TITUS
John Moschus, Leimonarion
Part No. 92
Previous part

Chapter: A1  
Page of edition: 85  
Line of edition: 4     1. ძმაჲ ვინმე მონაზონ იქმნა და განუყო ყოველი მონაგები
Line of edition: 5     თჳს[ი] გლახაკთა, და დაიყენა დაბაჲ ერთი კეთილი თავისა თჳსისათჳს.
Line of edition: 6     და ერისა კაცი ვინმე Ms. page: 690r  შერაცხილთაგანი ეტრფიალა დაბასა
Line of edition: 7     მას და მრავალ გზის ევედრა ძმასა მას, რაჲთა მიჰყიდოს იგი,
Line of edition: 8     გინა თუ სხუაჲ მისცეს ნაცვალად მისა. ხოლო მან არა ინება. და
Line of edition: 9     ერისკაცი იგი იქმნა მთავარ მას ქუეყანასა და [ა]იძულა მონაზონსა
Line of edition: 10     მას დატევებაჲ დაბისაჲ მის, რამეთუ მრავალნი განსაცდელნი მოაწივნა
Line of edition: 11     მის ზედა. და ვითარცა იხილა ძმამან მან ჭირი იგი მრავალი
Line of edition: 12     და არაჲ პოვა, რომლითამცა ევედრა მას და არცა სხუაჲ ვინ
Line of edition: 13     პოვა, რომელიმცა შემწე ეყო მას, რამეთუ ყოველნივე მიიქცინა
Line of edition: 14     მთავარმან მან. ხოლო ამისა შემდგომად მივიდა იგი ბერისა ვისამე,
Line of edition: 15     რომელი დაყუდებულ იყო მათ ადგილთა, და იყო იგი განთქუმულ
Line of edition: 16     სათნოებითა. და მოვიდის მისა ძმაჲ იგი მრავალ გზის და ევედრებინ
Line of edition: 17     მას, რაჲთა მი-ვინმე-უვლინოს მთავარსა მას, გინა თუ მიწერროს
Line of edition: 18     მისა წიგნი, რაჲთა დააცადოს ჭირი მისი. ხოლო ბერმან
Line of edition: 19     არწმუნის მას, რაჲთა უკუნიქცეს სენაკად თჳსა და არა მიუშჳს.
Line of edition: 20        ვითარ იხილა ძმამან მან, რამეთუ ჭეშმარიტად მიუღებს დაბასა
Line of edition: 21     მას მთავარი იგი, მოვიდა იგი ბერისა და ჰრქუა მას: აჰა
Line of edition: 22     ერისმთავარი იგი მიმიღებს დაბასა ჩემსა, გარნა, ღმრთისათჳს,
Line of edition: 23     შემეწიე მე და მიწერე მისა, გინა მიავლინე. და ვითარ აიძულა
Line of edition: 24     ბერსა მრავლითა ვედრებითა, მიწერა წიგნი სახე ესევითარი მთავრისა
Line of edition: 25     მის: მონაზონი ამისთჳს Ms. page: 691r  იქმნის მონაზონ, რაჲთა არარაჲ
Line of edition: 26     მოიგოს, რომლითამცა უსამართლოჲ ვინმე უყო მას, ხოლო უკუეთუ
Line of edition: 27     მო-რაჲმე-იგოს, მოეღენ მას იგი, რამეთუ არა არს იგი მონაზონ.
Line of edition: 28     და დაჰბეჭდა წიგნი იგი და მისცა ძმასა მას. ხოლო მან არა უწყოდა,
Line of edition: 29     რაჲ წერილ არს მას შინა. და წარვიდა ძმაჲ იგი და მისცა
Line of edition: 30     წიგნი იგი მთავარსა მას. ხოლო მთავარმან მან მიითუალა იგი დიდითა
Line of edition: 31     პატივითა და ამბორს-უყო მას. და ვითარ აღმოიკითხა,
Page of edition: 86   Line of edition: 1     ჰრქუა ძმასა მას: უწყია, რაჲ წერილ არს წიგნსა ამას? ხოლო მან
Line of edition: 2     ჰრქუა: რაჲთა დაუტეო დაბაჲ ჩემი. მაშინ დაუკჳრდა მთავარსა
Line of edition: 3     სათნოებაჲ ბერისაჲ და მოუწოდა ყოველსა კრებულსა და ბრძანა,
Line of edition: 4     რაჲთა წარიკითხონ წიგნი იგი წინაშე მათსა. და მიერითგან არღარა
Line of edition: 5     მიაქცია დაბასა მას მთავარმან მან სიკეთისათჳს ბერისა. ამის
Line of edition: 6     გამო გჳკჳრს ჩუენცა გონებაჲ იგი კეთილი, ვითარ-იგი მან მიწერა,
Line of edition: 7     რომელსა შინა არა იყო ყოლადვე ვედრებაჲ, და დააჯერა მას
Line of edition: 8     დატევებაჲ დაბისაჲ მის.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.