TITUS
Proclus Diadochus, Institutio theologica georgice
Part No. 230

Paragraph: 2     
Line: 4       ყოველი ძალი ღმრთებრივთა ერთთაჲ, დამწყებელი ზენაჲთ და
Line: 5    თჳსთა საშუალთა მიერ წარმვლელი, ვიდრე უკუანაჲსკნელთადმი
Line: 6    იშთამოებს და ქუეყნიერთადმიცა ადგილთა. რამეთუ არა რაჲ ებრკუმის
Line: 7    მას და არცა რაჲ დააცილებს ყოველთა მიმართ მიფენასა (რამეთუ
Line: 8    არ ვინაჲ მოქენე არიან ადგილთა და განსაზიდთაჲსა თანმიუქუსველისა
Line: 9    ყოველთადმი ზესთ მქონებლობისათჳს და უზიარებელისა
Line: 10    ყოველგან წარმოდგომისათჳს), რამეთუ არცა რაჲ მომმარჯუე ზიარებად
Line: 11    მათდა დაიცილების ვისგანმე. არამედ მსწრაფლ თანმეარსეობად
Line: 12    მათდა იქმნების მზა, ხოლო იგინი წარმოუდგებიან არა
Line: 13    მაშინ ოდენ წა/რმომდგომნი და არცა პირველ არ მყოფნი, არამედ
Line: 14    სამარადისოდ მასვეობასა მქონებელნი. რამეთუ რაჲც რაჲვე იყოს
Line: 15    ქუეყანის-შორისთაჲ მომმარჯუე ზიარებასა მათსა, მსწრაფლ წარმოუდგებიან
Line: 16    მათ; და ყოველსა აღავსებენ თჳს მიერ, რამეთუ მეზესთაესთა
Line: 17    უმეთეს წარმოუდგებიან, ხოლო საშუალთა მათთა წესთაებრ,
Line: 18    ხოლო უკუანაჲსკნელთა უკუანაჲსკნელად. და ზენაჲთ ვიდრე დასასრულთადმდე
Line: 19    განჰზიდვენ აობათა თჳსთა. ვინაჲ და უკუანაჲსკნელთაცა
Line: 20    შორის არიან ემფასნი პირველთანი და ყოვლად ყოველთანი
Line: 21    თანმივნებანი; და შორის პირველთა მეორეთა წინაჲთვე ამყოფებენ,
Line: 22    ხოლო მეორეთა შორის პირველთა წარმოაჩენენ. რამეთუ
Line: 23    სამ სახედ არს თითოეული: ანუ მიზეზოვნებით, ანუ მყოფობისაებრ
Line: 24    თჳსისა, ანუ ზიარებით.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.