TITUS
Keimena II
Part No. 20
Previous part

Chapter: V  
Line of edition: 32       V. და წარიყვანნეს მჴედართა წმიდანი იგი, ვითარცა უბრძანა მათ მთავარმან
Line of edition: 33    მან, და მიიწინეს ქალაქად თესალონიკედ. და რაჟამს იგი მეფჱ მისრულიყო
Line of edition: 34    ტაძრად კერპთა თაყუანისცემად და მსახურებად მათა, წარუდგინნეს მჴედართა
Line of edition: 35    მათ წმიდანი იგი და ჰრქუეს მას რამეთუ "ესენი ვპოვენით არა შემწყნარებელად
Line of edition: 36    ბრძანებისა თქუენისა და შეურაცხის-მყოფელად ღმერთთა და წარმოვადგინენით
Line of edition: 37    ეგენი წინაშე თქუენსა, რაჲთა თჳთ განიკითხნეს ჴელმწიფემან
Page of edition: 23   Line of edition: 1    თქუენმან!" და მისცეს იგი წიგნიცა მთავრისაჲ მის. მაშინ ბრძანა მეფემან
Line of edition: 2    შეყენებაჲ მისი საპყრობილესა, ვიდრემდის იკითხოს მათთჳს. და იყვნეს ჴორცნი
Line of edition: 3    წმიდათანი მათ დაჴსნილ სატანჯველთა მათგან, რომლითა გუემნა იგინი
Line of edition: 4    ამპელიანოს მსაჯულმან ეგჳპტეს. მაშინ აუწყეს მჴედართა მათ მეფესა და ჰრქუეს
Line of edition: 5    ვითარმედ "კაცნი ესე, რომელ ამპელიანოს წარმოსცნა, გუემულ არიან ფრიად
Line of edition: 6    და მისგან ვერ შემძლებელ არიან წარმოდგომად წინაშე სუფევისა შენისა უხრწნელისა".
Line of edition: 7    მაშინ ბრძანა მეფემან ფრიად მოუძლურებულთა მათგანთაჲ მოსრვაჲ
Line of edition: 8    მახჳლითა და მცირედ მოუძლურებულთაჲ მათ უბოროტჱსადრე გუემაჲ და ესრჱთ
Line of edition: 9    შეყენებად საპყრობილესა. და ვითარცა მიიღეს მტარვალთა მათ ბრძანებაჲ
Line of edition: 10    ესე მეფისაგან, მეყსეულად აღასრულეს განჩინებული იგი უღმრთოჲსა
Line of edition: 11    მის. ხოლო წმიდათა მათ შეჰვედრნეს სულნი მათნი ჴელთა შინა ღმრთისათა.
Line of edition: 12    და იყო რიცხჳ მათი, რომელ მოისრნეს, ოცდაათოთხმეტ, და რომელნი დაშთეს
Line of edition: 13    მათგანნი საპყრობილესა შინა ოთხნი კაცნი წმიდანი, რომელთა სახელები ესე
Line of edition: 14    არს: პავლე, ბილოს, თეონ, ირონ. იყო ვინმე კაცი ერთი ქრისტეანე, რომლისა
Line of edition: 15    სახელი ევსებიოს; ვითარცა ესმა მას გუამთა მათთჳს წმიდათა მოწამეთა,
Line of edition: 16    წარიყვანნა მის თანა მოყუასნი მისნი და წარმოიხუნა იდუმალ გუამნი იგი წმიდათა
Line of edition: 17    მოწამეთანი და დაჰფლა იგინი ქუეყანასა და წარვიდა, და ესრჱთ აღესრულა
Line of edition: 18    წამებაჲ მათი კეთილითა აღსრულებითა.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.