ARMAZI
Proclus Diadochus, Institutio theologica georgice
Part No. 202
Previous part

Chapter: 204  
Line: 4  *
თავი 204 *

Line: 5  სარმრთოჲსა სულისათჳს **


Paragraph: 1     
Line: 6       ყოველი საღმრთოჲ სული მრავალთა ემძღუარვის სულთა სამარადისოდ საღმრთოსა რიცხუსა შედგომილი და უფროჲსღა მათ, რომელნი ოდესმე შემწყნარებელ იყვნენ ამის წესისა, რამეთუ საღმრთო არს. და ჯერ არს, რაჲთა მოეგოს ყოველთა მიმართ მთავრებრივი
Line: 7    წესი და პირველ აღმქმნელობითი შორის სულთაჲსა, რამეთუ ღმრთივიცა წესი ყოველთა შორის მყოფთაჲსა ემძღუარვის ყოველთა, და
Line: 8    არცა მხოლოდ სამარადისოდ შედგომილთა მისდა თითოეულთა წესთა. და კუალად არცა მხოლოდ ოდესვე თანმყოლთა მისდა. ხოლო
Line: 9    თუმცა ოდესვე თანმყოლთა ემძღუარვოდა მხოლოდ, ვითარმცა იქმნა
Line: 10    თანშერთვაჲ და ზიარებაჲ მათი საღმრთოჲსა სულისა მიმართ, ყოვლითურთ ერთი ერთისა განყოფილისა, არცა გონებისა მახლობელად
Line: 11    მზიარებელთაჲსა, და უფროჲს ხოლო არცა ღმრთებრივთა რიცხუთაჲსა?
Line: 12    ხოლო თუ სამარადისოდ შეერთებულთა მიმართ მხოლოდ,
Line: 13    ვითარ მხოლოდ მათდა მიმართ ოდენ წარმოვლო სირამან? და თუ ესრეთ
Line: 14    იყოს გონიერი აღმკული უკუანაჲსკნელ მებრ არსებით და უნაყოფო,
Line: 15    და სრულ ქმნად სხუათა და აღყვანებად დასაბამთადმი ვერ
Line: 16    შემძლე. ვინაჲ საჭირვო არს, რაჲთა ყოველი სული საღმრთოჲ პირველად
Line: 17    აღკრულ იყოს და მზიარებელ საყოველთაოჲსა და უსაღმრთოესისა
Line: 18    სულისად, და მებრ გონიერებით მოქმედისა, და გონებათადმი
Line: 19    აღმყვანისა ნაწილებითთა და საღმრთოთა გონებათაჲსა; და
Line: 20    საშუვლობითა ამათითა ნაწილებითთაცა ზიარებად საღმროჲსა გონებისადა
Line: 21    შემძლეთა თჳს შორის დატევნად საღმრთოჲსა ცხორებისა.
Line: 22    რამეთუ ნიადაგ სამარადისოდ მზიარებელთა მიერ და ნაწილთა უმჯობესისა
Line: 23    ხუედრისათა იქმნების ოდესმე მზიარებელთა სრულ ქმნაჲ.
Line: 24    და კუალად უმეტეს სიმრავლითა რიცხჳ ოდესმე მზიარებელთა სულთაჲ,
Line: 25    ვიდრე სამარადისოდ შეყოფილთა საყოველთაოჲსა და სამარადისოჲსა

Page: 123  
Line: 1    სულისა მიმართ. რამეთუ ძალი მხოლოჲსაჲ განსაზიდსა
Line: 2    შორის სირაჲსასა სამარადისოდ განმრავლდების, ძალითა უკუე მოკლებულ,
Line: 3    ხოლო რიცხჳთა განმრავლებულ. რამეთუ ვინაჲთგან თითოეული
Line: 4    სული, სამარადისოდ ღმრთეებრისა რიცხჳსადა შედგომილი,
Line: 5    უმრავლესთა ემძღუარვის ნაწილებითთა სულთა მბაძავი საღმრთოჲსა.
Line: 6    სულისაჲ, და უმრავლესთა აღიწბობს სულთა შორის ყოვლისა სირაჲსა
Line: 7    პირველ აღქმნულობისასა მხოლოჲსადმი. ვინაჲვე ყოველი სული
Line: 8    უმრავლესთა ემძღუარვის, ოდესმე ზიარებით ამის წესისა შემწყნარებელთა.



Next part


This text is part of the ARMAZI edition of Proclus Diadochus, Institutio theologica georgice.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.