავლისა მიერ მოწამისა და მთავარეპისკოპოსისა
Line: 2 მათისა დიდისა გრიგოლისსა. ხოლო იქმნა ძრვაჲცა კამპანიას და დაეცნეს
Line: 3 ქალაქნი ათსამეტნი. და მოკლებაჲ მზისაჲ იქმნა ჟამსა მესამესა დღისასა,
Line: 4 ვიდრემდის ვარსკულავნიცა გამოჩნდეს ცათა შინა. და სოფელსა მელიტენელთასა
Line: 5 ესოდენი განმრავლებაჲ იქმნა ნათესავისა გუელთაჲსაჲ ადგილსა ხუთისა სახანოჲსასა,
Line: 6 ვიდრემდის ვერცარა ეტეოდეს ადგილსა მას, არამედ მბრძოლობით
Line: 7 ურთი-ერთას დასწყუედდეს და განჰხრწნიდეს, და მძორთაგან მათთა აღყროლდა
Line: 8 ადგილი მის სოფლებისაჲ და ჰურიანი აღბორგდეს აღშენებისა-თჳს ტაძარსა
Line: 9 იერუსალჱმისასა, რომელთაგანნი მრავალნი ტანჯნა საღმრთომან მეფემან კოსტანტინე
Line: 10 და ეგრეთ განბნევითა მათითა უქმად დააშთინა ჴელყოფაჲ მათი, რამეთუ
Line: 11 დაკუეთითა ყურთაჲთა მხილებულ ყო ურჩებაჲ და ცუნდრუკებაჲ მათი.
Line: 12 ამათვე ჟამთა იქმნა ნიკეას კრებაჲ სამას ათრვამეტთა წმიდათა მამათაჲ ესე
Line: 13 ვითარისა მიზეზისა-თჳს. ჰხედვიდა უკუე დიდი ესე მეფე კოსტანტინე არიოზის
Line: 14 მიერ აღშფოთებულად ეკლესიასა. ამის-თჳს მსოფლიოჲ კრებაჲ შეკრიბა. და
Line: 15 ეპისკოპოსთა-თჳს ვიდრე-მე ყოვლით-კერძო ცხენთა და კერძო-ვირთა დიმოსისათა
Line: 16 კრებასა მას მოსლვისა-თჳს საჴმარყოფაჲ განაჩინა, ხოლო თჳთ ნიკეას მიიწია
Line: 17 ვითარცა მოსურნე ხილვასა მღდელთ-მთავართა სიმრავლისათა და რათა დამტკიცებულ
Line: 18 ყოს ერთხმობაჲ მათი. და ვითარცა შემოკრბეს, სახლისა დიდისა
Line: 19 განმზადებულყოფაჲ ბრძანა სამეფოთა ტაძართა შორის და საყდრებისა დადგმაჲ
Line: 20 მას შინა, და ესრეთ ყოველთა მუნ შესლვაჲ უბრძანა რომელთა უკუანაჲსკნელ
Line: 21 თჳთცა შევიდა მუნ მცირედთა ვიეთმე თანა, დადგა საშუალ და უბრძანა
Line: 22 ყოველთა, რათა დასხდენ. მერმე დადგმად სცა მცირე საყდარი და დაჯდა თჳთცა
Line: 23 უკუანაჲსკნელ ყოველთასა. რამეთუ ესოდენი რაჲმე კრძალვაჲ და მორცხობაჲ
Line: 24 აჩუენა კაცთა მათ მიმართ მეფემან. და მათ ვიდრე-მე ყუავილთა მიერ შესხმითისა
Line: 25 ქებისათა თავი მისი გჳრგჳნოსან ყვეს და საღმრთოთა-თჳს წარგებულსა
Line: 26 მოსწრაფებასა მისსა კურთხევაჲ მიუზღეს ნაცვალად. ხოლო მან მრავალნი სიტყუანი
Line: 27 წარმოუთხრნა ერთხმობისა და ერთნებობისა-თჳს და ფრიადთა მიერ პატივ
Line: 28 სცა მათ სიტყუათა და ნიჭთა, და მრავალთა აკუმთა განმზადებაჲ განაჩინა
Line: 29 ერთბამად სერებისა-თჳს მათ ყოველთაჲსა, და უპატიოსნესნი უკუე მათ
Line: 30 შორის ზიარად ტაბლასა თჳსისა მიიყვანნა, ხოლო სხუანი სხუათა მათ ტაბლათა
Line: 31 ზედა განყვნა. რომელთა შორის იხილნა ვიეთნიმე, რამეთუ აღმოჴდილ ესხნეს
Line: 32 მარჯუენენი თუალნი, და ვითარცა ისწავა, ვითარცა დიოკლეტიანჱს და მაქსიმიანჱს
Page: 264 Line: 1 მიერ აღსარებისა-თჳს ქრისტჱსისა შეჰმთხუევიეს ესე, ამბორის-ყოფით
Line: 2 დაჰსსნა ბაგენი ნაბრძჳლთა მათ ზედა, რათა მოიზიდოს მიერ კურთხევაჲ და
Line: 3 სიწმიდე სარწმუნოებით აღსრულებულისა მის ამბორის-ყოფისა მიერ.
Line: 4 ესრეთ უკუე კეთილად-მსახურებითა და სარწმუნოებითა და სიმდაბლითა განბრწყინვებულ
Line: 5 იყო საკჳრველი იგი კაცი. ხოლო ხვალისაგან ყოველნი იგი ეპისკოპოსნი
Line: 6 და მეფე ერთსა ადგილსა შემოკრბეს და მოუწოდეს არიოზს თანამზრახვალთა
Line: 7 მისთა თანა კრებასა მას და უბრძანეს მას წარმოთქუმაჲ სჯულთა სარწმუნოებისა
Line: 8 მისისათაჲ. ხოლო იყო სარწმუნოებაჲ უღმრთოჲსა მის და სამგზის
Line: 9 დაწყეულისაჲ ესე ვითარ:
Line: 10 არა მარადის მამა იყო ღმერთი, არამედ იყო, ოდეს ღმერთი არა იყო მამა.
Line: 11 არა მარადის იყო სიტყუაჲ ღმრთისაჲ, არამედ არაარსისაგან იქმნა რამეთუ
Line: 12 მყოფი ღმერთმან პირველ არა მქონებელი ყოფისაჲ არამყოფობისაგან შექმნა
Line: 13 რომლისა-თჳსცა იყო ოდესმე, ოდეს არა იყო რამეთუ აგებული არს და დაბადებული
Line: 14 ძე. არცა მსგავს არს ძე არსებითა მამისა, არცა ჭეშმარიტი და ბუნებითი
Line: 15 სიტყუაჲ არს მამისაჲ. არცა ჭეშმარიტი სიბრძნე არს მისი, არამედ ერთი
Line: 16 ქმნულთაგანი არს და აგებულთაჲ, ხოლო მიჩემებით ითქუმის სიტყუად და სიბრძნედ
Line: 17 და შექმნულ არს იგიცა ბუნებითისაგან სიტყჳსა ღმრთისა და ღმრთისა-შორისისა
Line: 18 სიბრძნისა, რომლისა მიერ ყოველნი და იგიცა დაჰბადა ღმერთმან.
Line: 19 რომლისა-თჳსცა ქცევადი და შეცვალებადი არს ბუნებით ვითარცა ყოველნი სიტყჳერნი.
Line: 20 და უცხოჲ და კიდეგანი და განშორებული არს სიტყუაჲ არსებისაგან
Line: 21 ღმრთისა, და უხილავ არს მამაჲ ძისა: რამეთუ არცა სრულებით და ზედა-მიწევნით
Line: 22 იცნობს სიტყუაჲ მამასა. არცა სრულებით ხილვაჲ მისი ძალ უც და რამეთუ
Line: 23 თჳსი არსებაჲ არა უწყის, თუ ვითარმედ ძე არს, რამეთუ ჩუენ-თჳს შექმნულ
Line: 24 არს, რათა ჩუენ მის მიერ ვითარცა ორღანოჲსა მიერ აღმაგნეს ღმერთმან,
Line: 25 და არცამცა მიეღო გუამოვნებაჲ მყოფობისაჲ, არა თუმცა ჰნებებოდა
Line: 26 ღმერთსა დაწყებაჲ დამბადებელობისაჲ. ვინაჲცა ჰკითხა ვინმე მათ, უკუეთუ ძალ
Line: 27 უცა სიტყუასა ღმრთისსა ქცეულებაჲ, ვითარცა იქცა ეშმაკი, და არა შეიშინეს
Line: 28 თქუმად, ვითარმედ ძალ უცთ ქცეულებაჲ, რამეთუ ქცევადისა ბუნებისაჲ არს, ვითარცა
Line: 29 აგებული და შექმნული.
Line: 30 არამედ არცაღა კრებასა მას ქმნილისა საკჳრველებისაჲსა მართალ არს დავიწყებასა
Line: 31 მიცემაჲ. რამეთუ მოსწრაფებისა-თჳს და გულს-მოდგინებისა სამეფოჲსა
Line: 32 ბრძანებისა ფილოსოფოსნიცა და რიტორნი მოსრულ იყვნეს კრებასა მას გამოცდილებით
Line: 33 მეცნიერნი სიტყჳს-მგებელობითისა სწავლულებისანი. რომელთა
Line: 34 შორის იყო ვინმე ელლენი ერთი უსიტყჳერესი ყოველთაჲ და განსაკჳრვებელი
Line: 35 ყოველთა მიერ, რომელიცა ფრიად სიმტკიცით სიტყუა უგებდა ეპისკოპოსთა
Page: 265 Line: 1 თანაძბრძოლებისა-თჳს არიოზისსა. რომლისა-თჳსცა დიდი კრებული იხილვებოდა
Line: 2 სიტყჳს-გებასა შემოკრებითა სიმრავლისაჲთა. რამეთუ ვერ ძალ ედვა ეპისკოპოსთა
Line: 3 ფილოსოფოსისა მის და რიტორისა დარწმუნებაჲ სიტყჳს-გებასა შინა
Line: 4 და ძლეულად გამოჩინებაჲ მისი, რამეთუ ადვილად თანა-წარჰჴდებოდა და განჰვლიდა
Line: 5 ყოველსავე წინადადგმულსა მისდა და გულის-ხმიერებით დაჰჴსნიდა ვითარ
Line: 6 სახეთავე წინაგანწყობათა და მსგავსად ელვისა შეუპყრობელად იპოებდა და არცა
Line: 7 ერთისა სიტყჳსა მიერ გარეშეწერით შეიცვებოდა. რამეთუ რომელთა მიერ საგონებელ
Line: 8 იყვის შეპყრობილად და რეცა შებრკოლებულად უძლიერესობით წინაგანაწყვნის
Line: 9 მუნ გულის-ხმის-საყოფელთა ძნიად განსახილველობანი და სიტყუათა ენამჭევრობანი
Line: 10 და მრავალღონეობანი. არამედ რათა აჩუენოს ღმერთმან, ვითარმედ არა
Line: 11 სიტყჳთა არს სასუფეველი ღმრთისაჲ, არამედ ძალითა, კაცმან ვინმე წმიდათა
Line: 12 მათგანმან ნათესავით უკუე კჳპრიელმან და ქალაქთა მისთაგანისა რომლისამე ეპისკოპოსმან,
Line: 13 ხოლო მარტივმან ბუნებითა და ფრიად სოფლელმან სიტყჳთა, ითხოა,
Line: 14 რათა მიეცეს მას ადგილი ფილოსოფოსისა მის-მიმართისა სიტყჳს-გებისაჲ.
Line: 15 ხოლო მამათა ვინაჲთგან სიმარტივე და სოფლელობაჲ კაცისაჲ მას უწყოდეს,
Line: 16 აყენებდეს მას, ნუ უკუე საცინელად ბილწთად დაისხნენ. ხოლო მან არა
Line: 17 დაითმინა, არამედ მოუჴდა კაცსა მას და ჰრქუა:
Line: 18 "სახელითა იესუ ქრისტჱსითა ისმინენ ჵ ფილოსოფე, შჯულნი ჭეშმარიტებისანი".
Line: 19 ხოლო მან თქუა მისსა მიმართ: "უკუეთუ სთქუნე". და მან თქუა: "უწყოდე,
Line: 20 ვითარმედ ერთ არს ღმერთი, რომელმან ცაჲ და ქუეყანაჲ დაჰბადა, რომელმან
Line: 21 კაცი ქუეყნისაგან შესახა და ხილულნი და უხილავნი ყოველნი სიტყჳთა
Line: 22 და სულითა მისითა შეამტკიცნა ამას უკუე სიტყუასა ჩუენ ძედ ღმრთისა ვიცნობთ
Line: 23 და თაყუანის-ვსცემთ და გურწამს, ვითარმედ ცხორებისა-თჳს ჩუენისა უკუანაჲსკნელ
Line: 24 ქალწულისაგან იშვა და ჯუარისა მიერ და აღდგომისა თჳსისა განათავისუფლა
Line: 25 ნათესავი კაცთაჲ, რომლისასა ვესავთ მოსლვასა კუალად განშჯად ყოველთა
Line: 26 სიმართლით გრწმანანა ესენი ფილოსოფე?" ხოლო იგი, ვითარმცა არა
Line: 27 ოდეს ჰქონებოდა გამოცდილებაჲ სიტყუათაჲ წინაგანსაწყობელად, განცჳბრდა და
Line: 28 ვითარცა ყრუჲ და უტყჳ დუმდა და მხოლოდ ამას ოდენ იტყოდა ვითარმედ
Line: 29 "ჩემდაცა ეგრეთ საგონებელ არს მაგათი ყოფაჲ" და ბერმან ჰრქუა: "აწ უკუე
Line: 30 აღდეგ, შემომიდეგ მე ეკლესიად მიმართ", და მიიღო სასწაული ამის სარწმუნოებისაჲ.
Line: 31 ხოლო ფილოსოფოსი მოიქცა და ჰრქუა მოწაფეთა თჳსთა: "ისმინეთ,
Line: 32 ჵ კაცნო, ვიდრემდის სიტყუათასა ვყოფდი მოსწრაფებასა, სიტყჳთ წინაგანვეწყობოდე
Line: 33 სიტყჳთა და ჴლოვნებითა მეტყუელებისაჲთა უკუნვარღუევდი. ხოლო
Line: 34 ვინაჲთგან სიტყჳსა წილ ძალი რაჲმე გამოვიდა პირისაგან ამის ბერისა,
Page: 266 Line: 1 ვერ უძლეს სიტყუათა წინადადგომად ძალისა, რამეთუ ვერცა წინააღუდგების ღმერთსა
Line: 2 კაცი, რაბამ რაჲმეცა იყოს. ამის-თჳს, ვისცა ვის თქუენგანსა ძალ უც გულის-ხმის-ყოფად,
Line: 3 რაჲ ესე მე გულის-ხმა ვყავ, ჰრწმენინ ქრისტედა ჩემთანავე ბერსა
Line: 4 ამას შეუდეგინ, რომლისა მიერ იტყოდა ღმერთი". ამით უკუე სახითა ქრისტეანე
Line: 5 იქმნა ფილოსოფოსი და იხარებდა ბერისა-მიერსა მას ზედა ძლეულებასა თჳსსა.
Line: 6 ხოლო იყო მაშინ მუნ საღმრთოჲ პაფნუტიცა, კაცი მეგჳპტელი, ნიშებშემოსილი
Line: 7 და აღმსარებელი, რომლისა თუალი მარჯუენე აღმოეჴადა მაქსიმიანეს.
Line: 8 რომელმანცა, ენება რაჲ კრებასა განკანონებაჲ ამისი, რათა სამღდელოჲსა დასისაგანი
Line: 9 მეუღლესა არა ვინ შეეყოფვოდის, ვითარცა მძიმე დაჰჴსნა მან განჩინებაჲ
Line: 10 ესე და მხოლოდ ეპისკოპოსთაგან ოდენ განასაზღვრა დაცვაჲ ამისი. ვინაჲცა
Line: 11 შემდგომად მრავლისა გამოწულილვით გამოძიებისა სთნდა ყოველთა ერთბამად
Line: 12 განსაზღვრებაჲ თანაარსისაჲ მართლმადიდებელსა შინა სარწმუნოებასა, ესე
Line: 13 იგი არს მისვე არსებისა და ბუნებისა მამულისაგანად აღსაარებაჲ ძისაჲ. რომელიცა
Line: 14 ყოვლად-განკრძალულებით და ერთხმობით დაამტკიცეს თჳნიერ ხოლო უღმრთოჲსა
Line: 15 არიოზისსა და სხუათა ექუსთა თანაერთნებათა მისთა, რომელნიცა შეაჩუენნეს
Line: 16 სამას ათრვამეტთა წმიდათა მამათა და მეფემან ექსორია ყვნა.
Line: 17 ხოლო შემდგომად ამათსა შფოთის-მოყუარეთა კაცთა ვიეთმე რომელთამე
Line: 18 ეპისკოპოსთა შესმენაჲ წერით მისცეს მეფესა. ხოლო მან მიიღო იგი და შეკრა
Line: 19 და ბეჭდითა თჳსითა დაჰბეჭდა და ბრძანა დამარხვაჲ მისი. ამის შემდგომად
Line: 20 მშჳდობისა მომართ და ერთობითისა სიყუარულისა მოიყვანნა შესმენილნი და შემასმენელნი
Line: 21 და ეგრეთ მოიხუნა წინაშე ყოველთაჲსა აღწერითნი იგი შესმენანი
Line: 22 და განსალევნელ ცეცხლისა ყვნა არცა ერთისა რაჲს მათ შინა წერილთაგანისა
Line: 23 წარმკითხველმან. რამეთუ არა ჯერ არსო, თქუა, რათა ცოდვანი მღდელთანი
Line: 24 ცნობილ იქმნენ მრავალთაგან, რათა არა მიზეზსა დაბრკოლებისასა მიმღებელნი
Line: 25 ამიერ წარჴსნილად ცოდვიდენ. რამეთუ მე დაღათუცამცა თუალითა თჳსითა ვიხილე
Line: 26 ეპისკოპოსი შემაგინებელად საწოლსა სხჳსასა დამცავბურე პორფირითა
Line: 27 ამით ჩემითა უსჯულოებისა იგი საქმე და არა წინადაუდევ სავნებელად მხილველთა
Line: 28 ხილვაჲ იგი მოქმედთაჲ მათ.
Line: 29 ესრეთ უკუე მართლგამომეტყუელნი ვიდრე-მე ბრწყინვალედ ქადაგნა, ხოლო
Line: 30 წინააღმდგომთა მათისა მოძღურებისათა კეთილად მსახურებითისა ერთხმობისა
Line: 31 მომართ აღმოუწოდა და ერთნებაობასა და ერთმადიდებლობასა ზედა დაამტკიცნა
Line: 32 ყოველნი. და ფრიადთა პატივთა და ნიჭთა ღირს ყვნა მღდელთ-მოძღუარნი და
Line: 33 თითოეულსა სამწყსოჲსა თჳსისა მიმართ მიქცევაჲ უბრძანა.
Line: 34 აწ უკუე ქრისტჱს მოსლვითგან ვიდრე პირველად კრებადმდე გარდაჴდეს
Line: 35 წელიწადნი სამას ათრვამეტნი, ხოლო პირველი ესე სამას ათრვამეტთა წმიდათა მამათაჲ
Page: 267 Line: 1 ნიკეას შეკრებული კრებაჲ იქმნა მეოცესა წელსა დიდისა კოსტანტინჱს მეფობისასა.
Line: 2 რომლისა წინამძღუარ იყვნეს: სილვესტროს ჰრომთა პაპისა პოტირიტისნი
Line: 3 ვიხონ და ვიკენტი ხუცესნი, მიტროფანე ბიზინტიისაჲ, ალექსანდრე
Line: 4 ალექსანდრიისაჲ, ევსტათი ანტიოქიისაჲ და მაკარი იერუსალჱმისაჲ არიოზის-თჳს,
Line: 5 რომელი იყო ხუცესი ალექსანდრიელთა ეკლესიისაჲ, ხოლო მგმობარი
Line: 6 სიტყჳსა ღმრთისაჲ და დაბადებულად და სხუაარსად თჳნიერ მამულისა არსებისა
Line: 7 აღმსარებელი მისი, და ვითარმედ იყო ოდესმე ოდეს არა იყო. რომელიცა
Line: 8 დაამკუა და შეაჩუენა თანამზრახვალთა მისთა თანა, ხოლო ძე თანაარსად და
Line: 9 თანადაუსაბამოდ მამისა და ღმრთად ჭეშმარიტად ყოვლისა დაბადებულისად მართლმადიდებლობით
Line: 10 ქადაგა წინაჲსწარმეტყუელისა ესრეთ მეტყუელისა-ებრ ვითარმედ
Line: 11 "საშოჲთ მთიებისა წინა გშევ შენ". ხოლო განაწესა დღესასწაულობაჲცა წმიდისა
Line: 12 აღვსებისაჲ აწინდელისა ამის-ებრ ჩუეულებისა, რამეთუ უწინარეს მისსა
Line: 13 ვიეთნიმე მეათოთხმეტესა მთოვარისასა დღესასწაულობდეს.
Line: 14 ხოლო შემდგომად რაოდენთამე ჟამთა ვედრებულ იქმნა დისა თჳსისა კოსტანტიაჲს
Line: 15 მიერ დიდი მეფე კოსტანტინე და აღმოუწოდა ექსორიობით არიოზს.
Line: 16 ვითარ რეცა შემნანებელსა პირველისა ცთომილებისასა. რომელი მოყვანებულ
Line: 17 რაჲ იქმნა და ეკითხა მეფისა მიერ, უკუეთუ შეიწყნარებს საზღვართა და განჩინებათა
Line: 18 ნიკიისა კრებისათა, მყის აღუვარა რწმუნებაჲ მათი. ხოლო მას დაუკჳრდა
Line: 19 და ფიცი მოჰჴადა. და არიოზ ესე მოიჴელოვნა და, ვითარ ჰგონებდა, საშინელებაჲ
Line: 20 ფიცისაჲ თანა წარიჴადა და თქუა ესრეთ: "მრწამს, ვითარცა წერილ
Line: 21 არს" რამეთუ ქარტასა ზედა აღეწერა სამგზის საწყალობელსა ურწმუნოებაჲ თჳსი
Line: 22 და უბითა ტჳრთვით მოაქუნდა და ჭეშმარიტებით ეგრეთ რწმუნებასა ფუცვიდა,
Line: 23 ვითარ იგი თჳთ აღწერა მუნ. და ეფუცა რაჲ, ვითარმედ არა რას წინააღმდგომსა
Line: 24 კრებისასა იგონებს, განუტევა იგი მეფემან და ჰრქუა: "უკუეთუ მართალი
Line: 25 არს სარწმუნოებაჲ შენი, კეთილად სადმე ჰფუცე. ხოლო უკუეთე არა, მსწრაფლ
Line: 26 განსაჯეს უფალმან საქმენი შენნი". ამისი უკუე დიდსაცა ათანასის ალექსანდრიელსა
Line: 27 ზიარებად შეწყნარებაჲ უბრძანა, ვითარცა სინანულად მოსრულისაჲ.
Line: 28 ხოლო მან, რამეთუ არა შეიწყნარა ვითარცა ზედა-მიწევნით მეცნიერმან არიოზის
Line: 29 მოუქცეველობისამან, ექსორია ყო მეფემან წმიდაჲ [იგი]. და რამეთუ ირწმუნნა
Line: 30 არიანოზთა-მიერნიცა შემასმენელობანი, და არა საკჳრველ არს, რამეთუ
Line: 31 მრავალგზის საღმრთონი კაცნი კეთილად-მსახურთა ვიეთ-თჳსმე განუბჭობელად
Line: 32 მიმთუალველნი შესმენათანი მისდრკეს ჭეშრტებისაგან და ავნეს და შეაწუხნეს
Line: 33 კეთილად-მსახურნი, ვითარ იგი საკჳრველი დავით შეცთომილ იქმნა მონისა-მიერსა
Line: 34 მას ზედა შესმენასა მემფიბოთჱსსა. რომლისა-თჳსცა ფრიადითა გამოწულილვითა
Line: 35 საჴმარ არს გამოკულევით გამოძიებაჲ შესმენათაჲ, და არა ვითარცა
Page: 268 Line: 1 დაჰხუდეს ეგრეთ რწმუნებაჲ სიტყუასა შემასმენელთასა, დაღათუ ფრიად
Line: 2 იყვნენ ღირს რწმუნებისა. რომლის-თჳს ნიკოდიმოსცა ყუედრების-სახედ უღმრთოთა
Line: 3 ჰურიათა მიმართ იტყოდა ვითარმედ "ნუ უკუე სჯული ჩუენი დასჯისა კაცსა,
Line: 4 უკუეთუ არა ისმინოს მისი პირველად და ცნას, რასა იქმს". ეგრეთვე გარეშენიცა
Line: 5 ბრძენნი ცხადად წარმომაჩინებელნი ამისნი ესრეთ იტყჳან ვითარმედ "საწჭუელი
Line: 6 ძიეიბაჲ ბჭობასა დამოეკიდენ. ხოლო ბჭობაჲ მხილებათა მიერ გამოიცადენ.
Line: 7 და გამოცდამან ჯეროანი განასაზღვრენ. ხოლო საზღვარი აღიწერენ. და
Line: 8 აღწერილნი დაემტკიცენენ. ხოლო დამტკიცებულნი საქმეთა მიერ უცილობელ
Line: 9 იქმენინ და ყოველი ბრძოლის-მოყუარებაჲ დაიჴსნენინ. და კუალად სიყუარულივე
Line: 10 მწყობრობდინ". ვინაჲცა არა ჯერ არს განუნახველად და გამოუძიებელად დასჯაჲ
Line: 11 და ჭირის-მომრთუმელთა განჩინებათა განცემაჲ შესმენილთა მათ-თჳს, არამედ
Line: 12 ფრიადითა გამოძიებითა და გამოწულილვით გამოკულევითა. ვითარცა სამოციქულოთა
Line: 13 განწესებათა შინა ხმობს საღმრთოჲ სიტყუაჲ ვითარმედ "იყავნ მსაჯული
Line: 14 ნუ პირმოთნე, ნუცა მორცხუ მდიდრისა და მლიქნელ მისსა გარეშე ჯეროვნისა,
Line: 15 ნუცა მრიდებელ გლახაკისა. "რამეთუ არა თუალ ახუნე, თქუმულ არს, პირსა
Line: 16 ძლიერისა", "არცა გლახაკი შეიწყალო სასჯელსა შინა, რამეთუ უფლისაჲ არს
Line: 17 მსჯავრი". და "მართალი სიმართლესა მისდევდეს". და "არა სთნავს მართალსა არა რაჲ
Line: 18 ცრუჲ". რომლისა-თჳს არცა ირწმუნებს ვითარ დამთხუევით შესმენათა განუბჭობელად
Line: 19 და გამოუძიებელად რამეთუ იქმნების ვიეთგანმე მტერობითა რაჲთმე
Line: 20 ანუ შურითა ძმისა ვის-თჳსმე მოპოვნებაჲ შესმენათაჲ, ვითარ იგი ორთა მოხუცებულთა
Line: 21 გესმის სუსანნაჲს-თჳს და მეგჳპტელისა იოსების-თჳს.
Line: 22 ხოლო შენ, ვითარცა კაცი ღმრთისაჲ, ნუ ჴელის-ჴელ მიითუალავ ესე ვითართა
Line: 23 მათ, რათა არა მოჰკლა მართალი და სიკუდილითა დაჰსაჯო უბრალოჲ.
Line: 24 "რამეთუ მართალი და უბრალოჲ არა მოჰკლნეო, იტყჳს, არცა აღიღო ქრთამი
Line: 25 დაცემად სულისა, რამეთუ ქრთამნი დააბრმობენ თუალთა ბრძენთასა და განჰრყუნიან
Line: 26 სიტყუათა მართალთა". აწ უკუე, უკუეთუ თჳნიერ პირმოთნეობისა სჯიდეთ,
Line: 27 შეისწაოთ შემასმენელისა მის წამებაჲ უსამართლოჲ და გამოაჩინოთ რაჲ იგი ცილის-მწამებელად,
Line: 28 და სიტყუამტყუვრად უყავთ მას, ვითარ სახედ მოიღონა მან,
Line: 29 რათა უყოს მოყუასსა, და აღიღეთ უკეთური იგი თქუენგან საღმრთოთა-ებრ
Line: 30 სჯულთა უფლისათა, რამეთუ, რაოდენ ეძლო მას, მოაკუდინა მოყუასი მარტოჲს-მარტო
Line: 31 ზრახებითა მსაჯულისა ყურთაჲთა. რამეთუ წერრილ არს: "რომელმან
Line: 32 დასთხიოს სისხლი კაცისაჲ, სისხლისა მისისა წილ დაითხიოს სისხლი მისი".
