TITUS
Keimena II
Part No. 83
Previous part

Chapter: IV  
Line of edition: 17       IV. სხუათაგან უწყებათა ვიწყოთ ამიერითგან და ძ(რ)წოლით მიგითხრნე
Line of edition: 18    თქუენ ვნებანი, რომელ მოიწინეს ზედა წმიდათა,უფროჲს ხოლო წმიდისა
Line of edition: 19    ამის და წარჩინებულისა სერგისისა, რამეთუ ესე უფროჲს ყოველთა ბრწყინვალე
Line of edition: 20    იყო; ვითარცა მთოვარჱ, აღსავსჱ შორის ვარსკულავთა, ესრჱთ გამობრწყინჴდა
Line of edition: 21    შორის ყოველთა წმიდასა მოკლებასა შინა ჭეშმარიტებისასა ჟამთა მათ
Line of edition: 22    უშჯულოთა, და განანათლა ყოველი სოფელი სათნოებითა თჳსითა. რამეთუ მას
Line of edition: 23    ჟამს იგავ ექმნნეს და გინებანი ეტჳრთნეს ნათესავსა ქრისტეანეთასა და მიუთხრობელნი
Line of edition: 24    ჭირნი, რომელ მოაწინეს ზედა სოფელსა, და მწარჱ იგი ჟამი, რომელ
Line of edition: 25    დადგა ჩუენ ზედა, -- სატანჯველნი იგი განრისხებულთანი და სწავლაჲ იგი,
Line of edition: 26    რომელსა უწყალობით ჰყოფდეს სიმჴეცჱ მეფეთაჲ და მაჳლი ჴრმალთაჲ. რამეთუ
Line of edition: 27    ბრძანებაჲ სასტიკი მეფეთაგან გამოვიდა ქრისტეანეთა ზედა და სიკუდილი
Line of edition: 28    მიუთხრობელი, რომელ მოაწიეს ზედა ყოვლადძლიერთა მოწამეთა. ანუ რომელნი
Line of edition: 29    სატანჯველნი მწარენი დაუტევნეს მტერთა მათ ჭეშმარიტებისათა და
Line of edition: 30    ძჳრძჳრნი გუემანი ღმრთისა მბრძოლთა მათ? რომელნიმე შიმშილითა და წყურვილითა
Line of edition: 31    დასაჯნეს, მერმე სიკუდიდმდე, და რომელნიმე თავდამოქცევით დამოჰკიდნიან,
Line of edition: 32    და სხუათა შენადგამნი მჴართანი დაჰჴსნიან, ქუემდებარეთანი, და
Line of edition: 33    ესრე დაყარნიან. და სხუანი დაკლნიან, ვითარცა ცხოვარნი, და რომელნიმე
Line of edition: 34    განხერხნიან შუვაოდენ, და სხუა(თა)ნი განჴურიტნიან ბრჭალნი, და სხუათა
Line of edition: 35    დაუმუსმარმიან წჳვნი უროჲთა, და ესრჱთ ძჳრძჳრად აღესრულებოდეს წმიდანი
Line of edition: 36    იგი. და სხუანი ეკიდნიან ცერითა ფერჴთა მათთაჲთა, და რომელთამე სამშჭუალნი
Line of edition: 37    თითთა განაწონიან და რომელთამე ჰგვემდიან კუერთხითა ეკლოვანითა,
Line of edition: 38    და სხუანი მოსრნეს მახჳლითა. და ესრჱთ შეიმკვნეს წმიდანი იგი გჳრგჳნთა
Line of edition: 39    დაუჭკობელითა მადლისაგან და შეწევნისა ზეგარდმოჲსა მჴსნელისა ჩუენისა
Line of edition: 40    იესუ ქრისტჱსაგან, რომლისა არს დიდებაჲ უკუნითი უკუნისადმდე. ამჱნ.



Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.