TITUS
Keimena II
Part No. 18
Previous part

Chapter: III  
Line of edition: 27       III. და ვითარცა განსცა წიგნები ესევითარი მაქსიმიანოს უღმრთომან ყოველთა
Line of edition: 28    ჴელმწიფეთა, რომელნი არიან მზესა ქუეშე, და ამით ენება აღჴოცაჲ
Line of edition: 29    ყოველთაჲ, რომელნი ჰხადოდეს სახელსა უფლისა ჩუენისა იესუ ქრისტჱსსა, მაშინ
Line of edition: 30    იყო ვინმე ეგჳპტეს ჴელმწიფედ კაცი, რომელსა ეწოდა ამპელიანოს, მსახური
Line of edition: 31    ეშმაკისაჲ. დღესა შინა ერთსა დაჯდა იგი საყდართა თჳსთა და ბრძანა
Line of edition: 32    მოხუმაჲ და დაგებაჲ მის წინაშე ყოველთა ფერად-ფერადთა სატანჯველთა
Line of edition: 33    და მით განკითხვაჲ ქრისტეანეთაჲ. და რომელთა ესმა ესე, მრავალნი მათგანნი
Line of edition: 34    შეძრწუნდეს და შეწუხნეს ფრიად. ხოლო რომელთამე მოწამეთა ქრისტჱს
Line of edition: 35    ღმრთისა ჩუენისათა თავით თჳისით კადნიერად მიისწრაფეს წინაშე მსაჯულისა
Line of edition: 36    მის, ღაღადყვეს და თქუეს: "ჩუენ ქრისტეანენი ვართ და სიქადულთა და
Line of edition: 37    სატანჯველთა შენთაგან არა მეშინის, მსახურო ეშმაკისაო!" ვითარცა ესმა ესე
Line of edition: 38    მსაჯულსა მას, მოუწოდა მათ და ჰრქუა: "ვინანი ხართ თქუენ, ამის ქუეყანისა
Line of edition: 39    ნი ხართ ანუ მწირობით უცხონი მოსრულ ხართ აქა?" მიუგეს წმიდათა მათ და
Line of edition: 40    ჰრქუეს: "ჩუენ ნათესავით ამის ქუეყანისანი ვართ, ხოლო სარწმუნოებითა და
Page of edition: 22   Line of edition: 1    შჯულითა ქრისტეანენი ვართ". მიუგო მათ მსაჯულმან მან და ჰრქუა: "არა უკუეგესმაა
Line of edition: 2    ბრძანებაჲ გამოსრული და განჩინებაჲ განბჭობილი მეფეთაგან მათთჳს,
Line of edition: 3    რომელნი ამას სარწმუნოებასა ჰმსახურებენ ქტისტეანეთასა?" მაშინ ღაღადყეს
Line of edition: 4    წმიდათა მათ ყოველთა ერთითა ჴმითა და ჰრქუეს მსაჯულსა მას: "ჰე, გუესმა
Line of edition: 5    და შევრაცხეთ იგი სიცბილად და განვგმეთ და განვბასრეთ ბრძანებაჲ იგი ცოფი
Line of edition: 6    უღმრთოჲსა მეფისა შენისა მაქსიმიანოსისი და კუალად ვეცინით შენსაცა
Line of edition: 7    უგუნურებასა და ღონის-ძიებათა ამათ ეშმაკისათა ძეთა შორის განდგომილთა
Line of edition: 8    სა, რომელთაჲ შენ ხარ თავ და მთავარ მათა". ჰრქუა მათ მსაჯულმან მან:
Line of edition: 9    "ესოდენ კადნიერ იქმნენითა, ვიდრემდის ჰყავთ ბრძანებაჲ მეფისაჲ სიცოფე და
Line of edition: 10    სიცბილ? ვფუცავ ღმერთთა ყოველთა, რამეთუ გამოვიძინე საქმენი თქუენნი და
Line of edition: 11    ვგუემე ჴორცნი თქუენნი მრავლითა სატანჯველითა". და მუნქუესვე უბრძანა
Line of edition: 12    ცემად მათა კუერთხითა ფიცხლად და თქუა: "მო-უკუე-ვედინ აწ ქრისტჱ იგი
Line of edition: 13    მათი შეწევნად მათა!" და ვითარცა დაშურეს მცემელნი იგი, ჰრქუეს წმიდათა
Line of edition: 14    მათ მსაჯულსა მას: "ესე სატანჯველნი, ჵ ამპელიანე, არაჲ არიან ჩუენთანა!"
Line of edition: 15    მაშინ უბრძანა მტარვალთა სხუათა, რაჲთა გუემნენ იგინი ამუდებითა. და ვითარცა
Line of edition: 16    მოჰყარნეს ჴორცნი მათ წმიდათანი, ჰრქუეს მას: "წარგწყმიდენ შენ
Line of edition: 17    ღმერთმან, ჵ ნაშობო ეშმაკისაო, რამეთუ ჰგუემ მონათა მისთა უნშჯავროთ!"

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.