Line: 33 და "მოისპოს შენგან უბრალოჲ სისხლი".
Line: 34 ამის-თჳს ფრიადითა გამოწულილვითა გამოიძიებდით შესმენილთა-თჳს და
Page: 269 Line: 1 პირველად უკუე შემასმენელისა-თჳს თუ ვითარი რაჲ არს ზრდილობაჲ მისი და
Line: 2 ქცევაჲ. და უკუეთუ ცნობილად და რწმუნების ღირსად იპოვოს, ნუ ირწმუნებინ
Line: 3 მარტოჲსაჲ რამეთუ უსჯულო არს ესე ვითარი საქმე, არამედ აქუნდინ მას თანა
Line: 4 სხუანიცა მოწამენი განკრძალულნი და ზიარნი მისვე მისისა წესისა მოქალაქობისანი,
Line: 5 რათა პირითა ორისა და სამისა მოწამისაჲთა ღირსად ჯეროვნისა, ცხად
Line: 6 არს ვითარმედ დაემტკიცოს ყოველი სიტყუაჲ, რაჲსა-თჳს უკუე ვთქუთ წესისა
Line: 7 და მოქალაქობისა მათისა გამოძიებაჲ? მით რამეთუ მრავალგზის იქმნების ორთა
Line: 8 ანუ უმრავლესთა ბოროტსა ზედა ურთი-ერთას წამებაჲ და ერთხმობით ტყუილის
Line: 9 მეტყუელებაჲ, ვითარ იგი ორთა მოხუცებულთაჲ სუსანნაჲს-თჳს ბაბილონს
Line: 10 და ძეთა უშჯულოთაჲსაჲ ნაბუთჱს-თჳს სამარიას და სიმრავლისა ჰურიათაჲსაჲ
Line: 11 უფლისა-თჳს იერუსალჱმს და პირველ მოწამისა მისისა სტეფანჱს-თჳს. ხოლო
Line: 12 იყვნედ მოწამენი იგი მშჳდნი ურისხველნი, მყუდრონი, ძმათმოყუარენი,
Line: 13 სიწმიდის-მოყუარენი, განკრძალულნი, არა მრავალღონენი, ღმრთის-მოშიშნი.
Line: 14 რამეთუ ესე ვითართა წამებაჲ უეჭუელად უტყუველ არს, ხოლო არა ესე ვითართაჲ
Line: 15 ნუმცა მოთუალულ არს წამებაჲ, დაღათუ ერთხმობაჲ საგონებელ იყოს
Line: 16 მათი, უწამებელსა მას ზედა წამებასა ურთი-ერთასსა, რამეთუ ბრძანებულ არს
Line: 17 სჯულთა შინა, ვითარმედ "არა იყო მრავალთა თანა ბოროტებასა შინა, არა მიითუალო
Line: 18 სასმენელი ამაოჲ, არა მიერჩდე მრავალთა მიდრეკად სამართლისა".
Line: 19 ამას თანა განსაკთხავად მოყვანებულისა მისიცა ჯერ არს განცდაჲ. თუ
Line: 20 რაჲ არს წესი ცხორებისა მისისაჲ და სახე ზრდილობისაჲ, უკუეთე უბრალო
Line: 21 და უბიწო, უკუეთუ ღირს და უცხოთ-მოყუარე და გლახაკთ-მოწყალე, უკუეთუ
Line: 22 სიწმიდის-მოყუარე და განწმედილ ტყუილისაგან, უკუეთუ განშორებულ არს ყოვლისა
Line: 23 საქმისა ბოროტისაგან. რამეთუ ნეტარ არს ეგე ვითარი იგი, უკუეთუ
Line: 24 განიცადოს და გამოცდილად გამოჩნდეს. რამეთუ კაცი განუცდელი, იტყჳს, გამოუცდელ
Line: 25 არს წინაშე ღმრთისა ვინაჲცა ესრეთ განცდილმან ტყუილისა მიერ
Line: 26 თქუას სადმე მანცა სამართლად: "იხილე, უფალო, ნუ დასდუმნები ჩემგან", "რამეთუ
Line: 27 აღმიდგეს მე მოწამენი ცრუნი", და უტყუა სიცრუვემან თავსა თჳსსა. იხილეთ
Line: 28 სოფლიოთაცა შინა სამსჯავროთა, რომელთა ჴელმწიფებისა მიმართ ვჰხედავთ
Line: 29 მიყვანებულად კაცის-მკლველთა, მემრუშეთა, მწამლველთა, საფლავის-მკრეხველთა,
Line: 30 ავაზაკთა, რომელნი მიითუალნენ რაჲ მიმყვანებელთა მათგან წინამძღუართა
Line: 31 სამშჯავროჲთასა, ეტყჳან ძჳრის-მოქმედთა, უკუეთუ ესრეთ არიანა ესენი. და
Line: 32 ვითარცა თანაეწამოს იგი და აღიაროს, არა მეყსეულად სატანჯველსა მისცემენ
Line: 33 მას. არამედ მრავალთა დღეთა გამოცდასა მისსა ჰყოფენ განზრახვითა და განხილვითა
Line: 34 და გამოძიებითა მრავლითა, და ესრეთ დასასრულსა რომელსა ეგულვებოდის
Page: 270 Line: 1 განცემად მის-თჳს საზღვარი და განჩინებაჲ სიკუდილისაჲ, მზისა მიმართ აღიპყრობს
Line: 2 ჴელთა და წინაშე ყოველთასა წამებს უბრალოყოფასა თჳსსა სისხლისაგან
Line: 3 კაცისა მის, და ამას ჰყოფენ წარმართნი უღმრთონი, რომელთა მხოლოდ ბუნებაჲ
Line: 4 ოდენ აქუს მოძღურად. ხოლო ჩუენ, რომელთა უწყით ღმერთი განმკითხველი
Line: 5 გულისა და თირკუმელთაჲ და გულის-ხმის-მყოფელი ყოველთა საქმეთა
Line: 6 ჩუენთაჲ, რაოდენ უფროჲს მრავლითა გამოძიებითა თანა გუაც შჯაჲ მშჯავრისა
Line: 7 ყოვლად-სამართლისაჲ, და რამეთუ სასჯელი უფლისაჲ მერმესა მას თითოეულისა
Line: 8 საქმეთა-ებრ მიგებაჲ არს. ამის-თჳს განცხადებულად ასწავებს და უწამებს სოლომონ
Line: 9 ესრეთ სადმე თქუმითა: "ისმინეთ და ყურად იღეთ ყოველთა მპყრობელთა
Line: 10 სიმართლისათა, რამეთუ უფლისა მიერ მოგეცა თქუენ მპყრობელობაჲ და ძლიერებაჲ
Line: 11 მაღლისა მიერ, რომელმან განიკითხნეს საქმენი თქუენნი და გულის-ზრახვანი
Line: 12 გამოიძინეს, რამეთუ მსახურთა მეუფებისა მისისათა არა ჰსაჯეთ სიმართლით, არცა
Line: 13 დაიცევით სჯული, არცა განზრახვისა-ებრ ღმრთისა ხჳდოდეთ. ვინაჲცა ზარის-საჴდელად
Line: 14 და მსწრაფლ მოიწიოს თქუენ ზედა გამოძიებაჲ, რამეთუ უმკუეთელესი
Line: 15 მსჯავრი უაღრესობისა მქონებელთა შორის იქმნების". რამეთუ უმცირესი იგი ღირს
Line: 16 არს წყალობისა, ხოლ ძლიერნი ძლიერადცა იტანჯნენ და უფალი იტყჳს ვითარმედ
Line: 17 "რომელსა მცირედ მიეცეს, მცირედიცა მიჰჴადონ მას". და კუალად დიდი
Line: 18 ისიდორე იტყჳს ვითარმედ "უჴმს მათ, რომელთა მსაჯულობაჲ საქმეთაჲ რწმუნებულ
Line: 19 იყოს, რათა მახჳლ და ყოვლად-განკრძალულ იყუნენ გაგონებისა-თჳს და
Line: 20 განშჯისა და გამორჩევისა უვნებელობით და თუალუხუაობით. რამეთუ უფლისაჲ
Line: 21 არს სასჯელი და რათა მეტყუელთა მრავალღონეობისა და თქუმულთა და საჯეროობისა
Line: 22 თანა წარსრულნი თჳთ მათ გულის-ხმის-საყოფელთა სიღრმისა მიმართ
Line: 23 მიწევნად ღონიერ იყვნენ და მიერ მრავლითა გამოძიებით გამოწულილვითა
Line: 24 და არა მყის და თანა-აღტაცებით, არამედ ფრიადითა სულგრძელებითა და
Line: 25 ძჳრუჴსენებლობითა მოქმედებდენ ჭეშმარიტებასა". რამეთუ რომელნიმე კაცთაგანნი
Line: 26 სიბნდუითა გონებისაჲთა ვერ მისწუთებიან სიკეთესა სიმართლისასა, ხოლო
Line: 27 რომელნიმე სიმახჳლითა მისწუთებიან, ხოლო საჴმართ-მოყუარებისა მიერ
Line: 28 წარიპარვიან ოქროდ განმსყიდელნი სიმართლისანი და სასწორსა სიმართლისასა
Line: 29 ქრთამითა შემარყეველნი. და კუალად არიან სხუანი, რომელნი სირცხჳლისა-თჳს
Line: 30 ანუ ლიქნისა ანუ შიშისა ანუ სიყუარულისა გინა მტერობისა განჰხრწნიად
Line: 31 ამათ ამის-თჳს უკუე უჴმს მსაჯულსა, რათა გულის-ხმიერცა იყოს და
Line: 32 თუალუხუავ და საჴმართა და სირცხჳლისა და ლიქნისა და შიშისა და სიყუარულისა
Line: 33 და მტერობისაგან თავის-უფალ. რამეთუ, უკუეთუ რომლისა ამათ ვნებათაგანისაგან
Line: 34 ძლეულ იყოს, ყოველთავე სამართალთა განჰხრწნის და წარსწყმედს.
Page: 271 Line: 1 ვინაჲცა პოვნაჲ ვიდრე-მე სიმართლისაჲ ძნელ არს, ხოლო დაცვაჲ პოვნილისჲ
Line: 2 მის უძნელეს არს. რამეთუ მაშინ დაიცვების მოიდრეკელობაჲ სიმართლისაჲ, რაჟამს
Line: 3 მიზეზსა შეუდგეს მშჯავრი, და მშჯავრსა მხილებაჲ, ხოლო მხილებასა
Line: 4 განჩინებაჲ ვითარებისა-ებრ მცოდველობისა ცოდვის-მოქმედთაჲსა განმასაზღვრებელი
Line: 5 ტანჯვისაჲ.
Line: 6 აწ უკუე დიდი ათანასი არა ხოლო მეფისა კოსტანტინჱს მიერ ექსორია იქმნა
Line: 7 არიანოზთა-მიერისა შესმენისა-თჳს, არამედ ძისა და მონაცვალისა მისისა კოსტანტი(ნე)სგანცა,
Line: 8 რამეთუ თქუმულ არს: ხოლო წმიდამან ათანასი აგრძნა კუალად
Line: 9 მეფისა კოსტანტისი, რამეთუ ენება განმტკიცებაჲ არიანოზობისაჲ, და რამეთუ
Line: 10 უწესონი შესმენანი შეემზადნეს მის-თჳს არიანოზთა წინაშე განხრწნილისა სამშჯავროჲსა,
Line: 11 არცა ერთისა ვის მინდობაჲ ინება. არამედ, მყის შუაღამეს ოდენ
Line: 12 ეძიებდეს რაჲ მას უსჯულონი, მიივლტოდა ქალწულისა ვისმე მიმართ წმიდისა,
Line: 13 რომელი უცხოსა მას ხილვასა ზედა განცჳბრებული უღონოებდა. ხოლო სანატრელმან
Line: 14 პატრიაქმან თქუა მისსა მიმართ: "ვიძიები არიანოზთა მიერ და უსახურთა
Line: 15 ცილის-წამებათა მიერ აღვივსები. ხოლო, რათა არცა მე უსიტყუელი დიდებაჲ
Line: 16 მომეტყუას და არცა ტანჯვისა ჩემისა მნებებელნი ცოდვასა მივსცნე,
Line: 17 ლტოლვაჲ მოვიგონე. რამეთუ გამომიცხადა ღმერთმან ღამესა ამას და მრქუა ვითარმედ
Line: 18 "ვერ სადა სცხონდები ლტოლვილი სხუაგან თჳნიერ მის ქალაქისასა".
Line: 19 და რამეთუ მარადის გამოცხადებითა ღმრთისაჲთა წინაჲსწარ სცნობდის მის-ძლითთა ძმაცულებათა
Line: 20 ღმერთშემოსილი იგი და ესრეთ ივლტოდის, რომლისა-თჳსცა
Line: 21 ვითარცა გრძნეულსა და მწამლველსა შეასმენდეს მას მტერნი
Line: 22 ჭეშმარიტებისანი.
Line: 23 ესრეთ უკუე ქალწულმან მან ვითარცა ღმრთისა მიერ მოვლინებელი დაფარა
Line: 24 იგი ჟამთა ექუსისა წლისათა ვიდრე დასასრულამდე კოსტანტის ცხორებისა,
Line: 25 რომელიცა მხოლოჲ დაჰბანდა ფერჴთა მისთა და ყოველსა საჴმარსა მისსა ჰმსახურებდა.
Line: 26 და ვერცა ერთმან ვინ ყოვლისავე ალექსანდრიისა კაცთაგანმან აგრძნა
Line: 27 ექუსსა მას წელიწადსა შინა, თუ სადა არს პატრიაქი. ხოლო ივლიანე, დაიპყრა
Line: 28 რაჲ მეფობაჲ და ისწრაფდა რათა კონსტანტის მიერ ქმნილნი ყოველნი დაჰჴსნნეს,
Line: 29 ექსორიაქმნულთა ყოველთა აღმოუწოდა. რომელი ესე ცნა რაჲ დიდმან ათანასი,
Line: 30 კუალად გამოვიდა სახლით მის ქალწულისაჲთ ღამე და ეკლესიად მივიდა ხოლო
Line: 31 ალექსანდრიელთა, ვითარცა იხილეს იგი, ერთბამად მისცეს დიდებაჲ ღმერთსა,
Line: 32 და ვითარცა მკუდართაგან შეიწყნარეს ცხოველი, რომელი საკუთართა მეგობართა
Line: 33 თჳსთა ესრეთ სიტყუა უგებდა და ეტყოდა: "ამის-თჳს არა მოვილტოდე თქუენდა,
Line: 34 რათა თქუენი ვიდრე-მე ფიცი უტყუველ, ხოლო უშფოთველ ვყო მირიდებაჲ
Line: 35 ჩემი. და მისსა მიმართ მივილტოდე, რომლისა მიმართ არავინ მიიღებდა მიზეზსა
Page: 272 Line: 1 იჭჳსასა. და ორი ესე შევსძინე ერთბამად: პირველად უკუე ცხოვნებაჲ მისი, -
Line: 2 რამეთუ ფრიად მარგებელ ვექმენ მას, - და ჩემი დიდებაჲ".
Line: 3 ხოლო ივლიანე, ვინაჲთგან განახლებასა კერპთა საცთურისასა ისწრაფდა,
Line: 4 კუალადცა აღაშფოთა ეკლესიაჲ და ტაძარნი კერპთანი განახუნა და მსხუერპლნი
Line: 5 მომზადნა ბედისა-თჳს კოსტანტინუპოლის საეროდ ადგილსა მას ვასილიკედ სახელდებულსა,
Line: 6 სადა იგი მდგომარე არს ძეგლი ბედისაჲ. ამიერ უკუე საცთურისა
Line: 7 კერპთაჲსა დამონებულთა ვიეთმე ესრეთ განაზრახეს მეფესა ვითარმედ "ვერ
Line: 8 მძლე ექმნები სხუებრ ქრისტეანეთა, არა თუ უჩინო ჰყო ათანასი, რომელი იგი
Line: 9 საფუძველი არს ეკლესიისა მათისაჲ". ამის-თჳს კუალადცა აღძრვაჲ მსაჯულთაჲ,
Line: 10 კუალად ერნი, კუალად მჴედარნი, კუალად ძმაცუვანი და ერნი აღბორგებულნი და
Line: 11 აღშფოთებულნი, ათანასის მეძიებელნი რომლისა-თჳსცა კუალად ღამით განვიდა
Line: 12 იგი და კიდესა ნილო მდინარისასა მიიწია, რათა აღვიდეს ნავსა, სადა იგი გარემოადგეს
Line: 13 მას საკუთარნი მეგობარნი მისნი და ეტყოდეს ცრემლითა: "სადა
Line: 14 წარხვალ კუალად მწყემსო კეთილო, და ვის დამიტევებ ჩუენ ცხოვართა არა
Line: 15 მქონებელთა მწყემსისათა?" რომელთა მიმართ ესრეთ თქუა მწყემსმან კეთილმან:
Line: 16 "ნუ სტირთ, შვილნო, ნუ სტირთ: კნინოდენისა ჟმისაჲ არს შფოთი ესე, რამეთუ
Line: 17 ვითარცა ღრუბელი რაჲმე მცირედჟამ ჩნდეს და მერმე განილიოს. ნუ სულმოკლე
Line: 18 ხართ, შვილნო: მსწრაფლ უკუე მოვიქცე თქუენდავე შეწევნითა ღმრთისაჲთა.
Line: 19 რომელი ესე იქმნაცა: რამეთუ შემდგომად მცირედისა ჟამისა, ჰხედვიდეს
Line: 20 რაჲ ელენნი მფრინვალეთა ყუავთა ტაძარსა ზედა სერაპიდოჲსსა და ძლიერად
Line: 21 მხმობელად, იტყოდეს მისსა მიმართ ბასრობის სახედ: "მარქუ ჩუენ ბერჰავო, რასა
Line: 22 კივიან ყუავნი". ხოლო წმიდამან მათდა მიმართ: "ყუავნი ხმობენ: კრა, კრა, ხოლო
Line: 23 კრა ასურასტანელთა სიტყჳთა ხვალესა ჰქჳან, ვინაჲცა ხვალე იხილოთ თქუენ
Line: 24 ღმრთისა წინაგანმგებელობაჲ და ჩუენი მადიდებელობაჲ". და ხვალისაგან ისმა
Line: 25 სიკუდილი განდგომილისა ივლიანჱსი რამეთუ აღმოვიდა მკუდარი სპარსეთით
Line: 26 მოძაგებელი და არა ვისგან შეწყალებული არცა ღირსად წყალობისა აღსაარებული,
Line: 27 და, ვითარ ყოვლით-კერძო მიმოგანითქუა, არცღა საფლავისა მიერ შეწყნარებული,
Line: 28 და ფრიადითა შფოთითა აღავსნა [ელენნი].
Line: 29 გარნა ეგრეთცა სანატრელსა და წმიდასა ათანასის არავე დააკლდეს ექსორიობანი
Line: 30 და განქიქებანი და ტანჯვანი. რამეთუ მცირედ რაჲ განისუენა ამისგან,
Line: 31 უალენტოჲსი ზედააღუდგა მას ბრძოლაჲ, რომლისასა მძლე ექმნა რაჲ
Line: 32 მისსაცა ბრძოლასა კეთილისა მის ლტოლვისა მიერ, რომელსა შინა სრულ ყვნა
Line: 33 თთუენი ოთხნი, ცხორებისაგან განვიდა ჟამთა ორმეოცდაექუსისა წლისათა გარდამჴდელი
Line: 34 მღდელობისა შინა. ხოლო მრავალი რაჲ თქუა უწინარეს სიკუდილისა,
Line: 35 უფროჲსღა წინამცნობელობით უწინასწარმეტყუელა პეტრეს, შემდგომსა მისსა
Page: 273 Line: 1 საყდრის-მპყრობელსა, თუ რაოდენნი და რაბამნი შემთხუევად უსხენ მას არიანოზთა
Line: 2 მიერ. ხოლო თჳთოსახეთა მათ და თითოფერთა ღუაწლთა თჳსთა და დევნულებათა
Line: 3 და სივლტოლათა და აღურიცხუეელთა მიმომავალთა-თჳს სიტყჳსმგებელი
Line: 4 ისმინე თუ რასა იტყჳს სანატრელი ვითარმედ "უკუეთუ ჰგიობე დამალულთა
Line: 5 შიშისაგან მკლველობად შემძლებელთაჲსა და შეასმენენ მლტოლვარეთა
Line: 6 მდევართაგან, რაჲ ყონ, იხილონ რაჲ იაკობ უკუე ლტოლვილად ძმისაგან, ხოლო
Line: 7 მოსე მადიამს დამკჳდრებულად შიშითა ფარაოჲსითა? რაჲ უკუე სიტყუა უგონ
Line: 8 მომზრახთა ესე ვითარისათა სულისგან ლტოლვილსა დავითს და დამალულსა
Line: 9 ქუაბსა შინა, და კუალად მცვალებელსა პირისასა წინაშე აბიმელექ ანქუბისსა, ვიდრემდის
Line: 10 თანაწარჰჴდეს შიშსა? რაჲ უკუე თქუან ყოვლისავე სიადვილით მეტყუელთა
Line: 11 და ყოვლისავე ქვისა ვითარ სათქუმელ არს აღმძრველთა, ესმას რაჲ დიდისა
Line: 12 ელიაჲს დამალვაჲ აქაბისგან და სივლტოლაჲ სიქადულთაგან იეზაბელისთა?
Line: 13 მერმეცა ძენი წინაჲსწარმეტყეელთანი, რომელნი სიკუდიდ იძიებოდეს, მაშინ
Line: 14 ქუაბსა შინა დამალულნი იდუმალ იხარდებოდეს აბდიაჲს მიერ". კუალად ვითარი
Line: 15 წინაგანწობაჲ მოიპოონ მათ წსაიაჲს მიმართ, რომელი უბრძანებს თითოეულსა
Line: 16 კეთილად-მსახურებისა-თჳს დევნულსა შენდობითა ღმრთისაჲთა და ეტყჳს. "დაიფარე
Line: 17 მცირედ, მცირედ, მცირედ, ვიდრემდის წარჰჴდეს რისხვაჲ უფლისაჲ?" და
Line: 18 რამეთუ ღმრთის-მსახურებითა უკუე ცხორებულნი ქრისტჱს მიერ იდევნნენ,
Line: 19 ცხად არს ვითარმედ უსამართლოდ. ხოლო უსჯულონი სამართლად პირისაგან უფლისა
Line: 20 განისხსენ, და თესლი უღმრთოთაჲ მოისპოს.
Line: 21 ესრეთვე თანაზრდილნიცა იგი მადლისანი შიშისა-თჳს ჰურიათაჲსა ლტოლვილნი
Line: 22 დაიძალვოდეს. და პეტრე ვიდრე-მე გამოჴსნილი საპყრობილით განერა
Line: 23 ჴელთაგან ჰეროდჱსთა და ყოვლისა მოლოდებისა ჰურიათაჲსა, ხოლო პავლე დამასკოს
Line: 24 შინა იძიებოდა რაჲ მთავრისა მიერ ზღუდით სარგნითა გარდატევებულ
Line: 25 იქმნა და განერა მძჳნვარებასა მეძიებელისასა.
Line: 26 აწ უკუე რაჟამს საღმრთოჲ წერილი ესე ვითართა თხრობათა მოსცემდეს
Line: 27 წმიდათა-თჳს, რომლისაღა მიზეზისაჲ უძლონ მოპოვნებაჲ მისაყრდნობელად
Line: 28 მეჩქურეობისა და წერილთა უმეცრებისა მათისა ცილობის-მოყუარეთა მათ? რამეთუ
Line: 29 შჯულსა შინა ვიდრე-მე ბრძანებაჲ იყო განჩინებად ქალაქთა შესახუეწელთა
Line: 30 მოსიკუდიდ საძიებელთა-თჳს, რათა შე-ვითარ-უეძლონ განრომაჲ. ხოლო უკუანაჲსკნელ
Line: 31 მო-რაჲ-ვიდა იგი, რომელმან ძუელად მოსეს განუწესნა იგინი ღმერთი
Line: 32 სიტყუაჲ, კუალად მცნებაჲ დადვა მეტყუელი: "რჟამს გდევნიდენ თქუენ ამიერ,
Line: 33 ქალაქით მიივლტოდეთ სხუად". და "მაშინ ჰურიასტანისანი ივლტოდედ მთად და
Line: 34 ერდოთა ზედა მყოფი ნუ გარდამოვალნ აღებად რასმე სახლისა-გან თჳსისა, და
Line: 35 ველისაჲ ნუ უკმოიქცევინ აღებად სამოსლისა თჳსისა". ამის-თჳს თჳთ მან ღმერთმან
Page: 274 Line: 1 სიტყუამან განკაცებულმან არა უღირს იჩინა ჩუენებრ დამალვაჲ, იძიებოდა
Line: 2 რაჲ, და კუალად დევნული ივლტოდა და ძმაცულებასა წინააღმდგომთასა მირიდებითა
Line: 3 განაქარვებდა. რომლითა ჩუენ გუასწავებდა, რათა ნებსით არა განვსცემდეთ
Line: 4 თავთა. ამის-თჳს უფროჲსად მჴნენი მოწამენიცა დევნულებათა შინა იდევნებოდენ
Line: 5 რაჲ ივლტოდიან, ხოლო იპოებოდიან რაჲ იწამებოდიან.
Line: 6 ხოლო დიდი კოსტანტინე იყუედრა ელენთა ფილოსოფოსთა მიერ ბიზანტიას
Line: 7 შინა, ვითარმედ არა კეთილად ჰყოფს და ჩუეულებისა-ებრ უპირატესთა
Line: 8 მისთა მეფეთაჲსა, არამედ განაახლებს და შესცვალებს მათ მიერ პყრობილსა
Line: 9 სარწმუნოებასა. ამის-თჳს სთნდა ერთსა ფილოსოფოსსა სიტყჳს-ყოფაჲ ალექსანდრჱს
Line: 10 თანა, ეპისკოპოსისა ბიზინტიელთაჲსა, სარწმუნოებისა-თჳს. ხოლო დაღათუ
Line: 11 სიტყჳთა გამოუცდელ ალექსანდრე, არამედ სხჳთა ყოვლითა საღმრთო იყო,
Line: 12 ვინაჲცა დღესა სიტყჳს-გებისასა ჰრქუა სიტყჳს-მგებელსა მას ფილოსოფოსსა:
Line: 13 "სახელითა იესუ ქრისტჱს ჭეშმარიტისა ღმრთისაჲთა გიბრძანებ შენ დუმილად
Line: 14 და რაჲთ-ურთით არა აღმოტევებად ხმისა". და მყის სიტყუასავე თანაუტყუ
Line: 15 იქმნა და დაადგრა უსიტყუელად. რომელთაცა ჟამთა დიდი ანტონი დიდთა და
Line: 16 მაღალთა სათნოებათა განბრწყინვებულებისა-თჳს სასმენელ იქმნა მეფისა, რომელსა
Line: 17 სავედრებელი ეპისტოლე მიუწერა მეფემან, რათა აღვიდეს ვიდრე კოსტანტინეპოლედმდე
Line: 18 და ულოცოს მეფესა და ქალაქსა. ხოლო მან ფრიადთა
Line: 19 ზრუნვათა მიერ მოცვულმან ჰკითხა მოწაფესა თჳსსა პავლეს: "რასა იტყჳ, შვილო?
Line: 20 წარვიდეა მეფისა ვედრებისა-ებრ მისისა?" ხოლო მან მიუგო და ჰრქუა:
Line: 21 "უკუეთუ წარხჳდე, ანტონი ხარ; ხოლო უკუეთუ არა წარხჳდე, მამაჲ ანტონი".
Line: 22 მაშინ წმიდამან თქუა: "აწ სადმე უკუეთუ დიდებისა ამის-თჳს არღარა მერქუმის
Line: 23 მამაჲ, უეჭუელად არა წარვიდე". რომელი ესე ისწავა რაჲ კეთილისა განმრჩეველობისა
Line: 24 თანაზრდილმან მეფემან, უფროჲსღა ირგო სიმდაბლისაგან და დიდებისმოყუარულობისაგან
Line: 25 წმიდისა მის ბერისა.
