TITUS
Keimena II
Part No. 91
Previous part

Chapter: 2  
2


Line of edition: 8       ესე ნეტარი საბა, ზეცისა ქალაქისა მოქალაქჱ, მამულად იყო ქუეყანასა
Line of edition: 9    კაბადუკიაჲსაჲ, დაბისა მეტალასკენისაჲ, რომელი არს საბრძანებელსა ქუეშე დედა-ქალაქისა
Line of edition: 10    კესარია კაბადუკიაჲსასა. ვითარცა ადგილი არმათემი შეურაცხ იყო
Line of edition: 11    და უჴმარ და ამისა შემდგომად განითქუა ყოველსა ქუეყანასა, რამეთუ გამოვიდა
Line of edition: 12    მიერ ღმრთისა-მიერი ყრმაჲ სამოველ, ეგრეცა აქა ნეტარი საბა. რამეთუ
Line of edition: 13    მამა-დედანი ესხნეს მას ქრისტეანნენი და აზნაურნი, რომელთა სახელი ერქუა
Line of edition: 14    იოჰანე და სოფია. ვითარ გულის-ხმა ვყავთ შობისა მისისათჳს, იშვა იგი მეფობასა
Line of edition: 15    თეოდოსისსა ათშდჳმეტსა (წელსა). და იყო მამაჲ მისი მჴედარ და წარავლინეს
Line of edition: 16    იგი ალექსანდრიად გუნდსა თანა ისაურელთასა, წარიყვანა ცოლი
Line of edition: 17    თჳსი თანა და განეშორა იგი ქუეყანასა კაბადუკიაჲსასა. და დაშთა ნეტარი
Line of edition: 18    ესე, ნებითა ღრმთისაჲთა, სამღდელოჲ ჭაბუკი; და იყო ნეტარი იგი ჰასაკითა
Line of edition: 19    ხუთის წლისა, იყო რაჲ დაბასა თჳსსა მეტალასკენს მამულსა თჳსსა ზედა,
Line of edition: 20    ხუასდაგსა და სახლსა დედის ძმისა თჳსსა თანა, რომელსა სახელი ერქუა ერმიონ.
Line of edition: 21    და იყო ცოლი ერმიოსისი სახითა მედგარ, და სიბოროტესა მისსა ვერ
Line of edition: 22    დაუთმო ნეტარმან მან. და მივიდა იგი გრიგორისა, მამის ძმისა თჳსსა, რომელი
Line of edition: 23    ეშოვრა დაბასა მისსა სამით მილიონით, სოფელსა რომელსა ჰრქჳან
Line of edition: 24    სკანდო.


Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.