TITUS
Keimena II
Part No. 77
Previous part

Chapter: II  
Line of edition: 25       II. და იყო შფოთი დიდი შორის მწიგნობართა მათ და ფარისეველთა და
Line of edition: 26    იტყოდეს: "განგუაგდების ჩუენგან ყოველი ესე ერი მოლოდებითა იესუ ქრისტჱსითა".
Page of edition: 99   Line of edition: 1    და ეტყოდეს შემოკრებულნი იგი იაკობს: "გევედრებით შენ, დააყენე
Line of edition: 2    ერი ესე, რაჲთა არა შეუდგენ ქრისტესა; შეგივრდებით, დააყენე ერი ესე,
Line of edition: 3    მოსრულ დღესასწაულსა ამას ვნებისასა; რამეთუ ყოველნივე გერჩინ შენ და
Line of edition: 4    ჩუენ მოწამე ვართ, რამეთუ მართალი კაცი ხარ და თუალთ ხუმით არარას
Line of edition: 5    იქმ. აწ დაარწმუნე სიმრავლესა ამას ერისასა, რაჲთა არა სცთებოდიან შედგომითა
Line of edition: 6    იესუ ქრისტჱსითა. და ყოველი ესე ერი და ჩუენ გერჩით სიტყუათა
Line of edition: 7    შენთა. და აწ აღჴედ გოდოლსა ამას ტაძრისასა, რაჲთა უაღრჱს შჩნდე ყოველთასა
Line of edition: 8    და ადვილად ისმინონ ჴმისა შენისაჲ სიმრავლემან ამან ერისამან,
Line of edition: 9    რომელნი პასექისა ამისათჳს მოსრულ არიან, ჰურიანი და წარმავალნი!" და
Line of edition: 10    დაადგინეს წმიდაჲ იაკობ ფარისეველთა და მწიგნიბართა ზედა გოდოლსა
Line of edition: 11    მას ტაძრისასა და ჴმაყვეს მისა მიმართ ერთბამად და თქუეს: "მართლისა
Line of edition: 12    მაგის, რომლისადა ჩუენ ყოველნი მოწამენი ვართ, დამორჩილებულ ვართ, ხოლო
Line of edition: 13    ერი ესე სცთების შედგომითა იესუჲს ჯვარცუმულისაჲთა. აწ გჳთხარ განცხადებულად
Line of edition: 14    იესუჲსთჳს!" და მან აღიმაღლა ჴმაჲ თჳსი და ეტყოდა მათ: "რაჲსა
Line of edition: 15    მკიცხავავთ მე იესუჲსთჳს, ძისა კაცისაჲსა, რამეთუ იგი თავადი არს იესუ
Line of edition: 16    ქრისტჱ, ძჱ ღმრთისა ცხოველისაჲ, და იგი ზის მარჯუენით მამისა და განმზადებულ
Line of edition: 17    არს ღრუბლითა მოსლვად და მიგებად კაცად-კაცადსა საქმეთა მათთაებრ!"
Line of edition: 18    და მრავალნი მორწმუნენი ეწამებოდეს იაკობს, ღაღადებდეს და იტყოდეს:
Line of edition: 19    "ჵსანა ძესა ღმრთისასა!"

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.