Line: 26 ესრეთ უკუე დიდმან კოსტანტინე იმეფა რაჲ ჰრომეს შინა ათორმეტი წელი
Line: 27 და ბიზინტიას ოცი წელი, და ნიკომიდიას შინა აღესრულა წელიწადთა
Line: 28 სამეოცდახუთთაჲ, სამთა ძეთა მისთა განიყვეს მეფობაჲ ჰრომთაჲ: აღმოსავალისაჲ
Line: 29 ვიდრე-მე დაიპყრა კოსტანტი, ხოლო დასავალისაჲ კოსტანტინე და კოსტა.
Line: 30 რომელმანცა მოკლა ძმაჲ თჳსი კოსტანტინე და მარტომან დაიპყრა მეფობაჲ
Line: 31 ექუს წელ. ამის შემდგომად იგიცა მოიკლა ერისა მიერ. ვინაჲცა ამაო იქმნნეს
Line: 32 მეტყუელნი დიდისა კოსტანტინჱს-თჳს, ვითარმედ აღსასრულისა ჟამსა ნათელ
Line: 33 იღო და ვიდრე მუნამდე არა ნათელ იღო. რამეთუ ვითარმცა ესე ვითარმან
Line: 34 ღმრთის-მსახურმან და ქრისტჱს-მოყუარემან ჴაცმან და სარწმუნოებისა-თჳს ყოვლად-მჴურვალემან
Line: 35 თავს იდვა ესოდენთა ჟამთა საღმრთოთა საიდუმლოთა ყოვლად-წმიდისა
Page: 275 Line: 1 ზიარებისაგან უცხოყოფაჲ და უფროჲსღა ეგე ვითართა წმიდათა მამათა
Line: 2 და მამათ-მთავართა მახლობელმან და სამღდელოთა მოძღურებათა და სჯულის-დებათა
Line: 3 მათთა მოსწრაფებით და სურვილით შედგომილმან? კუალად ვითარ
Line: 4 ურწმუნოთაგან სრულად ქრისტეანედ იცნობებოდა არღა სრულქმნილი წმიდითა
Line: 5 ნათლის-ღებითა? ანუ ვითარ რომელი იგი სხუათა ყოველთა აიძულებდა და აწუევდა,
Line: 6 ცხად არს ვითარმედ ურწმუნოთა რწმუნებად და ნათლის-ღებად და წმიდისა
Line: 7 სამებისა აღსაარებად უბრწყინვალესობით და უწმიდესობით, თჳთ ეგე ვითარსა
Line: 8 სიბნელესა შინა დადგრომილ იყო? ვინაჲცა ჭეშმარიტად ტყუილ არს ესე და
Line: 9 არიანოზულისა უღმრთოჲსა წვალებისა მოპოვნება და მათისა ურწმუნოებისა და
Line: 10 უმსახურებელობისა ძმაცულება, რამეთუ თჳსისა წვალებისა თანამბრძოლად მიყვანებაჲ
Line: 11 ჰნებავს დიდისა კოსტანტინჱსი და რეცა არიანოზთა მიერ ნათელღებულობასა
Line: 12 მისსა აზმნობენ. და რამეთუ დიდი ისიდორეცა ესე ვითარსა რასმე ხმობს,
Line: 13 ვითარმედ ჯერ არს შედგომაჲ და რწმუნების-ღირსად აღსაარებაჲ არიოზისათჳს
Line: 14 ნიკეას შეკრებულისა სამას ათრვამეტთა წმიდათა მამათა კრებისაჲ. რამეთუ მათ
Line: 15 ღმრთისა-მიერითა მობერვითა დაამტკიცეს ჭეშმარიტებაჲ. ხოლო საჴმარ არს
Line: 16 ცნობად, ვითარმედ ძუელსა აღთქუმასა შინა წმიდისა და თანაარსისა სამებისა
Line: 17 მოძღურებაჲ მიმოდათესულ არს, ვიდრემდის ფილონ, კაცი ჰურიაჲ და მოშურნე
Line: 18 მამულისა სჯულისაჲ, აღწერილთა შინა თჳსთა წინაგანეწყვების სარწმუნოებასა
Line: 19 თჳსსა. რამეთუ განმარტებასა შინა ამის სიტყჳსასა ვითარმედ "ხატად ღმრთისა
Line: 20 შევქმენ კაცი" იიძულა ჭეშმარიტებისა მიერ და დაპატიჟებულ იქმნა და სიტყუაჲ
Line: 21 ღმრთისაჲ ღმრთის მეტყუელა და კუალად თარგმანებასაცა შინა ამისსა ვითარმედ
Line: 22 "ღმერთი უფალი" ღმერთ მთავრობითისა სამებისა გულის-ხმის-ყოფაჲ წარმოაჩინა.
Line: 23 რამეთუ თქუა რაჲ ვითარმედ "ერთ არს ღმერთი" არა რიცხუსა მიედევნა
Line: 24 ერთობისასა, არამედ წმიდისა სამებისასა, რამეთუ დამტკიცებით უწყოდა სულმან
Line: 25 მისმან, ვითარმედ იიძულებოდა მარადის განცხადებულად თქუმად და წერით დატევებად
Line: 26 ამისსა. რამეთუ ორნი ვიდრე-მე ძალნი თქუნა ყოფად ნამდჳლვე ჭეშმარიტისა
Line: 27 არსისანი, რომელთაგანისა ერთისა შემოქმედობითისა და ქველის-მოქმედობითისაჲ
Line: 28 ღმრთად წოდებულობაჲ თქუა, ხოლო მეფობრივისა და მტანჯველობითისაჲ
Line: 29 უფლად, არა შორს-სავალმან მეტყუელისა მისგან ვითარმედ "ქრისტე
Line: 30 ღმრთისა ძალ არს და ღმრთისა სიბრძნე", ძალი არა უგუამოჲ, არამედ გუამოანი
Line: 31 და ყოვლად-ძლიერი, და გუამოვნებაჲ დამბადებელი სწორ ძალი მისი, რომლისა
Line: 32 იგი არს ძალ.
Line: 33 და კუალად მოსჱს მიერ ხილულისა მის სახილავისა განმხილველი იგივე
Line: 34 ფილონ იტყჳს ვითარმედ "ხილვაჲ განსაკრთომელი იხილა შემდგომად მცირედისა,
Line: 35 რამეთუ საშუვალ ალისა მის ხატსა რასმე შუენიერსა ჰხედვიდა არა რაჲს
Page: 276 Line: 1 ხილულთაგანისა მსგავსსა, არამედ ღმრთის-სახესა მსგავსებასა, რომლისა ნათელი
Line: 2 უცისკროვნეს იყო უფროჲს ცეცხლისა აღტყინებულისასა". და რომელი კეთილად
Line: 3 თუ ვინმე განიცადოს, ხატად არსისა უტყუეველობით თქუან იგი ყოფად. ხოლო
Line: 4 უკუეთუ ვისმე ზედა-მიწევნით ჰნებავს ცნობაჲ მის ხატისა-თჳს, ისმინედ პავლჱსი
Line: 5 ესრეთ მეტყუელისაჲ ძისა-თჳს: "რომელ არს ხატი ღმრთისა უხილავისაჲ".
Line: 6 აწ უკუე იგიცა მართლმადიდებლობითსა ღმრთის-მეტყუელებასა შეეხების. რამეთუ
Line: 7 ნუ სრულიადსა უცთომელობასა ეძიებ მისგან, რათამცა განკრძალულითა გულის-ხმის-ყოფითა
Line: 8 მიუდრეკელად მიჰხედნა ჭეშმარიტებასა და განცხადებულ
Line: 9 მბრძოლ იქმნა სარწმუნოებისა თჳსისა, არამედ ესე გულის-ხმა ყავ, ვითარმედ
Line: 10 არა ერთსა პირსა შინა შეწერა ღმრრთის-მეტყუელებაჲ, ვითარ ესე უსწავლელნი
Line: 11 და გულმძიმენი წინამძღუარნი ჰურიათანი სჯულის--მდებლობენ გარნა ამათგან
Line: 12 ხოლო ემხილებინ მათ, არამედ სხუათაცა მრავალთაგან, ვითარ იგი ვითარმედ
Line: 13 "ვქმნეთ კაცი ხატებად ჩუენდა და მსგავსებად", და ვითარმედ "წჳმა უფალმან უფლისა
Line: 14 მიერ", და ვითარმედ "ჰრქუა უფალმან უფალსა ჩემსა", და ვითარმედ "შენ
Line: 15 შორის ღმერთი, და შენ ხარ ღმერთი". რამეთუ მეტყუელთა ვითარმედ "ბევრგზის
Line: 16 წმიდა არს ღმერთი" და ამისთა თუ "წმიდა არს, წმიდა არს, წმიდა არსს" გარდაქცეულად
Line: 17 მთარგმანებელთა მთარგმანებელთა ბრწყინვალედ ამხილებს სიტყუაჲ ესე: "გამოვიძიე
Line: 18 პირი შენი, პირი შენი, უფალო, მოვიძიეო, ნუ მიიწცევ პირსა შენსა ჩემგან".
Line: 19 რამეთუ არათუმცა წმიდასა სამებასა ქადაგებდა საიდუმლოდ მეტყუელი, სამართლად
Line: 20 ნამეტავ მეტყუელებისაჲმცა იყო მიჴდაჲ პატიჟისაჲ. და არა ამის მიერ
Line: 21 ხოლო, არამედ სიტყჳსა მის მიერცა ვითარმედ "ამსხუერპლე ღმერთსა მსხუერპლი
Line: 22 ქებისაჲ და მისცენ აღთქუმანი შენნი და მხადე მე დღესა ჭირისა შენისასა:
Line: 23 და გიჴსნა შენ და მადიდო მე". რამეთუ არათუმცა ცხადად სამებაჲ იქადაგებოდა
Line: 24 აქა, ესტერ უღი და თქუმად ვითარმედ "ამსხუერპლე ღმერთსა მსხუერპლი
Line: 25 ქებისაჲ და მისცენ აღთქუმანი შენნი და ჰხადე მას დღესა ჭირისა შენისასა, და
Line: 26 გიჴსნას შენ, და ადიდო იგი. გარნა ესრეთ უკუე არა ითქუა, არამედ ითქუა,
Line: 27 ვითარ იგი ითქუა. რამეთუ განცხადებულად ამათ მიერ და სხვათა მრავალთა ქადაგებს
Line: 28 ძუელი აღთქუმაჲ, ვითარმედ არა ერთისა პირისასა აღიარებს მეუფებასა,
Line: 29 არამედ სამთა ვიდრე-მე გუამთასა, ხოლო ერთისა არსებისასა, რათა ჰურიათაჲცა
Line: 30 განაქიქოს, ვითარცა ერთისა პირის-მიმართი არა მრთელი სარწმუნოებაჲ.
Line: 31 რომელთა შეუდგა საბელიოს ლიბიელი. და ელენთაჲ მხილებულ ყო მრავალ-ღმრთეებაჲ.
Line: 32 რომელთა მოწაფე იქმნეს არიოზ და ევნომიოზ განყოფილებისა
Line: 33 გუამოვნებათაჲსა არსებისა მიმართ უსამართლოდ მიმძლავრებულნი.
Line: 34 ხოლო უკუეთუ ვინმე იტყოდის ვითარმედ "რად არა ზემოჲთგანვე ცხადად
Line: 35 იქადაგა ესე? "ვიტყჳთ, ვითარმედ გულის-ხმის-ყოფით მსმენელთა-თჳს ვიდრე-მე
Page: 277 Line: 1 ფრიად რაჲმე ბრწყინვალე არს წარმოჩინებაჲ და ქადაგებაჲ ამისი, ვითარ იგი
Line: 2 ბრძენსაცა სთნდა ფილონს. ხოლო უკუეთუ მიფარულად-რე ითქუა ესე. ამისი გულის-ხმის-ყოფაჲ
Line: 3 საჴმარ არს, ვითარმედ, რომელნი იგი მრავალღმრთეებისა მიმართ
Line: 4 მიდრეკილთა ჰურიათა სჯულის-მდებელად, ჩინებულ იყვნეს. არა სათნო უჩნდა
Line: 5 განყოფილებისა პირთაჲსა მოჴსენებაჲ, რათა არა გუამთა თანა ბუნებისაცა
Line: 6 განყოფილებაჲ ეოცნოს და სიცბილსა კერპთ-მსახურებისასა შთაცჳვენ, არამედ რათა
Line: 7 ზემოჲთგანვე ერთმთავრობისა სწავლისა მოსწავლე იქმნენ და ესრეთ მცირედ-მცირედ
Line: 8 შეემეცნნენ აღსაარებასა გუამთა განყოფილებისასა, რომელი კუალად
Line: 9 ერთობასავე ბუნებისასა წარმოაჩინებს, და რათა იყვნენ საეროდ ვიდრე-მე
Line: 10 თქუმელნი ბუნებითისა ერთობისა შესასწავებელ, ხოლო ზეშთა-აღმავალნი საეროჲსა
Line: 11 რიცხჳსანი ერთისა არსებისა მიმართ აღმავალისა თჳთებისა გუამოვნებათაჲსა.
Line: 12 რამეთუ თითოსახეთა უკუე ბუნებათა აღსაარებაჲ ელენებრი არს, ხოლო ერთისა
Line: 13 პირისა, ესე იგი არს გუამისა ქადაგებაჲ ჰურიაებრი, ხოლო წმიდისა და
Line: 14 თანაარსისა სამებისა ერთობად არსებისა შემოკრებაჲ გუამთაჲ მართლმადიდებლობითი
Line: 15 არს და კეთილად-მსახური სარწმუსოებაჲ.
Line: 16 ხოლო თავად ვიდრე-მე თქუმულთა ამათ მოჴსენებულ იყავნ ვითარმედ "არა
Line: 17 რაჲ არს ბუნებითი გამოსაჩინებელი, რომელმანცა ყოვლით-ურთ წარმოაჩინნა საქმენი
Line: 18 უზეშთაესნი ბუნებისანი რამეთუ დაღათუ ჴორც ჭეშმარიტებით იქმნა სიტყუაჲ,
Line: 19 გარნა არა ლიტონი კაცი იყო განკაცებული ქრისტე, უფროჲსღა ღმერთი
Line: 20 და მრჩობლთავე ბუნებათაგან ერთი იყო ძე ღმრთისაჲ და ღმერთი უზეშთაესი
Line: 21 არსებისაჲ, დაღათუ ცბიან უფროჲს-უმცროჲსობისა მამისა ზედა და ძისა
Line: 22 მომპოვნებელნი და თანაშემატყუებელნი სხუაარსად და უმსგავსოდ მამისაგან აღმსაარებელნი.
Line: 23 რამეთუ არა უწყიან, ვითარ ჰგავს, ვითარმედ უფროჲს-უმცროჲსობაჲ
Line: 24 თანაარსთა ზედა გამოიძიებვის და განაკითხვის, ვითარ იგი ჴაცი კაცისა
Line: 25 უფროჲს არს და ჴარი ჴარისა და ცხენი ცხენისა, და, რათა მარტივად ვთქუა,
Line: 26 კანონი ურთიერთას თანაშეტყუებითაჲ თანამონათესვეთა შეეტყუების და თანაარსთა
Line: 27 ამის-თჳს კადნიერებით გამომწულილველთა საღმრთოთა საქმეთასა და
Line: 28 უფროჲსად ძისა მეტყულთა მამისათა და თანაშემატყუებელობისა ესე პირი და
Line: 29 თანაარსობისა მოიყუანებს აღმსაარებელ-ყოფად. ვითარ იგი მათ არა ენებოს. რამეთუ
Line: 30 სხუაარსთა ურთი-ერთას თანაშეტყუების-ყოფაჲ უღონო არს, არცა ითქუმის
Line: 31 კაცი უფროჲსად ჴარისა ანუ ცხენი აქლემისა ანუ ვირი უფროჲსად თევზისა.
Line: 32 აწ უკუე საერთოჲსა ვიდრე-მე რიცხჳსა უმრავლესნი სიტყუანი ღმრთისა-თჳს
Line: 33 საღმრთოსა წერილსა შინა განყოფილებისა გუამოვნებათაჲსა არიან წარმომადგინებელ,
Line: 34 ხოლო საერთოდ მოხუმელნი ბუნებითისა იგივეობისა. და იგინი უკუე
Line: 35 ითქუმიან, რათა, საბელიო და ჰურიანი პირდაყოფილად იქმნენ, ხოლო ესენი,
Line: 36 რათა არიოზ და ევნემიოზ და ელენნი განიქიქნენ და რამეთუ განმავრცობელნი
Page: 278 Line: 1 წმიდისა სამებისა ზედა თჳთებათა რიცხჳსანი, და ერთობად არსებისა შემომკრებელნი
Line: 2 მისნი, ხოლო კეთილად-მსახურებით მორწმუნეობენ და ზეცისაგანისასა
Line: 3 მას შეუდგან ქადაგებასა არცა განყოფილებისა-თჳს გუამთაჲსა მრავალ-ღმრთეებისა
Line: 4 მიმართ მიდრეკილნი არცა ერთღმრთეებისა არსებისა ერთობად პირსა
Line: 5 შეცთომილნი ჰურიაებრივ". ხოლო ვითარ არა ჰრცხუენის თაყუანის-მცემელთა
Line: 6 დაბადებულისათა და თჳთვე მბრძოლთა განჩინებისა თჳსისათა? რამეთუ უარ-ჰყოფენ
Line: 7 თაყუანის-ცემასა აგებულისასა, ვითარცა საცთურისა ელენებრისა მორჩილსა
Line: 8 და მისდა მოქმედად შეასმენენ თავთა. ხოლო ამისი შესწავებაჲ საჴმარ არს,
Line: 9 ვითარმედ არა იგივეობაჲ სახელთაჲ უეჭუელად მათვე ცხად ჰყოფს საქმეთა, არცა
Line: 10 თანამოსახელეობაჲ ერ[თ]სახელობისასა წარმოაჩენს სახესა რამეთუ ძისა
Line: 11 ვიდრე-მე ზედა საკუთრად ითქუმის შობაჲ, ხოლო აგებულთა ზედა მოპოვნებით:
Line: 12 მის ზედა უკუე ჭეშმარიტებისა-თჳს და თანაარსებისა, ხოლო ამათ ზედა
Line: 13 პატივისა-თჳს და შვილებულობისა. "რამეთუ, ინება რაჲ, მშვნა ჩუენ სიტყჳთა
Line: 14 ჭეშმარიტებისაჲთა". ვინაჲცა ნუ თანამოსახელეობაჲ თანამოპატივეობად მოიღებვის
Line: 15 აქა, ნუცა მოპოვნებით-თქუმულნი საკუთრებით-თქუმულად საგონებელ
Line: 16 იქმნებიან, ხოლო ვინაჲთგან გულის-წყრომასაცა და რისხვასა და სხუათა ყოველთა
Line: 17 შეუტყუებელთა საღმრთოჲსა ბუნებისათა და მოპოვნებით-სათქუმელთა
Line: 18 მის-თჳს არავინ კეთილგონიერთაგანსა საკუთრებით-თქუმულად ჰგონებს. რამეთუ
Line: 19 ცხად არს, ვითარმედ თითოეულსა საქმესა თითოეული ლექსი განმაცხადებელად
Line: 20 ჭემარიტებისა შესაბამი და შესამსგავსი დაერთვის.
Line: 21 ხოლო კუალად თქუდ მგმობართა სულისა წმიდისათა და საღმრთოჲსა არსებისაგან
Line: 22 უცხომყოფელთა მისთა, ვითარ ღმერთმან და მაცხოვარმან ჩუენმან განკაცებულმან
Line: 23 სრულმყოფელად წმიდისა სამებისად განაჩინა ყოვლად-წმიდაჲ სული,
Line: 24 და წოდებასა ზედა საღმრთოჲსა ნათლის-ღებისასა მამისა თანა და ძისა აღირიცხუვის
Line: 25 და საიდუმლოსა ზედა ტრაპეზსა ჴორცშესხმულისა სიტყჳსა საკუთრად
Line: 26 ჴორცად შესცვალებს პურსა, გინა ვითარ ითქუას აგებულისა ანუ მონებრივისა ბუნებისად
Line: 27 და არა მეუფებრისა და შემოქმედებრივისა არსებისა თანამონათესვედ და თანაარსად
Line: 28 სული წმიდაჲ? რამეთუ, უკუეთუ მონაჲ არს, ნუ თანა-აღირიცხუვინ მეუფისა, და, უკუეთუ
Line: 29 აგებული არს ნუ თანა-შეირაცხებინ ამგებელისა გარნა შეიერთების და თანა აღირიცხუვის,
Line: 30 ვინაჲთგან მეტყუველისა ესე ვითარცა სჯულის-მდებელისა ქრისტჱსა ჯერ არს
Line: 31 მტკიცედ და უცთომელობით რწმუნებაჲ, ასწავებდეს რაჲ იგი არსებისა-თჳს თჳსისა,
Line: 32 დაღათუ უბრძანესყოფაჲ თავთაჲ ჰგონიეს მბრძოლთა სულისათა და უფროჲს
Line: 33 ღმრთისა მეცნიერებასა ზეცისა საქმეთასა იჩქურებენ ანუ თუ უფროჲსღა
Line: 34 ბოროტად-მსახურებით და კადნიერებით რიტორობენ. რამეთუ უკუეთე საღმრთოჲ
Line: 35 დანიელ ანგელოზისა მხილველი და სიდიდესა ზედა და სიკეთესა ხილულისასა
Page: 279 Line: 1 განკჳრვებული ქუეყანად დავარდა ზარგანჴდილი საშინელებისაგან სახილავისა,
Line: 2 რომელი სიტყჳს-გებაჲ დაუშთეს მამისა და ძისა და სულისა წმიდისა განყოფისა
Line: 3 მკადრებელთა და გამოუთქუმელისა ბუნებისა სიტყჳთ აღმწონელობისა ჴელმყოფელთა
Line: 4 და ბუნებათ-მეტყუელებისა შემკადრებელთა? და რამეთუ უჟამოსა მას
Line: 5 და სამარადისოსა და უშუამდგომელოსა და ყოვლისავე სიტყჳსა და გონებისა უაღრესსა
Line: 6 მამისაგან გამობრწყინვებასა ძისასა შობად უწოდენ წერილნი, არა რათა
Line: 7 ვნებულებაჲ უწამონ, არამედ რათა თანაარსებაჲ წარმოაჩინონ. ვინაჲთგან უეჭუელად
Line: 8 თანაარს მშობელთასა არიან შობილნი, ხოლო, რათა არა ოცნებაჲ ვნებისაჲ
Line: 9 შემოვიდეს, სიტყუად სახელ სდებენ, და, რათა არა უმრწემესობაჲ მიეჩემოს,
Line: 10 დასაბამსა იყო სიტყუაჲ, ხმობენ. ამის შემდგომად მამისა მიმართ თჳსებისა
Line: 11 მისისა მქადაგებელნი "და სიტყუაჲ იგი იყო ღმრთისა თანა", იტყჳან. მერმე
Line: 12 პატივისაცა წარმომაჩინებელნი "და ღმერთი იყო სიტყუაჲ" აღიარებენ, და ძეობითა
Line: 13 უკუე თანაარსებასა და სიტყჳსა სახელითა უვნებელობასა, და დასაბამსა მყოფობით
Line: 14 თანა სამარადისოობასა. ხოლო მამისა თანა მყოფობითა მისსა-მიმართსა თჳსებასა,
Line: 15 ხოლო თქუმითა ამისითა თუ "ღმერთი იყო სიტყუაჲ" პატივსა მისსა ქადაგებენ,
Line: 16 და თითოეულისა სახელისაგან შორად წარსდევნიან უშუერსა და შეუტყუებელსა
Line: 17 იჭუსა, ვითარ იგი ძეობისაგან ვიდრე-მე უმრწემესობასა, და სიტყჳსაგან
Line: 18 უგუამოობასა, და ღმრთად სამარადისოდ თანაარსად მშობელისა მამისად დაუსაბამოდ
Line: 19 და უმამოდ შობილად მისგან თაყუანის-საცემელობასა მისსა ასწავებენ.
Line: 21 ხოლო შემდგომად კოსტანტინჱსა მეფე იქმნა კოსტანტი, ძე მისი, ათერთმეტ
Line: 22 წელ. რომელი შემდგომად სიკუდილისა მამისა მისისა არიანოზობად მიდრეკილი
Line: 23 აიძულებდა საღმრთოსა ალექსანდრეს კოსტანტინუპოლელსა, რათა ზიარებად
Line: 24 შეიწყნაროს არიოზ. ხოლო იგი რაჲთ-ურთ არა თავს იდებდა, არამედ
Line: 25 ეტყოდა ვითარმედ "მეფე, სამას ათრვამეტთა მამათაგან შეჩუენებულისა და დასჯილისა
Line: 26 შეწყნარებაჲ ვერ ძალ მიც. რომელსა მეფე მიუგებდა ვითარმედ
Line: 27 "იხილე, ეპისკოპოს, ნუ უკუე უნებლიეთ შეიწყნარო იგი. რამეთუ აჰა ესერა
Line: 28 კრებისა ქმნაჲ მიბრძანებიეს, რათა უმეტესითა გამოწულილვითა განხილულ იქმნეს
Line: 29 თქუენ ორკერძოთა-თჳსვე". ხოლო წმიდაჲ ეპისკოპოსი ალექსანდრე მყის
Line: 30 აღუდგა და გამოვიდა პირისაგან მეფისა და თქუა: "ნებაჲ უფლისაჲ იქმენინ",
Line: 31 და მოწევნული ეკლესიად შინაგან წმიდისა საკურთხეველისა ღამეყოველ ხმობდა
Line: 32 ღმრთისა მიმართ ცრემლით-მეტყუელი ესრეთ: "უფალო ღმერთო, ნუ შეუნდობ
Line: 33 ურცხჳნოსა და მტაცებელსა მგელსა შესლვად შინაგან ეკლესიისა შენისა, არამედ
Line: 34 მსწრაფლ განსაჯე უმსჯავროჲ სიმართლისა მსჯავრითა". ხოლო ხვალისაგან ვითარცა
Page: 280 Line: 1 ეკლესიად შემოკრბებოდა კრებაჲ და არიოზცა მიმდგომთა თჳსთა თანა
Line: 2 მუნ მივიდოდა, შევიდა ვითარცა საჴმრისა-თჳს მუცლისა(-თჳს) სახლსა ვისსამე უკუანაგან
Line: 3 ფორისა, სადა იგი თქუმულისა მის-ებრ მეყსეულად განსთქდა შორის, და
Line: 4 განიბნინეს ნაწლევნი მისნი, და ორთაგან ჴუებულ იქმნა უბადრუკი: ზიარებად შეწყნარებისა
Line: 5 და აქაჲსა ამის ცხორებისაგანცა. და არიოზ უკუე ესრე დაიქცა ცხორებისაგან.
Line: 6 ხოლო მიმდგომნი მისნი დიდად სირცხჳლეულ იქმნეს და განიბნინეს.
Line: 7 მაშინ მწყემსმან კეთილმან, სიხარულითა აღსავსისა ეკლესიისამან, სანატრელმან
Line: 8 ალექსანდრე, საღმრთოჲ მესაიდუმლოებაჲ სრულ ყო.
Line: 9 ხოლო დიდისა კოსტანტინჱს ძმის-წულნი, ღალოს და ივლიანე წიგნისმკითხველ
Line: 10 იქმნეს ანტიოქიას შინა. და ვითარ გულს იდგინეს შენებაჲ ეკლესიისა
Line: 11 დიდისა მოწამისა მამაჲსსა და კერძოჲსა, რომლისაჲ ივლიანეს ჰხუდა შენებაჲ,
Line: 12 ქუეყანაჲ არა შეიწყნარებდა ნაშენებსა მისსა. რამეთუ დღეყოველ შენებული
Line: 13 მისი ქუეყანად დამჴობილი იპოებოდა ხვალის-დღე. და გარდაქცეულებასა ცნობისა
Line: 14 უბადრუკისა მის სულისასა უსულოჲ იგი ნივთი წინამოსწავებით ცხად ჰყოფდა.
