TITUS
Balavariani, Red. A
Part No. 2
Previous part

Chapter: 2  
Page of edition: 4  
Line of edition: 1        2. ხოლო მორწმუნენი ქრისტესნი და მონაზონნი კაცნი წმიდანი
Line of edition: 2     
განმრავლდეს ქუეყანასა მისსა და რომელთამე მათგანთა ყოვლადვე
Line of edition: 3     
დაეტევა ზრუნვა[ჲ] ამის სოფლისაჲ. და ესენი ფრიად განკჳრვებულ
Line of edition: 4     
იყვნეს* მეფისათჳს, თუ ვითარ ეგოდენ მისცა თავი
Line of edition: 5     
ნებასა თჳსსა და დაამონა იგი ქებათა ამ...თა. Manuscript page: 2R  და იწყეს ძაგებად
Line of edition: 6     
საწუთროსა და ყოველთა საქმეთა მისთა. (წარ)მოიტყოდეს
Line of edition: 7     
დაფარულთა ვნებათა და საცთურთა და სიბოროტეთა აღსასრულისა
Line of edition: 8     
მის(ისა)თა და ვითარმედ, ადრე წარმავალ არს ხატი ამის
Line of edition: 9     
სოფლისაჲ.

Line of edition: 10        
და მიიწია სიტყუაჲ მათი აბენესე მეფისა და ფრიად დამძიმდა
Line of edition: 11     
ესე მის ზედა, რამეთუ ესრე თქუა გულსა შინა თჳსსა, ვითარმედ:
Line of edition: 12     
წინააღდგომაჲ ესე ამათი მიზეზ რაჲსამე ექმნას საქმეთა მისთა
Line of edition: 13     
დაჴსნისათჳს სუფევისა მისისა და განსარყუნელად განგებისა მისისა.
Line of edition: 14     
მაშინ აღიძრა იგი გულის წყრომითა ყოველთა ზედა ქრისტეანეთა
Line of edition: 15     
და იწყო ძჳრის ჩუენებად კაცთა მათ ღმრთისათა და ყოველთა
Line of edition: 16     
მიმართ, რომელნი ერჩდეს სიტყუათა მათთა. მაშინ თანაშეწევნითა
Line of edition: 17     
ეშმაკი[საჲთა] Manuscript page: 2V  განიზრახვითა ბოროტსა მათთჳს. [და] დაამძიმა
Line of edition: 18     
ჴელი მისი მათ ზედა, ვიდრემდის განმარტა ჴელი მისი მათ ზედა
Line of edition: 19     
გუემითა და ტანჯვითა, და აკუეთნა მათ კაცნი უგუნურნი. და
Line of edition: 20     
იწყო მოყვანებად კერპთ მსახურთა პატივითა დიდითა, და ადიდნა
Line of edition: 21     
კერპნი მათნი და თაყუანის-სცა წინაშე მათსა; და უზორა და ეზიარებოდა
Line of edition: 22     
დღესასწაულთა მათთა. და ჴელი შეყვეს ყოველთა უგუნურთა
Line of edition: 23     
და უმეცართა კერპთ მსახურებასა მეფისა თანა.

Line of edition: 24        
მაშინ განძლიერდა საცთური იგი კერპთ მსახურებისაჲ, და დიდი
Line of edition: 25     
ჭირი და იწროებაჲ მოიწია ყოველთა ეკლესიათა და კაცთა ზედა
Line of edition: 26     
მორწმუნეთა, და ვერვინ დაითმინა, გარნა სრულთა ხოლო და
Line of edition: 27     
ჭეშმარიტთა ქრისტეს აღმსაარებელთა.


Next part



This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.