ARMAZI
Ioane Petrici, Explanatio in Proclum Diadochum
Part No. 18
Previous part

Chapter: 17  
Line: 5 
თავი 17


Line: 6       სრულ ყო რაჲ თავი ათ და მეექუსე, კუალად ზედა დაჰრთო,
Line: 7    ათ და მეშჳდე. ხოლო ამას თავსა შორის თხზვაცა ჴშირი მოაქუს
Line: 8    თჳს შორის, და თჳთ გონებაჲცა ძნელ და ღრიფა უჩუეველთათჳს
Line: 9    უსხეულოთა განცდისა. ხოლო ჩუენ თანადგომითა პირველისა
Line: 10    ათინაჲსითა აღვძრათ ჩუენ-შორისი ერმი, რაჲთა მოვიდეს ჩუენდა
Line: 11    ქრისტეს მიერ პრომითია.

Line: 12       ითქუა პირველთა შორის და აღმოიჩინა ვითარმედ მიდრეკაჲ
Line: 13    სულისაჲ სხუად ნუ ჰგონო, არამედ ცხორებად. და ეს ვითა თუალად
Line: 14    და წყაროდ ცხორებისად, რამეთუ სადა წარმოდგომილ სული,
Line: 15    ცხორებაჲ წარმოდგომილ. არამედ ესე უსხეულოჲ და თჳთ თჳს-შორისი
Line: 16    ცხორებაჲ ნუ ჰგონო ნაწილთა მიერ სხეულეანთა, რამეთუ, ვითარცა
Line: 17    იტყჳს იამვლიხოს, უსხეულოსა ნაწილნი უსხეულოვე. რამეთუ
Line: 18    არა სადა შედგეს უსხეულოჲ სხეულთაგან. ხოლო სხეული
Line: 19    შედგეს უსხეულოთა მიერ, ვითარ სხეული ეპიფანიაჲსა მიერ და
Line: 20    სხუათა განსაზიდთა. და კუალად, ვითარცა აღმოაჩინა არისტოტელი,
Line: 21    ვითარმედ ურომელოჲ სხეული გირომელდების ოთხთა
Line: 22    რომელობათაგან, ვითარცა რიცხჳ თჳსთა ნაწილთა მიერ და მორთულებაჲ
Line: 23    თჳსთა ნაწილთა მიერ. ესე და ეს ვითაჲ ყოველი უსხეულოჲ.
Line: 24    და ნაწილიცა ითქუმის და ყოვლობა, მაგრა უსხეულო, რამეთუ
Line: 25    უსხეულოთა ნაწილთაჲთ ყოვლობაჲცა უსხეულო. ესთავე და
Line: 26    სულსაცა ზედა ჰრაცხე ყოვლობაჲცა მისი, და ნაწილნიცა მისნი, და
Line: 27    მიდრეკაჲცა. რამეთუ არა თუ ადგილთ-შორისად მიდრკების სული,
Line: 28    რამეთუ ყოველი ადგილთ-შორისად მიმდრეკი ადგილისგანცა შეიცვის.
Line: 29    ხოლო უსხეულოჲ უდიდო, რამეთუ რომელსა არა ჰქონდის
Page: 52   Line: 1    რაჲვე სიდიდით წარმოდგომაჲ, უცხო ადგილისგან. ვინაჲ ესეცა
Line: 2    აღმოაჩინა, ვითარმედ სული თჳსთა მიდრეკათა კუალად თჳსდავე
Line: 3    მიმართ ჰყოფს, რომელ არიან მოქმედებანი. მოიღე სახედ, რამეთუ
Line: 4    ოდეს რაჲ გაიგონოს სულმან, არა თუ გარეთაგან უკუნ იქცევის და
Line: 5    მიიღებს განაგონსა; ნუ იყოფინ, რამეთუ ესე მოკუდავთაჲ არს ოდენ
Line: 6    გრძნობაჲ და არ გაგონებაჲ. რამეთუ, სულმან რაჲ გაიგონოსო თჳსი
Line: 7    გასაგონოჲ, აღსძრავსო თჳს-შორისთა სიტყუათა არსთასა, იტყჳს
Line: 8    სოკრატი, და მას გარეთსა ჰაზრსა გასაგონსა პირველად თჳს შორის
Line: 9    პოებსო, ვითარ სიტყუაჲ და ბჭე არსთაჲ. ხოლო სარკუმელთაჲთ
Line: 10    სხუა არაჲ ეხებისო მას, თჳნიერ მირულებულთა და რეც თუ
Line: 11    შემჭნართა ცნობათა კუალად გაჴსენებაჲ. და ეს ვითა დავსებულთა,
Line: 12    კუალად აღნთებაჲ, თუ არა სულსა თჳს შორის მოჰქონანო გუარნი
Line: 13    მყოფთანი. ვინაჲ მის შორის ცაჲ და ყოველი ნაწილი მისი. აწ ესე
Line: 14    თჳთმიმდრეკ არს თჳსდადვე თჳსთა მოქმედებათა, ამისთჳს რომელ
Line: 15    თჳს შორის ჰპოებს მყოფთა ყოველთა და მას მყოფსა ნათელსაცა,
Line: 16    რამეთუ, ვითარცა იტყჳს "ტიმე ოსა" შორის, ვითარმედ ყოველთა
Line: 17    მბადმან ღმერთმან კრატირსა შორის, რომელ არს ფეშხუემი,
Line: 18    შეზავაო საყოველთაოჲ სული, და მისცნა მას ნაწილად სიტყვანი
Line: 19    გუამოვნებითნი არსთანი, რაჲთა თჳს-შორის განიცდიდეს ყოველთა
Line: 20    მყოფთა, და ოდეს რაჲ მოვიდეს დავიწყებად, სარკუმელთაჲთ ზედშემოსრულთა
Line: 21    მიერ, კუალად აღიჴსენებდეს სიმდიდრეთა მამისათა
Line: 22    რომელ დასხნა, და ქუსა მის შორის მამამან, და უკუნ იქცეოდის
Line: 23    ნერგთად თჳსთ დ ადამ სამოთხედ.