Line: 15 რომელმან თმაჲცა თავისაჲ აღიპარსა და მონაზოსებრისა მოღუაწებისა მჩემებელი
Line: 16 ათინად შთავიდა გულის-მთქუმელი მეფობისაჲ, და ყოველსა ელადასა მოჰვლიდა
Line: 17 და მისანსა ეძიებდა და ხრიზმოსთ-მეტყუელსა, რათა იმისნოს, უკუეთუ
Line: 18 მიემთხუევის გულის-სათქუმელსა სადა იგი პოვა კაცი ვინმე ბოროტად-მსახური
Line: 19 წინაჲსწარუწყებისა ამისისა აღმთქუმელი. რომელმან საკერპოსა რასმე სიღრმედ
Line: 20 შთამავალსა მთხრებლსა შთაიყვანა იგი და ჰხადა მაცთურთა ეშმაკთა. და იგინი რაჲ
Line: 21 ჩუეულებისაებრისა თანა საოცრებისა გამოჩსდეს, აიძულა მას შიშმან სასწაულსა
Line: 22 ჯუარისასა დასახვად შუბლსა, რომელი იგი ვითარცა იხილეს, მყის უჩინო იქმნეს
Line: 23 ეშმაკნი. ხოლო გრძნეულმან მან, ვითარცა აგრძნა მიზეზი ლტოლვისა მათისაჲ,
Line: 24 აბრალა მას მეტყუელმან ვითარმედ "არა მოშიშნი, ვითარ შენ ჰგონებ,
Line: 25 არამედ მოძულენი შენ მიერ დასახულისა მის ნიშისანი წარვიდეს". ესრეთ შეცთუნებული
Line: 26 ტყუედ უღმრთოებისად გამოაჩინა და საძაგელებითა აღავსო, რამეთუ
Line: 27 სისხლითა ნაზორევთაჲთა განმრღუნელი საღმრთოჲსა ნათლის-ღებისაჲ გულის-თქუმითა
Line: 28 მეფობისაჲთა კეთილად-მსახურებისაგან განაშიშულა სამგზის საწყალობელი.
Line: 29 ამის შემდგომად მიუწოდა მას მეფემან კოსტანტი, და კეისრად შემქნელმან
Line: 30 მისმან მის თანა განილაშქრა სპარსთა ზედა. და, ვითარცა უკუმოიქცა მუნით,
Line: 31 თჳთმპყრობელად დაუტევა იგი. ხოლო თჳთ მოკუდა კილიკიას. რომლისა-ზე
Line: 32 ევნომიოს და ფოტინე და მაკიდონიოს და აპოლინარი წვალებათ-მთავარნი იცნობებოდეს
Line: 33 და ნაწილნი წმიდათა მოციქულთანი ანდრიაჲსნი და ლუკაჲსნი და ტიმოთჱსნი
Line: 34 შემოვიდეს კოსტანტინუპოლის. და ფლაბიანე ანტიოქელმან ორად განმყოფელმან
Line: 35 მგალობელთა მწყობრებისამან მონაცვალეობით დაწყებად სცა პირველად
Page: 281 Line: 1 გალობაჲ დავითიანისა ქების-მეტყუელებისაჲ, რომელიცა, ანტიოქიას რაჲ შინა დაწყებულ
Line: 2 იქმნა პირველად ყოველთა კიდეთა სოფლისათა განეფინა მიერ. და სარდიკიისა
Line: 3 და ღანგრიისანი იქმნნეს კრებანი: სარდიკიისაჲ ვიდრე-მე მარკელლჱს-თჳს
Line: 4 და ფოტინჱს-თჳს, რომელნი ლიტონად კაცად ჰგმობდეს ქრისტესა; ხოლო ღანგრისაჲ
Line: 5 მოწაფეთა-თჳს ევსტათი სევასტიელისათა, რომელნი მესსალიანელად იწოდებიან.
Line: 6 და დიდი ეფრემ საქმით და სიტყჳთ ბრწყინვიდა, რომელმან მრავალნი აღწერილნი
Line: 7 დაუტევნა, რომელთა შინა სამას ბევრად აღრიცხულნი მუჴლნი საგალობელად
Line: 8 მისცნა ასურთა და საცთურისაგან ვარდისანისა და კილოვნებითისა და
Line: 9 ხმანელისა გალობისა სიტკბოებითა გამოიჴსნნა ხოლო იიძულა და ხუცად ჴელთ-დასხმულ
Line: 10 იქმნა დიდისა ბასილის მიერ, რომელმან არწმუნაცა მას ვედრებით მეტყუელებაჲ
Line: 11 ელენურითა ენითა დაუყენებელად. და სასწაული ჯუარისაჲ გამოჩნდა
Line: 12 ცათა შინა წმიდით ადგილით თხემისაჲთ ვიდრე მთადმდე ზეთის-ხილთაჲსა განვრცომილი
Line: 13 რომლისა ძლით იპოების აწცა მეფისა კოსტანტის მომართ კჳრილე
Line: 14 იერუსალიმელისა მიერ მოწერილი ეპსსტოლე.
Line: 15 ესრეთ უკუე მასსალიანელთა, რომელ არიან ევჰიტად და ენთუსიასტად სახელდებულნი
Line: 16 იგი, ადელფეოჲსგან და დადოისსა და საბა და სჳმეონ წვალების-მთავართაჲსა, მიიღეს
Line: 17 ბოროტი იგი და სულთა განმხრწნელი წვალებაჲ. რომელთაგანნი მონაზონნი მრავალნი
Line: 18 დიდმან ფლაბიანე, ეპისკოპოსმან ანტიოქიისამან, შეკრიბა ერთად და ვითარ
Line: 19 უარ ყვეს წვალებაჲ თჳსი ამხილა მათ ესე ვითარითა სახითა. რამეთუ მათ შორის საჩინოჲ
Line: 20 ვინმე ბერი განიდგინა თჳსაგან და თქუა მისსა მიმართ მრავალღონიერებით ვითარმედ
Line: 21 "ჵ მოხუცებულო, ჩუენ მრავალსამეულისა გარდამჴდელნი ცხორებისანი უმეტეს
Line: 22 ზედა-მიწევნით ვიცნობთ კაცობრივსა ბუნებასა და წინააღმდგომთა ჩუენთა ეშმაკთასა
Line: 23 უჴელოვნესობით მეცნიერ ვართ მანქანებითა, და გამოცდილებით გჳსწავიეს
Line: 24 მომნიჭებელობაჲ მადლისაჲ ხოლო ესე ჭაბუკნი და ამათგანისა ვერა_რაჲს
Line: 25 ზედა-მიწევნით მეცნიერნი უსულიერესისა სიტყჳსა სმენასა ვერ თავს იდებენ.
Line: 26 აწ უკუე მითხარ მე, თუ ვითარ იტყჳთ წინააღმდგომისა სულისა მირიდებასა და
Line: 27 ყოვლად-წმიდისა სულისა მადლისა ლოცვისა მიერ და სიმარჯჳსა თქუენისა"? ხოლო
Line: 28 მან სიტყუათა ამათ მიერ შეტყუებულმან წარმოსთხია ყოველივე დაფარული
Line: 29 და სულთა განმხრწნელი გესლი და თქუა: "არცა ერთი სარგებელისაჲ უწყითო
Line: 30 ნათლის-ღებისა მიერ მინიჭებაჲ ღირს-ქმნულთა მისთაჲ, არამედ მხოლოდ მოსწრაფისა
Line: 31 ოდენ ლოცვისა მიერ განჴდაჲ შინაგან დამკჳდრებულისა და თანაშეარსულისა
Line: 32 ეშმაკისაჲ. რამეთუ თანამოაქუს თითოეულსა შობადთაგანსა პირველისა
Line: 33 მამისა გამო, ვითარცა ბუნებაჲ კაცებისაჲ, ეგრეთვე მონებაჲ ეშმაკისაჲ, რომელი
Line: 34 განიჴადოს რაჲ მოსწრაფისა ლოცვისა მიერ, მოეფინების მიერითგან ყოვლად-წმიდაჲ
Line: 35 სული ხილულად და გრძნობადად, და განცხადებულად წარმოაჩენს
Page: 282 Line: 1 მოსლვასა თჳსსა. და ჴორცნი უკუე ვნებულისა აღძრვისაგან მეყსეულად თავის-უფალ
Line: 2 იქმნებიან ყოვლით-ურთ, ხოლო სული უდარესთა-მიმართისა ქცეულებისაგან
Line: 3 სრულიად გამოიჴსნების. ვიდრემდის არღარა საჭირო არს მიერითგან არცა
Line: 4 მარხვითა აღკრძალვაჲ ჴორცთაჲ არცა მოძღურებითა აღჳრსხმულყოფაჲ სულისა
Line: 5 და გონებისა ყოვლისაგანვე მოქმედებისა და მოგონებისა ბოროტისა.
Line: 6 და არა. ხოლო სულისა და ჴორცთა საძაგელთა ვნებათადა აღძრვათაგან გამოიჴსნების
Line: 7 ეგე ვითარი იგი, არამედ ყოფადთაცა განცხადებულად წინაჲსწარ ჰხედავს და
Line: 8 წმიდასა სამებასა ხილულითა თუალითა განიცდის და ღმრთის-მეტყუელებისა და
Line: 9 საღმრთოთა საიდუმლოთა ღირს იქმნების". ესრეთ საკჳრველმან ფლაბიანე, საეშმაკოჲ
Line: 10 რაჲ იგი და საძაგელი წვალებაჲ გამოაცხადა და განაშიშულა, თქუა ბოროტად
Line: 11 მსახურისა მიმართ ბერისა: "დაძუელებულო დღეთა ბოროტთაო, გამხილენ
Line: 12 შენ საძაგელმან პირმან შენმან, და ნუ მე, და განხრწნილთა და არაწმიდათა
Line: 13 ბაგეთა შენთა შეგწამენ შენ". და ესრეთ გამოცხადნა რაჲ საეშმაკოჲ ესე და
Line: 14 საძაგელი საცთური და სენი, ასურეთით ვიდრე-მე განისხნეს იგინი, ხოლო პამფილიას
Line: 15 მიიწინეს და სავნებელითა აღავსეს იგი.
Line: 17 ხოლო შემდგომად კონსტანტისსა მეფე იქმნა ივლიანე განდგომილი ორსა
Line: 18 წელიწადსა და ნახევარსა რომელმან მიშუებითა ღმრთისაჲთა დაიპყრა რაჲ მეფობაჲ,
Line: 19 ჰყოფდა სხუათაცა ყოველთა, რაოდენითა რაჲთ მყვანებელნი მისნი ეშმაკნი
Line: 20 აღეშენებოდეს. რომლისა-თჳსცა მსახურთა კერპთასა კადნიერებით განახუნეს
Line: 21 საკერპონი სახლნი და ჩუეულებისა-ებრ სრულ ჰყოფდეს საძაგელთა მემსხუერპლეობათა.
Line: 22 ხოლო საღმრთოთა ტაძართა დააქცევდეს და ქრისტეანეთა მძჳნვარედ
Line: 23 სტანჯვიდეს. რომლისა-ზე იყო პორფირიცა ტჳრელი, რომელმან ფრიადითა სივერაგითა
Line: 24 მრავალი რაჲ იძმაცუა მაშინ სარწმუნოებისა ჩუენისა ზედა. რამეთუ
Line: 25 ქრისტეანე იქმნა იგი და სცა ვინმე ქრისტეანემან პალესტინეს, და გულმოწყექმნილი
Line: 26 კუალად მიიქცა ელენობისავე მიმართ უბადრუკი და წინააღმდგომად სარწმუნოებისა
Line: 27 ჩუენისა სჯულის-მდებელ იქმნა.
Line: 28 აწ უკუე, რაოდენნი რაჲ და რაბამნი მათ ჟამთა შინა კადრებულ იქმნნეს
Line: 29 თანამოსაჯულთა მიერ ბოროტად-მსახურებისათა, ფრიად მრავალ და თჳსაგანისა
Line: 30 აღწერისა მოქენე არიან. ხოლო ჩუენ მრავალთაგან მცირედნი მიგითხრნეთ. რამეთუ
Line: 31 ასკლიონს შინა და ღაზას კაცთა საღმრთოთა და ქალწულებითისა ცხორებისა
Line: 32 აღმთქუმელთა დედაკაცთა მუცელნი განაპნეს და ქრთილითა აღაჴსნეს იგინი
Line: 33 და საჭმელად წინადაუსხნეს ღორთა, რომელთა ღჳძლისა და სისხლისა თჳთცა
Page: 283 Line: 1 გემოჲს-მხილველ იქმნეს სახელსაძაგელნი. ხოლო სევასტოპოლის საფლავი წინამორბედისაჲ
Line: 2 განაღეს და ნაწილნი მისნი აღმოიხუნეს და დაწუნეს და განანქრინეს.
Line: 3 ხოლო კესარიას ფილიპჱსსა, რომელსა პანეადი ეწოდების აწ, ანდრიანტე
Line: 4 იყო მაცხოვრისაჲ რომელი წიდოანმან სამადლობელად წინაშე სახლისა თჳსისა
Line: 5 აღჰმართა, და მდელოჲ რაჲმე აღმოეცენებოდა ქუეშე კერძო, სადა იგი პირველად
Line: 6 ანდრიანტე ქრისტჱსი მდებარე იყო რვალისაჲ უცხოდ ყოვლისაგანვე კაცობრივისა
Line: 7 ცნობისად, საკურნებელი ყოვლისავე ვნებისა და სნეულებისაჲ. ამის
Line: 8 უკუე ანდრიანტისაჲ ივლიანე უღმრთომან დამჴობაჲ და სამღერელობით მიმოდათრევაჲ
Line: 9 ბრძანა და ნაცვალად მისსა აღმართებაჲ მუნ თჳსისა კერპისაჲ. ხოლო
Line: 10 ზეცით გარდამოსრულმან ცეცხლმან საშინელებით დაწუა იგი. ხოლო უფლისა
Line: 11 იგი ანდრიანტე წარმართთა მიერ დამუსრვილი მაშინ მოსწრაფედ შეკრიბეს ქრისტეანეთა
Line: 12 და ეკლესიასა შინა დაჰმარხეს.
Line: 13 მაშინ უკუე ბოროტად-მსახური ივლიანე ცხადად და ურცხჳნოებით აღიჭურა
Line: 14 კეთილად-მსახურებასა ზედა და პირველად სამეფოსა შინა ქალაქსა და გარემოჲს
Line: 15 ქალაქისა მყოფნი წყარონი საძაგელთა მსხუერპლთა მიერ შეაგინნა, რათა თითოეული
Line: 16 მიმღებელი წყლისაჲ მიემთხუეოდის ნაგებსაცა. ამას თანა უბანთა ზედა მდებარენიცა
Line: 17 სასყიდელნი ჭამადნი შემწიკნულნა მათ მიერ. რამეთუ ასხურა იგი პურსა
Line: 18 და ჴორცსა და ხილსა და მხალსა და სხუათა ყოველთა, რაოდენნი სათანადო არიან
Line: 19 მისაღებელად ამათნი უკუე მხილველნი ქრისტეანენი სულთ-ითქუმოდეს ვიდრე-მე
Line: 20 და ელმოდა ქმნილთა ამათ ზედა, გარნა იჴუმევდესვე მათ რწმუნებითა სამოციქულოჲსა
Line: 21 საულისა ესრეთ-მეტყუელისაჲთა ვითარმედ "ყოველი, რომელი სამზარაულოს
Line: 22 ისყიდებოდეს, ჭამეთ, და ნუ_რა_რას განიკითხავთ იჭჳსა-თჳს".
Line: 23 ამათ თანა სხუაჲცა ღონე წინაგანსაწყობელი კეთილად-მსახურებისაჲ მოიჴელოვნა
Line: 24 ჰავჴელოვანმან და, რაჟამს იგი გუნდსა მჴედრობისასა ოქროსა განუყოფდის
Line: 25 ძუელისა-ებრ ჩუეულებისა, თჳთ დაჯდის საყდარსა ზედა სამეფოსა, და წარმოდგმად
Line: 26 სცის წესისა-ებრ ბომონი სავსე ნაკუერცხლითა ცეცხლისაჲთა და პირის-პირ
Line: 27 მისსა ტაბლაჲ, რომელსა ზედა იდვის გუნდრუკი, და ბრძანებდის, რათა
Line: 28 მიმღებელთა ოქროჲსათა პირველად გუნდრუკი დაასხან ბომონსა ზედა, და ეგრეთღა
Line: 29 მოვიდოდის თითოეული და მიიღებდეს ჴელისა მისისაგან ოქროსა. და ამას
Line: 30 თანა ბრძანა ხატთაცა საძაგელთა დაწერაჲ დიაჲსსა და არეაჲსსა, და ესრეთ ისწრაფდა
Line: 31 არაწმიდაჲ შემწინკულებად ყოველთა. ხოლო დადვა სჯულიცა, რათა ქრისტეანე
Line: 32 არცა მჴედრად დაიწესებოდის არცა გამომეტყუელობისა ანუ რიტორობისა
Line: 33 ანუ ფილოსოფოსობისა სწავლაჲ ისწავებოდის. რამეთუ წერილთა ჩუენთა მიერ-აღჭურვილნიო.
Line: 34 თქუა, აღიღებდენ ჩუენდა-მომართსა ბრძოლასა. რომლისა იგი
Line: 35 კეთილად-განმაქიქებელი ღმრთის-მეტყუელებისა მოსახელე გრიგოლი იტყჳს:
Page: 284 Line: 1 "შენი არსა ელენყოფაჲ ხმისაჲ, მარქუ მე? რაჲ უკუე? არა ფინიკიელთანი არიან
Line: 2 ასონი წერილისანი, ვითარ იგი მეგჳპტელთა ვიეთმე ანუ თუ ამას ზედა უბრძნესთა-ებრაელთა,
Line: 3 მათ მიერ დაწერაჲ სჯულისაჲ ღმრთივ-დასახულთა შინა ფიცართა
Line: 4 ჰრწამს თითით, ღმრთისაჲთა?". და სხუათა რაოდენთა რათ იტყჳს ამათ-თჳს თავთა
Line: 5 მათ შინა განსაქიქებელთა განდგომილისათა, რომელთა ზედა-დაჰრთავს ვითარმედ
Line: 6 "ძალი სიტყჳსაჲ კეთილთა-თჳს ვიდრე-მე საჭურველ, ხოლო ბოროტთა-თჳს
Line: 7 საწერტელ იქმნების უკეთურებისა".
Line: 8 ამათ თანა ჰურიათაცა აღშჭურვიდა ქრისტეანეთა ზედა მეტყუელი მათი
Line: 9 ვითარმედ: რად არა ჰმემხხუერპლეობთ სჯულისაგან მბრძანებელობასა მემსხუერპლეობისასა?
Line: 10 ხოლო იერუსალჱმისა და ტაძრისა და მუნ გარეშეწერილისა
Line: 11 მსახურებისა მათისა რეცა განმაახლებელმან მყის ბრძანა რისხვითა და ჯერჩინებითა
Line: 12 ღმრთისაჲთა დარღუეულისა მის ტაძრისა აღმართებაჲ. რომელი ესე მათ
Line: 13 ფრიადითა სიხარულითა შეიწყნარეს და ყოვლით-კერძო სოფლისა განთესულთა
Line: 14 თანამონათესვეთა თჳსთა ყოველნივე იგი ბრძანებულნი განუცხადნეს და იგინი
Line: 15 უკუე მოსწრაფედ შემოკრბებოდეს და საჴმართა და გულს-მოდგინებასა აღშენებისა-თჳს
Line: 16 ტაძრისა წინდასდებდეს, ხოლო ესე მათ თანა მოვლისებითა მთავართაჲთა
Line: 17 და უხუებითა ჴელთაჲთა ფრიადსა წადიერებასა აჩუენებდა. და ორღანოთა
Line: 18 შენებისათა ვეცხლისაგან შემზადებულთა წარუცემდის ღმრთის-მბრძოლთა ჰურიათა
Line: 19 და ვითარცა თხრად და მიწისა განყრად იწყეს მრავალთა ბევრეულთა,
Line: 20 მეყსეულად ქარნი ძლიერნი და მაიძულებელნი ყოვლით-კერძოჲთა სასტიკებითა
Line: 21 აღიძრნეს და მეყსა შინა განაბნინეს ყოველნი. ხოლო იგინი რაჲ ჯერეთ ბორგდესვე
Line: 22 და სულგრძელებათა მიერ ღმრთისათა არა განისწავლებოდეს, არამედ
Line: 23 კუალად საქმესა შეეხებოდეს, პირველად უკუე ძრვაჲ იქმნა დიდი და საშინელი, და
Line: 24 მერმე ცეცხლი ნათხართა მათგან საფუძველთა აღმოეგზნა და დაწუნა მრავალნი
Line: 25 მათგანნი. ხოლო მას ღამესა და შემდგომსა მისსა იხილვა ცათა შინა ნიში ჯუარისაჲ
Line: 26 ნათლის-სახედ ელვარემყოფელი ყოვლისა მის ქუეყანისაჲ. რომელი იგი
Line: 27 ვითარცა იხილეს ამაოცნობათა და მათ-ძლითისა რისხვისა საღმრთოჲსა მომასწავებელობათა
Line: 28 უცხადესად-რე აგრძნეს, ადგილთა თჳსთა მიიქცეს სირცხვილეულნი.
Line: 29 ხოლო გულმძიმემან ივლიანე ისწავნა რაჲ ესენი, მსგავსად ფარაოჲსსა
Line: 30 მანცა განიფიცხა გული.
Line: 31 გარნა ვინაჲთგან მაშინ სპარსნი ქუეყანასა ზედა ბერძენთასა გამოვიდეს,
Line: 32 სთნდა ამასცა წინაგანწყობაჲ მათი, რომლისა-თჳს ჰკითხა მისანთა. ხოლო მათ
Line: 33 აწჳეს და უქადეს ძლევაჲ ვითარცა აღძრულთა ეშმაკთა მიერ. და ხრიზმოსიცა რაჲმე
Line: 34 წარუკითხეს მეტყუელი ესრეთ. "ხოლო აწ ყოველთავე მივიმართეთ ღმერთთა დადგინებად
Line: 35 უბრძოლელისა ძლევისა თირის თანა მდინარესა. რომელთა მთავარ
Page: 285 Line: 1 ვექმმნე მე, ახოანი ბრძოლათ-მოქმედი არის" ამათი მრწმენებელი ამაოჲ და მრავალთა
Line: 2 და დიდთა და ძნიად მისათხრობელთა საქმეთა მოქმედი ქრისტეანეთა-თჳს
Line: 3 და სხუათა უმრავლესთა შემდგომად ძლევისა მქადაგებელი ქმნისაჲ წარემართა
Line: 4 სპარსთა ზედა და განვლო მდინარე სოფლებისაგან ბერძენთაჲსა განმყოფელი
Line: 5 ქუეყანისა სპარსთაჲსაჲ, სადა იგი შეცთომილმან ჭაბუკისა ვისმე სპარსულისა
Line: 6 ესრეთ მეტყუელისაგან ვითარმედ "სამთა დღეთა შინა მოგცე შენ ბაბილონი და
Line: 7 რად გიხმან მრავალნი წარსაგებელნი", მეყსეულად საზრდელსა ერისასა მტჳრთველნი
Line: 8 ვიდრე-მე ნავნი დაწუნა და თჳთ ძნიად სავალით ქუეყანით კერძო სლვად მიიმართა
Line: 9 წინაძღომილმან შემცთუნებელისს მის-თჳსისა სპარსისამან. რომლიცა ანაზდაით
Line: 10 უჩინო იქმნა მათგან და დაუტევა ადვილად სარწმუნებელი იგი და ცნობასუბუქი
Line: 11 შეცთომილად ერისა თანა თჳსისა და განხრწნილად უდაბნოებისაგანცა
Line: 12 ადგილი და უღონოებისა საზრდელთაჲსა რამეთუ ესოდენი ნაკლულევასებაჲ
Line: 13 ეწია მათ, ვიდრე-ღა ცხენთა და ჯორთა ჴორცსა გულის-თქუმით, შეეხებოდეს.
Line: 14 და ესრეთ რაჲმე მოსცთებოდა და მძჳნვარედ განიხრწნებოდა ერი, ეწია მას
Line: 15 ღმრთივ-მოვლენილი სასჯელი. რამეთუ უჩინოდ სადაჲთმე მაზრაკი მიემთხჳა მას,
Line: 16 მკლავითი გუ[ე]რდად მიწევნული განეწუნა ნაწლევთა. რომლისა-მიერმან წყლულებამან
Line: 17 ცხორებისაგან ჴუებულ ყო უცნაურებითა მომკლველისა მისისაჲთა. და
Line: 18 სამართლისა მის ვიდრე-მე მიმჴდელი პატიჟისა და განმკუეთელი წყლულებისაჲ
Line: 19 არა ვისგან ცნობილ იქმნა ვიდრე დღესამომდე გარნა გინათუ კაცმან გინათუ
Line: 20 ანგელოზმან ქმნა ესე, უეჭუელად საღმრთოჲსა წამის-ყოფისა იქმნა იგი მსახურ.
Line: 21 ხოლო მის-თჳს იტყჳია, ვითარმედ, ვითარცა შეიწყნარა წყლულებაჲ იგი,
Line: 22 მეყსეულად სისხლითა აღივსო ჴელი და აღაფქურია ჰაერად და თქუა: "სძლე გალილეველო,
Line: 23 სძლე". და უკუმიღეს რაჲ ბიწი იგი გუამი მისი და დაჰფლეს
Line: 24 ტარსუს, აღმოაგდო ქუეყანისაგან და აღმოვარდა, ვითარცა იტყჳს კუალად სეხნაჲ
Line: 25 ღმრთის-მეტყუელებისაჲ გრიგოლი მეორესა შინა განსაქიქებელსა ამის
Line: 26 განდგომილისასა. ხოლო შემდგომად ამისსა გამოცხადნეს მანქანებანი გრძნებისა
Line: 27 მისისანი. რამეთუ, ვიდრე იყოღა იგი სპარსეთს, წარავლინა ეშმაკი დასავალეთს,
Line: 28 რათა მსწრაფლ მოართუას მას მუნით პასუხი რაჲმე. ხოლო იგი მონაზონისა
Line: 29 ვისმე მიერ დაყენებულ იქმნა მოგზაურობითგან ათ დღე და ვერ შეუძლო ეშმაკმან
Line: 30 წარვლაჲ კუალად ივლიანესვე მიმართ მიიქცა. და მან ვითარცა მიზეზი
Line: 31 დაყოვნებისაჲ ჰკითხა, მიუგო მას ეშმაკმან: "დამეყოვნაცა და უქმად უკუმოვიქეც
Line: 32 რამეთუ ვჰგებდ მონაზონისა პოპლიოჲსსა, რათამცა დააცადა ლოცვაჲ. და ვითარ
Line: 33 არა დააცადა მან ათითა დღეთა, დამაყენა მე ქმნად ნებისა შენისა". რომელი
Line: 34 ესე ესმა რაჲ ივლიანეს და შესწყინდა ფრიად, იქადოდა შემდგომად უკუმოქცევასა
Line: 35 მოსპოლვასა მონაზონთა ნათესავისასა. ხოლო ცნა ესე წარჩინებულთა
Page: 286 Line: 1 მისთაგანმან ვინმე და დაუკჳრდა და შემდგომად მიერ უკუმოქცევისა ყოველნივე
Line: 2 მონაგებნი თჳსნი გლახაკთა განუყენა და თჳთ წარვიდა ბერისა და გამოცდილ
Line: 3 მონაზონ იქმნა და ყოველთა მიუთხრობდა ძალსა მონაზონთასა, რომლისა მქონებელ
Line: 4 არიან დასამჴობელად წყუდიადშემოსილთა ეშმაკთა. ხოლო კარეს შინა
Line: 5 კაროჲს მიერ მეფისა აღშენებულსა ქალაქსა შევიდა ოდესმე დადგომად მგზავრობისაგან
Line: 6 და შთასავალსა რასმე სიღრმესა შინა აღასრულა არაწმიდაჲ მსხუერპლი
Line: 7 და კლიტენი და ბეჭედნი დაასხნა კართა და მცველნი დაადგინნა. რომელი
Line: 8 განაღეს რაჲ შემდგომად დაცემისა მისისა, პოვეს დედაკაცი თმითა დამოკიდებული
Line: 9 განპყრობილად მქონებელი ჴელთაჲ რომლისაჲ უწყალოდ განაპო უწყალომან
Line: 10 მუცელი, რათამცა მძლეობაჲ სპარსთაჲ იმისნა ღჳძლისა მიერ მისისა.
