TITUS
Nemesios of Emessa, De natura hominum
Part No. 25
Previous part

Chapter: 24(25)  
Line: 19 
თავი XXV
Line: 20 
მშობელობითისა გინათუ თესლოვნობი[თი]სა-თჳს


Paragraph: 1  
Line: 21    და მშობლობითიცა უკუჱ ნაწილ ვიდრე-მე არს არმორჩილისა
Line: 22    მის სიტყჳსად, რამეთუ განუზრახველად, შორის ნასიზმრავთაჲსა
Line: 23    წარმყრელ ვართ თესლისა; და გულის-თქუმაჲცა თანმეარსეობითისა

Page: 115  
Line: 1    ბუნებითვე არს, რამეთუ უნებელნი მას-ზედა მივდრკებით; არამედ
Line: 2    საქმე აღსარებულად ჩუენ-ზედა და სულიერებრივ, -- ამისთჳს, რამეთუ
Line: 3    მებრ მიმართებითთა ორღანოთა-გან აღესრულების, ხოლო პყრობაჲ
Line: 4    და განყენებაჲ მიმართებისაჲ ჩუენ-ზედა არს. არამედ ორღანო თესლოვნებითთა
Line: 5    ძალთა პირველად უკუჱ ძარღუნი და გულის-ბჭენი, რამეთუ
Line: 6    ამათ-შორის საწყისი თესლთაჲ, და პირველი ნოტიობითი
Line: 7    აღიძრვის თანაშეცვალებითა სისხლისაჲთა, ვითარცა იგი ძუძუთა-შორის
Line: 8    -- სძე. რამეთუ საზრდელ ამათ ჭურჭელთა არ[ს] ესე ბალღამი,
Line: 9    რამეთუ დასაწყისი მათი მოქმედებაჲ თესლ ისა-გან არს. რამეთუ მოადნონენ
Line: 10    ვინაჲვე გულის-ჭენი და ძარღუნი სისხლსა აღმურკნვილის
Line: 11    სახედ ნოტიოსა, რათა იზარდებოდინ; არამედ ნამეტნავი მათისა საზრდელისა
Line: 12    იქმნების თესლ; რამეთუ აღიყვანების პირველად უკუჱ
Line: 13    მოქცევ[ა]თა-მიერ მრავალთა თავად და კუალად უკუჱ თავისა-გან
Line: 14    შთამოივლინების ორთა-მიერ ძარღუთა და ორთა-მიერ გულის-ბჭეთა.
Line: 15    ვინაჲცა თუ ვინ შეჰკუჱთნეს ძარღუნი ყურის-გარემონი და თხემის-მიერნი,
Line: 16    [უთესლო] ვიდრე-მე ჰყოფს ცხოველსა.* ესე ვინაჲ-მე
Line: 17    ძარღუნი და გულის-ბჭენი იქმნებიან მჯდომის-სახედ და ლაქვარდის-სახედ
Line: 18    თანათხზულ ოსქიოთა-მიერ, სადა იგი არს ნოტიოჲ მმურკნველობითი,
Line: 19    და შთაეჭრების ორთავე ტყუბთა-შორის (ერთი გულის-ბჭეთაჲ
Line: 20    და ერთი ძარღჳ სავსე თესლითა**); და მათ-შორის უკუჱ
Line: 21    სრულებით თესლმცენარე იქმნების და ლაქუარდებრივთა ყდათა-მიერ
Line: 22    და ყუჱრთა განივლინების თანავე სულსა, ამისთჳს რომელ გულის-ბჭე
Line: 23    არს, რომელი შთამოუვლენს; არამედ ესე, რომელ ძარღუთა-მიერ
Line: 24    მოჲღებვის თესლი, საცხადო არს ლირწებისა-გან, რამეთუ,
Line: 25    ოდეს რაჲ მრავალჟამ შეეყუნენ და მოაკლდეს ვინაჲვე თესლოვნობითი

Page: 116  
Line: 1    და აღმურკნველობითი ბალღამი, მაშინ ვიდრე-მე იძულებითთა
Line: 2    მოწბობათა-გან წმიდასა სისხლსა განსთხევენ.
Paragraph: 2  
Line: 3       და დედათაცა ყოველნივე მამათანი ჰქუანან ნაწილნი ასოთანი,
Line: 4    არამედ შიგნით და არათუ გარეთ. ხოლო არისტოტელს და დიმოკრიტოსს
Line: 5    არა ეგულების, რათამცა დედაკაცისა თესლი თანაშემწე იყო
Line: 6    ქმნასა შვილისასა, რამეთუ წარმოთხეული დედათა-გან უფროჲს ხოლო
Line: 7    ოფლად ასოჲსა და არა თესლად ეგულების თქუმად. ხოლო ღალინოს,
Line: 8    შეურაცხის-მყოფელი ამის არისტოტელისა-გან თქუმულისა,
Line: 9    იტყჳს მთესვარეობად დედათა-განცა და ორთავე თესლთა შეერთებისა-გან
Line: 10    ქმნად შობილსა, რომლისა-თჳსცა თანმეარსეობაჲ შერთვად
Line: 11     ითქუმის, არამედ არათუ სრულსა თესლსა, ვითარ იგი მამაკაცისასა,
Line: 12    არამედ მოუდნობელსა ვინაჲ-მე და უნოტიოესსა. ესევითარი
Line: 13    ვითარ-მე არს თესლი დედაკაცისა და საზრდელ ექმნების თესლსა
Line: 14    მამაკაცისასა; რამეთუ თესლისა მის-გან დედაკაცისაჲსა, რომელსა-მე
Line: 15    ადგილსა, რომელსა კერვად უწოდენ. თანშეცხვების და წოდებული
Line: 16    იგი ზღჳს-სახედ ადგილ ექმნების ნაყრსა და ნამეტავსა
Line: 17    შთათესულისასა.
Paragraph: 3  
Line: 18       არამედ თჳთეულნი ცხოველთა ტომნი მაშინ შეკრბებიან დედალნი
Line: 19    წულთად, ოდეს შეუძლებდენ შერთვად; ხოლო, რომელნი სამარადისოდ
Line: 20    შემძლებელ იყვნენ, სამარადისოდცა შეერთვიან თანმეარსეობად,
Line: 21    ვითარ რაჲ მამალნი და ტრედნი და კაცი. არამედ სხუანი,
Line: 22    რომელთაცა და შობონ რაჲ, თანშერთვასა ევლტიას, ხოლო დედაკაცი
Line: 23    ნიადაგისად წადნიერა შერთვად. რამეთუ სამარადისოდ მამალნი
Line: 24    წუთღა და თჳთეულთა დღეთა შობენ და კუალად შერთვადვე მიუვლენ,
Line: 25    ხოლო დედათა, ვითარცა სხუათა საქმეთა-ზედა, ეგრეთვე
Line: 26    შე რთვასცა-ზედა თჳთჴელმწიფებაჲ აქუს, არამედ შემდგომად შერთვისა
Line: 27    არღარა, ვიდრე-მე ოდეს რაჲ თესლი შეიწყნაროს. ხოლო უტყუნი
Line: 28    ცხოელნი არათუ თჳთ თავით თჳსით, არამედ ბუნებისა-გან განიკანონებიან
Line: 29    და საზომსა და განჩენილსა ჟამსა შეიწყნარებენ.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.