TITUS
Proclus Diadochus, Institutio theologica georgice
Part No. 212

Paragraph: 2     
Line: 1       რამეთუ ზესთა გონებისა არს ყოველი ღმრთებრივი რიცხჳ, ხოლო
Line: 2    ზიარებანი თანტომთა მიერ და მსგავსთა სრულ იქმნებიან, ხოლო
Line: 3    განუწვალებელი არსებაჲ ეზიაროს პირველ ზესთ არსებითთა ერთებრთა,
Line: 4    ხოლო შემდგომი მარადისოობასა ქმნისასა ზედ შეეხოს, ხოლო
Line: 5    მესამედ თჳთ იგი ქმნაჲ. და თითოეული ამათი უმახლობელეს
Line: 6    მათდა ზესთ მდებარისა მათისა მიერ და მიენერგვის ვინაჲვე ვიდრე
Line: 7    უკუანაჲსკნელთამდე მზიარებელთაჲსა თჳთებაჲ ღმრთებრივთაჲ საშუალობითა
Line: 8    უკუე თანმეტომეთა მათთაჲთა. რამეთუ ერთებრი პირველ
Line: 9    უკუე გონებასა მისცემს ურჩეულესთა თჳსთა შორის საღმრთოთა
Line: 10    ძალთაჲსა, და წარმოაჩენს მათ ესვითარად გონებად და ვითარ
Line: 11    იგი არს ერთებრივისაებრ რიცხჳსა. ხოლო მიერ გონებისა და სულიცა
Line: 12    წარმოდგა თანშემხებელად თჳსდა გონებასა და თანგაალებულად,
Line: 13    ვინაჲ გონება ესე იყოს თუ ზიარებადი. ხოლო სულისა მიერ
Line: 14    ნაჴმევი თჳსისა თჳთებისაჲ თანმიცემულა სხეულთა, ეზიარების თუ
Line: 15    სხეული სულსა. და ესრეთ არ მხოლოდ ოდენ იქმნეს სხეული სულიერ
Line: 16    და გონიერ, არამედ და ღმრთებრივცა. ცხორებაჲ უკუე და მიდრეკაჲ
Line: 17    მიიღო სულისა მიერ, ხოლო გებაჲ იგივეობასა და დაუჴსნელობასა
Line: 18    ზედა გონებისა მიერ, ხოლო ერთ ქმნაჲ და შეერთებაჲ ღმრთებრივი
Line: 19    ზიარებულისა მისდა ერთისა მიერ. რამეთუ თითოეულნი ზესთათანი
Line: 20    თჳსთა თჳთებათაებრ თან მისცემენ შემდგომთა.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.