Line: 11 ხოლო ანტიოქიას შინა მრავალი კიდობანი თავებითა კაცთაჲთა აღსავსე და
Line: 12 მრავალნი მღჳმენი გუამებითა მკუდართაჲთა სავსენი პოვნეს. და რამეთუ ბევრეულნი
Line: 13 მუცელქუმულნი დედანი განაპნა სისხლის-სადინელთა შინა ღჳძლის მზმნელობისა-თჳს
Line: 14 და მრავალნი ყრმანი დაკლნა და ქუეშე კერძო კერპთასა დაჰფლნა
Line: 15 კერპთ-მოყუარემან მან კერპიანმან და სხუაჲცა მრავალი სიტყჳერი გუნდი თითოსახეთაგან
Line: 16 ჰასაკთა თითოსახეთა მისცა სიკუდილთა სახელსა ზედა პოსიდონისსა
Line: 17 და სხუათა ეშმაკთასა ეშმაკეულმან მან და ღმრთის-მოძაგებულმან.
Line: 18 არა ესე ხოლო, არამედ ცხენთაცა ჭარმაგთა და რახსთა დაჰკლვიდა:
Line: 19 ჭარმაგთა უკუე მზისა-თჳს, ხოლო რახსთა ცეცხლისა და ქართა-თჳს. და ამათ
Line: 20 თანა ძაღლთაცა და ციდამტკაველთა და ყორანთა და კნინღა და ყოველსავე სახესა
Line: 21 ქუეწარმავალთა და ოთხფერჴთა მჴეცთა და სხუათა ყოველთა ქუეყნისა და ჰაერისათა
Line: 22 ცხოველთასა არა დააცადებდა მოწყუედასა და ზორვათა უცხოთა მოპოვნებასა,
Line: 23 რომელნი ელენთა მიერ სჯულდებულთა მსხუერპლთასა უმრავლეს და უძჳრეს
Line: 24 იყვნიან. რამეთუ უპირატესთა მისთა ელენთა ყოველთა ზეშთა-მძლეობითა
Line: 25 ამათ შინა ჰგონებდა უღმრთოჲ, ვითარმედ განღმრთობასა და ღმრთად საგონებელობასა
Line: 26 ღირს იქმნეს. ვინაჲცა ესე ვითარნი არიან სახელსაძაგელთა ღმერთთა
Line: 27 და არა წმიდათა ეშმაკთა მბრძანებელობითნი მაწუეველობანი და მისნობანი და
Line: 28 ესე ვითარ ცნობა ვნებულისა მის და ღმრთივ-მოძაგებულისა აღსასრულნი საქმეთანი.
Line: 29 და მათი ვიდრე-მე მტყუვარმენიშეობაჲ და მაცთურობაჲ ცხად იქმნას,
Line: 30 ხოლო ესე ვითარცა საცთურისა მათისა დამონებული მოკუდა წელიწადთა ოცდა
Line: 31 ათთაჲ და მოაკლდეს ამაოებით დღენი მისნი და წელიწადნი მისნი სწრაფით,
Line: 32 და წარწყმდა უსჯულოებისა მისისა-თჳს. რამეთუ მრავალი უსჯულოებაჲ და სიცრუვე
Line: 33 თქუა ნამდჳლვე ზეცად მიმართ, და დადვა ცათა შინა პირი თჳსი, და ენაჲ
Line: 34 მისი ეთრია ქუეყანასა ზედა, ვითარცა წერილ არს. და ყოვლად-საძნაურნი და
Line: 35 ძნიად გამოსათქუმელნი საქმენი ქმნნა და დიდად აღიზახა პირველსა ზედა წესსა
Page: 287 Line: 1 და სარწმუნოებასა თჳსსა არა დაცვითა მისითა. რომლისა-თჳსცა დაეცა დაცემითა
Line: 2 განსაკრთომელითა და მითხრობად შესაძლებელითა. ვითარცა შემაცთუნებელი
Line: 3 იგი და წარმწყმედელი მისი ყოვლად-ბოროტი ეშმაკი.
Line: 5 ხოლო შემდგომად ივლიანჱსსა მეფე იქმნა იოვიანე რვა თთუე. შემდგომად
Line: 6 სიკუდილისა ივლიანჱსსა ძლითღა სადმე მშჳდი მეფობაჲ იოვიანჱსი განმიახლდა
Line: 7 ჩუენ. რომელი იგი ერთსა და მასვე ჟამსა შინა მეფედცა და აღმსაარებელად
Line: 8 და ბოროტად-შემოსრულისა მის საცთურისა უჩინო მყოფელად გამოჩნდა.
Line: 9 რამეთუ ვინაჲთგან საჭურველთა შინა იყო მჴედრობაჲ, და ბარბაროზი მათდა
Line: 10 გარემოდგომილ იყო, და მჴედართ-მთავართა ჩუენთა იუვიანეს განუკუთნეს
Line: 11 პატივი მეფედ განჩინებისაჲ. ხოლო მას მიერთუნეს რაჲ შესაწყნარებელად ნიჭნი
Line: 12 მეფობისანი, მჴედრობისა მიმართ თქუა: "შეუძლებელ არსო თქუენ ზედა
Line: 13 მეფობაჲ ჩემი, რამეთუ ვინაჲთგან მე ქრისტეანე ვარ, ხოლო თქუენ შემწინკულებულ
Line: 14 ბილწებითა ივლიანჱს სამსახურებელთაჲთა". მაშინ ყოველთა ერთი და
Line: 15 იგივე ხმაჲ აღუტევეს და თქუეს ვითარმედ "და ჩუენცა ქრისტეანე ვართ. რამეთუ
Line: 16 პირველ სმენადმდე ამის ხმისა არა თავის-მდებელ ქმნილ იყო მიმღებელობასა
Line: 17 მეფობისასა. რომლისა-თჳსცა მეყსეულად საღმრთოჲ რაჲმე კაცთ-მოყუარებაჲ
Line: 18 მოიწია მისსა, და გარეშე ყოვლისა სასოებისა შეწყუდეულობასა შინა მჴედრობისა
Line: 19 ჩუენისასა და ყოვლით-კერძო მბრძოლთა მიერ გარემოცვულებასა, რომელთა
Line: 20 იგი არცაღა ერთი სასოებაჲ დაჰშთომოდა, ვინაჲ კერძოვე განლტოლვისაჲ
Line: 21 ანაზდაჲთ ბარბაროზისა მიერ მოვლინებულნი მოციქულნი მოიწინეს და მშჳდობისა
Line: 22 ჰამბავი მოიღეს, და სიყმილითა განლეულსა მჴედრობასა საზრდელთა და
Line: 23 სხუათა საჭიროთა საჴმართა მინიჭებაჲ აღუთქუეს და ყოვლითა კაცთ-მოყუარებითა
Line: 24 განმართებაჲ ცთომილებათა ჩუენთაჲ იქადაგეს. და ოც და ცხრა წელ მიმღებელი
Line: 25 ზავსა მშძჳდობისასა თანა მჴედრებით-ურთ ბერძენთა ქუეყანად აღმოვიდა.
Line: 26 ხოლო იიძულა და დიდი ქალაქი ნისიბინელთა სპარსთა მიუტევა. ამან ფრიადი
Line: 27 მოსწრაფებაჲ და ზრუნვაჲ აჩუენა ეკლესიათაჲ და ექსორიობას მყოფთა ყოველთა
Line: 28 ეპისკოპოსთა აღმოუწოდა. ხოლო საღმრთოსა ათანასის მიუმცნა, რათა
Line: 29 უბიწოჲსა სარწმუნოებისა მისისა საზღვარი გამოწულილვით აღწერილი წარსცეს
Line: 30 მისსა, რომელი ესე ქმნაცა დიდმან ათანასი და მიუწერა მეფესა იუვიანეს ეპისტოლე
Line: 31 სავსე მართლმადიდებლობითა. არამედ ესრეთ კეთილად-მსახური ესე და
Line: 32 საკჳრველი შემდგომად რვათა თთუეთა მეფობისა მისისათა აღესრულა კილიკიას
Line: 33 და დიდი გლოვაჲ დაუტევა ეკლესიათა და ყოველსა ერსა.
Line: 2 ხოლო შემდგომად იუვიანჱსსა მეფე იქმნა უალენტინიანე ათორმეტ წელ,
Line: 3 რამეთუ ნიკეას შინა ბითჳნიისასა იქადაგა მეფედ. რომელიცა თანამბრძოლებისა-თჳს
Line: 4 სარწმუნოებისა ჩუენისა ივლიანჱს მიერ განიჴადა გუნდისაგან მჴედრობათაჲსა. არამედ
Line: 5 აღუსრულა მას ღმერთმან, რაჲ იგი აღუთქუა, ას წილად მიმგებელმან მისმან
Line: 6 აწინდელსავე ამას შინა საუკუნესა რამეთუ ვინაჲთგან სარწმუნოებისა-თჳს
Line: 7 მჴედრობისაგან დამჴობილ იქმნა, პატივი მეფობისაჲ შეიწყნარა. ამან ზიარად მეფობისა
Line: 8 თჳსისა მიიყვანა ძმაჲ თჳსი უალენტი შემდგომად ოცდაათთა დღეთა
Line: 9 მეფედ ქადაგებისა მისისათა. და თჳთ ვიდრე-მე დასავალისა კერძი აღირჩია, ხოლო
Line: 10 მას აღმოსავალისანი ადგილნი დაუტევნა. ხოლო უალი თანამოდგამ მწვალებელთა
Line: 11 ქმნილი გზასა მამათა მისთასა ვიდოდა, და რამეთუ ეპისკოპოსნი ექსორიად
Line: 12 წარსცნა და მღდელნი და დაიკონნი და მონაზონნი, და ესე ოდენ შეაიწრნა
Line: 13 იგინი ტატიანჱს ვისმე მიერ მაშინდელისა მთავრისა ალექსანდრიელთაჲსა,
Line: 14 ვიდრემდის ტანჯვითაცა განცადნა ვიეთნიმე მათგანნი და ცეცხლსა მისცნა. და
Line: 15 მრავალნი უსახურებანი და მჴეცებრივობანი მოიპოვნა ეკლესიასა ზედა ღმრთისსა.
Line: 16 ხოლო ესე ყოველნი შემდგომად აღსრულებისა ათანასჱსა იქმნებოდეს. რამეთუ
Line: 17 მას ზედა არა აუფლა ღმერთმან და, დაღათუ სხუათა ზედა ბორგდა, ვერა_რას შემაწუხებელისა
Line: 18 ქმნაჲ იკადრა მისსა მიმართ. ხოლო კოსტანტინუპოლისა ქრისტეანეთა
Line: 19 მართლმადიდებელთა შეწყალებულყოფაჲ ჰგონეს უალენტოჲს მიერ, ამის-თჳს
Line: 20 მიავლინნეს მისსა მიმართ მვედრებელად ოთხმეოცნი სამღდელონი კაცნი,
Line: 21 იყო რაჲ იგი ნიკომიდიას, რომელთა წინამძღუარ იყვნეს თეოდორე და ურვასოს
Line: 22 და მენედიმოს, რომელთაცა ნავით-ურთ ცეცხლითა აღნთებაჲ ბრძანა და
Line: 23 ყო[ვ]ელნი დაიწუნეს ზღუასა შინა ნავისა თანა.
Line: 24 მაშინ უკუე უვალი, ყოველნი ეკლესიანი მოარბინა რაჲ და მოირთნა, მიიწია
Line: 25 კესარიად კაპპადოკიისა დიდისა ბასილის ზედა აღძრული გულის-წყრომითა,
Line: 26 ოდეს იგი ძისაცა მისისა საქმე ეგე ვითარად იქმნა, ვითარცა იტყჳს ღმრთის-მეტყუელი
Line: 27 გრიგოლი. ხოლო დიმოსთენი ვინმე ნუვაგთ-მოქმედთაგანი უვალისთაჲ
Line: 28 უვალის-მიმართსა შინა სიტყჳს-გებასა ზედა დაუჴდებოდა დიდსა ბასილის
Line: 29 და სიტყუაბარბაროზობდა, რომელსა ზედა მცირედ განიღიმა მოძღუარმან და
Line: 30 თქუა: "აჰა ვიხილეთ დიმოსთენიცა უწიგნოჲ". და ვინაჲთგან გუთნი მაჭირვებელ
Line: 31 ექმნებოდეს უალენტის, ითხოვა ძმისა თჳსისა საღმრთოჲსა უალენტინიანჱსგან
Line: 32 მივლინებაჲ მჴედრობისაჲ შესაწევნელად. ხოლო მან არა მიუვლინა, არამედ
Line: 33 აყუედრაცა, ვითარცა მწვალებელსა და ბოროტად-მადიდებელსა, და თქუა,
Line: 34 ვითარმედ არა ჯეროან არს შეწევნაჲ კაცისა ღმრთის-მბრძოლისაჲ. მათ უკუე
Line: 35 ჟამთა შინა შემდგომად ორმეოცდაექუსთა წელთა მღდელობისა მისისათა შემდგომად
Page: 289 Line: 1 მრავალთა ღუაწლთა და მრავალთა გჳრგჳნთა მოთმინებისათა დიდი ათანასი
Line: 2 მიიცვალა. და საყდრის-მონაცვალე ექმნა მას პეტრე ზიარად ღუაწლთა მისთა
Line: 3 წინაჲსწარ მოჴსენებული იგი. ხოლო ლუკიოზ ეპისკოპოსმან არიანოზთა
Line: 4 წვალებისამან მეყსეულად ვითარცა მგელმან ცხოვართა ზედა მიიმართა. და პეტრე
Line: 5 უკუე ჰრომედ წარივლტოდა, ხოლო ლუკიოს ესრეთ სისხლითა კაცთაჲთა
Line: 6 ვიდოდა, ვიდრემდის არცაღა სჯულისა რაჲსმე წესთა დამცველად იხილვებოდა,
Line: 7 რამეთუ დასაბამსა მთავრობისა მისისასა ესოდენ და ესრეთ ბილწების-მოყუარე
Line: 8 იქმნა ქალწულთა მიმართ და განკრძალულთა ვიეთმე ეკლესიისათა, რომელთა
Line: 9 მსგავსი არცა რაჲ ვის დევნულებასა შინა ელენთასა მოეჴსენების ქმნილად. არა
Line: 10 ესე ხოლო, არამედ უდაბნოსაცა მარბეველ ექმნებოდა და ბრძოლასა დაყუდების
Line: 11 მოღუაწეთა ზედა მიავლენდა. რამეთუ სამათასნი კაცნი ერთბამად უდაბნოს ბრძოლად
Line: 12 მონაზონთა წარავლინნა, სადა იგი მისრულნი ბრძოლად უცხოსა იხილვიდეს
Line: 13 სახესა ბრძოლისასა. რამეთუ წინააღმდგომბრძოლნი იგი ვითარცა დაემთხუეოდიან,
Line: 14 თავთა თჳსთა მახჳლსა წარუპყრობდიან, რომელთაგან არა რაჲ სხუაჲ
Line: 15 ისმინებოდის თჳნიერ ესე ხოლო: "ჵ მეგობარო, რომლისა-თჳსცა მოსრულ ხარ?".
Line: 16 მასვე უკუე ჟამსა მამანი მონაზონთანი საჩინონი ცხორებითაცა და ჟამისა უპირატესობითა
Line: 17 მაკარი, ისიდორე, და სხუაჲ მაკარი. და ირაკლიდი, და პამბო,
Line: 18 ანტონის მოწაფენი, ეგჳპტეს და უფროჲსღა უდაბნოთა შინა ადგილთა ნიტრიისათა
Line: 19 ბრწყინვიდეს კაცნი, რომელნი მქონებელად ზიარებასა ცხორებისა და საქმეთასა,
Line: 20 არა სხუათა თანა კაცთა, არამედ ზეცისა ანგელოზთა თანა ირწმუნებოდეს.
Line: 21 რომელთა მხილველ ვიქმენ მაშინ და რომელთა ვნებისა თანაზიარებასა
Line: 22 ღირს ვიქმენ. ესე თჳსთა ადგილთა შინა მსხდომარენი და მლოცველნი შემწყნარებელ
Line: 23 ექმნებოდეს მკლველთა თჳსთა.
Line: 24 ამათდა მიმართ მიყვანებულ იქმნა კაცი ვინმე უმრავლესითა ასოებითა გუამისაჲთა
Line: 25 და უფროჲსღა ფერჴითა განჴმელი. რომელსა იგი სცხეს ზეთი და
Line: 26 თქუეს: "სახელითა იესუ ქრისტჱსითა, რომელსა სდევნის ლუკიოს, აღდეგ და
Line: 27 ვიდოდე ფერჴითა შენითა". ხოლო იგი მეყსეულად აღდგა და განვიდა და
Line: 28 მმადლობელი ღმრთისაჲ წარვიდა სახიდ თჳსსა. კუალად უწინარეს მცირედისა ჟამისა
Line: 29 ბრმაჲ ვინმე მიიყვანეს სენაკსა ნეტარისა მაკარისსა უდაბნოს, რომელი იყო
Line: 30 სიშორესა სამისა დღისა გზისასა. სადა იგი ფრიადითა შრომითა მისრული ბრმაჲ
Line: 31 და ვერ მპოვნელი ბერისაჲ შინა ყოვლად-შეურვებული მწუხარე იყო. ხოლო
Line: 32 გარდარეულებითა სარწმუნოებისაჲთა განჴურვებულმან "გლოცავო", ჰრქუა მიმყვანებელთა
Line: 33 მისთა, "მიმაახლეთ მე მას კერძოსა ზღუდისასა, სადა იგი მიწოლად
Line: 34 ჩუეულ არს ბერი". და, ვითარცა მიიყვანეს მუნ, გამოჰჴლიჩა მცირედი ჴმელისა
Line: 35 მისგან თიჴისა ადგილსა, რომელსა მისაყრდნობლობაჲ შეეტყუებოდა და იტჳრთა
Page: 290 Line: 1 ჴელითა თჳსითა. და ევედრა, რათა წყალიცა აღმოუვსონ მას ჯურღმულისა, რომლისაგან
Line: 2 სუმიდა მოხუცებული. ხოლო მან განჴსნა თიჴაჲ იგი წყლითა და იცხო
Line: 3 თუალთა თჳსთა და დაიბანნა აღმოვსებულითა მით წყლითა და მეყსეულად
Line: 4 მიიღო ნათელი მხედველობისაჲ ესრეთ ვიდრემდის არღარა ვისსა მოქენე ჴელპყრობით
Line: 5 მყვანებელობისაჲ წარვიდა სახიდ თჳსსა. რომელიცა შემდგომად ამისსა
Line: 6 ყოვლით სახლით მისით-ურთ აღვიდა ბერისა და მადლობასა აღუვარებდა
Line: 7 ღმერთსა და, საქმისა მის-თჳს თუ ვითარ იქმნა განკჳრვებით მიუთხრობდა.
Line: 8 ესე უკუე ესე ვითარნი საღმრთონი და ნიშებშემოსილნი მამანი ჭალაკსა
Line: 9 ეგჳპტისა ტბათასა ექსორია ყვნა ლუკიოს, სადა იგი არავინ ქრისტეანე მკჳდრ
Line: 10 იყო ხოლო ვითარცა ნავი მონაზონთაჲ ჭალაკსა მას მიეახლა, ასული მღდელისა
Line: 11 მის სოფლებისა კერპთაჲსაჲ ეშმაკისაგან გუემული, ვითარცა ქარისა მიერ
Line: 12 აღტაცებული, რეცა ფრინვით მოვიდა ვიდრე ნავადმდე წმიდათა ბერთა მხმობელი
Line: 13 ხმათა უშუერთაჲ, ვითარცა შეჰგავს ეშმაკეულსა. ხოლო მათ შეჰრისხნეს
Line: 14 სულსა მას და ყრმაჲ ვიდრე-მე მრთელი უკუნ სცეს მშობელთა. ხოლო მკჳდრნი
Line: 15 მის ადგილისანი ყოველნი მჴურვალედ და მტკიცედ ქრისტეანედ გამოაჩინნეს.
Line: 16 ესე ისწავა ლუკიოს და შეშინებულმან, ნუ სადა ყოველნი მართლმადიდებელად
Line: 17 შექმნნენ, ფარულად სენაკთავე თჳსთა კუალად აგნა იგინი.
Line: 18 მაჳია დედუფალი სარკინოზთაჲ ქრისტეანე იყო ნათესავისაგან ბერძენთაჲსა
Line: 19 და წარყვანებული ტყუედ სთნდა შუენიერებისა-თჳს მისისა მეფესა სპარსთასა
Line: 20 და მიმყოვრებასა შინა ჟამისასა პატიჟსა დედოფლობისასა მიიწია. რომელმან მრავალნი
Line: 21 ძჳრნი შეამთხჳკნა ბერძენთა და ლაშქარი მათი ძლიერითა ბრძოლითა მოასრულა
Line: 22 და ქალაქნი მრავალნი პალესტინისა და ასურეთისანი გამოიხუნა ხოლო
Line: 23 ვედრებულ იქმნა რაჲ ყოფად მშჳდობისა, თქუა: "სხუებრ არა იქმნესო ესე, არათუ
Line: 24 მონაზონი ვინმე სახელით მოსე ჴელთ-დასხმულ იქმნას ეპისკოპოსად ნათესავსა ზედა
Line: 25 და ქუეყანასა მისსა, რომელი უდაბნოთა მახლობელთა საბრძანებელისა მისისათა
Line: 26 მკჳდრ იყო და სათნოებათა და საკჳრველებათა მიერ ბრწყინვიდა მიეთხრა უკუე მეფესა
Line: 27 ბერძენთასა სათხოელი ესე რომელმან ფრიადითა სწრაფითა უბრძანა ქმნაჲ ამისი მჴედართ-მთავართა.
Line: 28 და ვითარცა მოიყვანეს იგი ჴელთ-დასხმად ალექსანდრიას ლუკიოჲს
Line: 29 მიერ, არა თავს იდვა მან, არამედ თქუა ვითარმედ "ლუკიოს არა დამასხნეს მე
Line: 30 ჴელნი მისნი: რამეთუ სისხლითა წმიდათაჲთა შებღალულად მოჰქონან იგინი".
Line: 31 ესრეთ სირცხჳლეულ რაჲ იქმნა ლუკიოს განქიქებითა უსჯულოთა საქმეთა მისთაჲთა,
Line: 32 იიძულა დაცადებად, რათა მის-ქუეშეთა ეპისკოპოსთა ექსორიაქმნულთა
Line: 33 მიერ ჴელთ-დასხმულ იქმნეს მოსე. რომელი ესე იქმნაცა და ესრეთ ჴელთ-დასხმული
Line: 34 მიეცა მაჳიას და მრავალნი ყვნა ქრისტეანეთ-მოყუარე. ხოლო აღწერით
Line: 35 მოგჳთხრობს მრავალსა ნათესავისა-თჳს სარკინოზთაჲსა, თუ ვინაჲ სახელ იდების
Page: 291 Line: 1 და ვითარმედ ათსამეტისა წლისანი დაიცუეთენ წინა.
Line: 2 ხოლო ედესეს შუვამდინარისასა, სადა იგი თომა მოციქულმან ქადაგა, მორაჲ-ვიდა
Line: 3 უვალი და იხილა ერი მართლმადიდებელთაჲ განსხმული ეკლესიით და
Line: 4 ველსა ზედა მოქმედი კრებისაჲ, ესოდენად რისხვად აღიძრა, ვიდრეღა თჳსითა
Line: 5 ჴელითა სცა ჳპარხოზსა, ვინაჲთგან არა განასხნა მიერ ერნი იგი ბრძანებისა-ებრ
Line: 6 მისისა. ხოლო იგი დაღათუ ელენი იყო და ამის პირისა-თჳს შერისხული მეფისაგან,
Line: 7 ეგრეთცა კაცთ-მოყუარითა ცნობითა ხვალისაგან სრულიად გუემად ერისა
Line: 8 მგულებელმან განსლვად აუწყა ესე მოქალაქეთა საიდუმლოდ მიმცნებითა, რათა
Line: 9 დაიცვნენ თავნი თჳსნი და არა მივიდენ შესაკრებელსა მას. და კუალად ცისკარს
Line: 10 განმავალი საშინელებით ზარ სცემდა ერისა მიერ თჳსისა და ყოველსავე ჰყოფდა,
Line: 11 რათა არა რაჲ დაჭირვებაჲ შეემთხჳოს ერსა. გარნა ჰხედვიდავე უმრავლესისა
Line: 12 ერისა სრბით მიმავალობასა ჩუეულებისაებრისა მის მიმართ ადგილისა და
Line: 13 ფრიადისა მოსწრაფებისა ქონებასა ვითარმცა მოშიშ იყვნეს. ვითარმედ ნუ სადა
Line: 14 დაშთეს ვინმე სიკუდილისაგან. სადა იგი დედაკაცსაცა ვისმე ესოდენ მსწრაფლ
Line: 15 მიმავალად ჰხედვიდა, ვიდრემდის არცაღა კარი გამოიჴშა გამომავალმან სახლით
Line: 16 არცა ჰგებდა პატიოსნების შუენიერისა სახისა დედათაჲსა შემმოსელობასა, ვითარცა
Line: 17 შეეტყუებოდა ქმნად რომელსა იგი თავისა თჳსისა თანა ტჳრთვით მოაქუნდა
Line: 18 ყრმაჲ ჩჩჳლი და სიმკჳრცხლითა სრბისაჲთა და წარჴდომასა ჳპარხოზისა
Line: 19 და შედგომილისა მის ერისასა ისწრაფდა. ხოლო მან ვერღარა თავს-მდებელმან
Line: 20 ამისმან "შეიპყარითო", თქუა, "დედაკაცი და მოიყვანეთ აქა". და იგი შე-რაჲ-იპყრეს
Line: 21 და მიიყვანეს მუნ, "სადა", ჰრქუა, "ჵ ძნელბედო დედაკაცო, აღგიმსთჳეს
Line: 22 მისლვად?" ხოლო დედაკაცმან, "ველად", მიუგო, "სადა იგი კათოლიკე ეკლესიისა
Line: 23 ერი შეკრბების". და, "არა გასმიესა", ჰრქუა კუალად, "ვითარმედ მუნ მივალს
Line: 24 ეპარხოზი. რათა ყოველნივე მოსწყჳდნეს, რომელნიცა პოვნეს?". და მან
Line: 25 მიუგო: "მასმიეს და მაგის-თჳს ვისწრაფი, რათა ვიპოო მუნ". "ხოლო ესე ყრმაჲ
Line: 26 სადაღა წარგყავსო?" მან თქუა დედაკაცისა მიმართ. და დედაკაცმან მიუგო: "რათა
Line: 27 ეგეცა წამებისა ღირს იქმნას". ესენი ვითარცა ესმნეს მას, შექცევაჲ უბრძანა
Line: 28 ერსა თჳსსა და ეტლისაჲ პალატად ბრძანა უკუნქცევაჲ. ხოლო თჳთ შევიდა მეფისა
Line: 29 და ჰრქუა: "ჵ მეფე, უკუეთუ მოსიკუდიდ მიბრძანებ მე, მზა ვარ. ხოლო
Line: 30 საქმისაჲ რომელი გიბრძანებიეს აღსრულებაჲ ვერ ძალ მიც". და მიმთხრობელმან
Line: 31 საქმესა მის დედაკაცისასა მოამდოვრა აღძრვაჲ იგი მეფისაჲ.
Line: 32 მას უკუე ჟამსა შინა ბრძოლანი ბოროტად-მსახურისა მის მეფისა უალენტისნი,
Line: 33 რომელნი მან აღადგინნა ეკლესიათა ზედა, ბარბაროზებრივად გარდაიქცეს
Line: 34 ბრძოლად. რამეთუ გუთნი ადგილთაგან თჳსთა გამოვიდეს და თანად ყოველსა
Page: 292 Line: 1 თრაკისსა ზედა-დაესხნეს და ქალაქ-სოფლებისა მისისა მძჳნვად იწყეს მოოჴრებასა
Line: 2 და აღჭურვილთა მიერ ჴელთა მკჳდრთა მათთა მოსრვასა. მაშინ უშუერნი
Line: 3 გინებანი ზედა-დაასხნეს მეფესა უალენტის მოქალაქეთა, ვითარცა არა განმავალსა
Line: 4 ბრძოლის-ყოფად მათ თანა. ხოლო განვიდოდა რაჲ იგი, ისაკ საღმრთომან
Line: 5 მონაზონმან უპყრნა აღჳრნი ჰუნისა მისისანი და თქუა მისსა მიმართ;
Line: 6 "სადა წარხვალ, ჵ მეფე, წინააღმდგომად ღმრთისა ბრძოლის-მყოფელი და მისი
Line: 7 მქონებელი მბრძოლად?" რომლისა მიმართ განრისხებულმან უვალი ბრძანა დამარხვაჲ
Line: 8 მისი, რამეთუ შემდგომად უკუმოქცევისა სიკუდილსა აქადებდა მას, ვითარ
Line: 9 იგი მიქეას აქაბ, რომელსა იგი მან ვითარცა მითვე საწინაჲსწარმეტყუელოჲთა
Line: 10 სულითა სავსემან მსგავსივე მისი პასუხი მისცა წინაშე ყოვლისა ერისა.
