TITUS
Nemesios of Emessa, De natura hominum
Part No. 113

Paragraph: 2  
Line: 12       და რამეთუ გებაჲცა ყოველთაჲ და უფროჲს ხოლო ქმნის-შორისთაჲ
Line: 13    და ხრწნისათა დებაჲ და წესი მყოფთაჲ, სამარ.დისოდ მასვე
Line: 14    და ერთსა-ზედა დაცვული, და ვინაჲცა მოქცევი ვარსკულავთაჲ
Line: 15    არცა ერთი რაჲ ოდეს შეცვალებულად და წელიწდ[ის]-შორისი მოქცევი
Line: 16    და ვითარ იგი ჟამთაჲ მასვე-ზედა მიყენებაჲ ღამეთა და დღეთაჲ
Line: 17    და რაჲ წელსწორობაჲ განზოგვით აღორძინებადისაჲ და მოკლებადისაჲ
Line: 18    არცა უმეტესითა და უმცროჲსითა საზომითა, _ და ვითარმცა
Line: 19    კმა ეყო მსგავსად მოვლაჲ წელიწდისაჲ, არარომლისა მქონებელი
Line: 20    განმგისაჲ? არ ოდენ ესე, არამედ ცოდვათაცა თანმიმდევნებელი
Line: 21    ტანჯვაჲ და უფროჲს ხოლო თჳთ მათ ცოდვათა გამოცხადებაჲ, რაჟამს
Line: 22    იგი არავინაჲ იყოს შემძლე მხილებად, რათავე საძნაურთაჲსა
Line: 23    განაცხადებს, მჩუჱნებელი ყოფად განგებისა. ვინაჲცა სავსე არიან
Line: 24    ამათ ესევითართა აღნაწერთა-გან ვინაჲვე ჰურიათა წერილნი და ელლენთაცა-მიერ
Line: 25    აღწერილნი. ესევითარი უკუჱ, ვითარ ესე ისიტყუა,
Line: 26    მოჲქონების შორის წიგნთაჲსა, მებრ სოსანნაჲს-გნითი ი გი ვნებაჲ,
Line: 27    ხოლო ელლენთა-შორის _ ივიკოჲს-მიერ პჳიტისა (რომელ არს მოქმედი
Line: 28    ენაკეთილობისა); რამეთუ, იკლვოდა რაჲ ესე ვიეთ-მე-მიერ
Line: 29    და არავისა, არცა თანამბრძოლისა და არცა მას-ზედა განზრახულისა
Line: 30    მოწამისა, მქონებელმან, იხილნა ვინაჲ-მე მწერონი: "თქუენო _
Page: 164 
Line: 31    თქუაო _ მწერონო, მისაჯეთ მე კლვაჲ ესე!" არამედ ქალაქისა-მიერ
Line: 32    ძებნად მკულველთაჲსა და ვერშემძლისა პოვნად, აღსრულებასა ოდეს-მე
Line: 33    თეატროჲსასა და ჯდომასა ერისასა, მწეროთა წარიფრინვეს; მხილველ
Line: 34    მათდა მკულველნი იგი განიცინნეს და თქუეს: "აჰა მსაჯულნი
Line: 35    ივიკოჲსნი!" ხოლო ახლოს მჯდომარეთა-განმან ვინ-მე ისმინა
Line: 36    და მიუქადაგა მთავართა, და შეპყრობილ იქმნეს და აღიარეს მკლველობაჲ.
Line: 37    არამედ მრავალთა ესევითართა-მიერ სავსე არს სიმრავლითა აღწერილი
Line: 38     ძუჱლთაჲ, რომელ თუ ვინ-მე ინებოს შეკრებად, სიგრძედ
Line: 39    განზიდნეს ვინაჲვე სიტყუასა. ხოლო თუ რად-მე არა ყოველთა მცოდველთა-ზედა
Line: 40    ესე სახევე მხილებისაჲ მიივლინების, არამედ დამფარველნი
Line: 41    განრომასა ჰგონებენ, _ ნუმცავინ უარ ჰყოფს ამისა-თჳს
Line: 42    განგებასა, რამეთუ არა ერთითა ოდენ სახითა ჰყოფს ზრუნვასა კაცთასა,
Line: 43    არამედ მრავალსახედ და განყოფილად.


Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.