TITUS
Keimena II
Part No. 61
Previous part

Chapter: VI  
Line of edition: 30       VI. იოვანჱ შობაჲ დღეთა მოკლებასა იყო, ხოლო ქრისტჱსი დღეთა აღმატებასა;
Line of edition: 31    და მას იოვანე თჳთ იტყჳს ვითარმედ "ჩემდა ჯერ არს მოკლებაჲ,
Line of edition: 32    ხოლო მისა აღმატებაჲ". და ესეცა საკჳრველი გულისჴმა ვყოთ, ვითარ იოვანე
Line of edition: 33    ღამეთა შემატებასა იშვა და ქრისტე დღეთა შემატებასა იშვა. და იგივე ნეტარი
Line of edition: 34    აგჳსტინე ნათლისღებისა და განცხადებისა დღეთა გამოაჩინებს და იტყჳს
Line of edition: 35    ვითარმად "ნათლისღებისა შინა ათორმეტით დღით იშვა." და მით ჩას _
Line of edition: 36    იანვარსა ექუსსა ნათლისღებაჲ და განცხადებაჲ. და წმიდაჲ იოვანე ოქროპირი
Line of edition: 37    ესრე იტყჳს ვითარმედ სხუაჲ დღჱ არს შობაჲ და სხუაჲ დღჱ არს ნათლისღებისაჲ:
Page of edition: 71   Line of edition: 1    "რად იტყჳან და გუაცილობენ, ვითარმედ ახალსა რასმე მოიღებენ
Line of edition: 2    და გუაცილობენო? ესე კათილად დაჲრწმუნე მაცილობელო, რამეთუ დღჱ
Line of edition: 3    ესე ძუელი არს, დასავალისათა და ჰრომთა გარდაუქცეველად უპყრიეს დღჱ
Line of edition: 4    ესე შობისაჲ ნათლისღებისაჲ და ხარებისაჲ და მიგებებისაჲ. ხოლო ჩუენი
Line of edition: 5    ათიღა წელი არს და-რაჲ-ვემყნენით ძუელსა მას და აღვიზარდებით და ნაყოფი
Line of edition: 6    გჳხილავს; უკუეთუმცა არა იყო ღმრთისა მიერ, განმცაქარდებოდა. ხოლო აწყოველი
Line of edition: 7    სოფელი სავსე არს და შეიწყნარებენ დღითი-დღედ". და ესეცა ჩას,
Line of edition: 8    ვითარ(მედ) ელისაბედისთჳს ზაქარიას ეხარა კუმევასა საკუმეველისასა, რომელ
Line of edition: 9    არს თთუჱ მეშვიდჱ, რამეთუ შემდგომად ხარებისა მიუდგა ელისაბედ. და ამას
Line of edition: 10    გამოაჩინებს ლევიტელთაჲ და რიცხუთაჲ, რამეთუ ათხუთმეტით დღითგან ვიდრე
Line of edition: 11    ოცდამეორედ დღედმდე ზატიკობედ თთუესა სეკდენბერსა და მერმეღა შემდგომად
Line of edition: 12    ოცდაორისა დღისა წარვიდა სახიდ თჳსად, ესე იგი არს ოცდამესამესა
Line of edition: 13    დღესა; და ოცდამეხუთესა დღესა მუცლად იღო ელისაბედ. და კუალად იტყჳს
Line of edition: 14    ვითარმედ "თქუენ შორის დგას, რომელი თქუენ არა იცით და არცა მე ვიცოდე
Line of edition: 15    იგი. გარნა რომელმან მომავლინა მე მრქუა ვითარმედ "რომელსა ზედა
Line of edition: 16    იხილო სული ღმრთისაჲ გარდამომავალი და დადგრომილი მის ზედა, იგი არს,
Line of edition: 17    რომელმან ნათელგცეს თქუენ სულითა წმიდითა". რომელსა მიზეზისათჳს იყო
Line of edition: 18    იოვანჱსი იგი მოსლვაჲ იორდანედ? ამისთჳს, რამეთუ ყოველი იგი ერი იორდანესა
Line of edition: 19    მიკრბა და ყოველნივე იგი ველნი სავსნე იყვნეს მომავალთაგან ქალაქებისაგან
Line of edition: 20    და დაბნებისა. და რაჟამს უფალი ჩუენი იესუ ქრისტე მოვიდოდა იორდანედ,
Line of edition: 21    ყოველსა ერსა უჩუენებდა და ყოველთა გამოუცხადა მაშინ ღმერთი. არა
Line of edition: 22    თუ იოვანე კარად-კარად ვიდოდა და უთხრობდა და არცაღა სავსებასა მას კაცთასა
Line of edition: 23    კიდეთა იორდანისათა ჴელისპყრობით კრებულსა შორის შეიყვანებდა, არამედ
Line of edition: 24    შორის მათსა მდგომარჱ უჩუენა, და მამისაგან წამებითა იოვანჱსი იგი ქადაგებაჲ
Line of edition: 25    დამტკიცნა.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.