TITUS
Keimena II
Part No. 24
Previous part

Chapter: IX  
Line of edition: 13       IX. და იყო კაცი ვინმე ქრისტეანჱ, რომელსა ეწოდა პანეს, ნათესავით
Line of edition: 14    მეგჳპტელი; ამან მისცა საფასჱ დიდძალი მჴედართა მათ, რომელთა მოსწყჳდნეს
Line of edition: 15    წმიდანი იგი მოწამენი, და მოითხოვნა გუამი იგი მოწამეთანი და წარიხუნა
Line of edition: 16    იგინი და შემოსნა სამოსლითა პატიოსნითა და მრავლითა სულნელითა
Line of edition: 17    შემურნა იგინი და დაჰკრძალნა ადგილსა ფარულსა შიშისათჳს უშჯულოთა მათ
Line of edition: 18    მეფეთა კერპთმსახურთაჲსა. და შემდგომად რავდენთამე წელთა კაცმან ამან
Line of edition: 19    ღმრთისმოყუარემან აღმოიხუნა მიერ გუამნი იგი წმიდათა მოწამეთანი, სადა
Line of edition: 20    იგი დაეკრძალნეს, და მრავლითა პატივითა მოიხუნა იგინი ეგჳპტედ, ქალაქად
Line of edition: 21    თჳსად თანისდ, ვინაჲთცა იყვნეს კეთილად-მძლენი წმიდანი მოწამენი, და დაჰკრძალნა
Line of edition: 22    იგინი ადგილსა დიდებულსა, ვითარცა შეჰგავს მათა, რომელნი იღუწიან
Line of edition: 23    სახელისათჳს ქრისტჱსისა. და მოიღეს წმიდათა მოწამეთა ნიჭი იგი საღმრთოჲ,
Line of edition: 24    მადლი კურნებათაჲ ზეგარდმოჲ. და მისცემენ უხუებით მათ, რომელნი
Line of edition: 25    მოვლენან მათა სარწმუნოებით, და აღმოეცენების მათ მდიდარი კურნებაჲ
Line of edition: 26    ნაწილთა მათგან წმიდათა, ვიდრე დღენდელად დღედმდე, ქალაქსა თანისს. და
Line of edition: 27    ადიდებენ და აქებენ მოცემულსა მადლისასა ქრისტესა ღმერთსა ჩუენსა, რამეთუ
Line of edition: 28    მისი არს დიდებაჲ, პატივი და თაყუანისცემაჲ მამისა თანა სულით წმიდითურთ
Line of edition: 29    აწ და მარადის და უკუნითი უკუნიოსადმდე. ამჱნ.



Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.