TITUS
Keimena II
Part No. 8
Previous part

Chapter: VIII  
Line of edition: 3       VIII. მაშინ ვითარცა ესმა ერსა მას მიშუებაჲ მსაჯულისაჲ, შეკრბა მისზედა
Line of edition: 4    კრებული ურიცხჳ და შეიპყრეს ახოვანი იგი მოწამჱ ქრისტჱსი, ვითარცა
Line of edition: 5    მჴეცთა განმძჳნებულთა, რაჲთა განძღეს იგინი შურისგებითა, რომელი დაენერგა
Line of edition: 6    მათ შორის უკეთურთა ეშმაკსა წმიდისა მისთჳს, და განწირნეს იგი სიკუდიდ.
Line of edition: 7    და მოაბეს საბელი ფერჴთა მისთა და განითრევდეს მოღუაწესა მას გარეშე
Line of edition: 8    ქალაქსა და სცემდეს მას რომელნიმე მათგანნი კუერთხებითა და რომელნიმე
Line of edition: 9    ქვითა ქოლვიდეს, მი-რაჲ-ეთრია იგი. და ჰბასრობდეს შჯულსა კეთილად-მსახურებისასა
Line of edition: 10    და ითრევდეს სადავე და ქვასა დაჰკრებდეს უწყალოდ, ვითარცა
Line of edition: 11    ძაღლნი მომყმარნი საჭმელსა ზედა იტევებოდეს სიკუდიდ წმიდასა მას. ხოლო
Line of edition: 12    წმიდაჲ იგი ახოვანი ქრისტჱსი ლუკიოს ვითარცა იყო ამას შინა, აღიხილნა
Line of edition: 13    ხეცად და სულთითქუნა და თქუა: "ჵ უფალო ღმერთო ჩემო, რომელი ხარ
Line of edition: 14    შემოქმედ საუკუნეთა, რომლისა მომართ მოვივლტოდე მე სიყრმით ჩემითგან, რომელმან
Line of edition: 15    მომანიჭე მე მოთმინებაჲ ვიდრე აღსასრულადმდე, ნავთსაყუდელო დანთქმულთაო,
Line of edition: 16    სასოო განწირულთაო, შეივედრე სული ჩემი მშჳდობით და შეჰრთე
Line of edition: 17    იგი მონათა შენთა, თანა წმიდათა, რაჲთა მათთანა ღირს ვიქმნე სასუფეველსა
Line of edition: 18    ცათასა და ცხორებასა საუკუნესა, რამეთუ შენი არს სუფევაჲ, ძალი და დიდებაჲ,
Line of edition: 19    მამისა და ძისა და წმიდისა სულისაჲ, აწ და მარადის და უკუნითი უკუნისადმდე.
Line of edition: 20    ამჱნ".

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.