Line: 11 ამის შემდგომად ვითარცა შენივთდა ბრძოლაჲ მახლობელად ადრიანუპოლისა და
Line: 12 იძლია უბადრუკი იგი, სახლსა რასმე შეივლტოდა მცირედთა ვიეთმე თანა, რომელი
Line: 13 ესე ვითარცა აგრძნეს მბრძოლთა, დაწუეს იგი მის-თანათა მათ-თანა და თჳთ
Line: 14 მის სახლისა უღირსებით დამპყრობელი მეფობისაჲ ათოთხმეტ წელ.
Line: 15 ხოლო უვალენტინიანოს დიდი სრული და უნაკლულოჲ სარწმუნოებითა
Line: 16 კეთილად-მსახურებისაჲთა, ძუელისა მის მეფობისა ჰრომთაჲსა მპყრობელობისა
Line: 17 მოქალაქობასა განაგებდა კეთილად. რამეთუ კრებისა ქმნაჲ უბრძანა ილლჳრიკიას,
Line: 18 რომელმან სარწმუნოებაჲ ნიკიისაჲ დაამტკიცა. და დაწერითა ეპისტოლისა საყოველთაოჲსაჲთა
Line: 19 ასიისა და ფრიგჳისა და კარიისა ეპისკოპოსთა სარწმუნოებასა
Line: 20 მას ზედა დადგრომაჲ ამცნო ზიარად მიმყვანებელმან ეპისტოლესა მას შინა ძმისა
Line: 21 თჳსისა უალენტისმან და ღრატიანე ძისა თჳსისამან, რომლისა მსგავსად დაწერეს
Line: 22 ილლჳრიკიას შემოკრებულთაცა ეპისკოპოსთა. ხოლო მო-რაჲ-ვიდა მედიოლანოს
Line: 23 შინა ავქსენტი, ეპისკოპოსი მწვალებელთაჲ, ორთავე კერძოთა ერნი
Line: 24 თითოსახეთა გულის-სიტყუათა მიმართ განიყვნეს, და იყო მათ შორის დიდი
Line: 25 რაჲმე განწვალებულებაჲ და ზღვევოანი შფოთებაჲ, და თითოეული კერძოჲ მოსასრველად
Line: 26 დასდებდა ქალაქსა თჳსსა, არა თუ დაიმტკიცოს მას ნებაჲ თჳსი, და
Line: 27 საქმით სრულ ყოს განზრახული, ოდეს იგი ამბროსი ვინმე განაგებდა ფლობასა
Line: 28 მის სამთავროჲსასა, რომელიცა მეყსეულად ეკლესიად შევიდა, ვითარცა დამცხრობელი
Line: 29 შფოთებისაჲ, ხოლო ერმან ურთიერთასისა ხმობისა დამტევებელმან
Line: 30 ერთითა ხმითა ამბროსი ეპისკოპოსად იძიეს, რომელი კათაკუმეველ იყო ჯერეთ,
Line: 31 და ვითარმედ "დიდად შევიერთნეთო", ხმობდეს, "და ერთისა სარწმუნოებისა
Line: 32 აღსაარებასა მოუჴდეთ თანად ორნივე კერძონი, უკუეთუ ამბროსი მოგუეცეს ჩუენ
Line: 33 ეპისკოპოსად". რომელი ესე ვითარცა ცნა რაჲ ღმრთის-მსახურმან უალენტინიანე,
Line: 34 ბრძანა ნათლის-ცემაჲ და ჴელდასხმაჲ ამბროსისი ფრიადისა სათნოებისა
Page: 293 Line: 1 მწამებელმან მის-თჳს. და ვითარცა ჴელთ-დასხმულ იქმნა იგი, ესე ვითარი მადლობაჲ
Line: 2 შეწირა მეფემან ღმრთისა: "მადლი შენდა, მეუფეო ყოვლისა მპყრობელო
Line: 3 და მაცხოვარო ჩუენო, რამეთუ კაცსა ამას მე ვიდრე-მე ჴორცნი, ხოლო
Line: 4 სულნი ჴელთ უსხენ კაცთანი, და მართლად გამოაჩინენ განჩინებანი გამორჩევისა
Line: 5 ჩემისანი". ხოლო იტყჳან ამას, ვითარმედ უსამართლოების-მოქმედთა მთავართა
Line: 6 წინაშე მეფისა ამხილა მჴნემან ამბროსი.
Line: 8 მაშინ უკუე უალენტინიანე დიდი კერძოთაგან ღალიასათა ბრძოლისა-თჳს
Line: 9 სავრომატთაჲსა ილლჳრიკედ მოსრული და დამწყებელი ბრძოლისაჲ ანაზდაითმან
Line: 10 ეულებამა შეიპყრა და აღესრულა. რამეთუ მოციქულნი მიუვლინნეს სავრომატთა
Line: 11 ძიებად მშჳდობისა. რომელთა მხილველმან უალენტინიანე იკითხა, უკუეთუ
Line: 12 ესე ვითარნი არიან ჰასაკნი სავრომატთანი. და ვითარცა უთხრეს, ვითარმედ
Line: 13 ურჩეულესნი მათნი მოუვლენიან მათ მოციქულად, ხმა ყო დიდად: "ნამდჳლვე
Line: 14 საწუნელობა არს მეფობასა ჰრომთაჲსა, უკუეთუ ესე ვითარნი არიან ურჩეულესნი
Line: 15 სავრომატთანი და იგინი მბრძოლად-აღდგომასა იკადრებენ ჰრომთასა". ესრეთ
Line: 16 უკუე ფრიადისაგან დაცალიერებისა და მოკლებისა სისხლისა მოკუდა იგი
Line: 17 ღელეს რასმე შინა ღალიასასა, დამტევებელი მკჳდრად მეფობისა მისისა ძისა
Line: 18 თჳსისა ღრატიანჱსი, რომელი ავღუსტოსი იყო მაშინ, და უალენტინიანჱსი,
Line: 19 ფრიად ჭაბუკისაჲ ჰასაკითა და არა ოდეს ღირსქმნულისაჲ წუთღა ნიშსა რასმე
Line: 20 მეფობისასა, რომელი იძულებამან ჴელმყოფელთამან ადგილსა მეფობისასა მიტაცებად
Line: 21 განმზადებულ ყო და თჳნიერ ძმისა მისისა შემოსაჲ პორფირისაჲ არწმუნა
Line: 22 პროვოს ვინმე მაშინ სარწმუნომან განმზრახმან მისსა ქმნისამან. ხოლო იმეფეს
Line: 23 ღრატიანე და უალენტინიანე, ძმამან მისმან, სამ წელ. რომელთა-ზე იქმნა ძრვაჲ
Line: 24 დიდი და საშინელი, ვიდრეღა ფრიადი მოშორებაჲ ზღჳსაჲ იქმნა ალექსანდრიას,
Line: 25 და ნავნი ჴმელსა ზედა იპოვნეს მდგომარედ, ხოლო სიმრავლე ერისაჲ შემო-რაჲ-კრბა
Line: 26 ხილვად განსაკრთომელისა მის სახილავისა, კუალად უკუნდგა წყალი
Line: 27 და უშორეს ჩუეულებისაებრისა ადგილისა განვიდა, და დანთქნა კაცნი ხუთნი ბევრნი
Line: 28 და მუნ ვიდრე-მე დამთხუეულნი ნავნი დაფარნა წყალმან, ხოლო მდინარესა
Line: 29 შინა ნილოსსა პოვნილნი განსთხინა იგინი მდინარემან ჴმელად სტადიონსა ასოთხმეოცსა.
Line: 30 ამას თანა კრიტისაცა და აქაიაჲსა და ვიოტიაჲსა და ჴმელისა და
Line: 31 სიკილიისა მრავალთა ადგილთა შეემთხჳა მაშინ წარწყმედაჲ აღმოსლვითა ზღჳსაჲთა,
Line: 32 და მრავალნი ნავნი ამაღლებითა ზღჳსაჲთა მთათა ზედა განყარნეს სიშორესა
Line: 33 ასისა სტადიონისასა, ხოლო ჭალაკთა ვრეტანიისა და აფრეკეთისათა ესევე
Line: 34 შეემთხჳა და უძჳრესი, და კნინღა და ყოვლისა სოფლისა ზღჳს მახლობელნი
Page: 294 Line: 1 ადგილნი, რომელნიმე ძრვისაგან, ხოლო რომელნიმე ზღჳსაგან დაინთქნეს. მერმეცა
Line: 2 დიდთა შინა და სახელოანთა უფსკრულთა, ვითარ იგი არს უფსკრული
Line: 3 ამფი ტონ ადრიაჲსა და ეგეოჲსაჲ და სხუათა მრავალთა, განყვნეს და დადგეს
Line: 4 ვითარცა ზღუდე ამიერ და იმიერ წყალნი. და გამოჩნდა ჴმელი. და მრავალნი
Line: 5 ნავნი იპოვნეს მცურვალედ მაშინ და ფსკერად უფსკრულისა შთასრულნი კუალად
Line: 6 აღმოჴდეს ადგილსავე თჳსსა მოგებითა წყლისაჲთა. ხოლო მიმდემად და ზედაჲს-ზედა
Line: 7 ქმნითა ძრვათაჲთა ერთი ქალაქი ბითჳნიისაჲ სრულიად მოოჴრდა და
Line: 8 გარეშემოთა სოფელთა აგარაკნი და ნაქმარნი მრავალნი. ხოლო გერმიდ წოდებული
Line: 9 იგი ქალაქი ელისპონტოჲსაჲ სრულიად საფუძველითგან აღმოიფხურა. და
Line: 10 ამათ თანა დანახეთქნი დიდნი და მრავალნი მრავალთა და თითოსახეთა ადგილთა
Line: 11 შინა შეიქმნნეს, ვიდრეღა შიშისაგან მთათა შინა მკჳდრობდეს კაცნი. ხოლო უწჳმროებისაგან
Line: 12 მრავალნი პირუტყუნი ცხოველნი და კაცნი განიხრწნნეს.
Line: 14 ესრეთ შემდგომად ღრატიანნჱსა მეფე იქმნა თევდოსი დიდი ათშჳდმეტ წელ.
Line: 15 მაშინ მამაჲ თევდოსისი, თევდოსიდ სახელდებული იგიცა, დიდთა ძლევათა წარმართებითა
Line: 16 და ნათესავისა ბარბაროზთაჲსა განმჭრელობითა უკეთილპოვნიერეს ჰყოფდა
Line: 17 საზღვარსა ჰრომთა სოფლებისასა. ამან უკუე ძე თჳსი სასოებითა ვიდრე-მე დიდი,
Line: 18 ხოლო დღითა მცირე, - რამეთუ წარ-ოდენ-ევლო მაშინ ჰასაკი სიჩჩოებისაჲ,
Line: 19 -- სჳნკლიტიკოსსა ვისმე ამაქსოვიოსს, რომელი თანაზიარ ქებათა და განზრახვისა
Line: 20 მისისა იყო, მისცა იგი განსაწურთელად. ხოლო ამაქსოვიოს მისდა
Line: 21 ჴელთ-დებული იგი ყრმაჲ მშჳდითა მასწავლელობითა და მკსინვარითა მლიქნელობითა
Line: 22 ბრწყინვალედ წარმართებად ცხორებისად მოიყვანა. ვინაჲცა მუნ ყოფასა
Line: 23 თევდოსისსა ძილსა შინა მხილველად ითქუმის იგი თავისა თჳსისად სამეფოჲთა
Line: 24 ქლამინდითა და პორფირითა შემკობილად. და ვითარცა მოკუდა ბერი უალენტინიანე,
Line: 25 მაქსიმინოს მთავარმან ჳპარხოზობაჲ ღალიელთაჲ ბორგნეულობად
Line: 26 შეცვალა და ღონისა რაჲსმე მომპოვნებელმან თევდოსი მოხუცებულისა უპირატესთა
Line: 27 პატივთა მიერ შემკობილისა მოკლვაჲ განაჩინა. რომელმან პირველ სიკუდილისა
Line: 28 საღმრთოჲ ნათლის-ღებაჲ მიიღო და ესრეთ უკუდავისა ცხორებისა
Line: 29 დასაბამსა დამწყებელი აღესრულა. ამათვე უკუე ჟამთა შინა ყრმაჲ თევდოსი პატივითა
Line: 30 დუკობისაჲთა პატივცემულ იყო, რომლისა მიმართ იგივე მამული ისარი
Line: 31 შურისაჲ ტყორცებულ იქმნა მაქსიმინოჲს მიერ. არამედ ღმერთმან დაიცვა
Line: 32 იგი მისდა მიცემადისა მის-თჳს პატივისა და ჴელმწიფებისა და მამულად თჳსა
Line: 33 ქუეყნად სპანიელთა, რომელსა შინა შობილ იყოცა, წარიგზავნა ბრძანებითა სამეფოჲთა,
Page: 295 Line: 1 და მუნ მყუდროებით და სიმშჳდით გარდაიჴდიდა ცხორებასა, ოდეს
Line: 2 იგი მიიყვანაცა მეუღლედ პლაკილლა. რომელი იგი ბუნებასა გულის-სიტყჳთა
Line: 3 და ამბავსა მძლე ექმნებოდა საქმითა მაშინ უკუე უალენტინიანე მოუწერა მეფესა
Line: 4 ღრატიანეს, რათა ბრძანებით მიუვლინოს მას თევდოსი ხოლო შეეხო რაჲ
Line: 5 მგზავრობასა თევდოსი და ცნა სიკუდილი უალენტინიანჱსი, მივიდა ქალაქად,
Line: 6 რომელსა ეწოდებოდა სერმიონ. ხოლო გუთნი ყოველთავე ქალაქთა და სოფელთა
Line: 7 ურიდად ზედამარბეველ ექმნებოდეს და განჰხრწნიდეს, და მჴედრობაჲ ჰრომთაჲ
Line: 8 ძლეულად და დამდაბლებულად იხილვებოდა წინაშე მათსა. მაშინ მეფემან
Line: 9 ღრატიანე მიუწოდა თევდოსის ქალაქით სერმიონით და განზრახვითა სჳნკლიტიკოსთა
Line: 10 ჰრომთა მოშურნეთა მისთაჲთა მცირედთა თანა მჴედართა ნამდჳლვე
Line: 11 ეგოდენ მძჳნვარისა მიმართ მბრძოლისა ნათესავისა მივლინებაჲ თევდოსისი
Line: 12 ირწმუნა. და მაშინ სადმე ზღვევოანითა პატივითა სტრატილატობისაჲთა პატივცემულობაჲ
Line: 13 მისი ჯერ იჩინა. და მეფემან ვიდრე-მე ძმაცულობისა მის და
Line: 14 შურისა უკეთურებაჲ ვერ აგრძნა მაშინ ხოლო თევდოსი, სძლო რაჲ სიმტკიცით
Line: 15 უძლეველად საგონებელსა მას ნათესავსა გუთთასა, ფრიადითა მოსწრაფებითა
Line: 16 ძლევა შემოსილი წარმოუდგა მეფესა და საღმრთოჲთა განჩინებითა მიიღო
Line: 17 კუერთხი მეფობისაჲ რამეთუ თჳთ ღრატიანე დაასხნა მას ჴელნი მეფედ და
Line: 18 ახალი რაჲმე და საკვირველი შეჰმოსა მას პორფირი, ვითარცა ძუელსა მეფესა,
Line: 19 და, ვინაჲთგან მჴართაჲთგან ზედაჲთ უმაღლეს იყო ჰასაკოვანთა კაცთასა, ვერ
Line: 20 შეუძლეს შემოსად მისსა ქლამანდი სხუათა მეფეთაჲ, - რამეთუ ვითარცა ზეშთა-აღმატებულმან
Line: 21 ყოველთამან სიდიდითა მცირედ გამოაჩინა სიმაღლითა ჰასაკისაჲთა
Line: 22 ყოველი შესამოსელი, - დასასრულსა უფროჲსად კეთილმსახურისა მეფისა
Line: 23 კოსტანტინჱს პორფირითა შემოსილი შემკული განაბრწყინვეს, და ესრეთ უკუე
Line: 24 ღრატიანე კერძონი დასავალისანი თავსა თჳსსა და ძმასა დაუმარხნა, ხოლო თევდოსის
Line: 25 საჭენი აღმოსავალისანი ჴელთ უსხნა. ვინაჲცა მრავლისა კეთილად-მსახურებისა
Line: 26 და სიმჴნისა წარმმართებელი ღრატიანე მაქსიმჱს მიერ მთავრისა, რომელი
Line: 27 აღდგა ადგილთა ზედა ვრეტანიისათა, სიქველითა დუკისაჲთა ლოღდონეს
Line: 28 შინა თჳსთა მიერ განცემული უფროჲსღა იძულებითა მბრძოლთაჲთა მიჭირვებული
Line: 29 მოიკლა. ხოლო უვალენტინიანე, ძმაჲ მისი, იტალიას იქცეოდა, რომელმან-ცა
Line: 30 სიკუდილითა ძმისაჲთა და შიშითა მძლავრისაჲთა შეძრწუნებულმან მშჳდობაჲ
Line: 31 ითხოვა მაქსიმჱსგან ჩემებით, და მანცა ჩემებითვე სიხარულით მიითუალა თხოვაჲ
Line: 32 მისი.
Line: 33 მაშინ იუსტინე დედამან მისმან არიანოზთა წვალებისა მაკუდინებელნი წამალნი,
Line: 34 რომელნი იგი დაფარულად აქუნდეს სიცოცხლესა ქმრისასა, რწმუნებით
Line: 35 ცთუნებითა ძისაჲთა გამოაცხადნა კადნიერებით, და არწმუნა მას, რათა ჴელითა
Page: 296 Line: 1 მჴედართაჲთა ამბროსი ვიდრე-მე მართლისა სიტყჳსა-თჳს წინააღმდგომი მისი
Line: 2 მედიოლანელთა ეკლესიით განიჴადოს და ექსორიად წარსცეს, ხოლო ეკლესიაჲ
Line: 3 განბძაროს და მბრძოლად აღუდგეს წმიდათა ოდეს იგი ვენივოლოს ვინმე დიდი
Line: 4 პატივთა შინა არა შეცთომილ იქმნა ქადებათაგან დედოფლისათა, არამედ სამჴედართმთავროჲსა
Line: 5 სარტყლისა და პატივთასა უმეტეს პატივის-მცემელმან მართლმადიდებელისა
Line: 6 სარწმუნოებისამან ფერჴთა თანა მეფისათა დააგდო სარტყელი
Line: 7 თჳსი.
Line: 8 ხოლო მთავარსა მაქსიმეს ვინაჲთგან ენება, რათა უპატივოჲ სახელი მძლავრებისაჲ
Line: 9 განიძარცოს და სჯულიერად მეფედ გამოაჩინოს თავი თჳსი წარცემითა
Line: 10 წიგნისაჲთა უღმრთოებისა ჴელყოფად მოილიქნა იუსტინა და ბრძოლაჲ სარწმუნოებისა
Line: 11 ღმრთისა და კათოლიკე ეკლესიისა დაწყნარებისაჲ აღუთქუა და ესრეთ
Line: 12 მიახლებად იწყო იტალიისა. რომელი ესე ისწავა რაჲ იუსტინა, ერთბამად
Line: 13 ბრძოლისა მის და მძლავრისა და ბოროტად-მსახურისა სჳნიდისისა მიერ შეკდეული
Line: 14 სილტოლად მიდრკა და ექსორიობაჲ დაიმკჳდრა თჳთ, რომელი იგი მან
Line: 15 განუმზადა მღდელთა. ხოლო მეფე უალენტინიანე შემდგომად საწყალობელისა მის
Line: 16 მლტოლვარეობისა მშობელისა მისისა იტალიისაგან დაკლებულ იქმნა და თჳსისა
Line: 17 მეფობისაგან განიჴადა. და აღმოსავალისა კერძოთა მიიმართა, სადა იგი ესრეთ
Line: 18 შეწყნარებულ იქმნა კეთილმსახურისა მეფისა თევდოსის მიერ, ვიდრემდის უფროჲსღა
Line: 19 მეფედ მათ ადგილთად და არა ექსორიობით მოქალაქედ საგონებელ იყო,
Line: 20 სადა იგი არაწმიდისა მის წვალებისა ბიწთაგან განწმედითა თევდოსის მიერ
Line: 21 განსთხია ყოველი გესლი მისი, რომლითა ბიწიან ექმნა იგი უგუნურსა დედასა
Line: 22 და ქრისტესა შეეძინა სარწმუნოჲთა სწავლითა თევდოსისითა. და რამეთუ მრავალგზის
Line: 23 განსწავლულმან თევდოსის მიერ მოსავყოფად სარწმუნოებისა ისწავა
Line: 24 მეფობრივი წყობის-ყოფაჲ, რომელი არა საჭურველთა, არამედ კეთილთა მიზეზთა
Line: 25 მიერ წარემართებოდა. და ესე ვითარი უკუე იყო თევდოსის მიერ უალენტინიანჱს
Line: 26 მიმართ თქუმული სიტყუაჲ:
Line: 27 "უწყი, ჰრქუა, მრავალგზის, უალენტიანე, მოცალეობასა შინა მჴედრობისასა
Line: 28 კეთილმსახურთა მეფეთა მიერ წარმართებაჲ ძლევისაჲ და მორჩილად მისსა მიყვანებაჲ
Line: 29 წინააღმდგომთა უმჴნოჲსა ბანაკისაჲ. რამეთუ ესრეთ ყოვლად-საღმრთომან
Line: 30 კოსტანტინე ღმრთისა-მიერთა შეწევნათაგან განმტკიცებულმან ღმერთსა ზედა
Line: 31 განმძლავრებულმან ლიკინიოს ნავთ-დანთქმულებითა მოსპო ესრეთ დიდებულმან
Line: 32 უალენტინიანე, მამამან შენმან, უვნებელად მბრძოლთაგან ბედნიერებასა შინა
Line: 33 დაასრულა მეფობაჲ, რამეთუ ღმერთი უშჯიდა მას და აღურიცხუველნი ბრძოლანი
Line: 34 და მოულოდებელნი ძლევანი მიითუალნა მრავალთა წარმართთა თითოეულსა
Line: 35 ჟამსა შინა მომსრველმან. ხოლო უვალი, მამის ძმამან მისმან, განმარისხებელმან
Page: 297 Line: 1 ღმრთისამან, შეამწინკულა ეკლესიაჲ მწინკულევანმან მოწყუედითა წმიდათაჲთა
Line: 2 და ექსორიობითა სამღდელოთა კაცთაჲთა, რომელი სათნოყოფითა ღმრთისაჲთა
Line: 3 გუთთა მიერ ძლეული და დამდაბლებული დაიწუა. და ძეს უკუე სახელსა მწვალებელობისასა
Line: 4 განმკუთნველი განხუედა ბრძოლად?. ამის-თჳს არა მართლად-მსახური
Line: 5 ქრისტჱსი განგჴადა შენ უსამართლომან, და ურწმუნოებამან შენმან შემოიყვანა
Line: 6 მძლავრებაჲ მაქსიმჱსი. რამეთუ იგი მეფისა ოდენ მძლავრად გამოჩნდა,
Line: 7 ხოლო შენ ღმერთსა ზედა აღიღე ბრძოლაჲ. მოგცე უკუე შენ მჴედრობაჲ და
Line: 8 მოგანიჭო შეწევნაჲ. გარნა უკუეთუ ქრისტჱს-შემცოდედ ვიპოვნეთ, ვის ვჰხადოდით
Line: 9 თანაშემწედ ბრძოლათა შინა?" ესე და უმრავლესნი ამათნი შჯულ უსხნა
Line: 10 თევდოსი უალენტინიანეს და მართლამადიდებელისა სარწმუნოებისა მიმართ კუალად
Line: 11 აგო. ამათ შინა რაჲ იყვნეს იგინი, მოკუდა უკუე დედაჲ მისი იუსტინა.
Line: 12 ხოლო მეფემან თევდოსი ვითარცა მრწმუნებელმან სიტკბოებისა მეფობრივისამან
Line: 13 და მომჴსენებელმან ღრატიანჱს ქველის-მოქმედებათამან ყოველი ძალი აღმოსავალისაჲ
Line: 14 ნაცვლის-მიგებისა-თჳს განმზადებულ ყო და უსაჯა მართალსა სისხლსა
Line: 15 და განმჴდელმან მძლავრებისამან მეფობასავე თჳსსა ზედა კუალად აგო უვალენტინიანე.
Line: 16 ხოლო თჳთ შემდგომად ამათსა შევიდა ჰრომედ და განაცხადა ძლევაჲ
Line: 17 და ესრეთ თჳსისავე სამეფოჲსა და მეფობისა მიმართ მიიქცა.
Line: 18 ესრეთ უკუე დღეთა მათ, რომელთა შინა კაცთ-მოყუარემან ღმერთმან აღადგინა
Line: 19 დიდი თევდოსი მეფე და არწმუნა მას საყდარი მეფობისა ჰრომთაჲსაჲ,
Line: 20 მიიყვანა ცოლად ასული უპირატესისა თჳსისა მეფისაჲ, და უშვნა მას ორნი ძენი,
Line: 21 არკადი და ონორი. და ვითარცა აღორძნდეს იგინი და მოვიდეს ჰასაკსა სამღდელოთა
Line: 22 წიგნთა სწავლისასა, წარავლინა ყოველსა შინა სამეფოსა თჳსსა, რათა
Line: 23 უძიონ მას კაცი სიტყჳერი და ტრფიალი საღმრთოჲსა მოღუაწებისაჲ, შემკული
Line: 24 შიშითა ღმრთისაჲთა ჭეშმარიტებით და არა ჩემებით, რომელსა აქუნდეს მეცნიერებაჲ
Line: 25 ღმრთისაჲ უნაკლულოებით და რომლისაჲ შეუგვანდეს მას მიცემაჲ
Line: 26 შვილთა მისთაჲ, რათა განსწავლნეს იგინი ყოველსავე წერილსა საღმრთოსა და
Line: 27 კაცობრივსა. რამეთუ არა ინება მიცემაჲ მათი საზოგადოდ სასწავლოდ, რათა
Line: 28 არა ისწაონ სხუათა ყრმათაგან; რაჲ იგი არა ჰნებავს ღმერთსა, და დაისახნენ
Line: 29 პირველითგანვე სიტყუათა მიერ ურგებთა და მავნებელთა. ამისი მგონებელი მეფე,
Line: 30 ვითარცა თქუმულ არს, ფრიადსა მოსწრაფებასა დასდებდა პოვნისა-თჳს
Line: 31 ეგე ვითარისა მის კაცისა. და, ვითარ მიმოეფინებოდეს ბრძანებანი ყოველსა შინა
Line: 32 საბრძანებელსა მისსა, ვერ შეუძლეს პოვნაჲ ეგე ვითარისა ვისიმე, რომელიმცა
Line: 33 კმა ეყოფოდა აღმავსებელად წადიერებასა მეფისასა. არამედ ოდესმე ჰპოებდეს
Line: 34 კაცსა ფილოსოფოსსა, გარნა არა ღმრთის-მოყუარესა. ხოლო კუალად ჰპოებდეს
Line: 35 ღმრთის-მოყუარესა და არა ფილოსოფოსსა. აღორძნდეს უკუე ყრმანი იგი
Line: 36 და არა თავს იდვა სასწავლოდ წარვლინებაჲ მათი პირველ თქუმულისა მის მიზეზისაგან
Page: 298 Line: 1 დაყენებულმან. და ვითარ ვერ პოვა საძიებელი თჳსი, წარავლინა
Line: 2 ჰრომედ მეფისა მიმართ ჰრომთაჲსა თხოვად ესე ვითარისა კაცისა და მიუწერა
Line: 3 მას, ვითარმედ დიდად მადლიერ ექმნების ამისისა ქმნისა-თჳს. ხოლო მეფემან
Line: 4 მიუწოდა პაპას, უჩუენა მას წიგნი მეფისა თევდოსისი და ჰრქუა ვითარმედ "უჯერო
Line: 5 არს არა ქმნაჲ სათხოველსა ამას ჩუენ თანა მეფისასა. რამეთუ სირცხჳლ არს
Line: 6 მპყრობელობისა ჩუენისა არა პოვნაჲ დიდსა შინა ჰრომსა ესე ვითარისა კაცისაჲ".
