TITUS
Proclus Diadochus, Institutio theologica georgice
Part No. 246

Chapter: 152  
Line: 3  თავი 152

Line: 4  /ყოველი მშობელობითი ღმრთებრივთაჲ უსაზღვროობისაებრ.


Line: 5    ღმრთებრივთა ძალთაჲსა იწარმოებს, მრავალკეც ჰყოფს თჳთებათა
Line: 6    თჳსთა, და ყოველთა შორის მიეთევის, და მოუკლებელობასა თჳსსა
Line: 7    მოქცევთა შემდგომთასა უმეტეს წარმოაჩენს. რამეთუ გამრავლებასა
Line: 8    წარმოჩენილთასა და შორის მიზეზთა დაფარულთა ძალთა წარმოაყენებს
Line: 9    შობისადმი ვის უკუე სხჳსადმი ესე დაზესთაებულად, არამედ
Line: 10    უსაზღვროჲსა მიერ ღმრთებრივთა ძალთაჲსა, რომელმან ყოველნი
Line: 11    კეთილობითა მშობელობისა ძალისაჲთა აღავსნა საღმრთონი, და
Line: 12    ყოველი სრული თჳსგნით წარმოაჩინა ზესთ სრულისა ძალისა მიერ.
Line: 13    თჳთება უკუე საღმრთოთა შორის მშობელებრივისა ძალისა, რაჲთა
Line: 14    ზემექონეობითა თჳსითა მრავალკეც ჰყოფდეს ძალსა წარმოშობილთასა
Line: 15    და დასდებდეს მათ შორის ძალთა მეშვეობითთა და აღადგენდეს
Line: 16    შობად სხუათა და წარმოყენებად. რამეთუ, თითოეული თჳთებათა
Line: 17    თჳსთა რომელი ჰქონდის პირველ, შემდგომთა ვინაჲვე თან
Line: 18    მისცემს, ესთადვე და მეშვეობითმანცა მოქმედებამან მისცეს შემდგომთა
Line: 19    თჳსთა მეშვეობით ნაგზავნი და დახატავს უსაზღვროობასა ყოველთა
Line: 20    დასაბამებრივთასა, რომლისგან იწარმოა ძალმან ყოველმან
Line: 21    მეშვეობითმან, და სამარადისოდ მედინსა ღმრთებრივთა მოქცევთა
Line: 22    მოქცევთასა ზესთ მექონეობით წარმოადინებს.




Copyright TITUS Project, Frankfurt a/M, 20.5.2001. No parts of this document may be republished in any form without prior permission by the copyright holder.