TITUS
Proclus Diadochus, Institutio theologica georgice
Part No. 243

Paragraph: 2     
Line: 25       რამეთუ უკუეთუ თჳთებანი ღმრთებრივთანი განიყოფვიან, ვინაჲვე
Line: 26    შემდგომნი შორის პირველთა პირველ იმყოფებიან, ხოლო
Line: 27    ზესთ მდებარენი უყოვლეს არიან და შორის შემდგომთაჲსა არ შეიწერებიან,
Line: 28    არამედ რომელთადმი თან მისცემენ უმჯობესთა მათ მიერ
Line: 29    წარმოქმნილთა, ხოლო რომელიმე უპყრიეს თჳს შორის დაზესთაებულად.
Line: 30    რამეთუ აღმოიჩინა უკუე, ვითარმედ უმეტეს ყოვლებრივ
Line: 31    არიან უმახლობელესნი ერთისანი, ხოლო უნაწილესრე შორიელესნი.

Page: 91 
Line: 1    ხოლო ყოვლებრივთა გარეშემცველობითი ნაწილებთაჲ უპყრიეს ძალი.
Line: 2    არ ვინაჲ შეიცვან ძალი უზესთაესთაჲ, რომელთა ჰქონდის წესი
Line: 3    შემდგომობითი. არს უკუე შორის უზესთაესთა შემდგომთაგან შეუცავი
Line: 4    და შეუწერელი ძალი, რამეთუ უსაზღვრო თითოეული ღმრთებრივთაჲ.
Line: 5    რამეთუ არ აჩუენებს თავსა თჳსსა ვითარ მყოფად და უფროჲს
Line: 6    ხოლო თჳსთა უპირატესთასა, არამედ შემდგომთა ყოველთასა.
Line: 7    ხოლო უსაზღვროებაჲ ძალითა მებრ მათ შორის; ხოლო უსაზღვრო
Line: 8    შეუწერელ მისგან, ვის მიმართცა იყოს უსაზღვრო. არა უკუე თან
Line: 9    იქონებენ ყოველთა ძალთა შემდგომნი, რომელი პირველთა თჳს შორის
Line: 10    დაუმყარებიან (და თუ ესე, იყვნესმცაშემდგომთაგან შესაზღვრებულ, ვითარ მათ მიერ შემდგომნი). და არცა აქუს ამათ ყოველი
Line: 11    პირველთაჲ ნაწილებობისათჳს; და არცა რომელი იგი აქუს, მითვე
Line: 12    სახითა აქუს უსაზღვროობისათჳს, რაჲთამცა იყვნეს შემდგომნი დაზესთაებულ პირველთა.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.