Line: 7 და ვითარცა ძებნეს და გამოიძიეს, ვერ პოვეს. და ვითარ მრავალსა რას იგონებდეს
Line: 8 და იურვოდეს ამის-თჳს, ჰრქუა მეფესა პაპა: "არს ჩუენ თანა დიაკონი
Line: 9 ვინმე ქალწული დისა თანა თჳსისა. სახელი მისი არსენი. რამეთუ სხუაჲ მსგასი
Line: 10 მისი არა იპოების შესაბამად საქმისა მაგის, რომლისად ეძიებს მეფე თევდოსი
Line: 11 განმასწავლელად ყრმათა მისთა ყოვლითავე მეცნიერებითა საღმრთოჲთა
Line: 12 და კაცობრივითა. გარნა არა უწყი, უკუეთუ თავს იდვას მან, რამეთუ რაოდენიმე
Line: 13 ჟამი აქუს, ვინაჲთგან უჯმნეს გარეშისა სწავლისაგან. არამედ ნუ უკუე და თავს
Line: 14 იდვას, უკუეთუ ბრძანოს მპყრობელობამან თქუენმან და მიუწოდოთ მას და გულსავე
Line: 15 ვყოთ ამის-თჳს. ესე რაჲ ესმა მეფესა, განიხარა ფრიად და მიავლინეს და მოუწოდეს
Line: 16 არსენის. ხოლო მო-რაჲ-ვიდა იგი, თქუა მისსა მიმართ მეფემან: "არა
Line: 17 დაეფარა მპყრობელობასა ჩუენსა საღმრთოჲ მოქა-ლაქობაჲ და სათნოჲ ცხორებაჲ
Line: 18 შენი არამედ სამარადისოდ მსმენელნი კეთილისა ქცევისა შენისანი ყოვლად ვიხარებდით
Line: 19 ამას ზედა. ვინაჲთგან უკუე თანა-მეფემან ჩუენმან თევდოსი მოციქული
Line: 20 მოავლინა ჩუენდა სავედრებელად, რათა მიუვლინეთ მას კაცი ეგე ვითარი,
Line: 21 რომელმან განსწავლნეს შვილნი მისნი ყოვლითა ღმრთის-მსახურებითა. ამის მიზეზისა-თჳს
Line: 22 მოგიწოდეთ შენ, ვითარცა საღმრთოსა კაცსა, რათა წარხჳდე მისსა
Line: 23 და მოცემულისა-ებრ შენდა ღმრთისა მიერ მადლისა განჰსწავლნე იგინი. რამეთუ
Line: 24 არა მარტივად და ვითარ დამთხუევით გჳშვიეს ამისი რწმუნებაჲ სხჳსა ვისიმე
Line: 25 თჳნიერ შენისა კრძალულებისაჲ". ხოლო არსენი მიუგო და ჰრქუა მეფესა: "არა
Line: 26 უმეცარ არს, უფროჲსად ღმრთის-მსახურო მეფეო, წმიდაჲ მამაჲ ჩუენი პაპა
Line: 27 უნდოებისა ჩემისა, ვითარმედ ჟამი მაქუს, რაჲთგან არღარა შთამიხედვან გარეშესა
Line: 28 ფილოსოფოსობასა, უფროჲსღა ვინაჲთგან ჴელთ-დასხმაჲ ესე მომიღებიეს
Line: 29 უღირსსა არცა ეგე ვითარისა მის ჴელოვნებისა წიგნთადა შთამიჭურეტიან".
Line: 30 რომელსა პაპა მიუგო ესრეთ. "ვითარმედ ჭეშმარიტ უკუე არიან შენთჳს თქუმულნი,
Line: 31 ქრისტჱს-მოყუარე მეფე ჩუენი გულსავსე გჳქმნიეს, და ნამდჳლვე ეგრეთ
Line: 32 არიან ეგე. და რამეთუ ფრიად ვაქეთ ამას შინა სათნოჲ მოქალაქობაჲ შენი. გარნა
Line: 33 ვინაჲთგან საღმრთოჲ ბრძანებაჲ არს მეფობრივი განჩინებაჲ, და სათნო
Line: 34 ღმრთისა არს საქმე, რომლისა-თჳს ჩინებულ ხარ, გლოცავთ, რათა განსცე
Page: 299 Line: 1 თავი თჳსი ესე ვითარსა ამას საქებელსა ჴელყოფასა. რამეთუ ძალ გიც ღმრთისა
Line: 2 მიერ მოცემულითა შენდა მადლითა კეთილად-მსახურებით და სათნოდ-განსწავლად
Line: 3 მათდა, და არა ამით ხოლო, არამედ ფილოსოფოსობასაცა ზედა რგებად მათდა
Line: 4 ჩუენებითა და უწყებითა მათითა საქიქელობასა და ბილწებასა ბოროტად-მსახურთა
Line: 5 კერპებისასა, რომელთა ღმრთად სახელ სდებენ განცოფებულნი ელენნი, და
Line: 6 რათა არა სარწმუნო უჩნდეს ზღაპრობანი მათნი. არამედ ეშმაკადცა უწოდდენ მათ
Line: 7 და ჰბასრობდენ საძაგელებათა და საოცრებათა მათთა". ამათ და ესე ვითართა
Line: 8 სიტყუათა მიერ არწმუნეს საკჳრველსა არსენის და ყოვლითა დიდებითა და პატივითა
Line: 9 წარავლინეს იგი კეთილმსახურისა მეფისა თევდოსისა და მიუწერეს მას
Line: 10 მეფემან და პაპა ვითარმედ "ბრძანებისა-ებრ თქუენისა წარმოგჳვლენიეს თქუენდა
Line: 11 კაცი, რომელსა ძალ უც მადლსა თანა საღმრთოჲსა განსწავლაჲ საყუარელთა შვილთა
Line: 12 მყუდროებისა შენისათაჲ ყოვლითა სიბრძნითა და სათნოებითა". მაშინ უკუე
Line: 13 არსენი მისცა დაჲ თჳსი მონასტერსა ქალწულთასა და თჳთ ნავით-მავალ იქმნა
Line: 14 კოსტანტინუპოლედ. ხოლო მეფემან თევდოსი მიიხუნა რაჲ წიგნნი და წარიკითხნა,
Line: 15 მიუწოდა არსენისცა. და, ვითარცა იხილა იგი წესითა და სახითა განკრძალულითა,
Line: 16 რამეთუ პატიოსანი აქუნ ფერი და კეთილად-წესიერი სახედველი,
Line: 17 მდაბალი ცნობაჲ და საღმრთოთა და კაცობრივთა-თჳს ყოვლად-ბრძენი გონებაჲ
Line: 18 და, შემოკლებულად ითქუმოდედ, შემკულ იყო ყოვლითავე ქრისტჱს-მიერითა
Line: 19 სათნოებითა. განიხარა სიხარულითა დიდითა და ესრეთ თქუა მისსა მიმართ:
Line: 20 "ცხად არს უკუე სახისაგანცა და ქცევისა და ჩუეულებისა და სიტყჳს-გებისა
Line: 21 შენისა სათნო და ღმრთისა-მსახურყოფაჲ შენი, და, ვითარ იგი მომიწერეს ჩუენ
Line: 22 თანა-მეფემან ჩუენმან და დიდისა ჰრომისა უფროჲსად წმიდამან პაპამან, ეგრეთ
Line: 23 და ვიხილეთცა. რამეთუ ჭეშმარიტი მოწერეს. აწ უკუე არცა შენ უმეცარ ხარ,
Line: 24 თუ რომლისა მიზეზისა-თჳს მოგავლინეს ჩუენდა მომართ, არამედ ჩუენმანცა
Line: 25 მპყრობელობამან პირის-პირ მიგითხრას შენ, ესე იგი არს მასწავლელყოფისა-თჳს
Line: 26 შვილთა ჩუენთაჲსა, რათა ყოვლითა ღმრთის-მსახურებითა და შიშითა ღმრთისაჲთა
Line: 27 განჰსწავლნე იგინი, ამას თანა ყოველი საზღვარი ფილოსოფოსობისაჲ ზედა-მიწევნით
Line: 28 დაასწაო მათ. გარნა ნუ_რა_რას იკრძალვი ნუცა ირიდები მათდა მიმართ
Line: 29 მოჴსენებითა ამისითა, ვითარმედ შვილნი ჩუენნი არიან, ნუცა კუალად ვითარცა
Line: 30 მეფეთა მოწიწებით და პატივით ექცევი მათ, არამედ ვითარცა შვილნი
Line: 31 და მოწაფენი იგინი და. რაჟამს სცდებოდინ, ჴელმწიფობით კდემულ ჰყოფდ
Line: 32 მათ". და ესენი რაჲ წარმოთქუნა მეფემან თევდოსი, გამოიყვანნა არკადი და
Page: 300 Line: 1 ონორი, მისცნა იგინი ჴელთა მისთა და ჰრქუა ძეთა თჳსთა: "აჰა ამიერითგან ესე
Line: 2 არს ჩემი და თქუენი მამაჲ და მოძღუარი. მორჩილ ექმნენით მას ყოველსავე
Line: 3 შინა, ვითარცა მამასა, და ნუ_რა_რას ზედა ურჩ ექმნებით მას, ნუცა წინაგანეწყვებით.
Line: 4 რამეთუ მიმცნიეს მისდა, რამეთუ უკუეთუ წინააღმდგომად მისსა
Line: 5 სცთებოდის ვინმე თქუენგანი, ჴელმწიფობით კდებულ ყოს იგი, ვითარცა მოწაფე
Line: 6 თჳსი". და ამათმან მეტყუელმან განუჩინა მათ მახლობელად სამეუფოჲსა სასუენებელისა
Line: 7 სახლი დიდი და მას შინა ქცევაჲ უბრძანა მათ. და ესე ამის-თჳს
Line: 8 მოიჴელოვნა მეფემან, რათა ზედაჲს-ზედა მოიხილვიდეს მათ. ხოლო დიდად
Line: 9 პატივ სცა არსენის და უწარჩინებულეს ყო იგი ყოველთასავე პალატსა შინა,
Line: 10 ვიდრემდის არავინ იყო მუნ უბრწყინვალესითა მოსილი შესამოსლითა, და, რათა
Line: 11 მარტივად ვთქუა, მამად მეფისა და ძეთა მისთა იცნობებოდა იგი.
Line: 12 მაშინ უკუე არსენი მიითუალნა რაჲ არკადი და ონორი, წურთიდა მათ
Line: 13 ღმრთის-მსახურებითა და ასწავებდა ყოველსა სიბრძნესა საღმრთოსა და კაცობრივსა.
Line: 14 ხოლო ვინაჲთგან მდაბალ იყო წმიდაჲ არსენი, და არა იჴუმევდა მათ, ვითარცა
Line: 15 მოწაფეთა. არამედ ვითარცა მეფეთა. რამეთუ დასხნის იგინი ორთა საყდარსა
Line: 16 ზედა და თჳთ წინაშე მათსა მდგომარე იყვის და ეგრეთ ასწავებდის მათ.
Line: 17 ერთსა უკუე დღეთაგანსა შევიდა მათდა მიმართ უგრძნულად მეფე, და იხილ[ა არსე]ნი
Line: 18 უკუე მდგომარედ, ხოლო შვილნი მისნი მსხდომარედ საყდრითა, და შეწუხნა
Line: 19 ფრიად არსენის-თჳს და ჰრქუა მას: "ესრეთ გამცენითა შენ, რათა ვითარცა მეფეთა
Line: 20 და არა უფროჲსღა ვითარცა მოწაფეთა იჴუმევდე ყრმათა ამათა? და რაჲ
Line: 21 ესე ჰყავ? რამეთუ ყოვლად შეაწუხე მპყრობელობაჲ ჩუენი საქმითა ამით". ხოლო
Line: 22 არსენი მეფისა მიმართ ჰრქუა: "არა ჯეროვანყოფად შევრაცხე, ღმრთივგანმტკიცებულო
Line: 23 მეფეო, ჩემი მჯდომარეობაჲ, ხოლო მეფეთა წინადგომა ჩემი".
Line: 24 ხოლო მეფემან განრისხებულმან სიტყუასა ამას ზედა საზარელითა მიხედვითა
Line: 25 თქუა არსენის მიმართ: "შენ დაგისხმანა ეგენი მეფედ? და არა ვითარცა
Line: 26 შვილნი და მონანი მიგცენა იგინი შენ? და რად იტყჳ მაგათ?" და ესე რაჲ
Line: 27 თქუა მეფემან, მეყსეულად აღიხუნა ნიშან[ნ]ი მეფობისანი, რომელნი აქუნდეს
Line: 28 თავთა ზედა მათთა, დასთხინა იგინი ქუეყანად და ყვნა იგინი თაყუანის-მცემელი
Line: 29 ფერჴთა მისთა, და დასვა არსესი საყდართა ზედა, ხოლო მათ წინაშე მისსა
Line: 30 დგომაჲ უბრძანა მეტყუელმან ვითარმედ "უკუეთუ ეშინოდის ღმრთისა და
Line: 31 სჯულსა მისსა ენებოს სლვა დადაცვა მცნებათა მისთა, ძალ უც მფლობელსა ყოველთა
Line: 32 უკუეთა, ენებოს თუ მიცემა მათდა პატივისა ამის. ხოლო უკუეთუ
Line: 33 არა აქუნდეს შიში მისი, ვედრებით ვითხოვ ღმრთისაგან უფროჲსღა მოსპობასა
Line: 34 მაგათსა სიჩჩოჲთგან. რამეთუ უმჯობეს არს სიკუდილი ღმრთის-მსახურებით".
Line: 35 და ამით მეტყუელი შევიდა სასუენებელსა თჳსსა. მიერითგან უკუე კრძალვითა
Line: 36 მეფისაჲთა არსენი არღარა დასხმიდა მათ, არამედ უფროჲსღა წარმოადგინნის
Page: 301 Line: 1 და ესრეთ ასწავლიდის მათ.
Line: 2 ესრეთ უკუე ამათ შინა რაჲ იყო განწმედილი არსენი, ყოვლად-ურვეულ და
Line: 3 მწუხარე იყო. რამეთუ დიდების-მოძულე იყოდა ღმრთის-მოყუარე და გული უთქუმიდა
Line: 4 უფროჲსღა მონაზონებრისა და დაყუდებითისა ცხორებისა შეტკბობასა, რომლისა-თჳს
Line: 5 ევედრებოდა ღმერთსა ცრემლითა, რათა მოაცალოს მას ვითარითაცა უწყის
Line: 6 განგებულებითა. ერთსა უკუე დღესა პოვა წმიდამან არკადი მცთომად ცთომითა
Line: 7 ყრმებრივითა და განმწარებულმან მის-თჳს დასდვა მას გუემაჲ მძჳნვარე, ვიდრემდის
Line: 8 კნინღა და სიკუდილისა მახლობელნი ნიშნი მოაქუნდეს მას ჴორცთა შინა
Line: 9 თჳსთა გუემულებისა მისგან. ხოლო არკადი მიერ დღითგან. რომლით იგუემა,
Line: 10 ეგო მქონებელად არსენის-თჳს სიბოროტისა მრავლისა, და მიუწოდა მეჴრმლესა
Line: 11 თჳსსა და ჰრქუა მას თჳსაგან ესრეთ: "რომლითაცა სახითა გნებავს,
Line: 12 მომიკალ მე არსენი უგრძნულად ყოველთაგან". ხოლო მეჴრმლესა მას ესმა
Line: 13 რაჲ საწყალობელი ესე განჩინებაჲ, ვითარცა გულსა შინა მქონებელმან შიშისა
Line: 14 ღმრთისამან, განუცხადა არსენის არკადის მიერ მბრძანებელობაჲ სიკუდილისა მისისაჲ.
Line: 15 მაშინ არსენი შიშითა და მწუხარებითა შეპყრობილი ევედრებოდა ღმერთსა
Line: 16 და იტყოდა: "უფალო, მიძეღუ მე, ვითარ ვცხონდე", და ინანოდა ცემისა
Line: 17 მის-თჳს, რომლითა იგი გუემა არკადი. ესრეთ შემდგომად მცირედთა დღეთა
Line: 18 გარდასლვისა და მეჴრმლისა მისგან არსენის მიმართ ესრეთ მეტყუელებისა, რათა
Line: 19 იცხოვნოს მან თავი თჳსი ვითარითავე სახითა, და მისისა დაუცადებელად
Line: 20 მლოცველობისა, მოვიდა მისა ხმაჲ, რომელი იტყოდა: "არსენი, ევლტოდე კაცთა
Line: 21 და სცხონდე". ესე ხმაჲ ვითარცა ესმა რაჲთ-ურთით არა რაჲ ვის უთხრა ყოვლადვე,
Line: 22 არამედ სამოსლისა უნდოჲსა შემმოსელი შთავიდა ნავთ-სადგურად და
Line: 23 განგებითა ღმრთისაჲთა პოვა მუნ ნავი და შესრული მას შინა მოვიდა ალექსანდრიად,
Line: 24 და აღიკუეცა თმაჲ თავისაჲ და მიიმართა უდაბნოდ მიმართ სკიტისა. და მუნ
Line: 25 განბრწყინვებულსა თითოსახეთა წარმატებათა მიერ კუალად ესმა მისდა მიმართ
Line: 26 მეტყუელისა ხმისაჲ: "არსენი, ივლტოდე, დადუმენ, დაყუდენ, რამეთუ ესე არიან
Line: 27 ძირნი უცოდველობისანი". ხოლო მეფემან თევდოსი ფრიად შეწუხებულმან მიფარვასა
Line: 28 ზედა არსენისსა მიწერა ყოვლით-კერძო და ყოველგან ძიებაჲ მისი, და
Line: 29 ვერ უძლო პოვნად მისსა ვიდრე დღედმდე აღსასრულისა მისისა. ხოლო მეფე იქმნნეს
Line: 30 რაჲ არკადი და ონორი. საცნაურ იქმნა მათ, ვითარმედ ეგჳპტეს იქცევის არსენი
Line: 31 და კეთილად მოქალაქობს მონაზონებრსა ცხორებასა, და მიუწერდეს მას მრავალთა
Line: 32 ებისტოლეთა მვედრებელნი მისნი. რათა ილოცვიდეს იგი შვილთა-თჳს და
Line: 33 მოწაფეთა თჳსთა. და მიუწერა მას არკადი ვედრებით, რათა შეუნდოს მას ლოცვაჲ
Page: 302 Line: 1 იგი, რომელი ცოდა მისა მიმართ განზრახვითა სიკუდილისა მისისაჲთა. და მნებებელმან
Line: 2 გულსავსე ქმნისა მისისამან [მიუწერა] ავღუსტალსა, ესე იგი არს დუკსა
Line: 3 ალექსანდრიისასა, რათა მიართუას მას ბეგარი ყოვლისა ეგჳპტისა და მან
Line: 4 განყოს იგი, სადაცა და ვითარ ენებოს, და რათა მხოლოდ შეუნდოს ოდენ და
Line: 5 ილოცვიდეს მეფობისა მისისა-თჳს და ძმისა მისისა ონორის-თჳს, და რათა ერთგზისღათუ
Line: 6 მიუწეროს მას პასუხი. ხოლო წმიდამან მამამან ჩუენმან არსენი მიწერაჲ
Line: 7 უკუე მათი არა თავს იდვა, ხოლო მიუმცნო ესრეთ: "ღმერთმან, შვილნო,
Line: 8 შეგინდვენინ თქუენ ყოველი და ღირს გყავნ ქმნად საღმრთოჲსა ნებისა. ხოლო
Line: 9 საჴმართა-თჳს რომელ მიუწერე, მე სოფლისაგან მომკუდარ ვარ, და ნუ ვინ მგონებს
Line: 10 მე რაჲთ-ურთით ცოცხლად".
Line: 11 ხოლო კრებამან ერგასისთა მამათამან და მეფემან თევდოსი ღმრთის-მეტყუელ
Line: 12 გრიგოლის დაუმტკიცეს ეპისკოპოსობაჲ კოსტანტინუპოლისაჲ, და
Line: 13 არამნებებელი ამისისა ქმნისაჲ იძულებით დასუეს საყდარსა ზედა, ვითარცა ფრიად
Line: 14 დამაშურალი და საცთურისაგან წვალებათაჲსა განმათავისუფლებელი ქალაქისაჲ რომელთაგანთა
Line: 15 მცირედთა ვიეთმე მეგჳპტელთა ეპისკოპოსთაჲ ისწავა რაჲ შურად
Line: 16 სიტყჳსა ამის აღდგომაჲ, აღმწერელმან სიტყუასა ქმნისასა, ნებსით დაუტევა განსაგებელი
Line: 17 ეპისკოპოსობისაჲ და ვითარცა იჯმნა გრიგოლი ეპისკოპოსობისაგან კოსტანტინუპოლისა,
Line: 18 ნეკტარის ჴელთ უდვა ესე მეფემან და კრებამან, რომელი ტარსელი
Line: 19 ვიდრე-მე იყო ნათესავით, ხოლო განგებაჲ პრეტორისაჲ ეპყრა მაშინ უნათლავი
Line: 20 უკუე ვიდრე მას ჟამადმდე, გარნა პატიოსანი ვიდრე და განკრძალული და
Line: 21 ყოვლად-საკჳრველი სიწმიდითა ცხორებისაჲთა. ხოლო გრიგოლი დიდი ანძიანოზდ
Line: 22 მიმართ სოფლად კაპპადოკიისა მიიწია, რომელი მამულად სამკჳდრებელად მოეგო,
Line: 23 და დაწყნარებით დაეყუდა მუნ რაოდენთა-მე ჟამთა და უმაღლესთა ხედვათა საზომსა
Line: 24 აღწევნული დამტევებელ იქმნა ცხორებისა მოხუცებული და სავსე დღითა
Line: 25 და ყოველთავე სათნოებათა სრულებითა აღსავსე.
Line: 26 მეორე წმიდაჲ კრებაჲ ასერგასისთა ღირსთა მამათაჲ იქმნა ჟამთა დიდისა
Line: 27 მეფისა თევდოსისთა, დამასუჲს-ზე ჰრომთა პაპასა, რომლისა წინამძღუარ იყვნეს
Line: 28 ტიმოთე ალექსანდრიისაჲ და მელეტი ანტიოქისაჲ, კჳრილე იერუსალჱმისაჲ
Line: 29 და გრიგოლი ღმრთის-მეტყუელი, ხოლო იქმნა მაკედონიოსის-თჳს, კოსტანტინუპოლელ
Line: 30 ეპისკოპოსისა, რომელი მსგავსად არიოზისსა ჰგმობდა იგიცა და ეგრეთვე
Line: 31 სულსა წმიდასა არა ღმრთად ჭეშმარიტად, არამედ დაბადებულად ჰგონებდა
Line: 32 იგი. ამან წმიდამან კრებამან, შემო-რაჲ-კრბა ეპისკოპოსად უკუე კოსტანტინუპოლისა
Line: 33 ჴელთ-დასხმულ ყო ნეკტარიოს, მაშინ სადმე სჳნკლიტიკოსთაგანი.
Page: 303 Line: 1 ხოლო მაკედონიოს შეაჩუენა და მის თანა საბელიოს ლიბიელი, რომელი ერთ
Line: 2 პირსა აღიარებდა წმიდისა სამებისასა. მერმე აპოლინარიცა ლაოდიკიელი, რომელი
Line: 3 უგონებოდ იტყოდა განჴორციელებულსა სიტყუასა, რამეთუ ნაცვალად გინებისა
Line: 4 ქმნასა სიტყჳსასა წარჰრევდა სულსა შინა საუფლოჲსა კაცისასა და სულ
Line: 5 უკუე წმიდაჲ ღმრთად ცხოველს-მყოფელად და თანაარსად მამისა და ძისად ქადაგა
Line: 6 და შესძინა ნიკიელთა მამათა მიერ აღწერილსა მრწამსსა სულისა-თჳს წმიდისა
Line: 7 ვითარმედ "უფალი და ცხოველს-მყოფელი" და შემდგომნი მაშინვე დიდი
Line: 8 ამფილოქე ევედრა მეფესა, რათა განისხნეს ყოველთა ქალაქთაგან არიანოზნი, ხოლო
Line: 9 იგი მჴსინვარებად აღჩენითა სათხოვლისაჲთა არა მორჩილ ექმნა მას. და
Line: 10 ყოვლად-ბრძენმან ამფილოქე მაშინ უკუე დაიდუმა, ხოლო შემდგომად მცირედისა
Line: 11 მოიპოვა მიზეზი ღირსი მოჴსენებისაჲ. რამეთუ კუალადცა შინაგან პალატი
Line: 12 მეფეთაჲსა ქმნილმან და მახლობელად მეფისა მხილველმან ძისა მისისა არკადისმან
Line: 13 მამაჲ ვიდრე-მე მოიკითხა, ხოლო ძე დაუტევა თჳნიერ მეფობრივისა მოკითხვისა.
Line: 14 და ვითარ ჰგონა მეფემან, ვითარმედ შესცილდა ესე ამფილოქეს, უბრძანა
Line: 15 მოკითხვაჲ ძისაცა მისისაჲ. ხოლო მან "კმა არსო" ჰრქუა, "შენდა მიძღუნებული
Line: 16 პატივი, და ნუ ეძიებ ჩემ მიერ ძისაცა პატივის-ცემასა განთჳსებულად"
Line: 17 რომლისა მიმართ განმწარებული მეფე თჳსად შეურაცხებად იტყოდა უპატივობასა
Line: 18 ძისასა. მაშინ ამფილოქე ხმა ყო მეტყუელმან: "ჰხედავა, მეფე, ვითარ ვერ
Line: 19 თავს იდებ უპატიოებასა ძისა შენისასა. ირწმუნე უკუე, ვითარმედ ღმერთსაც
Line: 20 საძაგელ და გარემისაქცეველ უჩნან მგმობარნი ძისა მისისანი". ესე ვითარცა
Line: 21 ესმა მეფესა, ფრიად დაუკჳრდა და მუნქუესვე დაწერა სჯული კრებულისა მწვალებელთაჲ
Line: 22 დასამჴობელი.
Line: 23 ამის უკუე წარმართებისა მოშურნე ქმნილმან კეთილის-მოძულემან ეშმაკმან
Line: 24 უსახურისა რაჲსმე და კაცთ-მოძულებისა საქმისა მოიპოვა ქმნაჲ. რამეთუ კოსტანტინუპოლით
Line: 25 გამოსრული ჰრომედ-მიმართსა ჰყოფდა მოგზაურობასა და ვითარცა
Line: 26 თესალონიკედ მოიწია მგზავრ, და გუნდმან მჴედრობისა მისისამან წყობა
Line: 27 ყო ქალაქისა მიმართ სამასპინძლოთა და წარსაგებელთა-თჳს, აღშფოთნეს თესალონიკელნი
Line: 28 და მეფესა უკუე გინებანი დაასხნეს, ხოლო მთავართა მისთაგანნი
Line: 29 ვიეთნიმე ქვადაკრებულ ყვნეს. მაშინ ჰამბავთა ამათ თხრობამან გულის-წყრომითა
Line: 30 აღაგზნა მეფე და ვერ თავს-მდებელმან დაპყრობად მძჳნვარებასა მრისხანებისასა
Line: 31 უბრძანა ჳპარხოზსა მის ქალაქისასა, რათა პატიჟი უწესოჲსა მის შფოთებისაჲ
Line: 32 მიჰჴადოს ძჳრის-მოქმედთა მათ, რომელმან მო-რაჲ-იღო ესე ვითარი ჴელმწიფებაჲ,
Line: 33 ვითარცა თჳთსჯულმან და მძლავრმან, უმსჯავროჲ მახჳლი იჴადა
Line: 34 ყოველთა-თჳს და უბრალონი ბრალეულთა თანა მოსრნა შჳიდნი ათასეულნი. ესე
Line: 35 უკუე განსაცდელი ისწავა ამბროსი, ეპისკოპოსმან მედიოლანისამან, ხოლო არს ესე
Line: 36 ქალაქი იტალიისაჲ, სადა იგი მო-რაჲ-იწია მეფე და ჩუეულებისა-ებრ ენება შესლვაჲ
Page: 304 Line: 1 ტაძრად. შეემთხჳა იგი გარე წინაბჭეთა ტაძრისათა და დააყენა შესლვისაგან
Line: 2 კადნიერებით მხმობელმან ესრეთ: "არა მეცნიერ ხარ, ვითარ ჰგავს, ჵ მეფეო,
Line: 3 ქმნილისა მის მესისხლეობისა სიდიდესა. რამეთუ ნუ უკუე და არცა უტევებს
Line: 4 ძლიერებაჲ მეფობისაჲ მეცნიერებად მცოდველობისა მისლვასა. ამის-თჳს პორფირისა
Line: 5 მიერ შეცთომილი უმეცარ ხარ უძლურებასა მის მიერ დაბურვილთა ჴორცთასა.