Line: 24       ვინაჲთგან თანადგომითა პირველისა სიტყჳსაჲთა გონებაჲ ამის
Line: 25    თავისაჲ კეთილ ნადებ იქმნა. ხოლო ძგერასა და თხზვასა ლექსთასა
Line: 26    მკითხუელმან მისცეს შეწყობაჲ. არამედ რეცრე და ჩუენცა პატივ
Line: 27    ვსცეთ, რამეთუ დიდ არს პირი თუ ვისდმი წიგნისაჲ.

Line: 28       იტყჳს: უკუეთუ ნაწილი მიდრკესო და ნაწილი მიდრკების",
Line: 29    იყოს სხეულ, ვითარ ესერა ცხოველთა გუამებს ზედა. რამეთუ ანუ
Line: 30    ფერჴთა მიერ გუამი, ანუ ჴელთა მიერ ვითარ ცურვათა, დ სხუათა
Line: 31    ესე ვითართა.

Line: 32       "ანუ ყოველი მისდრეკს და ნაწილი მიდრკების". ეს ვითა
Line: 33    მისდრეკს ყოვლობაჲ ამის ყოვლისაჲ, რომელ არს ანაქუსი ცისაჲ,
Line: 34    რასავე ნაწილთა მისთასა, ვითარ ქუეყანასა, ანუ რასავე სხუას
Line: 35    თანტომსა ამისსა, ანუ და თჳთ მათ შჳდთა სფეროთას ვინაჲ არც
Page: 53   Line: 1    ესე შესატყჳს სულისა, რაჲთამცა იყო რაჲ უსხეულოჲსაჲ, და ვითარ
Line: 2    მხოლოსა, რაჲთამცა ანუ ყოველი ნაწილსა მისდრეკდა, ანუ ნაწილი
Line: 3    ყოვლობასა, რამეთუ გაორდეს ესე, ვითარცა მიმდრეკი და მიდრეკადი,
Line: 4    და ზესთაჲ და დამხე, და ეითარ მექმი და უქმი; და არღარა
Line: 5    ეგოს სული უსხეულობასა შორის ამათ მიზეზთათჳს, და არცა მხოლოჲ
Line: 6    სულითი ერთ და იგივეობა, და არცა ყოვლითურთ უკუმქცევ
Line: 7    თჳსდად, და არცა თჳთმიმდრეკ.

Line: 8       "ანუ ყოველი მისდრეკს და ყოველი მიდრკების". ეს ვითა
Line: 9    სფერებრივთა სხეულთა ზედა, ვითარ მზესა და მთოარესა და სხუათა
Line: 10    ეს ვითათა. არამედ დაღათუ მეხუთისა არსებისა და უხრწოჲსა,
Line: 11    მაგრა სხეულვე, და ვითარ ადგილთ-შორისობითა და ადგილთაგან
Line: 12    სხუადობითა, მიდრეკით დაკლებულ უსხეულოთა ხუედრისგან.

Line: 13       "ანუ თუ იყოს ნაწილი სხუაჲ ვითარ მიმდრეკი და სხუაჲ ნაწილი
Line: 14    მიდრეკადი". ვინაჲ ესე ვითა ზემო იჩინა, შეუძლებელ ესე
Line: 15    მხოლოსა ზედა უსხეულოჲსასა, ამით რომელ შეემთხუევის მას დაფანჩვაჲ
Line: 16    და ნაწილთა განყრაჲ, და არღ უკუნ ქცევაჲ თჳსდადვე.
Line: 17    რაჲ არს ესე, თუ არ ვინაჲვე იყოს ესე მყოფობით თჳთმიმდრეკი არ
Line: 18    თჳთმიმდრეკთაგან წარმოდგომილი? გესმა, რამეთუ ოდეს მყოფოით
Line: 19    თქუას, იტყჳს არსებით. ხოლო ოდეს არ თჳთმიმდრეკთაგან, ესე
Line: 20    არს ესე, რომელი იტყოდა, ვითარმედ "ნაწილი მისდრეკს და ნაწილი
Line: 21    მიდრკებისო, ანუ ყოველი ნაწილისადმი, ანუ ნაწილი ყოვლისადმი".
Line: 22    და კუალად უმრავალსახე გუარი უკუნ ქცევათაჲ, არც ერთი
Line: 23    ამათი უკუმქცევ ყოვლად ყოვლითურთ თჳსდადვე, არამედ სხეულ
Line: 24    და არა უსხეულო. რამეთუ ესე აღმოიჩინა, რომელ ყოველი თჳთმიმდრეკი,
Line: 25    და კუალად თჳსდადვე უკუმქცე, უსხეულო არს. და ყოველი
Line: 26    ყოვლითურთ თჳსდადვე უკუნ იქცევის, და არა რაჲ არს მისი
Line: 27    ანუ ნაწილსა შორის, ანუ ყოვლობასა, რომელიმე უქმ, ხოლო რომელიმე
Line: 28    მოქმედ, არამედ ყოველი მისი მოქმედ, ყოველი მისი ცხორება.
Line: 29    ესე ამათთჳს ვიტკივე, გამგონეო.



Next part


This text is part of the ARMAZI edition of Ioane Petrici, Explanatio in Proclum Diadochum.

Copyright ARMAZI Project, Frankfurt a/M, 22.8.2010. No parts of this document may be republished in any form without prior permission by the copyright holder.