TITUS
Keimena II
Part No. 98
Previous part

Chapter: 9  
9


Line of edition: 17       იყო ვინმე ძმათაგანი მონასტარსა მას შინა ნათესავით ალექსანდრიელი
Line of edition: 18    და სახელი ერქუა იოჰანე, რომელი მრავალსა ჟამსა ევედრებოდა და აწყინებ
Line of edition: 19    და ნეტარსა თეოქტისტეს, რაჲთამცა განუტავა იგი ალექსანდრიად, რამეთუ
Line of edition: 20    ესმა სიკუდილი მამა-დედათა თჳსთაჲ და რაჲთა განაგოს მამულ-დედული მისი,
Line of edition: 21    მონაგები კეთილად; და ევედრებოდა რაჲთამცა განუტევა მის თანა ნეტარი
Line of edition: 22    საბა, ვითარცა ღირსი და სარწმუნოჲ და შემძლებელი შრომისაჲ. ხოლო ნეტარმან
Line of edition: 23    თეოქტისტე იოჰანჱსი იგი ვედრებაჲ ისმინა და ბანუტევა აბბა საბა
Line of edition: 24    მის თანა ალექსანდრიად. და ვითარცა შევიდეს იგინი ალექსანდრიად და ეძიებდეს
Line of edition: 25    მამულსა მას მონაგებსა იოჰანჱსსა, იცნეს მუნ ნეტარი საბა: სოფია, დედამან
Line of edition: 26    მისმან, და იოჰანე, მამამან მისმან, რომელსა გარდაუცვალეს სახელი კონონ.
Line of edition: 27    და ესენი, რამეთუ ბრძანებასა ქუეშე ისაურელთასა იყვნეს, მოუჴდეს მას
Line of edition: 28    და ეტყოდეს: "იქმენ ხუცეს გუნდისა ამის!" ხოლო მან განიშოვრა იგინი და
Line of edition: 29    ჰრქუა: "მე მჴედარ ქმნულ ვარ ყოველთა ღმრთისა და მჴედრობისა ჩემისა დატევებად
Line of edition: 30    ვერ ძალ-მიც. უკუეთუ ვინმე განმაშოვრებდეს ამას მჴედრობასა ჩემსა,
Line of edition: 31    გინათუ მშობელნი ჩემნი, გინა სხუაჲ ვინ, არავისი ვისმინო, რამეთუ დადგრომილ
Line of edition: 32    ვარ ამას აღსაარებასა, ვიდრე აღმოსლვადმდე სულისა ჩემისა". და რაოდენი
Line of edition: 33    რაჲ უყვეს მას, ვერ შეუძლეს ნეტარსა მას დაჴსნად მისა და დაყენებად
Line of edition: 34    მათ თანა. მოსცემდეს მას ოცსა დრაჰკანსა საგზლად, ხოლო მან არა თავს-იდვა;
Line of edition: 35    იხილნა რაჲ იგინი ფრიად შეწუხებულნი, სამი დრაჰკანი მოიღო, რაჲთამცა
Page of edition: 146   Line of edition: 1    განჰრკუნნა იგინი. და გამოვიდა მწრაფლ ალექსანდრიაჲთ ნეტარი საბა
Line of edition: 2    და მის თანა მოყუასი მისი უიოჰანე. და ვითარცა მოვიდეს იგინი მონასტრად,
Line of edition: 3    მისცნა სამნი იგი დრაჰკანნი დიდსა თეოქტისტეს.


Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.