Line: 6 არამედ უწყოდე, ვითარცა განხრწნადისა და წარდინებადისა მქონებელმან
Line: 7 ბუნებისამან, ვითარმედ განხრწნადი არს და წარდინებადი მპყრობელობაჲცა და
Line: 8 ძლიერებაჲ შენი, რომლისა-თჳს შემდგომად მცირედისა სიტყუაჲ მისცე მეუფესა
Line: 9 მეუფეთასა. აწ უკუე რომლითა თუალითა გეგულების ხილვაჲ ტაძარსა საზოგადოჲსა
Line: 10 მეუფისასა? ანუ რომლითა ფერჴითა დათრგუნვაჲ იატაკისა მისისა წმიდისაჲ?
Line: 11 გინა ვითარ აღიპყრობ ჴელთა, რომელთა ჯერეთ უსამართლოჲსა მკლველობისაჲ
Line: 12 დამოგწთჳს სისხლი? ანუ ვითარ ეგე ვითარითა ჴელითა შეიწყნარებ
Line: 13 უხწრნელსა ჴორცსა მეუფისასა? ვითარ მიაახლებ პირსა პატიოსანსა სისხლსა მისსა,
Line: 14 რომლითა ესოდენთა სისხლთა დათხევასა მიზეზი აღმოსთქჳ მრისხანე სიტყუაჲ?
Line: 15 ამის-თჳს დადეგ და ნუ წადიერ ხარ მეორეთა ამათ მიერ აღორძინებასა
Line: 16 პირველთა უსჯულოებათასა და მიითუალე განკანონებაჲ, ვითარცა ღმრთისა მიერ
Line: 17 ზეგარდამო მივლინებული შენდა.
Line: 18 ამათ უკუე სიტყუათა მიერ შეკდემული მეფე კუალად იქცა მუნ მყოფთა მიმართ
Line: 19 სამეუფოთა ეზოთა სულთქუმით და ცრემლით მტირალი. და ვითარცა რვანი თთუენი
Line: 20 ამას შინა წარჴდეს, და რაჲთ-ურთით არა სადა გამოვიდა მეფე, არამედ მჴურვალედ
Line: 21 ინანოდა, მოიწია დღესასწაული საუფლოჲსა შობისა. მაშინ იხილა მაკისტროსმან
Line: 22 რუფენოს, ვითარმედ არცა ჩუეულებისაებრისა წინაგამოსლვისა ქმნაჲ
Line: 23 ეგულები ეფესა, თქუა მისსა მიმართ: "წარვიდე, მეფეო, და ვარწმუნო მღდელთ-მთავარსა
Line: 24 განჴსნაჲ შენი კრულებისაგან, უკუეთუ გნებავს". ხოლო მან ჰრქუა: "უწყი მე
Line: 25 ამბროსის განკრძალულებაჲ, ვითარმედ არა ისმინოს". ხოლო ვინაჲთგან უმრავლესთა
Line: 26 სიტყუათა იჴუმევდა რუფენოს, და რწუნებასა ამბროსისსა აღსთქუმიდა, უბრძანა მას
Line: 27 წარსლვაჲ, და სასოებისა მიერ ჴელპყრობილი თჳთცა შეუდგა შემდგომად მცირედისა.
Line: 28 ხოლო დიდმან ამბროსი იხილა რაჲ რუფენოს, მყის ესრეთ თქუა მისსა
Line: 29 მიმართ: "თანამზრახვალ და ზიარ ეგე ვითარისა მოსისხლეობისა, ჵ რუფინე,
Line: 30 წადიერ ხარ ყოფასა. არამედ მე წინაჲსწარ გითხრობ, ვითარმედ მე კუალადცა
Line: 31 დავაყენო იგი შემოსლვად საღმრთოთა წინაბჭეთა". ამათ მსმენელმან რუფინოს
Line: 32 მიუმცნა ესენი მალემსრბოლისა მიერ მეფესა. ხოლო მეფემან საშუვალ გზისა
Line: 33 მიწევნულ "წარვიდე", თქუა, "და კუალად შევიწყნარნე მე მშჯავრნი სიმართლისანი
Line: 34 და ესრეთ მისრული ეკლესიად ევედრებოდა მღდელთ-მთავარსა განჴსნად
Line: 35 კრულებისა. და იგი ვიდრე-მე მძლავრებრივად და ღმრთის წინააღმდგომად უწოდდა
Page: 305 Line: 1 მუნ მისლვასა მას მისსა, ხოლო ესე მრავლითა სულთქუმითა და ლმობიერებითა
Line: 2 "არა განლაღებული", ეტყოდა, "სამღდელოთა ზედა კანონთა, არამედ
Line: 3 კრულებისაგან განჴსნისა ჩემისა ვედრებად მოვედ". და "რომელი სინანული აჩუენეო",
Line: 4 მღდელთ-მთავარი მიუგებდა, "შემდგომად ესე ვითარისა უსჯულოებისა.
Line: 5 ანუ რომელთა ღირსთა წამალთა მიერ განიკურნენ ძნიად-საკურნებელნი წყლულნი?"
Line: 6 და მეფემან თქუა: "შენი უკუე არს საქმე პირველად ჩუენებაჲ და შეზავებაჲ
Line: 7 წამალთაჲ, ხოლო ჩემი არს შეწყნარებაჲ მათი". მაშინ უკუე მიერითგან
Line: 8 ამბროსი ჰრქუა: "ვინაჲთგან გულის-წყრომასა მსაჯულთყოფაჲ უბრძანე, დაწერე
Line: 9 სჯული უქმმყოფელი გულის-წყრომისა ბჭობათაჲ, და რათა ოცდაათთა დღეთა
Line: 10 განვრცომასა ჰგებდენ მკლველობილნი და განსაქიქებელობითნი პატიჟის-მიჴდანი
Line: 11 და საშჯულოთა წიგნთაებრ მართლითა გულის-სიტყჳთა და მეცნიერებით-ქმნილთა
Line: 12 მოელოდინ მსჯავრთა". რომლისაჲ მუნქუესვე დაწერაჲ ბრძანა მეფემან და
Line: 13 თჳსითა ჴელითა დამამტკიცებელისაჲ, დაჰჴსნა ამბროსი კრულებაჲ და ეკლესიად
Line: 14 შესლვაჲ უბრძანა მას. ხოლო იგი შე-რაჲ-ვიდა, არა მდგომარე ევედრა ღმერთსა
Line: 15 არცა მუჴლთ-მოდრეკით მლოცველი, არამედ ქუეყანასა ზედა დაკუეთებით
Line: 16 მდებარე ხმობდა ღაღადებით: "მიეახლა ქუეყანასა სული ჩემი, მაცხოვნე მე
Line: 17 სიტყჳსა-ებრ შენისა, უფალო". და ჴელითა იფხურიდა თმათა თავისა და წუერთასა,
Line: 18 და შუბლსა სცემდა ქუეყანასა, და ცრემლითა ალტობდა მას, ვიდრემდის დიდად-სარგებელ
Line: 19 ეყო მხილველთა და თანამჭუვარ იქმნეს გგოდებისა მისისა. და არა
Line: 20 დააცხრო ესრეთ ვედრებაჲ ღმრთისაჲ ვიდრე ჟამადმდე წმიდისა ზიარებისა. და
Line: 21 მაშინ აღდგა და მახლობელად წმიდათა კართა მიიწია მგულებელი შინაგან შესლვისაჲ,
Line: 22 რომელიცა დააყენა ამბროსი და ჰრქუა: "უწყოდე, მეფე, ვითარმედ
Line: 23 მხოლოდ მღდელთანი ოდენ არიან შინაგანნი სიწმიდენი, ხოლო სხუათა ყოველთაგან
Line: 24 უვალ არიან და შეუხებელ. ამის-თჳს გარე დაადგერ და სხუათაჲსა ზიარ
Line: 25 იქმენ დგომისა. რამეთუ პორფირმან მეფეთაჲ ხოლო, და არა მღდელთაცა უწყის
Line: 26 შექმნაჲ". ხოლო მან ესეცა შეიწყნარა მხიარულებით და ნაცვალად მიუგო
Line: 27 მას: "არა თავჴედობით ვყავ ესე, არამედ ვინაჲთგან კოსტანტინუპოლის შინა
Line: 28 წესყოფაჲ ამისი მესწავა. გარნა მადლობასა აღგიარებ ამისცა სარგებელისა-თჳს.
Line: 29 ესე ვითართა უკუე და ესოდენითა ბრწყინვიდეს სათნოებითა მღდელთ-მთავარიცა
Line: 30 და მეფე.
Line: 31 და ვითარცა აღმოვიდა მეფე კოსტანტინუპოლის, და დღესასწაულისა დღე
Line: 32 მოიწია, და შინაგან საკურთხეველისა არა შევიდა იგი, და პატრიაქმან ნეკტარიოს
Line: 33 იკითხა ცნობაჲ მიზეზისაჲ, "ძლით სადმე", თქუა "მღდელისა და მეფისა
Line: 34 განყოფილებაჲ ვისწავე. რამეთუ მხოლოჲ ამბროსი ოდენ ვიხილე სამართლად
Line: 35 წოდებული ეპისკოპოსად".
Page: 306 Line: 1 ხოლო უსჯულოთა ვიეთმე კაცთა ანტიოქიას შინა სამეფოთა ანდრიანტთა
Line: 2 მიმოდათრევით შემუსრვითა დიდად რისხვად აღადგინეს მეფე, და
Line: 3 გულმოწყექმნილმან წარავლინნა მთავარნი ტანჯვად მოქალაქეთა. რომელთა, ზედა
Line: 4 მოსლვაჲ რაჲ მათი აგრძნეს, სივლტოლაჲ იჴუმიეს. მაშინ შთამოვიდეს
Line: 5 მთათაგან მონაზონნი და გულის-წყრომაჲ მათი სიტკბოებად შეცვალეს.
Line: 6 რომელთა-თჳს ოქროპირიცა ხმობს ესრეთ: ვინაჲთგან ბილწთა ვიეთმე
Line: 7 და ყოვლად-ბილწთა სჯულნი დათრგუნნეს და ანდრიანტნი დამუსრნეს და
Line: 8 უკუანაჲსკნელნი ძჳრნი მოადგნეს ყოველთა, რაჟამს მეფისა მიერ მოვლენილთა მათ
Line: 9 გამოძიებისა-თჳს ქმნილთაჲსა საშინელი იგი წარმოადგინეს სამშჯავროჲ და ყოველთა
Line: 10 კადრებისა მის პატიჟის მისაჴდელად მზადებდეს, და თითოსახენი სიკუდილნი
Line: 11 ყოველთა-თჳს მოსალოდებელ იყვნეს, მაშინ მთათა მწუერვალებისა მონაზონთა
Line: 12 მკჳდრთა მაღნარებისათა აჩუენეს ფილოსოფოსობაჲ თჳსი რამეთუ ესოდენთა
Line: 13 წელთა სიმრავლესა ტალავართა შინა თჳსთა შეყენებულთა არცა ერთისა
Line: 14 ვის ვედრებითა ანუ თანამზრახვალობითა, ვინაჲთგან ესე ვითარი ალმური ქალაქისა
Line: 15 გარემოხუეულად იხილეს, დაუტევნეს მათ ქუაბნი და კარავნი და ყოვლით-კერძო
Line: 16 შემოკრბეს, ვითარცა ზეცით მოწევნულნი რაჲმე ანგელოზნი. რომლისა-თჳსცა
Line: 17 ცათა მიმსგავსებულად იხილვებოდა მაშინ ქალაქი ყოვლით-კერძო ბრწყინვალებითა
Line: 18 მათ წმიდათაჲთა და მხოლოდ ხილვისაგან ოდენ ნუგეშინის-ეცემოდა
Line: 19 შეურვებულთა და ყოველი უგულებელსმყოფელობაჲ განსაცდელისაჲ მიემადლებოდა.
Line: 20 რამეთუ ვინ მხილველი მათი არა მეყსეულად შეურაცხ ჰყოფდა სიკუდილისა
Line: 21 ზიარს, და არცა ერთისა სიტყჳსა ღირსად შჯიდა ჴორციელსა ცხოვრებასა?
Line: 22 რომელნი მთავარითაცა კადნიერებით ეზრახნეს ბრალეულთა-თჳს და სისხლნი თჳსნი
Line: 23 დასათხეველად განჰმზადნეს, რათა სიკუდიდ განწირულნი იგი მოსალოდებელთა
Line: 24 ჭირთაგან გამოიჴსნენ. რომელი ესე იქმნაცა.
Line: 25 აწ უკუე სადა არიან ტრივონებითა მოსილი იგი და სიჴშოჲსა წუერთაჲსა
Line: 26 მაჩუენებელნი და მარჯუენითა კუერთხისა მპყრობელნი სახელმტყუვარნი ფილოსოფოსნი,
Line: 27 კჳნიკოჲსა ბრძენკჳონთასა უხარბეს მსრბოლნი ტაბლათა მიმართ და
Line: 28 ყოვლისავე მოქმედნი მუცლისა-თჳს? რამეთუ მხოლოდ მათ ოდენ აჩუენეს კაცთა
Line: 29 შორის ჭეშმარიტი და საქმითი ფილოსოფოსობაჲ. რომელთა იგი ქალაქნი დაუტევნეს
Line: 30 და უდაბნონი დაიმკჳდრნეს, და, რაჟამს იგი ყოველნი შიშითა მოცვულ
Line: 31 და განწირულ იყვნეს, საშუვალ დადგეს და განსაცდელი დააცხრვეს არა მრავალთა
Line: 32 დღეთა, არამედ ერთსა დღესა შთამოვიდეს და სიტყუა უგეს და, მძჳნვარებაჲ
Line: 33 რაჲ რისხვისაჲ მოამდოვრეს, საყოფელთავე თჳსთა კუალად ეგნეს. ესოდენი
Line: 34 არს ქრისტჱს მიერ კაცთა შორის წარმართებული ფილოსოფოსობაჲ.
Line: 35 ესრეთ უკუე თევდოსის-ზე დიდისა პატიოსანი თავი წინამორბედისაჲ კოსტანტინუპოლედ
Page: 307 Line: 1 აღმოყვანებულ იქმნა, რომელი იპოვა მონაზონთა ვიეთმე მიერ
Line: 2 მორჩილთა მაკედონიოჲს წვალებისათა, რომელნიცა იერუსალჱმით წარმოვიდეს
Line: 3 და კილიკიას იქცეოდეს. რომელთა-თჳს ისწავა რაჲ მარდონიოს საჭურისმან და
Line: 4 უალენტის მიუმცნო, კოსტანტინუპოლის აღყვანებულ იქმნა ბრძანებითა მისითა.
Line: 5 ხოლო ვითარცა ამის ძლით მივლინებული იგი აღჴდეს ეტლთა და მივიდეს
Line: 6 პანდოქიონსა რასმე, არღარა იძრნეს ადგილით ეტლისა მზიდველნი იგი კერძო-ვირნი,
Line: 7 დაღათუ ფრიად იგუემებოდეს. მაშინ უკუე დაიდვა პატიოსანი იგი თავი
Line: 8 კოსილაოდ სახელდებულსა დაბასა, რამეთუ არა საჯა ღმერთმან ესე ვითარისა
Line: 9 ნიჭისა ღირსყოფაჲ უალენტისი, ხოლო თევდოსის კეთილმსახურებისა ნაცვლის
Line: 10 მიმგებელმან ღმერთმან მიერ აღყვანებაჲ მისი აუფლა მას, რომელიცა ევდომს
Line: 11 შინა დაუსუენა და ტაძარი დიდი და ბრწყინვალე აღუშენა წინამორბედსა. ხოლო
Line: 12 ალექსანდრიას შინა მდგომარე ტაძარი ელენთაჲ თეოფილე გამოსთხოა მეფესა,
Line: 13 განწმიდა იგი და ეკლესიად შეცვალა, ელენთანი განქიქებულ ყვნა საიდუმლონი,
Line: 14 ფალლოსნი და რაჲცა რამე მათსა უბილწეს და უსაძაგელეს არიან. რომლისა-თჳს
Line: 15 განცჳბრებულთა და ელენთა და განძჳნებულთა ბევრეულნი მკლველობანი
Line: 16 აღასრულნეს. რომელთა მკლველობათა-თჳს ისწავა რაჲ თევდოსი, მოწყუედილთა
Line: 17 ვიდრემე ქრისტეანეთა ჰნატრიდა, ვითარცა კეთილად-მსახურებისა-თჳს
Line: 18 მარტჳლებულთა, ხოლო ელენთა ფლობილყოფაჲ ბრძანა, უკუეთუ
Line: 19 ქრისტეანედ შეიცვალნენ. და ელენებრთა უკუე ტაძართა დარღუევაჲ და
Line: 20 ღმერთთა მათთა გამოდნობაჲ და ქველის-საქმედ მიცემაჲ გლახაკთაჲ განაჩინა.
Line: 21 ხოლო ტაძარი სერაპიდისი დაირღუეოდა, ნაწერნი იპოვნეს მქონებელნი
Line: 22 მსგავსებას ჯუარისასა, რომელნიცა იხილნეს რაჲ ელენთაგანთა ქრისტეანეთა,
Line: 23 თქუეს ვითარმედ "ჯუარისა მიერ ყოფადი ცხორებაჲ მოასწავეს მეცნიერთა
Line: 24 ნაწერისათა. ხოლო ტაძარი იგი სერაპიდოჲსი დაარღჳა მთავარ-ეპისკოპოზმან
Line: 25 თეოფილე კერპისა მისისა თანა. ამას რომელნიმე დიაჲსდად იტყოდეს
Line: 26 ყოფად, ხოლო რომელნიმე ნილოსისა მდინარისად, ვინაჲთგან მოდი აქუნდა
Line: 27 ზეშთა თავისა მისისა და წყრთა, რომელ არს საზომი წყლისა, და კუალად სხუანი
Line: 28 ჩუენისა იოსებისდად, ხოლო სხუანი აპინის ვისდადმე კეთილპოვნიერისა კაცისა
Line: 29 მემფიდის შინა ქალაქსა ეგჳპტისასა მეფექმნილისად, რომელმანცა ჟამსა
Line: 30 სიყმილისასა ნაყოფთაგან თჳსთა გამოზარდა ქალაქი ალექსანდრია, რომელი იგი
Line: 31 მო-რაჲ-კუდა, ტაძარი აღუშენეს მას, და ტაძარსა მას შინა იზარდებოდა ჴარი
Line: 32 მომღებელი ნიჭისა მუშაობისასა, რომელსა აქუნდეს ფერსა შინა თჳსსა ნიშანნი
Line: 33 რაჲმე, რომელი სახელისაგან მისისა აპის იწოდებოდა იგიცა. ხოლო სოროჲ
Line: 34 ამისი აპიდოისი, რომელსა შინა გუამი მისი მდებარე იყო, ალექსანდრიად მოიღეს,
Page: 308 Line: 1 და სოროჲსგან და აპიდოჲსა შემქმნელთა სორაჲპინად უწოდეს მას, ხოლო
Line: 2 შემდგომთა მათთა კაცთა სერაპინად სახელ სდვეს.
Line: 3 ესე ტაძარი იყო ალექსანდრჱს მიერ აღშენებული ყოვლად-დიდი სუეტთა
Line: 4 მიერ მრავალსასყიდლისათა და მარმარილოთა შინაჲთ და გარეთ ყოვლად-ბრწყინვალედ
Line: 5 მოქნილი. ხოლო საშუალ ტაძრისა კერპი მისი აღმართებულ იყო დიდი
Line: 6 და საშინელი, რომლისა მარჯუენე ვიდრე-მე ჴელი ერთსა კედელსა, ხოლო მარცხენე
Line: 7 მეორესა მისწუთებოდა, და ვითარცა უცხო რაჲმე ნიში ყოვლისაგანვე ნათესავისა
Line: 8 და ნივთისა და ძელისა შემზადებულ იყო. ხოლო კედელნი უშინაგანესისა
Line: 9 ტაძრისანი ოქროჲსა და ვეცხლისა პეტლითა შემოსილ იყვნეს. რომელთა
Line: 10 შინა სხუაჲ რაჲმე სახე ბოროტის-მოქმედებითისა საცთურისა ესე ვითარი დაფარულ
Line: 11 იყო. ქვა რაჲმე არს მაღნინტად სახელდებული, რომელსა ბუნებითითა
Line: 12 მოქმედებითა აქუს თავისა მიმართ თჳსისა მიმზიდველობაჲ რკინისა. რომლისა-თჳსცა
Line: 13 კერპი შემზადეს რვალისა არა დიდი და შინაგან თავისა მისისა რკინაჲ
Line: 14 დამსჭუალჳით განავლეს, ხოლო მაღნინტი იგი ქვა ქარტოცსა შინა ტაძრისასა
Line: 15 ზედა-კერძო სამყაროსა დაამყარეს, ხოლო რვალისა იგი კერპი ბუნებითითა
Line: 16 მაიძულებელობითა ქვისაჲთა აღმზიდველი, - საკჳრველებით დამოკიდებული
Line: 17 ფრიადითა ღონითა და ჴელოვნებითა, - დამჭირველი საშუალ სართულისა
Line: 18 და იატაკისა განსაკჳრვებელი სახილავად და არა სრულიად ქუედაზიდული
Line: 19 ბუნებითითა სიმძიმითა რვალისაჲთა. ესე და-რაჲ-იჴსნა და ქუეყანად შთამოკუეთა,
Line: 20 და ნილოსი ჩუეულებისა-ებრ თჳსისა არა აღმოვიდა, იხარებდეს ელლენნი
Line: 21 და იტყოდეს, ვითარმედ ამის მიზეზისა-თჳს არა აღმოვიდა მდინარე. რომელი
Line: 22 ესე ვითარცა ისწავა მეფემან თევდოსი, კეთილმსახურებით მიუგო: ნუ იყოფინ
Line: 23 მდინარისა ტაძართა და მსხუერპლთა ზედა საეშმაკოთა მოხარულობათა
Line: 24 ოდესცა ქუეყანად აღმოტევებაჲ წყლისა. ხოლო სარწმუნოებისა მისისა მიმთუალველმან
Line: 25 ღმერთმან უმეტეს საჴმრისაცა უბრძანა გარდაცემაჲ მდინარესა, რომლისა
Line: 26 მიერ არა მცირედი შიში შეექმნა ეგჳპტისათა, ვითარმედ ნუ სადა თჳთ
Line: 27 იგი ალექსანდრია წარი[რ]ღუნას წყლითა.
Line: 28 ხოლო არტემიდის-თჳს ესრეთ ვისამე მიმართ იტყჳს დიდი ისიდორე: "ვინაჲთგან
Line: 29 ინებე სწავლისა ვინ არა უწყისო ქალაქი ეფესო ვითარმედ მსახური არს
Line: 30 დიდისა ღმრთისა არტემიდისი და დიოპეტისი? უწყოდე, ვითარმედ არა წერილისა
Line: 31 არს სიტყუაჲ, არამედ მწიგნობრისა ეფესელთაჲსა. ნამეტავად უკუე შევრაცხ
Line: 32 სიტყჳს-მოქმედებისაჲ მცბერისა თარგმანებასა, რომელთა-თჳს კეთილ-მეტყუელად
Line: 33 სადმე ჰგონებ საღმრთოსა მგალობელსა ვითარმედ "მითხრნეს მე
Line: 34 უსჯულოთა ზრახვანი, არამედ ვითარ სჯული უფლისაჲ". გარნა, ვინაჲთგან სწავლის-მოყუარესა
Line: 35 მრავალსწავლულცა გნებავს ყოფაჲ. მიგითხრა უკუე ესეცა. ელენებრივთა
Line: 36 ძეგლთა შემმზადებელნი და მხედველთა მათთა შიშისა შექმნასა მნებებელნი
Page: 309 Line: 1 იტყოდე, ვითარმედ კაცის-სახე ესე ძეგლი ზეცით დიოჲს მიერ მოვლენილ არს და
Line: 2 გარდამოსრულ უაღრეს ყოვლისა კაცობრივისა ჴელისა და დაუჴსნელი, რომლისა-თჳს
Line: 3 დიოპეტად ორანოვრეტად უწოდეს მას. ხოლო ვრეტად ვროტოჲსა, ესე იგი არს
Line: 4 კაცისა მსგავსებისა-თჳს. გარნა არა ესრეთ იყო ძეგლთა-ძლითი იგი ამაო და
Line: 5 ცუდი მადიდებლობაჲ, არამედ ძეგლთ-მქანდაკებელთა ანუ მოჰკლვიდეს და ანუ
Line: 6 მამულით წარსდევნიდეს, რათა არავის აქუნდეს თქუმად, ვითარმედ ჴელით ქმნილი
Line: 7 არს ქანდაკებული. ამის ესე ვითარისა ჰამბავისა წმასნითა სასმენელობასა
Line: 8 განხრწნადთა კაცთასა წარიპარვიდეს, რომლითა იგი ქალაქიცა ეფესელთა სცთებოდა
Line: 9 ხოლო ვითარმედ ჭეშმარიტ არს, ვითარმედ მოჰკლვიდეს ძეგლთა მქანდაკებელთა,
Line: 10 წამებს გუშინ და ძოღან ალექსანდრიას შინა ეგჳპტისასა ქმნილი იგი.
Line: 11 რამეთუ პტოლემეოს შეკრიბნა ჴელოვანნი, რათა შემზადოს ანდრიანტი არტემიდისაჲ,
Line: 12 და შემდგომად საქმისა მის სრულქმნისა მთხრებლი დიდი აღმოჰკუეთა
Line: 13 და ზაკუვით დაბურა იგი. და უბრძანა მუნ შინა სერობაჲ ჴელოვანთა, რომელნი ისერებდეს
Line: 14 რაჲ მას შინა, დაეფლნეს და მოსწყდეს მუნ და სასყიდელი ღირსი მუშაკობისა
Line: 15 მათისა მიიღეს. არამედ მან უკუე ამის-თჳს წარწყმიდნა ჴელოვანნი, რათა ჴელით
Line: 16 უქმნელობისა სახელი მოუგოს მის მიერ ღმრთად-ზმნობილსა მას. ხოლო
Line: 17 მეუფემან ჩუენმან და ღმერთმან მსწრაფლ გამოაცხადა ყოვლად-საძაგელი იგი
Line: 18 მკლველობაჲ, რამეთუ ძრვა რაჲმე იქმნა დიდი, რომლისა მიერ ტაძარი მეყსეულად
Line: 19 დაეცა, და მთხრებლი იგი განეღო, და ესრეთ განცხადნეს უკეთურობითისა
Line: 20 მის საცთურისა მონაჴელოვნნა.
Line: 21 ხოლო უფროჲსად კანოპიოსაცა შინა ყოვლისა ეგჳპტისა საკერპოდ მყოფსა
Line: 22 იტყჳან ნიშისა რაჲსმე ესე ვითარისა ყოფასა. რამეთუ ოდესმე ქალდეველნი თჳსსა
Line: 23 ღმერთსა, რომელ არს ცეცხლი, განსთქუმიდეს რაჲ, ყოველგან მიმოავლებდეს
Line: 24 ღმრთეებათა ყოველთა სამთავროთასა შემასმენელად და უმძლესად ყოველთა
Line: 25 ღმერთთასა მას საგონებელყოფად. რამეთუ სხუათა ვიდრე-მე ................
Copyright TITUS Project,
Frankfurt a/M, 19.11.2023.
No parts of this document may be republished in any form
without prior permission by the copyright holder.