ARMAZI
Proclus Diadochus, Institutio theologica georgice
Part No. 17
Previous part

Chapter: 17  
Line: 28 
თავი 17


Paragraph: 1     
Line: 29       ყოველი თჳთმიმდრეკი პირველ თჳთ თჳსდადვე არს უკუმქცევ.
Line: 30    თუ მისდრეკს თავსა თჳსსა და მიდრკების, მოქმედებაჲცა მისი თჳსდად მიმართვე
Line: 31    არს, და ერთ ვიდრემე მიმდრეკი და მიდრეკადი. ხოლო
Line: 32    თუ ნაწილი მისდრეკს და ნაწილი მიდრკების, ანუ ყოველი მისდრეკს და
Line: 33    ნაწილი მიდრკების, ანუ ყოველი მისდრეკს და ყოველი მიდრკების, ანუ
Line: 34    წინა-უკუმო. ანუ თუ იყოს ნაწილი სხუა მიმდრეკი და სხუა ნაწილი მიდრეკადი,
Line: 35    არ ვიდრემე იყოს მყოფობით თჳთმიმდრეკი, არ თჳთმიმდრეკთაგან წარმოდგომილი,

Page: 16  
Line: 1    არამედ თჳთმიმდრეკად ოდენ საჰაზროჲ, ხოლო
Line: 2    არსებით არ იყოს ეს ვითარ. ხოლო თუ ყოველი მისდრეკს და ნაწილი
Line: 3    მიდრკების ანუ წინა-უკუმო, იყოს რაჲვე ნაწილი მრჩობლთა შორის,
Line: 4    რომელი ერთბამად მისდრეკდესცა და მიდრკებოდისცა. და ესე არს
Line: 5    პირველი თჳთმიმდრეკი. და თუ ერთ მისდრეკს, მისდრეკს თავსაცა
Line: 6    თჳსსა და მიდრკების. ვინაჲ მოქმედებაჲ მიდრეკისაჲ თავისა მიმართ
Line: 7    თჳსისა ჰქონდის, და იყოს მიმდრეკ თჳსდადვე. რამეთუ რაჲსა მიმართცა
Line: 8    აქუნდეს მოქმედებაჲ, და მისდა მიმართცა უკუნქცეულ არს.
Line: 9    ყოველი ვიდრემე პირველ თჳთმიმდრეკი თჳსდადვე მიმართ არს უკუნმქცევ.



Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.