TITUS
Liturgia Iacobi (versio I)
Part No. 33
Previous part

Paragraph: 33.  
Line of edition: 1    მღდელმან ესე ლოცვაჲ წართქუას:
Line of edition: 2    ღმერთო, რომელი დიდ ხარ და საკჳრველ, მოგვხედენ
Line of edition: 3    მონათა შენთა, რაჲმეთუ შენდა მოგჳდრეკიან თავნი
Line of edition: 4    ჩუენნი, მოყავ ცხორებისათჳს ნათესავისა კაცთაჲსა
Line of edition: 5    ყოვლად ძლიერი ჴელი შენი და მკლავი შენი მაღალი,
Line of edition: 6    რომელი სავსჱ არს კურთხევითა, და აცხოვნე ერი შენი
Line of edition: 7    და აკურთხე სამკჳდრებელი შენი, რაჲთა ყოველსა ჟამსა
Line of edition: 8    გაკურთხევდით შენ მხოლოსა ცხოველსა, ჭეშმარიტსა
Line of edition: 9    ღმერთსა წმიდასა სამებასა ერთარსებასა, სამებასა წმიდასა.
Line of edition: 10    ამაღლება: რაჲმეთუ შენდა შუენის ყოველთავე
Line of edition: 11    დიდებისა შეწირვაჲ, პატივი და თაყუანის-ცემაჲ მამისა
Line of edition: 12    და ძისა და წმიდისა სულისა, აწ და მარადის და უკუნითი
Line of edition: 13    უკუნისამდე
Line of edition: 14    ერმან: ამენ.
Line of edition: 15    თქუან ყოველთა სამჯერ: იყავნ სახელი
Line of edition: 16    უფლისაჲ კურთხეულ ამიერითგან უკუნისამდე.
Line of edition: 17    დიაკონმან: მშჳდობითა ქრისტესითა დავიცვნეთ.
Line of edition: 18    ერმან: სახელითა უფლისაჲთა, უფალო, გუაკურთხენ.
Line of edition: 19    მღდელმან ლოცოს, ჯუარი დასწეროს, და
Line of edition: 20    საკურთხეველადვე მიიქცეს და თქუას:
Line of edition: 21    დიდებაჲ მამასა და ძესა და წმიდასა სულსა, აწ და მარადის
Line of edition: 22    და უკუნითი უკუნისამდე, ამენ.
Line of edition: 23    დიაკონმან: უფლისა მიმართ ვილოცოთ.
Line of edition: 24    ერმან: კჳრიელესონ.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.