ARMAZI
Proclus Diadochus, Institutio theologica georgice
Part No. 195
Previous part

Chapter: 197  
Line: 14 
თავი 197

Line: 15  სულისა არსებითობაჲ, ცხოვლობითობაჲ და


Paragraph: 1     
Line: 16       ცნობითობაჲ*

Paragraph: 2     
Line: 17       ყოველი სული არსებაჲ არს ცხოვლობითი და ცნობითი, და
Line: 18    ცხორებაჲ არსებითი და ცნობითი, და ცნობაჲ ვითარ არსებაჲ და
Line: 19    ცხორებაჲ. და ყოველივე ერთბამ მის შორის: არსებითობაჲ, და
Line: 20    ცხოვლობითობაჲ, და ცნობითობაჲ; და ყოველი ყოველსა შორის
Line: 21    და თჳს-თჳს თითოეული. ხოლო თუ საშუალი არს ყოვლითურთ განუნაწილებელთა
Line: 22    სული, და გუართადმი სხეულთა მიმართ განნაწილებადთაჲსა,
Line: 23    და არცა ყოვლითურთ განუნაწილებელ არს, ვითარ
Line: 24    გონიერნი ყოველნი, და არცა განნაწილებულ, ვითარ სხეულებრივნი
Line: 25    გუარნი. განწვალებულ ვიდრემე სხეულებრივთა შორის არსებანი და
Line: 26    ცხოველობანი და ცნობანი. ხოლო სულთა შორის განუნაწილებელ
Line: 27    და შეერთებულ და უსხეულო, და ერთბამ ყოველნივე უსხეულო. და
Line: 28    ერთბამ ყოველნივე უსხეულობისა და განუნაწილებელობისათჳს. ხოლო
Line: 29    გონიერთა შორის ერთებრივ არიან ყოველნი, განყოფილ უკუე
Line: 30    სულთა შორის და განნაწილებულ, ერთბამ უკუე და თითოეულ ყოველი.
Line: 31    ხოლო თუ ერთბამ და ერთი ერთსა შორის ყოველი, განუნაწილებელ

Page: 118  
Line: 1    და მინერგულ ურთიერთას. ხოლო თუ გათჳთებულ, განყოფილ ყოველნი შეურევნელად. ვინაჲ და თჳს შორის თითოეული,
Line: 2    და ყოველნი ყოველსა შორის. რამეთუ და არსებასაცა შორის ცხოვლობააცა
Line: 3    და ცნობაჲცა. ხოლო თუ არა, არ ვიდრემე იუწყოს
Line: 4    ყოველმან თჳთებაჲ თჳსი. ვინაჲთგან არსებაჲ ცხოვლობისა და ცნობისგან
Line: 5    დაკლებულ იყოს თჳთებითა თჳსითა. და კუალად ცხოვლობასაცა
Line: 6    შორის არსებაჲცა და ცნობაჲ. ხოლო თუ უარსებო ცხოვლობაჲ
Line: 7    და თჳნიერ ცნობისა, ებაძვოს ნივთთა-შორისთა ცხოველთა,
Line: 8    რომელნი ვერ უძლებენ აღუწყებად თჳთებათა თჳსთა; და არცა არსებანი
Line: 9    არიან უზადონი. და კუალად იყოს თუ ცნობაჲ უარსებო და
Line: 10    უცხოვლობო, იყოს ვიდრემე უგუამოვნო. რამეთუ ყოველი ცნობაჲ
Line: 11    ცხოველისაჲ არს და რომლისაცა მხუდარ იყოს მებრ გათჳთებით
Line: 12    არსებაჲ.


Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.