TITUS
Nemesios of Emessa, De natura hominum
Part No. 72

Paragraph: 4  
Line: 13       შთამოჲვლინების უკუჱ მგრძნობელობითი და ჩჩჳლი ძარღჳ
Line: 14    საშუალთა-გან და წინათა მუცელთა თავის-შორისისა ტჳნისათა, ხოლო
Line: 15    უფიცხესნი და მიმდრეკნი _ უკ[უ]ანათა-გან მუცელთა და უკუანათავე
Line: 16    კისრებრივთა ტჳნთა-გან. და ესენი უფროჲს ხოლო ქუჱნათა-მიერ
Line: 17    უკ[უ]ანაჲს-კერძოჲსა ნაწილთაჲსა; რამეთუ რაჲზომცა განეშორებოდის
Line: 18    თავის-შორისსა ტჳნსა ნოტიეოჲ, რომელ არს კერძი უკუანაჲ, ეგზომვე
Line: 19    გაფიცხდების იგიცა და ძარღუნი მის-გან განბუნებულნი, რომელ
Line: 20    არიან გამავალნი. ვითარცა და ვითარ საგრძნონი ორკეცად მივიხუჱნით,
Line: 21    ეგრეთვე და გაფშჳნვაჲცა ძარღუთა ორკეცივე მაქუს ჩუენ;
Line: 22    რამეთუ თჳთეული უკუანათ-კერძისა ნოტიეოჲსა, რომელ არს კისრისა,
Line: 23     ორ-ორსა განავლენს ძარღუსა, და რომელსა-მე მარჯუჱნითსა
Line: 24    კერძსა სხეულთასა მიუვლენს, ხოლო რომელსა-მე მარცხენითსა. კნინღა
Line: 25    და ყოველი სხეული ჩუენი ორად განყოფილ არს: რომელი-მე
Line: 26    მარცხენედ და რომელი-მე მარჯუჱნედ; ეგრეთვე და ფერჴნიცა და
Line: 27    ჴელნი და სხუაჲცა ყოველი თჳთეულთა საგრძნობელთაჲ.

Page: 120 




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.