TITUS
Keimena II
Part No. 79
Previous part

Chapter: IV  
Line of edition: 7       IV. და მახლობელად მათვე დღეთა შინა ვერსაპიანოს ვინმე, განსაკჳრვეელი
Line of edition: 8    კაცი, მოვიდა და მოიცვნა ჰურიანი. ესრჱთ გამოუცხადებდა სიმართლესა
Line of edition: 9    ნეტარისა იაკობისსა, და ჰურიათაგანნისცა ბრძენნი ადიდებდეს მას და
Line of edition: 10    იტყოდეს ვითარმედ "ამისთჳს მწრაფლ მოიცვა იერუსალჱმი ვერსაპიანჱს მიერ,
Line of edition: 11    და არათუ სხჳთ ვინაჲ იყო მათა შემთხუევაჲ იგი, არამედ მისთჳს, რამეთუ მიმიყვნეს
Line of edition: 12    ჴელნი მათნი მართლისა მის ზედა წადიერებით". რომლისათჳს იოსებცა
Line of edition: 13    წადიერ იქმნა და დაწერა ესრჱთ: ესევითარიმცა შემთხუევაჲ შეემთხუევის ჰურიათა
Line of edition: 14    შურის საძიებელად იაკობისთჳს მართლისა, რომელი იყო ძმაჲ იესუჲსი,
Line of edition: 15    რომელ არს ქრისტჱ, რამეთუ მართალი იგი და მართლმადიდებელი მოკლეს
Line of edition: 16    ჰურიათა". და ესევითარი ესე შემთხუევაჲ შეემთხჳა ნეტარისა მისთჳს და მარღლისა
Line of edition: 17    იაკობისა ჰურიათა, რომლისა უწინარჱს კათოლიკეთა ებისტოლეთა
Line of edition: 18    დაიწერა. და ესე არს წამებაჲ იაკობისი, რომელი წინაჲთ იქმნა ეპისკოპოს და
Line of edition: 19    დაჯდა საყდარსა წმიდასა ქალაქსა იერუსალჱმს, რომელი წოდებულ იყო ძმად
Line of edition: 20    უფლისა და მართლ საქმითა თჳსითა. რომლისაჲ არს დიდებაჲ, მამისა და
Line of edition: 21    ძისა და წმიდისა სულისაჲ, აწ და მარადის და უკუნითი უკუნისადმდე. ამჱნ.



Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.